الزار – الميدان - الظَهَر بقلم جمال أحمد الحسن

04:25 PM January, 22 2017

سودانيز اون لاين
جمال أحمد الحسن-
مكتبتى
رابط مختصر

– الرياض 3 أكتوبر 2009م
أحبَّتِي الكرام... سأتكلَّم عن هذا التُراث الفلكلوري كظاهرة إجتماعية جميلة كانت موجودة في مناطقنا... بعيداً عن رأي الدين فيها شنو... عشان ما يجيني واحد متْنَطِّع يقول لي الحكايي دي حرام وبدعة و"شيخ الظهر" فعلتو وتركتو!!!
مدخل أوَّل.. الدواعِي والمُسبِّبَات...
إلتقيت أحد أطباء النفس وسألته عن حالة الزار والوضع النفسي فيه... وليش كان زمان حالات الميدان "إسم الزار المشهور عندنا هناك وأيضاً يُقال له الظَهَرْ" كثيرة والآن قلَّت... فقام قال لي تحليل عجيب خلاااااااااس... وربط لي الحكاية بالوضع الإقتصادي والإجتماعي وبالتالي السياسي الحاصل في البلد ... تحليل الطبيب النفس جاء كما يلي:
قال لي يا جمال زمان الحكايي كانت مَبَحْبِحِي (ودا المحور الإقتصادي في الشغلانيي)... البقَر تحلِب مع الضان... والشِدَرْ يقْنِتْ بُرتَكانْ.. والتمُر لامِنُّو كِيمَانْ...
أها كان في بعض الرجال يحبُّو يتزوَّجوا فوق حريمُن (ودا وضع إجتماعي بحت)... وطبعاً زي مُو معرُوف حالات الزار كانت منتشرة في العنصر النسائي أكتر... فتقوم الواحدة منَّهِن أوَّل ما تحِس زوجها القروش جرَت في إيدُو ونوى على العِرِس فوقها... تِدَّعي المرض وبما أنه ليس هناك مرض من أساسُو... فيقول الحُكماء "الأطباء" لزوجها الوليِّي دي علاجها مُو عندنا... شوف ليها شيخ ظَهَر!!! فالراجل دربُو عديييييييييل علي سعيد ود ماهل (كمثال يعني فشيوخ الزار كُثُر بالمنطقة) ودا حسب معرفتنا بشيوخ الزار يُعتبر شيخ شيوخ الزار في منطقة الشايقية...
وكتعريف بهذا الرجل العظيم، هو سعيد ود ماهل كان في منطقة المقل بحي (الكوانجي) بيتُو أول ما تدخل للكوانجي بعد خور الحسن بالشارع الفوق يجيك علي يمينك لا فوق من بيوت ناس الجعيلي وجنب ناس علي كسبة... وعاش آخر حياته بأُمبدة الرابعة... وانتقل في العام الماضي إلى رحمة الله... نسأل الله أن يغفر له ويرحمه ويكرم نزله ويسكنه الجنة مع الأبرار...
مدخل ثاني: مع شيخ الزار...
بعد ذهاب الرجل مع زوجته إلى شيخ الزار ومن شيوخ الظهر المشهورين في ذلك الوقت (سعيد ود ماهل في المقل، ود المُبارك شيخ الظهر في النافعاب، ود الباشا في الزومة وشيخ الهادي في القرير) يقرر لها العلاج سبعة ليالي... وتأتي مسألة الطلبات... تهِد جيب الراجل الزاغَت عِوِينَاتُو كيْتاً فيهو وتعلِّمُو الله من الملِّينِي اليجيب بيها ضرَّة فوقها!!! ونحن طبعاً شاهدنا وشفنا الحكاية دي يا الدكتور النفساني... بالجد الطربيزة التلقاها في "الكِيمِي" حقَّتْ الحضرة (محل دَقُّ الميدان) فيها مما تشتهي الأنفس... وطبعاً أي طلبات مُجابة حلالي... ودي يسمُّوها طلبات وِلاَدْ مَامَا... يعني أي شي ناقص فيها معناهُو العلاج ناقص وربما تكون النكسة أصعب من الأول...

يواصل الدكتور النفسي حديثو... أها بعد الراجل جيبُو ما اتمصَّر وبعد شويِّي كلما يكون في ميدان في محل الوليِّي شايْلِي شنطتها وماشي تحضر... ويوم الختمة ونزول البحر من العصر البدراني وكلما ما ينرفِزَها تقوم تهيج فوقُو ومرات مرات تطلب حاجات لي ولاد ماما... يعني مثلاً زي الفُوقها النصارى تطلب سجاير البنسون "تخيَّلو" لا البرنجي ولا أبو نخلة ينفعوا مع النصارى...
أها صاحبنا دا لمن الطلبات دي تقع فوقُو وفوق كدي المرقات والحرية التي نالتها زوجته بدعم ومُساندة أولاد ماما... تطيرلُو العرسة لا جنا الجنا ما يفكِّر فيها... ولسان حالُو يقول هُو دي وااااااااااحدي ساوِّي السُوَة دي كلها إتنين يمُرقِن راسي دا!!!
مدخل ثالث.. حلقات المِيدَان...
قبل الدخول في حلقات الزار وأهازيجه التي تُعرف (بالخِيُوتْ)... نلقي نظرة سريعة على مغنيي (دَقَّاقِي) الزار... ففي العادة كان لكل شيخ زار عدد من الدَقَّاقين... ولكن حسب ما أعرفه أن سعيد ود ماهل كان يقوم بالعمليتِين مع بعض الشياخة ودق الزار... بس ما عارف السر في الحكاية دي شنو؟؟؟
وإن لم تخني الذاكرة فقد كانت الحاجة نفيسة "من الزومة" تدُق لي ود الباشا وود العليقي.. وهناك عبد القادر من الكرو وكان ملازماً دوماً لشيخ الهادي "القرير" وتشاركه أيضاً حاجة "النعمة" من القرير... فقد رأيتها كثيراً في المقل ولها صوت جهوري يُسمع الفي بلد بي تِحِت... وإن كانت تختلف عن عبد القادر فيمتاز الأخير بصوت رخيم وقُدرة فائقة على إرضاء طلبات أولاد ماما من قِبَل المكَرِّمات "وهُنَّ المسبِّعات أي العَمَلَنْ حلقة زار سبعة أيام" ويحق لهن الرقص واقفات "يعني علي كِيفِن" عكس الما مسبعات فكُن يرقصن قعوداً "يعني بي هوزيز راسِن بس"!!!... كانت أيام جميلة وسيظل حكيها أحلى وذكرياتها أجمل...
طبعاً لكل واحدة من الحريم المسبِّعَات ديل مزاج عام... فمثلاً:
- واحدات فُوقِن النصَارَى ومن أمثلة خِيُوتِن...
سبعة مراكِبْ كُلَّهِن نَصَارَى شرابُن البيرَا والسيجَارة...
وكأني شايِفِن قدَّامِي هسع الواحدي لابسي برنِيطَة حمراء وتجَبِّدْ في سيجارتها...
- واحدات فُوقِن الحبش... ومن خيُوتِن...
حبَشِي مَامَا الحَبَشِي يا سلااااامَا الحَبَشِي...
وشعارِن قرمصيص أو شالة حمرااااااء فاقع لونها...
- واحدات فُوقِن العَرَبْ... ومن خِيُوتِن...
أحمد البشير يا الهدَنْدَوِي.. تُوبُو من حرِيرْ يا الهَدَنْدَوِي...
وشعارِن تُوب عرب وملفحة وعمَّةً كاااااربي...
- وواحدات فُوقِن الخواجات... ومن خيُوتِنْ...
خوَّاجَة لانْدُو.. خواجة لانْدو... خواجة لاندُو.. كل حاجة عِنْدُو...
وديل شعارِن كسكِتَّة وايضاً سيجارَتِنْ قصبَة..
- وواحدات فُوقِن الأسياد والشيوخ... ومن خِيُوتِن..
العرَكِيِّين يا اهل الله... ديل رِجال الدِّين يا اهل الله...
ومن شعارِن السبحَة...
- وواحدات كمان فُوق العسكَر... ومن خِيُوتِن...
بابُور مسافِر ملان عساكر... للباشا بيه...
ومن شعارِن لبسة عسكرية بي دبابيرها وصايِد كاب بي صقُر جديانُو...
كانت أيام والله...
يبدأ الميدان بعد صلاة العصر... بالخيت المشهُور...
أوَّل ما بدينا... علي الحبيب صلينا...
من زار رسولْنا الغالي... النُور شَلَع طوَّالي...
ويستمر إلى ما بعد صلاة العشاء... ويُختم... بالخيت المشهُور أيضاً...
اللِّيلي يا سيدي الحسَن... واللِّيلِي يا غُوث الزمَن...
ويكون قضى ناس البلد يوم جميل جداً... مع أهازيج الخيوت ورَنَّات "الطَشْ" -الذي كان يجيد الدق عليه عدد قليل من الشباب- ودوزنَة الكشاكيش...
كانت أيام جميلة بجد... وكانت:
.
.
.
البلد مبسوووووووووووطَة والحاكِمْ مَرِنْ...
لا حِشِّير ولا نِهِّير ولا ذماً عفِن...
وما سمِعْنَا زُولْ في رايُو ودُّوهُو السِجْن...
إلِّي زُولْ قبَضُوهُو نُصَّ اللِّيلْ يَكَبِّن...
# محمد ود حُمَّد إحمَدْ (الشايقي)






أبرز عناوين سودانيز اون لاين صباح اليوم الموافق 22 يناير 2017

اخبار و بيانات

التهامي يلتقى بالجاليات السودانية في مصر ويطلعهم على المستجدات في السودان

شعرة مُعاوية المُنقِذة المُهلِكة - التطرّف داخل جامعة مأمون حميدة بقلم أُسامة محمود

ادم عيسي ابراهيم حسابو امين اقليم كردفان ونائب رئيس حركة العدل والمساواة السودانية في لقاء صحفي مع

الحزب الشيوعي السوداني: أزمة البلاد عميقة ولن تحل برفع العقوبات

هيئة محامي دارفور تنعي أحد مؤسسيها الناشط الحقوقي الأستاذ النبيل/ محمد علي حسن قاسم (الفنان)

في مؤتمر صحفي بمنبر طيبة برس منظمة الشفافية السودانية تستعرض تقرير النزاهة الوطني

كاركاتير اليوم الموافق 21 يناير 2017 للفنان عمر دفع اللهعن المشروع الحضارى

وفد برلماني يزور واشنطن مطلع فبراير ويلتقي بالكونغرس

الاتحادي (الأصل) يهنئ ترامب ويأمل في رفع كامل للعُقُوبات

ضبط قوات تابعة لليوناميد حاولت تهريب أسلحة

السودان: دول أفريقية تحدد أربع جرائم على صلة بالهجرة غير الشرعية

سفارة جوبا بالقاهرة: تردي أوضاع الجنوبيين بمصر

حزب الأمة القومي يستنكر منع الحكومة الاحتفال بالمهدي في حوش الخليفة

السودان ينفي دعم أيّة جماعات مُتطرِّفة وإرهابية في مصر

المؤتمر الوطني: اجتماع باريس (تحصيل حاصل)

المقرر الخاص لحقوق الانسان يرحب برفع العقوبات الاقتصادية عن السودان

تحوّلت ليلة الحناء إلى مأتم وعويل طلق ناري يُنهي حياة عريس عشية زواجه بالروصيرص

الصين تلتزم بإتمام مطار الخرطوم الجديد

كوريا تتوقع انتعاش صادراتها مع السودان

إمام وخطيب المسجد الكبير بالخرطوم الش: باطن الأرض خيرٌ من ظاهرها إذا مسَّ التطبيع مع أميركا العقيدة

اراء و مقالات

عودة الوعي .. (2) بقلم الطاهر ساتي

تصفير العدَّاد أم تغيير العربة ؟ ..!! بقلم عبدالباقي الظافر

مساكين نحن !! بقلم صلاح الدين عووضة

آن الأوان للتفاؤل؟ بقلم الطيب مصطفى

الإنتقاص من الحقوق الدستورية مرة أخرى بقلم نبيل أديب عبدالله

لماذا رفعت الولايات المتحده الأمريكيه الحظر عن السودان ( 1 ) بقلم ياسر قطيه

واشنطون تظاهرات وحرائق تعترض مظاهر الفخامة ومراسم تنصيب الرئيس بقلم محمد فضل علي ... كندا

صحراء النقب المنسية فلسطينية الهوية وعربية الانتماء 2 صدى المهباش وصوت الربابة والماء في عمق البئر

معضلة التفكيك في فقه التغيير .. !! بقلم هيثم الفضل

ساسة اليوم لماذا لا يتعلمون المصالحة و الصلاح و الاصلاح من الخلفاء الراشدين ؟ بقلم احمد الخالدي

المنبر العام

الأستاذ محمود محمد طه أعدم ظلما وكفى

افخم مبني حكومي في السودان : مدير جهاز الامن يتفقد اكاديمية الامن العليا(صور)

الى عناية الكاتبة ليزلي ليفكو

الحكومة رابطة ليها اسبير

برافو للجيش الغامبي هكذا يكون الانحياز للوطن

إحباط

داون داون يو اس ايه وخيبر خيبر يا يهود

صحي انبهلت في الطيران يا ود الباوقة؟؟؟

ليثُ البصائرِ

عهد ترامب ..!

لماذا ضاقت نفوس النساء؟ هل حان وقت الرحيل: دعوات فض عقد الزواج

روايتي (التعاريج) عن دار اوراق للنشر..!

عبدالحفيظ ابو سن

حركة الاصلاح الآن تحذر الحكومة من التضييق على الاسلاميين(صور)

لاتنسوا "قطر"..وإحذروا "مصر"...وافتحوا ابواب الإستثمار لليهود الأمريكان.

يا كبر .. بتعرف الأغنية دي ؟

ذو الفقار حسن عدلان الخروج من باب الإبداع (خبر الرحيل الحزين)

السيالة وابن إدريس .. ورحلة العلم القديمة

ثورة النساء اليوم حول العالم و ذكرى ثورة نساء فرنسا ...التحية لكن جميعا

مصر توسط السعودية لدى السودان لوقف مطالبته بحلايب وشلاتين لأسباب محددة.

Google Translate App ... إبداع جديد من قوقل ... ( فيديو تعليمي لإستخدامه )

مئات الآلاف من النساء يشاركن في مسيرات نسائية في واشنطن ومدن أخرى حول العالم ضد الرئيس الأمريكي دون

Trump presidency: a setback for climate change agenda؟

داون داون يو إيس إيه حق الكيزان (فديو)

تراجي تتلب من فوق وحرامي حمير يبقي لواء !!