Post: #2
Title: Re: غبي !! بقلم صلاح الدين عووضة
Author: ..........
Date: 11-30-2015, 03:31 PM
Parent: #1
بمناسبة الغبا ..مادام ابتديت تعترف بغباك ودی good prognostic sign خلينی اساعدك واكتب ليك وصفة تساعدك علی اكتشاف جوانب اخری من غباك وتساعدك اكترعلی الاستشفاء طيب !! وقت كاتب فی مثل قامتك مش قادر ينال حريتو فی صفحتو الفيسبوكية فی العالم الافتراضی ليه انت معترض علی الكيزان المحتلين البلد ومقعدنكم علی مزاجهم ...وقالو ليكم بالمفتشر الراجل فيكم يطلع الشارع ...والراجل دی هنا تشمل الشباب والشيوخبرضو طيب !! لما يكون كاتب زيك بتتحكم فيو شلة اعتی واحد او واحدة فيها مابقدر يركب جملة مفيدة نحويا او منطقيا وعدد المتابعين لصفحته مش قادر يكسر حاجز ال10 الاف من سنين...وكتاب اصغر قامة وسنا وتجربة منه صفحاتهم الفيسبوكية يرمح فيها الخيل من كترة المتابعين والمعجبين...ده مابثير تساءل اغبی الاغبياء ناهيك عن انشتاين وامثاله...سؤال زی مثلا ليه ياربی والجابر عووضة علی كده شنو ؟؟؟والشلة دی ياربی اقوی من الدعم السريع والقناصة والجنجويد والاستاذ مسكين زی الشعب السودانی مابيدو حيلة لانو ای واحد بدخل بلقا الحال ماياهو والشعارات غير مطبقة علی ارض الواقع بسحب اعجابو ويشتت طبعا غباك ح يفسر ليك كلامی ده علی انو غيرةاوحسد لانك مهوس بالحاجات دی ككثير من الفشلة البعلقو اسباب قصورهم علی شماعة الحسد..لكن عشان امنطق كلامی ده ابشرك ده ما رأی انا برای ده رای كثيرين واولهم صاحبك عصام طه ..امكن عصام سكت لكن انا عملت بحكمة اهلنا الكبار زمان البقولو ليك اسمع كلام الببكيك ماتسمع كلام البيضحكك وده رد عصام لما سالتو عن رأيه فی البيحصلي دكتورة اولا الاستاذ ليس هو من قام بانشاء الصفحة ولكن بعض المعجبين بقلم الاستاذ اما الادارة فلا شان له بها وكل دوره استشاري صدقيني كلنا تعرضنا لبعض الاحساس بان وجودنا غير مرغوب فيه ولم يمنعنا هذا من الاتصال بالاستاذ والاستفسار عن جلية الامر وبصدق كان الرجل بعيدا عن الامر وانا اصدقه دعينا نحاول معرفة جلية الامر . صدقيني اذا حسيت ولو واحد من مليون ان الاستاذ صلاح لايرغب في وجودنا سانسحب ..انتهی كلام صاحبكيعنی انت دورك فی صفحتك زی دور احزاب الفكة والموالين والمتوالين البتتنتقد فيهم صباح مساء طيب !!! بالمنطق كده مش احسن تحرر نفسك بالاول فی عالمك الافتراضی بعدين تعال كوس لحرية الشعب السودانی او المعارضة من الكيزان فی العالم اللا افتراضیاظنو ماقصرت معاك اخدت فيك الاجر وفتحت ليك كشافات النصيحة وباعلی فولت
|
|