تطير عيشتك يا مني خوجلي!

تطير عيشتك يا مني خوجلي!


10-22-2007, 03:56 PM


  » http://sudaneseonline.com/cgi-bin/sdb/2bb.cgi?seq=msg&board=69&msg=1198846508&rn=87

Post: #1
Title: تطير عيشتك يا مني خوجلي!
Author: Muna Khugali
Date: 10-22-2007, 03:56 PM
Parent: #0

وكمان معاي دومه
Post: #2
Title: Re: تطير عيشتك يا مني خوجلي!
Author: Ahmed Abdallah
Date: 10-22-2007, 03:59 PM
Parent: #1

تطير عيشة الما بدوركـ ...
انتي و دومة في كفة والباقين في كفة
Post: #6
Title: Re: تطير عيشتك يا مني خوجلي!
Author: Muna Khugali
Date: 10-22-2007, 04:03 PM
Parent: #2

لو بتكرهوني قدر ده..تطير عيشتي!






أحمد عبد الله..
انسي قندهار وعمك الخليفه..وزماتنت هنا..
وخليك من انك تكون جلابي مستلب..وقوم بالأتي.

ادخل اسم مني خوجلي في جملة كراهيه!
Post: #3
Title: Re: تطير عيشتك يا مني خوجلي!
Author: abubakr
Date: 10-22-2007, 04:01 PM
Parent: #1

اها بقينا في جلد الذات .. الحاصل شنو ؟؟ الواحد يغيب ساعة ويجي يلقي العكاكيز شغالة
Post: #14
Title: Re: تطير عيشتك يا مني خوجلي!
Author: Muna Khugali
Date: 10-22-2007, 04:14 PM
Parent: #3

Quote: اها بقينا في جلد الذات .. الحاصل شنو ؟؟ الواحد يغيب ساعة ويجي يلقي العكاكيز شغالة



ايوه لازم أجلد ذاتي وادعي لي علشان مااكفر استغفر الله العظيم..واحزن علشان ربنا خلقني

شماليه وجلابيه بنص كم!

عندك حل؟

اريد حلا ولا انتو تكونوا شركاء استغفر الله العظيم كده..في كفري!
Post: #4
Title: Re: تطير عيشتك يا مني خوجلي!
Author: bushra suleiman
Date: 10-22-2007, 04:03 PM
Parent: #1

بسم الله يامنى ..
قولى خير واللا احسن نبخرّك فى الاول
Post: #16
Title: Re: تطير عيشتك يا مني خوجلي!
Author: Muna Khugali
Date: 10-22-2007, 04:34 PM
Parent: #4

Quote: بسم الله يامنى ..
قولى خير واللا احسن نبخرّك فى الاول


يا سلام عليك يا بشري..
كدي في الأول وريني..
لو البخور ده ممارسه عربيه شماليه وبيطلع دخان أسود..احسن تخليهو خالص..

مااااااا دايراه..بيجيب لي
Post: #5
Title: Re: تطير عيشتك يا مني خوجلي!
Author: حسن الجيلى سعيد
Date: 10-22-2007, 04:03 PM
Parent: #1

Quote: تطير عيشتك يا مني خوجلي!

Quote: وكمان معاي دومه


والله يامنى خوجلى الروب مابحلكم إنت وخاله دوما ......
سيك سيك معلق فيك
Post: #7
Title: Re: تطير عيشتك يا مني خوجلي!
Author: Tragie Mustafa
Date: 10-22-2007, 04:04 PM
Parent: #5

كيف ما بنات الاصول يا زوله.
مش ده العايزه تقوليه؟؟؟؟
رفضتي الادانت ليه ورفضتي الانتصار لجندريتك؟؟؟؟

نحمد الله لم نميز في ادانة اي عمل غير اخلاقي تم بحق اي امرأه هنا.
Post: #8
Title: Re: تطير عيشتك يا مني خوجلي!
Author: Tragie Mustafa
Date: 10-22-2007, 04:05 PM
Parent: #7

فاتح ليه بوست
يلا جيبي لكل الهتيفه هنا.
Post: #9
Title: Re: تطير عيشتك يا مني خوجلي!
Author: Tragie Mustafa
Date: 10-22-2007, 04:07 PM
Parent: #8

ويلا يا شلة الهتيفه قشقشوا ليها دميعاتها الاميره الرقيقه دي:
Quote:
العزيزه اشراقه
وقبل ان نرد كجندريات دعيني اقول لك السياسي لن ينفصل يوما بهذا البورد عن الاخلاقي
و الجهوي....

هذه رسالة المدعو اسماعيل عبد الله محمد لي في ماسنجري وقد نشرتها وقام بكري ابوبكر
بحذف البوست دون انصافي.....

Quote:
Date: 04-10-2007, 09:59 م
From: اسماعيل عبد الله محمد
To: Tragie Mustafa
Subject: ممارسة الحب



شايفك متكيفة من المواضيع التى لها علاقة بلعبة ابرة ودرت التى اشتهرت بها جماعتكم , كدة برضو ادينا نبذة عن هذه اللعبة التى فيها ممارسة اكبر من مما رسة الحب.



عشان تعرفي جهوية بكري ابوبكر نفسه وتطبيقه للائحه بانتقائيه.

قديما نشرت منى خوجلي هنا ماسنجر اعتقد وصلها من نادروقام البورد ولم يقعد
وكان ردا على عبارات غير لائقه فعلا كتبها دكين .... لها...وقتها ادنت انا شخصيا
التعدي عليها...لكنها وغيرها بجهوية مخجله خجلن في اي يوم في نقد كل السخف و الانتقائيه
التي تمارس تجاهي كامراه فقط لاني مصنفه كدارفوريه؟؟؟؟

كتبت دوما هنا ان منعم سليمان كتب لها الفاظ ماشبهه
ادين ما كتب يا دوما منعم تجاهك,ولكن ادين بنفس المستوى
كتاباتك بحق ابناء دارفور.....وانت معهم في مماحكات دائمه واشهد
ويشهد معي الجميع ان رجل مثل محمد سليمان لم يكتب يوما بحقك عبارة نابيه
لكنك تعمدت ان تنكري تهذيبه وتشيري من باب الغمز و اللمز لدين بان الجنوبين محترمين
وان الدرافورين غير ذلك...وشطبتي تاريخهم معك وتذكرت فقط عبد المنعم سليمان!!
فهل هذا من باب الصدفه؟؟؟؟


وهل تمييز بكري وحذفه للمداخلات منعم معك وتركه لسخافات كثيره كتبها يسايكو واحمد عبد الله
واخيرا الجنجويدي اسماعيل بحقي صدفه؟؟؟


وهل تعرفي ماذا سيكون رد ابناء دارفور تجاها ما يحدث لي ستكون هنالك مزيد من الكتابات
الغاضبه و الغير علميه مثل كتبات عبد المنعم سليمان وجميعها تدخل في باب رد الفعل.

قرأت لك اكثر من مره يا دوما انه تمت الكتابه ضدك في منبر ناس تراجي!!
اولا لا يوجد منبر اسمه منبر ناس تراجي يوجد منبر اسمه منبر السودان الجديد ,
وله اداره يمكنك الشكوى لها,من كتب هنالك لي سابناء درافور بل هم شمالين مثلك ذهبوا لهنالك للاسف لتصفية حساباتهم بطريقه قذره,وذلك لاننا نصر ان نفتح باب العضويه للجميع و البعض يستغل ذلك.

الايبهيات بطرفنا لو عايزاها يمكننا تمليكها لك لتعرفي بان ليس لابناء دارفور علاقة بذلك.
واعلمي ان اساسي عضو البورد آتى لنا هنالك وشتمنا ووصفنا بمتسلقي السودان الجديد ورغم ذلك لم نحذف مداخلاته لاننا نرفض مبدأ الحذف.

من يصفنا يا دوما كنساء باننا شمطاوات او شبقات هو شخص مريض
فلا العمر مسبه ولا الرغبه الجنسيه مسبه,ولكنها اسقاطات غبيه
ومحاولات قذره لتكميم افواهنا وتحجيمنا كنساء من المشاركه في المنتديات.


تخريمه:
استغرب لرجل لا يعرف امرأه الا من مشاركتها يتجرأ بان يصفها بالشبقه!!
فهذا غير انه جعلنا نتأكد بانه كاذب,لانه لارجل يمكن ان يدلي بشهادة مثل هذه
مالم يكن زوجا لهذه المرأه,فالكيف الرجال مثل هذه المحاولات القذره لتكميم الافواه
والكلام للجميع,ويا عبد المنعم سليمان انا لم اجد مثل هذا الكلام لكن لو كتبته
ل دوما عليك اعتذار واضح,عارف ليها لانه هنا ليس تعميم..وانما ذكرتها بالاسم
وهذا جرم واضح بحقها,وان كنت تقبله بحقي فالتقبله بحق السيده دوما.

نختلف معها في ارائها السياسه او نتفق..الا ان حقوقها كانسنانه يفترض على عينا
وراسنا وحقها في التعامل بكرامة واخلاق.

Post: #15
Title: Re: تطير عيشتك يا مني خوجلي!
Author: محمد مختار جعفر
Date: 10-22-2007, 04:18 PM
Parent: #8

الأخت | منى خوجلى .
تحية وتقدير .
Post: #20
Title: Re: تطير عيشتك يا مني خوجلي!
Author: Muna Khugali
Date: 10-22-2007, 05:27 PM
Parent: #15

Quote: الأخت | منى خوجلى .
تحية وتقدير .


تسلم أخي محمد مختار..

ويعيش يعيش

الأدب..

جدتي أم أمي كانت دايما تقول لينا..

"الأدب فضلوه علي العلم"

وصدقت..
Post: #39
Title: Re: تطير عيشتك يا مني خوجلي!
Author: Muna Khugali
Date: 10-23-2007, 01:25 PM
Parent: #8

Quote: فاتح ليه بوست
يلا جيبي لكل الهتيفه هنا.
Post: #30
Title: Re: تطير عيشتك يا مني خوجلي!
Author: Muna Khugali
Date: 10-23-2007, 02:26 AM
Parent: #7

Quote: كيف ما بنات الاصول يا زوله.
مش ده العايزه تقوليه؟؟؟؟
رفضتي الادانت ليه ورفضتي الانتصار لجندريتك؟؟؟؟

نحمد الله لم نميز في ادانة اي عمل غير اخلاقي تم بحق اي امرأه هنا.
Post: #10
Title: Re: تطير عيشتك يا مني خوجلي!
Author: رشا سالم
Date: 10-22-2007, 04:07 PM
Parent: #5

البيقول النصيحة ..يجهز عكازو يا مني..

القال ليكم تبقو جلابيات منو؟؟؟؟؟؟

العراريق مالها؟؟
Post: #11
Title: Re: تطير عيشتك يا مني خوجلي!
Author: Tragie Mustafa
Date: 10-22-2007, 04:08 PM
Parent: #10

النصيحه هنا وينها يا د.رشا سالم؟؟؟
Quote:
البيقول النصيحة ..يجهز عكازو يا مني..

القال ليكم تبقو جلابيات منو؟؟؟؟؟؟

العراريق مالها؟؟
Post: #12
Title: Re: تطير عيشتك يا مني خوجلي!
Author: Tragie Mustafa
Date: 10-22-2007, 04:10 PM
Parent: #11

محاولة اقحام دوما محاولة سياسيه قذره اتمنى اال تمر على دوما:
Quote: وكمان معاي دومه

ويا منى خوجلي
اتفق او اختلف مع دوما
الا انني احترم التزامها بالثضايا الوطنيه
وانها ما جايه تتونس هنا.
Post: #49
Title: Re: تطير عيشتك يا مني خوجلي!
Author: Muna Khugali
Date: 10-24-2007, 01:18 AM
Parent: #12

Quote: محاولة اقحام دوما محاولة سياسيه قذره اتمنى اال تمر على دوما:

Quote: وكمان معاي دومه


ويا منى خوجلي
اتفق او اختلف مع دوما
الا انني احترم التزامها بالثضايا الوطنيه
وانها ما جايه تتونس هنا.
Post: #13
Title: Re: تطير عيشتك يا مني خوجلي!
Author: هاشم أحمد خلف الله
Date: 10-22-2007, 04:13 PM
Parent: #11

مني اختي قولي بسم الله الرحمن الرحيم الحاصل شنو يا بت الناس ؟؟؟؟؟؟؟؟؟
الواحد بس ياخد ليهو غميضة صغيرة يلاقي عكاكيزك في السماء !!!!
Post: #24
Title: Re: تطير عيشتك يا مني خوجلي!
Author: Muna Khugali
Date: 10-22-2007, 08:33 PM
Parent: #13

Quote: مني اختي قولي بسم الله الرحمن الرحيم الحاصل شنو يا بت الناس ؟؟؟؟؟؟؟؟؟
الواحد بس ياخد ليهو غميضة صغيرة يلاقي عكاكيزك في السماء !!!!


وانت تنوم ولا تاخد ليك غمضه ليه هشومي اخوي؟
شفت بالليل ساعه ماتنوم داك..تلقي الجماعه بيشتموا وشايلين عكاكيزهم..ويكري بس يحذف..
بكري اسمه بقي الحذاف..
وكان ما مصدقني نوم واصحي زي 11 بالليل..براك تشوف..ماتنوم سمح؟
وبعدين انت ذاتك مش قلت في قصيدتك الكتبتها بعد سفر هويدا البعاد طال؟
مالمفروض تكون في حالة حب وهيمان وقاعد تعد النجوم وتشتكي للقمر..النوم عليك شنو؟؟
الفي صوره دي ما عكاكيزي أنا.دي عكاكيز
Post: #22
Title: Re: تطير عيشتك يا مني خوجلي!
Author: Muna Khugali
Date: 10-22-2007, 08:06 PM
Parent: #10

Quote: البيقول النصيحة ..يجهز عكازو يا مني..

القال ليكم تبقو جلابيات منو؟؟؟؟؟؟

العراريق مالها؟؟




بس أنا بحب الجلاليب..
اسيبهم يعني علشان غيري شايفهم كعبين؟؟

اسه كده كويس؟
اها شفتي

لازم قالوا نخلي الجلاليب ونتعلم الملاكمه علشان ماعمليه في الشكل
بنقدر؟
اتخيلي منظرك كده في كورس بتاع ملاكمه..تزوغي من الخبطه الأولي والتانيه..لكن أكيد بتصابي في الباقيات..
احسن نقعد بعييييد ولو جونا ندعي علي رقبتنا وخلاص!
Post: #17
Title: Re: تطير عيشتك يا مني خوجلي!
Author: Muna Khugali
Date: 10-22-2007, 05:08 PM
Parent: #5

Quote: والله يامنى خوجلى الروب مابحلكم إنت وخاله دوما ......
سيك سيك معلق فيك


ثم قال أخي حسن مافي فايده!
أيأس يعني يا حسن الجيلي واخلي الأحباط ياخدني في حضنه..وخلاص؟

وبما اني محبة لمصر واناديها يا حبيبتي يا مصر فانني استعير قول سعد زغلول
الشهير والذي ذكرني به قولك..
قال الزعيم لزوجته بعد ان اصابه اليأس..

مفيش فايده..
ثم زاد..

غطيني يا صفيه!!
Post: #18
Title: Re: تطير عيشتك يا مني خوجلي!
Author: waleed dawash
Date: 10-22-2007, 05:13 PM
Parent: #1

بعد البخور بغني ليك يا ست الناس..
جلابيه بيضا مكويه منويه بسحروك لي












جلابي
Post: #28
Title: Re: تطير عيشتك يا مني خوجلي!
Author: Muna Khugali
Date: 10-22-2007, 09:19 PM
Parent: #18

Quote: بعد البخور بغني ليك يا ست الناس..
جلابيه بيضا مكويه منويه بسحروك لي












جلابي




تسلم أخوي وليد ويسلم لينا السودان خالي من العقد..
يرجع لينا الوطن ونفرح بيه..
ونجي نغني غنا البنات اللذيذ رغم انف الصفوه اللابدين..
جلابيه بيضا مكويه ومعاها أغاني تانيه حلوه كتيره..
وادعي لربي ده يحصل قبال عيشتي ماتطير

ولغاية الوقت داك تعظيم سلام ليك يا جلابي
Post: #19
Title: Re: تطير عيشتك يا مني خوجلي!
Author: Hatim Yousif
Date: 10-22-2007, 05:19 PM
Parent: #1

الأخوات الفاضلات / منى خوجلي .. و دوما ....

سلمتم من كل كل شر ......

-
-
Post: #21
Title: Re: تطير عيشتك يا مني خوجلي!
Author: نادر محمد الراضي
Date: 10-22-2007, 05:53 PM
Parent: #19

إن شاء الله البكرهووووك

وبدوروا يأذووووك ...
Post: #23
Title: Re: تطير عيشتك يا مني خوجلي!
Author: Adam Omer
Date: 10-22-2007, 08:16 PM
Parent: #21

يا منى مطيريها اكتر من كدة عايزة توديها وين ؟

ما كفاية طيران من الوطن؟
Post: #26
Title: Re: تطير عيشتك يا مني خوجلي!
Author: محمد سنى دفع الله
Date: 10-22-2007, 08:46 PM
Parent: #23

ايه الحاصل ؟؟
مش فاهم حاجة !!
أخ ( ضربة بعصا مضببة ))
كده فهمت !!
تطير عيشتك يالسني شنو المدخلك؟؟
ــــــ
تخريمة ..
انا متفائل وعارف النهاية سعيدة
( موسيقى )
Post: #44
Title: Re: تطير عيشتك يا مني خوجلي!
Author: Muna Khugali
Date: 10-23-2007, 02:36 PM
Parent: #26

Quote: ايه الحاصل ؟؟
مش فاهم حاجة !!
أخ ( ضربة بعصا مضببة ))
كده فهمت !!
تطير عيشتك يالسني شنو المدخلك؟؟
ــــــ
تخريمة ..
انا متفائل وعارف النهاية سعيدة
( موسيقى )


جعل الله ايامك كلها تفاؤل السني عوض خوجلي..
وفي النهايه سيتزوج البطل من البطله..
ويعيشوا في تبات ونبات ويخلفوا صبيا وبنات..

يللا أدي بغنا

ممكن تعزمنا يالسني السنه الجايه في الشركه عندك في امدرمان؟
تجيب لينا ليمون زي يوم داك وسندويتش جامبو بتاع طعميه..
بس نور الغتيت ما يكون معانا..ممكن؟
Post: #42
Title: Re: تطير عيشتك يا مني خوجلي!
Author: Muna Khugali
Date: 10-23-2007, 01:50 PM
Parent: #23

Quote: يا منى مطيريها اكتر من كدة عايزة توديها وين ؟

ما كفاية طيران من الوطن؟


يا حليلو يا آدم الوطن البقينا نمشيه اجازات..بعد ما كنا بنبرطع فيه بمزاج!
ايه رأيك في السجع ده..أختك شاطره..موش؟؟

أهدي ليك..
عايزه اكون انا عصن أخضر..غصن يدعو للسلام!
الله يرجعنا كلنا سالمين للوطن..
نتقابل في أمان..
نغني ونفرح "دون منغصات"

قول آمين
Post: #38
Title: Re: تطير عيشتك يا مني خوجلي!
Author: Muna Khugali
Date: 10-23-2007, 12:57 PM
Parent: #21

Quote: إن شاء الله البكرهووووك

وبدوروا يأذووووك ...


شكرا يا نادر..وبالفرنساوي ميرسي
علشان اظهر رقيقه أكتر


عملت لينا شنو في موضوع ماليزيا؟؟

انتو قاليني عامله مقلب موش؟
Post: #29
Title: Re: تطير عيشتك يا مني خوجلي!
Author: Muna Khugali
Date: 10-22-2007, 11:34 PM
Parent: #19

Quote: الأخوات الفاضلات / منى خوجلي .. و دوما ....

سلمتم من كل كل شر ......


ولك اخي حاتم وكل المحترمين كل الود والتقدير
وبنكون سالمين طول ما المهذبين موجودين..
Post: #25
Title: Re: تطير عيشتك يا مني خوجلي!
Author: تماضر الخنساء حمزه
Date: 10-22-2007, 08:39 PM
Parent: #1



مسروقة من بيت الجيران
Post: #27
Title: Re: تطير عيشتك يا مني خوجلي!
Author: مامون أحمد إبراهيم
Date: 10-22-2007, 09:16 PM
Parent: #25

يصلح عيشتك يامنى خوجلى ,ويتبنى عشك

و دارك , وسط سودان راقى وسالم ومعافى

ومتمدن .
Post: #31
Title: Re: تطير عيشتك يا مني خوجلي!
Author: doma
Date: 10-23-2007, 03:57 AM
Parent: #27

loooooooooooooool Dear Muna I can't write in arabic using the explorer at the same time I can't open this post using Mozilla browser once I click on it

the whole board diappears . could be the song or this Bakhoor used by Bushura
The old nag or Mrs. looooooooool
Post: #32
Title: Re: تطير عيشتك يا مني خوجلي!
Author: Tragie Mustafa
Date: 10-23-2007, 04:32 AM
Parent: #31

Quote: تسلم أخوي وليد ويسلم لينا السودان خالي من العقد..

عقد اكثر من كده؟؟؟؟؟؟؟
عايزين تعملوا شنو؟؟؟؟
بوستات تتستمر شهور وكلها كلام فارغ
ادعاء بطيبه مصطنعه
وقال عقد قال!!
Post: #59
Title: Re: تطير عيشتك يا مني خوجلي!
Author: Muna Khugali
Date: 10-24-2007, 03:11 PM
Parent: #32

Quote: عقد اكثر من كده؟؟؟؟؟؟؟
عايزين تعملوا شنو؟؟؟؟
بوستات تتستمر شهور وكلها كلام فارغ
ادعاء بطيبه مصطنعه
وقال عقد قال!!
Post: #56
Title: Re: تطير عيشتك يا مني خوجلي!
Author: Muna Khugali
Date: 10-24-2007, 01:05 PM
Parent: #31

Quote: loooooooooooooool Dear Muna I can't write in arabic using the explorer at the same time I can't open this post using Mozilla browser once I click on it

the whole board diappears . could be the song or this Bakhoor used by Bushura
The old nag or Mrs. looooooooool


دومه زميلتي وأنا توأمتها في الشقاء هنا..
أهديكي الأطلال تغنيها أم كلثوم!
ثم أهديك تقديرا واحتراما بطعم ولون الأنسانيه كلها..
انسانيه ليس فيها عنف ولا ضرر..
ولا نخاف الا الله الحي في ضميرنا..
نتحدث حبه وقونه ..
نتنفسه رحمه وتكبر أرواحنا به..
هو السودان ابونا وأمنا..
وهي أفريقيا أمنا الكبري الخالده..
وهي لغتنا العربيه التي تربطنا وتجمعنا بكل حروفها العظيمه..

لم يكن تهميشك في القريه سببا لكراهيتك لي أنا ابنة العاصمه..
المتمتعه بكل خدماتها وأفراحها وطفولتها السهله..
ولم يمنعك فقر قريتك من أن تنزعي حقوقك كانسان وتنحتي في الصخر حتي تصيري أنت..
دومه القويه اللطيفه المحبه المناقشه بمنطق..التي تقف علي ارص صلبه من الثقه
والأعتداد بالنفس..
........
..........
..........





وختاما....

أمشي كده يا جلابيه يا مستلبه
Post: #57
Title: Re: تطير عيشتك يا مني خوجلي!
Author: doma
Date: 10-24-2007, 01:21 PM
Parent: #56

Quote: أمشي كده يا جلابيه يا مستلبه

هههها يا مني لكين ما كسرتي لي دقنوسي دا. انت عارفه يا مني نحن اشتغلنا في نفس المكان انت كنت مع ناس سمير سر الختم وعمر يوسف مش ؟؟وانا في الوقايه بتاعه المساكين شفتي اختك مهمشه كيف ؟؟
لكين بتكوني جيتي بعد ما انا غادرت بزمن طويل
Post: #60
Title: Re: تطير عيشتك يا مني خوجلي!
Author: Muna Khugali
Date: 10-24-2007, 04:03 PM
Parent: #57

Quote: هههها يا مني لكين ما كسرتي لي دقنوسي دا. انت عارفه يا مني نحن اشتغلنا في نفس المكان انت كنت مع ناس سمير سر الختم وعمر يوسف مش ؟؟وانا في الوقايه بتاعه المساكين شفتي اختك مهمشه كيف ؟؟
لكين بتكوني جيتي بعد ما انا غادرت بزمن طويل


ايوه والله..اشتغلت في منظمة الجراد الصحراوي من نهاية 88 أو بدايه 89 لغاية 1991 ..
اتاري المحنه باديه باثر رجعي حتي وانتي مافي!

الليله رجعتيني للزراعه ووقايه النباتات وبحري ورش الجراد ونبيل واخلاص وحسن عباس الراجل الطيب وناس كتار حلوين!
وسمير سر الختم وعمر يوسف ومحمد سيدأحمد وعوض قسم السيد وزيدان وكامل ومحمد شمس الدين..ومشاوير رمضان في سوق بحري وعم عطا في الحلفايا..ياسلام عليك يا دوما..
ايوه والله انتي كنتي فعلا مهمشه..تاخدي بالسوداني الكحيان واحنا كلنا بسواقينا والغفرا
ناخد بالدولار..حليلك بت أمي في الدنيا وتعليمها وحظوظها..

ناكل السمك وانتي تاكلي الفول المكتح وتشربي القهوه المعموله بالعيش المحروق بدل البن..ونحنا يا بت أمي نشرب القهوه بالبن الماهو خمج..
يا حليلك يا دومه يا بت أمي وحليل ايام تهميشك..
انتي يا دومه كنتي بتصلي بيتك كيفن من المكان المقطوع داك؟
ما تقولي لي بتطلعي تتشعبطي زي الجماعه في البصات والمواصلات الزحمه من الشارع المليان حفر ومويه داك؟
ياريتني حبيبتي كان لاقيتك الزمن داك..كنا وصلناك بعربية الشغل محل ما دايره..اصله هو التعب ده كان داير يباريك لمتين..ماعنده حد؟؟
تهميش في القريه وفي وقاية النباتات كمان
لكن يا دومه وقاية النباتات دي كان عاجباني بشكل..حوشهم طوالي نضيف..وماعارفه ليه مكاتبها
بتذكرني بالمستشفي الجنوبي زمان في الخرطوم..تلقاها هاديه وممراتها طويله..

بري يا يمه تهميشك ماهو سمح ومادايراه لزول
Post: #51
Title: Re: تطير عيشتك يا مني خوجلي!
Author: Muna Khugali
Date: 10-24-2007, 02:40 AM
Parent: #27

Quote: يصلح عيشتك يامنى خوجلى ,ويتبنى عشك

و دارك , وسط سودان راقى وسالم ومعافى

ومتمدن
.

ونحب بعض كلنا ونفرح ببعض..
ولما نختلف..نختلف دون صراع ومرارات..
ونتعلم من بعض انه الدنيا دي في ثانيه ممكن نروح منها..
وما يبقي ورانا غير السيره الطيبه والذكري الجميله..

شكرا علي دعوتك الحلوه..ربنا يخليك ويديم المعروف بينا..
Post: #50
Title: Re: تطير عيشتك يا مني خوجلي!
Author: Muna Khugali
Date: 10-24-2007, 01:38 AM
Parent: #25

Quote: مسروقة من بيت الجيران


تمرا اللصه الظريفه..
يعني ارسينه لوبينه

سرقتك لذيذه..عندي اغنيه تانيه عايزه ليها سرقه ممكن؟
بطبخها وأجيبها ليك
Post: #33
Title: Re: تطير عيشتك يا مني خوجلي!
Author: محمد أبوالعزائم أبوالريش
Date: 10-23-2007, 06:48 AM
Parent: #1

Quote: تطير عيشتك يا مني خوجلي!


يا زولة مالك عليها؟
Post: #35
Title: Re: تطير عيشتك يا مني خوجلي!
Author: مجدي عبدالرحيم فضل
Date: 10-23-2007, 07:00 AM
Parent: #33

Quote: تطير عيشتك يا مني خوجلي


مالك في المدينة ومطيرنا وين؟؟؟؟

هو الرحلة قامت وأنــا يادوب ركيت عندكم في غصن أخضر بتغاريد القماري!!!

بسم الله يافتاح ياعليم تروق لينا مني بت الخليفة دي



،،،،أبوقصي،،،،
Post: #62
Title: Re: تطير عيشتك يا مني خوجلي!
Author: Muna Khugali
Date: 10-24-2007, 11:50 PM
Parent: #35

شكرا مجدي علي أمنيتك..
وشكرا علي الورد الجميل..كيف كانت المدينه؟؟


تسلم..
Post: #61
Title: Re: تطير عيشتك يا مني خوجلي!
Author: Muna Khugali
Date: 10-24-2007, 08:39 PM
Parent: #33

Quote: يا زولة مالك عليها؟


بس علشان ناس تانيه ترتاح يا محمد!
Post: #34
Title: Re: تطير عيشتك يا مني خوجلي!
Author: خالدة البدوي
Date: 10-23-2007, 06:53 AM
Parent: #1

معقوووووووووووووووووله لاكين

منو حبيبتي ديل منو الماعندهم نظر

وكمان دومه لا لا لا لا لا لا لا لا

ديل زودوها ،،،

تبرن من طيران العيششة ،،
Post: #64
Title: Re: تطير عيشتك يا مني خوجلي!
Author: Muna Khugali
Date: 10-25-2007, 01:36 AM
Parent: #34

Quote: معقوووووووووووووووووله لاكين

منو حبيبتي ديل منو الماعندهم نظر

وكمان دومه لا لا لا لا لا لا لا لا

ديل زودوها ،،،

تبرن من طيران العيششة ،،


شوفتي كيف خلودتي حبيبتي؟

بقينا ندعي نفسنا!

انا غايته من هنا ما بمشي..

وياريت دومه تغير رأيها!

كل سنه وانت طيبه حبيبتي..من الخرطوم تاني ما اتكلمنا!
Post: #36
Title: Re: تطير عيشتك يا مني خوجلي!
Author: انعام حيمورة
Date: 10-23-2007, 07:07 AM
Parent: #1

انتي عيشتك كان طارت نحن نمشي وين ؟؟؟!!!

زعيمة المطبلاتية والحيران !!
Post: #63
Title: Re: تطير عيشتك يا مني خوجلي!
Author: Muna Khugali
Date: 10-25-2007, 00:30 AM
Parent: #36

Quote: انتي عيشتك كان طارت نحن نمشي وين ؟؟؟!!!

زعيمة المطبلاتية والحيران !!


تعالي طيري مع عيشتي نعومي..رايك شنو؟؟
تطبلي من بعيد ساكت ما ينفع..
وبعدين طبلي بصوت أعلي شويه..علشان أنا بحب الصوت العالي ..ممكن؟

ما عندي مزاج أخت صور ولا وشوش ضاحكه ولا حتي متنيله علي عينها باكيه...
واسه ماشيه اغير صورتي بقرد وزول يتكلم معاي مافي..كده بس!
Post: #37
Title: Re: تطير عيشتك يا مني خوجلي!
Author: celecon
Date: 10-23-2007, 07:36 AM
Parent: #1

زعيمة المطبلاتية والحيران !!
يلعن ابو الغباشة ظاااااااطا ...
Post: #40
Title: Re: تطير عيشتك يا مني خوجلي!
Author: Mubarak Eltayeb
Date: 10-23-2007, 01:26 PM
Parent: #37

بركة الصباح أب رزقاً مي (شاح)
و(فرة) الجناح
وجبريل الفي مكة صاح
بركة الليل الأمسى و(الأوكات) الخمسة
بركة المسوات ومستجيب الدعوات
بركة من صلى وقال يا الله
بركة الخميس أب دعوتاً ما (بتخيس)
[(الأصبحبو النبي عريس)]
بركة الجمعة الجامعة والكلمات السامعة

تنعم عيشتك وتكون هنية يا مني يا بت خوجلي
Post: #70
Title: Re: تطير عيشتك يا مني خوجلي!
Author: Muna Khugali
Date: 10-27-2007, 00:57 AM
Parent: #40

Quote: بركة الصباح أب رزقاً مي (شاح)
و(فرة) الجناح
وجبريل الفي مكة صاح
بركة الليل الأمسى و(الأوكات) الخمسة
بركة المسوات ومستجيب الدعوات
بركة من صلى وقال يا الله
بركة الخميس أب دعوتاً ما (بتخيس)
[(الأصبحبو النبي عريس)]
بركة الجمعة الجامعة والكلمات السامعة

تنعم عيشتك وتكون هنية يا مني يا بت خوجلي


بركة الله القادر..
وبركة الصلاه علي سيدنا محمد..
والوقوف في عرفات..
وزيارة بيت الله..
تفرح ايامك..
وتسعد كل أوقاتك..
يديك الفي مرادك ويريح بالك..
يامبارك يا ود الطيب..

دعواتك عجبني بالحيل..

قلت ليك..
اسه اسوي شنو؟
امكن الله يطير عيشتي جد جد!
Post: #41
Title: Re: تطير عيشتك يا مني خوجلي!
Author: عادل جبارة
Date: 10-23-2007, 01:29 PM
Parent: #37

Quote: ادخل اسم مني خوجلي في جملة كراهيه!

غير ممكن طبعاً .... لأنه من التمني .. وهو ممنوع من الكراهية
بكل اللغات ..

منى .. تراجي .. الخالة دوما ... بنحبكم كلكم يا ريت تروقوا المنقه
Post: #43
Title: Re: تطير عيشتك يا مني خوجلي!
Author: نادر محمد الراضي
Date: 10-23-2007, 01:58 PM
Parent: #41

العزيزة منى ...

موضوع ماليزيا ما محتاج حاجة

كل الحكاية الناس تنظم الصفوف بس ...

التأشيرة في المطار بتاخديها والبلد

رخييييسة وحلوة وتجننن ....
Post: #71
Title: Re: تطير عيشتك يا مني خوجلي!
Author: Muna Khugali
Date: 10-27-2007, 01:53 AM
Parent: #41

Quote: غير ممكن طبعاً .... لأنه من التمني .. وهو ممنوع من الكراهية
بكل اللغات ..


ارد عن نفسي وأقول شكرا عادل جباره!
Post: #65
Title: Re: تطير عيشتك يا مني خوجلي!
Author: Muna Khugali
Date: 10-25-2007, 11:46 AM
Parent: #37

Quote: زعيمة المطبلاتية والحيران !!
يلعن ابو الغباشة ظاااااااطا ...


سيليكون انت بتعرف الغباشه؟

حلوه موش؟
أنا أول ماقالوا لي زبادي مخلوب بالسفن أب..قلت دي هاتكون حاجه ما بتتشرب..
لكن لما شربت منهم قلت ليهم..


عليكم الله أدوني تااااااني..


كل سنه وانت طيب!
Post: #45
Title: Re: تطير عيشتك يا مني خوجلي!
Author: Raja
Date: 10-23-2007, 02:47 PM
Parent: #1

Quote: تطير عيشتك يا مني خوجلي!
Post: #75
Title: Re: تطير عيشتك يا مني خوجلي!
Author: Muna Khugali
Date: 10-27-2007, 12:57 PM
Parent: #45

رجاء..
كيف يهون عليك يا بت العباسي تضحكي مثل هذه الضحكات وأنا عيشتي طايره!
لقد أتيت أمرا عجبا..
ولقد قررنا الأنتقام.. وحيث يوجد بوست يدك المشروخه نذهب ونضع زهورا..مقلبتك موش؟
أهديك أغنية ورده الأنتي عارفاها..وارجوكي أعملي بوصاياها..
Post: #46
Title: Re: تطير عيشتك يا مني خوجلي!
Author: د.محمد حسن
Date: 10-23-2007, 02:49 PM
Parent: #1

انت امير علي

وعلى كل القلوب الكبيرة

منى يا اميرة القلوب النقية

سلاااامتك
Post: #76
Title: Re: تطير عيشتك يا مني خوجلي!
Author: Muna Khugali
Date: 10-27-2007, 01:28 PM
Parent: #46

Quote: انت امير علي

وعلى كل القلوب الكبيرة

منى يا اميرة القلوب النقية

سلاااامتك


محمد الحسن ممكن تديني بتك صبا؟
عليك الله يا محمد انا حبيتها شديد..
خلاص التومات برضه عسل شديد ربنا يحفظهم..لو ما داير تبعدهم من صبا جيبهم التلاته..

تسلم انت ياراجل يا طيب وكريم..
Post: #47
Title: Re: تطير عيشتك يا مني خوجلي!
Author: ماجدة عوض خوجلى
Date: 10-23-2007, 03:04 PM
Parent: #1















اها وبعدين
Post: #78
Title: Re: تطير عيشتك يا مني خوجلي!
Author: Muna Khugali
Date: 10-27-2007, 02:47 PM
Parent: #47

هووووووي يا ماجده..
انتي عافاني بخاف من الفيران..
ماشفتيه كان قاعد ينطط فوق بطني كيتن علي وماقادره أعمل ليه حاجه

اسه فارك ده شايل مسدس رصاصه كله فشك...طرقعة صوت ساكت..
لكن برضه الطرقعه ما لذيذه..
شيليه وبالمره..
امسكي عليك عيونك ديل!
Post: #48
Title: Re: تطير عيشتك يا مني خوجلي!
Author: انعام عبد الحفيظ
Date: 10-23-2007, 03:19 PM
Parent: #1

Quote: تطير عيشتك يا مني خوجلي!


ومن البرضى بى كدا ؟؟؟
Quote: ادخل اسم مني خوجلي في جملة كراهيه!


لا حولااااااااااااا طبعا ما بتجي

الصبر والترفع عن الصغائر يامنوية

ووسعي قلبك الكبير دا أكتر وأكتر

وخلي الضيق ينتهي سريع

انتي قادرة على إسعاد نفسك

إذن أنتي قادرة على إسعاد الآخرين

كوني كما أنتي


والوردة دي ليكي عشان عارفاكي بتحبي الورد
Post: #80
Title: Re: تطير عيشتك يا مني خوجلي!
Author: Muna Khugali
Date: 10-28-2007, 00:30 AM
Parent: #48

Quote: ومن البرضى بى كدا ؟؟؟

Quote: ادخل اسم مني خوجلي في جملة كراهيه!



لا حولااااااااااااا طبعا ما بتجي

الصبر والترفع عن الصغائر يامنوية

ووسعي قلبك الكبير دا أكتر وأكتر

وخلي الضيق ينتهي سريع

انتي قادرة على إسعاد نفسك

إذن أنتي قادرة على إسعاد الآخرين

كوني كما أنتي


والوردة دي ليكي عشان عارفاكي بتحبي الورد


ازيك نعومتي..كيف كانت رحلة مصر والعيد؟
احنا هنا آخر استعداد للكريسماس..خلاص السواق بقت زحمه والناس بتحضر هداياها من بدري..
وده براه بيخلي القلب يوسع..ويتذكر الأيام الجميله في الخرطوم واهل الخرطوم..

بس يا انعام احنا بشر ولكل شيء حدود..
مهما طولنا بالنا برضه بنتضايق..ولما نتضايق مابنفوت حدود الأدب..لأنه مالمفروض اقلل من قيمتي علشان انفث عن غضبي..واخسر احترام الناس وحبهم لي..في زول يقدر يعيش بدون حب الناس؟
لو في مابيكون انسان..بيكون اي حاجه تانيه..
ولا ممكن أخذل الناس البتحبني واظهر بصوره مالطيفه قدامهم ولا قدام نفسي..
علشان كده ماتخافي بالكتير بوست زي ده..أقول فيه انه اي انسان بيزهج من السخف والاستهتار
بمشاعر الناس..

شكرا نعومتي علي الورده الجميله والشوق كتير كتير ليك ولأهل الخرطوم..
Post: #52
Title: Re: تطير عيشتك يا مني خوجلي!
Author: osman righeem
Date: 10-24-2007, 05:53 AM
Parent: #1

اختنا الغالية مني

تعالي نصنع الود بيننا
حتي عندما نختلف لا يفسد الخلاف ودنا
وبلزمنا الود بإدب الاختلاف
وعمق الشعور بأننا في مركب واحد
مركب فيه قليل من الممنوعات كثير من المتفق عليه
اصنعي من احباطك طاقة لانطلاقة جديدة
رسالة ود ويد ممدودة


ولي قدام
Post: #53
Title: Re: تطير عيشتك يا مني خوجلي!
Author: Najlaa El Mahi
Date: 10-24-2007, 07:11 AM
Parent: #52

منى سلامات

تبرى انتى يا يمة من طيران العيشة

يا ستى رغم ما فى هذه الدنيا من منغصات فهناك دائما حواف للحب والعطاء والامل واظنك تسكنين تلك البيادر

اغمضى عينيك ارجعى راسك للوارء خذى نفسا عميقا ثم احسبى لحدى 30 ستجدين كل الهم والغم راح ضرورى فى غرفة مظلمة وموسيقى هادئة جدا علاج ناجع لمثل هكذا حالات جربى هذه الوصفة يا جميل وبعدها حا تدعى لى اصلى مجرباها

على الرغم من عدم معرفتى لسبب دعائك على نفسك بطيران العيشة


مودتى

نجلاء الماحى
Post: #88
Title: Re: تطير عيشتك يا مني خوجلي!
Author: Muna Khugali
Date: 10-30-2007, 02:13 AM
Parent: #53

Quote: منى سلامات

تبرى انتى يا يمة من طيران العيشة

يا ستى رغم ما فى هذه الدنيا من منغصات فهناك دائما حواف للحب والعطاء والامل واظنك تسكنين تلك البيادر

اغمضى عينيك ارجعى راسك للوارء خذى نفسا عميقا ثم احسبى لحدى 30 ستجدين كل الهم والغم راح ضرورى فى غرفة مظلمة وموسيقى هادئة جدا علاج ناجع لمثل هكذا حالات جربى هذه الوصفة يا جميل وبعدها حا تدعى لى اصلى مجرباها

على الرغم من عدم معرفتى لسبب دعائك على نفسك بطيران العيشة


مودتى

نجلاء الماحى

يا حليلك يا نجلاء يا حلوة النفس!
عارفه البيحصل ده قدر بس جانا من ربنا ولازم نقبل بحكم الله!
تاخدي نفس..تكتمي نفسك..تجري في الشارغ تفرغي طاقة الغضب..تلعبي ملاكمه مع زول زي ما بعمل
مرات مع بودي..
برضه مفيش فايده..دي عالم متعوده وبتعيش علي تنكيد الغير ومتدربه..
بس زي ما قلت ليك أمر الله ووقع علينا..

شكرا يا نجلاء..انتي ما جايه حبيبتي معانا الرحله؟
Post: #82
Title: Re: تطير عيشتك يا مني خوجلي!
Author: Muna Khugali
Date: 10-28-2007, 01:30 AM
Parent: #52

Quote: اختنا الغالية مني

تعالي نصنع الود بيننا
حتي عندما نختلف لا يفسد الخلاف ودنا
وبلزمنا الود بإدب الاختلاف
وعمق الشعور بأننا في مركب واحد
مركب فيه قليل من الممنوعات كثير من المتفق عليه
اصنعي من احباطك طاقة لانطلاقة جديدة
رسالة ود ويد ممدودة


ولي قدام


وها ما احاول قصاري جهدي عمله كما تفعل انت والأغلبيه..
واعتقد أننا سائرون في الدرب الصحيح..
علي الرغم من المطاردات المستمره والكلمات العاجزه ومحاولات الأساءه دون سبب..
الا أن الأدب والتأدب هما سلاحنادائما
اقبل ودك وودهم بمحبة صادقه..والله شاهد علي ما نقول..

شكرا عثمان أخوي..

تقول مديحه اختي الكبيره..

ليس هناك أقوي من احترام النفس طريقا لأحترام الغير..

وأصدقها تماما فيما تقول..
Post: #54
Title: Re: تطير عيشتك يا مني خوجلي!
Author: معتصم الطاهر
Date: 10-24-2007, 10:09 AM
Parent: #1

Quote: ادخل اسم مني خوجلي في جملة كراهيه! ..

لم نحاول ..

لأن القلب يرفض
و اللغة ترفض ..
والعقل يرفض
والانسانية ترفض ..



و أنا أرفض


هذه المساخر

وأدين كل فعل قبيح ....
Post: #83
Title: Re: تطير عيشتك يا مني خوجلي!
Author: Muna Khugali
Date: 10-28-2007, 01:50 PM
Parent: #54

Quote: لم نحاول ..

لأن القلب يرفض
و اللغة ترفض ..
والعقل يرفض
والانسانية ترفض ..



و أنا أرفض


هذه المساخر

وأدين كل فعل قبيح ....


واعلم تماما أن قلبك يرفض الكراهيه والبغضاء..
كعقلك..
والأصل بقاء الخير في النفوس..
أما غير ذلك فهو مرض خبيث يحاول ان ينشر نفسه ليعدي الجميع..
كل سنه وانت طيب..وكلنا طيبين وقلوبنا محبه..

قلت ليك..

ماشي السودان متين؟
Post: #55
Title: Re: تطير عيشتك يا مني خوجلي!
Author: ملكة سبأ
Date: 10-24-2007, 10:32 AM
Parent: #1

Quote: القال ليكم تبقو جلابيات منو؟؟؟؟؟؟

العراريق مالها؟؟


لوووووول

الضحكة شرقتنا ياعوض دكام
Post: #58
Title: Re: تطير عيشتك يا مني خوجلي!
Author: ناجي عز الدين الصديق
Date: 10-24-2007, 01:22 PM
Parent: #1

الأخت الفاضلة /منى خوجلي
عيد سعيد وكل عام وانتم بالف خير وعافية
أعاده الله علينا وعليكم بالخير واليمن والبركات
وربنا يحقق كل أمنياتكم الطيبة
وإلى الملتقى
Post: #85
Title: Re: تطير عيشتك يا مني خوجلي!
Author: Muna Khugali
Date: 10-29-2007, 11:13 PM
Parent: #58

Quote: الأخت الفاضلة /منى خوجلي
عيد سعيد وكل عام وانتم بالف خير وعافية
أعاده الله علينا وعليكم بالخير واليمن والبركات
وربنا يحقق كل أمنياتكم الطيبة
وإلى الملتقى


ازيك يا ناجي..

ليك مده طويله جدا ما شوفناك فيها..
كل سنه وانت طيب وربنا يحقق كل الأماني..
Post: #66
Title: Re: تطير عيشتك يا مني خوجلي!
Author: محمد أبوالعزائم أبوالريش
Date: 10-25-2007, 12:03 PM
Parent: #1

Quote: واسه ماشيه اغير صورتي بقرد وزول يتكلم معاي مافي..كده بس!


تاااني جبتي سيرة البحر؟


أنا مش قلت ليكي (القرول) بتاعك ده بيعمل لي كاروشة في الرموش؟
Post: #67
Title: Re: تطير عيشتك يا مني خوجلي!
Author: غادة عبدالعزيز خالد
Date: 10-25-2007, 12:29 PM
Parent: #66

منى ودومة

لكما مني كل التحية

الزميلة في الجلبنة

غادة
Post: #68
Title: Re: تطير عيشتك يا مني خوجلي!
Author: عثمان عبدالقادر
Date: 10-25-2007, 01:51 PM
Parent: #67

بما أني ختيار أصبح النوم عندي قليلاً وأقرب لليقظة منه للنوم العميق لذا أتذكر حلمي جيّداً وقد رأيت فيما يري النائم أن الأستاذ محمود محمد طه مرَ من أمامي ثم توقف وقال لي : ( ألم أقل لكم أن التعليم الجامعي في مرحلة ما بعد الاستقلال يضر أكثر مما ينفع وأن الخريجين سيتعالون على أهلهم وسيقيمون في الخرطوم ولن ينشروا ما تعلموه بينهم لا حالاً ولا مقالاً ).
ثم غادرني ، فإذا بالدكتور منصور خالد يمر بنفس الطريق ويخاطبني قائلاً: ( ألم أقل لكم أن الشهادة الجامعية في السودان شهادة ميلاد طبقي وليست شهادة في المعرفة ).

أبوحمد
Post: #69
Title: Re: تطير عيشتك يا مني خوجلي!
Author: yasir Abdelgadir
Date: 10-25-2007, 05:05 PM
Parent: #68

مني خوجلي : لحظةمن فضلك


بالله كملي كلامك الاول بعدين عيشتك دي تطيريها ولا تخليها دا موضوع تاني


بالله هو الشكل بدور بالليل
Post: #90
Title: Re: تطير عيشتك يا مني خوجلي!
Author: Muna Khugali
Date: 11-01-2007, 02:15 AM
Parent: #69

Quote: مني خوجلي : لحظةمن فضلك


بالله كملي كلامك الاول بعدين عيشتك دي تطيريها ولا تخليها دا موضوع تاني


بالله هو الشكل بدور بالليل


أهلا ياسر..

تقصد موضوع عيشة الطلبه؟
ما انت سويتا لينا كلها وصلت فتران وجعان..خليتني انا ذاتي كسلانه..
كل ما اجي أكتب أجوع وأنعس!

ايوه..
الشكل هنا ورديات..واسه لو عاينت في البوست بتشوف الخراطيش النازله فينا..
يللا خلينا في المهم..
انت ليه مكسل من كتابة ذكريات أيام الدراسه؟
دي اجمل تجربه في الدنيا..ده الوقت الواحد بيكون مليان فيه بالحياه والرغبه في أثبات الذات
أكثر..ولا ماكده؟
يعني تفاصيل قاعة المحاضرات..المكتبه..المحاضرين..الزملاء والزميلات من كل بقاع الدنيا..
ولغة التواصل بينهم.. المشوار للبنك علشان تشوف أهلك رسلوا ليك القروش ولا لسه..
وبعدين لما تلقاها ما جات واعصابك تبوظ وتقعد تضرب في التلفونات الغاليه..
يا سلام..دي ايام جميله جدا يا ياسر لازم تواصل فيها..

تحياتي ومودتي..
Post: #96
Title: Re: تطير عيشتك يا مني خوجلي!
Author: Muna Khugali
Date: 11-02-2007, 11:43 PM
Parent: #68

Quote: بما أني ختيار أصبح النوم عندي قليلاً وأقرب لليقظة منه للنوم العميق لذا أتذكر حلمي جيّداً وقد رأيت فيما يري النائم أن الأستاذ محمود محمد طه مرَ من أمامي ثم توقف وقال لي : ( ألم أقل لكم أن التعليم الجامعي في مرحلة ما بعد الاستقلال يضر أكثر مما ينفع وأن الخريجين سيتعالون على أهلهم وسيقيمون في الخرطوم ولن ينشروا ما تعلموه بينهم لا حالاً ولا مقالاً ).
ثم غادرني ، فإذا بالدكتور منصور خالد يمر بنفس الطريق ويخاطبني قائلاً: ( ألم أقل لكم أن الشهادة الجامعية في السودان شهادة ميلاد طبقي وليست شهادة في المعرفة ).

أبوحمد


النوم العميق يا ابو حمد بقي مابيجي!
يجي كيف مع الدنيا المولعه حرب دي؟

زمان كنت بقول احنا مصايبنا أخف كتير من مصايب الناس..والليله بقيت أتكلم بلغة الأفلام العربيه
وخاصة أمينه رزق..اخت ايدي علي خدي واقعد علي الكنبه واقول في دهشه وحسره..

كان مستخبيلنا ده كله فين يارب!

الشهاده اي شهاده غير شهادة لا اله الا الله محمد رسول الله وشهادة الميلاد..بتكون اي كلام!
وكلام الأستاذ صح حتي وانت تراه يتردد في وقت بداية الغرق في النوم!

وكلام ماما عاشه الزوله المؤمنه المصليه الطاهره..التي لم تدرس فس مدارس لكن تعلمت وعلمت
اجيال بخبرتها برضه صح.. كانت تقول بحكمتها..
شهاده من غير أخلاق احسن ماتاخدوها..وتختصرها فيما كتبت اعلاه..
الأدب فضلوه علي العلم!
وبرضه زي ما حبوباتنا واجدادنا وأمهاتنا بيقولوا
القلم مابيزيل بلم!

بس احنا لو بنسمع الامثله دي بفهم..كنا اتعلمنا من كثير منها ما يوازي الابتدائيه والثانويه والجامعه..

بلا قرايه بلا خيبه مادام ما فتحت الوعي!

تحياتي لك..
Post: #89
Title: Re: تطير عيشتك يا مني خوجلي!
Author: Muna Khugali
Date: 11-01-2007, 01:24 AM
Parent: #67

Quote: منى ودومة

لكما مني كل التحية

الزميلة في الجلبنة

غادة


شوفتي غاده حبيبتي..
في بوست عن تناسخ الأرواح..
وفي كلام انه ارواحنا بتجي راجعه في اشياء اخري بعد موتنا..
علي حسب أعمالنا في الحياه السابقه..
طبعا أنا لو في طريقه_وهذا علي اساس أحتمال أني متبنيه للنظريه دي_
أقول لو في طريقه أعرف..اذا ممكن ربنا بدل مايعذبني ويطلعني فيل ولا حجر في جبل أولياء..
يعذبني بعمايلي السودا ويطلعني جلابيه تاني؟
ولازم معاها اكون مستهبله ومستلبه..والا هأتعذب كيف يعني مع منكر ونكير الدنيا؟
طيب..
انا عندي مسابقه..المسابقه بتعتمد علي ذكائك والآخرين في معرفة لمن تكون هذه الصور الحاليه..
علما بأنهم كانوا في دنيانا..وربنا اخذهم (وحلم الجعان عيش) وبعدين رجعوا في شكل آخر..
عايني كويس



اها شوفتي واحد فيهم حالا دس وشه علشان ما تعرفيه!!
Post: #86
Title: Re: تطير عيشتك يا مني خوجلي!
Author: Muna Khugali
Date: 10-30-2007, 01:01 AM
Parent: #66

Quote: تاااني جبتي سيرة البحر؟


أنا مش قلت ليكي (القرول) بتاعك ده بيعمل لي كاروشة في الرموش؟


خلاص علشان خاطر رموشك ما بجيب قرد..
بجيب حاجه تانيه احسن منه شويه..خليك معانا
Post: #72
Title: Re: تطير عيشتك يا مني خوجلي!
Author: ماجدة عوض خوجلى
Date: 10-27-2007, 11:28 AM
Parent: #1


ومن اهم مايساعد على تطوير مقدراته وكيف تطير عيشتنا ونحن فى تمام
عافيتنا وصحتنا الرياضة ومن اهمها الدراجات
Post: #73
Title: Re: تطير عيشتك يا مني خوجلي!
Author: عصام دهب
Date: 10-27-2007, 11:58 AM
Parent: #72

إن شاء الله تطير عيشة تراجي دي عدييييل كدا ..

سجن سجن .. غرامة غرامة ..
Post: #91
Title: Re: تطير عيشتك يا مني خوجلي!
Author: Muna Khugali
Date: 11-01-2007, 03:35 AM
Parent: #73

عصام دهب مالك ما ظهرت في العرس الدعايه في القاهره؟
ماعارفه انت جيت في المواعيد ديك ولا لأ..لكن الجو في مصر كان بطال شديد
ما بتذكر اني خلال الثلاثه اسابيع القعدتهم طلعت من البيت بالنهار الا تلاته مرات وده علشان
كنت مضطره!
شوفت الزول بقي يدعي روحه كيف؟

كل سنه وانت طيب..
Post: #74
Title: Re: تطير عيشتك يا مني خوجلي!
Author: Mubarak Eltayeb
Date: 10-27-2007, 12:10 PM
Parent: #72

Quote: بركة الله القادر..
وبركة الصلاه علي سيدنا محمد..
والوقوف في عرفات..
وزيارة بيت الله..
تفرح ايامك..
وتسعد كل أوقاتك..
يديك الفي مرادك ويريح بالك..
يامبارك يا ود الطيب..

دعواتك عجبني بالحيل..

قلت ليك..
اسه اسوي شنو؟
امكن الله يطير عيشتي جد جد!


طبعاً كان مفروض أدعو ليكي بي اسم أمك (شغل حبوبات وكدة)

أسة ما تسوي حاجة لأنو الناس دي كلها ما قصرت معاكي ودعت ليكي بعد ما دعيتي على نفسك
وإن شاء الله ربنا يحقق دعواتهم

مبارك عبد الله الطيب
بس الباشمهندس بكري شال الاسم الفي النص وكدة
Post: #98
Title: Re: تطير عيشتك يا مني خوجلي!
Author: Muna Khugali
Date: 11-03-2007, 04:44 PM
Parent: #74

Quote: طبعاً كان مفروض أدعو ليكي بي اسم أمك (شغل حبوبات وكدة)

أسة ما تسوي حاجة لأنو الناس دي كلها ما قصرت معاكي ودعت ليكي بعد ما دعيتي على نفسك
وإن شاء الله ربنا يحقق دعواتهم

مبارك عبد الله الطيب
بس الباشمهندس بكري شال الاسم الفي النص وكدة


انا اسم أمي هين يا مبارك ودعبدالله الراجل الطيب..
امي اسمها جاره بت عاشه..
اسه انا اسمي هين والدعاء بيجيني باسم أمي..
لكن باقي ليك ناس الحزب الشيوعي ديل اسم امهم منو عشان الدعاء السمح كمان يمشيلوم؟

وبعدين بكري يشيل الأسم الفي النص ليه؟
قول ليه كان أخيرلك تشيل حاجات تانيه عامله ازعاج للحماهير كلها

يللا كتر الدعا لي وليهم..
Post: #87
Title: Re: تطير عيشتك يا مني خوجلي!
Author: Muna Khugali
Date: 10-30-2007, 01:49 AM
Parent: #72

Quote: ومن اهم مايساعد على تطوير مقدراته وكيف تطير عيشتنا ونحن فى تمام
عافيتنا وصحتنا الرياضة ومن اهمها الدراجات

وسمعتي بآخر ألفاظ؟؟
فظيعه يا أختي ما تقدري تقريها بدون ما تقرفي!

يعني احنا من غير عجلات ما خالصين تجيبيهم كمان بعجلات؟
عارفه لو ما محمد ابو العزائم..كنت ختيته في بروفايلي وكمان يكون رمزي في الأنتخابات لما تجي..
هأنزل في دايرة هستكونيا في البلكونيا..

انتي ماعرفتي؟

مش انا سياسيه كبيره ومعروفه؟؟
Post: #97
Title: Re: تطير عيشتك يا مني خوجلي!
Author: Muna Khugali
Date: 11-03-2007, 03:29 AM
Parent: #72

Quote: ومن اهم مايساعد على تطوير مقدراته وكيف تطير عيشتنا ونحن فى تمام
عافيتنا وصحتنا الرياضة ومن اهمها الدراجات


جري وطيران في وقت واحد يا ماجده لكن؟
حاسبي رقبتك تتكسر..
ولا امكن رجلينك!
عايزه تطلعي الأولي في سبق جاريه فيه براكي؟؟
Post: #77
Title: Re: تطير عيشتك يا مني خوجلي!
Author: waleed dawash
Date: 10-27-2007, 02:05 PM
Parent: #1

Quote: إن شاء الله تطير عيشة تراجي دي عدييييل كدا ..

سجن سجن .. غرامة غرامة ..





و كما يقال..

مرحب حباب الشر محل مابتق

تنقد الرهيفه انشالله ما تتلتق




هيييييييييييييييييع
Post: #79
Title: Re: تطير عيشتك يا مني خوجلي!
Author: عماد محمود علي
Date: 10-27-2007, 07:38 PM
Parent: #77

أختي وشفيقتي وصديقتي منــو


مساءك سعيد إن شاء الله ، ، ،

Quote: لو بتكرهوني قدر ده..تطير عيشتي!


في حد في الدنيا بيكره نفسه !!!! يختي مالك الحاصل ليك شنو !!! ما الكلام ده معروف من زماااان الجده في كده شنو!!! يعني عيشتك تطير يا منو نحن نقع وين بس !!! تسلمي يا ستي وتسلم عيشتك و تطير عشتك البيكرهوك رغم علمي بانك مافي حد بيكرهك ....

مودتــــي ، ، ،
Post: #81
Title: Re: تطير عيشتك يا مني خوجلي!
Author: Tragie Mustafa
Date: 10-28-2007, 01:02 AM
Parent: #79

تطير عيشتك يا عصام دهب وكل منافقي الجلابه
Quote:
إن شاء الله تطير عيشة تراجي دي عدييييل كدا ..

سجن سجن .. غرامة غرامة ..
Post: #104
Title: Re: تطير عيشتك يا مني خوجلي!
Author: Muna Khugali
Date: 11-04-2007, 02:13 AM
Parent: #79

Quote: في حد في الدنيا بيكره نفسه !!!! يختي مالك الحاصل ليك شنو !!! ما الكلام ده معروف من زماااان الجده في كده شنو!!! يعني عيشتك تطير يا منو نحن نقع وين بس !!! تسلمي يا ستي وتسلم عيشتك و تطير عشتك البيكرهوك رغم علمي بانك مافي حد بيكرهك ....

مودتــــي ، ، ،


ان كان فتشت يا عمده أخوي بوستات الايام الفاتت ديك تلقاها كلها مليانه مداخلات شتيمه في
مني خوجلي...مع اني ل صاحبة البوستات ولا البوستات عني.. وانا عارفه كلها محاولات يائسه لجرجرتي
في كلام فارغ..لكن ما بكون اخت الشهيد ولا بت الخليفه ان كان بقيت زيهم..

في نفس الوقت ده ما بيمنع طاقة الغضب ولا الزهج فيني من انها تحاول تعبر عن نفسها..علشان كده
حبيت الفت النظر للسخف وعدم الأخلاق الحاصل..واخترت العنوان ده علشان الناس التانيه تعرف انه الحاجه كترت قدر شنو..

بس ده الجديد يا عمده..

ويكفيني من الأمتداد انتم أخوتي أولاد الأصول..
Post: #102
Title: Re: تطير عيشتك يا مني خوجلي!
Author: Muna Khugali
Date: 11-04-2007, 01:35 AM
Parent: #77

ازيك يا وليد دواش..
ده ولدك الفي البروفايل؟

عاين بيعاين لينا كيف؟
شكله كده شقي..ربنا يحفظه.ز
Post: #84
Title: Re: تطير عيشتك يا مني خوجلي!
Author: نهلة عمر
Date: 10-28-2007, 03:24 PM
Parent: #1

العزيزة منو

تبرى انتى من طيران العيشة و يخليكى للبحبوكى - يا ستى طولى بالك و مافى حاجة بتستاهل

عارفة يا منى امس بتكلم مع زولة بعرفا غير عضو مقيمة فى ايرلندا و جات سيرة المنبر فقالت لى انا

بخش المنبر عشان اقرى لى منى خوجلى فاصريت انقل ليكى الكلام ده عشان تكونى رايقة و مروقة دايما

و تكتبى بى مزاج للناس المتغربين و بلقوا راحتم و سلوتم فى كتاباتك .

و الله ما يطير عيشتك
Post: #92
Title: Re: تطير عيشتك يا مني خوجلي!
Author: ابوبكر على
Date: 11-02-2007, 10:48 AM
Parent: #84

سلامات يامنى
علاجك عندى
مجرب ساعة الازمات و بنفع

اولا تشوفيلك سرير حديد بلحافو
تختيهو فى السهلة
على شرط يوم قمرو مافى
عشان نجومو تظهر

و تختى السرير بزواية جيدة بحيث انو رجولك الحفيانة قطعا
تكون فى منتصف المسافة بين احزانك و افراحك

و تبتدى تبكى
و تنتحبى بصوت خفيض
تكونى متاكدة انو فى زول واحد بسمعك
على شرط فى اللحظة البجى يكون النحيب انقطع

و تبدا مرحلة


بتمها ليك
انحصل صلاة الجمعة

تحياتى

ملحوظة
جلد الذات ما جميل فى حد زاتو
الجميل ...
Post: #93
Title: Re: تطير عيشتك يا مني خوجلي!
Author: ابوبكر على
Date: 11-02-2007, 11:40 AM
Parent: #92

اها
صليت و جيت صادى

قلت
الجميل ماجلد الذات فى حد زاتو
الجميل ارهاصاتو
زى الزول البتعلم فى العوم
وزى الواحد داير يكتب موضوع تعبير
Post: #94
Title: Re: تطير عيشتك يا مني خوجلي!
Author: رأفت ميلاد
Date: 11-02-2007, 04:03 PM
Parent: #93

نعومة وطمطم إتخارجن .. ما بتقدرن عليهن ديل

تطير عيتكن كلكن


زكرتونى شكلة فى سوق الشجرة فى أبروف

السنى ما قلتوا نوبة
Post: #95
Title: Re: تطير عيشتك يا مني خوجلي!
Author: مهيرة
Date: 11-02-2007, 11:33 PM
Parent: #94

تبرى وتستبرى وتبقى حبوبة بدرى بدرى يابت امى

تحياتى
Post: #112
Title: Re: تطير عيشتك يا مني خوجلي!
Author: Muna Khugali
Date: 11-13-2007, 02:23 AM
Parent: #95

Quote: تبرى وتستبرى وتبقى حبوبة بدرى بدرى يابت امى

تحياتى


ازيك يا مهيرة السودان.. يا مواصله شرف الكلمه دون خوف او تردد..

امنيه جميله تتحقق باذن الله..
وأجيكم فرحانه اقول ليكم عاينوا تعبي في بتي أثمر..
وأشيل البيبي وأجي اقول ليكم زي ما بتحتفلوا معاي بعيد ميلاد آيه
احتفلوا كمان معاي بعيد ميلاد طفلها..


أهديك صورة آيه وهي دون الرابعه..



ثم آيه في الثامنه عشر..عند عقد قرانها في نوفمبر 2006
وفي الصوره ايه وماما مني والمأذون..
تسلمي مهيره..
Post: #106
Title: Re: تطير عيشتك يا مني خوجلي!
Author: Muna Khugali
Date: 11-05-2007, 01:55 AM
Parent: #84

Quote: العزيزة منو

تبرى انتى من طيران العيشة و يخليكى للبحبوكى - يا ستى طولى بالك و مافى حاجة بتستاهل

عارفة يا منى امس بتكلم مع زولة بعرفا غير عضو مقيمة فى ايرلندا و جات سيرة المنبر فقالت لى انا

بخش المنبر عشان اقرى لى منى خوجلى فاصريت انقل ليكى الكلام ده عشان تكونى رايقة و مروقة دايما

و تكتبى بى مزاج للناس المتغربين و بلقوا راحتم و سلوتم فى كتاباتك .

و الله ما يطير عيشتك


نهله أم قلب ابيض وايادي لا تأت ابدا بسوء..
تابعت برامج العيد وعمل الخير وتمنيت لو كنت معكم ..

شكرا با نهله علي الدعم المعنوي..وقولي لصاحبتك انا فرحانه جدا انها بتحب كلامي وانه كتاباتي ما بتزعجها..
وقولي ليها عمري ما هاخيب ظنك فيني و ابطل اجيب قرود زي دي
ولا زي دي
لكن احتمال اجيب زي دي

تحياتي وحبي..
Post: #99
Title: Re: تطير عيشتك يا مني خوجلي!
Author: abubakr
Date: 11-03-2007, 04:48 PM
Parent: #1

Quote: مش انا سياسيه كبيره ومعروفه؟؟


اللخبتة دي شنو ؟؟ كيف يعني انا مدير الحملة الانتخابية وانتي شغالة اعلانات عن المرشح ؟؟ بعدين نبطل الانتخابات مدام دايرة تطير عيشتك ؟ انا اقول للناخبيين انو عيشتها طارت وبعدين يخافو علي عيشتهم وما في اصوات ولا اية حاجة ؟؟
Post: #100
Title: Re: تطير عيشتك يا مني خوجلي!
Author: Muna Khugali
Date: 11-03-2007, 04:59 PM
Parent: #99

اللخبتة دي شنو ؟؟ كيف يعني انا مدير الحملة الانتخابية وانتي شغالة اعلانات عن المرشح ؟؟ بعدين نبطل الانتخابات مدام دايرة تطير عيشتك ؟ انا اقول للناخبيين انو عيشتها طارت وبعدين يخافو علي عيشتهم وما في اصوات ولا اية حاجة ؟؟

ده كلام ده يا ابو بكر؟
طمنهم في الحمله انهم ما يخافوا..احنا في مرحلة الطيران بالأصوات الكتيره..الكتيره جدا..
لاحظ انت مدير الحمله..لكن أنا بقي سياسيه كبيره..وشوف براك
لحظه من فضلك..3
سياسيه ما حصلت قبل كده!

ولو ما مصدق اقرا انتاجي وانتشاري..

اهو كده دلوقتي جبت لي عنوان كتاب ناويه أكتبه عن حياتي الغنيه بالأدب والثقافه..وفنون السياسه
ضعت والله يا منصور خالد..

يا سلام يا ابوبكر..واخد بالك من العنوان؟

"انتاجي وأنتشاري"

الحمدلله يا أخي مفيش مني اتنين!
Post: #101
Title: Re: تطير عيشتك يا مني خوجلي!
Author: abubakr
Date: 11-03-2007, 05:09 PM
Parent: #1

Quote: اهو كده دلوقتي جبت لي عنوان كتاب ناويه أكتبه عن حياتي الغنيه بالأدب والثقافه..وفنون السياسه
ضعت والله يا منصور خالد..

يا سلام يا ابوبكر..واخد بالك من العنوان؟

"انتاجي وأنتشاري
"

امبارح انا شفت عمك مدبولي بتاع المكتبة في التلفزيون بيتحسر علي زمن الكتب اها احسن الحقو بكتابك دة ونطلع لينا بقرشيين في الزمن الاغبر دة ؟؟

Quote: الحمدلله يا أخي مفيش مني اتنين!


هو ما فيش ما فيش .. كدة كويس
Post: #103
Title: Re: تطير عيشتك يا مني خوجلي!
Author: سلمى الشيخ سلامة
Date: 11-04-2007, 01:48 AM
Parent: #101

منى خوجلى
لتبقى دائما عالية كالنخلة
وقوية كما الريح تكنس كل الخواء
لك المحبة يا شامخة
Post: #105
Title: Re: تطير عيشتك يا مني خوجلي!
Author: yasir Abdelgadir
Date: 11-04-2007, 10:33 PM
Parent: #103

Quote: أهلا ياسر..

تقصد موضوع عيشة الطلبه؟
ما انت سويتا لينا كلها وصلت فتران وجعان..خليتني انا ذاتي كسلانه..
كل ما اجي أكتب أجوع وأنعس!

ايوه..
الشكل هنا ورديات..واسه لو عاينت في البوست بتشوف الخراطيش النازله فينا..
يللا خلينا في المهم..
انت ليه مكسل من كتابة ذكريات أيام الدراسه؟
دي اجمل تجربه في الدنيا..ده الوقت الواحد بيكون مليان فيه بالحياه والرغبه في أثبات الذات
أكثر..ولا ماكده؟
يعني تفاصيل قاعة المحاضرات..المكتبه..المحاضرين..الزملاء والزميلات من كل بقاع الدنيا..
ولغة التواصل بينهم.. المشوار للبنك علشان تشوف أهلك رسلوا ليك القروش ولا لسه..
وبعدين لما تلقاها ما جات واعصابك تبوظ وتقعد تضرب في التلفونات الغاليه..
يا سلام..دي ايام جميله جدا يا ياسر لازم تواصل فيها..

تحياتي ومودتي..



الراقية مني

ماهو كسلك دا الكسلني

اشوفك بهناك
Post: #108
Title: Re: تطير عيشتك يا مني خوجلي!
Author: Muna Khugali
Date: 11-06-2007, 11:07 AM
Parent: #103

Quote: منى خوجلى
لتبقى دائما عالية كالنخلة
وقوية كما الريح تكنس كل الخواء
لك المحبة يا شامخة



ازيك يا سلمي..

زي كلامك ده يا سلمي بيزيدنا قوه في اننا نستمر هنا..

لا استطيع أن استوعب تماما ليه الناس "دي" استبدلت الحب بالكراهيه؟
ليه السلوك السيء أصبح الطريق الطبيعي عندهم؟
ليس من هناك معرفه شخصيه بهم..
ليس في أفعالنا مايجلب لنا الكراهيه..
وليس فيما نكتب عداء كالذي يسود كتاباتهم..
لا نتبادل العراك اللفظي واغتيال الشخصيه ولا نراه طريقه متمدنه للحوار..
ليس بيننا تار ولم نتقابل ونتعارف في ارض الواقع..

فلما كل هذا القبح والعداء؟؟

علي كل حال..نقول الله يكون في العون!

ولكي ايضا سلمي كل المحبه والأعزاز,,
Post: #107
Title: Re: تطير عيشتك يا مني خوجلي!
Author: Muna Khugali
Date: 11-06-2007, 02:06 AM
Parent: #101

Quote: امبارح انا شفت عمك مدبولي بتاع المكتبة في التلفزيون بيتحسر علي زمن الكتب اها احسن الحقو بكتابك دة ونطلع لينا بقرشيين في الزمن الاغبر دة ؟؟


يا سلام علي عم مدبولي واولاد عم مدبولي..تمشي عندهم ماتعرف تطلع..ويجيبوا ليك الكتاب من
تحت الأرض..
عارف عم مدبولي ومكتبته ديل جزء مهم جدا في تاريخ مصر الحديثه!

وبالمناسبة دي أنا كسياسيه كبيره..عندي كتاب تاني تحت الطبع..اسمه..

شخصيات تبحث عن مؤلف

كتاب في مجمله عن سودانيزاونلاين مع شخصيات أخري بتلقاهم في أوجه الحياه المختلفه..
مثلا بتلقي واحد كان في الشغل معك..راكب في القطر..أو في سنين الدراسه..او حتي مرمي في مخزن!
متاكده كتاب بيكون البست سيللر ان شاء الله..خاصه انه الشخصيه الاساسيه حاجه كده ماحصلت..
والله العظيم ماحصلت..لدرجة اني استشرت عدد من الأطباء النفسيين والبياطره والباحثين
الأجتماعيين في تشخيصهم للشخصيه علشان أقدر أكتب عنها بفهم أوسع..شد حيلك معانا
يا مدير الأنتاج..وان شاء الله ترجع بعد اغتراب 30 سنه بقروش كتيره تبني ليك بيت جالوص!

Quote: هو ما فيش ما فيش .. كدة كويس


عارف..اقول ليك كلام..والله لو في مني اتنين كان....
ولا بلاش!
Post: #109
Title: Re: تطير عيشتك يا مني خوجلي!
Author: محمد سنى دفع الله
Date: 11-06-2007, 11:16 AM
Parent: #107

عارف..اقول ليك كلام..والله لو في مني اتنين كان....
أنتي جمع مؤنث سالم
وفعل يمنعه من الصرف الإبتسام
شكرن أنك هاهن
دا كلام نورالهادي
وأنا بسني
القلة المويتا باردة أخبارا شنو؟؟؟؟؟
Post: #110
Title: Re: تطير عيشتك يا مني خوجلي!
Author: Siham Elmugammar
Date: 11-06-2007, 12:09 PM
Parent: #109


يا منى سلام كبيييييييييير

اها نان انت عيشتك دى بترك متين؟؟؟
باقى طولت طايرى

اخيتك لها كمين يوم كدى مشغولى و الزهج امانى مى داير يقدلا راسها
اهاااااا دحين ان ما ركيتى يانى المطيره عيشتى معاك

__________________________________
دحين دى سلامى
Post: #114
Title: Re: تطير عيشتك يا مني خوجلي!
Author: Muna Khugali
Date: 11-20-2007, 11:06 PM
Parent: #110

Quote: يا منى سلام كبيييييييييير

اها نان انت عيشتك دى بترك متين؟؟؟
باقى طولت طايرى

اخيتك لها كمين يوم كدى مشغولى و الزهج امانى مى داير يقدلا راسها
اهاااااا دحين ان ما ركيتى يانى المطيره عيشتى معاك

__________________________________
دحين دى سلامى



اليلي سهام خيتي ماركت!
باقيلي ماهي راكي قريب!
انتي وين؟
حردتي؟
زهجاني؟
هكروكي؟
مشغولي؟
في شنو خيتي قدر ده؟
كفاك امرقي لي بره وتعالي ناضمينا..
...........
...........

مشتاقين يا سهام..عليك الله كان ماجيتي راجعه..
خليهم بكره يقولوا بيتخسمن في الونسه!
Post: #111
Title: Re: تطير عيشتك يا مني خوجلي!
Author: Muna Khugali
Date: 11-07-2007, 03:10 AM
Parent: #109

Quote: عارف..اقول ليك كلام..والله لو في مني اتنين كان....
أنتي جمع مؤنث سالم
وفعل يمنعه من الصرف الإبتسام
شكرن أنك هاهن
دا كلام نورالهادي
وأنا بسني
القلة المويتا باردة أخبارا شنو؟؟؟؟؟


القله ختيتا فريب لخيتا القله الجبتها من مصر..
عايزه اعمل وحده بين القلل..اسمها وحدة القلل المنيله..
القله الاولي من "مصر حبيبتي"
والقله التانيه من الخرطوم "أمي"
واذا في ريحة النيل عندنا.. يبقي لازم يكون في ابتسامات..
وبعدين قول لنور الهادي انا لسه محارباك..مش ابيت تديني معاك من
ساندوتش الطعميه؟

عمرك ياالسني شفت زول بياكل الموز بالعرض؟

نور الهادي عمل كده يوم كنا ماشيين قندهار..
Post: #113
Title: Re: تطير عيشتك يا مني خوجلي!
Author: طارق عمر مكاوي
Date: 11-13-2007, 06:13 AM
Parent: #111

العزيزة مني
في أحدي الحفلات الغنائية الامدرمانية الرائعة كان يغني فيها الفنان صلاح مصطفي والفنان الابنوسي إبن الشلك رمضان زايد .. صلاح مصطفي وفي قمة الطرب كان يغني :
انا غرقان
انا غرقان
في بحر غرامك ..
فقام أحد ظرفاء امدرمان وبالصوت العالي وعلي جهاز المايكرفون قائلا :
تبرأ انت من الغرق.. يغرق رمضان زايد الشين ده .

فيا ستي مني .. تبري انت من طيرة العيشة .. تطير عيشة فلانة ديك ولا اسمي .
Post: #115
Title: Re: تطير عيشتك يا مني خوجلي!
Author: Muna Khugali
Date: 11-21-2007, 05:01 AM
Parent: #113

Quote: العزيزة مني
في أحدي الحفلات الغنائية الامدرمانية الرائعة كان يغني فيها الفنان صلاح مصطفي والفنان الابنوسي إبن الشلك رمضان زايد .. صلاح مصطفي وفي قمة الطرب كان يغني :
انا غرقان
انا غرقان
في بحر غرامك ..
فقام أحد ظرفاء امدرمان وبالصوت العالي وعلي جهاز المايكرفون قائلا :
تبرأ انت من الغرق.. يغرق رمضان زايد الشين ده .

فيا ستي مني .. تبري انت من طيرة العيشة .. تطير عيشة فلانة ديك ولا اسمي


كيفك يا طارق...
شكرا علي ذكر الموقف الطريف..عارف الحفلات دي بيكون فيها مواقف مضحكه كتيره...ياريت يوم نقرا
عنها في بوست....انتو الرجال طبعا بيكون عندكم ذخيره منها..

أعتقد اسوأ منظر ممكن يكون عليه الأنسان..هو منظر الشر وهو يتطاير من عيونه ومسام جلده وكلماته...والشر احساس وفعل مدمر..ليس للآخرين فقط بل للأنسان نفسه..
فيه اهدار لطاقه كان يمكن "لو في أمل اصلاح" توجيهها الي ما هو مفيد للأنسانيه وأقله تجنيبهم لشروره..

شكرا يا طارق علي مشاركتك في هذا البوست الداعم للمعنويات..واتمني ان نكون جميعا قادرين علي
ان نساعد بعضنا بالكلمه الطيبه والسلوك الملتزم بحقوق الآخرين..
Post: #116
Title: Re: تطير عيشتك يا مني خوجلي!
Author: طارق عمر مكاوي
Date: 11-21-2007, 05:48 AM
Parent: #115

يا سلام يا محمد الأمين..المجموعه دي مجنونه ودمها خفيف جدا..
طبعا لازم نجي نستمتع بعروضهم وانتقاداتهم ونكاتهم..
راجع ايميلك..برسل ليك التلفون وبكلم الناس..شايفه آيه وعبدالرحيم قالوا جايين..

شكرا محمد الأمين..هانكون مبسوطين كمان علشان نقابلك..


اذا جيتي لندن ياريت تدونا خبر يا مني .. اديني شرف اللقاء بكم .
Post: #117
Title: Re: تطير عيشتك يا مني خوجلي!
Author: Muna Khugali
Date: 11-23-2007, 12:26 PM
Parent: #116

اذا جيتي لندن ياريت تدونا خبر يا مني .. اديني شرف اللقاء بكم .

طارق شفت البوست اسه بس..خساره والله..عارف محمد المين كمان كان معاه تذكره زايده وراحت ساكت..
لأنه ماكان في حجز في الباب كل التذاكر اشتروها يالأنترنت..
فاتتك عروض حلوه وبيع لتسجيلاتهم سي دي ودي في دي..
او محمد الأمين لقي وقت امكن ينزل الدي في دي كله..هو نزل جزء في البوست بتاعه..
علي كل حال لندن بتجي فيها مناسبات كثيره..غير كده احنا ممكن نخلق مناسباتنا..
مافي مسنجر..لكن عنواني الألكتروني في البروفايل رسل لي فيه تلفونك..

تسلم طارق..وعلي فكره انا موجوده في لندن...
Post: #118
Title: Re: تطير عيشتك يا مني خوجلي!
Author: Muna Khugali
Date: 11-23-2007, 06:57 PM
Parent: #117

وبهذا ركت عيشتنا ركه سمحه وفرحنا..

شكرا لكل من مر واسمعنا جميل الدعاء والمشاركه الطيبه..
وأعتذر لما مسكم في حضوركم عندي من حديث سخيف..
وأعلمكم انني أحبكم كثيرا واخترمكم كثيرا لأنكم أهل لذلك..
فأنتم تردون الكلمه الطيبه بكلمات أطيب..

ادام الله الموده بيننا..

سأطلب من بكري ان يرسل هذا البوست الي المكتبه..
Post: #119
Title: Re: تطير عيشتك يا مني خوجلي!
Author: الطيب شيقوق
Date: 11-23-2007, 08:26 PM
Parent: #118

قد ينعم الله بالبلوى وان عظمت ويبتلي الله بعض القوم بالنعم


هسع يامنى اكان خلقوك شينة اكان ارتحت ساى لربك ده - يعني كان شينة و عملت بوست زول يهببك ليك مافي او يجوك حبة مجاملين زى كده وتردى عليهم سريع وتشوفي عشاك وتنومى لكن هسع كده هيييييييييييييييع تشربي ما تروى .