قول وجرّح أفضح وصرّح انت أصلك ماضي مجروح وباقي مفضوح في البويتات والروادي وفي الجرايد من زمان ود مروّح سوس وساسة بِفِتّوا في عود الوطن وبَفْتوا بفقه العواسة كل تنبل ليهو قنبور ماهو داري مابين حلمنا وبين عشمنا بين دقيقنا وبين وقودنا بما توهّم من كياسة بايع وشاري منشور موقع أو مصدّق مُنزل ومختوم الرئاسة ما إنتو أسياد نحن تابع إلا قبّال تبيعونا في سوق النخاسة نحن الشعب نحن الحقيقة وكما الحقيقة بِقَتْ حريقة عليها أسعار مابتتبلع بَقّتْ في كل دار العاقبة لـ قصر الرئاسة