يا فرحنا..هالة حسن بلندن!

لندن شمسها ساطعة وفرحانة..
لكن فرحنا بوجود المهندسة هالة حسن بيننا أكبر..

وصلت هالة للندن أمس صباحا في اجازتها السودانية..

Quote: اجازتها السودانية..

يعني كيف إجازتها السودانيه؟؟ جايبه معاها غبار ولا شنو؟؟؟؟

اها الليله بقيت ليك حسين ملاسي

يا مني مرحب بالمهندسه في إجازتها السنويه

وانشالله يطيب ليها المقام

بالسلامة يا هندسة ..

جارين معاك دولارات يوروهات ما عارف شنو ؟؟ تقومي تمشي بدون ما تكلمينا ...

تحياتنا يا ملكة ..

هالة ،،
طول عمرها شغالة بنظرية (حوائجكم بالكتمان ،،)






إجازة سعيدة يا هندسة ،،

Quote: هالة ،، طول عمرها شغالة بنظرية (حوائجكم بالكتمان ،،) إجازة سعيدة يا هندسة ،،

والله دي نظريه حلوه وفيها حكمه كويسه لو اتبعناها..

بس مين يقدر؟؟

باذن الله الاجازه تكون سعيده..

خاصة مع مهرجانات لندن الصيفية..

عندك أي وصية؟؟

Quote: خاصة مع مهرجانات لندن الصيفية..

طيب ما تقولوا لينا احنا جيرانكم :)
مرحب بهالة واجازة سعيدة بس ان شاء الله تكون طويلة شوية عندنا فكرة نجى عليكم كان الله هون


تحياتى ماما منى وبورداب لندن

Quote: طيب ما تقولوا لينا احنا جيرانكم :) مرحب بهالة واجازة سعيدة بس ان شاء الله تكون طويلة شوية عندنا فكرة نجى عليكم كان الله هون تحياتى ماما منى وبورداب لندن

زارنا النبي حبيبتي رزومين..
حقيقي لندن في الصيف جميله جدا..
والمهرجانات في الشوارع وفي الحدائق العامه..
وياريت تجونا وهالة موجوده..
علشان الفرح يكبر أكتر..
وكمان علشان أنا ما ضامنه وجودي في منتصف يونيو..
يللا منتظرين..
علي فكرة جية هالة للندن ما كانت مخططة من بدري..
بس ربنا كتبها..لندن بدل ماليزيا..

روزمين،،،

Quote: مرحب بهالة واجازة سعيدة بس ان شاء الله تكون طويلة شوية عندنا فكرة نجى عليكم كان الله هون

كيفك يا حبيبة،،،،




إحازتى ما طوبلة،،،
ياللا بسرعة تعالى حصلى،،،،

إبراهيم،،،

Quote: هالة ،، طول عمرها شغالة بنظرية (حوائجكم بالكتمان ،،)

ياخى ما النظرية،،،
بس الموضوع كان سريع كدة و أترتب فى اخر لحظة.....
كالعادة،،،،،





الجماعة كيف يهناك؟؟؟؟

..
.
أنت تستاهل !!
بس انا ماعارف المكتبى ملاصق مكتبها
عملت شنو ؟؟
اسفيريا معليش لكن ناس واقعيا دى مشكلة
الحالة ما كتبت اسم المراجع زاتووو


_________

انا ماشى ركن المضهدين بوردياً مع بت قضيم

Quote: .. . أنت تستاهل !! بس انا ماعارف المكتبى ملاصق مكتبها عملت شنو ؟؟ اسفيريا معليش لكن ناس واقعيا دى مشكلة الحالة ما كتبت اسم المراجع زاتووو _________ انا ماشى ركن المضهدين بوردياً مع بت قضيم

شنو يا تبلدينا انت مضطهدني كده؟؟
مافي سلام حتي لي؟؟

مشتاقين كتير..

تبلدينا،،

Quote: أنت تستاهل !! بس انا ماعارف المكتبى ملاصق مكتبها عملت شنو ؟؟

و إنت فاضى من إجتماعات السىإىأو يا خوى؟؟؟




والله كان شفتنى زغت زوغة....

Quote: بالسلامة يا هندسة .. جارين معاك دولارات يوروهات ما عارف شنو ؟؟ تقومي تمشي بدون ما تكلمينا ... تحياتنا يا ملكة ..

يا معتصم هي لكن ما شالت اليوروهات والدولارات علشان تصرفهم هنا..

انت جاي متين؟؟
والله لندن دي أحلي ايامها..
تعال...

تحياتي..

معتصم،،،

Quote: جارين معاك دولارات يوروهات ما عارف شنو ؟؟ تقومي تمشي بدون ما تكلمينا ...

شنو ياخى؟؟؟
دة كلوووو و برضو ما كلمناكم،،،









إنت بس الكنت ما مركز.......

Quote: يعني كيف إجازتها السودانيه؟؟ جايبه معاها غبار ولا شنو؟؟؟؟ اها الليله بقيت ليك حسين ملاسي يا مني مرحب بالمهندسه في إجازتها السنويه وانشالله يطيب ليها المقام

غايتو يا ابراهيم مع شمسهاالجايباها..
جايبة معاها برطمان "بعوض"..
نوع توصية يعني كده من أختك مني..
علشان الناس الما هاتظهر علينا في الأيام الجايه!

أختار..
تجي ولا تجيك الباعوضة؟؟

مرحب يا هالة..سعية بيك جدا..

كوجان،،

Quote: يعني كيف إجازتها السودانيه؟؟ جايبه معاها غبار ولا شنو؟؟؟؟

لا و إنت السادء ....
جايبة معاى شمس للناس المساكين ديل،،

عاصمة الضباب لامن فهمت حاجة،،،،،




طيب و انا أعمل إييه؟؟؟







شكرا للترحيب،،،

مرحبا بالاخت العزيزة هالة حسن بيننا في لندن

هالة حسن جعلت عاصمة الضباب شمسا ساطعة

وقلبت الليل الي نهار

وانارت الدنيا بقدومها المفاجئ

واسعدتنا جدا بوجودها في لندن

نتمني لها اقامة طيبة وسعيدة

ونتمني ان تخرج من لندن بانطباع جميل

وتقضي اجازة لا تنسي في لندن

وفقكي الله اختي هالة

وجعل ايامك كلها سعيدة

ومتعك بالصحة و دوام العافية

واعادك الي اهلك سالمة معافية

شكرا اختي العزيزة مني خوجلي للبوست

وسلامي لجميع الاهل

أشرف ،،

Quote: ونتمني ان تخرج من لندن بانطباع جميل

غايتو بعد ده كلو،،
لو هالة ما طلعت بانطباع جميل ،،

تكون إتلومت ،،

اجازه سعيده يا هاله
وعودا حميدا للوطن

الهدايا خصوصا لقسطنطين



ومنتظرنك العام القادم ... انشاءالله


تحياتى

يا هلول بختك الظروف جمعتك بي اجمل منى ..


نتمنى ليكم قضاء وقت سعيد وسعيد جدا في (ادورد رود) اها لقيتيني كيف يا منى ؟؟!!


مشتاقة ليك ..

الخيانات دي شنو يا هالة؟؟؟؟
بالجد اجازتها السودانية..
ما قلتي جايانا..

اصبري (مع لمة اصابع كدا وتهديد)

يا منى كان تغيظيها وتجو رحلة ماليزيا

Quote: طول عمرها شغالة بنظرية (حوائجكم بالكتمان ،،)

النظرية ما عندك
يا ابراهيم الظاهر دا حديث مش نظرية
ذكرتني عمنا كان يقول ليك ان الرسول (ص)(قال ( من حل دينه نامت عينه).
اجازة سعيدة يا هندسة
وعودا حميدا,,

يا معاذ،
كيفك يا راجل؟؟؟



شفت حركة الإجازة السريعة دى كيف؟؟؟؟




سلامنا للسعودية و أهل السعودية،،،،

النظرية ما عندك
يا ابراهيم الظاهر دا حديث مش نظرية
ذكرتني عمنا كان يقول ليك ان الرسول (ص)(قال ( من حل دينه نامت عينه).
اجازة سعيدة يا هندسة
وعودا حميدا,,

مرحب بك..
باذن الله تكون اجازة سعيدة..

Quote: الخيانات دي شنو يا هالة؟؟؟؟ بالجد اجازتها السودانية.. ما قلتي جايانا.. اصبري (مع لمة اصابع كدا وتهديد) يا منى كان تغيظيها وتجو رحلة ماليزيا

عارفه يا نجاة اول حاجه قالتها لي هالة انها كان المفروض تمشي ماليزيا
وحكت لي عن خططها معاك....
وانا كمان قلت ليها خلاص نتصل ببيان تجينا..
والسنه الجاية نمشي ماليزيا رحله..
يعني ننظم رحلة نسائية ظريفه..

أسة مافي طريقة تجينا؟؟
والله الجو رهيييب.

اختنا الغاليه مني

سلام ليك و لي المعاك في العوضه قاعدين

وكيف الحاجه نسال الله لها دوام الصحه والعافيه



وتحياتي للباشمهندسه واعزيميها سندوتش باصطرمه علي
حسابي و الحاسب يجمع


صاحبتك وصلت ابوظبي من حوالي شهر و أول يوم
كسرت يدها ولكن الان تمام بعد فك الجبس

مني ازيك:
يعني أنا أوصل الخرطوم وأنا نفسي ألاقيها,
تقوموا تخطفوها الاجازه عندكم ..!!

ياستي حظكم بيها وحظها بيكم ..

ونحن ملناش في الطيب نصيب ..

هاله حبيبتي اجازه سعيده ..

معاذ ،،

Quote: النظرية ما عندك يا ابراهيم الظاهر دا حديث مش نظرية

بالله ؟

..
.

Quote: شنو يا تبلدينا انت مضطهدني كده؟؟ مافي سلام حتي لي؟؟ مشتاقين كتير..

اسفين ..
ونركع فى البلاط المنبر دا ..
والله رسلت المسج وانا اقول ياخى منى دى سلام الله
ما رميناهو .. لك العتبي ..الكبر والطشاش ..
وسفره هاله الاضطهدتنى دى ..
تحياتى ليك ولآيه وبتها .. وكل الاسرة بالمملكة المتحدة

______________

الواحد يقدم للفيزا ولا شنو ؟؟

يا صالح،
باخى ما إضطهاد و لا حاجة،

لكن الخواجات ديل قلنا ما نحرجهم بعد ما جروا جرى عشان يدونا الفيزا بسرعة،،،

Quote: الواحد يقدم للفيزا ولا شنو ؟؟

باللا بسرعة منتظرينك،
بس قول ليهم من طرف هالة......
:D :D :D

Quote: باللا بسرعة منتظرينك، بس قول ليهم من طرف هالة...... :D :D :D

ولا اقوليك حاجة يا تبلدينا؟؟
انت امشي المطار ولو سألوك من الفيزا بس اتصل بي..طيب؟؟

يلال تعال قوام هالة اجازتها صغيره ..

Quote: اسفين .. ونركع فى البلاط المنبر دا .. والله رسلت المسج وانا اقول ياخى منى دى سلام الله ما رميناهو .. لك العتبي ..الكبر والطشاش .. وسفره هاله الاضطهدتنى دى .. تحياتى ليك ولآيه وبتها .. وكل الاسرة بالمملكة المتحدة ______________ الواحد يقدم للفيزا ولا شنو ؟؟

شنو يا تبلدينا ياخ قصتك معاي ؟؟
بت آيه دي ياتها؟؟
الأولي ولا التانية؟
وياربي الاسمها "ياسين" ولا الأسمها "يوسف"؟؟
غايتو الحر عامل عمايلو معاكم..

قدم للفيزا سريع قبل الصيف ومهرجاناته ما تنتهي..

وتاني برضه مشتاقين..

...........
...........

أمانى الامين،،
كيف يا حبيبة؟؟؟

وصلتى الخرطوم متين؟؟؟

طبعا لازم اقابلك،،،

إنتظربنى ما تتحركى من مكانك،،،،



سمح؟؟؟؟؟

Quote: وصلتى الخرطوم متين؟؟؟ طبعا لازم اقابلك،،، إنتظربنى ما تتحركى من مكانك،،،، سمح؟؟؟؟؟

والله عليكم جنس حركات!

يعني انتي تحومي تتفسحي وهي تتحنط في مكانها؟؟

Quote: مني ازيك: يعني أنا أوصل الخرطوم وأنا نفسي ألاقيها, تقوموا تخطفوها الاجازه عندكم ..!! ياستي حظكم بيها وحظها بيكم .. ونحن ملناش في الطيب نصيب .. هاله حبيبتي اجازه سعيده ..

مرحب يا أماني..
انتي راجعه تاني الصين؟؟
يبقي خلاص الاجازه الجاية عندك..
أنا وهي ومن يحب أن يزور الصين..
احنا اتفقنا مبدئيا انه نعمل رحلة نسائية لماليزيا..
نجاة تحضر لينا شقة او شقتين وتورينا أسعار الايجارات وقائمة أماكن الفسح..
واحناباذن الله ننظم اجازاتنا وجيوبنا..
ايه رأيك؟؟


نتمني ليك اجازه سعيده في وطنك ومع أهلك وحبايبك..
يبقي عليكي تجي معانا ولا نجيك احنا..

عثمان روغيم،،
ساندوتش الباسطرمة وصل،،

و بما إنو الحساب مفتوح،
و إحنا راجعين عدينا على ناندوز بالمرة،،،،








كلم منى،،،،

Quote: اختنا الغاليه مني سلام ليك و لي المعاك في العوضه قاعدين وكيف الحاجه نسال الله لها دوام الصحه والعافيه وتحياتي للباشمهندسه واعزيميها سندوتش باصطرمه علي حسابي و الحاسب يجمع

ازيك يا عثمان..

معقولة أأكلها باسطرمه في لندن؟؟
امال تاكل شنو في السودان لما تحب تغير من الفول والجبنة والسمك؟؟
غايتو هي كل شويه تقول لي وزني زاد..
وانا ماعارفه وزنها بيزيد كيف من غير ما تاكل كتير؟
ياربي الجو الحلو بيتخن؟؟

Quote: صاحبتك وصلت ابوظبي من حوالي شهر و أول يوم كسرت يدها ولكن الان تمام بعد فك الجبس

اولا حمدلله عليالسلامه ومعاها اولا برضه كفاره..
كسر اليد ده بطال خالص ومتعب..اسأل مجرب..

بتصل بيكم باذن الله..

تحياتي..

Quote: الخيانات دي شنو يا هالة؟؟؟؟ بالجد اجازتها السودانية.. ما قلتي جايانا..

يا دكتورة خيانات فعلا لكن،،،

ياللا المرة الجاية إنشاءالله عندك،،،



سلامى الحار،،،،

يا نعومة،
فعلا من حسن حظى قابلت ناس منى (أجدع ناس)،،،،

كنا عايزين لمتنا تكون أكبر،،،


نرتبها المرة الجاية إنشاءالله،،،،






إدجوار رود بيسلم عليكى،،،،،،

Quote: يا هلول بختك الظروف جمعتك بي اجمل منى .. نتمنى ليكم قضاء وقت سعيد وسعيد جدا في (ادورد رود) اها لقيتيني كيف يا منى ؟؟!! مشتاقة ليك ..

نعومي انتي الخرطوم تولع بيكم بحرها العجيب البتذكره داك..
وتجي تفشيهو هنا فيني؟؟

والله جو هنا رهيب..فايتك بس..
أمس مشيت أجهز في بيت آيه..
وبعدين في طريقي للبيت مليانه بوهية وغبار..
دخلت الجنينه قلت أرتاح فيهاشويه وبالمره أكل الساندوتش بتاعي..
والله يا نعومي قربت ارقد في النجيلة وأنوم..
اولا الجو كان ما تتخيليه كيف..والناس كلها الراقد فيها راقد والقاعد قاعد..
والورد الملون الصغير..زي ملابس الناس الملونه..منظر بديع جدا..

غايتو من اسة خططي للصيف الجاي لو ربنا احيانا..

بالمناسبة امس غسلت الشبابيك ولمعت الاطار امعدني بتاعهم..ودهنت واحد من السخانات بالبوهية..
موش فالحة؟؟

Quote: يا هلول بختك الظروف جمعتك بي اجمل منى .. نتمنى ليكم قضاء وقت سعيد وسعيد جدا في (ادورد رود) اها لقيتيني كيف يا منى ؟؟!! مشتاقة ليك ..

نعومي انتي الخرطوم تولع بيكم بحرها العجيب البتذكره داك..
وتجي تفشيهو هنا فيني؟؟

والله جو هنا رهيب..فايتك بس..
أمس مشيت أجهز في بيت آيه..
وبعدين في طريقي للبيت مليانه بوهية وغبار..
دخلت الجنينه قلت أرتاح فيهاشويه وبالمره أكل الساندوتش بتاعي..
والله يا نعومي قربت ارقد في النجيلة وأنوم..
اولا الجو كان ما تتخيليه كيف..والناس كلها الراقد فيها راقد والقاعد قاعد..
والورد الملون الصغير..زي ملابس الناس الملونه..منظر بديع جدا..

غايتو من اسة خططي للصيف الجاي لو ربنا احيانا..

بالمناسبة امس غسلت الشبابيك ولمعت الاطار امعدني بتاعهم..ودهنت واحد من السخانات بالبوهية..
موش فالحة؟؟

يا طارق الكوتش،
شفت فى النهاية (المقادبر) ودتنا وين؟؟؟



إنشاء الله المرة الجاية الخطط تكون أوضح،،






عشان ناس إبراهيم ديل ما يزعلوا،،،،،

Quote: اجازه سعيده يا هاله وعودا حميدا للوطن الهدايا خصوصا لقسطنطين ومنتظرنك العام القادم ... انشاءالله تحياتى

مرحب بالكوتش..

غايتو هاله المفروض تحمد ربنا انه الهدايا لقسطنطين ومش للقسطنطينيه
انت داسي بلدك ليه..قوليها مستنيك واكتب اسم البلد..علشان نصل معاها..

تحياتي..

Quote: أشرف ،، Quote: ونتمني ان تخرج من لندن بانطباع جميل غايتو بعد ده كلو،، لو هالة ما طلعت بانطباع جميل ،، تكون إتلومت ،،

طبعا يا ابراهيم يوم وصول هالة للندن كان يوم خروج ماما من المستشفي..
يعني شمس حلوة جد جد..
المهم أشرف وانا مشينا جيبناها من المطار..
أشرف أخوك مسكين يعتل في الشنط ساااااكت..
واحنا ماشيين جنبة نتمختر..

ايه رأيك تجي تمشي معانا "عين لندن"
أصله لندن عندها عين واحده تشبة الأسناسير من الداخل..
ومن الخارج ومن بعيد تشوفها زي الساقيه في الملاهي..
تمكنك من روية لندن من فوق..يعني متل أكنك جوة طياره
اسمها لندن آي..
تجي تمشي معانا؟؟
هاتعجبك والله..

تحياتي..

Quote: مرحبا بالاخت العزيزة هالة حسن بيننا في لندن هالة حسن جعلت عاصمة الضباب شمسا ساطعة وقلبت الليل الي نهار وانارت الدنيا بقدومها المفاجئ واسعدتنا جدا بوجودها في لندن نتمني لها اقامة طيبة وسعيدة ونتمني ان تخرج من لندن بانطباع جميل وتقضي اجازة لا تنسي في لندن وفقكي الله اختي هالة وجعل ايامك كلها سعيدة ومتعك بالصحة و دوام العافية واعادك الي اهلك سالمة معافية شكرا اختي العزيزة مني خوجلي للبوست وسلامي لجميع الاهل

سلام يا اشرف..

أمس طلعنا اتمشينا مشينا من يوستن رود لغاية راسل سكوير بعدين دخلنا لجرييز ان رود..ثم كينجس طروس والمكتبة
البريطانيه..بس لسه ما دخلناها..

رجعنا البيت وهالة ما قادرة تفتح عيونها من النعاس..مش بسبب المشي بس لكن كبعا السفر والتحضيرات ليه والسفريه نفسها
شيء متعب..طبعا الويك اند ده طويل لانه فيه الاتنين اجازه..مفكرين كده نمشي برايتون..

الليلة باذن الله نحاول نمشي لآسيا ربيع نحمدليها السلامه ونضحك معاها شويه ..

أها انت جاي علينا متين؟؟

Quote: يوستن رود لغاية راسل سكوير بعدين دخلنا لجرييز ان رود..ثم كينجس طروس والمكتبة البريطانيه

سلامات يا ملكة ..

طبعا سجلت الاماكن دي كووولها .. بعدين لما اجيكم تودوني ليها شارع شارع ..

وداير اقابل الملكة برضو ..

بصراحة يامنى بختكم فعلا بالمهندسة

بلغيها تحياتي وقولي ليها اجازة سعيدة

أختنا العزيزة منى...........السلام عليكم..

Quote: يا فرحنا..هالة حسن بلندن!

الحمدالله على سلامة هالة حسن وامنياتنا لها بقضاء إجازة ممتعة إن شاء الله....

والبركة فى طلت الفرح الزارك..وفرحنا بفرحك..يا حنينة...

ليك من الود اطنان.........إسماعيل محمد احمد عباس...

الأخ الكريم إسماعيل عباس،،
شكرا على التمنيات الجميلة،،



لك و لاسرتك أجمل التحايا،،،

Quote: الحمدالله على سلامة هالة حسن وامنياتنا لها بقضاء إجازة ممتعة إن شاء الله.... والبركة فى طلت الفرح الزارك..وفرحنا بفرحك..يا حنينة... ليك من الود اطنان.........إسماعيل محمد احمد عباس...

والله يا سمعه مشتاقين كتير كتير..
واي حاجه حلوه في البلد دي بتشبهك يازول يا سمح..

السنه الجايه حاولوا تجو بي جاي..
عارف الفيزا دي مشكلة أغلب الناس من غير ما يجربوا يقدموا ليها..

حقوا تجربوا السنة الجاية..
اصله لندن دي زيارتها يافي الصيف يا مافي داعي..
جنها مطر!

ناس البيت في ولا سافروا؟؟

شبكة كيفك؟؟؟
تحباتك وصلت،
و مرسل مننا أطنان من المحبة،،،،





المرة الجاية،
نعمل كونكشن من الدوحة،،،،،

Quote: بصراحة يامنى بختكم فعلا بالمهندسة بلغيها تحياتي وقولي ليها اجازة سعيدة

مرحب يا شبكة..
والله هاله مبسوطه قالت في لحظة تسجيل اعترافات..
الحمدلله..لا شغل لا وجع قلب..
لا الكومبيوتر عصلج ولا الفايل اتمسح..
عارفة يا شبكة..هي الليله "مشت جوه عين لندن"..
وصورت لندن كلها من فوق..
غايتو لما تصلكم الخرطوم بتنزل الصور..


كلمي معتصم يضم للقائمة لندن آي..

تحياتي لك..

Quote: طبعا سجلت الاماكن دي كووولها .. بعدين لما اجيكم تودوني ليها شارع شارع .. وداير اقابل الملكة برضو ..

يا معتصم،
إنت بس طلع الفيزا و الباقى كلوووو هين،،،،


(راجع وصية تبلدينا)،
:D :D :D






الملكة قالت ليك إستعجل،،،،،

Quote: سلامات يا ملكة .. طبعا سجلت الاماكن دي كووولها .. بعدين لما اجيكم تودوني ليها شارع شارع .. وداير اقابل الملكة برضو ..

طيب سجل عندك يا معتصم..
آسيا ربيع وزيارة رجعنا منها 12 بالليل..
كلها ضحك وونسة مع آسويه..
لازم تجي تقابل آسيا..

وبعدين ضيف الدوكلاند يوم الأحد..
ويوم للمسرح..
وامكن نلقي وقت للسينما..
و.......
و.......

تحياتي..

أشرف،،
شكرا ليك و لترحيبك الحار،،

إنشاءالله نقدر نرد ليكم شوية من إستقبالكم الجميل دة فى زيارتكم القادمة للسودان,,,,,

منوووز،،،
لندن منورة بأهلها،،،،













و شفتى الشمس الجبناها معانا؟؟؟؟

..
.
غايتو سودانيز اون لاين دا كارثة
واحد يمشى اجازة لانكاى
ولا لندن ولا ميامى ..
ويجى يفتح المنبر دا

________

يا ناس استمتعوا باجازتكم المنبر دا قاعد
بطلو الويلاتى دا .. :)

منى سلام
هالة ما عافية ليك

الاخت \ مني

التحية الطيبه
لهاله حسن الاجازة ولكم\ن


الاستمتاع بزيارة الاخن هاله حسن


وامنيات سعيدة لكل من سافر \ت لقضاء الاجازه في جميع قبل الله الاربعه


تحياتي لك يا هاله

غايتو ياهالة بالدس بس يعنى ولا شنو - تبلدينا عرفناهو مشغول بالاجتماعات ( ماعارفو داير يصلح شنو ولا يصل لشنو ) انحنا مالنا ؟؟؟ ولا خايفا من الطلبات ؟؟؟
غايتو و جنس غايتو








---------------------------


تحياتنا للجميع وللاولاد واجازة سعيدة يا هندسة

محمد إبراهيم،
ما دس والله و لا اى حاجة،،،
لكن الاسبوع الاخير دة كان جرى شديد،،




أسمع الطلبات ما إلا وجهالوجه،،،

المسنجر قاعد،،،
قوووول على طوووول،،،،،،

Quote: غايتو ياهالة بالدس بس يعنى ولا شنو - تبلدينا عرفناهو مشغول بالاجتماعات ( ماعارفو داير يصلح شنو ولا يصل لشنو ) انحنا مالنا ؟؟؟ ولا خايفا من الطلبات ؟؟؟ غايتو و جنس غايتو

غايتو هالة ضيعت 80 جنية استرليني في تغيير عملة بس من يومين..
يعني فكت قروش بسعر.. ولما مشت المحل الجنبه لقت فرق السماء من الأرض في السعر..
رجعت للراجل وقالت ليه..

لا..مش عايزه..رجع لي قروشي!

الراجل كمان قال ليها..
لأ..
كان غيرك أشطر...
انتي غيرتي وخلاص..
حلال عليكي القهر..وحلال علي نفسي مالك!



مسكينه هاله..تغط منذ ذلك الحين في نوم عظيم..
وهي تربط رأسها من الصداع!


علي فكره يا محمد ابراهيم أحمد..

انت وصيتك شنو من لندن؟؟

صبرى الشريف،،،
و نتمنى لك من كل شئ اجمله،،،









شكرا على المرور،،،

Quote: الاخت \ مني التحية الطيبه لهاله حسن الاجازة ولكم\ن الاستمتاع بزيارة الاخن هاله حسن وامنيات سعيدة لكل من سافر \ت لقضاء الاجازه في جميع قبل الله الاربعه تحياتي لك يا هاله

مرحب بالأخ صبري..

زيارة هالة للندن فرحتنا كتبر لانها خففت عنا الشوق للوطن..
بس خسارة اجاوتها قصيره!

احنا ماشيين برايتون يوم الجمعه باذن الله تحب تجي معانا؟؟

سهام المجمر،،،
شنو؟؟؟
كنت دايرة تجى معاى و لا برضو ما كلمتك؟؟؟

ياخى إنتى فى الخرطوم ما لامين فيكى؟؟؟؟؟










أخبارك؟؟؟؟؟؟

Quote: منى سلام هالة ما عافية ليك

مرحب يا سهام..
والله اجازه كانت ناقصاكم..
اسه هالة دي شكلها زي الغمران كده..
جنها حوامة في الاسواق!

انتي لما أنا أجي الخرطوم ما بتفكري تجي تسلمي علي ليه؟؟

Quote: .. . غايتو سودانيز اون لاين دا كارثة واحد يمشى اجازة لانكاى ولا لندن ولا ميامى .. ويجى يفتح المنبر دا ________ يا ناس استمتعوا باجازتكم المنبر دا قاعد بطلو الويلاتى دا .. :)

انت قايل شنو يا تبلدينا..
المنبر ده بقي في الدم..
يعني لو بتمشي النادي في يوم معين في الاسبوع..ما بتقدر تغيب من مواعيده..
واسه المنبر ده ياهو النادي بتاعنا..
اسه لو عاينت يمين بتلقي طربيزة ناس أسماء..وجنبها طربيزة ناس أحمد..
ولو عاينت شمال بتلقي ناس ابوبكر قاعدين متونسين برضه..
المهم الطربيزات الكتيره دي كلها جوه حوش..وكل مجموعه مع بعضها وامكن تتبادل المفاعد..لكن ما بتغيب..
وبعدين هالة دي حايمة اليوم كله وخايفه الأحداث تتزايد عليها ولما ترجع السودان تنسي تحكيها..


أفحمتك..موش؟؟


انت تابع معانا برنامج أمس كان كيف..
وما يفوتك..اسه رأفت ميلاد جاي في نهاية الاسبوع..شوفت الهنا ده؟؟

Quote: يعني ننظم رحلة نسائية ظريفه..

خلاص بطلنا الجية ... نظموا ذي ما عايزييييين ....!!!!!
هالة حمد لله على السلامة ... وإجازة سعيدة إنشاء الله ....
منـــو إزيك ... مشتاقين .... وماما كيف بقت ؟




عماد عوض خوجلي ....

عماد محمود،،،
ياخى ما تزعل،،،



خلى لينا الرحلة النسائية،
وإنتوا نمشى معاكم قندهار،،،،

Quote: عماد محمود،،، ياخى ما تزعل،،، خلى لينا الرحلة النسائية، وإنتوا نمشى معاكم قندهار،،،،

وبعدين هلي عمده يزعل شويه..
هم يا هالة برضو عندهم غتاتاتهم..
اسه مش شوفتي مرات كتيره كده ناس وهبه والمسلمي وحمور وكمان معتصم ده ذاته معهم..
بيمشوا فجأه كده قندهار..رجال بس؟؟
ويختاروا الجمعه لأنه النساء بيكونن مشغولات فيها في المطبخ والعيال ..
وعلشان يقضوا علي اي بصيص أمل بيصلوا حتي الجمعه في السجد هناك..

مؤكد ياهاله طالما إجازتك برفقة الملكه
حتكون خمسه نجوم .
أمنياتى ليك بقضاء أيام ممتعه فى uk

Quote: سلامات يا ملكة .. طبعا سجلت الاماكن دي كووولها .. بعدين لما اجيكم تودوني ليها شارع شارع .. وداير اقابل الملكة برضو ..

يامعتصم يأخى هو فى كم ملكه ؟؟؟

الفطاني يفطوا الله من النار - قولوا امين ...


شنو حكاية الفط الطالعة الايام دي (حركة) جديدة ولا شنو ؟؟؟



سمح يا منى !!

أمنياتى القلبية بأجازة جميلة وممتعة لجارتى العزيزة هالة فى عاصمة الضباب ..

مزمل خيرى،
كيفك و كيف المدام؟؟؟










خليكم معانا فى النشرة اليومية دى،،،،

Quote: أمنياتى القلبية بأجازة جميلة وممتعة لجارتى العزيزة هالة فى عاصمة الضباب ..

يا مزمل هالة مهيصة في الشوبنج..
قلت ليها أرحمي نفسك ومعاه الوزن..
لكن هي ولا هنا..بالها في السوق..
الفسحة الجد من السبت...
احتمال كبير نمشي برايتون..حيث الشمس والبلاج والملاهي للكبار قبل الصغار..

تجي تمشي معانا؟؟

عازمينك والله..

Quote: الفطاني يفطوا الله من النار - قولوا امين ...

آآآآميييين .
معقووووول انت يفطوك بس ... ياخي خاتنك تحلية ( وختامه مسك ) .....
الكنداكة إزيـك .......

Quote: آآآآميييين . معقووووول انت يفطوك بس ... ياخي خاتنك تحلية ( وختامه مسك ) ..... الكنداكة إزيـك .......

عمده ازيك..
والله نعومتي دي روحها محرقاها براها..
اتقول نحنا قلنا لناس شغلها ما يدوها اجازة!

اها احنا عندنا خطة رحلات..
ناس يعزمونا في بلدهم ونحنا نعزمهم في بلدنا..
اكان جيناكم بتحججونا؟؟

في انتظار ردكم..
والسلام..

يا إنعام،
إنتى كمان البفطك منو؟؟؟











كان على منى،
يعنى هى ح تفتكر ايه و لا ايه؟؟؟
:D :D :D

الاخ كمال سالم،

شكرا لرقيق كلامك،،

و طبعا الملكة الاساسية هى بت خوجلى،،،

سلاااااااااااام جاكم
والله انعام دي سكررررررررررررررررره ..... مفطوطه من النار انشاء الله

منى ازيك .... قصدك تغيظي تبلدينا مش؟؟

ست الاجازه اجازه سعيده انشاء الله يا باشمهندسه


بث

Quote: منى ازيك .... قصدك تغيظي تبلدينا مش؟؟

ومعتصم كمان،،،










الله يهنيكى يا بت الهنا،،،،

Quote: هالة ،، طول عمرها شغالة بنظرية (حوائجكم بالكتمان ،،)

الكتمان دا بي وين يا عم إبراهيم في الإجازة دي

دي فوقا بوست في يومين عمل 61 مداخلة 679 قارئ
والكاتب منى خوجلي . . داير إعلام أكثر كدا شنو !!

إلا كان في إجراءات السفر

إخيتي منى إزيك
إن شاء الله كما أنتِ

إجازة سعيد يا هندسة
وعوداً طيباً سليماً غانماً


مرفق:
دعواتي

إسماعيل حميم


.

العزيزة منى

بالله الزولة دي ماتقصرو معاها زولة بتستاهل

انا شخصيا ماجاتني الفرصة لكن عندي صاحبي كلما تجي سيرة لندن يقول لي البيبسي عندهم بي جنيه استرليني غايتو كان الواحد فكر يمكن يجيكم في رمضان لوووووووول يكه

الوالده اخبارها شنو بالله

تحياتي

زاتووووو

الزول زااتو،،
شكرا كتير على التوصية،،

ياللا (حوش) كتير و تعال زبارة،،،
الإسترلينى عزييييييز و غالى،،،

Quote: العزيزة منى بالله الزولة دي ماتقصرو معاها زولة بتستاهل انا شخصيا ماجاتني الفرصة لكن عندي صاحبي كلما تجي سيرة لندن يقول لي البيبسي عندهم بي جنيه استرليني غايتو كان الواحد فكر يمكن يجيكم في رمضان لوووووووول يكه الوالده اخبارها شنو بالله تحياتي زاتووووو

سلام يا زاتوو..

لندن قلبت ليها تلاته أيام والمطر فظيع..
لكن هالة ما شاء الله..
قالت للمطر انزل زي ما داير..وأنا يهمني؟؟
ثم هزت كتفيها وركبت البص!
.........
.........

والله لو جيتنا في رمضان السنه دي ولا البعدها..يكون عديل ربنا بيعاقبك..
تخلي شهور رمضان الفي الشتا وشمسها البتغرب 4 العصر ومرات قبال كده..
عشان تحضر غروبها الساعه عشرة؟؟
اسه نحنا مبارين الشمس وساعة غروبها ومبارين الجو في كل مناطق العالم التي يمكننا الوصول لها..
السنه الجايه لو ربنا حيانا نصوم في مصر ونقعد في المكيف اليوم كله!!!!!
امك جاره كويسه جدا وماشاء الله بتستعد للسفر لحضور زواج بت أختها في أمريكا..

ايه رأيك تجي تمشي معاها وتحضر الزواج؟؟

تحياتي لك وللأسرة..

Quote: بالله الزولة دي ماتقصرو معاها زولة بتستاهل انا شخصيا ماجاتني الفرصة لكن عندي صاحبي كلما تجي سيرة لندن يقول لي البيبسي عندهم بي جنيه استرليني غايتو كان الواحد فكر يمكن يجيكم في رمضان لوووووووول يكه

الزوول القال ليك البيبسي بجنيه استرليني ذكرني السوداني في لندن وقف التاكسي وسال السواق..
يو سبيك انجليش؟؟
بتتكلم انجليزي؟؟
ما بقدر اقول ليك السواق رد فعله كان كيفّّ

عارف لندن بقت غاليه بشكل مبالغه من الاول والسبب الأزمه الماليه العالميه..قزازة البيبسي ام جنيه قربت تصل الضعف
وقيس علي كده..
أنا بيتهيألي مرات انه النحس فينا احنا..محل مانمشي الحياة تبقي صعبه..ونصعبها علي أهلها ذاتهم!!

ايه رأيك يالزول تجي تمشي معاي سينما..مالاقيه زول يدخل معاي السينما!
لكن انجليش بوكيت..تدفع تذكرتك وادفع تذكرتي..علشان تحس انك فعلا في لندن..

إسماعيل حميم،،،
أخبارك؟؟؟
و الف مبروك لإبنك التفوق،،،
معليش التهنئة جات متاخرة،
لكن (فتشت على البوست) م لقيته،،،

Quote: يا فرحنا..هالة حسن بلندن

أيامك والله

الله يصبركم يا مني

هالة

اجازة سعيدة

حمد،
شكرا يا هندسة،،،
و سلم لى على الشباب،،،،

Quote: هالة اجازة سعيدة

مرحب بحمد..

أعتقد أنها كانت اجازه سعيده..
فكل ما يكسر الروتين ويغير من الأجواء دون متاعب..هو فعل سعيد..

شكرا للتمنيات وزيارة البوست..

تحياتي..

فضل كرار،،

من (البك) برضو؟؟؟؟

طيب!!!!

واحد عربي مشى لندن
لما رجع عمل قصيدة سماها (أم ضباب)
لووووووول يكه
يا هالة كمان قاعدة تردي
يا زولة سيبك من ناس سوانيز ديل
اطلعي شارع الشانزليزيه
والا برج بيتزا
والا ساعة بق بن
والا تمثال الحرية
الحاجات دي مش في ام ضباب؟

Quote: جنها حوامة في الاسواق!

المعروف لايعرف يامنى خوجلى
ورينى واحدة ماجنها حوامة الاسواق

هالة حسن
ازيك وحمدلله على السلامة
واعملى حساب الوزن وانت راجعة

ياناس لندن بالله لو جينا عندكم
ممكن نكلم منو ؟

ألف مرحب بالأخت هالة حسن وإن شاء الله نكحل عيونا بي شوفتك قبل السفر.

الزنقة حاصلة الأيام دي لكن الخوجلية دائماً مبدعة في خلق البرامج....

تحياتي

Quote: ياناس لندن بالله لو جينا عندكم ممكن نكلم منو ؟

ياناس لندن والله الفيكم اتعرفت

يعنى عملتو رايحين عدددديل كدة من البوست دة
بس اوع يكون السبب كلامى الفوق دة
بس انا بهزر معاكم اصلو ذاته بلدكم دى ماعاجبانا
عشان كدة ماجايينها

أحمد التجانى،،
باخى معقول؟؟؟

طبعا لندن ترحب بيكم،،
يعنى عاملة البت (من إنديهم)،،


و بعدين إنت عارف مشغوليات (الشوبينغ) و كدة،،،





و بينى و بينك الوزن (مشكلة) من جميع النواحى،،،

Quote: ياناس لندن والله الفيكم اتعرفت يعنى عملتو رايحين عدددديل كدة من البوست دة بس اوع يكون السبب كلامى الفوق دة بس انا بهزر معاكم اصلو ذاته بلدكم دى ماعاجبانا عشان كدة ماجايينها

اسه يا أحمد التجاني بكري ده مارجع السمايلي فيس ليه؟؟

والله انا ما رايحة من البوست لكن بس ظروف..
وبعدين ان كان علي هالة السبب زمايلك الفي بوست ده..
قعدوا يقولوليها البوست ملحوق ومافي داعي تدخليه اسه!

المهم يا زول انت بلدنا دي لازم تعجبك..لانها فعلا تعجب..
خاصه لو اجازه..يلا تعالوا الصيف الجايّ!

تحياتي لك ولأولادك الحلوين..

محمد هارون،،
عذرك معاك طبعا،،

و أكيد نتمنى لقياكم الكريمة،،،

و كويس فى فرصة بعد (الزنقة)،،،

و بالتوفيق إنشاءالله،،،

يا منى أنا جاى الأسبوع الجاى .. رتبى لى مع كوجان وماجدة "عمر" خوجلى وبالمرة نشوف هالة حسن .. لكن إنتى فاطيك فاطيك .. بقيتى من منازلهم ودورك ميت

تحاتى للجميع

Quote: يا منى أنا جاى الأسبوع الجاى .. رتبى لى مع كوجان وماجدة "عمر" خوجلى وبالمرة نشوف هالة حسن .. لكن إنتى فاطيك فاطيك .. بقيتى من منازلهم ودورك ميت تحاتى للجميع

الاسبوع الجاي هالة راجعة السودان..
ايه رايك تجي الجمعه الصباح علي الأقل تحصل معانا الدوكلاند وبرايتون؟؟
ومنال وصلت أمس وامكن تسافر الاسبوع الجاي امريكا..
حصلنا سريع علشان نتفسح كلنا سوا!

وبعدين انا علي جميع المستويات بقيت من منازلهم..
وفي منازلهم ذاته بقيت في عنقريب الراكوبه..
اصلي ما مواكبه والدنيا بقي ايقاعها غريب..
ممن تجيب لي "حوقة" سعوط سوفيستكيتيت شويه؟؟
ألتي صدت يا دا!

شوفت هالة امس سوت شنو؟؟
دخلت للندن جوه عينها..ومش كده وبس ..وكمان اتصورت جوه عينها!!

عمرك شوفت جرأه زي دي؟؟

وبعض من كوجان ابراهيم نكوجنه ليكم هنا..

هالةالعسل

اجازة ممتعة مع الملكة الرائعة

تحياتى منى

وسلامة الوالدة

انتو الاتنين تعالوا راجعين سريع وحصلوا الهيصة الهنا

Quote: هالةالعسل اجازة ممتعة مع الملكة الرائعة تحياتى منى وسلامة الوالدة انتو الاتنين تعالوا راجعين سريع وحصلوا الهيصة الهنا

سلام يا فاديه..

لعلها من أجمل الأوقات التي أقضيها انا ايضا بلندن..
معظم أوقاتي في السنوات السابقه كانت في تنقل كثير..
وحتي زجودي بلندن في هذا الزمن من العام يكون غالبا خارجها..
أعتقد أنه من الغباء السفر من لندن في أوقات الكصيف..لكن طبعا اسفاري اغلبها للعمل..
وفي العمل ليس هناك اختيارات للفصول..
...........
...........

الليله صحيت من النوم واحساس فظيع بخلو البيت من الحياة!
هالة سافرت بالسلامة أمس صباح..
تعودت أن اشرب قهوتي وأنا جالسه علي كنبه..بينما تشرب هي الشاي وهي جالسه علي الكنبة المقابله..
نتبادل التعليقات والضحك ثمكي ومن بعد ذلك تجديد جدول اليوم في الخروج!
تلك اوقات لا تعوض..
الانسان قيمته في ان يكون بعضا من الآخرين..
أن يحب الناس ويفرح بهم..وان يبادلوه نفس الشعور..
وهالة رفعت من قيمتي الانسانيه وخاصة أمام نفسي..
لأنها مكنتني من أن أعرفها كثيرا عن قرب..
ولأن تتجمل بعض من أوقاتي بوجودها..
ولأن اضيف لمعرفتي بالبشر كثيرا..
فالمعرفه الحقه هي التي تتكون بالعشرة..
...........
...........

شكرا يا يمني علي سؤالك عن صحة ماما جارة..هي الحمدلله كويسه خالص خالص..
وأتمني أشوفك في الرحلة الجايه في أي مكان في العالم وخاصة السودان..

تحياتي..

أختى الجميلة....ألأصيلة..منى

Quote: والله يا سمعه مشتاقين كتير كتير.. واي حاجه حلوه في البلد دي بتشبهك يازول يا سمح.. السنه الجايه حاولوا تجو بي جاي.. عارف الفيزا دي مشكلة أغلب الناس من غير ما يجربوا يقدموا ليها.. حقوا تجربوا السنة الجاية.. اصله لندن دي زيارتها يافي الصيف يا مافي داعي.. جنها مطر! ناس البيت في ولا سافروا؟؟

شوقنا شلال وبالذات ياسمين وعبير..بسألونى عليك اكثر عشان شافوك وحبوك بالجد...

دعوة كريمة منك ومقبولة يا ستى الله يسهل السنة الجاية إن شاء الله.....ويكفي عندنا ناس جميلين فى لندن..مثلك..وألأولاد سافروا امس..وهم بخير وببلغوك التحايا..وابقى طلى...

مودتى ...إسماعيل محمد احمد عباس......

Quote: المعروف لايعرف يامنى خوجلى ورينى واحدة ماجنها حوامة الاسواق هالة حسن ازيك وحمدلله على السلامة ياناس لندن بالله لو جينا عندكم ممكن نكلم منو ؟

سمح اذا انا العيب فيني..لاني ما بحب حوامة السوق..
ياربي علشان مفلسة؟؟

غايتو السبب واحد من اتنين..
أما لأني مفلسة..
أو لأني بعد سمنت بقيت زهجانه من نفسي وماعايزه اشتري حاجة جديدة!
.......
.......

بعدين التسوق ده عنده ناسه..وانا ما منهم!
يعني يقعدوا يختاروا ساعات وبعد كده لو عجبتهم حاجه يقيسوها..
وبعد كده يا جات مقاسهم يا ماجات..
يقعدوا يكرروا في الشغلانه المملة دي لغاية مالدنيا كلها تزهج وهم لأ!

معقولة يعني ادخل محل واحد وأقضي فيه اكتر من عشرة دقايق؟؟
ومعقوله ادخل اكثر من 4 محلات؟؟

Quote: واعملى حساب الوزن وانت راجعة

انت قصدك ياتو وزن؟؟
هالة قالت هايدفعوها زياده في تذكرتها الجات بيها لانه وزنها..وهذا مختلف عن وزن حقائبها.. قد زاد!!

علي فكره انت لو جاي لندن تاخد الرقم من هالة وتتصل قبل حضورك حتي نكون في الاستقبال..

أهلك نكون باذن الله!

نبيل مالك اخوي عدلت؟؟
أتاخرت عليك في الرد وقلت تعمل سد؟؟
المهم شكرا علي ترحيبك بهالة وان كنا نأمل في ظهورك..
والتنسيق معنا..
هاله طبعا جات متأخره وان شاء الله ما حضرت حفلة الجالية أمس (رد علي سؤالك)..

شوفت انا شاطره كيف؟؟
اهو من غير اقتباس وبعد تعديلك أنا فاكرة..

ما تزعل من أختك يا نبيل بقيت من رمضان لزوار لندن زعلان دايما..
الزعل مش حلو لصحتك!

سلم علي الحاجة..

Quote: أيامك والله الله يصبركم يا مني

يا فضل والله الموضوع ليس بهذا الشكل الذي تصوره!
تصدق والله احنا لما نكون في البيت بنكون بنضحك الوقت كله..
وبالنهار بكون منتظره متين أوقات اللقيا تجي علشان اقابلها..
السوق انا ما بقدر عليه..
تصدق يا مؤمن هاله قطعت لا مراخذه حذائها بالمشي الكتير في الأسواق؟؟

بايخ النهار الفاصلنا ده..موش؟؟

ايه رأيك الاجازه الجاية تجي لندن؟؟
عايزه احكم بنفسي مين فيكم نحتاج الي نسأل الله أن يصبرنا عليه..
طبعا ده بناء علي كلامها هي (وجه خبيث)







شيل شيلتك هاله راجعه خلاص

Quote: الكتمان دا بي وين يا عم إبراهيم في الإجازة دي دي فوقا بوست في يومين عمل 61 مداخلة 679 قارئ والكاتب منى خوجلي . . داير إعلام أكثر كدا شنو !! إلا كان في إجراءات السفر إخيتي منى إزيك إن شاء الله كما أنتِ إجازة سعيد يا هندسة وعوداً طيباً سليماً غانماً مرفق: دعواتي

سمعه كيفينك أخوي..

الليله لندن قلبت شويه ..الجو بارد نوعا
لكن هاله لا هاميها جو حار ولا جو بارد..
كل يوم تمشي السوق..
قلت ليها قروشك إليلي ما كملن؟!
الأيام الحلوه بتمر سريع يا اسماعين..خلاص اجازه هاله علي وشك الانتهاء..
اتمني المره الجايه العدد يكبر في رحلة أجمل..

أمس مشينا عزومة عشاء وبعدها السينما..
العشاء هنا بدري..الساعه 7
أما الفيلم فبدأ 8.40 Angles and Demons

تحياتي لك وللأسرة..

Quote: سلاااااااااااام جاكم والله انعام دي سكررررررررررررررررره ..... مفطوطه من النار انشاء الله منى ازيك .... قصدك تغيظي تبلدينا مش؟؟ ست الاجازه اجازه سعيده انشاء الله يا باشمهندسه بث

بت الهنا فاتك وصف هالة لصاحبتها علشان تحصلنا مكان قاعدين في امباكمنت..

قالت ليها تدخلي الشارع علي شمال الكوبري ولما تصلي عند المطعم البنفسجي..تمشي شمال..
وانتي ماشيه تلقي شحات بيولع في سيجارته..
أها احنا جنبه!

عارفه الشحات غير رأيه من وليع السيجاره وقال يحتفظ بيها لوقت خرمة أكبر..
حين لا يوجد مارة يتسول منهم..
بس صاحبتهاوصلت في اللحظه دي..وطبعا تاهت!!!

أريتك كنت معانا...لندن حلوه في الصيف..

Quote: سلاااااااااااام جاكم والله انعام دي سكررررررررررررررررره ..... مفطوطه من النار انشاء الله منى ازيك .... قصدك تغيظي تبلدينا مش؟؟ ست الاجازه اجازه سعيده انشاء الله يا باشمهندسه بث

بت الهنا سؤال..
انتي ليه الزول بيتري حاجات كتيره لدرجة انه شركة الطيران يدفعوه عليها وزن..
ولما يصل بلده يفتح نطه التقيله ديك ويلقي نغسه بعد ده كله ما اشتري حاجه؟؟

الحكاية دي من شنو؟؟

تم التعديل..

حركات امتحانات وكده..

أنظر اسفل!

Quote: مؤكد ياهاله طالما إجازتك برفقة الملكه
حتكون خمسه نجوم .
أمنياتى ليك بقضاء أيام ممتعه فى [ QUOTE]



والله يا كمال ايام متعه بس!
ما تتخيل الرفقه الطيبة ممكن تعمل فرق كيف في الزول..
ويا حليل ايامنا في الدوحه والمولات والقهاوي..
الرفقة الطيبه بتطول العمر وتبعدالهموم..

أمس كنت عيانه جدا..
لكن الجماعة اصروا أطلع معاهم..
والحمدلله خرجت وشوفت الناس ومهرجانات الفرح في كل ركن وبقيت كويسة..

ما تركب الطيارة يا كمال وتجي تزور أختك مني واصحابها؟؟

وبالله شغل من عندك برنامج ما يطلبه المستمعون وأهدي أجمل الأغنيات
للأحباب والأصحاب بالدوحة فردا فردا..

..........
..........

قلت ليك..ما بتعرف ناس الوزن يتاعين شركة الطيران؟؟

Quote: خلاص بطلنا الجية ... نظموا ذي ما عايزييييين ....!!!!! هالة حمد لله على السلامة ... وإجازة سعيدة إنشاء الله .... منـــو إزيك ... مشتاقين .... وماما كيف بقت ؟ عماد عوض خوجلي ....

ياعمده امس وقفنا محل معرض كتب قيمة..
يعني مافي ليها طبعات جديده في السوق وفي نفس الوقت رخيصة جدا..
بعضها بالطبع مستعمل..يعني كأنك في سوق الأزبكيه!

المهم ابراهيم مشي اشتري كتبه وانا وقفت محل كتب الأطفال..
اختك اتسخطت!
وبينما انا مستغرقه في قراءة العناوين..
اذا بصقر يأتي ويمسك بكتاب يعلم الله لو رأيته قبله لكنت انا الصقر!
المهم الزول مسك الكتاب ولقيته ليك كتابي ذاتوو الما بيتفوت..
عاينت بقعر عين علشان ما يلحظ رغبتي فيه..طبعا هو نسخة واحده..
الزول براحة خت الكتاب لكن لاصق في مكانه ماعايز يوح..
واختك لسه في حالة ترقب بركن عيتها..
الموضوع طول..
طوالي براحة مديت يدي وشلت الكتاب!
الزول حلف ما يزح ومش كده بس..
كمان لما فتحت الكتاب دخل وشه جوه الصفحات معاي!
يعني غلاسة عجيبه!
انا طبعا اتكسفت جدا..وقلت ليه الظاهر انت عايز الكتاب ده؟
شوفت البارد قال شنو؟؟

نعم أرغب بشراءه لكن ينقصني جنيه لأدفع تمنه..أنتظر صديقي لآخذ منه الجنيه!
طبعا انا كنت متغاظه جدا..
لكن ما بقدر أكون بارده زيه..
قررت أن اترك له الكتاب ..
وفي نفس الوقت أعاقبه بأن لا أعطيه الجنيه الناقص!
وبيني وبين نفسي قلت يارب..صاحبه ذاتو ما يكون عنده الجنيه الناقص..
بعد شويه يجيك صاحبه من الناحية التانيه ويقلب شنطته كلهابحثاعن فكة..
وللأسف لقي الجنيه!!

........
........

كوجان زاد المي وقال لي ماكان تفوتي الكتاب..
الكتاب ده نادر زي قصص كليلة ودمنه!

هالة ،،
تحياتي ..

رقم تلفون عبد الرحمن وسلمى وصلك؟
راجعي المسنجر ...

Quote: الاسبوع الجاي هالة راجعة السودان.. ايه رايك تجي الجمعه الصباح علي الأقل تحصل معانا الدوكلاند وبرايتون؟؟

أنا واصل الخميس بالليل .. براتون واصلا وداير أنسق مع أسامة هناك .. حقو ترسلى لى مساركم .. يوم الإتنين مغروض أكون فى لندن .. وبعدين مرتبط مع الدكتورة ..

مستنيك

Quote: أنا واصل الخميس بالليل .. براتون واصلا وداير أنسق مع أسامة هناك .. حقو ترسلى لى مساركم .. يوم الإتنين مغروض أكون فى لندن .. وبعدين مرتبط مع الدكتورة .. مستنيك

الخميس ياتو؟؟
4 يونيو؟؟
يبقي اذا انت محجوز معانا الجمعه 5 والسبت 6 يونيو..
بعد كده ممكن تشوف برامجك..
وبرضه بنمشي معاك جوه عين لندن واي مكان تحبه..اصلنا الايام دي مصيفين..
ونعرفكم أن منال خوجلي قد وصلت الي لندن ايضا!


وبعدين مرتبط كيف يعني مع الدكتورة؟؟
انت مانتاش خايف ولا إيه؟؟

العزيزه هاله حسن..
بواسطة الحبيبه منى خوجلى..
دائما خطى الرجفه..على دروب اللهفه..والاشواق..
تجعل الخطى فى تعسر ..يكشف عن لواعج .شتى..!!
منها الزلزله..!!
واللهيب الذى يكوى..!!
وحرارة الانفاس..!
اعلم ان زخات الفرح قد هطلت وغسلت غبش الفجر..
عندما لامست قدماك ارض المطار..
واتى الربيع .بعبق الشذى الفواح..
وعربدة فى صبا الايام .كل تلك المشاهد النور..
ورقصص المنى..
ولبس الصباح هالة التبجيل..
وبدات مواسم الغناء..
العزيزه هاله...
الف مرحب بك..والترحيب اتى متاخرا..
وهى ملامه..
لكن حاولت ان اطليها بعبارات مزدانه..
نلتقى..
والف مرحب..

بختك يا هالة بإجازة حلوة وسط ناس حلوين
وسلامات يا منى ويا بختكم اليومين ديل متونسين


ــــــــــــ
يا هالة الف مبروك كنت إتصلت بيك
أقول مبروك النجاح بس ماكان في رد

فاكرين حكاية العربي القال:

يا جماعه انتو في زول نعليني وقعن ليهو في عيونو؟؟

اها حسي عين لندن يقع فيها رأفت وهاله (بهلول) ومني ومنال و... عيك

ولو لندن دي قامت ورمشت ...تقعو في التيمس( البحر) ؟؟؟ والعوام رباي عيالو...(هاله نزلي صورة عين لندن الواسعه ديك.

وبعدين ود ميلاد دا ما شاف ليهو الا (الخميس...)

الديامي اللعين

اصبر لي لامن الاقيك

وما في اي مواعيد مع دكتوره ولا حكايات معاك والله اكلم المدام

وبالمناسبه معانا دكتوره خطييييييييييييييييييييره ممكن تشوفك


انا الجراح مكسر واسال مني

غايتو كتر خير بهلول والباقي بتمو ليك بالباب

هاله طلعت بتوصف للناس بالشحات القاعد في الركن.. الشحات اللونو لبني ( عمي الوان)

يا فلان خلي البحر وراك لا لا شمالك لا يمينك ( البحر من خلفي والعدو امامي )

لغاية عين لندن قربت تضلم

جنس حال

واحد لابس( بنبي ) عامل فيها فراشه ولا شئ عجيب كدا اتخيلت مني ه تاخدو لي حفيدا والله طلع ود ناس عديل بس .... (pink

والله في فراشاته الوان وفي خلقه شئون.....

_____________________________________


هاله دفعتي القروش لبتاع الجنازير بعد ما صورتيهو ولا كبيتي الزوغه؟؟؟؟

كوجان الظريف مشتاقين ياخ

Quote: فاكرين حكاية العربي القال: يا جماعه انتو في زول نعليني وقعن ليهو في عيونو؟؟

أها قصة العربى دى إلا أحكيها .. العربى ده شيخ أبو سن زااااتو ما يشوفنا ود أبن سن الحايم بى هنا .. والنكتة كانت مسخرة فى الجمعية التأسيسية والنواب .. حيث يقال كانوا بنومون أثناء الجلسات ويصوتون بدون أن يعرفوا الحاصل ..
قالوا شيخ أب سن دقس .. ولما صحى ما لقى نعلاته .. سأل جاره بوث ديو:"البوث أخوى نعلاتى ما وقعن فى عينك ؟" رد عليه بوث ديو:"موندكورو أنت مجنون .. نعلات بتاع أنت بقع فى عينى كيف ؟"

رحمهم الله جميعآ ورحم الله السودان وهداوة البال

Quote: وبعدين ود ميلاد دا ما شاف ليهو الا (الخميس...)

ياخ يوم الخميس بصل قاتويك 9 بالليل .. يعنى عشان أصل فكتوريا 10 بالليل .. وأضيع لى ضيعتين فى أنفاقكم أصل أخوى 12 بالليل .. فخمس خميسك مرتاااح .. جمعة الله بى خيرا .. وتلفونى عند منى ..

Quote: وما في اي مواعيد مع دكتوره ولا حكايات معاك والله اكلم المدام وبالمناسبه معانا دكتوره خطييييييييييييييييييييره ممكن تشوفك

ياخ أنا ماجاى للعلاج .. والدكتورة دى بتنا الما باعتنى أصلو .. كل ما أمشى لندن ألقاك فى السودان .. ومنى من منازلهم .. وبابكر مخير همل لى البلد .. أبيعا كيف ؟؟ .. مافى طريقة .. بس تعمل فينى جميلة وتودينى لآسيا ربيع ..

كدى ورينى يا منى برنامجكم عشان نشوف منال وهاله

Quote: ياخ أنا ماجاى للعلاج .. والدكتورة دى بتنا الما باعتنى أصلو .. كل ما أمشى لندن ألقاك فى السودان .. ومنى من منازلهم .. وبابكر مخير همل لى البلد .. أبيعا كيف ؟؟ .. مافى طريقة .. بس تعمل فينى جميلة وتودينى لآسيا ربيع .. كدى ورينى يا منى برنامجكم عشان نشوف منال وهاله

اولا يا رأفت يوم الجمعه بالمساء ممكن كلنا نبرمج سوا..
يوم السبت انت والدكتورة تمشوا معانا برايتون..نمشي الصباح ونجي المساء..
تأكد لينا الكلام ده بكره الخميس بعد تصل فيكتوريا..
احنا معزومين عشاء بكره..علشان كده بايعنك لأنك بتصل متأخر..

ومنتظرنك تعال ما تنخر..

منى كيييييييييييييفك

ما بتقصروا والله مع بت الحسن


سلامي

العزيزة منى

على حسب اتفاقي معاكم انكم جايين يوم الجمعة لدرجة اخدتو اجازة ....

ما تمقلبوني

وورنو الحاصل بالضبط شنو .....


اسامة
رأفت وجميع من يريد الاتصال

لا املك موبايل نسبة للرواشة الجات على كبر وده معناتو اخر رقم عندكم ضارب ...نسيتو في قطر من القطارات ما عارف وين كده ..
المهم

للتنسيق
الاتصال بالمنزل على الرقم

01273679011

مودتي للجميع

اسامة

Quote: العزيزة منى على حسب اتفاقي معاكم انكم جايين يوم الجمعة لدرجة اخدتو اجازة .... ما تمقلبوني وورنو الحاصل بالضبط شنو ..... اسامة رأفت وجميع من يريد الاتصال لا املك موبايل نسبة للرواشة الجات على كبر وده معناتو اخر رقم عندكم ضارب ...نسيتو في قطر من القطارات ما عارف وين كده .. المهم للتنسيق الاتصال بالمنزل على الرقم 01273679011 مودتي للجميع اسامة

سلام يا اسامه..
يازول الموبايل علقه في رقبتك مادام نساي..
علي كل حال البرنامج كالاتي..

الجمعه المساء بدري شويه نلتقي كلنا..
ماعارفه البرنامج شنو لكن ما بنغلب حيله..
السبت من الصباح ماشيين برايتون وبنرجع المساء..
ده برنامج بيناسب المرحله..
بس لو طلع السبت فيه امطار شديده ماعارفه نواصل لبرايتون ولا نقضيه في لندن بين المولات والمطاعم والسينمات؟؟
أنا في رأيي نمشي برايتون لانه المطره ما اظنها تصب اليوم كله..

معانا عربيتين للآن وامكن تلاته..
ابراهيم كوجان ومحمد هارون..

تلفوني 07956417387

رأفت بيصل الخميس بالليل..
ممكن تنسقوا سوا للجمعه خلال النهار..
أنا بس عندي التزامات بالنهار بفضي منها قريب للعصر..
وطبعا هالة بتكون في حالة وداع للسوق والدموع تملا عيونها!

رد لي علشان نطمئن..

أنا بالتحديد حياتي في تهديد

Quote: أنا بالتحديد حياتي في تهديد

والله يا نعومي حياتي فعلا في تهديد شديد..
والسبب ياسين!
وسبحان من يضع سره في أضعف خلقه!
اي شيء في دائرته هو..
يأمرني دون ن يتحدث..
ويحرمني النوم بركلة منه..
وجلوسي لا يكون مستقرا مادام هو فوق اكيتافي يقفز بخفة القرود تاركا ىثار ضرباته وجعا
لا استطيع منه شكوي!
اما تلك النظره الشقيه في عيون ضاحكه فهي تفرحني بقدر ماتنذرني بالضرر القادم حتما..
اي شيء في الجوار يصلح للرمي علي وجهي هو سريع الوصول بيده الصغيره!
وياما من ياسين تهديدات علي حياتي!

العزيزة منى

تحياتي وصباح الخير .....

معليش ما شفت كلامك ده الا اسي ..


رافت طبعا مبسوط جدا من برايتون ....


(اي زول بجيها بندهش بيها )

لمن يجيكم حا يوريكم واعتذروا لي لي هالة ..... ربنا ما اراد نشوفها صوت وصورة...

تحياتي للجميع وتقبلوا تحيات الاسرة...

اسامة

Quote: العزيزة منى تحياتي وصباح الخير ..... معليش ما شفت كلامك ده الا اسي .. رافت طبعا مبسوط جدا من برايتون .... (اي زول بجيها بندهش بيها ) لمن يجيكم حا يوريكم واعتذروا لي لي هالة ..... ربنا ما اراد نشوفها صوت وصورة... تحياتي للجميع وتقبلوا تحيات الاسرة... اسامة

ازيك يا اسامه..
برايتون طبعا مدينه جميلة..علي فكره فيها شبه من اسكندريه وخاصه بعد محافظهم الفات ما هذبها(اسكندريه)
زرتها مرتين..
مره شغل ومره فسحه..
مرة جيناها كلنا وقعدنا اليوم كله علي البيتش..
عارف محل الملاهي؟؟
بس..قعدنا جنب الملاهي..
وزي العيال.. ندفع تذاكر في الالعاب الصعبه علشان نخاف ونصرخ..
خاصه البساط البيطير في البحر ويرجع!

غايته ناس تحب تعذب نفسها!

امكن ربنا يسهل ونجي تاني..

فقدناك في فسحة لندن..
تحياتي..

Quote: منى كيييييييييييييفك ما بتقصروا والله مع بت الحسن سلامي

والله كانت ايام جميله..وبت الحسن هي قلب الجمال..

عارف الفرق بين لندن ولسودان او أي دولة عربيه هو صعوبة تنظيم لقاءات بسبب الشغل البينتهي مساء وما بيكون في زول
بعدها عايز يطلع من بيته..وما بيكون في فرصة تجمع الا في الويك اند..أو يكون في يوم اجازه..
المهم كلعنا كم كلعه بوردابيه جميلة وتوزعنا في طلعات تانيه..
لكن طلعة الوداع كان فيها هالة ورأفت وأخوه جهاد..
منال وماجده بعد وصولهم من السودان..
ابراهيم كوجان ومحمد هارون وأنا...
قضينا أمسيه جميلة بدت في البيت عندي وبعدها غشينا ماما جاره سلموا عليها..
وبعدها مشينا قعدنا في قهوه فرنسيه في الوايت ليز..
ثم الي المطعم الهندي..

طبعا ما محتاجه اقول قدر شنو الوقت كان ممتع..
علي الرغم من سخف الجو..امطار وعواصف..

عقبال ماتجينا في لندن..

Quote: واحد لابس( بنبي ) عامل فيها فراشه ولا شئ عجيب كدا اتخيلت مني ه تاخدو لي حفيدا والله طلع ود ناس عديل بس .... (pink والله في فراشاته الوان وفي خلقه شئون.....

ايوه شوفته خفيف وطاير بالعجله كيف يا ابراهيم؟؟
لكن أول مره أشوف فراشة بمبيه وجناحاتها شفافات وقصيرات!
هالة اتفرجت علي الراجل ابو جنازير مرتين ..
الراجل لاحظها..وقال وهو مركز عيونه فيها..
ارجو التبرع منكم بمبلغ..ربما عشرة جنيهات..
وربما خمسه..
وعندما بدأ الجميع في التفرق وأولهم هاله..قال..
لا أمانع في 3 جنيهات..
تفرق الجمع أكثر فقال..
لا مانع عندي في ثمن كوب شاي او قهوه!
هاله قالت ليه في نفسها..
انا ايضا لا أمانع..وزاغت كما رأي ابراهيمَ!

الراجل بيربط نفسه بالسلاسل الكبيره قدام الناس..
وبعدين يفك نفسه علي الموسيقي في دقيقتين بالظبط!
مش ليها حق توفه مرتين؟؟

Quote: بختك يا هالة بإجازة حلوة وسط ناس حلوين وسلامات يا منى ويا بختكم اليومين ديل متونسين

نعومي والله دايما في البال..
وشارع النيل واحشني شديد..
المجموعه وكذلك "جاد"!

الاجازه الجايه لو ربنا هون تخططي معانا للأجازه من بدري
وتكون الاجازه طويله مش اسبوعين بس زي ناس كده..
وتجي شنطك فاضيه علشان تقدري تشتري وماتخافي من الوزن..

عارفه هالة مشت وشالت البيت معاها..
اسه يجي فلان يقول لي شالته كيف يعني!

Quote: العزيزه هاله حسن.. بواسطة الحبيبه منى خوجلى.. دائما خطى الرجفه..على دروب اللهفه..والاشواق.. تجعل الخطى فى تعسر ..يكشف عن لواعج .شتى..!! منها الزلزله..!! واللهيب الذى يكوى..!! وحرارة الانفاس..! اعلم ان زخات الفرح قد هطلت وغسلت غبش الفجر.. عندما لامست قدماك ارض المطار.. واتى الربيع .بعبق الشذى الفواح.. وعربدة فى صبا الايام .كل تلك المشاهد النور.. ورقصص المنى.. ولبس الصباح هالة التبجيل.. وبدات مواسم الغناء.. العزيزه هاله... الف مرحب بك..والترحيب اتى متاخرا.. وهى ملامه.. لكن حاولت ان اطليها بعبارات مزدانه.. نلتقى.. والف مرحب..

الله يقلعها خطوات الرجفه دي العطلت جيتك!

ان شاء الله بس المانع خير..
علي كل حال فاتتك لمه حلوه شديد..
واوقات حلوه بعضها في 02
وبعضها في الهوايت ليز..
بعضها في خان..
وبعضها في السينما ومنها في المسرح..
وبعضها في امباكمنت..
مادام توسو والناس المحنطه في شمع..
والمتحف البريطاني..
الحدائق ومهرجاناتها..
ولندن آي..
والزيارت الأسريه وزيارة آسيا..
وقاتتك روج رافت الجميله..
وكوجنة ابراهيم..
وفرح هاله وتهذيبها..
وفاتتك حاجات ياما
معليش تلاقيها الاجازه الجايه باذن الله!




واااااا شقاوتك يا مني..
اسه يجي معتصم يقول عايز يمشي الحاجات دي كلها!

الأخطاء كتيرة ومسيخه في الطباعه..بعد ده ما بصلحها..فترت!!

شفتي احساسك بي سفر هالة زي احساسنا لما تكوني معانا وتمشي ..

هالة حمد لله على السلامة ..


ويامنى ربنا يجيب ليك زول تاني ..


عارفة البوست دا مبسوطة منه عشان بشبه بوستاتنا نحن بورداب الخرطوم باحتفالنا بالقادم لنا ..



شكرا منى يا اصيلة ..

نمشي نسمع الحكاوي بالدرب

أختنا الحنينة...المافى مثيلة..ألأصيلة...

إزيك وكيفنك...وكيف ماما جاره إن شاء الله بلغت الصحة والحمدالله..

Quote: والله يا سمعه مشتاقين كتير كتير.. واي حاجه حلوه في البلد دي بتشبهك يازول يا سمح.. السنه الجايه حاولوا تجو بي جاي.. عارف الفيزا دي مشكلة أغلب الناس من غير ما يجربوا يقدموا ليها.. حقوا تجربوا السنة الجاية.. اصله لندن دي زيارتها يافي الصيف يا مافي داعي.. جنها مطر! ناس البيت في ولا سافروا؟؟

الشوق ليك بحر..وخاصة عبير وياسمين.. من ما شافوك حبوك..هم سافروا أمس وبسألو عنك شديد كلهم....

ونحن لو جينا لندن يا منى تكفينا سماحة وبشاشة لقاك..وامثالك......

تقديرى وأحترامى.....إسماعيل محمد احمد عباس....

جلسة إنجليزية وعشوة باكستانية .. فى حضرة من أهوى
كانت شوية ونسة .. ونقاش يستحق .. وأكلات هنية .. وجنس برد لكن ..

بسلم عليكم
النجمة هالة حسن .. إنشاء الله وصلتى بالسلامة
وبنات عوض خوجلى التلاتة حصوة فى عين العدو .. وإتشرفنا بالحاجة جارة وباقى الأسرة الكريمة
وقائد الأوركسترا كوجان البكوجنا بمزاج أحيانآ .. ياخ نسيت مجلة الحكمة ياخ .. رايح أطلب نسخة بريدية من الدكتورة ..
وبلسم الروح محمد هارون .. معرفتك كنوز والله .. ياريت تتواصل مع جهاد ..

وكله كوم ورفقة أسامة فى برايتون كوم .. وجلسة مطعم العصور الوسطى وشراب التفاح بالتوت ..
بس مشوار الزيفة ديك يا أسامة .. شكرآ ليك يا أسامة وتحياتى لسولارا وأمها الماإتشرفت بمقابلتهم .. لكن الجايات أكتر بس الله يدى الصحة .. والفسيخ ما تكلم بيه زول ..


منى إنشاءالله بلغتى الصحة .. تلفونك مابيرد

(جلسة إنجليزية وعشوة باكستانية .. فى حضرة من أهوى
كانت شوية ونسة .. ونقاش يستحق .. وأكلات هنية .. وجنس برد لكن ..)

صديقنا الجميل رأفت ميلاد أسعد الله أيامك.

ما كنت أتصور أن نفترق بعد تلك (اللمه) الحلوة التي جمعتنا بنجوم سودانيز أون لاين .... فعلاً نجوم فلا تكاد تصدق أنك رأيتهم بعين الحقيقة والواقع. يا رأفت بالله ما تنسى أرقام التلفونات حتى نتواصل من وقت إلى آخر.

هالة حسن نسمة رقيقة هبت علينا ثم تركتنا في الصقيع .... يا سلام عليك يا باشمهندسة.

الخوجليات دائماً منورات ومفرهدات .... غايتو جنس فرهدة!!!!

تحياتي للجميع

العزيزرأفت
حمدلله على السلامة بين اسرتك و ( بلدك )

Quote: وكله كوم ورفقة أسامة فى برايتون كوم .. وجلسة مطعم العصور الوسطى وشراب التفاح بالتوت ..

كده تاني يحلنا الحلا بلة ...ده لو بلة انحلا زاتو ....

تاني اي زول حا يجيني بي هنا حايكون سقف مطالبو الفوق دي ... الله يجازيك يا رأفت غايتو ....

مودتي للجميع

اسامة

Quote: صديقنا الجميل رأفت ميلاد أسعد الله أيامك. ما كنت أتصور أن نفترق بعد تلك (اللمه) الحلوة التي جمعتنا بنجوم سودانيز أون لاين .... فعلاً نجوم فلا تكاد تصدق أنك رأيتهم بعين الحقيقة والواقع. يا رأفت بالله ما تنسى أرقام التلفونات حتى نتواصل من وقت إلى آخر. هالة حسن نسمة رقيقة هبت علينا ثم تركتنا في الصقيع .... يا سلام عليك يا باشمهندسة. الخوجليات دائماً منورات ومفرهدات .... غايتو جنس فرهدة!!!! تحياتي للجميع

سلام يا محمد هارون..
انت سافرت مع رافت وهاله ولا شنو؟؟

فعلا كانت جلسات جميله سواء تلك التي جمعتنا برافت والباقيين أو تلك التي جمعتنا في المطعم الحبشي..
انت العرض الغنائي ده كل يوم ولا عنده ايام محدده؟؟

اظهر يا محمد وسلم علي ناس البيت..

Quote: جلسة إنجليزية وعشوة باكستانية .. فى حضرة من أهوى كانت شوية ونسة .. ونقاش يستحق .. وأكلات هنية .. وجنس برد لكن .. بسلم عليكم النجمة هالة حسن .. إنشاء الله وصلتى بالسلامة وبنات عوض خوجلى التلاتة حصوة فى عين العدو .. وإتشرفنا بالحاجة جارة وباقى الأسرة الكريمة وقائد الأوركسترا كوجان البكوجنا بمزاج أحيانآ .. ياخ نسيت مجلة الحكمة ياخ .. رايح أطلب نسخة بريدية من الدكتورة .. وبلسم الروح محمد هارون .. معرفتك كنوز والله .. ياريت تتواصل مع جهاد .. وكله كوم ورفقة أسامة فى برايتون كوم .. وجلسة مطعم العصور الوسطى وشراب التفاح بالتوت .. بس مشوار الزيفة ديك يا أسامة .. شكرآ ليك يا أسامة وتحياتى لسولارا وأمها الماإتشرفت بمقابلتهم .. لكن الجايات أكتر بس الله يدى الصحة .. والفسيخ ما تكلم بيه زول .. منى إنشاءالله بلغتى الصحة .. تلفونك مابيرد

ولو قعدت يومين كمان كان يكون في أنشطة بكل الجنسيات..دي مش لندن؟؟
عارف الانجليز خلوها لينا وهاجروا منها..مساكين والله!

ماما جارة وباقي الأسرة فرحوا جدا بزيارتكم علي الرغم من قصرها..وكان نفسي تتكرر الزياره وتتونسوا معاهم اكثر...

الحمدلله انا بقيت كويسه خالص وربنا يبعد عننا الامراض وشرورها..
تاني يا رأفت اول ما يكون في بورداب جايين لندن تنسق انت كمان ويك اند وتجي..
اصله مواعيدنا بقت في المهاجر!

Quote: الشوق ليك بحر..وخاصة عبير وياسمين.. من ما شافوك حبوك..هم سافروا أمس وبسألو عنك شديد كلهم.... ونحن لو جينا لندن يا منى تكفينا سماحة وبشاشة لقاك..وامثالك...... تقديرى وأحترامى.....إسماعيل محمد احمد عباس....

يا حليلن بناتي اللطيفات ومهذبات..مالحقنا تبرمج ليهم برنامج حلو يشبه عمرهن الجميل..
ياذن الله اقابلهن في الخرطوم في ديسمير..
لكن بتكلم معاهم بالتلفون قريب..

شكرا يا سمعه علي التلفونات وسؤالك الطيب..كعادتك دائما سابقنا بكرمك..
ربنا ما يحرمنا منك ومن طيبتك..

Quote: شفتي احساسك بي سفر هالة زي احساسنا لما تكوني معانا وتمشي .. هالة حمد لله على السلامة .. ويامنى ربنا يجيب ليك زول تاني .. عارفة البوست دا مبسوطة منه عشان بشبه بوستاتنا نحن بورداب الخرطوم باحتفالنا بالقادم لنا .. شكرا منى يا اصيلة .. نمشي نسمع الحكاوي بالدرب

كيفك يانعومتي؟؟

عارفه اليوم السافرت فيه هاله طبعا كان يوم سيء جدا في كل أحواله..
البيت دمه تقيل جدت..وانا ذاتي عيانه شديد ماقادره أتحرك..
بقت اي حاجه ساكنة سكون شديد..حاجة كده تشبه بيوت البكا بعد رفع الفراش وذهاب الأحباب لحالهم!

علشان كده لازم تشوفوا طريقه تجوا سريع لغاية مازمن جيتي ليكم يجي..
ولا نتقابل في بلد في النص..لطن بس الا بعد رمضان..

انتي يادي..
اتي صجي رمضان باقيلو 70 يوم؟؟
كدي انأكدي ووريني..

سلام منى و كل الأحباب،،

طبعا كان مفروض داوم على طول،
و لكن......

طمنينا يا منى،
إيه اخر الاخبار؟؟
و كيف اية و العيال؟؟؟

مشتاقين ليكم فعلا،،،
و السلام موصول لكل الاصحاب،،

ح أجيكم بالتفصيل و بالصور كمان،،،


أنتظرونا،،،،،،،،،،،،،،،،،،

بالمناسبة يا منى،
بكونوا بقوا أقل من 70 يوم حسه،،

انا غايتو أمبارح (شميت) ريحة حلو مر فى المكتب،
ما عارفة كيف غايتو!!!



أها،
نجهز ليكم كام جردل؟؟؟؟؟

Quote: بالمناسبة يا منى، بكونوا بقوا أقل من 70 يوم حسه،، انا غايتو أمبارح (شميت) ريحة حلو مر فى المكتب، ما عارفة كيف غايتو!!! أها، نجهز ليكم كام جردل؟؟؟؟؟

متأكده؟؟

دقيقه خليني افوق من غمرتي وبعدين اوريك

يا منوز،،

كدة فوقى من غمرتك،
و تعالى كلمينا،،،،

ياخى الجرسة فوق كم؟؟
كلها 15-17 ساعة تكونوا صايمنها و خلاص،،،

أمال لو صمتوا اليوم بسنة معانا،
تقولوا شنو؟؟؟

والله يا منى علينا جنس حر،
و الكهرباء كمان ماشاءالله
متوصية علينا تمام،،،

الإجازة طلعت لى من نافوخى،،،

غايتو،،
الله غالب،،

طبعا عندى ونسة كتيييرة و ما أنسى الصور،
بس نخلى البورد يفك حالة السواد الفيه دى شوية،،،،



الحمدلله على كل حال،،،

Quote: يا منوز،، كدة فوقى من غمرتك، و تعالى كلمينا،،،، ياخى الجرسة فوق كم؟؟ كلها 15-17 ساعة تكونوا صايمنها و خلاص،،، أمال لو صمتوا اليوم بسنة معانا، تقولوا شنو؟؟؟

أنا فوقت لحين غمرة أخري..
والله من اسه شايله هم القهوة
وأكيد بيكون في عطش..الدنيا ما برد..خلي بالك..
وبعدين صوم السودان ده الله يقبله..
كله شكل وشتائم..
اما حكاية ايوم بسنه فدي محاولة منكم للقول بأنكم صايمين الدهر كله..العبي غيرها!

Quote: والله يا منى علينا جنس حر، و الكهرباء كمان ماشاءالله متوصية علينا تمام،،،

قبلكم وحدكم ..اقولها واشيح بذراعي المربوط في معصم يده سبحة خضراء اللون تلمع وتقول يا ليل بعيدا..
او كما تقول ستك الحاجه أم زينب..
الشر بره وبعيد!

Quote: الإجازة طلعت لى من نافوخى،،، غايتو،، الله غالب،،

يعني حديثك ده معناتو انك بلا ودرتي قروشك ما سويتي شي!

Quote: طبعا عندى ونسة كتيييرة و ما أنسى الصور، بس نخلى البورد يفك حالة السواد الفيه دى شوية،،،،

علي كده يبقي في احتمال ما نشوف الصور؟؟
غايتو الله يكضب الشينه..لكن الظاهر انه ممكن السبحة تجر وبدون فاصل بين كل جرة وجرة!
يعني اموت انا مثلا واكون نمرة تلاته بدون فرقة..
لو مت ماعايزاكم تسودوا البورد..اصلها الحياة كم يوم علشان البورد يتسود ثلاثة ايام؟؟


رحم الله امواتنا ومد في عمر الاحياء..

Quote: جلسة إنجليزية وعشوة باكستانية .. فى حضرة من أهوى كانت شوية ونسة .. ونقاش يستحق .. وأكلات هنية .. وجنس برد لكن .. بسلم عليكم النجمة هالة حسن .. إنشاء الله وصلتى بالسلامة وبنات عوض خوجلى التلاتة حصوة فى عين العدو .. وإتشرفنا بالحاجة جارة وباقى الأسرة الكريمة وقائد الأوركسترا كوجان البكوجنا بمزاج أحيانآ .. ياخ نسيت مجلة الحكمة ياخ .. رايح أطلب نسخة بريدية من الدكتورة .. وبلسم الروح محمد هارون .. معرفتك كنوز والله .. ياريت تتواصل مع جهاد ..

يا رأفت ميلاد،
ياخى شوفتك بالدنيا،،،
تعرف دى من محاسن زيارتى القصيرة جدا دى،،

لو كنت جيت بعد ما أنا مشيت،
طبعا كنت ح أزعل شديد،،،

و على قولك السهرة كانت ممتعة جدا،،
و بالذات فى الاخر لما كنا منتظرين العربات و ميتين من البرد،،
طبعا الصور فيها كمية برد ما طبيعية،
غايتو شوية بتبرد علي أيامى (الحارة) جدا دى،،

عايزين نتونس شوية لما ننزل الصور،
بس ندى الأمور (فرقة) شوية،،

أيامكم طحنية والله!







________
صحتكـ كيف يا حبوبة منى
إن شاء الله بلغتي العافية


_______
باش هندسة .. أخباركـ ياخ!
ليهم حق ناس منى يحتفلوا بيكـ كــدا!

أووووه ود الصايم،،

إنت وينك ياخ؟؟

الرحلة الرحلة،
أهو عملناها،
و أنت و لا أنتش دارى،،،
(الترجمة: يعنى وإنت ما جايب خبر))

غايتو تانى ما تسألنى،
براك فرطت،،،،
(وش بيقهقه)،،،

Quote: ليهم حق ناس منى يحتفلوا بيكـ كــدا!

إنت مصدق؟؟
هم بس كانوا بيحتفلوا بشوية الشمس الجبتها معاى فى الأول،،
لكن على مين؟؟
خليناها ليهم (زمهرير) فى الاخر،،،



_____________________________________________

Quote: باش هندسة .. أخباركـ ياخ!

الجواب:
نحن بخير طول ما الجو بخير،
أما إذا (قلب) نقلب،،،





كن بخير،،،،،

تحياتى ياملكة يامنو
وتحياتى للمهندسة هالة
واجازة سعيدة
يااااارب
ودائما متلميين فى السمح...
وربى يسعدكم كمان وكمان


ماجدة ومنال مشتاقين بالجد ....كيفكم ...

Quote: تحياتى ياملكة يامنو وتحياتى للمهندسة هالة واجازة سعيدة يااااارب ودائما متلميين فى السمح... وربى يسعدكم كمان وكمان ماجدة ومنال مشتاقين بالجد ....كيفكم ...

ناهد النبي فيك كان ماجيتي اجازه بس من فضلك تكون في الصيف..

ومن اسه سوق انا ما فيه!
اخدي اجازة من ناس بيتكم ومن الشغل وتعالي..
بعدين ماجده ومنال فرجانين بيك شديد وانا ما فضل لي الا الدعاء ربنا يلمنا جميعا..
علي الكلمة الطيبة والعشرة اللطيفه..قولي آمين..

Quote: أيامكم طحنية والله! ________ صحتكـ كيف يا حبوبة منى إن شاء الله بلغتي العافية

والله بصراحة طحنيه وبالمكسرات كمان..نديك حبة أيام؟؟
الصحة كويسه وماشية في خصام مع العمر..واحد يتقدم والتاني يتأخر!
لا والله الكدب خيبة..صحتي كويسه جدا ما عدا الذين يفلقونا بقبضة اياديهم الصغيره..
ثم يداووتا ببسمات من شفايفهم برضه الصغيره..والقصد ياسين!!

انت جاي لندن متين؟؟
المهم في ناس كتيرة فاكرة انه تأشيرة لندن مستحيلة..
لكن الحقيقة في مرونة اكتر من الاول فيها..يعني حاول تجي وربنا يسهل..
..............
..............

هالة مشت المتحف البريطاني ولقت من ضمن المعروضات المكوة الحديد بتاعتنا..
وقالت الا تصورها..وياريت كمان لو كان في طريقة بيع لينا..
يا هالة يا حبيبتي دي ما هي نفسها المكوة بتاعة الفخم العندنا في السودان..ما تضيعي لقطتك فيها..
أمشي من هناك اشترب حتي لو عايزة عشرة!
حلفت يا ود الصايم قالت لازم تعمل الفي راسها..
معتقده ان المكوة المعروضه اكيد فيها سر..
احتمال مثلا ما بتحرق الهدوم..
احتمال برضه الشرر لا يتطاير من جمراتها وفتحاتها..
ووارد برضه انها ما بتصدي ساعة ما ينسوها في المطرة..
وكمان هالة علقت تعليق اعتقد ان به كثير من الذكاء..
عارف ..قالت احتمال برضه دي من نوع النادر المابيربطوا مقابضها الخشبيه بقماش علشان ما تسخن!

قلت ليها امكن..لكن بصراحه يا هاله الانجليز ديل بيكونوا فاكرين المكوة من انتاج العصر الحجري..

علي كل حال منتظرين صورة المكوة..

Quote: و على قولك السهرة كانت ممتعة جدا،، و بالذات فى الاخر لما كنا منتظرين العربات و ميتين من البرد،، طبعا الصور فيها كمية برد ما طبيعية، غايتو شوية بتبرد علي أيامى (الحارة) جدا دى،،

خلاص ختيهم في غرفتك بدل المكيف..
أهه المكيف صوره ما منها فايده..
والصور بقت منها فايده!

قاولا كمان هايوقفوا منكم الموتورات..
وهي اساسا المريه بتجي بالتجانيس..
يعني هاتسمع تحانيس مين ولا مين؟؟

Quote: سلام منى و كل الأحباب،، طبعا كان مفروض داوم على طول، و لكن...... طمنينا يا منى، إيه اخر الاخبار؟؟ و كيف اية و العيال؟؟؟ مشتاقين ليكم فعلا،،، و السلام موصول لكل الاصحاب،، ح أجيكم بالتفصيل و بالصور كمان،،، أنتظرونا،،،،،،،،،،،،،،،،،،

آخر الأخبار..
آيه بتستعبط وما عايزه ترحل..
احتمال أرحل أنا!
كما أن يوسف تعلم قليلا من حركات ياسين وبقي يرفس دليل علي رغبته القوية في شيء معين..
كلمته مية مرة اني ما بفهم لغته..ولو عايز حاجه لازم يتكلم!

كما أعلمك بأن ياسين كسر الزهريه تحت شباك غرفتك وتوجب علي مع طلب الصبر من الله أن الملمها قطعه قطعه حتي جرح
أصبعي الصغير..وياسين يدعي البراءة..لكن أنا عارفاه مجرم!!

كما انه قد فاتك مشاهدة فيلم دراج مي تو هيل في السينما..
لكن لا بأس يمكنك مشاهدى عروض الرعب في سودانيزاونلاين وماأكثرها..والجو مهيأ تماما حيث أن الأضواء مغلقة..
والدنيا كحلي والاخراج تمام التمام!

أما من يمتي فأنا برضه مشتاقه ليك كتير خالص..
وأكثر حاجه عاجباني فيك شنو؟؟
عمليتك في التعامل وحوامة السوق براك!!

ننتظركم والصور علي احر من الجمر!

العزيزة منى،،
وصلتناأخباركم،
و نحن فى غاية الفرحة والبهجة للإطمئنان عليكم،،

أما بخصوص الرحيل،
فاقترح ترك المنزل لاية و العيال ليتدبروا أمورهم،
و الذهاب إلى شقة اية لدواعى الإستجمام،،،

و بخصوص الصغير يوسف،
فهو أكيد ح يتكلم قبل الاوان،
و لكن إلى ذلك الحين،
فاقترح عقدإتفاقية (أخوية) مع يس و إقناعه بضرورة القيام بالترجمة،
و طبعا العائد لازم يكون مغرى،
و إنتى ست العارفين،،

نأسف جدا لسماع اخبار الزهرية،
كما نأسف للجرح الذى اصاب صباعكم الصغير،،
و نتمنى أن يعوضكم الله خيرا،،

قلتى لى الفيلم كان ندخلو،
و لا أحسن الدخلناهو؟؟
و سؤال تانى هل هو مخيف و فيه مناظر مش حلوة؟؟
و تانى، هل ممكن الواحد يتغطى و هو بيتفرج و لا لأ؟؟
السؤال الأهم: هل اكلتى الإيسكريم إياه،
أم لم تفعلى؟؟؟

أما فى الختام،
فنشكركم على ثقتكم فينا و فى حسن تصرفنا،،،،

و السلام امان،،،





______________________
الصور جاية،،،،،،،،،،،،

Quote: الصور جاية،،،،،،،،،،،،

هالة حسن
حمد لله على سلامة الوصول
منى خوجلى حكاية (Narrator) ادتنا تقرير وافى عن رحلتك
المباركة فى لندن (غزوة التسوق ) بقينا شاعرين كأننا كنا معاكم

جبت شنو هدايا معاك لياسر مثلا
فنايل كت ( T- Shirt) !!!!

بالله مع صور لندن القاااجة الحتنزليها
شكلى لينا معاها صور من السودان تكون لايف نعرف منها
الاجواء والاحوال
عشان قربنا نجى

أخيرا الردود ظهرت،،،

رحمتك يا رب،،،،،


أحمد التجانى،،

ح تعيشوا معاناالحكاوى أكتر بعد ما ننزل الصور،،،
لكن صور السودان دى دايرة معاها شرح بالتلفون‘
عشان تطمئن على الناس،،،

منى ماشاء الله ما قصرت فى الحكى،
لكن ما تصدقوا كل حكاويها،
بالذات حكاية التمانين إسترلينى ديك؟؟؟

فى واحدة تانى جديدة يامنى،
أكتشفتها أمبارح بس،،
ح أحكيها ليكى،
لو وعدتينى ما تشيلى حالى،،،
وتش إز أوف كورس نوت بوسيبل،،
عشان كدة،،،،،،،



أحسن ننزل الصور بس،،،،

Quote: جبت شنو هدايا معاك لياسر مثلا فنايل كت ( T- Shirt) !!!!

غايتو يا أحمد،
مع الشيل التقيل دة،
ما عارفة،
لكن الكرافتات ما بتنفع؟؟؟؟؟





توصلوا بالسلامة،،،،،

Quote: فى واحدة تانى جديدة يامنى، أكتشفتها أمبارح بس،، ح أحكيها ليكى، لو وعدتينى ما تشيلى حالى،،، وتش إز أوف كورس نوت بوسيبل،، عشان كدة،،،،،،،

يا ساتر يا هالة قدر كده انتي خايفة مني وأنا راعباكي؟؟
حرام عليكي اسرارك دايما في بير ..اسه لو ما في بير مش كنت كلمتهم بالحاجات البتشتريها كل يوم وترجعي تاني يوم تغيريها \علشان لقيتي نفسك ما اشتريتي المقاس الصح؟؟

طيب بذمتك كده..كم مره رجعتي السوق؟؟
مش علي الأقل 5-6 مرات؟؟

أها..أنا ولا مرة من المرات دي كلمتهم بيها!!
ولا جبت سيرة بنطلونات ولا أحذية ولا الحاجات التانية..

غايته هجمتيني عديل كده..الله يسامحك!

انتي الليلة وين؟؟
الجمعة كمان ماعندكم كهرباء؟؟

Quote: هالة حسن حمد لله على سلامة الوصول منى خوجلى حكاية (Narrator) ادتنا تقرير وافى عن رحلتك المباركة فى لندن (غزوة التسوق ) بقينا شاعرين كأننا كنا معاكم جبت شنو هدايا معاك لياسر مثلا فنايل كت ( T- Shirt) !!!! بالله مع صور لندن القاااجة الحتنزليها شكلى لينا معاها صور من السودان تكون لايف نعرف منها الاجواء والاحوال عشان قربنا نجى

والله يا أحمد التجاني الحكاوي كتييييرة..
شي ضحك وشي يخليك ماعارف تقول شنو!

عارف علي سبيل المثال وكده..
هالة اشترت ميزان حديد علشان توزن شنطها قبل ما تمشي المطار..
ميزان كده يكون حوالي 7 كيلو براه..
يعني مسافة ماتشيل بيه الشنطه علشان ترفعها وتعرف وزنها يكون كتفك اتحرك من مكانه!
ومن يوم ماجابت الهباب ده واحنا بنوزن..علما انه التسوق ما كان انتهي!
المهم يوم طالعين مع ناس رافت وكوجان وباقي الشله..قلنا ليهم ارفعوا لينا شنط هالة لأنه الصباح صعب علينا رفعها..

وكانت فرصة طبعا نستخدم الميزان..
عارف رأفت وابراهيم ومحمد هارون واحد يحاول يرفع الشنطه..والتاني يحاول يقرا الميزان ويغلبه..
التالت يقول ليهم دقيقه انا بقرا..يقوم يلقي نظارته مافي!
مسكينه هالة مشت المطار من غير ما تعرف وزنها كم!

اقول يا هاله الباقي؟؟

المقاسات مثلا ما اتكلمنا عنها..ولا بلاش؟؟

ناهد بشير الطيب،
شكرا لكلماتك الطيبة،
و مبروك مرة تانية لتخريج إبنك،،
الله يدوقكم حلوهم كلو يا رب،،،

طبعا عاذرنى مطششة شوية،
جينا راجعين للسخانة البتلحم دى،
و الليلة كمان جابت ليها غبار،،

ال إيه يعنى؟؟
عشان يبرد الجو شوية،،
لطفك يا الله،،

و الحمدلله،،،،

Quote: ال إيه يعنى؟؟ عشان يبرد الجو شوية،، لطفك يا الله،،

انتو بس اقعدوا كده..
اي حاجه يلقوا ليها هم عذر ويجوا يصبروكم بيها!

طيب ما تبرد من الأول ومن غير تراب؟!

Quote: و الحمدلله،،،،

ولا يحمد علي مكروه سواه..

منى،

Quote: اي حاجه يلقوا ليها هم عذر ويجوا يصبروكم بيها!

(هم) مين؟؟؟

Quote: طيب ما تبرد من الأول ومن غير تراب؟!

ليه قاعدين وين إحنا؟؟؟
و ليييه يعنى تبرد من غير تراب؟؟؟



ح نلخبط؟؟؟؟؟





أستغفر الله العظيم،،،

Quote: اي حاجه يلقوا ليها هم عذر ويجوا يصبروكم بيها!

Quote: (هم) مين؟؟؟

انتي هاتعملي لي الجماعة المستعمرين ما عموا مع عبد الناصر وما صدقوا انه هايأمم قناة السويس؟؟
اهو اتريقوا عليه وقالوا هو مين..لأ ده بعده!

هم بتوع الارصاد من الموظفين ومن المتبرعين بالحكم "الويسدوم يعني" من الاهالي..شوفتي كيف؟..

Quote: ليه قاعدين وين إحنا؟؟؟ و ليييه يعنى تبرد من غير تراب؟؟؟

آآآآي صحي..انتو ماقاعدين في السودان حيث البحر من تراب مبلول..والارض من تراب ناشفه..يعني تمشوا وين من التراب؟؟

اللهم لا اعتراض علي حكمك

أنا لو أعرف بس الردود بتمشى وووين؟؟؟

رد طويل عريض للأستاذة ناهد بشير،
خرج و لم يعد،،،،

حسبى الله و نعم الوكيل،،،،



أحمد التجانى،،
فتشت شمال يمين، فوق تحت،
على ردك،،،،
ما لقيتو!!!

رديت وين؟؟

Quote: نأسف جدا لسماع اخبار الزهرية، كما نأسف للجرح الذى اصاب صباعكم الصغير،، و نتمنى أن يعوضكم الله خيرا،، قلتى لى الفيلم كان ندخلو، و لا أحسن الدخلناهو؟؟ و سؤال تانى هل هو مخيف و فيه مناظر مش حلوة؟؟ و تانى، هل ممكن الواحد يتغطى و هو بيتفرج و لا لأ؟؟ السؤال الأهم: هل اكلتى الإيسكريم إياه، أم لم تفعلى؟؟؟ أما فى الختام، فنشكركم على ثقتكم فينا و فى حسن تصرفنا،،،، و السلام امان،،،

أنا برضه متمنيه ربنا يعوضني خير في زهريتي..


وعلي فكرة الفيلم فظيع خالص..فيه قصه جيده وتمثيل فظيع..واخراج افظع!
فيلم عن عصابه من المعتوهين عندهم قدرة مخيفة علي ارتكاب الجرائم..
عارفه الوقت كله انا مغطية عيوني بأصابعي من الخوف ومن البرد..وبكده اكون جاوبت علي سؤالك عن امكانية الغطاء...
ايوه ممكن تغطي عيونك!!

لكن ما شوفتي الفضايح..منال قعدت تصرخ في الفيلم من الخوف لغاية الراجل الفي آخر الصف جه وقال ليها حاولي تتمالي نفسك..
تيك ات ايزي مادام..اتز اونلي افيلم!
شوفتي الراجل ولئامته؟؟

لكن كمان ماجده عملت عملة بطالةوالله يا هالة..تصدقي في لقطة كده الناس كلها ماسكه انفاسها وقاعده علي أعصابها من
الساسبنس..لانه المجرم ماشي ورا البطلة علشان يقتلها..والحمدلله ما شوفتي منظره مخيف كيف.. والموسيقي التصويريه عاملة عمايلها..
ماجدة فجأة راحت صارخة..وبما اني كنت مغطية عيوني فأنا افتكرته مسك البطلة..أنا كمان قعدت اصرخ!!

فضل فيلم واحد جديد في يونيو ..لو تتذكري عرضه بتاع البتين الرحلوا لبيت جديد..رعب برضه..
افلام الرعب كلها فيها قصص نعمل ايه!!
اها يوم امشي ده بمشي للراجل بتاع الايسكريم..

وبالمناسبة السعيده دي كان عندك كيكة ايسكريم وتشيز كيك في التلاجه..متذكراهم؟؟
كويس لأنه آيه أكلتهم!

وفي الختام اقول ليكي..
هكذا انا صريحة معاكي!

Quote: نبيل مالك اخوي عدلت؟؟ أتاخرت عليك في الرد وقلت تعمل سد؟؟ المهم شكرا علي ترحيبك بهالة وان كنا نأمل في ظهورك.. والتنسيق معنا.. هاله طبعا جات متأخره وان شاء الله ما حضرت حفلة الجالية أمس (رد علي سؤالك).. شوفت انا شاطره كيف؟؟ اهو من غير اقتباس وبعد تعديلك أنا فاكرة.. ما تزعل من أختك يا نبيل بقيت من رمضان لزوار لندن زعلان دايما.. الزعل مش حلو لصحتك! سلم علي الحاجة..

الأخت العزيزة منى
طبعا دخلت ورحبت بهاله رغم عدم معرفتى السابقه بها لكن وجدت إنكم قمتوا بالرد على الجميع إلا مداخلتى فقلت لنفسى أنسحب أحسن .
وأشكرك على الرد وأسعدنى ردك لكن مابيلومك غير الذى يعزك وأنت عارفه مقدارك ومقدار أخوتك عندى.
لك المودة والإحترام

الأخت العزيزة منى
طبعا دخلت ورحبت بهاله رغم عدم معرفتى السابقه بها لكن وجدت إنكم قمتوا بالرد على الجميع إلا مداخلتى فقلت لنفسى أنسحب أحسن .
وأشكرك على الرد وأسعدنى ردك لكن مابيلومك غير الذى يعزك وأنت عارفه مقدارك ومقدار أخوتك عندى.
لك المودة والإحترام

ازيك يا نبيل..

عارف الاغلبيه العظمي مننا احنا السودانيين فيها حماقة..تظهر مرة مرة..
انا لما احس اني علي وشك ارتكابها بزح بعيد وأعمل حركات هبلة كتيره علشان اروق من ضمنها القفز ولا الغنا بصوتي الشين
ولا اي شيء تاني..واحاول انسي بعدين ارجع..بلقي الموقف مختلف تماما!
لم يكن وليس في نيتي بأي شكل من الأشكال ان أقفو المداخلات الا اذا كان في سبب او طبيعة الكتابة بعد المداخلات بتلخبطني كتير..
وانا علي فكرة ما شاطرة خالص في الحاجات دي..
وفي البوست ده علي الخصوص انا اعتبرتك اهل بيت..لانك لندناوي والمفروض تكون بترحب يالجايين من اي حته من خارج البلد ماام زملاتنا وبنحبهم او علي أقل تقدير بنودهم..
والزوله الوحيده الرديت ليها بالقصد قبلك هي بيان..بس علشان فعلا كان لازم اقول الكلمتين ديلك قبل البت هالة ما تجي تقولهم..اصله
بعيد عنك في تنافس غير موضوعي بينا..وأنا عيلة جدا مرات..
لأ الكدب خيبه افتكر في زول تاني..لكن الجميع دي ماحقيقه كدي عاين للتواريخ!!

بعدين هالة الانت ماجيت اتعرفت بيها دي كانت هاتكون أختك زي ما أنا أختك..زوله لطيفه ومهذبه ودمها خفيف..
يعني عارف النوع التقول ليه تعليق تلقي تعليقه هو أحلي..يالذمه مش خسارة ما تقابلها؟؟
أهو دلوقتي لا قابلت هالة ولا قابلت رأفت ولا أخوه ولا باقي البورداب

يا نبيل أنا أعتذر ان ضايقتك دون قصد..او لأني ماعملت حساب حساسيتك الزايده..لكن انت كمان خفف شويه..الدنيا دي وقتها قصير
والفيها من الهموم كفايه..

أها قلت شنو؟؟

سلام للخالة أم نبيل..

Quote: ازيك يا نبيل.. عارف الاغلبيه العظمي مننا احنا السودانيين فيها حماقة..تظهر مرة مرة.. انا لما احس اني علي وشك ارتكابها بزح بعيد وأعمل حركات هبلة كتيره علشان اروق من ضمنها القفز ولا الغنا بصوتي الشين ولا اي شيء تاني..واحاول انسي بعدين ارجع..بلقي الموقف مختلف تماما! لم يكن وليس في نيتي بأي شكل من الأشكال ان أقفو المداخلات الا اذا كان في سبب او طبيعة الكتابة بعد المداخلات بتلخبطني كتير.. وانا علي فكرة ما شاطرة خالص في الحاجات دي.. وفي البوست ده علي الخصوص انا اعتبرتك اهل بيت..لانك لندناوي والمفروض تكون بترحب يالجايين من اي حته من خارج البلد ماام زملاتنا وبنحبهم او علي أقل تقدير بنودهم.. والزوله الوحيده الرديت ليها بالقصد قبلك هي بيان..بس علشان فعلا كان لازم اقول الكلمتين ديلك قبل البت هالة ما تجي تقولهم..اصله بعيد عنك في تنافس غير موضوعي بينا..وأنا عيلة جدا مرات.. لأ الكدب خيبه افتكر في زول تاني..لكن الجميع دي ماحقيقه كدي عاين للتواريخ!! بعدين هالة الانت ماجيت اتعرفت بيها دي كانت هاتكون أختك زي ما أنا أختك..زوله لطيفه ومهذبه ودمها خفيف.. يعني عارف النوع التقول ليه تعليق تلقي تعليقه هو أحلي..يالذمه مش خسارة ما تقابلها؟؟ أهو دلوقتي لا قابلت هالة ولا قابلت رأفت ولا أخوه ولا باقي البورداب يا نبيل أنا أعتذر ان ضايقتك دون قصد..او لأني ماعملت حساب حساسيتك الزايده..لكن انت كمان خفف شويه..الدنيا دي وقتها قصير والفيها من الهموم كفايه.. أها قلت شنو؟؟ سلام للخالة أم نبيل..

أولا الوالدة بتسلم عليك بتقول لك شكرا .
وبلغى سلامى لهالة وكنت أنتمنى مقابلتها وأيضا رأفت رغم أنى قابلت الأخ رأفت من قبل فى لندن عندما وجهه لى دعوة فى حفل زواج قريبة له .
وبعدين والله ماحساسية زايده ولكن عشم ومحبه .
وسلامى لإبنتك والصغيره ومنال وماجده ووالدتك الكريمه .
لك المودة

Quote: انا غايتو أمبارح (شميت) ريحة حلو مر فى المكتب، ما عارفة كيف غايتو!!!

انتي شمي زي ما انتي دايره..
المشكلة مش في الشم يا هالة..
المشكله في الشرب..
الحلو مر ده مش المفروض يتشرب بالسكر؟؟
ولا كمان بيشربوه ببلح زي القهوة؟

انظري واقرئي هالاقتباس ادناه ثم خبريني..

من وين هاتجيبو السكر؟؟

Quote: الخرطوم ـ نهى عمر الشيخ أقر مجلس الوزراء بوجود فجوة حقيقية في سلعة السكر، قال انها قد تستمر لنحو أربعة أشهر، ووجه بفتح باب الاستيراد لسد النقص ، بينما توقع انخفاض أسعار الخبز، معلناً عن اتجاه لانتاج «الخبز المخلوط بالذرة» بدلا عن الحالي. وأعلن الامين العام لمجلس الوزراء المتحدث الرسمي باسمه، الدكتورعمر محمد صالح، في تصريحات عقب جلسة المجلس برئاسة عمر البشير، وجود عجز في سلعة السكر ، ورجح استمرار الفجوة لثلاثة او أربعة اشهر قادمة، لكنه أكد ثبات سعر السلعة بالاسواق المحلية، وقال انها لن تتأثر بالنقص لجهة انخفاض أسعارها بالخارج ،مشيرا الى توجيه من المجلس بفتح باب الاستيراد للسكر الابيض لضمان استقراره وسد حاجة الطلب الذي وصفه بالمتصاعد. وتوقع المجلس انخفاضا في أسعار الخبز وتقليل الطلب على القمح وتحقيق الأمن الغذائي من خلال انتاج خبز مخلوط بالذرة بدلا عن الخبز المصنوع من القمح الصافي. واكد مستوى جودة أصناف المنتج الحالي، مشيدا بجهود العلماء بمركز أبحاث شمبات لهذه النقلة وامكانية تحويلها لدائرة التطبيق. الى ذلك، وجه مجلس الوزراء بانفاذ مطار الخرطوم الجديد بشكل عاجل ،لافتاً الى ان المطار الحالي لم يعد ملبياً للطلب المتزايد من شركات الطيران بزيادة رحلاتها الجوية الى الخرطوم. وطلب المجلس من وحدة المطار اعداد دراسة تتضمن احتياجات التطور في الطلب المستقبلي على المستويين البعيد والقريب، وتنفيذه على مراحل زمنية أخرى معلومة. واكد تقرير عن سير العمل في المطار قدمه وزير شؤون الرئاسة بكري حسن صالح، اكتمال دراسات الجدوى الفنية والاقتصادية للمطار، مع اكتمال حصر السكن العشوائي به وبالطرق المؤدية اليه بغرض التسوية وتحديد البدائل المتاحة، الى جانب فتح المسارات التي تؤدي اليه بطول 100 كيلومتر طولي وتحديد مسار السكة الحديد للقطار الخاص بالمطار، مع اكتمال تنفيذ مشروعات المياه، والشروع في انفاذ شبكات الكهرباء، بجانب غرس 300 ألف شتلة على طول الطريق من مليون شتلة مخطط لها. من جهة أخرى، أجاز المجلس تقريرا حول أعمال اللجان العليا بين السودان والدول الصديقة، موجهاً بالتركيز على تشجيع القطاع الخاص والاجنبي بعقد شراكات مع القطاع الخاص السوداني. كما اجاز مشروع قانون المجلس القومي للمعلومات، الذي الغى بموجبه قانون 1999م، مواكبة للتطور الدستوري، وأعتبره تمهيدا بشكل مباشر لقيام الحكومة الالكترونية خلال وقت قريب.

الكلام ده كله اختصاره في الكلام التحته خط..
كل ماهو آت بعد ذلك حشو..يعني كده زي زمان الواحد لو ماعارف اجابة السؤال في الامتحان في المدرسة يقوم يبتدع ماشاء له عقله من ابتداعات..آملا بأن يكون المصحح غير "مفتح" وتنطلي عليه الاجابه..
او يلفق جزء منها ويكون صحيح بالصدفه!

ومن ناحية أخري ما تنسي انه قطوعات الكهربا مستمره..يعني عندك قروش تشتري كهربا كثيره ولا ما عندك واحد..
الا بقي السودانيين كلهم فجأة كده ربنا يديهم في ليلة القدر مولدات كهربائيه..ويبقي الحال زي الطيارات البتقع وتتحطم تماما
من غير ما يحصل حاجه للصندوق الأسود..نفرح احنا بالصندوق والطيارات حالها كما هو!

طيب كهربا مافي..تشربو حلو مر من غير سكر وكمان سخن؟؟
ولعلمك في حالة إنك تكوني ناسيه ولا كده..ليلة القدر بتجي آخر رمضان!!!

يبقي اختصري الموضوع انتي عندك مالتيبل فيزا والسته شهور امكن ماتكون كملت..جيبي الحلو المر وتعالي..وانا عليا السكر والتلج وكل
ياميش رمضان انكلودينج المسلسلات العربيه وحالة التخمة بينهم..بحكم انه الكهرباء هنا بتقطع مره كل 50 سنه وآخر مرة قطعت قبل 4 سنين..احسبيها بقي!
وأهه نصوم..ونشجع بعض علي التراويح..وان كنت لا أوعدك وعدا قاطعا بالتراويح بس آيه بتمشي معاك أكيد..

قلتي شنو؟؟

أها كمان جبت ليك خبر اشد تعذيبا من عندكم في الخرطوم...
ملاسي قال كيلو الطماطم ب14 ألف..
طبعا ماشي لغلاء أكثر وخاصة في رمضان..
يبقي لا كهرباء..لا تلج..لا سكر ولا طماطم؟؟
اساسا انا ماعارفه اللحمه بكم لكن اكيد تكون غالية..


فرق القروش في الاسعار دي يجيب ليك تذكرة..اخير ليك تعالي!

أوعك يا هاله تتمقلبي مني دايره تجرك تجيبك علشان تصومي رمضان هنا

الزمن بين الشروق والغروب في لندن السنه دي ساعات بسيطه. ذاتو تصلي العشا وبعده الفجر طوالي

أقابلك قريب باذن الله

يا منال كيفك؟؟
والله ليكم وحشه،،،

طبعا مت على نفسى من الضحك و أنا بقرأ فى وصف منى للفيلم،،
ياختى بركة الدخلناAngles and Demons
اليوم داك،،،

قلتى لى مليتوا القاعة صراخ،،
و إحنا يا حبة عينى كنا بنحكى (عادى)،
و فاكرين إننا بنتوسوس،
الجماعة حدروا لينا،،،

معنى كدة،
لو كنتوا دخلتوا معانا London Dungeons
فى متحف الشمع،
كنتوا قطع شك (خنقتوا) الممثلين البخوفوا الناس جوة،،،

أنا عندى إقتراح،
أفلام الرعب دى،
يخلوا النور (فاتح)،
و ما يطفهوش،،،
إيه رأيك؟؟؟

و بعدين قلت لى منى بتجرجرنى عشان أصوم معاها ال18 ساعة دى بس؟؟
تصدقى كلها على بعض،
ما أظن تحصل صيام ساعتين فى السودان،،
و الله أعلم،،،


يالله نشوفك قريب،
توصلى بالسلامة إنشاءالله،،،

Quote: معنى كدة، لو كنتوا دخلتوا معانا London Dungeons فى متحف الشمع، كنتوا قطع شك (خنقتوا) الممثلين البخوفوا الناس جوة،،،

والله دي حصلت قبل كده في 87..
خليت ليك اهل هامبورج في الملاهي ..والتانيين بره الملاهي يجوا جاريين علشان يعرفوا الزولة البتصرخ برعب دي
حاصل ليها ايه بالضبط!
كان يوم عجيب فعلا!
تصدقي بيت الأشباح عندهم اساسا مخيف..وفيه فعلا أشباح؟؟
مليان هياكل ووجوه مرعبه..واللفه جوه الكهف بتاعهم طويله جدا..او هكذا ظننت من رعبي..
أتاريهم يا هاله موقفين ناس حقيقيين وسط الهياكل والاشكال المرعبه..
واحد فيهم عرف يخيبتي وخوفي..شداني اول من شعري وبعدين ركب معانا في العربيه في المقعد الخلفي..وراي مباشرة..مره يجرني من اضاني..مره من شعري.. وأختك ايه..داخله في حالة من الخوف والصريخ الهيستيري..
ضيفي لكده انه صوتي عالي حدا وقبيح..عارفه قبيح يعني ايه؟؟
اكيد عارفه ما انتي سمعتيه كتير..
الصوت العالي زاد عدد الناس المنتظره عند البوابة...المهم يا هالة لما العربيه وصلت نهاية رحلة الرعب..انا كنت في حالة تانيه..
وكان بيتهيأ لي إنه رجليني خليتهم جوه بيت الأشباح..
وماكان علي الحضور من المراقبين الا اعتباري امرأة دون ساقيين وبالتالي لا تستطيع المشي!!

الأخ نبيل،،

Quote: طبعا دخلت ورحبت بهاله رغم عدم معرفتى السابقه بها لكن وجدت إنكم قمتوا بالرد على الجميع إلا مداخلتى فقلت لنفسى أنسحب أحسن .

أولا أشكرك من كل قلبى على ترحيبك بى،
و لو جاء متأخرا،،،

ثانيا،
احب أوضح ليك فعلا،
إنو الموضوع (عدم الرد) ما كان مقصود بالمرة،،

عن نفسى،
انا فعلا دخلت رديت على الناس فى اليومين الاوائل،
و بعد كدة إنشغلت شوية،
و كنت ما بدخل المنبر كتير،
و قررت أتداخل مع الجميع بعد عودتى للسودان،

و الدليل على كدة،
فى ناس (زى إبراهيم كوجان) لحدى الان ما رديت عليه،،
لأنو ناوية أفتح بوست بالحكايات و النزهات الجميلة المرقناها،،
فأكيد لا اتعمد عدم الرد على أى أحد،،،

و فى الختام،
طبعا أتشرف بأخوتكم و صداقتكم،،

لك منا العتبى حتى ترضى،،

منوووز،،
كيفك؟
الأخبار و العيال؟؟؟

نحنو الحمدلله بخير و لا ينقصنا إلا رؤياكم الغالية و.......



لوح لوحين تلج كدة،،،،،

أما بعد،،

شكرا على دعوتكم الغالية (برضو)،
و نحن بصدد (هرش الدماغ) و التفكير بها و موازنة الامور،،،

لكن بينى و بينك،،
السكر مافيش، و الطماطم وصل السما،،،

طيب ما عادددددى،
و لسه على رمضان ما يوصل (بخير) بإذن الله،
الليمون ح يغلى و القريب فروت ح يتسخط،،
و البصل الربع ح يكون بقى بخرتمية و خمسين،،،
و عااااادى،،،،
متعووودة،،،،،


و فى الختام،
قولى لاية،
بالهنا و مترح ما يسرى يمرى،،،
(ومعاها الترجمة طبعا)،،،
و إدعى لى،،،


أها،
أجيكم بعد شوية،،،




______________________________________

Quote: هم بتوع الارصاد من الموظفين ومن المتبرعين بالحكم "الويسدوم يعني" من الاهالي..شوفتي كيف؟..

أيوة كدة،







عالم جبانات،،،

Quote: الأخ نبيل،، Quote: طبعا دخلت ورحبت بهاله رغم عدم معرفتى السابقه بها لكن وجدت إنكم قمتوا بالرد على الجميع إلا مداخلتى فقلت لنفسى أنسحب أحسن . أولا أشكرك من كل قلبى على ترحيبك بى، و لو جاء متأخرا،،، ثانيا، احب أوضح ليك فعلا، إنو الموضوع (عدم الرد) ما كان مقصود بالمرة،، عن نفسى، انا فعلا دخلت رديت على الناس فى اليومين الاوائل، و بعد كدة إنشغلت شوية، و كنت ما بدخل المنبر كتير، و قررت أتداخل مع الجميع بعد عودتى للسودان، و الدليل على كدة، فى ناس (زى إبراهيم كوجان) لحدى الان ما رديت عليه،، لأنو ناوية أفتح بوست بالحكايات و النزهات الجميلة المرقناها،، فأكيد لا اتعمد عدم الرد على أى أحد،،، و فى الختام، طبعا أتشرف بأخوتكم و صداقتكم،، لك منا العتبى حتى ترضى،،

الأخت المحترمة هاله
أولا أشكرك جدا على ردك وكلامك الطيب الذى يدل على معدن قلبك الطيب
وأتمنى لقائك فى المره القادمه
لك المودة

منى

جابني ليكم الشوق ساااااااااى قلت اطلكم واطمئن على صحتكم واقبل

كدا كيف؟

Quote: منى جابني ليكم الشوق ساااااااااى قلت اطلكم واطمئن على صحتكم واقبل كدا كيف؟

ود شيقوق كيف حالك؟؟

لندن مهيصة السنه دي ولا ياربي أنا بس علشان ماصيفت فيها سنين نسيت حلاوتها؟؟!!
لكن خسارة منال مسافره بعد ايام بسيطة وشلة الترحيب هاتنقص واحد..
ايه رأيك تجي اجازه حتي ولو اسبوع؟؟

اي اخبار جديده في الدنيا؟؟

يعني مثلا زرعتوا بطيخ طرح عنب؟؟

منى

صباحك

والله عندى نية جادة ازور لندن

بعد اسبوع او اسبوعين بكون في القاهرة ان شاء الله

Quote: اي اخبار جديده في الدنيا؟؟ ماشي اخبار ايش من انديكم؟ يعني مثلا زرعتوا بطيخ طرح عنب؟؟

هو دا طرح ولا نجح ؟

أوووووه ود شيقوق فى حينا،،

كيفك و الأهل كلهم ؟؟؟

تصدق كنت دايرة أدخل ليك فى البوست بتاع الفيروس،
لكن خفت من العدوى تجينى من منى دى،،،

ياخى أظن الفيروس الضرب الجهاز دة من مخلفات الإلتهاب الكان عندها،،،

غايتو الإلتهاب جاملنا فيه،،
لكن أى شئ بيمس الجهاز،
لأ و ألف لا،،،،،

ما صدقنا إحنا أستلمنا (حديدة) جديدة بس الليلة الصباح*،،،












* صحى كيف تكون الليلة و الصباح فى نفس الوقت؟؟؟؟

(والله عندى نية جادة ازور لندن

بعد اسبوع او اسبوعين بكون في القاهرة ان شاء الله)

صاحبي ودشيقوق نهارك سعيد

غايتو دا حايكون حدث ما عادي ... ربنا يجيبك بالسلامة وسلم لي علي قريبي الأستاذ فضيلي طولت ما سمعت أخباره.

تحياتي

محمد هارون،

كيفك ياخى،،

يعنى البركة فى ود شيقوق دة المرقك من مخبئك،،،

كيف حامد و إخوانه؟؟
إنشالله الجميع بألف خير و عافية،،،


أنا طبعا لسه على وعدى و ح أنزل الموضوع إنشاءالله،،
بس كان عندى شوية مشاكل كدة تيكنيكال،،،
أتمنى أن تكون قد ذهبت بلا عودة،،،
(المشاكل طبعا)،،،،



سلامى للجميع،،

يا منى،

Quote: لندن مهيصة السنه دي ولا ياربي أنا بس علشان ماصيفت فيها سنين نسيت حلاوتها؟؟!!

شكرا شكرا،،
أنا شاكرة جدا إنكم قدرتوا تستمتعوا بجمال عاصمة الضباب،
بعد ما أفتكرتوها كلها مطر،،،،،
يا ربى السبب شنو؟؟؟
السبب شنو؟؟؟

غايتو بغض النظر عن الأسباب،
أنا واثقة شيقوق ح يتشجع جدا على الزيارة بعد الحكايات الظريفة دى،،،



تيجى تشتغلى فى (دائرة السياحة)؟؟؟

Quote: لكن خسارة منال مسافره بعد ايام بسيطة وشلة الترحيب هاتنقص واحد..

طبعا ما خسارة ولا حاجة،،
يعنى إحنا (هنا) نكون قاعدين (بدون) شلة ترحيب ولا إيه؟؟؟؟



ما تنسى الليلة الإتفاق،،،،







طبعا ح تجى تقول لى ياتو إتفاق؟؟؟

منى بت العوض
هالة يا هندسة


كيييييييفك

Quote: تصدق كنت دايرة أدخل ليك فى البوست بتاع الفيروس، لكن خفت من العدوى تجينى من منى دى،،،

هو بالله كلام منى عن الفيروس السجم جهازها صاح ؟ انا قايل بتهظر - البركة في عافيتك يا منى

Quote: ياخى أظن الفيروس الضرب الجهاز دة من مخلفات الإلتهاب الكان عندها،،،

البركة ما لفحتيهو انت كمان

Quote: غايتو الإلتهاب جاملنا فيه،، لكن أى شئ بيمس الجهاز، لأ و ألف لا،،،،،

ده كلام شنو ده يا الممهولة ؟ مش بقولوا الجاتك في مالك سامحتك ؟

Quote: ما صدقنا إحنا أستلمنا (حديدة) جديدة بس الليلة الصباح

مبروك يديك خيرها ويكفيك شرها بس نفضيها كل صباح

سلام تانى يا ود شيقوق،،

Quote: هو بالله كلام منى عن الفيروس السجم جهازها صاح ؟ انا قايل بتهظر - البركة في عافيتك يا منى

غايتو كلام منى القالتو بهناك داك،
ما ظنيته هزار،،،

Quote: ياخى أظن الفيروس الضرب الجهاز دة من مخلفات الإلتهاب الكان عندها،،، البركة ما لفحتيهو انت كمان

تعرف الدور كان حايم شديد،
طبعا من تقلب الجو و كدة،
و أنا مفروض أكون عرضة ليه أكتر،
بالذات بعد ما رجعت السودان،،،

غايتو قاعدين نقاوم،
و إنشالله ربنا يديم الصحة،،،

Quote: Quote: غايتو الإلتهاب جاملنا فيه،، لكن أى شئ بيمس الجهاز، لأ و ألف لا،،،،، ده كلام شنو ده يا الممهولة ؟ مش بقولوا الجاتك في مالك سامحتك ؟

:D :D :D
أيوة والله،
الجاتك فى مالك ولا فى جهازك،
لابد تكون سامحتك،،

لكن فقدان الداتا (Data) حار،،،،

Quote: مبروك يديك خيرها ويكفيك شرها بس نفضيها كل صباح

اللهم اميييين،،،








ماشى لندن متين؟؟؟؟

(محمد هارون،

كيفك ياخى،،

يعنى البركة فى ود شيقوق دة المرقك من مخبئك،،،

كيف حامد و إخوانه؟؟
إنشالله الجميع بألف خير و عافية،،،)

كيفك يا باشمهندسة هالة ... ودشيقوق دا صديق إسفيري عزيز علينا جداً ... أنا شايفك ما خدة راحتك أوي مع الخوجلية عشان كده قلنا نخليكم تجتروا الذكريات اللندنية.

أخوك الأيام دي بيشتغل 12 ساعة ... قولي يا لطيف ... أهلنا الخليجيين شاغلننا كتير الأيام دي ... حامد بيسأل عنك كتير أوي.

تحياتي

هللويا

كيفك


في الخرطوم والقاهرة كلها خلال يوليو المقبل ان شاء الله


محمد هارون

يا اخي ما بصدق كنت وين يا اخي ؟

Quote: صاحبي ودشيقوق نهارك سعيد غايتو دا حايكون حدث ما عادي ... ربنا يجيبك بالسلامة وسلم لي علي قريبي الأستاذ فضيلي طولت ما سمعت أخباره.

لندن ما واردة والقاهرة في منتصف يوليو ان شاء الله

الفضيلي تمام التمام والحمد لله ستبلغ تحاياك

Quote: لندن ما واردة والقاهرة في منتصف يوليو ان شاء الله الفضيلي تمام التمام والحمد لله ستبلغ تحاياك

يا ود شيقوق السخانه بتقتلك في مصر في يوليو..
اقعد جوه البيت في الكيفات وما تطلع الا بعد 10 يالليل..

منى السمحة

Quote: يا ود شيقوق السخانه بتقتلك في مصر في يوليو.. اقعد جوه البيت في الكيفات وما تطلع الا بعد 10 يالليل..

انت مسكينة ما جيتي الخليج عشان تعرفي السخانة هنا بتوريك النجم بالنهار

قالت سخانة قالت

Quote: كيفك يا باشمهندسة هالة ... ودشيقوق دا صديق إسفيري عزيز علينا جداً ... أنا شايفك ما خدة راحتك أوي مع الخوجلية عشان كده قلنا نخليكم تجتروا الذكريات اللندنية.

يا محمد هارون،،
ما حكاية ماخدة راحتى،
لكن دى شوية ونسات كدة،،،
لغاية ما ربنا يسهلها و ننزل الصور،،
الموضوع الظاهر فيه شوية كسل إضافة للمشاكل التقنية الأخرى (الجهاز فى الصيانة....الخ)،،،

و يا سيدى، ربنا يديم المحبة مع ود شيقوق و الجميع،،،

لكن ضرورى تكون متابع و مشارك،،
البوست حقكم،،

Quote: أخوك الأيام دي بيشتغل 12 ساعة ... قولي يا لطيف ... أهلنا الخليجيين شاغلننا كتير الأيام دي ... حامد بيسأل عنك كتير أوي.

الله يكون فى العون،،
و يديكم خير الخليجيين،،،

مافى حاجة بالساهل أبدا،،

سلامنا لحامد و الأسرة الكريمة،،،

Quote: في الخرطوم والقاهرة كلها خلال يوليو المقبل ان شاء الله

يا ود شيقوق،،
توصل و ترجع بالسلامة إنشاء الله،،
و إجازة ممتعة بإذن الله،،،

الخرطوم متين بالظبط؟؟؟؟

Quote: توصل و ترجع بالسلامة إنشاء الله،، و إجازة ممتعة بإذن الله،،،

تسلمي يا هندسة الله يديك العافية