نشيد حسين خوجلى/اكرم محمد زكى

يا حسين خوجلى يا بطه
يالرايق انت ولامع

وبتلمّع وش السُلطة

جيت شبعانا تدشى
تمطق زى ماكل شطة

قناتك ما تابعة لاحزاب
لا لسفارة ولا سَلطة

واللهِِ حفظنا ورددنا
سهلة ونسات منبسطة

دعوتك السودانيين
يعملوا حزب جديد . . غلطة
لان المؤتمر الوطنى
حزبك يا ود يا فلته
انت بتضحك على روحك
ولا الالوان مختلطه

انصح ناس شيخك احسن
قول ليهو اكيد فرّطّ
ذهابك للسجن حبيسا
والعسكر مسكوا السُلطة
ضاق الكضاب الكرسى
قرر يقعد يتمطى

كذَبتوا فسَدتوا قهَرتوا زمن
والشعب اُصيبب بالجلطة
لا لقينا معاكم هوت دوق
لا فضلت ريحة الفته

كدى هسى ادينا هديه
طلع لينا من الشنطة
اعمل ليك وثبه خفيفه
ورينا فنون النطّة

شعبنا محتاج لمدرب
شان يعفصكم . . ويتخطى




اللهم الطف بنا اجمعين

اكرم محمد زكى