وساتكلم عن نفسى شخصيا وازعم ان الحياد هنا خيانة اصلية لمصر وللمصريين رغم ما نالنى من سخاميط من دراويشه الذين هم اكثر سيساوية من السيسى وهذا لوحده يحتاج علاج
واقول انى معارض لجزء كبير من سياسات السيسى الحالية ولى مشاكل جمه مع سياساته واعارض بموضوعية ووضوح لصالح مصر واحصرها لكى الخص رءوس الموضوعات
1- الشباب ثم الشباب فشل ذريع لاحتواء وادماج سبعين بالمائة من المصريين فى المنظومة السياسية والاجتماعية والاقتصادية وفشل عصرنة مصر واستعداء واضح ودماء واخفاء قصرى وتعذيب ودماء وثار من ينكر ؟؟؟ و تجييش الداخلية والمخابرات واجهزة الامن ضدهم وضد الشعب المصرى عموما ولسه بيقول انتوا نور عينينا
2- تركه مشايخ الازهر والسلفيين يعيدوا مصر للعصور الوسطى بتشجيع وحماية منه شخصيا بدليل عدم اتخاذ قرار ضدهم -- واضح انه بيعتبرهم اهل ذمته رغم البلا بلا الخاص بتنقيح الخطاب الدينى والذى اتى بعكسه تماما -
3- مباحثاته تحت الترابيزة مع الاخوان بدلا من اعدام قادتهم للصفين الاوليين ورغم البلا بلا الذى يكرره فى كل مناسبة فانه يفعل العكس تماما
4- تسليمه مصر لملك البدو بيع وشرا وقرار
5- التغطية واسباغ الحماية الشخصية لطنطاوى وعنان مع ثبوت سرقتهم للرصيد الدولارى و تسليمهم مصر للاخوان واضح برضو انهم اهل ذمته المقربين - ومقابلها استعداء واضح للجنرال احمد شفيق
6-- عدم احترامه للدستور و جرائم نظامه المستمرة ضد الاقباط والشباب و المفكرين المصريين --وهى بالمئات ومتكررة يوميا
7- الفشل الاقتصادى والاعلامى الحاد لا قناة السويس نفعت ولا العاصمة الجديدة ولا الدولار استقر واعتقال المعارضين والصاق اتهامات كوميدية بهم وعودة زوار الفجر وتفشى الاختفاء القسرى
علشان نبقى عمليين ونوحد المفاهيم بدل حوار الطرشان بين مؤيدى ومعارضى السيد سيسى
خلونا نفتح مناقشة صريحة يشترك فيها كل محبى السيسى ومنتقديه علشان نوصل لحل قابل للتنفيذ لصالح مصر اولا واخيرا
عندكوا حاجة تدافعوا بيها عنه فى هذه المسائل الصريحة والمحددة ؟؟؟