آخر نكتة (مطلوب ضباح سوداني في السويد)! بقلم فيصل الدابي/المحامي

03:09 PM Sep, 24 2015
سودانيز اون لاين
فيصل الدابي المحامي-الدوحة-قطر
مكتبتى فى سودانيزاونلاين



في ظل انتشار الاسلاموفوبيا في أوربا وظهور متطرفين أوربيين معادين للمسلمين المقيمين في أوربا ، حكى شيخ سعودى نكتة يُمكن ترجمتها للعامية السودانية كالآتي:
كان في راجل سويدي ساكن في عاصمة السويد في شقة قريبة من جامع، السويدي دا كان يادوب دخل الاسلام، وجا خاشي عليهو عيد الاضحى المبارك، السويدي عايز يضحي وما عارف طريقة ضبح الخروف كيف ، المهم السويدي قام طعن الخروف بالسكين، ولما الخروف قعد يجعر ، السويدي جرى من بيتو وانقطع في الجامع وهو رافع السكين فوق ودم الخروف بنقط منها ، السويدي قعد يكورك : أنا داير زول مسلم ، أنا داير زول مسلم !! المصلين في الجامع كلهم سكتو وعملو فيها كفار قريش، السويدي قال للإمام ، يا زول انتا مسلم ؟! الامام عاين للسكين كده وعاين للسويدي كده وقال ليهو: لا أنا ما مسلم ، السويدي قال ليهو : ياخي أنا قبل شوية شفتك بتصلي بالناس؟! الامام قال ليهو: ياخي انتا قايل أي زول يصلي ركعتين خلاص ببقى مسلم؟!!
فيصل الدابي/المحامي




أحدث المقالات

سبتمبر التحدي الاخلاقي لأمتنا بقلم خالد عثمان 09-24-15, 03:04 PM, خالد عثمان

ظهور ضباحات خرفان لأول مرة في السودان! بقلم فيصل الدابي/المحامي 09-24-15, 05:58 AM, فيصل الدابي المحامي

أنباء عن انتخاب رئيس جديد للجبهة الثورية. . بقلم صلاح سيمان جاموس 09-24-15, 04:41 AM, صلاح سليمان جاموس

إسرائيل تهنئ المسلمين بعيد الأضحى بقلم د. مصطفى يوسف اللداوي 09-24-15, 04:30 AM, مصطفى يوسف اللداوي

تمكين السلفيين من حكم مصر بالمشاركة والتحالف مع السيسى بقلم جاك عطالله 09-24-15, 04:29 AM, جاك عطالله

نكتة للدابي بمناسبة عيد الأضحى المبارك !!

يقال عندما كان في الماضي بيع الخمور مباحاَ في السودان أن أحدهم تعود أن يسكر يومياَ بعد المساء .. كان يتناول الخمر ثم يتناول لحم الدجاج المحمر أثناء تناول الخمر .. واستمر في ذلك المنوال لمدة أربعين عاماَ ،، حتى أدمن تلك الصورة إدمانا شديداَ .. وعندما منع الرئيس جعفر النميري بيع الخمور في السودان .. بحث ذلك الرجل عن الخمر في كل الأماكن المعهودة فلم يجد فرجع إلى داره منزعجاَ ومحتجاَ .. ولكن زوجته كانت سعيدة جداَ بقرار الرئيس النميري .. لأن الزوج لأول مرة يعود لبيته ولأطفاله مبكراَ وواعياَ .. فعدت له عشاءً فاخراَ وفي المائدة ( الدجاجة المحمرة ) .. فتناول الرجل قطعة من الدجاج ثم قال مندهشاَ ( أنا كنت أتناول لحم الدجاج يومياَ لمدة أربعين عاماَ ولكن لأول مرة أعرف أن للدجاج عظام !!! ) .

في عجالة قرأت وزملائي نكتة ذلك السكير والدجاجة ( بدون عظام ) ، وبدأنا نضحك كثيراَ لأننا تذكرنا حالة واحد أخونا الذي يفضل أن يأكل السمك وهو طشمان طينة ، وعندما يأكل يردد عبارة ( العجيبة السمك دي خالية من الشوك تب !!!!!! ) .

هاهاهاي