يا فرحتي زيدي.ـ .. المشير رئيس من جديد - محمد صالح

ابدي زعيمنا طويل العمر عمر البشة، نيتهو في الاستمرار في رئاسة الجمهورية، وطوالي مؤتمر الحزب وافق بدون أي كلام وأعادوا انتخابه رئيس، وبنفس الطريقة يبقي مرشح لولايات رئاسية جاية طالما هو حي.
وصاحبنا استعد من حسع لانتخابات 2015. وأحسن تكون بدون معارضة حقيقية والنتيجة معروفة للجميع. لكن لابد من اضافة شوية ديكور للتمويه. ناسو قاموا قدمو 5 مرشحين تانين وديل ممكن ينسحبوا في أي لحظة, وصاحبنا يفوز بالتزكية. لكن هو ناوي يغش العالم الخارجي ويصر على ترشيح ضعفاء النفوس وسقوطهم مضمون مع وجود اختصاصي الخج.
يا فرحتي زيدي .. زيدي .. زيدي ..فطويل العمر أكيد .. أكيد جايينا تاني.
وبتجنن ريسنا حاجة واحدة, اسمها المحكمة الجنائية الدولية وقالت الزول دا ارتكب جرائم الحرب والإبادة والاغتصاب في دارفور.
.قبل كده رفض عديل كده التعامل مع المحكمة دي وحلف طلاق ما يمشي حتي لو مشي كنياتا أوغيرو.
لكن قال بينه وبين نفسو يا زول لو استمريت في الرئاسة ما في زول يقدر يوديك للجنائية دي. قام فكر واستغرب وقال دي بالله جرائم تستحق يحاكمو بيها رئيس جمهورية!
الماتو كلهم ما بيفوتو 50 الف او يكن 70 الف.. الاغتصابات ديا شنو كمان؟ متين كانت البت الدارفورية لما تلقي واحد جعلي تزعل؟
وبعدين اخد واحد نفس طويل وتمايل يمين وشمال وهز صلبو وتذكر هتافاتو الجو القلب:ـ
لا لدين قد عملنا، نحن للمال فداء،
وليبقي لنا المال والحكم، أو ترق منا دماء
هي لبهجة الدنيا
هي للمال
هي للسلطة وهي للجاه
هي للمتعة
هي للإثراء
هي للدماء ... للدماء