Post: #1
Title: ثلاث قصائد للعاشقين (2) رسالة من ديار الغربة شعر حسن عبد الرازق النقر - ماليزيا
Author: مقالات سودانيزاونلاين
Date: 06-20-2015, 01:16 AM
Parent: #0
00:16 AM Jun, 20 2015
سودانيز اون لاين
مقالات سودانيزاونلاين-phoenix Arizona USA
مكتبتى فى سودانيزاونلاين
اكتب اليك ياعيشة من بلدى البعيد
الفيهوعايش .. لى زمن .. عايش وحيد
سنتين مَضِت ماشفتَكِن ..
سنتين طُوال ‘ وحيات قليبي العنَدكَم
سَنتين مَضت والشوق معاى .. شوق كتير فى غُربتى
والشوق لهيب يوقد يعذب وحدتى
لو شُفتى يا عيشة الحنين
الفيهو عايش لَي سنين
يمَلا البحر .. لامِن يدفق بالألم
ولمّان يقوم يعزف نغم
نَغَمَنَ حَزين فى مُهجتي
وتلقينى سارح فى البيوت .. فى جلّتي
أشوف عويناتك وضفيراتك هناك تمشي وتجي
وتتوارى لى تحت السطور فى دفتري
سنتين مَضَتَ ماشفتك
سنتين طُوال وحياة قليبي العندكُن
واشوقى ليك ياعيشة يالمتل الوريدة مُفرهدة
واشوقى لكل الأهل ...
واشوقى لوقت المقيل
جنب البيوت وتحت النخيل
وتلقينا فى سمراً جميل
نَجلس هناك لمِن يعود احمد اخوك
فى " سدرتو"
يعود ونسمع ضحكتو...
ياحليلو عاد ولدن كلس ...
مثل الغزال فى خِفّتو
وتقوم تفوح فوق البيوت ريحة الخدار
ريحة القناديل التطقطق فوق الجمر...
ونكون كمان فى إنتظار ... ماأجملو...
وناخُد شرابن صافى من لبن البقر
من إيدك السمحة يا عيشة ياأم لحظاً ظريف
ويقوم يزيد ويحلو السمر...
لامن يجينا الليل ويمُر...
وفوق الافق نلمح قمر ...
ولمّان نزيد من المرح .. نلمح دموع أُمّك تسيل ...
وتملأ الشلوخ ... لامن تدفق بالفرح ...
يا عيشة يا أم لحظاً ظريف
يا عيشة يا أم قلباً خريف
سنتين مضت ماشفتكن
سنتين طوال وحياة قليبي العندكم
لمتين أعود لمتينأعود
والمح دميعاتن حٌنان دمعات فرح تنزل تكُب
فوق الخدود النايرة زى زهر الربيع
زهر الربيع الكابي فى بلد الصقيع
وكُت داير ازيد ... بس قُت بلاش
شايف حروف رسالتى هناك بعيد ... تمشي وتجي
وتتوارى ليّا طشاش طشاش ...
يا عيشة ياأم لحظا ظريف
يا عيشة يا أم قلباً خريف
سنتين مضت ما شفتَكُن
سنتين طوال وحياة قليبي العندكن
سنتين مضت والشوق معاي ... شوقا كتير فى غُربتي
والشوق لهيب يوقد يعزب وحدتي
أحدث المقالات
هؤلاء تعلمت منهم ! بقلم عثمان الطاهر المجمر طه 06-20-15, 00:14 AM, عثمان الطاهر المجمر طهماهر جعوان /يكتب/ رمضان عام إيماني جديد 06-20-15, 00:08 AM, ماهر إبراهيم جعواناسرائيل والفلسطينيين تسوية اقليمية ام دولة واحدة ثنائية القومية بقلم سميح خلف 06-20-15, 00:05 AM, سميح خلفسبايكر واخطار ضياع الجريمة بقلم احمد جويد/مركز آدم للدفاع عن الحقوق والحريات 06-20-15, 00:04 AM, مقالات سودانيزاونلاينوالي الخرطوم ترك بيت الحكومة ولا يببحث عن بيت للإيجار !!!!!.رصد : صلاح سليمان جاموس 06-19-15, 11:21 PM, صلاح سليمان جاموسضرورة إستقلال السنّة العراقيين بقلم ألون بن مئير 06-19-15, 11:18 PM, ألون بن مئيرالقبض على البشير ليس هو آخر التطلعات بقلم صلاح شعيب 06-19-15, 11:15 PM, صلاح شعيب هل كان محمد كريشان على علم مسبق بتوقيف البشير في جنوب أفريقيا ؟ بقلم اكرم محمد زكي 06-19-15, 11:12 PM, اكرم محمد زكىأيها السودانيون أراضيكم في خطر..! بقلم عثمان محمد حسن 06-19-15, 10:15 PM, عثمان محمد حسنالسودان .... الفقد الضخم للكفاءات من خارج الحزبية بقلم صلاح الباشا 06-19-15, 10:13 PM, صلاح الباشاونقول يا لطيف !! بقلم صلاح الدين عووضة 06-19-15, 10:12 PM, صلاح الدين عووضةكيف نقيم الدولة الإسلامية؟ بقلم الطيب مصطفى 06-19-15, 10:10 PM, الطيب مصطفى و الجريف نموذجاً...!! بقلم الطاهر ساتي 06-19-15, 10:08 PM, الطاهر ساتي
|
|