الحتات كلها باعوها .. وانت تتلفت بقلم شوقي بدرى

02:41 PM Aug, 12 2015
سودانيز اون لاين
شوقي بدرى-السويد
مكتبتى فى سودانيزاونلاين





محافظ الخرطوم الجديد اصابته الدهشة لان الخزينة فاضية والحتات كلها باعوها. المحن السودانية الراجل ده كان وزير داخلية وفشل ورقوه وزير دفاع ، وما انبراش . ودلوكت هو مستغرب ، يا يكون هو وبطانته كانوا قافلين علي البيع كمان ، لكن لقو الزلابية كملت .

هل معقول الراجل الكان في السلطة ومباري البشير ميرغني المامون واحمد حسن جمعة ، وما عارف الحاصل شنو في البلد ؟ يعني العمارات دي كلهل قامت بروس . وجماعتك الكانوا قبل يومين بينكرشو ودلوكت راكبين مريشين ومعرسين اتنين وتلاتة واربعة ، من وين ؟ والمحافظ السابق ما كورك وقال ناس مكتبي غشوني وخانو ثقتي فيهم . المحافظ ده غبي ولا بتغابا ؟

اول حاجة البلد ما كنتين علشان يكون في خيانة ولا خيابة . في قوانين ولوائح ومسئوليات محددة . كيف ملازم صغير السن يتصرف في اراضي بالمليارات ؟ زمان مامور المركز ما يقدر يشتري حبل بدون موافقة عدة جهات .

والسيد الوالي الجديد لمن كان وزير داخلية وقعت المستشفي وكان هنالك دم مسفوك . واجهزة بملايين الدولارات ضاعت . قلنا يمكن غلطة . الطيارات جات طافية النور والناس في الصلاة . وذهب الي بورسودان للدفاع بالنظر . واتت الطيارات الي الخرطوم ودقت البلد ورجعت ذي البوسطجي الجاب الحوالة قربوا يبوسوها . الراجل غفلة ودلوكت حيقول السيل جاء بدون صوت . والذباب والناموس جزء من الحياة البرية نخليه في حالو .

الراجل ده قاعد حيسرقوا قدام عينو . زمان سرقوا الميادين والمدارس . وانتهوا بسرقة بيوت الله. سيدنا عمر رضي الله عنه رفض ان يصلي في كتيسة القدس حتي لا يدعي المسلمون لان لهم حقا في الكنيسة . وكنيسة بحري عملوها تجارة . وبعد شوية حتشوفوا بوابة عبد القيوم بقت كشك مرطبات . وحيقول انا كنت في عقد رجعت لقيتها كده .

الدكتور محمد محجوب عثمان طيب الله ثراه كان يختلط بالسجناء الجنائيين في ايام سجنه المتعددة في سجن كوبر لانه شيوعي .وحكي لي ان احد اللصوص قد اخبرة بأنهم بعد ان اخذواالذهب والفلوس وكل مل خف وزنه وغلا ثمنه . قطع عصاية لي سيد البيت العامل نايم . وقال ليه ,, علشان بكرة ما تقول للجيران ومرتك دي انك كنت نايم .

بكرة لمن بعد ما نكتشف انه القصر الجمهوري عملوه هوتيل او الطابية في امدرمان عملوها قهوة ، ما يجي الوالي يقول النور كان طافي .

قبل اسبوع كتبت موضوع ,, سجن 7 نجوم ,, وكنت استغرب لماذ تدخل رئيس القضاة في موضوع السجون لان هذه مسألة لا تخصه من قريب او من بعيد . هنالك مصلحة السجون التي تتبع للداخلية . وديت يا ود امينة تفكر ،وتقول ان خلف الاكمة كوز . والكيزان بقوا سعرانين . وانا صغير ظهر حصان سعران في السوق واصاب كل السوق بالهلع . . وقاموا بقتله واخذ البيطري راسه للفحص . كلما اشوف الكيزان ديل اتذكر الحصان السعران , قالوا عضاه كلب . الكيزان ديل عضاهم شنو؟ عرفنا ذبابة التسي تسي التي تسبب مرض النوم . هل في ذبابة القروش البتسبب مرض الجشع ؟؟

سجن بورسودان القديم من اعتي واقدم السجون في السودان. كانوا يرسلون اليه العتاة . من اصدقائنا في امدرمان من ذهبوا اليه كان الصيني وسيد صربندي وابراهيم حسيب ... الخ وكان يدره الاخ يشير مالك بشير . السجن في موقع استراتيجي جدا الآن . وحوله اشلاق عبارة عن حي كامل . الظاهر الكيزان كل ما يمروا عليه بيمصمصوا شلاليفهم ذي شرابين العرقي لمن يسمعوا صوت البوصة مع القدر .

لا يهمهم سجن سبعة نجوم بمواصفات عالمية ولا مدرسة للدايات . بيكون دبروا شركاء في الخارج ذي شركة التنقيب عن الذهب الروسية الطلعت سوريب . وطبعا بعد ما يلحسوا السجن والاشلاق . حيترعوا وحيقبلو علي اربعات يسوها احواض سباحة واكشاك سلات ومخبازة . اشلاق البوليس في وسط امدرمان كسروهو . وبعض البوليس كان سكن عشوائي . وكان مع الاشلاق في جبراكات لكل بيت لزراعة الخضروات . ا لسعيد البيشوف في غيرو والشقي البشوف في روحو . اسالو ناس العاصمة يا ناس بورسودان.

الناس دي عاوزة تعمل .,,شنقل منقل , المنشار الضخم لصناعة المراكب ناس فوق علي راسه وناي تحت . طالع ياكل نازل ياكل . يضربوا في السجن الجديد ويضربوا في القديم . هو الناس البتدفع جبايات ورسوم وارنيك 15 وتحت الطربيزة . ما هاميهم امرهم خلي الفي السجون الما بدفعو شي ومكلفين الدولة .

في الثمانينات احد المهندسين كان يهذي لان احدي الماكينا الكبيرة ن قام بعض العمال بتخريبها لاستخراج النحاس وبيعة لشراء مستلزمات قعدة وسكرة . هذه سياسة الكيزان مع السودان .

هل الناس دي كانت منتظرة ايلا يقطع وشو ويدوروا في بورتسودان ولا ايلا عارف ؟ وهل ايلا تخلصوا منو وده الجزيرة وشمروا للضبح .؟ هل ايلا ده كافور الاخشيدي ؟

الفاطميين كانوا طمعانين في مصر وبعد موت الملك ا الاخشيدي كان ابنه صغيرا . ولكن كافور الاخشيدي الذي بدأ حياته كمملوك صار وصيا والحاكم الفعلي لمصر . وكان ذكيا ولماحا ونظم الجيش واستلم السلطة ، وارهب الفاطميين في تونس . وكانوا يقولون . انهم لا يقدرون علي فتح مصر ,,والحجر الاسود ,,في الحكم . وبعد موت كافور ابتلعوا مصر .

كافور هو الذي مدحه الساقط المتنبي . ثم هجاه لانه كان ذكيا . وقال لمن نقل له رغبة المتنبي في ان يكون حاكما ,, يا قوم من ادعي الملك مع محمد الا يدعي الملك مع كافور ,,. وهل كانوا في انتظار ذهاب الحجر الاحمر ؟؟ يا ناس بورسودان فتحو عينكم قدر الريال ابعشرين ومش الريال السعودي . وانتو قاعدين حقكم بيروح قدام عينكم . واصدق اولادكم واحسنهم حيشتروهم عينك يا تاجر . وبعدين ما تقولوا النور كان طافي .

كركاسة

مرات وانا بفكر ، وحتي انا بفكرمرات ، ليه لا .؟ الناس دي بتملي الزير من وين . نشوف ود ابراهيم عامل فطور ذي عرس الحاردلو الدعا ليه ابوه ود ابسن كل زعماء القبائل من حلفا لي فازوغلي . وتصريحات واجتماعات , اذا علي عثمان قال في البرلمان هو مفلس وماهيتو 12 الف جنيه وبيدفع ضرائب ، العميد ماهيتو كم ؟ ود ابراهيم ده مش كان عميد ؟ الترابي كهربتو واكلوا وخدامينو وتحركاتو وولده واسرتو بيملو الزير من وين ؟ وديل لا عندهم مترة ولا فراشة ولا باجور ولا سعية ما شفنا ليهم جرف ولا انقاية حتي . وغازي وجماعتوا بيملو الزير من وين . بعدين شيوخ ومسئولين ومتمسولين ،متلصقين ، متحركين وساكنين ومتلبدين . وكلو بيصرف وبيسافر واجتماعات وسرادق وجرادل وجكوك ، ده كلو من ضهر محمد احمد . عفيت منو محمد احمد . لكن الناس دي ما بتختشي علي دمها ؟؟

التحية

ع . س , شوقي


أحدث المقالات

سوسيولوجيا الثابت في قصة يوسف عليه السلام بقلم عمر حيمري 08-11-15, 04:10 PM, عمر حيمري

معالجة إخفاقات تفويج وضيافة الحجاج.. المتكررة!! بقلم نور الدين محمد عثمان نور الدين 08-11-15, 04:08 PM, نور الدين محمد عثمان نور الدين

قصة العلاقات السودانية : من الإستعمار مروراً بحزب الأمة والنميري والبشير بقلم إبراهيم كرتكيلا 08-11-15, 04:07 PM, إبراهيم كرتكيلا

الملك لير ..العاصفة بقلم عبدالسلام كامل عبد السلام يوسف 08-11-15, 04:04 PM, عبد السلام كامل عبد السلام

المسنون .. عبر وحكايات بقلم عواطف عبداللطيف 08-11-15, 03:33 PM, عواطف عبداللطيف

في الغرْب مَنْ يدعُو لسُوداننا الواحد الشعب والارض (2) بقلم محجوب التجاني 08-11-15, 03:30 PM, محجوب التجاني

هل ستصلح إدارة أوباما سياستها في السودان؟ بقلم أحمد حسين آدم 08-11-15, 03:28 PM, أحمد حسين آدم

لا انتم موسى ولا الانقاذ فرعون !! بقلم حيدر احمد خيرالله 08-11-15, 03:22 PM, حيدر احمد خيرالله

الاعدامات و إنتهاکات حقوق الانسان في إيران بقلم فلاح هادي الجنابي 08-11-15, 03:21 PM, مقالات سودانيزاونلاين

د. الشيخ/ الترابي .. يا إلهي .. بقلم رندا عطية 08-11-15, 02:29 PM, رندا عطية

صفقوا لهذا البطل السوداني! بقلم فيصل الدابي/المحامي 08-11-15, 02:27 PM, فيصل الدابي المحامي

محن السفارات السودانية بقلم شوقي بدرى 08-11-15, 02:25 PM, شوقي بدرى

الإصلاح المطلوب فى الأحزاب السودانية بقلم الفاضل عباس محمد علي 08-11-15, 02:23 PM, الفاضل عباس محمد علي

أقيلوه أو فليستقل!! بقلم عبد السلام كامل عبد السلام 08-11-15, 02:17 PM, عبد السلام كامل عبد السلام

الأهم قيم اصلاح الدولة !! بقلم حيدر احمد خيرالله 08-11-15, 02:42 AM, حيدر احمد خيرالله

أنس عمر وشرق دارفور بقلم الطيب مصطفى 08-11-15, 02:41 AM, الطيب مصطفى

آثار التهريج ..!! بقلم الطاهر ساتي 08-11-15, 02:38 AM, الطاهر ساتي

الفاسد الصلف النزيه بقلم حيدر محمد الوائلي 08-11-15, 02:35 AM, حيدر محمد الوائلي

قضية/الجهاز الاستثماري مستنداتالصندوق الاسود بقلم حيدر احمد خيرالله 08-11-15, 00:29 AM, حيدر احمد خيرالله

سَلامْتَك عَمْ أحمد أبوعشرة، وبلا كَشَرَة! بقلم عبد العزيز سام 08-11-15, 00:27 AM, عبد العزيز عثمان سام

فيم الحيرة أيها الوالي ؟ إنها امانة التكليف (2) بقلم عميد معاش طبيب سيد عبد القادر قنات 08-11-15, 00:23 AM, سيد عبد القادر قنات

حزمة براهين تؤكد دعم إدارة اوباما لحكومة الخرطوم ضد المعارضة ؟ الحلقة الاولى بقلم ثروت قاسم 08-11-15, 00:21 AM, ثروت قاسم

كلو تمام سعادتك – بقلم عمر عثمان-Omer Gibreal 08-10-15, 10:40 PM, عمر عثمان-Omer Gibreal

الأونروا ليست رواتب موظفين بقلم د. فايز أبو شمالة 08-10-15, 10:36 PM, فايز أبو شمالة

إيران مأزومة بعد الاتفاق كما قبله بقلم أحمد الجارالله 08-10-15, 10:32 PM, مقالات سودانيزاونلاين

بدلاً من محاولة اغتيال الآباء المؤسسين بقلم نور الدين مدني 08-10-15, 10:30 PM, نور الدين مدني