ريحة النًد كلمات: حسين شنقراي

ريحة النًد
كلمات: حسين شنقراي
نجمة نجوم الغًد
الحلوة ريحة النًد
ليه العناد والصًد
سهران ما بنوم الليل
والدمعة فوق الخًد
-----------
سهران برايْ يا نجمة
والأفكار معاك منسجمة
وتبادر دوام بالهجمة
عينيك شهابهم رجمة
والحب عذاب بالجد
-----------
جمالك أصلو ما معقول
برجاك بتم الحول
ما الحُب نِظام وأصول
وبحرك غريق يا زول
فيهو الجدر و المًــــــــد
--------------
ليه يا راقي يا أموره
بخلان علًي بالصوره
أشيلها زي عصفوره
محاسن فيها منظوره
وأفرح شديد بالرًد
------------
أهواك برايا أنا
وأهديك سلام وغُنا
ما الحُبْ ورود وهَنا
راجيك شهور وسَنة
وأحسب وأزيد في العَد
-----------
باب العذاب ينسَد
يا زينة نجوم الغًد
الحلوة ريحة النًد
اليوم بلاها كبًد
ليه العِناد والصًد
يازهرة نجوم الغًد