باركوا للانيقة منى !!!!!! آية بقت أم

تلقيت هذا الخبر السار منذ لحظات وهو
ان منزل اختنا الحبيبة منى خوجلى تعمه الفرحة
وهم يستقبلون ابن آية البكر

مبروووووووووك يا حبوبة منى




حواء

الف مبروك يا منى خوجلي
وقالوا ما اعز من الولد الا ولد وبنت الولد
وما اعز من البنت الا بنت البنت وولد البنت.
اها مبروك عليك تجربة الحبوبة ويا بختك.
وحمد على سلامة آية.


ويا حواء عقبال تفرحي بوليداتك وبيناتك وتشوفي سمح اولادهم.

حبيبتى تراجى دائما سباقة للخير
إن شاء الله نبارك ليك جديد وليداتك

Quote: الف مبروك يا منى خوجلي وقالوا ما اعز من الولد الا ولد وبنت الولد وما اعز من البنت الا بنت البنت وولد البنت. اها مبروك عليك تجربة الحبوبة ويا بختك. وحمد على سلامة آية. ويا حواء عقبال تفرحي بوليداتك وبيناتك وتشوفي سمح اولادهم.

الله يبارك فيك وفي اولادك ياتراجي..
وعقبال مايكبروا أولادك ويفرحوك بشهاداتهم وبتكوين اسرهم..وتشيلي جني جناهم..

تجربة الحبوبه يادابها بدت..لكن اكد ليك انا اسه داخله من المستشفي ومشتاقه جدا
أرجع أعاين للبيبي..

شكرا ليك..

شكرا ياسيكو..
ولدنا اسمه ياسين أو يس زيك..
المفروض تجيب لينا خرفان السمايه هنا..سمح؟؟

شكرا علي الورده الجميله..

الف مبروك المولود يا منى وآية

ويتربى في عزكم


شكراً حواء على الخبر السار

العزيزة نعومة
الله يجعل ايامك كلها افراح

الف مبروك المولود يا منى
وحمدا لله على سلامة آية
وإن شاء الله يتربى في عزكم

Quote: الف مبروك المولود يا منى وحمدا لله على سلامة آية وإن شاء الله يتربى في عزكم

الله يبارك فيك يا أمير وعقبال ماتفرح بكل التتمناه..

شوفت نحنا خلاص بدينا الشكل في الأسم..
أنا عندي اسماء..
وآيه عندها أسماء..
وهو عنده أسماء!
والتلاته ما مستعدين نتنازل!

الف مبروك المولود يا منى وآية

ويتربى في عزكم


شكراً حواء على الخبر السار

Quote: الف مبروك المولود يا منى وآية ويتربى في عزكم شكراً حواء على الخبر السار

شكرا يا كمال فعلا هو خبر سار..
تشوف زول يادوب عمره في الدنيا دقيقه دي حاجه ماساهله..
وأجمل منظر اني اشعر انه المنظر اتكرر..
لسه في بالي آيه أول ماخرجت للدنيا..واشوفها برضه شايله جناها..
احساس رائع ربنا يهديكم احاسيس ومشاهد وتجارب زي دي وزي ماتحبوا..

شكرا ليك اخوي..

Quote: الف مبروك المولود يا منى وآية ويتربى في عزكم شكراً حواء على الخبر السار

نعومتي..
والله فرحت فرح لما سمعت صوتك..
اتذكرت الخرطوم وايام الخرطوم وسمايات الخرطوم وأبدا مانسيت ضبان الخرطوم..
انتي يا نعومتي العيال الفي بروفايل بتاعك ديل لسه ما وصلوا البحر؟؟
فترونا ياخ!

ربنا يسعدك حبيبتي..آيه بتجيب البيبي وزوجها ويجوكم في الخرطوم..

مبروك للاخت منى الحفيده ، و تتربى فى عز الاسرة الكريمة ، شكرا اختنا الفاضلة حواء على الاخبار السارة .

حمدا لله على سلامة آية
مبروك المولود يا منى
وإن شاء الله يتربى في عزكم
شكرا اختنا حواء على الاخبار السارة

Quote: حمدا لله على سلامة آية مبروك المولود يا منى وإن شاء الله يتربى في عزكم شكرا اختنا حواء على الاخبار السارة

عقبال ما نفرح معاك باولادك يا سمسم..
ونشوفك ماليه بيتك بأحفادهم..آمين..

Quote: مبروك للاخت منى الحفيده ، و تتربى فى عز الاسرة الكريمة ، شكرا اختنا الفاضلة حواء على الاخبار السارة

.

الله يبارك فيك هجو اخوي..ربنا يسعدكم باحفاد زي ما اسعدني بحفيدي..

الف مبروكــ

"منى وأية"

ويتربى فى عزكم,,,

ويطلع شبهى !!
...
شكراً حواء

ألف مبروك الحفيدة يا منى جعلها الله من الصالحات لدينها ودنياها ووطنها

ولك التحية والشكر الأخت حواء

اخوتى الاعزاء

هجو

الملك

خالد

ان شاء الله تبارك ايامكم

المولود ذكر حسب ما سمعت من حبوبته




حواء

مشاعر فرح ودموع انجرفت.....

يالنسمة من الجنة تلك التى بلت وجهك وانت تهبينا حياة يا آية يا بنتنا وحبيبتنا

مبرووووووك يامنى.... يابختك
يالها من مشاعر...
وموعودات بحكاية الحبوبة الشابة،، المشاعر التى جاشت جواك،، الدموع التى سالت فرحا.. فرحا وفقط يامنو...

ربنا يخليكم لبعض ويفرحنا دايما بيكم


شكرا ياحواء ياعزيزة وعقبال مانشوفك حبوبة

Quote: شكرا ياحواء ياعزيزة وعقبال مانشوفك حبوبة

احلى دعوى من احلى اخت

آآآآآآآآمين يا مشرقة وإن شاء الله جمعآ


حواء

Quote: مشاعر فرح ودموع انجرفت..... يالنسمة من الجنة تلك التى بلت وجهك وانت تهبينا حياة يا آية يا بنتنا وحبيبتنا مبرووووووك يامنى.... يابختك يالها من مشاعر... وموعودات بحكاية الحبوبة الشابة،، المشاعر التى جاشت جواك،، الدموع التى سالت فرحا.. فرحا وفقط يامنو... ربنا يخليكم لبعض ويفرحنا دايما بيكم شكرا ياحواء ياعزيزة وعقبال مانشوفك حبوبة

شروقتي..

احساس غريب..عارفه بيجيك في أول ثانيه بعد الولاد.. بس فرحه بسلامة الأام..بتي الأغلي من نفسي
وطبعا سلامة الجنين..
بعدين بتبقي بس في فرحه..لامه لكل شيء..الخلق..شكل البيبي فرحة الناس كلها..
وبعدين بتلاحظي مع الأيام كيف العلاقه بينك وبين البيبي بتنمو..
لو نايم تكوني عايزه تصحيه..
مع انه نايم أو صاحي لسه ما بيعرف يعمل اي استجابه لونستك..
وبعدين تلقي نفسك عايزه تطلعي اسه دي وتشتري ليه حاجه..اي حاجه..
والأحلام اصلها ما بتزح من راسك..
بكره يكون عنده 3 شهور ويبقي عسل..مش العسل مافي أحلي منه؟؟
المهم..اسه آيه لو عايزه تسافر وتخلي لي ياسين بكون فرحانه..لكن هي بس البيقنها شنو
تعمل كده؟؟
وكان هي اقتنعت ومشت..البيقنع ابوه شنو؟؟
شغله ماعايز يمشيه وكل ما ياسين ينوم يصحيه!!

وشايله الهم..عندي شغل متأخر لازمه سفر بره..كل يوم اقول خلاص الأسبوع الجاي!
يا رب تشوفي بتك وولدك كبار وناجحين ومتزوجين,,وتشوفي عيالهم وتعرفي أنا بقصد شنو بالظبط..
زمان الخليفه نور الله قبره..كان ما بيقدر يقعد لو ماشاف عيالنا كلهم حواليه..
واول ماشوفت ياسين اتذكرت والدي الصالح..

ربنا يحفظك وعيالك..

Quote: ألف مبروك الحفيدة يا منى جعلها الله من الصالحات لدينها ودنياها ووطنها ولك التحية والشكر الأخت حواء

شكرا يا خالد..عقبال ما نفرح معاك بولدك..ونبارك ليك السمح كله..
تسلم اخوي..

الليله ياسين كبر شويه وبقي ماشاء الله عليه بيعمل حركات صعبه..

حركات زي شنو؟؟

بيلعب رياضه بيتقلب علي سريره ويعمل حركات بادينه ورجلينه..

انت يا خالد..كدي النسألك
انت اولاد الزمن ده بيولدوهم مفتحين ليه؟؟

Quote: الف مبروكــ "منى وأية" ويتربى فى عزكم,,, ويطلع شبهى !! ... شكراً حواء

عقبال ما تعرس يا ناجي الملك اذا عايز,,
وتولد اذا عايز..
وعيالك يكبروا ويجيبوا عيال يحموك النوم بالليل
اذا ماعايز..

Quote: ألف مبروك الحفيدة يا منى جعلها الله من الصالحات لدينها ودنياها ووطنها ولك التحية والشكر الأخت حواء

شكرا العوض أخوي ..

نبارك ليك افراحك باذن الله..

ألـ1000ـف مبروووك ..

Quote: ألـ1000ـف مبروووك ..

الله يبارك فيك الصحافه 30..
ربنا يهنيك بالنجاح وكل ماتتمناه..

ألف مبروك المولود الجديد والحمد لله على سلامة إبنتنا الحلوة آية. مبروك ياالخوجلية أخيراً وصل الحفيد المنتظر... ربنا يجعله من الأبناء الصالحين البارين.

تحياتي لكل الأسرة والله يادوب جيت من الشغل ولقيت الأولاد وأمهم نايمين ... يعنى عشا ما في الليله -وقلنا أحسن ندلف على سودانيز أون لاين عسى أن نجد فيها من الأخبار ما يشبعنا وما خيب ظننا هذا الموقع الذي جمعنا فأصبحنا أسرة واحدة ... يا سلام يا أولاد.

شكراً ليك يا أخت حواء سليمان على الأخبار الحلوة دية.

تحياتي

Quote: ألف مبروك المولود الجديد والحمد لله على سلامة إبنتنا الحلوة آية. مبروك ياالخوجلية أخيراً وصل الحفيد المنتظر... ربنا يجعله من الأبناء الصالحين البارين. تحياتي لكل الأسرة والله يادوب جيت من الشغل ولقيت الأولاد وأمهم نايمين ... يعنى عشا ما في الليله -وقلنا أحسن ندلف على سودانيز أون لاين عسى أن نجد فيها من الأخبار ما يشبعنا وما خيب ظننا هذا الموقع الذي جمعنا فأصبحنا أسرة واحدة ... يا سلام يا أولاد. شكراً ليك يا أخت حواء سليمان على الأخبار الحلوة دية. تحياتي

شكرا هارون اخوي..

ما بتقصر يا طيب..
سلم علي ثريا وساره واشكرهم كتير علي الزياره اللطيفه..ولما آيه تتعود علي البيبي شويه بنجيكم..
وان شاء الله نزلة ام ثريا تكون راحت..

تسلم محمد..ربنا يهنيك باسرتك وتربي معاهم عيالهم..

حواء يا حبيبة..

خبر حلو حلو..

مبروك يا آية ومنى ولينا إحنا زاتنا الوليد..
إن شا الله يطلع زي أخوال أمه..



يا جماعة النت عندي شبه مستحيل من أمبارح بسبب الأحوال الجوية الظاهر..
طالبني ورود وعلبة ماكنتوش

وإن شا الله يا حواء تشوفي وليدات وليداتك ووليداتهم كمان

نحمد الله على سلامة ابنتنا اية



ومبروك المولد


وجعله الله قدم سعد على اسرته



ومبروك يا منى



ولك الشكر يا حواء

Quote: نحمد الله على سلامة ابنتنا اية ومبروك المولد وجعله الله قدم سعد على اسرته ومبروك يا منى ولك الشكر يا حواء

يا حليلك ود محجوب اخوي..
اول ما آيه ولدت اتذكرت الخليفه ودعاءه وفكرت قدر شنو كان بيكون سعيد
لو كان حضر ياسين..انا لله وانا اليه راجعون والحمدلله الذي اكرمنا بالخليفه ابا في حياتنا..ثم اكرمنا بياسين بعد انتقاله....

تقبل الله دعواتك الطيبه واسعدنا جميعا بأسرنا...

ألـ1000ـف مبروووك ..

Quote: ألـ1000ـف مبروووك ..

الله يبارك فيك أخوي كمال بخيت..

عارف ياسين بقي ينادي اسمي أول مايصحي من النوم؟؟
والله ماشاء الله عليه بيبي ذكي خلاص!

Quote: حواء يا حبيبة.. خبر حلو حلو.. مبروك يا آية ومنى ولينا إحنا زاتنا الوليد.. إن شا الله يطلع زي أخوال أمه.. يا جماعة النت عندي شبه مستحيل من أمبارح بسبب الأحوال الجوية الظاهر.. طالبني ورود وعلبة ماكنتوش وإن شا الله يا حواء تشوفي وليدات وليداتك ووليداتهم كمان

والله يا رجويه كان شوفتيه ماشاء الله لذيذ بشكل!
أول امس ناداني وكنت نايمه..
طوالي مشيت ليه قلت ليه في شنو يا ياسين العسل؟
طوالي قام ورمي نفسه في حضني!
لذيذ موش؟؟

لما عملنا الكرامه..هدي عملت ليه اللقيمات ومديدة البلح..جنس حركات علينا في لندن!


قلت ليك يارجويه..
بتك لما تجي ياسين اهو موجود..لكن في موضوع لازم أعرفك بيه امكن تكوني ناسيه ولا حاجه..
انتي لازم تتكفلي بمصاريف ياسين لغاية بتك ماتجي وتكمل الثانوي..
وبعد كده تلموا المهر..اصله الزمن داك قوانينه براها..
وبعدين في الهند العروس بتحضر المهر للراجل..واحنا ولدنا نصه من هناك..ما تنسي..سمح؟!

Quote: باركوا للانيقة منى !!!!!! آية بقت أم

أت يا حوا ما تقولي منى خوجلي حبوبه عديل كدة

ألف مبروك الوليد وحمداَ لله على سلامة آية

وبعد ده يا منى باقي لي جياتك هنا ماشي تقل ما بعد ده بدل الكي بورد ح يبقى الحفيد
الله يخليه ليكم ويخليكم يه وعقبال ما أية تلحقه بي أخت شبه حبوبته.

الشايقي

فاوضني بلا زعل

Quote: أت يا حوا ما تقولي منى خوجلي حبوبه عديل كدة ألف مبروك الوليد وحمداَ لله على سلامة آية وبعد ده يا منى باقي لي جياتك هنا ماشي تقل ما بعد ده بدل الكي بورد ح يبقى الحفيد الله يخليه ليكم ويخليكم يه وعقبال ما أية تلحقه بي أخت شبه حبوبته. الشايقي

باقي لي بقالها صعب تقولها الشايقي اخوي
يباركوا ليك سمح وليداتك وتشوف أولاد اولادهم..

عارف ياسين ولد لذيذ جدا..
اصله ما شاء الله ما بيبكي..
وبعدين هنا قاعدين نحاول نعله علي عدم الشيل..علشام كده الشيل بسيط
لكن لامن يحصل اسكت ساكت!
جنس لعب وحركات..
مرات غايته بشيله بالسرقه
واسه المحاولات علي قدم وساق يظلوا قاعدين معاي..أدعي لي!

شكرا دكتور راشد الحاج علي كرت المباركه اللطيف..

قلت لآيه المفروض تحتفظي بأي كرت جاك للمستقبل..




ولو معاه هديه تديها لي أنا بحتفظ بيها

ألف مبروك منى,

يتربى في عزكم



أحمـد الشايقي

الف الف مبروووك

التهاني لك ولاية وللحفيد
دمتم

Quote: الف الف مبروووك التهاني لك ولاية وللحفيد دمتم

شكرا يا ياسر..

عقبالك..

امس 5 مارس في الصباح..
كانت أول ابتسامه حقيقه استجاب بيها ياسين علي لعبي معاه..
تصدق..
حسيت بضحكتي طالعه من جوووووووووووووووووووه قلبي!

Quote: ألف مبروك منى, يتربى في عزكم أحمـد الشايقي

تسلم أخوي..

ياسين عيدميلاده قرب باذن الله..

فضل ليه 46 اسبوع بس..

بعمل حفله اعزمكم فيها كويس؟؟

لكن لازم كده كلنا مع بعض نحدد شكل العيدميلاد..

حواء يا حلوه..
ويا أحلي غنوه..

الله يبارك فيك وفي أولادك وفي أيامك..
ويسعدك بيهم كبار حلوين معرسين وجابين أطفال حلوين..
يونسوك ويفرحوك زي ولد آيه وعبدالرحيم مفرحني..
الولد قبيل ماشاء الله..والله أكبر.. ونسني جنس ونسه..
اسكتي ساكت اصله ما تقولي ولدوه الساعه سبعه ونص مساء
30 يناير 2008!

زول جديد شديد!
وكان شوفتيهو ماشاء الله وصلاة النبي فوقه حلو حلا!
لما شافني قال لي وحشتيني ياماما
قلت ليه طبعا حبيبي مش أنا ماما؟
وآيه دي ماتغشك... وبس امرنا لله..أعتبرها أختك!
هو بيعرف يتكلم بس بيتمتم شويه


شكرا حواء حبيبتي علي السؤال والأهتمام وعلي الفرح المافي زيه..تسلمي

الف مبروك يامني ويتربي في عزكم وليد آيه
وعقبال تولد بنيه كمان انا طبعا بحب البنات شديد

Quote: الف مبروك يامني ويتربي في عزكم وليد آيه وعقبال تولد بنيه كمان انا طبعا بحب البنات شديد

طبعا يا دوما انا زيك بحب البنات جدا..
لما مشيت مصر بقيت اشتري ملابس الطفال علي اساس بت او ولد..
الأسكان بيوري في الشهر الخامس بس..
المهم تأقلمت علي فكرة الولد من الشهور الأخيره.
وافتكر الفرق بين الأتنين بيظهر في السنه التانيه والتالته..
الولاد عامه مابيخافوا خالص..
وشياطين جدا..

بس اسه وفي الوقت الحالي..
ياسين مافي احلي منه..ومنتظره مينت يكبر شويه واسرقه ينوم عندي!
يا رب تفرحي بعيال عيالك كلهم..

Quote: مشيت المستشفي (بوست مديده....ومفحضه وحقه! ) باركت لأختي أيه وسألت منك قالوا مشيتي ناس حواء سليمان فقلت لازم أصلك عشان ابارك ليك انت وحواء.. ومنتظركم تباركو لي (بارك الله لكم المولود الجديد ورزقتم برّه وبلغ رشده ألف مبروك للوالدين مع تمنياتنا بحياة ملؤها السعادة والهناء للمولود...) شوفي في زول فرحان اكتر مني الساعه خمسه صباحا وانا صاحي عشان ابارك ليك تحياتئ أبرأهيم

ابراهيم ولدي وأخو أيه..
متين أشوفك كده فرحان معرس وعندك أولاد؟
اوعدك أعمل ليه بيبي سيتنج مره كل اسبوع لمدة 3 ساعات


وينك قاطع الأيام دي؟
سلم علي معتز..

Quote: لما شافني قال لي وحشتيني ياماما

ابتدينا ؟ طلع ينضم .........
الف مبروك ياجدتو .....

Quote: ابتدينا ؟ طلع ينضم ......... الف مبروك ياجدتو .....

ابو بكر شنو مستغرب؟؟
مامصدق يعني ولا شنو؟

اها انا كلمتك باكتاب البقؤاه ليه كل يوم قبل النوم؟
كان ما متأكد تعال الأيام الحايه سودانيزأونلاين الساعه 7 مساء بمواعيد لندن..
هاتلاقاني مافي!
قايلني ليه مافي؟؟
ماعشان بقرا لي ياسين القصه بد تايم ستوري..
وهو في الصفحه الأخيره يقول لي اقريها تاني..
ودقيقه مافي يكون نام!!

اها شوفت كيف؟

مبرووووك البيبي الجديد خالتو مني و آية،،

يتربي بين حضنكن و ابواب حبكن و ابوه،،

Quote: مبرووووك البيبي الجديد خالتو مني و آية،، يتربي بين حضنكن و ابواب حبكن و ابوه،،

سوميتا يا عسل..
بمناسبة القدام الساتان الحله دي..
ياسين بيحب المساج في قدمه!

والله العظيم جد..ما درابه!

ربنا يديك عيال..
يجوا يدخلوا البورد..
وتبقي سلمي وخيتها مني وانتي وهم في حالة حوار وضحك مستمر..

ألف مبروك للحبوبة مني
وللابنة آية
الحبوبات أسماؤهم تغيرت خالص الزمن ده
عقبال لي حبوبة سلمي

الف مبروك
ودامت الأفراح...

Quote: الف مبروك ودامت الأفراح...

تتبارك كل اوقاتك بكري عبدالله..
مسئلة حبوبه دي يا بكري شكلها غريب..
عارف لما اشيل ياسن وأعاين ليه..
بلقي بس شكل ىيه لما كانت في عمره..
يعني كأنك بتعيد في تجربه حصلت في حياتك بنفس الأحساس!

عقبالك يابكري..

Quote: ألف مبروك للحبوبة مني وللابنة آية الحبوبات أسماؤهم تغيرت خالص الزمن ده عقبال لي حبوبة سلمي

القردابي هلالك سمح جد!

الله يبارك فيك وعقبال عندك..
اسه اسم مني وسلمي ديل ممكن يكونو جديدين وممكن قديمين..
لكن المشكله في الجينز

اسه انت ممكن تتخيل حبوبتك لا بسه كداره وجينز؟؟
والله بيكون جنس منظر

1000 مبروك و حمدا لله على سلامة آية
ربنا يقر عين ابويه و حبوبته به ويحفظه ويجعله من الصالحين

وشكرا حواء

Quote: 1000 مبروك و حمدا لله على سلامة آية ربنا يقر عين ابويه و حبوبته به ويحفظه ويجعله من الصالحين وشكرا حواء

وشكرا ليك كمان محمد البشري..
انت الأطفال الموليدين جديد ديل؟؟ليه كلهم بيتشابهوا؟
اسه عاينت لصورة بتك اللذيذه دي لقينها تشبه ياسين!

ربنا يخلي ليك عيالك..

Quote: انت الأطفال الموليدين جديد ديل؟؟ليه كلهم بيتشابهوا؟

مش عليك الله يا منى
وتجي ست المفراكة تتفلسف عليك تقول ليك شغب جيني
شفتي الحالة دي بالله؟

نبارك للأنيقة منى
ونبارك للأمورة آية
ونبارك لأنفسنا
قدوم هذا الشبل
يتربى إن شاء الله في عز والديه
ويقر الله تعالى به أعينهما

وتاني مبارك يا منى

شكراً حواء

Quote: نبارك للأنيقة منى ونبارك للأمورة آية ونبارك لأنفسنا قدوم هذا الشبل يتربى إن شاء الله في عز والديه ويقر الله تعالى به أعينهما وتاني مبارك يا منى شكراً حواء

عقبال ماتشيلوا احفادكم انتو وسعديه..
يجوا يملوا ليكم البيت زيطه وهيصه..
الخليفه نور الله قبره كانت اسعد الوقات عنده لما احنا وعيالنا نكون حوله..
البناء وبعدهم الحفاد جمال نسال الله ان ينعم به علي الجميع..

شكرا يا عاطف..دمت اخوي..

الف مبروك وعقبال يا مني ما تشوفي وليداته
ارجوك تبريكاتي وتحياتي الي اية وبودي

الف مبروك المولود الجديد
تهانينا للاسرة الكريمة
وللحبوبة الرائعة منى

أسامة محمد إدريس

Quote: الف مبروك المولود الجديد تهانينا للاسرة الكريمة وللحبوبة الرائعة منى أسامة محمد إدريس

شكرا يا اسامه..ياربي عندك عيال؟؟
لو عندك ما تفتكر قضية زواجهم دي بعيده..
فجأه تلقاهم واقفين ليك ويقولوا ليك عايزين نتزوج..
ولسه ما فقت من كلامهم تلقي السنه مرت وجوك بزول أحلي منهم!

ربنا يسعدك بكل حاجه تحبها..

Quote: الف مبروك وعقبال يا مني ما تشوفي وليداته ارجوك تبريكاتي وتحياتي الي اية وبودي

كيف حالك عثمان اخوي..

عارف اشوف اولاد ياسين دي صعبه شويه ولو انهم بقي يعرسوا في سن صغيره شديد

لكن اتخيل البيت لو بقي فيه اربعه او خمسه اجيال!
جمال مبالغ فيه!

الله يبارك فيك وفي ذريتك..

الاخت العزيزة منى خوجلى و الابنة ايه
مبروك المولودة و جعله الله قرة اعينكم
و حمدلله على السلامةو ربنا يحفظكم
و جعل الله ايامكم كلها فرحة و سعادة
و كدى يا منى حنتوه بين تيتا و نينا و حبوبة..
و شكرا للخبر الجميل من الاخت حواء

الف مبروك
وجاينكم للسمايه
جهزوا الشطوط

Quote: الف مبروك وجاينكم للسمايه جهزوا الشطوط

معقوله يا أحمد بعد التحضيرات دي كلها ما تجي؟؟

خسرتني شطة كتيره خلاص!
انت قايلها شطتنا السودانيه الحمرا ديك بس؟؟
ابدا والله الجماعه البنغال ديل عندهم شطه فظيعه..
تشوفهاكده زي الفلفل الأخضر والأصفر تفتكرها خضار بارد..

شكرا علي كل حال علي مباركتك هنا وعقبال تشوف عيال عيالك
يا مأذونا الطيب..

آية.....ألف مبروك المولود

مبروووووووووكات كتيييييييييرة يا منى......

شكراً حواء

Quote: آية.....ألف مبروك المولود مبروووووووووكات كتيييييييييرة يا منى...... شكراً حواء

شكرا سلومي..عقبال عندك..

صحبتي قالت تاني ما بتقول هي صحبتي..
علشان اي زول بيقول لي حبوبه..
انتي رأيك شنو؟؟

Quote: الاخت العزيزة منى خوجلى و الابنة ايه مبروك المولودة و جعله الله قرة اعينكم و حمدلله على السلامةو ربنا يحفظكم و جعل الله ايامكم كلها فرحة و سعادة و كدى يا منى حنتوه بين تيتا و نينا و حبوبة.. و شكرا للخبر الجميل من الاخت حواء

ازيك يا اسعد..

عارف احنا في بيتنا مافي غير كلمة ماما..
ماما (دي أنا) ماما جاره (أمي)
البيت كله كده...مستهبلين موش؟؟
اسه هو ناني دي الا يقولها لأم أبوه..وماخايله فيها علشان عندها 36 سنه بس
...
...

شكرا يا سعد وربنا يسعدك مع اسرتك دايما..

الف مبروك الحبوبة مني خوجلي
شكرا....لحاملة الاخبار السعيدة حواء سليمان


التحايا النواضر
هارون دياب

Quote: الف مبروك الحبوبة مني خوجلي شكرا....لحاملة الاخبار السعيدة حواء سليمان

عقبال عندك ياهارون..

اسه أنا والبيبي منتظرنك تجي تفسحنا بالعربيه الجديده...ممكن؟

ربنا يهنيك بأسرتك..

مبرووووووك يا منو

يتربى فى عزكم الوليد و تفرحوا بيو يا ربى

سلمى على ايوية و ابو الوليد


خبر حلو شديد شكرا حواء

Quote: مبرووووووك يا منو يتربى فى عزكم الوليد و تفرحوا بيو يا ربى سلمى على ايوية و ابو الوليد خبر حلو شديد شكرا حواء

نونا يا حلوه..شوفتي ياسين عسل بشكل!
وبيحب الهدوء شديد..أي حركه جنبه تصحيه..
آيه محتجه الأيام دي..
قالت ياسين بقي يضحك لي وما بيضحك ليها

ربي يحقق ليك كل امانيك..

علي فكره..انتي ليك مده مافي..ليه؟

ألف حمد لله على سلامة آية يا حبوبة منى
وألف مبروك البيبي ..

شكرا نجوان علي التيدي بير معبود البيبيهات حتي سن النضج

نبارك ليك السمح..

Quote: ألف حمد لله على سلامة آية يا حبوبة منى وألف مبروك البيبي ..

الحمدلله تايسا حبيبتي..

ايام وعدت بالسلامه!

جنس حال كان..شنطه محضره ليها اسابيع جنب السلم..استعدادا للمستشفي..
وياماما ختي ايدك علي بطني..
وياخالتو لازم تدخلي معاي غرفة الولاده!

عقبال ما تفرحي بأسرتك حبيبتي..

حمد لله على السلامة
بركة الانحلت طيبة

ويتربى في عزكم يا منى

شكراً حواء

مبروووووووووك يا حبوبة منى لمقدم ابن آية البكر

مبروك الحفيد يا "منو" وحمدلله على سلامة إبنتنا آية

Quote: مبروك الحفيد يا "منو" وحمدلله على سلامة إبنتنا آية

كيف حالك النذير أخوي..وين غايب مننا؟

الله يبارك فيك..والله ياسين ربنا راضي علينا وعليه الحمدلله..ولد حلو وهادي..
عارف جني وجن العيال البيصرخوا كده وانت ما تفهم سبب صراخهم!

ربنا يهنيك بأسرتك ويسعدك بذرية الذريه الصالحه..

Quote: مبروووووووووك يا حبوبة منى لمقدم ابن آية البكر

ياسلام يا ابوجهينه..
ياربي انت مريت بالتجربه دي ولا لسه؟

غايتو تجربه عظيمه ربنا يسعدنا جميعا بيها..

شكرا ليك كتير..

Quote: حمد لله على السلامة بركة الانحلت طيبة ويتربى في عزكم يا منى شكراً حواء

تسلمي يا أماني..
يارب كده تشوفي أولاد اولادك..
اسه انا بقي عندي برنامج فرح كده طعمه براه..
وما ببدله بأي برنامج تاني..
أغني وألعب مع ياسين وهو بس يعمل في اصوات استجابه..
عارفه هو طبعا لسه ما بيقدر يوجه ادراكه..بس دلوقتي بدأ يتعلم يستجيب..
بيسمع الأصوات كويس..زي البيثبتها في الذاكره..


شكرا اماني حبيبتي..سلمي علي عثمان صاحبي وقولي ليهو ليه غايب من البورد..

الف الف مبروك البيبي يا احلي حبوبة (منوية )

ربنا يجعله من الابناء الصالحين

وسلامة الغالية آية وربنا يخليهو ليها ويزيدو

التهئنة موصولة للحبوبة التانية ماجدة

غايتو ما شاء الله وعيني بارده الولد ده عندو

حبوبات عسل بس ....

الاخت العزيزة حواء شكرا على الخبر المفرح والعقبال لاولادك

الحبوبة الأنيقة منى خوجلى
حمدأ لله على سلامة آية..
والوليد مبروك وإنشاء الله يربى فى عزكم..
وعقبال ما يجيب أخواتو وأخوانو..

طبعاً برضو حا أخلى حكاية الورود عليك عشان توصليها لى آية
مع تحياتى الخاصة جداً جداً ليها..


حواء..
سلامات وعقبال ما نبارك ليك الجديد..
و...

ولك ولكل من مر/ت من هنا محبتى

مليون مبروووووووووووووووووك

Quote: مليون مبروووووووووووووووووك

شكرا مبارك الطيب..

مبروك حقتك وصلتني فرحانه من القلب..

ربنا يسعدك...

Quote: الحبوبة الأنيقة منى خوجلى حمدأ لله على سلامة آية.. والوليد مبروك وإنشاء الله يربى فى عزكم.. وعقبال ما يجيب أخواتو وأخوانو.. طبعاً برضو حا أخلى حكاية الورود عليك عشان توصليها لى آية مع تحياتى الخاصة جداً جداً ليها.. حواء.. سلامات وعقبال ما نبارك ليك الجديد.. و... ولك ولكل من مر/ت من هنا محبتى

كيف حالك ازهري أخوي..

غايتو يجيب أخوانو واخواتو دي تبقي شغله تاني..
انا في الأول قلت لآيه أنا لا بشيل طفل لا بحمي طفل بطريقتك..
كفايه ربيتك انتي!
لكن من ياسين جه..بقيت اكابس معاهم..
واسه آيه لما تكون عايزه تطلع نص ساعه ولا تبعد منه..
تقول لي ماما لو سمحتي ممكن تخلي بالك من ياسو..
في نفسي اقول..شوف آ’يه الدايشه دي..
بتستأذني..وانا بكون ميته من الشوق علشان أشيله!


الورود اعتبرها وصلت وعقبال ما تشيل احفادك..لأنهم نعمه من الله نحمده عليها كثيرا عليها..

Quote: الف الف مبروك البيبي يا احلي حبوبة (منوية ) ربنا يجعله من الابناء الصالحين وسلامة الغالية آية وربنا يخليهو ليها ويزيدو التهئنة موصولة للحبوبة التانية ماجدة غايتو ما شاء الله وعيني بارده الولد ده عندو حبوبات عسل بس .... الاخت العزيزة حواء شكرا على الخبر المفرح والعقبال لاولادك

منويه ازيك..

عارفه ياسين ده بقي يفور بطني عديل..عارفه لما يبتسم استجابه للعبي معاه..
احس ليك بالدنيا دي كلها بترقص فرحانه..
حلوين شديد البيبيهات وخاصه لما يكونوا مامتضايقين من عيا..
اسه ياسين لما بطنه توجعه علشان الرضاعه والغازات..انا بتعب معاه..
ياخ هو كله قدر شنو علشان يجيه مغص؟؟
والمشكله عيالنا ما بيرضو نديهم الحاجات الكانوا بيعملوها ناس أمي وامك..
زي اليانسون والحلبه وكده..حاجه ماقالها الدكتور مافي طريقه ليها!
........
........

ربنا يسعدك يا منويه بأي حاجه بتتمنيها لنفسك..

الف مبروك المولود يا منى وآية

ويتربى في عزكم

Quote: الف مبروك المولود يا منى وآية ويتربى في عزكم

الله يبارك فيك سموؤال أخوي..
ابو البنيات الطيب..

أها نجي للخطوبه متين؟؟

الف الف الف الف ميرررررررررررررررروك

خبر مفرح جدا جدا ..

يتربى في عزنا

شكرا حوة كتير

الف الف ميرررررروك


للحبوبة مني


وللابنة آية





صلاح واسبه

Quote: الف الف ميرررررروك للحبوبة مني وللابنة آية صلاح واسبه

صلاح أخوي.. شوفت بتك آيه كبرت وبقت كمان أم!
اسه عيدميلادها قرب..
ايه رأيك نفتح ليها ونحتقل بياسين بس؟؟

عقبال ماتشيل أحفاد عيالك..
يحفظ ليك اسرتك السمحه يارب..

Quote: الف الف الف الف ميرررررررررررررررروك خبر مفرح جدا جدا .. يتربى في عزنا شكرا حوة كتير

شوفتي يا نعومتي..

من ياسو جه (ياسو ده ياسين) بقينا نفرح كتير..
وكمان نقعد التلاته كده لو اتكرع ساكت..تلقينا كلنا قلنا الحمددلله في لحظه واحده!
الله يديم الفرح علينا وعلي الجميع..

سلمي علي ناس البيت..

woooooooow
أخبار حلوة الصباح ده

ألف مبروك البيبى وربنا يحفظه ويحميه

والحمدلله عى سلامة آية


سماح

Quote: woooooooow أخبار حلوة الصباح ده ألف مبروك البيبى وربنا يحفظه ويحميه والحمدلله عى سلامة آية سماح

تسلمي يا سموحه..
فعلا اخبار حلوه للناس الحلوه..
الخلق في حد ذاته ورؤيته جمال مافي بعده جمال..

ربنا يسعدك دايما يا سموحه..
شكرا علي الباركه الحلوه..

ألف ألف مبروك يا حبوبة
وربنا يسعدك بيه وبي أمه ويتربى في عزكم
الله يديك العافية يا حبوبة وتشوفي عياله
آمين يارب
بلغي تهانينا للحبيبة آية وزوجها

شكرا حواء وعقبالك وعقبالنا

موني !!!

ألف مبروك يتربى في عزكم بجاه النبي ,,,

حواء !!!

شكرا يا بنت العم .. و برضه مشتاقين

ألف مبروك المولود الجديد والحمد لله على سلامة

الف مبروك المولود يا حبوبة/منى
وان شاء الله يتربى فى عزكم




مشكورة يا حواء


أحمد العمار

Quote: الف مبروك المولود يا حبوبة/منى وان شاء الله يتربى فى عزكم مشكورة يا حواء أحمد العمار

مرحب يا أحمد...
سمعت بحاجه اسمها البيبي كافيه؟؟
Baby Cafe

دي حركات خواجات لذيذه.. لو حبوباتنا زمان سمعوا بيها كانوا استغربوا..
عارف .. آيه علموها اثناء الحمل وساعه ماولدت وضع معين في ارضاع الطفل..
المهم ياسين ماحباه..
وهو حقيقي وضع مضحك جدا..
البيبي نصه تحت ذراعها مش راقد في صدرها..
المهم اي واحده بتولد..بتجيها الزائره الصحيه..
وبعدين الدايه في البيت..يطمئنوا علي الأم والبيبي ويوزنوه..
لقوا آيه ماعارفه ترضع..
رسلوا ليها واحده قال ايه..
اخصائية ارضاع!
الأخصائيه بعد قابلت آيه..قالت ليها لازم أرسلك البيبي كافيه..
ورسلوا ليها تلاني يوم واحده تساعدها وتمشي معاها..
الأمهات الصغار هناك بيتقابلوا وبيدرسوهم كيف يرضعوا والعيال كمان تقعد مع بعضها!

ايه رأيك؟؟

..........
..........

شكرا احمد العمار أخوي وربنا يوعدك بدستة أحفاد حلوين..

Quote: ألف مبروك المولود الجديد والحمد لله على سلامة

شكرا فيصل أخوي..
الله يسلمك..آيه كويسه جدا وفرحانه خالص بالبيبي..
وانا اكابس بينها وبين بودي علشان اشيله!

يباركوا ليك كل البتتمناه ليك وللأسره..

Quote: موني !!! ألف مبروك يتربى في عزكم بجاه النبي ,,, حواء !!! شكرا يا بنت العم .. و برضه مشتاقين

سلام يا طوفي..

المره الجايه لما تجي لندن تشوفي ياسو حلو كيف!
عسل بس..ربنا يديك العمر والصحه وتشوفي عيال عيالك وتلعبي معاهم..
عارفه المشكله شنو؟؟
انه ماعندنا قصص زي حقات جداتنا زمان نحكيها ليهم..
وحتي لو عندنا..هم ما بيصدقوها!

تسلمي طوفي ..

Quote: ألف ألف مبروك يا حبوبة وربنا يسعدك بيه وبي أمه ويتربى في عزكم الله يديك العافية يا حبوبة وتشوفي عياله آمين يارب بلغي تهانينا للحبيبة آية وزوجها شكرا حواء وعقبالك وعقبالنا

فعلا عقبالكم..
ده احساس أكتر من جميل يا شروقه..
تشيلي جنا بتك ولا ولدك..
وتعرفي احساس الحبوبات..
احساس اي حاجه فيه مضعفه..
الحب فيه بيمتد مساحات واسعه كل يوم..
وبعدين ياسو ده سكر عدييييل كده...

عقبال ما نبارك بيك وليهم...

تسلمي حبيبتي ومشتلقين كتير..غايبه انتي!

غايتو إنتوا يوم ح تكتلوا ليكم زول بي بيريكم الكتير دا ..

يعني إنتوا ما بتصدقوا زول حصلت ليهو حاجة سمحة
إلا بس تجوا جارين تباركوا؟ ..

مفروض العادة دي تُصنف مِن ضِمن العادات السودانية الضارة
ذي خِتان البنات ودق الشلوفة وكِدة ..

إنتوا اصلوا ما سمعتوا بي حاجة إسمها (الإندِفيديوال برايفسي)؟ ..

ياناس خلّوا الزولة دي تفرح بالمولود الجديد بي راحتا ..

ناس تحِب البيريك زيكم اصلو ما لاقوني ..



عموماً مبروك يا مُنى

Quote: غايتو إنتوا يوم ح تكتلوا ليكم زول بي بيريكم الكتير دا .. يعني إنتوا ما بتصدقوا زول حصلت ليهو حاجة سمحة إلا بس تجوا جارين تباركوا؟ .. مفروض العادة دي تُصنف مِن ضِمن العادات السودانية الضارة ذي خِتان البنات ودق الشلوفة وكِدة .. إنتوا اصلوا ما سمعتوا بي حاجة إسمها (الإندِفيديوال برايفسي)؟ .. ياناس خلّوا الزولة دي تفرح بالمولود الجديد بي راحتا .. ناس تحِب البيريك زيكم اصلو ما لاقوني .. عموماً مبروك يا مُنى

يا اخوانى الفوق اسمحولى ارد على الزول دا

ياخى وكت انت ما داير تفرح لفرح الاخرين ولاتبارك

تاعب نفسك وكاتب الكلمتين ديل ليه؟؟؟ تصد دى من اجمل

العادات السودانية ومافى اى بلد تمتاز بيها الا بلدنا السمحة دى

عليك الله نخلينا نفرح مع اختنا بولد بتنا ما تشوش علينا

Quote: غايتو إنتوا يوم ح تكتلوا ليكم زول بي بيريكم الكتير دا .. يعني إنتوا ما بتصدقوا زول حصلت ليهو حاجة سمحة إلا بس تجوا جارين تباركوا؟ .. مفروض العادة دي تُصنف مِن ضِمن العادات السودانية الضارة ذي خِتان البنات ودق الشلوفة وكِدة .. إنتوا اصلوا ما سمعتوا بي حاجة إسمها (الإندِفيديوال برايفسي)؟ .. ياناس خلّوا الزولة دي تفرح بالمولود الجديد بي راحتا .. ناس تحِب البيريك زيكم اصلو ما لاقوني .. عموماً مبروك يا مُنى

الله يبارك فيك يا ود الجيران..

طبعا انا اخدت كلامك الفوق ده كله هظار..والا ما كان باركت في نهايته..

شكرا علي وجودك هنا..وفعلا زي ماقالت اشراقه وحوا..
مافي اجمل من التكافل والحب بينا..

يارب محبه دايمه..قول آمين..

1000 مبروك
شكرا حواء

الاخت العزيزة مني خوجلي الف الف مبروك علي مقدم فارس جديد في الاسرة
و حمدأ لله علي سلامة آية ام الفارس ..

-----

اختي حواء لك الشكر علي نقل الاخبار السعيدة ..

Quote: الاخت العزيزة مني خوجلي الف الف مبروك علي مقدم فارس جديد في الاسرة و حمدأ لله علي سلامة آية ام الفارس .. ----- اختي حواء لك الشكر علي نقل الاخبار السعيدة ..

الله يبارك فيك محمدين أخوي..
ومبروك ليك انت ذاتك تاني الزواج..
ربنا يرزقك بالذريه الصالحه ويسعدك دايما..

Quote: 1000 مبروك شكرا حواء

شكرا اخوي الشيخ صاح..

نبارك ليك اي حاجه بتتمناها..

تحياتي منى ...
شكرا حواء ...

حمداً لله على السلامة ..
و مبروك و مبارك إن شاء الله على آية و زوجها و عليك يا منى و كل الأهل ..
و نسأل الله تعالى أن يقر به أعينكم جميعاً ..
و يجعله من الأخيار الصالحين ..
و عقبال ما تفرحوا بي جنى جناهو ..

Quote: حمداً لله على السلامة .. و مبروك و مبارك إن شاء الله على آية و زوجها و عليك يا منى و كل الأهل .. و نسأل الله تعالى أن يقر به أعينكم جميعاً .. و يجعله من الأخيار الصالحين .. و عقبال ما تفرحوا بي جنى جناهو ..

عصام دهب يا ظريف..وينك ماشايفنك؟
اسه لو المسنجر شغال كنا سألنا عنك فيه..
دعواتك الطيبه وصلت أخوي..وربنا يزيد من افضاله عليك وعلينا..

تتبارك ايامك وأسرتك..

Quote: تحياتي منى ... شكرا حواء ...

شكرا علي الكرت الحلو يا عوض عكاشه..
فعلا بيعبر عن الفرح بالمولود..

عقبال ماتفرح واحنا نبارك ليك بأي حاجه تتمناها..

ألــــ1000ـــف مبروك

لآية وأمها المولود


ثانكيو حــواء


أها لقيتو ليهو باسووود

Quote: ألــــ1000ـــف مبروك لآية وأمها المولود ثانكيو حــواء أها لقيتو ليهو باسووود

ود الصايم كيفينك..
نبارك ليك كمان الحاجات الجميله..
أما بالنسبه للباس وورد فقلنا نديه باس وورد ماما جاره شراكه
بين أكبر زول في الأسره وأصغر زول..
ايه رأيك موش فكره لذيذه؟؟

تسلم أخوي..

الف الف الف الف مليون مبروك يا ست الكل
و يتربى في عزك ولدينه
و يرفل في حنانكم و يكبر قدامكم

الف مبرووووك

Quote: الف الف الف الف مليون مبروك يا ست الكل و يتربى في عزك ولدينه و يرفل في حنانكم و يكبر قدامكم الف مبرووووك

ياعزوز..
الطفل المولود كل يوم عنده شكل..
أول ما اتولد كان شبه ابوه..
لكن دلوقتي بقي بيشبه آيه شديد..واخد عيون ابوه لكن كله آيه..
متين تزورينا في لندن ونصوره معاك؟؟

شكرا حبيبتي..ربنا يسعدك دنيا وآخره..

الف الف حمدا على السلامه ومبروك الحفيد يامنى ,,,

سميتوا منو ؟؟

شكرا حوا سليمان والعقبى ليك انت بتيمان ,,,

كمال سالم

الف مبروك يا منى
يتربى في عزكم
شكرا حواء

Quote: الف مبروك يا منى يتربى في عزكم شكرا حواء

مرحب يا شيما وعذرا علي التأخير..

ربنا يحقق أمانيك كلها..
ماما جاره قالت أنا بقي ما عندي كلام غير ياسين..
وكلامها صح..في زول يلقي ليه زول حلو كده..يخليه ويتكلم في حاجه تانيه؟؟
ما بتجي موش؟

تسلمي شيمه ربنا يحفظك وكل من تحبين..

Quote: الف الف حمدا على السلامه ومبروك الحفيد يامنى ,,, سميتوا منو ؟؟ شكرا حوا سليمان والعقبى ليك انت بتيمان ,,, كمال سالم

عارف يا كمال أنا كان نفسي في تيمان..
بودي عنده أخو وأخت تيمان..
يعني الأحتمال كان في..
بس برضه ياسين عسل..
وياسين ده اسمه الأتكتب في الشهاده خلاص..
ربنا يوعدك ويوعدهم كلهم بالأحفاد..

تسلم أخوي..

الف مبروك للاخت منى وابنتها اية
يتربى في عزكم
ومبروك ليك اخت حواء

Quote: الف مبروك للاخت منى وابنتها اية يتربى في عزكم ومبروك ليك اخت حواء

سلام يا مايا..
شكرا علي التبريكات والأمنيات الجميله..
زمان كنت بقول لآيه لما تولدي ماعندي شغله بيك..
بطريقتك مع زوجك والبيبي..
وحياتك اسه اليوم بقي مابيلحق أعمل حاجاتي وحاجاتهم..
بس ماعندي مشكله اي حاجه حقت ياسين ممكن حتي لو يصحوني من ساعات النوم القليلقه...

شكرا مايا..

الف مبروك المولود يا منى وآية

ويتربى في عزكم

وان شاء الله يطلع حلو، ما زي ناجي الملك
شكراً حواء على الخبر السار

حمدا لله على السلامة
أختي منى بت الخليفة
مبروك لآية ولوالد الفارس
الجديد ... وانشاءالله من أبناء
الوطن المخلصين للعدالة والحرية والسلام
.............................................................حجر

Quote: حمدا لله على السلامة أختي منى بت الخليفة مبروك لآية ولوالد الفارس الجديد ... وانشاءالله من أبناء الوطن المخلصين للعدالة والحرية والسلام .............................................................حجر

ان شاء الله الله الرفاعي ود عمي الله يمد في العمر ونشوف ياسين
راجل سوداني محبا لوطنه وعاملا علي ارساء مباديء العدل والحريه والسلام..
..
آيه قالت هي هاتتكلم معاه عربي بس..
وتخلي أبوه يتكلم معاه انجليزي..
علشان يعرف اللغتين..

غايتو الله يستر عليه من العربي المكسر

شكرا رفاعي حجر

Quote: الف مبروك المولود يا منى وآية ويتربى في عزكم وان شاء الله يطلع حلو، ما زي ناجي الملك شكراً حواء على الخبر السار

ايوه كلامك صح يا انور..

وعارف ربنا سمع منك وطلع ما بيشبه ناجي!

عقبال ماتفرح زينا وأكتر انت كمان..

مني خوجلي الف مبروك
ومبروك ايه
وانشاء الله من بنات الوطن الصالحات
وربنا يديها العافيه
ويسعدكم بوجودها
ويفرحكم والاسره


ومبرووووووووووووووووووووووك

يعنى اسى منى خوجلى دى يقوليها حبوبة كيف؟؟

اوعك يا منى ترضى بكلمة مامى وشنو كدا ما عارفة ..

امسكى فى حبوبة دى قوى رغم انهت ما لايقة عليك .

الف مبروك والف حمدلله على السلامة.

وشكرا الاخت حواء وعقبال بنياتك

Quote: يعنى اسى منى خوجلى دى يقوليها حبوبة كيف؟؟ اوعك يا منى ترضى بكلمة مامى وشنو كدا ما عارفة .. امسكى فى حبوبة دى قوى رغم انهت ما لايقة عليك . الف مبروك والف حمدلله على السلامة. وشكرا الاخت حواء وعقبال بنياتك

أميره يا حليلك..يعني كيف اسه الزول يمشي الخرطوم ومايشوفك؟؟
هي اجمل حاجه في حبوبه دي انها صفه جديده ومطلعانا من الروتين..
غير كده آيه أختي الصغيره وياسين اخوها هي الصغير

عقبال مانفرح معاكي حبيبتي باي حاجه حلوه في حياتك..

Quote: مني خوجلي الف مبروك ومبروك ايه وانشاء الله من بنات الوطن الصالحات وربنا يديها العافيه ويسعدكم بوجودها ويفرحكم والاسره ومبرووووووووووووووووووووووك

عوض المسلمي كيف حالك..
ونبارك ليك فرح اولادك..
غايتو كان دعاك لآيه>>]I دعا سمح وهي والله ماعشان بتي..لكن هي زوله صالحه فعلا..
,;LHK علشان جابت لينا ياسين "والقرآن الحكيم"..

تسلم أخوي..

تيتة منى ...

ألف مبروك ليك ولآية .. يتربى في عزكم ...

شكرا يا حوا ..

Quote: تيتة منى ... ألف مبروك ليك ولآية .. يتربى في عزكم ... شكرا يا حوا ..

والله غايتو يا سناء المسميات كتيره..
تيته ...حبوبه..نينه..ستوته..ستي..ماما مني..
وكلها لذيذه بس أكيد هايكون عندي لقبين أو تلاته..
تضيفي ليهم ناني ..بس هو متين يبدا يتكلم

المهم الشعور يا سناء..ربنا يوعدك بكل المشاعر العظيمه والجميله زيك..

الف مبروك المولود يا منى وآية

ويتربى في عزكم


شكراً حواء على الخبر السار

الف مبروك المولود يا منى وآية

ويتربى في عزكم


شكراً حواء على الخبر السار

Quote: الف مبروك المولود يا منى وآية ويتربى في عزكم شكراً حواء على الخبر السار

شكرا يا فيصل..

يباركوا ليك نجاح وتقدم وليداتك ويسعدك بأولادهم..

Quote: الف مبروك المولود يا منى وآية ويتربى في عزكم شكراً حواء على الخبر السار

شنو يا طارق تبارك وتتحاشي الكلام في مشروع الخطوبه؟؟
علشان ولد يعني؟؟
نخطب بتك حتي ولو كبيره ما مهم..المهم النسب

عقبال ماتشوف أولاد أولادك وتربيهم معاهم..

Quote: الف مبروك المولود يا منى وآية ويتربى في عزكم شكراً حواء على الخبر السار

صفية

شكرا يا صفيه..

ربنا يسعدك ويسعد كل البتحبيهم...

ونجي نبارك ليك البتتمنيه..

ألف مبروك لي أية وحبوبة منى ..


ناذر / ليمو

Quote: ألف مبروك لي أية وحبوبة منى .. ناذر / ليمو

الله يبارك فيكم..

وده مشوار طويل يا ناذر..لكن باذن الله تفرحوا بأولادكم وأحفادكم..

سلم لي علي ليمو كتير..قول ليها مشتاقين شديد..

مبروك يا حبوبة منى ولآية المولود ..


تحياتي أختي حواء ..

مبروك بنتنا آية

مبروك بنتنا مني خوجلي

شكرا بنتنا حـــواء سليمان

Quote: مبروك بنتنا آية مبروك بنتنا مني خوجلي شكرا بنتنا حـــواء سليمان

عقبال عندك خال آيه..

اسه انت كده تعتبر جد موش يا عبد المنعم؟

ربنا يخليك اخوي..

Quote: مبروك يا حبوبة منى ولآية المولود .. تحياتي أختي حواء ..

عصومي كيفك..

احنا التلاته بنتشاكل في ياسين بالمساء..
لكن هو بيحبني أنا اكتر منهم

العرس متين؟؟
لازم ننق ليكم يعني طوالي؟؟

دي انا في دور الحبوبه..

الف مبروك ياحبوبه منى ليك ولايه

وعقبال أخوك الموصلي

والشكر لحواء على خبرها المفرح

Quote: الف مبروك ياحبوبه منى ليك ولايه وعقبال أخوك الموصلي والشكر لحواء على خبرها المفرح

يارب يالموصلي أخوي..

الله يطول في عمرك وتشوف كل عيالك أباء وأجداد..
وتعيش بسمتهم في الصباح وضحكتهم طوال اليوم..
ومايبكوا ليك في نص الليل من المغص..
وتعيشوا كلكم في بيت كبييييييييييييييييير
وماتبعدوا من بعض..قول آمين!

تسلم يا موصلي يا جميل..

ألف مبروك المولود يا مني ويتربي في عزكم......متعه الله - وأهله- بالصحة
والعافية والتوفيق

Quote: ألف مبروك المولود يا مني ويتربي في عزكم......متعه الله - وأهله- بالصحة والعافية والتوفيق

شكرا كمال أخوي..
تتبارك ايامك وتسعد بيها..
وربنا يديم عليناجميعا الصحه والتوفيق..

مبروك يا منى......
مقدم ابن آية البكر....


و مبروك كمان....... الحبوبية.....يا منى

الف مبروك البيبي يا مني..

خلي بالك منو لانو امو ذاتها بيبي

اوعك تعملي فيها حبوبة مودرن وما بتعرفي تسوي مديدة الحلبة..

من دربك دا امشي سوطي الحلة وكتري الحليب..

ونحنا حاجزين الولد دا لبتي رولا ..وفرق الشهرين ما بيناتنا..

رسولنا(ص) عرس السيدة خديجة وهي اكبر منو بخمستاشر سنة..

شكرا يا حليمة وخليك خفيفة علي ود الجيران دا..الراجل بيهزر..

الاخت مني الف حمدلله علي سلامة اية والف مبروك المولود

ون شاءالله يتربي في عزكم

وشكرا للاخت حواء علي نقل الخبر الجميل

ألف مبروك المولودة-الحفيدة.. نسأل الله أن يجعلها من الصالحات ونسأله تعالى أن يجعلها قرة عين لوالديها ولزويها.. والتهنئة للأستاذة منى وهي تعيش إحساسا مفعما بالجمال والعطاء.

الف مبروك المولود ليك ولي اية
ويتربا في عزكم يارب

Quote: الف مبروك المولود ليك ولي اية ويتربا في عزكم يارب

ازيك يا مهند..انت الرحله البحريه القاعد فيها دي تصل متين؟؟

عقبال ما نشوفك اب وبعده كده جد..

تسلم مهند..

Quote: ألف مبروك المولودة-الحفيدة.. نسأل الله أن يجعلها من الصالحات ونسأله تعالى أن يجعلها قرة عين لوالديها ولزويها.. والتهنئة للأستاذة منى وهي تعيش إحساسا مفعما بالجمال والعطاء.

شكرا محمد الأمين أخوي..بقينا نشوفك بس في المناسبات..ايه اخبارك؟؟
ياسين ولد حلو شديد وهادي ورضي..
وأحساس وجود بيبي في حياة الزول براه حاجه ما هينه خليك من انه يكون البيبي ده امتداد ليك..
الحمدلله كثيرا..

وربنا ينعم عليك بكل الأحاسيس الجميله ومن قبلها مسبباتها..

تسلم محمد..

Quote: الاخت مني الف حمدلله علي سلامة اية والف مبروك المولود ون شاءالله يتربي في عزكم وشكرا للاخت حواء علي نقل الخبر الجميل

ازيك يا حسام وازاي ايامك؟؟

ربنا يزيدنا من نعمه ويدينا العمر نشوفه هو كمان كبير وعنده عيال..

شكرا علي التهنئه المعقوده امالها في الطراف بفيونكه جميله..

تسلم اخوي..

Quote: الف مبروك البيبي يا مني.. خلي بالك منو لانو امو ذاتها بيبي اوعك تعملي فيها حبوبة مودرن وما بتعرفي تسوي مديدة الحلبة.. من دربك دا امشي سوطي الحلة وكتري الحليب.. ونحنا حاجزين الولد دا لبتي رولا ..وفرق الشهرين ما بيناتنا.. رسولنا(ص) عرس السيدة خديجة وهي اكبر منو بخمستاشر سنة.. شكرا يا حليمة وخليك خفيفة علي ود الجيران دا..الراجل بيهزر..

رشويه..

رولا دي احنا خاطبنها من زمان وباعتبار ما قد يكون!
وبعدين بالنسبه للمديده انا لقيت نفسي مصره علي الممارسات السودانيه دي ومافي زول شغال بي..
يعني اسوي المديده واشربها انا..ناقصين تخن احنا؟؟
بس الزمن ده امكن العروس هي التحضر المهر والقروش كويس؟؟
وبعدين مسألة الكبر دي مافيها مشكله.. خليك من السيده خديجه الكريمه الساندت نبينا عليه الصلاة والسلام....
اسه دي الموضه عرس النساء الكبار من الأولاد الصغار وبعد ده الأولاد يساندوا النساء الأكبر منهم العرسوهم ماديا

ومابيناتنا يارشويه!

عقبال شهادات وعرس بتك..

سلمي لي عليك..

العزيزه منى خوجلى..

الف مبروك الحفيد..وانشاء الله يكبر فى عزكم....ومبروك للابنه ايه...
زطبعا اللقب الرهيب.. الحبوبه..او .جراند مم...وبالسودانى .الحنكوشى....ام مامى..

كم اسعدنا ذلك..
والف مبروك..

سلوى ..وعصمت

Quote: العزيزه منى خوجلى.. الف مبروك الحفيد..وانشاء الله يكبر فى عزكم....ومبروك للابنه ايه... زطبعا اللقب الرهيب.. الحبوبه..او .جراند مم...وبالسودانى .الحنكوشى....ام مامى.. كم اسعدنا ذلك.. والف مبروك.. سلوى ..وعصمت

كيف حالك يا عصمت..

اسه انا قدمت تنازلات كتيره علشان الوضع الجديد..
وماعندي أحساس بأني أخرت حاجاتي..
لكن لازم التحرك الآن..لأنه لو لحق يقول لي جراند ما..امكن ما أقدر أزح خالص من جنبه..

تسلم يا عصمت وعقبالك انت وسلوي ماتبقوا جد وحبوبه حلوين..

Quote: مبروك يا منى...... مقدم ابن آية البكر.... و مبروك كمان....... الحبوبية.....يا منى

الله يبارك فيك يا أزهري..
عقبال عندك تبقي جد..
ونقعد نتونس تتذكري سنة كده لما كان كده..
وشوفي الشفع كبروا كيف..
وبعدين نفرح بيهم كلهم...

تسلم ازهري...

ـــــــــــــــــــ
الاستاذ: حواءسليمان ابراهيم
شكرا لك والخبر الجميل عبرك .. ومبروك المولود استاذه مني وحمدا لله علي سلامة اية .. وانا جاء متاخر علشان شايل معاي خروفين اقرنين املحين
كرامه وسلامة وصلاتي علي الرسول ابو علامة .. ويا استاذه مني الحمد لله الدعاء نفع .. وكم جميل ان يتحول الخاص الي عام فشكرا لكم فقد اشركمتمونا الفرحة ...
ولكم كل السلامة

Quote: الاستاذ: حواءسليمان ابراهيم شكرا لك والخبر الجميل عبرك .. ومبروك المولود استاذه مني وحمدا لله علي سلامة اية .. وانا جاء متاخر علشان شايل معاي خروفين اقرنين املحين كرامه وسلامة وصلاتي علي الرسول ابو علامة .. ويا استاذه مني الحمد لله الدعاء نفع .. وكم جميل ان يتحول الخاص الي عام فشكرا لكم فقد اشركمتمونا الفرحة ... ولكم كل السلامة

عليه افضل الصلاة والسلام..والحمدلله علي سلامة ابنتي وابنها..
والحمدلله الذي ترك في نفوسنا مساحات للود والرحمه والدعاء حتي الاستجابه..

شكرا عماد أخوي..الدنيا أحلي وأطيب بالمحبه..

مليون زهرة للقادم الجميل
آية بقت أم ام منى بقت حبوبة؟!!
تحايا لمنى وآية وزوجها

ألف حمدللله على سلامة آية والف مبروك قدوم المولود وجعل الله ايامكم كلها أفراحا
جنى

الف مبروك المولود يا منى
وحمدا لله على سلامة آية
وإن شاء الله يتربى في عزكم

Quote: الف مبروك المولود يا منى وحمدا لله على سلامة آية وإن شاء الله يتربى في عزكم

شكرا ياخالد الحاكم..
يسلمك الله من اي شر..
ينجح مقاصدك ويعلي خطاك..
وعقبال مانبارك ليك كل البفرحك..

Quote: ألف حمدللله على سلامة آية والف مبروك قدوم المولود وجعل الله ايامكم كلها أفراحا جنى

جني مالك غايب أخوي لي كام يوم ماشايفاك؟
انت ماعارف انه طعم البورد ده جد جد ناقص وانت مافيه؟؟
وبعدين طولت من ود الزومه..
الرسول فيك ما تطول الغياب..
وخاصه انه اختك بعد بقت حبوبه قلبها بقي ارهف!
عقبال عندك..تشيل جنا جناك وتتصبح بيه وتتمسي بيه..

شكرا جني..

Quote: مليون زهرة للقادم الجميل آية بقت أم ام منى بقت حبوبة؟!! تحايا لمنى وآية وزوجها

شوفت ده بالضبط مشروع اللخبطه الماشيين نعمله لياسين يا خالد

آيه تقول ليه هي أختي الصغيره..
وانا اقول ليه آيه أخته الكبيره..
وبعدين اقول ليه لأنل مامتك..
وبودي يقول لي خالتو زي ما بيقول مافي مشكله..
وخلاص كده احنا تمام

عقبال عندك خالد اخوي..

مع كامِل إحترامي ليكي يا حوا ولي اخوانِك الفوق والتِحِت ديل .. اسمحي لي اوضِح ليكي وليهم بعض النقاط التي لم أحسِن شرحها في المُداخلة السابِقة (وذلك بحسب ما فهِمته مِن ردِك اعلاه)

بخصوص قولِك هذا:

Quote: يا اخوانى الفوق اسمحولى ارد على الزول دا ياخى وكت انت ما داير تفرح لفرح الاخرين ولاتبارك تاعب نفسك وكاتب الكلمتين ديل ليه؟؟؟

بقول ليكي اولاً إنو الزول دا عِندو إسم .. او بالاحرى لقب إسفيري .. ابداً ما غايب عليكي .. يعني زي ما إنتي إسمك حوا .. الزول دا إسمو ودالجيران .. وبالمُناسبة اللقب دا غالي عليّ .. وعزيز .. وما ساهِل .. وانا ما برضا فيهو حقرة يا حوا ..

تانياً: منو القال ليكي إنو انا ما داير افرح لي فرح الآخرين او ما داير ابارك ليهم؟ .. إنتي فهمتي الكلام دا وين في مُداخلتي الفوق دي؟ .. وانا بستسمحِك يعني لو تكرّم مقامِك إنك توريني اسلوب المباركة المعقول والمُمكِن يرضيكي ويرضي اخوانِك الفوق ديل عشان انا اتبعو يا حوا .. لكن بس قبُل ما تقولي عايز اوضِح ليكي نُقطة .. وانا في الحقيقة قصدتا اوضِحا في المُداخلة الماعجبتِك دي بي أسلوب فيهو شي مِن التظارُف واللطافة ما امكن .. لكِن بما إنو المسألة ما وقعت ليكي .. اقول ليكي الكلام العديل البريحني وبعجبك ..

لو إنتي بتسمي اسلوب الغمز واللمز الغير كريم بتاعِك إنتي وبعض اخوانِك واخواتِك الفوق والتِحِت ديل مباركة وفرح لي افراح الآخرين .. انا يا حوا لا عايز افرح معاكم ولا عايز ابارِك زيّكم .. سمعتي عليّ؟

النُقطة التالتة: ما إنتي البتحددي لي متين اكتب ووين اكتِب وشنو اكتِب .. دي مساحة حُرة يا حوا واي زول مخُيّر يكتِب العايز يكتبو في الوقت البعجبو .. في المكان البعجبو .. ولو إنتي حقيقةً عايزة تحجري عليّ الكتابة .. او ما عايزاني اكتِب في بوستِك دا .. اكتبيهو وبعدين علقيهو في حيطة بيتكُم .. وشوفيني كان جيتِك فيهو .. دا سوق يا حوا .. سوق .. وفي السوق الزبون بجي يقلِّب ليكي بُضاعتِك وكان ما عجبتو يرميها ويفوت .. تمام كِدة؟

دي نُقطة ..

اما بخصوص كلامِك دا:

Quote: تصد دى من اجمل العادات السودانية ومافى اى بلد تمتاز بيها الا بلدنا السمحة دى

فبقول ليكي لا ما بصدِق إنها مِن اجمل العادات السودانية .. لانو بي بساطة مقايس الجمال عِندك بتختلف عن مقايس الجمال عندي بتِختلِف عن مقايس الجمال عند زول تالِت .. وافتكِر إنو اي زول حُر في مقايس الجمال حقّتو .. والا ما معاي؟ .. اهن اسي انا بسألِك يا حوا .. كيف إنتي عرِفتي إنها مِن اجمل العادات (الخاصة إقتصاراً) بي بلدنا (السمحة دي)؟؟ .. تضامن مشحون بي عاطِفة إجتماعية جياشة في الافراح والاتراح مثلاً؟ .. ومنو القال ليكي إنو التضامن والعاطِفة الإجتماعية الزايدة دي كُلها محمولاتا او مردوداتا إيجابية .. انا بشوف إنو العاطِفة الإجتماعية الكثيفة حقتنا دي سلبياتا وضررها علي الافراد اكثر مِن نفعها ,, لانها كتير بتكون غير مُفيدة ولا تُراعي للظرف الخاص للأفراد المعنيين .. وعلى هذا الاساس مُفترض الناس تنمّي في نفوسها شي مِن الحساسية تِجاه بعض الامور التي تستحِق الحساسية وما يكونوا جايطين ساكِت .. طبعاً الكلام دا بي إفتراض إنو نِحنا قاعدين نتكلّم بي موضوعية وكِدة.

وبعدين إنتي قاصدة ياتو بلد بي قولِك (بلدنا السمحة دي) .. قاصدة محل ما إنتي قاعدة اسي .. والا سودانيز اونلاين .. والا السودان .. لانو البِلاد ذاتا بِقت خُشوم بيوت في الزمن العلينا دا .. وخشيتي كُل الخشية إنك تكوني قاصدة الاخير .. لانو وحياتِك السودان مستّف قباحة لي حلقو .. وما شاف السماحة بي عِينو يوم .. والدليل ياهو الشايفِنوا قِدامنا دا .. ودا ابداً ما إستثناء .. معاي يا حوا؟

اما بخصوص كلامِك دا:

Quote: عليك الله نخلينا نفرح مع اختنا بولد بتنا ما تشوش علينا

فبقول ليكي في كلامات قليلات إنو لو عايزين تفرحوا الفرح الحقيقي الصافي البفرّح قلوبكم إنتوا اولاً ويحصِنا تمام بدون ان يسمِح لي زول (عِكليتة) زيي كِدة يجي يشوش عليكم .. نضفوا نفوسكم النضيفة دي اكتر.

وهذا مع خالص تقديري ليكي ولي اخوانِك الفوق والتِحِت
وعزائي المُتأخِر جِداً لكي في فقدِك لإبنك

رغم انو المقام مقام فرح لبنتنا آية
ورغم ان العزيزه حواء تكرمت باخطارنا بانو بنتنا الله خلاها بالسلامة
كان واجبا علينا جميعا ان نفرح
لاسباب عديدة تخصنا- اى الناس الفوق والتحت

اها نجى لكلامك وفيهو ملاحظات ممكن تكون جديرة بالنقاش ربما فى موقع آخر

لكن وقفنى كلامك ده ياودالجيران:

Quote: لو إنتي بتسمي اسلوب الغمز واللمز الغير كريم بتاعِك إنتي وبعض اخوانِك واخواتِك الفوق والتِحِت ديل مباركة وفرح لي افراح الآخرين .. انا يا حوا لا عايز افرح معاكم ولا عايز ابارِك زيّكم .. سمعتي عليّ؟

ليس دفاعا عن الاخت حواء الا انى اثق تماما فى نقاء سريرتها ومعدنها الانسانى
وده ماموضوعنا لكن عاوزاك تقول لينا بدقة ووين الغمز واللمز اللى قلت عليهو ده عشان ممكن مفهومنا للغمز واللمز يكون مختلف وده شىء طبيعى...

واخيرا عزرا لتشويش الفرح

ويبقى لك وللاخت حواء الود

مبروك لأيه و لحبوبه مني

و الله خبر جميل



تشكري حواء وعقبالك

Quote: مبروك لأيه و لحبوبه مني و الله خبر جميل

تشكري حواء وعقبالك

ونحنا ذاتنا اسه نبارك ليك يا مي..
مبروك الدكتوراه وعقبال نبارك كل النجاحات وماتتمنه لنفسك..

شكرا حبيبتي..

اشراقة المشرقة

كيفيك و كيف العيال ؟؟؟؟؟

يا زولة انسى الموضوع وخلينا

فى فرحتنا دى


حواء

والله يا ود الجيران اصلى ما بخليك

تفسد علينا فرحتنا وبشكرك على الكلام الكتير

الرصيتو لى دا إن شاء الله اقدر افهمو


حوا

الحبيبة حواء
وام الوليد الغالية بتنا اية
والحبيبة منى
مبروك وبخيت ويتربى فى عز والديه
ويا منى اختى الوصية فى الذمة
تجيبى سبعة تمرات وسبعة حبات عيش وسبعة حبات من كل نوع بقول
وتختى للولد المصحف فى جمب راسه
وتانى بالتبادى
ما تنسى تاذنى ليهو فى اضانو عشان يعرف الاذان
وما تنسى الحجبات ترسلى تجيبهن من السودان
اسمعى النحدسك
وصينية النحاس وفيها السبعات القلناهن ديلاك
بقيت حبوبة مش؟

وحات سيدى وسيدكم منتظرة اللحظة دى بفارغ الصبر
لكن يامنى ختى متل ما حفيدك ياهو حفيدى حلاتو وحلات اليوم الجانا فيهو
يتبارك ويتباخت
وتشوفى جناه يا منى ختى


واخر حاجة ما تكملو الكعك والحلاوة للناس البجو متاخرين زينا
حوا اختى احجزى لى حبيبات كعك وحلاوة لمن اجي واجيب الموجب
حق اللبن
الله على تكافلنا والله على جمال عاداتنا
وما تنسونا من كوم السماية
ما قلت ليك عاداتنا سمحة
اقعدوا فى العافية لمن اجيكم بالدرب
بس (السقط) دا يمشى

Quote: وام الوليد الغالية بتنا اية والحبيبة منى مبروك وبخيت ويتربى فى عز والديه ويا منى اختى الوصية فى الذمة تجيبى سبعة تمرات وسبعة حبات عيش وسبعة حبات من كل نوع بقول وتختى للولد المصحف فى جمب راسه وتانى بالتبادى ما تنسى تاذنى ليهو فى اضانو عشان يعرف الاذان وما تنسى الحجبات ترسلى تجيبهن من السودان اسمعى النحدسك وصينية النحاس وفيها السبعات القلناهن ديلاك بقيت حبوبة مش؟ وحات سيدى وسيدكم منتظرة اللحظة دى بفارغ الصبر لكن يامنى ختى متل ما حفيدك ياهو حفيدى حلاتو وحلات اليوم الجانا فيهو يتبارك ويتباخت وتشوفى جناه يا منى ختى

يا سلمي حبيبتي أنا جبت السبعه تمرات ..بس انتي ماوريتيني نوعهم عشان كده ختيت من العندي..
وبعدين فتشت البقول لقيت فاصوليا عدس و فول..
افتش اكملهم 7 بي شنو ماعرفت..ياربي اتنهم بالعدس الملون..ما انتي عارفه في العدس الاسود ابو جبه...وعدس في اخضر وفي برتقالي..
لو ينفع أتم بيهم الكيمان.. غير كده انا ساقطه أغذيه ومابعرف باقي البقول شنو..بس العيش برضه جبته من النوعين..المخبوز والحبوب..

اما بالنسبة للآذان.. اول ياسين مانزل من بطن امه اتلقاه أبوه..اصله كان حاضر الولاده.. وبعد ما اداه لأمه تشوفه قعد يأذن ليه في اضانه..خلا الدايه مستغربه..
وتاني برضه مجدي اخوي زوج مديحه ومحمدعوض خوجلي اذنوا ليه..اسه ياسين حفظ الأذان..تصدقي قال لي
اول أمس الله أكبر؟؟

وبالنسبه للقرآن حبيبتي ماهو ياسين والقرآن الحكيم..كده ولا كده حوالينه وجنب راسه..لكن برضه عملت بوصيتك السمحه..
الحجبات عندي وحيدات جبتهن من دارفور...بينفعن ليه ولا ياربي أخير نرسل نجيب واحدات تانيات؟
اظنهم بالنيه.. اخير نرسل نجيبهم..العندي ديلك نافعاتني وما بقلعن من رقبتي..
وأنا وحات سيدي الحسن وستي نفيسه وستي زينب عارفاه حفيدك..ومتأكده لو كانت ظروفك سمحت كان جيتي حضرتي الولاده ونفستيها..ماياها آيه بتك برضه..يديك العافيه..

Quote: واخر حاجة ما تكملو الكعك والحلاوة للناس البجو متاخرين زينا حوا اختى احجزى لى حبيبات كعك وحلاوة لمن اجي واجيب الموجب حق اللبن الله على تكافلنا والله على جمال عاداتنا وما تنسونا من كوم السماية ما قلت ليك عاداتنا سمحة اقعدوا فى العافية لمن اجيكم بالدرب بس (السقط) دا يمشى

أن كان للكعك..اسيا بت خالتك وخالتي قاعده..
اليوم داك خبزلتنا كونتينر أكبر من المطبخ..عليي كملت مع الخبايز السويتا براي..
اتي كدي أصلينا..وحات اسم الله نخبز لك كل انواع الخبيز..ووقت تجي فايته..نختهم في شنطة الحديد الخدرا..تسافريبها..اتي ياكي هيني ولا هيني!
وبس حلفت ان جيتي..ياني سوالك سمايه وقت الله ماهونلك تحضريها معانا...

منتظراك بت أمي تجينا في لندن ولا في مصر ترجعي معانا لندن..

قوتلك..

حق اللبن ان بقيتي مصره عليه..اعصريه لي في يدي..
لا تخلي آيه تشوفه شي..
الصرف خيتي فوقي انا..فوق شنو تدي آيه القريشات؟؟

أخـتـي الـحـبيبـة الـحـبوبة،
مـنـي،
....
أجـمل الأمـنيات الـطيبـة والف الـف مـبـروك للعائلة، .... وزادكـم اللـه
افـراحـآ فـوق افـراح ومـتـعكـم جـميـعآ بالصـحـة والعافيـة.

إزيك يا حواء ومبروك لصاحبتك منى

مبروك يا حبّوبة يس، وبلّغي مباركتي لعبد الرحيم وآية.
وكوني بألف خير

Quote: إزيك يا حواء ومبروك لصاحبتك منى مبروك يا حبّوبة يس، وبلّغي مباركتي لعبد الرحيم وآية. وكوني بألف خير

محسن وينك يازول؟

آيه وعبدالرحيم بيسلموا عليك كتير..
وعاملين فيها ابو وأم!
تقول ليهم أعملوا كده..يقولوا ليك الدكتور ماقال!

تسلم يا محسن وعقبال ما نبارك ليك كل شويه كتاب وليد جديد..
واي حاجه تاني تتمناها..

Quote: أخـتـي الـحـبيبـة الـحـبوبة، مـنـي، .... أجـمل الأمـنيات الـطيبـة والف الـف مـبـروك للعائلة، .... وزادكـم اللـه افـراحـآ فـوق افـراح ومـتـعكـم جـميـعآ بالصـحـة والعافيـة.

مرحب بيك بكري الصايغ اخوي..
شكرا جزيلا علي الأمنيات الجميله..
ربنا يشملنا جميعا بكرمه ويهدينا حياه سعيده..آمين...

تسلم اخوي

ألف الف مبروك البنية وإنشالله تتربى في عزكم.

بعد كده منى خوجلي بقت حبوبة بحق وحقيقة.

أمانة ما تعبتي معي يا منى. أسف أقصد حبوبة منى.


دينق.

Quote: ألف الف مبروك البنية وإنشالله تتربى في عزكم. بعد كده منى خوجلي بقت حبوبة بحق وحقيقة. أمانة ما تعبتي معي يا منى. أسف أقصد حبوبة منى. دينق.

شوفت كيف يلدينق؟ اختك بقت حبوبه بحقتهاوحجاويها
أمس كنت بحكي لي ياسين في حكابه بعد تعبت وخلصتها ..قال لي كضابه!
شوفت شفع الزمن ده خطرين كيف؟؟

وبعدين وين ما شايفين صورتك مع ناس هاواي وكده انت مش في واشنطون..

عقبالك وبس..

الف مبروك المولود يا منى
وحمدا لله على سلامة آية
وإن شاء الله يتربى في عزكم

Quote: الف مبروك المولود يا منى وحمدا لله على سلامة آية وإن شاء الله يتربى في عزكم

تتبارك ايامك أخوي عزالدين..
عارف اجمل حضن بعد حضن طفلك شنو؟؟
انك تحضن حفيدك..
تجيك فيه ذكريات أولادك في عمرهم واحساس انه في زول جديد لنج
عايزك في حياته..خاصه لما يتشعبطوا فيك زي القرد الصغير

ربنا يوعدك بالأحفاد وبكل المشاعر الجميله..
ويخلي ليك ولدك العسل الفي الصوره ده..

تسلم..

Congratulations On The Birth Of Ayat and Budy Baby

عاطف عابدون..

صورتك دي فرحانه وحلوه شديد..
وبعد ده نقول ليك الله يبارك فيك..
وعقبال مانفرح معاك ونبارك ليك البتتمناه..
والأمنيات كلها مفتوحه..

تسلم اخوي

Quote: Congratulations On The Birth Of Ayat and Budy Baby

محمد عمر كنا متوقعينك تجي..
آيه وبودي ومعاهم أنا وياسين نفسنا نشوفك..
فايتك ياسين..ماشاء الله طفل حلو شديد..

تسلم يا محمد..

حمدالله على سلامت (آيه) وألف مبروك الوليد يا حبوبه (منى) .. أنا طولت ما دخلت الموقع ليا كم يوم ومشيت بوست (المسلسل) لا لقيتك لا لقيت (كمال) لا لقيت (رأفت) لا لقيت أى زول قلت إحتمال (إيدك) لسه بتوجعك أتاريكى بى جاى ... ربنا يخليهو ليكم ويحفظو آمين يا رب العالمين

Quote: حمدالله على سلامت (آيه) وألف مبروك الوليد يا حبوبه (منى) .. أنا طولت ما دخلت الموقع ليا كم يوم ومشيت بوست (المسلسل) لا لقيتك لا لقيت (كمال) لا لقيت (رأفت) لا لقيت أى زول قلت إحتمال (إيدك) لسه بتوجعك أتاريكى بى جاى ... ربنا يخليهو ليكم ويحفظو آمين يا رب العالمين

ايدي والله وقت البوست ده اتفتح كانت بتوجعني ومجبسه وحالتها صعبه..لكن الكتابه مع الحبان وتهنئتهم وحبهم بقاني كويسه..
اها نسأل الله يكبر نشوي وناجي قوام..علشان يعرسوا ويجيبوا عيال حلوين يحكوا ليهم قصتكم الجميله انت ووفو....

يبارك فيكم وفيهم..

مشتاقين كتير..

أجـمل الأمـنيات الـطيبـة والف الـف مـبـروك للعائلة، .... وزادكـم اللـه
افـراحـآ فـوق افـراح ومـتـعكـم جـميـعآ بالصـحـة والعافيـة.

ياسلام ياحوا ,

تسلمى على الأخبار السعيده المفرحه ,

ألف ألف مبروك يامنى , وتهانينا ليكم كلكم ولى آيه وزوجها الكريم ,

وألف حمد على السلامه .

وربنا يسعدكم أيما سعاده , ويهنيكم.

ياسلام ياحوا ,

تسلمى على الأخبار السعيده المفرحه ,

ألف ألف مبروك يامنى , وتهانينا ليكم كلكم ولى آيه وزوجها الكريم ,

وألف حمد على السلامه .

وربنا يسعدكم أيما سعاده , ويهنيكم.

يسعد ايامك مامون اخوي..
طبعا بعد الزول ما يولد وولده ولا بته تتزوج..
بيكون قايل المسئوليات خلاص اترفعت منه..ويفكر في خطط كتيره يملا بيه وقته بعد مافضي!
لكن الحقيقه غير كده..اصلهم عيالك لا بتخف مسئوليتهم ولا حاجه..
بس بيختلف شكلها مرات..
واسه انا مع الاختلاف قاعده اعيد نفس المشوار الأخدناه أنا وآيه سوا..
في أول ايام بودي كان فظيع..ماعايز يزح من ياسين..وآيه افظع منه..
وأنا بيناتهم اكافح..
عايزين يعملوا لي حركات هو نايم..ولا اسه ما خلص رضاعه.. علشان يلعبوا معاه براهم..
لكن اختك فالحه..
اسه ياسين ماينوم الا انا احضنه وأغني ليه..
وهم من شدة مافتروا من السهر..
بقوا خالص ما بيسألوني..بيكونوا فترانين عايزين ينوموا

ربنا يفرحك بأحفادك..وشكرا ليك كتير..

Quote: أجـمل الأمـنيات الـطيبـة والف الـف مـبـروك للعائلة، .... وزادكـم اللـه افـراحـآ فـوق افـراح ومـتـعكـم جـميـعآ بالصـحـة والعافيـة.

شكرا يا مصدق اخوي علي الامنيات الطيبه والدعاء الصادق..

ربنا يسعدك ويديم المحبه بينا جميعا..

بت الخليفة
مبرووووووووووووووووك
وألف حمدا لله علي السلامة
التهنئة موصولة للإبنة آية



نور

الف الف مبروك الحبيبة منى الحفيد
يربى فى عزكم ان شاء الله
والف حمد الله على سلامة آية

تحياتى اخت حواء على الخبر السار
عقبال اولادك ان شاء الله

اسماء الجنيد/ مسقط

الف مبروك المولود يا منى
وحمدا لله على سلامة آية
وإن شاء الله يتربى في عزكم

أختنا في النيل الازرق حواء
شكرا للاخبار الجميلة وعقبال للاولاد والبنيات
تحياتي

منى خوجلي
ألف مبروك الحفيد, يتربى في عزكم
وحمد الله على سلامة الأم


حواء
شكرا عزيزتي على البوست الجميل

Quote: منى خوجلي ألف مبروك الحفيد, يتربى في عزكم وحمد الله على سلامة الأم حواء شكرا عزيزتي على البوست الجميل

مش عليك الله بوست ظريف يا زوله؟؟
بيعكس قدر شنو احنا بنفتش علي التانيين والحب مالي القلوب..

ربنا يحقق ليك كل الأماني يازوله123 ونهنيك احنا فرحانين بتحققها..

عليك الله ما تغيبي كده..المره الفاتت قلنا رجعتي خلاص..

تحياتي وحبي..

Quote: الف مبروك المولود يا منى وحمدا لله على سلامة آية وإن شاء الله يتربى في عزكم أختنا في النيل الازرق حواء شكرا للاخبار الجميلة وعقبال للاولاد والبنيات تحياتي

ازيك يا عماد..

الله يبارك فيك اخوي..وربنا يوعدك بأحفاد يملوا حياتك..

شكرا علي الأمنيات الغاليه وصالح الدعاء...

تسلم اخوي..

Quote: الف الف مبروك الحبيبة منى الحفيد يربى فى عزكم ان شاء الله والف حمد الله على سلامة آية تحياتى اخت حواء على الخبر السار عقبال اولادك ان شاء الله اسماء الجنيد/ مسقط

سوما..
تاني اختفيتي..
احنا قلنا رجعتي خلاص وواظبتي معانا..

شكرا سوما..عقبال آيتك..
وعقبال ربنا ما يكرمك بأحفاد كتار يملوا حياتك ونسه جميله اكتر مما هي مليانه..
آيه زعلانه..قالت حرام ياسين بيبي صغير ليه يجيه مغص؟!

تسلمي اختي حبيبتي..

Quote: بت الخليفة مبرووووووووووووووووك وألف حمدا لله علي السلامة التهنئة موصولة للإبنة آية

نورنا الغالي وينك اخوي؟؟
بقيت ما بتجي ولا بتلبس صورتي زي الهلال الأزرق؟
مالك يا زول؟

ربنا يكبر عيالك ويتزوجوا ويملوك أحفاد..
الوقت داك تكون مشيت المعاش_ده طبعا لأنه عيالك لسه شويه بدري عليهم_
ونزلت البلد سويتلك تكيه سمحه تقعد فيها وهم ينططوا حواليك..

تسلم نور..ربنا يحقق أمانيك..

Quote: بت الخليفة مبرووووووووووووووووك وألف حمدا لله علي السلامة التهنئة موصولة للإبنة آية

نورنا الغالي وينك اخوي؟؟
بقيت ما بتجي ولا بتلبس صورتي زي الهلال الأزرق؟
مالك يا زول؟

ربنا يكبر عيالك ويتزوجوا ويملوك أحفاد..
الوقت داك تكون مشيت المعاش_ده طبعا لأنه عيالك لسه شويه بدري عليهم_
ونزلت البلد سويتلك تكيه سمحه تقعد فيها وهم ينططوا حواليك..

تسلم نور..ربنا يحقق أمانيك..

الف الف مبروك الوليد...

ويتربى في عزكم انشالله...




ست البنيـــــــــــــــات

Quote: الف الف مبروك الوليد... ويتربى في عزكم انشالله... ست البنيـــــــــــــــات

شكرا يا مياده يا ست البنات..
الأمنيات ليك كمان بانه ربنا يحقق ليك آمالك..
دي بتك الفي الصوره؟؟
انا زمان كان امنيتي بس آيه تولد بت..علشان نلبسها ونسرح ليها بمزاجنا..
لكن ياسين برضه حلو..
عارفه عنده بنطلونات اسه صغرت عليه..لو انا سافرت اي حته بشيل واحد فيهم معاي..
علشان شكلهم لذيذ جدا..زي اللعبه..

شكرا حبيبتي..دايما ملمومين علي الخير والحب باذن الله..

الف مبروك المولود

ويتربى في عزكم

Quote: الف مبروك المولود ويتربى في عزكم

شكرا يا شهاب يا عزيز..
نبارك ليك الفرح وتحقق الأمنيات الحلوه..

تسلم اخوي..

آلااااااااااااااف مبروك البنية وإنشاء الله تتربى في عزكم...

وجعلها الله من بنات الوطن الصالحات يااااااااااارب...

قواسيب مودتي وتحية خاصة لحبوبة منى...


أبو الحُسين...

Quote: آلااااااااااااااف مبروك البنية وإنشاء الله تتربى في عزكم... وجعلها الله من بنات الوطن الصالحات يااااااااااارب... قواسيب مودتي وتحية خاصة لحبوبة منى... أبو الحُسين...

ابو الحسين..
يباركولك البتتمناه..
عليي هو وليد ماهو بنيه
ربنا يقبل دعائك لينا ودعائنا ليك اخوي..

ربنا يحفظك..

ألف
ألف
ألف
ألف
ألف
مبروووووووووووووووووك...


للحبوبة الحلوة..منى..
و ل..آية و عبودي..

و شكراً جزيلاً يا حواء...خشمك فيهو السُكَر.

مبروك الصبي وإنشاءلله فال خير عليكن كلكن
وإنشاءلله يطلع لحبوباته زهرات البورد مني وماجدة

الحب الكبير والشكر الكتير لأختنا حواء جالبة البشارات

Quote: مبروك الصبي وإنشاءلله فال خير عليكن كلكن وإنشاءلله يطلع لحبوباته زهرات البورد مني وماجدة الحب الكبير والشكر الكتير لأختنا حواء جالبة البشارات

صبوحه كيفك..
في البوست التاني كتبت عن تعبنا ومعاناتنا علشان نرسي لأسم..والحمدلله اخيرا الاسم
اتسجل ومافي طريقة تغيير تاني ..اسه بودي مجتهد يحفظ سورة ياسين..
انا بستعرض عليه وعامله فيها حافظة
شكرا يا صباح علي تهنئتك الرقيقه..
عقبال ما نهنيك بتحقق امنياتك كلها..آمين

مبروك الصبي وإنشاءلله فال خير عليكن كلكن
وإنشاءلله يطلع لحبوباته زهرات البورد مني وماجدة

الحب الكبير والشكر الكتير لأختنا حواء حمامة البشارات

Quote: ألف ألف ألف ألف ألف مبروووووووووووووووووك... للحبوبة الحلوة..منى.. و ل..آية و عبودي.. و شكراً جزيلاً يا حواء...خشمك فيهو السُكَر.

ممكونه..

ماشوفتي ياسين بيعمل شنو!
اول امس عصر لي كرعيني..طبعا يدينه صغار وانا رجولي كبيره..لكن برضه كان بيعرف..
لذيذ ياسين موش؟؟

ياسين جه وجاب معاه فرح خرافي..عقبالك وعقبال ماتفرحي بكل ما يتمناه قلبك..

شكرا ممكونه..

خالتي منى بعد كدة راجيك الحج والباقي تمي من عندك
التهاني الحارة بالمولود ويتربى في عزكم وان شاءالله على خطى اخواله وخالاته.
وياناسينا يامجافينا.........ويا انعام حيمورة

حمد الله على سلامتك
وسلامة آية يا منى
مبروك البيبي وتحياتي
العذبة لآية
رببنا يحفظكم جميعا..

تحياتى وتشكراتى

لكم جميعآ لمشاركة احتنا

الحبوبة منى فرحتها بقدوم الامير

الصغير ياسين ، جعل الله ايامكم

كلها افراح



حواء

الف مبروك المولود يا منى
وحمدا لله على سلامة آية
وإن شاء الله يتربى في عزكم

اها خلاس ارتحتى ياحبوبة منى

Quote: الف مبروك المولود يا منى وحمدا لله على سلامة آية وإن شاء الله يتربى في عزكم اها خلاس ارتحتى ياحبوبة منى

كيف حالك صباح..
راحة شنو حبيبتي؟
اقول ليك مثل سلبي وان كان يجعلنا في مصاف الؤذيين لقضايانا النسويه؟؟
الجماعه قالوا

يا جايب البنات..ياعايش الهم للممات (او حاجه زي دي)


لكن نقوله من مدخل حنيه..فالأمثال لم تبني كلها علي السوء كما قال المفسرين
يعني بتي دي مش لو عرست وولدت واحد..لوبقت هي ذاتها حبوبه أنا مابرتاح الا اشوفها هي
مليون في الميه مرتاحه..
عارفه لما كتير ماتكون نامت علشان ياسين صاحي..وبودي يقول ليها ..
سيحان الله نومي وخليه صاحي..ويستمر في نومه!
أنا قلبي بيوجعني عليها ..بشاركها الصحيان وكتير بخليها هي تمشي تنوم..
شوفتي كيف؟
اها الجانب الأيجابي التاني في تفسير المثل..
انه البنت طوالي بتحب تكون قريبه من أهلها..وخاصه أمها..
بس الأولاد ما كده دايما..علشان كده الهم هو الحنيه

شكرا حبيبتي وعقبال عندك

Quote: حمد الله على سلامتك وسلامة آية يا منى مبروك البيبي وتحياتي العذبة لآية رببنا يحفظكم جميعا..

ويسلمك من كل شر ياصافية القلب والأسم..
أختك بقت في جانب حبوبه..بيبي سيتر!
في الأول كنا نكابس علشان نشيله ونحضنه..
اسه آيه بقت ماقادره تنوم..
وتقول لي ماما ممكن تخلي بالك من ياسين شويه؟!
كل أول وليه آخر

ربنا يحفظك يا صفاء..

Quote: خالتي منى بعد كدة راجيك الحج والباقي تمي من عندك التهاني الحارة بالمولود ويتربى في عزكم وان شاءالله على خطى اخواله وخالاته. وياناسينا يامجافينا.........ويا انعام حيمورة

همت يا حليلك وحليل كمبالا..

الحج ما مشيناه اولي..عليي بركاته جات في بتي
الله يوعدنا..نحج وبعد الحج نقعد نلعب مع أحفادنا..
ونخلي ليك انت امر الله

تسلم اخوي وتمر بالمراحل دي كلها..قول آمين

To the most beautiful Grandma
,

CONGRATULATIONS

Quote: To the most beautiful Grandma , CONGRATULATIONS

سنويه والله شهيتيني اعيش في الكوتيج دي؟؟
جميله جدا..خاصه الضوء الطالع من شبابيكها..

شكرا يا جميله..
والليله كنتي فرحتي معاي لو كنتي شوفتي ياسين لابس كوردروي بيج سالوبت مع بلوفر مخطط بني
ببيج وحذاء بني..
كنت عايزه آكله والله من شدة ما فور بطني!

فرحانه برجوعك شديد يا غاليه...
نبارك ليك ولأخوك تفوقات مستمره وكل مايسعدكم..

Salam Hawa, wu 3ugbal awladik inti kaman ya rab

حواء .. دائما أخبار الخير منك لأنك أنت كل الخير

العزيزة منى أو بالأحرى ( الحبوبة منى ) ألف مبروك .. وتهانينا لآية وسيد بيتا ...





باقات من الود والورد معاهن شيالة ملااااااانة فول وتمر

محي الدين جبريل

حواء .. دائما أخبار الخير منك لأنك أنت كل الخير

العزيزة منى أو بالأحرى ( الحبوبة منى ) ألف مبروك .. وتهانينا لآية وسيد بيتا ...

Quote: باقات من الود والورد معاهن شيالة ملااااااانة فول وتمر محي الدين جبريل

شكرا محي الدين ود جبريل..قراصتك اوعي تكون مدوري الليلي؟

اها كمان ما شوفت ياسين اليوم داك بالجينز العفريته!
بس تقول دعاية لبس لعمال مصنح اسبيرات مكنات!
حلو شديد والله..
والله مشروع طفل يكبر قدام عينك كده لغاية ما يبقي زول كبير مشروع حقيقي مدهش وممتع!

الله يبارك فيك محي الدين اخوي..ويسعدك..
وشكرا علي الشياله السمحه ومونسانا..

بارك لك الموهوب و شكرت الوتهب و بلغ اشده و رزقت بره

مبروك يامنى يتربى فى عزكم