من حقنا نغني لشعبنا ارحكاكم بقلم صديق أبوفواز

08:54 PM January, 21 2018

سودانيز اون لاين
صديق ابوفواز-
مكتبتى
رابط مختصر

شن المعنى جيب غندور وشيلة نافع
وتغيير الملاية الفوق لحاف الشافع
لعبة صفرجت يخفض براهو الرافع
قلب المرتبات بعد البلل مو نافع
~محمد طه القدال👆

علي المنوال : 👇

وشن المعني جيب سجمان وشيل غندور
والمستقبل. الجنب القبور محفور
الشعب المرق وقال العصابه تغور
مابرجع يسلم. امرو. لي. طرطور

الفجر المرق مابتمنعو الدبابه
والصبح إن شرق ما اظن تعيقو ذبابه
الطغمه الطغت وفكت علينا كلابا
راجين النبيح يرعب اسود الغابه

البلد الفتح كل الٱزقه شبابا
والناس النيام صوت الحناجر جابا
حان زمن الحشود والنازحين وغلابه
حان زمن النشيد فلتصدح الربابه

شن المعني طرد ايران وجية الروس
وتعيين فرتكان خايب الرجا المتعوس
كفانا هطالة اللمبي الملتنا مغوس
كفاها عصاية الكهنه الملاها السوس
كفاها عصابة اللهط الهواها فلوس
الدوكه انكفت. ولسع. مصره. تعوس

طارق اللمين
٢٠ يناير٢٠١٨

وشن المعنى رفض الجوع والغلاء الفاحش
ونحن المن زمان مقهورين بي حثالة داعش
وايش يعني الزعل عشان ميزانية الرماد الطافش
والكلام ممنوع والزعل مكبوت بي كلاب النظام الهابش

ومتين تهدر رعود سما الخرطوم والهامش
عشان تنصف المظلوم وتهزم كل فكر متغابش
تخلق شعبا جميل وكريم في وطن متعايش
وتبقى الموية والنيران والشدر ملكا لي جميع يا عايش

لا تصدقوا التخدير وهرطقة الجداد الهايش
لا ود البشير لا بكري لا وليد عثمان الدايش
ينفعوا يرفعوا الكبة السببوها براهم من زمانا فاحش
النضم ليك يا ترب ماريل وماضي العزة تب مو طايش

صديق أبوفواز
٢١ يناير ٢٠١٨م

( أرحكاكم) و كِتنا راح!!
تلك جملة أشبه ب:- ( عزة قومي كفاك نومك.. و كفاك دلال يومك!) مع الفارق بين المستعمر ( العدو العاقل)
و بين نظام فاشستي جاهل!