يا سفاح ... يا كاتل الناس من غير إحساس محمد عثمان محمد مستشار قانوني

يا سفاح ...
يا كاتل الناس
من غير إحساس
برصاص في الراس
بتكتل ليه ؟
عشان تحمي الناس
الهدموا وطنك من الساس
و المال العام الصار مأكول منداس من غير تدوين الدفتر و الكراس
بتكتل ليه ؟
وين بتروح
من خالق الروح
من صاحب الروح
وعارف الروح بتباري البيكتل وينما يروح

بس كيف ترتاح
و عمرك راح
و عمرك ضاع
من يوم ما إنت أزهقت أرواح
لكن الراح مكتول بسلاح
دموا يزكي لينا الثورة بنشيد صداح
لكل طفل لكل (مره) و لكمان فلاح

بتكتل ليه ؟
ما جاوبتا
بس إتزاوغتا
و ما اتجوبتا
وكمان راوغتا
و سؤال مطروح
من وين بتروح من خالق الروح
الخلق الروح
ومن حق الروح
و صاحب الروح
بس وين بتروح
بس وين بتروح
وقدامك قبر مفتوح
يدخل فيهو معاك إثم الروح ؟؟!!!

محمد عثمان محمد
مستشار قانوني
الرياض - السعودية