محمد ناصر إلي المحكمه!

الآن حصحص الحق!

.........

.........

خالتو منى,,سلامات ,,,

ما ضاع حق وراءه مطالب,,
ود أختك كان فى فترة غياب قسرى عن المنبر,,
تفاصيل الموضوع دا تهمنى شخصيا,,

ما أمكن,,, حتى لوالرابط فقط,,,,

تحياتى لك والأسرة الكريمة,,

خالتو منى,,سلامات ,,,

Quote: ما ضاع حق وراءه مطالب,, ود أختك كان فى فترة غياب قسرى عن المنبر,, تفاصيل الموضوع دا تهمنى شخصيا,, ما أمكن,,, حتى لوالرابط فقط,,,, تحياتى لك والأسرة الكريمة,,

ازيك يا أيمن..
يبدو انه الهكر للمنبر مامقدر الناس تجيب الروابط وتنزلها هنا..
لكن ولا يهمك تابع معانا ومع كل شيء بيحصل..

عارف يا أيمن مهم جدا اننا نصر علي حقنا..حتي ولو كثرت المعوقات..
والله أكبر علي أي تآمر!

منى..السلام عليكم

Quote: الآن حصحص الحق!

ده الموضوع داك....

نسأل الله أن يرد الحق لأهله............مودتى...................إسماعيل محمد احمد عباس....

مني الغالية
رجعتي

عايني
ده ماب تنفع فيهو بالقطاره
من طقطق لي السلام عليكم حته واحده

مني الغالية
رجعتي

Quote: عايني ده ماب تنفع فيهو بالقطاره من طقطق لي السلام عليكم حته واحده

لا لسه ما رجعت يا عثمان..
موجوده حتي نرجع بعض من الحقوق التي استلبها منا غيرنا!
النفس البشريه غريبه يا عثمان..
فليس التوجه السياسي المعلن يكفي لأن يدل علي الشرف أو المواقف الاخلاقيه المتكامله كاف لأقناعنا بشرف المنتمي..
المواقف وماوراءها تعلن أكثر!
ومن هنا يجب أن نكون حذرين في أحكامنا فكما يقولون ليس كل ما يلمع ذهبا!

بدأنا الحديث بحرص في طقطق..الا ان مرحلة السلام عليكم والتفاصيل الكثيره فبعد انتهاء المحاكمه باذن الله..
ساعتها سنتحدث عن كل التفاصيل وسيكون لكم الحق في الحكم بأنفسكم دون التقيد بحكم القضاء!

سلام يا عثمان..

منى عليك ماعندكم طريقة تاجلو الموضوع شوية
علشان البوست الاساسى المفروض يتخت هناك فى البوست صاحب الاختساس لسة ماختوهو
يادوب ختو المناظر لكف العين الاصلى لسه ماختوهو وباامانة شديدة كدة انتو هتلخبوط الموضوع
كدة خلاص المناضلين هيختفو تانى بعد ماشوية اخدو الامان وبدا يظهرو صيحيح ماكلهم لكن بعضهم ..

الشقيقه ماجده

تحياتي

بعد رجعت الماسنجر رد الفعل بقي سريع

غايتو في كمنضال ظهر ليهو يوم ونص

في دور مصلح اجتماعي في كم بوست كده

عاينت ليهو بي قعر عيني و تبسمت


حاجه تحير

Quote: الشقيقه ماجده تحياتي بعد رجعت الماسنجر رد الفعل بقي سريع غايتو في كمنضال ظهر ليهو يوم ونص في دور مصلح اجتماعي في كم بوست كده عاينت ليهو بي قعر عيني و تبسمت

تسلم انشالله
عليك الله لاحظت الناس ديل كيف فعلا عالم مابيختشو الواحد فيهم مليان بكل زيف الدنيا وحقدها
ويجى يعمل فيها مصلح اجتماعى واليعمل فيها حريص على ثغافة الامةالسودانية ويجى يقول ليك الوطن ثغافتو هبطت واحنا الهنعيد مجدها من تاتى
ياخى ديل عالم مبالغة عديل
تسلم يارب ..

المنبر بقى يوزع الورد براهو هسه مناسبه الوردة شنو والله العظيم انا لاختيت الوردة ولا حاجة ..

spit it out sister
__
in details

Quote: spit it out sister __ in details

يا ياسر..قريبا التفاصيل ستتوفر!

اسم أو أسماء المتهمين ستظهر وتعلن للجميع..

Quote: in details

Quote: محمد ناصر إلي المحكمه!

يا منى انتى متأكدة انو فى شخص بعينه اسمو محمد ناصر

سلام يا حنين للبلد..
التفاصيل بعضها موجود وبعضها سيتواجد قريبا باذن الله..
وليس هناك من يجب أن يكون فوق المحاسبه..
ان لم يحاسب الضمير..يحاسب القانون..
وفوقهم جميعا الخالق عز وجل..
وسنكون دائما وراء العداله..

تحياتي..

الف مبروك، الرجاء التنسيق عشان الشغل دا يطلع نجيض، الني للنار.

Quote: الف مبروك، الرجاء التنسيق عشان الشغل دا يطلع نجيض، الني للنار.

كيف حالك يا سعد..

بذلنا كل ما بوسعنا من طرق قانونيه في هذه القضيه..
ونتمني ونسعي لأن تكون هناك عداله!

والله أكبر من الكل..

الاعزاء..
نقسم المهام!

كل زول عندو لينك يجيبه..أنا صعب علي من ضيق الوقت ان أقوم بالبحث والأحضار..
ويا ماجده والآخرين عندكم مخزن توثيق..

البوست السابق ذهب مع الأرشفه..كان يفترض الأتيان به للدوره الحاليه الا انني بسبب السفر لم أتمكن من طلبه..لذلك فتحنا الجديد!
علي كل حال الجديد يمثل أيضا المرحله الثالثه في القضيه!

مراحل القضيه..

المرحله اصل البلاغ:

قام أحد أعضاء المنبر ويدعي محمد ناصر بفتح بوست بدأ فيه بخبر يعلن عن ترحيل مفوضية اللاجئين بالقبض علي أحد الاثيوبيين
طالبي اللجوء من السودان..
ثم أنهي الخبر بأن ذكر أن محاميه سودانيه تعمل بالمفوضية هي التي تسببت في القبض علي طالب اللجوء الأثيوبي..

........
........
وعند سؤاله عن مصدر معلوماته أتي بحديث منشور في سودان مونيتر..لكن الحديث كان عن عملية القبض علي طالب اللجوء ولم يكن فيه ذكر
للمحاميه السودانيه ..
وعند محاصرته بالاتيان بمصدر كل ماذكره تطور الحديث لاتهام منه ومن آخرين للأستاذه منال عوض خوجلي وهي المحاميه السودانيه الوحيده
التي كانت في ذلك الوقت تعمل بالمفوضيه..أتهمها بأنها هي التي سلمت طالب اللجوء الأثيوبي الي الأمن لترحيله..

ثم تمادي زميل آخر بالبورد وفتح بوست أسسه علي العمل المدمر المنظم بإسم منال يدينها فيه صراحه..

تمادي السيد محمد ناصر الذي قدم للعضويه في هذا المنبر عن طريق طرف آخر مازال عضوا معنا وهو (.......) ولا نستطيع ذكر اسمه في هذه المرحله..تمادي في اتهاماته حتي علي الرغم من شرح الاستاذه لكل القضيه وعن براءتها من تهمة تسليم طالب لجوء للأمن بغرض ترحيله من
السودان..
ثم كتب الأستاذ المحامي والناشط المعروف أستاذ نبيل أديب شارحا الموقف وماحدث الا أنه ايضا ناله قسطا كبيرا من الاتهامات..
استمر عدد من "الأعضاء" في كيل الاتهامات بطريقه توضح تماما رغبتهم في تدمير صورة منال والاساءه لها في ميدان عملها..


علي أثر ذلك قررت الاستاذه منال عوض خوجلي فتح بلاغ في عضو البورد محمد ناصر كخطوه أولي..

المرحله القانونيه الأولي..

تم فتح البلاغ وأترك للأستاذه منال حرية شرح ذلك حتي يكون الحديث كاملا وقانونيا منها..

أرجو أن تتمكن الأستاذه من شرح كل ماتم اتباعه في هذه الخطوه..
أن تحدثنا عن الماده القانونيه التي يستند عليها البلاغ..
الخطوات التي اتبعها البلاغ..
المعوقات ان وجدت..

المرحله الثانيه وهي تكاد تكون مكمله للأولي الا أنها مختلفه..
وهي مرحلة التحقيق وما تبعها من استئناف (ان وجد)
ثم ما تم بها..

المرحله الثالثه وهي المرحله التي نحن بها الآن اي أما القاضي وتنتهي باصدار القرار..

وفي انتظار الأستاذه منال..

يا جماعه الايام دي محمد ناصر ده بكون مشغول جدا ومابقدر يحضر للمحكمه لظروف خاصه ممكن تكون ثوريه؟
ويابنات خوجلي راعن للظرووووووووووووووووف.

Quote: يا جماعه الايام دي محمد ناصر ده بكون مشغول جدا ومابقدر يحضر للمحكمه لظروف خاصه ممكن تكون ثوريه؟ ويابنات خوجلي راعن للظرووووووووووووووووف.

ازيك يا همت..

المحكمه لا تعرف أن تنتظر لأسباب غير مقنعه..
وما يقوم هو به غير مقنع في رأيي وعلي الأغلب في راي المحكمه...أذ ان آخرون يستطيعون القيام به
فما يقوم به لا يتعيد بعض الحركات البهلوانيه التي يقوم بها البعض لسنين طويله..فيذروا بها الرماد في العيون!
عشمنا أن نصل لحقنا وتعلن الحقيقه علي الملأ..
ولن نراعي ظروف من أخطأ في حقنا بتخطيط أجرامي..

الأخت منى
سلام
شكرا لشرح ما حدث.... أنا دائما بلقى نفسى مامتابع...
رجعت الأرشيف وقريت أغلب المداخلات اللى جابتها الأخت ماجدة من البوست الاصلى... أفتكر إنو فعلا الأستاذة منال تضررت فى سمعتها وأتمنى أنو القضاء ينصفها...
بصورة عامة بفتكر القضية حا تخدم المنبر… وفى أقلام كتيرة حتبدا تراجع ما تكتب خصوصا بعض الناشطين اللى بفتكروا أن قضاياهم البكتبوا عنها بتعصمهم من المحاسبة وبى سببها ممكن يقولوا العايزنوا..
حنتابع معاكم..خصوصا عايز أخد فكرة عن تعامل القضاءالسودانى مع الحالات الزى دى...
تحياتى للأستاذة منال وتضامنى معها...

ولك الود
سيف

Quote: الأخت منى سلام شكرا لشرح ما حدث.... أنا دائما بلقى نفسى مامتابع... رجعت الأرشيف وقريت أغلب المداخلات اللى جابتها الأخت ماجدة من البوست الاصلى... أفتكر إنو فعلا الأستاذة منال تضررت فى سمعتها وأتمنى أنو القضاء ينصفها... بصورة عامة بفتكر القضية حا تخدم المنبر… وفى أقلام كتيرة حتبدا تراجع ما تكتب خصوصا بعض الناشطين اللى بفتكروا أن قضاياهم البكتبوا عنها بتعصمهم من المحاسبة وبى سببها ممكن يقولوا العايزنوا.. حنتابع معاكم..خصوصا عايز أخد فكرة عن تعامل القضاءالسودانى مع الحالات الزى دى... تحياتى للأستاذة منال وتضامنى معها... ولك الود سيف

سلام يا سيف..

أتمني معك وأترقب أن تكلل كل جهودنا بالنجاح ونكسب هنا سابقه قانونيه تساعد علي خلق درجه عاليه من الوعي في التعامل الانساني بيننا..
والحق ان التقسيم الذي يبدأ بمعارضين ومؤيدين للنظام الحاكم في السودان..لن يكون عقبه في مفهومنا للعدل ولا عائقا
أمام سعينا للعداله..فالحق في حد ذاته لا يجب أن يخضع للمزايدات..
والمحاسبه يجب أن تكون حقا واجبا علي الجميع..وهذا ما نسعي له..ونسأل الله أن يوفقنا له..

لك الود والتقدير..

ألأخت/منى

حاتكون هناك ثقافة جديدة فى المنبر إذا مشت محكمة محمد ناصر بالصورة الصحيحة المرسوم لها وأخذت ألأخت منال حقها القانونى فى ما نالته من قذف وسب وإتهام باطل تضررت به..

نامل ان يسود صوت العقل والحكمة كل المنابر..وإحترامنا للبعض..............مودتى............إسماعيل محمد احمد عباس..

فوق من أجل أن يهنأ محمد ناصر ومن أرسله بويك اند سعيد!

يامنو الحبيبة


كيفك وتلفونك مغلق ياخ !

عايني :

إنتي عارفة مخي تخين شوية في فهم ( الغصص) البوليسية دي ياخ !

بس عايزة أعرف هل محمد ناصر ده شخصية حقيقية لحم ودم كده ولا جهة ولا مؤسسة ولا شنو ؟

ولو هو عضو معانا ليه مافي زول بعرفو من بورداب الخرطوم ديل وليه ماجاء قندهار وكل المناسبات الفاتت على الأقل نقدر نشوف الزول العمل كده مع منال ده منو .. ولا شنو يامنو ؟

اختنا الغاليه
اخت الخير
كي جمعه وانت مع اهلك مجتمعه

Quote: إنتي عارفة مخي تخين شوية في فهم ( الغصص) البوليسية دي ياخ ! بس عايزة أعرف هل محمد ناصر ده شخصية حقيقية لحم ودم كده ولا جهة ولا مؤسسة ولا شنو ؟

مادام انت عارفه انه في بورداب مؤسسات
تخانة المخ دي تلقيها عند غافل



______________________
طبقة التحلية يوم الجمعة
بطيح أحمر

أخوي أخو الخير عثمان

Quote: مادام انت عارفه انه في بورداب مؤسسات تخانة المخ دي تلقيها عند غافل

والله مخي تخين فبالله ماتجاملني ساي وعليك الله لو فاهم شئ خلونا نفهم معاكم آناس ولا شنو ؟ ( وش تعب من التفكير لغز محمد ناصر ) !!

Quote: والله مخي تخين فبالله ماتجاملني ساي وعليك الله لو فاهم شئ خلونا نفهم معاكم آناس ولا شنو ؟ ( وش تعب من التفكير لغز محمد ناصر ) !!

وحتي نسهل عليك الفهم يا ناديه..

نقول..لم يكن معنا بقندهار..

علما ان قندهار ذلك النهار شهدت أكبر تجمع بوردابي من ابناء الداخل وابناء الخارج..

انزلي وجهك المتعب من التفكير ليرتاح قليلا..

فغدا القريب يأتي مارس ليحمل لمحمد ناصر بعض من الكوارث..ويحمل لك وللآخرين معرفة محمد ناصر!

سلامات الماجدات بنات خوجلي

منذ بداية هذا الموضوع انا اتابعه بحرص شديد
لانني من اكثر المتضررين من الاكاذيب التي يكتبها الناس هنا

وكذلك لما كتبه احدهم في جريدة الراية القطرية من اكاذيب وتفاهات.
والتي رفعت فيها قضية مازالت في النيابة ولم تصل بعد مرحلة الجدولة للقضاء.
الكتابة مسؤولية يجب ان تعمد بالصدق والامانة
ولكن هناك من لا يستطيع ان يكتب دون اشانة سمعة احد...
يشككون في اخلاقيات الناس وذممهم ويمسون اعراض وشرف الاسر والعوائل دون خوف
ليه لانهم مفتكريم القانون ما بطالهم
ولكن الان بهذه الخطوة المباركة
سكيف هؤلاء عن ممارسة بغضهم وحقدهم وحسدهم في الناس
لانه الناس بتخاف ما بتختشي

ومعكم حتى النصر..

Quote: سلامات الماجدات بنات خوجلي منذ بداية هذا الموضوع انا اتابعه بحرص شديد لانني من اكثر المتضررين من الاكاذيب التي يكتبها الناس هنا وكذلك لما كتبه احدهم في جريدة الراية القطرية من اكاذيب وتفاهات. والتي رفعت فيها قضية مازالت في النيابة ولم تصل بعد مرحلة الجدولة للقضاء. الكتابة مسؤولية يجب ان تعمد بالصدق والامانة ولكن هناك من لا يستطيع ان يكتب دون اشانة سمعة احد... يشككون في اخلاقيات الناس وذممهم ويمسون اعراض وشرف الاسر والعوائل دون خوف ليه لانهم مفتكريم القانون ما بطالهم ولكن الان بهذه الخطوة المباركة سكيف هؤلاء عن ممارسة بغضهم وحقدهم وحسدهم في الناس لانه الناس بتخاف ما بتختشي ومعكم حتى النصر..

مرحب برجوعك يا نجاة...

لكل انسان الحق في أن يعيش مطمئنا..
ورفع الشعارات الكاذبه وادعاء الاهتمام بحقوق الانسان من جانب البعض لن تذر الرماد في عيوننا..
محمد ناصر تعدي علي منال وحقها في ان تمارس حياتها وعملها باطمئنان..
محمد ناصر ادعي انه يدافع عن حق طالب لجوء سياسي بينما هو لا يسعي الا الي تدمير منال..وكان معه مجموعه
سعت لنفس الغرض المؤذي..
.....
.....

ليس لنا هدف سوي ارجاع الحق وارساء مباديء كان يجب ان تكون موجوده وراسخه هنا عند الجميع..
وباذن الله ستكون هذه القضيه سابقه قانونيه يلجأ لها الجميع عند الاحتياج....

تسلمي يا نجاة...

إنتي عارفة مخي تخين شوية في فهم ( الغصص) البوليسية دي ياخ !

بس عايزة أعرف هل محمد ناصر ده شخصية حقيقية لحم ودم كده ولا جهة ولا مؤسسة ولا شنو؟

________________________________________


الحقيقه او وراء كل غصه "غصة"!

مافي طريقه غير أننا ننتظر المحاكمه وتفاصيلها حتي يفهم الجميع..

سلام يا ناديه..

ألأخت/منى

حاتكون هناك ثقافة جديدة فى المنبر إذا مشت محكمة محمد ناصر بالصورة الصحيحة المرسوم لها وأخذت ألأخت منال حقها القانونى فى ما نالته من قذف وسب وإتهام باطل تضررت به..

نامل ان يسود صوت العقل والحكمة كل المنابر..وإحترامنا للبعض..............مودتى............إسماعيل محمد احمد عباس..
____________________________________


مادام الضمير عجز عن تحمل المسئوليه وعن التحلي بالخلق القويم..
فاليكن الفيصل هو القانون..


ولا ننسي أن عدالة الله فوق أي عدالة..

Quote: ألأخت/منى حاتكون هناك ثقافة جديدة فى المنبر إذا مشت محكمة محمد ناصر بالصورة الصحيحة المرسوم لها وأخذت ألأخت منال حقها القانونى فى ما نالته من قذف وسب وإتهام باطل تضررت به.. نامل ان يسود صوت العقل والحكمة كل المنابر..وإحترامنا للبعض..............مودتى............إسماعيل محمد احمد عباس..

سلام أخي اسماعيل..

التكاتف في الشر لا يفيد..ومصير المتلاعب بسمعة الناس أن يقع في شر أعماله..
وبعد كل شيء فان انتقام الله الأكبر ينتظره!

نأمل أن يتحقق سريعا ما تقول ..

ومارس علي الأبواب..ننتظره بشوق!

ربنا يقويكم و ينصركم بالحق يا بنات خوجلي
دي خطوه مهمه في تاريخ سودانيز
ما اصعب الالتزام في الكتابه وتحكيم الضمائر
متابعين معاكم للنهايه

الأخت منى خوجلي
نصركم الله
حدثت معي في اللنك أدناه:

إشانة سُمعة

و يبدو إنني سأستعين بمحاميكم للخبرة

تُرى هل يظنُّ هؤلاء أن القانون بغير قادرٍ عليهم ؟
و إن يده لن تطالهم؟

Quote: الأخت منى خوجلي نصركم الله حدثت معي في اللنك أدناه: إشانة سُمعة و يبدو إنني سأستعين بمحاميكم للخبرة تُرى هل يظنُّ هؤلاء أن القانون بغير قادرٍ عليهم ؟ و إن يده لن تطالهم؟

ازيك يا علاء الدين..

اشانة السمعه فعل اجرامي من شخص يحمل نوايا سيئه..
تعقب الكذبة في اي مكان وكشفها هو فعل أخلاقي حتمي..
هذه الحتميه نعالجها بالقانون الان بعد ان فشلنا من خلال المناقشات وذكر الحقائق هنا من ايقاف محمد ناصر وعصابته عند حدودهم....
........
........

نسعي بكل جهدنا لأن تكون هناك سابقه تمنع مثل التعدي الذي حدث علي منال من أن يحدث لأي شخص آخر....
وبإذن الله سنوفق...

تحياتي يا علاء...

ربنا يقويكم و ينصركم بالحق يا بنات خوجلي
دي خطوه مهمه في تاريخ سودانيز
ما اصعب الالتزام في الكتابه وتحكيم الضمائر
متابعين معاكم للنهايه
__________________________

تسلمي يا رحاب..
بإذن الله ينصرنا الله لأننا علي حق..
وأوافقك تماما أن هذه القضيه يجب أن تكون سابقه تضع حدا علي التعديات والاتهامات الجائره..
ويكفينا فخرا في هذه المرحله أننا بدأنا السير في طريق ترسيخ الحقوق القانونيه لنا جميعا غلي النت..

تحياتي لك من الخرطوم...

فوق

Quote: لكل انسان الحق في أن يعيش مطمئنا..

وعلينا مسؤولية جماعية لا يكفي
أن يقوم بها البعض حتى يكون
حق العيش المطمئن مكفولا للجميع

اقترح للاخت منال
ان تساعد فيما بعد كل من تشان سمعته في السايبر السوداني

واقترح ان تتكون لجنة في كل المدن العالمية لمساعدة الضحايا
لانه في ناس قاعدة في السعودية وقطر وامريكا واوربا بفتكرو انهم
ما في متناول يد القانون..
لو اتكونت لجان ذي دي الناس بتوقف
ومعاكم حتى النصر

السيدة منى خوجلى

تحيات طيبات


الزولــة الطالبانى ( زغرودة )

بالدارجـــى كدى :

لــو انا قلــت الى عضو المنبر منال خوجلى انت واحدة ظلاميـــة بتفتـــح فينـــى بلاغ فى المحكمة

وبعدين البوســـت دى شكلو بيقول ( دقو القراف خلو الجمل يخاف )



ولا شنــو

من مشاركة د.نجاة محمود:

Quote: الكتابة مسؤولية يجب ان تعمد بالصدق والامانة

تحياتي نجاة ..
تحياتي بنات خوجلي ..
ربنا يرزقنا كلمة الصدق ..
ويبعد عنا الفتن والاشاعات ..
وينقي قلوبنا ..

Quote: اقترح للاخت منال ان تساعد فيما بعد كل من تشان سمعته في السايبر السوداني واقترح ان تتكون لجنة في كل المدن العالمية لمساعدة الضحايا لانه في ناس قاعدة في السعودية وقطر وامريكا واوربا بفتكرو انهم ما في متناول يد القانون.. لو اتكونت لجان ذي دي الناس بتوقف ومعاكم حتى النصر

اثني
و اضيف:
اقتراح تسجيل المجموعه كجمعيه خيريه، و تتحمل الجمعيه الخيريه كل النفقات الماديه للقضايا ووقت المحامين

Quote: اثني و اضيف: اقتراح تسجيل المجموعه كجمعيه خيريه، و تتحمل الجمعيه الخيريه كل النفقات الماديه للقضايا ووقت المحامين

اثلث التثنية
واثنى الاضافة


كده يا دوب تكونوا ماشين صاح

Quote: اثلث التثنية واثنى الاضافة كده يا دوب تكونوا ماشين صاح

سلام يا وليد..

باذن الله تؤدي القضيه الي ما هو نافع للجميع ولمثل هذه القضايا مستقبلا..
.........
.........

تردد الخرطوم أقاويل عن تفاني محامي سوداني مشهور في قضية الدفاع عن محمد ناصر لكن بالخفاء..

Quote: تحياتي نجاة .. تحياتي بنات خوجلي .. ربنا يرزقنا كلمة الصدق .. ويبعد عنا الفتن والاشاعات .. وينقي قلوبنا ..

اللهم آمين..
فليس هناك اسوأ من ان يسكن الشر نفوس الناس فيحل محل الصدق والنيه الطيبه..
ويصير التخطيط له أمرا عاديا يمارسونه كما يمارسون التفاصيل العاديه للحياة في كل يوم!

حمانا الله وحماكم منه ومن شيطانه..

شكرا محمد ابراهيم..

وين انت بتغيب كتير؟؟

Quote: تحياتي نجاة .. تحياتي بنات خوجلي .. ربنا يرزقنا كلمة الصدق .. ويبعد عنا الفتن والاشاعات .. وينقي قلوبنا ..

آمين يا عثمان..

فالقلوب المليئه يالحقد والبغضاء لا تستطيع أن ترتاح أبدا..
البعض تعلم الخلق القويم وأبعد البغضاء عن قلبه..
والبعض لم يتعلم..وسكنت البغضاء قلبه..
وهؤلاء يجب أن يتعلموا بالدروس القاسيه..
ربما تؤدبهم فيكونوا عبرة لغيرهم..

تابع معنا..والله حامي الحق..

Quote: السيدة منى خوجلى تحيات طيبات الزولــة الطالبانى ( زغرودة ) بالدارجـــى كدى : لــو انا قلــت الى عضو المنبر منال خوجلى انت واحدة ظلاميـــة بتفتـــح فينـــى بلاغ فى المحكمة وبعدين البوســـت دى شكلو بيقول ( دقو القراف خلو الجمل يخاف )

مرحب بدر الدين اسحق..
وين تاني ما شوفناك من لقاء البورداب اليوم داك؟؟
............
............

البوست في حقيقته مبني علي أسس وحقائق..ليس للتهديد في حد ذاته فيه محل..
بمعني أن محمد ناصر اذا كان شخصيه وهميه فعلي من اتي به ان يتحمل المسئوليه ويدافع عن موقفه
أمام القضاء..لماذا خلق الشخصيه الوهميه؟؟
ماهي مصلحته في ذلك؟؟
هل ليلفق التهم؟؟
هل هناك جهة تستخدمه لتلفيق التهمه؟؟
من هي هذه الجهه؟؟
لماذا يرضي هو بأن يستخدم اسم وهمي؟؟
ماهي أهدافه؟؟
وغيرها من الأسئله كثير..
اما ان لم يكن هو محمد ناصر..فعليه أن يأتي بالشخصيه التي قدمها لادارة المنبر علي أنها شخصيه حقيقيه ويعرفها هو ويثق بها (كما يفعل الجميع عند التقديم لعضوية شخص ما للمنبر)..
.............
.............
أعتقد أن معني التهديد الذي قد تكون قاصده هو وقف كل من تسول نفسه له الافتراء علي الآخرين عند حده..
يجب ان نعرف جميعا حقوقنا القانونيه ونتمسك بها..خاصه وأن النفوس الشريره منتشره بيننا..
والشر لا يكشف علي نفسه كاملا أو دائما..
وكثيرا ما يتجمل الشخص الشرير بمظهر خير أمام الغير..حوادث مثل هذه والتنقيب فيها وكشفها علي العلن..توقف مثل هذه النوعيه من تعديها السافر علي الآخرين ومن وراءها عند حدهم..

الثابت أننا لن نتوقف ولن نترك حقنا..وحق منال هو حقنا جميعا..

تحياتي وفي انتظار النجاح القادم لأعيد الزغروده لأبنتك....

منى خوجلى
نهارك مفتح زهور

الحق حق والباطل باطل
وفى النهاية لا يصح الا الصحيح

اختنا منى خوجلى


كان الامــر كــدى ..عليك الله


الزمان + محكمة الموضوع


الحـــشد علينــا ( باقى نحن تخصص حشــود )

Quote: الثابت أننا لن نتوقف ولن نترك حقنا..وحق منال هو حقنا جميعا..

نذكر برضــو :

( فمن عفى واصلح فأجره على الله ..)

Quote: ( فمن عفى واصلح فأجره على الله ..)

ونعم بالله..
نحن نسعي للأجر ولرضاء الله عنا..
والعقو هنا ليس له مايسنده من اخلاق يسعي لها دين الخق في جوهره..
العدل يكون بان يعترف هو ومن معه هنا علي الانترنت وفي ارض الواقع بما ارتكب من جرائم..
وحينها نقرر نحن ان كنا نود العفو أم لا..
محمد ناصر يقرأ كلماتنا وتابعت النيابه استجواب أطراف عديده في هذه القضيه بسببه..
لم يعترف هو ليرحم الاخرين..
فاليتحمل نتيجة جريمته ووزره الكبير..
وحين يلقي عقابه سيتعلم هو وآخرين الصدق والأخلاق ..
وحينها سيحبنا الله اكثر من العفو عنه..
لأننا حافظنا علي الحق وعدالة الرحمن...
وساهمنا في ارساء قيم أساسيه..

لك التحيه أخي بدر الدين..

Quote: منى خوجلى نهارك مفتح زهور الحق حق والباطل باطل وفى النهاية لا يصح الا الصحيح

كيف حالك ياحواء؟

نعم الحق حق..
لذلك نثق في أن الله سيرجعه بوسائله العادله لنا..
فقط علينا السعي الجاد...
وهذا ما التزمنا به..


كوني بخير..

Quote: اقترح للاخت منال ان تساعد فيما بعد كل من تشان سمعته في السايبر السوداني واقترح ان تتكون لجنة في كل المدن العالمية لمساعدة الضحايا لانه في ناس قاعدة في السعودية وقطر وامريكا واوربا بفتكرو انهم ما في متناول يد القانون.. لو اتكونت لجان ذي دي الناس بتوقف ومعاكم حتى النصر

يحلم من يطن انه يستطيع ان يعيش في دوله مختلفه من بلده الأصلي ويرتكب ما يشاء من جراءم في حق الغير
ويعيش في أمان!جرائم الانترنت يعقب عليها الفانون وشبكات مثل هذه الجرائم لها معاملات تشابه تلك الخاصة
بجرائم غسيل الاموال وغيرها..اقصد من حيث تتبعها والوصول لها..
والاتفاقيات بين الدول كثيره فيما يخص الجرائم المختلفه ..ومؤتمرات تطوير القوانين لتعريف الجرائم وتعقبها تعقد
في كل انحاء العالم باستمرار..وتحضرها مئات من الدول..وكذلك هناك أحلاف تظهر في كل وقت اتفاقياتها لتعقب الجرائم بينها..

فالنتعلم الاتزان والعدل واحترام حقوق الغير قبل ان تعلمنا القوانين!

تسلمي يا نجاة واقتراح أتمني له أن ينجح في ايجاد أرضيه قويه له..

Quote: وعلينا مسؤولية جماعية لا يكفي أن يقوم بها البعض حتى يكون حق العيش المطمئن مكفولا للجميع

العيش المطمئن لا يكون فقط بحمابة النفس من امن الجلاد..
بل أيضا ممن يدعي أنه ضد الجلاد..
من الاخلاق الخربه والنفوس المدمرة!

غدا تعلق اسمائهم (اسمه)ويقرأها الجميع..

تحياتي محمد عبد الجليل..

Quote: فوق

شكرا شول علي رفع البوست..

تابع معنا فمارس علي الابواب!

Quote: وحين يلقي عقابه سيتعلم هو وآخرين الصدق والأخلاق .. وحينها سيحبنا الله اكثر من العفو عنه.. لأننا حافظنا علي الحق وعدالة الرحمن... وساهمنا في ارساء قيم أساسيه..

منال ومنى ..سلامات
ده فهم متقدم ورد منطقى على
المنادين بالعفو والتسامح ..
ربنا ينصركم وكل المظلومين .

Quote: وحين يلقي عقابه سيتعلم هو وآخرين الصدق والأخلاق .. وحينها سيحبنا الله اكثر من العفو عنه.. لأننا حافظنا علي الحق وعدالة الرحمن... وساهمنا في ارساء قيم أساسيه..

فهم متقدم شنو
دى حكم ودرر

صحى بت اصول ...

Quote: فهم متقدم شنو دى حكم ودرر

طيب الحكم والدرر
دى طالعة من وين
يا ضـي البــيت ?

Quote: فهم متقدم شنو دى حكم ودرر صحى بت اصول ...

سلام يا علي محمد علي..

وكلنا ابناء اصول مادمنا نلتزم بواجباتنا تجاه الآخرين وحقوقنا..

لك التحيه والتقدير..

واصل معنا طريق الاجتها للوصول للحق..

Quote: منال ومنى ..سلامات ده فهم متقدم ورد منطقى على المنادين بالعفو والتسامح .. ربنا ينصركم وكل المظلومين .

مرحب بك أخي عبدالله..

أراك تتفق معي بأن مفهومنا للعداله الالهيه لا يجب ان ينتهي قبل أن يبدأ في انتطار عقاب الله وحده..
خلقنا الله ومنحنا عقلا لاستخدامه..وللسعي في تحقيق مانوده..والسعي والعمل هو مايوده الله منا..
عدالة الله المطلقه أعطتنا الحريه في اختيار مانود سلوكه في الدنيا وخاصه في وجود المتاح فعلا..
وأقصد بالمتاح كل ما سعينا اليه بجديه شديده..وكل ما بدا مستعصيا ولكنا سعينا اليه..فوصلنا أو فشلنا..
الانسان خليفة الله في الأرض وعليه أن يسعي لان يكون مستحقا لذلك هذا من جانب..
منا من يختار طريق الشر..ومنا من يختار كريق الحق والخير..فهل يعقل ان نعفو عن مرتكبي الشر ونتركهم في غيهم يعمهون؟؟
ومن جانب آخر خلقت القوانين والانظمه لتنظم الحياه ومسيرتها..وتضبط العلائق بين البشر علي وجه هذه البسيطه..
الله هو الحق وهكذا نفهمه وهذا الغهم ليس احساسا فقط ..بل هو احساس نطبقه واقعا ساعيين وراء الجوهر وليس مظهر الكلمات فيه...
ولذلك نتمسك بالحق ونكون خليفته في الأرض كما يجب ان نكون..
لسنا بقضاة يجب ان نحكم بالعدل..بل بشر يسعون لأن يجدوا العدل فيساهموا بدورهم لسيادته..

شكرا علي حضورك ودعواتك الكريمه..وأرجو أن تتابع معنا سير القضية..

Quote: فوق

شكرا يا شول علي رفع البوست للمقدمة,,
اتمني أن تحضر المحاكمة غدا معهم..
حالت ظروفي للأسف من السفر وحضورها..

مني خوجلي
تعرفي كنت متابعة الحديث في هذه الواقعة
وكنت منزعجة جداً أن لا تسعى الأستاذة منال لإحقاق الحق
المسألة ليست فقط سمعة فسمعة النزيه لن يصيبها أي شر مهما تكاثرت الشرور
ولكن المبدأ
وحق الإنسان في عدم المساس به بأي شكل

أدعم الأستاذة في هذه الخطوة

وأنتظر النتيجة وأتمنى أن يكون القضاء قدر المسؤولية
وإن عجز
فهي قامة شامخة
وسيأتي حتماً صبح براءتها ورد حقها

بلغيها دعمي رجاء

قلتي عايزة اللنكات ..

انا بجيبها .. وما حا تحضري معانا اول جلسة ؟؟

(1)

ليس دفاعاً عن منال

(2)


عاجل..لبكري أبو بكر

الاخت / منى


تحيات طيبات زاكيات


بدور اعرف واتعلم منك ( هــل المحافظة على الحق وعدالة الرحمن والمساهمة فى ارساء قيم اساسية

هـــى اعلـــى درجة عند الله من العفـــو ؟ ) ..

الحق الخاص ( حرمات الشخصية )

الحق العام ( حرمات الله )

فتشت كتاب الله وجبتــه منو ( الاخلاق والجمال والحسن والرحمة دى ) :


(ثُمَّ عَفَوْنَا عَنْكُمْ مِنْ بَعْدِ ذَلِكَ لَعَلَّكُمْ تَشْكُرُونَ) البقرة52

(فَاعْفُوا وَاصْفَحُوا حَتَّى يَأْتِيَ اللَّهُ بِأَمْرِهِ إِنَّ اللَّهَ عَلَى كُلِّ شَيْءٍ قَدِيرٌ ) البقرة 109

(عَلِمَ اللَّهُ أَنَّكُمْ كُنْتُمْ تَخْتَانُونَ أَنْفُسَكُمْ فَتَابَ عَلَيْكُمْ وَعَفَا عَنْكُمْ) البقرة 187

(وَإِنْ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ وَقَدْ فَرَضْتُمْ لَهُنَّ فَرِيضَةً فَنِصْفُ مَا فَرَضْتُمْ إِلَّا أَنْ يَعْفُونَ أَوْ يَعْفُوَ الَّذِي بِيَدِهِ عُقْدَةُ النِّكَاحِ وَأَنْ تَعْفُوا أَقْرَبُ لِلتَّقْوَى وَلَا تَنْسَوُا الْفَضْلَ بَيْنَكُمْ إِنَّ اللَّهَ بِمَا تَعْمَلُونَ بَصِيرٌ) البقرة 237

(رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ ) البقرة 286

(وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُمْ بِإِذْنِهِ حَتَّى إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُمْ مِنْ بَعْدِ مَا أَرَاكُمْ مَا تُحِبُّونَ مِنْكُمْ مَنْ يُرِيدُ الدُّنْيَا وَمِنْكُمْ مَنْ يُرِيدُ الْآَخِرَةَ ثُمَّ صَرَفَكُمْ عَنْهُمْ لِيَبْتَلِيَكُمْ وَلَقَدْ عَفَا عَنْكُمْ وَاللَّهُ ذُو فَضْلٍ عَلَى الْمُؤْمِنِينَ) آل عمران 152


(إِنَّ الَّذِينَ تَوَلَّوْا مِنْكُمْ يَوْمَ الْتَقَى الْجَمْعَانِ إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُوا وَلَقَدْ عَفَا اللَّهُ عَنْهُمْ إِنَّ اللَّهَ غَفُورٌ حَلِيمٌ ) آل عمران 155


( فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ ) آل عمران 159

(فَأُولَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا ) النساء 99

(إِنْ تُبْدُوا خَيْرًا أَوْ تُخْفُوهُ أَوْ تَعْفُوا عَنْ سُوءٍ فَإِنَّ اللَّهَ كَانَ عَفُوًّا قَدِيرًا ) النساء 149

(يَسْأَلُكَ أَهْلُ الْكِتَابِ أَنْ تُنَزِّلَ عَلَيْهِمْ كِتَابًا مِنَ السَّمَاءِ فَقَدْ سَأَلُوا مُوسَى أَكْبَرَ مِنْ ذَلِكَ فَقَالُوا أَرِنَا اللَّهَ جَهْرَةً فَأَخَذَتْهُمُ الصَّاعِقَةُ بِظُلْمِهِمْ ثُمَّ اتَّخَذُوا الْعِجْلَ مِنْ بَعْدِ مَا جَاءَتْهُمُ الْبَيِّنَاتُ فَعَفَوْنَا عَنْ ذَلِكَ وَآَتَيْنَا مُوسَى سُلْطَانًا مُبِينًا ) النساء 153

(وَلَا تَزَالُ تَطَّلِعُ عَلَى خَائِنَةٍ مِنْهُمْ إِلَّا قَلِيلًا مِنْهُمْ فَاعْفُ عَنْهُمْ وَاصْفَحْ إِنَّ اللَّهَ يُحِبُّ الْمُحْسِنِينَ) المائدة 13

(يَا أَهْلَ الْكِتَابِ قَدْ جَاءَكُمْ رَسُولُنَا يُبَيِّنُ لَكُمْ كَثِيرًا مِمَّا كُنْتُمْ تُخْفُونَ مِنَ الْكِتَابِ وَيَعْفُو عَنْ كَثِيرٍ قَدْ جَاءَكُمْ مِنَ اللَّهِ نُورٌ وَكِتَابٌ مُبِينٌ) المائدة 15

(عَفَا اللَّهُ عَمَّا سَلَفَ وَمَنْ عَادَ فَيَنْتَقِمُ اللَّهُ مِنْهُ وَاللَّهُ عَزِيزٌ ذُو انْتِقَامٍ) المائدة 95

(يَا أَيُّهَا الَّذِينَ آَمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآَنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حَلِيمٌ) المائدة 101

(عَفَا اللَّهُ عَنْكَ لِمَ أَذِنْتَ لَهُمْ حَتَّى يَتَبَيَّنَ لَكَ الَّذِينَ صَدَقُوا وَتَعْلَمَ الْكَاذِبِينَ) التوبة 43

( وَلَا يَأْتَلِ أُولُو الْفَضْلِ مِنْكُمْ وَالسَّعَةِ أَنْ يُؤْتُوا أُولِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ) النور 22

(وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ) الشورى 25


(وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ) الشورى 30

( أَوْ يُوبِقْهُنَّ بِمَا كَسَبُوا وَيَعْفُ عَنْ كَثِيرٍ) الشورى 34

(وَجَزَاءُ سَيِّئَةٍ سَيِّئَةٌ مِثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ) الشورى 40

( يَا أَيُّهَا الَّذِينَ آَمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ وَإِنْ تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَحِيمٌ) التغابن 14


ترمـــــة :

ليــه الزول عندما يقابل حبوبتــه بتقول ليه عند الوداع ( العفو لله والرسول )

وبعدين / هو الزول / الكيان / الزولة ..دهـ /دى ( منــــو )

Quote: وحينها سيحبنا الله اكثر من العفو عنه.. لأننا حافظنا علي الحق وعدالة الرحمن... وساهمنا في ارساء قيم أساسيه

و لكم في القصاص حياة

Quote: و لكم في القصاص حياة

والاصرار علي الحق "حياة"

منى العزيزة،
لم اشأ المشاركة بالكتابة وقد اكتفيت بالقراءة منذ ابتدرت هذه المساحة،
ما حفزني للكتابة الكلام الجميل للأخ بدرالدين اسحق ولست بصدد الرد عليه
لأن في الرد على سؤاله تقليل له ولك ، لا سمح الله ، لكن وددت القول بأن إحدى
الأخوات تعرضت في هذا المنبر لإساءة وتجريح واتهام من عضو آخر وفكرت هي في
اتخاذ ما يلزم من إجراءات قانونية في مواجهته ولكنني خالفتها الرأي ولا
أدري ، الآن ، ما إذا كنت أصبت أم أخطأت وعلى أية حال ترك هو الكتابة
في المنبر لكن هذا لن يحول دون أن تتعرض ذات الإنسانة وغيرها لهجوم باسلحة محظورة
أخلاقيا ومن ثم فإنني أرى أنه لاغبار في اللجوء للقانون ومؤسساته ريثما
يتبنى الجميع أسلوبا يحول دون تدمير بعضنا بعضا دون أن نخشى العواقب سيما
أني لحظت بعد تلك الحادثة أن هناك عنفا لفظيا يمارس في جميع الإتجاهات
وغض النظر عن طبيعة الموضوع .
ملحوظة: حالة الأخت منال هذه تختلف عن تلك باعتبار أن الحالة السابقة
كانت معروفة الأطراف.
همسة أخيرة للأخ بدر: علينا أن نتشرف بالذهاب إلى ساحات العدالة لا أن
نستحي من ذلك لأن اللجوء إلى مؤسسات تراضى المجتمع على أن تفصل بين
الناس في الحق هو بحد ذاته سلوك حضاري بدونه ستسود شريعة الغاب.
نعم علينا أن نزيل فهم أن المحكمة بحد ذاتها عيبا لايجب الذهاب إليها فالمحكمة ساحة عدل.
يعني نخلِّي الشغل ولا شنو؟
أتمنى على المولى أن نهتدي بإشارات الصدر قبل أن تُنصب رادارات في شوارع المنبر.
تحاياي لك وللمشاركين.

اتفق معك اخي مرتضى اللجوء للقانون سلوك حضاري

ونود ان نعلي من قيمة احقاق الحق حتى لا يتطاول الانسان على اخيه الانسان دون عقاب رادع ولا ضمير ..

ولأن الحقيقة هنا اصبحت ملونة بالوان عدة لابد من حسم الامور بهذه الطريقة الواعية ..

احيي الاخت منال ومنى واشد من اذرهم


تحياتي

Quote: ونود ان نعلي من قيمة احقاق الحق حتى لا يتطاول الانسان على اخيه الانسان دون عقاب رادع ولا ضمير ..

ياريت ياريت

Quote: لكن وددت القول بأن إحدى الأخوات تعرضت في هذا المنبر لإساءة وتجريح واتهام من عضو آخر وفكرت هي في اتخاذ ما يلزم من إجراءات قانونية في مواجهته ولكنني خالفتها الرأي ولا أدري ، الآن ، ما إذا كنت أصبت أم أخطأت وعلى أية حال ترك هو الكتابة في المنبر لكن هذا لن يحول دون أن تتعرض ذات الإنسانة وغيرها لهجوم باسلحة محظورة أخلاقيا ومن ثم فإنني أرى أنه لاغبار في اللجوء للقانون ومؤسساته ريثما يتبنى الجميع أسلوبا يحول دون تدمير بعضنا بعضا دون أن نخشى العواقب سيما أني لحظت بعد تلك الحادثة أن هناك عنفا لفظيا يمارس في جميع الإتجاهات وغض النظر عن طبيعة الموضوع .

اخي العزيز
طبعا الى الان انا حزينة جدا لان ما كتبه لا يغتفر وصار يردد
الان كحقائق من المخالفين لنا وطلعنا حرامية وفاسدين..
والى الان لو وجدت طريقة لمحاكته لفعلت..
وهنك طرق اخرى غير القانون كان يمكن استخدامها وهي استغلال معارف
في راس الدولة التي يعمل بها ليفصل من عمله فورا ويرحل..
ولكن لم نفعل ذلك واردنا اخذ حقنا بالقانون..
ولم اجد من يساعدني..بعد تطنيشك لنا..
الحمدلله الان عرفت اهمية القانون تفعيله ليحصل انضباط في الحوار,,
ومنع نشر الاكاذيب الضارة ..المشينة للسمعة والذمة

انتصار الاخت منال سيكون انتصار لي شخصيا
لانها توفرت لها الفرص لأخذ حقها..
وانا ذهب من شتمني وكذب في دون عقاب
ولكن الله في ..

الرائعة بت خوجلي

سلامات وبالتوفيق

ولي قدام

مدثر تيف تيف

الأخت العزيزة د. نجاة ،
لم اشأ التفصيل وإيراد أسماء لأني لم أتداخل مستهدفا غير طرح وجهة نظر
في موضوع الأخت منال أو غيرها ممن عانوا من أشخاص يتسترون خلف
أسماء حركية ووهمية في هذا المنبر ، ولو أعدت قراءة مداخلتي لما كتبت
ما كتبتِ وعلى أية حال أود التعليق على الآتي:

Quote: طبعا الى الآن انا حزينة جدا لان ما كتبه لا يغتفر وصار يردد الآن كحقائق من المخالفين لنا وطلعنا حرامية وفاسدين..

بالطبع يا سيدتي يمكن أن تكوني حزينة بسبب ما لحقك لكن بذات القدر يمكن أن تكوني سعيدة
أنك قمت بما هو أجمل ، عند الله ، بتجاوزك تلك الحادثة على سند العفو عند المقدرة وتحت ضوء ما
أمر به المولى من أن تكوني من الكاظمين الغيظ وأنك عفوت عنه بل ربما تتخذيه أخا مستهدية بقول
المولى (ولا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم )
عموما غلّبت ذلك لأني أدرك أنك إنسانة بما تحمل الكلمة من معنى ولكني ، في ذات الوقت ، لا أشك في أنك
خير ممن يقيِّم قراراته رغم كل تلك المعطيات وعندما قلت لك اتركيه واصفحي كنت أفعل نفس الشئ الذي كنت
سأفعله ، بل فعلته في حالة شبيهة وأنت تعلمين جيدا أن واحدة وجهت لي إساءة ما بعدها إساءة هنا في
المنبر دون سابق حوار بيننا أو معرفة وفقط بسبب رأيي حول موضوع المعلمة البريطانية وأعادت فعلتها
في أربعة مداخلات متتالية ولكنني لم أرد عليها وبالطبع كانت كل الوسائل متاحة للرد المناسب ولكنني
ارتأيت غير ذلك لأني لم أجئ هنا لمثل تلك الأشياء التي لم نتربى عليها.

Quote: والى الان لو وجدت طريقة لمحاكته لفعلت..

بالطبع ما زالت الفرصة متاحة لو رأيت ذلك،

Quote: وهنك طرق اخرى غير القانون كان يمكن استخدامها وهي استغلال معارف في راس الدولة التي يعمل بها ليفصل من عمله فورا ويرحل..

هذه مستحيلة يا دكتوره ، صدقيني مستحيلة ، في سلطنة عمان لايمكنك استغلال أي نفوذ لإلحاق ضرر بأي
إنسان ، أقول لك هذا لأني أعمل في مجال القانون ، عمان ليست كبعض الدول التي تقرر فيها مصائر الناس
بالهاتف أيا كان منصب صاحب النفوذ المزعوم ، جرِّبي إذا خامرك شك في نصحي. في هذا البلد يلجأ من له
حق للقضاء مهما علا منصبه ويشرفني أن أعمل في بلد لايستطيع فيه أي شخص أن يتخطى القانون وإن فعل فسيجد
جزاءه عاجلا، أقول هذا عن تجارب يومية يا سيدتي ومجرد إشارتك إلى أن تلك (الوسيلة) كانت متاحة هو تقليل
لدور القانون وسيادته في هذا البلد ولا أظنك قصدت ذلك.

Quote: ولكن لم نفعل ذلك واردنا اخذ حقنا بالقانون..

وهذا سلوك حضاري نتمنى على الجميع انتهاجه،

Quote: ولم أجد من يساعدني..بعد تطنيشك لنا..

إذا كنت تفهمت نصحي ورأيي على أنه (تطنيش) فهذا يرجع لك وبالطبع ( تطنيش) هي الرديف ل ( تجاهل)
وشخصي الضعيف يتطوع لما هو أكبر وأعظم من ذلك فكيف لي أن أتجاهل من يطلب شيئا يمكنني القيام به؟
كل ما فعلته أنني ، وبعد عدة مراسلات بيننا ، قلت لك أن الحق معك ولكنني لن أقوم بهذا العمل لأنني
لست الشخص المناسب له ، سليني التبرع بكلية وجربيني ، حفظك الله من كل مكروه,

Quote: الحمدلله الآن عرفت أهمية القانون تفعيله ليحصل انضباط في الحوار,,

بالطبع أعرف أهمية القانون منذ اصطفيته دراسة ومهنة ولم أعرف أهميته فقط (الآن) وبسبب حادثة الأخت
منال خوجلي ،

Quote: انتصار الاخت منال سيكون انتصار لي شخصيا

لاشك ، ولي أيضا ولآخرين خيرين يعملون في النور.

Quote: وأنا ذهب من شتمني وكذب في دون عقاب

صدقيني يا د.نجاة ، ووفقا لمعتقدي، حقك لم يذهب وهو عند ربك رصيدا تحتاجينه يوم لاينفع مال ولا بنون
وستأتين ربك بقلب سليم إن صبرت على الأذى ولنا في رسولنا الحبيب (ص) أسوة فقد صبر وغفر وظفر وثوابه
عند مليك مقتدر،

Quote: ولكن الله في ..

وهذا ما لا أشك فيه وإلا لما كتبت ما كتبت.
يا د. نجاة ، أنا لا أتقمص الآن شخص القرضاوي أو الطنطاوي ولكني أحادثك كمحمد السوداني وهذا ما طبقته
على نفسي في حالة مشابهة لحالتك وفي حالات أخرى كثيرة خارج هذا المنبر ، طلبت غليك الصفح عنه من باب
العشم وإن كنت أسأت التقدير يومها فأطلب الصفح لنفسي اليوم ،
أتمنى لك دوام التوفيق والسمو والرفعة وألا ينحسر مد السماحة فيك بسبب تلك العوارض واعذريني إن خانتني مروءتي يوما.
صادق إحترامي,

Quote: وبعدين / هو الزول / الكيان / الزولة ..دهـ /دى ( منــــو )

سلام يا بدر الدين..

شكرا علي تتويج البوست يآيات الحالق العادل..

العفو ان لم بأت من القلب..وجاء معه احساس بالقهر هو عفو مظهري..
وكل ماهو غير آت من القلب هو غير صادق في جوهره..
العفو عند المقدره يتطلب الاقتناع..
الاقتناع بأن العفو مردوده أفضل..
أو أن العفو سيخدم اكثر من العفاب..
ولذلك استبعدنا نحن العفو..
فالمقدره هنا غير متوفره عندنا..
لأن لنا قناعاتنا ان ما حدث كان مخططا له..


اما الزول منو..
فأحسن تحضر المحاكمه يوم 16 مارس..
بس ما تكتب اسم زول علشان ما تتعرض لأي مسائلات قد تكون هناك..

شكرا نعومي تاني وثالث علي احضار الروابط..
قرأت هذا البوست ربما للمره العاشره..
وتأكدت تماما من وجوب ذهاب هذا المحمد ناصر للمحاكمه..
فالافتراء والاصرار علي تجريم منال واضح مما يقطع الشك في خطته اللئيمه للأساءه لمنال ..
والقراءه أيضا أوضحت كيف أن البعض يدعي العدل وهو يشكك في المظلوم فيطالبها بتوضيح موقفها..
لماذا يتعامل البعض بمثل هذه الفسوة مع الغير؟؟

ليس دفاعاً عن منال

زوروا هذا اللينك مرة أخري وستفجعون مرة أخري!!

Quote: قلتي عايزة اللنكات .. انا بجيبها .. وما حا تحضري معانا اول جلسة ؟؟

شكرا انعام علي جلب اللينكات..
ستكون عونا لنا باذن الله بع انتهاء المحاكمه في كشف الترصد في المنبر!

Quote: مني خوجلي تعرفي كنت متابعة الحديث في هذه الواقعة وكنت منزعجة جداً أن لا تسعى الأستاذة منال لإحقاق الحق المسألة ليست فقط سمعة فسمعة النزيه لن يصيبها أي شر مهما تكاثرت الشرور ولكن المبدأ وحق الإنسان في عدم المساس به بأي شكل أدعم الأستاذة في هذه الخطوة وأنتظر النتيجة وأتمنى أن يكون القضاء قدر المسؤولية وإن عجز فهي قامة شامخة وسيأتي حتماً صبح براءتها ورد حقها بلغيها دعمي رجاء

شكرا يا شاديه..

ما أعظم أن يختار الانسان طريق الحق..والذي رغم صعوبته وتعقيداته فإنه يجد من يدعمه في وقفته..
لا يحب اي انسان أن يقف معزولا حتي وهو يعلم أن رايه صحيحا..الدعم في الحق فعل انساني في الدرجه الأولي..

أصررنا مع منال أن يأخذ الموضوع هذا الاتجاه القانوني..لنضعه نقط واضحه جدا علي الحروف التي يراها غيرنا..كما أن
المحاسبه فعل مهم..لماذا نتحدث عن المحاسبه ولا نتبع طريقها وفي الامكان فعل ذلك؟؟

ثم كيف يمكن أن تكون منال قانونيه تمارس المهنة وتمثل الضعفاء او المظلومين في المحاكم ولا تدافع عن حقها؟؟
كأسره.. اصررنا أن تصعد منال الموقف الي القضاء..فقد ظن البعض ان هذا لن يمكننا..الا ان منال ونحن وراءها فعلنا..وكل الأمل أن تجد
العداله طريقها للتحقق..ثم من بعد ذلك انتم موعودين ببوست توضيحي لكل شيء..
اطمئني يا شاديه لسعينا الجاد..

أعتقد أن منال قد قرأت كلماتك وكلماتهم وربما تفضل أن تنتظر بداية ونهاية المحاكمه لتعلق,,

تحياتي......

تصحيحات املائيه..

تحياتى الى الجميع والى كل من وقف مع الحق ودعمه عندما فام بعض معدومى الضمير مدعى النضال بتلفيق القضية المعروفه للجميع والى القله من الذين دعمو الكذب والتلفيق الى كل من كانو الدعامه الاسياسية التى بنيت عليها كل الاكاذيب التى لفقها المدعو محمد ناصر .. باذن الله ستكون غداالاحد 1 \ 3 \ 2009 الساعة الحادية عشرة فى القسم الشمالى الجلسه الاولى لمحاكمة المدعو محمدناصر او الشبح الذى ادى دور محمد ناصر..

نرجو من كل من تمكنه ظروفه حضور الجلسة الأولي في قضية المتهم محمد ناصر..
غدا 1 مارس الساعه الحادية عشر صباحا في القسم الشمالي..

والله أكبر..

منصورة يا منال بحول الله
اذا ما كنا معاكي باجسادنا معك بارواحنا..

اختنا / منـــــى


يعنـــى خــلاص مافـــى جوديـــه ..

الله المستعان ..

انشاء الله ربنــا يــرد لكم حقكم كاملا تاما غير منقوص ..

وبرضــــو :

( الصلـــح خيــر )

Quote: نرجو من كل من تمكنه ظروفه حضور الجلسة الأولي في قضية المتهم محمد ناصر.. غدا 1 مارس الساعه الحادية عشر صباحا في القسم الشمالي.. والله أكبر..

سلامات يا اخي الحبيب محمد المرتضى..

انا تفهمت موقف أنذاك انك لا تريد مكتبك ان يقوم بهذا الامر لانه ضد سوداني
ولكن عبارة احط من الكلام مازالت تحفر في قلبي. شخص يقول لك
انت احط من الكلام وانت لا تعرفه ولم تراه ثم يتهمك بسرقة مال الشعب السوداني دون اي دليل
ولا معرفة ثم الحديث موجه لي ولزوجي . دا يستحق الشنق..
ربما احضر في يوليو باذن الله الى عمان وسنرى
العفو عند المقدرة المفروض يقابله اعتذار صريح واضح..
ومفهوم العفو عند المقدرة هو تثبيت انه يمكنك ان تجد حقك كاملا ثم تعفو..



ومن يفلت هنا لن يفلت في يوم القيامة ودا العزاء الوحيد..

نتلاقي قدام وليك كل محبة وتقدير..

فوق حتي رجوع الحق لصاحبته

تأجلت الجلسه حسب طلب محامي المتهم..
الجلسه القادمه يوم 16 مارس باذن الله!

العزيزه مني،

شكرا علي التنوير،
و متابعين

Quote: تأجلت الجلسه حسب طلب محامي المتهم.. الجلسه القادمه يوم 16 مارس باذن الله!

اليوم كنت اتحسر انه قد يفوتني شرفالحضور
وربنا حقق لي حلمي باذن الله ساكون في المحكمة معكم..

نجاة..

باذن الله بكون في الخرطوم من يوم 10-14 مارس..
أتمني اقابلك هناك..

يا اختنا منـــى


ما تقولو عووووووووووووووك عشـــان نكون حضــور


عشان نشوف البوردابى ذاتـــو هو منو

Quote: تأجلت الجلسه حسب طلب محامي المتهم.. الجلسه القادمه يوم 16 مارس باذن الله!

العزيزات بنات عمنا الخليفة عوض خوجلي... منى ومنال

نتابع بأهتمام وقائع هذة القضية المثيرة
وبحكم أنها معروضة أمام القضاء نمتنع عن التعليق!

فقط نسجل رغبتنا الصادقة في إعادة الحق لأصحابه



______________________________
خاص جدا:

سلامي الشديد للوالدة العزيزة جارة... جارة خالتي كنينة وعمي صلاح
ويارب تكون على أتم صحة وعافية... لينا زمن من شوفتها

هل هو محمد ناصر؟

شوف ليك جنس نضمي

سلام يا فيصل..

ده ماهو يا فيصل..

الصوره دي لزميل فاضل آخر يخيل لي اسمه محمد ناصر خليل..

تحياتي..

تبقي اسبوع!

منصورات منصورات بحول الله..

معاكم في المحكمة.....

مني
سلامات
باقيلي الجماعة طفشوا خلوا الزول براهو

منتظرين

العزيز سيف
سلامات كيفك واسرتك

مقادرة افهم مداخلاتك في البوست دا...
نتمنى تكون عند حسن ظننا دائما يا سيف..
ولك التحية

الخالة دكتورة بيان

Quote: مقادرة افهم مداخلاتك في البوست دا... نتمنى تكون عند حسن ظننا دائما يا سيف.. ولك التحية

ليك جزيل الشكر لحسن ظنك في

ولكن المر في حلقي وليتك راجعتي كل البوستات التي تخص الموضوع

وانا في انتظار الناس ديل يرفعوا ضدي دعوي

Quote: منصورات منصورات بحول الله.. معاكم في المحكمة.....

بإذن الله غدا أول جلسة تنظر في الاتهام الموجه من الاستاذه منال عوض خوجلي عضو منبر سودانيزاونلاين
ضد السيد محمد ناصر العضو في منبر سودانيزاونلاين..(لا أدري ان كان مفصولا الآن أم موقوفا..أم قد اختار البعاد من نفسه)
الجلسة الاولي كان قد تم تأجيلها بناء علي طلب الدفاع ..

نرجو أن يحاول من يستطيع حضور الجلسة أن يحضر..فهذه أول قضية من نوعها في المحاكم السودانية..
ومن ناحية أخري نريد نقاشا عاما عنها بعد انتهاء القضية تماما..لفائدة الجميع..
أنظر

الجلسة في محكمة القسم الشمالي الساعة الحادية عشر صباحا..

Quote: فوق حتي رجوع الحق لصاحبته

ايوووووه

اخيرا فى زول حيودوهو المحكمة من المنبر ده
ده كلام نجيض

عشان الناس البتجى تبهت وتحيك القصص وتغتال الشخصيات

وعشان تانى الاساءة وبهتان الناس بالباطل ما يبقى بالمجان

أختاه..
أتمنى أن تنالى حقك ..وما ضاع حق وراءه مطالب..

Quote: تردد الخرطوم أقاويل عن تفاني محامي سوداني مشهور في قضية الدفاع عن محمد ناصر لكن بالخفاء..

Quote: تردد الخرطوم أقاويل عن تفاني محامي سوداني مشهور في قضية الدفاع عن محمد ناصر لكن بالخفاء..

ويقال يا بهاء أن سبب دفاعه عن المتهم بالخفاء هو خوفه علي صورته امام غيره من الزملاء
وغيرهم من الذين يعرفونه كمحام وناشط معروف..فهو يعلم تماما أنه يدافع عن خطأ!

كما ان الاجاويد لم تتوقف عن طرق الأبواب..
الرد الحاسم علي الجميع هو الاستمرار في الاجراءات القضائية..
لقد استقالت منال من وظيفتها بالمفوضيه حتي تستطيع أن ترفع دعواها القضائيه..
فلا وطيفه ولا اموال ولا أجاويد تصلح ما حدث..
العدل ورجوع الحق بالطريق القانوني هو ما يريح منال ويريحنا جميعا..

Quote: أختاه.. أتمنى أن تنالى حقك ..وما ضاع حق وراءه مطالب..

باذنه تعالي تنكشف الحقائق ويرجع الحق لصاحبه..
عين الله لا تنام!

شكرا صلاح..تابع معنا..

Quote: ايوووووه اخيرا فى زول حيودوهو المحكمة من المنبر ده ده كلام نجيض عشان الناس البتجى تبهت وتحيك القصص وتغتال الشخصيات وعشان تانى الاساءة وبهتان الناس بالباطل ما يبقى بالمجان

غدا يوم نتمناه يوم حق..
ليس لمنال فقط..
ولا لاسرتها وأحبائها فقظ..
بل للجميع..
لوضع أقدامنا في الطريق الصحيح وقفل الأبواب لمثل هذه التصرفات المشينه..
لنتعرف علي العدو الحقيقي..
كيف يبدو وماذا يقول وكيف يعيش بيننا ربما في صورة حامي للحق..
هذا ليس تعميم..
بل فتح اذهان لها بصيره قد يصيبها الخمول او الطيبة او تنقصها التجربه..
غدا..
نعرف أن العدو قد يكون له مظاهر مختلفه..
غدا وبعده..
نتعلم معا..
أن الحق لابد أن يظهر مهما طال الزمن وصعب المشوار..

شكرا يا ناجي..تابع معنا....

منى يا بت الخليفة
سلام وتحايا

Quote: غدا يوم نتمناه يوم حق.. ليس لمنال فقط.. ولا لاسرتها وأحبائها فقظ.. بل للجميع..

نعم من اجل الجميع لارساء مبادىء العدل ونصرة المظلوم


قاسم
هامش
راجعى البريد الالكترونى

الحبيبة منى

منصورات اليوم باذن الله

و يا ريت يا منى تملكو الحقائق للناس حتى يكون عبرة لغيره

هو و من يقف خلفه

و ما يفوتني أحييكم (بنات خوجلي و انعام و كل من احاط بتفاصيل القضية) على تكتمكم على ما ملكتموه من معلومات

و محافظتكم على سرية سير القضية حتى وصلت امام القاضي

ربنا يقويكم و يحميكم ان شاء الله

Quote: ربنا يقويكم و يحميكم ان شاء الله

يا سلام دي اجمل دعوه ليكم

يا بنات خوجلي يا جميلات

يا سلام دي اجمل دعوه ليكم

يا بنات خوجلي يا جميلات
_____________________________


سلام يا نادر...
لا ادري كيف يتحمل البعض مضرة الآخرين ولا يخاف من دوران الزمن وانتقام الجبار؟؟
لقد زاد عدهم بيننا يا نادر..
نفوس مدمرة وتريد تدمير الآخرين..
لذلك وجب الوقوف أمامهم بقوة..

تحياتي...وتابع معنا..

Quote: ليك جزيل الشكر لحسن ظنك في ولكن المر في حلقي وليتك راجعتي كل البوستات التي تخص الموضوع وانا في انتظار الناس ديل يرفعوا ضدي دعوي

انتا كمان ما تبالغ يا سيف مساوى
دعوى شنو البيرفعوها عليك .. انتا عسكرى سوارى بيجيب اخرك

Quote: الجلسة في محكمة القسم الشمالي الساعة الحادية عشر صباحا..

بل الجلسة الساعة الواحدة ظهرا .. في القسم الشمالي


القسم قريب من جمارك الخرطوم وموقف الخرطوم الجديد ما بين شارع على عبد اللطيف وشارع عبد المنعم محمد لمن لا يعرفه ..

Quote: بل الجلسة الساعة الواحدة ظهرا .. في القسم الشمالي

بالتوفيق إنشاء المولى

الاخوات انعام / منــى


تحيات عطــرات زاكيــات


اول واخر مرة ادخل المحكمة سنة 1986م قدمت طعن فى ناس بعدم احقيتهم بالتواجد فى كشف الناخبين


فى دائرة بحرى القديمة ..( يعنى سياسة من زمان ) القاضى كانت إمراة هرشتنى وحلفتنى على المصحف


وبعد داك شطبت ليــه الناس من السجل الانتخابــى .



كانت اول واخر قضية ارفعها و اكسبها ..


القاعــة صغيرة جدا .. الان هل سيتم ادخالنا للمشاهدة للجلسة ولا من خارج اسوار المحكمة .

الساعة واحدة زمــن مريــح انشاء الله حضور .

انشاء الله ربنــا يعطــى ويــرد لكل صاحب حـق او مظلوم مظلمتــه .

ترمـــات :

برضــو بعد الحكم ما يصدر ( العفـــو ) سمــح وبشبــه الناس السمحيــن البيعفـو عنــد المقدرة

Quote: Quote: الجلسة في محكمة القسم الشمالي الساعة الحادية عشر صباحا.. بل الجلسة الساعة الواحدة ظهرا .. في القسم الشمالي

Quote: الحبيبة منى منصورات اليوم باذن الله و يا ريت يا منى تملكو الحقائق للناس حتى يكون عبرة لغيره هو و من يقف خلفه و ما يفوتني أحييكم (بنات خوجلي و انعام و كل من احاط بتفاصيل القضية) على تكتمكم على ما ملكتموه من معلومات و محافظتكم على سرية سير القضية حتى وصلت امام القاضي ربنا يقويكم و يحميكم ان شاء الله

باذن الله ياسناء سنكتب بوست جديد نملك فيه الجميع كل الحقائق بعد انتهاء القضية..
وسيساعدنا من يحضر الجلسات..
وقد تكشف القضية أبعاد أخري غير واضحة الآن..
ليس فقط عن محمد ناصر..
بل عن من معه..
هل هم مجموعه أوشخص واحد..
لماذا منال؟؟
هل منال هي المقصوده أو منال وأخواتها؟؟
هل هناك تنظيم سياسي ينتمي له "المتهم"؟؟
ماهو دوره ان كان هناك؟؟

نوعدطكم بتمليككم الحقائق كامله..
وعلي من يتوسطون في الخرطوم وغيرها أن يتقوا الله..
فما لا يرضوه لأنفسهم يجب أن لا يرضوه لغيرهم..
وحسن النيه منهم أيضا لا تكفي..

عزيزتي سناء..

تعود البعض ان يتعدي الحدود علي الآخرين ويتمادي في ذلك..
تاره بالشتائم وتاره بتأليف الكذب..
ولا ضمير لديهم يحاسبهم..
ولا يخافون من غضب الله الذي ينزله علي الظالم كيفما يشاء هو..

تابعي معانا ياسناء..

Quote: نعم من اجل الجميع لارساء مبادىء العدل ونصرة المظلوم قاسم هامش راجعى البريد الالكترونى

سلام يا قاسم..لعلك بخير..

النصرة للمطلوم باذنه تعالي..

أرسلت لك ردا علي رسالتك..

خليك معانا..

Quote: عشان الناس البتجى تبهت وتحيك القصص وتغتال الشخصياتوعشان تانى الاساءة وبهتان الناس بالباطل ما يبقى بالمجان

100% يا ناجي ، فما اكثر الإساءات والمحاولات المستمية لأغتيال الشخصيات .



بالتوفيق منال خوجلي .. خطوة عملية ومتحضرة .




تحياتي منى خوجلي.

Quote: بالتوفيق منال خوجلي .. خطوة عملية ومتحضرة . تحياتي منى خوجلي.

مرحب داليا..

الطريق طويل..لكن نهايته خير باذن الله..
فكل ما يأتي بفائده نسعد به مهما طال الزمن له..

تحياتي..

Quote: اتفق معك اخي مرتضى اللجوء للقانون سلوك حضاري ونود ان نعلي من قيمة احقاق الحق حتى لا يتطاول الانسان على اخيه الانسان دون عقاب رادع ولا ضمير .. ولأن الحقيقة هنا اصبحت ملونة بالوان عدة لابد من حسم الامور بهذه الطريقة الواعية .. احيي الاخت منال ومنى واشد من اذرهم تحياتي

سلام القلب النابض..

اللجوء للقانون يصبح بجانب الحصول علي الحق واجبا علينا..
حتي نحمي المجتمع من المعتدين الذين ليس عندهم سقف للخوف ولا احترام الانسانيه..
أواقفك تماما أن الحقيقه اصبحت ملونه..
الا أننا لنو نتوقف امام لون من يدعيها هنا..
ستكشفه المحكمه وسنأتي بعد المحاكمه باذن الله لتوضيح الحقائق الصغيره التي لم يأت ذكرها...


غدا 30 مارس الساعة 11 صباحا الجلسه الخاصة بقضية منال ضد محمد ناصر..
الرجاء حضور من يستطع منكم الحضور..

تابعي معنا البوست الجديد..

Quote: فوق حتي رجوع الحق لصاحبته

سمؤال..ياربي قدرت تحضر؟؟

ـــــ

Quote: سمؤال..ياربي قدرت تحضر؟؟

انا حضرت بس بي قلبي





منتصرين علي جميع الظالمين إن شاء الله


كل التحايا والأشواق استاذة مني

Quote: انا حضرت بس بي قلبي منتصرين علي جميع الظالمين إن شاء الله كل التحايا والأشواق استاذة مني

ازيك يا عماد؟؟
ووين انت غايب كتير كده؟؟
عارف المره الفاتت كان في ظروف مرض واتأجلت الجلسه..
يارب المرة دي ما يكون في زول عيان..علشان نخلص..
وعلشان ذاته ماعايزين زول يمرض!

تم تأجيل الجلسه حتي 30 مارس 2009..بسبب طلب الدفاع ذلك بحجة المرض!

30 مارس ما بعيد..واحنا بالنا طووويل..
وصاحب الحق ما بييأس..


حصر الجلسة عدد مقدر من البورداب..

سلام يا منى

اظن محامي الطرف التاني خسر فرصة تأجيل تالته لانو ما حضر هو زاتو و رسل مندوب من مكتبو يطالب بالتأجيل لمرض المدعى عليه.
اها قام القاضي انفعل و قرر انو لابد من حضور المدعى عليو حتى لو يجي في سرير المرض و لازم حضور المحامي و لا يقبل عذر .
اها المحامي لو كان كلف روحو و جا بنفسو كان المره الجايه يعتذر انو هو ما قدر يجي .
لكن كده الاعذار كملت .
المره الجاية يا تبدا المحكمة يا الضامن زاااتو يخش الحراسة.


و حقك يا منال ما بيروح

ده ذكرني لما طالب يدك المدرسة و الاستاذ يسأله فيقول كنت عيان! العيان دا المحامي و لا المتهم؟.. مشتاقين و ما لامين في ونستك!

غايتو يا سعد الدين انا لو كنت قاعد قدام شوية كان كتبت ليكم بوست " مشيت ليكم محاكمة محمد ناصر "
غايتو السمعتو و شفتو كالأتي في حتة العيا دي :
القاضي : الزول ده وين ؟
الضامن : عيان
القاضي : عيان كيف ؟
الضامن : راقد في البيت
القاضي : راقد في البيت ساي كده ؟ مافي ما يثبت ؟
الضامن : ( يبتسم )*
القاضي : مافي كلام زي ده . لازم يجيب لينا ورقة انو عيان يا نحن بنقبضو و بنعالجو بطريقتنا.(ينظر للمحامي )
المحامي : ( مدنقر بيكتب )
القاضي : المره الجايه الزول ده تجيبوهو حتى لو في سرير و الا بنقبض الضامن ده طوالي
الضامن : ( يبتسم )
المحامي : انشاء الله ( و هو يكتب )


(ستار )


ياخ القاضي زاتو اتمحن قرب يحكم ساي بدون ما يسمع اي طرف لأنو شكلو كان ممغوس شديد
ـــــــــــــــ
* الزول ده عندو ابتسامة نقية خلاص .. كأنو ما ضامن ليو متهم .. ده لو أنا كان اكون ملاوز لحدي ما المحكمة تخلص

Quote: الزول ده عندو ابتسامة نقية خلاص .. كأنو ما ضامن ليو متهم .. ده لو أنا كان اكون ملاوز لحدي ما المحكمة تخلص

شوفت الابتسامه النقيه دي..
ذكرتني بوطنية وديموقراطية المتهم ونشاطه الانساني!


الرسول فيك المره الجايه أحضر وأكتب لينا سيناريو الأحداث..

Quote: القاضي : المره الجايه الزول ده تجيبوهو حتى لو في سرير و الا بنقبض الضامن ده طوالي

الصحيح الضامن دا ما حيشوف الشمس تاني









______
كنت قاعد ورا حمور بمقعدين

Quote: كنت قاعد ورا حمور بمقعدين

سمح المقعدين القدامك وورا حمور.. الكان قاعد فيهم منو؟؟







مافي وشوش لكن!

سلامات بنات الخليفة


متابعين معاكم وعليكم بالصـــبر ... التكتيك واضـــــــح.



فقط تحمّلــــــوا محنة الإجراءات.

Quote: اظن محامي الطرف التاني خسر فرصة تأجيل تالته لانو ما حضر هو زاتو و رسل مندوب من مكتبو يطالب بالتأجيل لمرض المدعى عليه.

حمـور سلامات ... شكراً على التفاصـــيل.


أشك أن مثل هذا التكتيك وراءه محامٍ كبير .... لا تستمعــوا للإشاعات.

يا ستي منى النصيحة الواحد يقولا
المتهم ما عارف حاجتو دي
لكن و الله الضامن عندو ابتسامه بشوشه خلاص
صلاة النبي زي اعلان المعجون

Quote: الصحيح الضامن دا ما حيشوف الشمس تاني

يا وهبة ..
ده قاضي وله صلاح نصر البيقول كده ده ياخ ؟

Quote: أشك أن مثل هذا التكتيك وراءه محامٍ كبير

تعرف يا ابو بكر أظن المحامي القدير ما كان بيحرق كرتين تأجيل في مره واحدة
فرصة تأجيل غياب المدعى عليه دي واحده
و فرصة غياب محامي الدفاع دي فرصة تانية
لكن المحامي ختاهم الاتنين في سلة واحده ففقدم
طبعا لسه عندو فرص تأجيل تانيه بعد سماع الوقائع ممكن يأجل في تقديم مرافعة الدفاع.
لكن ما اظنها اكتر من فرصة واحدة بعد ده.
يعني الجرجره كل ما تكتر كل ما بتقلل فرص تانيه.
و اصلو ما ضاع حق وراءه مطالب.
المحامين بيلجأو للتأجيل عشان المدعي يزهج او تظهر بينة في صالحم.
و ما اظن واحده من ديل بتحصل.
لا منال الشفتها الليلة متحمسه دي بتزهج لا في بينة بتظهر الا ظهور محمد ناصر نفسو .
و ده اظنو عز الطلب لمنال.

اها المره الجايا يقول شنو؟؟؟


مثال
1- جدادتنا عيانه
2- احتمال كديسة الجيران عنده ملاريا والجيران بيحبوهو وبيضمنوهو شديد قالو ليهو ياخ ما تاخدا للطبيب البيطري؟؟؟
السيد المتهم ياخ ماتجي وتخلص ونخلص ( هم كلهم بيجو ويرجعو إشمعنا انت )

حمور قال: الابتسامه بتاعت الضامن حلوه... ما هو ما عندو الا (تبسم في وجه اخوك صدقه) .. يمكن يكون عامل بالمثل دا

المهم المره القادمه يشوف عذر مقبول ولا ياكل نيم

(وحقك يا منال مابيروح)

is this a court room or workplace ?
___
Call sick!
March 30th is coming so quick
don't waste time, the clock clicks
when you heard a tic
you have less clicks
you better come with a trick
I know you're a slick
Press 1 for help or call your chick

قال المتهم مريض
ما مشكلة نتبرع بي علاجو
عشان يوم تلتين يجي جاهز للحلاقة
والباقي اتخيلوهو بس

إنْ أبْطـَأتْ غـَارَةُ الأرْحَامِ وإبْـتـَعـَدَتْ فـَأقـْرَبُ السَّيْرِ مِنـَّا غـَارَةُ اللهِ
يا غـَارَةَ اللهِ جـِدِي السـَّيـْرَ مُسْرِعَة في حَلِّ عُـقـْدَتـِنـَا يَا غـَارَةَ اللهِ
عَدَتْ العَادونَ وَجَارُوا وَرَجَوْنـَا اللهَ مُجـيراً
وَكـَفـَى باللهِ وَلـِيـَّا وَكـَفـَى باللهِ نـَصِيراً

Quote: is this a court room or workplace ? ___ Call sick! March 30th is coming so quick don't waste time, the clock clicks when you heard a tic you have less clicks you better come with a trick I know you're a slick Press 1 for help or call your chick

والله يا ياسر محاولاتهم وطريقتهم فعلا زي الناس المرضت فجأة وغابت من الشغل ولا المدرسة..
لكن الفاضي بيكون فاهم الحركات دي وما اظن يسمح بيها تاني!

Quote: اها المره الجايا يقول شنو؟؟؟ مثال 1- جدادتنا عيانه 2- احتمال كديسة الجيران عنده ملاريا والجيران بيحبوهو وبيضمنوهو شديد قالو ليهو ياخ ما تاخدا للطبيب البيطري؟؟؟ السيد المتهم ياخ ماتجي وتخلص ونخلص ( هم كلهم بيجو ويرجعو إشمعنا انت ) حمور قال: الابتسامه بتاعت الضامن حلوه... ما هو ما عندو الا (تبسم في وجه اخوك صدقه) .. يمكن يكون عامل بالمثل دا المهم المره القادمه يشوف عذر مقبول ولا ياكل نيم (وحقك يا منال مابيروح)

أو يقول..حصل حادث أخرنا في الطريق..
ولا جيرانا ابوهم مات والعزاء في بيتنا..
أصابني الذهول وحالة تبلد فجأه وماعرفت أنا المفروض أجي المحكمة الليله ولا بعد بكره!


كل أول وليه آخر..والصبر موجود والحمدلله ياابراهيم...

Quote: تعرف يا ابو بكر أظن المحامي القدير ما كان بيحرق كرتين تأجيل في مره واحدة فرصة تأجيل غياب المدعى عليه دي واحده و فرصة غياب محامي الدفاع دي فرصة تانية لكن المحامي ختاهم الاتنين في سلة واحده ففقدم طبعا لسه عندو فرص تأجيل تانيه بعد سماع الوقائع ممكن يأجل في تقديم مرافعة الدفاع. لكن ما اظنها اكتر من فرصة واحدة بعد ده. يعني الجرجره كل ما تكتر كل ما بتقلل فرص تانيه. و اصلو ما ضاع حق وراءه مطالب. المحامين بيلجأو للتأجيل عشان المدعي يزهج او تظهر بينة في صالحم. و ما اظن واحده من ديل بتحصل. لا منال الشفتها الليلة متحمسه دي بتزهج لا في بينة بتظهر الا ظهور محمد ناصر نفسو . و ده اظنو عز الطلب لمنال.

Quote: أشك أن مثل هذا التكتيك وراءه محامٍ كبير .... لا تستمعــوا للإشاعات

سلام يا أبو بكر..

عارف قصة المحامي دي حصلت قبل ايام قليله "زي ماقالوا"
غايتو محامي كبير ولا ما كبير..الحق ما بيضيع..والله أكبر!

Quote: أشك أن مثل هذا التكتيك وراءه محامٍ كبير .... لا تستمعــوا للإشاعات.

سلام يا ابوبكر..

ده ذكرني لما طالب يدك المدرسة و الاستاذ يسأله فيقول كنت عيان! العيان دا المحامي و لا المتهم؟.. مشتاقين و ما لامين في ونستك!



غايتو يا سعد المره الأولي المحامي بته كانت عيانه..
والحمدلله من الله عليها بالشفاء..
المرة دي المتهم ذاته عيان..بس قالوا لا قدم اورنيك ولا ورق رسمي يوضح مرضه..
برضه الله يشفيه..
ويطول في عمره ويحضر الجلسة الجايه..

قول آمين!

Quote: وعلي من يتوسطون في الخرطوم وغيرها أن يتقوا الله.. فما لا يرضوه لأنفسهم يجب أن لا يرضوه لغيرهم.. وحسن النيه منهم أيضا لا تكفي..

.. دا كلام مظبوط يا منى
في نوعيـة كدا ما عارفه انو الجمرة بتحرق الواطيهـا .. عاادي جدا يتوسط ليك .. ويعمل فيها سفير نوايـا حسنة في قضايا صعبة زي دي .. لكن ما عارف العامل النفسي والاثر البتخلفو الاشياء دي ..
واصلو .. من غير وصايـا .. وكل صاحب حق ياخد حقـو ..
في نوعية كدا لو ما شافت العين الحمراء .. بتعتبرو لعب الانترنت دا ..

العزيزه مني:

سعيده بالخطوه الجريئه والقويه التي ابتدرموها,
في لجوئكم الي القضاء اقتصاص من الجاني,
وتخويف لكل متهاون بأثر الكلمه الطائشه أو المتعمده,
وردع لكل من تسول له نفسه اتهام الأبرياء بدون بينه..
أو من يظن أن مواجهة الظالم والنصر عليه أمر شاق وعسير فيستسهل الاذي..

أسأل الله أن يعود لمنال حقها حتي ترضي..
وأن نسعد بنصرها ...
يوم يعض الظالم علي يديه....

المي حااااااار ماهو لعب قعونج!

Quote: المي حااااااار ماهو لعب قعونج!

أي حدثو..

تحسبه لعب؟!

Quote: العزيزه مني: سعيده بالخطوه الجريئه والقويه التي ابتدرموها, في لجوئكم الي القضاء اقتصاص من الجاني, وتخويف لكل متهاون بأثر الكلمه الطائشه أو المتعمده, وردع لكل من تسول له نفسه اتهام الأبرياء بدون بينه.. أو من يظن أن مواجهة الظالم والنصر عليه أمر شاق وعسير فيستسهل الاذي.. أسأل الله أن يعود لمنال حقها حتي ترضي.. وأن نسعد بنصرها ... يوم يعض الظالم علي يديه....

اللهم آمين يا أماني..

عارفه منال قدمت استقالتها مخصوص علشان تقدر تباشر القضية دي..
يعني الموضوع بالنسبة ليها ما ساهل..
وباذن الله ربنا ينصرها وتظهر الحقيقه كامله..
وعلي كل من شكك في منال أن يتابع المحاكمة لعله يتعلم ان لا يظلم الغير..

خليك معانا يا أماني....

Quote: .. دا كلام مظبوط يا منى في نوعيـة كدا ما عارفه انو الجمرة بتحرق الواطيهـا .. عاادي جدا يتوسط ليك .. ويعمل فيها سفير نوايـا حسنة في قضايا صعبة زي دي .. لكن ما عارف العامل النفسي والاثر البتخلفو الاشياء دي .. واصلو .. من غير وصايـا .. وكل صاحب حق ياخد حقـو .. في نوعية كدا لو ما شافت العين الحمراء .. بتعتبرو لعب الانترنت دا ..

والعين الحمرا دي يا تمبس.. ان شاء الله القضية دي توريها ليهم..
لانهم لا يخافون علي أنفسهم ولا علي أسرهم وليس من ضمير يؤرقهم عن ظلمهم للغير..
فاليواجهوا النتيجة اذا وليكونوا عبره للآخرين من الذين اسول لهم أنفسهم المريضه التعدي علي الآخرين..
تابع معانا القضية في بوست جديدد باذن الله..

الحبيبات منال ومنى..

كامل التضامن إلى أن يظهر الحق وتشع الحقيقة..

ولا مجال للجودية والوساطة.. فالحق حق

ودي الوافـــر

Quote: الحبيبات منال ومنى.. كامل التضامن إلى أن يظهر الحق وتشع الحقيقة.. ولا مجال للجودية والوساطة.. فالحق حق ودي الوافـــر

سلام يا رجويه..

باذن الله يظهر الحق..
وكما قلت لن نسمح بجوديه ووساطه تسمح للظالم أن يفلت..
وللأخظاء الجسيمه في حق الغير أن نمارس بدون خوف!

تابعي معانا يا رجاء فالموضوع فوق اي طاقة تحمل عند أي انسان..

شكرا لكل من مر بهذا البوست قارئا أو معلقا..
شكرا لكل من دعم السعي وراء الحق..
.....
.....

بهذا أقفل هذا البوست وأرسله للأرشيف..آمله أن تتمكن الأستاذه منال أو من له قدرة المتابعه من هناك
علي فتح بوست جديد للمرحله القادمه..
أرجو منكم المتابعه..
فالجلسه القادمه تبقي عليها اقل من اسبوعين وستكون الثالثه باذن الله..
تم تأجيل الجلستين الأوائل ونتمني أن تكون الجلسه القادمه قائمه..

تحياتي لكم جميعا..

محكمة: منال عوض خوجلي ضد وائل طه!

نسأل الله أن يحق الحق

Quote: نسأل الله أن يحق الحق

اللهم آمين..

تم تحويل الجلسه لرئيس هيئة القضاء العالي..

هل فى احتمال ولو 1% ظهور الزميل محمد ناصر؟!


تحياتي

Quote: هل فى احتمال ولو 1% ظهور الزميل محمد ناصر؟! تحياتي

استمر التحقيق في هذه القضية بواسطة النيابه شهورا طويله..
ولم تتوصل الي محمد ناصر كشخص له كينونه حقيقيه كما جاء في التحقيقات
وبناء علي ذلك حولت قضيتها الي المحكمه ببلاغها المعروف..

لا أعرف ان كان هناك اي احتمال لظهور محمد ناصر أم لا..
ولا أدري ان كان هناك اصلا محمد ناصر او أن شخص محدد ينتحل الاسم..
الا أن هناك شكوكا في وجوده..
المحكمة وأحداثها ستكشف المؤكد..
هكذا نأمل..


تحياتي وتقديري..