Post: #1
Title: عـازمـاكم رحـلة!
Author: Muna Khugali
Date: 04-13-2006, 01:14 PM
Parent: #0
أيـوة.... كـل سـنة وانتو طـيبين....يـوم الاثنـين عـازمـاكم رحـلة!
في مثـل هـذا الوقت عنـدمـا كـان عـددنـا سـعيـدا ومكـتملا...
كـنا نلـون البيض بعـد أن نسـلقـه....وهـذه أول الذكـريات....
مـني
|
Post: #2
Title: Re: عـازمـاكم رحـلة!
Author: Ishraga Mustafa
Date: 04-13-2006, 01:17 PM
Parent: #1
اوعى تقولى ممنوع اصطحاب الاطفال!!
|
Post: #3
Title: Re: عـازمـاكم رحـلة!
Author: elham ahmed
Date: 04-13-2006, 01:20 PM
Parent: #2
منى العزيزه
اها انحنا معزومين
|
Post: #4
Title: Re: عـازمـاكم رحـلة!
Author: Muna Khugali
Date: 04-13-2006, 02:32 PM
Parent: #3
منـو هاياكـل دي?
المهم مـا دلوقـتي....يـوم الإتنين لسة ماجـه!
|
Post: #5
Title: Re: عـازمـاكم رحـلة!
Author: Muna Khugali
Date: 04-13-2006, 02:55 PM
Parent: #4
يللا ياهـومي وشـروقة..حاسبوا عليهم مـن العيـال مايكـسـروهم..
لسـة أنـا بلـون....منـو عـايز يلـون معاي?
مـني
|
Post: #6
Title: Re: عـازمـاكم رحـلة!
Author: أحمد الشايقي
Date: 04-13-2006, 05:49 PM
Parent: #1
أحجز
كرسـي
واحجـز
طيرااااااااااان
وتحياتي
|
Post: #7
Title: Re: عـازمـاكم رحـلة!
Author: أسامة خلف الله مصطفى
Date: 04-13-2006, 05:59 PM
Parent: #6
ألأخت العزيزه منى
أحجزى لى كرسى قدام...بس ما يكون كرسى الشهيد
|
Post: #8
Title: Re: عـازمـاكم رحـلة!
Author: saadeldin abdelrahman
Date: 04-13-2006, 06:18 PM
Parent: #1
انا عايز امشي رحلة (بين طيات السحاب) بس 
|
Post: #9
Title: Re: عـازمـاكم رحـلة!
Author: Muna Khugali
Date: 04-13-2006, 07:13 PM
Parent: #8
البيـاكـل فسـيخ يرفـع إيـده....كـلكم بتاكـلوه?
خـلاص مـا بقعـد جـنبكـم!
|
Post: #10
Title: Re: عـازمـاكم رحـلة!
Author: Muna Khugali
Date: 04-13-2006, 07:27 PM
Parent: #9
البيـاكـل فيـكم بصـل منو?
كـلكم ماعـدا هـومي وشروقة!
برضـو هأنـقـعـد بعيـد منكـم...فسـيخ وبصـل?
دي حـاجـة مهببـة خـالص!!
|
Post: #11
Title: Re: عـازمـاكم رحـلة!
Author: أسامة خلف الله مصطفى
Date: 04-13-2006, 08:04 PM
Parent: #10
العزيزه منى
أنا باكل بصل ...بس مكتول جوه الحله
|
Post: #12
Title: Re: عـازمـاكم رحـلة!
Author: محمد سنى دفع الله
Date: 04-14-2006, 00:27 AM
Parent: #11
منى
أجمل التحايا
احجزي لينا مكان للفرح
وعذب الامنيات
|
Post: #14
Title: Re: عـازمـاكم رحـلة!
Author: Muna Khugali
Date: 04-14-2006, 01:51 AM
Parent: #12
صـباح الورد والتحضـيرا للرحـلات واحنـا بنطط فـرحـانين...
جـاء صـوت مـن الماضـي....
مـاما...منـو جـاي معـانا الرحـلة?
ردت أمـي وهي مستمرة في اكمـال مابيـدها...
كـلهم جـايين..أرفـعي معاك البنبر ده مـن السـكة مايرمـي زول!
كـلهم منـو?
إحـنا وأصـحـابنـا وانتو وأصـحـابكـم...بس إنتو لازم تورونـا أصـحـابكـم كم علشـان العربيات....
أجـري بعـد ذلك الي ألـواني...أبـدأ في التلـوين...ثـم تأتي أخـواتي...
الله... تصـيح مـاجـدة....أنـا بحـب ألـوان البيضـة دي...وكمـان دي...لأ بحـب دي أكـتر!
تعـلق مـديـحة.....طـيب بس ماتلمسيهـم وانتي ايـدك مبلولة...تبوظـي ألـوان المـوية عليها!
أنظـر انـا بحـوف...حـاسـبي البيضـة هاتقع منـك!
ومـن طـرف المكـان أسـمع خـالتي....بلقيس وبـدرية هايجـوا يـوم الأحـد يبيتو معانـا...
تزداد الإثـارة ويزداد معها التنطـيط ...أنـا بحـبهم شـديـد...
اسـمع ضـحكـة أبي ...حـقيقي هـو رب بيتنا... يخـلق لنا كـل أجـواء المـرح..
يسـأل مـديحـة...عـازمـة منـو يامـديحـة?
مـني عـابـدين يابابا....فتحـية ماهـاتقـدر تجـي...خسـارة...بس هـي عنـدهـا رحـلة مـع ناس بيتهم...
ونستمـر في التحضـيرات والـعزومـات ....ودلـوقـتي كـدة انـا معاي مسـجلين مجمـوعـة جميلة شـدييييييد.....وفي انتظـارالباقيين برضـو بحـب...
|
Post: #13
Title: Re: عـازمـاكم رحـلة!
Author: عاطف عمر
Date: 04-14-2006, 01:35 AM
Parent: #1
منى الغالية
التحايا والشوق والمحبة
كل سنة وأنت كما نحب لك
يمثل عيد شم النسيم علامة مضيئة للتسامح الديني الذي ( كان ) يسم مجتمع المسلمين في السودان ، ويمثل أيضاً علامة مضيئة لكامل الحقوق التي ( كانت ) تتمتع بها الأقليات ( الأقباط ) مثلاً في وطنها السودان .
مرحباً بعودتك الأنيقة
و
إنتي ( بتغتسي ) كدا وين بدون إحم أو دستور ؟؟
|
Post: #15
Title: Re: عـازمـاكم رحـلة!
Author: lana mahdi
Date: 04-14-2006, 02:31 AM
Parent: #1
بحب اللمات الزي دي و الأصوات المتداخلة فيها و صدى الذكريات
هل كنا(زمان)أسعد أم أن الطفولة دائماً أنصع و أحلى مراحل الحياة؟
Quote: صـباح الورد والتحضـيرا للرحـلات واحنـا بنطط فـرحـانين...
جـاء صـوت مـن الماضـي....
مـاما...منـو جـاي معـانا الرحـلة?
ردت أمـي وهي مستمرة في اكمـال مابيـدها...
كـلهم جـايين..أرفـعي معاك البنبر ده مـن السـكة مايرمـي زول!
كـلهم منـو?
إحـنا وأصـحـابنـا وانتو وأصـحـابكـم...بس إنتو لازم تورونـا أصـحـابكـم كم علشـان العربيات....
أجـري بعـد ذلك الي ألـواني...أبـدأ في التلـوين...ثـم تأتي أخـواتي...
الله... تصـيح مـاجـدة....أنـا بحـب ألـوان البيضـة دي...وكمـان دي...لأ بحـب دي أكـتر!
تعـلق مـديـحة.....طـيب بس ماتلمسيهـم وانتي ايـدك مبلولة...تبوظـي ألـوان المـوية عليها!
أنظـر انـا بحـوف...حـاسـبي البيضـة هاتقع منـك!
ومـن طـرف المكـان أسـمع خـالتي....بلقيس وبـدرية هايجـوا يـوم الأحـد يبيتو معانـا...
تزداد الإثـارة ويزداد معها التنطـيط ...أنـا بحـبهم شـديـد...
اسـمع ضـحكـة أبي ...حـقيقي هـو رب بيتنا... يخـلق لنا كـل أجـواء المـرح..
يسـأل مـديحـة...عـازمـة منـو يامـديحـة?
مـني عـابـدين يابابا....فتحـية ماهـاتقـدر تجـي...خسـارة...بس هـي عنـدهـا رحـلة مـع ناس بيتهم...
ونستمـر في التحضـيرات والـعزومـات ....ودلـوقـتي كـدة انـا معاي مسـجلين مجمـوعـة جميلة شـدييييييد.....وفي انتظـارالباقيين برضـو بحـب... |
|
Post: #16
Title: Re: عـازمـاكم رحـلة!
Author: lana mahdi
Date: 04-14-2006, 02:37 AM
Parent: #1
|
Post: #17
Title: Re: عـازمـاكم رحـلة!
Author: lana mahdi
Date: 04-14-2006, 02:40 AM
Parent: #1
|
Post: #18
Title: بوست الفرحة
Author: lana mahdi
Date: 04-14-2006, 02:44 AM
Parent: #1
|
Post: #19
Title: Re: بوست الفرحة
Author: lana mahdi
Date: 04-14-2006, 02:48 AM
Parent: #18
|
Post: #20
Title: Re: بوست الفرحة
Author: lana mahdi
Date: 04-14-2006, 02:51 AM
Parent: #19
|
Post: #21
Title: Re: عـازمـاكم رحـلة!
Author: saadeldin abdelrahman
Date: 04-14-2006, 02:55 AM
Parent: #1
يا جماعة انا زول بسيط..
و طلباتي و اقتراحاتي على قدر حالي....
سلطة دكوة بي ليمون و شطة موزوناااات كده بس...
يكون تأثير النسيم العليل لمكان الرحلة فيها واااضح في المذاق و اللمسة...
غير كدا...كان البيض ده لونو فان جوخ مابجي 
|
Post: #23
Title: Re: عـازمـاكم رحـلة!
Author: Amira Ahmed
Date: 04-14-2006, 04:02 AM
Parent: #22
منى العزيزة
ازيك ... انا ممكن امشي معاكم الرحلة بالذات لو كانت في "بيرجن"
لكن موضوع البيض بس معليش اعفيني منو ... انفلونزا الطيور عاملة عمايلها وانا لسة صغيرة وجاهلة في حاجات كتيرة لسة ما شفتها في الدنيا دي !
مودتي ومشتاقين
أميرة
|
Post: #24
Title: Re: عـازمـاكم رحـلة!
Author: Tumadir
Date: 04-14-2006, 05:00 AM
Parent: #23
رحلة جميلة وملونة
وناس دمهم رااااايق
انتو "حناكيش" ولا شنو يا منى خوجلى؟؟
كدى ورينى النصيحة..
نحن رحلاتنا فيها "جزار" ومرارة ..وحاجات عجيبة جدا..
بيض ملون؟؟ برى ده الا فى بلاد الخواجات هنا حتى شفناه
انا مصاحبة لى حنكوشة وما جايبة خبر؟؟
|
Post: #25
Title: Re: عـازمـاكم رحـلة!
Author: Muna Khugali
Date: 04-14-2006, 06:11 AM
Parent: #24
ياحـلاوتكـم واحـد واحـد...بأحبـكم كـتير خـالص.... وعلي فكـرة دي هاتكـون رحـلة مـاحـصـلت...أي زول سـمح حـاضـر فيها...هناكـل بعـد 'مانتحنكش'
هانلعب في مـوية النيـل...والبيض الملون مسـكين راح فيها.... وصـارت قشـوره الملونة صـانعة للأشـكـال الهنـدسية علي الـسجـادة الكـبيرة ...
وياطـمطم حنكـشـة بسـيطـة...عمـرك شـفتـي حـناكيش بياكـلوا فسـيخ ومـرارة?
طـيب لـو الحناكيش بيعمـلوا كـده....البعاعيت (لا مـؤاخـذة) يعمـلوا شـنو?
ناس بيتنـا بياكـلوا الفسيخ ني وكمـان المـرارة ولا تعليق..
لكـن انتو لـو عـايزين تشـوفـوا الحناكيش صـح...شـوفـوا أمـيرة..خـايفة مـن انفلـونزا الطـيـور!
بكـرة اشـراقـة كمـان تسـألني الخـروف المضـبوح ده اخـد حـقن التطـعيم قبل مايضـبح ولا لأ?
وأرجـع ليكم بحنكـشة مـن الماضي بعـد شـوية....
حـب كـبير فـرحـان واحـنا بنسمح في مـوسـيقي لـؤي علي الأورج...
مـني
|
Post: #27
Title: Re: عـازمـاكم رحـلة!
Author: Deng
Date: 04-14-2006, 07:49 AM
Parent: #1
| Quote: نحن رحلاتنا فيها "جزار" ومرارة ..وحاجات عجيبة جدا.. |
يا تماضر.
دي رحلة ولا فطور عزابة بايتة معاهم؟
دينق.
|
Post: #28
Title: Re: عـازمـاكم رحـلة!
Author: Ishraga Mustafa
Date: 04-14-2006, 09:08 AM
Parent: #27
| Quote: بكـرة اشـراقـة كمـان تسـألني الخـروف المضـبوح ده اخـد حـقن التطـعيم قبل مايضـبح ولا لأ? |
كان فيها ضبيحة مابجيب معايا ازبيلا واحدة من بنياتى الطالبات، دى مرضت لمن اتعزمنا مرة فى الدوحة وشافت خروف كامل محشى كمية من الحاجات، نباتية قال وحزينة لاجل الخروف وكمان الحمام المحشى فى بطنه، خلاص بخليها قبلها ومابتبرانى خطوة
صحى ياجماعة الحمام دة كيف بنضبحوا؟؟؟؟؟!!!!!
زمان الا الواحد/ة فينا تجيها ملاريا حتى يدوها حمامة، حرام علينا
ياختى هومة ممكن ماتأكل البصل لكن انا وحاتك فسيخ مافيخو بصل وشطة خضراء ولا شطة { دنقابة} ماباكلو اوعى تقولى لى عاوزين قاموس عشان تعرفو معنى دنقابة دى، غايتو لو الجو فيهو غمام وبرودة شوية لازم نجهز كجيك ولا ملاح مرس، اها شفتى الحنكشة دى، قال حنكشة قال
يالله الرحلة متين
عشان نجهز حالنا
|
Post: #29
Title: Re: عـازمـاكم رحـلة!
Author: lana mahdi
Date: 04-14-2006, 09:46 AM
Parent: #1
| Quote: غايتو لو الجو فيهو غمام وبرودة شوية لازم نجهز كجيك ولا ملاح مرس، |
وحاتك يا الغالية بدون غمام و برودة
قبل رجوعنا من الإجازة بيوم اتعزمنا فطور أهم شي فيهو ملحات مرس و تقلية و روب أبيض ب(عصايد)
وتاكلي ما تدي الجنبك..
أما طالبتك الحنكوشة يا شروق فلو رأت آكلي أكباد الخروف و مرارته نية لأقامت علينا حد القسوة
|
Post: #30
Title: Re: عـازمـاكم رحـلة!
Author: Deng
Date: 04-14-2006, 10:33 AM
Parent: #1
Quote: وحاتك يا الغالية بدون غمام و برودة
قبل رجوعنا من الإجازة بيوم اتعزمنا فطور أهم شي فيهو ملحات مرس و تقلية و روب أبيض ب(عصايد)
وتاكلي ما تدي الجنبك..
أما طالبتك الحنكوشة يا شروق فلو رأت آكلي أكباد الخروف و مرارته نية لأقامت علينا حد القسوة |
الاخت العزيزة لنا.
بس تخيلي أنا بقرا في كلامك ده وفي أشد حالة من الجوع وحتى الماكن الباكل فيهوا كل يوم اليوم قافل.
دينق.
|
Post: #31
Title: Re: عـازمـاكم رحـلة!
Author: Muna Khugali
Date: 04-14-2006, 12:06 PM
Parent: #30
ياعـاطـف ماتنسي تكـلم سـعـدية تحـضـر لينـا شـوية فطـاير..أنـا عارفـاها شـاطـرة في عمـلهم...عنـدنـا حـناكيش قـديمة.. كـبيرة يعني ....وحناكـيش صـغيرة اتربت في أوربا...بيقـولوا كـان علي الكـسرة tissue ..
وبعـدين ذكـر أيمـن يجـيب الكـورة معاه والله يسـتر علي نضـارته..أقـول ليك كـلام?
انت شـيل ليه نضـارة احتياطـي...عنـدنا عيال مـؤذيين أولهم مصطـفي ولـد منال أخـتي!
طـيب يا خـوانـا دينق ده أول مـرة بجـي .....نشيل ليه شـنو مـن الحـاجـات البيحبها معانـا...بتحـب تاكـل أكـتر حـاجـة شـنو يا دينج?
راكـوبة وأحمـد العربي والبصـيري ونعـومتي وتايسـا قـالوا هـايجـوا عل مكـان الرحـلة طـوالي...
وانـا لسـة منتظـرةأصـحابي الحـلوين الباقيين يظـهـرو...
بجـيكـم راجـعـة اسـة بمفاجـأة!
منمون...(بـدلع نفسـي)
|
Post: #32
Title: Re: عـازمـاكم رحـلة!
Author: أحمد الشايقي
Date: 04-14-2006, 12:14 PM
Parent: #1
Quote:
وياطـمطم حنكـشـة بسـيطـة...عمـرك شـفتـي حـناكيش بياكـلوا فسـيخ ومـرارة?
طـيب لـو الحناكيش بيعمـلوا كـده....البعاعيت (لا مـؤاخـذة) يعمـلوا شـنو?
ناس بيتنـا بياكـلوا الفسيخ ني وكمـان المـرارة ولا تعليق..
|
اعتراف جميل
|
Post: #33
Title: Re: عـازمـاكم رحـلة!
Author: Muna Khugali
Date: 04-14-2006, 12:28 PM
Parent: #32
إنـي أعـترف...
أهـل بيتنـا كـلهم بعاعـيت...مـاعـدا أنـا وخـالتي...
قلت شـنو ياأحمـد? مش اعترافـات خـطيرة?
|
Post: #34
Title: Re: عـازمـاكم رحـلة!
Author: Muna Khugali
Date: 04-15-2006, 04:40 AM
Parent: #33
صـباحكـم ورد...
أنـا الليلـة بفتش عـن ناس حـلوييـن زيـادة ...مالقياهـم? عـايـزة أعـزمهم مـادام مـا جـو من نفسهـم...يعـني مـثلا علي الحـسـن وعشـة بت فاطـمة وشـاهـين ديل ليه مـاجـو?
وبـدر الـدين حـلا يالسـني ممكـن تكـلمـه? إمكـن ماعـارف....
وبعـدين في ناس حــلوة شـديـد بس بتتحـاشي أو مابتقـدر أو صـعب عليهـا إنهـا تجـي وتقـول yes, let us have some fun أحنـا عـاوزيـن نمشي الرحـلة..مـع إنهـم نـاس حـلوين شـديـد..لكـن نـحنا لا بنعـرف عمـر ولا طـبقـة ولا أي حـاجة تقسيمية مسبقـة في المـرح وممارسـة الفـرح ..علشـان كـده عــوض خـوجـلي مثلنـا الأعلي وبرضـو هـانحـاول نجـبكـم معانـا...
ليـة? علشـان بنحبكـم..... وعـايزنكـم تعيشـوا أطـول وانتو بتضحكـوا أكـتر... مـوش يا محمـد عبـد الجـليل وأبو جـهينة وود قـاسـم?
مـوافقـني يا كـوسـتاوي ولا لأ?
طـيب رحـلة مـرة في السـنة بتعمـل ليكـم شـنو لـو جـيتوا فيها? مـادايرين منكـم قـروش ولا حاجـة..كـان ده الكـلام المخـوفـكم يامعتصـم الطـاهـر وود الأمـير وباقي ناس الحـلة...أبو سـاندرا جـاي مـع رشـيـدة والبنات الحـلوات...وعمـاد عبـد الله مـالامـة فيه 'وكـذلك' أهـلي في الإمتـداد!
علي كـل حـال أنـا منتظـراكـم كـلكـم...وكـدي النمشي نشـوف خـليـل وكـريـم ديل مـالهم مـاظـهـروا!
أسـة بجـي...
مـني
|
Post: #35
Title: Re: عـازمـاكم رحـلة!
Author: محمد سنى دفع الله
Date: 04-15-2006, 08:27 AM
Parent: #34
منى خوجلي
الرائعة تحياتي وكل عام وأحبابك وكلهم بخير
تعالي منو القاليك بدرالدين الحلو بعرف ايام البيض الملون والفسيخ
ده بتاع شــيــة والضلع الراقد يا على الجرجير أو على المكرونة
يعني بالواضح كده طلعي من حســــاباتك
قالت اكلم بدرالدين قالت
|
Post: #36
Title: Re: عـازمـاكم رحـلة!
Author: Muna Khugali
Date: 04-15-2006, 09:36 AM
Parent: #35
يعـني بـدر الدين طـلع من النوع الملتـهـم ياسـني?
|
Post: #37
Title: Re: عـازمـاكم رحـلة!
Author: محمد سنى دفع الله
Date: 04-15-2006, 10:32 AM
Parent: #36
بدرالدين الحلو اديهو الدلوكة الحارة
وجوز بتاع شــيالين
ومذيع عشـــان يقدمو
وتعالي شوفي الغونا الماخمج
عايزة رحلتك تنجح خلي الفنان
بدرالدين الحلواكون فنان العايلة
ورحلة بهجةكل مناي
|
Post: #38
Title: Re: عـازمـاكم رحـلة!
Author: غادة عبدالعزيز خالد
Date: 04-15-2006, 11:08 AM
Parent: #36
اها يا منى, احنا معزومين و لا لأ؟
لو عزمتينى غايتو بجيب الحلو
|
Post: #39
Title: Re: عـازمـاكم رحـلة!
Author: Muna Khugali
Date: 04-15-2006, 11:38 AM
Parent: #38
والله ياغـادة أنـا عـازمـة ناس سـودانيز أون لاين كـلهم ..فكـيف تكـوني انتي العزيزة بنت العـزيزة مـامعـزومـة?
أنـا كـنت ناوية أجـيب الحـلو كـله براي...إشـراقـة وتماضـر والهـام عملو لي حـركـات...معليش..انتي هاتجـيبي شـنو?
ماتجـيبي البسـبوسـة انـا بعملها جميـلة خـالص...وهأجـيب معاهـا الفـواكـه...صـاحـبتي هنـادي قـالت ماهتبيع الشـاي والقـهـوة اليوم داك علشـان تجـي معانا الرحـلة.....لكـن أنـا قلت ليها تجـي بشايا وقهوتا والناس كـلها تشـتري منها....وكمـان هي وبتها يقضـوا يـوم ظـريف معانا...
باختصـار ياغـادة...وبـدون لـف ودوران عـاوزين حـاجـة تنفع مـع الشـاي والقهـوة...
برجع ليكـم بعـد شـوية...أنـور ود بتـول علي الخط..
|
Post: #40
Title: Re: عـازمـاكم رحـلة!
Author: أحمد الشايقي
Date: 04-15-2006, 11:52 AM
Parent: #39
رحـلــة ما فيها
ضـبح وسـلخ وشـيـّـة جمـر
ما رحـلـة
عـندنا كبـش حمـري رباع وسـكين مـطـرّقـة ,
نجـي ولا ما نجـي ؟
هـع هـع فـو
ـــــــــــــــــــــــــــــــــــــــــــــــــــــــــــــــــ
إلا النضـم أب غـنّـة أب لـهـجـاً سـكّـر وين نلـقـاه
|
Post: #41
Title: Re: عـازمـاكم رحـلة!
Author: Muna Khugali
Date: 04-15-2006, 12:07 PM
Parent: #40
Quote: رحـلــة ما فيها
ضـبح وسـلخ وشـيـّـة جمـر
ما رحـلـة
عـندنا كبـش حمـري رباع وسـكين مـطـرّقـة ,
نجـي ولا ما نجـي ؟ |
وهـي رحـلة مافيها انت بتبقي رحـلة??
عـم عـرابي هايجـي معانـا علشـان مـوضـوع "الضـبيح" ده...كـلمة تخـوف مـوش?
بس عـارف يا أحمـد مـاعارفـة أجـيب كـم خـروف...الا بكـره بعـد مانقفـل باب التسجـيل...كمـان علشـان مـوضـوع العـربات...
المهم بـدرنـا وعـد يمـلانا كـلنا فـرح والسـني برضـو أكـد علي كـده...
ومهم تاني كـمان عمـر المـاحـي يظـهر سـريع...
والمفاجـأة أنـور ود بتـول جـايي...الله يا أحمـد .....انـا فـرحـانة شـديـد..
خـليني كـده اتصـل بنجـوي واشـوف عــزاز وأحـلامها جـاين ولا لأ..
|
Post: #42
Title: Re: عـازمـاكم رحـلة!
Author: Mahmoud Mustafa Mahmoud
Date: 04-15-2006, 12:23 PM
Parent: #1
الغالية منى والجميلين الهنا
أنا يوم الاتنين حا أكون في الطيارة...
لكن علي التلج
ناوي أتلب عليكم بسحابة سحابتين
مودتي الشديدة
|
Post: #43
Title: Re: عـازمـاكم رحـلة!
Author: nazar hussien
Date: 04-15-2006, 12:36 PM
Parent: #42
يا سلام يا مني ....انا معاكم
|
Post: #44
Title: Re: عـازمـاكم رحـلة!
Author: Muna Khugali
Date: 04-15-2006, 01:23 PM
Parent: #43
مـاشي وين يامحمـود سـحـابات تحـت الطـيارات وفـوق التلج...موش كـان تسـافـر التلات ولا الأربع? كـدي حـاول واله رحـلتنـا هـاتكـون جميلة خـلاص...أقعـد وتشـوف براك....
كـدي نشـوف الصـادق بصـيري وخـالـد كسلا ومعاهم عبـد الخـالق ماجـو لـدلـوقـتي ليه!
والله يسـامحـك يا ود العربي...كـده تمشـي مننـا?
حـتي تايسـا ونعـومـتي مشـوا بعيـد مننا
بجـيـكم بعـد شـوية
|
Post: #45
Title: Re: عـازمـاكم رحـلة!
Author: Muna Khugali
Date: 04-15-2006, 09:44 PM
Parent: #44
| Quote: يا سلام يا مني ....انا معاكم |
نـذار ده خـبر جميل شـديـد..... علشـان انا نفسـي فعلا نتقـابل..أسـة أنـا معاكـم في المنبر ده سـنة ونص وكـثير منكـم بعرفـه وقـريب مـني بس مابعرف شـكـله.....يعـني اسـه ممكـن أقـابلك ومـاأعـرفك علي الرغـم مـن اني برضـه بعرفـك!
ما تتأخـر....
مـني
|
Post: #46
Title: Re: عـازمـاكم رحـلة!
Author: ali elhassan
Date: 04-15-2006, 09:53 PM
Parent: #45
فى طريقة معاكم ولا نحضر المسلسل....
|
Post: #47
Title: Re: عـازمـاكم رحـلة!
Author: Muna Khugali
Date: 04-15-2006, 10:58 PM
Parent: #46
| Quote: فى طريقة معاكم ولا نحضر المسلسل |
يعني ياعلي أنـا قييل قلت ليك لازم تجـي...واسه كـلم فـرح لأني مـالامـة فيه..جـاي مـوش?
مـوش علي كيفك لازم تجـي وان كـان علي المسلسل سـجـله...ولاأقـول ليـك كـلام? أنـا بحكي ليك مـن راسي ده..
|
Post: #48
Title: Re: عـازمـاكم رحـلة!
Author: بدرالدين شنا
Date: 04-15-2006, 11:52 PM
Parent: #1
Quote: تعالي منو القاليك بدرالدين الحلو بعرف ايام البيض الملون والفسيخ
ده بتاع شــيــة والضلع الراقد يا على الجرجير أو على المكرونة |
أنا البيض الملون بعرفو يا سني لكن خايف من جنس الفضائح دي
بدرالدين الحلو اديهو الدلوكة الحارة
وجوز بتاع شــيالين
ومذيع عشـــان يقدمو
وتعالي شوفي الغونا الماخمج
عايزة رحلتك تنجح خلي الفنان
بدرالدين الحلواكون فنان العايلة
ورحلة بهجةكل مناي
ما لقيت دلوكة قلت أدق في دي
|
Post: #56
Title: Re: عـازمـاكم رحـلة!
Author: Muna Khugali
Date: 04-16-2006, 04:27 AM
Parent: #48
الله يابـدرنـا أنـا فـرحـانة وبرقص زي المجـنونـة..الرحـلة دي حـلوة شـديـد..مـوش?
اكمـل رقصي وارجـع ليكـم...أنا بس عاجـباني البيضـة أم ألـوان رقيقة دي..ذوقـك حـلو شـديد...
|
Post: #49
Title: Re: عـازمـاكم رحـلة!
Author: بدرالدين شنا
Date: 04-15-2006, 11:55 PM
Parent: #1
|
Post: #50
Title: Re: عـازمـاكم رحـلة!
Author: ali elhassan
Date: 04-16-2006, 00:27 AM
Parent: #49
يا منى يا رائعة:
الجماعة اتشربكو قالو الا امشو معاى
قلتا ليهم ما معزومين انتو قال لى
ما دام انت معزوم نحنا برضو معزومين
اها دى احلوها كيف يامنى.....
فرح دة غاتس ليهو فترة ما قادر الم
فية لكن بوصى لية ناس البيت اكلموة..
|
Post: #51
Title: Re: عـازمـاكم رحـلة!
Author: بدرالدين شنا
Date: 04-16-2006, 01:03 AM
Parent: #1
| Quote: يعـني بـدر الدين طـلع من النوع الملتـهـم ياسـني? |
الملتهم برئ حتى تثبت إدانته
|
Post: #101
Title: Re: عـازمـاكم رحـلة!
Author: Muna Khugali
Date: 04-17-2006, 07:56 AM
Parent: #51
يعـني بـدر الدين طـلع من النوع الملتـهـم ياسـني?
| Quote: الملتهم برئ حتى تثبت إدانته |
حـلوة شـديببببد يابـدرنـا... الليلة هانضـحك ضـحك بعمـرنـا
|
Post: #52
Title: Re: عـازمـاكم رحـلة!
Author: saadeldin abdelrahman
Date: 04-16-2006, 01:18 AM
Parent: #1
يا حلوين مشينا انا و بدر السبوع الداير و لقينا ...
ينفع ولا عايزين سوداني ?
|
Post: #53
Title: Re: عـازمـاكم رحـلة!
Author: nazar hussien
Date: 04-16-2006, 01:59 AM
Parent: #52
Quote: يعـني اسـه ممكـن أقـابلك ومـاأعـرفك علي الرغـم مـن اني برضـه بعرفـك!
|
لا حا نعرف بعض ...وهذه متأكد منها...
يا سعد خروفك البحضر في فوكس نيوز دا باقيلك بتقدر
تضبحوا...والله شيلة السكين عليه الا يتهموك بالارهاب
دا لو ما رحلوك (قواتنا ناموا)
|
Post: #54
Title: Re: عـازمـاكم رحـلة!
Author: منصوري
Date: 04-16-2006, 02:02 AM
Parent: #1
مني أحلى حاجة التحضير للرحلة، ولماتكون رحلة على شواطي نهر وكدة، خلى كل واحد يجي هنا يحضر حاجة أو مرتو تحضر حاجة، عشان تكون الحكاية مكاتفة موش عليك وحدك تتعبي، عايزين كل واحد يدخل هنا يقول أنا بعمل الشي الفلاني، أو مرتي تعمل الشي الفلاني نشوف الإبداعات،
....................
أحلى شي في الرحلات يامني، شية الجمر لحم خروف( بج) وسلطة الأسود البي يحرقوا ليها الأسود ديك على النار، أنا غايتو بظبط الشية صاح بشهادة كل من ضاقها، وضاقتا، بعمل ليكم الشية، بس وليع الجمر سخيف، وعايز ترتيبات معينة حتى يولع بسرعة،
.........
بعدين بجيب عودي وبجي والرحلة عشان نفرحكم ونطربكم..
...............
مني، صورتك ، على جبهتك شايف حبات رمل، زي الزول الصلى المغرب في مشرع مركب في الشمالية وما حتى التراب ذرات الرمل من جبهتو؟ منظرها رائع.. أظنك صليتي ونسيتي تحتي ذرات الرمل الناعمة.. أنا زمان بعملا، كان عندي مركب حديد لما أجي في نص النيل بشرب، قالوا الشراب مباشرة من نص النيل يفك الحواطة والعمل، بعدين بتوضأ.. ولما اجي أربط المركب في القيفة، بصلى في المشرع في الرمل على الطبيعة، وبطلع الحلة بلقي أمي عاملة شاي المغرب الصاموتي بالحرجل والمحريب او الحمريب.. بشرب عدة كبابي وبطلع في سريري،
هسه رحلتكم دي إعتبرونا فيهافي تأريخها المحدد يوم الإثنين عى الله يقبل. واقبلوا مساهمتنا فيها عينية ومادية.. وسوف يكون هذا الطلب أثيرياً رحلة أثيرية، لكن يظل الحدث ماثل الى أن نتقابل يوماً ما في مكان ما وننفذ فكرتك على الطبيعة مع مجموعة بورداب أو أهل.. وأنا شايف قبل ما ننفذ رحلتك على أرض الواقع، في بورداب راح يختطفوا فكرتك دي.. المهم تظل الفكرة ونكون مطالبنك بي تنفيذ خاطرة خيرة، وطالما الخاطرة خيرة، سوف تسعي وتلح الى أن تنفذ.. ونية المرء خير من عمله، وإنما الأعمال بالنيات وإنما لكل إمرئ ما نوي.. تحياتي ليك ولى ضيوفك هنا..
|
Post: #55
Title: Re: عـازمـاكم رحـلة!
Author: عادل طه
Date: 04-16-2006, 02:38 AM
Parent: #54
منى خوجلى اخت الشهيد
يا حبذا لو كان فى الامكان المشاركة فى الرحلة والاستمتاع بالطبيعة
والرفقة لكن لظروف قاهرة لن اتمكن من تلبية الدعوة
اتمنى لكم رحلة ممتعة وبرنامج حافل وبعدين ما تنسى تحكى عنها هنا فى البوست
تحياتى للجميع
|
Post: #57
Title: Re: عـازمـاكم رحـلة!
Author: Muna Khugali
Date: 04-16-2006, 05:07 AM
Parent: #55
يا منى يا رائعة:
Quote: الجماعة اتشربكو قالو الا امشو معاى
قلتا ليهم ما معزومين انتو قال لى
ما دام انت معزوم نحنا برضو معزومين
اها دى احلوها كيف يامنى.....
فرح دة غاتس ليهو فترة ما قادر الم
فية لكن بوصى لية ناس البيت اكلموة.. |
يجـوا طـوالي ياعلي ..ديـل مش من طـرف الحبايب? خـلاص يجـو بـدون نقاش
بس لازم تقول لي العـدد بس علشان العربات...ربنـا يفرحـكـم دايمـا..
وماتنسي تسلم علي ناس البيت واحـد واحـد..
منتظـراك بالعـدد..
أسـة لازم اتصـل بمنصـور المفتاح علشـان أتأكـد مـن جـيته.. برجـع بعـد شـوية...
|
Post: #58
Title: Re: عـازمـاكم رحـلة!
Author: زرياب كنيش
Date: 04-16-2006, 05:33 AM
Parent: #57
العزيزة مني
لك التحية
ياتري نحنا معزومين....
زرياب
|
Post: #59
Title: Re: عـازمـاكم رحـلة!
Author: lana mahdi
Date: 04-16-2006, 05:38 AM
Parent: #1
| Quote: بس وليع الجمر سخيف، وعايز ترتيبات معينة حتى يولع بسرعة، |
طبعاً يا منصوري ما ح نشوي بالفحم بتاع الإمارات الزي فحم (الطفية)وما بولع من الرطوبة
والفحم التاني المضلع أو المدوّر(سريع الإشتعال) ما بنفع للشية
وعليه
ح نعتمد على ناس السودان يجيبو معاهم فحمنا الهبة هبتين يولع طوالي
وبرضو ح نعتمد عليهم في المناقد و الشوايات(جني و جن شية السيخ)
(بحس بيها شية لابسة سموكنج و بي كرفتة)
أما التحلية ،فالقريب فروت المفتوت بي سكر لا يعلى عليه(مفيد في حالة الزوغان من إحضار تحلية)
لنا
|
Post: #61
Title: Re: عـازمـاكم رحـلة!
Author: ali elhassan
Date: 04-16-2006, 05:48 AM
Parent: #59
منى الجميلة بدل رائعة:
كرمك يسع الجميل كما قلبك
وانا جايب ليكم زولة واحدة
حتى تتعرف علىـاصدقائى.
سلامك وصل وتقبل تحيات الاسرة.
|
Post: #60
Title: أسترالي ما بنفع يا سعد..
Author: lana mahdi
Date: 04-16-2006, 05:44 AM
Parent: #1
| Quote: ينفع ولا عايزين سوداني ? |
هو أصلاً ح نلاقي إحتجاجات لأنو الرحلة بيض و فسيخ
وكمان جايب الخروف أسترالي؟
ياخوي برضو نعتمد على ناس السودان يجيبوا معاهم الخروف
لو ما فيها سغالة و تكليف يعني مع الفحم و المناقد و الشوايات و التحلية
|
Post: #62
Title: Re: عـازمـاكم رحـلة!
Author: عادل فقاد
Date: 04-16-2006, 05:57 AM
Parent: #1
كل العابرين خلال منى خوجلي
لكم مني جميعا اجمل وارق واعذب التحايا
شئ جميل لما الواحد يغيب (غياب من غير قصد) ويرجع يلاقي في رحله منتظراه
ويحمل راية هذه الرحله الشفيفه منى يااااااااااااااااه شئ جد رائع
انا غايتو عندي كانون معتبر اي شيه طايره جيبوها بى جاي
ولكم الود مجدداً
وراجعين
|
Post: #63
Title: Re: عـازمـاكم رحـلة!
Author: Muna Khugali
Date: 04-16-2006, 07:48 AM
Parent: #62
أنـا منصـوري ده ماعارفـة أقـول ليه شـنو...أصـلو جـاب لي سـيرة المركـب في نص النيل...ومـوية بتشـفي مـن التحـويط .....ووضـوء ضـهرية تعقبها صـلاة علي تراب زي الـدهب ماتحـاول حـتي بـعـد الصـلاة تـنفضـه من جـبهتك ....وتنفضـه ليه يعني.... ده مش تراب قريتك الجوة بلـدك البتحبها وتهاجـر وتخـلق سـاعات فـرح فيها وتسـافـر بروحـك لأجمـل ذكـريات ماضـيها..تناديها وتغـوص فيها?
وأمك أمي يامنصـوري ...الشـاي انا ماني زولتو لكـن فيشـان خـوتنـا ولحظـات مخاتفة سـمحه بشـربو معاك ...شـاي أحمـر بالقرقـوش..
| Quote: أحلى شي في الرحلات يامني، شية الجمر لحم خروف( بج) وسلطة الأسود البي يحرقوا ليها الأسود ديك على النار، أنا غايتو بظبط الشية صاح بشهادة كل من ضاقها، وضاقتا، بعمل ليكم الشية، بس وليع الجمر سخيف، وعايز ترتيبات معينة حتى يولع بسرعة، |
خـلاص يا لنـا.... منصـوري وسـعـد هايعمـلوا الشـية وكمـان الفحـم أنـا بجـيبه..
أمـا بالنسبة لباقي الحـاجـات...احـنا محتاجـين لـزول يعمـل المـرارة!
بس لقيتهم.... تمـاضـر وأحمـد الشـايقي .....نشـوف علي الأقـل آخـر اتهاماتهم الحنكشية دي والمتحنكش مـنو...وسـعـد برضـو هايظـبط الشـطـة مـع الـدكـوة .....عملها سـمحـة شـديـد في خـروف عيـد الضـحية الفات...
وبقي كـده الحـلو بسـبوسـة مـني...مفاجـآت مـن غـادة..وقريب فـروت مـن لنـا..وسـيبك انتي مـن حـكـاية الفحـم دي ياحنكـوشـة ياحـلوة يا لنـا...قـولي ليعقـوب يحضـر لينـا مسـابقات حـلوة زي البيعملم ديلك...
سـعـد كـلم فيصـل برضـه يجـيب معاه نكـت..وتبلـدينـا لازم يجـي ويحجـز لينـا كمـان شـجـرته وأخـواته البيحبهم ديـل ماينساهم....
بس بصـراحـة انـا في حـاجـة مـا أمشي جـنبها خـالص...الكـمـونيـة..
كـلمـوني لـو مافي زول هايعملها... هاكـلم عم عـرابي يشـوف حـتة يتاويها فيها...أيوه يتاويها مش هي نتيجـة ذبح وعم عـرابي صـعيـدي?
وماتنسـوا عـاطـف عمـر وسـعدية جـايبين الفطـاير...المشكـلة مـن قـولنـا ليه كـده مشي ومـاجـه...
يكـونوا ياربي بيعملوا فيهـا?
دقيقة محمـدين اسـحـق علي التلفـون بعـد ما أخـلص مـن الكـلام معاه هأتصـل بمحمـد سـليمـان الحبشي.... بس نمرتو اظـنو غـيرها ....أفتش الجـديـدة...
بجـيكـم أسـه
|
Post: #83
Title: Re: عـازمـاكم رحـلة!
Author: ابوحراز
Date: 04-17-2006, 00:55 AM
Parent: #62
طبعاً أعشق الرحلات بعمق لأنها تضخ في أعماق الانسان دماء جديدة
ولكن من سنتين توقفت عن الرحلات تماماً
وذلك بعد أن دعانا أحد الأصدقاء لرحلة في احدى المزارع بالسعودية
وذكر أن بالرحلة مفاجأة
المفاجأة هي فنان قدم من السودان
مشينا طبعاً ورقصنا وهيصنا مع الفنان
وملينا كرشنا
وملينا عيونا بالجمال السوداني الأخاذ
لكن المفاجأة لم تكن في الفنان
وانما الكراس الذي بدأ يمر علينا خلسة
انعل ابو الكراس
قالوا لازم كل واحد يدفع 200 ريال عشان حق الخروف والفنان
يعني تفاجأ الكثيرون مثلي ولم يكن معي المبلغ
ولكن لاعذر لأي انسان المهم تكتب اسمك والجماعة يجوك في البيت
قال رحلات قال
من يومها وحرمنا الرحلات
اها 00 هل تقبلوني بهذه الرحلة ان شاء الله نغسل ليكم الكبابي
واذا عاوزين مشاركات أخرى سألقي عليكم أجمل قصائد نزار قباني
وساهديكم قليلاً من { كن صديقي } لسعاد الصباح
تخريمة :
قرأت رد الأستاذة اشراقة مصطفى عن المرارة والشطة والليمون والله بديت { اتمطق } وكأن الشية امامي
مرة كنت صغير جداً وذهبت مع والدي لحفلة بتاعت فلاتة { كيته } حاجة كانت ظريفة جداً 00 طبعاً كنت { بمص } في ليمونة أخذتها معاي من البيت 00 تاريها الليمونة بت اللذين دي بتعمل عمايل عجيبة جداً في الراجل بتاع { الكيته } مما شافني آآآآآآآآآآكل فيها بدأ { يتمطق } وماقدر يصفر بالزمبارة بتاعتو دي !!!
قال فلاتة مدني قال !!!!
|
Post: #64
Title: Re: عـازمـاكم رحـلة!
Author: Tabaldina
Date: 04-16-2006, 08:09 AM
Parent: #1
..
.
| Quote: يـوم الاثنـين عـازمـاكم رحـلة! |
بكره يعنى مش!!؟
والله لو بغت لجناين شمبات تكونى ما قصرت
ممكن !!
في شمبات حليل مجلسنا
الحياء والعفاف حارسنا
استاذ الغرام درسنا
وشجر المحنة غرسنا
زمن؛
تحياتي؛
|
Post: #65
Title: كمونية كمونية
Author: lana mahdi
Date: 04-16-2006, 08:15 AM
Parent: #1
Quote: بس بصـراحـة انـا في حـاجـة مـا أمشي جـنبها خـالص...الكـمـونيـة..
كـلمـوني لـوومافي زول هايعملها... هاكـلم عم عـرابي يشـوف حـتة يتاويها فيها...أيوه يتاويها مش هي نتيجـة ذبح وعم عـرابي صـعيـدي |
دي خليها عليّ يا منو
أختك بتضفر المصران(كروشيه بس)
توضيح للحناكيش:ما ينفعش كمونية بدون مصران مضفر
وهي عملية يستخدم فيها عود خشب(غصن شجرة رفيع مدبب من أحد طرفيه ويحبذ لو كان أسطواني مستوي أملس خالي الحواف من النتوءات) حتى لا يخدش المصران (معيّ الشاة) و تبوظ الشغلانة و آخد لي ذلة ذلتين من جمهور الجوعى،وملح و خل(للشطف جيداً)ثم يضفر(يغزل)المصران(معي الخروف)كغزل الكروشيه و في أقوال أخرى الكانافاه
|
Post: #66
Title: Re: كمونية كمونية
Author: Muna Khugali
Date: 04-16-2006, 08:25 AM
Parent: #65
طـيب والبشـكير مـنو هايغسـلو ويقطـعـو?
أفـول ليك كـلام? الكـمونية تبعك...اتصـرفي!
Quote: دي خليها عليّ يا منو
أختك بتضفر المصران(كروشيه بس)
توضيح للحناكيش:ما ينفعش كمونية بدون مصران مضفر
وهي عملية يستخدم فيها عود خشب(غصن شجرة رفيع مدبب من أحد طرفيه ويحبذ لو كان أسطواني مستوي أملس خالي الحواف من النتوءات) حتى لا يخدش المصران (معيّ الشاة) و تبوظ الشغلانة و آخد لي ذلة ذلتين من جمهور الجوعى،وملح و خل(للشطف جيداً)ثم يضفر(يغزل)المصران(معي الخروف)كغزل الكروشيه و في أقوال أخرى الكانافاه |
وهي الناس دي بطـنها ناقصـة بلاوي علشـان ياكـلو فيها ضـفاير كمـان?
بس شـاطـرة يالنا...بتغـزلي حلو...طـيب مادام هاتمشـطي بطـن الخـروف يبقي نشيل منـك مسـئولية القريب فروت..
|
Post: #67
Title: Re: كمونية كمونية
Author: Muna Khugali
Date: 04-16-2006, 08:47 AM
Parent: #66
كل العابرين خلال منى خوجلي
لكم مني جميعا اجمل وارق واعذب التحايا
شئ جميل لما الواحد يغيب (غياب من غير قصد) ويرجع يلاقي في رحله منتظراه
ويحمل راية هذه الرحله الشفيفه منى يااااااااااااااااه شئ جد رائع
انا غايتو عندي كانون معتبر اي شيه طايره جيبوها بى جاي
ولكم الود مجدداً
وراجعين
ممكـن ياعادل تعملهم كـانونين? وتجـيب الشـواية الكـبيرة ديك الكـان اشـتراهـا عـم فقـاد مـن سـوق السـجـانة?
ماتعاين لي كـدة الشـواية العريضـة العـنـدهـا أطـراف خـشب نمسـكها بيها...آآي بس دي.... جـيبها معاك...
بس انت عليك اسـة تكلم ناس طـارق وجـني وبشـاشـا...ماتنسي عـامـر.. محمـد سيـد مالامـه فيهو...انت ناس الإمتـداد ديل مالهم?
كـويس في ناس كـتار رسـلو لي في الامـيل الخـاص مـن بره البـورد قـالوا هايجـو...اسه أنا بس بحـضـر في العـدد...صـاحب الخليفة عوض خـوجـلي مـوفـر لينا بصـين كـبار..ومعانا كمـان 2 بوكس علشـان الحـاجـات والخـرفـان والخضـار....
صـفيحـة الفسـيخ دي مسـئوليتـك انت ياود فقـاد و كـمـان حـلة الفسـيخ المضـبوح...أنـا بس بكـنكش في الجـبنة لغاية الشية ماتطـلع...
دقيقة الباب بيخـبط...
|
Post: #68
Title: Re: كمونية كمونية
Author: Muna Khugali
Date: 04-16-2006, 08:56 AM
Parent: #67
Quote: العزيزة مني
لك التحية
ياتري نحنا معزومين....
زرياب |
كـيف يعـني مامعـزوم يا زرياب?
والله ياجمـاعة لمـن بأقـول ليكـم انتو أهـلي..بكـون صـادقـة..اسـة انت جـاي براك ولا معاك زول? المهم لازم تجي انت والبتحـبهم ...
ماتتأخر... كـويس?
|
Post: #69
Title: نسيت نسيت الكمونية
Author: lana mahdi
Date: 04-16-2006, 08:57 AM
Parent: #1
| Quote: بس شـاطـرة يالنا...بتغـزلي حلو...طـيب مادام هاتمشـطي بطـن الخـروف يبقي نشيل منـك مسـئولية القريب فروت.. |
نسيت يا منى أهم حاجة
الضفاير بالجوانتات الما خمج و مريولة ووتر بروف
أما مسئولية القريب فروت فنخليها على زول صبور يفتو
|
Post: #70
Title: Re: عـازمـاكم رحـلة!
Author: سجيمان
Date: 04-16-2006, 08:59 AM
Parent: #1
الرحلة وين؟.....غايتو انا في بكانات كدا ما بمشيها....ان شاء اله تكون الخلا عشان في ناس اكدا كسرهم هناك واجي راجع
|
Post: #71
Title: Re: عـازمـاكم رحـلة!
Author: زرياب كنيش
Date: 04-16-2006, 09:14 AM
Parent: #70
العزيزه مني
Quote: كـيف يعـني مامعـزوم يا زرياب?
والله ياجمـاعة لمـن بأقـول ليكـم انتو أهـلي..بكـون صـادقـة..اسـة انت جـاي براك ولا معاك زول? المهم لازم تجي انت والبتحـبهم ...
ماتتأخر... كـويس? |
تسلمي يا مني
جاي براااي
معقول اتاخر
زرياب
|
Post: #72
Title: Re: عـازمـاكم رحـلة!
Author: Muna Khugali
Date: 04-16-2006, 10:13 AM
Parent: #71
تمـام يازرياب...دي رحـلة نحلف بيها العمـر كـله...
مـوش قلت ليكـم في ناس مـن بره اليـورد بس حـلوين برضـه وبيحبـو بلـدهم السـودان زينـا...عـايزي يجـوا معـانـا الرحـلة?
أهـا أسـامة ده مثال...أقـروا كـلامـو ده وشـوفـوه حـلو كـيف...
وبعـدين هـو في رسـالة تانية قـدم اقـتراح...نشـوفو بعـد شـوية..
Quote: الأستاذة / منى عوض خوجلي
تحية تقدير وإحترام
كل عام وانتي بخير بمناسبة شم النسيم
مررت على البوست ودعوتك لنا لرحلة النسيم ...وقد قبلت دعوتك ... ياسلاااااااااام..... نأكل فسيخ ... نلون البيض ونستمتع ....بنسائم الربيع والزهور.... وزقزقة العصافير العائدة من موسم الشتاء القارس لمواسم الدفء والخضرة ... لقد أعدتينا إلى الزمن الجميل .... لزمن الصفاء والنقاء الإنساني ...كم أحن إلى ذاك الزمن ... زمن يخلو من الهوس الديني ...زمن تصدح فيه الكلمة الواعية ... زمن الصدق والتصالح مع النفس ومع الآخرين .. زمن يخلو من الكذب والنفاق .... زمن الخرطوم في الليل... وجناين شمبات... حيث نتنفس بحرية ونمشي بحرية ... دون قيود أو عسكرتية .... ليته يعود !! ليغمرنا بدفئه ... ليته يعوووووووووووود...أو نعود نحن إليه....
ولك مودتي ....
تنويه ..... هذه المشاركة كان من المفترض أن تظهر بالبوست ولكن للأسف لم أتمكن من التسجيل في عضوية المنتدى وقد حاولت مراراً وأرسلت للأخ / أبو بكر ولم يصلني ردا على طلبي منذ 6 شهور !!! التحية لك مرة أخرى فأنا أتابع كل ماتكتبون وأود المشاركة ولكن !! وأتابع مقالاتكم وصولاتكم...
التحية عبرك لجميع اعضاء سودانيز أون لاين...
أسامة عبدالقادر
الرياض – السعودية |
نـادية وبيـان قاعـدات يعـملوا لينـا في حـركـات.....ما عـايزين يجـو الرحـلة..معليش نحنـا برضـو بنحـبكـم...
نـاس البورد ده عاملين زي ناس كـده في بيتنـا...مش سـاعة الغـدا معـروفـة والناس بتتلمـا علشان تاكـل? هم لأ...الا ينادوهم بالإسـم!
كـدي النمشي ليهم نشـوف قصـتهم شـنو!
|
Post: #73
Title: Re: عـازمـاكم رحـلة!
Author: Muna Khugali
Date: 04-16-2006, 10:26 AM
Parent: #72
Quote: بكره يعنى مش!!؟
والله لو بغت لجناين شمبات تكونى ما قصرت
ممكن !!
في شمبات حليل مجلسنا
الحياء والعفاف حارسنا
استاذ الغرام درسنا
وشجر المحنة غرسنا
زمن؛
تحياتي؛ |
أهـا ياخـوانـا اقـتراح تبلدينـا ده كـيف?
نمشي شـمبات ولا الكـلاكـلة ولا الجـريف?
أظـنـو مـوضـوع الجـريف أقصـد في الإصـلاحية طرشـق..علشـان الإذن..
ردو لي سريع....
وكـمـان طالبة خـدمة..... ممـكـن زول يعمـل لي لسـتة بأسـماء الناس الأكـدو حـضـورهـم?
تمـام امشي اراجـع اجـات وأجـيكم
|
Post: #74
Title: Re: عـازمـاكم رحـلة!
Author: shaheen shaheen
Date: 04-16-2006, 10:29 AM
Parent: #1
hi
منوية
اها جيت الرحلة
انتى عارفة رحلة شم النسيم دى الناس يقوموا يقولوا الود ده حنكوش والود ده دلوعة .
شم النسيم عندى له معنى اخر
ام ابى حبوبة (مريم الجندى) هى مصرية اسكندرانية
وحبوبتى من امى امها مصرية (هانم نبوية )
طبعا نحن حلفاويين كانوا اجدادنا مصر دى عندهم زى السعودية
بيشتغلوا بوابين وسفرجية ويتزوجوا من الاحياء الشعبية الفقيرة
وطبعا بيكتسبوا الطقوس المصرية .
لذلك احب الفسيخ المطبوخ وغير المطبوخ مع فحل بصل اخضر وبيضة ملونة ككككككككككككككككككككبيرة
طبعا طالع لخلانى .
(وبعدين يا منوية شم نسيم بدون فسيخ وبصل , بيكون عيد اضحى عديل )
معاكم فى رحلة منوية بت الامتداد
بس بدون اشتراك .
|
Post: #75
Title: Re: عـازمـاكم رحـلة!
Author: Muna Khugali
Date: 04-16-2006, 10:40 AM
Parent: #74
Quote: منوية
اها جيت الرحلة
انتى عارفة رحلة شم النسيم دى الناس يقوموا يقولوا الود ده حنكوش والود ده دلوعة .
شم النسيم عندى له معنى اخر
ام ابى حبوبة (مريم الجندى) هى مصرية اسكندرانية
وحبوبتى من امى امها مصرية (هانم نبوية )
طبعا نحن حلفاويين كانوا اجدادنا مصر دى عندهم زى السعودية
بيشتغلوا بوابين وسفرجية ويتزوجوا من الاحياء الشعبية الفقيرة
وطبعا بيكتسبوا الطقوس المصرية .
لذلك احب الفسيخ المطبوخ وغير المطبوخ مع فحل بصل اخضر وبيضة ملونة ككككككككككككككككككككبيرة
طبعا طالع لخلانى .
(وبعدين يا منوية شم نسيم بدون فسيخ وبصل , بيكون عيد اضحى عديل )
معاكم فى رحلة منوية بت الامتداد
بس بدون اشتراك . |
ياحـلاوتك وانت بتـاكـل في فحـل بصـل وبيض ملـون مـن بره وابيض وأصـفر مـن جـوة...
انـا والباقين كـلهم فرحـانين بجـيتك معانـا...وعلي فكـرة .....الفسـيخ الني والتـاني المطـبوخ تحـت رعـاية فقـاد مـن الامتـداد برضـو وها يتوصـي بيـك في الني اكـتر...
أمـا بالنسبة لنـاس النظـام العـام....
الشـاطـر فيـكم يجـي عنـدنا...
هاتاخـدوا عـلقـة....
'ماخـدهاش حـرامي في مـولـد'
|
Post: #76
Title: Re: عـازمـاكم رحـلة!
Author: Muna Khugali
Date: 04-16-2006, 11:05 AM
Parent: #75
| Quote: الرحلة وين؟.....غايتو انا في بكانات كدا ما بمشيها....ان شاء اله تكون الخلا عشان في ناس اكدا كسرهم هناك واجي راجع |
خـلاص طـيب يادكـتور منتظـرنكـم.... وبعـدين هانتأكـد مـن المكـان بالضـبط..
أسـه أنـا كـل شـوية بافـرح أكـتر مـن الأول...ياسـلام علي الناس لمـا تحب بعضـها وتفرح سـوا...
معـتز بخـيت والمجمـوعـة في عكس الريـح لازم يجـوا كـلهم...ياربي بيقـدروا?
|
Post: #77
Title: Re: عـازمـاكم رحـلة!
Author: bayan
Date: 04-16-2006, 11:27 AM
Parent: #76
وب على شم النسيم جا بتين عامناول الامبارح دا ما كان في...
اها يا مني انا عايزة فسيخ..
بس البكان ما يكون فيهو نجيلة لانه عندي حساسية..
بعدين ما يكون فيه موية عشان بناتي ما يغرقو
يا النبي نوح الله يحفظن
في آخر رحلة مشوها رصيتهم قدامي وحرستهن
اي شافع يجي يقوليهم تعالو معانا باعلى صوتهم وصارات وشهن
يقولو ليه ما بنقدر امنا "اوفر بروتكتف"
ورجعنا زعلانات مني...
ما علينا
ولا اقوليك؟
ما بقدر اجي الرحلة دي..
عارفاكم حتمشو حدائق 6 ابريل
وبناتي يقومن يقطعن الشارع
يا النبي نوح.. كام ما ضربتهن عربية
يقعن في البحر.
سجم خشمي...
بري ما بمشي..
كجنتي الرحلات...
بس انتو ناس عثل
نشوف لي دكتور يشيل الخوف من الرحلات دا من مخي..
يمكين السنة الجاية امشي...
حبي ومودتي لك
|
Post: #78
Title: Re: عـازمـاكم رحـلة!
Author: عبد الحميد البرنس
Date: 04-16-2006, 12:08 PM
Parent: #77
منى:
الناس الماشين الرحلة كتار. والحمد لله أم العيال حجزت من بدري. وسجيمان شايفو جاي زول شكل ساكت. الهم أجعله خير. وإحنا حا نجيب معانا بيتزا وموية فول كمان لعشاق الفتة. سلام.
ملحوظة:
ممنوع اصطحاب الآيس كريم عشان في ناس بتخاف منو!.
|
Post: #79
Title: Re: عـازمـاكم رحـلة!
Author: Muna Khugali
Date: 04-16-2006, 12:29 PM
Parent: #78
Quote: وب على شم النسيم جا بتين عامناول الامبارح دا ما كان في...
اها يا مني انا عايزة فسيخ..
بس البكان ما يكون فيهو نجيلة لانه عندي حساسية..
بعدين ما يكون فيه موية عشان بناتي ما يغرقو
يا النبي نوح الله يحفظن
في آخر رحلة مشوها رصيتهم قدامي وحرستهن
اي شافع يجي يقوليهم تعالو معانا باعلى صوتهم وصارات وشهن
يقولو ليه ما بنقدر امنا "اوفر بروتكتف"
ورجعنا زعلانات مني...
ما علينا
ولا اقوليك؟
ما بقدر اجي الرحلة دي..
عارفاكم حتمشو حدائق 6 ابريل
وبناتي يقومن يقطعن الشارع
يا النبي نوح.. كام ما ضربتهن عربية
يقعن في البحر.
سجم خشمي...
بري ما بمشي..
كجنتي الرحلات...
بس انتو ناس عثل
نشوف لي دكتور يشيل الخوف من الرحلات دا من مخي..
يمكين السنة الجاية امشي...
حبي ومودتي لك |
والله بيني وبينك حكـاية العيال دي تخـوف...لكـن الخـوف ده ماعنـدو نهاية خـاصـة في قلب الوالـد...لكـن الحمـدلله أنـا بتي كـبيرة واحـسـن مافيها انها جـبانة..يعـني لاهاتمشي البحـر ولا هاتعـدي الشـارع!
يللا خـلينـا مـن السـيرة المهببة دي...أسـه يجـينـا زول يقـول خـايف مـن البصـات...الله يسـتر...
كـدي نمشي نشـوف باقي الترتيبات وأرجـع...
|
Post: #80
Title: Re: عـازمـاكم رحـلة!
Author: khaleel
Date: 04-16-2006, 12:56 PM
Parent: #79
منوية
مكمن اجيب معاي فسيخ
ولا ممنوعة السوائل
بعدين شمبات ولا احسن نمشي جبل اولياء الذ
|
Post: #81
Title: Re: عـازمـاكم رحـلة!
Author: Muna Khugali
Date: 04-16-2006, 01:21 PM
Parent: #80
Quote: منى خوجلى اخت الشهيد
يا حبذا لو كان فى الامكان المشاركة فى الرحلة والاستمتاع بالطبيعة
والرفقة لكن لظروف قاهرة لن اتمكن من تلبية الدعوة
اتمنى لكم رحلة ممتعة وبرنامج حافل وبعدين ما تنسى تحكى عنها هنا فى البوست
تحياتى للجميع |
والله هانفقـدك ياعـادل طـه ...لكـن معليش اللمـة الجـاية..
آي بإذن الله هانحـكـي عنها..
يللا أدعي لينـا برحـلة حـلوةلا فيها حـوادث ولا فيها امـن النظـام!
|
Post: #82
Title: Re: عـازمـاكم رحـلة!
Author: Muna Khugali
Date: 04-16-2006, 01:46 PM
Parent: #81
| Quote: ما لقيت دلوكة قلت أدق في دي |
أنـا عـنـدي اثـنين دلـوكـة وثلاثة دف (تـار) واتنين رق وأورج...أجـيبهم يابـدرنـا?
|
Post: #84
Title: Re: عـازمـاكم رحـلة!
Author: Muna Khugali
Date: 04-17-2006, 03:25 AM
Parent: #82
نيابة عنـنـا جـميعا....يعـزي هـذا البوسـت أخـتنـا لنـا مهـدي وأخـانا يعقـوب في فقـدهـم العظـيم ونسأل الله ان يصـبر قلـوبهـم...
نـود أن نستأذنكـم لنـا و يعقـوب في خجـل بأن نستمـر فيمـا نحـن فيـه.....
مـن نـاحـية .... اصـبح الوقت متأخـرا علي إلغـاء الرحـلة.....فالجميع يأتي مـن منـاطـق مختلفة وبآمـال مختلفـة......ولإسـتعـادة وقت سـعيـد معـا...
ومـن نـاحـية أخـري...الحـياة والمـوت يسـيران معا...ولا يتوقف أحـدهمابحـدوث الآخـر...هكـذا هي سـنة الحـيـاة..
أرجـو قبـول عـذرنـا وأعلم انكـم ستفعلـون فقلـوبكـم مـؤمـنة وواعيـة....
|
Post: #85
Title: Re: عـازمـاكم رحـلة!
Author: Muna Khugali
Date: 04-17-2006, 03:41 AM
Parent: #84
Quote: طبعاً أعشق الرحلات بعمق لأنها تضخ في أعماق الانسان دماء جديدة
ولكن من سنتين توقفت عن الرحلات تماماً
وذلك بعد أن دعانا أحد الأصدقاء لرحلة في احدى المزارع بالسعودية
وذكر أن بالرحلة مفاجأة
المفاجأة هي فنان قدم من السودان
مشينا طبعاً ورقصنا وهيصنا مع الفنان
وملينا كرشنا
وملينا عيونا بالجمال السوداني الأخاذ
لكن المفاجأة لم تكن في الفنان
وانما الكراس الذي بدأ يمر علينا خلسة
انعل ابو الكراس
قالوا لازم كل واحد يدفع 200 ريال عشان حق الخروف والفنان
يعني تفاجأ الكثيرون مثلي ولم يكن معي المبلغ
ولكن لاعذر لأي انسان المهم تكتب اسمك والجماعة يجوك في البيت
قال رحلات قال
من يومها وحرمنا الرحلات
اها 00 هل تقبلوني بهذه الرحلة ان شاء الله نغسل ليكم الكبابي
واذا عاوزين مشاركات أخرى سألقي عليكم أجمل قصائد نزار قباني
وساهديكم قليلاً من { كن صديقي } لسعاد الصباح
تخريمة :
قرأت رد الأستاذة اشراقة مصطفى عن المرارة والشطة والليمون والله بديت { اتمطق } وكأن الشية امامي
مرة كنت صغير جداً وذهبت مع والدي لحفلة بتاعت فلاتة { كيته } حاجة كانت ظريفة جداً 00 طبعاً كنت { بمص } في ليمونة أخذتها معاي من البيت 00 تاريها الليمونة بت اللذين دي بتعمل عمايل عجيبة جداً في الراجل بتاع { الكيته } مما شافني آآآآآآآآآآكل فيها بدأ { يتمطق } وماقدر يصفر بالزمبارة بتاعتو دي !!!
قال فلاتة مدني قال !!!! |
شـرفتنـا كـثير بحضـورك أخـي أبو حـراز ...واحـنا بنأكـد ليك انـو رحـلتنـا كـلهـا مـافيها أي اشـتراكـات...ولـو كـان في برضـه كـنا بنستبـدل الاشــتراك المـادي بجمال قصـائـد دكـتورة سـعاد الصـباح وجمـال حـضـورك....
وبمـا أنـك مـن أكـلة اللحـوم النيـة والأحـشـاء والكـبـد ...وتعجـبك شطـاط اشـراقة التي صـنعتها بإجـتهاد يناسب مجـهـود أكـلها والإخـلاص فيه..... فإننـا نرجـو منـك التفضـل بمسـاعـدتها فيمـا تقـوم هـي به مـن عملية 'هـري' حـاقـد لمـن ذبح وأخـذت أحشـاءه لتسـتقر في استمتاع مخيف في أحـشـاء مخـلوق آخـر!
أنـا جبت ليكـم معاي شـطة بنجـلاديشـية خطـرة..بس اوعـوا تمسكـوها بإيديـكم..انـا بخلطها بالخـلاط وأجـيبا لسـعـد...سـعـد برضـو مسـئوليته الشـطة...
|
Post: #88
Title: Re: عـازمـاكم رحـلة!
Author: keiga2000
Date: 04-17-2006, 04:07 AM
Parent: #85
حاجزين انشاء الله
ابومصطفى
|
Post: #86
Title: Re: عـازمـاكم رحـلة!
Author: إدريس محمد إبراهيم
Date: 04-17-2006, 04:07 AM
Parent: #84
الأخت العزيز / منى خوجلي ..
تحية كلها صدق ومحبه ...
أولاً لأني زول جديد في المنبر عامل خجلان .. ولكن بصراحه أتمنى هذه اللمه الحلوه على الأقل الواحد يقابل الناس الحلوين الذين نسمع بهم ولم نقابلهم ...
في أحد زياراتي للبلد تخيلى يا منى زوله عزيزه عليّ خالص عزمتني رحله راس للسبلوقه .. أعتذرت منها لا أدري لماذا .. يمكن لخوفي من شيء كلانا يتحاشاه ويستبعده ..والآن طالما هذه رحلة جماعيه فها أنا ذا أتجرأ وأعزم نفسي .. ووقت الشيه سوف أقوم بالتهبيب لإزالة "الهباب" العمى عيونا هذه الأيام في هذا المنبر البهاء ...
ولو سمحتي سأحضرها معي .."الزوله إياها.." لو ما في مانع يعني ... على الأقل تتعرف وتتشرف بكل هذه الوجوه النيره ..
مع خالص الحب والمنى ... ولو عزمتيني سأحضر فوراً من غير أي كشكره ...
|
Post: #92
Title: Re: عـازمـاكم رحـلة!
Author: Muna Khugali
Date: 04-17-2006, 06:09 AM
Parent: #86
الأخت العزيز / منى خوجلي ..
تحية كلها صدق ومحبه ...
أولاً لأني زول جديد في المنبر عامل خجلان .. ولكن بصراحه أتمنى هذه اللمه الحلوه على الأقل الواحد يقابل الناس الحلوين الذين نسمع بهم ولم نقابلهم ...
في أحد زياراتي للبلد تخيلى يا منى زوله عزيزه عليّ خالص عزمتني رحله راس للسبلوقه .. أعتذرت منها لا أدري لماذا .. يمكن لخوفي من شيء كلانا يتحاشاه ويستبعده ..والآن طالما هذه رحلة جماعيه فها أنا ذا أتجرأ وأعزم نفسي .. ووقت الشيه سوف أقوم بالتهبيب لإزالة "الهباب" العمى عيونا هذه الأيام في هذا المنبر البهاء ...
ولو سمحتي سأحضرها معي .."الزوله إياها.." لو ما في مانع يعني ... على الأقل تتعرف وتتشرف بكل هذه الوجوه النيره ..
مع خالص الحب والمنى ... ولو عزمتيني سأحضر فوراً من غير أي كشكره ... |
ياسـلام... انت والزولة الجميلة المعاك دي هاتسعــدوا أوقاتنـا ونحنـا كـلنـا أهـل بيت بنحـب بعض.... وبنحـرص علي وجـودنـا مـع بعض...في مناسبات زي دي بتلمنـا سـوا...بنزح الخجل ونـدسـه لوقته ومناسبة تانية...
|
