نار الشارع بقلم د.صيدلي/جعفر محمد عمر

04:02 AM December, 22 2018

سودانيز اون لاين
جعفر محمد عمر حسب الله-الحاج يوسف -Sudan
مكتبتى
رابط مختصر

لهبت لهبت نار الشارع ..
سارع أملأ مكانك سارع ..
المظلوم في حقو بصارع ..
أنحنا بدينا ..
إتجمعنا وجينا ..
من جوة الريف ..
من كل مدينة ..
أول خطوة شهيد ..
أول خطوة عديلة ..
دم قبال العيد ..
دم لي بكرة جميلة ..
دم ملايين ..
دم تكوين ..
دم رشاهو شهيد ..
في كل وريد ..
غضب ونشيد ..
لي فجر جديد ..
لي شعب سعيد ..
دم ينادي الناس ..
يزيده حماس ..
يعلي الهم ..
نلم أطرافنا نتنظم ..
ونتحزم ونتقدم ..
ما نهتم ..
يشنق مين ..
يشنق كم ..
يسجن كم ..
ونتحزم ونتقدم ..
نصارع الهم ..
نصارع نصارع ..
نعيد للشوارع ..
شبابه القديم ..
هتافه وقتاله ..
وصراعه العظيم ..
أطبا ومدارس ..
كمنجة وبلنجة ..
قصيدة وطبنجة ..
ورصاص العساكر ..
تشيل الشهيد ..
تسالم الصديق ..
وتواصل الطريق ..
صباحنا البعيد ..
قرب شديد ..
بكرة الفرج ..
بكرة القيامة ..
بكرة يا يوم القيامة ..
نتحلا باكر بالسلامة ..
نتلمي باكر بالسلامة ..
نتلمي في بيت الكرامة ..
والربة جد ..
جبنة في كل بيت ..
حنة في كل يد ..
الهمبريب نسامه جاك ..
أوع الخدر ..
خلي الحزر دائما معاك ..
أوع تعيد ..
اوع يسرقوا العيد ..
شد الضراع ..
لسه الصراع ..
شيل الفأس طق الراس ..
طقو شديد ..
باشد بـأس ..
هد القديم ..
من الأساس ..
حق البلد ..
ولد الحساب ..
ما يقول برد ..
ما تقول شرد ..
مثقال ذرة ..
أيوه لازم يٌسترد ..
عارفك خبير ..
صاحب مراس ..
للجديد غرق شديد ..
ارمي ساس ..
أربط هناك ..
صب عمود الإرتكاز ..
خليك هنا دايما معاي ..
قوي الثبات ..
خلينا دايما خد وهات ..
دايما سوا نشيل سوا ..
نبني سوا ..
سودان جديد ..
سودان سعيد ..

سودان جديد
العزة ليهو ..
باسم الشعب سلام ..
باسم الشعب بداية ..
قرارالشعب الليلة ..
قراره يشيل الشيله ..


ديسمبر2018م