مكسّرين في حميدتي!! بقلم سهير عبد الرحيم

01:23 PM May, 20 2019

سودانيز اون لاين
سهير عبدالرحيم-السودان
مكتبتى
رابط مختصر

بمجرد أن تقول لك إحداهن أنا راضية أكون زوجته الرابعة، تأكد حينها أن الأمر تجاوز مرحلة الكسيّر الى مرحلة الدشدشة والإدمان .
تلك كانت ونسة الكثير من الفتيات في الفترة الماضية، فجأة صار قائد قوات الدعم السريع محمد حمدان دقلو الشهير بـ(حميدتي)، فارس الأحلام، والزوج المرتجى والأمل المنشود، وصار أيقونة البروفايل لعدد من الفتيات والرجال على حد سواء.



المفارقة أن أولئك الفتيات -وأعرف الكثير منهن- على قدر كبير من الجمال والعلم والثقافة، ومن الأسر باذخة الثراء، لم يترددن في الجهر بإعجابهن بالرجل ورغبتهن في الزواج منه. وبقدر ما تفاجأت بإعجابهن الشديد بحميدتي، بقدر ما تساءلت في نفسي حميدتي فيهو شنو بعجب ؟؟.
هل يستقيم أن تُعجب إحداهن بأي رجل لمجرد النفوذ والثروة، أم أن الأولوية تكون دائماً لسحر الشخصية وجاذبيتها وقدرتها على التأثير، ام أن الرجل يمتلك كل ذلك وأنا التي في عيوني رمد؟ ..!!
بالمقابل أيضاً ارتفعت أسهم الشاب الدكتور محمد ناجي الأصم القيادي في قوى الحرية والتغيير في بورصة الفتيات، حتى انتشرت الكثير من الفيديوهات للفتى جميعها تلخص حالة من الهيام والوله به .
وما بين الرجلين، انقسم إعجاب النساء والفتيات على حد سواء، فأصبحت هنالك مجموعتين مجموعة المكسّرين في حميدتي ومجموعة الهائمات بالأصم .



الملفت في الأمر، إننا ومنذ وقت طويل، لم نعش تجربة السياسي الملهم او خاطف قلوب العذارى، ولا أذكر في القريب أني سمعت بواحدة معجبة حد الوله بالرئيس المخلوع البشير او علي عثمان او نافع او قوش او أياً من الوزراء والولاة السابقين.
افتقدت الحكومة السابقة للرجل ذو الكاريزما القوية والحضور الآسر، فكان أولئك السياسيين أقرب الى تجار الخردة، تقف معهم وأنت متأكد أنك لن تبيعهم شيء ولن يشتروا منك شيء، فتصبح المعاملة جُلها لامبالاة ولا اهتمام ولا فائدة ولا إعجاب.
الآن أصبح ميزان الإعجاب بحميدتي، يتأرجح كلما عنّت تفلتات وأشارت أصابع الاتهام الى قواته، وكلما شعر الرجل باهتزاز الأرض تحت قدميه، يخرج في تصريح مباشر وبلغة بسيطة ليحاول استعادة أراضيه.
ينجح الرجل مرة ويفشل مرات، وذلك لمرارات لن يكون زوالها من السهولة بمكان .
خارج السور
تحتاج الكثير من النساء لإعادة فحص لماهية الإعجاب بالرجل، فلا يكفي أن يكون وسيماً او أن هنالك مقصاً يلمع متوهطاً على كتفه.







alintibaha

(مكسرين)..ولا (مكسرات) ؟!

النصيحة ما شفت واحدة خاتة ثورة الرجلين ديل في بروفايلها!

يا آمنة سلام ، سهير دي ما عندها موضوع، و عندها مرض التمسح في النجوم، تذكري كلامها الفارغ سابقا عن لقائها مع محمد وردي، و حكاية خاتم الذهب، و خفيفة : قبل أيام أخبرها محمد زكي عن موضوع الصادق و على طول "الجقة"، تلمعت و رمت الثوب بعيد، و لبست فستان فتاة عشرينية و قامت جارية، يا حاجة سهير أخجلي شوية!!!
و واضح الآن أنها مكسرة في حميدتي، أحسن تقوليها واضحة!!!

يا آمنة والرزيقي... اعذروا سهير.. هي قاصدة (مكسرات رمضان) من بندق، وقمردين، ولوز وجوز..!!

قر قر قر قر...

(بشاشة ده شكيناه لي الله العلمنا القرقرة...)

الشغلانه ما جديده يا بت الناس
واحده من زميلاتك الاعلاميات كانت على قدر كبير من التعليم والسماحه اسمها مين كده عبد العال
كانت مكسره في نفوذ وثروة السياسي الملهم الفاتح عزالدين الذى ذهبت اليه في البرلمان ورب رب رب رب اصبحت الزوجه الرابعه للسياسى الميكانيكي

و واحدة تانيه من زميلاتك الاعلاميات اسمها تسابيح كانت متيمه ومهشمة في سياسي ختمي لا يقل اناقه عن الاصم ولا يقل ثراء عن حميدتى ورب رب اوقعتو فى حبالها وحبلت منه


و واحدة ثالثه من زميلاتك الاعلاميات اسمها نسرين كانت مدشدشه في معتمد امدرمان لفحت توبها ومشت ليهو ونصبت شباكها ورب رب زلقتوا ووقعتوا فى حبائلها وعقدت قرانها عليهو وخطفتو من زوجتو واولادو


و واحدة رابعه من زميلاتك الاعلاميات على قدر كبير من التاهيل والثقافه كانت مكسرة في معتمد الكاملين و رب رب رب ازاحت زوجتو الاولى و أحتلت السرير مكانها


الاخت سهير عبد الرحيم المشغوله بحميدتى و الاصم من الواضح انها لم تتفحص في السابق الساحه الاعلاميه السودانيه بشكل جيد و لم تستفيد من طموح وتجارب زميلاتها الناجحات
وما تزال الفرصه امامها وعلى بعد خطوات منها لو نجحت رادارتها فى التقاط ذبذبات و مكان اختفاء عبد الرحيم اللمبى
و الوصول اليه والاختلاء به لتكتب كتابها عليه و يرزقها الله القسمه و النصيب و المال و العيال
وتحتفل و معها كل الاعلاميات و الاعلاميين و السياسين بزواج العصر و قران القرن بين اللمبى عبدالرحيم و سهير عبدالرحيم

مكسور جناح

شكلك مكسور.. يا الليمبي.. هههههههه
ما فاضل ليك إلا تحط ايميلك وتلفونك ...

من محاسن الثورة السودانية.. كشفت جمال كنداكاتنا.. فتبوأ السودان خطوة لأمام إقليميا ودوليا.. حاصة الموسيقى والموسيقى الوطنية..

أعتقد أن السودان تغير كثير. .. ولا مكان لأمثال سهير عبدالرحيم.. وهي على فكرة من إنتاج صحيفة التيار لعثمان ميرغني.. ومعاها الداعشية شمائل النور..

ومدرسة عثمان ميرغني الصحفية.. تدربك كيف تأكل المهلبية وأنت سيد نفسك!! قر قر قر

قومو لثورتكم يرحمكم الله.. ومبروك لحميدتي لو عرسها... لكن الأصم.. صعب يعرسها.. فهو أصغر منها..

مع تحياتي

شوقي

عليك الله يا شوقى اخوى شوف محن الزمن
انا اسمى عبدالرحيم و مكتول فى سهير بت عبدالرحيم وانا احق بها
عشان اسمى بيشبه اسمها و عشان بحبها حبا جما و يحب ناقتها بعيرى

لكين اجارك الله يا شوقى سهير المره الفاتت ادتنا شاكوش تقيل فى نص نافوخنا
و مشت جرت و اتكسرت وكنكشت في البنغالى

و هسع ما صدقنا سهير فكت البنغالى من هنا جات رب رب مسكت
فى صاحبك حرامى الدهب بتاع جبل عامر بى ايدينا اللتنين
ناقة سهير ترغى رغاء حزينا بالليل والنهار هياما وحبا فى بعير حميدتى
سهير مدشدشه للطيش ومكتوله في حوش تاجر الحمير

صدق من قال ان الحب اعمى
وصدق منه من قال ان الحب ارعن
خصوصا حب الحريم للحمير

Quote: صدق من قال ان الحب اعمى وصدق منه من قال ان الحب ارعن خصوصا حب الحريم للحمير

أعمى شنو يازول ؟؟ اظنك عايش في عصر قيس وليلى وجميل بثينة..تعلم من الألمان...

ِيا الليبمبي .. دي سنة الحياة.. وسهير دي مفتحة..

في واحد ألماني قال لي (بناتنا لغاية عمر 24.. يعيشون الحب لشوشتهم.. "واتا" ما بيفوت عليك.. الغرام والسهاد .. ومشتاقين حتى الشبع اليااااااهو!!)
وأضاف: (بعد ال 24.. بيفتشو "المستقبل".. زول رايق ومقرش، .. عندو مهنة مرموقة، ورحلات في الصيف ، وبيت وعربية...) وما مشكلة العمر .. بيزنس عديييييل!!

دكتور ألماني (فوق الخمسين) .. كانت حصة المحاضرةفي نظرية العرض والطلب demand and supply عشان يقرب لينا النظرية قام خفف دمه..(معظم الحاضرين بنات!!) شبه النظرية بالعلاقة ما بين الرجل
والمرأة.. "عرض وطلب" .. وقتها كنت بعقلي السوداني.. زععععععلت وزعلللللللللت .. وزعلتتتتتتت .. قمت شاكلتو..عدييل!!

حسي.. ههههههه ندمان أنو شاكلتو .. طلع كلامو صحيح.. حسي.. عقلي سوداني وين... ألماني عدييييييييييل!!

وإليك النظرية الألمانية في المرأة:

ما قبل ال 24.. المهم قوة الموتورولا... (راجع مقالات سهير في الفياجرا)
ما بعد ال 24 .. المهم "الجيب".. (؟؟؟؟؟.... منتظرين العديل والزين!!) حميدتي عندو منجم دهب.. زي موسيفيني كده!!

رمية على طريقة الفاتح جبرا:
1. بعيرك ده عمرو كم.. ؟؟؟
2. حسابك في البنك.. كم؟؟

مع تحياتي..

[} يجازيك و يجازي محنك يا شوقي و تراني ماني
ختيان عليگ . بي كدا ح ترجعونا تاني لغلوتية خطوبة
«گرعين سهير»، بعد قربنا ننساها؛ يوم أن حسبت الحمامات
لجة فگشفت عن ساقيها لذاك البنغالي البريء، لزوم التشطيف
و كدي. و كمان شايف صاحبك اللمبي جايب لينا سيرة حبگان
الحريم للحمير ؛ و لكن شكلو بالأحرى قاصد يقول: «سبابي
الحمير في سوق المواسير» قالت گاريزما قال.ياخ قوم لف.

¶ مسمار في جدار الأسوار:
[} و أضيف للمبي ، إني ما متأكد إنو واحدة صحفية جقة
و «شلابة» من زميلات خالتو سهير المخضرمات ، بل أظنها
هي عينها كانت ناشرة لينا في المنبر دا هنا خبطا صحفيا مدويا
گابة فيه إنبراشة حد الدشدشة و سيلان لعاب و گسير تلج للطيش؛
و گمان مزودة المحلبية و السرتية متقنا بي «گوزين» غولاد ، لامن
مشت تشابي لكاريزما أسياس أفورقي بتاع أريتريا . يعني بالعربي
الفسيخ گدي ، الشغلانة جابت ليها نظام «شلب عابر للحدود»!

يا ود الأصيل..

كدي فرق يا ود الأصيل بين حاجتين .. بين "المستلزمات المهنية" .. ومابين "حاجات حامياني"...
1. حسي شركات الطيران لي شنو.. بيشغلو "بنات سمحات"" .. مضيفات.. (كل شركات الطيران بتعمل كده .. ما عدا سودانير مضيفاتهن قردات وبالواسطة بس!!)

أما حكاية "شب عبر الحدود" .. فدي فكِّر فيها كده..
2. حسي الأمريكان سحبو جنودهم من الإمارات لي شنو؟؟؟ وممنوعين من السياحة في الامارات ..لي شنو؟؟؟
السبب "الروسيات السمحات"... في دبي.. صواريييييخ أرض ارض ....الخوف يجندو الجنرالات الامريكيين كجواسيس

3. ليه الشغالات في الدعاية والإعلان لازم يكونو سمحات..؟؟
عشان يصطادوك تشتري السلعة.. موش؟؟

4. ليش قناة الجزيرة والحدث والعربية .. يشغلو مذيعات ... سمحات موت مووت موووت ...مووووووووووووت!! (الله يجازيهم!!)
يا ود الأصيل ما تظلم ... سهير.. وتخرب خطبة أخوك الليمبي لسهير ...

شوقي

[} شوقي يا صاحب، تعرف رغم شوقي ليگ في كل المواسم
و الفصول، أصلن ما اتوقعتك تلبي و تجيني راجع بالسرعة دي.

[} بالعكس ، كنت متوجساً خيفةً من خالتو تگون شايلة في خاطرها
حبتين ، تقوم تطنقر لتقيم الدنيا بوجهنا فلا تقعدها من هبابنا القلناه في
حقها لمجردإنها عبرت بكل أريحية عن عطفها الجياش تجاه حتة( سبابي
حمير بسوق اامواسير) و بقدرة قادر أصبح في رمشة عين رجل دولــة.
[} عمومن ، ليها مني شخصياً العُتبى حتى تستغيث مني بالرضا ؛ و شرطن
يكون عربون رضاها توافق على خطوبة عريس غفلتنا عمك اللمبي المدشدش
في غبار كريعاتا بخلاف ظن عشمو فيها بأنو موش زي قران أبو الدرداق للقمرة .

[] علا تعال كدي نسعلك آجنا، إنا حتى لو خالتو سهير دي فصلت - و دا شيء
بالموناسبة وارد جدن بدليل السكات علامة الرضا ، أها صاحبنا اللمبي الواحد دا
المعروف لحد اللحظة إنو مكلبش بأحفظ مالك و هداك مجدوع و حدانيفي كوبر؛
فكيفَ و أنَّى للجولكين أن يجلس مع الجقة دي في كوشة جوة زنزانة. دي تعرف
يا مان ، تكون أيقونة عَرَصات القرن؛ و ح نسميها « زفاف خلف القضبان».

يا شيخ حميدتي أسمع كلامي ده كويس. ولله أن لك لناصح .قبل كده في نفس المنبر ده نصحت عمر البشير وعلي عثمان طلعوا علي( المحامين) بتاعنهم في المنبر ده وقالوا ود الفحل ألفاظه كعبة

يا جنرال حميدتي شكلك ما قاعد تقرأ المشهد كويس. الانحياز للشعب ما بكون كده. بعدين التصريحات العفوية دي ما بتنفع إنت بقيت بقدرة الشعب ده رجل دولة. أحسن ليك احفظ العبارة دي ( تصريحاتي أخرجت من سياقها )

ح نسمعها قريييب . تصدق

دفع الله والرزيقى اتو ناس حاسدين ساهى
الغزاله سهير ما جقه يا مفترين
واتا يا الرزيقى الظاهر ما عارف جقه ذاتا معناها شنو
الجقه صفه جميله ومديح ما نبز يا خوى
الجقه هى الناقه كبيرة الضرع وفيرة الحجم طاعمة اللحم
وبعدين الخدرا سهير ما سمينه ولا حاجه بس ماليه هدوما لو كانت فساتين ولا تياب سويسريه
المصيبه انو حميرتى كحل صورة مقابلتا مع الصادق المهدى
و شافا مبتسمه ولافه طرحتا و لابسه اخدر ولونا اخدر
طوالى حرامى الحمير جا جارى يتخفف و يغنى +++ الزول الاخدر كان شفتوا بخدر
لكين والله العظيم وقسما عظما ما نخليها لى الحرامى
لو يدفع مهرها دهب جبل عامر ويجيب معاه جبل مره وجبل احد وجبال مكه والمدينه
+++++++
انا بكره الصباح بدرى بسوق معاى اختى امنه مختار دى وااسطه خير
و بقعد اتفن لى سهير تحت قدميها فى الارض زى ما سوا البنغالى
وبتكسر حتى مرحلة الدشدشه واتحول الى بودره وازوب كالشامبو
و ببكي وبنوح وبصيح تحت كرعينا الشـوفـتـن بتـريح
و كمان بسمعا الوصف الجميل الكتبو فيها عكير دامر المجدوب

أخدَر ليهو ضُل فوقو المحاسن شرّن
وأفلج فاطرو زي برق السواري الكرّن
يتقسّم مقاطع في المشي و يتحرّن
زي فرخ القطا الأماتو ركّن و فرّن

وعلى الرغم من اننى انا عبد الرحيم اللمبى لست وسيما يا سهير
وليس عندى رصيد من الذهب بثقل جبل عامر ولا مقصا ذهبيا يلمع على كتفى
الا اننى متاكد بان سهير لن تخزل عبدارحيم ولن تصده مكسوفا محنوف الوجه

هههههه
حليل البنغالي وحليل تشطيفو
قالو البنغالي لحدي هسع بتاوق وفوطتو تحت اباطو😊

[[}اسمع يا لمبي إتا يا محنوف الوجه . لازم تفهم إنو
زمانك فات و غنايك خلاس مات . و مد لينا گرعينك على
قدر لحافك. إتا هسي مرمي رمية الكلب الأكل الدريش خلف
قضبان زنزانة ما و راء الشمش؛ و قاعدين يقولو في كوبر، دا
(على الأقل ، السامعنو و المفروض طبعن، لو ما يكونو ممسگننا
ضنب التور ساي!!)؛. و كمان إتا داير تخت راسك براس «الحميرلاي»
ظعيطتي و معيطتي حمدان دقلو على سنة و رمح . عمومن سيبك
گدي من عگير الدامر و تعال نوريگ التشبيه الضمني دا عند حبوبتي
بت ود التاي لمتل حالة تعلقك بي جقة رافعة قزازا في السما اللحمر:
الهدم المهيرت ما بينفعو الرافي،،،
و كضااب من يجيب محنة الحافي.
[} علا كمان أصبر لي النسعلك . هي أتاريها هي على الطبيعة خدار؟!
نان و تيب من وين جايبة صفار مندكورو لون المنقة يا الشايل المنقة دا.
و لا تلقاها حاجزة ليها جردة بوماستك من بوهيات المهندس يكفي لطمس
معالم عربية مسروقة؛ تخمش منو يوماتي نظام قدر ظروفك تجلط وشها
و مخلية بالي جلدا نظام إسگت و بلوزة ( گارينا ما تبارينا).
[} مسمار في جدار الأسوار:
إذا كان الحظ سبق و ابتسم مرة للبنغالي داك لدرجة قفل عليها
و فضل گلما يطرولو حاجة يسأل: أين هي من « گرعين سهير»
فلتفطع عشمك يا لمبي؛ لأنو الحظ سوف لن يگشم مرتين .

حسي يا ود الأصيل القال ليك منو أنو الليمبي.. مسجون ورا القضبان؟؟؟؟؟؟؟؟؟

هسي ده ما كلام الثورة المضادة زاتو.. الما دايرة راسين في الحلال... (والله صحي!) (((افتقدنا عاطف ود عمر... الزول ده يكون ادوه تكليف جديد.. ولاّ يكون عيان؟؟؟ هههههه)))

حسي كلامك ده يا ود الأصيل إسقاط ذهني وبيفضحك... عقلك الباطن شغاااال .. مغروم بسهير... أحسن ليك تعترف.. وبطل شغل الجداد الالكتروني

وتاني تفهم... سهير بتحب الجنرالات... والليمبي ده جنرال... شنو جاب حميرتي بالجنرال الليمبي...؟؟ حسي الحلفاويين دخلو الخط.... وقررو العصيان المدني..

إتا ما سمعت بالمظاهرة الطلعت في حلفا ورافعين شعار... (إيك دوللي سهير ...!!)

حميرتي ليلتو سودا............




ء

[} و الله ياها ترا بقت علينا حگاية الخيل تجقلب و التشطيف لي {حمدان}.
نحن بجاي صابنها لسانا ممدود شبرين من العطش و بهناك گسير التلج شغال.

[} شوف يا شوقي بالله بطل شغل المديدة حرقتني . أنا ما بعرف من الرطانة علا كان ناس: ( مسكاغنا و أمانغ أررري و إسسي غتا) و بث خلاث. علا گلام
أهلنا الحلفاويين الفوق دا أكيد بكونو قاصدين خالتو «سهير/النعجة دوللي»

[} ثم تعال هنا، جداد الكتروني أنا يا ما تخليني أقول ليك يا ديك المسلمية :
بهناك لسة مدلدل فوق حبل الغسيل يعوعي لصلاة العصر ،ةو بهنا يكشنولو
في بصلتو. و لا كمان مالك من ديك/ تا/ تور البطانة داك: قالو شغال رقيص فوق النار ولعت و بي قلبي بطفيها، لامن ختفوها منو خلولو خشمو ملح ملح.

[} تشطيفة:
¶قال دقلو قال. ياخي قوم لف.. دقلك بلا يخمك.

يا اللمبي يا صاحب الوسامة والحضور والجاذبية واللغة الرفيعة
شووف خطيبتك سهير كاتبه فيك كلام سمح بلحيل بنطبق عليك

Quote: > أهم ما يميز الوزراء في كل العالم، الحضور والكاريزما والجاذبية والوسامة واللغة الرفيعة، والمواكبة وسرعة البديهة في الرد. > نحن في السودان ابتلينا بكل أصناف البشر، العوير، والدلاهة، والعبيط، والمختل عقلياً، والنرجسي، والموهوم، والساذج، والأشتر، والمزاجي، والماعنده موضوع، والعاوز يبقى زول على حسابنا. خارج السور > عندما يعلن التلفزيون عن مؤتمر صحفي لأحد الوزراء، أدير الريموت مباشرة للبحث عن أحد أفلام (كيفين هارت). سهير عبد الرحيم الانتباهة

يا لمبى يا اوسم وزير فى تاريخ السودان خلاس المواصفات الطالباها سهير تنطبق عليك
ونقول ليك مقدما مبروك عليك خطوبة سهير
وانا بصفتي مأذون شرعي جاهز هسع لكتب الكتاب
اما الحاسدين ناس ود الاصيل وناس شوقي حا نعلق ليهم خرزة زرقاء لي شوقى
وخرزة خضراء زى خضرة سهير وبلوزة سهير لي ودالاصيل

[} تعال هنا يا مأذون الحيرة إتا. أولن حاجة شرعن لينا
گلامك دا ظاطو ما (موزون) .فگدي حدد لينا الحميرلاي
دا محلو وين من الأعرابي حسب أصناف خالتو سهير.

[} أكان للدلاهة محجوزة لعمك طه التمرجي و دا مو فاضي
ليها، من زمانك انسلخ مننا و شتت بقى بودي غارد لبن سلمان
و كايس اللحم الأبيض المتوسط؛ و سمعنا كمان قالو عرس الوزيرة
الموريتانية الاسما الكناسة و لا الولادة بت المستشفى ما عارف.

[} و كان للكاريزما و الوسامة بصراحة الجنا البقولولو الأصم
دا يرمي في الشوك. و لكن المفارقة خالتو دي ممكن بتلدو في
في آخر بطانا فقول ليها يا حاجة دا بالذات تشميهو قدحة.

[} علا برضك يا غتيت مالك ما سعلتني ليه شبهت خالتو
سهير بالنعجة دوللي. بقولك ، لأن بيناتم وجه شبه موبالغة،
و بي قاسم مشترك عظيم جدن جدن. فالنعجة دوللي طبعن
فارقت گوگبنا من زمن و هديك عايشة في المريخ؛ و الجقة
خالتو حتها عايشة فوق هناك ؛ علا لاگين بس مع وجود قرينة
لفظية مانعة من وقوع المعنى المراد أي: التطابق التام گوقع
الحافر على الكافر ، ألا و هي إنو دوللي معلقة في الفضاء
بدمها و لحمها و شحمها؛ لكن خالتو سهير دي مجرد وهمة
و تهويمات خيال علمي « Science Fiction » ليس إلا.


}

خلاص يا مأذون شرعي... نحن جاهزين.. أنا وود الأصيل.. نبقى شهود لعقد جوازة سهير من الليمبي. ودي بطاقتي الشخصية جاهزة...!!

ود الأصيل أثبت أنو ما داير سهير... شايفو زعل من الفكرة.. واتهمنا بنطبخ مديدة حامية

عشان كده لازم نراضيهو... لو داير يعرس حلفاوية بالحيل... ولو داير ألمانية والله تب.. بالحيل....!!

أكيد بناتنا الألمانيات أحلى من سهير.. جمال طبيعي.. وما بيستعملو بوهية المهندس...

[} يجازيك يا شوقي ود أبراهيم. دي نكتها لي من وين؛ اللهم إني صايم.
و لو إنو الفرنسيين حسب غيرتم من الألمان كان بدرسونا في ثقافتم إنو:
« Les Almagnes Savent Etre Belles» , يعني أصلن ماهن جميلات ؛
بس بعرفن گيف « لا يكذبن و لكن يتجملن». دي جبتها ليك بمناسبة أصباغ
بوماستك المهندس. لكن نحن مصرين على قولة عمنا علي اللحو إنو ياخوانا
الجمال صحي موجود في كل مكان؛ لاكين الجمال الأصلي في السودان ؛ و
انتو كان رقتو أنا بوصف الشفتو : شفت الشعر نازل ليييي حنتو التحتو.
يعني ياهو نظام كل زول عاجبو الصارو؛ و الجعرانة في عين أمها صيدة.

[} طبعن، نحن شعب بسيط جدن لدرجة تقول: غبي و
لمَّاح. ففي مهابشاتنا دي هزل صحي؛ و لكنه نقد لاذع لا يخلو
من تناولٌ رمزيُّ على طريقة إياك أعني و اسمعي يا جارة لحال
كل من يركبن موجة خفة العقل ، ضارباتٍ بكل أصالة قيمهنَّ عرض
الحائط . و فيه شيء من سيريالية الساقية لعمر الدوش ، للنبش في
كثيرٍ من ظواهرنا النشاز و المتغاضى و مسكوت عنها في زحمة الرحيح
خلف الشهرة. الضحاكات رغم تفشي ظاهرة ( تبديل خلق الله) و فطرة
الله التي فطر الناس عليها.. و لعلك نجحت إلى حد كبير في محاولة
ذكيةٍ منك لقراءة في ما هو مخفي خلفَ أسوار و أستار سطورنا.

[} كذلك ، في گلامنا ما يمكن إدراجه ضمن ملفُّ التحقيقات بشأن الكثير
المُثير من حالت الشلب المُقَنَّعة و هي خشوم بيوت. إذن و قبل أن نغادرَ
باحة مكتب تحقيقات ال FBI و في طريقنا إلى حيث كل قردٍ يطلع جبلو،
فقد فتحت مؤشر راديو فرنسا الدولي France Iner.على ال FM ، لتدقش
سمعي حكمةٌ بالغةٌ , أضحكتني حتى شرقتني فأسالت لُعابي، ثم أبكتني حتى
أجهشتني بالبكاء ، جاءت عفويَّةً على لسان بعض تلامذة مدرسة العمو فولتير النموذجية التذكارية ، ضِمْنَ برنامج Mama ma dit أي: (أمي قالت لي)،
و مفادها باختصار گالآتي:-
(Une femme sur quatre est trop maquiée, comme une voiture volée)؛
[} أي ، ما يمكن ترجمته بالعربي الفسيخ على أنه : من بين كل أربع سيداتٍ فُضْلَيَاتٍ على ظهر كوكبنا حيث يجاورنا بالميت 7 ميلارات نسمةً ، يأكلون و يشربون و يطلعون زي الناس ، كالأنعام بل هم أضل، حيث توجد واحدة على الأقل ، مدهونةً أو بالأحرى أنها ملتوخةً بتلالٍ من طلاء البوماستك ، ما يكفي و يزيد لطمس معالم خلقتها تماماً فيجعلها كالعربة المسروقة ، و قد اجتهد اللصوص على تمويه شكلها. و ليست خالتو سهير و صويحباتها بدعا منهن.

[} ثم قلتُ لنفسي بعد أخذ نفس عميقٍ: اللَّهم لا اعتراض في حكمك،
فهذا يعني أنو ربع ساكنات كوكبنا الأرضي فقط من بنات حواءَ يعتبرن
مصنفراتٍ أو مضروباتٍ بطبقة بوهية كشا مشى (طامسةٍ) لمعالم ما
أفسده العطار و أكل الدهر عليه و شرب من تجاعيد و گعابير لدى گل
شمطاء متصابية. علا برضو نرجع نقول: يا زول لو حسبناها كويس،
بنلقاها نسبةً ما بطالة و أمة مُحمَّدٍ لا تزالُ لسة بصحةٍ وعافيةٍ.

يا ود الأصيل.. تحياتي..

قليل من السخرية .. مع الأصدقاء والمعارف.. والسخرية من النفس.. وتقبل كل ذلك ..من مطلوبات الصحة النفسية..

الزول اللي ما يتقبلها بيكون rigid and vulnerable and fragile

سريع العطب... وفاشل في حياته ...

عموما أنا طلبت من بكري أعمل خيط باسمي.. وأنت مدعو مع الليمبي والرزيقي واللخو .. كدي نشوف ابداعاتكم..

التعليقات في المقالات شحترتنا...

حسي "حميرتي" مزعلني جدا ..تخيل الزول ده امبارح كان مع ابن سليمان.. اظنو صارت عندو طيارة خاصة..

وفراسة عبد الغني بريش صدقت فيهو.. لكن أميز عنوان للدكتور عبد الله علي إبراهيم .. آخر مقالاته بعنوان..

حميدتي: فيلم ودخلناه البطل لا يموت.. !!

غايتو الخوازيق اللي ركبها الترابي في السودان كثيرة ..

الله لا يغفر له.. الله لا ريحو في قبره.. قول آمين..

مع تحياتي

شوقي

تسلم شوقي إبراهيم يا صاحب السجن.
و يلا إيدنا على كتفك؛ أرمي لينا خيتك دا ،
خلينا ظاطو نفك ضهر الجقة دي گفاها و نختا
حتتا دي گاتمة زاتو لامن معتتة. يلا نشوف غيرا.
[} و گان للهالك الترابي و من لف لفه منذ مجيئهم على
ضهر دبابة الإنغاز و حتى مروق مخرجات حمارهم الوطني
فقد قلنا فيهم ما لم يقله أبو حنيفة النعمان و أبو نواس
گلاهما في أم الگبائر. عنواين ما تديك الدرب ، من قبيل:
« خازوق.. عود عشر...» ، «جات الحزينة تفرح... » ،
«گانتا رتقا ففتقناهما»، « علوق حمار العمدة» ؛ و گان
للحميرلاي سميناه :«سبابي حمير في سوق المواسير»
و هلم جرا. و أهو الناس بتقرأ، و لكن بلا تفاعل يذكر.

كدي ادينا رأيك في الفيديو ده....

ههههههههههههههههه
حميدتي لما وصل مطار جدة السعوديين سألوهو عندك أي طلب نحنا تحت امرك
حميدتي قال ليهم انا ما زول دنيا وطالما وصلت بلد الاسلام عندي طلب واحد عاوز اكون واحد من العشرة المبشرين بالجنة
الملك سلمان قاليهو : ابشر يا زول انا بكلم الجماعة يشطبو ليك واحد من المبشرين ويسجلوك مكانو.


في قصر الضيافة سألوه
يا حميدتي احكي لينا عن اغرب موقف مر بيك في حياتك
حميدتي قال ليهم: انا ومرتي المستقبلية سهير عبدالرحيم خطوبتنا تمت في يوم واحد.

[} معناتا يا شوفي لو جاطت ، تاني عاد علا
نضطر نستغيث بدعم گتايبالضل و الداوعش؛
نبقى يا أبزيد گأنك ما غزيت. غايتو ربك
يگضبالشينة و يجيبو قوي؛ و لاگيف؟!!.
[} يعني خالتو زولتك مدشدشة و ربالتا سائلة فوق
فهم و طلعنا نحنا الماسكين في ضنب الديك/ تا/تور.