للأنسانيه أبواب كثيره..انعام حيموره!

سر ارتياحنا وراحة الضمير..
الأنسانيه..
نمارسها بأشكال عديده..ونفرح بالأستجابه لنداءها..
صديقتي والتي أحبها كثيرا مع العديد ممن أحب..
أنعام حيموره..
تدخل من ابواب لأنسانيه الواسعه..
وتقدم دون تردد كل وقتها وعاطفتها المخلصه لها..
لذلك نحبها..

إنعام حيمورة

نقاء

طيبة

سماحة

بشاشة

بساطة

نبل

طهر

عفة لسان

ووووووووووووووووووووو



وكلام كتير


أنا مبسوطة شديد لأني عرفتها


بيها بطمئن بأنو الدنيا فيها أمل وبخير

Quote: صديقتي والتي أحبها كثيرا مع العديد ممن أحب.. أنعام حيموره..

انعام كيفك انتى والله تستاهلي كل كلام منى فيك بس منى شهادتها مجروحة لانها سنجكة زيك عشان كده جينا لتلافي الموقف

إنعام حيموره ..

أنقذوا وليد دارفور قبل خريف 2007

شكرا منى

منذ انضمامها لسودانيزأونلاين..
وأنا اراها كالنحله..
نشطه وكريمه..
علي كل المستويات..
أثبتت حضورا قويا..
وعاجبني فيها
انها بتسوق أمجاد..
لكن يا خساره..
ماعايزه تجرب وتبقي سواقه للركاب..
تجربه بتكون لذيذه يا نعومي..
اتخيلي كده سايقه الأمجاد..
وبعدين عندك زول بياخد الأجره من الركاب..
وبعدين يركبوا ناس ويقولوا ليك..
والله يابنيتي ماعندي قروش أعفي لي!
ونظره من هنا لعيون وصوت متوسل..تقولي بعدها اصلو مافي مشكله..
وأنا ألبد ساكت..
ويتكرر هذا وترجعي البيت بدون قروش..
ومش كده وبس..كمان دفعتي من جيبك قروش الوقود..
ايه رايك في يوم زي ده نقضيه سوا في الخرطوم؟
أنا بلم الأجره من الركاب..ممكن؟
بس أجرتي تفطريني وتغديني وبالليل لما نمشي للقاء البورداب تدفعي لي الشيرنج
بتاعي..موافقه؟
عرفتي عرفه مهببه ..موش؟

منى الغالية ,


عارفة انعام حيمورة
نقاء و طفولة دائمتين مع احساس عالى بمن حولها
حيوية و نشاط و مبادرات تشجيع اراها هى زادنا حين اليأس او الاحباط او حتى الكسل
رافقتها فى دروب الامل و الخير و يا لها من رفقة !

عارفة انا بحس بالتفاؤل بغمرنى و انا بسمع ضحكتها بترن و تملا المكان الفة !


شكرا يا منى كتير كتير !

العزيزة منى
تحية طيبة
نسال الله للأخت إنعام التوفيق ودوام الصحة
لخدمة الوطن والإنسانية ويضع كل ذلك في ميزان حسناتها
آمييييييييين يا رب العالمين

الاخ عبده اتمنى ان نبحر معا في دروب الوطن والانسانية

Quote: أنعام حيموره.. تدخل من ابواب لأنسانيه الواسعه.. وتقدم دون تردد كل وقتها وعاطفتها المخلصه لها.. لذلك نحبها..

غادة نورى..النسـيم..وهـبة الهـواء الباردة..واحاديث اخرى!!
شكرا جميلا..منى خوجلى ..ولايعرف الفضل لاهله الا ذووه..
مودتى وتقديرى

محمد عكاشة الزول الهادي ...

شكرا ليك انت ..

يا سلام علي احساسي بسنجكيتي..والله احساس بحبه بشكل عجيب..وفرحانه جدا بيه
اسه انت يا شيقوق مش مشيت بلدكم وجيت سعيد زي الكنت في الجنه؟
أها أنا ده احساسي طوالي كل ما أفكر أني سنجكاويه..
ياخ الزول لو ابوه وامه نخله بيفرح بيهم ويقول أنا بلحه..
وده بيكون احساس اي زول بيحب دمه وعرقه وقبيلته وماعنده مشكله معاهم..
شوف ابو بكر ده أسه بيحب حاجات أهله كيف؟
لكن بعد ده كله شهادتي ماها مجروحه شي..
انعام دي بت جدعه..ودي كلمة خالتي المفضله كل ما تعجبها حاجه..ياجدعه يا جدع!
عارف..
لو مشيت الخرطوم واحتست لأنك اساسا بتحتاس في الخرطوم ..وده مش لأنك ما من أهلها..لكن لأن
الخرطوم الزمن ده هي مدينة الحوسات من حاس..يحتاس هو محتاس..
يبقي طوالي تطمئن قلبك وتقول لنفسك..
مافي مشكله..انعام موجوده..

نعومتي ...

كنت اتمنى ان نلتقى في الزمن السمح بالجد ...

------------------------------------------------------------
الطيب شيقوق ومحمد عبد الجليل

وكذلك كنت اتمنى ان التقيكم في اجازتكم ولكن يظهر ما لينا في (الطيب ) نصيب لكن الجايات اكتر بس لو عايزين تجوا اجازة وصيتي ليكم تنسقوا مع منى خوجلي لانها بتعرف كيف تلم الناس ...

عزرا ان كنا قد قصرنا معكم ولكن هي ظروف العيد ...

Quote: نعومتي ... كنت اتمنى ان نلتقى في الزمن السمح بالجد ...

انعام

نحن من نصنع الزمن السمح

وانا من لاقيتك لقيت نفسي في زمن سمح


الله يخليك يا نقية

الأخت/ مني خوجلي ..
ليتكـ لم تفتحين الباب ..
عارفا كدا بتخلي الزول ينحرج عديييييل كدا !!!
لأنو أنعام حيمـــورة ..
ما أعتقد في كلمة بتشبها ..
ولا حروف ممكن توصفها ..
عشان كدا جيت أقول ليك بابكـ دا خليه قافل ..
وخلينا بس نستمتع بدواخلنا ..
أنعام حيمورة ..
أنت كبيـــــرة وبس...

Quote: عارفا كدا بتخلي الزول ينحرج عديييييل كدا !!!

وانا دائما منحرجة من اسم البوست بس لانه كبير علي ..

معروف الدائما سباق للمعروف ... سازور المحيط قريبا ...

لي الشرف ان اتعرف عليكي العزيزه انعام حيموره
ولايسعني الا ان احييك بقدر الجمال الذي رايته وسمعته

Quote: اتصلت بالاخت سمر وقالت انها بدأت تصلها بعض التبرعات واليوم الاول وصلتها 450 الف ج ... ساتابع معها بأذن الله اول باول ووعدتني بان تاتيني بالورق حتى نقدمه لاهل الخير ... من الان قد عينت نفسي مسئولة عن هذه الحملة .... وربنا يوفقنا ويوفق الجميع في السعى لعمل الخير دعواتنا له بعاجل الشفاء وعمل العملية

جاءت في البوست دا وطوالي شالت التقيله عاجباني بالحيل لانها قداميه و صباحه خير ليها الانحناءه والتقدير . واتمني لو الزمن يمهلني والاقيها قبل الرحيل . شكرا مني وملايين التحايا ليك يا انعام حيموره

دوما الله يطول عمرك وعمري ونتلاقى يارب في ساعة خير

فدوى الشريف ...

وانا لي عظيم الشرف اتصلي وراجعي مسنجرك الداخلي ..

والله يا جماعة في المنبر ده كلو لي محبة خالصة ل ..


انعام حيمورة ونادية السر واشراقة ومني خوجلي والعزيزة دوما (دوما)

كنت قد كتبت عن إنعام,,
ما أن تلتقيها أوحتى تحدثها
حتى تحس كأنك منذ زمن تعرفها,,
طيبة قلب,,
نقاء سريرة,,
إلى ما شاء الله

انابحبكم يا إنعام و منى


.
.
.

غادة يا مشرفانة ورافعة راسنا فوق ...

انا برضو بحبكم وانت ومنى شديد

عبد المنعم سليمان ..

افتقدتك في منتصف الطريق ...

عد فالعود احمد !!

منى خوجلي .. منذ ان سافرتي قطعت عهد على نفسي بانو اي لحظة اعيشها تكوني معاي فيها ... وبس



اتمنى من الله ان يقدرني ان اكون باب للانسانية لاني هسي ( حتة طاقة )...



في داعي هسي تبكوني بي كلامكم دا كلكم ؟!!....


لكن بتمنى من الناس كلها تحب بعض وتسامح بعض ونكون اخوان في الانسانية ...

الليله الجمعه وعصابة الخرطوم كلها مافي..
هناك عدة اسباب لفتحي هذا البوست غير السياي المعلنه..
السباب المعلنه هي الأحتفال بالجمال ورحه ..
النسانيه وصور التكافل والمحبه بيننا..
وحقيقي الخرطوم حسب مشاهداتي الاخيره بها.. تذخر بالكثير من تلك الصور ومن يتبناها بفرح..
احد السباب الخفيه..
هو أنني أود أن اذكر الخاله حنانه والدة انعام..انه رمضان قرب..
وانه العجين المر النشفته لي المره الفاتت قرب يكمل!

انتهازيه واعيه مني.. موش؟
شكرا ياحلوين البوست بوستكم وانعام هي انتو..ياللا ساعدوني علشان العجين المجفف!

يا الملكة منى

انعام دي قريبتي شديد,

لكني تعرفت عليها عن قرب , قبل فترة قريبـة

العســل لا يكفي في وصـف حلاوتها وانسانيتها أبرز ما يلقاك

قبل كل شئ,

وعندها روح عمليـة شديد أيضـاً

أحسن اسم أطلقه الوالد أحمد يوسف حيمورة عليها أن سماها (إنعام)

لكما التحية ولأصدقائكما

أحمـد الشايقي

إنعام حيمورة ... شخصية لا تتكرر ... إلا ما ندر ,

لم أر فى هذه الدنيا إلا القليلين الذين يفتحون قلبهم

على الناس وبكل غرفه وردهاته ... فإنعام ممن ربطوا

سعادتهم وشقاءهم ... فرحهم وأحزانهم بالآخرين ... عبر

آصرة متينة ونوايا مستوشجة حب الناس والتوفر لخدمتهم ,

وسلوك عملي يؤكد على خصائصها الإنسانية النادرة ... وهكذا

عرفت إنعام وتشرفت بالإنتماء إلى رقعة رادارها الصحبوي الآلق .


لها العافية ... وسعد الطالع ... وأحلى المني ... وكل الخير .


وهي كما قيمها كل الناس من قبلي ... وديعة طيبة خدومة هميمة ,

بل هي بالاحرى ثروة إجتماعية/أخلاقية عالية المضمون والقيمة ...

فلنحافظ عليها من أضاهيب الإستهلاك { العشوائي } ... لأن إنعام لا

تعرف أن تقول { لا } ... خاصة وأن حوجتنا للمبادرين والناشطين فى

مضمار العمل الإجتماعي والإنساني ... لا تنقطع ... فرفقا بهذه الصبية

يرحمكم الله .


مع مودتي

الأخت الغالية ... منى خوجلي

معليش ما حييتك فى مداخلتي أعلاه ,

وتراني جيت داخل فى الموضوع { توووش }



معزتي إليك أكبر من مراسيم التحايا الإجتماعية


فعشت ... وشكرا على هذا الموضوع ولما تستحق سيدته

... وأنت كذلك كل الخير ... وكل الشكر


مع مودتي

ازيك يا حيدر..

شفت لما انت كنت في الخرطوم انا كان نفسي احصلك واقابلك هناك..
لكن ما كان عندي حظ..المره الجايه ان شاء الله..

تحياتي لك ولكل من يحب الموده والأخلاق الجميله

حيدر قاسم .. المدرسة التي تعلمنا منها كل هذا .. فقد سبقتمونا وعلمتونا فكنتم مدرسة لنا ...

ايام جميلة الله يعيدها ...

حقيقة الخرطوم تفتقد امثالكم ...

لك كل المودة

احمد الشايقي ياقريبي ...

وانا جد تشرفت بهذه المعرفة .. شكرا لك ..

نشوفك كل سنة ..طيب

عارفة يا منوية انا من يوم الخميس مذبهلة وما قادرة اكتب اي شي في البوست دا لانو دا كتير على شديد ... انا ما قادرة اعبر ومحرجة شديد ...

لكن اتمنى ان اكون عند حسن ظن الناس بي ...

Quote: عارفة يا منوية انا من يوم الخميس مذبهلة وما قادرة اكتب اي شي في البوست دا لانو دا كتير على شديد ... انا ما قادرة اعبر ومحرجة شديد ...

ولسه إنتي مذبهلة؟

يامني ياخوجلي
يازولة ياسمحة

كتر خيرك وإنتي بتخلينا نعبر عن ما بدواخلنا تجاه البت الحليب دي
ياسلام يا مني ياخوجلي
إنعام حيمورة دي عندها ضحكة كان وزعوها بالتساوي صدقيني ما كان حيكون
في الدنيا بني آدم شقيان وتعيس ....( ههههههههههههاااااااااااي) هكذا تضحك
لتجمل سماوات البلاد ونهارات الخرطوم والعرق النازل شو من جبينها زي نهر بيغسل
مجراه . هكذا تعرفت علي ضحكتها قبال ألاقيها .

شكراً مني

......

المقر بجمال هذه الشابة
خضر

خدر يا جميل الدواخل انت ... انت نعم الاخ .. انت برضو باب لكن عايز حراسة من الببسي ...

كم قدرت لك مجئيك لوداعي .. كتب الله سلامتك وعودا حميدا الينا يارب...

منى
تحياتي
انعام انا لاقيته مرتين
لكن اشراقة عملت لي وجع وش
كل يوم فول فول فول!!!
في المكتب
لمن طفشت !!

المهم
انعام زولة نادرة
حلوة ووناسة
وعندها ضحكة ترد الروح
يااااضحتك
تحياتي ليها
ولي مدن عينيها

بتجي على خاطري طوالي مبتسمة ..
أنيسة ولطيفة ودايماً في عيونا لمعة فرح
ما عارف بتجيبو من وين !!

ما بتاخد وكت كتير عشان تدخل قلبك لأنها
إنسانة صافية وما شايكه ..

إنعام يا منى من الناس البيخلوا للخرطوم
دي معنى ، هي والزيها ..
وبيجعلوا من أمر التمسك بالحياة شيء عادي ..

عارف يا طلال عفيفي ..

انت اول زول في سودانيزاونلاين اشوفوا واتلاقينا في عبد الكريم ميرغني ..

ودائما جواي الحاجة دي عندها وقع خاص ...

دمت

عارف يا خالد العبيد بطرق كثيرة رفضنا سفرك ولكن اصريت ...

المرة الجاية تعال بعمل ليك وجع وش بس ما فول ...

اسال الناس البتعرف .. بالميت كدة .. امواج ..

لك الود

بت خوجلي
سلامات
انا كنت محتار في ابتسامتها الدائمة
لكن عندما قابلنا ابوها واخوها
علي الايمان يحيروك
كأنهم يعرفونك منذ زمن
تسلموا
كسرة
الله يخليكم لي بعض

السمؤال ...

ايها الزائر الذي انضم الينا ولم نكن نعرفه اطلاقا ولكنه اثبت بكل شهامة مواقف نبيلة وصار باب منيع من ابواب الانسانية..

انعام حيموره

صديقه

حنينه

جميله

بحبها شديد

الله ايديها واديك يا مني الجميله


زينب الشفيع

شفتي يا منى زوبة دي صغيرتنا وحبيبتنا لما تجي طوالي اعرفك عليها ...

وهي زولة سمحة دواخل شديد

وفوق دا ودا قريبتنا برضو ..

فعلا والله يا نعومتي وتتذكري يوم انا قلت ليك باني دائما بحب احتفظ بالاحساس الجميل ...

وهسي انا محتفظة ليكم كلكم باحاسيس جميلة جدا جدا ....

Quote: ماعايزه تجرب وتبقي سواقه للركاب..

والله ما فكرت لانو المسألة بعد داك بتتطلب حاجات كتيرة ما بقدر عليها- بلية سفة ولاتكون السجارة قصبة -

لكن كان بتجي تأزريني ما عندي مانع ...

وكدي النخليه تحت الدراسة

_________________________________________________________

رمضان قرب وحنانة قالت ليك المرة دي مش عجين معاه ابري كمان

الأخت مني خوجلي ...........
(والنقط أعلاه عشان تختارى نوع التحية)
مدخل أول:-
في اعتقادى أن وحدة سوداننا تكمن في وعي
حواء السودانية وها أنا أراها من خلال هذا
المنبر ونفاجات أخرى كثيرة.
مدخل ثاني:-
عن انعام حيمورة المحتفي بها أسال!!!
لدينا (نسب) قديم عبر أجدادى...
جدى عبدالرحيم أحمد حمدالنيل
وجدى ابراهيم أبوعاقلة لهما الرحمة
تزوجا بنات حيمورة
الأول من أبنائه وبناته خيلاني وخالاتي
أحمد, عواطف, معتصم, المرحوم ياسر,
سوسن......الخ
والثاني أبنائه/ بنته اشراقة, محمد, وليد,عصام
كما أنه من هذه العائلة نعرف القامة ذو
التأريخ الذى يسبق اسمه السر حيمورة
فهل هذه ال..انعام التي تتحدثون عنها
من هذه العائلة؟؟؟؟؟؟؟؟؟
وفي كل الأحوال لها مني ألف تحية
طالما حديثكم عنها بهذه الطريقة

Quote: مذبهلة

ده ما شرحتوها لي ... لمن كنت فى السودان

نعومة ... كيفنك


مع مودتي

الملكة الجميلة منـــو


مساءك سعيد ، ، ،

أنعام حيمـــورة ..
ما أعتقد في كلمة بتشبها ..
ولا حروف ممكن توصفها .. ولكن يمكن أن أقول :

هي ملاك في شكل إنسان .....

يا هدى الناس الحيارى
يا ندى الفجر الببلل
نور عوينات الفقارى

أنعام حيمورة
دمتي
يا رائعة

محبتي


منى

نهال ...

الله يخليك يااااارب ... تسلمي الى ان نلتقى

عماد محمود علي ..

ملاك حتة واحدة .. والله يا جماعة دا كتير علي ...

شكرا كتير وانا ممتنة جدا لكم جميعا

عاطف مكاوي يا قرينا برضو ..

مرح بيك وباهلك المناصير

ياني ذاتي بتهم ... شرفت

طبعا أنا شهادتي في إنعام بتكون مجروحة ...
وأنا ما عايزة أتكلم عنها

فقط هي كما قالت العزيزة منى:
تدخل من ابواب الإنسانية الواسعة..

على قلبك مباشرة

هي انعام دي شردت من البوست دا ليه؟؟؟؟

Quote: هي انعام دي شردت من البوست دا ليه؟؟؟؟

إذا جاءت الشياطين ذهبت الملائكة!!
فهمتيها ولا أشرحها ليك ياأبو مخ تخين ....

إنعام جزء من محاسن الدنيا التي تهزم مصائبها.
إنعام حباها اللة بنقاء وعطاء من آجل الاحرين.
لديها احساس بالاخرين لم نراة في هذا الزمن الا قليلآ.

إنها رائعة الجمال

والله يا انعام حيمورة بختك الناس ديل شكروك شكر شديد خلاص.

انا لو ما لاقيتك كنت قلت الكلام ده كضب.

لكن بالجد بقدر الشكر الكتير ده ما ادوك حقك.

والله ياجماعة بالجد الزولة دي طيبة وبتديك احساس انك بتعرفه من زماااااااااااان.

نعومتي

والله ما زوقة لكن الكلام الفيه دا بتعبني تعب شديد ...


-------------------------------------------------------

وبعتزر بشدة عن التأخير في الرد عليكم لكن تأكدوا بأنكم في دواخلي باقون

نادية السر ..

انتي برضو باب من ابواب الانسانية وباب قوي بصارع للصمود وبقهر كل ما يقف في وجه ...

انا كمان سعيدة بالعمل معك بس طولي بالك شديد على كل شي طالما الزول رضي انو يكون باب يتحمل الدق فيه من كل الايادي ...

بتمنى معاك ننجح في كل باب نطرقوا ....

يا معشر السناجك

انا طولت من البوست ده ولقيتكم تقطعوا فيني لكن بالخير .

بالمناسبة يا منى مرتضى ابني كان بيعمل مع انعام حيمورة دى في شركة طيران واحدة وقال هى دينمو الشركة كلها بجمال خصالها وطيبتها وعلاقاتها الجميلة مع كل الموظفين . انا قلت ليه يا ود اتوكل على الله و ...............
والناقصة انا بتمها .

هييييييييييييع اكان نجيب لينا واحد زى عوض الجاز يخلي الجاز هبطرش

شكرا لمن شاركني حب انعام..
انعام شابه متفائله..قويه وبالها طويييييل..
بس بتغيظني في حاجه واحده..علرفين شنو؟

حنسوني اوريكم!

Quote: حنسوني اوريكم!

Quote: أنعام حيموره..
تدخل من ابواب لأنسانيه الواسعه..
وتقدم دون تردد كل وقتها وعاطفتها المخلصه لها..
لذلك نحبها..

ما شاء الله
تمنيت لقائها والله
ولسه عندى امل ربنا يجمعنى مع حرائر البورد
انعام حيمورة
انعام عبد الحفيظ
ونادية السر
تحياتى لكن
ام وضاح

Quote: ما شاء الله تمنيت لقائها والله ولسه عندى امل ربنا يجمعنى مع حرائر البورد انعام حيمورة انعام عبد الحفيظ ونادية السر تحياتى لكن

وأناأيضاً اتمنى لقاءك يا أم وضاح

وعندك زيارة ح أوفيها انشاء الله

Quote: عارفة انا بحس بالتفاؤل بغمرنى و انا بسمع ضحكتها بترن و تملا المكان الفة !

وشكرا منى خوجلى
قريبتى التى احبها



ودائما نستمد
من ضحكتها الصبر على كل
صعب ومستحيل


ودائما تدهشهنابعذوبة روحها
وسعة قلبها

وهى مدرسة للانسانية
وربنا يغتيهاويحفظها دائما

انعام تستقبل محجوب شريف

الاخوة أصحاب كبائن المكالمات الهاتفية في الرياض يسغربون جدا في ان كل سوداني يدخل الكابينة ويتحدث مع اهله يخرج وهو يمسح في دموعه .. فيخففون عليه ويقولون له رد الله غربتك ...


وانا أقرأ في هذا البوست الجميل للرائعة الاستاذه منى أحتجت فعلا لمن يقول لي رد الله غربتك .. فأشتقت كثيرا اليك يا انعام ..


شكرا استاذة منى ..

شكرا لكل الاخوة التداخلين ..

شكرا اليك انعام وانتي نظلين كما نريد لك ..

إنعام..وما أدراك ما إنعام..هذه التي إقتحمت قلبي عنوة واقتدارا كأغلى ما تكون الإخت..جديرة هي بمكانتها في قلبي وقي قلوب من أحبوها..فشخص نتنسم عبير إنسانيته قبل أن نلقاه ودون أن نلقاه لهو جدير بكل الحب والتقدير...لمني خوجلي وإنعام كل الود والتقدير

الزاكي

Quote: هي انعام دي شردت من البوست دا ليه؟؟؟؟

تكون مشت تاخد ليها بكية وتجى..


سمعت ببت جدعة شدييييد قالو اسمها انعام حيمورة..

والليلة لاقيت بت سمحة شدييييييييييد برضو اسمها انعام حيمورة..

دى مسج كانت منى لانعام...

الكلام دا تانى يوم لحملة انقذوا وليد دارفور...

Quote: تدخل من ابواب لأنسانيه الواسعه.. وتقدم دون تردد كل وقتها وعاطفتها المخلصه لها.. لذلك نحبها..

الحقيقة العارية..

وهي اجمل بكثير,,,,

اشراقة حيمورة ... صديقتي منذ ان فتحت اعيوني على الدنيا فدائما معا .. الله يخليك لي

منال خوجلي ... اول مرة تكوني جادة ... مرتبطة بذهني بالهزل دائما .. ياجميلة ... تستاهلي ..

عمر عثمان .. صديقي الجديد (انا جديد) .. وانا سعيدة جدا جدا بمعرفتك ...

عصام عبد الحفيظ .. عملتني معنى الحياة ...

علاء شقيق الروح وصديق الدهر ... هكذا غرسنا ...

Nilel .. ليتني استطيع ان افعل ما تفعله فانت ساحر ...


اميرة الشيخ ... مشينا الخطوة الاولى والمشوار لسة طويل ...

ختاما ...

بيان .. ندمانة عديل على اي زمن فات ما عرفتك فيه وبس


منى خوجلي الام الروؤم ساشتاق اليك الى ان تصلي ...بمرحبا بك مرة ثانية .. وشكرا لفتحك لهذا الباب

انعام حيمور


اكثر من رائعة ...

والله يا انعام لو جلست وكتبت كل الكلمات فى العالم

لن استطيع ان اوفيكى حقك ...

فدعينى اقول لكى


احبك يا نعومة ......

فهذا اقل شئ اقوله لكى ....


شكرا يا منى على اللفتة البراعة ...


تسلمى

ماشاء الله ..الناس الطيبه دي كلها بتحبك قدر ده يا نعومتي؟

تستاهلي الحب ده كله..وانا متأكده الأغلبيه من البيحبوك ما لحقوا يجوا..

حبي لكل من اعلن حبه لنعومتي الملاك..

" />">



لانعام ملكة القلوب...

واحد من بركات الصغير محمد ان يجمعنا ويوحد قلوبنا..
سعيدة بكل لحظة عرفتك غيها..
وتسلم البطن الجابتك..
والاغنية دي ليك يا ملكة..

وللعزيزة منى التى تتلمس الجمال وتبرزه..

شكرا نجاة حبيبتي علي الأهداء..عافيه تهدينا العافيه..
وانا فخوره بأخوات لا يعرفن اليأس ولا الملل امام عملهم لخدمة الآخرين..

يارب محمد يجي جاري برجلينه ويقول ليكم بحبكم..

ألتقيت الاخت إنعام حيمورة في زيارتي الاخيرة للسودان
ولقد تركت في نفسي إنطبع جميل جدا, فهي إنسانة تحب الجميع.
أنا سعيد بمعرفتها.

دينق.

انعام جميلة الروح والقلب ...





_________________________
ياااااخ انا كل ما اشوف اسمك بتذكر السفن اب ..