ما بفتخرْ كل الفَخِرْ لا لَيْوْ أساس لا لَيْوْ سندْ كل الفَخِرْ مبغوض من الواحد الأحدْ لكني بعتز بالبلد لكني بعتز بالأهل بالحلة بالناس اللطاف شايلين بعض قالدين بعض ماكلين سوا طالعين نفير مادين إيديهم للبعيد كان بالكتير كان بالقليل والكل عفيف ما بخلوا بيناتم ضعيف من غير فَخِرْ: لا بقولوا نحن أهل كرم لا نحن أفضل ناس على وش الأرض لكنهم من عزهم ما بهابوا شي غير ربهم لا بسووا حاجة تذلهم وكل دعاي وكل مناي أسعد واكون أنا منهم *** ما بفتخر ما بنتحر بالفَخْرِ إبليس انطردْ كل الفَخِر لا ليو أساس لا ليو سند لكني بعتز بالبلدْ لكني بعتز بالأهل لمّا الأهل يبنوا البلدْ يسقوها من دمَّ العمل لما البلد تخضر حنان تتلقّى بالأحضان جميع أهل البلد -------- *نسخة معدلة