Post: #1
Title: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 08:37 AM
Parent: #0
الإجازة السنوية،
و أين يجب أن تقضيها؟؟؟
حقيقة،
لا أملك إجابة محددة،
و لأ أستطيع تقديم النصح لأى كان،،
فقط،
أهمس لك بالاتى،
1. تخير المكان البعيد عن ضغوط الحياة اليومية،
2. تخير الرفقة الممتعة.
و للسيدات أقول:
كشكشى جيوبك و جيوب المعاك،،،،،
و أنتم أكيد أدرى!!!!!!!!
|
Post: #2
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 08:45 AM
Parent: #1
لماذا لندن؟؟؟
اما السؤال لماذا أخترت لندن بالتحديد لإجازة السنة
دى كان لعدة أسباب ليس منها بتاتا إنو أنا مقرشة و لا حاجة و لكن للاتى:
1. أسباب شخصية شوية
2. ذكريات قديمة ،
3. و الأهم : دعوة كريمة و إهتمام كبير من قبل أصدقاء أعزاء
4. طبعا ما ننسى التوفيق من عند الله ، يعنى الإجراءات أتسهلت و الحمدلله،
النقطة الأخيرة دى لازم أرفق معاها المعوزتين والله أكبر و قل هو الله أحد على ناس عارفاهم كويس أولهم حرفو الاول معتصم، و تانيهم حرفو الاول صالح، ... و بث
|
Post: #3
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: نادية عثمان
Date: 07-06-2009, 08:51 AM
Parent: #2
وإنتي تستاهلي الروقة يابت يارايقة وعسل صافي
الرسول ماقابلتي الملكة وسلمتي لي عليها ؟
الملكة البريطانية قصدي
أم ملكاتنا بنات عوض خوجلي بزعامة منى وماجدة
فديل ربي يديهم على قدر نيتهم البيضااااء وسمحة يارب
شارلز ومرتو جو زاروك وعملوا الواجب ؟!
|
Post: #20
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-06-2009, 07:20 PM
Parent: #3
Quote: وإنتي تستاهلي الروقة يابت يارايقة وعسل صافي
الرسول ماقابلتي الملكة وسلمتي لي عليها ؟
الملكة البريطانية قصدي
أم ملكاتنا بنات عوض خوجلي بزعامة منى وماجدة
فديل ربي يديهم على قدر نيتهم البيضااااء وسمحة يارب
شارلز ومرتو جو زاروك وعملوا الواجب ؟! |
اولا زارت الملكه وزوجها فيليب واتصورت معاهم..
كان في مشكله الاول في التصوير لانه الحرس خاف من الكاميرا..بس الحمدلله في نهاية الزياره رجعوها ليها وأخدت بيها
كام لقطه..ابقي نزليهم يا هالة!
وبعدين اتمني هالة تقول الحقيقة كامله بالنسبه لتشارلز وزوجته..
لأني شوفتهم بيدوها في هدايا كتيره..وبيتهيألي كمان في الظروف المنفوخه المدوها ليها كان في استرليني!
المهم يا ندويه احنا منتظرنك في لندن..تعالي اجازه وغيري من منظقة الشرق الاوسط شويه..
|
Post: #174
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 01:31 PM
Parent: #3
Quote: لماذا لندن؟؟؟
اما السؤال لماذا أخترت لندن بالتحديد لإجازة السنة
دى كان لعدة أسباب ليس منها بتاتا إنو أنا مقرشة و لا حاجة و لكن للاتى:
1. أسباب شخصية شوية
2. ذكريات قديمة ،
3. و الأهم : دعوة كريمة و إهتمام كبير من قبل أصدقاء أعزاء
4. طبعا ما ننسى التوفيق من عند الله ، يعنى الإجراءات أتسهلت و الحمدلله، |
ما تنسي يا هالة انك كنت عايزة تتفرجي علي بيق بن بالليل..
ولا دي تبع نمرة 2؟؟
|
Post: #4
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 08:58 AM
Parent: #2
قبل ما ندخل فى سرد الذكريات و الحكايات اللذيذة ، أسمحوا لى أن أتقدم بصوت الشكر لكل من جعلها ذكريات لا تنسى، و أولهم:
1. السيدة الراقية: منى بت خوجلى
2. الصديق الصدوق: أشرف مصطفى
3. الصديقة الوفية: د. إيمان
4. صديق الونسة و الحكايات: د. إبراهيم كوجان
5. الصديق الخدوم: محمد هارون
6. الصديق الكريم: أنور محمد طه
7. ست الذوق و المحنة: أسيا ربيع،
و لصاحب الطلة الحلوة: رافت ميلاد
و طبعا طعم فرح خاص جدا لزيارتنا، ما كان ممكن تكتمل دون أن تكتحل العين برؤية الحبيبة الوالدة ماما جارة، و العقد الفريد بنات خوجلى: مديحة و ماجدة و منال،،، ربنا يحفظهم و يحفظ جمعهم دايما فى الخير ،،،
و لاية و إبنيها ياسين و يوسف شكر خاص،
فشكرا لكم،
لقد جملتم أيامى،،،،،
|
Post: #5
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Amira Elsheikh
Date: 07-06-2009, 09:06 AM
Parent: #4
هالة ياهندسة...
الايام الزى دى ومعاها الصحبة السمحة بتزيل مننا الرهق
تحياتى وسلام كتييير ليك ولكل ناس لندن ..
|
Post: #6
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 09:17 AM
Parent: #4
و طبعا ما أنسى كل الناس الرحبوا بى و بوجودى بينهم كتابة و تليفونيا، اذكر منهم:
1. نبيل عبد الرحيم
2. عصمت العالم
3. أسامة محمد
طبعا ديل اسياد البلد،،
و كثيرون أخرون سوف أتطرق إليهم (نفر...نفر)
|
Post: #7
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 09:32 AM
Parent: #6
نادية العسل،
| Quote: وإنتي تستاهلي الروقة يابت يارايقة وعسل صافي |
يا شيخة كلو من ذوقك،
انا بخجل،،،
:D :D :D
Quote: الرسول ماقابلتي الملكة وسلمتي لي عليها ؟
الملكة البريطانية قصدي |
الملكة الهينة دى؟؟ :D
دى سألتنى منك بشدة،
وتعبتنى تعب،
اصرت إصرار شديد تتصور معاى،
دة كلو عشان ترسل ليكى الصورة،،،
المرة الجاية (إنشاء الله) تمشى قدامى يا نادية،
ثمح،،،
Quote: أم ملكاتنا بنات عوض خوجلي بزعامة منى وماجدة
فديل ربي يديهم على قدر نيتهم البيضااااء وسمحة يارب |
اللهم امين،،،
| Quote: شارلز ومرتو جو زاروك وعملوا الواجب ؟! |
اسكتى،
ديل اتلوموا لوم السنين،،
لكن مرتو الشينة دى ذاتها انا قاطعاه معاهاو ما دايرة معاها أى شى،،،
|
Post: #8
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: مزمل خيرى
Date: 07-06-2009, 09:38 AM
Parent: #7
هالة
الصور وين ؟
|
Post: #10
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 09:47 AM
Parent: #8
مزمل كيف؟
و كيف الامورة جوان؟؟؟
الصور كتيرة،
لكن تصدق مافى حاجة مكسلانى من البوست دة إلا تنزيلها،،
ياخى دى عملية متعبة خلاص،،،
|
Post: #9
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 09:45 AM
Parent: #7
أميرة صاحبتى،
Quote: هالة ياهندسة...
الايام الزى دى ومعاها الصحبة السمحة بتزيل مننا الرهق
|
مش كدة بالله؟؟
صدق القال،
الصديق قبل الطريق،،،،
Quote:
تحياتى وسلام كتييير ليك ولكل ناس لندن .. |
و تحياتك إنشاء الله تصل لكل المعنيين (محولة من السودان)،،،
و المرة الجاية زى ما أتفقنا،،،
|
Post: #11
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 10:08 AM
Parent: #9
نبدأ بشوية صور (عامة)،،
طبعا مقاييس الصورة بقت صغيرة جدا،،،
|
Post: #13
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 11:01 AM
Parent: #11
إنتى البص نمرة 10 دة بودى وين يا منى؟؟؟
تقولى و لا اقول انا؟؟؟
|
Post: #12
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: نادية عثمان
Date: 07-06-2009, 10:52 AM
Parent: #7
هالة حبيبة قلبي
| Quote: لكن مرتو الشينة دى ذاتها انا قاطعاه معاهاو ما دايرة معاها أى شى،،، |
يازولة إنتي بس شايلاهو تقيل مع شارلز ده ومرتو الجديدة
عشان المرحومة ديانا كانت صحبتك صاح ؟
ياحبيبة والله الليدي ديانا حرقانا لي يوم الليلة الله يرحمهايارب
|
Post: #14
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-06-2009, 11:08 AM
Parent: #12
Quote: يازولة إنتي بس شايلاهو تقيل مع شارلز ده ومرتو الجديدة
عشان المرحومة ديانا كانت صحبتك صاح ؟
ياحبيبة والله الليدي ديانا حرقانا لي يوم الليلة الله يرحمهايارب |
هو كدة يا ندوية،،
دى منو كمان الجابها بدل ديانا،
لا و كان بيحبها من زمان،،
يا عم روح،،،،،
______________________________
بفتح البوست القلتو ليكى،
بس موضوع الكبد الوبائى دة واجعنى شديد،
نسأل الله السلامة،
خبر خطير...نرجو التوضيح...صناعة الغذاء فى السودان!!
|
Post: #15
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: رأفت ميلاد
Date: 07-06-2009, 01:26 PM
Parent: #14
هالة أها إتحكرت لوج ..
لسة ما قريت جيت قاصى الدرب بدعوتك الجميلة عند ناس بت عووضة
|
Post: #26
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 06:40 AM
Parent: #15
Quote: هالة أها إتحكرت لوج ..
لسة ما قريت جيت قاصى الدرب بدعوتك الجميلة عند ناس بت عووضة |
يا فرحنا ...رأفت ميلاد بيننا،،،
هلا و الله و غلا،،،
أتحكر يابوى،
ما فاتتك حاجة،،
لسه الونسة اللذيذة جاية،،،
|
Post: #86
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-09-2009, 12:19 PM
Parent: #15
هالة أها إتحكرت لوج ..
لسة ما قريت جيت قاصى الدرب بدعوتك الجميلة عند ناس بت عووضة
بالله يا رأفت المره الجايه كل زول يشيل الكاميرا بتاعته..
انا تاني ما بمشي اي مكان الا بيها..زي زمان..
أسه لما أبو جهينة يصلنا لازم انت تجي اجازه للندن ومعاك كاميرتك..
انتو صحي ابراهيم كوجان ماله ماظهر في البوست لغاية دلوقتي؟؟
|
Post: #16
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: نادية عثمان
Date: 07-06-2009, 01:48 PM
Parent: #14
هالة ؟
هو إنتي كنتي في لندن ولا في العتبة ياهندسة ؟
هههههه
|
Post: #27
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 06:46 AM
Parent: #16
ندوية،،
Quote: هالة ؟
هو إنتي كنتي في لندن ولا في العتبة ياهندسة ؟ |
الظاهر عليكى طولتى ما مشيتى على هناك،،
"يا عم روح" دى كلمة بالعنجليزى،،
بس للأمانة،
لسه ما عارفة معناها،،،
|
Post: #92
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-11-2009, 11:07 PM
Parent: #27
Quote: هالة ؟
هو إنتي كنتي في لندن ولا في العتبة ياهندسة ؟
هههههه |
لا لا يا ندويه هالة قاصدة تقول..
ياعم روح والقلب داعيلك!
واللي نحبه نبلعله الظلط..
واللي نكرهه نعدله الغلط!
|
Post: #175
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 02:52 PM
Parent: #7
Quote: اسكتى،
ديل اتلوموا لوم السنين،،
لكن مرتو الشينة دى ذاتها انا قاطعاه معاهاو ما دايرة معاها أى شى،،، |
والله يا هالة قالوا قال شكلها اصلو ما بيعني ليه حاجة..
وانه الكتاب هو اصل الفكره!
حتي قالوا يوم العرس قعد يغني مع كابلي..
شينة واعجباني..
|
Post: #177
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 04:00 PM
Parent: #175
ودي كمان يا هالة تشارلز وكاميلا في الخطوبة..
الاتنين لابسين اسكيرتات!
بس أساميهم لايقة علي بعض..موش؟؟
وكفاية علي زواج ناجح انه يكون فيه..
كتاب يقروه سوا..
واسماء موسيقية..
وناس متغاظة!
|
Post: #78
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-09-2009, 00:51 AM
Parent: #4
Quote: و لاية و إبنيها ياسين و يوسف شكر خاص،
فشكرا لكم،
لقد جملتم أيامى،،،،، |
ويوسف وياسين بيبوسوا ايديكي وبيقولوا ليكي راجعه لينا متين..
جني اوعك تسحر لي العبال ديل..زي ما سحرت القطر !
يوسف راقد تحت وياسين قاعد في العجله فوق..
|
Post: #17
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-06-2009, 03:22 PM
Parent: #1
يخرب عقلك يابت يا هالة..
قطعتي قلبي بالأشواق أم اشواك!!
فتحتي البوست ومعاه فتحتي الباب علي أجمل الذكريات..
يا سلام عليكي كده وانتي بتذطريني بونساتنا وضحكاتنا..
وياسلام علي ضحكتك الصافيه يا ام قلب طيب..
عارفه..
قطعت فيك ..قلت البت هالة دي ياسلام عليها..
بابا عثمان (جدي ابو ماما) لو كان عايش كان هايفرح بيها فعلا!
سألوني اشمعني؟؟
رديت..
كل ما أجي ماره عليها في اوضتها تقوم من رقدتها وتقعد علي حيلها تأدبا..
يا سلام علي الادب والاحترام!!
راحت آيه ناطه وقالت لي..
انا كمان ياماما لما أجيها برضه بتعمل كده!
طبعا جدي وماما عاشه كانوا دايما يقولوا لينا الأدب فضلوه علي العلم..
فيا سلام بقي لما الاتنين يكونوا مع بعض..
بس بيني وبينك اتغظت شويه..
كنت عايزه نوع ادب كده منك آيه ما تشاركني فيه..
من الغيظ قلت ليها..
يعني انتي عارفه ده أدب؟؟
طيب لما بدخل اوضتك بعد استئذان..ما بتقيفي ليه؟؟
عالم تجيب لنفسها الكلام!
|
Post: #18
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: علاء الدين محمد بابكر
Date: 07-06-2009, 07:07 PM
Parent: #17
هلولة..بيني وبينك (لندن) مش شينة وناسها متخلفين؟؟
والكدرو حقتنا دي مش أخير منها؟؟
ثم تانيا هم زاتم (كفار)!!!!
(وش حاقد وبيكره باريس ولندن واي حتة ناسها فاكنها في روحم)
|
Post: #28
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 07:00 AM
Parent: #18
يا علاء الدين،،
Quote: هلولة..بيني وبينك (لندن) مش شينة وناسها متخلفين؟؟
والكدرو حقتنا دي مش أخير منها؟؟
ثم تانيا هم زاتم (كفار)!!!!
(وش حاقد وبيكره باريس ولندن واي حتة ناسها فاكنها في روحم) |
ياخى ديل ناس!!!
و لا اقول ليك .......
القطيعة حرام،
خليهم ساكت،،،
الله يسامحهم بس،،
بعدين إيه جوهم دة،
تصدق ما عندهم هبايب ،
و الربيع عندهم كلو خضراء و جنب الزهور تتصور،
ياخى دى حاجة (تزهج)،،،،
يا حليل الكدرو،
الزهور ما قادرة تمد راسها من الشمس،،،
على فكرة يا جماعة،
حاج علاء الدين، عندو بوست إسمو أنا بكره باريس،،،
أنا أكره باريس.......صور وتعليقات
عشان كدة هو ما قادر ينسى شوية (الحقد) العندو،،،
|
Post: #85
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-09-2009, 11:53 AM
Parent: #18
علاء الدين اول مره اشوف نفرين بخمسه ايدين..
اتاريه الجوع بيعمل عجايب!!
ايه رأيك تجي تغير رأيك عن لندن وباريس؟؟
تحياتي..
|
Post: #108
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 00:16 AM
Parent: #18
Quote: هلولة..بيني وبينك (لندن) مش شينة وناسها متخلفين؟؟
والكدرو حقتنا دي مش أخير منها؟؟
ثم تانيا هم زاتم (كفار)!!!!
(وش حاقد وبيكره باريس ولندن واي حتة ناسها فاكنها في روحم) |
ودي برضع عين لندن با علاء الدين..ونهر التيمز وباخرة تلف بيك كام ساعه تشوف لندن من البحر..
ده بس علشان بس تغير رأيك من شناتها..
موش حلوه الصورة؟؟
|
Post: #19
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: علاء الدين محمد بابكر
Date: 07-06-2009, 07:08 PM
Parent: #17
الصور...الصور البتفقع المرارة وين
|
Post: #21
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: عبدالوهاب علي الحاج
Date: 07-06-2009, 07:33 PM
Parent: #19
هالة حمد لله على السلامة
وان شاء الله قضيتي اجازة سعيدة
.
.
الصور الصور
يابت خوجلي انت ما دايرة تجي مارقة
مشتاقين والله
|
Post: #22
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-06-2009, 07:41 PM
Parent: #21
هاله بتستعبطي سيادتك؟؟
جايبه صورة بص ياسين اللعبه..
وتقولي صور باصات لندن؟؟
علي كل حال البص نمره عشره كنا بناهده من يوستن ونمشي بيه لغاية ماربل آرش في طرف اوكسفورد ستريت..
صح؟؟
وممكن برضه لغاية هامر سميث..صح؟؟
|
Post: #23
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ismeil abbas
Date: 07-06-2009, 08:17 PM
Parent: #21
ألأخت/هاله حسن............السلام عليكم....
المكان يزينه الحضور ومادام مثل هولاء حولك اكيد بتكونى إستمتعتى كتير...
Quote: أولهم:
1. السيدة الراقية: منى بت خوجلى
2. الصديق الصدوق: أشرف مصطفى
3. الصديقة الوفية: د. إيمان
4. صديق الونسة و الحكايات: د. إبراهيم كوجان
5. الصديق الخدوم: محمد هارون
6. الصديق الكريم: أنور محمد طه
7. ست الذوق و المحنة: أسيا ربيع،
و لصاحب الطلة الحلوة: رافت ميلاد
|
تسعدنى الظروف وان الاقى من مجموعتك هذه..بمنى واسيا..الله يحفظهم.ويحفظ الباقين.أينما يكونوا يكون الجمال منثورآ...
لندن من المدن التى لم أرتاح لها...واظننى لم اعرف خباياها وكنت لا اعرف مثل هولاء الناس الحلوين..لكن بعد كده حاتكون مدينتى المفضلة إن شاء الله....
أفردى مساحة من الجمال فى هذا البوست لنا لنعيش معكم الفرح..ربنا يسعدكم جميعآ.....................مودتى.إسماعيل محمد احمد عباس..
|
Post: #30
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 07:33 AM
Parent: #23
الأستاذ إسماعيل عباس،
تحية و إحترام،،
| Quote: تسعدنى الظروف وان الاقى من مجموعتك هذه..بمنى واسيا..الله يحفظهم.ويحفظ الباقين.أينما يكونوا يكون الجمال منثورآ... |
الحقيقة أنا ما عارفة ليه،
لكن أتعودت أفرح لماأقابل (صدفة) سودانيين فى بلاد بعيدة،،
فما بالك بناس تألفهم و تتعود عليهم،
و يصبحوا أكتر من أهل،،،
أتمنى إنك تقابل بقية العقد الفريد،
حتى ممن لم اقابل،
و تسعد بصحبتهم،،
| Quote: لندن من المدن التى لم أرتاح لها...واظننى لم اعرف خباياها وكنت لا اعرف مثل هولاء الناس الحلوين..لكن بعد كده حاتكون مدينتى المفضلة إن شاء الله.... |
أظنك فعلا لم تعرف خباياها،
أنا شخصياانظر إليها بعين أبى (له الرحمة و المغفرة)،
و أحبها لمحبته لها،،
من زيارتك القادمة،
انا واثقة ح تغير رايك فيها،،،
| Quote: أفردى مساحة من الجمال فى هذا البوست لنا لنعيش معكم الفرح..ربنا يسعدكم |
و يسعدك،
و هى فعلا مساحة (مفتعلة) لنشر البهجة و سرد الذكريات،،
مرحبا بك (فى عالمنا)،،،،
|
Post: #91
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-11-2009, 10:27 PM
Parent: #23
Quote: تسعدنى الظروف وان الاقى من مجموعتك هذه..بمنى واسيا..الله يحفظهم.ويحفظ الباقين.أينما يكونوا يكون الجمال منثورآ...
لندن من المدن التى لم أرتاح لها...واظننى لم اعرف خباياها وكنت لا اعرف مثل هولاء الناس الحلوين..لكن بعد كده حاتكون مدينتى المفضلة إن شاء الله....
أفردى مساحة من الجمال فى هذا البوست لنا لنعيش معكم الفرح..ربنا يسعدكم جميعآ.....................مودتى.إسماعيل محمد احمد عباس.. |
ربنا يجعل الجميع ساعيين للفرح..قول آمين!
لندن ببساطه مدينة أم..
ليست الام التي تنجبك..بل الام التي تتبناك ..تحتويك وترعاك وتكون لك ام حقيقية..ما أعظمها مدينه بأجناسها المختلفه وبأهلها..
بمبانبها العريقه واراضيها الخصراء ومهرجاناتها الفنانه..ومكتباتها في كل ركن وزاويه تنافس المقاهي في وجودها..
اقترح ان تنسق مع ابو جهينه حين قدومه ..لتغير رأيك فيها..
وبالطبع ستجدنا جميعا أسرتك اسماعيل الغالي..
|
Post: #29
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 07:14 AM
Parent: #21
Quote: هالة حمد لله على السلامة
وان شاء الله قضيتي اجازة سعيدة
.
.
الصور الصور |
الله يسلمك يا عبد الوهاب،،
والله كانت قصيرة لكن ممتعة و الحمدلله،،،
و الأهم من كدة،
مكنتنى الإجازة من التعرف إلى ناس جميلة عن قرب،،
فأصبحوا،
عزاز علينا،،،،
|
Post: #56
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-07-2009, 04:39 PM
Parent: #21
Quote: هالة حمد لله على السلامة
وان شاء الله قضيتي اجازة سعيدة
.
.
الصور الصور
يابت خوجلي انت ما دايرة تجي مارقة
مشتاقين والله |
وهبه يا وهبه..
ياخ انا بدلع وانا بملا القلل..
انا ما كنت شايله كاميرا..
هي هاله بس الخدعتنا وقالت بتصور ..
واحنا بعيد عنك سذج..صدقناها!
علي كل حال انت اقرا البوست في الرابط ادناه وشوف كم مره هي كده وعدت بتنزيل الصور..
وبعدين تجي تعاين تلقاها مصورة لعبة ياسين ومنزلاها ليكم ..
يصح كده منها؟؟
ما ظنيت!
خليك انتوالشياي الحلوين ديل معانا انا بجيب ليكم الصور..
بما فيها صورتها وهي محتارة قدام الميزان في المطار!
يا فرحنا..هالة حسن بلندن!
|
Post: #184
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 11:27 AM
Parent: #56
وياخسارة!
ده بص لندن القديم..الأحمر الشهير
تم سحبه من لندن وقيل لهطورته..مافيه أبواب..
أظرف حاجه كان أيام الرشاقه والصحة..
اول ما يقيف بسبب بطء الحركة ونكون عايزين ننزل..طوالي ننزل
لا باب يفتحوه لا سواق يسألوه!
المهم البص الىن متاح للتأجير للمناسبات..
يعني لو واحد عايز يمشي سيرة عرس يمشي طوالي يأجره ويزينه والناس جواه تغني
سواقنا زينة وحالف ما يدلينا..
|
Post: #147
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 04:58 PM
Parent: #21
كشك تلفون لندن الشهير..
بس خسارة أغلبها اختفي بسبب سوء الاستغلال..
|
Post: #24
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-06-2009, 08:45 PM
Parent: #1
Quote: فقط،
أهمس لك بالاتى،
1. تخير المكان البعيد عن ضغوط الحياة اليومية،
2. تخير الرفقة الممتعة. |
صدقتي..لذلك أهمسي لهم جميعا يا هالة
ايه فايدة الاجازة لو بقت كلها عكننة؟؟
يعني ما ممكن الناس تتعب السنه كلها من الشغل..وتجتهد في جمع المال من أجل تقضيه وقت ممتع يعطيها دفعة
قوية ترجع بعدها للعمل بقوة اكبر..بعدين تختار مكان كله مشاكل وعدم راحة..
علي العموم مفهوم الاجازات عندنا يحتاج الي تغيير..وتفيير كبير..
اختيار المكان..الرفقه ..بما يناسب الظروف والامكانيات المتوفره مهم جدا..
يعني ماممكن نسافر مكان مافيه ترفيه وتغيير..
وماممكن نسافر مكان نقضي الاجازه فيه ونندم علي سفرنا ليه..
لكن مع توفر المكان والرفقه يا هاله بنحتاج برضه لتخطيط... وتنظيم ولا ايه؟؟
علشان كده ياريت كلنا نفكر في اجازه حلوة ننظمها مع بعض من بدري..
فوائد السفر في الاجازه كتيره!
|
Post: #25
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 06:36 AM
Parent: #24
Quote: اولا زارت الملكه وزوجها فيليب واتصورت معاهم..
كان في مشكله الاول في التصوير لانه الحرس خاف من الكاميرا..بس الحمدلله في نهاية الزياره رجعوها ليها وأخدت بيها
كام لقطه..ابقي نزليهم يا هالة! |
حاضر يا ستى،،،
و لو إنو،،،،
إنتى عارفة،،،
ح يتشهروا على حسابى يا شيخة،،،
Quote: وبعدين اتمني هالة تقول الحقيقة كامله بالنسبه لتشارلز وزوجته..
لأني شوفتهم بيدوها في هدايا كتيره..وبيتهيألي كمان في الظروف المنفوخه المدوها ليها كان في استرليني! |
لكن يا منى،
الظروف دى ما كان فيهاإسترلينى و لا حاجة،
ديل كانوا بدونى ورقهم،
عشان اقدم ليهم لجوء... أندينا،،،،
| Quote: المهم يا ندويه احنا منتظرنك في لندن..تعالي اجازه وغيري من منظقة الشرق الاوسط شويه.. |
ايوة بالله عليكى يا ندوية،
أنا متأكدة رفقتك ح تكون ممتعة جدا،،،،
|
Post: #39
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-07-2009, 11:28 AM
Parent: #25
Quote: حاضر يا ستى،،،
و لو إنو،،،،
إنتى عارفة،،،
ح يتشهروا على حسابى يا شيخة،،، |
معليش يا هاله..اعملي الخير وارميه البحر!
خليهم يشتهروا ويفرحوا..
هي الدنيا ايه غير شهرة وفرحة؟!!
بس علي فكرة يا هالة الراجل فيليب ده كان عليه حركات عجيبة!
عارفه.. ماعايز يزح من جنبها خالص..خلاص يا اخي عرفناك متزوجها..ابعد شويه!
فاكره لما الملكة بدت كلام معاكي وفجأة اتذكرت انه موجود وقامت قطعت كلامها؟؟
والله ساعتها اتغظت جدا لاني فعل كنت عايزة اعرف هي عايزة تقول شنو!
وبعدين كويس يا هالة انه اليوم داك لبستي الطرحه باللون ده..عامله ماتشينج رهيب مع الستاير..
مهم الواحد يعرف شكل ديكور الحته الماشيها علشان يضبط معاها لبسه..
والملكه كمان ذوق خالص..اول ماعرفت انك متحجبة لبست طويل..اضعف الايمان علشان خاطرك بس يا جميل..
اييييه..كان يوم ولا كل الأيام!
|
Post: #94
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-11-2009, 11:52 PM
Parent: #25
Quote: لكن يا منى،
الظروف دى ما كان فيهاإسترلينى و لا حاجة،
ديل كانوا بدونى ورقهم،
عشان اقدم ليهم لجوء... أندينا،،،، |
ايوه والله!
عارفه ساعات كده في ناس بتكون غاويه فقر!
بتطلعي اشاعات عنهم علشان ما تقسمي معاي..صح؟؟
|
Post: #31
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 07:45 AM
Parent: #24
Quote: صدقتي..لذلك أهمسي لهم جميعا يا هالة
ايه فايدة الاجازة لو بقت كلها عكننة؟؟
يعني ما ممكن الناس تتعب السنه كلها من الشغل..وتجتهد في جمع المال من أجل تقضيه وقت ممتع يعطيها دفعة
قوية ترجع بعدها للعمل بقوة اكبر..بعدين تختار مكان كله مشاكل وعدم راحة..
علي العموم مفهوم الاجازات عندنا يحتاج الي تغيير..وتفيير كبير..
اختيار المكان..الرفقه ..بما يناسب الظروف والامكانيات المتوفره مهم جدا..
يعني ماممكن نسافر مكان مافيه ترفيه وتغيير..
وماممكن نسافر مكان نقضي الاجازه فيه ونندم علي سفرنا ليه..
لكن مع توفر المكان والرفقه يا هاله بنحتاج برضه لتخطيط... وتنظيم ولا ايه؟؟
علشان كده ياريت كلنا نفكر في اجازه حلوة ننظمها مع بعض من بدري..
فوائد السفر في الاجازه كتيره! |
تعرفى يا منى،
أنا واحدة من الناس (بعد ما أعتمدت على نفسى)،
أتعودت أهمل حقى فى الإجازة،،
و اقول إيه فايدة الإجازة لما الواحد ح يرجع للعكننة لا محالة،،
مع إنو أهلى مثلا سبحان الله ما عودونا على الفهم دة،،
لكن فى السنين الأخيرة،
شفت زملائنا (الخليجيين) ما بفرطوا فى الجازة حقتهم،
واحدة فى الصيف و واحدة فى الشتى،،
و طبعا على داير (اليوم)،،
استفزونى يا شيخة،
و قلت ليهم ما فيش حد أحسن من حد،،،
و ادى النتيجة،
الإنجليز (نصبوا على)،،،،،،
|
Post: #32
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: فادية اليمني
Date: 07-07-2009, 08:37 AM
Parent: #31
لولو العسل
هنئينا لك باصدقائك ومتعتك معاهم
Quote:
ديل كانوا بدونى ورقهم،
عشان اقدم ليهم لجوء... أندينا،،،، |
بااالله الجماعة ديل ما تقصرى معاهم انا عاملة ليهم توصية
منى خوجلى
تحياتى
|
Post: #33
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 10:34 AM
Parent: #32
فادية كيفك؟؟؟؟
شكرا ليك يا ستى،
و أدام عليكى العافية و راحة البال،،،،
| Quote: بااالله الجماعة ديل ما تقصرى معاهم انا عاملة ليهم توصية |
غايتو يا فادية أحرجتينى إحراج،،
توصيتك على العين و الراس،
لكن الناس ديل بالتحديد ما كنت ناوية أخدمهم،،
ياخى كلو كلو أنا و نادية عثمان ما بنحبهم،،،
أقول ليكى قولة،
اخدمهم ليكى،
بس فى الاول أجهجهم شوية،،،،،
|
Post: #34
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 10:41 AM
Parent: #32
رحلة الأحد:
أها نبدا يا منى؟؟؟
نادى إبراهيم كوجان،،،
|
Post: #35
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: انعام حيمورة
Date: 07-07-2009, 10:45 AM
Parent: #34
هلول
اجازة حلوة برفقة الحلوين
بختك وحمد لله على السلامة ..
|
Post: #36
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 11:05 AM
Parent: #35
الحكاية بدأت يا جماعة،
بأنو د.إبراهيم كوجان،
الله يكرمه،
جا زارنا و قال نطلع Day out
اتفقنا على الأحد طبعا،
لأنو يوم إجازة الناس الشغالين،،
د. إبراهيم وصل على مواعيدو،
و لقى منى راقدة(سلطة)،،
إلا هى كانت خنازير و لا طيور بس يا منى؟؟؟
ما علينا،
طبعا أنا (أتحسست) و قلت ليها كيف يعنى نمشى نتفسح و نسيبك مسكينة كدة؟؟
بعدين هى الفسحة لازماها منى عشان الونسة طبعا،،
كتر خيرها منى،
أتحاملت على نفسها،
و قررت تطلع معانا (بشروط) كتيرة،
و طبعا، أذعنا لكل الشروط ،
(سجلى أذعنا دى عندك يا منى)،،،،
ما كان فى برنامج محدد للرحلة،
بس كان فى إحتمال نركب الفيرى لجرينتش،،
المهم مشينا...........
تتذكرى الصورة دى يا منى؟؟؟
طبعا يا جماعة الصورة الانا قاصداها إحنا متصورين مع العربية،
بس عايزاكم تشغلوا خاصية الـimagination
|
Post: #38
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: tmbis
Date: 07-07-2009, 11:13 AM
Parent: #36
يا هندسة .. حمد الله على السلامة
..
.
قالو في لندن الجو أوروبي 
|
Post: #41
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 11:34 AM
Parent: #38
سلام يا تمبس،،
حمدالله على السلامة إنت ياخى،،،
| Quote: قالو في لندن الجو أوروبي |
تعرف يا تمبس ناس إنجلترا معروفين طبعا،
بكرهوا الجو هناك شديد،،
يعنى لسان حالهم يقول،
دة شنو دة كلو مطر و غيم كدة،،
و ايام الشمس المشرقة،
البلد دى كلها تزهلل،
يعنى لو رفعت ليك شمسية الساعة دى،
ولا قلت ليهم دى شمس شنو دى،،
إحتمال كبير يرحلوك من اكسفورد إستريت على المطار،
و يمنعوا منك الفيزا بتاتا،،،
عشان كدة،
أختك طلعت ناصحة،،
أتصرفت غميتى كدة،،
بستمتع بالمطرة من غير ما اكلم زول!!!!!
|
Post: #42
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 11:43 AM
Parent: #41
صورة لمنى و هى تستمتع باشعة الشمس و حفيدها المصون: ياسين
|
Post: #132
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-16-2009, 10:52 AM
Parent: #38
قالو في لندن الجو أوروبي
ايوه والله ..قالوا كمان يا مبس فيها كباري عجيبة وكهربتها اصله ما بتقطع حتي في الفجر منورة..
|
Post: #208
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-25-2009, 01:13 PM
Parent: #38
Quote: كتر خيرها منى،
أتحاملت على نفسها،
و قررت تطلع معانا (بشروط) كتيرة،
و طبعا، أذعنا لكل الشروط ،
(سجلى أذعنا دى عندك يا منى)،،،، |
خلي بالك يا تمبس هالة قالت اسجل أذعنا دي لانه وراها في كلام كتير..
طبعا ماما جاره اكتر زول ممكن تقعد معاه وتتونس وتطلع بكلمات من نوع أذعنا دي..
وفاكرة يا هالة كم واحدة كده سجلناها ليها في يوم واحد؟؟
يللا ممكن تقوليهم انا ما قادرة اتذكر!
ماما جاره وحشتينا..تعالي ارجعي سريع!
|
Post: #50
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-07-2009, 12:35 PM
Parent: #36
| Quote: تتذكرى الصورة دى يا منى؟؟؟ |
اتذكرها كيف يعني؟؟
ماكل لحظه وكل وقت بتلقي واحد بيركب عربيه!
كنت بتذكرها لو كانت قبل ما تعدليها..في الصوره الفيها انتي علي اليمين وانا علي اليسار..
وكنت بتذكر كمان الحوار مع الاولاد الفيها..
الولد المشهور في الفن والتانيين المعاهو..
وكنت اتذكرت التعليق بتاع السواق بتاعه..
بس انتي شيلتي الصورة ..بالتالي ما بقدر اتذكر!
بالحق..
انتي غيرتيها ليه؟؟
عارفه كلمة "بالحق" دي عندها ذكري مضحكة شويه..
واحده من صحبات منال كانت بتجي مصطفي يدرسها انجليزي خلال السنه..
ولما بكره خلاص الامتحان مصطفي اداها جمله تشرحها..
الجمله فيها كلمة between
راحت هي طوالي سألته..
بالحق يا مصطفي..هي between يعني ايه؟
|
Post: #127
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 05:10 PM
Parent: #36
Quote: د. إبراهيم وصل على مواعيدو،
و لقى منى راقدة(سلطة)،،
إلا هى كانت خنازير و لا طيور بس يا منى؟؟؟ |
مافرقت يا هاله..الاثنين أعراضهم بتودي في داهيه..
بس عارفه انا نفسي في شنو؟؟
عايزة اشوف الانجليز ديل هايعملوا شنو لوظهرت انفلونزا للكلاب؟؟
بيجنوا عديل والبلد كلها بتنقلب..
ياخ ديل في سبيل كلابهم ممكن يعملوا اي حاجة..حتي اسقاط الجكومه في الانتخابات الجايه..
تلقي حزب المحافظين يجي في حملته ويقول..
العمال لم يهتموا بكلابكم..أنهم ضد الحيوانات التي تؤانسنا وتحرسنا وتكون لنا كالابن والابنه..
لا تولوا مثل هذا الحزب القاسي عليكم فتضيع حياتكم مع كلابكم!
وبدون مبالغه حياة الكلب هنا ليست اقل شأنا من الانسان..
لكن انا بس مستغربة..
انا لما كان عندي انفلونزا عطست ياما في وشك انتي والباقيين..
ما أخدتوا العدوي ليه؟؟
|
Post: #202
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-23-2009, 02:18 PM
Parent: #36
Quote: كتر خيرها منى،
أتحاملت على نفسها،
و قررت تطلع معانا (بشروط) كتيرة،
و طبعا، أذعنا لكل الشروط ،
(سجلى أذعنا دى عندك يا منى)،،،، |
انا بخلي بالي من "أذعنا" من زعل وانتي خلي بالك من الجاي
اولا أنا حرارتي كانت عاليه وعلي وشك اكمل 3 كورسات مضاد حيوي وجسمي تعبان شديد..
يعني دي فرصة برضه في البوست اللي مالوش صحب ولا رقابة ده..الواحد يشتكي..
طيب هلكانه ومنكوشة زي المجنونه ومناخيري مقفوله من النزله وعيوني وارمه وعظامي تئن من أثر الحمي
(اهي دي العايزاكي تخلي بالك منها ياهاله..كده درون)..
يجوا الجماعة يقولوا ليك لازم تطلعي..
خلاص كويس بطلع بشروط..
أول ما أتعب واقول عايزه ارجع البيت ترجعوني طوالي..
ما بقدر أمشي..الحركه بالعربية بس!
وتمت الموافقه وخرجنا كلنا..
تفتكروا كيف كان الالتزام بالشروط بيننا الثلاثه؟؟
ابراهيم تعب علشان يلقي باركينج..(في داعي ياهاله نحكي سرقة العربية؟؟)
وبعد ده كله مشينا برجلينا امكن كم كيلو..
أنا نسيت المرض.. وهم نسوا أمر العربيه..
وكل زول عمل نايم من الاذعان للشروط ومن التنفيذ!
خلوا بالكم العالم دي كلها مستهبلة!
محمد ابراهيم ازيك من علي البعد..
|
Post: #37
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 11:10 AM
Parent: #35
إنعام،
الله يسلمك ياخى،،
وين منال صاحبتك،
اتصلت عليها ما ردت،
فتحت تليفونها و لا لسة؟؟؟
|
Post: #40
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ماجدة عوض خوجلى
Date: 07-07-2009, 11:31 AM
Parent: #35
غايتو ياهالة الجماعه بعدك اتجدعو شديد فينا مافى جريدة ماقاشره بيهم وبقى من خامس المستحيلات انك ماتلقى خبر عنهم
او عن افراد الاسرة المغموره فى كل القنوات التلفزيونيه واظنهم كمان هسه وصلو فضائيه ابوظبى الاولى وده كلو انتى السبب
فيه من ماجوكى هم وطلبو يتصورو معاك وهم فاكينها فينا.. بقصد الملكة ومونتباتم على قول الحجية الكبيرة فليب مونتباتم.. بتصدقى حبيبه دايما السودانيين ربنا بيسخرم للاخرين من خلقه و يكونو هم السبب فى شهرتم عالميا هسه عليك الله شوفى جماعتنا الهنا ديل زول جايب خبر ليهم ولا سامع عنهم خبر مافى الا بعد جيتك .. مشتاقين ياخى احنا والله .. انتى ماجايه تصومى معانا رمضان الحسدونا فيهو ده لمن السنه هنكون صايميين لنص الليل عديل كده ..
تسلمى حبيبه من كل شر
|
Post: #43
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 11:50 AM
Parent: #40
أووووه العزيزة ماجدة،،،
Quote: غايتو ياهالة الجماعه بعدك اتجدعو شديد فينا مافى جريدة ماقاشره بيهم وبقى من خامس المستحيلات انك ماتلقى خبر عنهم
او عن افراد الاسرة المغموره فى كل القنوات التلفزيونيه واظنهم كمان هسه وصلو فضائيه ابوظبى الاولى وده كلو انتى السبب
فيه من ماجوكى هم وطلبو يتصورو معاك وهم فاكينها فينا.. بقصد الملكة ومونتباتم على قول الحجية الكبيرة فليب مونتباتم.. بتصدقى حبيبه دايما السودانيين ربنا بيسخرم للاخرين من خلقه و يكونو هم السبب فى شهرتم عالميا هسه عليك الله شوفى جماعتنا الهنا ديل زول جايب خبر ليهم ولا سامع عنهم خبر مافى الا بعد جيتك .. مشتاقين ياخى احنا والله .. انتى ماجايه تصومى معانا رمضان الحسدونا فيهو ده لمن السنه هنكون صايميين لنص الليل عديل كده ..
تسلمى حبيبه من كل شر |
هى صحى ايام بسيطة و مرت سريع،
لكن ليكم وحشه شديدة الله يعلم،،
قلتى لى الجماعة أتجدعوا فيكم شديد،،
معليش كبروا عقلكم ،،
و ادوهم فرصة يشموا النفس شوية،،
و أنا يا ستى،
بعمل بمقولة،
اعمل الخير و أرميه البحر،،
عشان كدة سامحونى،
ما كانش اصدى،،،،
| Quote: انتى ماجايه تصومى معانا رمضان الحسدونا فيهو ده لمن السنه هنكون صايميين لنص الليل عديل كده .. |
طيب ما تجوا إنتوا تصوموا معانا شوية بس،،
عندنا نص يوم،
لكن ح يعجبك اوى،،،،
يا حليلكم يا ماجدة،
إنتظرى لما انزل ليكم صور البرد،،،
|
Post: #44
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 11:56 AM
Parent: #43
يا منى ،
تصدقى أنا رديت على ماجدة فوق من غير ما أشوف كلامك دة،،،
Quote: معليش يا هاله..اعملي الخير وارميه البحر!
خليهم يشتهروا ويفرحوا..
هي الدنيا ايه غير شهرة وفرحة؟!!
بس علي فكرة يا هالة الراجل فيليب ده كان عليه حركات عجيبة!
عارفه.. ماعايز يزح من جنبها خالص..خلاص يا اخي عرفناك متزوجها..ابعد شويه!
فاكره لما الملكة بدت كلام معاكي وفجأة اتذكرت انه موجود وقامت قطعت كلامها؟؟
والله ساعتها اتغظت جدا لاني فعل كنت عايزة اعرف هي عايزة تقول شنو!
وبعدين كويس يا هالة انه اليوم داك لبستي الطرحه باللون ده..عامله ماتشينج رهيب مع الستاير..
مهم الواحد يعرف شكل ديكور الحته الماشيها علشان يضبط معاها لبسه..
والملكه كمان ذوق خالص..اول ماعرفت انك متحجبة لبست طويل..اضعف الايمان علشان خاطرك بس يا جميل..
اييييه..كان يوم ولا كل الأيام! |
الموضوع توارد خواطر إذن،،،
لكن بينى و بينك،
انا اليوم دة تعبت فيه جدا،
دى الملكة دى طلعت رغاية بشكل،،،
و بعدين شنو حركات القطيعة دى،
صحى عجايز الإنجليز بحبوا القطيعة،،،
بعدين إيه الشاى التعبان الجابوه دة،
انا اضطريت اشرب شاى تانى لما رجعت البيت،
و اقطع من كيكة الشوكولاتة معاهو بدل الجوع دة،،،
|
Post: #46
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: محمد عبد الماجد الصايم
Date: 07-07-2009, 12:01 PM
Parent: #44
اللخت
ما تقللي الكلام شوية وأدينا الصور ياخ!
|
Post: #47
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 12:16 PM
Parent: #46
Quote: اللخت
ما تقللي الكلام شوية وأدينا الصور ياخ! |
اللخو،
ما قلت ليكم إستعملوا الــimagination،
يعنى الصور دى إلا تشوفوها؟؟؟؟
غايتو بس،
السلام امانة،،
الجوز ديل قالوا لى اسلم على ود الصايم،،
بتعرفهم؟؟؟
|
Post: #133
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-16-2009, 02:35 PM
Parent: #46
Quote: اللخت
ما تقللي الكلام شوية وأدينا الصور ياخ! |
والله غايتو صور هالة ما بعرفها مالها..
ياربي مالها؟؟
دي غايته مني ليك يا ود الصايم علي الرغم من انك قلت لهالة قللي الكلام وهي بتتكلم معاي وأنا اتحسست..
دي صورة لندن بريدج المشهور داك..معلق ساااكت..
|
Post: #134
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-16-2009, 09:41 PM
Parent: #44
Quote: بعدين إيه الشاى التعبان الجابوه دة،
انا اضطريت اشرب شاى تانى لما رجعت البيت،
و اقطع من كيكة الشوكولاتة معاهو بدل الجوع دة،،، |
الحمدلله يا شيخة الشربتي شاي تاني..
هو الجابوه ده كان شاي؟؟
الفنجال كله فيه نقطة لبن!
غير يبوظوا لون الشاي ما يعملوا حاجه!
علي كل حال انا كان كفاية علي اتفرج علي عدة الشاي وآكل الكيك الانجليزي..
شوفتي البراد والفناجين كانوا كيف؟؟
ولا الصحون والشوك؟؟
حاجة تحير!
علي فكرة يا هاله..
انتي ليه شلتي النابكينج وزحيتيه بعيد منك؟؟
عارفه الملكة زي اتعقدت من الحركة دي..افتكرتك قرفانه!
المهم انا اسيبك قبل اسمه مين واسمه مين واسمه مين التالت برضه..
يجي قول بتتونسوا والتاني بهناك يرد عليه ويقول ليه المنبر كله بقي ونسه!
عالم تحب تحضر الشكل بس!
|
Post: #45
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-07-2009, 11:59 AM
Parent: #43
ماجده يومتها ماقلت ليك جيبي لي من الرينك البتشربيه ده وقلتي اختفي من البلد؟؟
جنس خبث عليك!
|
Post: #48
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 12:23 PM
Parent: #45
| Quote: ماجده يومتها ماقلت ليك جيبي لي من الرينك البتشربيه ده وقلتي اختفي من البلد؟؟ |
لكن يا منى سبقتينى،،
كنت عايزة اسأل ماجدة،
الدعاية للقرد و لا للبتاع اللى بيشربه؟؟؟
لكن ولا يهمك،،
لو ماجدة ما جابت ليكى،
هنا فى كتير،،،
ممكن نرسل ليكم كوتة لرمضان مثلا،،،
|
Post: #49
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-07-2009, 12:29 PM
Parent: #48
صورة سريعة كدة لتوثيق (السرقة الواضحة فى منتصف النهار)،
و معايا شهود،،
الـ20 بنس نكتها من وين و وين عشان استعمل المنظار،
و بعدين المنظار ما اشتغل،،
يعنى الصورة دى عشان مثبت فيها المنظار ما كان شغال فى اللحظة دى،
و انا ح أطلبكم كلكم فى القضية،،،
|
Post: #51
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Tabaldina
Date: 07-07-2009, 03:17 PM
Parent: #49
..
.
Quote: النقطة الأخيرة دى لازم أرفق معاها المعوزتين والله أكبر و قل هو الله أحد على ناس عارفاهم كويس
أولهم حرفو الاول معتصم، و تانيهم حرفو الاول صالح، ... و بث |
قرقر قرقر قرقر
وانا اقول ما كلمتينا بمواعيد التيك اوى ليه !!
سمح ..!!
__________
غايتو ناس المنبر ديل خميتيهم
بصور المنظار والعربية الاسبورت ..
ما خفى كان أعظم .. يا صايم :)
|
Post: #52
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: محمد عبد الماجد الصايم
Date: 07-07-2009, 03:26 PM
Parent: #51
| Quote: ما خفى كان أعظم .. يا صايم :) |
أيواااااا
أتكيف جـدا أنا لمن أرمي الـ 1 وألاقي الـ 2!
أولتش حاقة أنا؟
|
Post: #59
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 07:50 AM
Parent: #52
ود الصايم،
Quote: أيواااااا
أتكيف جـدا أنا لمن أرمي الـ 1 وألاقي الـ 2!
أولتش حاقة أنا؟ |
داير تشوف الصور كولها،
تعال شوفها بالدرب ياخ،،،
ح اعمل ليكم (بلوك) إنت و صالح،
عشان ما تشوفوا الصور الخطيرة اللى ح أنزلها هنا،،،،
|
Post: #141
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 01:46 AM
Parent: #59
بدون مبالغه يا تبلدينا..
هاله بتمشي شارع اوكسفورد ستريت الطويل ده مرات مرتين في اليوم!
مرة تشتري..ومرة ترجع تغير الاشترته!
|
Post: #60
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 07:54 AM
Parent: #52
التكرار التكرار،،،
|
Post: #58
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 07:38 AM
Parent: #51
Quote: غايتو ناس المنبر ديل خميتيهم
بصور المنظار والعربية الاسبورت ..
|
يا صالح إنت مش بتعرفنى كويس،
داير بصورى شنو؟؟؟
نجيب ليك المناظر أحسن،،،،،
Quote:
ما خفى كان أعظم .. يا صايم :) |
أيوة خليك كدة،
العب وان و تو مع ود الصايم دة،
عشان انزل ليكم الصور كويس أنا،،،،
|
Post: #107
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 00:08 AM
Parent: #49
Quote: الـ20 بنس نكتها من وين و وين عشان استعمل المنظار،
و بعدين المنظار ما اشتغل،،
يعنى الصورة دى عشان مثبت فيها المنظار ما كان شغال فى اللحظة دى،
و انا ح أطلبكم كلكم فى القضية،،، |
اهو جبت ليك عين لندن من قوقل..
يللا بطلي البكا علي العشرين بنس!
|
Post: #179
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 09:19 PM
Parent: #49
ولندن آي بالليل كمان..
|
Post: #84
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ماجدة عوض خوجلى
Date: 07-09-2009, 11:15 AM
Parent: #45
Quote: ماجده يومتها ماقلت ليك جيبي لي من الرينك البتشربيه ده وقلتي اختفي من البلد؟؟
جنس خبث عليك! |
عليك الله ياهاله شوفى جنس السلبطه دى لكن ربك ربك الخير اصلو مابيقبل الظلم ودايما بيطلع الحقيقة
شوفى هى بتتهمنى بشنو وربنا عماها ماخلاها تشوف اوسو (ياسين الترجمة على الشريط وكده ) وهو قاعد يشرب من الدرينك حقى
وبعدين مش هى ويايسن واحد كيف يعنى اكون اتغاتت عليها غايتو يادنيا فيكى كم وكم فيكى يادنيا
غايتو ياهاله انا مابسالك كلو كلو وانتى برضو ماتسالينى وبرضو كلو كلو 
..
|
Post: #155
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 11:10 AM
Parent: #84
يا ماجدة،
Quote: عليك الله ياهاله شوفى جنس السلبطه دى لكن ربك ربك الخير اصلو مابيقبل الظلم ودايما بيطلع الحقيقة
شوفى هى بتتهمنى بشنو وربنا عماها ماخلاها تشوف اوسو (ياسين الترجمة على الشريط وكده ) وهو قاعد يشرب من الدرينك حقى
وبعدين مش هى ويايسن واحد كيف يعنى اكون اتغاتت عليها غايتو يادنيا فيكى كم وكم فيكى يادنيا
غايتو ياهاله انا مابسالك كلو كلو وانتى برضو ماتسالينى وبرضو كلو كلو |
ولا يهمك ،،
أنا كنت حاضرة لما جبتى ليها (العلبة)،
و قلتى ليها دة الدرينك الطلبتيه منى،
قالت ليكى،
أنا عندى نزلة،
ما بقدر اشرب بارد،
دايرة قهوة،،،
غايتو،
عالم سلباطة(الكلمة دى كدة صاح؟؟) بشكل،،،،
|
Post: #125
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 03:57 PM
Parent: #35
Quote: هلول
اجازة حلوة برفقة الحلوين
بختك وحمد لله على السلامة .. |
انعام ..
نزلنا المحطو علشان نركب القطر انا وهالة لقينا الراجل ده واقف يعزف ويغني..
خلينا المشوار وقعدنا نسمع..افتكرنا في حفلة ومجانيه..
اتاريه الراجل كان بيعزف نظام شحته!
طبعا اول ماعرفنا ..مشينا بعيد منه طوالي...
جيوبنا كان فيها عقارب!
|
Post: #139
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 01:28 AM
Parent: #35
تتذكري المشي علي الكوبري ده؟؟
هريتوني مشي وانا مسكينة عيانة!
|
Post: #75
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-08-2009, 01:19 PM
Parent: #32
مرحب يا فاديه..
ماناويه تجينا؟؟
غايته لو جايه ما تجي في الشتاء..
وبالتحديد تعالي في أي وقت بين ابريل سبتمبر..
والتحديد الاكبر بين مايو ويوليو..علشان الصيف..
اسه هحنا عندنا امطار ليها تلالته ايام..
بس الجو جميل جدا جدا..
|
Post: #109
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 00:33 AM
Parent: #31
Quote: تعرفى يا منى،
أنا واحدة من الناس (بعد ما أعتمدت على نفسى)،
أتعودت أهمل حقى فى الإجازة،،
و اقول إيه فايدة الإجازة لما الواحد ح يرجع للعكننة لا محالة،، |
وأنا بقي بقول..
ايه فايدة الاجازه مادام الواحد بيرجع منها مفلس!
|
Post: #178
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 05:11 PM
Parent: #31
Quote: لكن فى السنين الأخيرة،
شفت زملائنا (الخليجيين) ما بفرطوا فى الجازة حقتهم،
واحدة فى الصيف و واحدة فى الشتى،،
و طبعا على داير (اليوم)،،
استفزونى يا شيخة،
و قلت ليهم ما فيش حد أحسن من حد،،،
و ادى النتيجة،
الإنجليز (نصبوا على)،،،،،، |
اهو دول بالذات ما تصيبك غيرة من اجازتهم..
لكن غيري بس من قروشهم البيصرفوها في اجازتهم!
أحسن ناس تقضي اجازة زي اجازة الجماعة الخواجات..
الاجازه مخطط ليها من سنتين..
والتذكره والسكن واجازة الشغل مجهزين من بدري..
وشنطتهم مافيها ملابس كتيرة..
والبيشتروه ذاتو ماكتير..
بس زيارات سياحيه لكل مناطق البلد..
قضاء النهاريات علي الشاطيء والمقاهي..
حوامة في الاسواق تتمخض عن شراء تذكار وبالكتير قميص..
ومطاعم..
عارفه..خايل عليهم المثل..
أكل ومرعي وقلة صنعة..
طبعا فور اوايل عدم الصنعه دي!
لكن تعالي بقي عندنا احنا وجماعتك..
أكياس واكياس واكياس معيئه بالملابس والاحذيه والتياب
والتي سريعا ماتصير كما تقول حاجة عاشة حبوبة آية الله يرحمها..
الدلقن!
الناس دي بتشتري دلاقين كتيرة خلاص..
ومش كده بس..
أساسا بيجوا من بلدهم بملابس كتيرة..
طيب ليه مادام جايين تشتروا؟؟
بعدين نقعد بقي تحت الحيطة نسمع الزيطه..وكلها من نوع
الشنط ما بتقفل..
الوزن زايد كتير..
كلمتك قبيل قلت ليك شوفي مثل تاني!
|
Post: #53
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: salee
Date: 07-07-2009, 03:36 PM
Parent: #1
عزيزتي هاله
اتمني ليك اجازة ممتعة في لندن
صور جميله جدااا ورائعة
لك مني كل الود والتقدير
|
Post: #54
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: نوفل عبد الرحيم حسن
Date: 07-07-2009, 03:58 PM
Parent: #53
حمدا لله علي السلامه
عملتوا لينا صدمه حضاريه بالصور دي
غايتو لندن نضيفه جنس نضافه ...
شاحد ربي يغشاها غبار من غبار الخرطوم دي يخلي لونها بني
حساده ساااااااكت كدي
|
Post: #55
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-07-2009, 04:27 PM
Parent: #54
Quote: شاحد ربي يغشاها غبار من غبار الخرطوم دي يخلي لونها بني
حساده ساااااااكت كدي |
وي وي ولا بتجينا هبوب..
ولا المطره الكتيرة دي بتلقاها راكنه في الشوارع عامله طين..
وكهربتنا ما بتقطع..والغاز موصل من عشرات السنين في انابيب جوه الحيط..
وكل كام بيت جنبهم حديقه مليانه زهور وكنب..
و...
و....
كفاك يا نوفل نخلي حاجه لصور هاله الاشاعة دي!
|
Post: #64
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 08:24 AM
Parent: #55
Quote: وي وي ولا بتجينا هبوب..
ولا المطره الكتيرة دي بتلقاها راكنه في الشوارع عامله طين..
وكهربتنا ما بتقطع..والغاز موصل من عشرات السنين في انابيب جوه الحيط..
وكل كام بيت جنبهم حديقه مليانه زهور وكنب..
و...
و.... |
طيب يا منى،
عشان بس ما صورت نقطة الموية البلت لى رجلى فى الشارع يوم المطرة داك؟؟
ياخى إنتو ناس مستهبلين،،
و عشان تصدق يا نوفل،
عاين الصورة دى،،
ياسين حبيبى فى حديقة قريبة من بيت ايه،،
| Quote: كفاك يا نوفل نخلي حاجه لصور هاله الاشاعة دي! |
متذكرة الكنبة دى يا منى؟؟
|
Post: #63
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 08:15 AM
Parent: #54
يا نوفل،،
| Quote: حمدا لله علي السلامه |
الله يسلمك ياخى،،
Quote: عملتوا لينا صدمه حضاريه بالصور دي
غايتو لندن نضيفه جنس نضافه ... |
ياخى ما تتعقدوا ساكت،
دى صور صور،،
يعنى الكاميرا هى النضيفة،،
ما حاجة،،،
Quote: شاحد ربي يغشاها غبار من غبار الخرطوم دي يخلي لونها بني
حساده ساااااااكت كدي |
تعرف ديل ناس ربنا عامل فيهم عمايل،،
أنا أول يومين مشيت،
قربت أركب أرجع تانى،،
قال الشمس طالعة،
و الناس مبسوطة،،
طيب مفروض اتبسط كيف أنا؟؟
غايتو شبكتهم،
رجلى حلوة عليكم،
جبت ليكم معاى الشمس،،،
شوية كدة و جات المطرة،
ابتديت افرهد انا،،،،
غايتو فى أجواء زى دى،
دايما بتعرف تماما ليه مسكين السودانى،
صارى وشه كلو فى نخرته،،،،
|
Post: #61
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 08:07 AM
Parent: #53
العزيزة سالى،،
Quote: اتمني ليك اجازة ممتعة في لندن
صور جميله جدااا ورائعة |
شكرا لظرفك و كرمك،،
بالله كلمى الجماعة ديل على الصور،،
ما عارفاهم مالهم!!!
أسعدنى مرورك،،
|
Post: #57
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-07-2009, 05:08 PM
Parent: #1
Quote: و للسيدات أقول:
كشكشى جيوبك و جيوب المعاك،،،،، |
تشتري الاويستر (تذاكر المواصلات)الاسبوعيه او الشهريه..أو حتي كرت المواصلات اليومي قبل اي رحله..
وأمشوا المحظه
وتاخدوا القطر ده..
بس اياك تغرقوا في "شبر ميه" وتاخدوا الطريق الخطأ زينا اليوم داك!
فاكره يا هالة ولا أفكرك؟؟
|
Post: #62
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Tabaldina
Date: 07-08-2009, 08:08 AM
Parent: #57
..
.
ازيك يا منى ,,
والله مشتاقين .. انا ما عارف بقيت بخش
ولا بسلم .. كلو بسبب الطشاش وعوامل التعريه
بعدين ورونا انتو رحتو ووينو وركبتو ياتو بص
وشربتو قهوة فى الادجور ستريت ولا اسمو شنو ؟؟
هاله دى صورها ما مقنعة بالنسبة لى ولودالصايم
_______
غايتو الانا شايفو غير صورة المنظار
والمتحف مع الملكة وود آيه البتجارى مع حبوبتو فى الحديقة
الباقى كلو من الويب سايد..
|
Post: #65
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 08:28 AM
Parent: #62
Quote: غايتو الانا شايفو غير صورة المنظار
والمتحف مع الملكة وود آيه البتجارى مع حبوبتو فى الحديقة
الباقى كلو من الويب سايد.. |
غايتو يا تبلدينا نقنعكم كيف ما عارفين،،
ما قاعدين نصور فى المناظر ياخى،،،،
|
Post: #66
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: jini
Date: 07-08-2009, 09:11 AM
Parent: #65
دا قطر ولا عقد!
مغسل ومتمر تقول طقم صينى!
بمعيار النضافة من الايمان نحن كفار ملاحدة ومشركين عديل!
نحن القطر حقنا الا تلبس ليك رداء عشان ما تتوسخ يعنى كان عندك اجتماع الا تشيل يارك معاك !
ما عندنا طريقة للناس ديل الا نكفرهم ونجاهد فيهم ولسان حالنا الفيك بدربو وحق الناس اقدلبوا!
جنى
|
Post: #67
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 09:36 AM
Parent: #66
يا جنى،
| Quote: ما عندنا طريقة للناس ديل الا نكفرهم ونجاهد فيهم ولسان حالنا الفيك بدربو وحق الناس اقدلبوا! |
هم من ناحيى كفار،
بكونوا زودوها شديد،،
لو ما كان كدة،
ما كان ربنا بديهم جنته (سبحانه و تعالى)فى الارض،،
بعدين القطر دة يكون عشان بمشى برايتون و الموية هناك (ملح)،
بتغسل كل يوم،،،
لكن ما يغركش المنظر،
انا شخصيا ركبت لى قطر كدة (ياااى) من الكنبة،
تصور فيها خرم؟؟؟؟؟ (بضم الخاء طبعا)،،،
|
Post: #68
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 09:43 AM
Parent: #67
| Quote: متذكرة الكنبة دى يا منى؟؟ |
وحكاية الكنبة دى يا جماعة،
يعنى من دون المتنزه كله قعدنا فيها،
أربعة ماشاء الله،
يسدوا عين الشمس،،
أتونسنا و ضحكنا و ما خلينا،،
و لما جينا قايمين،
و بدون أى مناسبة،
فى حاجة لفتتنى أرجع للكنبة،
و كان فى شى مكتوب،
تصوروا كان شنو؟؟؟
MEMORIAL TO THE UNKNOWN HUSBAND
Often Imagined, Much Desired, Never Found
يا ربى قاصدين منو بالظبط؟؟؟
|
Post: #69
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Manal Awad Khugali
Date: 07-08-2009, 10:26 AM
Parent: #68
هالةالحلوة والله مشتاقيين
المهم اوعك واوعك واوعك تنزلي صوري المخستكة ديك
وبالذات صور المطعم 00000000000 الحبشي000
عشان مافي داعي للفضايح مع ناس تبلدينا ديل00
والله شوق شديد يا هالة
تلفوني شغال - الاتنين شغالين - شيلي التاني من انعام لو ما عندك
كيفك استاذ رأفت- سعيدة جدا بشوفتك
مني عوض - بطلي حقد وما تحرشي هاله تنزل صوري
|
Post: #70
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 11:18 AM
Parent: #69
هالةالحلوة والله مشتاقيين
يا منال كيفك،
حمدالله على السلامة ياخى،،
خلاص داومتى مشاغل البلد الما بتنتهى دى،
يا حليل اللمة و الونسة،،
لكن إحنا فيها،،
بنتلم جوة عين الظروف،
إنشالله فى الخير بس يا رب،،،
ماكنت عارفة حكاية التليفون التانى دى،
دة كله من إنعام،،،
:D :D :D
Quote: المهم اوعك واوعك واوعك تنزلي صوري المخستكة ديك
وبالذات صور المطعم 00000000000 الحبشي000
عشان مافي داعي للفضايح مع ناس تبلدينا ديل00 |
لكن يا منال،
كلو كوم و صور المطعم الحبشى داك كوم،،
معقولة يعنى ما أنزل منها ولا صورة ؟؟
ناس تبلدينا و ود الصايم ديل بموتوا،،
طيب يا منال،
صور البرد كيف؟؟
| Quote: مني عوض - بطلي حقد وما تحرشي هاله تنزل صوري |
هى فعلا منى عوض كدة،
جنها تحرش،،،
|
Post: #71
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: محمد عبد الماجد الصايم
Date: 07-08-2009, 11:22 AM
Parent: #69
Quote: المهم اوعك واوعك واوعك تنزلي صوري المخستكة ديك
وبالذات صور المطعم 00000000000 الحبشي000
عشان مافي داعي للفضايح مع ناس تبلدينا ديل00 |
أهااااااااااااااااا
غايتو الصور دي لو ما جات أنا ما مارق من هنا!
|
Post: #72
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 11:35 AM
Parent: #71
Quote: أهااااااااااااااااا
غايتو الصور دي لو ما جات أنا ما مارق من هنا! |
سمح،
تعال يا ود الصايم النحكى ليك،،
مطعم حبشى و فى لندن،،
و فى واحدة بتغنى،،
بس،،،،،
ولا أى حاجة تانى،،،
|
Post: #228
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Abu Eltayeb
Date: 07-30-2009, 06:11 PM
Parent: #72
Quote: كسرة:
لازم نعرف الاتى:
1. بقية المنولوج (إذا ليه بقية)،
2. زمان كان متين بالظبط؟؟؟؟ |
يا هاله
الزهايمر اجيب باقيهو من وين؟
اما بتين دي غاتيو حا اقول ليك سنة حفرو البحر
ولا اقول ليك وردي في عمر الزهور 19 سنه
و محطتك لسه ما جات،،،،،
جات و انا نزلت قبيل
لكن قلت يا ولد عمل بأصلك و جلا من لا يسهو
المهم جيت و لاقيتك في اللفه
اصلنا خيل حر
و البرج البناطح في السحاب ده انا و اولادي اشعلقنا فيهو سنة 2002 عالم عايشه و عالم دايشه
قال لمي جدادك و دنا عذابك, حكم و نحيا و نشوف لاهاي و اكامبو و المناضلة لبني و امل هباني
تسلمي
لطفي
|
Post: #73
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Mohammed Haroun
Date: 07-08-2009, 11:47 AM
Parent: #71
(الملكة الهينة دى؟؟ :D
دى سألتنى منك بشدة،
وتعبتنى تعب،
اصرت إصرار شديد تتصور معاى،
دة كلو عشان ترسل ليكى الصورة،،،)
يا أخوانا هي الملكة المسكينة دي متذكرة حد!!!!!!!!!!!!!!! ولا دي وهمة منكم ؟؟
تحياتي
|
Post: #74
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-08-2009, 12:09 PM
Parent: #73
يا محمد هارون،
سلام مربع،،،
| Quote: يا أخوانا هي الملكة المسكينة دي متذكرة حد!!!!!!!!!!!!!!! ولا دي وهمة منكم ؟؟ |
ياخى كيف الملكة ما متذكرة زول،
دى سألتنى منك شخصيا،،
و متذكرة يوم قابلتها كويس،،،
حتى أسأل منى،،،
إنت بس طولت ما سألت منها،،،
خليك قريب،،،
|
Post: #76
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Manal Awad Khugali
Date: 07-08-2009, 02:06 PM
Parent: #74
Quote: لكن يا منال،
كلو كوم و صور المطعم الحبشى داك كوم،،
معقولة يعنى ما أنزل منها ولا صورة ؟؟
ناس تبلدينا و ود الصايم ديل بموتوا،،
|
هالة 0 عارفة لو نزلتي اي واجدة منهم ممكن يحصل شنو ؟ أكيد عارفة -
وبعدين الموضوع تحدي مع مني وبس
شنو يعني صور في مطعم حبشي وفي لندن وفيهو واحدة سممممممحة شديد بتغني وبترقص - شنو يعني
صور البرد دي نزلي يا بت أمي زي مادايرة
Quote: أهااااااااااااااااا
غايتو الصور دي لو ما جات أنا ما مارق من هنا!
|
اها شفتي ود الصايم قال شنو
|
Post: #77
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Mohammed Haroun
Date: 07-08-2009, 06:29 PM
Parent: #76
(شنو يعني صور في مطعم حبشي وفي لندن وفيهو واحدة سممممممحة شديد بتغني وبترقص - شنو يعني)
غايتو جنس (حنبكه) ... يا أخي قولوا الحمد لله ... السماح فضلة خيركم.
تحياتي
|
Post: #80
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: نوفل عبد الرحيم حسن
Date: 07-09-2009, 01:31 AM
Parent: #77
انت يا هاله دايره تشوفي بالمنظار دا كوكب زحل ولا شنو
البتاعه المدوره دي نحن من هنا شايفنها
انا غايتو داير اركب فيها عشان اشوف حاجه غير السودان دا من فوق لوووول
مني خوجلي الغبار بصلكم مصفي شكلو
لكن شاحد ربي لندن دي تجيها شمس من نهار الخرطوم الحار داك
يقولوا طبقة الاوزون اتقدت ويعملوا مظلات قدر بريطانيا ويرسلوها لينا بعد تقدم ويصنعوا الجديده
زي ما رسلوا لينا كبري ام درمان - شيخ الكباري في افريقيا والشرق الاوسط
|
Post: #82
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-09-2009, 06:45 AM
Parent: #80
يا نوفل،
Quote: انت يا هاله دايره تشوفي بالمنظار دا كوكب زحل ولا شنو
البتاعه المدوره دي نحن من هنا شايفنها |
مش كدة بالله؟؟
البتاعة و شايفنها من الطيارة،،
طيب دايرين يورونا شنو؟؟
أنا غايتو و بما إنى كنت بتكلم مع السودان فى اللحظة دى،
حسن ظنى ألهمنى إنو يمكن كدة الخواجات ديل ح يخلونى أشوف أهلى،،،
لكن طلعوا نصابين،
دة كلو عشان يسرقوا الـ20 بنس حقتى،،،
شوية صور من البتاعة يا نوفل،،
بين السماء و الارض
|
Post: #81
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-09-2009, 06:23 AM
Parent: #77
يا منال،
| Quote: هالة 0 عارفة لو نزلتي اي واجدة منهم ممكن يحصل شنو ؟ أكيد عارفة - |
بما إنو دة تهديد واضح و صريح،
فيبقى سورى يا ود الصايم،
ما ح اقدر انزل الصور إياها،،،
الحذر واجب برضو،،،،،
Quote: (شنو يعني صور في مطعم حبشي وفي لندن وفيهو واحدة سممممممحة شديد بتغني وبترقص - شنو يعني)
غايتو جنس (حنبكه) ... يا أخي قولوا الحمد لله ... السماح فضلة خيركم. |
يا محمد هارون،،
ايوة ما قلنا حاجة،
لكن قول لمنال،
المغنية أأأآى سمحة،
لكن كانت هى البترقص برضو؟؟؟
|
Post: #207
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Abu Eltayeb
Date: 07-25-2009, 00:13 AM
Parent: #73
Quote: على فكرة يا جماعة،
حاج علاء الدين، عندو بوست إسمو أنا بكره باريس،،، |
زمان وانا في الأبتدائي زمان زمان المهم ما بوريك بتين
في منلوج
احد ابياته
باريس اقرب من شندي و لندن جنب الخرطوم
لطفي
|
Post: #79
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-09-2009, 01:17 AM
Parent: #68
Quote: MEMORIAL TO THE UNKNOWN HUSBAND
Often Imagined, Much Desired, Never Found
يا ربى قاصدين منو بالظبط؟؟؟ |
ولا هايحصل ذاتو..
لكن عارفه با هاله..ده موضوع بوست رهيب..
ننضرب بعده طوالي بالعالم العايزه جنازه تشبع فيها لطم دي!
|
Post: #83
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-09-2009, 07:45 AM
Parent: #79
يا منى،،
| Quote: لكن عارفه با هاله..ده موضوع بوست رهيب.. |
موضوع يتكتب فيه مجلدات،
مش كدة،،
طيب إيه رايك تفتحى البوست،
و إحنا ننداح معاكى،،،
حلوة صورة الملاك النائم دى،
ماشاءالله،،،
عشان تعرفوا بس،
إنتو ظلمة كيف؟؟؟؟
سلامى لاية و العيال،،،
|
Post: #87
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ASHRAF MUSTAFA
Date: 07-09-2009, 02:17 PM
Parent: #83
سلام ليكي يا هالة وضيوفك الكرام
مشتاقين والله
اسف لانشغالي اليومين الفاتوا
بوست توثيق جميل
بجيكم راجع في اول سانحة
سلام لبنات خوجلي
|
Post: #97
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 06:32 AM
Parent: #87
Quote: سلام ليكي يا هالة وضيوفك الكرام
مشتاقين والله
اسف لانشغالي اليومين الفاتوا
بوست توثيق جميل
بجيكم راجع في اول سانحة |
يا أشرف،
كمل مشغولياتك كلها،
و تعال،
منتظرينك،،،،
|
Post: #88
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-09-2009, 03:12 PM
Parent: #83
Quote: طيب إيه رايك تفتحى البوست،
و إحنا ننداح معاكى،،، |
دي اصلها ما مشكله..
لأنه ومن شكل البوستات الموجوده..اي واحد..
سواء كان صاحب البوست..
أو المنداحين معاه..أو الماراضي بكلام الاندياح..
مصيره ياخد كلمه جارحه من هنا ولا هناك..
لذلك ما يهمك افتحي انتي البوست وانا والباقيين بننداح..
الهي دوحة تاخدنا!
|
Post: #89
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-10-2009, 09:05 AM
Parent: #88
يا منى،
إنتى بس قولى عايزة تمشى الدوحة و خلاص،،،
|
Post: #90
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-10-2009, 11:42 AM
Parent: #89
Quote: يا منى،
إنتى بس قولى عايزة تمشى الدوحة و خلاص،،، |
يخرب عقلك يا تفيده..
بتفهميها وهي طايره!
ايه رأيك بدر الدين الامير عايز مترجمين ولا محررين ولا مترجمين محررين مافاكره..المهم عايزهم لمدة تلاته شهور..
المرتب الفين دولار..يعني ما بطال اذا اعتبرتيها اجازه ورجعتي بعدها شغلك..
علي كل حال السكن عليهم..
طبعا ما افتكر بدر الدين بيرضي بسكن اي كلام او ما مناسب..
علي كل حال لو مشيتي او اي زول من البوست ده مشي..
تبقي دعوتي " الهي دوحة تاخدنا" صابت..
|
Post: #93
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: طارق جبريل
Date: 07-11-2009, 11:23 PM
Parent: #90
انت يا هالة صورك دي خبر
|
Post: #95
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-12-2009, 00:52 AM
Parent: #93
هي اساسا يا جماعة كاميرة هاله ماكان فيها بطارية وكانت ناسية الشاحن في السودان..
يبقي بقي هاتصور كيف وهاتجيب صور من وين؟؟
انتو كل زول يكتب ليكم في العنوان توجد صور تصدقوه؟؟
|
Post: #98
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ALZOLZATOO
Date: 07-12-2009, 07:03 AM
Parent: #95
Quote: Quote: MEMORIAL TO THE UNKNOWN HUSBAND
Often Imagined, Much Desired, Never Found
يا ربى قاصدين منو بالظبط؟؟؟ |
اختنا هالة
ربنا يجعل ايامك كلها سعادة
بس ورينا الجماعة ديل قاصدين شنو ونحن بنوريك قاصدين منو
الترجمة يرحمكم الله نحن في زمنا الجامعة عربوها بعدين كنا بنخش سينما شعب والبطل لمن يقول نكته
بنسمع ناس اللوج بيضحكوا اها نحن بعد دقيقة ونص بنضحك لمن يجيبوا الترجمة تحت ومن يضحك اخيرا يضحك كثيرا
كاااااااك
تخريمة
يامنال ممكن اعمل صورتك دي خلفية في الكمبيوتر
تحياتي لي منى كمان والعيال الصغيرين
زاتوووو
|
Post: #99
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 08:21 AM
Parent: #98
زااتووو،،
Quote: ربنا يجعل ايامك كلها سعادة
|
و إياكم،،،،
Quote: الترجمة يرحمكم الله نحن في زمنا الجامعة عربوها بعدين كنا بنخش سينما شعب والبطل لمن يقول نكته
بنسمع ناس اللوج بيضحكوا اها نحن بعد دقيقة ونص بنضحك لمن يجيبوا الترجمة تحت ومن يضحك اخيرا يضحك كثيرا |
أتخيلت المنظر،
لكن كدة مش بفوتكم نص الفيلم؟؟؟
ههههههههههههه،،،
Quote:
بس ورينا الجماعة ديل قاصدين شنو ونحن بنوريك قاصدين منو
|
و لو إنو الترجمة دى إختصاص منى،
لكن دى من عندى:
MEMORIAL TO THE UNKNOWN HUSBAND
Often Imagined, Much Desired, Never Found
تذكار للزوج المجهول،
دائما ما نتخيله، كثيرا ما نرغبه(نتمناه)، أبدا لا نجده،،،،،
(قابلة للتعديل،،،،،)،
تفتكر قاصدين منو؟؟؟؟
|
Post: #124
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: احمد محمد بشير
Date: 07-13-2009, 03:38 PM
Parent: #98
سلامات يا هاله
وين الصوره المكدساها معاك ديك
حاول طلعيها كيدا
انتي ما شوفتي ناس ناذر خليفه
و مزمل خيري بيصورا كيف..؟؟
يالا يا بت سريع كيدا وجيبي الباقي
لسع في بورداب كتااار ما شفناهم
في الصور..
وحمد الله علي السلامه.
|
Post: #96
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 06:19 AM
Parent: #93
| Quote: انت يا هالة صورك دي خبر |
يا طارق جبريل،
أنا صورى الله خلقنى ما بتعجبنى،
أقوم أجيبها ليكم،
ضر يعنى؟؟؟؟
بعدين،
يجيبوا ليكم صور اللمات،
تتجرسوا،
نجيب ليكم المناظر (بس)،،
تتفق مع ود الصايم و تشيلوا حالنا،،
أركزوا ليكم على رأى،،،،
______________________________
شفت لمة بكرى الاخيرة؟؟؟
خيانات شديدة،،،،،،
ما عارفة المطرة ليه ما جات نزلت ليهم و طفت الشيشة دى؟؟؟
|
Post: #100
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 08:36 AM
Parent: #96
يا منى قولى لكوجان،
ما لقيت الصورة حقت الراجل بتاع الجنازير،،،
لكن لقيت ليه دى،،
طبعا يا جماعة،
دى الحان كوجان ما بيقدر يفوتها بدون ما يوثقها،،،
|
Post: #101
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 09:01 AM
Parent: #100
Quote: ايه رأيك بدر الدين الامير عايز مترجمين ولا محررين ولا مترجمين محررين مافاكره..المهم عايزهم لمدة تلاته شهور..
المرتب الفين دولار..يعني ما بطال اذا اعتبرتيها اجازه ورجعتي بعدها شغلك..
علي كل حال السكن عليهم..
طبعا ما افتكر بدر الدين بيرضي بسكن اي كلام او ما مناسب.. |
يا منى،
تصدقى كنت بفكر فى الموضوع دة بالتحديد لما رديت عليكى؟؟؟
فى رايى،
فى زول(ة) واحد(ة) بس مناسب للعرض دة،،،،
و عليه(ا) عدم الكسل،،،،
________________
رجل الجنازير لقيتو فيديو،
أنزله كيف؟؟؟؟
|
Post: #102
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ASHRAF MUSTAFA
Date: 07-12-2009, 11:50 AM
Parent: #101
تحياتي يا هالة
البوست جميل بجد
والصور اروع
ولندن بجد فقدت انسانة رائعة مثلك (بذهابك منها)
وكمان مثقفة ومتعلمة ومليئة بالطيبة وحب الخير للجميع
واتمني ان تكثر زياراتك للندن
لانو اتضح انو في اماكن نزهة كثيرة هنا
لم اكن اعرفها طيلة عمري
وغاية في الروعة لكن للاسف اكتشفتها قريب
السودان فعلا محظوظ بوجود امثالك فيه
وانتي فخر كبير ومكسب اكبر لكل السودان
وانا غاية في السعادة لمعرفتك ولمعرفة روحك الطيبة ونقائك
وربنا يحفظك ويسهل ليكي امورك محل ما تقبلي
تخريمة
مني ازيك
مشتاقين
اها رمضان ده كيف؟؟؟
هل في برنامج ولا كسل كالعادة
كلمونا من بدري عشان ما نفطر بدري
سلامي للجميع بلا فرز
|
Post: #105
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 12:19 PM
Parent: #102
يا اشرف ،
كتر خيرك،،
لكن الكلام دة كتير على شديد،،
و لندن حلوة بناسها،،
بالمناسبة،
انا ذاتى المرة الجاية إنشاءالله،
ح أعمل البرنامج قبل الإجازة،
عشان اكون جاهزة،
و ما (اضطر) أركب باص نامبر 10 دة كل يوم،،،
Quote: البوست جميل بجد
والصور اروع |
كلمهم بالله،،
و لسه فى كتير،،،
|
Post: #121
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ASHRAF MUSTAFA
Date: 07-13-2009, 12:43 PM
Parent: #105
Quote: يا اشرف ،
كتر خيرك،،
لكن الكلام دة كتير على شديد،، |
كتير عليكي شنو يا باشمهندس
انتي والله تستاهلي يدقوا ليكي تمثال في متحف الشمع
انتي هينة ولا لينة؟
بعدين انا كمان ما بعرف اجامل
يعني ده تعبير صادق من القلب
وهو اقل ما تستحقينه
| Quote: و لندن حلوة بناسها،، |
واحلي بزوارها
Quote: بالمناسبة،
انا ذاتى المرة الجاية إنشاءالله،
ح أعمل البرنامج قبل الإجازة،
عشان اكون جاهزة،
و ما (اضطر) أركب باص نامبر 10 دة كل يوم،،، |
المرة الجاية انشاء الله الواحد يكون عمل الرخصة
وتاني ما تحتاجي للبص
وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده
انتي بس قبل ما تجي
اديني نوتيس اسبوعين
عشان احنا كمان ندي العمل نوتيس اسبوعين
ونفكر في برنامج كويس.
|
Post: #123
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 02:25 PM
Parent: #121
| Quote: انتي والله تستاهلي يدقوا ليكي تمثال في متحف الشمع |
ولا تتعب نفسك يا أشرف..
أهي هالة دقتو براها..
شايف الكف علي جنبة وش بوش؟؟
بس عالم جبانه..
استنت لغاية مانزل المعاش وبعدين دقته!
|
Post: #131
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-14-2009, 08:21 AM
Parent: #121
Quote: كتير عليكي شنو يا باشمهندس
انتي والله تستاهلي يدقوا ليكي تمثال في متحف الشمع
انتي هينة ولا لينة؟
بعدين انا كمان ما بعرف اجامل
يعني ده تعبير صادق من القلب
وهو اقل ما تستحقينه |
برضو شكرا كتير يا أشرف،
و كفاية كرمك و كرم أخلاقك،،
الله يقدرنا نجازيكم فى الخير،،،
Quote: المرة الجاية انشاء الله الواحد يكون عمل الرخصة
وتاني ما تحتاجي للبص
وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده
انتي بس قبل ما تجي
اديني نوتيس اسبوعين
عشان احنا كمان ندي العمل نوتيس اسبوعين
ونفكر في برنامج كويس. |
كلام تمام،
قدرها و قدود،،
إذن أتفقنا،،،
و فكرة الشينقن دى ذااتها لذيذة،
بس يا ريت الإجازة تكون مخططة من فترة زى الناس،
إحنا هنا شغلنا دايما اخر لحظة،،،
الله يسهل الامور،،
|
Post: #142
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 12:07 PM
Parent: #121
Quote: المرة الجاية انشاء الله الواحد يكون عمل الرخصة
وتاني ما تحتاجي للبص
وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده
انتي بس قبل ما تجي
اديني نوتيس اسبوعين
عشان احنا كمان ندي العمل نوتيس اسبوعين
ونفكر في برنامج كويس. |
اشرف بالله لما تعمل رخصتك كلمني كان السنة دي ولا البعدها حتي لو بعد عشرة سنين..
علشان أعمل فيك الكان بيعمله جدي في الخليفه..
كل يوم من 6 صباحا اقعد ليك في العربيه وأهريك مشاوير..
مسكين الخليفه ياما كان صابر!
|
Post: #144
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 01:31 PM
Parent: #121
Quote: وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده |
اوعك يا هالة..
ده باين عليه بيسرح بيك.
قطر شنو كمان بيمشي تحت المويه؟؟
انت بجدك يا أشرف؟؟
|
Post: #103
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-12-2009, 11:59 AM
Parent: #101
Quote: رجل الجنازير لقيتو فيديو،
أنزله كيف؟؟؟؟ |
تشغليه في الكومبيوتر ولا التلفزيون الاول..
ده علي اساس عندكم كهرباء يعني..
وبعدين اول ما يشتغل تقومي تصوري..شوفتي كيف؟
بس اوعي تصوريه تاني فيديو..
ولا اقوليك؟؟
نزليه في الزار أسهل!
عليكو حركات!!
|
Post: #104
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-12-2009, 12:15 PM
Parent: #103
Quote: تشغليه في الكومبيوتر ولا التلفزيون الاول..
ده علي اساس عندكم كهرباء يعني..
وبعدين اول ما يشتغل تقومي تصوري..شوفتي كيف؟
بس اوعي تصوريه تاني فيديو.. |
منى،
الكلام دة (أو الزار) بكرة إنشاءالله،،،
حركات صحى،،،
نقطة:
إنتو كويسين؟؟
كل يوم عايزة أتصل عليكى،،
|
Post: #106
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-12-2009, 12:38 PM
Parent: #104
Quote: مني ازيك
مشتاقين
اها رمضان ده كيف؟؟؟
هل في برنامج ولا كسل كالعادة
كلمونا من بدري عشان ما نفطر بدري
سلامي للجميع بلا فرز |
كيف يا اشرف مافي برامج؟؟
يعني بعد الغمرات ديك كلها ورحلة الخوف من العطش والجوع..
نقوم نصوم بدون برامج؟؟
لالا لا ممكن!
زي ما قلنا لاخونا نبيل المره الفاتت وكده من غير استعراضات..
بنعمل عضيده بفيونكات..
وملاحات ملونه..أخضر..أبيض أحمر زي شفق المغارب..
وبعدين نتونس واحنا بناكل الحلويات والقهوه..
وبلاش نشوف مسلسلات لما نكون متجمعين..
وأهو كلمتك من بدري علشان ما تفطر بدري وقبل مواعيد الآذان..
|
Post: #110
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ALZOLZATOO
Date: 07-13-2009, 07:14 AM
Parent: #106
Quote: و لو إنو الترجمة دى إختصاص منى،
لكن دى من عندى:
MEMORIAL TO THE UNKNOWN HUSBAND
Often Imagined, Much Desired, Never Found
تذكار للزوج المجهول،
دائما ما نتخيله، كثيرا ما نرغبه(نتمناه)، أبدا لا نجده،،،،،
(قابلة للتعديل،،،،،)،
تفتكر قاصدين منو؟؟؟؟ |
يمكن قاصدين جوز الهند
لكن الزولة الكتبت الكلام ده لو لاقيتها كنت عرستها عشان كتابتها دي
ارقدي عافية
زاتوووو
|
Post: #112
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-13-2009, 07:48 AM
Parent: #110
يا زااتوو،،
Quote: يمكن قاصدين جوز الهند
لكن الزولة الكتبت الكلام ده لو لاقيتها كنت عرستها عشان كتابتها دي |
أغلب الظن دة يكون (جوز اللوز)،
و لو إنو ديل إتنين،،
و كدة تتحقق المعادلة الصعبة إنو الزواج (روحين فى جسد)،،
لوووووووول،،،،
زولة حساسة لكن مش؟؟
مشكلتها فاهمة الدنيا صاح ( و غير متسامحة معها)،،،
(وش بيحاول يعبر عن نفسه)،،
|
Post: #111
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-13-2009, 07:31 AM
Parent: #106
يا منى،،
بالله بعد ما تجهزوا برنامج رمضان،
كلمونا بيه،،
عشان نؤاذركم،،،،
|
Post: #113
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 11:14 AM
Parent: #104
Quote: نقطة:
إنتو كويسين؟؟
كل يوم عايزة أتصل عليكى،، |
احنا؟؟
احنا مين؟؟
انا خلاص استويت..زي ماما جارة ما كانت بتقول لينا زمان..
تتذكري الشغل الكلمتك بيه؟؟
الحمدلله خلص ..أخد مني خمسه يوم أداء كل يوم 3 ساعات..
لكن معاه بقي شغل 24 ساعة!
ياسين يرمي البولز من الشباك ويقعد يبكي عايزها..
وأنا كل شويه اجري بره اجيبهم!
وآخرها كمان قال عايز يلعب معاي بوكس..
اوعي تغشك برائته الفي الصوره دي..عليه ضربات فظيعة!
وأعلمك بأننا ذهبنا الي اكيا لشراء ما نحتاج ..اشتريت نباتات كثيره اتنين فيهم شتلات فل..
لما تجي الصيف الجاي اهديك منهم فلتين اتنين بس..واوعي تسالي عن زياده!
ونضافة البيت ما بتخلص..
اهي مسكينة الغسالة اشتكت.. وانا اسه بشتكي!
أما آيه فهي في حالة تانيه..
فيوسف يعتقد انها بقرته الحلوب التي لا ينتهي منها اللبن أبدا!
ودي صورة يوسف بعد مارضع..
والراجل البولندي بيركب ليها في الخشب وبيتفاهموا بالاشاره علشان ما بيتكلم انجليزي,,
وقصة الديليفري الزمان ديك ما انتهت بس قربت..وده كله بالنهاو وعبدالرحيم في الشغل..
اها انتو اخباركم شنو؟؟
الناس البيشيلوا الرابيش..لسه بيجوا كل شهر مره لجمع القمامه وثلاثة مرات علشان يشيلوا الرسوم ولا بطلوا حركات قرعة؟؟
وطمنوكم انو الشمس بتغرب 6 مساءا ولا هايسيبوها زي زمان تغرب سبعه وشويه؟؟
قلبي معاكم يا أوختي!
|
Post: #114
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Tabaldina
Date: 07-13-2009, 11:21 AM
Parent: #113
..
.
ماشاء الله
الصورة دى فى المطعم الحبشى يا ربي !!؟
__________
الله قادر
|
Post: #115
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 11:28 AM
Parent: #114
Quote: ماشاء الله
الصورة دى فى المطعم الحبشى يا ربي !!؟
__________
الله قادر |
لا يا تبلدينا دي منال في الضلمة..
|
Post: #116
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-13-2009, 11:52 AM
Parent: #114
تبلدينا،،
Quote: ماشاء الله
الصورة دى فى المطعم الحبشى يا ربي !!؟ |
ماشاء الله،،
اها صور لندن (كللللها) شفتوها،
تانى ما تقولوا عايزين صور،،،
|
Post: #117
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-13-2009, 12:09 PM
Parent: #113
يا منى،
حمدالله على السلامة خلصتى الشغلانة،،
ياللا ركزى لينا فى البعدها أهم،،
Quote: ياسين يرمي البولز من الشباك ويقعد يبكي عايزها..
وأنا كل شويه اجري بره اجيبهم!
وآخرها كمان قال عايز يلعب معاي بوكس..
اوعي تغشك برائته الفي الصوره دي..عليه ضربات فظيعة! |
طيب يا ستى برمى البوووولز من الشباك،
مش كتر خيرو عايزك تتمرنى شوية؟؟؟
وبنفس المستوى هو يتمرن على البوكس فين يعنى؟؟
لا لا لا يا منى،
ظالمين الواد،،
Quote: وأعلمك بأننا ذهبنا الي اكيا لشراء ما نحتاج ..اشتريت نباتات كثيره اتنين فيهم شتلات فل..
لما تجي الصيف الجاي اهديك منهم فلتين اتنين بس..واوعي تسالي عن زياده! |
مبروك الفل،
لكن كان ما أديتينى أكتر من 2،
أنا عارفة عشان ما عايزانى أكشف سر فل لندن المغشوش دة،
دة حتى راشينه ريحة،،،،
أما عن يوسف،
ماشاء الله،
الله يحفظه،،
يعنى هو الواد قاعد فى حاله،
مش سايبينه،
و هو يا حرام،
ما عندو موضوع تانى غير يرضع،
طيب مكانه الواحد يعمل إيه؟؟
ح أحكى ليك باقى الحاجات بعد ما أخلص الفى إيدى،،،
أنزل ليكم صورة بشبوش المربوش؟؟؟
|
Post: #118
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-13-2009, 12:20 PM
Parent: #117
| Quote: أنزل ليكم صورة بشبوش المربوش؟؟؟ |
ياريت والله يا هاله..
نزلي صورتين واحده ساة ماهو هادي..والتانية ساعة مامربوش..
ومعاها ان امكن صورة فرقع لوز ..
ممكن؟؟
خلاص خلصي قميع البامية وتاهلي بالصور..
بصراحة الناس زعلانة لانك وعدتي وما أوفيتي..
كدي خليني انزل صورة قطر نضيف تاني لجني..علشان يتم سحراته!
|
Post: #119
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-13-2009, 12:32 PM
Parent: #118
| Quote: بصراحة الناس زعلانة لانك وعدتي وما أوفيتي.. |
يامنى كيف يعنى ما أوفيت؟؟
أنا قلت صور و حكى،
ناس ود الصايم و ودجبريل ديل،
دايرين صور بس (من غير حكى)،،
طيب ما كدة برضو،
ح أكون ما أوفيت!!!!!
|
Post: #120
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-13-2009, 12:37 PM
Parent: #119
و حكاية الصورة،
أنا لقيت الناس كلها واقفة صف بتتصور مع أوباما،،
و بشبوش واقف يحنن،
قلت لا،
لا ممكن أبدا،،
و قررت اخد معاهو صورة،،،
يرجى التنبيه:
شبه الإبتسامة الظاهرة دى،
بس عشان فى ناس كانوا واقفين ضحكونى،،،
لكن الموضوع كان (بصرة) شديدة،،،
|
Post: #122
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: داليا حافظ
Date: 07-13-2009, 01:38 PM
Parent: #120
هلولة
أكيدإجازة سعيدة ...لانو الصور والصحبة الحلوة اكبر دليل على كدة ..
حمد الله على السلامة
|
Post: #126
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: أحمد الشايقي
Date: 07-13-2009, 04:31 PM
Parent: #122
صور روعة وأجواء أروع
منى والعيال وانسجام ملائكي
أدام الله معشركم
أحمد الشايقي
|
Post: #128
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-14-2009, 07:28 AM
Parent: #126
أحمد محمد بشير،
سلامات،،
Quote: وين الصوره المكدساها معاك ديك
حاول طلعيها كيدا
انتي ما شوفتي ناس ناذر خليفه
و مزمل خيري بيصورا كيف..؟؟
|
لكن ناس مزمل و ناذر ديل ما بيصوروا نفسهم ايه؟؟
أها انا نفس المشكلة،
بصور و ما بحب أتصور،،،
و لما اتصور،
ما بحب أنزل صورى،،،
احلها كيف؟؟؟
Quote: يالا يا بت سريع كيدا وجيبي الباقي
لسع في بورداب كتااار ما شفناهم
في الصور.. |
حاااضر،
نجيب ليك صور الناس الظريفة،،
من اليمين،
مجاهد (أخ الزميل رافت)، منى ، رافت، محمد هارون، إبراهيم كوجان،،،
أنا(وراء ) الكاميرا،،،
|
Post: #130
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-14-2009, 07:53 AM
Parent: #126
أحمد الشايقى،
Quote: صور روعة وأجواء أروع
منى والعيال وانسجام ملائكي |
تشكر على ذوقك،،
حلوة حكاية إنسجام ملائكى دى،
ح تعجب منى خالص،،،
اسعدنى مرورك،،،
|
Post: #162
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-19-2009, 12:56 PM
Parent: #126
Quote: صور روعة وأجواء أروع
منى والعيال وانسجام ملائكي
أدام الله معشركم |
أحمد وينك غايب؟؟
مشتاقين كتير..
أيام كانت جميلة شديد ياريتك كنت معانا..
كان ياسين تعبك بلعب الكورة..
يمشي اي بارك ويخلي مكورته ويكابس الناس في كورتهم!
يوم بنزل ليك صوره هو ويوسف..
الساعه دي في محطة كينجز كروسز.
10 هنا عندكم كم؟؟
|
Post: #129
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-14-2009, 07:42 AM
Parent: #122
دلوية،،
| Quote: أكيدإجازة سعيدة ...لانو الصور والصحبة الحلوة اكبر دليل على كدة .. |
تعرفى يا داليا،
مفعول الإجازة بالنسبة لى أنتهى بعد ما نزلت الشغل بيومين بس،،
الأهم فى الموضوع فعلا وما ممكن يتنسى هى الصحبة الحلوة،،
أدام الله أيامنا و إياكم كلها أفراحا،،،
تسلمى،،
|
Post: #135
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: osman righeem
Date: 07-16-2009, 10:36 PM
Parent: #129
عيزومتي وينا
حتي لو بدون صور
غايتو
نعال البقر جيابه
|
Post: #136
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-17-2009, 10:00 AM
Parent: #135
عثمان روغيم،،
حبابك فى دارنا،
إنت بس تعال،
و على قول أهلنا شمال الوادى،
لو ما شالتك الارض،
نشيلك فوق راسنا،،
لكن لو طالب منى دى عيزومة،
أنصحك تؤجلها لغاية شهر 12 فى الخرتوم،،،
موضوع الإنفلوزا دة كدة ما مفهوم،،،
ما قلت لى الصور كفاية و لا أزيدكم؟؟؟
|
Post: #137
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Rashid Elhag
Date: 07-17-2009, 04:00 PM
Parent: #136
شكرآ هالة إشراكنا في هذه السياحة الترويحية والمتعة الذهنية...خصوصآ الحوار والمجادعة بينك وبين الأخت العزيزة مني خوجلي....إنجلترا لها طعم خاص ...عشت هناك فترة من عمري في مدينة ريدتش بالقرب من بيرمنجهام...كنت قد قبلت للتخصص في الأمراض الصدرية في East Birmingham Hospital ولكن القدر والظروف أتيا بي لبلاد العم سام....أختي هدي تعمل أخصائية أطفال في Canterbury / England منذ مدة طويلة ..أتمني يا هالة أن تزورينا في كاليفورنيا في الإجازة القادمة حتي تعرفي الفرق بين البلدين.....تحياتي وودي..
راشد
|
Post: #149
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 07:24 AM
Parent: #137
الاخ الكريم راشد الحاج،
| Quote: شكرآ هالة إشراكنا في هذه السياحة الترويحية والمتعة الذهنية...خصوصآ الحوار والمجادعة بينك وبين الأخت العزيزة مني خوجلي....إنجلترا لها طعم خاص ...عشت هناك فترة من عمري في مدينة ريدتش بالقرب من بيرمنجهام...كنت قد قبلت للتخصص في الأمراض الصدرية في East Birmingham Hospital ولكن القدر والظروف أتيا بي لبلاد العم سام....أختي هدي تعمل أخصائية أطفال في Canterbury / England منذ مدة طويلة ..أتمني يا هالة أن تزورينا في كاليفورنيا في الإجازة القادمة حتي تعرفي الفرق بين البلدين.....تحياتي وودي.. |
تعرف زى ما أشرت فوق للسياحة الترويحية،،
هى فعلا إنجلترا بالنسبة لى،
بلد جميلة و عندنا معاها هوى خاص فى نفسنا،،
لكن الرحلة الأخيرة كانت مميزة أكتر بالناس الجمعتنى بيهم الظروف،،
عشان كدة البوست طلع زى ما إنت شايف،
مجادعة مع العزيزة منى خوجلى،
و تعرف إحنا فعلا قدرنا فى وقت بسيط جدا نفهم بعض و نتواصل بطريقة بدت للعيان كانوا فى كوود بيناتنا،،
اذكر بعد أسبوع واحد من وجودى بينهم،
كانت نزهة الأحد مع د. كوجان،،
و أنا و منى بنلقف لبعض الكلام من غير ما نقصد و نضحك،
فجأة إبراهيم قطع كلامو،
و قال لينا،
إنتو عندكم لغة مع بعض و لا إيه؟؟
حتى أكتشفنا ذلك،،،
| Quote: أتمني يا هالة أن تزورينا في كاليفورنيا في الإجازة القادمة حتي تعرفي الفرق بين البلدين..... |
اشكرك جزيل الشكر على كريم دعوتك،،
هى فعلا أمريكا دى أنا عمرى ما فكرت أمشيها،
مع إنو 3 مرات أعمل الإجراءات كلها لوالدتى،،
لكن إنشاءالله إذا ربنا قسم لينا الزيارة،
ضرورى نتصل عليكم،،،
مع تمنياتى بدوام التوفيق لك و لأسرتك الكريمة،،،
مودتى،،،
|
Post: #145
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 04:39 PM
Parent: #135
Quote: عيزومتي وينا
حتي لو بدون صور
غايتو
نعال البقر جيابه |
خلاص يا عثمان ..
دي عيزومتي ليك تذاكر باليروستار ممكن بلجيكا وممكن فرنسا..
واختار اي قطر من ديل..
ولو ما عايز القطر الاصفر نحجز ليط في القطر الاحمر..
وممكن تختار مقعدك..
بس وريني متين ولوين عايز العزومة..
معليش يا عثمان بدون سغالة وما تواخذني.. اختار بلد واحدة!
|
Post: #138
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-17-2009, 04:16 PM
Parent: #117
Quote: مبروك الفل،
لكن كان ما أديتينى أكتر من 2،
أنا عارفة عشان ما عايزانى أكشف سر فل لندن المغشوش دة،
دة حتى راشينه ريحة،،،،
ايوة راشينه ريحة ولونه كما أبيض! |
عارفة يا هالة..
الفل ده بيذكرني هو والياسمين بقعدة مسائية صيفية في بلكونه في مصر!
باليل في الصيف الياسمين والفل بيكون عطرهم طاغي في المكان..
وكل نسمة مارة تزيد من أريجه ومن استمتاعنا بالجلسة..
ايه رأيك الربيع نمشي مصر وسيبك من اي رحلة تانية؟؟
|
Post: #140
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-18-2009, 01:38 AM
Parent: #93
ماعايزه تجيب الصور..
لكن انا بحاول اساعدها بقوقل..
كوبري ويستمينستر وبيق بن الشهيره..
ابراهيم وهالة اجتهدوا شديد في تصويرها بس ماعارفه هالة داسه الصور ليه..
ياربي دايره تعمل معرض ولا دايرة تبيعهم؟
|
Post: #143
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: أحمد الشايقي
Date: 07-18-2009, 01:22 PM
Parent: #140
هالة في غزواتها التصويرية
شريرة مع الأشرار وخيرة مع الاخيار,
أحمد الشايقي
|
Post: #146
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ASHRAF MUSTAFA
Date: 07-18-2009, 04:55 PM
Parent: #143
Quote: اوعك يا هالة..
ده باين عليه بيسرح بيك.
قطر شنو كمان بيمشي تحت المويه؟؟
انت بجدك يا أشرف؟؟ |
هههههههههههههههههههههههههههه
انتي الما جادة يا مني
يعني ما عارفة اليورو ستار بيمشي تحت الموية؟؟؟
|
Post: #148
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 07:11 AM
Parent: #146
يا أشرف،،
Quote: هههههههههههههههههههههههههههه
انتي الما جادة يا مني
يعني ما عارفة اليورو ستار بيمشي تحت الموية؟؟؟ |
منى دى تكون ركبته لكن بعد ما جات من السودان بشوية،،
عشان كدة أبت تقتنع إنو فوقهم كان فى موية،
هههههههههههههههههه،،،
|
Post: #150
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Rawia
Date: 07-19-2009, 07:31 AM
Parent: #148
غايتو ياهالة ...... كروتينا
للصفحة التانية الصور ما تامة العشرة
وشحتفة ساكت عشان مصغراهم شديييييد
ياخ عليك الله عيدي نظر وراعي لينا
وأعملي حملة ...(من أجل صفحة تالتة مليئة بالصور)
__________
لندن جميلة وبركة الاستمتعتي برحلتك
|
Post: #153
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 07:48 AM
Parent: #150
يا راوية كيفك؟؟
Quote: غايتو ياهالة ...... كروتينا
للصفحة التانية الصور ما تامة العشرة
وشحتفة ساكت عشان مصغراهم شديييييد
ياخ عليك الله عيدي نظر وراعي لينا
وأعملي حملة ...(من أجل صفحة تالتة مليئة بالصور) |
يا جماعة حكاية (يوجد حكى ) الفوق دى ما عاجباكم و لا شنو؟؟؟
:D :D :D
غايتو يا راوية إنتى لوعرفتى مشكلة الصور دى معاى شنو،
أكيد ح تعذرينى،،
لندن (أى بلد) أكيد حلوة ،
لكن عايزة اللمة،،
بالمناسبة،
إنتى كان مفروض تمشى بعد ما أنا رجعت بشوية،
غيرتى رايك و لا إيه؟؟؟
يا ريت نقدر نبرمج إجازات فى أوقات متقاربة،،،
اقعدى عافية،،،
|
Post: #168
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 00:44 AM
Parent: #148
Quote: هههههههههههههههههههههههههههه
انتي الما جادة يا مني
يعني ما عارفة اليورو ستار بيمشي تحت الموية؟؟؟ |
باهو ده اليورو ستار..
ماشي في الطريق فوق الارض عادي!
وينا الموية اسة؟؟
جنكم تغالطوا في البديهياتّّ..
|
Post: #152
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 07:37 AM
Parent: #143
أحمد الشايقى،
Quote: هالة في غزواتها التصويرية
شريرة مع الأشرار وخيرة مع الاخيار, |
أهو إنت الوحيد الفاهمنى،،،
شفت الناس ديل أشرار كيف؟؟؟
خليك موجود بالله عشان تدافع عنى،،
سمح؟؟؟؟
|
Post: #151
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 07:34 AM
Parent: #140
يا منى،
Quote: ماعايزه تجيب الصور..
لكن انا بحاول اساعدها بقوقل..
كوبري ويستمينستر وبيق بن الشهيره..
ابراهيم وهالة اجتهدوا شديد في تصويرها بس ماعارفه هالة داسه الصور ليه..
ياربي دايره تعمل معرض ولا دايرة تبيعهم؟ |
هى صورك دى صور؟؟
شوفى التصوير اللى على أصوله،،
تقريبا نفس المنظر بتاع منى فوق،
مع الفارق،،،
يا منى لو سمحتى ورينا الناس الماشيين تحت ديل منو؟؟؟
طبعا لاحظوا أنا عندى (فيرشين )تانى للصورة بدون طرف الكابينة الظاهر دة،،
لكن قصدت أجيب النسخة دى،
عشان ناس تبلدينا ما يجوا يقولوا لى قوقلتيها،،،
أنا وراء العدسة،،،
فكرة المعرض تفتكرى تنفع يا منى؟؟؟؟؟؟
|
Post: #154
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 10:59 AM
Parent: #151
يا منى،،
Quote: لكن انا بس مستغربة..
انا لما كان عندي انفلونزا عطست ياما في وشك انتي والباقيين..
ما أخدتوا العدوي ليه؟؟ |
دة يكون العطيس العندى حسه دة،،
و أنا اقول دة من إيه يا ربى؟؟
من إيه؟؟؟؟؟؟؟؟
IMG]http://www.sudaneseonline.com/uploadpic/Jun09upload/yas...nandyousif1.jpg[/IMG]
صورة معبرة جدا،
ماشاءالله،،
ياسين بيفتح الطريق،
و يوسف (عامل) فيها هادى،،،
|
Post: #156
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Elsanosi Badr
Date: 07-19-2009, 11:25 AM
Parent: #154
يا هاله اولا: حمدالله بسلامة رجوعك لاهلك غانمه وسالمه...
تانيا: والله نحن متحسرين لعدم شوفتك هنا في بلدنا الكلها مطره دي ...
تالتا: يا باشمهندسه... نحنا المره الجايه حاجزينك من المطار وعدل علي الريف الانجليزي ...ومن هسي ناس غزلان (الفي الصوره) حاجزين ليك العجله وحالفين يفسحوك الريف بتاع هاردفوشير كله ...وماتخافي لو اشتقتي للندن مننازي خمسه وعشرين دقيقه بالقطر لحدود كنقس كروس ...
مني بت خوجلي تحياتي الزاكيات ...
|
Post: #159
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 11:43 AM
Parent: #156
العزيز السنوسى بدر،،
| Quote: يا هاله اولا: حمدالله بسلامة رجوعك لاهلك غانمه وسالمه... |
الله يسلمك و يديك العافية،،
| Quote: تانيا: والله نحن متحسرين لعدم شوفتك هنا في بلدنا الكلها مطره دي ... |
وأكيد إحنا الخسرانين بعدم رؤياكم،
لكن إنشاءالله الجايات أكتر،،
| Quote: تالتا: يا باشمهندسه... نحنا المره الجايه حاجزينك من المطار وعدل علي الريف الانجليزي ...ومن هسي ناس غزلان (الفي الصوره) حاجزين ليك العجله وحالفين يفسحوك الريف بتاع هاردفوشير كله ...وماتخافي لو اشتقتي للندن مننازي خمسه وعشرين دقيقه بالقطر لحدود كنقس كروس ... |
والله يا السنوسى أنا مبسوطة جدا من دعوتك دى،
لأنى حسيت بيها نابعة من القلب،
على العموم مشكور كثيرا،
و فعلا المازار الريف الإنجليزى ما يعتبر نفسه مشى إجازة،
هناك حيث الجمال الحقيقى و الهدوء و الناس الرايقين،،
و طبعا أجمل حاجة فى إنجلترا (أوروبا) كلها،
إنو الواحد يركب القطر،
متعة ما بعدها متعة،،
تعرف يا السنوسى،
إحنا مرة قعدنا حوالى 3 شهور فى سيربتون،
المنطقة جميلة و البيت مريح ،،،الخ،
لكن كانت متعتنا إننا ننزل لندن بالقطر،
و اليوم الماشيين فيه أنا شخصيا بكون مرتاحة نفسيا كدة فى مشوار الذهاب و العودة،،،
غايتو عندى تخطيط كدة كان ربنا أذن لينا،
أمشى مرة إجازة لأى بلد أوروبى و أطلع من هناك بالقطر (أو المركب)،
الف على كام بلد كدة،،،
الله يسهل الأمور بس،،،
سلامى الحار للأمورة غزلان (الله يحفظها) و لكامل الأسرة،،،
|
Post: #157
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-19-2009, 11:30 AM
Parent: #154
يا تبلدينا،
سيبك من صور منى دى كلها قوقل،،
دة اكسفورد الجد جد،،
ناصية أوكسفورد سيركس،
تشترى و تدخل على ستار بكس و تريح الرجلين شوية،،
(تتملى) و تطلع (زعلان)،،،
صورة لسيلفردجز (بالشقلوب)،،،
بعدين يا تبلدينا،
أكلمك،
فى تجارة رابحة جدا ممكن نعملها مع سيلفردجز دة،
الفانوس (الواحد دة) ببيعوا بـ20 إسترلينى،،،
بالله أجمع لى زى الف فانوس كدة،
و (انا) أمشى أبيعهم هناك قدام المحل بسعر أقل،،
(التذكرة على المشروع طبعا)،،،
قلت شنو؟؟؟
Quote: بدون مبالغه يا تبلدينا..
هاله بتمشي شارع اوكسفورد ستريت الطويل ده مرات مرتين في اليوم!
مرة تشتري..ومرة ترجع تغير الاشترته! |
ياخوانا منى دى بتسوء فى سمعتى،،
المرة التانية دى كانت عشان أصور،
بعد ما أرجع البيت أخت المشتروات،،،،
بث،،،،،
|
Post: #195
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 11:50 PM
Parent: #157
ياهالة فاتك سيل خرافي..
عارفه باروتس عامل تخفيض 70%
والاحذيه تشتري 3 بتمن واحد وبعد كده كمان يدوك حذاء هديه!
تتذكري يا هالة الاسكيرت الاشتريتيه بعشرين جنيه وقلنا سعره يستاهل اكثر من كده؟؟
نزل في التخفيض وبقي ب5 جنيه!
تعالي رجعيه واخدي بداله اربعه..
ياربي بيرضوا يرجعوه؟؟
ابو لمعة ساكن عندنا!
|
Post: #158
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-19-2009, 11:34 AM
Parent: #151
Quote:
يا منى لو سمحتى ورينا الناس الماشيين تحت ديل منو؟؟؟
طبعا لاحظوا أنا عندى (فيرشين )تانى للصورة بدون طرف الكابينة الظاهر دة،،
لكن قصدت أجيب النسخة دى،
عشان ناس تبلدينا ما يجوا يقولوا لى قوقلتيها،،، |
اولا دي قبة عندهم عملوها بعد الفتوحات الاسلامية..
لكن هم خافوا بعد سبتمبر اليفن من الضربات الانتقاميه ضد المسلمين وقرروا يزيدوا عليها قبات بتلف ويسموها لندن آي..
وما تصدقي الاشاعات بتاعة الالفيه وما شابه ذلك..
وأفتكر ساعتها وعلي ما يبدو زي ما كانت بتقول أم سعاد..انتي كنتي بتصوري من الطياره ومش من أعلي الكوبري..
وعلي فكرة زمان آيه كان في اي مرة نطلع فيها كوبري..
تصفق وتغني..
نحنا فوق الكوبري..
والناس تحت الكوبري!
شاعره مجيدة بتي دي..موش؟؟
علي فكره كاميرتك ناقصة ألوان زاهية..وأوعي تقولي ده الضباب!
|
Post: #160
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: معتصم محمد صالح
Date: 07-19-2009, 12:15 PM
Parent: #158
سلامات يا هندسة ..
حرف الزول المكتوب في اول البوست ده انشاء الله ما حرفي ..
لانو حرف صالح ده ياهو صالح تبلدينا الواااحد ده ..
|
Post: #161
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ASHRAF MUSTAFA
Date: 07-19-2009, 12:37 PM
Parent: #160
Quote:
اشرف بالله لما تعمل رخصتك كلمني كان السنة دي ولا البعدها حتي لو بعد عشرة سنين..
علشان أعمل فيك الكان بيعمله جدي في الخليفه..
كل يوم من 6 صباحا اقعد ليك في العربيه وأهريك مشاوير..
|
جدا يا مني
لو ما خدمناكي انتي نخدم منو؟؟
ما شايفا الناس هنا بتحلف براس الملكة في المحاكم وكده
يعني انتي هنا الكل في الكل
و 6 صباحا اهريني بالمشاوير
انا دائما تحت الخدمة
وكمان فوتي جدك ظاطو
ههههههههههههههههههههه
ولا اقول ليكي حاجة
فوتي الرقم القياسي عشان تدخلي جينتس
اها قصرت معاك
تخريمة
بث ما تنسي التقلية في رمضان يا مني
|
Post: #164
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: أحمد الشايقي
Date: 07-19-2009, 02:54 PM
Parent: #158
Quote: أهو إنت الوحيد الفاهمنى،،،
شفت الناس ديل أشرار كيف؟؟؟
خليك موجود بالله عشان تدافع عنى،،
سمح؟؟؟؟ |
حاضر يا هالة
موجودين أنتي نزلي الصور ونحنا نحرسا
أحمد الشايقي
|
Post: #165
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: رأفت ميلاد
Date: 07-19-2009, 07:58 PM
Parent: #164
يا هالة زاوية أكسفورد شنو ياخ .. وصلك تهديد ولا شنو ..؟
واصلى لينا من عينة صور البرد ديك .. أنا عملت لي لقطة كده سميتا البؤساء ..
نزلى ياخ قولى دى انا .. ده الهكر
|
Post: #166
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-19-2009, 08:24 PM
Parent: #165
Quote: يا هالة زاوية أكسفورد شنو ياخ .. وصلك تهديد ولا شنو ..؟
واصلى لينا من عينة صور البرد ديك .. أنا عملت لي لقطة كده سميتا البؤساء ..
نزلى ياخ قولى دى انا .. ده الهكر |
وجوه ضاحكة كتيره يارأفت..
اتذكرت شكلناوتعاليقنا!
|
Post: #169
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-20-2009, 06:29 AM
Parent: #165
يا رأفت،
Quote: يا هالة زاوية أكسفورد شنو ياخ .. وصلك تهديد ولا شنو ..؟
واصلى لينا من عينة صور البرد ديك .. أنا عملت لي لقطة كده سميتا البؤساء ..
نزلى ياخ قولى دى انا .. ده الهكر |
و أخيرا أديتنى الضوء الاخضر،،،
طيب نتفق،
أنا أنزل الصورة،
و إنت عليك الوصف،،،
والهكر دة أنا حاجزاهو،،،
ملحوظة:
, إنت كنت فين،
لما أنا كنت بتهدد؟؟؟؟
|
Post: #170
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-20-2009, 06:44 AM
Parent: #169
بعض من صور البرد،
(فى الصباح)،،،
إبراهيم كوجان وراء العدسة،،،
_______________________
طيب إذا دى صور برد،
محمد هارون ما بردان لييييه؟؟؟
|
Post: #173
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 12:52 PM
Parent: #170
يا هاله شايفه الزهريات المعلقات فوق الباب؟؟
شايفاهم كويس؟؟
هلاص انا مليتهم ورود بعد ما كنت حردانه سنين!
السبب قبل كده كان في غيرهم وشكلهم حلو شديد بالورد..
جه واحد استخسرهم فيني وسرقهم!
اسه عايزة استشيرك..
اربطهم بجنزير ولا اخاطر اسيبهم كده؟؟
في انتظار رأيك!
|
Post: #203
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-23-2009, 02:57 PM
Parent: #67
Quote: لكن ما يغركش المنظر،
انا شخصيا ركبت لى قطر كدة (ياااى) من الكنبة،
تصور فيها خرم؟؟؟؟؟ (بضم الخاء طبعا)،،، |
عارفه ياهالة ما كنت عايزه اقوليك الكلام ده قبل كده..
اولا في لحظتها خفت اكلمك تقومي تصرخي..
عارفه الخرم الفي مقعد القطر ده كان من شنو؟؟
ده الفار الصغير خالص البيكون جاري في المحطات تحت القطارات..
ساعات بيدخل القطار لما يكون مبركن!
والخرم ده معناته احتمال كان بيتوالد داخل المقعد..
علي فكره واحده من مشاكل لندن الفيران الصغيره!
اهو الجماعة طلع عندهم فيران!
|
Post: #167
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 00:33 AM
Parent: #66
Quote: دا قطر ولا عقد!
مغسل ومتمر تقول طقم صينى!
بمعيار النضافة من الايمان نحن كفار ملاحدة ومشركين عديل!
نحن القطر حقنا الا تلبس ليك رداء عشان ما تتوسخ يعنى كان عندك اجتماع الا تشيل يارك معاك !
ما عندنا طريقة للناس ديل الا نكفرهم ونجاهد فيهم ولسان حالنا الفيك بدربو وحق الناس اقدلبوا!
جنى |
واهو القطر ياجني بتاع الكفار..فاتح بابه ومستنيك..
|
Post: #171
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-20-2009, 06:49 AM
Parent: #167
يا معتصم،،
Quote: سلامات يا هندسة ..
حرف الزول المكتوب في اول البوست ده انشاء الله ما حرفي ..
لانو حرف صالح ده ياهو صالح تبلدينا الواااحد ده .. |
صالح طبعا واضح،
لكن خليك من حرفك حسه،،
إنت وين كنت ؟؟
جوة ولا برة؟؟؟
حمدالله على السلامة على اى حال،
بجيك للحرف بعدين،،،
|
Post: #172
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-20-2009, 07:05 AM
Parent: #171
يا منى،
Quote: وعلي فكرة زمان آيه كان في اي مرة نطلع فيها كوبري..
تصفق وتغني..
نحنا فوق الكوبري..
والناس تحت الكوبري!
شاعره مجيدة بتي دي..موش؟؟ |
على فكرة،
الغنية دى ما ساهلة أبدا،
و لازم تعلموها لياسين و يوسف عشان ما تنقرض،،
دة تراث دة،
أمال إيه؟؟؟
Quote:
علي فكره كاميرتك ناقصة ألوان زاهية..وأوعي تقولي ده الضباب! |
لأ،
دة التصغير،،،،،
بكرى قاصدنى أنا بالذات،
أى حجم أكبر من كدة،،،
fail to upload.....
|
Post: #176
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Elsanosi Badr
Date: 07-20-2009, 03:56 PM
Parent: #172
العزيزه هاله...لك التحيه والاحترام مجددا Quote: و طبعا أجمل حاجة فى إنجلترا (أوروبا) كلها،
إنو الواحد يركب القطر،
متعة ما بعدها متعة،، |
ايووه طبعا السفر بالقطار ده متعه ما بعدها متعه...
طبيعة عملي بتطلب مني انو كل يوم اسافر بالقطر من البيت لحدود مكان العمل...
وتصدقي يا باشمهندسه كل يوم بستمتع بالرحله دي ...ذهابا وايابا... نفس الشخوص والابتسامه المستعجله والتحيه الصباحيه ونفس الكرسي ونفس قهوة الصباح من نفس المحل وبتقرض الساندوتش الجايبو معاك من البيت ...
غايتو ما بعرف لكن القطار ده اصبح جزء من حياتنا اليوميه...بحس انو الواحد برتب فيهو افكارو وهو ماشي علي الشغل ولا جاي منو ...Quote: غايتو عندى تخطيط كدة كان ربنا أذن لينا،
أمشى مرة إجازة لأى بلد أوروبى و أطلع من هناك بالقطر (أو المركب)،
الف على كام بلد كدة،،،
الله يسهل الأمور بس،،، |
انت انوي بس والباقي علي الله ...
عندنا القطر مسافة خمس دقايق من البيت بوديك اوروبا كلها... بس بتغيري في كنقس كروس ...
عندي واحدي جاري لذيذ كده ... طلع الصباح قال رايك شنو نطلع نشرب قهوه في فرنسا ونجي راجعين ...تصدقي عملناها... وضربت لي ناس البيت قلت ليهم انا في باريس ...
تعرفي من اليوم داك وانا مربوط لي (elctronic tag ) في رجلي من قبل ناس البيت كلما يشوفوني مع جاري ده ...
|
Post: #181
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-21-2009, 06:29 AM
Parent: #176
عزيزنا السنوسى،،
| Quote: عندي واحدي جاري لذيذ كده ... طلع الصباح قال رايك شنو نطلع نشرب قهوه في فرنسا ونجي راجعين ...تصدقي عملناها... وضربت لي ناس البيت قلت ليهم انا في باريس ... |
حظكم والله،
هى دى الحياة،
لما الواحد يكون عندو (أوبشنز)،،،،
| Quote: تعرفي من اليوم داك وانا مربوط لي (elctronic tag ) في رجلي من قبل ناس البيت كلما يشوفوني مع جاري ده ... |
D :D :D
من حقهم طبعا،،
أنا لو منهم،
أسلط عليك القمر الصناعى ذاااتو،
طول ما جارك دة موجود،،،
بالمناسبة،
كنجز كروس دى جار منى خوجلى،،
مسافة 7 دقايق و نص بالرجلين،،،،
|
Post: #180
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-20-2009, 10:31 PM
Parent: #62
Quote:
ازيك يا منى ,,
والله مشتاقين .. انا ما عارف بقيت بخش
ولا بسلم .. كلو بسبب الطشاش وعوامل التعريه
بعدين ورونا انتو رحتو ووينو وركبتو ياتو بص
وشربتو قهوة فى الادجور ستريت ولا اسمو شنو ؟؟
هاله دى صورها ما مقنعة بالنسبة لى ولودالصايم
_______
غايتو الانا شايفو غير صورة المنظار
والمتحف مع الملكة وود آيه البتجارى مع حبوبتو فى الحديقة
الباقى كلو من الويب سايد.. |
معقوله يا تبلدينا ياخ..
تنسي طوالي كده؟؟
اصله ده انت الفي حياتك شفع شياطين ولا أنا؟؟
طيب ده احد المداخل لمحظة الاندرقراوند في ايدجوار رود..
ياما تهنا فيهاأنا وهالة!
تصدق تهنا في مشوار بتاع 3 محطات ما يحصل العشرة دقايق قريب للساعة؟!
حاجة غريبه..
يعملوا لينا خرط..ونسكن في البلد..وبعدين يكتبوا وينبهوا..
وبرضه مافي فايده!
صدق القال..
مهما تعلم في المتبلم يصبح ناسي!
|
Post: #182
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-21-2009, 08:02 AM
Parent: #180
Quote: طيب ده احد المداخل لمحظة الاندرقراوند في ايدجوار رود..
ياما تهنا فيهاأنا وهالة!
تصدق تهنا في مشوار بتاع 3 محطات ما يحصل العشرة دقايق قريب للساعة؟!
حاجة غريبه..
يعملوا لينا خرط..ونسكن في البلد..وبعدين يكتبوا وينبهوا |
ههههههههههه،
قال أنا و هالة قال،
يا تبلدينا،
ما تغشك منى،
ح أجيك لموضوع التوهان دة بالتفصيل،
عشان تحكم براك،،،،
|
Post: #183
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 08:56 AM
Parent: #182
Quote: ههههههههههه،
قال أنا و هالة قال،
يا تبلدينا،
ما تغشك منى،
ح أجيك لموضوع التوهان دة بالتفصيل،
عشان تحكم براك،،،، |
والله فكرتيني بموقف كده..
قالوا واحدة البوليس قبضها مع مجموعة مشاغبين سياسيين في بلد كده..
اها اول سؤال كان..
اسمك شنو؟؟
قالت ليه جميلة..
طوالي اداها كف وقال ليها
من أولها كدب؟؟!
قال ما تغشك مني قال!
هانكذب يا هالة؟؟
|
Post: #185
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-21-2009, 12:16 PM
Parent: #183
Quote: قال ما تغشك مني قال!
هانكذب يا هالة؟؟ |
طيب يا تبلدينا تعال أحكم،،
أنا لى يومين بس فى البلد , و
نازلة ضيفة يعنى ما مفترض أبدا أكون عارفة القطر البودى لماما
which one
معايا؟؟؟
طيب نزلنا عشان نمشى المشوار برفقة الدليل،
دخلنا المحطة و ركبنا،
لقينا نفسنا فى منطقة غريبة و محطات أغرب،
أتارى ركبنا الإتجاه الغلط،
نزلنا وركبنا مرة تانية فى الإتجاه المعاكس،
و مفروض نحول القطر فى محطة معينة،
فاتتنا المحطة و نزلنا فى محطة بعديها،،،
نزلنا و حاولنا نرجع المحطة المفروض نغير فيها الخط،
تانى لخبطنا الإتجاه،،
المرة دى،
نزلنا فى الشارع و ركبنا البص،،،
تفتكر مقارنة بالحكاية التحت دى،
مين بالظبط إللى تاه؟؟؟
لأنو بعد اسبوع واحد بس،
مشيت نفس المشوار لوحدى ووصلت نفس العنوان فى زمن قياسى جدا،
مع إنو فى (واحدة) توهتنى و وصفت لى محطة غلط أنزل فيها،،،،
أنا راضية بحكمك،،،،
|
Post: #186
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 12:29 PM
Parent: #185
| Quote: أنا راضية بحكمك،،،، |
راضيه بحكم مين؟؟
حكم ربنا ولا تبلدينا؟؟
Quote: طيب يا تبلدينا تعال أحكم،،
أنا لى يومين بس فى البلد , و
نازلة ضيفة يعنى ما مفترض أبدا أكون عارفة القطر البودى لماما
which one
معايا؟؟؟
طيب نزلنا عشان نمشى المشوار برفقة الدليل،
دخلنا المحطة و ركبنا،
لقينا نفسنا فى منطقة غريبة و محطات أغرب،
أتارى ركبنا الإتجاه الغلط،
نزلنا وركبنا مرة تانية فى الإتجاه المعاكس،
و مفروض نحول القطر فى محطة معينة،
فاتتنا المحطة و نزلنا فى محطة بعديها،،،
نزلنا و حاولنا نرجع المحطة المفروض نغير فيها الخط،
تانى لخبطنا الإتجاه،،
المرة دى،
نزلنا فى الشارع و ركبنا البص،،،
تفتكر مقارنة بالحكاية التحت دى،
مين بالظبط إللى تاه؟؟؟
لأنو بعد اسبوع واحد بس،
مشيت نفس المشوار لوحدى ووصلت نفس العنوان فى زمن قياسى جدا،
مع إنو فى (واحدة) توهتنى و وصفت لى محطة غلط أنزل فيها،،،، |
طيب لو البيتكلم مجنون يبقي السامع عاقل..
في زول ممكن يتوه من بيت امه حبيبته؟؟
لا ممكن!
انا عارفه مثلا أخونا وصديقنا (...) ربنا ياخد بيده ويطلعه من أزمته..
تاه من بيت الزوجية!
ودي كان ليها اسبابها يعني..
لكن أتوه من بيت أمي التي أنجبتني ثم قبل ذلك حملتني في بطنها 9 أشهر وهن علي وهن؟؟
ياللهول ..
الكدبه دي واسعة شويه يا هالة!
هو بالمناسبة مشوار التوهان ده كان لماما ولا كان لبيت آسيا ربيع؟؟
|
Post: #187
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Tabaldina
Date: 07-21-2009, 12:39 PM
Parent: #186
..
.
لا حولااااااااااا
ما لكن بتتغالطن كدا ..
ليكن يومين منى ودرتنى لا هالة ودرتنى
ركبنا القطر من الايدجور رود لا ركبنا بص
ماشين بيت ماما ماشين لاسيا
عموما يا منى ..
رغم انك حبوبة وكدا ..
لكن يبدو لى جلياً انك رحت من بيتها وبدل ما تمشى
بقطر شرق ودى بتنا دى بقطر غرب
بعدين زولة جديدة لو راحت ليها العذر انت
البخليك تروحى شنو ؟؟
غايتو انتو دراويش فى بلد الانجليز :)
_____________
اها شربت اكسبرسو ولا كابتشينو
دى ما دايره غلاط 
|
Post: #198
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-22-2009, 12:15 PM
Parent: #187
Quote: اها شربت اكسبرسو ولا كابتشينو
دى ما دايره غلاط |
كيف يعني يا تبلدينا ما دايرة غلاط؟؟
اها ايه رأيك ماشربنا ولا واحد فيهم..
شربنا هوت تشوكيليت..
وبالامارة كنا قاعدين في الكوفي شوب دي
اسه تجي هالة تغالط وتقول..
شربنا مغات!
اها جوكم كيف في الخرطوم؟؟
قالوا غيوم وأمطار وكثير من باعوض..صحي الكلام ده؟؟
|
Post: #188
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: طارق الكوتش
Date: 07-21-2009, 12:40 PM
Parent: #186
ناس حلوين ورحله ممتعه وذكريات روعه وتوثيق اروع
تخريمه
انتو تكاسى لندن لونها شنو ؟
|
Post: #191
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 07:25 PM
Parent: #188
Quote: ناس حلوين ورحله ممتعه وذكريات روعه وتوثيق اروع
تخريمه
انتو تكاسى لندن لونها شنو ؟ |
سلام يا طارق..
خليك معانا في البوست العجيب ده..
نصه مغالطات..
دي صورة تماسي لندن..
التاكسي لونه اسود ولامع..
زي الباذنجان الجديد..
مستحيل تالقي فيه خربشه ولا بوهيه طالعة في حته منه..
وبعدين من جوه واسع وقعدته زي القاعدين في غرفه..
وبين الركاب والسواق فاصل من الزجاج..
ومافي زول بيقعد بجانب السواق..ممنوع..
النور المنور في كلمة تاكسي معناتها التاكسي غير مشغول..
طارق تعال اتونس..
|
Post: #192
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 10:39 PM
Parent: #191
وبعدين يا طارق التاكسي ده بالعداد وغالي جدا..
تلحق توقفه وتدخل بأول رجل العداد يجري..
اها شوف بقي لماتدخل برجلك التانية!
أحسن ليك البصات..
|
Post: #193
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-21-2009, 10:58 PM
Parent: #192
عاين ديل ظابطين الباركينج كيف!
مؤه واحد جه لندن اول مرة..
وقف التاكسي وسأل السواق..
دو يو سبيك انجليش؟؟
خلاص نشوف لينا موضوع تاني غير التكاسي!
|
Post: #197
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-22-2009, 08:54 AM
Parent: #192
يا كوتش،
Quote: وبعدين يا طارق التاكسي ده بالعداد وغالي جدا..
تلحق توقفه وتدخل بأول رجل العداد يجري..
اها شوف بقي لماتدخل برجلك التانية! |
منى قصدها كدة يعنى.....
طيب نجى من الاخر،
أقل مشوار بالتاكسى هزار كدة،
ح يكلفك بتاع 60 إسترلينى،
إحسبها إنت بئى،،،
يعنى التاكسى دى فى بريطانيا زى قصر الملكة،
و لازم الزيارة (للمنظر السياحى)،
و إلا تكون معاك أسرتك و شايلين كتير و مشوارك بعيد،
حتى تفكر و تتهور و توقف (بلاك كاب)،
و بعدين حذارى من الونسة مع السواق،،،
لأنو ما ح يعبركش،،،،
منظر تانى للتاكسى،،،
أما عن سؤالكم إذا التاكسى (بيجيب قووون) و لا بيطلع تعادل و لا لأ،
فـ دة احيله للمختصين،،،،
|
Post: #189
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-21-2009, 01:03 PM
Parent: #186
Quote: لكن أتوه من بيت أمي التي أنجبتني ثم قبل ذلك حملتني في بطنها 9 أشهر وهن علي وهن؟؟
ياللهول ..
الكدبه دي واسعة شويه يا هالة! |
و هى دى تيجى؟؟؟
لا ممكن طبعا،،،،
لأ و اللذيذة،
بعد ما أتعهدت إنو،
ما أفتحش بئى،،
هم وحدهم اللى حكوا،،،
| Quote: هو بالمناسبة مشوار التوهان ده كان لماما ولا كان لبيت آسيا ربيع؟؟ |
و كما قال ود الصايم،
أنا ألتش حاجة........
بالمناسبة،
توهان اسيا ربيع دة،
كان تحت زخات المطر،،،،
و بالليل.............
|
Post: #190
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Tabaldina
Date: 07-21-2009, 01:31 PM
Parent: #189
..
.
| Quote: هو بالمناسبة مشوار التوهان ده كان لماما ولا كان لبيت آسيا ربيع؟؟ |
هالة يا اختى ما دام منى دى ما فاكرة المشوار ووين ؟؟
وتوه بيت اسيا بالليل ومطر.. يبقي
دا اسمو
اسمووو
اسمووووو
اسموووووووو
الزهايمر ..
معليش يا منو
انت عارفه معزتك عندى بس حالتك بتستدعى
التضامن معاك فى الازمة دى ..
قرقر قرقر قرقر
___________
وكمان تايهات مرتين
مبالغة ..
|
Post: #194
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Rawia
Date: 07-21-2009, 11:19 PM
Parent: #190
ياهالة صباح الخير(حتجي الصباح تلقى مداخلتي دي)
ياريت لو إتقابلنا لكن طالما ربنا مانحنا الصحة والعافية وطول العمر بنتقابل
لاوربا مشيت بالبص ما بالقطر ....كانت رحلة جميلة وكنت فرحانة ومتأثرة بيها جدا
وكانت في بالي قصيدة ماثيو ارنولد بتاعة (دوفر بيتش) لما وصلت دوفر ....وركبنا المعدية
حوالي ساعة الا ربع كانت متعة بجد وحقيقية ....كاليه وليل وبروكسيل وانتيورب ديل كانوا المدن المريت بيها ونهاية رحلتي كانت دوسلدورف وفوبرتال
بتمنى اكررها تاني قريب
أما لندن فكانت جولاتنا فيها تبتدي بمطعم غالبا ماليزي وتنتهي بالمرور على كل المعالم والاماكن المعروفة في لندن ...ومابقدر فعلا أشكر دليلي السياحي في لندن صديقة أختي .
|
Post: #196
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-22-2009, 08:23 AM
Parent: #194
يا راوية،
صباح النور،،،
و زى ما قلتى،
إذا أرادالله بنتقابل،
إنشالله فى الخير،،
و عجبتنى شديد الرحلة يتاعتك دى،
كأنى أنا العملتها،،
الظاهر إحنا متفقات فى حب السفر،
ح نضمك للمجموعة بتاعتنا،
و نخطط لينا رحلة سوا،،،
الله يديكى الفى نيتك،،،
|
Post: #199
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-23-2009, 07:45 AM
Parent: #196
يا تبلدينا،
Quote: شربنا هوت تشوكيليت..
وبالامارة كنا قاعدين في الكوفي شوب دي |
تعال أوريك شربنا شنو؟؟
قعدنا فى كوفى شوب فرنسى/مغربى،
و محمد هارون قال ديل مشهورين بالشاى بالنعناع،
لما جابوا الشاى،
منى قالت ليه،
القال ليك إحنا عايزين شاى منو؟؟
جوا الجماعة،
منال قالت عايزة هوت شوكوليت (إكسترا هوت)،
قامت هالة قالت عايزة هوت شوكوليت،
(خجلت اقول حكاية سخن زيادة دى عشان ما نكترها)،
قامت منى قالت عايزة هوت شوكوليت،
ليه ما قهوة؟؟
ما عارفة،،،
ماجدة قامت قالت عايزة لاتى،
رافت قال لماجدة،
وأنا كمان،،
إبراهيم قال عايز إسبرسو،
و بعدين قال عايز كابوتشينو،
لما جابوا الإتنين،
قال ليهم القال ليكم إسبريسوا منو؟؟؟
مجاهد طلب شنو يا منى؟؟؟
أنا طول القعدة،
كنت خايفة ناس المحل يجوا يقلبوا فينا التربيزة،،،،
و بث،،،
|
Post: #200
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-23-2009, 09:15 AM
Parent: #199
Quote: لكن تعالي بقي عندنا احنا وجماعتك..
أكياس واكياس واكياس معيئه بالملابس والاحذيه والتياب
والتي سريعا ماتصير كما تقول حاجة عاشة حبوبة آية الله يرحمها..
الدلقن!
الناس دي بتشتري دلاقين كتيرة خلاص..
ومش كده بس..
أساسا بيجوا من بلدهم بملابس كتيرة..
طيب ليه مادام جايين تشتروا؟؟
بعدين نقعد بقي تحت الحيطة نسمع الزيطه..وكلها من نوع
الشنط ما بتقفل..
الوزن زايد كتير.. |
على قولك يا منى،
حكاية الدلاقين و(العدة) دة بتمسخ أى سفر،،
ابوى الله يرحمو كان دايما يضرب لينا مثل بالخواجات ديل،
يقول لينا شوفوا (الناس) بتسافر خفيفة كيف،
إنتو اصلكم ما بتعرفوا تستمتعوا بالسفر،
ماما الله يديها العافية،
تسمع الكلام دة و من تحت تحت تكابس فى الشنط عشان تلملم غزوة اليوم،،،
يا شيخة فعلا عادة مهببة،،
و بعدين بحكاية تجى من البلد شاحنة الشنط دى ذكرتنى بصاحبتى،
مسافرة الإجازة مع ولدها،
و أنا بحاول أحل معاها المعضلة دى ما عرفت،،
عندهم هدوم (برد) جديدة ما أتلبست،
يعنى لازم يلبسوها و يتمتعوا بيها شوية،
و الولد ماشاء الله بكبر،
يعنى السنة جاية يمكن الهدوم ما تلبسوا،،
طيب الشنط اتملت،
و مافى طريقة يخلوا الحاجات دى وراهم هناك،
غايتو فى الاخر قلت ليها،
الله معاكى،،،،،،،،،
|
Post: #201
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-23-2009, 01:48 PM
Parent: #199
Quote: تعال أوريك شربنا شنو؟؟
قعدنا فى كوفى شوب فرنسى/مغربى،
و محمد هارون قال ديل مشهورين بالشاى بالنعناع،
لما جابوا الشاى،
منى قالت ليه،
القال ليك إحنا عايزين شاى منو؟؟
جوا الجماعة،
منال قالت عايزة هوت شوكوليت (إكسترا هوت)،
قامت هالة قالت عايزة هوت شوكوليت،
(خجلت اقول حكاية سخن زيادة دى عشان ما نكترها)،
قامت منى قالت عايزة هوت شوكوليت،
ليه ما قهوة؟؟
ما عارفة،،،
ماجدة قامت قالت عايزة لاتى،
رافت قال لماجدة،
وأنا كمان،،
إبراهيم قال عايز إسبرسو،
و بعدين قال عايز كابوتشينو،
لما جابوا الإتنين،
قال ليهم القال ليكم إسبريسوا منو؟؟؟ |
اها شوفت الغلاط؟؟
وبعدين محمدهارون عايز يشربنا علي مزاجه ليه؟؟
شاي بنعناع؟؟
انا شاي ما بشربه والنعناع لا ممكن اشربه في حاجه!
وبعدين انت ياهالة ده شنو العمله ابراهيم ده؟؟
رص الحاجات قدامه وكلها شربها بارده مع انها مشروبات سخنه..جنس كوجين!
| Quote: مجاهد طلب شنو يا منى؟؟؟ |
طلب القرب من الجرسونة!
|
Post: #204
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-24-2009, 09:58 AM
Parent: #201
Quote: يا هاله شايفه الزهريات المعلقات فوق الباب؟؟
شايفاهم كويس؟؟
هلاص انا مليتهم ورود بعد ما كنت حردانه سنين!
السبب قبل كده كان في غيرهم وشكلهم حلو شديد بالورد..
جه واحد استخسرهم فيني وسرقهم!
اسه عايزة استشيرك..
اربطهم بجنزير ولا اخاطر اسيبهم كده؟؟
في انتظار رأيك! |
شايفة إيه؟؟
الزهريات ولا الورد؟؟؟
أماعن الزهريات،
أنا كنت معلمة بيهم البيت لما أوصل،
ح تقولى لى 42 كفاية،
لأ طبعا ما كفاية،
و إنتى عارفة منظرى بكون كيف لما أرجع،،،،
و كتير بقيف قدام 43،
و بقول منو الشال الزهريات،،،،،،،
ما علينا،
أما بالنسبة للسؤال،
بجنزير و لا من غير جنزير؟؟؟
أفضل أشوف صورة الورد بالاول،
حتى أقول،،،،،
ولا أقول ليكى،
مادام أشتريتيهم بفلوس،
و كان فى سابقة قبل كدة،
و الزهريات إذا أتشالوا أكيد ح يضللوا البشر عن البيت،،،،
جنزريهم أحسن.....................
|
Post: #205
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-24-2009, 11:43 AM
Parent: #204
Quote: و الزهريات إذا أتشالوا أكيد ح يضللوا البشر عن البيت،،،،
جنزريهم أحسن................... |
لأ دي انا المحتاجة جنزرة!
عارفه اول امس بالمساء كان يوم عجيب..
طبعا كلنا عيانين زي ما انتي عارفه..
وياسين عنده برجم ونزله..
يوسف حمته زادت مع الكحة..
باختصار الدكتور قال شاكي في انفلونزا الخنازير!
والارشادات بقت اي زول ياخد العلاج ويقعد في البيت الا اذا حالته خطره..
قال يوسف يشرب الدوا واذا الحمي نزلت يبقي خلاص..
طيب يا دكتور..وين الدوا؟؟
قال الحكومه قررت انه الدواء يكون في اجزخانات محدده..
آيه وعبدالرحيم جاريين زي المجانين لافين في الاجزخات قالوا الدوا خلصان بسبب كثرة الاستهلاك..
طيب العمل؟؟
اتصلوا بالهلب لاين يقدم مشورته!
الهلب لاين قال دكتوركم مسئول..ارجعوا ليه!
ياربي احنا في لندن ولا في مكان تاني؟؟
الدنيا بقت ليل..ويوسف نديهو دواء الحمي العادي يبقي كويس..وبعد شوية يسخن تاني..
المهم الجي بي قال لو فاتت الحمي 38 تودوه المستشفي طوالي!
طبعا المستشفيات مليانه ولو مالزول فعلا في خطر مالمفروض يمشي وممكن برضه ما يمسكوه عندهم..
والمستشفي ذاتها تخوف..ممكن ماتكون عندك العدوي تمشي تاخديها منهم!
المهم الولد بالليل الحمدلله نام كويس ومافي حمي..بس احنا المانمنا!
عبدالرحيم ساهر مع يوسف وقال لآيه نومي شويه..وأنا قاعده بياسن في الاوضه علشان ما يمشي يصحي اخوه..
زول الاجزخانه اتصل بآيه وقال ليها تعالي فضل قزازتين دوا بس..
والحمدلله طلعت ما سواين فلو لكن برضه نستمر في الدوا لمدة خمسه يوم!
يبقي الشفاوة دي ما بتخلي الواحد محتاج يتجنزر؟؟
|
Post: #206
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-25-2009, 00:07 AM
Parent: #205
طيب يا هالة..
اسه دي انت ومنال مع ماما جارة..
انا ورافت وجهاد وابراهيم ومحمد هارون وماجدة وين؟
اشمعني يصوروكم انتو واحنا لا؟؟
|
Post: #221
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 08:49 AM
Parent: #206
Quote: اسه دي انت ومنال مع ماما جارة..
انا ورافت وجهاد وابراهيم ومحمد هارون وماجدة وين؟
اشمعني يصوروكم انتو واحنا لا؟؟ |
طيب إنتى،
كنت بتتكلمى فى التليفون (مع أمريكا)،،
و ماجدة كانت مشغولة بتتناقش مع كوجان (فى موضوع حيوى)،،
رأفت و مجاهد كانوا ساكتين،
و محمد هارون كان بيصور،،،
هو كان فى إيه؟؟؟؟؟؟
طيب دى منال و ماما جارة (تحياتى لها)،
انا فيييين؟؟؟
|
Post: #220
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 08:43 AM
Parent: #205
Quote: الدنيا بقت ليل..ويوسف نديهو دواء الحمي العادي يبقي كويس..وبعد شوية يسخن تاني..
المهم الجي بي قال لو فاتت الحمي 38 تودوه المستشفي طوالي!
طبعا المستشفيات مليانه ولو مالزول فعلا في خطر مالمفروض يمشي وممكن برضه ما يمسكوه عندهم..
والمستشفي ذاتها تخوف..ممكن ماتكون عندك العدوي تمشي تاخديها منهم!
المهم الولد بالليل الحمدلله نام كويس ومافي حمي..بس احنا المانمنا!
عبدالرحيم ساهر مع يوسف وقال لآيه نومي شويه..وأنا قاعده بياسن في الاوضه علشان ما يمشي يصحي اخوه..
زول الاجزخانه اتصل بآيه وقال ليها تعالي فضل قزازتين دوا بس..
والحمدلله طلعت ما سواين فلو لكن برضه نستمر في الدوا لمدة خمسه يوم! |
يامنى حمدالله على سلامة يوسف من السواين فلو،
و برية عليه،،،
الظاهر فعلا إنو الموضوع كتر هناك،
و ابتدوا يشخصوا كدة عشان يكونوا فى السيف سايد،،،
يا شيخة قولى لاية التيرم فضل فيه كم؟
لو كتير جمديه ستة شهور و تعالوا عندنا،،
دة رمضان عندنا بالدنيا،،،
ياسين كيف من البرجم؟؟؟
|
Post: #211
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-25-2009, 04:23 PM
Parent: #199
ابراهيم كوجان ومجاهد ميلاد وونسة قبل الذهاب الي المطعم في بيت ماما جاره..
انتو ابراهيم ده كان بيقول شنو؟؟
|
Post: #222
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 10:30 AM
Parent: #211
| Quote: انتو ابراهيم ده كان بيقول شنو؟؟ |
يا منى،
إنتى فى كان بقول شنو؟
ولا مجاهد دة كان بيعاين ليه كدة ليه؟؟؟؟
أظن أول مرة يسمع كمية ونسة كدة من فترة طويلة،،،
ماشاءالله،،،،
|
Post: #209
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: طارق الكوتش
Date: 07-25-2009, 01:55 PM
Parent: #190
اها جيتكم للونسه
انتو لندن فيها ناس بتاعين شمار
والشمار بالنجليزى يعنى كده
ونكاتهم كيف .. يعنى الناس
ديل بيعرفوا يضحكوا و يتونسوا
ولا كلوا شغل شغل
يعنى انا كان فكرت اجيكم فى لندن اجيب معاى ليكم شنو ؟
- كسره
- ويكى
- دكوه
- شمارات
- نكات
- صور نيل السودان
- جرائد السودان
- فنائل الهلال
- شرائط غنى
- لحمة خروف من قندهار
- جلاليب وعمم و طواقى
- حنه والذى منه
- سبحه
- برش سودانى
- كتاحه و تراب و رمل
- شوية ذباب و حشرات
- بوش مع زيت سمسم بالجبنه السودانيه
- عريس ( او عروسه )
- بن معمول بالطريقه السودانيه
- شربوت من البلح البركاوى
ولا شنو ؟
______
يا هاله انت انا ما منتظرك تجينى بهناك
هسع فى داعى تمشى لندن السنه ده ... وانا
السنه الجايه ... وانت السنه الجايه تجينى
وبعداك ما تلقينى ... تلقينى فى لندن ... وناس
لندن ديل يعنى ما بيجونى ولا يجوك ... مره انت
ومره انا ... فى داعى هسع لجنس اللخبطه ده ...
|
Post: #210
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-25-2009, 03:41 PM
Parent: #209
Quote: اها جيتكم للونسه
انتو لندن فيها ناس بتاعين شمار
والشمار بالنجليزى يعنى كده
ونكاتهم كيف .. يعنى الناس
ديل بيعرفوا يضحكوا و يتونسوا
ولا كلوا شغل شغل
يعنى انا كان فكرت اجيكم فى لندن اجيب معاى ليكم شنو ؟
- كسره
- ويكى
- دكوه
- شمارات
- نكات
- صور نيل السودان
- جرائد السودان
- فنائل الهلال
- شرائط غنى
- لحمة خروف من قندهار
- جلاليب وعمم و طواقى
- حنه والذى منه
- سبحه
- برش سودانى
- كتاحه و تراب و رمل
- شوية ذباب و حشرات
- بوش مع زيت سمسم بالجبنه السودانيه
- عريس ( او عروسه )
- بن معمول بالطريقه السودانيه
- شربوت من البلح البركاوى
ولا شنو ؟
______
يا هاله انت انا ما منتظرك تجينى بهناك
هسع فى داعى تمشى لندن السنه ده ... وانا
السنه الجايه ... وانت السنه الجايه تجينى
وبعداك ما تلقينى ... تلقينى فى لندن ... وناس
لندن ديل يعنى ما بيجونى ولا يجوك ... مره انت
ومره انا ... فى داعى هسع لجنس اللخبطه ده ...
(عدل بواسطة طارق الكوتش on 25-07-2009, 02:07 م) |
ايواتاليك..ياهو ده انت كده زولنا تمام..
شوف الانجليز ديل اكثر شعوب العالم سخرية ونكته علي الرغم من مظهرهم الجامد..
والنكته عندهم بتطلع في لحظتها يعني مش بيحفظوها الاول..
ومن ناحية الشمارات يازول اسكت خليها!
الشمارات والقطايع..يساوي الفضول!
بس طبعا منطلقاتهم غريبه..
بيتحفظوا جدا مع الاغراب لغاية ما يعرفوهم كويس..
شوفت مان عندي جارتي عجوزه ولذيذة حدا..كان مرات بتقعد في الكرسي قدام الباب تتفرج وتصور في راسها الحاصل..
الخليفه لما مرات بيزوني كان برضه بيقعد في الكرسي هو وماما جاره..قال ايه يتشمسوا وهم بيتفرجوا عاي الشارع والماشيين..
وبعد شويه يكون الخليفه وجارتي آخر ابتسامات وصحكات..
وسماها صالحة..
وبقي كل ما يجي يسأل..
حاجة صالحة وين؟
حاجة صالحة جنها تعرف انت مشيت وين واشتريت من السوق شنو..
ومرات القاها مسكينه واقفه تتلفت اسوقها معاي السوق ولا القهوه وهناك بقي آخر قطيعه gossip زوله قسابه خلاص!
والله سؤالك عن تجيب لينا شنو من السودان ده..سؤال صعب!
لانه الخيارات فيه صعبه شويه..
يعني اسه بتصدقني لو قلت ليك الذباب وحشني ونفسي اسمع زنه واتقرف بمنظره؟؟
ولا قلت ليك لا باس بالباعوض؟؟
أكيد ما بتصدق ..موش؟؟
اما بالنسبة للويكه والشمار والكلام ده..فذكرتني بزول في احدي مدن انجلترا..
قال زمان لامن كان خاطب زوجته..اتملا قش واتغش!
كيف ؟؟
كبعا ايام الخطوبه الجماعة بيكونوا فرحانين والكرم بيكون للآخر..
قال هو يشيل ويرسل في الهدايا والاسترليني..
وهم يشيلوا ويرسلوا في الويكه والشطة!
يعني بصراحة كده ياطارق ما تجيب شمار وشطه وويكه..
وللأسف الشديد ما بتقدر تدخل البلد باللحمه ولا بالشربوت..
وبعدبن العريس والعروسه برضه ماعايزنهم..
والجرايد كلها كضب ماني دايراها شي!
والجلابيه والعمم مافي زول بيلبسن الا ان اكان تجيب جلابيات نسائية..
بقوليك شنو..
ممكن تجيب لينا شوية هبوب مرمل؟؟
|
Post: #212
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: طارق الكوتش
Date: 07-25-2009, 04:29 PM
Parent: #210
منى
| Quote: ممكن تجيب لينا شوية هبوب مرمل؟؟ |
بس طرق التعبئه المعتمده عندكم كيف ؟
تخريمه
انتو لندن ده بتغير الاشكال ولا شنو ؟
يعنى هسع انا بعد تعب حتى قدرت اتعرف
على هاله فى الصوره اعلاه
_______
كده كلمونا قاعدين تعملوا شنو
عشان ممكن اجيكم سريع سريع و اعبى
يعنى تبادل تجارى
هبوب مرمل قصاد ....
سريع سريع
منتظرين
وراجعين
|
Post: #213
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-25-2009, 06:41 PM
Parent: #212
طيب يا الكوتش..
دي هاله مودعه لندن في المكطار خلاص ..شايف معاها كم شنطة في يدها؟؟
قالوا لما رجعت السودان الا رجعوا ليها كتفها مكانه..
مسكين اتملخ من الشيل الكثير..
والولد العسولي ده اسمه حامد..وهو ابن محمد هارون
والشافع ذاته اتهري بالعتيل في المطار..
اوعط تكلم هاله..
وعلي فكره انت لو جيت لندن بترجع شكلك مش هو..ايه رأيط تجي؟؟
|
Post: #214
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: طارق الكوتش
Date: 07-25-2009, 07:35 PM
Parent: #213
منى
| Quote: وعلي فكره انت لو جيت لندن بترجع شكلك مش هو..ايه رأيك تجي؟؟ |
جايكم جايكم وخصوصا لندن تملك سحر من نوع خاص
وتترك اثر رائع لزوارها ... هكذا حدثونى الناس
الذين زاروها .... العلم و الانضباط و التنظيم
والجمال و الفن .... يعنى جايكم جايكم بس
مسألة وقت ليس الا .... بس دائر اكون فكره
عنها عشان لما اجى ما تكون غريبه بالنسبة
لى عشان كده ونسونى انتى وهاله عن لندن
مسارحها ... شوارعها... اطفالها ... رجالها
نسائها... التكنلوجيا و اى شئ ..... وانا
جالس القرفصاء ومنتظر على احر من الجمر
|
Post: #215
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Abu Eltayeb
Date: 07-26-2009, 00:07 AM
Parent: #214
Quote: Quote: على فكرة يا جماعة،
حاج علاء الدين، عندو بوست إسمو أنا بكره باريس،،، |
Quote: زمان وانا في الأبتدائي زمان زمان المهم ما بوريك بتين
في منلوج
احد ابياته
باريس اقرب من شندي و لندن جنب الخرطوم
لطفي |
اها يا هاله وكت ما جابت دخل اديني قرشي خليني انزل
وتشكري علي هذه السياحة
|
Post: #216
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 08:10 AM
Parent: #215
و نبدأ ياابو الطيب من الاخر،،
Quote: اها يا هاله وكت ما جابت دخل اديني قرشي خليني انزل
وتشكري علي هذه السياحة |
قرش شنو ياخى،
حسه نجيب ليك إسترلينى من وين؟؟؟
و بعدين أنا شفت مداخلتك دى فى الصفحة الاولى،
فتحت البوست،
و تصدق فتشت الـ3 صفحات ما لقيتها،،
كانت وين بالظبط؟؟؟
دة كلو من منى،
أنا عارفة،،،
كسرة:
لازم نعرف الاتى:
1. بقية المنولوج (إذا ليه بقية)،
2. زمان كان متين بالظبط؟؟؟؟
و محطتك لسه ما جات،،،،،
|
Post: #217
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 08:19 AM
Parent: #214
يا طارق الكوتش،
اولا مبروك الجايزة،،،
(جائزة)،،،،،
و ثانيا،،
Quote: جايكم جايكم وخصوصا لندن تملك سحر من نوع خاص
وتترك اثر رائع لزوارها ... هكذا حدثونى الناس |
ياخى بلاش فضايح،،،
يعنى كان على (التنفخة)،،
نطمنكم إنو كلو راح لحال سبيلو،
و أهو رمضان برضو داخل،،،
و حركات منى بتاعة (قص الصورة) دى لدواعى التوثيق،
عملتها ظاهرة،،،
و سوف اقتص منك،،،
و بعدين،
إنت ماشى متين،
عشان أجيكم و ألقاك مافى؟؟؟
و غايتو كان جيت،
و ما عملتو اللقاء الشهرى بتاع الممزر داك،،
ما ح أجيكم تانى،،،،
و....و
و
راجعة ليك،،،
|
Post: #218
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 08:26 AM
Parent: #213
يا منى،،
Quote: طيب يا الكوتش..
دي هاله مودعه لندن في المكطار خلاص ..شايف معاها كم شنطة في يدها؟؟
قالوا لما رجعت السودان الا رجعوا ليها كتفها مكانه..
مسكين اتملخ من الشيل الكثير..
.. |
يا مغرضة،،
هى شنطة واحدة بس،
الظاهرة قدامى فى الصورة،
و التانية دى واضح عليه لابتوب بتاع عمو القاعد جنبى،،
أنا كنت شايلة حاجة،
يا عينى على،،
ما فيش،،،،،
و بعدين مين دى اللى فى الصورة؟؟؟؟
Quote: والولد العسولي ده اسمه حامد..وهو ابن محمد هارون
والشافع ذاته اتهري بالعتيل في المطار.. |
للأمانة،
حامد و أبو حامد ما قصروا،
الله يديهم العافية،
تحياتى لهم،،،
لكن يا محمد هارون،
لازم تعويض بعد التشهير بتاع منى ،،،
|
Post: #219
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 08:34 AM
Parent: #212
يا كوتش،،
Quote: يعنى تبادل تجارى
هبوب مرمل قصاد ....
سريع سريع
منتظرين
وراجعين |
إذا الموضوع تبادل تجارى،
يبقى قصاد (فلوس،،،،،،فلوس)،،،
و معناهو البوست دة،
إنت ما قريتو بتمعن و تفكر و تدبر،،،،
يعنى أنا ذكرت (فى مكان ما)*،
إنو الناس ديل،
ما ينفع معاهم غير الفوانيس... الفوانيس،،،
يرحمكم الله،،،
و طبعا ما تنسى شوية كتاحة (إنشالله فى كيس) لمنى،،،
*يعنى لازم ترجع تذاكر،
و تجيب الدليل،،،،
|
Post: #223
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Mohammed Haroun
Date: 07-26-2009, 10:38 AM
Parent: #219
Quote: لكن يا محمد هارون،
لازم تعويض بعد التشهير بتاع منى ،،، |
سلامات يا با شمهندسة هالة
بهذا قد تجاوزت منى التفويض الممنوح لها ... عليه حكمت المحكمة عليها بدفع غرامة قدرها خمسين جنيه استرليني مع وقف التنفيذ.
تحياتي
|
Post: #224
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 10:50 AM
Parent: #223
يا محمد هارون،،
سلام كتير،،
| Quote: بهذا قد تجاوزت منى التفويض الممنوح لها ... عليه حكمت المحكمة عليهاً بدفع غرامة قدرها خمسين جنيه استرليني مع وقف التنفيذ. |
خمسين بس،
وكمان وقف تنفيذ؟؟؟
دى حتى اقل من التمانين جنيه ديك،،،
عارف حكايتهم،
و لا منى تجى تفضحنا؟؟؟؟
|
Post: #225
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-26-2009, 12:23 PM
Parent: #224
Quote: خمسين بس،
وكمان وقف تنفيذ؟؟؟
دى حتى اقل من التمانين جنيه ديك،،،
عارف حكايتهم،
و لا منى تجى تفضحنا؟؟؟؟ |
قلبك أسود يا تفيده؟؟
انتي لسه فاكرة التمانين جنيه؟؟
ياربي انا ما حكيت بيها؟؟
الله يقلعوا الزهايمر ..خلي بالك الولد تبلدينا طلع كلامه صح!
يا جماعة هالة فكت في يوم 300 يورو وخسرت فيهم 80 جنيه استرليني يعني تقريبا بقششت علي الراجل وعملت اوكازيون
في دولاراتها..قالت ليه اشتري ميتين دولار وخد التالته هديه!
الراجل قال ليها السعر العنده وهي ناولته القروش طوالي..
طلعت من عنده لقت واحد اسعاره احلي كتير وعرفت انها اتضربت في 80 جنيه..
رجعت ليه يا عيني بكل براءه وسألته..
انت غلطت في الحساب ولا شنو؟؟
ولتدعم قولها اظهرت له الايصال اياه..بتاع التغيير..
نظر لها نظرة جامده وبصوت هادي جدا مافيه اي رنة اعتذار ولا تزعزع مما فعله..
دي اسعارنا وثابته!
استغربت اجابته وردت..
لكن زولك التاني اسعاره معلقه وفرق شاسع بينك وبينه؟؟
وكان رده البارد..
طيب انا مالي وماله؟؟
ده سوق يامدام..وسوق مفتوح..انا باخد كوميشن وغير كده عندي أسعاري الخاصه!
تجمدت هاله في مكانها ذهولا من الجرأة ولكن أكثر لضياع التمانين جنيه!
وكثيرا بعد ذلك ما انتهزت الفرص وغظتها بها علي الرغم من تظاهرها بعكس ذلك..
80 جنيه كانت تجيب ليك حاجات شويه وشويات!
|
Post: #226
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-26-2009, 12:33 PM
Parent: #225
يا خرابىىىىى،
| Quote: تجمدت هاله في مكانها ذهولا من الجرأة ولكن أكثر لضياع التمانين جنيه! |
عشان تعرفوا يا جماعة،
منى مستهبلة كيف،،،
طيب عرفت كييف إنى أتجمدت؟؟؟؟
وو ضعت أصبعها فى رأسها و تمايلت (الراس طبعا)،،،،
مين دة اللى يستجرى و يلهف منى 80 جنيه إسترلينى،،،،
كان فى داعى حسه يا محمد هارون؟؟؟؟
|
Post: #227
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Muna Khugali
Date: 07-26-2009, 01:01 PM
Parent: #212
Quote:
بس طرق التعبئه المعتمده عندكم كيف ؟ |
عادي جدا يا طارق بس لازم نحدد الكميات..
علي فكرة أنا عندي كيس رمله حافظاه عندي من 1997 في زيارتي لبحر الغزال..
وعندي كيس طين بحر من نيلنا في الشمال..
وكيس ثالث من تراب قرورة..
كيس ارفور للأسف ضاع مني واتشائمت لضياعه..
علي الرغم الناس بتقول لي احتفاظك بالتراب من اي منظقه سودانيه ما بيرجعك ليها تاني..
تفتكر كلامهم صح؟؟
غايتو انت وريني الكميه وأنا بوريك طرق التعبئة
|
Post: #229
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Abu Eltayeb
Date: 07-31-2009, 02:56 PM
Parent: #227
Quote: كسرة:
لازم نعرف الاتى:
1. بقية المنولوج (إذا ليه بقية)،
2. زمان كان متين بالظبط؟؟؟؟ |
يا هاله
الزهايمر اجيب باقيهو من وين؟
اما بتين دي غاتيو حا اقول ليك سنة حفرو البحر
ولا اقول ليك وردي في عمر الزهور 19 سنه
و محطتك لسه ما جات،،،،،
جات و انا نزلت قبيل
لكن قلت يا ولد عمل بأصلك و جلا من لا يسهو
المهم جيت و لاقيتك في اللفه
اصلنا خيل حر
و البرج البناطح في السحاب ده انا و اولادي اشعلقنا فيهو سنة 2002 عالم عايشه و عالم دايشه
قال لمي جدادك و دنا عذابك, حكم و نحيا و نشوف لاهاي و اكامبو و المناضلة لبني و امل هباني
تسلمي
لطفي
|
Post: #230
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: خالد علي محجوب المنسي
Date: 07-31-2009, 03:28 PM
Parent: #229
لندن
والمثلث الجميل
منى خوجلي
أسيا ربيع
د.كوجان
وبقية الأشكال الهندسية
دي داخلة فيها ماجدة ومنال وبقية من ألتقيتي
وكيف لا تغمرك السعادة وأنت بينهم
تحياتي هالة حســـن
وتلحقنا وتنجدنا يا حسن ودجسونة الفي أم شديدة
ولتكن زيارتك القادمة لربوع شندي وبرضو هي ما أقل جمال من لندن تصدقي
ويا حليل ربوع شندي وساهرتو بينا
|
Post: #232
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-31-2009, 09:39 PM
Parent: #230
يا ود المنسى،
كيفك و أخبارك،
Quote: ولتكن زيارتك القادمة لربوع شندي وبرضو هي ما أقل جمال من لندن تصدقي
ويا حليل ربوع شندي وساهرتو بينا |
و شندى أصلنا ما مابينها،
نلقاها وين؟؟
كفاية طيبة أهلها و ناسها،،،،
فى حاجة واحدة محيرانى،،
فى شندى فى المانجا المعروفة بأسمها،
و لا دة إسم ساكت؟؟؟؟
|
Post: #231
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 07-31-2009, 09:20 PM
Parent: #229
يا أبو الطيب،
أيوة كدة نعرف نرد فى وقتو و تاريخو،،،
بالنسبة لبتين،
أنا خلاص عرفت،
و الما عرف يمشى يسأل الزهور،،،
أما بالنسبة للبرج،
خلينا فى العالم العايشة،
وين الصور؟؟؟؟
خليك معانا،
و بكرة أكيد أحلى،،،،
|
Post: #233
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: ASHRAF MUSTAFA
Date: 07-31-2009, 10:16 PM
Parent: #231
معلهش يا شباب اختفينا بشويش (شوية)
هالة والله مشتاقين
ما تجينا تاني ياخ
والمرة دي التذكرة علي...
|
Post: #234
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: خالد علي محجوب المنسي
Date: 07-31-2009, 10:22 PM
Parent: #233
Quote: و شندى أصلنا ما مابينها،
نلقاها وين؟؟
كفاية طيبة أهلها و ناسها،،،، |
وكان هذا جمال من طبعك
شندي ترحب بك يا أصسلة وكريمة
Quote: فى حاجة واحدة محيرانى،،
فى شندى فى المانجا المعروفة بأسمها،
و لا دة إسم ساكت؟؟؟؟ |
نعم هناك نوع من المانجو اسمها شندي وهي كانت نتاج تلقيخ محلي
لذا حملت أسم المدينة التي قلتي وصدقتي في وصفك لها كفاية طيبة أهلها
تحياتي ومودتي الأخت هالة
|
Post: #236
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 08-01-2009, 10:03 AM
Parent: #234
يا خالد المنسى،
دى المرة التانية أكتب فيها المداخلة دى،
و ما ترضى تمشى،،
الله يستر على المرة التالتة،،،
Quote: وكان هذا جمال من طبعك
شندي ترحب بك يا أصسلة وكريمة |
ودة بس من أصلك و كرم أخلاقك،،
أنا فعلا مقصرة فى معرفة مدن السودان،
ما عندى شك فى جمال الطبيعة و أريحية الناس،،،
و بتمنى إنو تجينى الفرصة أعمل سياحة داخلية و لو مرة فى العمر،،
أنا واثقة إنو زيارة زى دى،
ح تجدد الثقة فى السودان و ناسو،،،
ربنا يسهلها بس،،،
___________________________
تعرف دى المانجو المفضلة لبيتنا كلو،
ما بنبدلها بأى نوع تانى (من زمن جدى)،،،،
|
Post: #237
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 08-01-2009, 10:05 AM
Parent: #234
حذف للتكرار،،،،
|
Post: #235
Title: Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!!
Author: Hala Hassan
Date: 08-01-2009, 07:52 AM
Parent: #233
شكرا يا اشرف على الدعوة الكريمة،
أنا متأكدة قدرها و أكتر،،،
يا ريت لو ظاوفى تسمح،
كنت أستغليت الفيزا و عملتها،
و على حسابى أنا،
بس المرة دى من غير شوبينج (لو بقدر)،،،،
تحياتى للجميع،،،،،،،،
|
|