بشوف ليل الظلم ينهد ابراهيم خالد احمد شوك

رحل فى التانى من ابريل
والسادس فى شوق يرجاك
يامحجوب بلاك
عين الشعر تنقد
وراك
مبنى القصيد ينهد
كيف حُرْ الكلام خلاك
تسد بابو
وتشيل كُشَر الصلابة معاك
آه ياشعب
كيف تبكى الصمد وعاَّك
وكيف بتودع القلب التِّعِب وسراك
لمتين نجرع الآهات
متين طاقة الظلم تنسد
متين نتباهى فرحانين
بفجر يلالى يضوى الكون
ومايكون
فى الوطن مظلوم
ولا مغبون
وعاد يوم داك
يصير ابريل عريس بالجد
حياتو نعيم من غير حد
لاجوع لادموع تغشاك
سلام يبراك
بذور الوحدة تملأ حشاك
ياشعباً فلح مسعاك
شَمِّر لاتبارى الشين
الخير الكتير يرجاك
تلِّمو من الزرعتو براك
حصاد سرَّاك
حصاد سرَّاك