Post: #1
Title: وأنا اقول شوفتك وين؟؟
Author: Muna Khugali
Date: 12-21-2007, 05:52 PM
Parent: #0
الفاتح جبرا وزوجته في التلفزيون السوداني الآن...
كل سنه وانت طيبين..أسره "تقريبا" استثنائبه..
|
Post: #2
Title: Re: وأنا اقول شوفتك وين؟؟
Author: Muna Khugali
Date: 12-21-2007, 06:05 PM
Parent: #1
استثنائيه لأنهاتجمع بين دينين في بلديرفض حكامهاتعددالأديان
|
Post: #3
Title: Re: وأنا اقول شوفتك وين؟؟
Author: انعام حيمورة
Date: 12-21-2007, 06:07 PM
Parent: #1
كل سنة وهذه الاسرة الاستثنائية وانتي بخير ...
الفاتح يوسف جبرا كاتب متميز دخل الى بيوتنا وتسلل اليها .. وكل ما يكتب بنجي نناقش ما كتبه ويتخلل ذلك بعض القفشات
له التجلة
موعيدنا اتحولت لي بكرة !!
|
Post: #21
Title: Re: وأنا اقول شوفتك وين؟؟
Author: Muna Khugali
Date: 12-22-2007, 02:24 PM
Parent: #3
Quote: كل سنة وهذه الاسرة الاستثنائية وانتي بخير ...
الفاتح يوسف جبرا كاتب متميز دخل الى بيوتنا وتسلل اليها .. وكل ما يكتب بنجي نناقش ما كتبه ويتخلل ذلك بعض القفشات
له التجلة
موعيدنا اتحولت لي بكرة !! |
صحيح يا نعومي..كتاباته القريتها ليه حلوه شديد..وليهو حق يدخل بيوتكم..لنه بيحس بمعاناتك وقضاياكم..
حنانه قالت كملتوا الجداد الفي البلد كله..طبعا علشان مافي خروف!
ناس ماما برضه هناك ما ضبحوا!
يللا مواعيدنا بعدين..لكن بالليل خالص أحسن
|
Post: #4
Title: Re: وأنا اقول شوفتك وين؟؟
Author: أبو ساندرا
Date: 12-21-2007, 06:10 PM
Parent: #1
النقوم نشوف
أهلآ يا منى
|
Post: #33
Title: Re: وأنا اقول شوفتك وين؟؟
Author: Muna Khugali
Date: 12-23-2007, 12:29 PM
Parent: #4
Quote: النقوم نشوف
أهلآ يا منى |
أها يا أبو ساندرا..
انت شوفت الحلقه معانا..
بقي عليك ترجع بالنقاش والأسئله بما فيها اسئلة المكاواه التي أحبها كثيرا..
لكني أحيانا اتفاداها لأسباب ماعارفاها شنو..
أما بعد..
فانني أهنئك ورشيده والبنات بالعيد الذي مضي بعد أن أدعينا انه جاء..
وبس كفايه فلسفه..
أوعاك من الغياب من بوست الفاتح جبرا ووفاء الحلوين..
|
Post: #5
Title: Re: وأنا اقول شوفتك وين؟؟
Author: ابراهيم عدلان
Date: 12-21-2007, 06:12 PM
Parent: #1
مني
كل سنة انت و الاسرة بخير
|
Post: #6
Title: Re: وأنا اقول شوفتك وين؟؟
Author: manubia
Date: 12-21-2007, 06:23 PM
Parent: #5
| Quote: استثنائيه لأنهاتجمع بين دينين |
استاذ الفاتح صحفي لا يمكن أن يكون نصيبه من هذه الدنيا الا هكذا
تحياتي با أستاذة مني و أتمني أن تنقل هذه العيدية هنا من الذين شاهدوها ..... فهو من أهم ما يقرأ في عواميد الراي العام
|
Post: #7
Title: Re: وأنا اقول شوفتك وين؟؟
Author: munswor almophtah
Date: 12-21-2007, 06:32 PM
Parent: #6
عيدك سعيدك وربنا يحقق السعد ويجمع أسبابه لك
منصور
|
Post: #44
Title: Re: وأنا اقول شوفتك وين؟؟
Author: Muna Khugali
Date: 12-24-2007, 12:42 PM
Parent: #7
Quote: عيدك سعيدك وربنا يحقق السعد ويجمع أسبابه لك
منصور |
وانت كمان طيب..
وحمدلله علي سلامتك من الحادث..
عارف انا أكتر حاجه بخاف منها شنو؟؟
الحوادث!
ومتحكم فيني احساس قوي اني لو سوقت عربيه في لندن- رغم خبرتي الطويله في السواقه-
اني هأقتل زول..علشان كده ماسوقت في لندن خالص!
شكرا علي الأمنيات الطيبه..
|
Post: #8
Title: Re: وأنا اقول شوفتك وين؟؟
Author: Muna Khugali
Date: 12-21-2007, 06:37 PM
Parent: #6
سلام يا حلوين..
كل عيد وانتو معيديد..وكل أرشفه وانتو صابرين..
..............
..............
قلت أفتح القناه السودانيه وأنا قاعده أكوي..
بلا أشوف الزول الوشه ما بيغباني..ياربي الزول ده منه؟
بلا جاني الأسم مكتوب..
الفاتح جبرا..
الفتح زميلنا عاشق السيناريوهات البتعالج بلاوينا..
الفاتح الصحفي المحبوب..
زميلنا الدمه خفيف وبنحبه علشان لطيف؟؟
ايوه كدي بلا مكوي بلا جوطه..يعني هي مش ملاياتي أنا؟
خلاص الفاتح أخير لي من أي حاجه تانيه..
وأدي قعده..
|
Post: #10
Title: Re: وأنا اقول شوفتك وين؟؟
Author: نادية عثمان
Date: 12-21-2007, 06:58 PM
Parent: #8
Quote: ايوه كدي بلا مكوي بلا جوطه..يعني هي مش ملاياتي أنا؟
خلاص الفاتح أخير لي من أي حاجه تانيه.. |
منى دايرة اسعلك
فى شعوب غير الشعب السودانى بكووا الملايات؟
|
Post: #45
Title: Re: وأنا اقول شوفتك وين؟؟
Author: Muna Khugali
Date: 12-24-2007, 01:09 PM
Parent: #10
منى دايرة اسعلك
| Quote: فى شعوب غير الشعب السودانى بكووا الملايات؟ |
كل سنه وانتي حلوه يا ندويه..
عن الشعوب في الغرب ام تراكي تسألين عن الشعوب في الشرق؟
وعن اي شرق تتحدثين؟
معليش بحب أعمل حركات مرات ..
عارفه انا لا يمكن أرقد علي ملايه غير مكويه!
وكي الملايات كان نوع من التندر والضحك علي في الأيام السابقه من آيه وبودي..
اتخيلي انا لاومه ملايات وأكياس وبيجامات وملابس تانيه أكوام جنبي..ومثلي مثل أغلب النساء أحب
الفرش الكثير وتغييره ولا يهم أوروبا ولا افريقيا..
المهم شوفي نوع الحوار ده..
يسأل هو بلغته الأنجليزيه والذهول واضح علي وجهه....
خالتو عايزه تكوي الحاجات دي كلها؟؟
ترد هي عليه..
تصدق أنا ماعارفه المعني شنو لمكوة الملايات..
مش هانرقد فيها وتتكرفس تاني؟
ثم تضيف له شرحا ابعد لتري الدهشه مرسومه علي وجهه..
تصدق بتكوي برضه البيجامات وجلابيات النوم!
ثم تضيف..شي اذ اوبسسد مان!
ينظر هو بشفقه..نظره أختلسها أنا لأري أثر كلام آيه عليه..ثم اسمعه يعلق علي تعليقها..
سبحان الله!
أحس فقس لحظتها بأحاسيس مختلفه من الفخر..كون أن المكوي هذه وأهميتها لي تعني معجزه أو شيئا غريبا عندهما..ثم ينتابني احساس من الغيظ..
بالله البت دي أربي فيها 19 سنه ما دايره تتعلم ابدا تكوي؟
ويزداد غيظي عندما ألمحهما الأثنين..يغيرون مجري الحديث ويستبدلونه بتغيير القناه الفضائيه ثم يستمرون في نقاشهم باللغه الأنجليزيه دون عرض مساعدتي في المكوي!!
ورجوعا لسؤالك الأول يا ندويه..اسألك وأنا مازلت تحت تأثير الغيظ من آيه وبودي....
وهل كل السودانيين يكوون ملاياتهم؟؟
|
Post: #41
Title: Re: وأنا اقول شوفتك وين؟؟
Author: Muna Khugali
Date: 12-24-2007, 01:14 AM
Parent: #6
Quote: استاذ الفاتح صحفي لا يمكن أن يكون نصيبه من هذه الدنيا الا هكذا
تحياتي با أستاذة مني و أتمني أن تنقل هذه العيدية هنا من الذين شاهدوها ..... فهو من أهم ما يقرأ في عواميد الراي العام |
سلام يا منوبيا..
انا ماعارفه الناس دي كلها ماليه البوستات بتسجيلات واحنا قاعدين محتاسين!
اكيد الحاجه دي بتكون موجوده في اليوتيوب..
علي كل حال نقرب ليك الصوره عن المحيط المكاني الذي تم به التصوير ..وبلغه أخري الأستوديو..
جلست مقدمة البرنامج الباسمه فوق المقعدالجلدي..افتكر كان لونه بني وعلي يمينها جلست وفاء
زوجة الفاتح ..وهي شابه لطيفه وشكلها فعلا كانت تلميذته..يعني أصغر منه..وكانت ترتدي فستان
بجاكت لونه بطيخي..بس البطيخة ما كانت حمرا شديد..ولابسه نظاره الأطار بتاعها غامق وكان حلو
مع شكل شعرها الأسود وابتسامتها التي لم تغادر وجهها الجميل..
حلوين لغاية هنا؟؟
طيب..الكرسي البعدها كان فيه بنتهم اللذيذه..كانت عايزه تتشيطن في الأول لكن الموضوع ما استمر..
المهم علي شمال مقدمة البرنامج..كان بقي الفاتج جبرا قاعد وهو في زي الجلابيه البيضا المكويه والباقي تموه براكم وفي الكرسي البعده كان ولدهم الصغير قاعد في هدوء..
بس في حاجه محيراني جدا..وخاصه بالأستوديو..
عاملين حاجه كده في الأرض مستطيله ولونها أزرق ومشعه..تعاين ليها وتقعد محتاس..
ياربي ده حوض سباحه مسخوط ولا ايه بالضبط؟؟
الفاتح كان مركز فيها برضه..باين عليه كان عايز يعرف المقصود منها شنو..
المهم المصيبه الزرقا دي كانت موجوده في كل التسجيلات..
نجي بقي للحوار...تابعونا لأنه الظاهر هانعتمد علي الذاكره..
حضروا أسالتكم قبل وفاء والفاتح يزهجوا مننا..
|
Post: #23
Title: Re: وأنا اقول شوفتك وين؟؟
Author: Muna Khugali
Date: 12-22-2007, 06:07 PM
Parent: #5
كل سنه وانت طيب يا ابراهيم..
أمس وعندما بدأت اشاهد البرنامج..مر بي شريط طويل لكل مراحل دراستي حتي الجامعه..
تذكرت أماني وسميره وألام..
فكرت في شاديه وأهل بيتها..
في شقيقتها وزوجها وأولادها..
وفي ىخرين كثيرين..
ديل منو؟؟
تابعنا علشان تعرف...
عيد سعيد وربنا يحقق كل أمانيك..
|
Post: #36
Title: Re: وأنا اقول شوفتك وين؟؟
Author: Muna Khugali
Date: 12-23-2007, 02:13 PM
Parent: #5
Quote: مني
كل سنة انت و الاسرة بخير
كل سنه وانت واسرتك بخير.. |
خليك معانا في البوست ده يا ابراهيم..
انت ركز علي تعليقات الرجال في الأسرتين..
يعني اتخيل معانا كانت شنو التعليقات لما عرفوا الجماعه عايزين يتزوجوا
وممكن تستعين بصديق مسيحي ويا حبذا مسيحي قبطي وكمان سوداني
وسبتك بعافيه..
|
Post: #9
Title: Re: وأنا اقول شوفتك وين؟؟
Author: abubakr
Date: 12-21-2007, 06:47 PM
Parent: #1
| Quote: قلت أفتح القناه السودانيه وأنا قاعده أكوي.. |
الحمدلله الطلع اخوناالانسان الفاتح جبرا المبدع الجميل والا المكوة دي كانت سوت سواية اليومين ديل والفضائيات شغالة فينا دراب ساااي ...
|
Post: #11
Title: Re: وأنا اقول شوفتك وين؟؟
Author: Muna Khugali
Date: 12-21-2007, 09:20 PM
Parent: #9
المقابله التلفزيونيه والتي كانت مع الفاتح جبرا..كانت عن العيد وقيمة التعايش السلمي..
استاذ الفاتح تزوج من تلميذته..ولكن ليس أثناء دراستها..بل بعد أن تخرجت والتحقت بنفس المكان الذي يعمل به..ثم بدأ التعامل والتقارب بينهما..وبعدين ربط بينهم اسمه ابه...الحب
وبعدين جات المواجهه مع الأهل..
فالحبيب والحبيبه من ديانات مختلفه وعايزن يتزوجوا..
هي قبطيه سودانيه..وهو لأ!
بس بجيكم بعد أكوي 5 أكياس مخدات!
قطيعه تقطع لندن وغلائها!
|
Post: #12
Title: Re: وأنا اقول شوفتك وين؟؟
Author: محمد سنى دفع الله
Date: 12-21-2007, 09:23 PM
Parent: #11
ولهم ولد وبت عسل
لهم تهاني العيد
وكل سنةوهم اجمل
وكل سنة وانت طيبة
وده السودان يامنى
يا أختي الجميلة
|
Post: #43
Title: Re: وأنا اقول شوفتك وين؟؟
Author: Muna Khugali
Date: 12-24-2007, 12:07 PM
Parent: #9
| Quote: الحمدلله الطلع اخوناالانسان الفاتح جبرا المبدع الجميل والا المكوة دي كانت سوت سواية اليومين ديل والفضائيات شغالة فينا دراب ساااي |
ابو بكر غايته انت راصد ممتاز..
اولا عندك شاشات كتيره واحدات تلفزيونيه والتانيه كومبيوتريه..يعني مالقيت لينا التسجيل؟؟
عارف يا أبو بكر..المكوي أنا مدوره فيها كان تلاته يوم..وباجتهاد شديد..لكن أول ماشوفت
البرنامج قفلتها وقعدت أتفرج..
........
........
عندما رأيت وفاء والفاتح.. شعرت بشوق عظيم لصور وذكريات في حياتي..
لأصدقاء طفوله وعشرة سنين طويله وجميله استمرت معي أغلبها حتي قريب..
وانقطع الأتصال ببعضها بسبب مانعيشه جميعا بأشكال ودرجات مختلفه منذ 1989..
فكرت أول ما فكرت في رمسيس..اماني..سميره وكثيرين..في مدرستنا الأبتدائيه..
تذكرت لعبة الحجله التي لم تفرق بين ولد او بنت..
ولعبة الستغمايه التي لم تعرف خوف المسيحي من المسلم..وهل كنا نحن نعرف الفرق حتي تعرف
الأستغمابه؟
نزلت مني دمعه وأنا اتذكر رائحة الطباشير والعرق علي ملابسنا بعد فسحة الحصه الرابعه..وطعم البيبسي كولا مع باقي ساندوتشات الأفطار..
كيف تكون الطفوله أعمق في فهمها من من أي عمر آخر قادم؟؟
|
Post: #58
Title: Re: وأنا اقول شوفتك وين؟؟
Author: Muna Khugali
Date: 12-24-2007, 11:52 PM
Parent: #43
Quote: ولهم ولد وبت عسل
لهم تهاني العيد
وكل سنةوهم اجمل
وكل سنة وانت طيبة
وده السودان يامنى
يا أختي الجميلة |
ايوه يا السني..
السودان جماله كان في التسامح والحب وحب الديان كلها..فجميعها تسعي الي الله ..
صديقتي اماني يالسني ماكانت تعرف انها مسيحيه وهي في رابعه أبتدائي..أو ربما لم تفهم أن للمسيحيين دين تختلف دراسته عن الدين الأسلامي..
ونحن ما كنا نعرف الفرق بين رمسيس وبين اسلام..فهم زملاء المقاعد الدراسيه والفرح في الفسحه..
وتقاسم السندوتشات والحلوي..
لذلك عندما أتت مدرسه الفصل ايفون في ذلك اليوم ..ونادت علي أماني لتخبرها أن مكانها في فصل ثاني لحضور حصة الدين المسيحي كانت المفاجأه!
في ذلك اليوم اصاب بعضنا الذهول..وكانت هي اولنا..ولم نراها وهي توأم الطفوله في حصة الدين الأسلامي والذي كانت تحفظ قصصه وآياته واحاديثه..
كان لأماني مربيه سودانيه مسلمه..وكانت أماني تراها تصلي وتصوم وتسبح..والكنيسه كانت يوم الأحد لا تعني لها اكثر من واجب يفعله الجميع كما نحضر نحن حصة الدين او الحساب لأنه واجب علينا أن نفعله..
........
........
ومثل رمضان الذي كان يعني لنا الكنافه والقطايف وعطش الكبار ثم مائده موعدها مختلف عن أي موعد وجبة أخري!
|
Post: #13
Title: Re: وأنا اقول شوفتك وين؟؟
Author: sanaa gaffer
Date: 12-21-2007, 09:26 PM
Parent: #1
| Quote: بس بجيكم بعد أكوي 5 أكياس مخدات! |
لزوم المكوة شنو ؟؟ شديها شديد في الحبل وطبقيها كويس .. وبس ...
منى !! كدى وانتي بتكوي شوفي لي بنستى ما دخلت جوة واحدة من اكياسك دي
|
Post: #14
Title: Re: وأنا اقول شوفتك وين؟؟
Author: هاشم أحمد خلف الله
Date: 12-22-2007, 08:18 AM
Parent: #13
اختي الحبيبة مني كل سنة وانتي بألف خير واشكرك جزيل الشكر
علي المهاتفة التلفونية بمناسبة العيد السعيد وعبرك تحياتي
لكل المتداخلين واقول ليهم كل سنة وانتم طيبين واخص منهم
اختي الحبيبة الغالية إنعام حيمورة للأتصال الهاتفي ايضاً
تخيلي يا مني كنت بتكلم معاها وفاكرها انتي , بعد شوية
قلت ليها إنعام والله فاكرك مني خوجلي عموماً محبتكم في القلب
والقلوب شواهد .
|
Post: #70
Title: Re: وأنا اقول شوفتك وين؟؟
Author: Muna Khugali
Date: 12-25-2007, 08:22 PM
Parent: #14
Quote: اختي الحبيبة مني كل سنة وانتي بألف خير واشكرك جزيل الشكر
علي المهاتفة التلفونية بمناسبة العيد السعيد وعبرك تحياتي
لكل المتداخلين واقول ليهم كل سنة وانتم طيبين واخص منهم
اختي الحبيبة الغالية إنعام حيمورة للأتصال الهاتفي ايضاً
تخيلي يا مني كنت بتكلم معاها وفاكرها انتي , بعد شوية
قلت ليها إنعام والله فاكرك مني خوجلي عموماً محبتكم في القلب
والقلوب شواهد |
.
تسلم هشوحي اخوي..وما نحن وأنتم الا
قلوب عامره بالموده والمحبه..
شكرا لك ايضا علي تواصل الأتصالات..وحمدلله علي سلامة أخي حبيبي وحبيبكم عمده..
......
......
كان يوم أحد..وكانت اجازه مدرسيه.لكن كان هناك تدريب موسيقي لفرقتنا لحفل تستعد له المدرسه..
طلبت مني زميلتي في الفصل أن أذهب معها الي منزلهم الذي يبعد مسافة دقيقتين من المدرسه للسلام
علي والدتها وباقي الأسره..
وبما ان البروفه انتهت منذ فتره ومازال هناك زمن حتي تاتينا مواصلتنا..فانني ذهبت معها بعد
تردد بسيط..
والدها أستاذ موسي..مدرس اللغه الأنجليزيه اتسم بالظرف والعيون الخضراء..أصر اصرارا شديدا
أن أذهب مع ابنته ليلي لمنزلهم....كنت وليلي نتبادل القصص والمجلات..
دهشت عندما دخلت غرفتهم..كانت غرفه واحده في منزل يتقاسمون مع آخرين السكن فيه..
بد لي العدد كبير علي الغرفه..ولكن افرحتني جدا مقابلة أمها واخوتها الصغار..لا تهم المساحه المكانيه كثيرا عندما يغمر الحب القلوب..
وفي لحظه اتت والدة ليلي بصينيه فيها طبق واحد من البطاطس المطبوخ..واصرت أن آكل معهم..
جلست علي الأرض بين كوم من الأطفال وأمهم بينما رقد استاذي الجليل علي أحد الأسره يقرأ احد الجرائد...وأنا سعيده بوجودي معهم..ليس هناك أجمل من السره المترابطه حتي لو حكمهم الفقر كثيرا!
طبق الطاطس كان أشهي طبق أكلته في حياتي..كان مميز بحب كبير يجمع بينهم جميعا..ويجمع بيني وبين زميلتي ليلي المسيحيه..
|
Post: #67
Title: Re: وأنا اقول شوفتك وين؟؟
Author: Muna Khugali
Date: 12-25-2007, 06:42 PM
Parent: #13
Quote: لزوم المكوة شنو ؟؟ شديها شديد في الحبل وطبقيها كويس .. وبس ...
منى !! كدى وانتي بتكوي شوفي لي بنستى ما دخلت جوة واحدة من اكياسك دي |
سونسون
حبل ايه يا اسمك ايه..
حبل ايه اللي انتي جايه تقولي عليه!
انتي قايله هنا في شمس ولا حبل؟
هنا ننشف بس بالنشافه بعد الغسيل..وانتي حره بعد كده..تلبسي ملابسك الكنتي بايته بيها في خشم بقره..ولا ترحمي نفسك والناس التانيه من المنظر وتكويهم!
المشكله في المكوه انها ما زي الغسيل..الغسيل تدخليه في الغساله هو والصابون وتسيبيهم يتشاكلوا سوا جوه الغساله وينشفوا دم بعض وتطلعي..براهم بعد زمن بيتعبوا ويبطلوا حركه..
لكن المحروسه التانيه دي دلوعه خالص..لازم تعملي في مرحلتها كل شيء براك..من تحضير للموكوي..لطربيزة المكوي..وللبال الطويل الذي يأتي مره كل 4-6 شهور ويستمر لمدة تلاته يوم..وهو
متوسط الوقت الذي أقضيه في المكوي!!
بقول ليك شنو...
بنستك بعد ماحرقتها وعذبتها..شلتها وختيتها في المطره لغاية ما صدت..وبعد كده كسرتها علي اتنين..رميت جزء..والتاني بأذن الله بديه ليك في السودان لما نتقابل..
|
Post: #15
Title: Re: وأنا اقول شوفتك وين؟؟
Author: هند محمد
Date: 12-22-2007, 08:35 AM
Parent: #1
التحية للكاتب يوسف جبرا ولك استاذة منى ..
كل عام وانتى بالف خير وصحة وسعادة ..
وربنا يحقق جميع امنياتك ..
|
Post: #88
Title: Re: وأنا اقول شوفتك وين؟؟
Author: Muna Khugali
Date: 12-26-2007, 12:03 PM
Parent: #15
Quote: التحية للكاتب يوسف جبرا ولك استاذة منى ..
كل عام وانتى بالف خير وصحة وسعادة ..
وربنا يحقق جميع امنياتك .. |
مرحب هندويه المنجويه..
كل سنه وانتي طيبه..
زمان بنات قبيلة "الفلاته" كانوا بيجو في العيد الكبير يمروا علي البيوت عايزين الكرامه..
يعيدوا كده بالغنا..
عيد مبارك علينا عليكم..كل سنه طيبين طيبين!!
بتتذكريهم ولا مافي في ذاكرتك الكلام ده؟؟
في نهاية النهار يكونوا لموا ليهم خروفين وكمان خروفين سمان..
بس بيني وبينك بيكون فيهم عضام كتير
|
Post: #16
Title: Re: وأنا اقول شوفتك وين؟؟
Author: الفاتح يوسف جبرا
Date: 12-22-2007, 09:28 AM
Parent: #1
العزيزة الغالية الأخت منى
الأعزاء المتداخلون جميعا
كل سنة وإنتو كلكم تامين لامين وبألف خير والسنة الجاية يا رب بلدنا تكون أحسن .. ما ممكن كان يا منى أقدر أقرأ البوست ده دون أن أدخل أبارك ليكى ولمن معك العيد وأشكرك على الكلمات الطيبات التى كتبتيها فى شخصى الضعيف وأسرتى المتواضعه وكذلك كتبها الاعزاء المتداخلون ... ربنا يرد غربتكم كلكم وتجو عشان نتلم كلنا فى (وطننا البنحلم بيهو يوماتى) .. شكراً عزيزتى منى .. ألف شكر
|
Post: #17
Title: Re: وأنا اقول شوفتك وين؟؟
Author: رأفت ميلاد
Date: 12-22-2007, 09:53 AM
Parent: #16
يا إبن الإييييه
طلعت أبو النسب ؟؟
وأنا أقول الحلاوة الهادة عليك دى من وين 
كل سنة وأنت والعائلة بألف خير
صباحاتك فل يا منى
|
Post: #19
Title: Re: وأنا اقول شوفتك وين؟؟
Author: Muna Khugali
Date: 12-22-2007, 12:23 PM
Parent: #16
العزيزة الغالية الأخت منى
الأعزاء المتداخلون جميعا
كل سنة وإنتو كلكم تامين لامين وبألف خير والسنة الجاية يا رب بلدنا تكون أحسن .. ما ممكن كان يا منى أقدر أقرأ البوست ده دون أن أدخل أبارك ليكى ولمن معك العيد وأشكرك على الكلمات الطيبات التى كتبتيها فى شخصى الضعيف وأسرتى المتواضعه وكذلك كتبها الاعزاء المتداخلون ... ربنا يرد غربتكم كلكم وتجو عشان نتلم كلنا فى (وطننا البنحلم بيهو يوماتى) .. شكراً عزيزتى منى .. ألف شكر
اولا بالتبادي صباح الخير عليكم كلكم.. وتاني كل سنه وانتو طيبين بمناسبة رابع يوم العيد..
ويالفاتح أخوي بنحبك من زمان وكنا بنحب اسرتك من غير ما نشوفها..
وأسه بنحبها زياده بعد ما شوفنا معاك وفاء عوض ..اختي وكمان ابونا واحد ..وبنحب شفعك الأتنين..حتي
كمان أسأل الباقيين الجونا هنا والماجو..
المهم في الموضوع اننا اتعرفنا عليك أكتر..وعرفنا أخبارك أكتر.. فالتلفزيون فيه كتير من الجواب..والجواب زمان وصفوه بأنه نص المشاهده..
البرنامج أدانا خطوط عامه..
نود الآن الفاتح أخوي ندخل تحت كل بند -أي تحت كل سؤال_ ونطرح أسئله أكثر لم يسمح وقت البرنامج ربما بطرحها..
يللا قول عندك مانع نسألك كلنا؟؟
محاور..
تفصيل بالسيناريو عن نمو العلاقه بينك وبين وفاء..
وبدون اختصار يخل بعمق المشاعر وحجمها..نود تفاصيل عن الأعتراضات من جانب أسرتها وجانب اسرتك..
مثل..
عايز تقتلني قبال يومي؟؟
أو... راضيه عنك يا ود أمي!
عايزه تتزوجي مسلم؟؟
المهم انتو عارفين..
ثم ولادة أول طفل..
الحياه اليوميه...
أول زيارات بين الأسرتين..والتفاصيل بدايه من الملايات المفروشه.. للنظرات الفرحانه ولا اللسه ما اتعودت علي الوضع الجديد..
ولسه الجاي كتير من الأسئله!
بقول ليك شنو...
خلي وفاء أختي تستخدم الباسوورد بتاعك لما يجي الدور عليها في الكلام..سمح؟؟
علشان الأحاسيس والرؤيه للآشياء بتكون مهما تشابهت ..مختلفه بين الرجل والمرأه..
وبجي راجعه بأحساسي كان شنو وأنا بسمع في وفاء وبسمع فيك في البرنامج.....
أتمني من الجميع توجيه أسألتهم..فالموضوع ملك للجميع..
|
Post: #18
Title: Re: وأنا اقول شوفتك وين؟؟
Author: الفاتح يوسف جبرا
Date: 12-22-2007, 10:04 AM
Parent: #1
رافت العزيز .. بعد إستئذان الغالية منى بقول ليك كل سنة وإنت وجميع من معك بألف خير بمناسبة عيد الأضحية المبارك واعياد الميلاد المجيد ... !!
| Quote: وأنا أقول الحلاوة الهادة عليك دى من وين |
أكيد ومافى شك من أجمل وأحلى ناس !!
|
Post: #20
Title: Re: وأنا اقول شوفتك وين؟؟
Author: د.محمد حسن
Date: 12-22-2007, 12:27 PM
Parent: #1
الاخ الكريم
الفاتح جبرا واسرته
الكريمة بت الكرام البريدها مووووت منى خوجلي واسرتها
كل عام وانتم بالف عافية
-
|
Post: #22
Title: Re: وأنا اقول شوفتك وين؟؟
Author: نادية عثمان
Date: 12-22-2007, 05:05 PM
Parent: #20
زول ينزل لينا التسجيل
ويااستاذنا جبرا الف سلام وعيدك مبارك
|
Post: #24
Title: Re: وأنا اقول شوفتك وين؟؟
Author: عواطف ادريس اسماعيل
Date: 12-22-2007, 06:52 PM
Parent: #22
موني !!!
مساء الخير ,,,
شفتك وابتهجت وين يا غالي إنت ؟؟
تصوري أنا لما شفته قعدت أقول يا ربي الزول دة أنا شفتو ين ؟ بعد مسافة كدا قلت لنفسي هي ! دة ما
الفاتح جبرا ! لكن الغريبة يا منى زول جاد جدا لمن يخوف أتقول أستاذ في جامعة السوربون ؟ لا من شكيت
فيه و قلت لي روحي معقول دة البكتب الكلام الظريف داك لله في خلقه شئون تصوري هو بالظبط زي أحمد بدير
لمن تشوفيه برة منتهى الجدية تتمني لو يتنازل ويضحك لكن مستحيل .. شكرا موني ربنا يسعدك ويسعد الفاتح
وأسرته الحلوة ..
|
Post: #97
Title: Re: وأنا اقول شوفتك وين؟؟
Author: Muna Khugali
Date: 12-27-2007, 11:46 AM
Parent: #24
مساء الخير ,,,
شفتك وابتهجت وين يا غالي إنت ؟؟
تصوري أنا لما شفته قعدت أقول يا ربي الزول دة أنا شفتو ين ؟ بعد مسافة كدا قلت لنفسي هي ! دة ما
الفاتح جبرا ! لكن الغريبة يا منى زول جاد جدا لمن يخوف أتقول أستاذ في جامعة السوربون ؟ لا من شكيت
فيه و قلت لي روحي معقول دة البكتب الكلام الظريف داك لله في خلقه شئون تصوري هو بالظبط زي أحمد بدير
لمن تشوفيه برة منتهى الجدية تتمني لو يتنازل ويضحك لكن مستحيل .. شكرا موني ربنا يسعدك ويسعد الفاتح
وأسرته الحلوة ..
صباح الخير طوفي..
كلامك صح..الفاتح كان هاديء جدا وشكله جاد. شويه مختلف من توقعاتنا بعد قراءاته الساخره..لكن أعتقد أن هذا شيء طبيعي..زمن البرنامج لم يكن طويلا يسمح بانطلاق أكتر..وحتي الزمن المتاح كان
مقسم بالتساوي بين وفاء وبين الفاتح ومقدمة البرنامج..
واقصد أن زمن السؤال يتكرر بين الأثنين..
وفي نفس الوقت اري ان في الكتابه تحرر أكثر وفك للقيود..فالذي يكتب باخلاص ينسي اي شيء غير الفكره وتصور الموقف ومعايشته باستمرار.. لذلك لايتحكم فيه اي شيء آخر..وأعتقد انها تلك الحاله التي تحدثت وفاء عنها..استغراقه في الكتابه بحيث لا يتحمل أي صوت او مناداه تقطع عنه أحساسه بالموقف وتقطع عليه أفكاره..
وأعتقد أيضا أن هذا هو احد أسباب حب القراء للفاتح..فاستغراقه في قراءة الواقع الأجتماعي وغوصه فيه..ثم كتابته عنه كما عاشه باحساسه ووعيه..يجعله يصوره مره أخري كما هو..
يعني اسه أنا يا طوفي شوفته في فارتي..
وشوفته في الأستوديو -التلفزيون..
وشوفته في الصوره..
وانتي شوفتيه في السوربون..بعد ماقلتي معانا.. وأنا أقول ياربي شوفتو وين؟
تحيات وحب كتيييييره..
|
Post: #92
Title: Re: وأنا اقول شوفتك وين؟؟
Author: Muna Khugali
Date: 12-26-2007, 02:45 PM
Parent: #20
Quote: الاخ الكريم
الفاتح جبرا واسرته
الكريمة بت الكرام البريدها مووووت منى خوجلي واسرتها
كل عام وانتم بالف عافية |
-
محمد الحسن الشاعر..
كل سنه وانت وبناتك التومات والتالته الماعندها توم وزوجتك بخير شديد..
وانت بتريدني موت وكذلك انا ريده شحتك تديني بنتك السمرا الحلوه الماعندها توم..لكن انت
انت ابيت..انت صحي أبيت ليه؟؟
.....
.....
صيام المسيحيين الشرقيين كان غريبا بالنسبه لي..
وظننت أنه سهل لكن لم يكن!
صيام رمضان صعب بسبب العطش..خاصه في بلد سخنه زي السودان..لذلك لم افهم كيف يكون الأنسان
صايم ويشرب؟؟
جلست وصديقتي فايزه لتناول الأفطار
|
Post: #25
Title: Re: وأنا اقول شوفتك وين؟؟
Author: عاطف عمر
Date: 12-22-2007, 07:02 PM
Parent: #1
أول مرة أشوف لى زولة بتكوي ملايات أيام العيد
قبال العيد ما كان في كم يوم للتجهيزات دي
جنس كسل
|
Post: #98
Title: Re: وأنا اقول شوفتك وين؟؟
Author: Muna Khugali
Date: 12-27-2007, 01:14 PM
Parent: #25
Quote: أول مرة أشوف لى زولة بتكوي ملايات أيام العيد
قبال العيد ما كان في كم يوم للتجهيزات دي
جنس كسل |
يا حليلك يا عاطف..القال ليك منو ديل ملايات العيد؟
هو ذاته العيد وينو؟؟
تصدق دي ملايات الدهر..ابت تكمل خالص..واسه الكويتو ذاته ماقادره أرصه في الدولاب..
انت بتعرف تكوي ولا سايبها كلها لسعديه؟؟
وبعدين قبال العيد ماكان في ايام..العيد ده بس يجي فجأه علي الناس كلها..ومن يبقي علي يبقي كان في أيام قباله؟؟
اسه أنا قررت اعمل زي الغسيل..مش الغسيل الأبيض بيكون براه والملون برضه كل لون براه؟؟
انا المكوه قررت أكويها كالآتي.. اكياس المخدات براها..واشرب معاها قهوه بس..
وبعدين أكوي الملايات الدبل براهم..وبرضه اشرب معاهم قهوه بس..
وبعدين السراير السنجل أكوي ملاياتهم براهم واشرب معاهم قهوه بس..اها قصرت؟؟
وبعدين لاحظ انت..انه كل حاجه بتاخد زمن..مش بتفرد الملايه الأول وتكويها وبعدين تطبقها وتكويها وبعدين تطبقها تاني وتكويها..وهكذا "دواليك" وبين كل تطبيقه وتانيه تشرب من القهوه؟؟
طيب عد انت الشغلانه دي تاخد وقت قدر شنو؟!
عليتك صح؟؟
|
Post: #26
Title: Re: وأنا اقول شوفتك وين؟؟
Author: الفاتح يوسف جبرا
Date: 12-23-2007, 05:14 AM
Parent: #1
| Quote: يللا قول عندك مانع نسألك كلنا؟؟ |
الغالية منى : معقولة بس يكون عندى مانع ؟ بينى وبينك القصة كانت طويييييييلة وتصلح مسلسل ... أهم حاجه فى الموضوع إنو نهايتها كانت حلوة ... أنا ووفاء مستعدين لأى سؤال ... يلا أسألو ؟ .............. تحياتى وحبى
|
Post: #27
Title: Re: وأنا اقول شوفتك وين؟؟
Author: عاطف عمر
Date: 12-23-2007, 05:25 AM
Parent: #26
فاتني في ( أتون )* لهفتي على المكاواة
أن أبارك العيد للغالية منى وربنا يحقق كل أمنياتك
وأبارك العيد للأستاذ الفاتح جبرا الذي تعتبر كتاباته الساخرة العميقة ( ترمومتراً ) شعبياً . مما جعلني أحرص كثيراً على متابعتها
_________________
غايتو ( أتون )* دي عاجباني شديد اليومين ديل ... قلت أجربها هنا
|
Post: #28
Title: Re: وأنا اقول شوفتك وين؟؟
Author: حيدر حسن ميرغني
Date: 12-23-2007, 05:43 AM
Parent: #27
سلامات كبيرة ليهو ولاسرتو
إتشاكلت معاهو مرة فى المبر وأدبني جدا بردوده الطيبة وبقيت صاحبو من اليوم داك
حفظهم الله
|
Post: #108
Title: Re: وأنا اقول شوفتك وين؟؟
Author: Muna Khugali
Date: 12-28-2007, 01:09 PM
Parent: #28
Quote: سلامات كبيرة ليهو ولاسرتو
إتشاكلت معاهو مرة فى المبر وأدبني جدا بردوده الطيبة وبقيت صاحبو من اليوم داك
حفظهم الله |
مرحب يا حيدر..
دخول الفاتح للمنبر كان كالنسمه..هاديء رغم صخب سيناريوهاته التي لم يتعب بكري في رفعها في صدارة الصفحه..
الردود الطيبه شيمة الكرام..لذلك لا نستغربها من الفاتح خاصه وله قلب عيونه مفتوحه علي المجتمع وأزماته وانعكاس ذلك علي الجميع...
كل سنه وانت واسرتك بألف خير..
|
Post: #49
Title: Re: وأنا اقول شوفتك وين؟؟
Author: سلمى الشيخ سلامة
Date: 12-24-2007, 04:49 PM
Parent: #27
منى يا حبيبة كل سنه وانتى طيبة والاستاذ الفاتح واسرته بالف خير
وبختك عندك مكوة
نحنا لابنكوى ولا حاجة الكهربا غالية
لكن عجبتنى كلمة (اتون) دى القالا عاطف
تعرف يا عاطف عندنا صحبتنا كانت بتدرس فى جامعة جوبا
ايام الاحداث الشهيرة ديك اعتقلوهم
فى كومر البوليس فى عسكرى بدخل كلمات بكون سمعها لكن ما عارف استخداما كيف
المهم هى عاجباها ليك الفكرة وعيونا كبار
محل مالعسكرى دا يمشى هى شغالة ليهو(باك)
لمن انتبه ليها زهج شديد لانه كل مرة بلقاها تعاين ليهو
بس هاج ليك فيها
ـ اسمع انت ما تعاين لى ، لانه نظرة بتاعك دا فيهو نوع من نكران الذات
|
Post: #110
Title: Re: وأنا اقول شوفتك وين؟؟
Author: Muna Khugali
Date: 12-29-2007, 02:26 AM
Parent: #49
Quote: منى يا حبيبة كل سنه وانتى طيبة والاستاذ الفاتح واسرته بالف خير
وبختك عندك مكوة
نحنا لابنكوى ولا حاجة الكهربا غالية
لكن عجبتنى كلمة (اتون) دى القالا عاطف
تعرف يا عاطف عندنا صحبتنا كانت بتدرس فى جامعة جوبا
ايام الاحداث الشهيرة ديك اعتقلوهم
فى كومر البوليس فى عسكرى بدخل كلمات بكون سمعها لكن ما عارف استخداما كيف
المهم هى عاجباها ليك الفكرة وعيونا كبار
محل مالعسكرى دا يمشى هى شغالة ليهو(باك)
لمن انتبه ليها زهج شديد لانه كل مرة بلقاها تعاين ليهو
بس هاج ليك فيها
ـ اسمع انت ما تعاين لى ، لانه نظرة بتاعك دا فيهو نوع من نكران الذات |
دقيقه سلمي حبيبتي..يعني ايه ما بتكوا
علشان الكهربا غاليه؟؟
يعني ما اكيد استهلاكها بيكون ماشي متوازن حتي ولو لحد ما مع المصاريف التانيه..
بمعني آخر المكوي مهمه زي الغسيل..بس اوعي تكوني زي آيه بتي؟؟
يا سلام يا سلمي لما تجي ترقدي في السرير وملايته وأكياسه مكويه!
غير كده تحسي انه جسمك بيشوكك وانتي نايمه..
وطبعا هنا ياسلمي وانتي ست العارفين الواحد بيعمل اي حاجه براهو..
الناس في السودان قايلننا مرتاحين شديد..مساكين ما عارفيننا بنغسل ونكوي ونطبخ ونغسل العده ونترسل لنفسنا سوق الخضار والفواكه..وبعدين تموين البيت..وندفع فواتير وده غير الشغل بره..ونقفل البيت برانابالليل ونحضر الجبنه والشاي ونضف البيت باستمرار..قربت أكتب ليكم ست بيت ممتازه موش؟؟
جن وطار يا سلمي زمان ولا واحد في ديل بنعمله..غير قليل منهم مرات!!
المهم مكوتي لسه ما انتهت..ممكن تساعديني؟؟
أخليك مع أتون عاطف التي تسبب لي انزلاق عاطفي في متاهات مرتقبه
وعليك الله كدي شوفي كتفي ده بيوجعني؟؟
|
Post: #104
Title: Re: وأنا اقول شوفتك وين؟؟
Author: Muna Khugali
Date: 12-27-2007, 05:41 PM
Parent: #27
Quote: فاتني في ( أتون )* لهفتي على المكاواة
أن أبارك العيد للغالية منى وربنا يحقق كل أمنياتك
وأبارك العيد للأستاذ الفاتح جبرا الذي تعتبر كتاباته الساخرة العميقة ( ترمومتراً ) شعبياً . مما جعلني أحرص كثيراً على متابعتها
_________________
غايتو ( أتون )* دي عاجباني شديد اليومين ديل ... قلت أجربها هنا |
عارف يا عاطف..انا مرات كده بتجي كلمات في راسي من الماضي "السحيق" واقوم اقول.. ياربي مع مفرداتي البقت ضعيفه وانا عكسها بقيت سمينه..
أعمل شنو؟؟
بس اقول لنفسي يا زوله استخدميها اصله نحنا ناس بسيطين مافي مانع لو اتفلسفنا أحيانا مع الناس القاشره 24 ساعه دي.. وخانقه رقبتها كان يتوب بيلمع بالترتر ولا كرافته اعرض من القميص!
المهم..بقوم اكتب الكلمه..وسبحان الله مرات بتطلع صح!
معقوله ياخ الزهايمر ماهبش كل خلايا الذاكره؟؟
خلي بالك أتون بتاعتك دي أنا لازم القي كلمه زيها كده..تساويها في "البعلجه"..اديني فرصه
بس..اجيب ليك كلمه تحيرك وانت والجماعه كلهم...مثل فسيفساء ولازوردي ..وبس خلاص عليا وعلي أعدائي
|
Post: #29
Title: Re: وأنا اقول شوفتك وين؟؟
Author: محمد عثمان ابوشوك
Date: 12-23-2007, 05:50 AM
Parent: #1
منى خوجلى
كل سنه وانت و كل العزيزين عليك بخير
|
Post: #30
Title: Re: وأنا اقول شوفتك وين؟؟
Author: osman righeem
Date: 12-23-2007, 06:22 AM
Parent: #29
مني الغالية
عامك سعيددائما
جبرا كاتب ينكش بسنة القلم دواخل الاشياء
و يختار ما يريد يحكمه فضاء ذاته بعيدا عن قوالب الاخرين
له منا القيام و التحية و الاجلال
انا شوفتك وين !!!!!!!!!!
عثمان رغيم الحسن
|
Post: #31
Title: Re: وأنا اقول شوفتك وين؟؟
Author: مجدي عبدالرحيم فضل
Date: 12-23-2007, 06:47 AM
Parent: #30
Muna
Happy Eid
Abu Qussy
|
Post: #114
Title: Re: وأنا اقول شوفتك وين؟؟
Author: Muna Khugali
Date: 12-29-2007, 10:28 PM
Parent: #31
مجدي الليله ..يناير قرب..نعمل شنو يا مجدي؟؟
شكرا علي الورده الجميله..حبيتها شديد.. وفي الأول كنت قايلاك مرسل لي معاها جواب مافيه عتاب..
فرحت شديد وقدر ما حاولت اقتحه ابي لي... لكن الحمدلله في الأخر عرفت انه ما جواب..
وانه الورده راقده علي راحة من الساتان...
شكرا علي رقتك يامجدي..
سلام لناس البيت وكل سنه وكلكم طيبين..
|
Post: #109
Title: Re: وأنا اقول شوفتك وين؟؟
Author: Muna Khugali
Date: 12-28-2007, 11:28 PM
Parent: #30
Quote: مني الغالية
عامك سعيددائما
جبرا كاتب ينكش بسنة القلم دواخل الاشياء
و يختار ما يريد يحكمه فضاء ذاته بعيدا عن قوالب الاخرين
له منا القيام و التحية و الاجلال |
مرحب عثمان..
الكاتب الذي نشعره أكثر..هو الذي يعبر عن مخاوفنا ومشاكلنا واحاسيسنا..
يعكسها لنا بالأسلوب الذي يحبه..وهنا علي الأغلب اسلوب السيناريو الذي يعيد لنا انتاج معاناتنا
في شكل يسمح لنا بفهمها وتحديدها بشكل أكبر..ويخلق من معاناتنا "الجمعيه" شكل من اشكال تجميع
للغضب بشكل تدريجي لكنه منظم وقوي..
وكأن السيناريوهات هنا ان استوعبنا طاقتها فعلا..هي فعل منظم راصد لكل الأخطاء أو اكثرها التي ترتكب في حق المواطنين..
كل سنه وانت طيب يا عثمان..أعياد كتيره ماشاء الله..والغريبه بتجي هي ذاتها كل سنه
|
Post: #106
Title: Re: وأنا اقول شوفتك وين؟؟
Author: Muna Khugali
Date: 12-27-2007, 09:33 PM
Parent: #29
Quote: منى خوجلى
كل سنه وانت و كل العزيزين عليك بخير |
ازاي أحوالك محمد عثمان والدكتوره والأولاد..
كل سنه وانت طيبين أعياد كتيره ماشاء الله..وساكت بس نقعد نهني!!
غايتو نقول الحمدلله..والبيشوف مصايب الناس تهون عليه مصيبته..موش؟؟
عارف مصيبتي في العيد الكبير بتاع كانت شنو1993؟؟
كانت تتمثل في خروف مذبوح يرقد بكل عنفوانه وكيانه ..ني في صينيه كبيره تشبه صواني السودان..ويبحث عن من يقطعه تعذيبا بعد ان تم ذبحه..ثم يدخله الي النار ثم يأكله!!!
القصه نحكيها ليكم تاني..اصلي أنا زي الحبوبات بريد الحكي الكتير..المهم يا زول انا العيد داك قلت لازه اضبح ..مش عندي دخل؟
وبعدين ثانيا بتي لازم تتعلم يعني ايه ضحيه.. وتقدر تفرق بين عيد الكحك البره الشهادات وعيد الضحيه..آيه وقتها كان عمرها زي خمسه سنين..
حجزت خروفي من زولنا العربي..وجيت يوم الوقفه فرشت في البيت اي حاجه جديده..زي السودان بالضبط علما في السنه ديك..كنت أنا بس في لندن..يعني مافي اي زول من أهلي..انا وبتي بس..
ونمنا انا وبتي علي أساس ايه..نصحي بدري ونعمل الشيات!
وكل الفي بالي لماتنا في العيد في السودان..عايزه اعمل زيها..وفي غمرة الشعور ده..قمت كمان جبت ملبس وحلاوه نعناع..احنا زمان ماما كانت بتقول العيد الكبير الناس تاكل فيه نعناع بس علشان اللحمه والهضم..خلاص يبقي مافي داعي لأي نوع حلاوه غير النعناع..
وكل ما آيه كانت تقعد تتفرج في التلفزيون كنت اشاغلها ليك فرحانه بالعيد..
المهم ياسيدي غيبت آيه من المدرسه..وبرضه جارتي السودانيه عملت نفس الحكايه..
وصحيت الصباح بدري لبست ليك آيه الفستان الحلو بتاع العيد..وحضرت فكه لزوم عيديه وكده يعني زي ما عم عوض بابكر الله يرحمه كان بيدينا واحنا في عمر آيه مع عياله العيديه..كان جارنا بالحيطه..وكان بيدينا العيديه زي عياله بالضبط..
بس الصباح كله منتظرين الخروف والخروف ماجه..أتاريه شنو بيجيبوه العصر!
المهم الخروف لما وصلنا كانت عشره بالليل..طيب أعمل ايه انا ساعتها؟؟
عادي جدا.. فضيته في صينيه المونيوم كبيره..زي صواني السودان..واخييي عليه كان جايب لي البلاوي بتاعة بطنه كلها..لميتها في كيس ودخلتها جوه كذا كيس علشان ريحتها..وطوالي علي برميل القمامه..
مالي انا ومال البلاوي دي!
وبعدين سبت ليكم الخروف زي ماهو في الصينيه..تجاهلته عن تعب ومشيت نمت..
قلت بكره ربنا يحلها باذن الله..وفعلا ربنا حلاها ..تفتكر حلاها كيف؟؟؟
سلام كتير لك وللجميع..
|
Post: #32
Title: Re: وأنا اقول شوفتك وين؟؟
Author: نهلة عمر
Date: 12-23-2007, 12:05 PM
Parent: #1
الرائعة منى خوجلى
سلامات و تانى كل سنة و انت طيبة
و التحية للشامخ الفاتح جبرا
شكرا لك استاذى الفاتح و ان تعبر عن همومنا كشعب مطحون بأسلوبك الساخر
شكرا لقلمك الشجاع الذى لا يخاف فى الحق لومة لائم
شكرا لك و انت نذرت قلمك و جهدك و زمنك للتحدث بلسان الملايين
|
Post: #120
Title: Re: وأنا اقول شوفتك وين؟؟
Author: Muna Khugali
Date: 12-30-2007, 07:37 PM
Parent: #32
Quote: الرائعة منى خوجلى
سلامات و تانى كل سنة و انت طيبة
و التحية للشامخ الفاتح جبرا
شكرا لك استاذى الفاتح و ان تعبر عن همومنا كشعب مطحون بأسلوبك الساخر
شكرا لقلمك الشجاع الذى لا يخاف فى الحق لومة لائم
شكرا لك و انت نذرت قلمك و جهدك و زمنك للتحدث بلسان الملايين |
كل سنه جديده وانتي سعيده يا نونا..تفتكري في كم موقف في حياتك واجهك وكانت فيه صعوبات قدرتي تقيفي قدامها وتجتازيها أو مانجتازيها بالشكل الأنتي عايزاه؟؟
وكم مره قررتي انه الباب البيجيك منه الريح سده واستريح مثل مريح لك؟؟
ليس كل ممنوع خطأ وليس كل مسموح به يمثل كل رغباتنا..
هذا الحديث علي المستوي النظري سهل القول..ولكن علي المستوي العملي هو صعب للبعض وصعب جدا
للبعض الآخر..يعتمد هذا علي رغبة الفرد..شخصيته وقناعاته وقدرته علي التصدي لما يعترضه..
وانا لا أتحدث هنا الا عن القضايا الأجتماعيه التي نعيش في داخلها وتحاصرنا كل يوم بضغوطها
وحلول ممكنه وأخري غير ممكنه..وهذه أيضا نسبيه..
خليكي معانا يا نهله..وكل سنه وانتي طيبه..
|
Post: #34
Title: Re: وأنا اقول شوفتك وين؟؟
Author: osman righeem
Date: 12-23-2007, 01:30 PM
Parent: #1
كتبت الاخت الاستاذه نادية عثمان
| Quote: فى شعوب غير الشعب السودانى بكووا الملايات؟ |
ونحن شعب بيغسل الصابونة
في بيوت المناسبات عنما كان غسيل الايدي يتم عن طريق الصبي و الابريق
كانت الصابونة تتدوال بين من يغسلون اياديهم بعد ان يقوم كل شخص
بغسل الصابونة وتمريرها الي الاخر .
كوي ملايات و غسيل صابون
|
Post: #35
Title: Re: وأنا اقول شوفتك وين؟؟
Author: نادية عثمان
Date: 12-23-2007, 02:03 PM
Parent: #34
osman righeem
| Quote: كوي ملايات و غسيل صابون |
|
Post: #38
Title: Re: وأنا اقول شوفتك وين؟؟
Author: ياسر عدوي
Date: 12-23-2007, 03:20 PM
Parent: #35
الاخت مني كل عام وانتم بخير
من ضمن الناس اناكنت موجود امام التلفاز
وشدني روعة القاء وبصاتط الكلمات
وطرابط الاسره ولاروع من هذا جمع الاديان
التحيه للاستاذ الفاتح والاسره
الذي ضرب مثل للسودانين
والتحيه لعموم اهل السودان
|
Post: #132
Title: Re: وأنا اقول شوفتك وين؟؟
Author: Muna Khugali
Date: 01-01-2008, 03:04 PM
Parent: #38
Quote: الاخت مني كل عام وانتم بخير
من ضمن الناس اناكنت موجود امام التلفاز
وشدني روعة القاء وبصاتط الكلمات
وطرابط الاسره ولاروع من هذا جمع الاديان
التحيه للاستاذ الفاتح والاسره
الذي ضرب مثل للسودانين
والتحيه لعموم اهل السودان |
كل سنه وانت طيب ياسر أخوي..
سنه جديده وجميله عليك وعلينا..
انت اذا محظوظ لأنك شاهدت الحلقه..
اشاهد تلفزيون السودان بشكل يكاد يكون نادر..وذلك بسبب أغلب برامجهم الممله والتي تصادفني كل ماحولت القناه عليه..الا انني أحيانا أكون محظوظه فاشاهد بعض الفلتات..مثل حظي عندما أتي البرنامج الذي استضاف الفاتح...
لك التحيح والأمنيات الجميله..ارجو أن تواصل معنا..
|
Post: #123
Title: Re: وأنا اقول شوفتك وين؟؟
Author: Muna Khugali
Date: 12-30-2007, 10:09 PM
Parent: #34
Quote: كتبت الاخت الاستاذه نادية عثمان
فى شعوب غير الشعب السودانى بكووا الملايات؟
ونحن شعب بيغسل الصابونة
في بيوت المناسبات عنما كان غسيل الايدي يتم عن طريق الصبي و الابريق
كانت الصابونة تتدوال بين من يغسلون اياديهم بعد ان يقوم كل شخص
بغسل الصابونة وتمريرها الي الاخر .
كوي ملايات و غسيل صابون |
شوفت يا عثمان احسن اختراع شنو في قصة الصابون وغسيله ده؟؟
احسن اختراع الصابون السائل في قنينات للغسيل..قديم شويه لكن حديث..تضغط وتستخدمه..
انا ما بقدر اصله استخدم صابونه مفتوحه ومستعمله قبل كده...علشان كده بستخدم نوع الصابون المعبأ كده..وبتذكر من زمان لما كنت صغيره صابونتي جوه دولابي!
ياخ اسه معقوله زول اكل ويكه وغسل بالصابونه وأداها ليك..معقوله الويكه تزلق والصابونه تزلق وتقول لي غسلهاقبل ما انت تستعملها؟؟؟
لا لا لا..مابغسل بيها أصله واليحصل يحصل!
|
Post: #37
Title: Re: وأنا اقول شوفتك وين؟؟
Author: Sahar Yousif
Date: 12-23-2007, 03:03 PM
Parent: #1
كل سنة و انتوا طيبين و ربنا يحقق كل الأماني و أنشاء الله السنة الجاية كلنا في سودانا الحبيب يارب
مني خوجلي ما عارفة أقول ليك شنو بس انت زولة مدهشة ...
أستاذ فاتح جبرا أنت فعلا مثال لكل الأشياء الجميلة ... المستحيلة... الممكنة و بالجد اديتنا دليل انوا الحواجز و الممنوعات بس هي في عقلنا .. و الداير يتحدي و يعمل تغير و يتمسك بما هو يريده الطريق مفتوح لكل الخيارات الغير محدودة
فشكرا لك لجعلك كل الأحلام ممكنة...
تخريمة
يا ريت تنزولوا الحلقة pleaseeeeeeeeeeee و هذا لتعميم التجربة و المشاركة للآخرين الما شافوا الحلقة الجميلة الاستثنائية دي ...
|
Post: #39
Title: Re: وأنا اقول شوفتك وين؟؟
Author: ibrahim kojan
Date: 12-23-2007, 03:58 PM
Parent: #37
مني......
الحديقه..
الياسمين .. ودماء الكلام..
انحباس الدم في خدود الاطفال..
العيد الازلي للتغريد..
الانهار عندما تسيل عسجدا..
الايام.. كلها عندما تصبح افراحا..
الزمن عندما يتوشح.. بثوب النور
النور زاتووووووووووووووووووووو
يا اختي العزيزه والصديقه الاعز ..
كل السنه وانتي طيبه والاسره الكريمه...
كنت غائبا منك لاعود ... ربما اكثر شوقا(انا نهبك زي عصيده)
ابراهيم
|
Post: #146
Title: Re: وأنا اقول شوفتك وين؟؟
Author: Muna Khugali
Date: 01-03-2008, 12:39 PM
Parent: #39
Quote: مني......
الحديقه..
الياسمين .. ودماء الكلام..
انحباس الدم في خدود الاطفال..
العيد الازلي للتغريد..
الانهار عندما تسيل عسجدا..
الايام.. كلها عندما تصبح افراحا..
الزمن عندما يتوشح.. بثوب النور
النور زاتووووووووووووووووووووو
يا اختي العزيزه والصديقه الاعز ..
كل السنه وانتي طيبه والاسره الكريمه...
كنت غائبا منك لاعود ... ربما اكثر شوقا(انا نهبك زي عصيده)
ابراهيم |
ابراهيم..
في اجازة العيد مشيت انا وناس البيت نزور طارق مكاوي في المستشفي..اتذكرتك وفكرت كتير في
زينب الجميله ربنا يرحمها..كانت قويه رغم مرضها الشديد..
زيارتنا كانت لنفس المستشفي في ويستمينستر!
وانا يا ابراهيم بحبك برضه زي عصيده بالملاح الأبيض..وبحب ذكرياتنا في الخرطوم..في دار النشر و
وفي لندن ومناسباتها الحلوه والتانيه العجيبه..وبحب أدبك ولطفك..
..........
..........
عاين الساسينس العايشنه مع وفاء والفاتح ده!
في البرنامج سالوت مقدمة البرنامج وفاء عن طبع الفاتح ساعة الكتابه علي ما أذكر..
وفاء قالت الفاتح لما يكون بيكتب بيكون متنرفز جدا..وهي سريع بتعرف..طوالي بتاخد العيال بعيد
منه علشان مايقطعه ليه استغراقه ومزاجه!
كلنا وفاء...
اسه الفاتح من يوم التلات بيدينا انذار..بيستعد لكتابة العمود يوم الجمعه...
يعني أنا يا عيالي لازم أقعد أونسكم لغاية ما هو يجي بالسلامه..
وهو بيجي كان الجمعه المسا ولا كان السبت!!
وووب عليك يا وفاء..نحن جميعنا هنا اصبحنا الزوجه الثانيه للفاتح...
هو يومين معاك..ويومين هنا..وباقي الأيام لصاحبته الرأي العام
|
Post: #136
Title: Re: وأنا اقول شوفتك وين؟؟
Author: Muna Khugali
Date: 01-01-2008, 11:09 PM
Parent: #37
Quote: كل سنة و انتوا طيبين و ربنا يحقق كل الأماني و أنشاء الله السنة الجاية كلنا في سودانا الحبيب يارب
مني خوجلي ما عارفة أقول ليك شنو بس انت زولة مدهشة ...
أستاذ فاتح جبرا أنت فعلا مثال لكل الأشياء الجميلة ... المستحيلة... الممكنة و بالجد اديتنا دليل انوا الحواجز و الممنوعات بس هي في عقلنا .. و الداير يتحدي و يعمل تغير و يتمسك بما هو يريده الطريق مفتوح لكل الخيارات الغير محدودة
فشكرا لك لجعلك كل الأحلام ممكنة...
تخريمة
يا ريت تنزولوا الحلقة pleaseeeeeeeeeeee و هذا لتعميم التجربة و المشاركة للآخرين الما شافوا الحلقة الجميلة الاستثنائية دي ... |
سحور ازيك..
تصدقي بليز حقتك الجريتيها دي..انا بصرخ بيها من أول يوم؟!
غايتو ناس البورد مرات دغيلين خلاص..موش؟؟
قلتي كلام حقيقي عن الحواجز..لكن حتي استقرارها في العقل يختلف درجته من انسان لأنسان حسب البيئه التي تربي فيها..الظروف الخاصه ببيئته وبه أيضا..وليس لهذا الحديث رأي عن الخطأ أو الصواب..انما عن الفعل في حد ذاته..
والعوامل أو المؤثرات التي أقصدها..هي تلك مثل درجة قوة الشخصيه..القناعه والتحدي..وأحيانا تختلط الظروف الموضوعيه بالذاتيه وتخلق مواقف عند البعض مختلفه عند البعض الآخر في نفس المجتمع...
اعتقد أن المجتمعات بشكل عام أصبحت أكثر مرونه في كثير من القضايا الأجتماعيه عن السابق..وفي نفس الوقت نحتفظ بالنسبيه في هذا الحكم...
ولكني مازلت أري علي الرغم من تكرر التجربه علي نطاق ضيق..ان وفاء والفاتح وقفا وقفة يصعب ان أن يقفها أغلبية الناس حتي والتعقيدات أقل..ربما درجة الحب بينهما كانت أكبر منها عند الآخرين!
تحياتي سحوره..كل سنه وانت ومن تحبين بألف خير..
|
Post: #40
Title: Re: وأنا اقول شوفتك وين؟؟
Author: kamal ali
Date: 12-24-2007, 00:44 AM
Parent: #1
منى ياروعه,,,, غايتو الليله حتحلقى بى عاليا, لانى ويعد غيبه طويله اظنى
حالتقى بصديقى الحبيب الفاتح جبرا عبر هذا البوست الفلته .
ذكريات حبيبه للنقس اخى الفاتح اختزنها لايام خوالى قضيناها معا بين
نادى الشاطى بالملازمين والهجره ( للهجره ) فى انصاص الليالى لنضرب الفول .
تحياتى واشواق بالكوم واكيد سوف القاك فى سيناريوهات لبوح خاص عن تلك الايام .
انا الان مقيم بالدوحه بدولة قطر .... والى ان القاك فى بوست خاص لك كل الود ,
ولك اختى الحبيبه( منى ) كل الامتنان والتقدير ,
كمال سالم
|
Post: #42
Title: Re: وأنا اقول شوفتك وين؟؟
Author: عبدالأله زمراوي
Date: 12-24-2007, 01:41 AM
Parent: #40
منى الرائعة
وأنا أقول البوست دة شفتو وين؟
العزيز الفاتح جبرا والعزيزة حرمه المصون مثالان للتعايش والتوحد والصفاء! في أجازني الماضية، دعتني هذه الأسرة لعشاء بأحدى أندية الخرطوم وجلسنا وتحدثنا وتسامرنا وخرجت من عندهم وقد كبرت كراعي من الفرح كما قال الراحل الدوش!
جبرا رجل مستنير وسط ظلمة حالكة يعيشها الوطن. وقد أنبهرت بتجربة الفاتح وحرمه وتفاءلت خيرا بوطن يتقاسم همه معنا أمثال هؤلاء الرائعين الذين ركلوا سخافة التباين الأثني والديني وجمعوا لنا وطنا واحدا تحت راية الصليب والهلال!
شكرا يا منى على هذه الأضاءة التي ردت لنا أرواحنا المتعبة!
|
Post: #150
Title: Re: وأنا اقول شوفتك وين؟؟
Author: Muna Khugali
Date: 01-04-2008, 02:28 AM
Parent: #42
Quote: منى الرائعة
وأنا أقول البوست دة شفتو وين؟
العزيز الفاتح جبرا والعزيزة حرمه المصون مثالان للتعايش والتوحد والصفاء! في أجازني الماضية، دعتني هذه الأسرة لعشاء بأحدى أندية الخرطوم وجلسنا وتحدثنا وتسامرنا وخرجت من عندهم وقد كبرت كراعي من الفرح كما قال الراحل الدوش!
جبرا رجل مستنير وسط ظلمة حالكة يعيشها الوطن. وقد أنبهرت بتجربة الفاتح وحرمه وتفاءلت خيرا بوطن يتقاسم همه معنا أمثال هؤلاء الرائعين الذين ركلوا سخافة التباين الأثني والديني وجمعوا لنا وطنا واحدا تحت راية الصليب والهلال!
شكرا يا منى على هذه الأضاءة التي ردت لنا أرواحنا المتعبة! |
يعني انت كنت محظوظ أكتر مننا؟؟
خلاص الا تجي تحكي لينا..اليوم داك اتونستوا في شنو..وأكلتوا شنو والنادي ده كان النادي القبطي الفي شارع 9 ولا 11 ولا نادي تاني؟؟؟
اسمع ما شوفت هناك نبيل أديب ورجاء زوجته؟؟
كلامك عن الفاتح ووفاء كلام جميل..وهم فعلا زي ما بتقول..
|
Post: #147
Title: Re: وأنا اقول شوفتك وين؟؟
Author: Muna Khugali
Date: 01-03-2008, 02:22 PM
Parent: #40
Quote: منى ياروعه,,,, غايتو الليله حتحلقى بى عاليا, لانى ويعد غيبه طويله اظنى
حالتقى بصديقى الحبيب الفاتح جبرا عبر هذا البوست الفلته .
ذكريات حبيبه للنقس اخى الفاتح اختزنها لايام خوالى قضيناها معا بين
نادى الشاطى بالملازمين والهجره ( للهجره ) فى انصاص الليالى لنضرب الفول .
تحياتى واشواق بالكوم واكيد سوف القاك فى سيناريوهات لبوح خاص عن تلك الايام .
انا الان مقيم بالدوحه بدولة قطر .... والى ان القاك فى بوست خاص لك كل الود ,
ولك اختى الحبيبه( منى ) كل الامتنان والتقدير ,
كمال سالم |
كمال أخوي..
أنا عندي فكره حقت تحريش علشان تجينا الحلقه هنا لغاية عندنا!
انت مش الفاتح ده صاحبك؟؟
خلاص تقوم تزن علي راسه بي كلام زي ده...
انت ناس التلفزين يالفاتح معقول ماأدوك تسجيل للحلقه؟؟
يكونوا بالغوا لو ما عملوا كده!
ثم تضيف قبل أن يرد بغتاته..
ياخ انت استجبت لطلبهم ومشيت سجلت معاهم برنامج شيق..
ليه ما يقدروا مجهودك ويدوك صوره منه؟؟
وبرضه قبل ما يلحق يتكلم تعلق بطريقه مستفزه..
غايتو بالغوا!
وتسكت....
يقوم الفاتح لو عنده التسجيل طوالي يقول ليك...
لا ياخ الناس دي ماقصرت وياهو ده التسجيل قاعد!
دي فرصتك..
وسمح ياخ نزله لينا ولو ماعارف أديه لأي زول بيعرف ينزله!
ولو بقي ماعنده التسجيل..هايمشي من دربه يجيبه..ايه رأيك مش خطه حلوه؟؟
|
Post: #46
Title: Re: وأنا اقول شوفتك وين؟؟
Author: الفاتح يوسف جبرا
Date: 12-24-2007, 01:28 PM
Parent: #1
العزيزة الغالية منى
معليش أمبارح كنت مشغول شوية وما قدرت أدخل .. .. بالمناسبة يا منى بكرة فى لقاء عملوهو ناس (الرأى العام) معاى ومع وفاء فى البيت وح يتنشر بكرة (الثلاثاء) فى الصفحة الأخيرة وفيهو إجابات على كثير من الأسئلة وحاجات كده !! إستأذنك يا منى فى التعليق على الأحباء الاعزاء المتداخلين وح أرجع ليكى
مانوبيا :
أعتز بأن تكونى من الذين يتابعون ما أكتب .. ألف شكر وباقة حب
أبوبكر :
أذيك يا أبوبكر وكل سنة وإنت طيب .. تعيش يا خى
محمد السنى دفع الله :
مرات مرات ناجى ونشوى قاعدين يسألو منك ويقولو ليا عمو الجا عمل لينا طيارات الورق ورسم لينا ولعب معانا داك مشى وين؟
هند محمود :
تحياتى لك .. كل سنوة وإنتى طيبه
د. محمد حسن
كل سنة أنت وأفراد الأسرة الأعزاء بألف خير
نادية عثمان :
ألفين سلام يا نادية وكل سنة وإنتى طيبه يا رائعة
عاطف عمر :
كل سنة وإنت طيب .. شكراً على الحرص على متابعة المقالات .. ده ذاتو القاعد يخلينا نكتب .. سلامى
عواطف إسماعيل :
إذيك يا عواطف .. كنا زمان بنتلاقى لكن بوستاتك (المليونية الزوار) بقت الظاهر شاغلاك شوية .. تعرفى يا عواطف كلامك كلو صاح .. إتصورى أنا ذاتى ما بعرف الكلام ده بجيبو من وين لأنى فى حياتى زول جاد جدا جدا ذى ما براكى شفتى ؟؟ حاجه غريبه مش كده؟
حيدر حسن ميرغنى :
كل سنة وإنت طيب يا حيدر .. تعرف يا حيدر أنا متذكر إنك (شاكلتنى) لكن السبب شنو أنا ما عارف ؟ عليك الله ذكرنى !!
عثمان رغيم :
كل سنة وإنت طيب وشكراً ليك على الكلام الجميل عنى ده .. ألف شكر
نهلة عمر :
شكراً ليك يا نهلة وكل سنة وإنتى طيبة وربنا يوفقنا نكتب المفيد ...سلامى
ياسر عدوى :
شكراً شكراً ياسر وكل سنة وأنت بألف خير
سحر يوسف :
سحر كل سنة وإنتى بألف خير .. شكرا على مشاعرك النبيلة الجميلة
كمال سالم :
سا سلااااااام .. معقول وين إنت ياخى ؟ يا أيها الرجل الشفيف الانيق والله مشتاقين لى قعدة الفول فى الهجرة والكوارع .. تحياتى وسلامى إلى أن نلتقى
زمراوى :
وما أدراك ما زمراوى ذلك الرجل المدهش الماسك بناصية الكلم صاحب المفردات التى القوية المتألقه ... الجيه ما قربت ؟!!
|
Post: #47
Title: Re: وأنا اقول شوفتك وين؟؟
Author: ماجدة عوض خوجلى
Date: 12-24-2007, 02:20 PM
Parent: #1
كل سنه والجميع هنا بخير ومحققين الامانى يارب
وكل سنه والفاتح جبر واسرته بخير وعافية ودربهم اخضر يارب
اها بعد النجى عندى كم سعولات كدة لمنى ولكمين واحدة واحد من المتداخلين
نبدا بمنى اسكوير وده الاسم الجديد بتاع دكان المكوة الانا ماشيه عليها بعد شوية
علشان نتفاهم فى التفاصيل بتاعتو ونوقع معاها عقد العمل .
اها يامنى
انا شايفه انو مؤدى ده ممكن يكون مفيد جدا لينا خاصة بفيرانو الكبيرة
المربيها فى عضلاتو اتكلمتى معاه بالخصوص ده ولالسة.
اها نجى بعد ده لندو
تفتكرى ياندو البيكون احسن شنو اننا نكوى الملاية على ضهرا
ولا احسن تكون وشها .
السؤال التانى تفتكرى احسن لمن الواحد بيكون بيكوى يكون واقف ولا قاعد ؟؟
السؤال التالت انتى لمن تكوى بتبدى بااكياس المخدات ولابالملايات
اسمعى اوعك تجى تقولى لى تكون مفروض تكتبيها يكون
وكل سنه وانتى طيبة حبيبه ربنا يحقق ليكى كل الامنيات
اها بعد نجى
لعاطف عمر
كل سنه وانت طيب عاطف ربنا يسعدك ريادة وزيادة ويحق ليكم الابتتمنوه كلو يارب
عارف احنا لغايه يوم العيد الفجر بنكون مااملين فى معجزة من السما نقوم نلقى البيت
نضيف ومرتب وكل شى فى مكانه الطبيعى لكن الله غالب اظن زمن المعجزات انتهى والواحد لابد
انه يعتمد على نفسة .
اها ياجماعة هسه لو منى فتحت المحل بتاع المكوة وكده مش بيكون ايضا
انا برضو ياعاطف عجبانى شديد كلمة ايضا دى ...
|
Post: #151
Title: Re: وأنا اقول شوفتك وين؟؟
Author: Muna Khugali
Date: 01-04-2008, 02:48 AM
Parent: #47
Quote: كل سنه والجميع هنا بخير ومحققين الامانى يارب
وكل سنه والفاتح جبر واسرته بخير وعافية ودربهم اخضر يارب
اها بعد النجى عندى كم سعولات كدة لمنى ولكمين واحدة واحد من المتداخلين
نبدا بمنى اسكوير وده الاسم الجديد بتاع دكان المكوة الانا ماشيه عليها بعد شوية
علشان نتفاهم فى التفاصيل بتاعتو ونوقع معاها عقد العمل |
الحمدلله اهه انتي عملتي لي الدعايه للمحل مجاني..عرفتوه يا جماعه ياتو سكوير؟؟
راسل سكوير..
Quote: انا شايفه انو بودى ده ممكن يكون مفيد جدا لينا خاصة بفيرانو الكبيرة
المربيها فى عضلاتو اتكلمتى معاه بالخصوص ده ولالسة. |
وبعدين بودي عمل نفسه ما بيفهم في المكوي واساسا مستغرب ليه في ملايات كتيره كده والسراير شويه..
لكن يابت أمي البركه في جييره للبيت ماشاء الله..كمل البيت فوق كله براه ونص البيت تحت.. اسه فضل ليه السلم والأبواب تحت..
نسيبه تمام موش؟؟
|
Post: #48
Title: Re: وأنا اقول شوفتك وين؟؟
Author: الفاتح يوسف جبرا
Date: 12-24-2007, 04:08 PM
Parent: #1
(منى) إنتى مشيتى وين؟ كنت عاوز بس أقول ليك ناس الرالى العام إتصلو فينى هسع وقالو الونسة العملوها معانا دى ح تنزل يوم (الأربعاء) وليس (الثلاثاء) ذى ما ذكرت ...
العزيزة ماجدة :
كل سنة وإنتى وكل احبابك بألف خير وصحة وعافية
|
Post: #50
Title: Re: وأنا اقول شوفتك وين؟؟
Author: Muna Khugali
Date: 12-24-2007, 05:36 PM
Parent: #48
Quote: العزيزة الغالية منى
معليش أمبارح كنت مشغول شوية وما قدرت أدخل .. .. بالمناسبة يا منى بكرة فى لقاء عملوهو ناس (الرأى العام) معاى ومع وفاء فى البيت وح يتنشر بكرة (الثلاثاء) فى الصفحة الأخيرة وفيهو إجابات على كثير من الأسئلة وحاجات كده !! إستأذنك يا منى فى التعليق على الأحباء الاعزاء المتداخلين وح أرجع ليكى |
| Quote: منى) إنتى مشيتى وين؟ كنت عاوز بس أقول ليك ناس الرالى العام إتصلو فينى هسع وقالو الونسة العملوها معانا دى ح تنزل يوم (الأربعاء) وليس (الثلاثاء) ذى ما ذكرت |
انا وين؟؟
انا ياوو ده يالفاتح!
من قلت ناس الرأي العام عملوا معاك لقاء?
أنا قلت خلاص..حقنا راح..
لكن بيني وبينك مش مهم..
وهم بالمناسبه انت ليه شغال معاهم مافكروا يعملوا معاك لقاء الا لما شافوك في التلفزيون؟؟
يعني زملاءك ديل مافي بينك وبينهم علاقات اسريه؟؟
ايوه..اولا جاوب لينا علي السؤال ده!
وبعدين اسه يعني ننتظرهم ونشوف اسالتهم ولا كيف؟؟
وهو ذاته نستناهم ليه؟؟
هم كانوا استنونا؟
ما نحنا برضه عندنا اسئله..ولا هم علشان صحفيين واحنا لأ؟
نحنا والله كلنا بنحبك وصحيح احنا قراءك..وانت بتحب قراءك..انت مش هديت أمنيات العيد لي تلاته مجموعات؟
الأولي شعب السودان..
والتانية اسرة الرأي العام..
والتالته القراء..
نحنا آآي قراءك ناس عاديين كمان لما اتخلقوا قالوا ليهم أجروا مع خيانكم
وفرحانين بجريتنا الفي الأمجاد والحافلات وفي الأسواق وعلي الرزق محل ما يكون..
وبنحبك كمان أكتر علشان انت زميلنا وأخونا الحلو في سوق الله أكبر ده..يعني اسألتنا اسئله لا فيها حكة راس ولا فيها أنا أعتقد..ولا حتي السؤال الذي يطرح نفسه..
أسالتنا نوع دي..
المخاوف الكانت موجوده في راسك وراس وفاء لما الأتنين بديتو تفكروا جديا في الأرتباط..
الخطوه جريئه والمعارضه باي شكل واي درجه من اسر الجانبين مخيفه..لأي حد اثرت في طريقة تفكيركم قبل الزواج؟؟
يللا ردوا لينا بطريقة السيناريو..
ونجيك راجعين..
|
Post: #51
Title: Re: وأنا اقول شوفتك وين؟؟
Author: عاطف عمر
Date: 12-24-2007, 07:50 PM
Parent: #1
العزيزة سلمى بت الشيخ
العيد مبارك عليك
صاحبتك خطيرة لكين ، العسكري دا ذكرني بى حمودة العركي ( حلاق الجامعة ) وطرائفه الكثيرة . باين لى إنو كثير من الجيل الدخل الخدمة الميري بعد الإستقلال مباشرة أو أوائل الستينات وبسبب قلة تحصيلهم الأكاديمي واحتكاكهم بالمتعلمين زمان كانوا ( لذاذ ) كدا .
وبركة الـ ( لميت ) فيك يا سلمى أصلي مغروض فيك ضررررروري في بوست
مايو نظام ديكتاتوري دموي بغيض . وفترة السبعينات هى ( ا... نعقل هذا التناقض ؟؟
ماجدتنا الغالية
كل سنة وإنت وأسرتك بألف خير وصحة
عارفة بكري بقطعتوا للماسنجر دي قطع راسنا عديل كدا
عيد الله والرسول دا ما نقدر نباركوا لأخوانا وأخواتنا
شكيناك على الله يا الهندي ود عزالدين
|
Post: #52
Title: Re: وأنا اقول شوفتك وين؟؟
Author: الفاتح يوسف جبرا
Date: 12-24-2007, 09:04 PM
Parent: #1
Quote:
الأولي شعب السودان..
والتانية اسرة الرأي العام..
والتالته القراء.. |
معليش يا منى (القراء) كانو نمرت 2 !!
Quote: المخاوف الكانت موجوده في راسك وراس وفاء لما الأتنين بديتو تفكروا جديا في الأرتباط..
الخطوه جريئه والمعارضه باي شكل واي درجه من اسر الجانبين مخيفه..لأي حد اثرت في طريقة تفكيركم قبل الزواج؟؟
|
شوفى يا منى من البداية كان تفكيرى فى الإرتباط بوفاء تفكير جاد من أول وهلة .. يعنى مما حسيت إنو حصل ليا عندها قبول روحى ... (قبول روحى دى حلوة) .. والجدية فى الإرتباط دى كانت من بدايت (بالتاء المفتوحة) المسألة ... وده لى كم سبب أهم وأول الاسباب إنى ما بعرف فى مسالة العلاقات غير معروفت النهايات يعنى بالعربى كده (زول مسئول) وبيحافظ على (الطرف التانى) وبيتعامل معاهو وفى راسو خاتى الحتة بتاعت إنو ممكن دى تكون (أختك) مثلاً !! ما علينا ... كمان فى حاجه تانية مهمة وهى إنو الزوله دى مستعده إنها من (اجلى) تقيف قصاد (الدنيا) كلها وإنو مسالة (تحب ليها) زول (مسلم) دى عندهم (كارثه) عديييييل كده !! المهم أنا مما عرفت إنو (العبدلله) خلااس دخل قلبها قلت يلا بعد ده يبقى السؤال هو : كيف ح يتحقق الحلم بأن يظلنا سقف واحد ...
أخوانا المسيحيين زينا كده عندهم (طوائف) بعضها متشدد وبعضها شوية مرن .. الإخوة (الإرثوذوكس) وعائلة وفاء منهم ديل متشددين جداً وما بيسمحو بزواج أى زول ما منهم (مسيحى - أرثوذوكسى) لكن فى المقابل (الكاثوليك) ناس مرنين جداً وعندهم حاجة إسمها زواج مختلط mixed married .. المهم أنا فكرت وكخطوة أولى أقوم أحول وفاء من (أرثوذوكسية) إلى (كاثوليكية) وفعلا خليتا تملأ طلب للكنيسة الكاثوليكية بالخرطوم وتقدمو ليهم مفادو إنو عاوزة تنضم للكنيسة الكاثوليكية .. الطلب أخد ليهو قرابة السنة حتين إتصلو فينا وقال خلاااس قبلوها !! أها أكان طوالى جبنا ليهم سيرة العرس المسعلة بتكون مكشوفة إنو التحويل ده كان (تحتو كلام) .. طيب يا الفاتح تعمل شنو تعمل شنو ..؟؟؟ ده الح أقولو ليكم بكرة الصباح !! بالمناسبة انا ح أعمل flash back لى مسالة البدايات الاولى بس خليكم معانا !!
|
Post: #53
Title: Re: وأنا اقول شوفتك وين؟؟
Author: Muna Khugali
Date: 12-24-2007, 09:15 PM
Parent: #52
شوف الفاتح ده بيعلقنا كيف؟؟
انت قايل بكره ما بيجي؟
بيجي ومعاه اسئله من نوع الخبارات كتييييييره..
وقبل ما أمشي نعلق...
| Quote: شوفى يا منى من البداية كان تفكيرى فى الإرتباط بوفاء تفكير جاد من أول وهلة .. يعنى مما حسيت إنو حصل ليا عندها قبول روحى ... (قبول روحى دى حلوة) .. والجدية فى الإرتباط دى كانت من بدايت (بالتاء المفتوحة) المسألة ... وده لى كم سبب أهم وأول الاسباب إنى ما بعرف فى مسالة العلاقات غير معروفت النهايات يعنى بالعربى كده (زول مسئول) وبيحافظ على (الطرف التانى) وبيتعامل معاهو وفى راسو خاتى الحتة بتاعت إنو ممكن دى تكون (أختك) مثلاً !! |
هوي يالشباب البيغشو الشابات..اقرو الكلام ده كويس..
|
Post: #54
Title: Re: وأنا اقول شوفتك وين؟؟
Author: غادة عبدالعزيز خالد
Date: 12-24-2007, 09:22 PM
Parent: #53
بصراحة واحد من أجمل البوستات وتحلق حولة
أجواء المرح والضحك الذي يعترينا حينما تقرأ
كتابات أستاذ الفاتح الساخرة
أعجبت جدا بسيناريو الفراش الذي صار المدير العام
يا أستاذ الفاتح... ونتابعك
يا ريتني أستطعت حضور اللقاء
منى الحبيبة...
كل عام وأنت بالف خير
ولماما جاره وبقية الأسرة الكريمة التحية
تخريمة:
ظهرك كيف بعد المكوة؟
محبتي
|
Post: #154
Title: Re: وأنا اقول شوفتك وين؟؟
Author: Muna Khugali
Date: 01-04-2008, 09:20 PM
Parent: #54
Quote: بصراحة واحد من أجمل البوستات وتحلق حولة
أجواء المرح والضحك الذي يعترينا حينما تقرأ
كتابات أستاذ الفاتح الساخرة
أعجبت جدا بسيناريو الفراش الذي صار المدير العام
يا أستاذ الفاتح... ونتابعك
يا ريتني أستطعت حضور اللقاء
منى الحبيبة...
كل عام وأنت بالف خير
ولماما جاره وبقية الأسرة الكريمة التحية
تخريمة:
ظهرك كيف بعد المكوة؟
محبتي |
آي والله يا ريتك حضرتيه..كان اسه حكيتي معاي علي الشوفتيه وسمعتيه..
لما سالوا الفاتح عن وفاء ست بيت ممتازه ولا لأ ..
قال جدا..
اسه احنا عايزينه يشرح لينا هنا ممتازه كيف..
وهو ذاته بيساعدها في البيت ولا دايما عامل العامود سبب..
ولا شنو يا غاده؟؟
ماما جاره في السودان والحمدلله كويسه جدا..
.........
.........
أما ان سالتي عن ظهري فان سلسلتي الفقريه ادعت انها ليست فقريه وان الفقريه الوحيده هنا..هي انا!!
وكل ذلك بسبب الدناوه والأكل الكثير ثم الأثقال عليها...
سلمي علي سعاد..
|
Post: #170
Title: Re: وأنا اقول شوفتك وين؟؟
Author: Muna Khugali
Date: 01-14-2008, 01:31 AM
Parent: #54
Quote: بصراحة واحد من أجمل البوستات وتحلق حولة
أجواء المرح والضحك الذي يعترينا حينما تقرأ
كتابات أستاذ الفاتح الساخرة
أعجبت جدا بسيناريو الفراش الذي صار المدير العام
يا أستاذ الفاتح... ونتابعك
يا ريتني أستطعت حضور اللقاء
منى الحبيبة...
كل عام وأنت بالف خير
ولماما جاره وبقية الأسرة الكريمة التحية
تخريمة:
ظهرك كيف بعد المكوة؟ |
أنا..أنا
انا ما بنوم الليل...حين أطرا فرقتنا!
مهداه من الفاتح جبرا لباس وورده المفقود!
اسه عليك الله ياغاده ده حال ده؟؟
لا الفاتح قادر يجي يتونس معانا..لا احنا قادرين نجي نتونس معاه؟
لكن تفتكري منو يكون خرب ليه الباسوورد بتاعه؟؟
تعالي نشك 
مش امكن تكون وفاء قالت ليه بتقضي وقت طويل في سودانيزأونلاين..كفايه عليك كتابة العامود؟؟
باقي الشكوك نخليها لباكر..
..........
..........
أما بالنسبه للمكوه وظهري اسكتي ساكت..أختك عملت فكره استثماريه وفتحت محل..
لو عندك ملابس جيبيها..بنستلم 30 % من القروش مع الملابس..
وعلشان خاطر انتي حبيبتنا بنعمل ليك تخفيض خاص..ناخد بس 29% سمح؟؟
الله يجمعك يالفاتح ود جبرا بباس وورد وبينا...قول آ/ين..
ومين وايل..سلم لي علي وفاء ونشوي وناجي..
|
Post: #55
Title: Re: وأنا اقول شوفتك وين؟؟
Author: الفاتح يوسف جبرا
Date: 12-24-2007, 09:37 PM
Parent: #1
غادة إذيك يا زولة يا مدهشة أنا قاعد أقرأ ليك بإستمرار ... بتذكر مرة كده إتكلمتى عنى ... صاح؟؟؟ عشان تعرفى إنى قاعد أقرأ ليكى ... كل سنة وإنتى طيبة يا غادة وخليكى معانا !!
كسرة :
الحبيبة منى .. عشانك ح أحكى القصة كلها !
|
Post: #56
Title: Re: وأنا اقول شوفتك وين؟؟
Author: الفاتح يوسف جبرا
Date: 12-24-2007, 09:43 PM
Parent: #1
غادة إذيك يا زولة يا مدهشة أنا قاعد أقرأ ليك بإستمرار ... بتذكر مرة كده إتكلمتى عنى ... صاح؟؟؟ عشان تعرفى إنى قاعد أقرأ ليكى ... كل سنة وإنتى طيبة يا غادة وخليكى معانا !!
كسرة :
الحبيبة منى .. عشانك ح أحكى القصة كلها !
|
Post: #57
Title: Re: وأنا اقول شوفتك وين؟؟
Author: Muna Khugali
Date: 12-24-2007, 10:54 PM
Parent: #56
| Quote: .. المهم أنا فكرت وكخطوة أولى أقوم أحول وفاء من (أرثوذوكسية) إلى (كاثوليكية) وفعلا خليتا تملأ طلب للكنيسة الكاثوليكية بالخرطوم وتقدمو ليهم مفادو إنو عاوزة تنضم للكنيسة الكاثوليكية |
| Quote: الحبيبة منى .. عشانك ح أحكى القصة كلها ! |
تسلم الفاتح..
طيب يالفاتح تغيير الطائفه كان اثره كيف علي وفاء؟
أعني من ناحية اسرتها..كان أمر ساهل ولا برضه صعب شديد؟؟
|
Post: #59
Title: Re: وأنا اقول شوفتك وين؟؟
Author: manubia
Date: 12-24-2007, 11:56 PM
Parent: #57
| Quote: أعتز بأن تكونى من الذين يتابعون ما أكتب .. ألف شكر وباقة حب |
أستاذ الفاتح .... كل عام وأنت و وفاء و أولادكم بألف خير
لا أخفيك استاذي بأن أكثر ما يضايقني في هذا المنتدي هو مخاطبتي بصيغة المؤنث !!! ليس هذا أحتقارا لقيمة الانثي في مجتمعنا الاسفيري هذا .... وإنما لكوني ذكر .... رااااجل يعني و شنبي يرك فيه الصقر .... أو كما يقول المثل السوداني
ولكنني أجد في (جونيرتك) في البورد العذر الوافي
و علي فكرة manubia هي إختصار لي مان أوف نوبيا
إبنك مانوبيا
|
Post: #60
Title: Re: وأنا اقول شوفتك وين؟؟
Author: Muna Khugali
Date: 12-25-2007, 00:33 AM
Parent: #59
اخي الفاضل مانوبيا..
أرجو ان تكون بخير..
ربما كان يجب أن اترك الرد للأستاذ الفاضل الفاتح..ولكني رايت أن اخفف عنك وأن اشرح ايضا حقيقه قد تكون غائبه عنك..
عندما قرأت اسمك لم أعرف معناه..ولم أعرف ان كان اسم مذكر أو مؤنث.. وليس في ايهما انتقاص أو زيادة مكانه..بالنسبه لي الأسم غريب..وكان يمكن أن اقع في نفس خطأ الأستاذ الفاتح..وكان سيكون أيضا خطأ كبير من وجهة نظرك..الا ان الحظ حالفني وتداركت أمري وتحاشيت استخدام صيغة مؤنث أو مذكر..ولم اكن اقصد بذلك غير مداراة جهلي..
أرجو أن تعذر الخطأ الذي تم من جانب استاذ الفاتح وقطعا دون قصد.. والذي تفادينا ان يحدث ايضامن جانبنا ثم ابت نفسنا الا ان تفضح نفسها وتعلن عن تردد كان!
أنا لي معكم الآن في سودانيزاونلاين ثلاثة أعوام..وكنت جاهله حتي قدمت انت وقدمت شرحك لأسمك ذو المعني الجميل علي فكرة manubia هي إختصار لي مان أوف نوبيا ..فاقبل اعتذاري عن تردد دار في
خلدي
|
Post: #61
Title: Re: وأنا اقول شوفتك وين؟؟
Author: الفاتح يوسف جبرا
Date: 12-25-2007, 08:43 AM
Parent: #1
مانوبيا ... معليش يا إبنى إسمك من حلاوتو خلا الزول يفتكرو كده .. لو كان (نوبيامان) ما كان ده حصل .. عموما كده الزول عرف الحاصل وخليك معانا ..
| Quote: طيب يالفاتح تغيير الطائفه كان اثره كيف علي وفاء؟ أعني من ناحية اسرتها..كان أمر ساهل ولا برضه صعب شديد؟؟ |
طبعا نحنا أضطرينا لمسألة تحويل الطائفة دى ذى ما قلت عشان (الكاثوليك) عندهم مسألة الـ mixed-marriage ومسألة تقديم الطلب للكنيسة دى تمت بدون أى زول يعرف من أسرة وفاء وبالمناسبة مافيش إختلاف واضح فى (الطقوس التعبدية) بين الطائفتين .. طيب نواصل الحكى أها بعد ما تمت الموافقه رسميا بقبول وفاء كغضو فى الكنيسة الكاثوليكية ما كان ممكن طوااالى نمشى نقول ليهم عاوزين نتزوج لانو المسالة بتكون واضحة عشان كده قعدنا لينا سنة وشوية حتين قدمنا ليهم طلب الزواج الذى أخذ النظر فيه أيضا أكتر من سنة لأنو الطلب ده لازم يمر حتى يوصل لاعلى مستوى (دينى) عندهم (ربما البابا) .. المهم فى أحد الأيام تلقينا إتصالا من (الكنيسة) بأن نحضر لإستلام الموافقة على الزواج وبالفعل ذهبنا معا حيث أخبرنا (القس) المسئول أنو بعد ده ممكن نجى الكنيسة لإتمام مراسم الزواج ولكن قبل كده هنالك بعض المحاضرات المفروض نتلقاها من أحد القسسه عن (الزواج) ... يعنى عن معنى الزواج ؟ كيف يعامل الأزواج بعضهم البعض؟ تربية الأبناء ؟ ... إلخ وفعلا كنا أنا ووفاء طلبة ملتزمين جداً وبنحضر المحاضرة فى مواعيدها 3 محاضرات فى الأسبوع لمدة شهر .. بعد ما إنتهينا من المحاضرات قام القسيس قال لينا كده خلاص بعد ده مافى حاجه غير تحددو عاوزين تجو تعملو مراسم الزواج متين ... وطبعا نحنا ذاااتنا كنا ما عارفين !! لكن قلنا ليهو عندنا حاجات بنجهز فيها كده وح نجى نكلمكم باليوم .. طبعا لازم الزول يكلمهم من بدرى عشان ناس الكنيسة عندهم طقوس قاعدين يعملوها ومراسم وتجهيزات كتيرة ..
فى طريق عودتنا من (الكنيسة) إلى (ام درمان) كانت العبارة التى ترددن بيننا هى (أها وبعدين) !! لأنو ببساطة قصة الموافقة بتاعت الكنيسة دى كانت هى (بداية) البداية وفى أسئلة كتيرة ما كان عندها إجابات عندنا مثلاً : كيف ح تطلع وفاء من بيتهم عشان تجى الكنيسة لمراسم الزواج؟ هل ح تكلم والدتها (والدها كان قد توفى إلى رحمة الله قبل سنوات من ذلك الوقت) ؟ ماهو رد الفعل لدى أفراد أسرتها (الكبيرة) ؟ مع ملاحظة أن وفاء وحيده والديها يعنى لا أخ لا اخت !!! يلا بعدين المساء أقعد أحكى ليكم عملنا الزواج فى الكنيسة كيف
وكمان قعدنا فى (كوشة) !
|
Post: #62
Title: Re: وأنا اقول شوفتك وين؟؟
Author: رأفت ميلاد
Date: 12-25-2007, 09:27 AM
Parent: #61
والله يا الفاتح جبرا الليلة بقيت سيناريو
قلت لى الأرثودكس متعنتين .. ديل الجبهجية بتوعنا زاااتم ياخ ..
والقسيس الكاثلوكى العرس ليكم منو ؟ أوع يكون أبونا إميل .. ده ود عمى ..
كان هو راجعوا الزواجة دى
ربنا يديهو العافية وهو ينازع المرض من سنين .. دعواتكم ليهو مغانا ..
ما ضحكتنى حاجة إلا المحاضرات الكنت ملتزم بيها دى
حقو تعمل سيناريو تسميه "أدب المدايح بالطريقة الكاثوليكية"
مستنين باقى الحدوتة لامن نجى السودان ونراجع أحوال بتنا دى وأعملوا حسابكم
تحياتى
|
Post: #69
Title: Re: وأنا اقول شوفتك وين؟؟
Author: Muna Khugali
Date: 12-25-2007, 07:14 PM
Parent: #61
بعد ما إنتهينا من المحاضرات قام القسيس قال لينا كده خلاص بعد ده مافى حاجه غير تحددو عاوزين تجو تعملو مراسم الزواج متين ... وطبعا نحنا ذاااتنا كنا ما عارفين !! لكن قلنا ليهو عندنا حاجات بنجهز فيها كده وح نجى نكلمكم باليوم .. طبعا لازم الزول يكلمهم من بدرى عشان ناس الكنيسة عندهم طقوس قاعدين يعملوها ومراسم وتجهيزات كتيرة
بس انا في الأول فهمت انه المرونه بين الطائفتين كانت مرونه تشمل الأجراءات داخل الديانتين..وليس بين مسلمين ومسيحيين..
تخيلت..واعذرني علي جهلي ان الطائفتين تعارض زواج المسيحيه من مسلم..
أنا لا أعرف كيف يكون الوضع بالنسبه للمسيحيه التي تتزوج من مسلم..لكن بالطبع كلنا نعرف عن
المسلم الذي يتزوج من غير مسلمه..
أعتقد أنني أود مع الاخرين أن افهم أكثر من وفاء بالتحديد شكل مخاوفها وترددها قبل الأرتباط..
نحن عندما نكون علي وشك الزواج من أي انسان حتي ونحن نري توافق بيننا في كل شيء..يصيبنا بعض الخوف والتردد..ونتسائل بيننا وبين أنفسنا..ان كنا علي الطريق الصحيح أم لا..
فكيف اذا بزواج فيه أكبر عقبه يمكن أن تقابل انسان وخاصه امرأه وهو الدين الذي نخلق وهو معنا..
وليس فقط في الخوف الديني..أو العقاب الديني..انما ايضا فيمن حولنا..وكل الأحتمالات التي قد تحدث..بدايه من عدم رضاء الأقربين حتي نخرج لدائرة الصدقاء والمعارف الواسعه..
ماذا اذا لم نوفق في المستقبل؟
كيف نرجع بأطفالنا الي أسرنا؟
وكيف سيكون وضع أبناءنا في المستقبل؟؟
أعتقد أن اي حب مهما كبر..تواجهه مثل هذه الترددات والخوف...
.........
........
|
Post: #63
Title: Re: وأنا اقول شوفتك وين؟؟
Author: الفاتح يوسف جبرا
Date: 12-25-2007, 09:55 AM
Parent: #1
الحبيب رافت كل سنة إنت والعائلة وكل أخواننا المسيحيين فى كافة أرجاء المعمورة فى خير وأمن وأمان وسلام ..
Quote:
قلت لى الأرثودكس متعنتين .. ديل الجبهجية بتوعنا زاااتم ياخ .. والقسيس الكاثلوكى العرس ليكم منو ؟ أوع يكون أبونا إميل .. ده ود عمى .. كان هو راجعوا الزواجة دى |
أبونا أميل هذا الرجل الرقيق كالنسمة كان له نصيب وافر فى مساعدتنا لتخطى صعاب كثيرة .. عرفناه منذ بداية ترددنا على الكنيسة وقد شكلت إرشاداته لنا (خارطة طريق) ساعدت كثراً فى وصولنا إلى بر الأمان ووجود هذه الاسرة (السعيده) التى تحتوينا الآن ونحتويها ..
آخر مرة ذهبنا إلى زيارته فى غرفته بالكنيسة ومعنا (ناجى ونشوى) وجدناه يعنى المرض فى صبر وهدؤ وقد أخبرنا بانه مغادر للعلاج خارج السودان .. فى هذه الأيام المباركة ندعو الله سبحانه وتعالى أن يشفيه من كل سقم ... أمين
كسرة :
ما تخاف بتكم وأولادها فى ايد امينة .... جدا .... وأقول ليك حاجه يا رأفت يا خوى بتكم دى مما عرستها لحدت هسع ما حصل (نامت) زعلانة منى !! شفت أخوك شايلا ليكم فى (عيونو) كيف !!
|
Post: #64
Title: Re: وأنا اقول شوفتك وين؟؟
Author: سيد محمد احمد سيدنا
Date: 12-25-2007, 10:15 AM
Parent: #63
العزيزة الاخت منى خوجلى والاسرة
كل عام وانتم بالف صحة وعافية
بالله ورينا عيد لندن خرفانوا
كيف ؟
تحياتــــــى
ســـــــــيد
|
Post: #105
Title: Re: وأنا اقول شوفتك وين؟؟
Author: Muna Khugali
Date: 12-27-2007, 06:47 PM
Quote: العزيزة الاخت منى خوجلى والاسرة
كل عام وانتم بالف صحة وعافية
بالله ورينا عيد لندن خرفانوا
كيف ؟
تحياتــــــى
ســـــــــيد |
كل سنه وانت طيب يا سيد..
وكل سنه وانت زي مابتتمني..
عارف أحسن حاجه في خرفان لندن..انك مابتشوفها ساعة مابيضبحوها!
يعني تتفق مع الجزار وباسمك ونيتك هو يضبحها ويجيبها..
وعلي ذمته بقي..ضبحها..خنقها ولا قعد عليها فطسها..احنا مابنكون عارفين..المهم النيه
طبعا القنون هنا بيمنه الذبح في البيوت..كله عنده اماكن معينه يصلوها الجزارين..
وبعدين الذبيحه عندها سعر محدد تقريبه 70-75 ثابت يعني..والخرفان ميزانها بيكون متقارب..
يعني بوبار السودان البنسمع بيه ده مافي..نوع والله خروفنا اشتريناه ب500 ألف!
انتو خروفكم كان كيف؟؟
سلام لكل الأسره..
|
Post: #149
Title: Re: وأنا اقول شوفتك وين؟؟
Author: Muna Khugali
Date: 01-04-2008, 01:24 AM
Parent: #63
| Quote: ما تخاف بتكم وأولادها فى ايد امينة .... جدا .... وأقول ليك حاجه يا رأفت يا خوى بتكم دى مما عرستها لحدت هسع ما حصل (نامت) زعلانة منى !! شفت أخوك شايلا ليكم فى (عيونو) كيف !! |
هي الموده والرحمه اذا التي وصانا بها الخالق عز وجل..
|
Post: #157
Title: Re: وأنا اقول شوفتك وين؟؟
Author: Muna Khugali
Date: 01-05-2008, 06:01 PM
Parent: #63
Quote: أبونا أميل هذا الرجل الرقيق كالنسمة كان له نصيب وافر فى مساعدتنا لتخطى صعاب كثيرة .. عرفناه منذ بداية ترددنا على الكنيسة وقد شكلت إرشاداته لنا (خارطة طريق) ساعدت كثراً فى وصولنا إلى بر الأمان ووجود هذه الاسرة (السعيده) التى تحتوينا الآن ونحتويها ..
آخر مرة ذهبنا إلى زيارته فى غرفته بالكنيسة ومعنا (ناجى ونشوى) وجدناه يعنى المرض فى صبر وهدؤ وقد أخبرنا بانه مغادر للعلاج خارج السودان .. فى هذه الأيام المباركة ندعو الله سبحانه وتعالى أن يشفيه من كل سقم ... أمين |
نعله القس اميل هو ذاته زولنا العيان هنا؟؟
لا حول ولا قوه الا بالله..ده معناتها فقد اكبر من الأول يا رأفت والفاتح!
والله المجال مجال حزن..لكن انا كلامي ده حارقني ولازم اقوله..
الراجل ده عايش بي مرضه في امان الله..من رأفت وانت جبتوا سيرته فقد روحه!
خطرين انتو الله يحافظ علي الباقيين!
وان طلع ما هو كمان اضحكوا فيني زي مادايرين..عافيه ليكم!
|
Post: #65
Title: Re: وأنا اقول شوفتك وين؟؟
Author: معتصم دفع الله
Date: 12-25-2007, 10:30 AM
Parent: #1
التحية للأستاذ الجميل الفاتح يوسف جبرا واسرته الكريمة ..
وكل سنة وهم طيبين ..
للأسف ما حضرنا الحلقة على الأقل كنا قمنا بإنزالها هنا ..
وإذا توفرت لنا إعادتها سنقوم بذلك ..
وأنتِ بألف خير يا منى ..
ربي يحقق ليك كل أمنياتك ..
|
Post: #66
Title: Re: وأنا اقول شوفتك وين؟؟
Author: إسحاق بله الأمين
Date: 12-25-2007, 01:59 PM
Parent: #65
سلام ياناس سلام
العيد مبارك عليكم وكل سنة طيبين طيبين
أستاذ جبرا دا زول نادر ويجيد الكتابة باللهجة السودانية المميزة، ربنا يخليهو واديهو العافية، ونحن فعلاً في حاجة لكتاب أمثال أستاذنا جبرا الذي يمتاز بالظرف واللطف والسخرية المقبولة.
|
Post: #153
Title: Re: وأنا اقول شوفتك وين؟؟
Author: Muna Khugali
Date: 01-04-2008, 06:48 PM
Parent: #66
Quote: سلام ياناس سلام
العيد مبارك عليكم وكل سنة طيبين طيبين
أستاذ جبرا دا زول نادر ويجيد الكتابة باللهجة السودانية المميزة، ربنا يخليهو واديهو العافية، ونحن فعلاً في حاجة لكتاب أمثال أستاذنا جبرا الذي يمتاز بالظرف واللطف والسخرية المقبولة. |
مرحب يا اسحاق بله..
الكتابات الساخره كتابات لا يقدر عليها الا من له الموهبه علي الملاحظه الدقيقه مع خفة الروح والقدره السريعه علي تلقي المعلومه لزيادة الوعي..
ولذلك لا يستطيع أحد ان يتبناها بافتعالها..فهي موهبه موجوده اساسا في الكاتب الساخر..
وكاتبنا استاذ الفاتح جبرا له كل المؤهلات لكتابه ناجحه من مثل هذا الطراز..من موهبه..ووعي سياسي..احساس بمشاكل المجتمع.. ثم قرب من معاناة المواطن البسيط الذي يشكل القاعده الأعرض في الوطن...
شكرا يا اسحاق..وبعدين انت وين وست الريد البقت نسايه..ماتمينا قصتها في لحظه..
كل سنه وانت طيب..وكذلك اسرتك..
|
Post: #125
Title: Re: وأنا اقول شوفتك وين؟؟
Author: Muna Khugali
Date: 12-31-2007, 02:15 PM
Parent: #65
Quote: التحية للأستاذ الجميل الفاتح يوسف جبرا واسرته الكريمة ..
وكل سنة وهم طيبين ..
للأسف ما حضرنا الحلقة على الأقل كنا قمنا بإنزالها هنا ..
وإذا توفرت لنا إعادتها سنقوم بذلك ..
وأنتِ بألف خير يا منى ..
ربي يحقق ليك كل أمنياتك .. |
صباح الخير يا عصومي..
برنامج الفاتح ده أظنه مسكون..مافي زول لاقيه!
قصة وفاء والفاتح يوجد مثلها عديد..بعضها قديم جدا..
يعني أولاد أولادهم متزوجين..
...
...
أعرفها...
قبطيه سودانيه جميله لدرجه بعيده..احبت زميلها المسلم الذي أوشك علي التخرج بينما كانت هي في عامها الدراسي الأول بالجامعه..
رفضت والدتها وباقي الأسره الزواج..بينما وقفت معها شقيقتها فقط علي ما أذكر..
أدي رفض الأسره الي ان تترك المنزل خاصه بعد المحاربه القويه لها.. وكان منزلنا قبلتها..
شقيقتها صديقتي كان لها مكانه عظيمه عندنا وعلي الخصوص والدي الذي كان يحبها بدون حدود..
واصرت أمي ومعها ابي ان تكون اقامتها معنا في المنزل حتي زفافها..ولقد كان..
الفرق بين القصتين ان شقيقة صديقتي هنا..قررت اشهار اسلامها..تعيش سعيده مع اسرتها الكبيره..
كل سنه وانت طيب يا معتصم..
وربنا يحقق ليك كل الماني الجميله../font>
|
Post: #68
Title: Re: وأنا اقول شوفتك وين؟؟
Author: Mohammed Haroun
Date: 12-25-2007, 06:50 PM
Parent: #1
up up
|
Post: #71
Title: Re: وأنا اقول شوفتك وين؟؟
Author: رأفت ميلاد
Date: 12-25-2007, 09:09 PM
Parent: #68
Quote: My أنا لا أعرف كيف يكون الوضع بالنسبه للمسيحيه التي تتزوج من مسلم..لكن بالطبع كلنا نعرف عن
المسلم الذي يتزوج من غير مسلمه.. |
فى كاتوقرى تالت مفطوط .. بعفوية .. عالم عنصرية ياخ .. الله يرحمك يا ست مندمت
منى
فى إقتباس سقط سهوآ
كدى أقريها تانى قبال تحمرى لى
|
Post: #72
Title: Re: وأنا اقول شوفتك وين؟؟
Author: Muna Khugali
Date: 12-25-2007, 09:22 PM
Parent: #71
Quote: أنا لا أعرف كيف يكون الوضع بالنسبه للمسيحيه التي تتزوج من مسلم..لكن بالطبع كلنا نعرف عن
المسلم الذي يتزوج من غير مسلمه.. فى كاتوقرى تالت مفطوط .. بعفوية .. عالم عنصرية ياخ .. الله يرحمك يا ست مندمت |
سلام يا رأفت..
نحن هنا تحدثنا صراحه عن جهلنا..الكاتوقري التالت المفطوط يأتي في الشرح..فان كنت تقصد الذين اعلنوا اسلامهم وظل بعضهم مسيحي ومسلم في نفس الوقت بمعني الآنتماء..فأرجو أن تشاركنا النقاش وتشرح لنا..فمعرفتنا قطعا لا ترقي لمعرفتكم..وهذا دون عفويه..
والمعرفه هي بعض من دف هذا البوست..مع التحايا الجميله..
|
Post: #73
Title: Re: وأنا اقول شوفتك وين؟؟
Author: رأفت ميلاد
Date: 12-25-2007, 09:42 PM
Parent: #72
| Quote: فان كنت تقصد الذين اعلنوا اسلامهم وظل بعضهم مسيحي ومسلم في نفس الوقت بمعني الآنتماء.. |
منى نطيتى تكهنات مالك !!
أنا نسيت إقتباس يفصل الكلام (ختيته) .. يمكن يوضح ليك ..
ثم تانيآ البسلم بسلم لى روحو والببقى مسيحى برضو لى روحو .. الدين إنتماء روحى .. والإنسانية منفصلة .. وما أعتقد موضوعنا هنا مرتبط بالناحية دى .. ولا شنو ؟
ردى بعد فنجان جبنة من حقتك ديك ..
مودتى
|
Post: #74
Title: Re: وأنا اقول شوفتك وين؟؟
Author: Muna Khugali
Date: 12-25-2007, 09:45 PM
Parent: #73
مافاهمه
|
Post: #76
Title: Re: وأنا اقول شوفتك وين؟؟
Author: Muna Khugali
Date: 12-25-2007, 10:06 PM
Parent: #74
| Quote: ثم تانيآ البسلم بسلم لى روحو والببقى مسيحى برضو لى روحو .. الدين إنتماء روحى .. والإنسانية منفصلة .. وما أعتقد موضوعنا هنا مرتبط بالناحية دى .. ولا شنو ؟ |
مع معرفة كل منا ان الدين علاقه شخصيه بين الأنسان والخالق..الا أن الواقع الموجود يفرض كثيرا وضع غير ذلك..
ومن هنا كان هذا أحد الأسباب لفتح هذا البوست..
فالقوانين السماويه تنزل لتحكم بشرعها..والتي تحكم اكثر منها القوانين الوضعيه التي يضعها الأنسان بانيا لها علي القوانين السماويه ومضيفا لها تفسيره ايضا..والذي يحكم اكثر من الأثنين الأعراف والتقاليد التي قد تزيد صرامتها عن الأثنين..
ولهذا كان القول استثنائي في أعلي البوست..
كيف يستطيع انسان..اي انسان أن يتخطي كثير من القوانين من اي شكل كانت..ومن درجات مختلفه من الحزم أو المرونه؟؟
بالطبع في بالي حديث الأخت وفاء عن جدها الكبير صاحب الخلوه..قبطي يعلم الأسلام..والتسامح الخاص منه في تعليم الديانتين..
كنت اود حديثهم عن شكل كل تلك التعقيدات وايضا التسامح الذي يسكن قلبها..نفس التعقيد والتسامح في زواج حبوبة صديقتي المسلمه الشماليه من قبطي سوداني وكان ذلك منذ أكثر من 60 عاما ومازالت هي تمارس عباداتها المسلمه وقد مات هو تاركا ابناءهم وبناتهم يمارسون العبادتين..او احداهما..او لا يمارسون طقوس وعبادات اي من الأثنين..لكل تجربه احساس مختلف وطعم مختلف..وهذا ما وددنا معرفته..
........
..........
|
Post: #75
Title: Re: وأنا اقول شوفتك وين؟؟
Author: رأفت ميلاد
Date: 12-25-2007, 09:54 PM
Parent: #73
عشان أوضح
الزواج مودة وإختيار .. أساسه الحب لإختيار شريك/ة الحياة ..
العقيدة ليس لها دخل هنا ..
وبصراحة من يغير دينه للزواج .. ليس له إنتماء روحى ..
أحترم الزوجان الذان يتزوجان إنسانيآ .. وكل يحتفظ بإيمانه .. بعد ذلك إذا حدث التغير فهو حق مكفول بالمنطق ..
عرفتى الكاتوقرى التالت ؟؟؟
|
Post: #77
Title: Re: وأنا اقول شوفتك وين؟؟
Author: رأفت ميلاد
Date: 12-25-2007, 11:50 PM
Parent: #75
| Quote: كيف يستطيع انسان..اي انسان أن يتخطي كثير من القوانين من اي شكل كانت..ومن درجات مختلفه من الحزم أو المرونه؟؟ |
بالمودة والإنسانية تُصنع المعجزات
|
Post: #80
Title: Re: وأنا اقول شوفتك وين؟؟
Author: Muna Khugali
Date: 12-26-2007, 01:19 AM
Parent: #77
| Quote: كيف يستطيع انسان..اي انسان أن يتخطي كثير من القوانين من اي شكل كانت..ومن درجات مختلفه من الحزم أو المرونه؟؟ |
| Quote: بالمودة والإنسانية تُصنع المعجزات |
يا سلام عليك يا رافت وعلي عظمتك..
فعلا بالموده والإنسانية تُصنع المعجزات
و ناكل الخروف في عيد الضحيه وبعدين وبعدين ناكل الديك الرومي في الكريسماس
|
Post: #84
Title: Re: وأنا اقول شوفتك وين؟؟
Author: ماجدة عوض خوجلى
Date: 12-26-2007, 10:21 AM
Parent: #75
Quote: الزواج مودة وإختيار .. أساسه الحب لإختيار شريك/ة الحياة ..
العقيدة ليس لها دخل هنا ..
وبصراحة من يغير دينه للزواج .. ليس له إنتماء روحى ..
أحترم الزوجان الذان يتزوجان إنسانيآ .. وكل يحتفظ بإيمانه .. بعد ذلك إذا حدث التغير فهو حق مكفول بالمنطق ..
عرفتى الكاتوقرى التالت ؟؟؟
|
يعني اسه انت يا رأفت جبت الديل من ديله؟؟
الكاتوجري التالت ده ناتج من التجربه..الان الحديث عن بداية التجربه..
رأفت في حالة معانده فلسفيه ديكيه..
ديك سعيد
|
Post: #85
Title: Re: وأنا اقول شوفتك وين؟؟
Author: Muna Khugali
Date: 12-26-2007, 10:47 AM
Parent: #84
Quote: الزواج مودة وإختيار .. أساسه الحب لإختيار شريك/ة الحياة ..
العقيدة ليس لها دخل هنا ..
وبصراحة من يغير دينه للزواج .. ليس له إنتماء روحى ..
أحترم الزوجان الذان يتزوجان إنسانيآ .. وكل يحتفظ بإيمانه .. بعد ذلك إذا حدث التغير فهو حق مكفول بالمنطق ..
عرفتى الكاتوقرى التالت ؟؟؟ |
يعني اسه انت يا رأفت جبت الديب من ديله؟؟
الكاتوجري التالت ده ناتج من التجربه..الان الحديث عن بداية التجربه..
رأفت في حالة معانده فلسفيه ديكيه..
ديك سعيد
معليش يا جماعه..ده كلامي انا جيت داخله وكتبته بدون ما ألاحظ ماجده ماعملت ساين أوف..
ماجده بايته معاي ومساهره في الكومبيوتر..وأنا ورديه الصباح بدري..
وهذا للشفافيه والمصداقيه وحقوق الأنسان..واي مصطلح عايزينه
قمنا باصلا اليب الذي كتبناه خطأ الديل..شفافيه برضه..
|
Post: #78
Title: Re: وأنا اقول شوفتك وين؟؟
Author: الفاتح يوسف جبرا
Date: 12-25-2007, 11:57 PM
Parent: #1
إن شاء الله يا رافت ومنى تكونو عرفتو العاوزنو من بعض ... أنا جيت هسع داخل البيت والساعة هسع بالضبط 2 إلا عشرة كنا أنا والأولاد معزومين عند أسرة واحد صاحبنا بمناسبة عيد الميلاد وطبعا آخر تعب وكده عشان كده اسمحوا ليا وبستأذنكم كلكم إنو نواصل بكرة ما إنقطع من حديث .. وما تقولو نسيت أنا عارف واقفين وين .. كيف تم الزواج فى الكنيسة؟ مش كده ؟ خليتكم بى عافية وتصبحو على ألف خير
|
Post: #89
Title: Re: وأنا اقول شوفتك وين؟؟
Author: رأفت ميلاد
Date: 12-26-2007, 12:18 PM
Parent: #78
| Quote: إن شاء الله يا رافت ومنى تكونو عرفتو العاوزنو من بعض |
العوازل بريحوا .. قطع لقمة الديك فى حلقنا ونحن كنا بنحلّق فى "الشهادة" من شهيد .. الله يسامحك يا عمر .. ولد أم عمر ..
متابعين ..
|
Post: #79
Title: Re: وأنا اقول شوفتك وين؟؟
Author: AnwarKing
Date: 12-26-2007, 00:19 AM
Parent: #1
| Quote: مانوبيا ... معليش يا إبنى إسمك من حلاوتو خلا الزول يفتكرو كده .. |
انتا يا ود عثمان...أعمل توقيع طيب بدل ما تتبري كده
كل عام والجميع بخير
شكراً استاذة منى على البوست خفيف الدم...وكثير المعلومات
شكراً استاذ جبرا على هذا الامتاع ويبدو من كتاباتك انكم اسرة فعلاً إستثنائية ، الله يحفظكم...
تحياتي
أنور
|
Post: #124
Title: Re: وأنا اقول شوفتك وين؟؟
Author: Muna Khugali
Date: 12-30-2007, 11:41 PM
Parent: #79
Quote: كل عام والجميع بخير
شكراً استاذة منى على البوست خفيف الدم...وكثير المعلومات
شكراً استاذ جبرا على هذا الامتاع ويبدو من كتاباتك انكم اسرة فعلاً إستثنائية ، الله يحفظكم...
تحياتي
أنور |
ازيك يا أنو وازاي المدام..
مرات كده يا أنور بعد ما أنوم أقوم أحلم ليك بونسه لذيذه جدا هنا..واقوم في نفس الحلم..أعرف اني بحلم..واقول لنفسي خلاص دي بكره أكتبها..طبعا اصحي الصباح مع جوطة الحاجات ما متذكره أي حاجه!
انا نفسي في ونسه قاعدين فيها كلنا..ونسه كده ده نشوف فيها تعبيرات الوجه واشارات اليدين والأصوات الينطلعها من ورا ضروسنا ديك..قول ان شاء الله!
......
........
الونسه مع الفاتح يا أنور ما ممكن تكمل..
وقله منا مستعدين أن يكتبوا عن خصوصياتهم..علي الرغم من ان هذه الخصوصيات كثيرا ما تكون تجارب عامه..
أحب جدا الكتابات الواقعيه عن أحوالنا وعن تجاربنا..عن أفكارنا اثناء تجاربنا..احس فيها بالوجود أكثر..
كل سنه وانت طيب وما تمشي بعيد مننا..
|
Post: #81
Title: Re: وأنا اقول شوفتك وين؟؟
Author: الفاتح يوسف جبرا
Date: 12-26-2007, 08:03 AM
Parent: #1
عزيزى أنور ... كل سنة وإنت طيب
|
Post: #82
Title: Re: وأنا اقول شوفتك وين؟؟
Author: الفاتح يوسف جبرا
Date: 12-26-2007, 08:37 AM
Parent: #1
!!بعد أسابيع من إستلامنا لموافقة الكنيسة قررنا أن نقوم (أنا ووفاء) بخطوة إيجابية وأن نترك بقية المشوار (للظروف والزمن) فقمنا بتحديد موعد مراسيم الزواج بالكنيسة وبدانا فى تجهيز انفسنا لذلك حيث قمنا بشراء ثوب الزفاف والحجز لدى (الكوافير) ... إلخ وشراء البدلة والكرافتة وقد أختارتها لى زميلتها (غ ) والتى كانت تعمل معنا بالاكاديمية (سوف نعود لها) .. فى اليوم المحدد خرجت (وفاء) من منزل اسرتها بصورة عادية لتتجه مع صديقاتها إلى الكوافير وبدأن صدياقتها ا فى تجهيزها وكذلك كنت أجهز حالى علماً بأننا كنا قد أخبرنا الأصدقاء المقربين لينا بحضور مراسم عقد القرأن بالكنيسة فى الوقت المحدد وقد كانت أسرتى متواجده ممثلة فى شقيقاتى وأشقائى وعدد من أبنائهم .. تم تزيين عربة صديقى (إبراهيم الجمل) البورا البيضاء التى كان يقودها بنفسه وإنطلق الركب نحو (الكنيسة) حيث كان ينتظر (مصور الفديو) الذى قام بتصويرنا منذ وقوف العربة أمام الكنيسة ونزولنا منها وجلسنا جميعا وضيوفنا داخل الكنيسة التى كان يتحرك على مسرحها عدد من القساوسة الذين يرتدون الأزياء المميزة البيضاء .. بعد طقوس عديدة تخللتها كثير من الصلوات والدعاء تم توقيع الشهود على العقد بعد أن طلب منى (القس) الذى قام بالمراسم أن أعده بألا أتزوج عليها حيث يسمح لى دينى بذلك فأجبته بأننى سوف لن !!
تم توزيع الحلوى والمشروبات التى تم إعدادها سلفا على الحضور ... خرج موكب الزواج من الكنيسة إلى أستديو (فارتى) حيث تم أخذ صور (الزواج) ثم توجهنا نحو منزل أخونا المرحوم (مهدى الحلو) التى كانت إبنته (صفاء) صديقه للطرفين حيث كانت الكراسى قد إصطفت فى حديقة المنزل الغناء وقد جلس عليها الحضور وهم يتناولون طعام العشاء حيث جلسنا نستقبل التهانى حتى حانت ساعه عودة وفاء لمنزلهم فقامت بالذهاب إلى حجرة (صفاء) حيث قامت بإزالة (المكياج) وقامت بإرتداء ملابسها العادية وقادت سيارتها متوجهه إلى منزل أسرتها وكأن شيئاً لم يكن وهكذا تم تنفيذ أول الخطوات بنسبة نجاح عالية ... ولكن الآن أصبحت (أنا) زوجاً لوفاء حسب ما يقتضية الدين المسيحى (الكاثوليكى) ولكن تبقى أن تصبح هى زوجتى على سنة الله ورسولة ... كيف حدث هذا ... أبقوا معى
|
Post: #83
Title: Re: وأنا اقول شوفتك وين؟؟
Author: badr alkalika
Date: 12-26-2007, 09:40 AM
Parent: #82
احيانا كثيرة احس بمتعة العمل فاقضي وقتا طويلا من غير ان اشعر بالزمن .... واحايين اترك مشوارا مهما لمشاهدة مبارة في كرة القدم تتنقل بين ارجل اللعيبة كانها فراشة نشطة ... وانسى روحي نفسي وانا بين احبتي واصدقائي نتجاذب اطراف الحديث ولا ابارح المقال او القصة او الموضوع الجميل المكتوب وهذا البوست اخذ كل وقتي وانا اتنقل بين المشاركات وكانها بساتين مثمرة اقطف ثمارها كنت متاكد من ان صديقي رافت رائع وجبرا مبدع وبت خوجلي تعرف جذب الزوار للموقع ......... وبعدين حكاية المكوة دي ما تكون تقيلة وجعت ظهرك اصلوا بعض المكاوي تقيلة جدا تقطع الضهر وا نونو عيد لندن كيف فيهو مرارة الله يقطع الحمى القلاعية حرمتنا من ابغازي والكرشة
كسرة
ما بين الواقع والخيال اجد نفسي احلق
تارة اسمو واخرى اسرح
وبناديها
وبعزم كل زول يرتاح في في ضحكة عيون فيها
ويا ريت التمر يا ريت لو يشيل كل تلاة تشر
حللتها بالكنيسة انت بقت حلالك كيف يا ابو الجبر
|
Post: #86
Title: Re: وأنا اقول شوفتك وين؟؟
Author: المسافر
Date: 12-26-2007, 11:17 AM
Parent: #83
وأنا أقول الزول ده مزرد عويناتو كدة مالو في الحلقة دي..أكثر من حلقة الحفر ديك..
طبعاً حضرت الحلقة وكانت روعة حقيقي.. كم استمتعت بالحلقة الفائتة..
وكل مرة بتكبر شوية في نفوسنا
وندعو لك بطول العمر والصحة والعافية وحياة سعيدة
وكل سنة وأنت طيب وأسرتك السعيدة
وعيد ميلاد مجيد لوفاء
واصدق التحايا والأمنيات للإخوة والأصدقاء
ومواصلين معاك..
|
Post: #168
Title: Re: وأنا اقول شوفتك وين؟؟
Author: Muna Khugali
Date: 01-08-2008, 09:31 PM
Parent: #83
Quote: احيانا كثيرة احس بمتعة العمل فاقضي وقتا طويلا من غير ان اشعر بالزمن .... واحايين اترك مشوارا مهما لمشاهدة مبارة في كرة القدم تتنقل بين ارجل اللعيبة كانها فراشة نشطة ... وانسى روحي نفسي وانا بين احبتي واصدقائي نتجاذب اطراف الحديث ولا ابارح المقال او القصة او الموضوع الجميل المكتوب وهذا البوست اخذ كل وقتي وانا اتنقل بين المشاركات وكانها بساتين مثمرة اقطف ثمارها كنت متاكد من ان صديقي رافت رائع وجبرا مبدع وبت خوجلي تعرف جذب الزوار للموقع ......... وبعدين حكاية المكوة دي ما تكون تقيلة وجعت ظهرك اصلوا بعض المكاوي تقيلة جدا تقطع الضهر وا نونو عيد لندن كيف فيهو مرارة الله يقطع الحمى القلاعية حرمتنا من ابغازي والكرشة
كسرة
ما بين الواقع والخيال اجد نفسي احلق
تارة اسمو واخرى اسرح
وبناديها
وبعزم كل زول يرتاح في في ضحكة عيون فيها
ويا ريت التمر يا ريت لو يشيل كل تلاة تشر
حللتها بالكنيسة انت بقت حلالك كيف يا ابو الجبر
|
كيفك يا بدر؟؟
الكتابه الجميله قطعا تشدنا الي عالمها بحيث يصبح العالم الخارجي الذي يحيط بنا هو مجرد
عالم آخر..
اذكر في صغرنا كان كتاب نجيب محفوظ او السباعي او احسان عبد القدوس او أي قصه روائيه..هو راحتنا
لا يمكن ان نضعه جانبا الا بعد اكماله..وكنت عن نفسي ابحث عن مخبأ لا يراني فيه احد.. ولا يناديني وكان هذا يعني تحت السرير!
كان ذلك هو مكاني المفضل..
أضع المخده واستلقي علي البلاط البارد وأقرأ ولا يقلقني الا لدغات النمله السودا الكبيره اللئيمه!
ياربي لسه في النمل الأسود الكبير داك؟؟
خليك معانا بدون نمل يا بدر..وكل عام وانت ومن معك بألف خير..
|
Post: #91
Title: Re: وأنا اقول شوفتك وين؟؟
Author: Muna Khugali
Date: 12-26-2007, 01:38 PM
Parent: #82
Quote: !!بعد أسابيع من إستلامنا لموافقة الكنيسة قررنا أن نقوم (أنا ووفاء) بخطوة إيجابية وأن نترك بقية المشوار (للظروف والزمن) فقمنا بتحديد موعد مراسيم الزواج بالكنيسة وبدانا فى تجهيز انفسنا لذلك حيث قمنا بشراء ثوب الزفاف والحجز لدى (الكوافير) ... إلخ وشراء البدلة والكرافتة وقد أختارتها لى زميلتها (غ ) والتى كانت تعمل معنا بالاكاديمية (سوف نعود لها) .. فى اليوم المحدد خرجت (وفاء) من منزل اسرتها بصورة عادية لتتجه مع صديقاتها إلى الكوافير وبدأن صدياقتها ا فى تجهيزها وكذلك كنت أجهز حالى علماً بأننا كنا قد أخبرنا الأصدقاء المقربين لينا بحضور مراسم عقد القرأن بالكنيسة فى الوقت المحدد وقد كانت أسرتى متواجده ممثلة فى شقيقاتى وأشقائى وعدد من أبنائهم .. تم تزيين عربة صديقى (إبراهيم الجمل) البورا البيضاء التى كان يقودها بنفسه وإنطلق الركب نحو (الكنيسة) حيث كان ينتظر (مصور الفديو) الذى قام بتصويرنا منذ وقوف العربة أمام الكنيسة ونزولنا منها وجلسنا جميعا وضيوفنا داخل الكنيسة التى كان يتحرك على مسرحها عدد من القساوسة الذين يرتدون الأزياء المميزة البيضاء .. بعد طقوس عديدة تخللتها كثير من الصلوات والدعاء تم توقيع الشهود على العقد بعد أن طلب منى (القس) الذى قام بالمراسم أن أعده بألا أتزوج عليها حيث يسمح لى دينى بذلك فأجبته بأننى سوف لن !!
تم توزيع الحلوى والمشروبات التى تم إعدادها سلفا على الحضور ... خرج موكب الزواج من الكنيسة إلى أستديو (فارتى) حيث تم أخذ صور (الزواج) ثم توجهنا نحو منزل أخونا المرحوم (مهدى الحلو) التى كانت إبنته (صفاء) صديقه للطرفين حيث كانت الكراسى قد إصطفت فى حديقة المنزل الغناء وقد جلس عليها الحضور وهم يتناولون طعام العشاء حيث جلسنا نستقبل التهانى حتى حانت ساعه عودة وفاء لمنزلهم فقامت بالذهاب إلى حجرة (صفاء) حيث قامت بإزالة (المكياج) وقامت بإرتداء ملابسها العادية وقادت سيارتها متوجهه إلى منزل أسرتها وكأن شيئاً لم يكن وهكذا تم تنفيذ أول الخطوات بنسبة نجاح عالية ... ولكن الآن أصبحت (أنا) زوجاً لوفاء حسب ما يقتضية الدين المسيحى (الكاثوليكى) ولكن تبقى أن تصبح هى زوجتى على سنة الله ورسولة ... كيف حدث هذا ... أبقوا معى |
قولت لي اتصورتوا في فارتي؟؟
يبقي اكيد برضه انا شوفتك هناك..ماشوفت صورت أختي هناك؟؟
....
.....
سمعت انه استوديو فارتي لم يعد موجودا..وشعرت بألم حقيقي ..فاستوديو فارتي من أعرق الأستوديوهات..وبعدين العرايس جنهم يطلعوا من الكوافير الساعه عشره بالليل ويمشوا فارتي وبعدين يجوا الحفله بع المعازيم ما يكونوا تعبوا وشعورهم اتنكشت..
قلت ليك..
جيتو من الكوافير والمصوراتي الساعه كم؟؟
وماكنتوا خايفين زول يشوفكم من الأهل ولا لأ؟؟
وحذرتوا فارتي ما يعلق الصوره الحلوه ولا لآ..اصله جنو يعلق الصور كان صور العرسان ولا أي صوره سمحه في فاتريناته القزاز عند الباب وعلي الشارع..
يازول انا قلت ليك نحنا دايرين تفاصيل..
وخت لينا فصله ولا نقط علشان نشيل نفسنا مع حكاويك اللذيذه دي..
بالله كده ما تزهج..
وماتخلي رأفت ده يلاوذ ليك..احكي حكاويك...
وبعدين نحنا مقدرين جدا مجاملاتكم الآيام دي.. وانشغالكم بدلالكم الجميل..وبرضه عارفين الكتابه مزاج..يعني برضه ان كان زهجت في النص تعال قول انا زهجان..والله اصلو ما نزعل منك..نحنا الزهج ده عندنا ليه بوست عدييييل من شدة مافاهمنه..
وبس خلي وفاء تظهر علينا وعندنا طلب...
ممكن صورتكم حقت العرس تجيبوها لينا هنا مادام الموضوع اتعرف خلاص؟؟
ثم نرجع للتعدديه والخوف منها والتعهد بعدم ممارستها..
|
Post: #127
Title: Re: وأنا اقول شوفتك وين؟؟
Author: Muna Khugali
Date: 12-31-2007, 03:41 PM
Parent: #82
| Quote: !!بعد أسابيع من إستلامنا لموافقة الكنيسة قررنا أن نقوم (أنا ووفاء) بخطوة إيجابية وأن نترك بقية المشوار (للظروف والزمن) فقمنا بتحديد موعد مراسيم الزواج بالكنيسة وبدانا فى تجهيز انفسنا لذلك حيث قمنا بشراء ثوب الزفاف والحجز لدى (الكوافير) ... إلخ وشراء البدلة والكرافتة وقد أختارتها لى زميلتها (غ ) والتى كانت تعمل معنا بالاكاديمية (سوف نعود لها) .. فى اليوم المحدد خرجت (وفاء) من منزل اسرتها بصورة عادية لتتجه مع صديقاتها إلى الكوافير وبدأن صدياقتها ا فى تجهيزها وكذلك كنت أجهز حالى علماً بأننا كنا قد أخبرنا الأصدقاء المقربين لينا بحضور مراسم عقد القرأن بالكنيسة فى الوقت المحدد وقد كانت أسرتى متواجده ممثلة فى شقيقاتى وأشقائى وعدد من أبنائهم .. تم تزيين عربة صديقى (إبراهيم الجمل) البورا البيضاء التى كان يقودها بنفسه وإنطلق الركب نحو (الكنيسة) حيث كان ينتظر (مصور الفديو) الذى قام بتصويرنا منذ وقوف العربة أمام الكنيسة ونزولنا منها وجلسنا جميعا وضيوفنا داخل الكنيسة التى كان يتحرك على مسرحها عدد من القساوسة الذين يرتدون الأزياء المميزة البيضاء .. بعد طقوس عديدة تخللتها كثير من الصلوات والدعاء تم توقيع الشهود على العقد بعد أن طلب منى (القس) الذى قام بالمراسم أن أعده بألا أتزوج عليها حيث يسمح لى دينى بذلك فأجبته بأننى سوف لن !! |
الكنيسه..ذلك المبني الديني التاريخي..
أعشق دخول الجوامع والضرائح والكنائس وكل المناطق التاريخيه..
ومن أول الأماكن التي أزورها في أي بلد غربي الكنائس..البنيان القديم عامة احبه وخاصه ارتباطه بقيم معينه..
في الخرطوم كان زواج صديقتي أماني سببا لأن أدخل تلك الكنيسه في شارع 15 بالعمارات..الخرطوم
كانت أول مره اشاهد كنيسه من الداخل في الواقع..كان بقربها الجامع..فشعرت بالألفه أكثر..
الطقوس لا أذكرها تماما..فقد كنت في تلك الحاله التي تنظر للكنيسه وتفكر في نفس اللحظه..ماهو الفرق بينها وبين الجامع؟؟
بالطبع الفرق يكمن أكثر في طريقة تفكيرنا واستيعابنا للأديان واحساسنا بحق كل انسان في أن يعتنق ديانته ويمارس عبادته..
عندما أدخل الجامع فانا أدخل اكثر باحساسي الديني الذي يتحكم في صلاتي وعبادتي ودعائي هناك..
بينما أدخل الكنيسه متصوره لأحساس الغير الديني..قدره له ومحاوله أن أكتشف ما لم أكتشفه من قبل!
نواصل..
مني
الكنيسه..
|
Post: #87
Title: Re: وأنا اقول شوفتك وين؟؟
Author: bushra suleiman
Date: 12-26-2007, 11:49 AM
Parent: #1
انتو البوست دا كان وين ؟؟
اها انا مستكتو ليكى يامنى من اولو وقعدت اذاكر فيهو من الصباح ..
وكل شوية عمل فلاش (باك) على قول اختنا سلمى .. وبعدين ماجده دى بتدخل تووووووش كدا مالا بدون ماتعاين كان انتى صاينتى اوف واللا لا ليه
ياجماعة نسينا نقول ليكم كل سنة وانتو طيبين منى وماجدة والسنة الجاية .. مش الفى الاسبوع الجاى ، تكونو حققتو كل احلامكم وامنياتكم يارب.
والتحية والتقدير للاستاذ الفاتح وزوجتو اولادو ..
وتهانينابعيدالاضحية واعياد الميلاد المجيد وراس السنة الميلادية ..
وربنا يحفظكم ويحقق امانيكم فى السعادة والخير .. آمين
|
Post: #165
Title: Re: وأنا اقول شوفتك وين؟؟
Author: Muna Khugali
Date: 01-07-2008, 03:03 AM
Parent: #87
Quote: انتو البوست دا كان وين ؟؟
اها انا مستكتو ليكى يامنى من اولو وقعدت اذاكر فيهو من الصباح ..
وكل شوية عمل فلاش (باك) على قول اختنا سلمى .. وبعدين ماجده دى بتدخل تووووووش كدا مالا بدون ماتعاين كان انتى صاينتى اوف واللا لا ليه
ياجماعة نسينا نقول ليكم كل سنة وانتو طيبين منى وماجدة والسنة الجاية .. مش الفى الاسبوع الجاى ، تكونو حققتو كل احلامكم وامنياتكم يارب.
والتحية والتقدير للاستاذ الفاتح وزوجتو اولادو ..
وتهانينابعيدالاضحية واعياد الميلاد المجيد وراس السنة الميلادية ..
وربنا يحفظكم ويحقق امانيكم فى السعادة والخير .. آمين |
كل سنه وانت طيب يا بشري سليمان...
اها احكي لينا الكريسماس عندك كان كيف؟؟
وكضب ما فينا..راس السنه كان كيف؟؟
احنا الحمدلله اتلمينا انا وأولادي في بيت أختي الكبيره مديحه..كلنا قعدنا اتونسنا وضحكنا ووطبعا طفينا النور الساعه 12 وولعناه..لقينا نفسنا نحنا يانا ذاتنا من السنه الفاتت!!
كل سنه وانت أجمل واطيب..ومعاك بنقول للمسيحيين الشرقيين كلهم..
كل عاك وانتم بخير..
|
Post: #90
Title: Re: وأنا اقول شوفتك وين؟؟
Author: الفاتح يوسف جبرا
Date: 12-26-2007, 12:24 PM
Parent: #1
الأعــــــــــــــــزاء :
badr alkalika
المســـــــــافر
bushra suleiman
كل سنة وإنتو طيبين وكل عام وأنتم بخير وإن شاء الله أيامكم كلها تكون أعياد ..... آمين
|
Post: #93
Title: Re: وأنا اقول شوفتك وين؟؟
Author: حيدر حسن ميرغني
Date: 12-26-2007, 02:59 PM
Parent: #90
Quote: حيدر حسن ميرغنى :
كل سنة وإنت طيب يا حيدر .. تعرف يا حيدر أنا متذكر إنك (شاكلتنى) لكن السبب شنو أنا ما عارف ؟ عليك الله ذكرنى |
لما عملت بوست عن صورة لخليجي يصور فى نساء منقبات
شكرا ليك كثير
|
Post: #94
Title: Re: وأنا اقول شوفتك وين؟؟
Author: الفاتح يوسف جبرا
Date: 12-26-2007, 03:47 PM
Parent: #1
العزيز حيدر .. خلاص كده إتذكرت ودى كانت أول وآخر مرة أنزل ليا فيها بوست غير المقالات بتاعتى !!! لك خالص تحياتى
|
Post: #95
Title: Re: وأنا اقول شوفتك وين؟؟
Author: الفاتح يوسف جبرا
Date: 12-26-2007, 04:17 PM
Parent: #1
الصورة دى إلتقطناها أول أمبارح .. أما صورت العرس إن شاء الله بكرة أنزلا ليكم يا منى !!
|
Post: #96
Title: Re: وأنا اقول شوفتك وين؟؟
Author: Muna Khugali
Date: 12-27-2007, 01:24 AM
Parent: #95
| Quote: الصورة دى إلتقطناها أول أمبارح .. أما صورت العرس إن شاء الله بكرة أنزلا ليكم يا منى !! |
ماشاء الله ربنا يحفظ ليكم أولادكم ويحفظكم ليهم ولينا..
بكره كمان باذن الله نشوف صورة الزواج هنا..لأننا لا بنقدر نمشي فارتي ولا حاجه..هو فارتي ذاتو مافي..
وبعدين نشوف مين طلع عين التاني فيكم..
عصام زوج منال أختي قال منال طلعت عينه لغاية ماصلع وصديقاته الزمان بقوا لما يقابلوه مابيعرفوه..وحارقه جدا انه واحده فيهم يوم لاقتخ..عاينت ليه بدون ماتعرفه..
ومنال كل يوم بتبفي أحلي!
لكن بيني وبينك يالفاتح أخوي..الزوج والزوجه شكلهم كده زي البيهدو علي بعض..بعد تأبيده كده بتلقاهم بقوا شبه بعض بشكل ملحوظ..لاحظت كده؟؟
يعني تشوف الأتنين تعرف طوالي انهم متزوجين!!
انا ماشيه انوم خلاص..وبكره الله يحيينا نجي نلقي صوره حلوه مزينه البوست..
قلت ليك يالفاتح..
ممكن يعني تنزل لينا صوره لكل واحد من أولادك؟؟
اليوم داك في التلفزيون ما لحقت شوفتهم كويس
|
Post: #99
Title: Re: وأنا اقول شوفتك وين؟؟
Author: الفاتح يوسف جبرا
Date: 12-27-2007, 02:52 PM
Parent: #1
ده (ناجى) ستة سنين ونص - الصف الثالث أساس
|
Post: #115
Title: Re: وأنا اقول شوفتك وين؟؟
Author: Muna Khugali
Date: 12-29-2007, 10:54 PM
Parent: #99
ماشاء الله علي ناجي ونشوي..اطفال الحب الكبير..
وخمسه وخميسه في عين اللي مايصلي علي النبي!
ربنا يحفظ ليكم أولادكم ويسعدكم ببعض..
قلت ليك يالفاتح..سميتوهم علي تاس بتحبوهم ولا بس دي أسماء عاجباكم؟؟
|
Post: #100
Title: Re: وأنا اقول شوفتك وين؟؟
Author: الفاتح يوسف جبرا
Date: 12-27-2007, 02:55 PM
Parent: #1
ودى يا منى (نشوى) 3 سنوات ونص فى الروضه !!
|
Post: #101
Title: Re: وأنا اقول شوفتك وين؟؟
Author: الفاتح يوسف جبرا
Date: 12-27-2007, 03:56 PM
Parent: #1
منى .. صباح الخير
أها إستعدلتا ليكى الفتلة بتاعت البوست ... نتلاقى بعدين !!
|
Post: #102
Title: Re: وأنا اقول شوفتك وين؟؟
Author: الفاتح يوسف جبرا
Date: 12-27-2007, 04:02 PM
Parent: #1
منى العزيزة ..
يا دوبك إنتهيت من كتابة سيناريوهات (بكرة الجمعه) وقمت ختيت ليكى (وللأعزاء المتداخلين) صور الأولاد .. آخد ليا جمه شوية والمساء أواصل ليك فى (المسلسل) .. خليتك/م بى عافية ....
الـــــــــفاتح
|
Post: #103
Title: Re: وأنا اقول شوفتك وين؟؟
Author: Muna Khugali
Date: 12-27-2007, 04:59 PM
Parent: #102
سمح الفاتح أخوي..وقبل ما أكتب اي تعليق أثناء غيابم المشروع جدا..انا صغرت ليك الصوره
السمحه دي علشان البوست صفحته ماتعرض ويبقي مفتول بلغة البورداب....
عليك دلوقتي تشيل الصوره الأنت ختيتها بره.. زي ماعارف بمسح الرابط عن طريق التعديل..
شوفت أختك بقت فالحه كيف وكمان بتتفلسف!
|
Post: #107
Title: Re: وأنا اقول شوفتك وين؟؟
Author: ELFATIH ABDELLA
Date: 12-27-2007, 11:08 PM
Parent: #103
الرائعة .. بت خوجلى..
سلام .. يا ريت اعرف سجيمان بكتب كيف عشان احاكيهو..
الحبيب الفاتح .. الله يحفظ الشباب..
بس عايز اقول انا جيت..
مودة .. ومنى..
الفاتح
|
Post: #166
Title: Re: وأنا اقول شوفتك وين؟؟
Author: Muna Khugali
Date: 01-08-2008, 03:56 AM
Parent: #103
صورة الزفاف دي يالفاتح فيها بعد "اجتماعي"
اولا الصوره جميله جدا وانتو ماشاء الله حلوين فيها خالص..
اصله انا مرجعيتي لسه فارتي والصور اياها..علشان كده برجع تاني لموضوع فارتي..
تلقي في اوضاع كتيره في تصوير العرسان..
يعني ما دايره أمسخ للناس صورهم واكون زوله بايخه ساكت..
لكن كمان في وضعين كده كل الناس الأتصورت عند فارتي عاملاهم..وانا حارقني ولازم اقولهم
الصوره القلتها ليك المره الفاتت..بتاعة ذراع العروسه ويدها علي صدر العريس والأتنين متنحين
في بعض..
والتانيه بتاعة المفاجأه..
عارف ..بتذكرني لما كنا شفع وينادونا أهلنا نقوم نندس تحت السراير..
يقوموا يجوا يرفعوا طرف الملايه علشان يقولوا لينا اطلعوا دايرنكم...
تكون فهمت أنا قاصده شنو!
طيب هي الوضع البتقيف فيه العروسه قدام العريس والطرحه مغطيه وشها..
يجي هو بسلامته يرفع الطرحه ويشوف وشها ويقوم يبتسم..
متل أكنها مفاجأه
|
Post: #111
Title: Re: وأنا اقول شوفتك وين؟؟
Author: الفاتح يوسف جبرا
Date: 12-29-2007, 05:52 AM
Parent: #1
بعد الزحمه بتاعت الجمعه والإجتمتعيات الما بتنتهى والكتابه والشنو ما بعرفو داك نجى نواصل (المسلسل) ... طيب واقفين وين ... واقفين وين ... واقفين وين.. أيواا واقفين فى الحته بتاعت كيفية الزواج فى الجامع ... وهو ما كان جامع إنما محكمة حيث قمت بكتابه طلب للمحمكة الشرعية أطلب فيهو الزواج من وفاء ومعى الشهود (أصحابنا) وبعد أن مثلنا أمام القاضى الشرعى (بمحكمة بحرى) وقام بقراءة وفحص الطلب المقدم أمامه والإجراءآت المتبعه سلمنا وثيقة (قسيمة) الزواج وهو يعظنى طالباً منى الترفق فى معاملتها والإحسان إليها حتى (ترقرقت) عينا (وفاء) - من شنو ما عارف-!
خرجنا من مبنى المحكمة ونحن (أزواج) على سنة (محمد) و(عيسى) ولكن مع إيقاف التنفيذ إذ أن التنفيذ وهو وجود الزوجين فى (بيت واحد) ياويهما يحتاج إلى (إشهار) وهذ يحتاج إلى أن تحمل (وفاء) أغراضها من حجرتها الكائنة بمنزلهم ببيت المال لتأتى إلى العيش معى بالمنزل الذى أعددته لها (ملحقاً) بمنزل الأسرة بأبي روف !!! عدنا إلى العمل بالأكاديمية من جديد بعد أن وضعنا (صور الزواج) و(القسيمتين) فى أحد أدراج مكتبى الذى عبث أحدهم بمحتوياته وقد كان لذلك العبث دور هام فى إكمال عملية الزواج والإشهار وهذا ما سوف أحكيه المرة القادمة ...... منى إنتى مشيتى وين؟
|
Post: #112
Title: Re: وأنا اقول شوفتك وين؟؟
Author: Muna Khugali
Date: 12-29-2007, 01:53 PM
Parent: #111
Quote: بعد الزحمه بتاعت الجمعه والإجتمتعيات الما بتنتهى والكتابه والشنو ما بعرفو داك نجى نواصل (المسلسل) ... طيب واقفين وين ... واقفين وين ... واقفين وين.. أيواا واقفين فى الحته بتاعت كيفية الزواج فى الجامع ... وهو ما كان جامع إنما محكمة حيث قمت بكتابه طلب للمحمكة الشرعية أطلب فيهو الزواج من وفاء ومعى الشهود (أصحابنا) وبعد أن مثلنا أمام القاضى الشرعى (بمحكمة بحرى) وقام بقراءة وفحص الطلب المقدم أمامه والإجراءآت المتبعه سلمنا وثيقة (قسيمة) الزواج وهو يعظنى طالباً منى الترفق فى معاملتها والإحسان إليها حتى (ترقرقت) عينا (وفاء) - من شنو ما عارف-!
خرجنا من مبنى المحكمة ونحن (أزواج) على سنة (محمد) و(عيسى) ولكن مع إيقاف التنفيذ إذ أن التنفيذ وهو وجود الزوجين فى (بيت واحد) ياويهما يحتاج إلى (إشهار) وهذ يحتاج إلى أن تحمل (وفاء) أغراضها من حجرتها الكائنة بمنزلهم ببيت المال لتأتى إلى العيش معى بالمنزل الذى أعددته لها (ملحقاً) بمنزل الأسرة بأبي روف !!! عدنا إلى العمل بالأكاديمية من جديد بعد أن وضعنا (صور الزواج) و(القسيمتين) فى أحد أدراج مكتبى الذى عبث أحدهم بمحتوياته وقد كان لذلك العبث دور هام فى إكمال عملية الزواج والإشهار وهذا ما سوف أحكيه المرة القادمة ...... منى إنتى مشيتى وين؟ |
أمشي وين أنا يالفاتح أخوي!
أنا قاعده وشايله منديل أبكي وأمسح دموع التأثر والفرح بأثر رجعي..
اتخيلت الكلام والموقف الدار فيه الكلام..واحساس وفاء وبعد كده كل المواقف الصعبه المنتظراها..
وأأأأأأأه انفقعت تاني بكا!!
علي فكره..انتو الأتنين فيكم قوه ما طبيعيه..
يعني أسه في ناس يرفضوا يخلوا بناتهم يتزوجوا علشان العريس مفلس..والبنات بيتنازلوا بسرعه عن أحلاهم..علشان الضغوط بتكون كبيره وهم ماقدرها..
واعتقد دي برضه بتكون مابعيده من فترة زواجكم..لما الأغتراب كان علي أشده والعرسان بيخطفوا البنات بقروشهم..
اها فكرت في كده..وقلت علشان قروش تافهه ساكت ماقدروا يتزوجوا..وانتو وبالتحديد وفاء..كان عندها أمر جلل..وهو الدين..وعلي الرغم من كده وقفت بقوه قدام كل العقبات واتمسكت بيك..
وأأأأأأأأأأأأأأه اتفقعت تاني بالبكا!
|
Post: #117
Title: Re: وأنا اقول شوفتك وين؟؟
Author: Muna Khugali
Date: 12-29-2007, 11:31 PM
Parent: #111
| Quote: عدنا إلى العمل بالأكاديمية من جديد بعد أن وضعنا (صور الزواج) و(القسيمتين) فى أحد أدراج مكتبى الذى عبث أحدهم بمحتوياته وقد كان لذلك العبث دور هام فى إكمال عملية الزواج والإشهار وهذا ما سوف أحكيه المرة القادمة ...... منى إنتى مشيتى وين؟ |
الليله يالفاتح..
شكلك كده مودينا لي ساسبنس شديد..
لكن برضه الحمدلله..نوع كلامك ده بيجي بعده..
واضطرينا نعمل كده وكده..ورب ضارة نافعه...موش؟؟
منتظرنك علي أحر من الجمر
|
Post: #122
Title: Re: وأنا اقول شوفتك وين؟؟
Author: Muna Khugali
Date: 12-30-2007, 09:07 PM
Parent: #111
| Quote: خرجنا من مبنى المحكمة ونحن (أزواج) على سنة (محمد) و(عيسى) ولكن مع إيقاف التنفيذ إذ أن التنفيذ وهو وجود الزوجين فى (بيت واحد) ياويهما يحتاج إلى (إشهار) وهذ يحتاج إلى أن تحمل (وفاء) أغراضها من حجرتها الكائنة بمنزلهم ببيت المال لتأتى إلى العيش معى بالمنزل الذى أعددته لها (ملحقاً) بمنزل الأسرة بأبي روف !!! عدنا إلى العمل بالأكاديمية من جديد بعد أن وضعنا (صور الزواج) و(القسيمتين) فى أحد أدراج مكتبى الذى عبث أحدهم بمحتوياته وقد كان لذلك العبث دور هام فى إكمال عملية الزواج والإشهار وهذا ما سوف أحكيه المرة القادمة ...... منى إنتى مشيتى وين؟ |
ذكرني هذا الذي عبث بالأدراج والأوراق والصور..بموقف مشابه لكن علي العكس..كانت له نتائجه السيئه...
أخبرني (...) وهومتزوج بقصة حبه القديمه والتي كان مازال يعيشها من علي البعد..
فقد تزوجت حبيبته من آخر وتزوج هو من أخري..
القصه انه كان يرسل لها خطابات طويله باستمرار مع أحد أصدقابه المقربين..ولأنه كان بعيدا لفتره..فتوصيل الرسائل عن طريق صديقه في مجتمع محافظ -وكان ذلك في أواخر السبعينات-
كان الوسيله الوحيده لأستمرار العلاقه..
المهم توقفت هي من كتابة الخطابات وبعد فتره عرف بزواجها..
وبمرور الزمن..وكان مع صديقه المقرب في المكتب..وشاءت الصدف أن يجد كل خطاباته التي كان يرسلها لها في درجه و معظمها غير مفتوح أو مقروء!!
لم يقم الصديق بتوصيل الرسائل في الوقت الذي كان يدعي انه اوصلها جميعا..
بالطبع هي ايضا ظنت انه قد تخلي عنها..فتزوجت بأول من تقدم لها!
|
Post: #113
Title: Re: وأنا اقول شوفتك وين؟؟
Author: الفاتح يوسف جبرا
Date: 12-29-2007, 10:07 PM
Parent: #1
تعرفى يا (منى) السودان بلدنا ده فيهو حاجات غريبه .. انا قبيل حوالى الساعة خمسة عصر قلت أقوم أنزل حلقة من المسلسل ده قمت كتبتها ليك تماما لكن قبل ما أعمل UPLOADING لقيت ليكى الكهرباء قطعت أها القصة دى خلتنى أتعلم إنو أكتب على الوورد وأحفظ وبعدين أعمل UPLOAD .... ترقبى والأعزاء حلقة المسلسل باكر ... مع كامل حبى وتقديرى ................................. الفاتح
|
Post: #116
Title: Re: وأنا اقول شوفتك وين؟؟
Author: سمية الحسن طلحة
Date: 12-29-2007, 11:16 PM
Parent: #113
التحايا للأستاذ الفاتح وأسرته
منى تعالي هناأفتحي محل
أنا مابحب أكوي ولا أخيط
وعندنا شمس تشوي في الخليج
مشتاقة كتير
|
Post: #118
Title: Re: وأنا اقول شوفتك وين؟؟
Author: الفاتح يوسف جبرا
Date: 12-30-2007, 10:10 AM
Parent: #1
يجمعنا العمل فى الأكاديمية يومياً .. أزواج مع إيقاف التنفيذ ... كثيراً فى أوقات الفراغ ما نجلس معاً ونسأل أنفسنا : (أها وبعدين) .. رغم إنو البلد (ضيقة) ذى ما بيقولو لكن لحسن الحظ لم يتسرب خبر زواجنا رغم الإحتفاليات التى صاحبته ... مرت أسابيع .. ونحن لا نفتأ نسال ذات السؤال ونكرر ذات العبارة : (أها وبعدين) !! إلى أن قيض لنا الله سبحانه وتعالى الحل وبصورة غير متوقعه على الإطلاق ...
كانت وفاء بعد إنتهاء عملها بالأكاديمية بعد الظهر تقود عربتها الكورولا البيضاء (موديل 80) وتذهب لمكان عمل والدتها (جورجيت) الذى لا يبعد كثيراً وذلك لإعادتها للمنزل ... فى ذلك اليوم قامت وفاء بأخذ والدتها كالعادة وعندما توقفت العربة أمام باب المنزل سمعتل صوت جرس التلفون .. كان هنالك تلفون فى حجرة الصالون المواجهه لباب الشارع كما أن هنالك تلفون (وصلة) أخرى بحجرة (النوم) ... فى ذات اللحظة التى وصلت فيها والة وفاء إلى حجرة النوم لرفع سماعة التلفون كانت وفاء قد قامت برفع سماعة التلفون الذى يوجد بالصالون .. كان الصوت يخاطب والدة وفاء قائلاً :
- أنا رسلت ليك الصور بتاعت عرس وفاء عشان تصدقى !!
لم تصدق وفاء ما تناهى إلى سمعها .. المفاجأة ألجمتها والصدمة جعلتها حتلى لا تستمع لبقية الحوار ... لم يكن الصوت غريبا عليها فهى تعرف صاحبته والتى لم تكن غير زميلتها فى الأكاديمية (غ) والتى شاركت فى تجهيزها والذهاب معها إلى الكوافير بل وهى التى إختارت لى كرافتة العرس والتى تظهر فى صور الزواج التى أخذت فى أستديو (فارتى) !!
فى اليوم التالى تقابلنا كالعادة فى الأكاديمية ... أخبرتنى وفاء بالحصل .. تعجبت تماما مما قامت به (غ) لم نجد لها أى مبرر
لتقوم بتلك الفعلة .. لم تحضر للأكاديمية ذلك اليوم .. ولم نسألها لماذا فعلت ذلك حتى اللحظة !!!
قمنا بإخراج (صور الزواج) من درج (مكتبى) الذى وجدنا أنه تعرض للعبث بمحتوياته .. بالفعل إتضح أن هنالك مجموعة من الصور قد إختفت (شالت من كل لقطة صورة !!) .. أخبرتنى وفاء بأنها رأت ملامح الحزن والغضب تكسو وجه والدتها فى ذلك الصباح وهى توصلها إلى مكان عملها فأخبرتها إنو لازم نطرق على الحديد وهو ساخن وإنو طالما السألة إنكشفت فأحسن (نشوت) الموضوع .. لا أدرى لماذا عندها فكرت بل خطر لى أن حل هذه المشكلة فى يد (حاج محمد) ذلك المصرى-السودانى أو (السودانى - المصرى) الذى يمتلك مغالق ومحلات فى مدينة (بحرى) .. تعرفت عليه من خلال صديق لى عندما كنت أقوم ببناء منزلى الذى كنت أقوم بإعداده لوفاء .. كان على علم بعلاقتى بوفاء كما كان قد تعرف على والدة وفاء وجمعت بينهما (معاملات) فى الجهه التى تعمل بها .
ذهبنا ظهر ذلك اليوم إلى حاج محمد فى المغلق فقابلنا بإبتسامته المعهودة وهو يرى وجوهنا وقد إعتراها العبوس قائلاً :
- ايه مالكم الليلة حزاينى كده ؟
أخبرت حاج محمد بما نحن فيه .. أعطيته قسيمتى الزواج الإثنتين وكذلك صور العرس !! قال لى قولة لا زال صداها يتردد فى أذنى :
- يا فاتح يابنى مافيش حاجه فى الدنيا ماليهاش حل إلا الموت !! أى شئ تانى بيتحلا !! ..... كيف قام حاج محمد بحل الموضوع ده الح نشوفو فى الحلقه الجاية من (المسلسل) فقط أبقوا معنا !!!!
|
Post: #119
Title: Re: وأنا اقول شوفتك وين؟؟
Author: Muna Khugali
Date: 12-30-2007, 12:52 PM
Parent: #118
Quote: يجمعنا العمل فى الأكاديمية يومياً .. أزواج مع إيقاف التنفيذ ... كثيراً فى أوقات الفراغ ما نجلس معاً ونسأل أنفسنا : (أها وبعدين) .. رغم إنو البلد (ضيقة) ذى ما بيقولو لكن لحسن الحظ لم يتسرب خبر زواجنا رغم الإحتفاليات التى صاحبته ... مرت أسابيع .. ونحن لا نفتأ نسال ذات السؤال ونكرر ذات العبارة : (أها وبعدين) !! إلى أن قيض لنا الله سبحانه وتعالى الحل وبصورة غير متوقعه على الإطلاق ...
كانت وفاء بعد إنتهاء عملها بالأكاديمية بعد الظهر تقود عربتها الكورولا البيضاء (موديل 80) وتذهب لمكان عمل والدتها (جورجيت) الذى لا يبعد كثيراً وذلك لإعادتها للمنزل ... فى ذلك اليوم قامت وفاء بأخذ والدتها كالعادة وعندما توقفت العربة أمام باب المنزل سمعتل صوت جرس التلفون .. كان هنالك تلفون فى حجرة الصالون المواجهه لباب الشارع كما أن هنالك تلفون (وصلة) أخرى بحجرة (النوم) ... فى ذات اللحظة التى وصلت فيها والة وفاء إلى حجرة النوم لرفع سماعة التلفون كانت وفاء قد قامت برفع سماعة التلفون الذى يوجد بالصالون .. كان الصوت يخاطب والدة وفاء قائلاً :
- أنا رسلت ليك الصور بتاعت عرس وفاء عشان تصدقى !!
لم تصدق وفاء ما تناهى إلى سمعها .. المفاجأة ألجمتها والصدمة جعلتها حتلى لا تستمع لبقية الحوار ... لم يكن الصوت غريبا عليها فهى تعرف صاحبته والتى لم تكن غير زميلتها فى الأكاديمية (غ) والتى شاركت فى تجهيزها والذهاب معها إلى الكوافير بل وهى التى إختارت لى كرافتة العرس والتى تظهر فى صور الزواج التى أخذت فى أستديو (فارتى) !!
فى اليوم التالى تقابلنا كالعادة فى الأكاديمية ... أخبرتنى وفاء بالحصل .. تعجبت تماما مما قامت به (غ) لم نجد لها أى مبرر
لتقوم بتلك الفعلة .. لم تحضر للأكاديمية ذلك اليوم .. ولم نسألها لماذا فعلت ذلك حتى اللحظة !!!
قمنا بإخراج (صور الزواج) من درج (مكتبى) الذى وجدنا أنه تعرض للعبث بمحتوياته .. بالفعل إتضح أن هنالك مجموعة من الصور قد إختفت (شالت من كل لقطة صورة !!) .. أخبرتنى وفاء بأنها رأت ملامح الحزن والغضب تكسو وجه والدتها فى ذلك الصباح وهى توصلها إلى مكان عملها فأخبرتها إنو لازم نطرق على الحديد وهو ساخن وإنو طالما السألة إنكشفت فأحسن (نشوت) الموضوع .. لا أدرى لماذا عندها فكرت بل خطر لى أن حل هذه المشكلة فى يد (حاج محمد) ذلك المصرى-السودانى أو (السودانى - المصرى) الذى يمتلك مغالق ومحلات فى مدينة (بحرى) .. تعرفت عليه من خلال صديق لى عندما كنت أقوم ببناء منزلى الذى كنت أقوم بإعداده لوفاء .. كان على علم بعلاقتى بوفاء كما كان قد تعرف على والدة وفاء وجمعت بينهما (معاملات) فى الجهه التى تعمل بها .
ذهبنا ظهر ذلك اليوم إلى حاج محمد فى المغلق فقابلنا بإبتسامته المعهودة وهو يرى وجوهنا وقد إعتراها العبوس قائلاً :
- ايه مالكم الليلة حزاينى كده ؟
أخبرت حاج محمد بما نحن فيه .. أعطيته قسيمتى الزواج الإثنتين وكذلك صور العرس !! قال لى قولة لا زال صداها يتردد فى أذنى :
- يا فاتح يابنى مافيش حاجه فى الدنيا ماليهاش حل إلا الموت !! أى شئ تانى بيتحلا !! ..... كيف قام حاج محمد بحل الموضوع ده الح نشوفو فى الحلقه الجاية من (المسلسل) فقط أبقوا معنا !!!! |
صباح الخير وفاء والفاتح وأهل البوست..
الأصدقاء..
هل هم حقا اصدقاء؟؟
لماذا نحبهم ونأتمنهم علي اسرارنا ومصيرنا بينما هم يسعون لتدميرنا؟؟
الخيانه..نعم هي الكلمه التي تكشف الضعف في علاقات نظنها أنها قويه الا ان يصدمنا فعلا منهم
يجبر الؤيه لأن تنقشع تاركه حسره وألم..ليس فقط علي سنوات الود والوحب الذي اعطيناه..بل علي
سنوات الغباء أو الطيبه او الأصل الكريم..فلم نري من قبل قبحهم وسواد نواياهم!!
الا ان ما يؤلمنا بشده الأن..يريحنا غدا..يتفتح وعينا أكثر في علاقاتنا علي جوانب الملاحظه والتفحص مع الحب..وننضج أكثر..
.........
.........
اتتبع بشوق شديد ماتكتب..قصتكم فيها تجارب كثيره جدا..وافعال شقيه أحبها لأن فيها نقاء واصرار..
ومن سطورك هنا سأفتح بوستات باذن الله عن الخيانه..
وآخر عن الأصدقاء..شوفت انت بتجيب الأفكار كيف؟؟
منتظرنكم مع كثير من الأحساس بانكم لنا اقرب..
|
Post: #121
Title: Re: وأنا اقول شوفتك وين؟؟
Author: Safa Fagiri
Date: 12-30-2007, 08:51 PM
Parent: #119
العزيزة منى
حضرت هذا الحوار
وهو يعكس صورة راقية
للتواصلوالتعايش
الحميم بين
مختلف الالوان ..
كانت حلقة
راقية
لفت انتباهي
ثقافة الورود
العالية..
شكرا يامنى لايراد
ذلك هنا.....
ناصع مودتي
وامتناني...
|
Post: #126
Title: Re: وأنا اقول شوفتك وين؟؟
Author: الفاتح يوسف جبرا
Date: 12-31-2007, 03:16 PM
Parent: #1
أخذ منى (حاج محمد) صور الزواج ومعاهم القسيمتين ووضعهم داخل درج مكتبو وهو يخاطبنى :
- أنا بعدين بعد فطور رمضان ح أسوق معاى أم الأولاد ونمشى لى (أم وفاء) و ح أتكلم معاها وبإذن الله يحصل خير
- ما فاهم ؟ ح يحصل شنو يعنى
- (وهو يبتسم) ك إنت بس خليك فى بيتكم جاهز ومحضر شنطتك !!
وعدنا (والدنيا نهار رمضان) إلى الأكاديمية .. كان وقت العمل قد إنتهى .. قادت وفاء عربتها فى مشوارها اليومى لاخذ والدتها من العمل وقت أنا عربتى متجها لمنزلى وبداخلى تساؤلات عدة عما سوف تسفر عنه محاولة (حاج محمد )... بعد الإفطار شرعت فى تحضير شنطة وضعت فيها بعض ملابسى وإحتياجاتى .. إرتديت ملابسى وجلست أنتظر كانت معى بعض شقيقاتى ينتظرن معى .. مر الوقت بطئياً وفجأة دق باب الشارع .. هرعت إليه .. كانت وفاء وآثار البكاء والدموع فى عينيها :
- خلاص يلاكا
- نمشى وين ؟
- خلاص يلا نمشى أى حته
لم يكن الظرف يسمح بأى تساؤلات أو إستفسارات من جانبى فقد كانت وفاء غير قادرة على الكلام .. وضعت شنطتى على العربة
ودعت شقيقاتى اللواتى كن يقمن بعناق وفاء وهن يبكين ربما فرحا ... ربما
وأنا أقود العربة كان الصمت يلفنا .. بين الحين والحين كنت أنظر إلى وفاء واجدها لا زالت تكفكف دموعها بمنديل الورق الذى فى يدها
.. قمت بإيقاف العربة أمام المحطة الوسطى بأم درمان قدام محل (خيرات) الزمان .. تركت وفاء فى العربه ومشيت إشتريت ليا (بشكيرين) و(سفنجتين) وفرش ومعجون أسنان وكم صابونة حمام
- هسع ح نمشى وين؟
أجابتنى وفاء وقد عادت بعض الشئ لحالتها الطبيعية : يلاك ناس (سلوى) فى أمبده ، كانت (سلوى) التى تعمل الآن فى مجال الـITبإحدى الشركات الألمانية المشهورة بالخرطوم زميلة (وفاء) تعمل بالتدريس Part-Timer بالأكاديمية ذهبنا لهم بمنزلهم بام بده فى الطريق بدأت وفاء تقص لى ما حدث وكيف أن حاج محمد وزوجته قد أقنعا (والده وفاء) بألا تخسر إبنتها التى ربما تلجأ للإنتحار وأطلعاها على قسيمة (الكنيسه) وصور مراسم الزواج بها وكيف أن حاج محمد طلب من وفاء أن تجلس على الأرض وتبوس رأس والدتها حيث فى تلك اللحظة تعانقتا وبكتا بكاء مرا !! ذلك البكاء الذى رأيت آثاره على عينى وفاء عند حضورها لى بالمنزل !!
وصلنا إلى منزل (سلوى) حيث قابلنا والدها (البروفيسور) وبقية أفراد أسرتها بالتهليل والتبريكات وجلسنا بينهم جلسة تنم عن سعادة بالغه منهم لما آل إليه حالنا ... وخرجنا منهم ... كانت ساعه العربة تشيرإلى العاشرة ليلاً ... إلى أين ؟ هذا هو موضوعنا القادم بإذن الله ... أبقوا معنا !!
|
Post: #129
Title: Re: وأنا اقول شوفتك وين؟؟
Author: Muna Khugali
Date: 12-31-2007, 05:50 PM
Parent: #126
وأنا أقود العربة كان الصمت يلفنا .. بين الحين والحين كنت أنظر إلى وفاء واجدها لا زالت تكفكف دموعها بمنديل الورق الذى فى يدها
.. قمت بإيقاف العربة أمام المحطة الوسطى بأم درمان قدام محل (خيرات) الزمان .. تركت وفاء فى العربه ومشيت إشتريت ليا (بشكيرين) و(سفنجتين) وفرش ومعجون أسنان وكم صابونة حمام
عرس ده ولا رحلة كامبنج؟؟
.............
.............
حتي الآن المواقف الصعبه جدا كانت تمر بها وفاء أكثر منك يالفاتح..أعلم أن معاناتك انت كانت لمعاناة وفاء أكثر..والسبب أنك رجل وكذلك مسلم يحق لك الزواج من كتابيه..ولا يهتم المجتمع كثيرا ان التزمت بوجهة نظر المجتمع ام ان كان هناك رفضا..ولن اتحدث عن شقيقاتك وأشقاؤك الذين دعموا من موقفك..فهذا موقف اسري جميل يضاف الي حظك في معاناة أقل..
ليس سهلا علي الأطلاق ما حدث..
أتخيل تلك اللحظه..لحظة المواجهه الحقيقيه بين وفاء ووالدتها..
القضيه ليست فقط قضية دين..ولا هي قضية اجتماعيه..
هي أيضا قضية ذلك الرابط القوي بين الأم وابنتها..
الأنتظار لتزويج الأبنه كما نرغب نحن كأمهات..حلم مشروع لنا فان لم يحدث يصيبنا الحزن والألم..
هذا الألم الذي توقعه صديقكم الشيخ وكان محقا..وجعله يطلب من وفاء الجلوس علي الأرض وتقبيل رأس والدتها..
كل هذه المواقف الصعبه تعكس حبا كبيرا..يربط بينكما..وأعتقد أنه بسبب تلك المواقف التي اجتزتوها..استمر الحب في النمو وربطكم أكثر..
كم منا تمني نفس الحب وقوة صدقه؟؟
وكم منا صمد في تجربته امام كل ما يبدوا لنا مستحيلا؟؟
ننتظرك في شوق متزايد..مع كل الحب والود..
|
Post: #128
Title: Re: وأنا اقول شوفتك وين؟؟
Author: kamal ali
Date: 12-31-2007, 05:29 PM
Parent: #1
الفاتح جبرا
ـــــــــــــــ
والله دى حكايه من الف ليله وليله , بالرغم من انك ماأنتهيت لكنى بديت افكر فى
اسامه انور عكاشه يلقوه وين عشان يعيد لينا زمن ليالى الحلميه الكان اخر مسلسل
واقعى امتع كل الدنيا وبعدو امتلات الفضائيات بالتفاهات الخلت الناس تقاطع المسلسل
اليومى ,
اها يامنى همتك معاى نشوف الراجل ده وين عشان يعمل لينا سيناريو لمسلسل فلته اسمه
( ليالى ابروف وبيت المال ) .
واصل ياصديقى فالسرد غايه فى الامتاع , وخطيره يامنى بتعرفى تطلعى الحاجات !
|
Post: #130
Title: Re: وأنا اقول شوفتك وين؟؟
Author: الفاتح يوسف جبرا
Date: 12-31-2007, 07:02 PM
Parent: #1
شكراً عزيزتى منى ... شكراً صديقى كمال .. شكرأ للجميع ... عام جديد ملئ بكل ما هو جميل ....آمين
|
Post: #131
Title: Re: وأنا اقول شوفتك وين؟؟
Author: Muna Khugali
Date: 12-31-2007, 09:08 PM
Parent: #130
كل سنه وجميعكم زوار وقراء هذا البوست
وأهل الوطن بخير..
كل عام وكل الخيرين في ازدياد..
نسأل الله عاما جديدا ترتاح فيه النفوس من تعبها ويعم السلام كل أرجاء الوطن...
شكرا الفاتح جبرا وكل سنه وانت واسرتك في حب ترابط أكبر..
|
Post: #133
Title: Re: وأنا اقول شوفتك وين؟؟
Author: الفاتح يوسف جبرا
Date: 01-01-2008, 03:16 PM
Parent: #1
خرجنا من منزل أسرة صديقتنا (سلوى) التى قام أفرادها بوداعنا حتى قمنا بركوب العربه التى كانت ساعتها تشير العاشرة ليلاً .. إنطلقنا ولم نكن نحدد إلى أين .. كان الصمت يلفنا مجددا غير أن فى تلك اللحظة كان يشغل ذهنينا شئياً واحداً وهو ماذا كان يحدث فى (منزل ناس وفاء) فى تلك اللحظة واللحظات التى تلت خروجها ... لم يكن من الممكن معرفة شئ عندها لكن لم يمنعنا ذلك من التفكير ... !!
فجأة وجدت نفسى وقد نزلت بالعربة من (كبرى برى) - القوات المسلحة - وأنحرفت يساراً .. تذكرت أن فندق (القرين فليدج) يقع بالقرب من هناك فتوجهت له .. على كاونتر الإستقبال وضعنا الشنط .. لم يكن مظهرنا يوحى بأننا (عرسان) إذ لا توجد تبعات ذلك من (حنة) و...... أشياء أخرى .. أجابنى موظف الإستقبال بوجود أماكن (وحدات) شاغرة وقبل أن يطلب منى تسليمه (قسيمة الزواج) كنت قد أخرجتها من جيبى وسلمتها له .. فقام بتسليمنا مفتاح (الوحدة رقم 16) .. فى ذلك الليل الرمضانى البارد سار أمامنا دليل الفندق يرشدنا إلى مكان (الوحدة) حيث سوف نقيم كان الصمت والإضاءة الخافتة يلفان المكان ونحن نسير على النجيلة المبتلة الباردة تارة وتارة على الممرات الأسمنتية الضيقه .. أدار (دليل الفندق) مفتاح باب الوحدة الخارجى .. فتح الباب أضاء النور ثم خرج !!
كان أول شئ فعلناه هو الإتصال بصديقة وفاء وجارتها فى الحى (مدينة) والتى أصبحت حجرتها هى (غرفة العمليات) التى تقوم بتزويدنا بالأخبار عن ردود الفعل (المسيحية) تجاه الموضوع .. أخبرتنا (مدينة) بإنو الواطه مقلوبه .. وأن منزل ناس وفاء مليان ناس (من أهلهم) إضافة إلى بعض نساء الحى صديقات وجارات والدتها .. كما أن هنالك عدد من القساوسة قد حضروا ... جلسنا أنا ووفاء بعد تلك المحادثة فى فى كراسى الجلوس الوحيدة بملابسنا تلك حتى الصباح .... كانت تلك أول ليلة تنام فيها والدة وفاء (وحيدة) دون وفاء ... !! وكان ذلك أول يوم فى (شهر العسل) .. كيف كانت بقية الشهر ؟ هذا ما سوف نعرفه المرة القادمة ...
|
Post: #134
Title: Re: وأنا اقول شوفتك وين؟؟
Author: Muna Khugali
Date: 01-01-2008, 03:52 PM
Parent: #133
| Quote: كان أول شئ فعلناه هو الإتصال بصديقة وفاء وجارتها فى الحى (مدينة) والتى أصبحت حجرتها هى (غرفة العمليات) التى تقوم بتزويدنا بالأخبار عن ردود الفعل (المسيحية) تجاه الموضوع .. أخبرتنا (مدينة) بإنو الواطه مقلوبه .. وأن منزل ناس وفاء مليان ناس (من أهلهم) إضافة إلى بعض نساء الحى صديقات وجارات والدتها .. كما أن هنالك عدد من القساوسة قد حضروا ... جلسنا أنا ووفاء بعد تلك المحادثة فى فى كراسى الجلوس الوحيدة بملابسنا تلك حتى الصباح .... كانت تلك أول ليلة تنام فيها والدة وفاء (وحيدة) دون وفاء ... !! وكان ذلك أول يوم فى (شهر العسل) .. كيف كانت بقية الشهر ؟ هذا ما سوف نعرفه المرة القادمة ... |
وبين تعليقات مثل..
ازاي ده حصل يا جورجيت؟
وآخر..
وازاي يا طنط وفاء تعمل كده؟
ثم استغفارات مناداة مثل
يا يسوع!
ثم يأتي صوت قريبة الخاله جورجيت وهي تشهق بكلمات سودانيه..مثل..
سجمي ومعاها خبطه علي الصدر...
هي وفاء دي جنت يا جورجيت؟
اتخيل والدة وفاء جالسه..تمسح دموعها..تبكي ثم تحاول أن تجمد أمامهم..
ممكن شويه يالفاتح حبة تعليقات عن الكلام زي ما نقلته ليكم غرفة العمليات؟؟
مثل هذه المواقف نعرف مايجري فيها باللغه السودانيه "المسلمه" لكن السودانيه "المسيحيه" عايزه زيادة شرح منك ومن وفاء
بنحبكم شديد مع 2008
|
Post: #135
Title: Re: وأنا اقول شوفتك وين؟؟
Author: الفاتح يوسف جبرا
Date: 01-01-2008, 11:01 PM
Parent: #1
منى الحبيبه ... بعد ما أحكى وإنتهى .. وفاء كمان ح تحكى .. إنتو بس خليكم معانا
|
Post: #137
Title: Re: وأنا اقول شوفتك وين؟؟
Author: Muna Khugali
Date: 01-02-2008, 01:49 AM
Parent: #135
سمح برضه أنا عندي سؤال جانبي كده ممكن؟؟
انت ليه المصوراتيه الفي فارتي ديل..كان جنهم يوقفوا العروسه قصاد العريس وذراعها علي صدره وكمان يصروا عليهم يعاينو لي بعض؟؟؟
|
Post: #139
Title: Re: وأنا اقول شوفتك وين؟؟
Author: Muna Khugali
Date: 01-02-2008, 01:31 PM
Parent: #135
| Quote: منى الحبيبه ... بعد ما أحكى وإنتهى .. وفاء كمان ح تحكى .. إنتو بس خليكم معانا |
بختنا شديد.في الأنتظار للجميل
|
Post: #138
Title: Re: وأنا اقول شوفتك وين؟؟
Author: الفاتح يوسف جبرا
Date: 01-02-2008, 05:22 AM
Parent: #1
Quote:
سمح برضه أنا عندي سؤال جانبي كده ممكن؟؟ انت ليه المصوراتيه الفي فارتي ديل..كان جنهم يوقفوا العروسه قصاد العريس وذراعها علي صدره وكمان يصروا عليهم يعاينو لي بعض؟؟؟
|
تعرفى يا منى قصة التصوير فى فارتى دى براها قصة تانية أنا إختزلتها عشان الزمن ... وأنحنا ماشين نعمل مراسيم الزواج الفى الكنيسة غشينا إستديو فارتى عشان نتصور ... الأستديو كان تعبان جداً .. التصوير فى طابق فوق تطلعى ليهو بى سلم خشب متآكل .. الراجل المصوراتى كان زول أخدر نحيف .. أها الظاهر عندو نظريه فى حكايت الوقفة بتاعت العروسين دى .. قام وقفنا الوقفه أياها القلتيها .. أنا ووفاء قلنا الصور دى ما ح تطلع كويسة قمنا بعد ما عملنا مرلسيم الكنيسه وماشين أم درمان عشان الحفلة العملتا لينا (صفاء مهدى الحلو) فى بيتهم قمنا مشينا ببحرى وإتصورنا تانى فى أستديو أتذكر إسمو (Silver Moon) أو حاجه ذى كده !! وكان تصويرو أجمل من فارتى !!
|
Post: #140
Title: Re: وأنا اقول شوفتك وين؟؟
Author: kamal ali
Date: 01-02-2008, 05:58 PM
Parent: #138
ياجماعه الزول ده مشى وين ؟
|
Post: #141
Title: Re: وأنا اقول شوفتك وين؟؟
Author: الفاتح يوسف جبرا
Date: 01-02-2008, 07:09 PM
Parent: #1
| Quote: ياجماعه الزول ده مشى وين ؟ |
أنا قاعد أيها الصديق الشفيف الأنيق .....
بس مشغول شوية مع كتابت سيناريوهات الجمعه الجايه ... بمجرد ما إنتهى من الكتابه ح أقوم أواصل فى (المسلسل) ... إن شاء الله للوكت داك (منى) تكون ظهرت وعلقت على مسالة استديو (فارتى) ... وبينى وبينك كده الظاهر (منى) دى عندها ذكريات مع الاستديو ده !!!
|
Post: #142
Title: Re: وأنا اقول شوفتك وين؟؟
Author: kamal ali
Date: 01-02-2008, 11:43 PM
Parent: #141
انا برضو قلت كده , غايتو بعد ماتنتهى حنجرجرها عشان نعرف الموضوع يمكن نطلع
كمان ( بليالى فارتى ) , منتظرين ,
|
Post: #143
Title: Re: وأنا اقول شوفتك وين؟؟
Author: Muna Khugali
Date: 01-03-2008, 00:36 AM
Parent: #142
Quote: أنا قاعد أيها الصديق الشفيف الأنيق .....
بس مشغول شوية مع كتابت سيناريوهات الجمعه الجايه ... بمجرد ما إنتهى من الكتابه ح أقوم أواصل فى (المسلسل) ... إن شاء الله للوكت داك (منى) تكون ظهرت وعلقت على مسالة استديو (فارتى) ... وبينى وبينك كده الظاهر (منى) دى عندها ذكريات مع الاستديو ده !!! |
Quote: انا برضو قلت كده , غايتو بعد ماتنتهى حنجرجرها عشان نعرف الموضوع يمكن نطلع
كمان ( بليالى فارتى ) , منتظرين , |
في استوديو كان اسمه نوبار..
ده الستوديو الوحيد الكنت بتصور فيه..وصراحه ماتضحكوا علي..ما بتذكر اتصورت وين في عرسي!
استوديو نوبار ده كان صاحبه والزول البيصور معاه ناس لطيفين جدا وفي غاية التهذيب..صوري
لأمتحانات المراحل الدراسيه والبطاقه الجامعيه ومابينهم كله كان عنده...أكون كنت بحبه؟؟
لكن الغريبه أي زول بعرفه اتصور في فارتي..عامل كده زي مستلزمات الزواج والشبكه والعوارات ديك..لازم المصوراتي يكون فارتي..
عارف فارتي ده كان من معالم الخرطوم؟؟
لو شاطر يا كمال تقول شنو هي باقي المعالم في المنطقه ديك..اها قلت شنو؟؟
مساء النور علي الحلوين...
|
Post: #144
Title: Re: وأنا اقول شوفتك وين؟؟
Author: kamal ali
Date: 01-03-2008, 01:02 AM
Parent: #143
اذكر كان فى مطعم اسمه الامريكيين , ولقدام فى نفس البرنده بنك النيلين ,
لكن ده مابحلك ,( بعدبن زكوب العجله مابتنسى ) معقول زول ينسى الليله ديك ,
|
Post: #145
Title: Re: وأنا اقول شوفتك وين؟؟
Author: Muna Khugali
Date: 01-03-2008, 01:23 AM
Parent: #144
Quote: اذكر كان فى مطعم اسمه الامريكيين , ولقدام فى نفس البرنده بنك النيلين ,
لكن ده مابحلك ,( بعدبن زكوب العجله مابتنسى ) معقول زول ينسى الليله ديك , |
انت يا كمال ماعرست قبل كده يعني ولا شنو؟؟
ياخ اثقل حاجه الكوافير..والمصوراتي والناس الكتيره كبار علي صغار مادين ايدبنهم مع بعض يقولوا مبروك!
الزول بيكون فتران جدا..كام يوم ياخ قبل حفلة الزفاف دي الحنانه ودي العجانه ودي الرقاصه وديل البنات جو يغنو ليك!
ويم الحفله ده اطول يوم في التاريخ من الساعه كم في الكوافير..حالتها كانت واحده فيبيتها وكنت انا بس زبونتها في اليوم داك..كانت قبطيه وشاميه في وقت واحد وساكنه الخرطوم 2 ..وبعد كده هيصه اما تصل النادي وزحمه كتيره وزغاريد وموسيقي عاليه وأييييييييييييييييييييييييييك!
والعجب شنو..فجأه تطقك جوعه كده ومافي طريقه تاكل.
يعني أنا آكل كيف والمكياج الملطخين وشي بيه ده اسوي ليه شنو..وايديني الملبسنها زي قفازات
بوليس الحركه دي اعمل فيها ايه؟؟
وبعدين الناس دي كلها اليوم داك تحبك حب فوق العاده..اي زول عايز يقول مبروك ويبوسك..كانك ملاك ولا معجزه ,,وهي الشغلانه كلها فستان ابيض وطرحه بيضاء ولا عارفه ذاته الشالهم منو بعد العرس!
تقعد تشتري وتقول أحفظه تذكار..تذكار شنو هو الزول ذاته قاعد يروح فيها بقت علي الفستان!
ومن هنا وحيث نقف اقل في عظمه وصدق وانا اركز نظراتي عليك أقسم امامكم وأمامهم..
...
وحياة المصحف الشريف ما متذكره اتصورت في ياتو استوديو..
صدقت؟؟
|
Post: #148
Title: Re: وأنا اقول شوفتك وين؟؟
Author: kamal ali
Date: 01-03-2008, 06:00 PM
Parent: #145
والله حليفتك طلعت بره فى الشاشه , مصدقك ياعسل ,
طبعا انتو بتنسوا بسببكم لكن نحنا مابننسى لانو كنا بندفع من دم قلبنا ,
حق الكوفير ـ حق الصور ـ حق الجرتق ـ حق البنات ـ وحاجات استنزاف هبله كده
يشارك فيها اهلك واهل العروس وكلهم يحلبوا فيك , المصيبه انو الاستنزاف ده مستمر
حتى الان , عشان كده انا حأقول بصوت عالى ( ياعرسان السودان اتحدوا ) لايقاف هذا
الاستكراد , ( النسوان قاعدين يستغلوكم يوم الدخله ) ..
|
Post: #152
Title: Re: وأنا اقول شوفتك وين؟؟
Author: الفاتح يوسف جبرا
Date: 01-04-2008, 06:49 AM
Parent: #1
فندق (القرين فليدج) فندق يمتاز بالهدؤ لأنه مقسم فى شكل (وحدات) منفصلة متباعدة ... كانت الدنيا رمضان .. وفى رمضان يكون الجو أكثر هدوء .. نصحو صباحا نذهب إلى المطعم لتناول الشاى والإفطار ثم نعود لنتصل بغرفة العمليات .. (مدينة صديقة وفاء) لتوافينا بأخبار (الصباح) .. كان كل همنا هو أن تكون (جوجيت والدة وفاء) بخير وإنها قد إنصاعت لما فرضه الأمر الواقع .. وأن المسألة لم تؤثر فيها رغم وجود عدد كبير من بتوعين (الشمارات) والذين يحاولون تأجيج (نيران) الموضوع .
كنا نخرج لتناول طعام الإفطار الذى يقيمه الفندق والذى يصاحبه ويعقبه حفل غنائى وفواصل تقدمها بعض الفرق الكوميدية .. أحايين اخرى كنا نخرج لتناول الإفطار خارج الفندق ... زارنا عدد كبير من أصدقاءنا وصديقاتنا ... كما شقيقاتى أيضاً .. فى إحدى زيارات شقيقتى (رشيده) لنا بالفندق أخبرتنا أن لإبن (عمى عباس) قد تقدم لزواج شقيقتى (نائلة) وأن الزواج سوف يتم بعد العيد مباشرة .. وجدتها فرصة لإشهار زواجنا .. طلبت منها أن تكون الدعوة للزواجين معاً (نائلة - عباس) - (وفاء - الفاتح) .... وقد كان ففى اليوم المحدد قمنا بتكرار المسألة ... إرتدت وفاء فستان الفرح وإرتديت بدلة الفرح .. وحضرنا بالعربة المزركشة إلى داخل خيمة العرس كأى عرسان وجلسنا على الكوشة نتلقى التهانى ... كما كان على الكوشة الأخرى تجلس شقيقتى وعريسها !!
إنتهى الحفل ودخلنا إلى منزلنا الذى كنت قد قمت بإعداده تماما قبل الزواج .... لنبدأ حياة جديدة لا يعكر صفوها إلا الموقف الحاد الذى إتخذته والدة (وفاء) !! ... هل تغير هذا الموقف؟ سوف نرى !!
|
Post: #155
Title: Re: وأنا اقول شوفتك وين؟؟
Author: Muna Khugali
Date: 01-05-2008, 02:39 AM
Parent: #152
غدا لنا لقاء باذن الله..
|
Post: #219
Title: Re: وأنا اقول شوفتك وين؟؟
Author: Muna Khugali
Date: 02-29-2008, 07:21 PM
Parent: #155
مالكم يا جماعه؟؟
فترتوا؟؟
|
Post: #156
Title: Re: وأنا اقول شوفتك وين؟؟
Author: الفاتح يوسف جبرا
Date: 01-05-2008, 03:37 PM
Parent: #1
إنتهت مراسم الزواج والإشهار وعرف الجميع بزواجنا .. بدأنا فى ممارسة حياتنا الطبيعية ولكن فى قرارة نفسينا لم يكن الفرح مكتمل .. كنت أحس بما يعتمل فى نفس وفاء من حزن .. كانت تتصل بوالدتها تلفونيا غير أن ردود والتها عليها كانت (جافة) بعض الشئ وفى أحيان كثيرة (مسيخه) ... بعد مضى حوالى الشهر يبدو أن والدتها أحست بأن (الحصل اصلو حصل) وعليها أن تواجه الواقع وألا تنبذ إبنتها ..
.. بدأت وفاء بزيارة منزل أسرتها .. كنت أقوم بتوصيلها بعربتى إلى (راس الشارع) حيث تنزل إلى منزلهم وتجلس مع والتها لأعود بعد ساعات وأقف على (رأس الشارع) فى ذات المكان وأضرب (البورى) لتخرج لى ونذهب إبى منزلنا سوياً ... بالطبع كنت ممنوع من دخول منزل أسرتها ... قالت لى (مدينه) التى كانت تتولى (غرفه العمليات) [ان والده وفاء صرحت بأنها تشوف الشيطان ما تشوفك !!!
تقريبا عصر كل يوم كنت أقوم بالمشوار إياه .. أوصل وفاء إلى منزل والدتها وأقف فى (راس الشارع) وبالليل أحضر وأقف فى ذات المكان وأضرب (البورى) وتخرج لنعود إلى منزلنا ... إستغرق هذا الأمر حوالى ثمانية أشهر ولم يتوقف إلى أن اصبحت وفاء (تقيله)
ولا تستطيع المشى بل ومن المتوقع أن تضع مولودها فى أى وقت !! عندها كانت تتصل بوالدتها يوميا أكثر من مرة وتتحدث معها ..
أنا أحب (البنات) بصورة غير عادية ... عندما بدأت أعراض الحمل على وفاء غمرتنى سعاده شديده .. مشيت السوق إشتريت عدد من (الفساتين) الصغيرة وحاجات (البنات) ... فى مرة ونحن نزور طبيب وفاء المشرف عليها صديقى (دكتور سمير سليمان) طلبت منو يورينى بواسطة الموجات هل المولود ولد وإلا بت ... وضع الـ Scanner على بطن وفاء وقال ليا شوف فى الـ monitor ما كنت شائف شئ محدد لأنو دى كانت أول مرة كنت أعاين لى مولود فى بطن أمو !! لكن فجأة اشار ليا للـصورة الفى الشاشة وقال ليا : بختك يا أبوالفتوح ح يجيلك ولد ... قمت رجعت لى وراء علامت إنى كنت متوقع (بت) قام قال ليا : والله يا الفاتح إنت أول زول يقولو ليهو ح تبكر بى ولد يقول كنت عاوز بت
... وكان الزول الشفتو فى الشاشة ده (ناجى الفاتح جبرا) ... ولادتو كانت كيف ؟ ووالدة وفاء عملت شنو؟ دى فى المرة الجايه خليكم معاى !!
|
Post: #158
Title: Re: وأنا اقول شوفتك وين؟؟
Author: الطيب شيقوق
Date: 01-05-2008, 08:09 PM
Parent: #156
| Quote: أحب جدا الكتابات الواقعيه عن أحوالنا وعن تجاربنا..عن أفكارنا اثناء تجاربنا..احس فيها بالوجود أكثر.. |
عظيمة يا منى بس الفاتح فات الكبار والقدرو الله يحفظه الاخ الفاتح انسان رائع بحق وحقيقة
|
Post: #159
Title: Re: وأنا اقول شوفتك وين؟؟
Author: Muna Khugali
Date: 01-06-2008, 02:12 AM
Parent: #158
Quote: إنتهت مراسم الزواج والإشهار وعرف الجميع بزواجنا .. بدأنا فى ممارسة حياتنا الطبيعية ولكن فى قرارة نفسينا لم يكن الفرح مكتمل .. كنت أحس بما يعتمل فى نفس وفاء من حزن .. كانت تتصل بوالدتها تلفونيا غير أن ردود والتها عليها كانت (جافة) بعض الشئ وفى أحيان كثيرة (مسيخه) ... بعد مضى حوالى الشهر يبدو أن والدتها أحست بأن (الحصل اصلو حصل) وعليها أن تواجه الواقع وألا تنبذ إبنتها ..
.. بدأت وفاء بزيارة منزل أسرتها .. كنت أقوم بتوصيلها بعربتى إلى (راس الشارع) حيث تنزل إلى منزلهم وتجلس مع والتها لأعود بعد ساعات وأقف على (رأس الشارع) فى ذات المكان وأضرب (البورى) لتخرج لى ونذهب إبى منزلنا سوياً ... بالطبع كنت ممنوع من دخول منزل أسرتها ... قالت لى (مدينه) التى كانت تتولى (غرفه العمليات) [ان والده وفاء صرحت بأنها تشوف الشيطان ما تشوفك !!! |
يعني بقي حالك زي
يا داخل بين البصله وقشرتها........
موقف والله لا تحسد عليه..لكن طبعا كنت بتقول ما مشكله مصيرها ترضي..المهم وفاء تكون معاها كويسه..موش؟؟
حلوه علي فكره حكاية المواعيد البينكم دي..فيها تغيير من الروتين..
منتظرنك الصباح...انت كمال وينه؟؟
|
Post: #167
Title: Re: وأنا اقول شوفتك وين؟؟
Author: Muna Khugali
Date: 01-08-2008, 07:03 PM
Parent: #156
| Quote: ... وكان الزول الشفتو فى الشاشة ده (ناجى الفاتح جبرا) ... ولادتو كانت كيف ؟ ووالدة وفاء عملت شنو؟ دى فى المرة الجايه خليكم معاى !! |
اللهم أجعله خير
|
Post: #160
Title: Re: وأنا اقول شوفتك وين؟؟
Author: الفاتح يوسف جبرا
Date: 01-06-2008, 07:34 AM
Parent: #1
| Quote: عظيمة يا منى بس الفاتح فات الكبار والقدرو الله يحفظه الاخ الفاتح انسان رائع بحق وحقيقة |
أخى الطيب شيقوق .. مشتاقين كتير .. ألف شكر على هذا الحديث الطيب مثلك تماماً
|
Post: #161
Title: Re: وأنا اقول شوفتك وين؟؟
Author: الفاتح يوسف جبرا
Date: 01-06-2008, 07:38 AM
Parent: #1
الغالية منى ...
أنا ذاتى بسال (كمال) ده مشى وين ؟ عندو (زوغات) كده ذى (زوغاتك) بيعرفا براهو !!!
|
Post: #162
Title: Re: وأنا اقول شوفتك وين؟؟
Author: الطيب شيقوق
Date: 01-06-2008, 09:20 AM
Parent: #161
| Quote: ... وكان الزول الشفتو فى الشاشة ده (ناجى الفاتح جبرا) ... ولادتو كانت كيف ؟ ووالدة وفاء عملت شنو؟ دى فى المرة الجايه خليكم معاى !! |
انا عايز اعرف كيف كانت مراسم السماية يا الفاتح اخوى والختان كيييييييييييييييف ( اخشى يكون زى لغم ابيي الغنية بالنفط) ولكن دعنى استدرك واقول ان قوة الدفع الغرامية التي تخطت تخلفنا الثقافي كفيلة بتخطي مثل تلك الصغائر .
|
Post: #163
Title: Re: وأنا اقول شوفتك وين؟؟
Author: Muna Khugali
Date: 01-06-2008, 11:18 PM
Parent: #162
كل سنه وانتو طيبين..وعيد سعيد..
ليكم ولكل الأقباط ومن ناسبوهم ومن حبوهم زينا كده..
وبختكم..هايصين في الأعياد كلها ماشاء الله..
لاكوا خالين عيد رمضان لاكوا خالين عيدالضحيه..
يجي الكريسماس ماتقصروا وتتموه كمان في 7 يناير..
الرسول يا وفاء اختي ..تخلي لي عليبة صغيره من خبيزكم السمح داك..عرفتو سمح لأنه الأقباط
مشهورين بيه وصاحباتي كلهم كان باكل ليهم خبيزهم..انا بجي أكلوا ان شاء الله بعد الأنتخابات
وتقسيم السودان..
باكل وببكي..لكن ما مشكله ما طول حياتي باكل وابكي!
وجرادلك الراصاها دي ما بسحرها ليك..لكن عاجباتني..
عيد سعيد وفرحان..وبوسوا لينا العيال..
|
Post: #164
Title: Re: وأنا اقول شوفتك وين؟؟
Author: kamal ali
Date: 01-07-2008, 01:26 AM
Parent: #1
مــنى :
ــــــ
كمال قاعد ومتابع لكن انتى عملتى بالمثل ( الفيك بدربوا ) . لانك انتى المافى ..
بدليل انو مداخلتى الفوق ماقريتيها ,,
الفاتح :
ـــــــ
انا متابع بشده وتصدق الفلم ده انا داخلو ايامى الكنت فى بيت المال لكن ماكنت
قائل ( الخاين ) انت ,, نسيبتك دى ماجارتنا ,, لكن بعد ده انت ما ( شامى كابور ) زاتو ..
دفارات من المحبه ,,
|
Post: #169
Title: Re: وأنا اقول شوفتك وين؟؟
Author: Muna Khugali
Date: 01-11-2008, 06:28 PM
Parent: #164
الفاتح أخوي مالك مطول الغياب؟؟
نعلك متوعك؟
بعد الشر عليك..
محتفل لسه؟؟
ولا العواميد عصلجت معاك وزهجتك؟
ولا آخر قصه حكيت بدايتها ماقادر تتمها؟؟
ياخ صراحه شفقنا عليك..
وكمان مشتاقين نسمع..
|
Post: #171
Title: Re: وأنا اقول شوفتك وين؟؟
Author: الفاتح يوسف جبرا
Date: 01-15-2008, 02:24 PM
Parent: #1
الأحباء الأعزاء
بعد أن عاد إلينا (التيار الكهربائى) نواصل بإذن الله ما إنقطع من حلقات هذا (المسلسل) ... تابعونا
|
Post: #172
Title: Re: وأنا اقول شوفتك وين؟؟
Author: Muna Khugali
Date: 01-15-2008, 03:40 PM
Parent: #171
لا اله الا الله محمدا رسول الله!
بركه يايابا الشوفناك طيب..
|
Post: #173
Title: Re: وأنا اقول شوفتك وين؟؟
Author: الفاتح يوسف جبرا
Date: 01-15-2008, 06:56 PM
Parent: #1
| Quote: بركه يايابا الشوفناك طيب.. |
إن شاء الله ما تشوفى إلا كل خير يا منى ... شويت عمليات (تسخين) وإعادة (لياقه) وراجع ليكم !! مودتى
|
Post: #174
Title: Re: وأنا اقول شوفتك وين؟؟
Author: salma subhi
Date: 01-15-2008, 08:00 PM
Parent: #173
منى خوجلي العزيزة....
كيف تاه مني هذا البوست ....
التقدير للأستاذ الفاتح يوسف جبرا ولأسرته الكريمة...
مودتي منى
|
Post: #175
Title: Re: وأنا اقول شوفتك وين؟؟
Author: الفاتح يوسف جبرا
Date: 01-17-2008, 02:45 PM
Parent: #1
بدأت أعراض الحمل تبدو على (وفاء) .. كانت سعادتى لا توصف .. كنت أقوم بتوصيل وفاء لزيارة والدتها بصورة يومية وفى وقت محدد ثم أقوم بإعادتها إلى منزلنا .. (كلو من طرف الشارع) .. فى شهرها التاسع أصبحت (وفاء) تزور والدتها يوم بعد يوم .. فى أحدى الليالى وكانت ليلة 2 مايو 2001 توجعت وفاء .. ظللنا مساهرين بالمنزل حتى صباح اليوم التالى حيث قررنا أن نتوجه إلى (الدايات - أم درمان) حيث كانت تحجز بالجناح الخاص ... إتصلت وفاء بوالدتها وأخبرتها أننا فى طريقنا للدايات .. أستقلينا عربتى حيث رافقتنا شقيقتى (رشيده) ومعاها إتنين من الجيران .. عندما توقفنا فى بوابه الدايات فوجئت بشخص يفتح باب العربة ويدخل دون أن يلقى التحية .. كانت والده وفاء .. أدخلنا وفاء إلى غرفة الولادة .. إنتظرنا حوالى ساعتين .. الوقت إمتد للظهر عندها قلت لنفسى (أم وفاء دى بتكون عطشت وكمان تكون ما فاطرة أمشى اجيب ليها سندوتشات وحاجه تشربا) وليتنى ما فعلت (جدعت ليا الكيس غادى) .. تعاملت مع الموقف ببرود .. كانت تذرع الصالة جيئة وذهابا وكنت أنا كذلك .. عندما خرجت وفاء على النقالة وطفلها بين رجليها زغرد الجميع ولم أجد نفسى إلا فى أحضان والدتها .. هنا عرفت أن (المواضيع ح تتحلا) !! بين الدموع والفرح والتهانى تم إدخال وفاء وطفلها إلى الغرفه .. كانت والدتها تنظر إليه فى حنو بالغ .. بدأ الحديث بينها وبين شقيقتى أولا ثم بينى وبينها ... جيب الحاجه دى لو ممكن ... ودى الحاجه دى لو ممكن .. كان من المفترض أن تخرج وفاء لكن المولود أصيب بداء (اليرقان) وكان لابد أن يتم حجزه بعنبر حديثى الولاده فمكثنا شهراً ... كيف كان التعامل فى هذا الشهر ؟ وإلى أى منزل خرجت وفاء وطفلها ؟ هذا ما سوف أقصه عليكم المرة القادمه
|
Post: #176
Title: Re: وأنا اقول شوفتك وين؟؟
Author: Muna Khugali
Date: 01-17-2008, 06:30 PM
Parent: #175
Quote:
بدأت أعراض الحمل تبدو على (وفاء) .. كانت سعادتى لا توصف .. كنت أقوم بتوصيل وفاء لزيارة والدتها بصورة يومية وفى وقت محدد ثم أقوم بإعادتها إلى منزلنا .. (كلو من طرف الشارع) .. فى شهرها التاسع أصبحت (وفاء) تزور والدتها يوم بعد يوم .. فى أحدى الليالى وكانت ليلة 2 مايو 2001 توجعت وفاء .. ظللنا مساهرين بالمنزل حتى صباح اليوم التالى حيث قررنا أن نتوجه إلى (الدايات - أم درمان) حيث كانت تحجز بالجناح الخاص ... إتصلت وفاء بوالدتها وأخبرتها أننا فى طريقنا للدايات .. أستقلينا عربتى حيث رافقتنا شقيقتى (رشيده) ومعاها إتنين من الجيران .. عندما توقفنا فى بوابه الدايات فوجئت بشخص يفتح باب العربة ويدخل دون أن يلقى التحية .. كانت والده وفاء .. أدخلنا وفاء إلى غرفة الولادة .. إنتظرنا حوالى ساعتين .. الوقت إمتد للظهر عندها قلت لنفسى (أم وفاء دى بتكون عطشت وكمان تكون ما فاطرة أمشى اجيب ليها سندوتشات وحاجه تشربا) وليتنى ما فعلت (جدعت ليا الكيس غادى) .. تعاملت مع الموقف ببرود .. كانت تذرع الصالة جيئة وذهابا وكنت أنا كذلك .. عندما خرجت وفاء على النقالة وطفلها بين رجليها زغرد الجميع ولم أجد نفسى إلا فى أحضان والدتها .. هنا عرفت أن (المواضيع ح تتحلا) !! بين الدموع والفرح والتهانى تم إدخال وفاء وطفلها إلى الغرفه .. كانت والدتها تنظر إليه فى حنو بالغ .. بدأ الحديث بينها وبين شقيقتى أولا ثم بينى وبينها ... جيب الحاجه دى لو ممكن ... ودى الحاجه دى لو ممكن .. كان من المفترض أن تخرج وفاء لكن المولود أصيب بداء (اليرقان) وكان لابد أن يتم حجزه بعنبر حديثى الولاده فمكثنا شهراً ... كيف كان التعامل فى هذا الشهر ؟ وإلى أى منزل خرجت وفاء وطفلها ؟ هذا ما سوف أقصه عليكم المرة القادمه |
مشاعرنا الحقيقيه تجاه من هم في حياتنا بأي شكل...تظهر حقيقتها في المواقف العاطفيه او تلك الموتره للأعصاب...
في لحظتها يبدو اي تفكير سلبي سابق أو موقف مبني علي هذا التفكير... غبي ولا معني له..مهما
كان عمق التفكير أو الموقف...
أراهن الجميع ان المولود صار حياه وروح جدته...
بالمناسبه يالفاتح..ممكن نبارك ليك المولود بأثر رجعي؟؟
......
......
|
Post: #177
Title: Re: وأنا اقول شوفتك وين؟؟
Author: الفاتح يوسف جبرا
Date: 01-18-2008, 09:42 AM
Parent: #1
| Quote: بالمناسبه يالفاتح..ممكن نبارك ليك المولود بأثر رجعي؟؟ |
الله يبارك فيكى يا منى ويديكى العافيه ... آمين
شويت مشغوليات كده وراجع ليكم ...
|
Post: #178
Title: Re: وأنا اقول شوفتك وين؟؟
Author: Muna Khugali
Date: 01-18-2008, 05:01 PM
Parent: #177
| Quote: بدأت أعراض الحمل تبدو على (وفاء) .. كانت سعادتى لا توصف .. كنت أقوم بتوصيل وفاء لزيارة والدتها بصورة يومية وفى وقت محدد ثم أقوم بإعادتها إلى منزلنا .. (كلو من طرف الشارع) .. فى شهرها التاسع أصبحت (وفاء) تزور والدتها يوم بعد يوم .. فى أحدى الليالى وكانت ليلة 2 مايو 2001 توجعت وفاء .. ظللنا مساهرين بالمنزل حتى صباح اليوم التالى حيث قررنا أن نتوجه إلى (الدايات - أم درمان) حيث كانت تحجز بالجناح الخاص ... إتصلت وفاء بوالدتها وأخبرتها أننا فى طريقنا للدايات .. أستقلينا عربتى حيث رافقتنا شقيقتى (رشيده) ومعاها إتنين من الجيران .. |
وارتفعت الصوات المختلفه داخل العربه..والفاتح يحاول التركيز في قيادة العربه بينكا هو يرد علي صرخات وفاء...
خلاص يا وفو..قربنا ان شاء الله نصل هسه!
آآآآآآآآآآخ يا بطني سرع يالفاتح انا بولد!
تصبرها رشيده قائله وهي تحوطها بذراعها..
اصبري يا وفاء لسه الوجع بدري عليه..
تتطوع احدي الجارات بونسه محاوله التخفيف..
اليوم داك عواطف والله ولادتها كانت ساهله خلاص..بس دخلت المستشفي طوالي ولدت..انتي كمان ان شاء الله تولدي سريع..
اكملت الجاره الأخري الدعاء بكلمة يامين..ثم أضافت كلمات مثل
هدي سرعتك يالفاتح..السواقه كعبه وانت براك متوتر..ان شاء الله بنحصل..
آآآآآآآآآآآخ الحقيني يا ماما...بطني يا ماما...
مافي زول كلمني قال الألم فظيع كده...سوق سريييع آآآآآآآآه انا بولد!!
انت مش اتصلت بالفاتح بأم وفاء علشان تجي هناك طوالي؟؟
آآي يا رشيده..كلمتها وفو ذاتها.. أكيد بتكون وصلت المستشفي..
أها بس بركه وصلنا..
فاطنه عليك الله امسكي الشنطه وانتي يا عواطف أمسكي معاي وفاء ننزلها بي جاي..
أها بركه أم وفاء ذاتها ياها دي..
..........
..........
هووووي يالفاتح..اوعك تجي تقول لي سناريوهيك فشنك ساكت..حتي لو هو كده قولي حقيقي..سمح؟؟
قلت ليك...
ممكن رشيده برضه تجي تكتب معانا هنا؟؟
|
Post: #179
Title: Re: وأنا اقول شوفتك وين؟؟
Author: الفاتح يوسف جبرا
Date: 01-19-2008, 07:02 AM
Parent: #1
Quote: هووووي يالفاتح..اوعك تجي تقول لي سناريوهيك فشنك ساكت..حتي لو هو كده قولي حقيقي..سمح؟؟
قلت ليك...
ممكن رشيده برضه تجي تكتب معانا هنا؟؟ |
سيناريوهيك خترى عديل يا منى وتقول كنتى معانا ... وإن شاء الله بعد ما أخلص ليكم المسلسل ده أخلى (وفاء) تجى برضو تحكى ليكم وكمان (رشيده) !!
|
Post: #180
Title: Re: وأنا اقول شوفتك وين؟؟
Author: Muna Khugali
Date: 01-22-2008, 07:32 PM
Parent: #179
انتو وينكم يا ناس الفاتح؟؟
|
Post: #181
Title: Re: وأنا اقول شوفتك وين؟؟
Author: الفاتح يوسف جبرا
Date: 01-26-2008, 01:35 PM
Parent: #1
| Quote: انتو وينكم يا ناس الفاتح؟ |
شويت مشغوليات يا منى وكمان النت متعطل وغايتو حاله بطاله لكن إن شاء الله من بكرة الأحد نواصل المسلسل !! مودتى ..
|
Post: #182
Title: Re: وأنا اقول شوفتك وين؟؟
Author: الفاتح يوسف جبرا
Date: 01-27-2008, 05:48 PM
Parent: #1
نواصل بإذن الله بعد إنقطاع :
أدخل (المولود) إلى قسم الأطفال حديثى الولاده (الحضانه) بسبب إصابته باليرقان .. كان حجمه صغيرا .. لم يكن يقوم بالرضاعة من أمه .. وضع تحت الحضانة وكان تتم عملية تحليل
الدم له لقياس نسبة اليرقان .. أمضينا أنا ووفاء حوالى 20 يوما .. كانت شقيقتى (رشيده) معنا على طول (الآن هو يحب رشيده حباً لا يوصف!!) .. كانت والدة وفاء تاتى إلينا على فترات .. كانت تسلم وتجلس ثم تنصرف .. عند عملية إستخراج شهادة الميلاد والتى يتم إستخراجها من مكتب الإحصاء الملحق بالدايات كانت هنالك مشكلة إختيار الإسم
والدة وفاء كانت تريد أن تسميه على زوجها (والد وفاء) وإسمه (كامل) وشقيقاتى يردن له أن يسمى (يوسف) على (أبى) ... كانت مشكلة حقيقة لكن وفاء قامت بحلها إذ إسمته (ناجى) إذ نجا من ذلك المرض (اليرقان) !!
عند خروجنا من الدايات متجهين بعربتى صوب (بيت المال - أبوروف) قالت والدة وفاء ان إبنتها سوف تقضى فترة النفاس معها .. لم أعترض .. أوقفت عربتى أمام المنزل .. دخلت بعد غياب سنوات .. بعد الخراف والسمايات والضيوف بدأت أحضر (عادى) لرؤية (إبنى) وقضاء حاجات (زوجتى) .. ومرات كده (بعض حاجات أمها !!) وفى بعض الأحيان كنت أتأخر عندهم فأنام (أبيت عديل) !! طبيعى أن يكون هنالك موقف من بعض أعضاء عائلة وفاء (الغالبية) بينما أفراد معدودين هم من أتوا لمباركة المولود .. إنتهت أيام (النفاس) وعدنا إلى منزلنا ومعنا عضو جديد !! (ناجى) إلا أن (أم وفاء) لم تحضر لزيارتها لأن لديها موقف !!! ما هو ذلك الموقف وكيف ومتى تغير .. هذا هو موضوعنا القادم بإذن الله
|
Post: #183
Title: Re: وأنا اقول شوفتك وين؟؟
Author: الفاتح يوسف جبرا
Date: 02-01-2008, 07:46 AM
Parent: #1
وين إنتى يا منى؟ اليد ما بقت كويسه؟ دى أكيد كانت عين أرسل ليكى (بخور تيمان مسبع)؟ برضو حبيبنا (كمال) مختفى وكمان حبيبنا (رأفت) الحكايه شنو يا جماعه ؟ ده البرد وإلا شنو؟
|
Post: #184
Title: Re: وأنا اقول شوفتك وين؟؟
Author: الفاتح يوسف جبرا
Date: 02-03-2008, 07:55 AM
Parent: #1
وين ؟
|
Post: #185
Title: Re: وأنا اقول شوفتك وين؟؟
Author: nazar hussien
Date: 02-03-2008, 01:37 PM
Parent: #184
ما مشوا يفتشوا ليك خروف...تسميه ناجي ...بلا ضبيحة !!!
رأفت احتمال يكون بفتش في مستشفي الدايات لي جلد الخروف
كان لقاه بجيك...باقي زولا حريف
|
Post: #186
Title: Re: وأنا اقول شوفتك وين؟؟
Author: الفاتح يوسف جبرا
Date: 02-04-2008, 08:05 AM
Parent: #1
Quote: ما مشوا يفتشوا ليك خروف...تسميه ناجي ...بلا ضبيحة !!!
|
الجماعه ديل يا نزار مختفين وما ظهرو من قبل (ولادة) ناجى !! تقول ليا الخروف والسمايه والشنو ما بعرف داك ؟ غايتو (منى) دى قالو مشغولة فى (نفاس) بتها لكن ناس رافت وكمال ديل مشغولين بى شنو ؟؟
|
Post: #187
Title: Re: وأنا اقول شوفتك وين؟؟
Author: Muna Khugali
Date: 02-04-2008, 12:35 PM
Parent: #186
| Quote: الجماعه ديل يا نزار مختفين وما ظهرو من قبل (ولادة) ناجى !! تقول ليا الخروف والسمايه والشنو ما بعرف داك ؟ غايتو (منى) دى قالو مشغولة فى (نفاس) بتها لكن ناس رافت وكمال ديل مشغولين بى شنو ؟؟ |
آآآآي والله الفاتح اخوي...شي لقيمات وشي مديده بلح وتاني مديدة حلبه..وشاي وقهوه وولعوا الفحم للبخور!
وبس ماشاء الله البيت الخدمه 24 ساعه غسيل عده..رد تلفون..تحضير فطور وغدا وعشا..الأفواه والأرانب متزايده وحات اسم الله..
وفي النص كده تدخل الغسيل في الغساله وتقعد مع الضيوف لامن يجوا...وده كله شنو؟؟
ده كله بيد واحده!!
مش بركه الكويت فرش البيت كله؟؟
بس بركه البيت بقت فيه حياه لذيذه..
لكن ياسين ده جنو نوم..يصحي يرضع وينوم تاني...يستحي يرضع وينوم..تفتكر بيستمر كده لمتين؟؟
خلي يالك يكون قايل نفسه في رحلة استجمام
بالمناسبه راجع الكلام الكتيته عن ناجي لما كان في الحضانه..بتلقي كلمه كده لازم تخش وتغيرها سريع قبل مقص الرقابه ما يجي ويوديك فين كده ما عرفش
مشتاقين ياخ ...ورأفت وكمال لما انت غبت طويل وانا معاك افتكرونا ماجايين تاني يظهر...
سمح الناس التانيه وين؟؟
|
Post: #188
Title: Re: وأنا اقول شوفتك وين؟؟
Author: الفاتح يوسف جبرا
Date: 02-05-2008, 06:59 PM
Parent: #1
Quote: بالمناسبه راجع الكلام الكتيته عن ناجي لما كان في الحضانه..بتلقي كلمه كده لازم تخش وتغيرها سريع قبل مقص الرقابه ما يجي ويوديك فين كده ما عرفش
مشتاقين ياخ ...ورأفت وكمال لما انت غبت طويل وانا معاك افتكرونا ماجايين تاني يظهر...
سمح الناس التانيه وين؟؟ |
العزيزة الغالية جدا منى .. شكراً على معاودة الطلة .. ومشتاقين كتير .. طبعا أنا دخات بى هناك وباركت ليكى وكمان قبلها دخلت بى هناك وكفرت ليكى وهسع بقول ليكى كفارة وسلامتك والجاتك فى إيدك سامحتك وكمان ألف مبروك ليكى ولى آية (ياسين النوام) وأحسن ليهو يرضع وينوم هم الصاحين عملو شنو؟ يتربى فى عزكم ... أها راجعت الكلمة القلتيها ما عرفتها .. تكون يا ربى شنو ؟ الطشاش حاصل الأيام دى أنا السكرى زائد والضغط مرتفع والقلب ذى مكنت الجاز وغايتو ربك يجيب العواقب سليمة !!!
يلا يا رأفت وكما وبقية العقد الفريد أهو منى وصلت والكلام يا دوبك يحلو !!
|
Post: #189
Title: Re: وأنا اقول شوفتك وين؟؟
Author: الفاتح يوسف جبرا
Date: 02-05-2008, 07:00 PM
Parent: #1
Quote: بالمناسبه راجع الكلام الكتيته عن ناجي لما كان في الحضانه..بتلقي كلمه كده لازم تخش وتغيرها سريع قبل مقص الرقابه ما يجي ويوديك فين كده ما عرفش
مشتاقين ياخ ...ورأفت وكمال لما انت غبت طويل وانا معاك افتكرونا ماجايين تاني يظهر...
سمح الناس التانيه وين؟؟ |
العزيزة الغالية جدا منى .. شكراً على معاودة الطلة .. ومشتاقين كتير .. طبعا أنا دخلت بى هناك وباركت ليكى وكمان قبلها دخلت بى هناك وكفرت ليكى وهسع بقول ليكى كفارة وسلامتك والجاتك فى إيدك سامحتك وكمان ألف مبروك ليكى ولى آية (ياسين النوام) وأحسن ليهو يرضع وينوم هم الصاحين عملو شنو؟ يتربى فى عزكم ... أها راجعت الكلمة القلتيها ما عرفتها .. تكون يا ربى شنو ؟ الطشاش حاصل الأيام دى أنا السكرى زائد والضغط مرتفع والقلب ذى مكنت الجاز وغايتو ربك يجيب العواقب سليمة !!!
يلا يا رأفت وكمال وبقية العقد الفريد أهو منى وصلت والكلام يا دوبك يحلو !!
|
Post: #190
Title: Re: وأنا اقول شوفتك وين؟؟
Author: Muna Khugali
Date: 02-05-2008, 09:29 PM
Parent: #189
| Quote: الدم له لقياس نسبة اليرقان .. أمضينا أنا ووفاء حوالى 20 يوما .. كانت شقيقتى (رشيده) معنا على طول (الآن هو يحب رشيده حباً لا يوصف!!) .. كانت والدة وفاء تاتى إلينا على فترات .. كانت تسلم وتجلس ثم تنصرف |
 ..
السكري والضغط الله يزحهم منك ويشفيك ويخليك لي وليداتك ووفو ولينا..
وشكرا شفت المباركه وفرحت بيها..الا لكن هي يد واحده..نطبخ ونغسل وننضف بيها..نشوف الضيوف ونرد علي التلفونات وبعداك نجي النادي هنا نكتب..عشان كده بنتأخر في الرد..
Quote: العزيزة الغالية جدا منى .. شكراً على معاودة الطلة .. ومشتاقين كتير .. طبعا أنا دخلت بى هناك وباركت ليكى وكمان قبلها دخلت بى هناك وكفرت ليكى وهسع بقول ليكى كفارة وسلامتك والجاتك فى إيدك سامحتك وكمان ألف مبروك ليكى ولى آية (ياسين النوام) وأحسن ليهو يرضع وينوم هم الصاحين عملو شنو؟ يتربى فى عزكم ... أها راجعت الكلمة القلتيها ما عرفتها .. تكون يا ربى شنو ؟ الطشاش حاصل الأيام دى أنا السكرى زائد والضغط مرتفع والقلب ذى مكنت الجاز وغايتو ربك يجيب العواقب سليمة !!!
يلا يا رأفت وكمال وبقية العقد الفريد أهو منى وصلت والكلام يا دوبك يحلو !! |
أحسن طبعا يصحي وينوم تاني..اليوم داك صاحبة آيه البيبي بتاعها عنده شهر ونص..جونا زياره وغلبتنا القعده بسببه..
يتلفت يمين..وتاني شمال..وبعدين يفتح خشمه كبير بدون صوت وبعداك يقفله..وفجاه يفتحه ويصرخ صرخه قدر الليله وبكره!
ياخوي احنا متعودين علي الهدوء..وآيه دي لما كانت بيبي كانت هاديه جدا..ما بتصرخ ولا تبكي ..
اسه ياسين لغاية دلوقتي حلو ما بيبكي بس الله يستر ما يغير!
غايته رافت مابعرفه ماله ماظاهر في البورد..ان شاء الله يكون طيب..
كمال أمس لمحته وكان قرب يبقي كده
|
Post: #191
Title: Re: وأنا اقول شوفتك وين؟؟
Author: الفاتح يوسف جبرا
Date: 02-06-2008, 07:34 AM
Parent: #1
الغالية منى
لحقت ليك (الكاف) قبل ما تودينا فى داهية !!! ناس رأفت وكمال والجماعة بعد ده ح يجو راجعين ... ياسين عامل كيف ؟ أكيد اليوم كلو إنتى يا شايلاهو يا بتعاينى ليهو .. باركى ليا لى (آيه)معاكى وكمان لأبو (ياسين) .. شايف المسلسل قرب يخلص وبعد الحلقة الأخيرة بتاعتى ح تجيكم (وفاء) عشان نشوف المسألة من المنظور بتاعا كانت كيف ؟ تحياتى وودى !!
_______________
كسرة :
اليد بقت كيف ؟
|
Post: #192
Title: Re: وأنا اقول شوفتك وين؟؟
Author: الفاتح يوسف جبرا
Date: 02-09-2008, 11:27 AM
Parent: #1
شنو يا منى الظاهر ياسين شغلك شديد !! ربنا يخليهو ليكم
|
Post: #193
Title: Re: وأنا اقول شوفتك وين؟؟
Author: الفاتح يوسف جبرا
Date: 02-12-2008, 08:45 PM
Parent: #1
حاجه كده أظنها دفرة أخيرة !!
|
Post: #194
Title: Re: وأنا اقول شوفتك وين؟؟
Author: Muna Khugali
Date: 02-12-2008, 09:59 PM
Parent: #193
ازيك يالفاتح..
انت بتغش فينا ولا شنو؟؟
مالك ماجيت كملت القصه علشان نسمع وفاء كمان؟؟
الأيد لسه معطله علشان كده ما بكتب كتير..
|
Post: #195
Title: Re: وأنا اقول شوفتك وين؟؟
Author: الفاتح يوسف جبرا
Date: 02-14-2008, 05:31 PM
Parent: #1
Quote:
انت بتغش فينا ولا شنو؟؟
مالك ماجيت كملت القصه علشان نسمع وفاء كمان؟؟
|
تقعدى يا منى تلبدى ليا مع ياسين وآيه وتفتحى لينا وتقولى ليا ما كملت وتغش وشنو وشنو وشنو !!!
____________________________________
كسرة :
من بكرة ح اترك المكرفون للزميلة(وفاء)عشان تواصل معاكم بس إنتى بطلى الزوغااااان !!
|
Post: #196
Title: Re: وأنا اقول شوفتك وين؟؟
Author: ناهد بشير الطيب
Date: 02-14-2008, 10:47 PM
Parent: #1
منى
مبروك الوليد وفرصه سعيده الاقيك هنا
وسلامتها يدك ....متابعاك
اسالى استاذ الفاتح .....اكيدحالاقيك فى مكان تانى
اكييد.....وحابه فعلا اكمل المشوار معاك...و ...,
وياربى انا اقول شفتك وين وين وين ...تسلمى
استاذى الفاتح
بسك فيك لى ساعه....لقيتك فى البوست التوثيقى الجميل
ومابشوفك اون لاين عندى
على العموم مستنين باقى القصه ...
وحنبدا مع وفاء ونشوف وجهة نظرها هى كمان
تحياتى لناجى واخته
بالله سطرين ونص مابجونا رسلهم لى كوته بالاسبوع على الايميل
تحياتى يامنى يارائعه....وتقومى بالسلامه
من( صباعك )....وتجى تسكى لينا وفاء كمان
تحياتى ليكم
|
Post: #204
Title: Re: وأنا اقول شوفتك وين؟؟
Author: Muna Khugali
Date: 02-18-2008, 01:52 PM
Parent: #196
Quote: منى
مبروك الوليد وفرصه سعيده الاقيك هنا
وسلامتها يدك ....متابعاك
اسالى استاذ الفاتح .....اكيدحالاقيك فى مكان تانى
اكييد.....وحابه فعلا اكمل المشوار معاك...و ...,
وياربى انا اقول شفتك وين وين وين ...تسلمى |
مرحب يا ناهد..
احسن حاجه انك جيتينا هنا..
اولا علشان نتونس..
وثانيا علشان تدي الفاتح ده دفره..
وبطريقة خطابات أهلنا البسطاء التي جسدها السعدني في عمارةيعقوبيان وكتبها علاء السواني
وشاهدناها نحن..فانني اذ اقول ربما لم افعل بالتأكيد..انني سعيده بوجودك..
والمشكله بتاعة اليد امتدت للأصبعين لكن كل شيء في تحين اذ ربما باذن الله..
خليك معانا علشان نشوف ونقرا حكاوي وفاء..اكيد حلوه زيها..
عايزين نعرف عمل البلاوي يحتاج الي قدر قد ايه كده بالضبط..علشان يتعمل..
المقادير قيل انها صفه "نسائيه" وفي موضع آخر "نثويه" ولكي نستطيع التأكد..فلا بد لنا من سماع وفاء أو وفو..
ولأن الحكي له زوايا مختلفه ..لأنه مبني علي تجارب خاصه وبالتالي استقبال مختلف..تختلف فيها النساء حتي وهن متحدات في النوع..ودي حركات مني ساكت ما تشتغلي بيها يا ناهد..أو اشتغلي بيها ووريني رأيك..فاننا ننتظر ايضا بعد وفاء رشيده اخت الفاتح تأتي وتكتب!
غلطتها..الركبها العربيه شنو لما وفاء ماشيه المستشفي للولاده؟؟
وياعيني عليكي يا باس وورد الفاتح..تقاسمتك الأيادي الناعمه بشكل "اللي تخاف منه مفيش احسن منه"..
وحقيقي كلي رجاء فبه تنبيه عظيم للفاتح...
اياك وان تضيق بك السبل فتكتب باسم وفاء ثم ترجع تكتب باسم رشيده وتنهي الحديث باسمك..
لأني ساعتها هأعرف..واجي أحلف رشيده بنبينا محمد..وأمشي لوفاء احلفها بالعذراء مريم..
وانا عارفه كثير جدا من المسيحيين مابيحبوا الحليفه..بس يقولوا "صدقيني"
وبس دي ما بتنفع..
المهم يا ناهد ماتغيبي..خليك معانا..
|
Post: #197
Title: Re: وأنا اقول شوفتك وين؟؟
Author: الفاتح يوسف جبرا
Date: 02-16-2008, 04:03 PM
Parent: #1
العزيزة ناهد ..
ألف مرحب بيك فى الحوش الوطن .. المنبر نور بوجودك .. معليش يا ناهد المسنجر بتاعى فيهو شوية مشاكل ح أحلها بكرة بعد بكرة لمن نفضى من الكتابه اللا ليها أول لا آخر دى .. ح أرسل ليكى كل (السطرين ونص) على الإيميل إن شاء الله .. تقبلى تحيات وفاء وناجى ونشوى .. لك خالص ودى وتقديرى ..
كسرة :
___________________
يا منى لامن ياسين ينوم أخدى ليكى زوغه وتعالى لينا بى جاى !!
|
Post: #198
Title: Re: وأنا اقول شوفتك وين؟؟
Author: Muna Khugali
Date: 02-16-2008, 04:27 PM
Parent: #197
| Quote: يا منى لامن ياسين ينوم أخدى ليكى زوغه وتعالى لينا بى جاى !! |
قلبي كان حاسس..ياهو ده انا جيت!
الليله ياسين مسكين متألم..ربنا يشيل المه..هو كله قدر شنو عشان يجيهو ألم؟؟
والله واجع قلبي!
المهم..أنا جيت اشوف القصه شنو وارد علي ناهد الطيب....
خلاص انت ما كملت الكلام مالك؟
كمان ده مسنجر متعطل
سلام..
برجع ليك يا ناهد..
|
Post: #199
Title: Re: وأنا اقول شوفتك وين؟؟
Author: الفاتح يوسف جبرا
Date: 02-16-2008, 11:01 PM
Parent: #1
ســــــلامت ياسين يا منى .. ربنا يغطيهو ويحفظو من كل مكروه ويديهو العافية ... أنا اعتقد إنو كفايه عليا كده وأسمحوا ليا أترك المايكرفون للزميلة : وفاء كامل !!
|
Post: #200
Title: Re: وأنا اقول شوفتك وين؟؟
Author: الفاتح يوسف جبرا
Date: 02-17-2008, 10:08 PM
Parent: #1
هاااااى كلكم طبعا قاعدين الزمن دة كله منتظرين المايكرفون الادوهو للزميله وفاء وبتقولوا ياربى وفاء دى اصلها وين ؟ اها اناجيتكم وبرحب بيكم فى داركم وبشكرك يامنى على البوست واستضافتك لى وماانسى كمان اشكر الفاتح على استلافى للباسويرد بتاعته وحبابى عشره بيناتكم ولاما كدة ؟ على فكره يا منى انا بعرفك من زمان من خلال الفاتح من ايام عرس البنيه ومبروك يس وعرفته انو متالم شويه الف بعد الشر عليهو.
طبعا الفاتح ماقصر حكى ليكم القصة من الالف الى الياء اها انا تحت امركم لو عاوزنى احكى ليكم بس ورونى من وين ابدأ............ وفاء
|
Post: #207
Title: Re: وأنا اقول شوفتك وين؟؟
Author: Muna Khugali
Date: 02-19-2008, 01:30 AM
Parent: #200
Quote: هاااااى كلكم طبعا قاعدين الزمن دة كله منتظرين المايكرفون الادوهو للزميله وفاء وبتقولوا ياربى وفاء دى اصلها وين ؟ اها اناجيتكم وبرحب بيكم فى داركم وبشكرك يامنى على البوست واستضافتك لى وماانسى كمان اشكر الفاتح على استلافى للباسويرد بتاعته وحبابى عشره بيناتكم ولاما كدة ؟ على فكره يا منى انا بعرفك من زمان من خلال الفاتح من ايام عرس البنيه ومبروك يس وعرفته انو متالم شويه الف بعد الشر عليهو.
طبعا الفاتح ماقصر حكى ليكم القصة من الالف الى الياء اها انا تحت امركم لو عاوزنى احكى ليكم بس ورونى من وين ابدأ............ وفاء |
مرحب كبيره يا وفاء..
فرحانين بجيتك وونستك..
اليوم داك في التلفزيون كنتي بسيطه وحلوه..وطبعا اول مره اشوفك..وجاني انطباع شديد انك زوله صبوره جدا..وامكن السبب انه الفاتح لما يكتب بيكون ماعايز زول يمشي جنبه..
لكن الكدب خيبه..افتكر انطباعي عن صبرك كل المواقف المريتي بيها مع الفاتح..
بدايه من الزواج المرفوض للمشاوير لبيت ماما وبعد كده كلام السيناريوهات..
افتكر احنا في عمر معين.زبيساعدنا الحماس علشان ندخل التجربه بكل قوه..وبنقيف قدام العالم كله علشان الزول البنحبه..
لكن لو أننا لم ندخل التجربه في العمر الصغير..ولم نعرف ان كانت جيده تستحق كل ما يحدث لنا فيها ام لا ثم كبرنا..فاننا نحسب الخطوات ربما بشكل مختلف..
ولا يعني هذا حكما بالصح او الخطأ..بل هي محاوله لقول أن كثير من التجارب يحتاج دخولها الي طاقه مختلفه..ربما روحها مع الحب الشباب وطاقته الحماسيه..
............
............
منتظرنك يا وفاء ابدي من اي مكان تحبيه؟؟
لحظة قرار الرتباط وايه التفكير الجاك في لحظتها؟؟
الخوف من ماما وعلي ماما؟؟
الخوف من الناس؟؟..
الخوف من القرار نفسه؟؟
وبعدين تفاصيل يوم الزواج وبعد انتهاء الحفله الرجوع للبيت كأن شيئا لم يكن علي الرغم من
"البلوي الكبيره"..
أول مره مواجهه بينك وبين ماما؟؟
وشكرا ليك علي تلبية الرجاء..
|
Post: #201
Title: Re: وأنا اقول شوفتك وين؟؟
Author: الفاتح يوسف جبرا
Date: 02-18-2008, 11:42 AM
Parent: #1
شنو يا منى ؟ أنا ما جيت إنتو وينكم ... وفاء كامل !!
|
Post: #202
Title: Re: وأنا اقول شوفتك وين؟؟
Author: Muna Khugali
Date: 02-18-2008, 12:10 PM
Parent: #201
طيب قبل مانرحب بوفاء..ممكن يعني تغير صورة البروفايل علشان ما يحصل لينا لخبطه..
ونحنا برانا متلخبطين؟؟
يعني غيرها علشان نحس بالوجود اكتر.. اصله احنا ناس بتشعر بالصور وبتعشقها..
ونحب نقعد الحاجات والونسات معاها جبنه وبخور..
واسه مش عشان انت ووفاء الجميله حته واحده علي حسب مفهوم الزواج...تقوم تخلي صورتك وهي بتكتب بقلمها..وغالبا كمان تعمل كده لما تجي رشيده تكلمنا..
احنا عايزين حركه في الصور والكلام..وانشالله وفاء تتذكر الما اتذكرته انت من ساعة لقاءكم الأول..
وماتكونا انتوا الأتنين أتاثرتوا ببعض لما بقيتوا تتكلموا بنفس الاسلوب والمفردات واكيد معاهم الرؤيه..وشكل الذكريات..
انت يا لفاتح أخوي..انت الأزواج ليه بمرور السنين بيبقوا شبه بعض لامن يزهجوا؟
بيقولوا كمان التابيده في الزواج عجيبه..بحيث تختلط الامور علي المتزوجين..صحي الكلام ده؟؟
|
Post: #203
Title: Re: وأنا اقول شوفتك وين؟؟
Author: كمال سالم
Date: 02-18-2008, 12:47 PM
Parent: #1
الفاتح , وفاء , منى , يسن ,
ويسن ده دخلناه لانو شايفو بقى جزء من البورد ( حأفتح بوست لبكرى عشان يديهو باسوورد ) .
أزيكم كلكم والله مشتاقين يالفاتح ,, أنا مامشيت بعيد , بس
كنت بقاتل بهناك مغ بكرى فى معركة استعادة الهويه , الحمد
الله انتصرت , وجيتكم شايل اسمى الاصلى , وكويس انى لقيتكم ما
مامشيتو بعيد , لانو الظاهر أنتو برضو كنتوا بتقاتلوا فى
مواقع أخرى ,
مرحب بالاخت العزيزه وفاء ( بت حلتنا ) ونحن كلنا أذان صاغيه.
|
Post: #205
Title: Re: وأنا اقول شوفتك وين؟؟
Author: الفاتح يوسف جبرا
Date: 02-18-2008, 10:26 PM
Parent: #1
Quote: ممكن يعني تغير صورة البروفايل علشان ما يحصل لينا لخبطه..
|
حاااااااضر يا منى بكرة من الصباح أول حاجه أعملا إنى أغير الصورة وأخت ليكم صورة وفاء !!
|
Post: #206
Title: Re: وأنا اقول شوفتك وين؟؟
Author: الفاتح يوسف جبرا
Date: 02-18-2008, 10:32 PM
Parent: #1
Quote: أنا مامشيت بعيد , بس
كنت بقاتل بهناك مغ بكرى فى معركة استعادة الهويه |
الصديق الحبيب كمال
أنا متابع المعركه بى غادى ... والله مضيع زمنك سااااااااكت !!! منتظرنك بى جاى جهز مداخلاتك لى بت حلتكم دى !!
|
Post: #208
Title: Re: وأنا اقول شوفتك وين؟؟
Author: ناهد بشير الطيب
Date: 02-19-2008, 02:11 PM
Parent: #1
استاذنا الفاتح العظيم
اخيتنا الحلوه منى
اخون ابو اسم اصلى كمال
حلوة الكلام وفااااااااااااء
ممكن اخد لى سحبه فى البوست ده ؟
فى انتظارك ابدى ....ولا مستنيه
الكراسى تتملى .......
متشوقين من فتره ....
انا غايتوا الليله ماقايمه من هنا
واطلقت سراحى بضمان مكان اقامتى ...هنا
وعايزه اعرف الكتير والكتير من جانبك انتى بالذات
وجاهزين جاهزين وعند وفاء نازلين .
ملحوظه ....بالله يا وفاء من قولة تيت
منى ماقلتى بتجى راجعه وينك
|
Post: #215
Title: Re: وأنا اقول شوفتك وين؟؟
Author: Muna Khugali
Date: 02-22-2008, 02:20 PM
Parent: #208
Quote: مرحب يا ناهد..
احسن حاجه انك جيتينا هنا..
اولا علشان نتونس..
وثانيا علشان تدي الفاتح ده دفره..
وبطريقة خطابات أهلنا البسطاء التي جسدها السعدني في عمارة يعقوبيان وكتبها علاء الأسواني
وشاهدناها نحن..فانني اذ اقول ربما لم افعل بالتأكيد..انني سعيده بوجودك..
والمشكله بتاعة اليد امتدت للأصبعين لكن كل شيء في تحسن اذ ربما باذن الله..
خليك معانا علشان نشوف ونقرا حكاوي وفاء..اكيد حلوه زيها..
عايزين نعرف عمل البلاوي يحتاج الي قدر قد ايه كده بالضبط..علشان يتعمل..
المقادير قيل انها صفه "نسائيه" وفي موضع آخر "نثويه" ولكي نستطيع التأكد..فلا بد لنا من سماع وفاء أو وفو..
ولأن الحكي له زوايا مختلفه ..لأنه مبني علي تجارب خاصه.. وبالتالي استقبال مختلف..تختلف فيها النساء حتي وهن متحدات في النوع..ودي حركات مني ساكت ما تشتغلي بيها يا ناهد..أو اشتغلي بيها ووريني رأيك..فاننا ننتظر ايضا بعد وفاء.. رشيده اخت الفاتح تأتي وتكتب!
غلطتها..الركبها العربيه شنو لما وفاء ماشيه المستشفي للولاده؟؟
وياعيني عليكي يا باس وورد الفاتح..تقاسمتك الأيادي الناعمه بشكل "اللي تخاف منه مفيش احسن منه"..
وحقيقي كلي رجاء فبه تنبيه عظيم للفاتح...
اياك وان تضيق بك السبل فتكتب باسم وفاء ثم ترجع تكتب باسم رشيده وتنهي الحديث باسمك..
لأني ساعتها هأعرف..واجي أحلف رشيده بنبينا محمد..وأمشي لوفاء احلفها بالعذراء مريم..
وانا عارفه كثير جدا من المسيحيين مابيحبوا الحليفه..بس يقولوا "صدقيني"
وبس دي ما بتنفع..
المهم يا ناهد ماتغيبي..خليك معانا.. |
ناهد ده كلامي ما قريتيه..جبتو ليك تاني..ماتمشي بعيد..
|
Post: #209
Title: Re: وأنا اقول شوفتك وين؟؟
Author: الفاتح يوسف جبرا
Date: 02-21-2008, 11:10 PM
Parent: #1
اولا شكرا ليكم انتو وثانيا انا طبعا ما كتابه ذى الفاتح احكى لكن ح احاول اديكم فكره عنى انا ذاتى اولا انا بت واحد يعنى لا اخ ولا اخت ولى ابن عم واحد وكنت شبه مخطوبه ليهو لكن اتربينا سوى رغم انو الاهل كانو مباركين فكرة الزواج دى المهم القصه بدأت مع الفاتح لماانا امتحنت الشهادة وكانت الفترة ما بين الامتحان وانتظار النتيجه ممله جدا فبدات التفكير فى اسثثمار الزمن وكان الكمبيوتر فى الزمن داك حاجه جديدة على المجتمع ففكرت فى انو ادرس كمبيوتر وفعلا بدات البحث فى معهد للدراسه ومن حسن الحظ فتح بالقرب من المنزل اكاديمية دراسات الكمبيوتر وذهبت فى يوم كى اعرف الدراسه ومتى تبدا فدخلت الاكاديميه ووجدتها رائعه فى كل شئ الاثاث الاديكور الاستقبال حاجه تبهر وكانى فى مكان ليس فى السودان وعلمت ان الكورس سيبدا بعد اسبوعين فى تللك الفترة لم اقابل الفاتح بعد وبعد كم يوم من ذهابى قابلنى قريب لى وسالنى اها عامله كيف فى الدراسه شرحت له ماحدث فقال لى بالنص العميد بتاع الاكاديميه دة صاحبى ارح امشى معاكى واعرفك بيهو . ففعلا ذهبنا انا وقريبى وماما ولاانسى تلك المقابله ابدا .. دخلتنا السكرتيرة ورحبت بنا وو جدنا السيد العميد الهو الفاتح طبعا جالس فى مكتبه الانيق جدا يرتدى جلابيه (بيضه مكويه) ونظارة نظر ذهبيه فرحب بنا ايما ترحيب واستقبلنا بكل ترحاب ...اها اكان ماشه كويس قولوا لى واكان فى اى تعليق او استفسار انا تحت الخدمه والى اللقاء فى اللحلقه القادمه..على فكره انا اصدقائى المقربين جدا بقولوا ليا فوفو او وفو او وفويه فمسموح لاى منكم استخدام اسم الدلع اللهو عايزو.
|
Post: #210
Title: Re: وأنا اقول شوفتك وين؟؟
Author: Muna Khugali
Date: 02-22-2008, 00:57 AM
Parent: #209
الله يا وفو انا بحب الحركات الزي دي..
وبحب كمان أدخل في أدمغة الناس الكانو معاكي واتخبل كبف كانت انطباعاتهم..وتفكيرهم..
واهم حاجه بالنسبه لي تفكيرهم في الوقت داك..وتاني في الوقت البعد الزواج..زي الافلام كده
نوع حاضر وفلاش باك يعني!
وبعدين ود عمك اسه وينه؟؟
ياربي زعل ولا هو زاتو كان واقع في مكان تاني؟؟
تتذكري الزول داك العسكري الجابوه شاهد في واحد من الانقلابات العسكريه؟؟
الزول ده كان بيتبرع بأي تفاصيل..حتي لو ماسألوه عنها في المحكمه..أها انتي لو عملتي كده
بتكوني اضفتي للحكي حركات برضه
ما تغيبي يا وفو..المشوار لسه طويل والونسه كتييييره ..ما أظنها تنتهي قريب..
وكمان انتي طلعتي زولة حكي بمزاج..فما تبخلي علينا...
ولا شنو يا قراء البوست؟؟
|
Post: #211
Title: Re: وأنا اقول شوفتك وين؟؟
Author: الفاتح يوسف جبرا
Date: 02-22-2008, 12:31 PM
Parent: #210
اغيب امشى وين يا منويه انا موجودة بكثره . اها ياسادة بعد التسجيل بدأت فترة الدراسه بالاكاديميه وكان الاستاذ العميد شخصيا فبدا معنا الكورس ولكن للاسف فى نص الكورس سافر السعوديه وجابوا لينا استاذ تانى اها فى الفترة دى انا علاقتى بقت جميله جدا بى اسرة الاكاديميه يعنى العندو مشوار عليك الله يا وفو سدى لى ساعة زمن والعندو مراقبة امتحان عليك الله يا وفو تابعى لى عشان عندى طباعه وداير اطلع بدرى المهم العلاقه بيناتنا كانت اخويه وجميله جدا طبعا دة كله والعميد غايب وانا مازلت طالبه. الحقيقه مااكذب عليكم غياب العميد كان فارق معانا كلنا لانه انسان بعامل الناس بذوق ولطف. اها رجع العميد بالسلامه من السفر وحقيقه فرحنا كلنا بعودته طبعا لما رجع انا كنت ما وفاء الطالبه وبس تاخد المحاضرات وتمشى لا كان عندى معرفه جيده بادارة الاكاديميه واصبحنا جميعا اسرة واحدة يعنى نفطر جميعا مع بعض فى مشوار خاص بالاكاديميه نمشى نعملو بطيب خاطر بسيارتى واستمر الوضع هكذا الى ان جاء يوم التخرج فى قاعة الشارقه فى تلك الفترة فى اثنين من موظفين الاكاديمه اتعرض عليهم عمل خارج السودان وبلغوا العميد بسفرهم بعد فترة وكان لابد من بديل لهم فاختاروا احد الخرجين بالفعل وعرضوا على الوظيفه الاخرى فى الحقيقه تردت ما لى حاجه لكن يعنى فكرة انى ادخل الحياه العمليه فى الزمن داك وانا لسه يادوب خريجه وعايزه لى زمن اخد فيهو راحه شويه لكن مع محاولة اقناعى بانى عارفه طبيعة الشغل واحسن من مااجيبوا زول ادربهو من جديد وكدة المهم قبلت التجربه وحسيت بالمسؤليه الفوق رقبتى وبقيت اشتغل بهمه واخلاص ودة طبعنا احنا الاقباط يعنى تحس بالمسؤليه فوق راسك بعد كدة المسائله بقت شغل ماسد خانات ساعة زمن وانتهى الموضوع اها طبعا بقت العلاقه بينى وبين العميد مباشر وشغل ومسؤليه وبدأت الاهتمات بحكم العمل اليومى ونسيت اقول ليكم انى اشتغلت دوامين صباح ومساء يعنى بقى ما بفرقنى من الفاتح الا سواد الليل .
انا طبعا ما بكذب اتبهرت بالفاتح جدا وانا ما عايزه اكبرو لكن ما بحب الشبابا الصغار الكانوا حولى وطبعا بالنسبه ليهم الفاتح زول واعى مسئول يعنى الواحدة بتحس بالامان وهى معاهو. ولما صاغنى تفكيرى للحته دى وقفته فيها والحقيقه خفته من نفسى عديل وقلته لى روحى ياوفاء التفكير دة ح اوديكى لى وين؟ وفى حاجه مهمه اكتشفتها وما كنته عارفاها لحد اللحظه دى وهى انو السيد العميد خاطب؟ وكانت مفاجأة بالنسبه لى .فحاولت قدر الامكان اشيل اى تفكير من راسى وتركت الامور هكذا لى فترة.
فى الفترة دى معاملة الفاتح لى كانت بتذيد رقه وزوق واهتمام وانا بقنع نفسى بانون المساله عاديه انسانه كفؤ فى عملها ومخلصه والطبيعى انها تجد افضل معامله من رئيسها بل وهو صاحب العمل. وفى يوم الفاتح سالنى انتى مخطوبه لى ود عمك ؟ فقلت له انا مخطوبه خطوبة الاسرة ناس البت لى ود عمها. لكن انا مامقطنعه بيهو لاننا اتربينا سوا يعنى ذى اخوى . قال لى طيب لو اتقدم ليكى زول غريب بتكون فى مشكله؟قلت ليهم المشكله فى انو ما اكون من دين غير دينى لكن فى مسالة ابن عمى دى مافى مشكله لانو انا والدى ربانى على المسئوليه والحريه لدرجه انى انا بعمل رقابه ذاتيه على نفسى اكتر من لو ما عمله هو على لانو بعتبرنى بته وولده فى وقت واحد.
اها بعد داك بدات مشاعرنا تكشفنا لى بعض يعنى الشوق اللهفه بعد يوم عطله مثلا واليوم العطله ذاتو تحسو بايخ ومسيخ وناقصاك فيهو حاجه مش حاجه اليوم ذاتو تحسو ما محسوب من عمرك (شفتو دى قويه كيف) وبدات قصة الحب بكل قوتها ومخاوفها والخوف من المجهول والمستقبل المظلم البتحس انك لقيت الشخص الانت بتتمناهو وبتحلم بيهو ولكن جبال من المطبات والمخاوف تقف امامك . والعمل شنو؟ دى فى الحلقه الجايه .. انتظرونا ......
|
Post: #212
Title: Re: وأنا اقول شوفتك وين؟؟
Author: Muna Khugali
Date: 02-22-2008, 01:28 PM
Parent: #211
| Quote: اها بعد داك بدات مشاعرنا تكشفنا لى بعض يعنى الشوق اللهفه بعد يوم عطله مثلا واليوم العطله ذاتو تحسو بايخ ومسيخ وناقصاك فيهو حاجه مش حاجه اليوم ذاتو تحسو ما محسوب من عمرك (شفتو دى قويه كيف) وبدات قصة الحب بكل قوتها ومخاوفها والخوف من المجهول والمستقبل المظلم البتحس انك لقيت الشخص الانت بتتمناهو وبتحلم بيهو ولكن جبال من المطبات والمخاوف تقف امامك . والعمل شنو؟ دى فى الحلقه الجايه .. انتظرونا ...... |
لا اله الا الله محمد رسول الله!
وعشانك..ياليسوع ابن مريم!
يازوله نقلتيني نقله فظيعه..قويه البسيطه دي؟؟
تحدثيني عن اللهفه والأشواق وفي النص عطلات؟؟
خلي بالك انا بحب وما جايبه خبر..لأنه الأعراض القلتيها دي كلها عندي..
المشكله بس الشخص مافي..أكوب بحب الحب ذاته؟؟
|
Post: #213
Title: Re: وأنا اقول شوفتك وين؟؟
Author: Muna Khugali
Date: 02-22-2008, 01:53 PM
Parent: #212
عارفه كان نفسي أعيش زي تجربتك دي..اقصد في شكل الأحساس ده بالتحديد..عارفه اتذكرت فيلم سيدني بواتييه..أجمل رجل اسود علي الأطلاق..في فيلم "لأستاذي مع حبي"..
بالنسبه لي كلمة نفسي دي..تظهر كانها اعراض مراهقة الأربعينات..تبحث عن أحلام الرومانسيه
وحركات ناديه لطفي في فيلم الخطايا..ولا بعد داك حركات الممثله ماجده في فيلم السراب..
وعلي الرغم من انه أحلامها انتهت بطرد المحبوب والقول له بصوتها الهامس المبحوح..
"لم هدومك وروح عند أمك يا وحيد"
لكن مش مهم..المهم الأحساس..
يا سلام علي حب البنات للرجال الناضجه..أنا حقيقي لما حبيت اول مره..كان اكبر مني ب8 ل9 سنين تقريبا..وابدا ما كان في احساس بفارق العمر..اسه تعالي شوفي عيالنا بيحبوا قدرهم بالضبط..
أكبر منهم بسنه ولا اتنين مافي طريقه..
المهم نقري كلامك ده ونعيش مشاعرك باثر رجعي..
أما موضوع خطوبتك وخطويته ده..عايز ليه كتابه براها..أرجو ارفاد التفاصيل
| Quote: انا طبعا ما بكذب اتبهرت بالفاتح جدا وانا ما عايزه اكبرو لكن ما بحب الشبابا الصغار الكانوا حولى وطبعا بالنسبه ليهم الفاتح زول واعى مسئول يعنى الواحدة بتحس بالامان وهى معاهو. ولما صاغنى تفكيرى للحته دى وقفته فيها والحقيقه خفته من نفسى عديل وقلته لى روحى ياوفاء التفكير دة ح اوديكى لى وين؟ وفى حاجه مهمه اكتشفتها وما كنته عارفاها لحد اللحظه دى وهى انو السيد العميد خاطب؟ وكانت مفاجأة بالنسبه لى .فحاولت قدر الامكان اشيل اى تفكير من راسى وتركت الامور هكذا لى فترة. |
هنا الفاتح كانت تراوده أحلام وآمال ..وكمان كان بيرسم عليكي يا وفو..وحركاته دي لازم يتقال ليها..
آه يا شيطان انت!
| Quote: فى الفترة دى معاملة الفاتح لى كانت بتذيد رقه وزوق واهتمام وانا بقنع نفسى بانون المساله عاديه انسانه كفؤ فى عملها ومخلصه والطبيعى انها تجد افضل معامله من رئيسها بل وهو صاحب العمل. وفى يوم الفاتح سالنى انتى مخطوبه لى ود عمك ؟ فقلت له انا مخطوبه خطوبة الاسرة ناس البت لى ود عمها. لكن انا مامقطنعه بيهو لاننا اتربينا سوا يعنى ذى اخوى . قال لى طيب لو اتقدم ليكى زول غريب بتكون فى مشكله؟قلت ليهم المشكله فى انو ما اكون من دين غير دينى لكن فى مسالة ابن عمى دى مافى مشكله لانو انا والدى ربانى على المسئوليه والحريه لدرجه انى انا بعمل رقابه ذاتيه على نفسى اكتر من لو ما عمله هو على لانو بعتبرنى بته وولده فى وقت واحد |
|
Post: #214
Title: Re: وأنا اقول شوفتك وين؟؟
Author: امنة عبد الكريم
Date: 02-22-2008, 02:02 PM
Parent: #213
مني خوجلي العسل
للمرور والقاء التحية
والعودة لاحقاء للمتابعة
بجيك صادة
لكي ودي الاكيد...
|
Post: #216
Title: Re: وأنا اقول شوفتك وين؟؟
Author: الفاتح يوسف جبرا
Date: 02-22-2008, 05:43 PM
Parent: #214
أما موضوع خطوبتك وخطويته ده..عايز ليه كتابه براها..أرجو ارفاد التفاصيل
قبل ما دخل فى موضوع الخطوبه يا منى دايرة اسأل ناهد مشت وين ؟ قالت نازله فى محطة وفاء واتلفته فى المحطه ما شايفه ليها اثر لا هى ولا ود حلتى كمال ودايره اسالك يا كيمو انت كنت موجود وين فى بيت المال مع قنبلة عرس وفاء بت كامل القبطيه من المسلم ؟ منتظراكم .. اها نرجع لى موضوع خطوبة الفاتح طبعا الفاتح كان مغترب كذا سنه قبل ما استقر فى فى السودان واعمل الاكاديميه اها اهلو بدوا ليك فيه نقه بيتك ماسس الشغل والحمدلله ما ناقصك غير العروسه والحاجه طبعا ياولدى دايره اشوف اولادك يا ولدى ماتعرس اها قام مع النقه دى قال ليهم خلاص شوفوف لى عروس انا ما عندى زوله محدده فى راسى (والعهده على الراوى) فقامواسالوا بى جاى وبى جاى وجابوا ليهو صوره وافق عليها وعمل الخطوبه بس خطوبته كانت جد جد لبس شبكه ودبل وكلام ذى ده ما ذى حقتى انا كلام اهل وخلاص.(ودى ممكن ندى ليكم جبرا فرصه اقولها ليكم بمعرته)بس ما حااخلى ياخد راحته فى الحكايه عشان ما اخطف منى الاضواء.(طبعا انا بحب الهظار وكده).نواصل فى القصه بعد الفاصل انتظرونا...
|
Post: #217
Title: Re: وأنا اقول شوفتك وين؟؟
Author: الفاتح يوسف جبرا
Date: 02-24-2008, 09:59 AM
Parent: #216
اها يا اخوانا انتوا مشيتوا وين ؟ منى ناهد كمال الحاصل شنو فى الاختفائه دى مالكم ما ظاهرين ؟ عموما انا حاواصل ليكم وح امشى لى نقطه مهمه وهى انو ود عمى بدأ يحس بالحاصل رغم انى قبل معرفتى بالفاتح كنت بحاول اقنعه بانو احنا اخوان واشيل مسالة الزواج دى من راسو عشان علاقتنا تفصل اخويه وبس لكن هو الظاهر انو ماا قتنع بكلامى وبدا يضيق على الخناق مرا عن طريق الوالد بانه عايز يتمم موضوع الزواج ومره عن طريق عمتنا المربيانا سوى اصلوا انا كنت بقضى اليوم كله معاهم ومابرجع بيتنا الازولة نوم. اها بقى بابا اقول انتو منتظرين شنو؟ ماتتموا موضوع الزواج ده عشان نفرح بيكم . اقنعوا بى هنا امشى بى بهناك القى ليك عمتى مواصله فى نفس الموضوع احاول اقنعهم مافى فايدة اها لما لقى الموضوع كدة وبابا طبعا ما بزعلنى وخالنى على راحتى وبعتبر انو دى حياتى وانا حرة فيها لكن فى نفس الوقت ما عايز ازعل اخته منو اللهى عمتى وطبعا ابن عمى ده والدينه متوفين اها بابا بقى واقف فى حته ضيقه وانا طبعا فى دنيا تانى تفكيرى محصور فى كيف انا والفاتح المنا بيت واحد مع كل المشاكل دى وبى هنا كمان جابت ليها نقة اهل واتمام عرس ماوارد على الاطلاق الغريبه انو ماما كانت وافقه متفرجه وما بتتدخل لا بى ابيض ولا اسودوبقيت انا بواجه فى الجبهات براى لاقادره اقول لى ماما انا عندى انسان مرطبطه بيهو وهو كل حياتى ومستقبلى البحلم بيهو لانى عارفه الرفض مسبقاولا قادره اقول ليها اقيفى معاى فى رفض ود عمى لانها حتقول لى دة ود عمك واذا ادخلته انا حتبقى مشاكل احنا فى غنى عنها اها بقيت براى فى وش المدفع .... اها نواصل افنجار المدفع
|
Post: #218
Title: Re: وأنا اقول شوفتك وين؟؟
Author: Muna Khugali
Date: 02-24-2008, 02:10 PM
Parent: #217
Quote:
اها يا اخوانا انتوا مشيتوا وين ؟ منى ناهد كمال الحاصل شنو فى الاختفائه دى مالكم ما ظاهرين ؟ عموما انا حاواصل ليكم وح امشى لى نقطه مهمه وهى انو ود عمى بدأ يحس بالحاصل رغم انى قبل معرفتى بالفاتح كنت بحاول اقنعه بانو احنا اخوان واشيل مسالة الزواج دى من راسو عشان علاقتنا تفصل اخويه وبس لكن هو الظاهر انو ماا قتنع بكلامى وبدا يضيق على الخناق مرا عن طريق الوالد بانه عايز يتمم موضوع الزواج ومره عن طريق عمتنا المربيانا سوى اصلوا انا كنت بقضى اليوم كله معاهم ومابرجع بيتنا الازولة نوم. اها بقى بابا اقول انتو منتظرين شنو؟ ماتتموا موضوع الزواج ده عشان نفرح بيكم . اقنعوا بى هنا امشى بى بهناك القى ليك عمتى مواصله فى نفس الموضوع احاول اقنعهم مافى فايدة اها لما لقى الموضوع كدة وبابا طبعا ما بزعلنى وخالنى على راحتى وبعتبر انو دى حياتى وانا حرة فيها لكن فى نفس الوقت ما عايز ازعل اخته منو اللهى عمتى وطبعا ابن عمى ده والدينه متوفين اها بابا بقى واقف فى حته ضيقه وانا طبعا فى دنيا تانى تفكيرى محصور فى كيف انا والفاتح المنا بيت واحد مع كل المشاكل دى وبى هنا كمان جابت ليها نقة اهل واتمام عرس ماوارد على الاطلاق الغريبه انو ماما كانت وافقه متفرجه وما بتتدخل لا بى ابيض ولا اسودوبقيت انا بواجه فى الجبهات براى لاقادره اقول لى ماما انا عندى انسان مرطبطه بيهو وهو كل حياتى ومستقبلى البحلم بيهو لانى عارفه الرفض مسبقاولا قادره اقول ليها اقيفى معاى فى رفض ود عمى لانها حتقول لى دة ود عمك واذا ادخلته انا حتبقى مشاكل احنا فى غنى عنها اها بقيت براى فى وش المدفع .... اها نواصل افنجار المدفع |
قلبي معك باثر رجعي!
عارفه أنا لو كنت في ورطه زي دي يا وفو..ما كنت بعرف أتخارج منها كيف..طبعا عارفه نفسي كنت أكيد ما بعمل حاجه رافضا قلبي..بس هي ايه..مش عارفه!
يعني عارفه الزول ممكن يحاول طرق مختلفه للخروج من علاقه ماماشيه من أساسها..طبعا المواجهه بالحقيقه هو الأنسب.. يعني أنا بحب زول تاني!
ودي طبعا مصيبه..بس برضه في طرق تانيه امكن تنفع..وقليلا ما تفعل... يعني نوع مثلا..
والله انت زي أخوي!
وانا هالقي زيك وين؟؟
وتزيدي..
لكن انت تستحق أحسن مني..وفعلا ده بيكون كلام صادق..لأنه فعلا انتي مالأحسن ليه مادام ما بتحبيه!
لكن يا وفو المشكله في الطرف التاني البيكون متعلق بيك تعلق شديد..
ما بيقدر يفهم انكم أخوان في الأحساس..وما بيقدر يعرف كيف اذا هو زول كويس.. وده رأيك فيه وهو عايزك..ليه سمح ماتعرسيه؟؟!
يبقي قدامك حاجتين..يالصراحه أم فلقه كبيره زي ما قلنا..يا تخترعي..
زي مثلا تجي علي طريقة الأفلام المصريه في السبعينات عصر الأنفتاح.. تبكي شديد..عارفه شديد كيف؟؟
يعني بمعاناه حقيقيه..واي زول يسألك بشفقه مالك..تقولي مافي حاجه!!
تحيريهم فعلا..تقفلي علي نفسك أوضتك..ولو ماعندك أوضه براكي زيي زمان..تتغطي بملايه وتجريها تغطي وشك ومعاك مناديل كتيره..
ساعتها بقي الجماعه من شدة ما يياسوا من سؤالك وعدم اجابتك..يرسلوا الخطيب الأنتي شايفاه زي أخوكي..
ماهو برضه في اعتقادهم واعتقاده اقرب زول ليك..
لما يكتر السؤال تقولي كده..
توعدني..الكلام البينا ده ما يطلع من لسانك؟؟
هو يرد..
في شنو يا وفو ماتخوفيني؟؟
تردي..
بس لازم توعدني في الأول؟
يوعدك هو في التو واللحظه..صدقيني...ماهو كمان عايز يعرف..وبشده..
تقومي تبدي تبكي وتقولي ليه..
الدكتور قال لي أنا ما عندي طريقة ولاده..لأنه في مشكله صحيه!
........
........
انتي وحظك..الولاده للرجال مهمه جدا..لأسباب اجتماعيه ثقافيه اقتصاديه..
ولو كان لأسرتك دور في السياسه السودانيه..يبقي ليها برضه عامل سياسي
المهم احتمال كبير جدا يطفش من نفسه بعد ما يواسيك بكلام طيب نوع..
ماتزعليش نفسك..ومين عارف الدكاتره يقولوا كلام وربنا يقول كلام..
وفي الأخيره دي بالتحديد انتي تكوني مترقبه تماما وواعيه..
تقولي بايمان..
ونعم بالله..بس لازم اكون واقعيه..
تتنهدي من جوه قلبك..وترمي القنبله التانيه..
انا رحمي انفجر..وتضيفي بسرعه قبل ما يعلق..
فاكر لما كنت عيانه وقلت عندي لوز؟؟
ساعتها دي ما كانت لوز..داك كان انفجار..
وابدا مافي مشكله في الكلام ده..فالنساء تزورهن الأنفجارات باستمرار..يتكتمن عليها احيانا
وأحيانا اخري لا يتكتمن..اذ كيف تخفي الحامل مواعيد ولادتها والأسره كلها تعرف بحملها منذ الشهر الأول؟؟
وكان هناك ترقب عن طريق السؤال منذ اول يوم زواج؟؟
........
........
عارفه المصيبه وين؟؟
لو تبقي الخطه الجهنميه دي ما نفعت..والراجل طلع قلبه كله رحمه واخلاق..وقال ليك..
"مش هاتنازل عنك ابدا مهما يكون"
...........
...........
في انتظار انفجار مدافعك مع كثير الشوق..
|
Post: #220
Title: Re: وأنا اقول شوفتك وين؟؟
Author: الفاتح يوسف جبرا
Date: 03-06-2008, 02:07 PM
Parent: #218
اها يا اخوانا انا متاسفه اتاخرت عليكم شويه فى انفجار المدفع كانت حاصله لى ظروف معلش النواصل ليكم اول انفجار مع اصرار الواد على ازواج من ابن العم وفى يوم فى مواجهه معاهو ومع عمتى وكانوا عاملين لى اجتماع عائلى عديل كده ومجهزين كلامهم ومنتظرين رجعتى من الشغل وطوالى ما ادونى فرصه للتفكير . بدات الموضوع عمتى وقالت لى اها يا وفاء دايرين نحدد يوم لى العرس ونزل على الكلام كالصاعقه وعاينته لى كل الوجوه الحولى ودايرة لى وش زول كدة استمد منو الشجاعه وما لاقيه طوالى قلته ليها والله الف مبروك لكن دة منو الداير اخش القفص بى رجلينو ده لا احم ولادستور الله اكون فى عونو . وطبعا كلهم عاينو لى عين استغراب وانا عامله فيها مجنونه وعمتى ما ادتنى ليكم اى فرصه وطوالى قالت لى ما زواجك انت وود عمك شوفو تمشوا تجهزوا الحاجات متين قلت ليها انا لابفكر فى عرس هسع ولا حاجه هو انا شفته شنو فى الدنيا عشان اعرس هسه وادمر طبعا اختكم دايره ليها اى مخارجه فى اللحظه دى . اها بقوا اقولو لى هو العرس دمار ؟ كيف يعنى تنظرى ليهو كده الزواج دة حياه مستقره وهنيه واطفال جمال حواليك املو عليك دنيتك وشنو ما بعرف . المهم شيلته ليهم فكرة انى انا عايزه ازوج هسع دى من راسهم وهم ما عارفين انو انا بفكر فى متين انا والفاتح المنا بيت واحد. اها ود عمى قنع من خيرا فينى ولملم حاجاتوا وسافر القاهرة واستقر هناك كم سنه وانا والفاتح بى هنا بنفتش على اى قشايه نتعلق بيها عشان موضوع زواجنا اتم. وفى الفتره دى اتوفى الوالد عليه رحمة الله ومرت على فترة صعيبه جدا وكان الفاتح دايما واقف جنبى الى ان تعديت مرحلة الحزن ورجعنا نفتش على الامل من جديد
|
Post: #221
Title: Re: وأنا اقول شوفتك وين؟؟
Author: Muna Khugali
Date: 03-06-2008, 07:15 PM
Parent: #220
| Quote: اها يا اخوانا انا متاسفه اتاخرت عليكم شويه فى انفجار المدفع كانت حاصله لى ظروف معلش النواصل ليكم اول انفجار مع اصرار الواد على ازواج من ابن العم وفى يوم فى مواجهه معاهو ومع عمتى وكانوا عاملين لى اجتماع عائلى عديل كده ومجهزين كلامهم ومنتظرين رجعتى من الشغل وطوالى ما ادونى فرصه للتفكير . بدات الموضوع عمتى وقالت لى اها يا وفاء دايرين نحدد يوم لى العرس ونزل على الكلام كالصاعقه وعاينته لى كل الوجوه الحولى ودايرة لى وش زول كدة استمد منو الشجاعه وما لاقيه طوالى قلته ليها والله الف مبروك لكن دة منو الداير اخش القفص بى رجلينو ده لا احم ولادستور الله اكون فى عونو . وطبعا كلهم عاينو لى عين استغراب وانا عامله فيها مجنونه وعمتى ما ادتنى ليكم اى فرصه وطوالى قالت لى ما زواجك انت وود عمك شوفو تمشوا تجهزوا الحاجات متين قلت ليها انا لابفكر فى عرس هسع ولا حاجه هو انا شفته شنو فى الدنيا عشان اعرس هسه وادمر طبعا اختكم دايره ليها اى مخارجه فى اللحظه دى . اها بقوا اقولو لى هو العرس دمار ؟ كيف يعنى تنظرى ليهو كده الزواج دة حياه مستقره وهنيه واطفال جمال حواليك املو عليك دنيتك وشنو ما بعرف . المهم شيلته ليهم فكرة انى انا عايزه ازوج هسع دى من راسهم وهم ما عارفين انو انا بفكر فى متين انا والفاتح المنا بيت واحد. اها ود عمى قنع من خيرا فينى ولملم حاجاتوا وسافر القاهرة واستقر هناك كم سنه وانا والفاتح بى هنا بنفتش على اى قشايه نتعلق بيها عشان موضوع زواجنا اتم. وفى الفتره دى اتوفى الوالد عليه رحمة الله ومرت على فترة صعيبه جدا وكان الفاتح دايما واقف جنبى الى ان تعديت مرحلة الحزن ورجعنا نفتش على الامل من جديد |
بركه الجيتي وفو..قلت يا ربي خير مالها وفاء علقتنا..اصله دي قنبلة شنو دي!
واسه بقول ليك..بركه بت أمي الرميتي ليهم القنبله..اصله الحي الله والقاتل الله..الدسديس لي بتين يعني!
والبركه فيكم في وفاة والدك..ربنا يرحمه ويغفر ليه..
ويسعد ود عمك ..ده كله دعاء بأثر رجعي!
لكن بيني وبينك كلامك فيه بعض الحكم..
حتي بعد مالكلام يخرج من سياقه فيه حكم!
شوفي جنس الجمله دي..
انا لابفكر فى عرس هسع ولا حاجه هو انا شفته شنو فى الدنيا عشان اعرس هسه وادمر
|
Post: #222
Title: Re: وأنا اقول شوفتك وين؟؟
Author: الفاتح يوسف جبرا
Date: 03-07-2008, 03:58 PM
Parent: #221
شكرا يا منى على شعورك النبيل والله يبارك فيكى برضو باسر رجعى . اها النواصل ليكم بعد وفاة الوالد طبعا بقينا انا وماما وعندى خالى كان مريض اتوفى الله يرحمه . قاعدين فى البيت برانا ومرة مره كده بطلو علينا بعض الاهل المقربين شديد الى ان عدت فترة الحزن وكل زول رجع لى شغلو اها عندى صاحبتى مسيحيه على فكرة دى الصاحبه الوحيدة المسحييه بين صديقاتى قمته صارحتها بالموضوع وكانت بتعرف الفاتح كويس لانها درست معانا فى الاكاديميه اها حكيت ليها من الالف الى الياء فقامت اتعاطفت معاى جدا وقالت لى حقوا تمشى الكنيسه تقابلى واحد من القسس عشان تشوفى حل للموضوع وفعلا عملت بى نصيحتها ومشيت قابلته المطران شخصيا بتاعنا اللهو ارثوزوكث قابلنى الرجل بكل ترحاب فحكيت ليهو القصه باختصار شديد انى انا على علاقه شريفه جدا جدا بشخص مسلم ونريد ان نتزوج وهو على دينه وانا على دينى . واريتكم ما معاى الراجل قام وانتفض اها والحصل شنو فى حاجه غلط انتى كويسه مشكلتك عريس انا اجيب ليكى ميه اختارى العايزاهو بس ابعدى عن الزول ده وكيف تفكرى فى زول دينه غير دينك المهم الراجل ما ادانى فرصه ارد بينى وبينكم لما لقيت دة كلاموا قمت استاذنته وقلته ليهو انا ماشه وطبعا هو من البدايه اخد عنى بعض التفاصيل اسمى منو وساكنه وين ووريتو بكل وضوح ما انا اساسا ما خايفه من حاجه ولابعمل فى حاجه غلط. اها ومن ديك الراجل كرهنى ليكم البيت كل يوم والتانى جايينا الساعه كم مامهم باليل بالنهار مامهم اها بقينا فى الاستقبالات واسئلة نكير ديك بتصومى؟ .. بتصلى؟ .. ما تجى الكنيسه ليه؟ .. ما بعرف شنو داك اها كرهنى حياتى وطريقة زوغه مافى الزول فى بيتنا امشى وين مافى طريقه ..اسافر اجى من المطار على بيتنا اقول انا فى السفر اتزكرته وفاء وجيت بى هنا طوالى اها الحال دة استمرا فتره من الزمن لحدتت ما فى يوم قلته ليهو الناس بداو اسالو سبب الزياره شنو اناعندى شنو ذى الكانو فى مشكله وانت جايى تحلهاوفعلا هو داير اطفش العريس المسلم وكان داير احاول اجيب لى عريس وانا ما صدقته خلصته من العندى .اها قمته رجعته لى صاحبتى وحكيت ليها قلته ليها ناسنا ديل مافى معاهم طريقه قالت لى خلاص ارح نشوف كنيستنا احنا الكاثوليك وفعلا قلته ليها ما كلهم مسيحين واتفقنا على يوم سوى ومشينا كنيسة الخرطوم بتاعت الكاثوليك واناطعا بحكم انى دارسه مدارس الراهبات ومرات بمشى المدرسه بالترحيل بدرى بالتالى كنت بمشى الكنيسه وبحضر الصلاه عادى وماكانت فى اى مشكله . اها نرجع لى مشية الكنيسه وسالنا من القسيس المسئول فقالوا لينا اسمه ابونا اميل (الذى توفى قريبا الله يرحمه كان ليهو فضل عظيم فى زواجى ) فقابلنا الاب اميل وشرحت له الموقف بكل تفاصيله والراجل كان مهتم جدا ولم يهاجمنى بشئ ولكنه بدا فى اصدار بعض النصائح العاديه التى يمكن ان يقولها اخ لاخته الصغيره ..نقيف هنا ونواصل فى مشوار الكنيسه ابقوا معنا......
|
Post: #223
Title: Re: وأنا اقول شوفتك وين؟؟
Author: Muna Khugali
Date: 03-07-2008, 04:54 PM
Parent: #222
| Quote: شكرا يا منى على شعورك النبيل والله يبارك فيكى برضو باسر رجعى . اها النواصل ليكم بعد وفاة الوالد طبعا بقينا انا وماما وعندى خالى كان مريض اتوفى الله يرحمه . قاعدين فى البيت برانا ومرة مره كده بطلو علينا بعض الاهل المقربين شديد الى ان عدت فترة الحزن وكل زول رجع لى شغلو اها عندى صاحبتى مسيحيه على فكرة دى الصاحبه الوحيدة المسحييه بين صديقاتى قمته صارحتها بالموضوع وكانت بتعرف الفاتح كويس لانها درست معانا فى الاكاديميه اها حكيت ليها من الالف الى الياء فقامت اتعاطفت معاى جدا وقالت لى حقوا تمشى الكنيسه تقابلى واحد من القسس عشان تشوفى حل للموضوع وفعلا عملت بى نصيحتها ومشيت قابلته المطران شخصيا بتاعنا اللهو ارثوزوكث قابلنى الرجل بكل ترحاب فحكيت ليهو القصه باختصار شديد انى انا على علاقه شريفه جدا جدا بشخص مسلم ونريد ان نتزوج وهو على دينه وانا على دينى . واريتكم ما معاى الراجل قام وانتفض اها والحصل شنو فى حاجه غلط انتى كويسه مشكلتك عريس انا اجيب ليكى ميه اختارى العايزاهو بس ابعدى عن الزول ده وكيف تفكرى فى زول دينه غير دينك المهم الراجل ما ادانى فرصه ارد بينى وبينكم لما لقيت دة كلاموا قمت استاذنته وقلته ليهو انا ماشه وطبعا هو من البدايه اخد عنى بعض التفاصيل اسمى منو وساكنه وين ووريتو بكل وضوح ما انا اساسا ما خايفه من حاجه ولابعمل فى حاجه غلط. اها ومن ديك الراجل كرهنى ليكم البيت كل يوم والتانى جايينا الساعه كم مامهم باليل بالنهار مامهم اها بقينا فى الاستقبالات واسئلة نكير ديك بتصومى؟ .. بتصلى؟ .. ما تجى الكنيسه ليه؟ .. ما بعرف شنو داك اها كرهنى حياتى وطريقة زوغه مافى الزول فى بيتنا امشى وين مافى طريقه ..اسافر اجى من المطار على بيتنا اقول انا فى السفر اتزكرته وفاء وجيت بى هنا طوالى اها الحال دة استمرا فتره من الزمن لحدتت ما فى يوم قلته ليهو الناس بداو اسالو سبب الزياره شنو اناعندى شنو ذى الكانو فى مشكله وانت جايى تحلهاوفعلا هو داير اطفش العريس المسلم وكان داير احاول اجيب لى عريس وانا ما صدقته خلصته من العندى .اها قمته رجعته لى صاحبتى وحكيت ليها قلته ليها ناسنا ديل مافى معاهم طريقه قالت لى خلاص ارح نشوف كنيستنا احنا الكاثوليك وفعلا قلته ليها ما كلهم مسيحين واتفقنا على يوم سوى ومشينا كنيسة الخرطوم بتاعت الكاثوليك واناطعا بحكم انى دارسه مدارس الراهبات ومرات بمشى المدرسه بالترحيل بدرى بالتالى كنت بمشى الكنيسه وبحضر الصلاه عادى وماكانت فى اى مشكله . اها نرجع لى مشية الكنيسه وسالنا من القسيس المسئول فقالوا لينا اسمه ابونا اميل (الذى توفى قريبا الله يرحمه كان ليهو فضل عظيم فى زواجى ) فقابلنا الاب اميل وشرحت له الموقف بكل تفاصيله والراجل كان مهتم جدا ولم يهاجمنى بشئ ولكنه بدا فى اصدار بعض النصائح العاديه التى يمكن ان يقولها اخ لاخته الصغيره ..نقيف هنا ونواصل فى مشوار الكنيسه ابقوا معنا...... |
والله ده فيلم رهيب جدا يا وفو!
اسه مشاوير كنيسه ساكت الزول يفتر..
اسه ابونا اميل مات الله يرحمه..وبقت في مشكله..
لو واحده مسيحيه تاني عايزه تعرس مسلم تمشي وين؟؟
انتي يا وفاء..
الاختلافات الظاهره شنو بين الأرثوذكس والكاثوليك؟؟
......
......
وبعدين ما تنسي ياوفو لما تحكي باقي القصه..صاحبتك دي واجهتها متاعب في وقفتها معاك؟
غتيتو جنس تحكر للونسه!
منتظرنك...
|
Post: #224
Title: Re: وأنا اقول شوفتك وين؟؟
Author: الفاتح يوسف جبرا
Date: 03-08-2008, 02:16 PM
Parent: #223
| Quote: الاختلافات الظاهره شنو بين الأرثوذكس والكاثوليك؟؟ |
الاختلافات بين الارثوذوكس والكاثوليك ما جوهريه يعنى ذى المذاهب فى الاسلام بس احنا الارثوذوكس متزمتين يعنى مزودينها حبتين بطبقوا التعاليم بى حزافيرها عشان كده تلاقيهم متعصبين اكتر من الكاثوليك. اها بعد مقابلة الاب اميل طلب منى انو اقابل الفاتح الظاهر داير اطمئن على وكده ويعرف هو ذاتو نوع من الناس وفعلا مشينا انا والفاتح واتعرف بيهو والغريبه علاقتهم بقت جميله جدا وبدينا فى اجراءات الكنيسه واول اجراء انو انا اغير مذهبى وابقى كاثوليكيه وكانت المساله بالنسبه لى ما صعبه لانه انا اساسا جدتى لامى كاثوليكيه لان والدتها ايطاليه كاثوليكيه . وفعلا ما فرقت معاى كتير وغيرته وبقيت كاثوليكيه اها بعد داك بدينا فى قدموا طلب والطلب لازم يوافق عليهو المطران والمطران هسع مسافر والمطران لسع ما وصل واستمر الحال كده حكايه بتاعت خمسه سته سنوات اها فى الفتره دى انا بدات اوضح لى ماما الموقف وهى طبعا بحكم قلب الام كانت حاسه انو علاقتى بالزول ده ما شغل وبس لكن ما قالت لى اى حاجه لكن من التعامل بحس انها فاهمه حاجه وخايفه وما دايره تتكلم وبنتعامل فى الحته دى من بعيد لى بعيدوفى يوم القنبله التانيه اتفجرت ....كنا قاعدين مع بعض والسيره جات بدتها بالفاتح ده ما خاطب حاتزوج متين ؟ قلته ليها ما عارفه ؟ قالت : ماعارفه ولاماعايزه تعرفى ؟
كلمه منى على كلمه منها فجرته القنبله وكلمتها وتعالو شوفوا الدنيا قامت وما قعدت شنو يعنى عايزه تزوجى الفاتح يوسف وكيف وعلى ياتو دين ؟ ووابل من الاسئله التى لاتنتهى وانتى اكيد جنيتى وانا سمعته الكلام دة لكن قلته لا انتى ما بتعملى كده . واحاول اقنع فيها انو انا ما بعمل فى حاجه غلط وانو انا عايزه اتزوجو . وتانى الدنيا تقوم انتى اكيد جنيتى اكيد بعد ما كنتى عاقله وراسيه مخك فلت منك .بعد داك بقت العلاقه بينى وبين ماما متوتره جدا وفى يوم الفاتح بتناقش معاى (وطبعا بحكى ليهو كل االكلام بالتفصيل وما خبئ عنه حاجه)قال لى انا عايز امشى اقابل والدتك واحتمال اقدر اقنعه وطبعا هما بعرفوا بعض كويس جدا يعنى الفاتح بجينا زيارات فى البيت واحنا بنمشى ليهم زيارات وبنعرف اهله واخواته وكده ..نقبف فى الفاتح عايز يقابل ماما .. اتنظرونا
|
Post: #225
Title: Re: وأنا اقول شوفتك وين؟؟
Author: الفاتح يوسف جبرا
Date: 03-09-2008, 09:34 AM
Parent: #224
رجعنالكم .. اوع تغير المحطه..
اها الفاتح قال عايز يقابل ماما قمت ما كذبته خبر وجيت كلمتها قلت ليها الفاتح عايز يقابلك .. انتفضت فينى اقابلنى عشان شنو انا لاعايزه اقابلوا ولاحاجه ولااجينى ولا اعرض على وشو فاهمه . وسكته وما علقته اقول شنو يعنى فى موقف ذى ده . اها بعد ما لقت ماما الامور ماشه لى قدام وانو احنا جادين والمسأله جايبه ليها مقابلات وزواج بدأت ترسل لى فى الاجاويد ناس عندى بيهم صله وناس غير سلام الله ما بينى وبينهم وكلهم يقعوا ويقوموا وقالت لى بالنص العالم ده كله كوم والفاتح يوسف كوم وبكل ثقه قلت ليها طبعا كوم الفاتح يوسف المرجح. وطبعا زعلت ذياده .اها الناس ماريحتنى والموضوع قرب اتنشر فى الجرايد والبعرفنى والما بعرفنى عايز يعرف الحصل شنولحدى ما فى يوم رجعت من الاكاديميه بالمساء لقيت واحد من رجال الجيران منتظرنى فى الصالون ودخلته رحبت بيهو انا ما عندى بيهو صله شديده الا انو جارنا فى الحى يعنى كل البينا السلام عليكم وعليكم السلام وبس ودى ذاته مرات ممكن نتجاوزه. اها الراجل طوالى دخل فى الموضع صحى انتى عايزه تزوجى الفاتح ؟ استغربته السؤال وكان ممكن اقول ليهو انت دخلك شنو ؟ لكن اتزكرته ان ماما هى الجايباهو للنصيحه . رديت عليهو وقلته ليهو ايوه انا عايزه اتزوج الفاتح .طوالى قال لى انتى بتعرفى شنو عن الدنيا عشان تزوجى الفاتح وبتعرفى عنه شنو وخبرتك فى الحياه شنو انتى لسه صغيره وانت وانت والفاتح والفاتح .. المهم قاعد قريب الساعتين اقنع فينى وما فى فايده فى الاخير قام قال لى ماما انا عايش فى الدنيادى الزواج ده لايمكن اتم اطمئينى . استفزانى كلامه جدا جدا والدم غلى فى عروقى وعاينته ليهوباستغراب و قلت ليهو انت تمنع زواجى انا؟ وبثقه هو بقول اى نعم. قلت ليهو ok
انا فى وانت فى ونشوف بعد داك كلام من البتنفذ.
ومشيت للفاتح وانا مغلغله وحكيت ليهو الحوار الدار بينى وبين جارنا فى البدايه الفاتح اتحمق وزعل وقال الا امشى اقابلوا وشوف هو الدخلو شنو فى الموضوع من اساسو . لكن انا وقفت الفاتح وقلته ليهو احنا عندنا قضيه جوهريه نعمل ليها سيبك من الموضوع الهامشى ده . ومن اللحظه دى انا قررت انى اتجاوز كل شئ واسعى لزواجى من الفاتح .. ونقيف هنا عشان ماشه اعمل الغدا وبعدين اجى اواصل ليكم ...انتظرونا
|
Post: #227
Title: Re: وأنا اقول شوفتك وين؟؟
Author: Muna Khugali
Date: 03-12-2008, 01:35 PM
Parent: #224
الي حين رجعه قريبه..
|
Post: #228
Title: Re: وأنا اقول شوفتك وين؟؟
Author: الفاتح يوسف جبرا
Date: 03-14-2008, 08:24 AM
Parent: #227
اها بدينا نسعى فى موضوع الزواج ومشيت لى الاب اميل وقلت له انو ماما ما موافقه على الاطلاق فقال لى خلاص احنا نواصل فى اجراءات الكنيسه وربنا كريم .وفعلا بداءنا فى الاجراءات وجات الموافقه وكان باقى انو نحدد يوم الزواج وقبلها بى فتره وجيزه ادونا خمسه محاضرات فى الزواج واسئله ونصائح من نوعية انو الحياه فيها الجميل والوحش وفيها الصحه والمرض وانو ده زوجك امام الله والكنيسه ولو ظروفوا ساءت لازم تقيفى جنبه ولو لاقدر الله مرض ما تزمرى وتكونى ليهو البلسم وكلام ذى ده واها وقالوا للفاتح طبعا وفاء دى زوجتك الى ان يتوفاكم الله (طبعا بعد عمر طويل) وانت طبعا على حسب شريعة الاسلام يحق لك الطلاق ولكن حتى لو انت طلقتها (لاقدرالله ) هى لاتستطيع الزواج من اخر فانت زوجها الى ان تموت . فنرجو منك ان تحافظ عليها .
بعد داك بدينا نستعد ليوم الزفاف المابشبه زفاف اى عروسين تكتم وسريه تامه وفكرته وقلته للفاتح بدل هو اصلو زواج ومراسيم احنا نعملوا بكل الطقوس يعنى البس انا فستان زفاف وانت البدله ونصوروا عشان اكون مستند نوريهوا للناس بعدين وفعلا مشيت حجزت فستان ازفاف والكوفير والحاجات الزى دى وطبعا كان معاى صديقات من الاكاديميه والغريبه صديقتى البدات معاى الموضوع ومشت معاى للقسيس ديك اختفت وقالت لى ما تزعلى امك عشان رجل الرجال كتار لكن الام واحده . وبعد كدة كل زول مشى فى طريق . اها بدينا انا و صديقاتى فى التجهزات الى ان جا يوم الزفاف وطلعته من البيت كالمعتاد وانا ماشه الاكاديميه ومشوا معاى صاحباتى الكوفير والفاتح بى هنا كان معاهو اصحابه ومن الكوفير كان مفروض نمشى الكنيسه طوالى وصحباتى بيضحكو واقولو لى ما لاقتنا عروس الساعه سته والشمس فى نص الراس الا انت اقول معليش ما احنا حاجاتنا كلها غريبه. اها قلنا نمشى نتصور والفاتح ودانا لى استديو عجيب كده وبعد مااتصورنا ما عجبنى قلته ليوه نمشى لينا استديوتانى وفعلا مشينا استديو تانى مقنع واتصورنامن جديد ونسيت اقول ليكم نو كان متحرك معانا صاحب الفاتح اسمه ابراهيم الجمل ومشينا بعد كده على الكنيسه طوالى ولما وصلنا لقينا فى بعض الناس الكلمناهم بالزواج منهم استاذى من الثانوى محمد ميسره وزوجته وصديفتى صفاء الحلو وكانت تحمل فى يدها باقة زهور وترشنى بها وانا داخله الكنيسه الحقيقه رغم الظروف الصعبه دى كلها وانا اهلى ما معاى ورافضين لكن وجود هؤلاء حولى والتصرفات الجميله دى نزعت من نفسى كل احساس ابالمراره والالم وبدات مراسم الزفاف .. انتظرونا ..
|
Post: #229
Title: Re: وأنا اقول شوفتك وين؟؟
Author: Muna Khugali
Date: 03-14-2008, 11:16 AM
Parent: #224
| Quote: وفعلا ما فرقت معاى كتير وغيرته وبقيت كاثوليكيه اها بعد داك بدينا فى قدموا طلب والطلب لازم يوافق عليهو المطران والمطران هسع مسافر والمطران لسع ما وصل واستمر الحال كده حكايه بتاعت خمسه سته سنوات |
مباااااالغه!
تابيده حب..وبعدها تأبيده زواج!
هو العمر ده بعزقه؟!
أوعوا تكونوا كمان بتدعوا انه ربنا بعد عمر طويل يجمعكم في الدار الآخره؟؟
تكون دي المبالغه الجد
ربنا يحفظم ياوفووالفاتح والعيال ويمد في عمر ماما..
انتو ناس ماهينين والله..
|
Post: #226
Title: Re: وأنا اقول شوفتك وين؟؟
Author: الفاتح يوسف جبرا
Date: 03-12-2008, 06:03 AM
Parent: #1
.
|
Post: #230
Title: Re: وأنا اقول شوفتك وين؟؟
Author: الفاتح يوسف جبرا
Date: 03-15-2008, 04:42 PM
Parent: #1
Quote: مباااااالغه!
تابيده حب..وبعدها تأبيده زواج!
هو العمر ده بعزقه؟!
|
ما عشان العمر ما بعزقه والزواج تابيده بالنسبه لينا لازم الزول لما اختار اتزوج اكمل حياته مع زول مقتنع بيهو 100% ولا ماكده؟
اها بدات مراسم الزواج فى الكنيسه والاسئله لى الفاتح مره تانى انو ديانتك تبيح لك الزواج مره اخرى وتبيح لك الطلاق هل توعد بانك تحافظ على وفاء واجاب الفاتح بنعم (مليانه) وسالونى هل قبلتى الزواج فاجبت بنعم . وتمت مراسم الزواج مدعمه بصور الفيديو والفتوغراف وفاجاتنى صديقتى صفاء بانها عامله لينا احتفال فى منزلهم وفعلا زهبنا الى المنزل واستقبلنا اهلها بحفاوه بالغه وقعدنا فى الكوشه متحكرين والناس جو باركو لينا يعنى عرس جد جد . ولكن للاسف انا ما قدرته استمتع بى ده كله لانو مواعيد رجعتى البيت حانت ما طبعا مفروض انا فى الشغل وكده اها طلعته الى غرفة صفاء وغيرت فستان الزفاف وغسلت وشى ودعت الموجودين بما فيهم طبعا زوجى العزيز وجريت على البيت .تانى يوم كان يوم عمل عادى مع اختلاف فى انه انا اصبح لى زوج ولابسه دبله وكده وطبعا بطلعه فى البيت . اها كده بقي الفاتح زوجى بديانتى ولكن هل انا زوجته ؟الاجابه لا لانه دياناتنا تختلف وبدأت رحله جديده فى كيفة انا اصبح زوجه للفاتح وكانت معى صديقتى مروه وهى ايضا تعمل معنا فى الاكاديميه فقالت لى لدينا جارتنا قاضيه ساذهب واسالها ممكن يكون عندها حل . وفعلا ذهبت مروه لمولانا ناهد وشرحت لها الموضوع وقالت خليهم يجوا يقابلونى وزهبنا على حسب الموعد المحدد فى منزلهم بحى العمده وقابلتنا مولانا ناهد وشرحنا لها الموضوع من الاف الى ان وصلنا فقالت انها ستذهب لقاضى زميل لها بالاحوال الشخصيه وطعاطفت معنا جدا واعطتنا رقم الهاتف للاتصال بها . واعطينها المهله المحدده واتصلنا بها ... ونواصل ..
|
Post: #231
Title: Re: وأنا اقول شوفتك وين؟؟
Author: Muna Khugali
Date: 03-15-2008, 05:14 PM
Parent: #230
| Quote: ما عشان العمر ما بعزقه والزواج تابيده بالنسبه لينا لازم الزول لما اختار اتزوج اكمل حياته مع زول مقتنع بيهو 100% ولا ماكده؟ |
وفو..
الكلام الفوق ده موضوع بوست براااااهو كده!
متابعه السابنس ده وانا ذاتي في حالة ساسبنس ماليها أول ولا آخر..
وزي كأني دخلت معاكي اتمكيجت
لكن اقول ليك أحلي حاجه شنو؟؟
غسلت وشيب من المكياج وجريت البيت
ياخ عرسكم ده والله كان لذيذ خلاص..
سلمي علي الفاتح..
|
Post: #232
Title: Re: وأنا اقول شوفتك وين؟؟
Author: الفاتح يوسف جبرا
Date: 03-18-2008, 10:56 AM
Parent: #1
Quote: ياخ عرسكم ده والله كان لذيذ خلاص..
سلمي علي الفاتح.. |
عرسنا ده انفع قصه لى مسلسل ذى مسلسلات (ليالى الحلميه) بتاعت (أسامه انور عكاشه) بس دى احداث حقيقيه ما من تاليف كاتب (بالمناسبةالفاتح ببلغك سلامه).
اها يلا نواصل جانى احساس ذى لما زمان الحبوبات اقعدوا للحكى واقولوا حجيتكم مابجيتكم خيرا جانا وجاكم .. وكان ياما كان .. وكنا واقفين فى متابعه مع مولانا (ناهد) عشان نتزوج بالماذون واصبح انا (زوجة للفاتح) طبعا لحدت الوكت داك هو زوجى مع ايقاف التنفيذ .. وبقينا مواصلين مع (ناهد) من مستشار لى قاضى لى استفسار وفى اخر المطاف وصلنا لى انو قالوا مافى طريقه للزواج الا بموافقة ولى الامر وقدر ما شرحنا الموقف وانو الاهل رافضين مافى طريقه فى النهايه الفاتح قال ليهم يااخواننا انو احنا اتزوجنا بالكنيسه وانا عايز اتزوج بالماذون علشان تصبح هى زوجتى فقالوا خلاص طال ما عندكم قسيمة زواج بالكنيسه فممكن فى هذه الحاله ان يتم الزواج بالمحكمه فقط هى تقوم بتوكيل زول واكون فى شهود وفعلا مشينا امام الماذون وكان معانا اثنين من اصدقاء الفاتح ووكلت انا واحد منهم وكان هو محامى وتمت الاجراءات واتذكر انو الماذون قعد قريب النصف ساعه يوصى فى (الفاتح) ويقول ليهو : البنيه دى ماتديها عوجه دى خلت الدنيا عشانك وتحافظ عليها والحقيقه الكلام ده اثر فينى جدا. اها كده اصبحنا ازواج يعنى كده ممكن تباركوا لينا لكن برضو مع ايقاف التنفيذ عشان مافى إشهار وكمان أهلى ما عارفين وما موافقين.. ومعليش استاذنكم هنا عشان ماشه اجيب نشوى من الروضه وناجى من المدرسة ونواصل ..
|
Post: #233
Title: Re: وأنا اقول شوفتك وين؟؟
Author: Muna Khugali
Date: 03-18-2008, 11:42 AM
Parent: #232
| Quote: اها كده اصبحنا ازواج يعنى كده ممكن تباركوا لينا لكن برضو مع ايقاف التنفيذ عشان مافى إشهار وكمان أهلى ما عارفين وما موافقين.. |
صباح او مساء الخير يا وفو..
عارفه قبل يومين كنت بتفرج في برنامج البيت بيتك في مصر..
وكان الحديث عن قانون يسمح للكتابيه تورث زوجها المسلم..
مافي نص في القرآن يمنع ميراثها..لكن علي الرغم من كده قوانين الأحوال الشخصيه..والميراث ماكان بيديها الحق ده!
استغربت جدا هي شنو هي القروش..حتي ولو مال قارون..قدام زول شاركك حياتك وعندك منه أبناء؟؟
واصله اذا المفروض الزوجه الكتابيه ما تورث كان أجدر اذا تحريم الزواج من الأساس..
كيف يكون الدين قائم علي العدل اذا اصبحت حياة الأنسان لا تساوي حتي المال؟؟
ما كنت عارفه يا وفو انه الكتابيه الزوجه لا تورث زوجها حتي سمعت هذا البرنامج!
........
........
حركة الأجتهاد بين أهل الدين والقانونيين والنشطاء في مصر.. أدت الي تبني قانون يعطي الكتابيه
حق أن ترث زوجها..
الدين يا وفاء يموت ان جانبه الأجتهاد الصادق..والدين اساسه العدل ..كيف لا ومصدره العدل المطلق..
ونحن بعض من روح العدل المطلق..لذلك يجب أن نسعي الي تقوية وجود الدين بتقوية روحه وليس بالجمود والتحريم الذي يخل بالدين..
سلمي علي الفاتح والعيال..
|
Post: #234
Title: Re: وأنا اقول شوفتك وين؟؟
Author: Muna Khugali
Date: 03-18-2008, 01:06 PM
Parent: #233
| Quote: اها يلا نواصل جانى احساس ذى لما زمان الحبوبات اقعدوا للحكى واقولوا حجيتكم مابجيتكم خيرا جانا وجاكم .. وكان ياما كان .. |
هووووووووووووووووووي يا وفو..
سيبي الحبوبات في حالن
|
Post: #235
Title: Re: وأنا اقول شوفتك وين؟؟
Author: الفاتح يوسف جبرا
Date: 03-21-2008, 11:46 AM
Parent: #1
وكان الحديث عن قانون يسمح للكتابيه تورث زوجها المسلم..
مافي نص في القرآن يمنع ميراثها..لكن علي الرغم من كده قوانين الأحوال الشخصيه..والميراث ماكان بيديها الحق ده!
طبعايا منى الموضوع ده فعلا طويل وممتد يعنى هسع المساله ما فقط مسالة زوجه وزوجها كمان الابناء يعنى فى حالتنا دى ناجى ونشوة اذا طلعوا مسلمين مابيرثونى انا والعكس صحيح اذا طلعوا مسيحيين ما بيرثوا ابوهم ونبقى نرجع للموضوع ده بصوره اوسع انشالله.
شايفاك موضوع الحبوبات هبشك انا ما نسيت انك دخلتيهو قريب معليش اها انا ما بهبشكم تانى وبمشى منكم بعيد كلوا ولا زعلن......
اها نواصل بعد ما الزواج تم بالكنيسه بفضل الاب ايميل والمازون بفضل مولانا ناهد بقت فى مشكلة الاشهار وكيف تتم ؟ فى الفتره كانت لى صديقه وهى جارتى فى نفس الحى وكانت متابعه معى بالتفصيل . وفى يوم جات سالتنى قالت لى يا وفو فى زول بدى امك كل التفاصيل اول باول وهى عارفه عن زواجكم حاجات كتيره وعرفت انك اتزوجتى . قلت ليها عرفت من وين ؟ قالت لى فى بت بتديها الاخبار اول باول . وحالولت افكر او حتى اشك فى زول ماعرفته لان كل الحاولينا ناسنا واقفين معانا. اها اكون منو ؟ قالت لى حتى الحفله العملته ليكم صاحبتك هى عارفاها.
بينى وبينكم ما قدرته اصل لى اى نتيجه. لحدت ما فى يوم وانا راجعه مع ماما البيت من الشغل (اصلى انا كنت بطلع من الاكاديميه وبمشى على ماما فى شغلها فى الجامعه وبنرجع البيت مع بعض) سمعت جرس التلفون برن وكان عندنا وصلتين واحده خارجيه فى الصالون والثانيه داخليه فى الغرفه .. ولى حسن الحظ ماما كانت رفعت سماعة التلفون التى بالغرفه وانا رفت السماعه الخارجيه واذا بى اسمع الصوت الماغريب على ولى حكمة ربنا انو عشان حتى ما اخلط بين الاصوات فقامت المتحدثه بتعريف شخصها وكان الحوار:
الو :ام وفاء
اجابت ماما نعم منو معاى؟
انا (غ) الكنت بحكى ليكى موضوع وفاء
ااى ى
انا رسلت ليكى صور الزواج بتاعت وفاء
ماما : بدون تعليق
الو : الصور بتاعت الزفاف الكان فى الكنيسه رسلتهم ليكى مع طالب اسمه محمد
ماما : اى
(غ) مش وصلوكى؟
ماما : تغلق السماعه
وانا ايضا اغلق السماعه واحاول ان اغلق معها اذنى ولااصدق .. هل هذه (غ) التى تمشى معى خطوه بخطوه هل هذه (غ) التى اختارت لى الفاتح الكرفت للبدلهفى يوم الزواج الزواج وهل وهل ؟؟؟ مجموعه من الاسئله التى دارت فى ذهنى وانا لم اتحرك من مكانى فقد زهلت لا بلكانت صدمه قاصيه فى من فى صديقتى ؟ .. ونواصل
|
Post: #236
Title: Re: وأنا اقول شوفتك وين؟؟
Author: Muna Khugali
Date: 03-21-2008, 03:51 PM
Parent: #235
| Quote: وانا ايضا اغلق السماعه واحاول ان اغلق معها اذنى ولااصدق .. هل هذه (غ) التى تمشى معى خطوه بخطوه هل هذه (غ) التى اختارت لى الفاتح الكرفت للبدلهفى يوم الزواج الزواج وهل وهل ؟؟؟ مجموعه من الاسئله التى دارت فى ذهنى وانا لم اتحرك من مكانى فقد زهلت لا بلكانت صدمه قاصيه فى من فى صديقتى ؟ .. ونواصل |
واسوأ انواع الغدر..غدر الأقربون!
ولا ننسي "اتق شر من أحسنت اليه"
الأحسان هنا كان في الصداقه الجميله وفي التخصيص بالسر والثقه!
لماذا يخون البعض الذين وثقوا بهم؟؟
ولماذا يترك البعض للحقد واللؤم أن يقود طريقم بعد ان يسكن قلوبهم؟؟
|
Post: #237
Title: Re: وأنا اقول شوفتك وين؟؟
Author: الفاتح يوسف جبرا
Date: 03-21-2008, 06:59 PM
Parent: #1
Quote: واسوأ انواع الغدر..غدر الأقربون!
ولا ننسي "اتق شر من أحسنت اليه"
فعلا ذى ما قالوا احذر عدوك مره واحذر صديقك ألف مره لأنه اعلم بالمضره. ودى حقيقه ..اها بعد المحادثه وبدأت استوعب الحصل اتألمت جدا فى نفسى وجأت فى نفس اللحظه صديقتى وجارتى ووجدتنى فى حاله عجيبه وحكيت لها الحصل وانى كده عرفته المعلومات جات لى ماما من منو واسترجعت بعض اللحظات ولم تخنى الذالكره فى انه (غ) ما مشت معاى الكوافير وبالتالى ما حضرت مراسم الزواج فى الكنيسه وكذا موقف .. يعنى هى كانت ماسكه العصايه من النص وبتلعب من الجانبين والغريبه نسيت اقول ليكم معلومه انها هى شقيقة المحامى الكان شاهد على عقد الزواج والذى كان وكيلى . يعنى الصداقه خليناها كمان مافى اعتبار لى شقيقها الذى هو صديق حميم للفاتح.
مشيت طوالى فى نفس الساعه للفاتح وحكيت له الحصل طبعا استغرب الكلام جدا وقال لى انا اصلوا ما كنت اتوقع من (غ) انها تكون هى البتوصل المعلومات لى امك لكن السؤال هدفها شنو ؟ ولى بتعمل كده؟ والله لحدى اللحظه دى انا ما عارفه (غ) عملت كده ليه؟
بعد كده بقت المسأله عايزه تصرف طيب نعمل شنو؟ قام الفاتح فكر فى صديق لى الاسرتين اسمه الحاج محمد رجل مصرى سودانى عنده مغلق فى بحرى. الفاتح قال لى حاج محمد ده راجل واعى وعارف الدنيا كويس احنا نمشى ليهو ونطرح ليهو الموضوع ونشوف رأيه شنو؟ولاخاب من استشار وفعلا مشينا قابلنا الحاج محمد وحكينا له الموضوع فقال لينابالنص اى حاجه فى الدنيا دى عندها حل الا الموت .
انا غدا انشاءالله بعد الفطور (الشهر كان رمضان) بجيب الحاجه زوجتى وبنجى لى ام وفاء فى البيت والفيهو خير اقدموا ربنا ونواصل لى بكره ونشوف الحصل شنو ... انتظرونا
|
Post: #238
Title: Re: وأنا اقول شوفتك وين؟؟
Author: Muna Khugali
Date: 03-22-2008, 00:44 AM
Parent: #237
| Quote: بعد كده بقت المسأله عايزه تصرف طيب نعمل شنو؟ قام الفاتح فكر فى صديق لى الاسرتين اسمه الحاج محمد رجل مصرى سودانى عنده مغلق فى بحرى. الفاتح قال لى حاج محمد ده راجل واعى وعارف الدنيا كويس احنا نمشى ليهو ونطرح ليهو الموضوع ونشوف رأيه شنو؟ولاخاب من استشار وفعلا مشينا قابلنا الحاج محمد وحكينا له الموضوع فقال لينابالنص اى حاجه فى الدنيا دى عندها حل الا الموت . |
والله غايتو كان الموت ده كان عنده حل..الدنيا دي كانت تكون عجيبه خلاص!
|
Post: #239
Title: Re: وأنا اقول شوفتك وين؟؟
Author: الفاتح يوسف جبرا
Date: 03-22-2008, 02:08 PM
Parent: #1
ونواصل .. اهاطبعا حكيت لى صديقتى وجارتى عشان كمان تعمل حسابه وتكون موجوده معاى فى اليوم الموعود وانتظرنا اليوم داك انا وهى بى هنا والفاتح ورشيده بى هناك .. واذن اذان المغرب والناس فطرت وجات صلات التراويح والناس صلت وحاج محمد ما جاء اها بديت اتصل فى الفاتح اقول لى اصبرى بجى . وفعلا بعد كل القلق حضر الحاج محمد وزوجته واستقبلتهم فى الصالون وطوالى قال لى روحى (اعملى قهوه وابعتيها وما تجيش انت الا لما اندهلك)وفعلا مشيت اعمل القهوة وفى الاثناء دى جارتى مشت لى ماما فى الغرفه وقالت ليها فى واحد اسمه حاج محمد عايزك فى الصالون.. وانا طبعا عايشه على اعصابى ..اها ماما مشت قابلتهم ورحبت بيهم وجلست انا طبعا ما سمعته الحوار الدار شنو لكن بعد ساعه من الزمن حاج محمد نده على وفاء تعالى . ودخلت عليهم قال لى بوس راس ماما ورضى عليها وهى خلاص موافقه على زواجك وطوالى جلست على الارض جنبها وهاك يادموع انا ابكى وهى تبكى وطوالى زوجة حاج محمد قالت لى ماما قولى ليها انا عافيه منك وفعلا ماما قالت لى انا عافيه منك وربنا يسعدك ويهنيك وتانى قعدنا نبكى غايتو بكيت بكا يستر جنازه . قام حاج محمد طرق على الحديد وهو سخن قال لى يلا خلاص شيلى حاجاتك واتكلى على الله قامت ماما قالت ليهو يعنى هى حتمشى دلوقت . قال ليها ايوه انتى عايزه تعملى بيها ايه . المهم لطف الجو بسرعه وعاين لى عين قويه كده وقال لى انت لسه واقفه ما يلا . وفعلا اخدت مفتاح العربيه وجرى. وكنت متفقه مع صديقتى وجارتى ان تتصل بى ثانى يوم صباحا عشان تورينى الاخبار أول بأول فى الحقيقه الموقف كان صعب وكنت خايفه على ماما جدا جدا وقلقه جدا وطلبت من جارتى ان تبيت معها فى هذا اليوم وماتخليها براها .
اها بعد ما انطلقته بالعربيه مشيت طوالى على الفاتح وقلت له ارح قال لى الحصل شنو قلت ليهو شيل شنطة الملابس وارح نمشى فى الطريق بقول ليك وفعلا ركبنا السياره ورشيده ودعتنا وانطلقنا بالسياره الى اين ما معروف . قال لى نمشى وين قلت ليهو عندى صديقتى سلوى نمشى ليها نهدئ اعصابنا شويه ونفكر نمشى وين وفعلا مشينا منزل سلوى وحكينا لها هى ووالدها الحاصل وبعد كده ودعناهم . اها المفروض نمشى طوالى مكان محدد قمنا مشينا السوق اشترينا بعض اللوازم ومن هناك مشينا فندق . الساعه كانت حوالى واحده صباحا.
وقفنا فى الاستقبال عشان الاجراءات وكده اها الفاتح اعطى الموظف القسيمه والبطاقات . طبعا ده كان موقف عجيب عرسان جايين فى مواعيد نهاية الحفل والعروس لا حنه ولا فستان زفاف ولا اى دلائل على انها دى هى العروس المهم الموظف عاين لينا واستعجب وما علق وزهبنا الى الغرفه.بقيت انا طبعا متوتره وقلبى كله مع ماما والحصل شنو ياربى وامكن اكون الضغط ارتفع عندها ولا جاته صدمة سكر وقلبى اودى واجيب الى ان اشرقت شمس الصباح وكل احاسيسى ومشاعرى متعلقه بتلفون من جارتى كى اعرف الحصل لى ماما شنو ؟ وفعلا فى حوالى التاسعه صباحا رن جرس التلفون وكانت المتصله جارتى وقالت لى : بعد ما مشيتى ناس حاج محمد طوالى قالوا لى امك وفاء دى خلاص اتزوجت ومشت وما عليكى الاتفريحى ليها وقاموا مشوا. اها قالت لى امك طوالى اتصلت فى عماتك واهلك وجوها كلهم وبعضهم جا لابس ملابس سوداء حداد على بنتهم المتوفيه اللهى انا طبعا وقعدوا يعزوا بعضهم ويبكوا واتسألوا كيف الكلام ده يحصل؟ وعشان شنو؟ وانت كيف تسيبها تمشى ؟ وهسع هى وين نمشى نحصله ؟وووو؟ وقالت ماما كانت بتبكى وتقول انا ما عارفه اعمل شنو ؟
اها بدأت بعد كده الامور تهدأ ما قالوا كل شئ بيبدأ صغير ويكبر الا المصيبه تبدأ كبيره ثم تصغر. وطبعا الانا عملته ده مصيبة المصائب فى نظرهم .ونواصل.......
|
Post: #240
Title: Re: وأنا اقول شوفتك وين؟؟
Author: Muna Khugali
Date: 03-22-2008, 02:46 PM
Parent: #239
Quote: وفعلا فى حوالى التاسعه صباحا رن جرس التلفون وكانت المتصله جارتى وقالت لى : بعد ما مشيتى ناس حاج محمد طوالى قالوا لى امك وفاء دى خلاص اتزوجت ومشت وما عليكى الاتفريحى ليها وقاموا مشوا. اها قالت لى امك طوالى اتصلت فى عماتك واهلك وجوها كلهم وبعضهم جا لابس ملابس سوداء حداد على بنتهم المتوفيه اللهى انا طبعا وقعدوا يعزوا بعضهم ويبكوا واتسألوا كيف الكلام ده يحصل؟ وعشان شنو؟ وانت كيف تسيبها تمشى ؟ وهسع هى وين نمشى نحصله ؟وووو؟ وقالت ماما كانت بتبكى وتقول انا ما عارفه اعمل شنو ؟
اها بدأت بعد كده الامور تهدأ ما قالوا كل شئ بيبدأ صغير ويكبر الا المصيبه تبدأ كبيره ثم تصغر. وطبعا الانا عملته ده مصيبة المصائب فى نظرهم .ونواصل....... |
لكن بيني وبين حاج محمد ومرته بالغوا..
رموا القنبله ولخموا ليك امك وقالوا ليك أمشي وطوالي مشوا..
لكن يا وفو..
انا والله بكيت بكي معاكم!
اتخيلت منظركم وانتو حاضنين بعض ونازلين وجعير شديد..
برجع لباقي الساسبنس بعد شويه!
|
Post: #241
Title: Re: وأنا اقول شوفتك وين؟؟
Author: الفاتح يوسف جبرا
Date: 03-23-2008, 03:14 PM
Parent: #1
لكن يا وفو..
انا والله بكيت بكي معاكم!
اتخيلت منظركم وانتو حاضنين بعض ونازلين وجعير شديد..
كانت لحظات عجيبه تنفع مشهد لى مسلسل مش كده ؟
اها طبعا ناس رشيده وصاحباتى كلهم كانوا بجونا فى الفندق وعرفته من جارتى انو الامور بدأت تهدأ وتاخذ شكلها الطبيعى وماما مشت الشغل . وفى يوم جاتنا رشيده فى الفندق وقالت لى الفاتح شقيقتهم اتقدم ليها عريس وهو قريبهم وقال مستعجل وطوالى الفاتح فكر وقال ليها خلاص نعمل دعوة الزواج لينا احنا الاثنين مع بعض وفعلا الموضوع ما اخذ كتير ورجعنا احنا من شهر العسل على شقة الفاتح الموجوده فى منزل الاسره وكان باقى لى حفل الزواج كم يوم واطرف ما فى الموضوع انو انا والفاتح ختوا لينا الحنه مع بعض طبعا دى ما بتكون حصلت الا لينا احنا انو العريس والعروس خاتين ليهم الحنه سوا وحفل الحنه واحد. بعد كده جا يوم الحفل وارتديت انا فستان العرس بس المره دى فستان احمر مازفاف بلدى وكده.وبعد انتهاء الحفل قلت لى الفاتح انا لازم امشى لى ماما قال لى الدنيا ليل طيب امشى معاك واصريت ان امشى لوحدى فالموقف اكيد ح اكون صعب بعد غيبة شهر العسل والفتره الاتقطعت اخبارى عنها . المهم مشيت وفتحت لى الباب واترميت فى حضنها وتانى دورنا فى الجعير وفى الاخير استغفرنا وما حبت تتكلم معاى كتير كل القالتوا لى بعد كده قومى امشى عشان ماتتأخرى ما قلب الام وكده . وفلا من اللحظه دى بقيت انا يومى امشى ليها فى المساء الى ان ينتصف الليل ثم ارجع. بعد كذا شهر حملت فى السيد ناجى وكلمتها فرحت لكن مابينت اها انا مازلت مواصله فى مشوار المساء الى ان مرت فترت الحمل وبقيت على ولاده وبدأت اتعب ومرات اغيب ما اقدر امشى ليها فاتصل بالتلفون , كل ده وهى ماراضيه تقابل الفاتح ولامره. وفى يوم الولاده اتصلت بها وقلت لها انا ماشه على المستشفى فقالت لى انا ح انتظر امام البوابه . وفعلا مشينا وكان معى اخوات الفاتح وبعض من جاراتى ولقيناها واقفه امام الباب طبعا هى قلبها رقيق جدا وبتخاف على شديد اه ركبت معنا العربيه ودخلنا المستشفى بعد فترة انتظار دامت ساعات شرف السيد ناجى طبعا فى الساعات دى انا ماعرفته الحصل بينهاوبين الفاتح شنو ؟ ما لقاء للاول مره بعد الزواج بسنه تقريبا . لكن عرفته من الفاتح انو جاب ليها كرسى ابت تقعد وجاب ليها اكل برضو ابت وحاجات ذى دى . المهم بعد الولاده (الله يسلمكم) طلعونى للغرفه وحقيقى شفته كمية السعاده فى عينها وهى تحمل ناجى بين يديها وهو عمره ساعات. وخرجنا تانى يوم الى البيت وطبعا مشيت بيت امى ما اول ولاده وكده. اها قام بعد يومين ناجى جاهو (يرقان )ورجعنا بيهو المستشفى وقعدنا حوالى اسبوعين الى ان شفى ناجى والحمدلله بعد كده طلعته على بيتى ولاول مره ماما تجى تزورنى وكان اسعد يوم ومن الزمن داك بقت ما بتتحمل يوم يمر عليها ما تشوف فيهو ناجى يا تجينا يا تتصل تقول جيبوى ناجى وطبعا الجمع والعطلات الرسميه بقضيها كلها معاها وبعد ثلاثه سنوات شرفت الانسه نشوة .وفى الفتره حدثت بعض الاحداث انو خالى الذى كان قاعد مع ماما فى البيت اتوفى واصبحت هى لوحدها فجينا انا والفاتح وقعدنا معاها وهسع ناجى ونشوة مالين عليها البيت ولما تجى من الشغل يستقبلوها بفرحه بالغه وهى ايضا دائما ما تحضر وتحمل لهم معها الهدايا ويكون الجميع فى فرحه غامره. وتوته توته خلصت الحدوة واتزوج الشاطر (الفاتح) ست الحسن والجمال (وفو) وعايشين فى تبات ونبات وخلفوا صبى وبنيه الله يخليم ويدهم العافيه.
اها انا تحت امركم فى اى سؤال اى استفسار اى تعليق ودمتم ... وفو
|
Post: #242
Title: Re: وأنا اقول شوفتك وين؟؟
Author: Muna Khugali
Date: 03-23-2008, 07:52 PM
Parent: #241
Quote: لكن يا وفو..
انا والله بكيت بكي معاكم!
اتخيلت منظركم وانتو حاضنين بعض ونازلين وجعير شديد..
كانت لحظات عجيبه تنفع مشهد لى مسلسل مش كده ؟
اها طبعا ناس رشيده وصاحباتى كلهم كانوا بجونا فى الفندق وعرفته من جارتى انو الامور بدأت تهدأ وتاخذ شكلها الطبيعى وماما مشت الشغل . وفى يوم جاتنا رشيده فى الفندق وقالت لى الفاتح شقيقتهم اتقدم ليها عريس وهو قريبهم وقال مستعجل وطوالى الفاتح فكر وقال ليها خلاص نعمل دعوة الزواج لينا احنا الاثنين مع بعض وفعلا الموضوع ما اخذ كتير ورجعنا احنا من شهر العسل على شقة الفاتح الموجوده فى منزل الاسره وكان باقى لى حفل الزواج كم يوم واطرف ما فى الموضوع انو انا والفاتح ختوا لينا الحنه مع بعض طبعا دى ما بتكون حصلت الا لينا احنا انو العريس والعروس خاتين ليهم الحنه سوا وحفل الحنه واحد. بعد كده جا يوم الحفل وارتديت انا فستان العرس بس المره دى فستان احمر مازفاف بلدى وكده.وبعد انتهاء الحفل قلت لى الفاتح انا لازم امشى لى ماما قال لى الدنيا ليل طيب امشى معاك واصريت ان امشى لوحدى فالموقف اكيد ح اكون صعب بعد غيبة شهر العسل والفتره الاتقطعت اخبارى عنها . المهم مشيت وفتحت لى الباب واترميت فى حضنها وتانى دورنا فى الجعير وفى الاخير استغفرنا وما حبت تتكلم معاى كتير كل القالتوا لى بعد كده قومى امشى عشان ماتتأخرى ما قلب الام وكده . وفلا من اللحظه دى بقيت انا يومى امشى ليها فى المساء الى ان ينتصف الليل ثم ارجع. بعد كذا شهر حملت فى السيد ناجى وكلمتها فرحت لكن مابينت اها انا مازلت مواصله فى مشوار المساء الى ان مرت فترت الحمل وبقيت على ولاده وبدأت اتعب ومرات اغيب ما اقدر امشى ليها فاتصل بالتلفون , كل ده وهى ماراضيه تقابل الفاتح ولامره. وفى يوم الولاده اتصلت بها وقلت لها انا ماشه على المستشفى فقالت لى انا ح انتظر امام البوابه . وفعلا مشينا وكان معى اخوات الفاتح وبعض من جاراتى ولقيناها واقفه امام الباب طبعا هى قلبها رقيق جدا وبتخاف على شديد اه ركبت معنا العربيه ودخلنا المستشفى بعد فترة انتظار دامت ساعات شرف السيد ناجى طبعا فى الساعات دى انا ماعرفته الحصل بينهاوبين الفاتح شنو ؟ ما لقاء للاول مره بعد الزواج بسنه تقريبا . لكن عرفته من الفاتح انو جاب ليها كرسى ابت تقعد وجاب ليها اكل برضو ابت وحاجات ذى دى . المهم بعد الولاده (الله يسلمكم) طلعونى للغرفه وحقيقى شفته كمية السعاده فى عينها وهى تحمل ناجى بين يديها وهو عمره ساعات. وخرجنا تانى يوم الى البيت وطبعا مشيت بيت امى ما اول ولاده وكده. اها قام بعد يومين ناجى جاهو (يرقان )ورجعنا بيهو المستشفى وقعدنا حوالى اسبوعين الى ان شفى ناجى والحمدلله بعد كده طلعته على بيتى ولاول مره ماما تجى تزورنى وكان اسعد يوم ومن الزمن داك بقت ما بتتحمل يوم يمر عليها ما تشوف فيهو ناجى يا تجينا يا تتصل تقول جيبوى ناجى وطبعا الجمع والعطلات الرسميه بقضيها كلها معاها وبعد ثلاثه سنوات شرفت الانسه نشوة .وفى الفتره حدثت بعض الاحداث انو خالى الذى كان قاعد مع ماما فى البيت اتوفى واصبحت هى لوحدها فجينا انا والفاتح وقعدنا معاها وهسع ناجى ونشوة مالين عليها البيت ولما تجى من الشغل يستقبلوها بفرحه بالغه وهى ايضا دائما ما تحضر وتحمل لهم معها الهدايا ويكون الجميع فى فرحه غامره. وتوته توته خلصت الحدوة واتزوج الشاطر (الفاتح) ست الحسن والجمال (وفو) وعايشين فى تبات ونبات وخلفوا صبى وبنيه الله يخليم ويدهم العافيه.
اها انا تحت امركم فى اى سؤال اى استفسار اى تعليق ودمتم ... وفو |
يا سلام عليك يا وفو..
عارفه بقيت ماعايزه الحكاوي تخلص!
وحاسه تماما باحساسك واحساس والدتك والفاتح..
عمق علاقاتنا العاطفيه يقوي ويزيد بما نمر به نحن ومن نحب..
فان ضعفنا ورسبنا في امتحانات الحياه والمواقف التي تمر بنا..
فهذا يعني أن الحب لم يكن حقيقي..أو كان كافي ليواجه المتاعب ويتصدي لها..
أعتقد ان العشره التي تنشا بعد كل هذا الحب الذي جمعكما..هي أنضر عشره..
والعمق فيها العلاقه مختلف تماما من العلاقات الزوجيه الهامشيه عند البعض الآخر..
والهامشيه لا تعني المرور بمتاعب..
ولكن تعني العيش متباعدين عاطفيا وفكريا..
تعني المظهر فقط في الأرتياط..
وأنتم عاطفتكم وعلاقتكم عميقه..
شكرا يا وفو علي الأستجابه للطلب..
علي شرح ما قد يعده البعض سرا..
علي الطيبه والتلقائيه في السرد...
لم ينته مشوارنا بعد...
انتو رشيده وينها؟؟
|
Post: #243
Title: Re: وأنا اقول شوفتك وين؟؟
Author: الفاتح يوسف جبرا
Date: 03-27-2008, 02:50 PM
Parent: #1
شكرا يا وفو علي الأستجابه للطلب..
علي شرح ما قد يعده البعض سرا..
علي الطيبه والتلقائيه في السرد...
لم ينته مشوارنا بعد...
الشكر لكم انتم على المتابعه والاهتمام.
|
Post: #244
Title: Re: وأنا اقول شوفتك وين؟؟
Author: Muna Khugali
Date: 03-27-2008, 03:44 PM
Parent: #243
ومازلنا نمني النفس
بسماع المزيد...
شكرا وفو..شكرا الفاتح..
|
Post: #245
Title: Re: وأنا اقول شوفتك وين؟؟
Author: الفاتح يوسف جبرا
Date: 03-29-2008, 03:41 AM
Parent: #1
.
|
Post: #246
Title: Re: وأنا اقول شوفتك وين؟؟
Author: ناهد بشير الطيب
Date: 03-29-2008, 12:06 PM
Parent: #1
الفاتح
وفاء
منى
لو قلت ليكم ....متابعااااااااكم بتصدقونى
يلا جيتكم بعد ده .......
خليكم قراب
|
Post: #247
Title: Re: وأنا اقول شوفتك وين؟؟
Author: Muna Khugali
Date: 03-29-2008, 03:34 PM
Parent: #246
أتمني يالفاتح أن تحافظ علي هذا البوست بعد الأرشفه..
هذا ان كان لك الفرصه في ذلك..
مع كثير الحب لكم ولناهد التي تتابعنا من بعيد..
ناهد ما يصح منك كده...
شمشره ساكت المفروض تكوني في وداعمه لينا
|
Post: #248
Title: Re: وأنا اقول شوفتك وين؟؟
Author: ناهد بشير الطيب
Date: 04-01-2008, 05:33 AM
Parent: #1
عارفين كل يوم بقرأ معاكم وحابسه نفسى .....وخليت منى هى التتابع معاكم ....
لانها قناصة ماهره ....وتعرف من وين تسأل وفاء ......ومن وين تخليهاماتسألها
وفعلا يامنى اجتهاد وانتباه رائع ...حفظك الله ...ولياسين
وفاء
قصة ولا فى الخيال .....مبالغه .....انا طبعا لسه مندهشه وفاتحه خشمى
والله والله ....انا متخيله القصه لسه حتواصلى فيها ....ابدا لى هسه مامصدقه انها انتهت
غايتوا انا شايفاها ياداب بدت ...وربنا يسعدك انتى والاخ الفاتح والابناء ربنا يحفظهم
ويخلى ليك الوالده يارب .........
يلا المرحله البعدها
تجوا تقعدوا الاتنين وتحكوا لينا الظروف الحياتيه المريتوا بيها بعد داك
حتى ولو فى شكل حوار يومى .....ومفارقات ......مررتم بها
استاذ الفاتح
قريت ليك قبل كده حاجه اسمها (سقط)
واللى كتبتها وفاء من ضمن احتياجاتها من السوق
وطرقت انت فى البحث عنها عند العطارين والجزارين
ولم تجدها ......
ليتك تحكيها لن بنفسك وتخش معاك وفاء....ونسمع رايها كمان
ولكم خالص الشكر
|
Post: #249
Title: Re: وأنا اقول شوفتك وين؟؟
Author: Muna Khugali
Date: 04-01-2008, 04:12 PM
Parent: #248
Quote: عارفين كل يوم بقرأ معاكم وحابسه نفسى .....وخليت منى هى التتابع معاكم ....
لانها قناصة ماهره ....وتعرف من وين تسأل وفاء ......ومن وين تخليهاماتسألها
وفعلا يامنى اجتهاد وانتباه رائع ...حفظك الله ...ولياسين
وفاء
قصة ولا فى الخيال .....مبالغه .....انا طبعا لسه مندهشه وفاتحه خشمى
والله والله ....انا متخيله القصه لسه حتواصلى فيها ....ابدا لى هسه مامصدقه انها انتهت
غايتوا انا شايفاها ياداب بدت ...وربنا يسعدك انتى والاخ الفاتح والابناء ربنا يحفظهم
ويخلى ليك الوالده يارب .........
يلا المرحله البعدها
تجوا تقعدوا الاتنين وتحكوا لينا الظروف الحياتيه المريتوا بيها بعد داك
حتى ولو فى شكل حوار يومى .....ومفارقات ......مررتم بها
استاذ الفاتح
قريت ليك قبل كده حاجه اسمها (سقط)
واللى كتبتها وفاء من ضمن احتياجاتها من السوق
وطرقت انت فى البحث عنها عند العطارين والجزارين
ولم تجدها ......
ليتك تحكيها لن بنفسك وتخش معاك وفاء....ونسمع رايها كمان
ولكم خالص الشكر |
والله يا ناهد ..
دي تاني مره ارد ليك هنا..الأول ضاع بعد ما بذلت فيه مجهود كبير!
المهم القناصه انتي..لأنك اسه فتحتي مداخل جميله ومهمه جدا..
وعارفه انا كمان نفسي في شنو ومكسوفه اطلب؟
نفسي أم وفاء نفسها تكتب هنا!
انا فاهمه انها زوله متعلمه وموظفه ولها مكانتها في كل مكان تكون فيه..
كنت عايزه أسمع عن تجربتها الأحساسيه والعمليه..
بالطبع سبب الكسوف انه الحديث عن بعض الأشياء قد يكون له قيوده ومشاعره الخاصه به..
لكن ما يشجعني قليلا أن التجربه اثمرت عن جوانب مشرقه جميله..ناجي ونشوي..
وتجدد في الحياه..
قطعا قيود كثيره انكسرت وتغيرت..حياه بطعم آخر..
لذلك كنت أتمني أن اسأل..
تفتكري لو سألت بيكون فيها حاجه؟؟؟
والحمدلله البوست ماشي معانا الي ما شاء الله..
فالتجربه عظيمه وليك حق تكوني قاعده منتظره..أنا ذاتي منتظره..
متمنيه حديث اطول لكل أطراف التجربه..
ومتمنيه التفاصيل اليوميه لحياة اسره ما اتكونت بالهين..قامت واصلها واساسها الحب..
انتي يا ناهد..
كدي النسألك..
ليه ناس كتيره جدا بتفتكر انه الحديث عن اشياؤنا الأسريه وتجاربنا شيء دائما خصوصي؟؟
تجارب عاديه تنتج ربما اشياء غير عاديه او عاديه..لا يفرق..
لكن الحديث عنها يقرب ولا يسبب الخجل؟؟
كيف نستفيد من تجاربنا بالمشاركه والحديث فيها؟؟
خليك معانا يا ناهد لغاية ما ارجع ليك ..
كل ارشفه وانتو طيبين يا غاليين..
وفو والفاتح نشوي وناجي..
|
Post: #250
Title: Re: وأنا اقول شوفتك وين؟؟
Author: Muna Khugali
Date: 04-07-2008, 09:07 PM
Parent: #249
رشيده وينها؟؟
|
|
|