دارفــــــــــــــــــــور....... كلميــــــــــــــــــــــــــــنا

دارفــــــــــــــــــــور....... كلميــــــــــــــــــــــــــــنا

يا عزة قومى كلمينا ......

جوه المعسكر ....... أرفعى راسك وحدثينا

خليكى شامخه .... أمسحى دمعتك ........ وخبرينا

الأهانوك..... واغتصبوك ... حياخدوا القصاص ........ ولو بعد حينا

أ خوانك ... أولادك ... خوالك .. جوكى يمسحوا الغبن الدفينا

يابحريه قومى وخبرينا

دارفور ملامحك ...... زنجيه انتى .... و يا جميله انتى ..... ويا حنينا

أمسحى دمعتك .. وخليكى شامخه ... داك هو البيواسينا

اولادك حياخدوا حقك من الجبل ...... ولحد طينه

يامريومه قومى كلمينا

عليكى الله قصرنا فى حقك .....عليكى الله تسامحينا

ما خنا عهدك .. مانسينا وعدك .... دموعك يا غالية انتى نار بتحرقنا ... وبتكوينا

بالتحالف والتحرير وبالعداله بناخد حقك ..... بس عليكى توحدينا

كل ظالم .. كل حاقد .. كل طامع .. قرب حسابو يا حكومة الجبهة اللعينا

ظلموك ... تجاهلوك ... ولسماحتك .. ولضيافتك دايما ...... دايما ناكرينا

· يا خديجه قومى كلمينا

خليكى شامخه .... زى ما عرفناكى .... وعرفتينا

ومن جوه المعسكر صبرينا

أمسحى دمعتك .... وتفى فى وش المعتدى اللعينا

للجيعان .. والعطشان .. اديهم امل فى بكره ..... واليقينا

ولشهدانا أطلبى الرحمه من الله .... والغفران .... والسكينا

ويا عزيزة بنقول ليكى ونترجاكى ... تسمعينا &n bsp; &n bsp; لمى حولك كل حائر..... نادى جنبك كل يائس

كلميهم .... قولى ليهم .... وبشريهم بالنصر ... والويل للمجرمينا

مريومه قومى ..... وبالرطانة كلمينا

ارفعى راسك ..... وحدثينا

خليكى شامخه.. . أصبرى .... وصبرينا



القاهرة- سليمان محمد ابراهيم

طبيب بشري من ابناء دارفور

[email protected]