Post: #1
Title: مكوجي للأيجار!
Author: Muna Khugali
Date: 01-02-2008, 10:41 PM
Parent: #0
........
........
الهيصات انتهت والتنزيلات في الحلات الماليه الشوارع ماتدي الدرب..
والقروش شويه والحاجات كتيره..وعايزين نزيد الدخل وكده...
قلنا نكوي...
العنده مكوه يجيبها هنا والأسعار بنوريها ليكم بعدين...
ملحوظه:-
غسيل مافينا..سمح؟!
|
Post: #2
Title: Re: مكوجي للأيجار!
Author: عزيز عيسى
Date: 01-02-2008, 10:48 PM
Parent: #1
يا منى بتعرفي تكوي مكوى سيف؟
عندي بطانية عايز أكويها
بتكلف كم؟
|
Post: #4
Title: Re: مكوجي للأيجار!
Author: Muna Khugali
Date: 01-02-2008, 10:56 PM
Parent: #2
أماني ماك غتيت!
آآآآآآآي بعرف..
بطبقها وأكويها لغاية ماتبقي سيف..
البطانيه الوزنها 5 كيلو ب12 جنيه استرليني..
و3 كيلو ب9 جنيه..وما تسألني اشمعني الفرق قدر ده..
أسعري وانا حره فيها..
يللا جيبها ومعاها القروش..
لأنه لو استنيت للنهايه امكن انت تشوف الحرقه وماتديني قروشي!
كل سنه وانت طيب..
|
Post: #44
Title: Re: مكوجي للأيجار!
Author: Mubarak kunna
Date: 01-05-2008, 10:24 PM
Parent: #4
Quote: أماني ماك غتيت!
آآآآآآآي بعرف..
بطبقها وأكويها لغاية ماتبقي سيف..
البطانيه الوزنها 5 كيلو ب12 جنيه استرليني..
و3 كيلو ب9 جنيه..وما تسألني اشمعني الفرق قدر ده..
أسعري وانا حره فيها..
|
ههههههه دى لحمه مستورده ولا بطانيه بالكيلو
اسعارك بس اسعار بترول
|
Post: #45
Title: Re: مكوجي للأيجار!
Author: Muna Khugali
Date: 01-05-2008, 10:32 PM
Parent: #44
Quote: ههههههه دى لحمه مستورده ولا بطانيه بالكيلو
اسعارك بس اسعار بترول |
في ضومتك دي اسه اسعار غاليه؟؟
طبيق البطانيه براه يملخ الضراعات!
وبعدين مالها اسعاري ان بقت اسعار بترول.. ما نحنا بلدنا بلد بترول والحرب وقفت وعندنا حكومه سمحه وغاليه شمال وجنوب بتنتج لينا في البترول سااااكت..
يبقي لازم كمان اسعارنا تكون حلوه وغاليه زيها ولا شنو؟؟
أسه ويني هدومك الات المكوي؟؟
|
Post: #3
Title: Re: مكوجي للأيجار!
Author: محمد عثمان
Date: 01-02-2008, 10:55 PM
Parent: #1
فحم ولا كهرباء..؟؟؟
منى..
كل سنة و انت طيبة..
|
Post: #5
Title: Re: مكوجي للأيجار!
Author: kamal ali
Date: 01-02-2008, 11:08 PM
Parent: #3
منى خوجلى
مساء الورد, صاحبى ابوساندرا عندو فيزا بتاعة مكوجى كان عايز يجيب بيها هندى .
اها رأيك شنو نحولها لمكوجى انجليزى , وتجى هنا محل القروش الكتيره دى ,
( تبرى انتى ياولادة الخمج )
تحيات بالدسته ,,
|
Post: #22
Title: Re: مكوجي للأيجار!
Author: Muna Khugali
Date: 01-03-2008, 02:51 PM
Parent: #5
Quote: منى خوجلى
مساء الورد, صاحبى ابوساندرا عندو فيزا بتاعة مكوجى كان عايز يجيب بيها هندى .
اها رأيك شنو نحولها لمكوجى انجليزى , وتجى هنا محل القروش الكتيره دى ,
( تبرى انتى ياولادة الخمج )
تحيات بالدسته ,, |
لكن انا ماعايزة كمال أخوي اسه تحيات بالدسته..انا عايزه حق الدسته
وكمان فكرة الفيزا دي حلوه شديد..لكن تفتكر في مشكله في الجنسيه؟؟
لو في مشكله ممكن أنفق مع زوج بتي يجيكم هو بنصه الهندي..
.....
.......
ابري شنو؟ يا حليلك!
اريتها هي كان بقت علي البخ والمكوي والطبيق والرص في الدواليب!
يا زول بقينا زي الماكينات شغالين زي المجانين..
رسل الملايات والقمصان..واوعاك ترسل لي قمصان شينه زي البيلبسوها الرجال البيستضيفوهم
ديلك في تلفزيون السودان عشان أكويها كويس؟؟
|
Post: #7
Title: Re: مكوجي للأيجار!
Author: Muna Khugali
Date: 01-02-2008, 11:27 PM
Parent: #3
Quote: فحم ولا كهرباء..؟؟؟
منى..
كل سنة و انت طيبة.. |
لالا يا محمد المكوه الفحم بيطلع منها شرارات تقد الملابس..احسن كهربا..
انت مابتعرف تكوي ولا شنو يا زول؟؟
جيب قمصانك وبنطلوناتك..والملايات اسعارها براها..سمح؟!
خلاص بس كلمتك..
|
Post: #6
Title: Re: مكوجي للأيجار!
Author: انعام حيمورة
Date: 01-02-2008, 11:08 PM
Parent: #1
مكوة العيد خلصت ؟؟
نسيتي حاجات هنا!! الحقها ليك تكويها ..
كل سنة وانتي مكوجية تمام ..
|
Post: #26
Title: Re: مكوجي للأيجار!
Author: Muna Khugali
Date: 01-03-2008, 06:40 PM
Parent: #6
Quote: مكوة العيد خلصت ؟؟
نسيتي حاجات هنا!! الحقها ليك تكويها ..
كل سنة وانتي مكوجية تمام .. |
ما أنا منتظراك تجيبي المكوه العندك..
انتي اليوم داك وقت لقيتيني في العيد قاعده أكوي..يا كافي البلا ما تقولي
لي بساعدك لا حاجه؟؟
اسه اكان قدمتي السبت كان لقيتي الأحد!
جيبي الملابس والملايات وكله بتمنه!
وبعدين مافيها انتي صاحبتي ولا مافي بيناتنا...
اصله انا ضهري انقصا من المكوي أم بلاش دي
أخير ينقصا بي قروش!
|
Post: #8
Title: Re: مكوجي للأيجار!
Author: Muna Khugali
Date: 01-03-2008, 00:18 AM
Parent: #1
وأنا اقول شوفتك وين؟؟
وسبب اني قررت ابقي مكوجي الطلبان في البوست أعلاه!
|
Post: #9
Title: Re: مكوجي للأيجار!
Author: Salah Waspa
Date: 01-03-2008, 00:47 AM
Parent: #8
منى
كل سنه وإنتي طيبة
صلاح
|
Post: #10
Title: Re: مكوجي للأيجار!
Author: Muna Khugali
Date: 01-03-2008, 01:09 AM
Parent: #9
صلاح هي كل سنه وانتي طيبه عدلتها مرتين..
أمل بقي لو كانت انشالله تموتي يا بعيده..كان عدلتها كم مره؟؟
شنو..ماعندك مكوه؟؟
وما حكت لينا..
راس السنه كان كيف؟؟
كل سنه وانت طيب يا جميل..
|
Post: #11
Title: Re: مكوجي للأيجار!
Author: محمد عثمان الحاج
Date: 01-03-2008, 01:17 AM
Parent: #10
تحياتي منى وإيه حكاية المكوة دي، ليلة رأس السنة وضعت المكوة جانبا و نظرت لساعتي واكتشفت أن عدة دقائق مرت بعد منتصف الليل يعني أنا بديت السنة دي وأنا بكوي! الله يستر!
|
Post: #12
Title: Re: مكوجي للأيجار!
Author: Muna Khugali
Date: 01-03-2008, 01:27 AM
Parent: #11
| Quote: تحياتي منى وإيه حكاية المكوة دي، ليلة رأس السنة وضعت المكوة جانبا و نظرت لساعتي واكتشفت أن عدة دقائق مرت بعد منتصف الليل يعني أنا بديت السنة دي وأنا بكوي! الله يستر! |
ولا يهمك يا محمد عثمان..اتفائل وابدا ما تخاف!
انت عارف اني بعرف اقرا البخت وافسر احداث الواقع ليس كما تبدو؟؟
ان شاء الله وباذن الله هاتكون مكوجي قدر الدنيا
|
Post: #13
Title: Re: مكوجي للأيجار!
Author: Salah Waspa
Date: 01-03-2008, 03:24 AM
Parent: #12
| Quote: أمل بقي لو كانت انشالله تموتي يا بعيده..كان عدلتها كم مره؟؟ |
ياخي بعد الشر وإنشاء الله البكرهوك مع إنو مؤكد مستحيل يكون في
يا بت الخليفة زول بكرهك وطولة العمر ليك وبعدين منو الحيكوي
لينا ( وش مدنقر مسيكيين ) .
| Quote: شنو..ماعندك مكوه؟؟ |
القال ليك منو الهدوم مردومة الحكاية وما فيها إتذكرتي جلابتين كنت
رسلتهم لي محلكم ولغاية هسه ما جاوني رادين وكل مرة أفتح الباب
أقول إمكن صبي دكانكم جابهم ونابي يطلع على شونه لغاية ما قنعت
ومستنين الفرج جلاليبي راحو ولا شنو ?? قولي الجد مابزعل !!
Quote: وما حكت لينا..
راس السنه كان كيف؟؟ |
رأس السنه قضيت نصه أو ربعه في الحفله وبدأت عامي الجديد ملازم
إبنتي دنيا في الإميرجنسي وإنشاء العام القادم بعاصمة الضباب قولي
آمين وتكونوا ونكون سالمين غانمين ومحتفلين بي ولد آية وعامه الأول .
راجعي بوست حيدر قاسم بتاع رأس السنه عشان ما كفرتي لي ??
| Quote: كل سنه وانت طيب يا جميل.. |
وإنتي طيبة يا رائعة
صلاح واسبه
|
Post: #14
Title: Re: مكوجي للأيجار!
Author: عبدالمنعم الرزوقي
Date: 01-03-2008, 03:59 AM
Parent: #13
الاستاذة مني خوجلي
تذكري عندنا في مصر مكوة الرجل ( بكسر الراء )
لانها هي المكوة السيف
ولو ما طلعت سيف
ما بحاسبك
( وجوه متعفرتة )
|
Post: #15
Title: Re: مكوجي للأيجار!
Author: سمية الحسن طلحة
Date: 01-03-2008, 07:50 AM
Parent: #14
مني كل سنة وإنتي طيبة ياعسل رايق مصفى
أعتقد أن أنا أول من قدم لك طلب في البوست إياه
وما عبرتيني ولا رديتي على مداخلتي أتاريك عاوزة تعلمي لحسابك
|
Post: #33
Title: Re: مكوجي للأيجار!
Author: Muna Khugali
Date: 01-04-2008, 02:11 AM
Parent: #15
Quote: مني كل سنة وإنتي طيبة ياعسل رايق مصفى
أعتقد أن أنا أول من قدم لك طلب في البوست إياه
وما عبرتيني ولا رديتي على مداخلتي أتاريك عاوزة تعلمي لحسابك |
فرحانه شديد سا سمسم؟؟
أها شيلي شيلتك..
شوفتي ونستنا دي..في واحد بكلاكيع قال قاصدين مجموعتهم بيها!
نبطل المكوه يعني ولا شنو؟؟
ولا نبطل الكلام عليها؟؟
خلاص نلبس الملابس مكرفسه وخلاص..
ولا اقول ليك..
بنكوي والدسته بي 17 جنيه و33 بنس
وأنا لسه مارديت ليك هناك علشان كنت عامله المحل ده مفاجأه..
"داري علي شمعتك تقيد"
واستعينوا في قضاء حوائجكم بالكتمان"
وبكوي ليك توب واحد ببلاش..سمح أختي؟؟
|
Post: #37
Title: Re: مكوجي للأيجار!
Author: Muna Khugali
Date: 01-04-2008, 06:33 PM
Parent: #14
Quote: الاستاذة مني خوجلي
تذكري عندنا في مصر مكوة الرجل ( بكسر الراء )
لانها هي المكوة السيف
ولو ما طلعت سيف
ما بحاسبك
( وجوه متعفرتة ) |
بتذكر ايوه يا عبد المنعم حتي مره بالأماره طلعت عليها بكل تخني علشان اضغطها كويس وتطلع سيف..قامت الطربيزه اتكسرت!
مابسمع نصيحتك المهببه دي تاني..
وبعدين ما بحاسبك دي ما تجي بعدين بعد ما اسلمك الملابس تزيد عليها بس بعاتبك
( وجوه ميته علي روحها من الخوف)
|
Post: #29
Title: Re: مكوجي للأيجار!
Author: Muna Khugali
Date: 01-03-2008, 09:27 PM
Parent: #13
Quote: رأس السنه قضيت نصه أو ربعه في الحفله وبدأت عامي الجديد ملازم
إبنتي دنيا في الإميرجنسي وإنشاء العام القادم بعاصمة الضباب قولي
آمين وتكونوا ونكون سالمين غانمين ومحتفلين بي ولد آية وعامه الأول .
راجعي بوست حيدر قاسم بتاع رأس السنه عشان ما كفرتي لي ?? |
سلامة دنيا يا صلاح..ليه كده؟؟
الحمدلله علي كل حال وبركه الأطمأنيتو عليها..
عارف انا قريت الاميرجنسي كيف؟؟
كده..
الأمير....جنسي؟؟
قلت ياربي الزول ده منو؟!
ربنا يحقق الأماني ويمشي بي هناك أكفر ليك أخوي...
ممكن تكوي معاي شويه؟؟
وتكون مكوه طوعيه..يعني ما تقسم القروش معاي...سمح؟؟
|
Post: #18
Title: Re: مكوجي للأيجار!
Author: عثمان حسن الزبير
Date: 01-03-2008, 09:13 AM
Parent: #12
منى والأسرة الكريمة
كل عام وأنتم بخير ..
وربنا يحقق كل الأمنيات الجميلة ...
|
Post: #50
Title: Re: مكوجي للأيجار!
Author: Muna Khugali
Date: 01-06-2008, 01:16 AM
Parent: #18
Quote: منى والأسرة الكريمة
كل عام وأنتم بخير ..
وربنا يحقق كل الأمنيات الجميلة ... |
كل سنه وانت واسرتك بألف خير..
ربنا يجعله عام تغيير للأحسن...آمين
|
Post: #16
Title: Re: مكوجي للأيجار!
Author: أحمد الشايقي
Date: 01-03-2008, 08:12 AM
Parent: #1
الرائعة منى
كل عام وانتي بخير
وسنة حلوة عليك يا رب
تعرفي أنا معاك أحسن ماتـش لأني بحب الغسيل وما بحب الكي يعني كدا تمام
طبعا ما عندي ليك قروش أنا بغسل ليك وانتي أكوي لي
رأيك شـنو
أحمـد
|
Post: #54
Title: Re: مكوجي للأيجار!
Author: Muna Khugali
Date: 01-06-2008, 03:35 PM
Parent: #16
Quote: الرائعة منى
كل عام وانتي بخير
وسنة حلوة عليك يا رب
تعرفي أنا معاك أحسن ماتـش لأني بحب الغسيل وما بحب الكي يعني كدا تمام
طبعا ما عندي ليك قروش أنا بغسل ليك وانتي أكوي لي
رأيك شـنو
أحمـد |
دي فكره حلوه خالص يا احمد..
لكن عارف انت مع الغسيل لازم تعمل حاجه تانيه.لأنه اساسا الغسيل ساهل..
بس تفرز الأبيض من الألوان التانيه علشان احتمال حاجه تهد..وتدخلهم الغساله وتضيف الصابون..
وتشغلها وتبرمجها براها بتنشف..يعني كده انت لو استلمت الغسيل بس بتكون استهبلتني..
معقول انت تستهبل منويه؟
حرام ربنا بيسألك!
خلاص انت اغسل ورص في الولاب..واصله الفاتح بيبخ الملابس والملايات وبعدين يكويها..
الله يرضي عليكم أخواني الحلوين...
ياربي في زول ممكن يطبخ معاي؟؟
|
Post: #17
Title: Re: مكوجي للأيجار!
Author: sama7
Date: 01-03-2008, 08:26 AM
Parent: #1
سلام منى
وكل سنة وكلكم طيبين
| Quote: والقروش شويه والحاجات كتيره..وعايزين نزيد الدخل وكده |
والله لك حق... بعدين الاسترلينى دا بجى ممحق وبنتهى قبل ما يعدوه
خلاص شوفي لى معاك مساعد مكوجى
انت اكوى وأنا بطبق
(على فكرة مكوجية على السكين) بس مشكلتى شغالى ببلاش
مودتى
سماح
|
Post: #56
Title: Re: مكوجي للأيجار!
Author: Muna Khugali
Date: 01-06-2008, 07:44 PM
Parent: #17
Quote: والله لك حق... بعدين الاسترلينى دا بجى ممحق وبنتهى قبل ما يعدوه
خلاص شوفي لى معاك مساعد مكوجى
انت اكوى وأنا بطبق
(على فكرة مكوجية على السكين) بس مشكلتى شغالى ببلاش
مودتى
سماح |
ازيك يا سموحه..شوفتي شوفتي عليك الله
السترليني ده بيطير كيف؟؟
تصدقي مش العمله الورقيه بس ..حتي العمله المعدنيه بتطير!!
انتي كدي أديني فرضه..ابني المحل ده شويه شويه..لغاية مايكبر ويعمل ليه سوق..
وبعدين أشغلك..
ولا اقول ليك فكره..
انتي اسه تعالي طوالي بدل مابتكوي هناك بدون قروش تجي تكوي معاي بشهادة خبره..
يعني تتمي معاي قولي زي 6 شهور كده..بعدين أكتب ليك شهاده معتبره..تنفعك في مستقبل ايامك كموجيه..قلتي شنو؟؟
لو بتعرفي ناس تانيه دايره شهادة خبره في طبخ وتنظيف وكده برضه كلميني..أنا بحب جدا مساعدة الآخرين
|
Post: #19
Title: Re: مكوجي للأيجار!
Author: osman righeem
Date: 01-03-2008, 09:19 AM
Parent: #1
غسيل اموال كيف
يعني الدولار مكوه سيف
الين تطريح
اليورو تكسير
الريال نشأ و بخار
الجنيه السوداني .... هبشه بس
|
Post: #59
Title: Re: مكوجي للأيجار!
Author: Muna Khugali
Date: 01-07-2008, 03:20 AM
Parent: #19
Quote: غسيل اموال كيف
يعني الدولار مكوه سيف
الين تطريح
اليورو تكسير
الريال نشأ و بخار
الجنيه السوداني .... هبشه بس |
كده غسيل الأموال ولا بلاش..
لا تقول لي صفقات سلاح ولا تحويل من حساب لحساب ولا شركات وهميه..
الدولارات المشروره دي هي الحاضر ..
لكن اليورو كاسح والسوداني مكسح..
اسه انا بكوي علشان اليورو حبيب الملايين ده..
وينها مكوتك؟؟
ولا خايف من السعر؟
|
Post: #20
Title: Re: مكوجي للأيجار!
Author: اسعد الريفى
Date: 01-03-2008, 09:47 AM
Parent: #1
الاخت منى خوجلى
قلنا نعيد عليكى اولا
و كل سنة و انتى طيبة
و بعدين .. نقدم ليك معينات استراتيجية للمشروع ..
 
|
Post: #66
Title: Re: مكوجي للأيجار!
Author: Muna Khugali
Date: 01-08-2008, 02:57 AM
Parent: #20
Quote: الاخت منى خوجلى
قلنا نعيد عليكى اولا
و كل سنة و انتى طيبة
و بعدين .. نقدم ليك معينات استراتيجية للمشروع .. |
شوفت يا اسعد..المكاوي البتبخ دي
فيها مكوه سمحه خلاص..
لس المشكله عندنا هنا المويه فيها مواد زي الجير كده..اول ما تجي تبخ..تكوت باقي موية
المكوه الفتتي لسه باقيه..بس تقوم تملا ليك الحاجه التكويها..
يخها الأول في الهواء..
ولا اقول ليك..
دي علشان مكوه متكلفه..أعمل للمويه البتختها فيها فلتر..
ونزيد ده علي تمن الدسته..
موش شاطره وملحلحه انا؟؟
مبدئيا موافقه علي نوع البضاعه دي من المكاوي..ممكن تدينا منها دسته سامبلس؟؟
كل سنه وانت شاطر في التجاره!
|
Post: #21
Title: Re: مكوجي للأيجار!
Author: haroon diyab
Date: 01-03-2008, 02:02 PM
Parent: #1
استاذة / مني
مساء الخير
Quote: ملحوظه:-
غسيل مافينا..سمح؟! |
والله ...دي الحاجة الوحيدة الفاقده اليومين ديل.
الولية لسه في المستشفي .....الظاهر عليها وداها الزمان وعجبه المكان....ماعاوزه تمرق.
لكن....
ولادة الخمج .... بتاعوني ديل .... وحاتك الواحد يلبس القميص مغسل ومكوي يرجع من المدرسة التقولي كان لاعب دارفوري في ميدان عقرب .....!ضهري قرب ينكسر من الصنقير في الطشت ( مش اسمو الطشت برضو ....؟)
نعمل شنو.....؟
كدي شوفي لينا غسال معاكي .....
كل سنه وانتي بالف خير
التحايا
هارون دياب
|
Post: #69
Title: Re: مكوجي للأيجار!
Author: Muna Khugali
Date: 01-08-2008, 05:13 AM
Parent: #21
Quote: والله ...دي الحاجة الوحيدة الفاقده اليومين ديل.
الولية لسه في المستشفي .....الظاهر عليها وداها الزمان وعجبه المكان....ماعاوزه تمرق.
لكن....
ولادة الخمج .... بتاعوني ديل .... وحاتك الواحد يلبس القميص مغسل ومكوي يرجع من المدرسة التقولي كان لاعب دارفوري في ميدان عقرب .....!ضهري قرب ينكسر من الصنقير في الطشت ( مش اسمو الطشت برضو ....؟)
نعمل شنو.....؟
كدي شوفي لينا غسال معاكي .....
كل سنه وانتي بالف خير
التحايا
هارون دياب |
بالله شوفوا هارون ده..
حاسد زوجته علي رقدة المستشفي!
والله انا لو في طريقه كان اقول ليها خليك أكتر..
قاعد تغسل بادينك؟؟
صعب جدا الغسيل كده ..بلدكم دي مافيها غسالات؟؟
زمان ماما جاره في البيت كان عندها طشتات او طشوشه نحاس وألومنيوم..قالوا بيعيشوا اكتر..
الطشت النحاس ده انا بتذكره لغاية اوائل التسعينات كان موجود..وهي قالت عندها من ساعة عرسوها..
وأنا عارفه كلامك ده كله علشان ماتكوي معانا..عامل فيها تعبان من غسيل العيال!
برضه تجيب قروشك..ماتنسي
|
Post: #23
Title: Re: مكوجي للأيجار!
Author: الفاتح يوسف جبرا
Date: 01-03-2008, 02:57 PM
Parent: #1
أيه رايك يا منى نعمل (شراكه ذكية) أنا (أبخ) ليكى وإنتى (تكوى) .... !!!
|
Post: #24
Title: Re: مكوجي للأيجار!
Author: Muna Khugali
Date: 01-03-2008, 03:10 PM
Parent: #23
| Quote: أيه رايك يا منى نعمل (شراكه ذكية) أنا (أبخ) ليكى وإنتى (تكوى) .... !!! |
فكره ذكيه فعلا..لكن أنا عندي واحده اذكي..
ايه رأيك نعمل شراكه ذكيه تقوم علي اساس..
أنا اجيب ليك المويه..وانت تبخ وتكوي
مش فكره ذكيه شديد؟؟
|
Post: #25
Title: Re: مكوجي للأيجار!
Author: الفاتح يوسف جبرا
Date: 01-03-2008, 04:57 PM
Parent: #1
خلاااس أقول ليكى حاجه .. أنا بجيب الموية وببخ الهدوم وبكوى وإنتى أقعدى ونسينى و(رصى فى الهدوم)
|
Post: #27
Title: Re: مكوجي للأيجار!
Author: هاشم أحمد خلف الله
Date: 01-03-2008, 08:27 PM
Parent: #25
منوية السمحة هي المكوة دي لازم تكون مكوة هدوم ؟؟؟
ما مرات بتكون مكوة حاجة تانية ولا رايك شنو ؟
كل سنة وانت بألف خير وكل من تحبي يارب .
|
Post: #55
Title: Re: مكوجي للأيجار!
Author: Muna Khugali
Date: 01-06-2008, 06:25 PM
Parent: #27
Quote: منوية السمحة هي المكوة دي لازم تكون مكوة هدوم ؟؟؟
ما مرات بتكون مكوة حاجة تانية ولا رايك شنو ؟
كل سنة وانت بألف خير وكل من تحبي يارب . |
ابدا والله يا هشومي..
ممكن تكون مكوة ملا يات وستاير..
تصدق كويت ستاير برضه؟؟
نزلهم لي بودي وانا غسلتهم وكويتهم..
اسه فضل أعلقهم..كنت عايزه اركب واحدات تانيات..لكن آيه ابت.قالت شينات!!
والله العظيم لا شينات ولا حاجه بس نعمل شنو في دلعها ده!
قلت ليك..
كان بودي ابي يركبهم ممكن تساعدني انت؟؟
وبالمره قبال ما تركبهم في سلمك ده هاك المنظف والنشابه للشبابيك..ممكن تلمعهم معاك؟؟
والله ظهري انقص من المكوي وغالبني أتم الباقي..
وكمان بودي قاعد تحت يضرب البوهيه في الأبواب..
انت يا دا..انحنا عندنا شنو في البيت ياربي شي مكوه كتيره..شي ستاير..وكمان بوهيه؟؟
سلم علي هودي..ياربي اشتريت ليها طقم الدهب عشان التوب الجديد؟؟
|
Post: #28
Title: Re: مكوجي للأيجار!
Author: Fadl Karrar
Date: 01-03-2008, 08:34 PM
Parent: #25
مساء المكوة
مني العزيزة
فى واحد مشي بيت العرس
المعازيم كانوا كتار لما فتحوا بيوت الجيران
توسعة للصيوان
دخلوهم بيت وقعدوهم في السفرة
زولنا ضرب لما طقطق
لكنو كان مقشط ( يعني مفلس وكدا )
فكر وقال يزوغ من الكشف
بيت الجيران كان فيهو بابين
قال أحسن يتخارج بالباب الصغير
طلع من الباب ولسؤ حظو لقي تربيزة الكشف قدامو
وقاعدين فيها نفرين بعرفوهو
عمل فيها داير يغسل يديهو
قال ليهم : يا أخوانا محل الغسيل بي وين
واحد فيهم ناقشو كويس قال ليهو :
محل الغسيل بي هنااااااك لكن المكوة هنا
|
Post: #30
Title: Re: مكوجي للأيجار!
Author: محمد على طه الملك
Date: 01-03-2008, 09:43 PM
Parent: #28
مني ..
هاكى المكوة دي ..
قايلاني ما لا حظت ليكي ..
أمشى ..
لمن بودي كلمك بي طرف لسانه وكحلك وفاااات قعد جنبها ..
وأداكى قفاه ..
وخلف كراعه ..
وغير القناة ..
وجر في القاعده جنبه نور طويل وإبتسامة عريضة..
نسيتي ؟
لمن بقيتي شغاله بسرعة سته بستم شوشوشوشو..
بعد كتى بي بستمين شـــــــاو .. بف .. شــــــــــاو.. بف..
مش الحمد الله الما حرّقتيهن ..
يعني كنت دايراه يقول ليكى عنك يا خالة ؟
دي تلقيها عند الغافل زي كدا  .
كل سنة إنت وأسرتك الصغيرة والكبيرة بخير ..
وملاياتك مكوية..
..
مخارجه علي لسان السمحة ام ولدي ..
ياحليلي أنا الراجيني متل دا .
|
Post: #31
Title: Re: مكوجي للأيجار!
Author: Mutwali Malik
Date: 01-03-2008, 10:31 PM
Parent: #30
مني خوجلي
قريبة صاحبي عبدالرازق وخنساء - دا شمار حار
المهم تصوري توارد مكوجية اقصد خواطر وانا في هذه اللحظة انتهيت من الغسيل ومتوجه لمكة اقصد للمكوة شفت جنس محن المكوة والمكوجية
نكتة
واحد مكوجي خدودو الاثنين محروقات فسالو صاحبو ياجيمس الحاصل شنو فقال ليهو تصور مرة كده وانا مندمج مع المكوة وبغني مرت الايام في الخيال احلام التلفون ضرب فبدل ما اشيل سماعة التلفون شلت المكوة فرد ليهو صاحبو طيب ياجيمس الجنب اليمين عرفنا السبب الجنب التاني الحصل شنو فقال ليهو الثقيل دا ماضرب تلفون تاني
|
Post: #32
Title: Re: مكوجي للأيجار!
Author: محمد الجزولي
Date: 01-03-2008, 10:49 PM
Parent: #31
منى خوجلي
بت الأصول
كل الأيام الجاية مكو.... اقصد بخير وسعاده
والله فكره عبقرية فكرة المكوه دي
يعني نتوقع دخولك قريبا لعالم (الفن) الغناء يعني من اوسع ابوابو
وليس بشعبان عبد الرحيم بعيد عن الأذهان (وش عمليهو حركة كده وقَبل طوالي)
|
Post: #34
Title: Re: مكوجي للأيجار!
Author: Mohamed Ahmaed Olyesh
Date: 01-04-2008, 03:55 AM
Parent: #32
خلاص قبلتو علي المكوجيه؟؟؟
والله ياهو الفضل
الزهج بعلم المكوة(مثل اغريقي شبه يمني)
عليش
|
Post: #35
Title: Re: مكوجي للأيجار!
Author: Salah Waspa
Date: 01-04-2008, 09:57 AM
Parent: #34
تصدقي كنت ناوي أساعد في المكوة جدعنة لكن طالما جات منك
وبالطريقة الإستغلالية دي .. أبيييت وما بكوي والحساب ولد
| Quote: وتكون مكوه طوعيه..يعني ما تقسم القروش معاي...سمح؟؟ |
الطمع ودر ما جمع (وش ضاحك)
واسبه
|
Post: #36
Title: Re: مكوجي للأيجار!
Author: عواطف ادريس اسماعيل
Date: 01-04-2008, 12:23 PM
Parent: #35
موني !!!
كل سنة وإنت طيبة ...
عندي ملابس خليتها مع ماجدة عايزة غسيل ومكوة بالله خلصيها و رسليها بالدي اتش أل !!!
|
Post: #89
Title: Re: مكوجي للأيجار!
Author: Muna Khugali
Date: 01-11-2008, 05:52 PM
Parent: #34
Quote: خلاص قبلتو علي المكوجيه؟؟؟
والله ياهو الفضل
الزهج بعلم المكوة(مثل اغريقي شبه يمني)
عليش |
لأ وانت الصادق يا عليش..
الفلس هو البيعلم المكوه!
اسه انا كان قروشي كتيره مش كان وديتهم كلهم الدراي كلين؟؟
ولا حتي رميتهم واشتريت غيرهم؟؟
ويله هذا الفقر الذي دفعني للمكوه بهذه الكميات حتي تعبت ذراعاي!
.......
.......
علي فكره المكوه كانت مهمتي مع الخليفه نور الله قبره..كنت بكوي ليه كل ملابسه..وملايات بيتهم
دلوقتي بكوي لماما جاره..وبكوي لبيتي ..يعني بصراحه خبيره في "الكواء"
بس اوعك حتي ولو لحظه..تحلم اني اجي اكوي في نادي الزهاجه!
عليك الله يا عليش في وقفتك دي وقف التلاجه الكبيره وغسلها..المكوه هدتني ما قادره اغسلها براي..
|
Post: #86
Title: Re: مكوجي للأيجار!
Author: Muna Khugali
Date: 01-10-2008, 09:10 PM
Parent: #32
Quote: منى خوجلي
بت الأصول
كل الأيام الجاية مكو.... اقصد بخير وسعاده
والله فكره عبقرية فكرة المكوه دي
يعني نتوقع دخولك قريبا لعالم (الفن) الغناء يعني من اوسع ابوابو
وليس بشعبان عبد الرحيم بعيد عن الأذهان (وش عمليهو حركة كده وقَبل طوالي) |
ايوه يا محمد عليك الله فكرتي مش سمحه؟
بس خليك شاهد..مش انا قلتها؟؟
اسه تلقي الجماعه كلهم مشوا فتحوا محلات مكوه في بيوتهم..
في السودان لو فتحت حضانه لسخلتين في بيتك..جيرانك طوالي يفتحوا زيهم..
تركب تلاجه في الشارع يركبوا زيك..هم ليه كده يا محمد؟؟
وبالنسبه لموضوع الشريط انا فعلا شرعت "في ذلك"
وماتخاف كله باذن الله يمشي كويس..
المكوه موجوده..والكهرباء اصلها ما بتقطع..وكان دايره تقطع الا بعد تلاته شهور..
أنا فاتورتي بتجي كل تلاته شهور...زي تلفون البيت..
الفاتوره البيدفعوها كل شهر دي مخيفه جدا..يعني ميزانيتك كان بايظه الشهر ده..زي ماطوالي حاصله معاي.. مابتقدر تدفع..لكن كل تلاته شهور دي أحسن كتير...
لكن عارف مشكلتي شنو؟؟
انه التلاته شهور ديل جرايات خلاص..والله بحساب الجري..التلاته شهور زي ال 27 يوم!
ليه 27؟؟
ماعارفه..جات في راسي وقلتها..
اسه يتكوي معاي ولا ما بتكوي؟؟
|
Post: #74
Title: Re: مكوجي للأيجار!
Author: Muna Khugali
Date: 01-09-2008, 02:58 AM
Parent: #31
Quote: مني خوجلي
قريبة صاحبي عبدالرازق وخنساء - دا شمار حار
المهم تصوري توارد مكوجية اقصد خواطر وانا في هذه اللحظة انتهيت من الغسيل ومتوجه لمكة اقصد للمكوة شفت جنس محن المكوة والمكوجية |
ازيك يا متوكل..
المكوه والغسيل جننوك..صح؟؟
والله علي الرغم من التعب الفي الأشغال دي..لكن مافي نسبه بينهم وبين تعب السودان..ياخ سخانه وهبوب..والملايات لازم يتغيرن باستمرا..
عارف هنا..المكوه أنا بكويها بالشهور علشان كده لما اقعد ليها بتطول معاي..
بعدين لا في عرق لا هبوب..الملايات بتقعد بالأيام..
غايته مساكين ناس السودان..خلاص ما تجي جاري ملخوم كده تشيل المكوه تختها جنب وشك تحرقك...
سلم علي عبدالرازق وتماضر شديد..
وقول لعبد الرازق ما تستهبل تماضر علشان شايفها مسكينه؟؟
اكوي الهدوم براك...
وانت يا متوكل هاك االتوبين ديل أكويهن لي..سمح اخوي؟؟
|
Post: #73
Title: Re: مكوجي للأيجار!
Author: Muna Khugali
Date: 01-09-2008, 01:43 AM
Parent: #30
Quote: مني ..
هاكى المكوة دي ..
قايلاني ما لا حظت ليكي ..
أمشى ..
لمن بودي كلمك بي طرف لسانه وكحلك وفاااات قعد جنبها ..
وأداكى قفاه ..
وخلف كراعه ..
وغير القناة ..
وجر في القاعده جنبه نور طويل وإبتسامة عريضة..
نسيتي ؟
لمن بقيتي شغاله بسرعة سته بستم شوشوشوشو..
بعد كتى بي بستمين شـــــــاو .. بف .. شــــــــــاو.. بف..
مش الحمد الله الما حرّقتيهن ..
يعني كنت دايراه يقول ليكى عنك يا خالة ؟
دي تلقيها عند الغافل زي كدا .
كل سنة إنت وأسرتك الصغيرة والكبيرة بخير ..
وملاياتك مكوية..
..
مخارجه علي لسان السمحة ام ولدي ..
ياحليلي أنا الراجيني متل دا |
.
البيحرقني ليهن شنو يا ود طه الملك؟
بس ياهو ده الفضل!
الملايه الفد ويحيده اشتريتها بالشي والشويات اجي بس احرقها كدي؟؟
وفي شان قصة الحرق دي قنا نستعمل المكوة اللات الكهرباء..
كر علي ولدي راجل بتي..مسكين
جير لي يا يابا البيت كله..
قلت ليه نجيب زول يعمل الحاجات دي..
رد لي بكلمة why..
وبعدين زاد مع ليه شرح تاني I will paint it all , don't worry
حلاته ماشاء الله عليه..جير البيت كله فوق وتحت..
وضرب الأبواب بوهيه والشبابك..
وبتي بس قاعده متكيفه..أمها تكوي وبعلها يضرب في البوهيه!
وفضل ليه 3 ابواب ياحليلو..بس مرض جاته نزله..
يكونوا أدوه عين؟؟
دي تكون عينك انت ده يا محمد علي..
متابع الشافع وكلامه معاي مالك؟
أدعي ليه يقوم بالسلامه..
لكن بيني وبينك..
اصله ما كشكر لي في قصة المكوه..
اليوم داك أمه جاتنا قاليها أوريك المكوه الكوتها خالتو؟
والله خفت نسيبتي تجيب لي أكوي هدومهم كمان..
عاد النسيبه في زول بيقدر يقول ليها لأ؟
ما بتبقي نسيبه..بتبقي نصيبه..
وشيل شيلتك مع السمحه أم ولدك الراجياك..
|
Post: #60
Title: Re: مكوجي للأيجار!
Author: Muna Khugali
Date: 01-07-2008, 04:36 AM
Parent: #28
Quote: مساء المكوة
مني العزيزة
فى واحد مشي بيت العرس
المعازيم كانوا كتار لما فتحوا بيوت الجيران
توسعة للصيوان
دخلوهم بيت وقعدوهم في السفرة
زولنا ضرب لما طقطق
لكنو كان مقشط ( يعني مفلس وكدا )
فكر وقال يزوغ من الكشف
بيت الجيران كان فيهو بابين
قال أحسن يتخارج بالباب الصغير
طلع من الباب ولسؤ حظو لقي تربيزة الكشف قدامو
وقاعدين فيها نفرين بعرفوهو
عمل فيها داير يغسل يديهو
قال ليهم : يا أخوانا محل الغسيل بي وين
واحد فيهم ناقشو كويس قال ليهو :
محل الغسيل بي هنااااااك لكن المكوة هنا |
مساء المكوه وهي بتكوي من غير ما تحرق..
زولك اتمقلب يا فضل زيك انت اسه..
اسه معقول تخلي اختك تقعد تكوي قريب لأسبوع وما تساعدها؟؟
خلاص انا عامله عزومه وبدل الحركات حقت الجماعه ديلك في الحركات يتاعتي..
طربيزة مكوه جد جد..كبيره ومعاها المكاوي..قلت كيف؟؟
كل سنه وانت طيب ما شوفناك في العيد..
|
Post: #64
Title: Re: مكوجي للأيجار!
Author: Fadl Karrar
Date: 01-07-2008, 08:38 PM
Parent: #60
| Quote: اسه معقول تخلي اختك تقعد تكوي قريب لأسبوع وما تساعدها؟؟ |
والله في دي أنا إتلومت عديل
Quote: خلاص انا عامله عزومه وبدل الحركات حقت الجماعه ديلك في الحركات يتاعتي..
طربيزة مكوه جد جد..كبيره ومعاها المكاوي..قلت كيف؟؟ |
أقول محل الغسيل بي وين
| Quote: كل سنه وانت طيب .. |
كل لحظة وكل ثانية وإنتي بألف خير
| Quote: ما شوفناك في العيد |
تصدقي ؟؟؟ أنا ذاتي ما شايف نفسي
|
Post: #51
Title: Re: مكوجي للأيجار!
Author: Muna Khugali
Date: 01-06-2008, 01:58 AM
Parent: #25
| Quote: خلاااس أقول ليكى حاجه .. أنا بجيب الموية وببخ الهدوم وبكوى وإنتى أقعدى ونسينى و(رصى فى الهدوم) |
الليله يالفاتح..الدولاب انملا لي تومت عينه.نسوي شنو؟؟
وعلشان نشتري دولاب لازم يكون في قروش ..وزول جاب لي هدوم أكويها واشيل قروشها مافي بلا سميه..
هي كمان كويت ليها ه دست قالت منتظره صرفة الصندوق عشان تدفع لي!
سمح ماكان امشي انا اشتري الدولاب بالأقساط مادام الموضوع انتظار..موش؟
دحين انا ونستك اليوم داك علويه أخت محي الدين سوت شنو في السوق؟؟
خلاص وقت حدثتك مافي داعي أعيد الكلام..
يللا كفي مكوي وطفي الأنوار دي وامشي بيتكم..تصبح علي خير الفاتح أخوي وسلم علي وفاء وقول ليها مالك ما جاملتي خيتك في مكوتها..
بكره ماعندك عامود..مو يا؟؟
|
Post: #38
Title: Re: مكوجي للأيجار!
Author: Mohammed Haroun
Date: 01-04-2008, 07:19 PM
Parent: #1
Quote: شوفتي ونستنا دي..في واحد بكلاكيع قال قاصدين مجموعتهم بيها!
نبطل المكوه يعني ولا شنو؟؟
ولا نبطل الكلام عليها؟؟ |
خلاص يا الخمج ذاتو الناس الكان بكو ليكم قروا الجامعات والما قرا منهم دخل الغابة وخليكم إنتو في أحلام الماضي الذي لن يعود. والله بعد ده تكووووووووووووو لا من عينكم تطلع.
|
Post: #39
Title: Re: مكوجي للأيجار!
Author: Muna Khugali
Date: 01-04-2008, 08:19 PM
Parent: #38
يعني اسه يا محمد هارون ما ناوي تكوي؟؟
تخويفة اليوم..
حاسب جنب رجلك نمله!
|
Post: #40
Title: Re: مكوجي للأيجار!
Author: سمية الحسن طلحة
Date: 01-04-2008, 10:44 PM
Parent: #39
مني البارح سمعت من أغاني البنات :
جرح الأحبة *** ما بداوو الأطباء
ممكن نجرب العلاج بالكي !؟
|
Post: #82
Title: Re: مكوجي للأيجار!
Author: Muna Khugali
Date: 01-10-2008, 02:17 PM
Parent: #40
Quote: مني البارح سمعت من أغاني البنات :
جرح الأحبة *** ما بداوو الأطباء
ممكن نجرب العلاج بالكي !؟ |
سمسم
كله الا جرح الأحبه..
في حريق يعالجوه بالحرق؟؟
نحنا غتيتو نقعد بعيييييد لا يجرحونا لا نجرحهم..
علشان الكي حار في الجرح...
ياربي لسه الناس بتعالج بالكي في قري السودان؟؟
اسه في ضومتك دي يا سميه خيتي..ما حارقاك قعدتي الطويله دي في المكوي لامن ضهري انقص؟؟
والمشكله شنو..
اول ما أخلص الجماعه يغسلوا غياراتهم..
صحيح هم ما بيقولوا لي أكويها..
لكن كمان لو ما كويتها بيلبسوها مكرفسه ولا يهمهم..
وانا جني وجن اشوف زول لابس ليه حاجه مكرفسه!
تعالي أكوي معاي شويه..
|
Post: #49
Title: Re: مكوجي للأيجار!
Author: حواء سليمان ابراهيم
Date: 01-06-2008, 00:56 AM
Parent: #38
Quote: خلاص يا الخمج ذاتو الناس الكان بكو ليكم قروا الجامعات والما قرا منهم دخل الغابة وخليكم إنتو في أحلام الماضي الذي لن يعود. والله بعد ده تكووووووووووووو لا من عينكم تطلع.
|
للتوثيق فقط
|
Post: #41
Title: Re: مكوجي للأيجار!
Author: معتصم الطاهر
Date: 01-04-2008, 11:28 PM
Parent: #1
بعد كويتي القلوب
قبّلتى علي الهدوم ..
|
Post: #42
Title: Re: مكوجي للأيجار!
Author: Tragie Mustafa
Date: 01-05-2008, 09:57 PM
Parent: #41
دي قلوب منتهيه البتكويها منى خوجلي:
Quote:
بعد كويتي القلوب
قبّلتى علي الهدوم .. |
|
Post: #43
Title: Re: مكوجي للأيجار!
Author: Muna Khugali
Date: 01-05-2008, 10:17 PM
Parent: #42
Quote: دي قلوب منتهيه البتكويها منى خوجلي:
Quote:
بعد كويتي القلوب
قبّلتى علي الهدوم .. |
أها يا جماعه براكم شايفين..
اسه ده يقولوا عليه شنو؟؟
ان سكت قالت انا خايفه منها..
وان رديت عليها كلمه بكلمه بكون زيها بالضبط..
وده لا يمكن أرضاه لنفسي..
اها القضيه دي يحلوها كيف؟؟
اريد حلا يا أهل الحلول
|
Post: #79
Title: Re: مكوجي للأيجار!
Author: معتصم الطاهر
Date: 01-10-2008, 11:37 AM
Parent: #43
اريد حلا يا أهل الحلول
الحل فى انك تردى على صاحب المداخلة الرئيس ..
ما عارف ليه حسيت بإنو يجب ان لا نتداخل فى المواضيع الطريفة
لمجرد الونسة مرات ..
|
Post: #84
Title: Re: مكوجي للأيجار!
Author: Muna Khugali
Date: 01-10-2008, 05:07 PM
Parent: #79
| Quote: اريد حلا يا أهل الحلول |
Quote: الحل فى انك تردى على صاحب المداخلة الرئيس ..
ما عارف ليه حسيت بإنو يجب ان لا نتداخل فى المواضيع الطريفة
لمجرد الونسة مرات .. |
سلام معتصم أخوي..
فعلا الحل هو كما قلت..وهذا ما افعله دائما علي الرغم من المطاردات المستمره لخطواتي في هذا المنبر والموثقه تماما في كل الأرشيفات..
اما عدم دخولك في مواضيع الونسه لرضاء من يحولون الموضوع لما يخدم أجندتهم..
فلا أوافق عليه!
ولن نتخلص من تلقائيتنا ونقاءنا لأن الغير قد ضاع منه النقاء أو لم يعرفه في يوم ما..
هذا البوست كان لنتيجة ونسه في البوست الذي فتحته للأستاذ الفاتح جبرا..
ولقد وضعت أنا الرابط الخاص به أعلاه..حتي يراه من يود أن يري الحقيقه وليس لمن صور له أو تصور..
غير ذلك..نتكلم ونتونس مادمنا لم نتدخل في شئون أحد..أو أهنا أحد..
ولن يمنعنا أي كائن من قول ما نود..
البوست الجاي..
حقة سعوط ..ومفحضه وعنقريب!
كدي خلي عمتي ست نور كمان تجي زعلانه وتقولي لي قاصداني بالحقه!
أهه اسه يا معتصم ممكن تكوي معاي؟؟
|
Post: #46
Title: Re: مكوجي للأيجار!
Author: طارق جبريل
Date: 01-05-2008, 10:32 PM
Parent: #1
بت الخليفة كيفنك
جينا نسلم
لو عايزة مساعدة
عضلات تبش أُروق عجور
|
Post: #87
Title: Re: مكوجي للأيجار!
Author: Muna Khugali
Date: 01-10-2008, 11:48 PM
Parent: #46
Quote: بت الخليفة كيفنك
جينا نسلم
لو عايزة مساعدة
عضلات تبش أُروق عجور |
انت يا طارق..كدي النسألك..
ات عضلاتك التبش ديل كانو وين وقت الجماعه الجو يشيلوا مكوتهم لقوا ملاياتهم كلها محرقه وقاموا يكوركوا فيني؟
مالك مشيت اندسيت؟
وبعد داك مالك مادفعت ليهم الغرامه؟
أنا مش أختك؟
انا مش بت جيرانكم؟
أنا مش بتك خاطبه ولد بتي لما الله يخلقه؟
خلاص يللا تعال أكوي معاي..
|
Post: #47
Title: Re: مكوجي للأيجار!
Author: محمد عثمان
Date: 01-05-2008, 11:20 PM
Parent: #1
منى...
كيفك..؟؟
و الغنيوة دى عشان تكوى بمزااج..
|
Post: #48
Title: Re: مكوجي للأيجار!
Author: Muna Khugali
Date: 01-06-2008, 00:26 AM
Parent: #47
محمد عثمان اسه ارقص واديك الشبال ولا أكوي؟؟
لغاية اسه حرقت لي ملايتثن وكم قميص..
اسه الا نلبسه كم آه..وكم لأ
ينفع؟؟
شكرا علي المكتوبلي ومسطر..ونعمه بالله
|
Post: #52
Title: Re: مكوجي للأيجار!
Author: د.نبراس
Date: 01-06-2008, 02:30 AM
Parent: #1
استاذه منى ,,
الحارقه قلبي ,, كاوياهو كيه ,,
الليله ما جا ,, بلالي ما جا ,,
ترم ترم ترم ,,
معقول يا استاذه ياخي تكوي انتي ؟؟
اقعدي اقعدي ,, وانا بكوي ,,
تكوي انتي ونحن قاعدين ؟؟ والله عيب ,,
والناس ديل ما فيهم زول شهم يقول للاستاذه عنك انتي وانا بكوي ؟؟
حاله صعبه !!
خلاص يا استاذه انا بكوي ليك وانتي اقعدي ونسيني ,,
والقروش ,,,
نتكلم في موضوع القروش ده برانا !!!
(وش مستهبيييييييل وبلا خجله) !!
سنتك سعيده يا استاذه منى ,,
|
Post: #53
Title: Re: مكوجي للأيجار!
Author: عواطف ادريس اسماعيل
Date: 01-06-2008, 10:14 AM
Parent: #52
موني !!!
ياالغسلتنا وشريتنا ,,,
لما نشفنا ليه ما كويتنا ؟؟
ياالفي كانون هواك شميتنا ,,,
لامن زيتنا فاح شميتنا !!!
أين أنت يا ست الحبايب ؟؟؟
|
Post: #94
Title: Re: مكوجي للأيجار!
Author: Muna Khugali
Date: 01-12-2008, 03:06 AM
Parent: #53
Quote: موني !!!
ياالغسلتنا وشريتنا ,,,
لما نشفنا ليه ما كويتنا ؟؟
ياالفي كانون هواك شميتنا ,,,
لامن زيتنا فاح شميتنا !!!
أين أنت يا ست الحبايب ؟؟؟ |
ما تراني أسه بكوي؟!
عايزه تعملي ماشايفه يا طوفي؟؟
خلاص انا قسمتي أعيش زي المكنه..أخلص الشغل..واكتب معاكم..اكوي وأغسل وأطبخ وانضف وانوم
زي الخروف!
وتاني يوم اعيد نفس الفيلم..لأ خليني استخدم كلمه متفلسفه شويه..تاني يوم أعيد الكره!
لكن انا خلصت خلاص المكوه..ورصيتها..ومالقيتك لا في الغسيل لا في البخ ولا في المكوه ولا الطبيق
ولا الرص..
وكمان تسأليني انت وين؟؟
|
Post: #91
Title: Re: مكوجي للأيجار!
Author: Muna Khugali
Date: 01-11-2008, 10:00 PM
Parent: #52
Quote: استاذه منى ,,
الحارقه قلبي ,, كاوياهو كيه ,,
الليله ما جا ,, بلالي ما جا ,,
ترم ترم ترم ,,
معقول يا استاذه ياخي تكوي انتي ؟؟
اقعدي اقعدي ,, وانا بكوي ,,
تكوي انتي ونحن قاعدين ؟؟ والله عيب ,,
والناس ديل ما فيهم زول شهم يقول للاستاذه عنك انتي وانا بكوي ؟؟
حاله صعبه !!
خلاص يا استاذه انا بكوي ليك وانتي اقعدي ونسيني ,,
والقروش ,,,
نتكلم في موضوع القروش ده برانا !!!
(وش مستهبيييييييل وبلا خجله) !!
سنتك سعيده يا استاذه منى ,, |
كل سنة وانتي طيبه..
انتي..واسمك السمح ده!
آخر الزمن حبيبتي الصغار يقعدوا والكبار شغالين..اسه اولادي ديل بالكتير يقولوا لي..
اسه لزومها شنو الملابس والملايات الكتيره دي؟!
وىخر تقليعات آيه..ماما أديهم للشاريتي!
ونحنا زاتنا ما محتاجين شاريتي..اشيل ملاياتي وملابسي الما اشتريتهم بالهين أتبرع بيهم؟؟
وسمح لامن أزهج من الملايات المفروشه ..افرش شنو تاني؟
غايتو شفع عجيبين خلاص..
لكن بيني وبينك كان كانوا دافعين قروش فيهم ماكان قالوا كده!
آبه غايتو قامت عملت ليها حركه كده تداري بيها موقفها.. كوت ربع ملايه وكم قميص وقالت
بتكملهم بكره!
واسه انتي براك شايفاهم..بلا الفاتح أخوي زول قال بيكوي معاي مافي..وعديل كده دايرين
يجيبوا لي غسبلهم كمان..
اسه ابه رأيك انتي تكوي لي..وان شاء الله لما ربنا يفك كربتي وتجيني قريشات بديك حاجه..
في زول مواعدني يرسل لي حق الكويته ليه في يوليو...سمح؟؟
عارفاك طيبه ورضيه رغم وشك المستهبل ده!
|
Post: #57
Title: Re: مكوجي للأيجار!
Author: emad altaib
Date: 01-06-2008, 08:31 PM
Parent: #1
الاستاذة مني لك التحايا النواضر ولقمك النابض
لك التحايا النواضر ولقمك النابض حيوية
عندي جزلان حق قروش من التيل .. ومنيل فيه ورود
انا بكوي الجزلان .. وافضي منه القروش
علشان القروش الفيه قدر حق المكوه بس ..
واهديك المنيديل ..
واليك كامل الود
ما ظهرت هوره الوده مع الاسف ( علشان كده عدلتها)
بس في النهاية في ورده جملية
|
Post: #95
Title: Re: مكوجي للأيجار!
Author: Muna Khugali
Date: 01-12-2008, 03:54 AM
Parent: #57
الاستاذة مني لك التحايا النواضر ولقمك النابض
لك التحايا النواضر ولقمك النابض حيوية
عندي جزلان حق قروش من التيل .. ومنيل فيه ورود
انا بكوي الجزلان .. وافضي منه القروش
علشان القروش الفيه قدر حق المكوه بس ..
واهديك المنيديل ..
واليك كامل الود
ما ظهرت هوره الوده مع الاسف ( علشان كده عدلتها)
بس في النهاية في ورده جملية
كيف حالك عماد الطيب..
شوفت جوزلانك حق التيل ده أديهو ليا..افضيه أحفظ القروش الفيه معاي وأغسله وأكويه ليك..سمح؟؟
وماتخاف مادام هديتني منديلك اب ورود ده...قروشك برجعن ليك كلهن..
يا حليل المناديل أم ورود...
زمان لما يشتروا لينا قمصان المدرسه والشرابات والشرطان لازم يشتروا لينا المناديل..ماما عاشه حبوبتي مستحيل كان تلقاها ماشيه من غير منديل..عامل زي شنطة اليد!
زمان هم بيشيلوا المنديل والمحفظه في يدهم...شنط اليد ديل من جيل ناس أمي..ولقدام بس أمي ماكانت بتشيلها كتير..بتشيل بدلها قفة الخضار..
وبرضه بتذكر زمان كان في ورق فيه صغير شفاف فيه رسومات ملونه..تلقاهم تفاحتين ولا وردتبن لونهم أحمر جنب بعض..تقوم تكويهم علي المنديل يطبعوا فيه...يا ما بوظنا قمصان بيهم!
ياربي اسه الحاجات دي في ولا مافي؟؟
وليك يا عماد ود الدنيا كله...
لخمتني...المكوه خلصت..ممكن تساعد محمدعلي طه في تركيب الرفوف؟؟
عندنا مناسبه في البيت عقبال عندك..
|
Post: #99
Title: Re: مكوجي للأيجار!
Author: emad altaib
Date: 01-12-2008, 11:13 PM
Parent: #95
استاذه مني
لك كل الود الحار
والافراح عندك ان شاءالله دايمه
الجزلان والمنديل ابو ورود من متحف الذاكره الجدية المستخرفه
وكذالك الرفوف واوتياكها
ولك ودي وحبي
|
Post: #103
Title: Re: مكوجي للأيجار!
Author: Muna Khugali
Date: 01-14-2008, 00:58 AM
Parent: #99
Quote: استاذه مني
لك كل الود الحار
والافراح عندك ان شاءالله دايمه
الجزلان والمنديل ابو ورود من متحف الذاكره الجدية المستخرفه
وكذالك الرفوف واوتياكها
ولك ودي وحبي |
شوفت يا عماد لما طلعنا الحاجات من المخزن..لقيت شنطه مليانه فرش..
غسلتهم واسه مدوره مكوه من اول وجديد..
لكن قلت انت في اديك تكوي معاي شويه..
وكمان كان ما بتحب المكوه عايزاك تركب لي الحديد حق الستاير..
هاك السلم الحديد ده يساعدك..اعمل حسابك ماتقع..علشان تحضر معانا المناسبه الحلوه..
بللا اتناول..
وليك من الحب أطنان..
|
Post: #58
Title: مهنة ... عبد الله المكوجي
Author: انعام حيمورة
Date: 01-06-2008, 10:05 PM
Parent: #1
مداخلة جادة جدا ... وتوثيقية ..
تعالوا احكي ليكم عن (عبد الله المكوجي ) البكوي لينا ...
من فتحنا وقمنا على وش الدنيا لقينا عبد الله بكوي لينا وحتى الآن ...
عبد الله .. له طقوس خاصة جدا جدا بعمله كمكوجي ..
بجي بدري جدا جدا .. من 6 صباحا لسة بنكون نايمين .. وبجي يشرب معانا شاي الصباح ..
بجي شايل معاه كيس وشنطة جلد ..
الكيس فيه المكاوي (مكوتين) .. والشنطة فيها .. مشابك معقودة بي شكل معين في شكل سلسلة ونظيفة جدا جدا (تلمع) ومشابك من نوع خاص ..
عنده غيار .. وسفنجة (لازم تكون جديدة لنج) ..
عنده راديو .. ونضارة .. وساعة .. وسبحة (لازم يضعهم في مكان محدد وبطريقة معينة جدا .. رصة عمرها عمر مكوته عندنا)
بجي يظبط التربيزة .. اولا ولازم يرفعها لحد معين .. ببلاط (مغسول ) والبلاط دا بخته بحتفظ بيه للمرة الجاية .. ولازم يغسله ..
بعد جهز الطربيزة ..
على الفحم .. (وعلى فكرة بجي شايل فحمه معاه بحاسبنا عليه مع حق المكوة) ..
الفحم عندو ليه (تقطيع) مكعبات متساوية وبنفس الحجم ( تقول بقطعه بي مكنة ) الا انه يستعمل حديدة خاصة لذلك .. ويضع الفحم فوق قطعة قماش برضو بدسها تبع الحاجات للمرة الجاية ..
كوم الفحم .. مشا جاب العدة ..
المنقد الكبير : (ولازم يفوطه) وعند انتهائه من المكوة لازم يدفق الرماد في الشارع ..
المقصوص البشيل بيه الجمر .. وبرضو تلمع تقول عايز يقرف بيها ملاح .. ( والله بتكلم جادة)..
جاء بعد داك للهدوم ..
لو مغسلين خلاص لو ما مغسلين ... الغسيل دا داير ليه بوست براه .. لانه رغوة الصابون ترتفع حتى تغطي وجهه ..
اهة جاب الهدوم .. مربوطة في البقجة ..
يبدا بفرز الهدوم ويبدا بالملايات ويطبق ويخت على الطربيزة ومن بعدها التياب وهكذا حتى آخر قطعة ..
ويبدأ .. في بخها بطريقة محددة .. وجردل البخ (من ضمن العدة )
وبعد دا داك يشيل من الطربيزة ويرجع في بقجة اخرى .. ويربطهم .. ويمشي يولع النار ( برضو بطريقة فنية عجيبة)
عبأ المكاوي .. فوطهم .. بي قطعة وجاء بدأ
فتح الرادي .. وبدأ بعمله ..
بكوي باتقان تام جدا جدا جدا يعني لو غسلت القطعة آثار المكوة بتكون لسة فيها .. ودائما علاء الدين اخوي .. قمصانه بتتشرط من حتة (السيف) حق المكوة .. والملايات من الطبيق..
المشمع في الارض .. بيتسهك مكان ارجله .. لانه يتحرك حركة آلية بطريقة معينة ..
اهم حاجة عنده ترمس الشاي والكباي .. والسكرية والمعلقة .. عشان كل راس 10 دقائق بشرب كباية ..
لو عايز تموت ما بخليك تخت يدك في الهدوم المكوية لو عايزين قطعة بنكلمه يطلعه لينا براه ..
والهدوم البشيلها للمكوة دي تاني كان أذنت ما بشيل غيرها ..
انجليزي في مواعيده وفي تعامله ..
عبد الله أمد الله في عمره وحفظه .. وغطاه من عين الحسود .. اصبح في مقام الوالد .. انسان .. مكافح .. وصبور ..
يغيب عنا فترة الحصاد .. فنفتقده جدا
بدأ معانا بي انه يجينا مرتين في الاسبوع ..
الآن بجينا كل 15 يوم .. لانه طيلة هذه الايام هو شغال ..
ومن أشهر زبائنه .. اسرة المرحوم جلال على لطفى ..
وسلمت يداك يا عبد الله ...
وتسلمي يا منى
|
Post: #97
Title: Re: مهنة ... عبد الله المكوجي
Author: Muna Khugali
Date: 01-12-2008, 10:09 PM
Parent: #58
كلامك حلو شديد يا نعومي..
المكوه فن..وكان حبيتوا ختوا معاها "اخلاص"
العلاقه بيننا وبين من يعمل معنا..تصبح بمر الزمان علاقه قويه جدا..فيها شكل من أشكال التعود من الجانبين..وثقه ثم يصير وجودهم معنا أساسي..لا نستبدلهم بآخرين..ولماذا نستبدلهم؟؟
بيننا عشره وخدمات متبادله..العامل بمجهوده والمخدم بماله..وتبقي الكلمه الطيبه والرحمه
والتقدير اساس الأستمرار..
لكن المكوه الفحم دي حاجه متعبه جدا..وعلي الرغم من أن مشروع الكواء عامة يعلم الصبر..الا
ان مكوة الفحم تعلم أكثر!!
معقوله يعني كل شويه الواحد يفتح المكوه ويختها في الهواء علشان الرماد يطير منها؟؟
وهي ذاتها تقيله..يقعدوا كل شويه يرفعوها وينزلوها؟؟
..........
..........
المكوجي الكان بيكوي لينا في الخرطوم... كان بيجي مرتين في الأسبوع..كان مهذب جدا وأخرس وأطرش..
وكان يا نعومي برضه بيكوي بمزاج شديد..لازم الشماعات تكون جنبه يعلق فيها الملابس..ويرص كل حاجه براها..وتقريبا حافظ حاجات كل زول..يقسمها براها..
كنا بنحبه جداواليومين بتاعنه الخليفه ما كان بيتغدا معانا..كان بيتغدا معاه هو..
يقعدوا الأتنين علي الأكل تشوفهم تقول يا سلام... ما بيتكلموا علي الأكل...
طبعا ما يتكلموا...مامحمد كان أخرس قلنا!
..........
..........
اسه انا ما عندي قروش أدفعها للمكوه..علشان كده بكوي براي
شماته مافينا بالله
|
Post: #61
Title: Re: مكوجي للأيجار!
Author: osman righeem
Date: 01-07-2008, 05:49 AM
Parent: #1
| Quote: ولا خايف من السعر؟ |
بفتح السين؟
|
Post: #101
Title: Re: مكوجي للأيجار!
Author: Muna Khugali
Date: 01-13-2008, 01:52 AM
Parent: #61
| Quote: ولا خايف من السعر؟ |
عثمان..انت عاين وقرر..
وكلك نظر
|
Post: #62
Title: Re: مكوجي للأيجار!
Author: بشير حسـن بشـير
Date: 01-07-2008, 09:57 AM
Parent: #1
تحياتى يا منى خوجلى ، وكل سنه وإنت طيبه
Quote:
عبد الله أمد الله في عمره وحفظه .. وغطاه من عين الحسود .. اصبح في مقام الوالد .. انسان .. مكافح .. وصبور .. |
أصيله يا إنعام حيموره ( حقيقه العشره ما بتهون على الناس البعزوها ... )
|
Post: #102
Title: Re: مكوجي للأيجار!
Author: Muna Khugali
Date: 01-13-2008, 10:19 PM
Parent: #62
تحياتى يا منى خوجلى ، وكل سنه وإنت طيبه
كيف حالك يا بشير..
العشره كلمه فيها معاني ساميه جدا..فيها ذكريات ثريه وتفاصيل تقوي العلاقه بين الناس ونسميها عشره..
والعشره زي ما بيقولوا ما بتهون الا علي الكافر..والكافر في رأيي الزول الماعنده احترام للأنسانيه..ولوجودها الجميل..
العشره بتجي بالزمن والمعايشه..لذلك غسال ..مكوجي ولا أي مهنه..رجل أو امرأه مسلم او غير مسلم..
من اي بقعه من البلاد..ما مهم..العشره تحدث لأننا تعاملنا واحترمنا انسايتنا وكانت الموده دربنا..
العشره كلمه جميله..بسيطه لكنها عميقه جدا..ربنا يجعل عشرتنا بالآخرين دائما عشره طيبه...
أما بعد
الليله ياحسن أخوي قضيت اليوم شغاله في الشد..والشيد ده غرفه خشبيه زي الكشك...بتكون دائما في الجنينه ولا الحوش..نستخدما زي مخزن...
أها انا الليله شديت حيلي وقلت النقوم علي الشيد..علشان اي حاجه ما عايزاها أرميها علشان عربية القمامه لا مؤاخده بتجي بكره الصباح..
اها خبطت علي زوج بتي...ويخته عاد "النصيبته" مني..
عبدالرحيم قوم عندنا شغل كتير!
بلهجة نسيبه معتبره كده..
الله برضي عليه دنيا وآخره سألني..
دلوقتي؟؟
مسكين ليهو حق الليل كله يمسح بقع البوهيه من الشبابيك!
رديت بحسم يناسب وضعي كأم لزوجته..
ايوه دلوقتي...الساعه بقت ماشيه لتلاته والمغرب قرب..تعال سريع!
وكدي عبدالرحيم ولادة الهنا...جه معاي فضينا المخزن وطلعنا الحاجات المادايرنها ورجعنا الباقي..
قلت ليه..
عارف احسن حاجه شنو؟؟
نظر لي بتساؤل منتظر اوريه..
قلت ليه..
رب ابن لم تلده بطنك...بالأنجليزي
|
Post: #63
Title: عبد الله ..
Author: انعام حيمورة
Date: 01-07-2008, 10:40 AM
Parent: #1
| Quote: أصيله يا إنعام حيموره ( حقيقه العشره ما بتهون على الناس البعزوها ... ) |
شكرا يا بشير .. والله انا بحب المهن اليدوية دي لانو ابوي كان عامل بالمخازن والمهمات ...
وانتقل للعمل بالمنطقة الصناعية فهو - نجار معماري -
.. وفي سنة من السنين فقد ثلاث من اصابع يده اليمنى كاصابة عمل ..
والان يملك ماكينة كبري بالمنطقة ويعمل عليها حتى الآن ...
الله يديه طولة العمر ويخليه لينا يارب .. لانو ببساطته دي غرس فينا حب العمل وكل القيم النبيلة ..
شكرا ليك يا بشير ..وكل سنة وانت طيب
|
Post: #65
Title: Re: مكوجي للإيجار
Author: salma subhi
Date: 01-07-2008, 10:53 PM
Parent: #63
منى خوجلي العزيزة
كل سنة وانت طيبة.....
وأيامك كلها سعادة........
جيت بس أسلم عليك ( هدومنا في الدرايكلين )
....
|
Post: #67
Title: Re: مكوجي للإيجار
Author: Hisham Osman
Date: 01-08-2008, 03:57 AM
Parent: #65
صاحبة البوست وضيوفها الكرام
شعرت بالحيرة لبعض الوقت عند محاولة قراءة الدوافع
التي تدفع شخصا راشدا (ولو بحكم التجربة السنية علي الاقل),لاضاعة
وقته وتبديد جهده في بوست عن المكوة واستصحاب تفاصيل شخصية
لاتعني احدا في كثير او قليل,فالواضح ان للبوست رسالة مبطنة
قد لاتخلو من محاولات دس السم في اللبن المبستر.
عموما,ايا كان الامر يظل بوست فارغة ومقدودة حتي اشعار اخر
|
Post: #68
Title: Re: مكوجي للإيجار
Author: Muna Khugali
Date: 01-08-2008, 04:56 AM
Parent: #67
Quote: صاحبة البوست وضيوفها الكرام
شعرت بالحيرة لبعض الوقت عند محاولة قراءة الدوافع
التي تدفع شخصا راشدا (ولو بحكم التجربة السنية علي الاقل),لاضاعة
وقته وتبديد جهده في بوست عن المكوة واستصحاب تفاصيل شخصية
لاتعني احدا في كثير او قليل,فالواضح ان للبوست رسالة مبطنة
قد لاتخلو من محاولات دس السم في اللبن المبستر.
عموما,ايا كان الامر يظل بوست فارغة ومقدودة حتي اشعار اخر |
مرحب هشام عثمان آدم
انت زميل هنا في البورد؟؟
الحاجه الماعجباك ننصحك تزح منها بعيد..دافع لينا انت قروش علشان نوسك بمزاجك انت؟؟
نكتب عن الغسيل والمكوه ومعاهم أزمة الصابون..كيف يؤثر عليك هذا؟؟
وبعدين ياخ ماوريتنا البوستات الفيها الفايده التي كتبتها انت والتي ساهمت فيها بدورك مساهمات مقدره..وكذلك في نقاشات ادت الي تقدم المجتمع السوداني..وحل ازماته الاقتصاديه والأجتماعيه والسياسيه.. وابعد من الثقافيه حتي لا ندخل في متاهات تجلب لنا كلمات قد مللنا سماعها..ماعندك ليه؟؟
لو في سبب ورينا زي ماجيت هنا وريتنا رأيك..علشان بعدها لو اتضح انك مابتكتب حاجه كويسه ولا حاجه خالص..نقول ليك ياخ من فضلم مافي داعي تمسك باس وورد ساكت..رجعوا لسيدو يستفيد منه!
وكمان برضه حيرتني..ما لقيتك مؤسس مع بكري الويب سايت ده..
ولا ياربي انت دافع معاه التكلفه واحنا ماعارفين؟؟
شوف بكري وخيانته..عامل نفسه براهو صاحب الويب سايت!
هل تضايقك المكوي؟؟
اذا لا تكوي!
هل يضايقك أننا نكوي؟؟
اذا لا تنظر لنا..وذلك حتي اشعارا آخر..
..............
..............
بعد ماكويت أكياس المخدات البمبيات..قلت أكوي كمان الأكياس الخضرا..
لكن المكوه السخنه جدا..حرقت واحد من الأكياس!
علشان كده فكيت منها الكوبس..
ولما فكيت الكوبس هو فصل
|
Post: #70
Title: Re: مكوجي للإيجار
Author: Salah Waspa
Date: 01-08-2008, 06:08 PM
Parent: #68
Quote: بعد ماكويت أكياس المخدات البمبيات..قلت أكوي كمان الأكياس الخضرا..
لكن المكوه السخنه جدا..حرقت واحد من الأكياس!
علشان كده فكيت منها الكوبس..
ولما فكيت الكوبس هو فصل |
منى مكوتكم دايره ليها غنية كوميدية هيلاهوبية زي أغنية نسوان دقونا سيما ودعوة المكوة من الزوجات للأزواج ومن هسي ما دايرين
كلاكيع عايزين نضحك بس والداير يشاكل يمشي يشاكل ناس الهيلاهوب
وهم ذاتهم ما حيهببو ليهو لأنهم ناس فرفشة . يلا يا تامبا
|
Post: #71
Title: Re: مكوجي للإيجار
Author: Muna Khugali
Date: 01-08-2008, 06:43 PM
Parent: #70
Quote: منى مكوتكم دايره ليها غنية كوميدية هيلاهوبية زي أغنية نسوان دقونا سيما ودعوة المكوة من الزوجات للأزواج ومن هسي ما دايرين
كلاكيع عايزين نضحك بس والداير يشاكل يمشي يشاكل ناس الهيلاهوب
وهم ذاتهم ما حيهببو ليهو لأنهم ناس فرفشة . يلا يا تامبا |
ازيك يا صلاح ...دنيا الحلوه كيف؟
وبعدين الفرفشه دي ما بنخليها والهيلاهوب الله عليها..
وعايز تغيظو هاتلو زيزو
واسعي بعد عمل الخبرة والأسم في هذا المحل لأن اسعي أكثر كما فعل شعبان عبدالرحيم
باصدار اول ألبوم لي.. وسيكون باسم
"اشمعني هو يكون شعبولا"
الليله بقي يا صلاح كدي النحدثك..
كان عندي فوط صفرا كاروهات..
وواحدات لونهم أحمر بدواير..
التالتات بقي..
كان لونهم أبيض!
بعد ما جيت أكويهم..حسيت برغبه في كتابة شعر عارمه..وعارمه بترجع لحسيت..
اين انت من مكوتي..
التي امتلآ الفؤاد بنارها..
صلي انت علي النبي..
وسيب المكوه تكوي في حالها..
حلوه...صح؟؟؟
|
Post: #72
Title: Re: مكوجي للإيجار
Author: Salah Waspa
Date: 01-08-2008, 07:01 PM
Parent: #71
| Quote: وعايز تغيظو هاتلو زيزو |
مين زيزو ? (وش مقهي )(بضم الميم)
وبعدين ليه الغيظة بعني ممنوع الفرفشة ? صدر فارمان يعني ?
يا جماعة ما تدوها صنه ووقفوا النكد شويه !!!!
واسبه
|
Post: #75
Title: Re: مكوجي للإيجار
Author: Salah Waspa
Date: 01-09-2008, 09:21 PM
Parent: #72
إنتو بتبطلوا الأربعاء ولا شنو يابت خوجلي ??
مالكم قافلين ? كده البيزنس ما بنجح
صلاح
|
Post: #76
Title: Re: مكوجي للإيجار
Author: Muna Khugali
Date: 01-09-2008, 09:35 PM
Parent: #75
مني دي كمان يا صلاح.. جنها تبوظ البيزنس..
ياربي مشت وين؟؟
لكن انا سمعتها قبيل قلت عندها زي حمي مانزيفيه
|
Post: #90
Title: Re: مكوجي للإيجار
Author: Muna Khugali
Date: 01-11-2008, 06:50 PM
Parent: #72
مين زيزو ? (وش مقهي )(بضم الميم)
وبعدين ليه الغيظة بعني ممنوع الفرفشة ? صدر فارمان يعني ?
يا جماعة ما تدوها صنه ووقفوا النكد شويه !!!!
صلاح عيني في عينك كده؟
معقول مابتعرف زيزو؟؟
ماعلينا..
خلينا في الفرمانات..
والذي دايما يبدأ بامر او قرار..
ثم ينتهي بصدر تحت توقيعي انا.....
الفرمان المقصود المره دي جه بشكل غير مباشر..
بس برضه المباشره الفيه كانت في طبيعة المعني والهدف من وراءه..مافيش ضحك ولا هذر بعد اليوم!
اثارة الشكوك عند الآخرين عن طبيعة الموقف الذي "لف ودار" ثم صدر بسببه الفرمان..
حتي يبتعد من يشك في حقيقة مصادرنا..ثم يكرهنا آخرون ..ثم يخاف آخرون من المشاركه في الونسه
خوفا منهم ومن رد فعلهم...
الا ان هذه الفئات اساسا لا تهمنا كثيرا ان صدقت ما يقال..والحمدلله لا يبدو ان هناك من فعل..
.........
........
هناك فرمان قادم..ترقبوه....
وفي هذه الأثناء نسألكم يا صلاح يا ابودنيا..
كيف حالكم وأحوالكم؟؟
ولا عامل عيان علشان ماتكوي؟؟
|
Post: #104
Title: Re: مكوجي للإيجار
Author: Muna Khugali
Date: 01-15-2008, 00:18 AM
Parent: #65
Quote: منى خوجلي العزيزة
كل سنة وانت طيبة.....
وأيامك كلها سعادة........
جيت بس أسلم عليك ( هدومنا في الدرايكلين ) |
حظظظظظظك....مقرشه..
لكن نحنا ناس مفلسين وحالتنا صعبه.. واللقمه كمان صعبه..مافي طريقه غير نكوي برانا..
بعد داك كمان نكوي بالقروش
كل سنه وانتي طيبه وايامك ولحظاتك كلها نقيه وجميله..
|
Post: #77
Title: Re: مكوجي للأيجار!
Author: د.محمد حسن
Date: 01-10-2008, 07:53 AM
Parent: #1
هههههههههههههههههههههه
يجازي محنك
قلبك ابيض
وافكارنا سودا
الله يسود السود افكارنا
مكوة سنة ناعمة
|
Post: #78
Title: Re: مكوجي للأيجار!
Author: محمد على طه الملك
Date: 01-10-2008, 10:55 AM
Parent: #77
Quote: حلاته ماشاء الله عليه..جير البيت كله فوق وتحت..
وضرب الأبواب بوهيه والشبابك.. |
كده طمنتيني علي السمحه ام ولدي الله يطمنك .
|
Post: #93
Title: Re: مكوجي للأيجار!
Author: Muna Khugali
Date: 01-12-2008, 01:41 AM
Parent: #78
Quote: حلاته ماشاء الله عليه..جير البيت كله فوق وتحت..
وضرب الأبواب بوهيه والشبابك.. |
| Quote: كده طمنتيني علي السمحه ام ولدي الله يطمنك . |
ويطمنك دايما أخوي
يعني يا ود طه الملك ماغيرت رأيك في المكوي؟
خلاص سمح ساعدني اركب الرفوف في المخزن..بتقدر؟؟
ولا احسن نفتح بوست للنجار؟؟
علي الأقل يكون في ذكري حسن النجار زمان كان ساكن جمبنا ومات الله يرحمه..
خلاص جيب لينا بوهيه مهوجني معاك وانت جاي..
|
Post: #81
Title: Re: مكوجي للأيجار!
Author: Muna Khugali
Date: 01-10-2008, 12:02 PM
Parent: #77
Quote: هههههههههههههههههههههه
يجازي محنك
قلبك ابيض
وافكارنا سودا
الله يسود السود افكارنا
مكوة سنة ناعمة |
ازيك يا محمد الحسن..
انا علي الرغم من الحمي لكن قلت أحاول أجي أكتب..
فعلا الله يسود السود أفكارنا..
اسه يجو يقولو ليك ذاكر اللون الأسود ليه ..قاصد حاجه!
وبعدين واحد فيهم يعمل ذكي ذكاء ماحصل..ويقول ليك رسالتك مبطنه!
الولد يعني بيعرف في التبطين!
وده في حد ذاته بيعكس قدر شنو هم عندهم احتقار للمهن!
الحمدلله احنا متصاحين تماما مع وجودنا..
فينا الحرفي النجار وفينا العسكر البسيك..وفينا السباك وفينا البيبيع اللبن ..ولا التاني
تلقاه فارش في الأرض بيبيع خضار..فينا المزيت في شغل الميكانيكا..وفينا الماقرا مدرسه..
فينا الكان وزير والكان تاجر..فينا العايش بطوريته والتاني الموظف..سواق البص ولا التاكسي المهكع..وفينا العسكري الصول..ومانا ناكرين اصلنا -ولا مكانا ولا نا خجلانين منه!
علشان كده التبطين ده عند المعقدين بس..وبيستعروا من المهن البسيطه!
وبهد ده الناس العايزه تاكل عيش علي حساب تمنعنا النفس دي.. احسن تشوف ليها حل لعقدها..
اذا مارضيانه عن نفسها وشكل وجودها تشوف ليها طريقه غير انها تطاردنا
لكن في النهايه لو ماتت..ما بنخلي ونستنا ولا حاجاتنا
اسه محمد الحسن ما تشيل المفارش ديل تكويهن؟؟
أغنية اليوم من تراث أغاني البنات..
برانا بنعشق مستوانا ياناس
|
Post: #80
Title: Re: مكوجي للأيجار!
Author: jini
Date: 01-10-2008, 11:50 AM
Parent: #1
فى واحدين جو جارين فتحوا البوست شايلين عصيهم لاكين الله شاف ليك!
البوستات ذات الحدين دى ابعدى منها!
سمح!
بكرة يقولوك قبال تبقى للقول!
قولى بيبى سيتر !
هسة بتقدرى تهزى المكواة!
جنى
|
Post: #100
Title: Re: مكوجي للأيجار!
Author: Muna Khugali
Date: 01-12-2008, 11:26 PM
Parent: #80
Quote: فى واحدين جو جارين فتحوا البوست شايلين عصيهم لاكين الله شاف ليك!
البوستات ذات الحدين دى ابعدى منها!
سمح!
بكرة يقولوك قبال تبقى للقول!
قولى بيبى سيتر !
هسة بتقدرى تهزى المكواة!
جنى |
الله شاف لي أنا..لأنه عارف أنا!
شعر تمام!
خلي تماضر تجي تقول بيت زي ده!
وكر عليم يا مني يالبقيتي تكوي لامن تمرضي..وتمسكي الشفع تعملي بيبي سيتر ليهم!
وبعد ده..يجوك في بطن بيتك ينهروك ويفوتوا..
يالمسختوا علي الدنيا..
فكروا في الحاصل ليا..
لكن يا جني المكوه اهزها ليه؟؟
تقصد مكوة الفحم اهزها علشان الرماد يطلع منها؟؟
وسمح لو طار في عيوني؟؟
ولا المكوه اتفتحت والنار وقعت فيني؟؟
مش ممكن اتحرق؟؟
عايزني اتحرق يا جني؟؟
وكان ماكنت ود جيرانا..كنت اتمنيت لي شنو؟
اسه المكوه خلصت..والرفوف الجماعه بيركبوا فيها..
ممكن تشيل البوليش ده وتلمع لي دواليب المطبخ؟؟
شكرا ان أفانس
|
Post: #83
Title: Re: مكوجي للأيجار!
Author: عزيز عيسى
Date: 01-10-2008, 04:34 PM
Parent: #1
Quote: أماني ماك غتيت!
آآآآآآآي بعرف..
بطبقها وأكويها لغاية ماتبقي سيف..
البطانيه الوزنها 5 كيلو ب12 جنيه استرليني..
و3 كيلو ب9 جنيه..وما تسألني اشمعني الفرق قدر ده..
أسعري وانا حره فيها..
يللا جيبها ومعاها القروش..
لأنه لو استنيت للنهايه امكن انت تشوف الحرقه وماتديني قروشي!
كل سنه وانت طيب.. |
يا زولة إنتي الغتيتة..
عليك الله جاييك وشايل بطانيطي بدل ما تكسبيني زبون
تقومي تديني أسعار بالإسترليني؟..
دي معناتها أمشي شوف ليك مكوجي تاني.
طيب.. عايز أدفع ليك باليورو ينفع؟
وريني 12 جنيه إسترليني بتعادل كم يورو.
كدي النسعلك سعال..
دحين ما بتقبلي مكوة بالجرورة؟
كان بتقبلي سجليني أول واحد في راس الدفتر.
|
Post: #105
Title: Re: مكوجي للأيجار!
Author: Muna Khugali
Date: 01-15-2008, 03:47 AM
Parent: #83
Quote: يا زولة إنتي الغتيتة..
عليك الله جاييك وشايل بطانيطي بدل ما تكسبيني زبون
تقومي تديني أسعار بالإسترليني؟..
دي معناتها أمشي شوف ليك مكوجي تاني.
طيب.. عايز أدفع ليك باليورو ينفع؟
وريني 12 جنيه إسترليني بتعادل كم يورو.
كدي النسعلك سعال..
دحين ما بتقبلي مكوة بالجرورة؟
كان بتقبلي سجليني أول واحد في راس الدفتر. |
وحات اسم الله غتاتن كمان ما تأكلك عيش شي!
يي شنو هو اصلو ده؟
دايرني أكويلك بلا قروش؟؟
وكمان من عرفتني مفلسه وبفتش للقروش قلت داير جروره!
وانا باقيلك المحل ده فاتحاه لي شنو؟؟
ما فيشان اسدد قروش الجروره لي سيد الدكان!
نيتك دي غايتو!
|
Post: #85
Title: Re: مكوجي للأيجار!
Author: امير عوض الجمري
Date: 01-10-2008, 05:21 PM
Parent: #1
| Quote: وكان محتاجة مساعدة عضلات تبش |
وكيتاً عليكم انتي وطارق جبريل ده حا اجيب لي بقرة اوقفها
جنب خشم الباب واطلّع من خشمها واديكم !!!
مش البكون لابس هدوم مكرفسة شديييييييييييد بقولوا عليهو:
عليك الله عاين ده هدومو التقول مطلعها من خشم بقرة!!
انا كمان زيادة في الدغالة حا اخليهن بقرتين والبطلعن من خشمن الفساتين المكشكشة !!
|
Post: #88
Title: Re: مكوجي للأيجار!
Author: Muna Khugali
Date: 01-11-2008, 03:18 PM
Parent: #85
اخلص الشغل في ايدي وارجع...
|
Post: #106
Title: Re: مكوجي للأيجار!
Author: Muna Khugali
Date: 01-15-2008, 04:14 AM
Parent: #85
Quote: عليكم انتي وطارق جبريل ده حا اجيب لي بقرة اوقفها
جنب خشم الباب واطلّع من خشمها واديكم !!!
مش البكون لابس هدوم مكرفسة شديييييييييييد بقولوا عليهو:
عليك الله عاين ده هدومو التقول مطلعها من خشم بقرة!!
انا كمان زيادة في الدغالة حا اخليهن بقرتين والبطلعن من خشمن الفساتين المكشكشة !! |
ويهون عليك ياأمير تعذب أختك؟؟
وان بقي عندك تار مع طارق ابوعضلات فشنك..تقسا علي معاه ليه؟؟
نحنا مش جيران هناك وجيران هنا؟
فرقنا فد "واحد" ان شلناه بنبقي نقس المربع...
عليك الله ما تجيب لي البقر..
واسه الفاتح اخوي ذاته كان بيبخ ويكوي معاي ..بقي ماقادر يجي هنا...
خلي بالك بكري غار من البيزنس يتاعنا ده..وامكن قال احنا عملنا دعايه مجانيه..
وقام ابي يساعد الفاتح في الباس وورد حقه!
أها انت اسه ما ساعدتني..
الكلام ده مش عيب؟؟
خلاص ماراح شي اصله بعد خلصنا المكوه غسلنا تاني..
يلا بخ بدل الفاتح وأكوي...وأنا برص..
دقيقه كبس المكوه فصل..
|
Post: #92
Title: Re: مكوجي للأيجار!
Author: أحمد الشايقي
Date: 01-11-2008, 10:04 PM
Parent: #1
Quote:
لكن في النهايه لو ماتت..ما بنخلي ونستنا ولا حاجاتنا
|
ما بنخلي ونستنا واحــد
والعايز يسـمـع بنقـول ليهـو, دايركـت , اتنين
والبوسـت منــور يا المكوجي ثلاثـة
أحمـد
|
Post: #96
Title: Re: مكوجي للأيجار!
Author: Salah Waspa
Date: 01-12-2008, 09:07 AM
Parent: #92
هووووووووي هيييييي يا مكوجية آخر زمن إنتو أنا كلما أفتش
على دكانكم ده أقصد بوستيكم ده ألقاه في سقط لقط ما عندكم
زبائن ولا مكوتكم بردت ولا ياني (يعني) شنو المودوو (الموضوع) ????
واسبه
|
Post: #108
Title: Re: مكوجي للأيجار!
Author: Muna Khugali
Date: 01-15-2008, 04:52 AM
Parent: #96
Quote: هووووووووي هيييييي يا مكوجية آخر زمن إنتو أنا كلما أفتش
على دكانكم ده أقصد بوستيكم ده ألقاه في سقط لقط ما عندكم
زبائن ولا مكوتكم بردت ولا ياني (يعني) شنو المودوو (الموضوع) ????
واسبه |
كتبوا البوست يا صلاح!
الله يعوضنا
|
Post: #107
Title: Re: مكوجي للأيجار!
Author: Muna Khugali
Date: 01-15-2008, 04:44 AM
Parent: #92
Quote: ما بنخلي ونستنا واحــد
والعايز يسـمـع بنقـول ليهـو, دايركـت , اتنين
والبوسـت منــور يا المكوجي ثلاثـة
أحمـد |
ايوه يا أحمد..
نحنا الخوف ده ما بنعرفه..والعايزين نقول بنقوله بالصوت العالي وواضح..
حسبي الله فيهم العايزين بس يفرقوا الناس ويملونا بعقدهم!
أحمد بتعرف تخبز؟؟؟
عندي فكره أعمل مخبز وحلواني..
بعرف أعمل حلويات ما بطاله..كيك مثلا..
مشكلتي حاجه واحده بس..
كل ما أعمله بيحرق وبيكون طعمه مسيخ...
تفتكر ده من شنو؟؟
|
Post: #98
Title: Re: مكوجي للأيجار!
Author: طارق جبريل
Date: 01-12-2008, 10:52 PM
Parent: #1
Quote:
انت يا طارق..كدي النسألك..
ات عضلاتك التبش ديل كانو وين وقت الجماعه الجو يشيلوا مكوتهم لقوا ملاياتهم كلها محرقه وقاموا يكوركوا فيني؟
مالك مشيت اندسيت؟
وبعد داك مالك مادفعت ليهم الغرامه؟
أنا مش أختك؟
انا مش بت جيرانكم؟
أنا مش بتك خاطبه ولد بتي لما الله يخلقه؟
خلاص يللا تعال أكوي معاي.. |
انا كان سويت دة كله التراب في خشمي
بعدين يا منى بي حق النسابة الحا تكون بيناتنا
ما تسمعي كلام الجمري دة
وناس مربع 8 ديل انا عارف مقالبم
|
Post: #109
Title: Re: مكوجي للأيجار!
Author: Muna Khugali
Date: 01-15-2008, 05:04 AM
Parent: #98
Quote: انا كان سويت دة كله التراب في خشمي
بعدين يا منى بي حق النسابة الحا تكون بيناتنا
ما تسمعي كلام الجمري دة
وناس مربع 8 ديل انا عارف مقالبم |
تسلم اخوي من الترابه..علي لكن انت سويت كده!
وكمان آآآي والله شوفت امير داير يجيب لي بقرتين يكرفسن الهدوم كيف؟؟
يا حليل مربع 9 وناسه الطيبين
ويا حليل الأمتداد القاره..الناس كلها عايشه بالسنين الطويله وبالعمر كله..
لافي زول شاكل زول لافي انت قاصد وانت بتكون...
خلاص السودان يعوضنا فيه الله..
أظنها دي آخر مداخله نختم بيها البوست ده ونرسلها المكتبه..ونختمه بدعاء سودانيزاولايني..
يارب...
تبعد تشفي الناس القلوبها ما نضيفه..
ويارب اذا ما شفيتهم تزحههم مننا..
يارب ساعدنا ما نبقي زيهم..عشان هم ماحلوين في افكارهم..
يارب تدي كل زول قدر نيته...
.........
.........
شكرا لكل من ساعدني في المكوه..
وشكرا للأتغاتتو علي وما كووا معاي..
والبركه في اللمه والونسه..
|
|