نكتة حقيقية (حل الرئيس لمشكلة العنوسة)!! بقلم فيصل الدابي/المحامي

04:08 PM Sep, 03 2015
سودانيز اون لاين
فيصل الدابي المحامي-الدوحة-قطر
مكتبتى فى سودانيزاونلاين



قال ليك واحد سوداني زهجان من مرتو وكايس ليهو سبب شان يعرس فوقا قام قال ليها : يا ولية الرئيس قال أي راجل متزوج يتزوج تاني مثنى وثلاث ورباع عشان تنحلا مشكلة العنوسة في السودان، وبرضو الرئيس قال عشان تنحلا مشكلة الطلاق في السودان، أي واحد يتزوج لازم يكتب مؤخر صداق مليار جنيه سوداني!!
مرتو قالت ليهو: واها انتا رايك شنو في الكلام دا؟!
قال ليها: ربنا سبحانه وتعالى قال اطيعوا أولى الأمر منكم
مرتو قالت ليهو: ياخي هو الرئيس دا ماذون ولا بتاع شؤون دينية واوقاف ، هوى يا راجل يا مطرطش اسمع هنا دا ، والله مرة واحدة ذاتا كتيرة عليك!! هسع اولادك ذاتم ما لاقين ياكلو ، بعدين قول لي المليار انتا حتلقاهو وين ، بعدين اسمع هنا دا، ياخي انتا 26 سنة عامل لي فيها معارض لحكومة الانقاذ جاي هسي تقول لي نطيع ولي الأمر ، كلام دبيل الزوجات دا ما ليك وما للحفيانين، الكلام دا لي ناس حكومة الانقاذ المقتدرين ، هوى يا راجل اتمدد قدر لحافك وخليك في معارضتك دي!! قال الرئيس قال!!!
فيصل الدابي/المحامي





أحدث المقالات

بقت بس علي خبر الشوم وندي القلعة بقلم شوقي بدرى 09-03-15, 02:41 PM, شوقي بدرى

تعيين مدير..!! بقلم عبدالباقي الظافر 09-03-15, 02:39 PM, عبدالباقي الظافر

الوطني وسياط الرئيس ! بقلم الطيب مصطفى 09-03-15, 02:36 PM, الطيب مصطفى

نعم.. كان منهوباً..!! بقلم الطاهر ساتي 09-03-15, 02:35 PM, الطاهر ساتي

لماذا تظلمون الأطباء (3) بقلم عميد معاش طبيب سيد عبد القادر قنات 09-03-15, 06:02 AM, سيد عبد القادر قنات

د. التجاني سيسي دكتاتور جديد!! بقلم حيدر احمد خيرالله 09-03-15, 05:59 AM, حيدر احمد خيرالله

رسالة قصيرة جدا الى أخى وليد الحسين بقلم على حمد ابراهيم 09-02-15, 11:53 PM, على حمد إبراهيم

معادلة بسيطة –– سهلة البحث بقلم عاصم أبو الخير 09-02-15, 11:13 PM, عاصم ابو الخير

حرية التعبير لاتتجزأ بقلم نورالدين مدني 09-02-15, 10:44 PM, نور الدين مدني

المطيميس! بقلم هاشم كرار 09-02-15, 10:43 PM, هاشم كرار

أطمئنكم على رئيسكم إلى أبد الآبدين بقلم د. فايز أبو شمالة 09-02-15, 10:41 PM, فايز أبو شمالة