قرشي وجاد..اين أنتم؟

أعتبر أي انسان يتخاطب مع الآخرين بأدب وموده هنا أخي وأختي الي أن يثبت العكس..
وأري سودانيزونلاين كما يراها أكثركم..مكان كبير يضمنا جميعا في فرح وأحيانا في حزن..
نتبادل فيه الحوارات..الحكي..مجاملات الفرح والحزن..العراك..الأنتقاد لما نراه جميعا غير
كريم أو غير جائز..
ونمارس فيه حرية التعبير بطرق مختلفه لها ما لها وعليها ما عليها..
قارب وجودي هنا علي الثلاثة سنوات..تعاملت خلالها مع السيد قرشي في حدود بسيطه..وكانت هذه الحدود تنم عن تداخلات طيبه ومهذبه بيننا..ولكنني بجانب ذلك..قرأت له مداخلات مع الآخرين ولمست حب الناس وتقديرهم الكبير له وكان لقبه السائد العم قرشي ..

اما الأخ جاد..فقد تداخلنا عديدا في يوستات طابعها المجامله الأجتماعيه..ولقد سعدت جدا بتداخلاتنا..
وكان فيها مهذب وعطوف.. وهذا كان يعني لي الكثير كما يعني لأغلبكم..
أعتقد أننا نحاول دائما أن نحتفظ ونقوي ما وصلنا اليه هنا..ومن واجبنا أن نتفقد بعضنا مادمنا نحتفظ لهم بالود..
ارجو أن يكونا بخير!

الاخ خالد قرشو من الاعضاء الشفافين المهذبين جدا حتي في حياتهم العامة تجدهم لا يختلفون عن شخصياتهم الاثيرية هنا فقرشو راجل اخو اخوان ومهذب ومعطاء . للرجل نفس شفافة رقيقة الحواشي تازي كثيرا جدا من كتابات الاخ اسامة خلف الله الذي افرد بوستا كاملا للهجوم علي اخلاقيات اخونا قرشو والذي من ادبه لم يكتب له ردا بكلمة بل كل ما فعله الاخ قرشو هو ان جمع شظايا حنينه المنثور علي ضجة المكان وغادر في صمت ليعتكف عن الكتابة في المنبر والذي برع فيه الاخ اسامة خلف الله في نهش لحمه عن سؤ ترصد ومقاصد وهو يتهجم علي سيرة الرجل الخلوق .

جاد مافيش الايام دي

شكرا أساسي..
ان شاء الله يرجع جاد بالسلامه ويشاركنا الحضور هنا..

أما بالنسبه لقرشي..فانني حزينه للغايه لذهابه..
أتمني أن يقرأ هذا البوست ويعلم أننا نحب وجوده بيننا..

بكل تأكيد .. فألأقلام النيرة ، والذوق السليم
والتعامل السلس هو الذى يبقى ويدوم حتى حين
ما يخلو المكان ، لذلك يتطلع الناس إليه ويتقصوا أثره
ويسألون عنه دوما ، لأن الذى يبقى من أثره هى تلك
السمعة الحسنة والتواجد الرحب الكريم ...
تلك هى سمات الإنسان وما تعنيه هذه الكلمة من معنى ..
تحية لك أخت منى خوجلى والتحية والتقدير لمن تعنيهم

محمد مختار جعفر

الاخت العزيزه الاستاذه منى خوجلى

بحق جعلتينى افتخر بك اكثر وانتى تسألين عن الاخوان قرشو وجاد وبحق انك امتداديه

ولو كنتى مقيمه فى المريخ .

حال اطلاعى للبوست اتصلت باصدقائى منبها لهم ان يروا بنات الامتداد الذين نفخر

بهم وكيف انهم اوفياء بحق زملائهم .

كان اتصالى بالاخ جاد اولا رغم اننى اعرف ان بعده بسبب العمل غير اننا شاغلنه حتى

النهايه فى اعمال شركة دلائل الذى هو احد اعضاء مجلس ادارتها وقد وعد بالوفاء للاخت

منى خوجلى .

الطرف الاخر اخونا قرشو رغم انه فى نقاشات تلفونيه كان يستنكر تصرفات البعض وسلوكيات

كتاباتهم واوافقه على ذلك لكن انقطاعه بسبب عدم تفعيل الباسوورد بعد السيرفر الجديد وقد

وعد بارسال رسالة للاستاذ بكرى ابو بكر ونحن ايضا نأمل مساعدته ونطلب من صاحب الحوش ان

يساعدنا فى ذلك .

وايضا اخت منى نحنا برضو شاغلينوا باعمال شركة دلائل بجده برفقة الصديق ابو عثمان

وفقهم الله .

تحياتى لك مره اخرى يا امتداديه يا اصيله

اخوك / سيد محمد احمد

شكرا يا سيد محمد أحمد علي مجهودك الحلو..
تفتكر في أجمل في الددنيا دي أكتر من اننا نهتم من قلبنا ببعض؟
وانا فرحانه بيك وبيهم زي ما انت فرحان بي وبي بنات الأمتداد..
وفرحانه جدا اني شفتك في الخرطوم علي الرغم من انه الظروف ما كانت حلوه..
المهم اسه أنا دايره اسالك وأسلهم..
فرحكم وفرحنا ده كله..حماكم تدخلونا في شركاتكم دي ليه؟

أما بخصوص قرشو..فأتمني انه بكري بسرعه يحل مشكله الباس وورد..ويرجع لينا يكتب معنا..
سلامي له..وليك انت كمان ولكل أبناء وبنات الأمتداد..

الكلمه الطيبه التي نتبادلها هي اضعف الأيمان الذي يجب أن نتمسك به..خاصه مع الذين لا يسببون
أذي للغير بوجودهم..
أتمني من قلبي أن يرجع "قرشو" ويرجع معه كل الطيبين..

شكرا استاذ محمد مختار في تفقدك معنا زملائنا..

شفتي أختي منى الصدفة العجيبة؟؟
جاد بجانبه أحمد الشايقي والإثتنين كانوا
مجتمعين خصيصاً عشان خالد قرشو وآخرين،،

جاد باين عليهو شارد حتى في الصورة
ومافي زول يجي يقول ليك مشغول!!!
دا شاغل نفسو بالثروة ، والله يستر
مايجي بعد شوية يطالبنا بالسلطة،،

الله يستر،،
==
كلمة:
سؤالك في محلو ، وهم من مكاسبي في هذه الغربة
بس المنطط عيونو دا لو يسيب الطمع ويخليني أشاركو!!!

سلام بت الجيران،، وتحية خاصة للأخ / سيد سيد الناس،،

شلنا الصورة ، العايزة يدفع كاش ويرسل عنوانه

تحيات يا ريس عبد اللطيف,

Quote: شفتي أختي منى الصدفة العجيبة؟؟ جاد بجانبه أحمد الشايقي والإثتنين كانوا مجتمعين خصيصاً عشان خالد قرشو وآخرين،،

جبت الصور دي وين ياريس

مش عارف دي عليها حقوق ملكية فكرية



ليك التحية يا عظيم

أحمـد الشايقي

فعلا صدفه جميله يا عبد اللطيف..
واجمل حاجه فيها الأحبار مع الصوره..
أولا الحمد لله علي انشغالكم جميعا معا في مشروع نتمني انه يكبر بنجاحه كل يوم..
ثانيا الحمدلله برضه الشفنا جاد في الصوره..
عارف انا بحب جدا أكون عارفه شكل الزول البعرفه ..
يعني انا لما اقابله صدفه في مكان أكون عارفاه ده هو الزول زميلي القال كده وكده..
لكن يا جاد انت سرحان في شنو؟
احمد يكون بيقول النقطه دي قانونيه عايزه مراجعه عشان بعدين بتأثر في قيمة الملكيه
وبالتالي في ربحي..احمد ياسرحان في تفكير خلي لربك التدبير

شكرا عبداللطيف أخوي..ولازم تشاركهم في سرحانهم..

Quote: أعتبر أي انسان يتخاطب مع الآخرين بأدب وموده هنا أخي وأختي الي أن يثبت العكس..

راقيـة وانسانية يا ست الكل,

Quote: قارب وجودي هنا علي الثلاثة سنوات..تعاملت خلالها مع السيد قرشي في حدود بسيطه..وكانت هذه الحدود تنم عن تداخلات طيبه ومهذبه بيننا..ولكنني بجانب ذلك..قرأت له مداخلات مع الآخرين ولمست حب الناس وتقديرهم الكبير له وكان لقبه السائد العم قرشي ..!

اسمه العـم قرشــو (عمنا كلنا...) ونفتقده مثلما يفتقده الاخرون, قريب منا وبعيد أيضـا , له التحية أينما حل ...

Quote: اما الأخ جاد..فقد تداخلنا عديدا في يوستات طابعها المجامله الأجتماعيه..ولقد سعدت جدا بتداخلاتنا..

وأنا كذلك ايضـاً,

Quote: وكان فيها مهذب وعطوف.. وهذا كان يعني لي الكثير كما يعني لأغلبكم..

حقيقي جاد اكثر ويستحق اكثـر ,

Quote: ..ومن واجبنا أن نتفقد بعضنا مادمنا نحتفظ لهم بالود.. ارجو أن يكونا بخير!

(العـم) جاد , يعني لي الكثير وقد كنت عاجزا عن القيام بالكثير من دون مساعداته وتوجيهاته القيمـة
ومن هنا أهدي للسيد جاد ثور فيريزيان كبير القرون,

أحمـد الشايقي

ازيك يا أحمد..

انت بقيت من رجال الأعمال وجيتك لبيتنا الكبير ده قلت شديد..موش؟
انت تعال النسعلك..كلمه رجال أعمال دي تدي انطباع انه الرجال التانيين ..الفي غير المجال
حق القروش الكتيره دي ..رجال ما عندهم أعمال..مع انهم كل يوم بيطلعوا ويقولوا ماشيين العمل
ومرات بيجوا راجعين البيت بأكياس برتقان!

المهم احنا دلوقتي اطمئنينا علي زملاء أعزاء..وأهه جاد أخونا ظهر وفضل اخونا قرشو..

Quote: اسمه العـم قرشــو (عمنا كلنا...) ونفتقده مثلما يفتقده الاخرون, قريب منا وبعيد أيضـا , له التحية أينما حل ...

وبعدين يا أحمد ياخ أنا زمان ماصلحت اسم قرشي لأسم قرشو لازم تفضحونا يعني؟؟

بالتوفيق باذن الله..ربنا ينجح مقاصدكم ويفرحكم بثمارها..

الأخت الفاضلة منى خوجلي ..

تحية عطرة ..

أيها السيدة الجميلة .. أشكر لك سؤالك عني وعن أخي الكبير قرشو ..
وإن شاء الله ما نفقدك في ساعة خير ..

كتاباتك يا أستاذة منى كانت تمثل لي وللكثيرين من الأعضاء والزوار الواحة الظليلة التي نأوي إليها حين تحمى ظهيرة هذا المنبر ..

وما انقطاعي عن المنبر إلا بسبب زحمة العمل ..

الشكر للأخ الكبير سيد محمد أحمد سيدنا .. فقد نبهني لهذا البوست ..
فقلت ليهو منى خوجلي أخت ما ساهلة يلزمني الدخول بأي ثمن لأقدم لها عميق شكري وامتناني ..

التحية لكل الإخوة الأفاضل الذي سألوا عني ..

آمل أن تتاح لي الفرص لأجدد عهدي بهذا المنبر العامر ..

شكري الجزيل مرة أخرى ..

أخوك
جاد

تحية حب واحترام لقروشو وجاد
لأخوين وأبوين جعلوا ( مع غيرهم ) سودانيز اون لاين أول ما اخط علي صفحات النت
شكرا مني خوجلي
وأمانة يا أساسي بلغ قرشو إني بستقبل رسائله بس ما بقدر أرد في نفس الرقم
وبلغه رقمي وايميلي زي ماهم وصفو الوداد بينا طبيعي

Quote: شفتي أختي منى الصدفة العجيبة؟؟ جاد بجانبه أحمد الشايقي والإثتنين كانوا مجتمعين خصيصاً عشان خالد قرشو وآخرين،،

والجاب جاد يجيب قروشو

شكراً يا منى .. ونحنا والله منكبين على الدنيا
هنا ما جايبين خبر .. ندخل المنبر ونمرق
ولا نعرف الحاصل .. غايتو خليها لله

بالانابة عن الأخ قرشو احييكم

ونعدكم ببذل مزيد من الجهد معه حتي يتناسي المرارات ويعود الي المنتدي

والرجل بحق مازال مكانه خاليا"

يا سلام عليك يا اصيلة ، ودايما ست واجب ...

ويا قول محمد عبد الجليل الجاب جاد يجيب العم قرشو ...

حتى نستمتع بكتاباتهم وارائهم

لهم ولك التحية

الأحباب الأفاضل ..


- أساسي ..
- محمد مختار جعفر
- سيد سيدنا
- عبداللطيف بكري
- أحمد الشايقي
- OmDur أم در
- محمد عبدالجليل
- أبو عثمان
- إيمان حيمورة

والسيدة الجميلة منى خوجلي ..

لكم مني خالص الود والتقدير ..

وكل منكم يستحق مني صفحة كاملة في حسن شمائله ..

آدام الله الود والصفاء ..

ولكم مني غزير الاعتذار لعدم تمكني من الرد الفوري ..

أشوفكم بخير ..

أخوكم
جاد