أخْلاقُنا وأخلاقُهم!!! بين الإمام الحسن ومروان بن الحكم!!! (1-3) بقلم جمال أحمد الحسن

02:15 PM January, 01 2017

سودانيز اون لاين
جمال أحمد الحسن-
مكتبتى
رابط مختصر

كثيرٌ منا لا يستوعَب ولا يكاد يُصدِّق ما وصل إليه الإنحطاط الأخلاقي والسلوكي في عهد الدولة الأموية خصوصاً وأن كثيراً ممَّن عايَش هذه الحقبة هُم من الصحابة الكِرَام رضوان الله عليهم... ولكن الواقع المُؤلِم يقُول ذلك... وللأسف الشديد يقُول ذلك!!

منذ أن تناوَشَت سهام الغدر والخيانة أمير المُؤمنين وفارس المشرقين أبي الحسنين عليه السلام ثُمَّ بدأ سبَّه ولعنه على منابر الدولة الأموية... تماشت مع هذه الحادثة وبالتوازي كمان نوعين من الأخلاق... أخلاق نبويَّة مُصطفوية إنسانيَّة وأخلاق أموية شيطانية عُدوانية!!! فلينظُر كلٌ منا أين يصطَف... وبمَ يقتدِي ويهتدِي..

خليفة المُسلمين الراشد الخامس سيدنا الإمام الحسن، كان من شدَّة ما يتحاشَى أن يسمَع شتم أبيه عند ذكره الكريم... دائماً ما يحتمِي بأُمه الزهراء عليها السلام... فكان يقُول الحسن بن فاطمة!!!

- مروان بن الحكم كان والي معاوية على المدينة وكان يسب الإمام علي كل جمعة على منبر رسول الله صلى الله عليه وآله وسلم!! عشان كدي الإمام الحسن ما كان قاعْ يجي يحضر خطبتُو... يقعُد في حجرة جدو لامِن الخُطبة "بي سبَّها ولعنها" تنتهِي وتبدأ الصلاة يجي يصلي ويتخارج!!! ومن المآسي التفقَع المرارة عند سماعها –بَرْضُو- أن يؤُم المُصلِّين زي مروان بن الحكم في أمةٍ فيها ما فيها من الصالحين والعُرفاء أمثال سيدنا جابر بن عبد الله الأنصاري وعبد الله بن عمر وعبد الله بن الزبير وعبد الرحمن بن أبي بكر ومحمد بن أبي بكر وعييييييييييييييك!!!

- أها في يوم من الأيام مروان "فَكَرْ" للحكايي دي... أظنُو وهُو يخطب لاحظ إنو الحسن ماااااااا موجُود!!! واتخيَّلُّو –البعيد- إنُّو الشتائم دي مااااا قاعْ تصلُو شي...

- أها قام بَعَتْلُو واحد من ضِنِيبَاتُو بي "مُرسال" فيهُو شتائم "فيك وفيك وفي أبوك وفي أبوك"... راوي الحديث "الحمد لله" ما ذكرها وُبَرَكة الما ذكرها كانت تزيد القلب حسرة والنفس غمَّة!!! وبي قِلَّة أدبْ وسفاهَة قال ليهُو (ماااااااني شايِفْ لي ليك مثيل غير "البغلة" يقُولُولها أبُوكِي منُو... تقُول ليهم أُمي الفرس)!!!!! وطبعاً اللبيب من غير تفصيل يكُون عرفوُ عاوز يصف بكُل خُبث الإمام الحسن بي شنو وأمُّو السيدة الزهراء بي شنو وأبُوهُو الإمام علي بي شنُو؟؟؟!!! والعياذ بالله من السفاهة وقلة الأدب!!!!!

دا جزء من الأخلاق الأموية...

أها النمشي لي قدام ونشُوف الهدي النبوي القويم تجَلَّى كيف...

الإمام الحسن أول حاجة ما عاقَب (المِرِيسِيلْ) الأموي باعتباره عبد المأمُور!!!

نمرة اتنين شُوفُو ردُّو كان كيف؟؟؟!!!

قالُّو كدي أمشي لي مروانك دا وقُول ليهُو الكلام دا:

(أنا أصلي ماب أرُد عليك شي من الكلام القُلْتُو دا عشان ما أمحُو عنك ما ارتكبته من ذنب –حتى لا تُحَاجِجْني يوم القيامة عند رب العزة- وتقُول ليهُو زي ما أنا شتمتُو هُو شتمني!!! وموعدي وموعدك اليوم داك... إن كُنت صادق... الله بي يجزيك بي صدقك وإن كنت كاذب فالله أشدُّ نقمة!!! وُبس)

................

المُتابِع للحوار السابق دا.. أكيد إندَهَش وُقَهَّ وفتَح خشيمُو وشَهَق كمان!!!

إنتُو الدُنيا دي الحصَل فيها شنو؟؟؟

أهل بيت النبي يُسبُّوا ويُلعَنُوا عيني عينك كدي... على منابر الجُمعة كمان؟؟؟!!!

طيب الصحابة البايعِين رُوووحُن لي الله وأسَّسُو دعائم الدين دا وينُنْ؟؟؟

ماهُن شايفين الفَوضَى الحاصلي دي.. وُدُورُن شِنُو كان في المَعْمَعَة دي؟؟؟

التساؤلات المنطقية المُحَيِّرَة دي نحاول نفِك طلاسِمها في الحلقة القادمة بإذن الله بين سيدنا جابر بن عبد الله وسيدنا أبو هريرة بي جيهَة وبين مروان بن الحكم من الجيهة التاني!!!

.
.
.
# عن كعب بن عُجرة رضي الله عنه قال: قال رسول الله صلى الله عليه وآله وسلم: (أُعيذُك بالله من إمارة ِ السُفهاء، قال وما ذاك يا رسول الله؟؟

قال أُمراء سيكُونُون من بعدي، من دخل عليهم فصدَّقهُم بكذبِهم وأعانَهُم على ظُلمهم فليسُوا مني ولستُ منهم ولن يردُوا عليَّ الحوض...

ومن لم يدخُل عليهم ولم يُصدقهم بكذبهم ولم يُعنهم على ظُلمهم فأُولئك مني وأنا منهم وأُولئك يردُونَ عليَّ الحوض)...






أبرز عناوين سودانيز اون لاين صباح اليوم الموافق 01 يناير 2017

اخبار و بيانات

مركز السودان المعاصر: في الذكري ال 11 لمذبحة اللاجئيين السودانيين بالقاهرة؛ ضلوع مصري غير مباشر في

مساعد رئيس حركة تحرير السودان (مناوي) ابوعبيدة الخليفة في حوار مع صوت الهامش

الجبهة الوطنية العريضة والحركة الشعبية لتحرير السودان يدعون لقيام مركز موحد للمعارضة

الحكومة: الحركه الشعبيه لتحرير السودان قطاع الشمال يلعب على كرت خاسر

أسامة عوض الكريم-أميركي من أصول سودانية مستشارًا لوزير الخارجية الأميركي

أسرة فاطمة أحمد أبراهيم تنفي شائعة وفاتها

إمام وخطيب المسجد الكبير بالخرطوم الشيخ كمال رزق يدعو الشرطة لضرب أوكار الرذيلة في ليلة رأس السنة

كاركاتير اليوم الموافق 31 ديسمبر 2016 للفنان عمر دفع الله عن عمر البشير و عام ٢٠١٧

اراء و مقالات

والحرب الآن هي «...»! بقلم أسحاق احمد فضل الله

أولاد الحكومة..!! بقلم عبدالباقي الظافر

لا فائدة !! بقلم صلاح الدين عووضة

بيننا والسلوك الحضاري! بقلم الطيب مصطفى

ما بين صوماليتا وصومالاتدي بقلم بدرالدين حسن علي

الجنقو في الميزان .. رؤية نقدية (2/2) بقلم ابراهيم سليمان

هذه الجريمة لاتسقط بالتقادم في مصرالذكرى (11)!! بقلم عبد الغفار المهدى

المنبر العام

“وهج الشفق”.. أول مسلسل سوداني يقتحم الشاشة السعودية

البشير بمنح وسام الامتياز من الطبقة الأولى للحاجة عوضية عبده عبدالله (عوضية سمك)

كل عام والجميع بخير

بابا نويل 2017 يقتحم ملهى ويحوّله إلى حمام دم 88 قتيلاً وجريح(صور)

أمهات فجعتهن الإنقاذ فى فلذات أكبادهن

اعتذار الشفيع غير مقبول ولا يستحق أن يشكر عليه

تيه بدلالك وانفرد

كل سنه وانتو طيبين وتامين ولامين يا بوردراب

الي المدعو. عمر ودالباوقة

بنك الأيام-أسعد الجبوري

توضيح هام من قناة العصيان المدني.. الشاب البطل مصعب الضي من السعودية.. فيديو

مَزجُ تلاطُمٍ

الكُعُوبِيِّي!!!

الكتابة التي تقول لا في وجه نعم!

ورد التهاني ... شعر هاشم صـــــديق

" أمير ياسين"توقيت رحيلك غير مناسب يا اشجع المبدعين ولكنه أمر الله

يا بعض أعضاء نقابة الأطباء بايرلندا ، لمذا الإصرار على الالتقاء بسفير النظام فى ايرلندا ؟