منـى خوجلــي ذلك النبع الذي لا ينضب

أستسمحك عذراً أختي الكريمة منى واستسمح كل إخواني وأخواتي أعضاء وزوار البورد بأن أخصص مشاركتي هذه لهذه الشخصية الرائعة الراقية ، منى خوجلي ، تلك المرأة العصامية التي طالما أتحفتنا بروائع مداخلاتها وإبداعات رواياتها ، إمرأة لم تعرف للمستحيل بيتاً ولم تعرف للقسوة عنواناً ، لم تعجزها الصعوبات ولم تقهرها الظروف .
مني خوجلي إمراة تنتمي إلى منطقة امتداد الدرجة الثالثة ، حباها الله بحب الناس ، أصيلة المعدن كريمة الأصل نقية السريرية صافية النية ، طيبة المعشر بشوشة الطله بهية المحيا ، حنونة القلب ، جمة الأدب ، لا تكاد البسمة تفارق ثغرها تحدثك كأنك تعرفها منذ نعومة أظافرها ، تستضيفك كأنك من أهلها ، تحويك وكأنك من عشيرتها . لا يختلف في ودها اثنان ، قل ما يجود بمثلها الزمان ، إمراة بمعنى الكلمة أنوثة رقة جمال دلال وفاء إخلاص .
إمرأة قاتلت كالرجال وحاربت كالأبطال ، توسدت الرمال وتلفحت بالسماء ، لم تمنعها أنوثتها من خوض المعارك من أجل كلمة الحق لم تكمم فاها سلاسل الأمن ولم تثنيها الإعتقالات ، قادة مسيرات رفعت شعارات ترأست مظاهرات ، نامت على أرض السجون أبكت العيون . تناست إنها إمرأة من أجل الفقراء فجابت البلاد شرقاً وغرباً شمالاً وجنوباً ، تساهم في حملات الاغاثة للمنكوبين وتطعم وتسقي المسكين ، كثر ترحالها في ربوع الوطن الغالي لتزرع البسمة على شفاة المحتاجين والأمل في قلوب الحائرين ، نامت في الطرقات واجهة الصعوبات ، دخلت الادغال صمدت كالرجال .
لم تمنعها ظروفها القاهرة أنذاك من أن ترسم المحبة بين الناس ، قاست الأمرين في حياتها الخاصة والعامة ، أفجعها موت الشهيد وألمها فراق الحبيب ولكنها بقيت صامدة كالجبال عاتية كالرياح تخفي ألامها بين جوانحها وتحمل الحب في فؤادها توزعه مرة ذات اليمن وتارة ذات الشمال .
تزوجت فكانت نعم الزوجة وأنجبت فكانت أعظم أم ، وهبت إبنتها ( آية ) كل الحب والحنان وحوتها من قهر الزمان ، لم تطعمها من ثديها الحليب إنما أرضعتها الحب والحنان فنشأت آية آية من آيات المحبة والصدق والنقاء والجمال .
منى خوجلي إنسانة في زمن إنعدمت فيه الإنسانية ، أحبت الحرية وحاربت من أجلها لا تخاف في الحق لومة لائم ، تحب التضحيات وتفديك بنفسها ومالها ، لا يغمض جفنها إلا عندما ينام الجميع تجوب الغرفات تطمئن على الصغار وتراعي الكبار . حياتها مرح وشقاوتها طرافة وفرح ، تكره الأذي تحب الخير تسعى لإرضاء الناس ، لا تكل ولا تمل لا تعرف الضغينة ولا تهوى القطيعة ، تصل الرحم وتتواصى بالجار ، هميمة ، عالية الهمة رغم قصر قامتها .
منى خوجلي لك مني جل التقدير ووافر الاحترام ، وأسفي الشديد إني تحدثت عنك دون إذنٍ منك ، ولكن رغبات القلب تأبى إلا ان ينطق بحبك اللسان .

Quote: مني خوجلي إمراة تنتمي إلى منطقة امتداد الدرجة الثالثة ، حباها الله بحب الناس ، أصيلة المعدن كريمة الأصل نقية السريرية صافية النية ، طيبة المعشر بشوشة الطله بهية المحيا ، حنونة القلب ، جمة الأدب ، لا تكاد البسمة تفارق ثغرها تحدثك كأنك تعرفها منذ نعومة أظافرها ، تستضيفك كأنك من أهلها ، تحويك وكأنك من عشيرتها . لا يختلف في ودها اثنان ، قل ما يجود بمثلها الزمان ، إمراة بمعنى الكلمة أنوثة رقة جمال دلال وفاء إخلاص .

بل هي اكثر .. هي اكثر .. هي اكثر

شكراً العمدة .. يالك من ودود صادق وأصيل ..

فلننهل من معينكما معاً .. ودمتما ذخراً للامتداداب .

أخي الحبيب العزيز أمير الجمري


يسعدك صباحك يا سيدي

Quote: بل هي اكثر .. هي اكثر .. هي اكثر

نعم عزيزي هي كذلك فلقد عجزت من أن أستمر في وصفها، فللعقل حدود وللتسطير مسافات ومنى أكبر من حدود عقلي ومسافات قلمي .

Quote: شكراً العمدة .. يالك من ودود صادق وأصيل ..

بل الشكر لك يا صديقي فنحن بجود الاكرمين نجود يا سيد الناس .

Quote: فلننهل من معينكما معاً .. ودمتما ذخراً للامتداداب .

هكذا أنت دوماً سيدي منتهى التواضع والرقة ، فأنت المنهل بذاته عزيزي ولي كل الشرف أن أنتهل منك صديقي ومن عزيزتي منى .

تعجبنى البوستات المعنية بالإحتفاء بالرائعين ، مثلما أبغض بوستات الضغينة والبغضاء ، لك الشكر عمدة وأنت تحتفى بمنى خوجلى ، وهى أهلٌ للإحتفاء فقد عهدنا فيها الإلفة وجمال الروح ، هى إمرأة من الزمن الجميل ، بل هى الجمال لكل الأزمنة .
أعلم أنها أكبر من كل الكلمات ، ولكن لابأس من إلقاء التحية.

الأغنية مهداة للمحتفي بها و كل الحضور

أخي الحبيب خالد

Quote: الأغنية مهداة للمحتفي بها و كل الحضور

شكراً لك أخي على هذا الإهداء الثري ، ودوماً ما تتحفنا بروائعك الجميلة ، أبقى معنا لنحتفل سوياً بهذه المرأة الأبية .

أخي الجميل أبو بكر حامد

Quote: تعجبنى البوستات المعنية بالإحتفاء بالرائعين

وأنت أخي أكثر روعة وطيبة ، شكراً لك على زيارتك الكريمة ، أبقى معنا لتشرف الديار بطلتك البهية .

Quote: وهى أهلٌ للإحتفاء فقد عهدنا فيها الإلفة وجمال الروح ، هى إمرأة من الزمن الجميل ، بل هى الجمال لكل الأزمنة .

نعم عزيزي هي جمال كل الأزمنة ، إمرأة تستحق أن نرفع لها القبعة إحتراماً .

Quote: أعلم أنها أكبر من كل الكلمات ، ولكن لابأس من إلقاء التحية.

والتحية لك يا راقي ومزيد من التواصل معنا عزيزي فمنى تستحق أن نحتفل بضيافتها هنا أيضاً . شكراً عزيزي .

Quote: بشوشة الطله

نعم هي كذلك .. بالامس فقط اتصلت بها لاقول لها حمد لله على السلامة ...

فوجدتها تحدثني وكانما التقينا من قبل وتجالسنا ... فكيف يكون اللقاء إذ؟؟؟؟!!!!

يا لها من رائعة

الاخ عماد

اسمح لى بأن احى الاخت منى
وان ارفع لها قبعتى احتراما

أخي العزيز على محمد


مساك الله بالخير أخي

Quote: اسمح لى بأن احى الاخت منى وان ارفع لها قبعتى احتراما

أهلاً بزيارتك الجميلة في بيت أختنا منى ، والاحترام منها ومني لك يا غالي . تفضل .

أختى الفاضلة إنعام حيمورة

أولاً شكراً لك على هذه المداخلة الكريمة .
ثانياً كيف أخواني عمر وخالد وعلاء عساهم بخير .

Quote: فوجدتها تحدثني وكانما التقينا من قبل وتجالسنا ... فكيف يكون اللقاء إذ؟؟؟؟!!!!

والله ستجدين ما يدعوكي للاستغراب ، ستجدين أمام ينبوع من الحنان وسيل من الكرم ، وشلال من العواطف النبيلة . ستجدين أمامك جنة من جنات الأرض ، ستسعدين بالقاءها أيما سعادة سيمر عليك الوقت دون أن تشعري به ، ستودعينها وأنت غير قادرة على فراقها تتمنين العودة سريعاً لرؤيتها مجدداً ، سعترفي حينها المعنى الحقيقي لمعنى كلمات الحب والصداقة والأخوة الصادقة . منى خوجلي فيض من الحب . منى خوجلي نبع الحنان

شكرا يا عمدة

الاخوان بخير وعلاء بقى احد رواد البورد ...

خالد كان هنا قريب وعمر طول لكنه بخير بعد اجراء عملية نقل الكلية لاخته (اخلاص)..

اما بالنسبة لتلاقي منى فشكلي حا اعجل منها ....

عاشت وعشت انت ..

أختى إنعام


مساءك فل إن شاء الله

Quote: الاخوان بخير وعلاء بقى احد رواد البورد ...

هذا خبر سعيد جداً وأهلاً أخي علاء بيننا حللت أهلاً ونزلت سهلاً .

Quote: وعمر طول لكنه بخير بعد اجراء عملية نقل الكلية لاخته (اخلاص)..

ألف حمد لله على سلامتهم عمر وإخلاص وربنا يديهم الصحة والعافية .

Quote: اما بالنسبة لتلاقي منى فشكلي حا اعجل منها

عجلي أختي وعندها سوف تندمين على كل تأخيرة تأخرتيها في زيارتها ، وفي إنتظار إنطباعك عنها رغم علمنا به سلفاً ، وبلغيها تحياتي .

Quote: عاشت وعشت انت ..

وعشت أختي بيننا وبين أحبتك بكل خير وعافية .

Quote: عالية الهمة رغم قصر قامتها

سلامات عماد

يعني ما طويلة النجاد هههه
شيل الحال لزومو شنو يا عماد اخوي
التحية لك ولخالتي منايا زهرة الأفراح
افتقدناها بشدة و عزاءنا الوحيد انها حيث نحب
و ان شاء الله اجازة سعيدة..
و يا خالتي منى اخلصي لينا حق اشواقنا معاك.

مودتي و اعزازي

أخي الغالي سعد الدين

مساءك رطب وجميل

Quote: افتقدناها بشدة و عزاءنا الوحيد انها حيث نحب و ان شاء الله اجازة سعيدة..

نعم أخي الحبيب خالتك فقد لا يعوض ، ونحن فتقدنا حتى ولو غابت عنا للويحظات فوجودها بيننا يشعرنا بسعادة كبيرة جداً ، نتمنى باقاءها معنا دوماً ، ولكن للظروف أحكام . وصدق فعزاءنا الوحيد أنها حيث نحب وتحب هي أن تكون ، وإجازة سعيدة دعوه من قلوبنا المحبة لها . كنا معنا عزيزي لنحتفل سوياً بخالتك الراقية ، ومعليش لو شلنا حسها في قصر قامتها والمهم هو طول هامتها ، بس هي براها بتقول كده ( أنا قصيرة ) راجع مداخلتها الأخيرة بعد سفرها للسودان وحديثها عنها وعن آية داخل الطائرة .ولك ودي .

اخي الحبيب عماد

في الحقيقة ..قرأت كلمات البوست من الاول و تأثرت جدا لجمال الحديث
و صدق شعورك وعلمي ان الاستاذة منى اهل لذاك..لم ادري مااقول فحبيت
( اشاغلكم)و دي صفة مشتركة بيني و معظم الشعب السوداني..شعب كاواي جدا!
باين علينا قول الشاعر في الأغنية ( الـ للخصيم كواي) - أو هي سواي -
مع انو ما بنكاوي الا بعض بس!..
و طبعا كلام النوم على ثلاثة مقاعد في الطائرة الى السودان داك ما فاتني..
و لا زلت في انتظار بقية القراءات و الملاحظات من الاجازة السعيدة..
طبعا شفت كمان سمسرتكم انت و ابوبكر فوق الخروف ههه
لكم التحيةو سأكون هنا ما استطعت.

أخي النبيل سعد الدين

يسعدك صباح يا سيدي

Quote: لم ادري مااقول فحبيت ( اشاغلكم)و دي صفة مشتركة بيني و معظم الشعب السوداني..شعب كاواي جدا!

شاغل كما يحلو لك عزيزي فهي طرافة الطرفاء أمثالك وأمثال خالتك فهي تحب المكاواة والمشاكسة منذ أن كانت صغيرة ، فهي صفة تلازمها دوماً أين ما رحلت أو أحلت . وفي إنتظار المزيد من مشاغلاتك يا ظريف .

Quote: وعلمي ان الاستاذة منى اهل لذاك

منى خالتك تستحق أن يفرد لها بورد كامل وليس بوست صغير ، والحديث عن خالتك منى ذو شجون وحقيقي كنت أرغب في الكتابة عنها قبل وقت مضى ولكني كنت عاجزاً ولا زلت كذلك في أيفائها حقها في المدح والتوضيح ، فهي أهل لذلك ، ولكن عندما غلبتي الرغبة لم يكن أمامي سوى أن أتوكل على الله وأبداً وعلى على يقين بإن أخوتي إناثاً وذكوراً سيكملون حديثي عنها ووصفها لها لكنها معروفة لديهم في نار في علم .

Quote: و لا زلت في انتظار بقية القراءات و الملاحظات من الاجازة السعيدة

ونحن كذلك في أشد الشوق لهذه القراءات الحلوة .

فهنيئاً لك سعد بهذه الخالة الراقية المهذبة الطيبة النبيلة وأحسبك كذلك مثلها .


أبقى معنا ماإستطعت عزيزي لأن خالتك تستحق أن نقف لها إحتراماً وأن نحرس كل بيتٍ هو لها.

أختي العزيزة إنعام


يسعدك صباحك سيدتي


يا إنعام شنو الكسل ده ؟ لسه ما مشيتي لناس منى ، نحن في أشد الشوق لهذه الزيارة وكأنها لنا نحن ، في إنتظار إنطباعاتك عن لحظة اللقاء المنتظرة ، وفي إنتظارك سيدتي . هيا بطلي كسل .

منى خوجلي كشجرة الصندل يطرقها الفأس فيرجع معطر.

عزيزتي منو

كيف وجدتي الوطن الصغير ( الامتداد ) . إنطباعاتك يا راقية .

عماد العزيز
سلامات

Quote: حباها الله بحب الناس ، أصيلة المعدن كريمة الأصل نقية السريرية صافية النية ، طيبة المعشر بشوشة الطله بهية المحيا ، حنونة القلب ، جمة الأدب ، لا تكاد البسمة تفارق ثغرها تحدثك كأنك تعرفها منذ نعومة أظافرها ، تستضيفك كأنك من أهلها ، تحويك وكأنك من عشيرتها . لا يختلف في ودها اثنان ، قل ما يجود بمثلها الزمان ، إمراة بمعنى الكلمة أنوثة رقة جمال دلال وفاء إخلاص .

صدقت اخي الكريم ، فهكذا تماماً عرفتها والله ..





لك ولمُنَى تحيّاتي ووُدّي

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

الفنان الإنسان الراقي الجميل لؤي

صباحك جميل مثلك أخي

Quote: صدقت اخي الكريم ، فهكذا تماماً عرفتها والله

وهكذا عرفناك أنت أيضاً يا جميل . لك مني ومن منى كل الود والإحترام ، وأبقي دوماً بيننا .

الأخ عماد
التقدير لك وللأخت منى خوجلي
أجمل نهج تتخذه منى هو نأيها عما يسيء إلى الناس وعدم الخوض في مهاترات لفظية مع الآخرين. وهذا نابع من احترامها للجميع . وهم يبادلونها احتراما باحترام.
ليزد رصيد حب الناس لها بشهادتك إضافة لآخرين كتبوا عنها وآخرهم أبوبكر.
و إنني لأسجل لها شهادة احترام.
أتمنى لك ولها التوفيق

العزيز أبي عز الدين

يسعدك صباحك يا غالي

Quote: التقدير لك وللأخت منى خوجلي

والإحترام والتقدير لك عزيزنا.

Quote: أجمل نهج تتخذه منى هو نأيها عما يسيء إلى الناس وعدم الخوض في مهاترات لفظية مع الآخرين

كل إنسانٍ يعمل على شاكلته ، ومنى تستحق منا جل الاحترام .

Quote: ليزد رصيد حب الناس لها بشهادتك إضافة لآخرين كتبوا عنها وآخرهم أبوبكر

وزيادة لرصيد حبك عند الناس حبي وحبها لك يا أصيل . ولي أبو بكر كل الشكر والتقدير وحبنا له بالكوم .

Quote: و إنني لأسجل لها شهادة احترام. أتمنى لك ولها التوفيق

وأنا وهي نبادلك الاحترام بالاحترام يا محترم ، ونتمنى لك كل التوفيق والسعادة وهنيئاً لنا بأخ وصديق مثلك . إبقي معنا دوماً .

Quote: والله ستجدين ما يدعوكي للاستغراب ، ستجدين أمام ينبوع من الحنان وسيل من الكرم ، وشلال من العواطف النبيلة . ستجدين أمامك جنة من جنات الأرض ، ستسعدين بالقاءها أيما سعادة سيمر عليك الوقت دون أن تشعري به ، ستودعينها وأنت غير قادرة على فراقها تتمنين العودة سريعاً لرؤيتها مجدداً ، سعترفي حينها المعنى الحقيقي لمعنى كلمات الحب والصداقة والأخوة الصادقة . منى خوجلي فيض من الحب . منى خوجلي نبع الحنان

ياعمدة ........


احكي ليك شنو ولا شنو



لا
لا
لا





وتاني
لا
لا
لا
لا



انا مشيت امبارح بالليل

ومن شدة ما انا مبسوطة ما حا اكتب شي عشان بسطتي دي ما تروح


رايك شنو !!!!!!!!!!!!!!!!!!!!!!!

Quote: احكي ليك شنو ولا شنو

أحكي أي حاجة عنها فمجرد ذكر اسمها تجدي نفسك في سعادة ، أحكي لنا كيف رأيتيها وكيف كان السلام بينكم وكيف تعارفتكم وكيف وجدتي الترحاب والونسة ... يعني حاجات ذي دي كده .


لا

Quote: لا لا وتاني لا لا لا لا

ليه بس كده يا نعومة .

Quote: ومن شدة ما انا مبسوطة ما حا اكتب شي عشان بسطتي دي ما تروح رايك شنو !!!!!!!!!!!!!!!!!!!!!!!

بصراحة دي بقى حسادة منك ساكت ، يعني عارفانا في الغربة دي زهج وقلق محتاجين واحد يونسنا تقومي تلاقي منى بحالها وتسعدي معاها وتخلينا نحن في الشقاء ده . طيب ما تبسطينا يا ستي معاك ، غايتو جنس حسادة . الله يسامحك .

الاخ عماد

نعم هي كذلك نبع لا ينضب


يا جماعة ما تتخيلوا فرحتي بلقاء منوية

مشيت ليها سلمت عليها لاقيتها وكأني بعرفها من سنين وسنين

بساطة، تواضع، تلقائية، جمال، طيبة، مرح، حضور، وووووووووو

بالجد كده منى احلى بكتير من شخصية البورد

وانا جد مبسوطة اني قابلتها هي وآية ومنال لأول مرة

وبصراحة حسيت بأني واحدة منهن وما ضيفة عليهن

ربنا يدوّم محبة الناس ليك يامنوية

وسعيدين بيك وانشاء الله تسعدي بالاجازة





الاخت انعام تمنيت ان نلتقي

ولكن سيحدث انشاء الله ما دام الغالية بالبلد






مودتي واحترامي

اختي العزيزة أنعام عبد الحفيظ / حفظهاالله

Quote: مشيت ليها سلمت عليها لاقيتها وكأني بعرفها من سنين وسنين بساطة، تواضع، تلقائية، جمال، طيبة، مرح، حضور، وووو

هذه هي ست الحسن والجمال جميلة في كي شئ ، وحاسدنك يا ستي على هذه الزيارة الجميلة فأنا لم أتشرف بلقاءها منذ أمدٍ بعيد لا هي ولا منال وبالطبع حتى آية . وهم بكل صدقٍ وأمانة شلال من الحنان والعطف والرقة والجمال .

شكراً لك على كل حرف سطرتيه هنا في حق أختنا منى ولك مني كل التحايا . وبمزيد من اللقاءات معها ستجدي نفسك في عالم آخر .

الأخ الكريم سعد الدين

صباحك قشطة


أتمنى بأن تتحفنا ببعض مما عندكم عن خالتكم الراقية ، فأنا أعلم بأن لديك الكثير والكثير عنها فلتكشف لنا عن بعض تلك الجماليات . فهذه الشخصية النبيلة تحمل في طياتها ذكريات جميلة وأفعال يحتذى بها . فهل تفضلت عزيزي .

Quote: الاخت انعام تمنيت ان نلتقي ولكن سيحدث انشاء الله ما دام الغالية بالبلد

نعومة

وانا كمان كان نفسي الاقيك رغم انو منى اقترحت كدة انو انصل بيك ونجي كلنا لكن رقمك ما عندي فاتصلت باشراقة ومشينا وكان يوم لذيذ جدا جدا ....

نلتقى انشاء الله في رحاب منوية

Quote: نلتقى انشاء الله في رحاب منوية

إهي إهي إهي إهي ( بكاء )


يا قلبي لا تحزن .

الأميرة منى خوجلي


غيب وتعال تلقانا نحن يانا نحن يانا نحن

الاخت الحبيبة منى

كل الود و التحية
لك,, و لجميع افراد الاسرة البهية

غادة

إختنا الفاضلة غادة


صباح الخير


شكراً لك على مرورك الكريم ، وكنا نتمنى منك كلمة بحق الأخت منى . كوني معنا .

Quote: أستسمحك عذراً أختي الكريمة منى واستسمح كل إخواني وأخواتي أعضاء وزوار البورد بأن أخصص مشاركتي هذه لهذه الشخصية الرائعة الراقية ، منى خوجلي ، تلك المرأة العصامية التي طالما أتحفتنا بروائع مداخلاتها وإبداعات رواياتها ، إمرأة لم تعرف للمستحيل بيتاً ولم تعرف للقسوة عنواناً ، لم تعجزها الصعوبات ولم تقهرها الظروف . مني خوجلي إمراة تنتمي إلى منطقة امتداد الدرجة الثالثة ، حباها الله بحب الناس ، أصيلة المعدن كريمة الأصل نقية السريرية صافية النية ، طيبة المعشر بشوشة الطله بهية المحيا ، حنونة القلب ، جمة الأدب ، لا تكاد البسمة تفارق ثغرها تحدثك كأنك تعرفها منذ نعومة أظافرها ، تستضيفك كأنك من أهلها ، تحويك وكأنك من عشيرتها . لا يختلف في ودها اثنان ، قل ما يجود بمثلها الزمان ، إمراة بمعنى الكلمة أنوثة رقة جمال دلال وفاء إخلاص . إمرأة قاتلت كالرجال وحاربت كالأبطال ، توسدت الرمال وتلفحت بالسماء ، لم تمنعها أنوثتها من خوض المعارك من أجل كلمة الحق لم تكمم فاها سلاسل الأمن ولم تثنيها الإعتقالات ، قادة مسيرات رفعت شعارات ترأست مظاهرات ، نامت على أرض السجون أبكت العيون . تناست إنها إمرأة من أجل الفقراء فجابت البلاد شرقاً وغرباً شمالاً وجنوباً ، تساهم في حملات الاغاثة للمنكوبين وتطعم وتسقي المسكين ، كثر ترحالها في ربوع الوطن الغالي لتزرع البسمة على شفاة المحتاجين والأمل في قلوب الحائرين ، نامت في الطرقات واجهة الصعوبات ، دخلت الادغال صمدت كالرجال . لم تمنعها ظروفها القاهرة أنذاك من أن ترسم المحبة بين الناس ، قاست الأمرين في حياتها الخاصة والعامة ، أفجعها موت الشهيد وألمها فراق الحبيب ولكنها بقيت صامدة كالجبال عاتية كالرياح تخفي ألامها بين جوانحها وتحمل الحب في فؤادها توزعه مرة ذات اليمن وتارة ذات الشمال . تزوجت فكانت نعم الزوجة وأنجبت فكانت أعظم أم ، وهبت إبنتها ( آية ) كل الحب والحنان وحوتها من قهر الزمان ، لم تطعمها من ثديها الحليب إنما أرضعتها الحب والحنان فنشأت آية آية من آيات المحبة والصدق والنقاء والجمال . منى خوجلي إنسانة في زمن إنعدمت فيه الإنسانية ، أحبت الحرية وحاربت من أجلها لا تخاف في الحق لومة لائم ، تحب التضحيات وتفديك بنفسها ومالها ، لا يغمض جفنها إلا عندما ينام الجميع تجوب الغرفات تطمئن على الصغار وتراعي الكبار . حياتها مرح وشقاوتها طرافة وفرح ، تكره الأذي تحب الخير تسعى لإرضاء الناس ، لا تكل ولا تمل لا تعرف الضغينة ولا تهوى القطيعة ، تصل الرحم وتتواصى بالجار ، هميمة ، عالية الهمة رغم قصر قامتها . منى خوجلي لك مني جل التقدير ووافر الاحترام ، وأسفي الشديد إني تحدثت عنك دون إذنٍ منك ، ولكن رغبات القلب تأبى إلا ان ينطق بحبك اللسان .

صدقت يا عماد
ولا تندهش
ولاعجب
ف منى رضعت الجمال والنضال في كنف أسرة عرفت بذلك

وإن شاء الله يوم شكرها مايجي


هسع بتكون داخله في اضافره
وماعارفة تقول شنو
الزولة دي برغم التمرد والجموح الفيها ، بتذوب خجل لمن يكون الحديث عنها

تستحق واكتر

عزيزي الكريم الجميل أبو سـاندرا



يااااااااااااااها معقققققققققول أبو ساندرا بشحمه ولحمه معنا ، يا أرض أحفظي ما عليك ويابدر أوعك تسحره .


اهلاً يا ميت مرحبا بعزيزنا أبو ساندرا زارتنا البركة ، والله أسعدني مرورك يا سيدي وتشرفنا بهذه الزيارة الطيبة .

Quote: ف منى رضعت الجمال والنضال في كنف أسرة عرفت بذلك

هي كذلك يا عزيزي ويا ليتني إستعنت بك عزيزي قبل أن أسترسل في الكتابة عنها فقد عجزت عن وصفها فكتبت القليل من كثير هي تستحقه.

Quote: وإن شاء الله يوم شكرها مايجي

ااااااااااااااااااااااااميييييييييييييين .

هسع

Quote: بتكون داخله في اضافره وماعارفة تقول شنو الزولة دي برغم التمرد والجموح الفيها ، بتذوب خجل لمن يكون الحديث عنها

لذا عزيزي لم استأذنها قبل الكتابة عنها حتى لا تعتذر لشخصي الضعيف ولا تسمح لي بذلك لذلك استسمحتها بعدها .

Quote: تستحق واكتر

فعلاً عزيزي منى ( أم آية ) تسحتق أن نسطر فيها أبحر من الكلمات ولكنني عجزت تماماً عن إيفائها حقها وياريتني لو أقدر أقول فيها الكلام الما إنكتب . شكراً مرة أخري عزيزي على هذه المشاركة الراقية يا جميل . تسلم وتسلم ساندرا وأمها وجميع أفراد أسرتك الكر يمة وإن شاء الله يكونوا رجعوا بالسلامة . والبنية عاملة كيف مع الدراسة . وهيا يا عزيزي إيدك بإيدي لنكتب عن هذه الأديبة الجميلة ، عن هذا النبع الذي لا ينضب .

عماد وكـل اعـزائي...

أنا بحبكم وفرحـانة بيـكم..

ومابقـدر اقـول غيـر إني بتمني لو كـلنا اسـة دي كنا هنا في الخـرطـوم
نغني ...ونتونس ...نناكف بعصـنا... ونخطف اللقمـة مـن بعضنا... ونمشي كـلنا
سـوا نزور اهلنا في بيـوتم.. ونرضـي علي أي زول زعلان... وبعـدين ننوم علي فرح
ونصـحي تاني علي فرح أكـبر...

مـني

عماد وكـل اعـزائي...

أنا بحبكم وفرحـانة بيـكم..

ومابقـدر اقـول غيـر إني بتمني لو كـلنا اسـة دي كنا هنا في الخـرطـوم
نغني ...ونتونس ...نناكف بعصـنا... ونخطف اللقمـة مـن بعضنا... ونمشي كـلنا
سـوا نزور اهلنا في بيـوتم.. ونرضـي علي أي زول زعلان... وبعـدين ننوم علي فرح
ونصـحي تاني علي فرح أكـبر...

مـني

العزيزة منى خوجلي ( بنت الخليفة )


يسعدك صباح سيدتي

Quote: أنا بحبكم وفرحـانة بيـكم..

ونحن عزيزتي نحبك من قلوبنا ونسعد دوماً بلقاءك سوى إن كان عبر الهاتف أو عبر هذا المنتدى .

Quote: ومابقـدر اقـول غيـر إني بتمني لو كـلنا اسـة دي كنا هنا في الخـرطـوم نغني ...ونتونس ...نناكف بعصـنا... ونخطف اللقمـة مـن بعضنا... ونمشي كـلنا سـوا نزور اهلنا في بيـوتم.. ونرضـي علي أي زول زعلان... وبعـدين ننوم علي فرح ونصـحي تاني علي فرح أكـبر...

والله يا منى كان سيكون هذا يوم يسجله التاريخ بأحرف من نور ، ولكن هيهات هيهات ، وأتمنى من الله العلي القدير أن يجمعنا جميعاً في القريب العاجل في أجمل وأمتع لحظات العمر لنكتب للتاريخ أكبر وأجمل العلافات السامية التي يفتقدها زماننا هذا ولبني للاجيال القادمة أسمى معاني التسامح والتعاطف والتوادد النقي .
دمتي عزيزتي ودامت بيننا المحبة والاحترام والتقدير ، ولك مني ومن كل المشاركين في هذا البوست أسمى آيات الحب وعلى فرح كبير قريب نلتقي .

يا عمدة

كيف اخبارك واحوالك ... من الغربة اللعينة

الجو الآن ربيعي 100%

من الصباح التلفونات مدورة .....

عايزين نستمتع بهذا الجو الربيعي ...

رايك شنو .. تجي معانا .. اتفضل ...

كدي النمشي المشوار والمرة دي بجي احكي ليك ...

نعومة الرائعة


صباحك فل وياسمين وألوان طيف

Quote: كيف اخبارك واحوالك ... من الغربة اللعينة

الحمد لله يا نعومة .... بقولوا الغربة ستر حال بس ما شايفها ساترة حالنا والحمد لله .

Quote: الجو الآن ربيعي 100%

ونحن السخانة فوق الـ 50% نار مولعة عديل .

Quote: من الصباح التلفونات مدورة .....

ونحن مدورين في الدوام .... الدوام لله .

Quote: رايك شنو .. تجي معانا .. اتفضل ...

اااااااااااااااااااخ يا نعومة عليك الله ما تقلبي على المواجع خلينا في النحن فيهو ده ، ياريت ثم يا ريت بس هيهات هيهات .
ده ما يوم المنى ، بس الله كريم علينا ، والله يصلح الحال . وسودانا فوق .... ويعيش تحالف الصحافة والامتداد .

Quote: كدي النمشي المشوار والمرة دي بجي احكي ليك ...

تمشي وتجي بالسلامة يا نعومة مع السلامة . بس ما تطولي القعدة علشان نحن هنا قاعدين على نار ، ومنتظرنك ترجعي تحكي لينا وما تخذلينا ذي المرة الفاتت ديك ، وبالله كده سوقي معاك منى وإشراقة وآية ومنال وإنعام عبد الحفيظ وأمشوا الكافتريات الفي النيل ديك وأكلوا ليكم أيس كريم كده وإتصوروا مع بعض وإنتوا بتأكلوا الأيس كريم ورسلوا لي الصورة . والنشوف الدنيا دي مودينا وين.

أن تشاهد حفلا من داخل المسرح تغنى فيه (عقد الجلاد) مثلا
أو تحضر آخر إجترارا لذكرى مصطفى أو تكون حضورا فى ليلة
شعرية فيها القدال وحميد ونجلاء التوم لحظتها تحس ان السودان
أروع البلاد وأن الحياة _ على تعاستها_ جميلة وتستحق أن تعاش
.. ذلك هو الإحساس الذى سيجتاحك بشدة إن ولجت إلى
عوالم الإستاذة منى عوض خوجلى ...
جمعتنى بها الدنيا حين هدأة فى كنف الرجل البديع (أبوساندرا)
حيث إحتفى بنا كضيفين أنا ومنى بمنزله العامر وأنا الذى لا يربطنى
به من تاريخ سوى (المحبة) التى كان مولدها عبر هذا الموقع ومنحنى
بذلك جواز المرور الى قلبه وقلب (الخوجلية) منى واحتفظت (بالكارد)
وما التفت اليه إلا مؤخرا فوجدت (الدرب) أخضر إلى قلبها ..
(منى) نسمة .. روح طيبة تحس برفقتها أنك وجدت سبيلا إلى الحياة..

معليش يا أخى حاسس إنى ما عارف أكتب عنها (كويس) كلماتى أقصر
كثيرا من قامة (الخوجلية) .. لها القلب قبل التحية ...

ولك الود أخى عماد



عبد الرحمن قوى

أخي الحبيب Giwey


مساءك سعيد إن شاء الله ، ، ،

كلنا أخي نقف عاجزين أمام هذه النابغة الجميلة الرائعة ونعجز تماماً عن إيفاءها حقها أو وصف جمائلها الطويلة .
ولكن يكفي منى أن تمر هنا عبر هذا البوست ليكون أكبر معنى يحكي لها عن حبنا لها . شكراً عزيزي عبد الرحمن وأبقى معنا نتابع ونتأمل في ما يسطره أحبائها الذي أنا وأنت منهم . لك ودي .

Quote: عزيزي الكريم الجميل أبو سـاندرا يااااااااااااااها معقققققققققول أبو ساندرا بشحمه ولحمه معنا ، يا أرض أحفظي ما عليك ويابدر أوعك تسحره . اهلاً يا ميت مرحبا بعزيزنا أبو ساندرا زارتنا البركة ، والله أسعدني مرورك يا سيدي وتشرفنا بهذه الزيارة الطيبة .

شكرآ جزيلآ يا عماد محمود على الترحيب الحار
وكتر خيرك
ما كان ممكن ان لانمر ونلقي التحية للمحترمة المقدرة منى عوض خوجلي

Quote: شكرآ جزيلآ يا عماد محمود على الترحيب الحار

لا يا أخي من يستحق الشكر هو أنت وأنا من المعجبين بما تسطره في هذه البورد لذا سعدت كثيراً بزيارتك وتواضعك هذا .

Quote: ما كان ممكن ان لانمر ونلقي التحية للمحترمة المقدرة منى عوض خوجلي

أصيل وإبن أصول أبو ساندرا وياها المحريه فيك ، وبنت الخليفة تستحق أن نقف لها إحتراماً .

ده شنو ده

آي حاجه مني منى

كرهتونا حياتنا ذاتوا

شنوا يا عمدة

القصه شنو

وإنتى يا إنعام ويا إنعام آصبروا لي بس

وإنتي يا قوي ما قلتي إحنا صهاينة. حاجة غريبة واللة.

آقوم اسع آخنقها ليكم بليل.

سخف.

منولـــه ، معقووووووووووووووووووووووووووووووووول ،

يا جماعة دي جاية تايهه ولا القش ليها الدرب منو ؟؟؟؟

Quote: ده شنو ده

يامغرور ما دي الحقيقة رغم إنك ما بتطيقها.

Quote: كرهتونا حياتنا ذاتوا

تسلم حياتك يا ستي ، بس أنا زعلان منك قوي .

Quote: شنوا يا عمدة

نعم يا ستي ، في شنو !!!

Quote: القصه شنو

القصة ببساطة كده ، أنو أنا زعلان جداً لدرجة عائز أطق ، يعني ضيعتي علي الإجازة ساكت ، وما خليتيني استمتع بها هذه المرة مع منى والرفقة الكرام ، شفتي اللمة دي سمحة كيف ، بوظتي علي كل حاجة ـ تقولي لي ح ننسق ح ننسق نتلم في الإجازة لما منى تجي ، ولما جات ( من لقى أحبابه نسى أصحابه ) يعني بس عايزاني أعمل فيك شنو هسه ؟!! أها كده كويس كل يوم قاعد جنب النت آخذ في الأخبار من منى الناس الجو والناس المشو ، ويوم ما تكتب منى اليوم كله قاعد مساهر ماقادر أنوم مقلق جنس قلق ، هسه يا ربي بيكونوا مشوا وين ، والجاهم منو!! وهسه قاعدين يعملوا في شنو ؟ لحدي ما ا########## تصبح ، أها كده ده كويس ، وبرضو تقولي لي الحكاية شنو ، ما ياها دي الحكاية ، بس أصبري لما اشوفك لي شغل تاني معاك ، أصبري بس .

Quote: آقوم اسع آخنقها ليكم بليل.

ده في الشرع والقانون يا محامية يسمى إنتحار ، يعني الزول البيقتل نفسه بسموه منتحر ، ولو بتقدري تنتحري إنتحري ، أصلو إنتي ومنى روح واحده في جسدين ، بس بالله عليك بلاش علشان لو حصل لا سمح الله ح تخلي حياتي جحيم لا يطاق وكفاية الأنا فيهو ده ، إنت ومنى عندي من أعز الناس . وتسلموا آل الخليفة .

Quote: سخف.

برضو بنحبك .

وبرضو تقولي لي الحكاية شنو .

الحبيبة منولة

نورتي البوست - بعد اذنك ياعمدة -

عشان تشوفي غلاوتكم ما غلاوة منى من غلاوتك


ولكن تعالي هنا دا لازوم شنو - بقر ولا ....


تسلمي وانا قاعدة - خطوتين بس

الليلة منال دي بقت مجـرمـة...اتغيرت كـتير مـن فتحت مكتب المحـاماه ده
واحتمـال تقتلني وأنـا نايمة وارد جـدا ويجـوا زملائها يطـلعوها من الجـريمة زي الشـعرة لما تطـلع
من العجـين..

وعـارفين هي مش قـالت بتخنقني?

هي ممكـن تقتلني بضـربة فاس..
ولا تـدس لي سـم في البيبسي البحبو ولا القهـوة البمـوت فيها!

أنـا خـايفة ..

أريـد حـلا!

مـني

Quote: الليلة منال دي بقت مجـرمـة...اتغيرت كـتير مـن فتحت مكتب المحـاماه ده

لا لا حاشاها بت الخليفة ... تتغير ممكن بس تبقى مجرمة لا لا يامنويــة لا لا لا .

Quote: هي ممكـن تقتلني بضـربة فاس..

إلا إذا كان كلمة ( فاس ) تنفع مصطلح للوردة .

Quote: ولا تـدس لي سـم في البيبسي البحبو ولا القهـوة البمـوت فيها!

مصطلح السم هنا هو النكهة للبيبسي ، وفي القهوة زيادة السكر لأنك بتحبيها سكر زيادة . منولة ما تعرف تقتل نملة ـ بس بتعرف كويس المقالب وأنا أول واحد إتمقلب منها مؤاخراً . وبرضوا مسامحنكم .

Quote: أنـا خـايفة ..

أول مره أشوفلي واحد بيخاف من نفسه .

Quote: أريـد حـلا!

أرسلي ليها قوة من قوات الردع السريع ، وهذه القوة في مصطلح آل الخليفة مزيد من الحب والمحنة والوئام ـ وآية تكفي ـ .

نعومــــة

مساء الورد

Quote: بعد اذنك ياعمدة

إذنك معاك يا ستي والبيت بيتك ومطرحك وبيت ستنا منى بيسعنا كلنا ذي قلبها الكبير . مش كده يا منوله ولا برضو ....... .

Quote: تسلمي وانا قاعدة - خطوتين بس

على أن قرب الدار خير من البعد
على إن قرب الدار ليس بنافعٍ إذ كان من تهواه ليس بذي عهدٍ .


وتسلموا جميعاً .

ما قلت ليك عندنا (حوش) كبير تعالي .. دا الحل السلمي ...

والله ما نعمل ليك عملية عمتي (دا برضو من راس منال ) بس انت تعالي ...

كان ما شالك البيت يشيلك الراس والعيون ذاتو

الحل إنك تقعدي معانا هنا ولا تبرحي .. أبداً

القلوب الحايمة حولك دي .. بتعمل ليك ملاذات أمنة

محبتك للناس ومحبتهم لك هي درعك الواقي

والبيهددك .. بنهددو بأخذك منه


لله دركن يا بنات الخليفة

أخي الحبيب هميم


يسعدك مساءك

Quote: القلوب الحايمة حولك دي .. بتعمل ليك ملاذات أمنة

كفيت وأوفيت ، ووينك من زمان ما جيت إلا لما الحكاية بقى فيها كتل .

Quote: محبتك للناس ومحبتهم لك هي درعك الواقي

شفتي يا منى سماحة الكلام ده ، الراجل ده كان غاطس وين يا ربي .

Quote: والبيهددك .. بنهددو بأخذك منه

الله أكبر ، يا أخوي الظاهر عليك من الجماعة إياهم . الله يستر .

Quote: لله دركن يا بنات الخليفة

ولك يا جميل ، بس أوعك تغيب تاني

حاااااااااضر يا عمدة

مع إني ما كنت غايب كنت متابع خرفانكم دي

الرجل الهميم هميم


صباح ورد بنفسجي

Quote: حاااااااااضر يا عمدة

تحضر وما تغيب يا غالي ، وما يغيب ليك حبيب إن شاء الله .

Quote: مع إني ما كنت غايب كنت متابع خرفانكم دي

بالله شوفواالراجل ده ؟ طيب يا أخي ما كان تكلم لينا أبو بكر كده يوفي بوعده ويجيب لينا النياق علشان نعمل الحفلة ، إنت ما شايف الراجل ده بيجقلب كيفن . بالله كلموا ما يفضحنا مع البنية . وإنت أول المعازيم . تمام . في إنتظارك ولا تطول الغياب .

يا ربي نعومة دي تكون مشت ولا لسه ؟ إظني شايفها كده طولت !!!!! .

عمدة ود كرملة

كيفك صباحك زين

Quote: يا ربي نعومة دي تكون مشت ولا لسه ؟ إظني شايفها كده طولت !!!!! .

وييييين .... حدد اجابتك قصدى سؤالك ... قصدي تعجبك ...


المهم حدد

بتنا بت الصحافة نعومة


يسعدك صباحك ومساءك بعدين كمان



تحديدي هو :

ذهابك للعم علي ، ما قلتي بتمشي وتسلمي لي عليهو وقلتي كمان ح تجي تحكي لي عن المشوار بالرفقة الميمونة منى خوجلي ولا كلام الليل بمحوه النهار .

نعومـــة


مساء الفل والياسمين والعندليب وكله


إنت بت الخوجلي دي ما سمعنالا صوتاً يكون منولة عملتها ولا شنو ؟ البنت دي أمانة في رقيبتك دي ميا بقيتي أقرب واحدة ليها ، اعملي حسابك أي حاجة تحصلها إنت المسئولة ميا كل يوم طالعين مع بعض ، تاني سوقوا معاكم منال دي علشان ما تزعل وتقوم بعدين تعملها ويلبسوك التهمة .

إعلان حالة الطواري بالبوست للبحث عن منى خوجلي ، وإجراء إحتجاز إحترازي لمنال خوجلي ، وإستدعاء لانعام حيمورة .

مني خوجلي من الذين يطرزون حياتنا الخشبية هذه بمعاني الجمال والخير

الله يخليها لينا وللوطن ولأولادها ومحبيها وما ننسى لابو العيال

محبتي

رحيمسوداني

الأخ الكريم رحيمسوداني


صباحك عسل إن شاء الله

Quote: مني خوجلي من الذين يطرزون حياتنا الخشبية هذه بمعاني الجمال والخير

يا أخوي وينك من زمان نحن في إنتظار مثل هذه الإبداعات التسطيرية التي تحكي عن جمال أصاحبها أولاً . منى خوجلي نبض من نبضات الحياة الجميلة ، إمرأة من الزمن الآخر .
منى خوجلي تبلغك السلام وترحب بك بيننا ، تفضل أخي وأبقي قريب فنحن في أمس الحاجة لامثالك لنتعلم منهم جمال الكلمات . أبقى معنا عزيزي .

Quote: الله يخليها لينا وللوطن ولأولادها ومحبيها

آآآآآآآآآآآآآآآآآآآآميييييييييييييييييين يا رب العالمين ، ويخليك لينا رحيم .

الاخ عمدة

صباحك زين

Quote: ذهابك للعم علي ، ما قلتي بتمشي وتسلمي لي عليهو وقلتي كمان ح تجي تحكي لي عن المشوار بالرفقة الميمونة منى خوجلي ولا كلام الليل بمحوه النهار .

راجع بوست عمي علي ... سيد اللبن



اما عن غياب منى خوجلي فهي في رحاب السودان تتمتع بهواءه العليل ونيله الفايض ... وناسه الحنان الحلوين ....

فهي واحة نستظل بها هذه الايام ....

اما عن منال تكون عملتها ... لا لا ما بتقدر ... مترسنها كويس .. هي ذاتها اظن ما لاقياها ...


لك الود

الأخت نعومة


صباحك جميل جمال جو السودان هذه الأيام

Quote: راجع بوست عمي علي ... سيد اللبن

نعم عزيزتي راجعته وسعدت جداً بتلك اللقيا الرائعة .

Quote: فهي واحة نستظل بها هذه الايام ....

يا بختكم ، اللهم أظلنا بظلك ويوم لا ظل إلا ظلك .

Quote: اما عن منال تكون عملتها ... لا لا ما بتقدر ... مترسنها كويس .. هي ذاتها اظن ما لاقياها .

كده تمام خلو بالكم منها بس بلقوها تحياتي ، وفي إنتظار إنطباعاتها عن تلك الزياة الميمونة .


لك ودي .

لمنى كل الحب..

و لك الشكر أخي عماد..

أختي العزيزة سناء خالد


سلامُ قولاً من ربٍ رحيم


الله أكبر ، سناء خالد عندنا ، يا أرض أحفظي ما عليك .


شكراً لك يا سناء مشاركتك الراقية ، ومنى تبادلك الحب وتشكرك وتسلم عليك وتتمنى منك التواصل ، ومنى لك كل التحايا . وخليك قريبة علشان خاطر منى خوجلي .

التحية للأخت منى خوجلي ..
فقد عرفناها كما جاء به قلمك وأكثر ..
لها منا كل الحب والتقدير ..

ولك خالص التحايا والود يا عمدة ..

محبتي ..

يا عمده يا ظريفو يا حاجات كتيره حلوة

خلاص انا ندمانة وسافه التراب

لكن الدنيا دي اصلها كده

ما منها امان

لكن الله في

آنا عيانه عندي إلتهاب حاد علشان كده مقدرتي أمشي معاهم عشان عم علي ما يمرض.

حاجيكم تاني بس ادعوا لي ابقي كويسه.

شكرا عماد

وكمان منى خوجلي ضل
ومقنع
وعشا وغدا
وفهم وسودانية
وبت ناس
وعاشقة قيم
وطيبة
ومشاركة في العمل العام

منى

تنعدل عليك شقيش ما تقبلي

يا منولة يا ست الحلوين


يسعدك صباحك بكل خير

Quote: خلاص انا ندمانة وسافه التراب

لا يا ستي الزيك ديل ما بتأسفوا وتبري إنت من التراب . نحن الآسفين أنا ومنى وإنعام ( حيمورة وعبد الحفيظ ) .

Quote: لكن الدنيا دي اصلها كده

هي كده فعلاً يوم ليك ويوم عليك وإن شاء الله تاني ما تكون عليك ودائماً تكون ليك يا ستي .

Quote: لكن الله في

يديك العافية ويقويك وينصرك على أعدائك .

Quote: آنا عيانه عندي إلتهاب حاد علشان كده مقدرتي أمشي معاهم عشان عم علي ما يمرض.

لا بأس كفارة إن شاء الله ، أجر وعافية ، لا حول ولا قوة إلا بالله ، تسلمي يا ستي والشر بره وبعيد ، وربنا يتولاك برحمته إن شاء الله ويديك الصحة ويلبثك ثوب العافية التامة ويرجعك لينا بالسلامة ، ويا ريتني كنت أقدر أشيل عنك .

Quote: حاجيكم تاني بس ادعوا لي ابقي كويسه

.

يا رب يا ناصر الضعيف وشافي المريض تشفي منال وتديم عليها الصحة وترجعها لينا بكامل عافيتها وتحفظها من كل شر وما ذلك عليك بعزيز.آآآآآآآآآآآآآآآآآآمييييييييييييييييييييييين يا رب العالمين .

يااااااااااااااااااااااااااه ود دفع الله بحاله


ياسلا م سلم على ود دفع الله

مرحباً أيها الأنيق الطيب ، سعادتي لا توصف بطلتك هذه ، شكراً لك يا غالي وأغلى من كل غالي .

منى خوجلي وردة نبتت في بستان آل خوجلي فتفتحت فعطرتنا بشذاها الفواح . ومنى تبلغك السلام وتدعوك للبقاء معنا .

الود والإحترام لك عزيزي . وخليك قريب وجيب تمبس ده بي جاي .

عزيزي رحيم سـوداني

شكراً لك أنت يا جميل على هذا التواصل الرائع ، ومنى بخير وعافية وفي رحلة إستجمام بالسودان وتغريك السلام ، ويا رحيم خليك رحيم معانا بالله ولا تحرمنا من روائعك وخليك معانا .

من لا تحركه مشاعر الانسانة والمناضلة والأخت الصديقة منى خوجلي فليستشير طبيبا نفسيا لأن منى بعض من زمان الناس الأخلاص والسودان الجميل بأهله. لكم الشكر على هذا البوست الجميل وهذا التكريم.

أخي الحبيب بانقا الياس


السلام عليكم ورحمة الله وبركاته ، ، ، ،

Quote: من لا تحركه مشاعر الانسانة والمناضلة والأخت الصديقة منى خوجلي فليستشير طبيبا نفسيا

صدقت أخي العزيز منى خوجلي جيل بكامله من زمن الجمال والتفاني والاخلاص ، والشكر لك عزيزي على هذه المشاركة الحلوة ونتمنى بان لا تحرمنا من هذه الزيارات الرائعة ، لك مني ومن منى وآل خوجلي جميعاًأطيب الأماني . وما تبعد .

منى خوجلي :

يا ريتني لو أقدر أقول فيك الكلام الما إنكتب .

يارب يا رب منولـــــة تكون أصبحت بخير ، ويا رب ترجعها لينا بالسلامة .

والله مشـتاقين...ليس كما يغنيها صـاحبها الأصـلي فقط..بل أيضـا كما يغنيها سـيف فيصـير سـؤال الغروب
قلب بث الأسـواق...والغرق فيها..

أحـبكم كثيرا..
واتمني أن نجـلس او نقف أو نجـري حـتي لو حـفاة الأقـدام معـا في وطـن غرقـان في مشاعره الحـلوة..
أنـا مليانة بيكم الليلة شـديـد..مليانة بالسـودان وبالحب ..والعرق والتراب..كـان جـاي من بياتنا
ولا جـاي من مقابر فـاروق!

ولا كهرباء مقطوعة ...ولا تراب معلق ولا مـوية عكـرانة..بيوقفوا أشـواقي..
صـبري مـع الحـب بيطـول... وقلبي بيكـبر... وبلقي ليـكم كـلكم مكانات واسـعة فيه ..ولسـه بحبكم أكـثر!

شكرا ليـكم كـلكم علي الحب الجميل... وعلي الاخـوة الحـلوة... والزمالة المحـترمة... وعلي تقـدير اعجـز
عـن التعبير عـن سـعادتي به..

معاي دايما إنتو..

مـني

Quote: أحـبكم كثيرا..

ونحن نحبك أكثر .

Quote: ولا كهرباء مقطوعة ...ولا تراب معلق ولا مـوية عكـرانة..بيوقفوا أشـواقي..

ونحن أشواقنا تتحدى المسافات والفيافي والجبال والوديان لتصلك لشخصك الحبيب أين ما كنتي .

Quote: صـبري مـع الحـب بيطـول... وقلبي بيكـبر... وبلقي ليـكم كـلكم مكانات واسـعة فيه ..ولسـه بحبكم أكـثر

ونحن عزيزتي نسعد كثيراً بهذا القلب الكبير . ونحن سنظل نحبك كثيراً وكثيراً .

Quote: شكرا ليـكم كـلكم علي الحب الجميل... وعلي الاخـوة الحـلوة... والزمالة المحـترمة... وعلي تقـدير اعجـز عـن التعبير عـن سـعادتي به..

الشكر بعد الله لك عزيزتي فلقد علمتينا معنى التسامح والصداقة والأخوة والوفاء والكرم وعلمتينا معنى سامي لكلمة حب ، فسعادتنا بك تسمو .

Quote: معاي دايما إنتو..

وأنت في قلوبنا ما بقينا أحياء .


لك مودتي .

عزيزي سعد


رجيتك وفي إنتظار عينك كملت الصبر كله .

منـــى خـوجلـــي

يا وردة نبتت على غصنٍ جميلٍ نضرِ

العزيزة منى خوجلي


صباح الخير والنور عليك يا زهور



أرجو أن تطمئنيني على الأخت الغالية منال من الوعكة الصحية التي ألمت بها مؤخراً ، أسال الله أن تكون قد تعافت منها ، لها ولك ولآية ولأمنا ماما جارة كل التحايا والود .

Quote: عماد وكـل اعـزائي... أنا بحبكم وفرحـانة بيـكم.. ومابقـدر اقـول غيـر إني بتمني لو كـلنا اسـة دي كنا هنا في الخـرطـوم نغني ...ونتونس ...نناكف بعصـنا... ونخطف اللقمـة مـن بعضنا... ونمشي كـلنا سـوا نزور اهلنا في بيـوتم.. ونرضـي علي أي زول زعلان... وبعـدين ننوم علي فرح ونصـحي تاني علي فرح أكـبر... مـني

حقا انها جبل حنان ـ عليكم الله اقروا الكلام دا مليون مرة ـ ح تعرفوا منو هي منى

لو كنت بعرف ارسم كان رسمت منو لوحة فنية تعني السودان كله.

ولكنني سأعزفها غنوة شايقية . دا البعرف ليه وكل واحد حسب قدرته .

فهي حقا(منى الكل)

يا سلام يا سلام يا سلام ، ، ، ، أخونا الرائع معتز القريش

يا هلا ومرحبا نورك طغى على المنطِقى


أين أنت يا رائع ، إفتقدناك كثيراً .

Quote: حقا انها جبل حنان ـ عليكم الله اقروا الكلام دا مليون مرة ـ ح تعرفوا منو هي منى

Quote: لو كنت بعرف ارسم كان رسمت منو لوحة فنية تعني السودان كله.

Quote: ولكنني سأعزفها غنوة شايقية . دا البعرف ليه وكل واحد حسب قدرته .

Quote: فهي حقا(منى الكل)

تعرف يا معتز يا أخوي أها أنا كده حسدتها عديل كده ، كلاماً ذي ده بجيب الحسد من مافي ، ويا بختك يا منو حبائبك كتار . الله يدينا الصبر ويبعد عننا الحسد .
شكراً معتز كلام ينقط عسل ، ومنى تغريك السلام وبتقول ليك ح ترجع ليك بعد أن تنتهي من المحاكم التي تشاهدها الآن . فأبقى معنا .

أحباء آل خوجلي

لكم مني السلام

أمس كان يوم من أسعد أيام حياتي ، يوم غير كل الأيام ، وسر سعادتي يكمن في إستماعي لذلك الصوت الدافئ الجميل المعبر الذي يحكي عن عظمة صاحبته ، بالامس إطربت بذلك الصوت الشجي عبر الهاتف البعيد إستمع لها بكل إحترام فهي تستحق ذلك كان صوتها يتسلل إلى دواخلي كنسمة رقيقة بارده تدخل في رئتي إنه صوت الكروان منى خوجلي ، وإزاد من سعادتي سماعي لصوت عشقته كثيراً وأحببته أكثر رغم أنني لم أسمعه من قبل ولكنني عشقته من خلال منى نفسها صوت البرنسيسة ( آية ) التي هي بحق آية من الآيات الجميلة في سوداننا الحبيب ، إستمعت لها وصوتها يترنم في قلبي حتى إحسست بأنني قد غفوت معها طرباً ، صوتها الصغير الجميل يدقق المشاعر ويحرك الأحاسيس النبيلة تود لو تراها في حينه ، وإكتملت سعادتي وأنا أنصت لصوتٍ آخر من تلك العائلة الراقية الكريمة ، صوت له نغمة خاصة به رغم أنه كان مجهداً لألم ألم به إلا أنه كان جذاباً رقيقاً ناعماً كنعومة صاحبته صوت أجبرني أن اسرح في عالم الخيال وأتخيل نفسي بأنني في بستان جميل تحفه أشجار الصندل وتزينه الورود الياسمين ، تجري مياه بإنسياب تلاطف أوراق ورده نسيمات بارده وتداعبها فراشات ملونه وتحلق فوقها عصافير مغردة تصحبها ضحكات أطفالٍ صغار ، إنها الموناليزا منال خوجلي ، إنتهت المكالمة أحسست حينها بأنني أود أن أنام لساعاتٍٍ طوال فالسعادة التي كنت أعيشها والفرح الذي كنت فيه لم أود أن يعكرهم أي صوتٍ آخر لذا أخلدت الى النوم على تلك الأصوات الجميلة كأصوات الخرير وكصوات العصافير الشادية . آ ل خوجلي لكم مني الود كله . والاحترام جله.

شكرا يا غالي يا عمدة وحقيقة منى تستحق أكثر من هذا البوست وأنا معاكم ومتابع

أخي الحبيب معتز القريش


شكراً عزيزي على بقاءك معنا فمنى خوجلي تستحق أن نبقي بينها لنقضي معها أسعد اللحظات ، وتابع عزيزي .

العزيزة الغالية منــى خوجلــــي


في إنتظار أخبارك الجديدة يا عزيزتي . تحياتي لآية .

نعم .. ونعم، تانى .......
الأستاذه منى إنسانة بكل ما تحمله
هذه الكلمة من معنى ، زادها الله محبة
فوق محبة فالذى يحبه العباد يحبه الله
جعلنا الله أحبابا له يا منى ، مع كثير تحيتى
للشقيقة المحامية ، منال لك التحية مرة أخرى
وأنا سعيد بكل ما يكتب عنك فأنت أهلا له ..
محمد مختار جعفر

أخي الفاضل / محمد مختار


سلامات أخي الكريم


منى خوجلي تغيرك كثير سلامها وتسأل الله أن يجعلك من أحبابه وتسالك بالدعاء لها بالمزيد من الأحبه والأصدقاء ، وبتقول ليك منال بخير وكل أفراد اسرتها كذلك . وهي هذه الايام مشغولة بالمحاكم وستعود قريباً للرد عليك . فأبقي معنا .

شكراً عزيزي على مرورك الكريم ، والله نسأله أن يجعلنا جميعاً ممن يحب ، ولك ودي .

الدنيا مدرسة ، استاذها الظروف وفصولها المجتمع ، كتابها حياة إنسان ، حبرها الدموع وقلمها الأمل , وروحها منى خوجلي .

لا زالت منى خوجلي تلك المرأة العصماء الشهمة تواصل نضالها مع الحياة ، لا تزال تحمل في طياتها أسمى معاني الحب والتضحية والفداء ، لم تثنيها السيول والأمطار ولا حرارة الشمس وسخانتها ولا إنقطاع الكهرباء عنً حضورها محاكمة الشرفاء من أبناء الوطن توزع إبتسامها الجميلة لهذا وذاك وتلك وهذه تساعد ذلك وتسلم على هؤلاء تجول في ساحة المحاكم كما يجول الفارس في ساحة الحرب ، لا تخشى العيون المتربصة بها ، تشد من إذرهم وتشجعهم على الصمود لا تكل ولا تمل ، يتصبب العرق منها بكثرة من شدة حرارة الشمس فما يزيدها ذلك إلا قوة وصبراً ، تسأل كل محتاج عن حاجته تشجهم وتناصرهم وكانهم أشقاءها لا تفرق بين هذا أو ذاك ولا بين جنس وآخر .
لا تزال تذكر أيامها القواسي التي قضتها بين القضبان وإفتراشها لتلك الارض صلبة كصلابتها ، تخاف على هؤلاء من أن يلقوا نفس مصيرها الذي عانت منه كثيراً لذا تراها تقف بجانبهم مناصره لهم تشد على عضهم وتذرع في نفوسهم الأمل .

منى خوجلي أيتها المرأة النبيلة الجميلة ، لك مني ومن كل مواطن شريف أسمى آيات الحب والامتنان ، ولله درك يا غالية وحفظك الله وجعلك ذخراً لنا , ودمتي عزيزتي .

المناضلة منــــى خـوجلــــــي

جيت أقول صباح الخير وأشوفك كيفن أصبحتي .