فيهوا (الزول) يعود إنسان..!! زاهر بخيت الفكى

فيهوا (الزول) يعود إنسان..!! زاهر بخيت الفكى


09-20-2014, 05:43 PM


  » http://sudaneseonline.com/cgi-bin/sdb/2bb.cgi?seq=msg&board=7&msg=1411231427&rn=0


Post: #1
Title: فيهوا (الزول) يعود إنسان..!! زاهر بخيت الفكى
Author: زاهر بخيت الفكى
Date: 09-20-2014, 05:43 PM

تعالوا نعيش..
فى وطناً جميل شاسع..
كبير واسع..
يشيل الكـل..بلا تهميش..
بلا تطفيش..
نؤسس دولة ذات أركان..
شعارا العدل..
فيها الظُلم مافيش..
والسودان..
يعود أخضر..
زى ما كان..
فيهوا (الزول) يعود إنسان..
ليهوا حقوق..
عليه واجب..
عنده (هُوية)..
يفخر بيها بيــن النـاس..
مزيج متعدد الأجنــاس..
هُويـة سودانية..
حبوبة أفريقية..
أبنوسة زنجية..
جده الكبير..وافد..
جذُوره عربية..
يلا نعيش ..بلا تهميش..
كفاية حروب..كفاية فساد..
استبداد..
استعباد..
استبعاد..
صارت للنزاع أبعاد..
صراع شائن..
غُبن بائن..
كتيير اتغيرت أحوال..
صبح مديون..
زولاً قبيل دائن..
صبح قائد..
متمرد زمان خائن..
تعالوا نعيش..
فى البلد الكبير ..مأزوم..
فيه الريف صبح أطلال..
شيوخ ونساء..
شوية من أطفال..
شباب هاجر ..
بعيد سافر..
يلا تعال..
يلا نعيش..
بلا تهميش..