Post: #1
Title: وفرحت جدا لما قابلتك..
Author: Muna Khugali
Date: 11-15-2007, 12:36 PM
Parent: #0
.......
.......
|
Post: #2
Title: Re: وفرحت جدا لما قابلتك..
Author: د.محمد حسن
Date: 11-15-2007, 12:51 PM
Parent: #1
يا بنية اصفى من الحليب
والذمن موية زلال من الجنان
فرحت بيك
فرهد قليب
يا بنية شايلةتاج العز فخار
منك تشيل كل الورود اجمل عبير
وارق طيب
واشتقت ليك
يا بنية ياا م لهجا رطيب
|
Post: #12
Title: Re: وفرحت جدا لما قابلتك..
Author: Muna Khugali
Date: 11-15-2007, 02:58 PM
Parent: #2
Quote: يا بنية اصفى من الحليب
والذمن موية زلال من الجنان
فرحت بيك
فرهد قليب
يا بنية شايلةتاج العز فخار
منك تشيل كل الورود اجمل عبير
وارق طيب
واشتقت ليك
يا بنية ياا م لهجا رطيب |
ولأن رافت انسان سوداني بسيط وظريف
أخ طيب وكريم..
فرحت بيه لما زارني..
ربنا يجمعك بيه يا محمد الحسن وتفرح زي فرحتي وأكتر
|
Post: #41
Title: Re: وفرحت جدا لما قابلتك..
Author: Salah Waspa
Date: 11-16-2007, 04:47 PM
Parent: #12
با منى با أخيتي هو رأفت نحنا ما قابلناه ولكن والله وبأمانة
كأني أعرفه من سنين ويا رأفت نكسر تلج زيادة ولا كده كفاية ?
أجمل زول والله يامنى .
نسلم عليك وعليه والأحفاد يا حبوبة بالمناسبة بقو كم ?
ربنا يحفظكم كلكم لماما جارة
صلاح واسبه
|
Post: #51
Title: Re: وفرحت جدا لما قابلتك..
Author: رأفت ميلاد
Date: 11-17-2007, 09:28 AM
Parent: #41
| Quote: كأني أعرفه من سنين ويا رأفت نكسر تلج زيادة ولا كده كفاية ? |
القلوب شواهد يا واسبة . أهو كده تجينى فى بوست نضيف زى ده مش بوست المتعدى داك على مدنى . على موية بيضا زى ما بقولوا
|
Post: #52
Title: Re: وفرحت جدا لما قابلتك..
Author: Muna Khugali
Date: 11-17-2007, 02:28 PM
Parent: #41
Quote: كأني أعرفه من سنين ويا رأفت نكسر تلج زيادة ولا كده كفاية ?
أجمل زول والله يامنى .
نسلم عليك وعليه والأحفاد يا حبوبة بالمناسبة بقو كم ?
ربنا يحفظكم كلكم لماما جارة
صلاح واسبه |
انت يا صلاح..
من بوست ود الجيران وبت الجيران والحب اللي كان وبان..ماشوفناك تاني؟
مالك؟
البوست سوا فيك شنو؟
..............
| Quote: نسلم عليك وعليه والأحفاد يا حبوبة بالمناسبة بقو كم ? |
هو مش يجي الحفيد الأول وبعدين نشوفهم هايبقوا كم؟؟
استعد لي بقصص أطفال علشان لما يجوا احكيها ليهم..
عارف..
زمان لما آيه كانت صغيره..كان عندها مكتبه كبيره عن قصص الأطفال..كنت كل يوم بقرا ليها قصه
قبل النوم..
ووصيتها تحافظ علي كتبها وتقريها لأطفالها لما تتزوج ويجوا..
واحمدك واشكر فضلك يا رب..حافظت علي كتبها جديده كما هي ..استعدادا لأن يقرأها طفلها الأول
عندما يصل بأذن الله..
فقاري احنا موش
............
............
جاءني صوت بابكر مخير عبر الهاتف..وأحكي لكم التفاصيل الصغيره التي قد تكون ممله لكم ليس فقط من أجل اشراككم في الشعور المتعب بالأنتظار..ولا فقط في اطالة البوست والتشويق..
انما فقط رغبه في اغاظتكم..وجعلكم تعيشون معي حركات ود مخير العجيبه!
جاءني صوته..أها احنا وصلنا المحطه!
سمح عدي الشارع ..وماتلف يمين ولا شمال لغاية ماتصل................
وبعد عشره دقائق..
أها احنا وصلنا...نلف يمين ولا شمال؟
لفو شمال وبعدين يمين وبتلقوني واقفه ليكم في الشارع!
وبعد دقيقه فتحت الباب القي ليكم رأفت ومخير واقفين يتلفتوا..
ولولا الفرح الماصابر..والوقت القصير لرأفت..لقمت بالواجب!
الواجب عندي يعني مقلب من تدبيري!!
يا جماعه هووووي..بتتلفتوا كده مالكم؟
انا ما هو ده!!!
|
Post: #3
Title: Re: وفرحت جدا لما قابلتك..
Author: انعام حيمورة
Date: 11-15-2007, 12:56 PM
Parent: #1
يا خاينه بتعملي حاجات من ورانا؟؟
قولي سريع .. لاقيتي منو ؟؟
مودتي
|
Post: #16
Title: Re: وفرحت جدا لما قابلتك..
Author: Muna Khugali
Date: 11-15-2007, 03:42 PM
Parent: #3
Quote: يا خاينه بتعملي حاجات من ورانا؟؟
قولي سريع .. لاقيتي منو ؟؟
مودتي
يا نعومي.. |
ضايع عليك نص عمرك..
رفقه سمحه شديد..
أخوك البيجي دافر الباب بالبسمه والروح الحلوه..
ضحكته تذكرك ودم عمك الجاي من عطبره..
وود خالت الوصل اسه من الدمازين,,
وحبوبتك الساكنه السجانه..
و......
.........
|
Post: #4
Title: Re: وفرحت جدا لما قابلتك..
Author: Muna Khugali
Date: 11-15-2007, 01:07 PM
Parent: #1
وكان فرح سبقته أمنيه وسؤال..
ممكن ياربي نتلاقي؟
وحقق ربنا الأمنيه...
الحمدلله علي كرمه..
|
Post: #6
Title: Re: وفرحت جدا لما قابلتك..
Author: محمد على طه الملك
Date: 11-15-2007, 01:20 PM
Parent: #4
وكت بفرحك كده ..
نمش نجيبه تاني ..
يارب تديم الأفراح ..
|
Post: #18
Title: Re: وفرحت جدا لما قابلتك..
Author: Muna Khugali
Date: 11-15-2007, 09:11 PM
Parent: #6
Quote: وكت بفرحك كده ..
نمش نجيبه تاني ..
يارب تديم الأفراح .. |
اعتقد انه شعور مبهر جدا ان تلتقي لأول مره وجها لوجه مع زميل تجمعك معه الكلمه
الطيبه والحوارات المختلفه خلال زمن يقارب العامين..
أتمني أن تجمعني الظروف بك وبآخرين كثيرين في اي مكان من العالم..
وأتمني ان نتقارب جميعا ولا نجتمع الا علي الموده الصادقه وحب الخير لبعضنا..
لكن أنا لسه ما حكيت عن رأفت..
خليك معانا ود طه الملك..
|
Post: #5
Title: Re: وفرحت جدا لما قابلتك..
Author: Muna Khugali
Date: 11-15-2007, 01:17 PM
Parent: #1
|
Post: #7
Title: Re: وفرحت جدا لما قابلتك..
Author: ملكة سبأ
Date: 11-15-2007, 01:24 PM
Parent: #1
عقباااالنا يارب
|
Post: #22
Title: Re: وفرحت جدا لما قابلتك..
Author: Muna Khugali
Date: 11-15-2007, 10:05 PM
Parent: #7
انتي غايتو يا ملكة سبأ ماعندك طريقه تقابليه..
الا يجي هو السودان زياره..
يا اما الأتنين تنفذوا مشروع رحلة البورداب وتجوا هنام وتتقابلوا..
يللا لمي قريشاتك واستعدي..
ولما تقابليه بتعرفي قدر ايه انا كنت محظوظه.
|
Post: #8
Title: Re: وفرحت جدا لما قابلتك..
Author: Muna Khugali
Date: 11-15-2007, 01:26 PM
Parent: #1
كان يجب أن اقدم لك هذا البوكيه عندما تلاقينا..
اعتذر عن التأخير لظروف "غيبيه"
وأرجو استبدال حرف الغ بحرف الجيم
|
Post: #9
Title: Re: وفرحت جدا لما قابلتك..
Author: عاطف عمر
Date: 11-15-2007, 01:49 PM
Parent: #1
| Quote: وفرحت جدا لما قابلتك.. |
إن شاء الله يا منى يا بت جارة
ربنا يهون القواسي ويرفع القدم
ونلاقيك
عشان نحنا نفرح جداً
|
Post: #10
Title: Re: وفرحت جدا لما قابلتك..
Author: Muna Khugali
Date: 11-15-2007, 01:59 PM
Parent: #9
ثم رن الهاتف..
ألو..
أهلالالالالالالان رأفت كيف حالك؟
انا كويس وصلت لندن...
وكان أجمل خبر..
أخي وزميلي رأفت ميلاد بلندن..
|
Post: #11
Title: Re: وفرحت جدا لما قابلتك..
Author: سمية الحسن طلحة
Date: 11-15-2007, 02:14 PM
Parent: #9
Quote: وفرحت جدا لما قابلتك..
العجب أنا ... !
|
Quote:
لكن يا سمية بيني وبينك هسع منى دى مش بتشبه بناتنا الصغار السارحات مع الغنم وتخيليها شايلة ليها قرعة ولاحقة الضانية ام لبن للحليب وقامت كده رفستها ليك الضانية بكراعها لحدى راسها اتملا تراب .
او اتخيلي مسكوها ولبسوها ذمام بالقصب حيكون شكله فيها كيف؟ |
|
Post: #13
Title: Re: وفرحت جدا لما قابلتك..
Author: هاشم أحمد خلف الله
Date: 11-15-2007, 03:00 PM
Parent: #11
نعم هكذا يجب ان نكون تسلمي مني خوجلي وتسلم يا رافت ميلاد
|
Post: #37
Title: Re: وفرحت جدا لما قابلتك..
Author: رأفت ميلاد
Date: 11-16-2007, 11:02 AM
Parent: #13
| Quote: نعم هكذا يجب ان نكون تسلمي مني خوجلي وتسلم يا رافت ميلاد |
وتسلم أخوى هاشم
مودتى
|
Post: #39
Title: Re: وفرحت جدا لما قابلتك..
Author: Muna Khugali
Date: 11-16-2007, 12:19 PM
Parent: #13
| Quote: نعم هكذا يجب ان نكون تسلمي مني خوجلي وتسلم يا رافت ميلاد |
هشومي كيفك..
ايوه طبعا لازم دايما نكون كده والحمدلله احنا "تمام" كده وايام الخرطوم تشهد..
الرفقه الجميله والموده دربنا..ولا شنو؟
وعلي كل حال الضحكه البتطلع من القلب زي الكلمه ما بتخليك تكون غير كده..
وراااااحت عليك ضحكاتنا..رأفت ,بابكر وأنا وبخور الجبنه!
سلم علي هودي..
|
Post: #40
Title: Re: وفرحت جدا لما قابلتك..
Author: Muna Khugali
Date: 11-16-2007, 12:25 PM
Parent: #13
انت يا هاشم..كدي وريني..
عرفت كيف انه رأفت ايده بيضا؟؟
بعد شويه كمان تقول لي وتخرج بدون سوء..
 
|
Post: #29
Title: Re: وفرحت جدا لما قابلتك..
Author: Muna Khugali
Date: 11-16-2007, 00:11 AM
Parent: #11
Quote: وفرحت جدا لما قابلتك..
العجب أنا ... ! |
سمسم الجايه بطيبة القريه ونقاءها ونسمتها المريحه..
انا لما اقابلك عايزه امشي معاك البلد وانتي كمان امشي معاي البلد..
بالمغربيه نحضر قرقوشنا وشايناوقهوتنا..
نخت عناقريبنا جنب حبوبه العندك ولا العندي..
ونتوني يا سميه..نتونس بس..نسمع منها ونعاين للقمره ونعلق علي كلامها..
ويجونا بنات الحله الكبار والصغار يشاركونا الونسه وشراب الشاي والقهوي..
ولما يكمل القرقوش يخشوا جوه براهم عشان يجيبوا زياده..تجي مريم ولا سوسن شايله الطبق تقول
في صوت خافت..
القرقوش لقته ده آخر حاجه..بكره نجي نسوي واحد تاني..
أقول لحبوبه..قبيل حمارة عبد الله وقعت كسرت كراعها..
و...............الونسه تجر في طريق طويل
وفجأه اسمعك تقولي..
مني انتي نمتي؟!
انتي صحي قعدنا نتونس والبوست ده عن رأفت موش؟
خلاص يا سمسم نسوقه والحلوين معانا في رحلتنا..
لكن احتمال يفكر احنا مجانين بالبرسيم وبيوت الطين واللعب مع الأطفال ويقول دي رحله مهببه..
تجي نشوف رأيه؟؟
Quote: لكن يا سمية بيني وبينك هسع منى دى مش بتشبه بناتنا الصغار السارحات مع الغنم وتخيليها شايلة ليها قرعة ولاحقة الضانية ام لبن للحليب وقامت كده رفستها ليك الضانية بكراعها لحدى راسها اتملا تراب .
او اتخيلي مسكوها ولبسوها ذمام بالقصب حيكون شكله فيها كيف؟ |
الكلام ده الآ امشي افتشه في ياتو بوست..
|
Post: #24
Title: Re: وفرحت جدا لما قابلتك..
Author: Muna Khugali
Date: 11-15-2007, 11:11 PM
Parent: #9
Quote: إن شاء الله يا منى يا بت جارة
ربنا يهون القواسي ويرفع القدم
ونلاقيك
عشان نحنا نفرح جداً |
وحات اسم الله ان كان لاقيتك افرح وأغني متل المجنونه!
هي دحين ملاقات الناس السمحين في الزمن الخرابي ده هيني؟
اسه يا عمر انا من قبيل بحاول امسك بدايه اللحظه والدقايق المرت اثناء الزياره لغاية ما رأفت وبابكر مخير مرقوا مني..غالبني..
عديل كده.. زي مابودي ولدي بقي يقول..
الوقت كان مجنون فعلا..جه بي جاي وطار برضه بي جاي..ووالوقت المجنون مابتقدر تسأله انتهيت كيف ومتين؟
لكن بحاول أشرح....
واثناء ما بحاول..اقول انت..ورأفت والباقيين وأنا ان اتلاقينا في مكان..
المكان وحات سيدي حسن بيقي جنه عديل..
قول آمين..وسلم لي كتير علي سعديه والشباب
|
Post: #14
Title: Re: وفرحت جدا لما قابلتك..
Author: محمد ابراهيم قرض
Date: 11-15-2007, 03:13 PM
Parent: #1
محظوظة بجد يا منى ..
رأفت شخص غير عادي ..
فيهو الوداد العجيب ..
حبيب ولا حبيب ..
تحياتي له و ما تقصري معاهو ..
بطلي البخل يا منى !!!
|
Post: #30
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:17 AM
Parent: #14
كيفك يا قرض يا لزيز .
| Quote: تحياتي له و ما تقصري معاهو .. |
والله زاغت مننا تانى يوم فى اللمة . جوها ضيوف من البلد . الشوايقة ورانا ورانا 
|
Post: #57
Title: Re: وفرحت جدا لما قابلتك..
Author: Muna Khugali
Date: 11-20-2007, 10:31 PM
Parent: #30
| Quote: والله زاغت مننا تانى يوم فى اللمة . جوها ضيوف من البلد . الشوايقة ورانا ورانا |
انت يا رأفت..تعال النسألك.
انا من اليوم داك متغاظه..في ذمتك..ذمه تغرق الأنقاذ كلها انا الجبنه ماسويتها بالبخور؟
وقعدتوا تكحوا انت وبابكر مخير؟
انت قايلني علشان ما دخلت البوست داك انا ماشوفته؟
شوفته وصورته..فالبوست الأسود ينفع في اليوم الأبيض
أما اليوم التاني فلسه عليه..خلينا في الأول..
|
Post: #54
Title: Re: وفرحت جدا لما قابلتك..
Author: Muna Khugali
Date: 11-18-2007, 02:27 AM
Parent: #14
Quote: محظوظة بجد يا منى ..
رأفت شخص غير عادي ..
فيهو الوداد العجيب ..
حبيب ولا حبيب ..
تحياتي له و ما تقصري معاهو ..
بطلي البخل يا منى !!! |
وبكون محظوظة زياده لو قابلتك انت كمان..
البوست المجنون داك وقفته مالك؟
انا بتذكر البوست المقلب الكتيته عن احتفال السفاره وشراء الألآت الموسيقيه ورافت في قلب الموضوع
تعال نعمل شركه تتعهد بعمل المقالب..
ممكن نسميها مقال اخوان..
ولا مقالب قرض ومني..ايه رأيك؟
.................
.................
علاقتي برأفت بدأت منذ سنوات طويله..فقط جمعنا القدر هنا!
لم اسمع به قبل أن يأتي هنا..
ولم اقابله في حياتي قبل المقابله الأولي وألأخيره في الأسبوع السبق هنا في لندن..
ولكنني عرفته قبل الآن..
عرفته في الشهيد سليمان شقيقه الذي قتل بشرق السودان..
جعلني القدر شاهدا علي آخر سويعات حياته قبل سفري..
ونفس القدر..جعلني أحمل لأسرته آخر كلماته كتبها وهو لايعلم ان العمر لم يتبقي منه سوي
سويعات قد لا تكفي لأقامة صلاه!
أحمل صوره في ظرف لأسرته..أأحكي عن الفرح بلقاءه ام الحزن القاتل لفراقه؟
عرفت رأفت في صرخات ونحيب نعمه وباقي الأسره..
عرفته في ذلك الرابط الروحي الذي جمعني بهم في أوقات توزعت بين قروره محل عملي..وبين مصر
المقر المؤقت لأسرته...
وبكل هذا الأحساس العميق وأكثر قابلت رأفت أخي في لندن..
|
Post: #15
Title: Re: وفرحت جدا لما قابلتك..
Author: انعام حيمورة
Date: 11-15-2007, 03:37 PM
Parent: #1
ياسلام الف حمد لله على السلامة يا رأفت نتمنى لك اقامة طيبة ...
نحن ذاتنا فرحانيين معاك تحياتنا ليه
|
Post: #17
Title: Re: وفرحت جدا لما قابلتك..
Author: رأفت ميلاد
Date: 11-15-2007, 05:22 PM
Parent: #15
غايتو .. الله يجبر بى خاطرك يا منى خوجلى
أنا جيت أكحلا .. عميتا
وكنت مدسى منك عديل
لكن بت الأصول تفضل بت الأصول
تسلمى وجايك
|
Post: #31
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:22 AM
Parent: #15
سلام يا إنعام | Quote: نتمنى لك اقامة طيبة ... |
حليلك يا إنعام ماهى كانت "ياااك" صغيرونة البركة فى الجبنة . اللمة الكبيرة عندكم فى البلد إنشاء الله
|
Post: #19
Title: Re: وفرحت جدا لما قابلتك..
Author: تماضر الخنساء حمزه
Date: 11-15-2007, 09:14 PM
Parent: #1
رأفت طيب لاهاي دي ماتكلة بس من لندن
سوق منى دي وتعال
|
Post: #20
Title: Re: وفرحت جدا لما قابلتك..
Author: عاطف عمر
Date: 11-15-2007, 09:37 PM
Parent: #19
| Quote: لاهاي دي ماتكلة بس من لندن |
لاهاى زاااتا ؟؟؟
الشر برة وبعيد
مالم سووا ليك شنو مودياهم لاهاى ؟؟
الحكومة بجلالة قدرها خايفة تودي ناسا لاهاى .
أمانة ما إتلومتي يا تماضر
|
Post: #21
Title: Re: وفرحت جدا لما قابلتك..
Author: تماضر الخنساء حمزه
Date: 11-15-2007, 09:44 PM
عاطف والدعوة موجهة ليك برضك
|
Post: #23
Title: Re: وفرحت جدا لما قابلتك..
Author: عاطف عمر
Date: 11-15-2007, 10:32 PM
Parent: #21
| Quote: عاطف والدعوة موجهة ليك برضك |
تلقيها عند الغافل
نحنا لسع المستقبل قدامنا
مش كدا يا منى ؟؟
|
Post: #42
Title: Re: وفرحت جدا لما قابلتك..
Author: تماضر الخنساء حمزه
Date: 11-16-2007, 04:57 PM
Parent: #23
عاطف ماتخلينا ندعو ليك بالغفلة للحظات احدوت تصلنا
|
Post: #32
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:30 AM
Parent: #19
كيفك تماضرQuote: رأفت طيب لاهاي دي ماتكلة بس من لندن
سوق منى دي وتعال |
ماتسمعى كلام عاطف عمر ده لاهاى جاينها جاينها كان نلبس نفسنا تهمة . إنجلترا جزيرة وما بنعرف العوم نجيك بالبر وندى سجيمان "الريبورت" الما خمج
|
Post: #43
Title: Re: وفرحت جدا لما قابلتك..
Author: تماضر الخنساء حمزه
Date: 11-16-2007, 04:59 PM
Parent: #32
رأفت بعد تدي سجيمان الريبورت حيكتب بوست إسمو ( أشنا واحدي في المنبر )
استرنا ستركم الله
|
Post: #44
Title: Re: وفرحت جدا لما قابلتك..
Author: رأفت ميلاد
Date: 11-16-2007, 05:38 PM
Parent: #43
كيف ياتماضر
Quote: رأفت بعد تدي سجيمان الريبورت حيكتب بوست إسمو ( أشنا واحدي في المنبر )
استرنا ستركم الله |
وييين ... بعد بوست الدرقة يقوم يدردق هو يندرش على وشو . كان ماخايفو يندرع فينى أنا زاتى ويطرشق مشيتى كان لزيت ليه بوست الصور . 
|
Post: #47
Title: Re: وفرحت جدا لما قابلتك..
Author: Muna Khugali
Date: 11-16-2007, 09:49 PM
Parent: #19
لكن بابكر مخير ورأفت طلعوا عيني علشان يصلوا بيتي..
كل عشره دقايق يتصلوا..نركب ياتو بص..اها نركب ياتو قطر..طيب مش أحسن لينا البص 7؟
.............
..............
وتاني التلفون يرن..علي فكره يا تمرا أنا زهجت من جرس الرنه بتاعي..اديه ليك تستخدميه
انتي؟
متذكراه؟
خلاص كويس وريني بس أسه خليني مع التايهين ديل..
يا بابكر مخير ياخ ماممكن..كان ما بيتي قاعد في السنتر!!
تاني لما نمرق من المحطه نتجه كيف؟؟
و...و.........
Quote: رأفت طيب لاهاي دي ماتكلة بس من لندن
سوق منى دي وتعال |
بي يختي..البجيبني لي لاهاي شنو؟
الناس ادوهم تذاكر مجانيا في الطياره وزايغيين منها..نقوم نحنا نشتري تذاكر ونجي برانا؟
زي ما قال ليك عاطف..تلقيها عند الغافل!!
|
Post: #25
Title: Re: وفرحت جدا لما قابلتك..
Author: ماجدة عوض خوجلى
Date: 11-15-2007, 11:15 PM
Parent: #1
ياسلام على الانسان لمن يكون اخلاقو عاليه وحبوب تتمنى لو كنت بتعرفو من زمان شديد
ورافت واحد من اخوانا واخوتنا الاتعرفنا عليهم هنا واضافو لينا الكتير ونحمدالله كتير
على معرفتنا بيهم الظروف ماسمحت انى اقابله لكن اتكلمنا بالتلفون لك التحية اخى رافت
وانشالله نتقابل قريب
|
Post: #26
Title: Re: وفرحت جدا لما قابلتك..
Author: WAD ELGAALI#4
Date: 11-15-2007, 11:41 PM
Parent: #25
تحياتى يامنى والله انا طبعا زول شاطر جدا فى معرفة الناس الاصيلين والله تصدقى لحدى الليله ما بعرف رأفت لكن أحبه حبا جما واحترمه بدون أى سبب موش فى ناس كدا بس الزول يريدوم لى الله كدا سبحان الله طوالى بقرأ مداخلات رأفت ويوم واحد ما خذلتنى ليو مداخلة او تعليق بحترم الناس حتى لو اختلف معاهم عمرى ما حبيت زول كدا بدون سابق معرفه عليك الله يامنى أستأذنى لى منو خلينى احبو اكتر بعد شهادة أخت عزيزة كويس
|
Post: #27
Title: Re: وفرحت جدا لما قابلتك..
Author: محمد المرتضى حامد
Date: 11-15-2007, 11:52 PM
Parent: #26
سلامي يا منى وتحايا للإنسان النبيل رأفت.
|
Post: #35
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:53 AM
Parent: #27
محمد المرتضى الفنان
سلام| Quote: سلامي يا منى وتحايا للإنسان النبيل رأفت. |
تسلم على جميل الكلام لا عدمناك
|
Post: #34
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:46 AM
Parent: #26
كيفك يا ود الغالى الغالى
| Quote: أستأذنى لى منو خلينى احبو اكتر بعد شهادة أخت عزيزة كويس |
ياخى أشكرك على طيب الكلام ولى الشرف بالمعرفة . شايفك ى أمريكا دييييك . يا ريت تجينا ناطى إنت بى جاى بس ما فى رحلة منى
|
Post: #28
Title: Re: وفرحت جدا لما قابلتك..
Author: محمد على طه الملك
Date: 11-15-2007, 11:56 PM
Parent: #25
| Quote: وكنت مدسى منك عديل |
حالتك ..
ياخى إنت خفيف خفه..
كنت تتقل شويه ..
انا حسع راجي الدنيا تمغرب والرجول تخف أجي اغيظ مني شويه ..
اجي القاك خالف كراعك ..
عالم ما بتعرف الاصول ..
اها حسع كتلت لي الدش ..
..
ربنا يديم بينكم الخوة .
|
Post: #36
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:59 AM
Parent: #28
محمد الملك كيفك
Quote: ياخى إنت خفيف خفه..
كنت تتقل شويه .. |
وهو فى وكت ؟ تدقل حقك يروح وإنتو حايمين
لازم نتحكر بدرى بدى .. | Quote: ربنا يديم بينكم الخوة . |
وبين الجميع
|
Post: #33
Title: Re: وفرحت جدا لما قابلتك..
Author: رأفت ميلاد
Date: 11-16-2007, 10:37 AM
Parent: #25
سلام ماجدة | Quote: بيهم الظروف ماسمحت انى اقابله لكن اتكلمنا بالتلفون لك التحية اخى رافت وانشالله نتقابل قريب |
إتشرفت بالمكالمة التلفونية يا ماجدة بس يوم الأحد فقدت الإتصال لفقد الأرقام والنت . الجايات أكتر كان الله أدى العمر
|
Post: #38
Title: Re: وفرحت جدا لما قابلتك..
Author: د.محمد حسن
Date: 11-16-2007, 11:30 AM
Parent: #1
رأفت ميلاد
رجل نادر
من زمن نادر
احبه
|
Post: #45
Title: Re: وفرحت جدا لما قابلتك..
Author: رأفت ميلاد
Date: 11-16-2007, 05:41 PM
Parent: #38
ويييين يا د.محمد حسن
الشوق بحر .. تسلم ياجميل
|
Post: #46
Title: Re: وفرحت جدا لما قابلتك..
Author: محمد البشرى الخضر
Date: 11-16-2007, 08:05 PM
Parent: #1
Quote: غايتو .. الله يجبر بى خاطرك يا منى خوجلى
أنا جيت أكحلا .. عميتا
وكنت مدسى منك عديل
لكن بت الأصول تفضل بت الأصول
تسلمى وجايك |
أها و تاني عميتها يا عمك
ما قالو ليكم الفريز دا بطلوا
يعني إلا بكري يلحقوا ال##### و ال##### حتى ترتاحوا
_______________________________________________
تحياتي أم آية
ويا ريت بعد الحجة المبروكة بإذن الله تغشينا في الشارقة
|
Post: #48
Title: Re: وفرحت جدا لما قابلتك..
Author: سمية الحسن طلحة
Date: 11-16-2007, 10:20 PM
Parent: #46
Quote: انتي صحي قعدنا نتونس والبوست ده عن رأفت موش؟
خلاص يا سمسم نسوقه والحلوين معانا في رحلتنا..
لكن احتمال يفكر احنا مجانين بالبرسيم وبيوت الطين واللعب مع الأطفال ويقول دي رحله مهببه..
تجي نشوف رأيه؟؟
|
أها يارأفت رأيك شنو ؟ نسقيك شاي وقهوة وروب و ( حمت رمت )
كدي يامنى أسألي رأفت دا على جنبه قولي ليهو قبيل قلبك ما فرا؟
|
Post: #50
Title: Re: وفرحت جدا لما قابلتك..
Author: رأفت ميلاد
Date: 11-17-2007, 09:23 AM
Parent: #48
كيفك ياالملكة ده بعدين طفحونى ليه بعد ما رجعت لكن منعود | Quote: كدي يامنى أسألي رأفت دا على جنبه قولي ليهو قبيل قلبك ما فرا؟ |
وحقصت داب حقصه لكن ناس ود الملك بريحوا
|
Post: #49
Title: Re: وفرحت جدا لما قابلتك..
Author: رأفت ميلاد
Date: 11-17-2007, 09:17 AM
Parent: #46
Quote: أها و تاني عميتها يا عمك
ما قالو ليكم الفريز دا بطلوا
يعني إلا بكري يلحقوا ال##### و ال##### حتى ترتاحوا
_______________________________________________
تحياتي أم آية
ويا ريت بعد الحجة المبروكة بإذن الله تغشينا في الشارقة |
يادوووب فهمت بتاعة محمد عثمان بكرى . الرشاشة يفضل رشاشة
|
Post: #53
Title: Re: وفرحت جدا لما قابلتك..
Author: مجدي عبدالرحيم فضل
Date: 11-17-2007, 02:53 PM
Parent: #49
اخي رأفت ميلاد يستحق أن نفرح به
مني خوجلي :
فرحانه بيك كل النجوم لانام بريقه ولا أنطفه اليوم نحسب في النجوم
حتي فجر الغد تدوي أفرحنا بإذن الله ولا كيف ياود ميلاد 
،،،،أبوقصى،،،،
|
Post: #55
Title: Re: وفرحت جدا لما قابلتك..
Author: رأفت ميلاد
Date: 11-18-2007, 06:44 AM
Parent: #53
Quote: علاقتي برأفت بدأت منذ سنوات طويله..فقط جمعنا القدر هنا!
لم اسمع به قبل أن يأتي هنا..
ولم اقابله في حياتي قبل المقابله الأولي وألأخيره في الأسبوع السبق هنا في لندن..
ولكنني عرفته قبل الآن..
عرفته في الشهيد سليمان شقيقه الذي قتل بشرق السودان..
جعلني القدر شاهدا علي آخر سويعات حياته قبل سفري..
ونفس القدر..جعلني أحمل لأسرته آخر كلماته كتبها وهو لايعلم ان العمر لم يتبقي منه سوي
سويعات قد لا تكفي لأقامة صلاه!
أحمل صوره في ظرف لأسرته..أأحكي عن الفرح بلقاءه ام الحزن القاتل لفراقه؟
عرفت رأفت في صرخات ونحيب نعمه وباقي الأسره..
عرفته في ذلك الرابط الروحي الذي جمعني بهم في أوقات توزعت بين قروره محل عملي..وبين مصر
المقر المؤقت لأسرته...
وبكل هذا الأحساس العميق وأكثر قابلت رأفت أخي في لندن.. |
أنتى فعلآ إنسانة عظيمة يا منى
سررت بلقياك كأنى أعرفك مدى الدهر
|
Post: #56
Title: Re: وفرحت جدا لما قابلتك..
Author: رأفت ميلاد
Date: 11-18-2007, 08:40 AM
Parent: #53
| Quote: حتي فجر الغد تدوي أفرحنا بإذن الله ولا كيف ياود ميلاد |
الفرح الأكبر يا أبوقصى عندما نتقابل أو يتقابل أبنائنا فى سودان واعد معافى بلا نعرات ولا تكتلات ولا حكر على أحد . سودان يسع الجميع .
|
|