مودة...

لكل أهل المودة ..
مودة بلا حـدود...


مني

نحنا المودة طلااابا

Quote: نحنا المودة طلااابا

ونعشقها عشقا أبديا..

شكرا سمسم علي مشاركتنا المودة..

Quote: نحنا المودة طلااابا ونعشقها عشقا أبديا..

وانت يا نوارة هذا الحوش اكثر من
يستحق المودة
مودتى منى
ضياء

ضياء...

عقبال مانشوف تسجيلاتك ملت الدنيا..

الكلمة الطيبة صـدقة..والمودة رحمة

العزيزة مني

و لك منها ما تستحقين
و ان كان ذلك ليس بالميسور
فاليكون لنا اجر المحاولة

العزيزة مني

و لك منها ما تستحقين
و ان كان ذلك ليس بالميسور
فاليكون لنا اجر المحاولة

نصـار..

مودة..
هي وصية الله لنا بتعزيزها بعـد أن زرعها في نفوسنامتلازمة مع الرحمة ..

أفرح أخي نصار بالمودة.. واول لحظة تعارفت فيها معك وجها لوجه... وجلسة مؤتمر وأخري
علي الإفطار ...وسـودان كبير يطغي أمل رجوعه بخير علي كل ماسـواه ..

وأنتي المودة

إذا ...



إذا قالت امرأةٌ

إنها ستُحبُّكَ حتى الأبدْ..

وإنكَ زَيْنُ الرجالِ

فلا قبلكَ كانَ أحدْ

ولا بعدَك..

سوفَ يكونُ أحدْ.

فلا تطمئنَّ كثيراً إليها،

لأنَّ الدقيقةَ عند النساءِ،

أَبَدْ...

Quote: لأنَّ الدقيقةَ عند النساءِ، أَبَدْ...

بل هي تمتـد حتي تصير أبـد...
هكذا هي صادقة وممتدة حين تكون مودة

وفيها ايه لو الناس أظهرت مودتها لبعضها?

Quote: وأنتي المودة

إنت فعلا نور الهادي النور بيتنا

Quote: نحنا المودة طلااابا

و نحنا المحبة احبابا
و الجنة الليها نتشابا
باكر ندق علي بابا
و ندق
و ندق
و ندق!
للجنة تجيب
لأملنا نشق
ان شاء الله قريب
و تهلل علينا
في قلوبنا الحزينة
بشائر السنين

ليه بجيك انا بالموده
وليه تجينى انا بالخصام
يا منايا الدنيا حلوه
تعال نعيشا هناء و وئام

Quote: ليه بجيك انا بالموده وليه تجينى انا بالخصام يا منايا الدنيا حلوه تعال نعيشا هناء و وئام

ولما المودة بتكون موجوده الحياه بتتولد بدون آلام..
وتتجـدد الفرحة ويزيد الرضاء وتكبر الأماني مع الطـمأنينة..



ونعيش الحياة يا اوسلي في هناء و وئام

نظـرت لي نظرة جميلة طويلة..ثم أحنت رأسها قليلا وهي تتجه ناحيتي>>
مسحت برأسها في ساقي بنعومة..ثم مرغت جانب وجهها الأيمن في نفس المكان..
كررت نفس الحركة بجانب وجهها الأيسر ..نزلت بساقيها قليلا وجلست..ثم كورت
جسـدها ورقـدت بجانب ساقي في هـدوء شـديد..
مددت يدي ومسحت علي جـسدها الناعم بحب...

كانت ياسـعد قطة وديعة تبحث عن المودة بينما هي تمنحها لي..

Quote: و تهلل علينا في قلوبنا الحزينة بشائر السنين

وبالمودة بنفرح كل قلب حـزين..موش ياسعـد?



صاحبتي دي قالت عايزة تقعد معانا ممكن ياجماعة?

يا لروعة هذه الموده التي جمعتنا بكي يا منى يا بت خوجلي

ودمتي

وجمعتني بك يا فقاد أرض كبيرة عزيزة كالفؤاد اسمها السـودان..
وأخري صغيرة لكنها ايضا عزيزة اسمهاالإمتداد..

وجمعتني بيك خـوة ومودة وصـادق إحساس.. لزول مابيجيب غير روعة وجمال اسمه عثمان حسين..
وبعد ده يافقاد جمعني بيك المكان العزيز ده..زي ماجمعني بأعزاء كثيرين..
اسأل الله ان يديم المودة بيننا ويزيد من نقائها بيننا جميعا..

Quote: لكل أهل المودة .. مودة بلا حـدود... مني

ومن أبي الحســــــين لك قواسيب مودتي...

سلام يا منى ..

جيت جاري قايلا ( مودة ) دي بمعنى الموضة fashion
عارفة نحنا زمان بنقولا كده .. زي ما الله خلقها : موضة ..
هسه الناس بقو يقولو ليها : مودة ..
حكمة الله ..
و قلت منى دي قاعدة في بلاد بره تكون بقت حنكوشة كمان و عوجت خشما ؟؟ لا قدر الله

نقوم نجي للمودة ..
المحبة الراقية ..
و الشبعانة إهتمام بالزول التاني , و أمنيات ولا أحلى ليهو .
هي لسه قاعدة يا منى الحاجات دي ؟؟
وللا حولوها للمتاحف ( أثراً بعد عين ) .. !!
المغني قال ( و الله يكفينا شر قلنا و قالو ) :
تاني بيني و بينك أيه
( المودة ) البيننا راحت ..
سيب قليبي و فوت جراحو
الأماني الحلوة ضاعت .
و أبونا الشيخ عثمان حسين سلام ربي عليهو بيقول :
بالمعزة , بـ (المودة ) البيننا بي أغلى الصلات
بالهوى العشناهو بي أعصابنا خمسة سنين و مات ..
تاني شنو ؟؟؟
أنا إتكلمت كتير .. مُش ؟؟

طيب ..
ليك مودة يا منى .. تبراك وين مشيتي ..
عشان لسه عندك الحاجات دي و بتتذكريها .
و إحترام و تقدير .

الودودة جداً مني،
تحياتي
ما انبل و اعظم المودة..لكن،
ناس تحاول ليها مدة ما لقت غير الصدود
وناس بتنعم بالمودة و ليها مجد الحب يعود

ابو الحسين عن اذنك:
قواسيييييييييب مودتي و كميييييييياتها.

Quote: ما انبل و اعظم المودة..لكن، ناس تحاول ليها مدة ما لقت غير الصدود وناس بتنعم بالمودة و ليها مجد الحب يعود

ويا أنور كان في برنامج في التلفزيون البريطاني عن مسك الأيادي بين
الأزواج او الأحباء او الأصدقاء أثناءالسير في الطريق العام..
وكانت المودة وإظهارها هي المحور..تري لماذا يخجل الرجال والنساء من إظهار المودة
بلغة الجسد..



لك مودة الدنيا كلها ياأنور..

مع كل الود لشخصك الكريم

شـوفي ياحواء الفيل ده فرحان كيف وهو بيلعب?
الإنسان بيحتاج يظهر مودته للكون..
للإنسان..الحيوان..النبات وكل الطبيعة..
الدنيا كلها بتبقي أحلي لما يكون في موده..

الرفيعة مني خوجلي،
تحايا الموده و الوئام

Quote: تري لماذا يخجل الرجال والنساء من إظهار المودة بلغة الجسد..

خليك يا مني يا اختي من قصة مسك اليدين البسيطة دي،انا اليومين دي خاشي في تحدي فعلي مع الخزعبلات و العقد بشأن المرأة و الخزعبلة المرة دي في غاية الخطورة الخزعبلاتية، و بعون الله قررت انو اكسب التحدي، و الدافع لكسبه المودة الغامرة. كان الله في عون من يقع ضحية العقد الاجتماعية.

Quote: لك مودة الدنيا كلها ياأنور

و اضعافهالكي يا منوية

وكتير ماتدينا الدنيا ضهرها..نزعلاحنا وننسي الجمال الفيها ونقول ليها
في اسنكار وزعل

أخـدنا ايه من وشك لما تدينا ضهرك?!

لكن الحقيقة ياعمدة.. رغم بلاويها الكتيرة ومساختها احيانا..الدنيا حـلوة
المودة بتخليها حـلوة..خلينا مع بعض في مودتنا..نقويها ونستعين بها في
ايام الشقا...

أما الموضة والحنكشة فده موضوع تاني..ايه رأيك ياعماد تعمل بوست اسمه حنكشة?

وننعش مودتنا بأن نجليها حتي تظهر واضحة ويحسها الجميع..
نحن نحتاج في زمن المشاعر السلبية التي تسعي لأن تسود..
نحتاج ان نتحصن بالمودة..



لك أيضا قواسيب مودتي أبو الحسين

وما المحنة؟
إن شاءالله تكون شغالة

عارف يانورنا ماقدرت اسمع الأغنية مابتشتغل عندي!

شكرا ليك

المحنة يانور إحساس لا يمكن ان نخلقه.. بل هو يأتي ويسكن حنايا القلب دون استئذان..
الحنية..كلمة تنفرد حروفهاوتتمـدد.. ثم تأخـذك في احضانها وتطبق أحرفها عليك..
فتضيع انت في دنيا أحضانها..
بجرد ان تفكر في المحنة..تقفز الدموع الي عيونك ويطيب لك المقام.. فتقفز لك صـور كل من
تحبهم ويصير كل من حولك قبلتك في ممارسة طقوسـها..



أغنية أكاد لا أتوقف عن سماعها يانور

وانت زول ودود جدا يامولانا عادل سمير..

عزيزتي منى


لك مودتي صافيـة,


تحياتي,


أحمـد الشايقي

مودته غمرت وسادت اي مكان ذهب اليه واي تصرف صـدر منه..
والدنا الخليفة طغت اخلاقه الكريمة ورحمة قلبه علي أي شئ آخر..

و علي مافي قلبه اجتمعنا أخي وصـديقي أحمـد ..

انت الدنيا

تسائلني صوت ناعم الأجراس يسكر مسمعي
أعرفتني ؟
وأنا الذي قد ذبت فيها صبابة!
نقرت نداوة حرفها قلبي
فمالت أضلعي
طربا وتيها وانبهار
يا سحرها لما سرى
فتزينت مقل النهار
زهوا
دلالا
فاستثار
كل البهاء
وتفجرت كل الخواطر روعة
شعر ا
معبق بالبهار
كم ارتجيك
وفي فؤادي لوعة
تنداح بين ثنايا انتظار

إخيتي مني خوقلي

شمس المودة
ذات الود الساطع
دفء الود منك نحتمي به في الليالي الباردات
داخل هذا الوطن المتقلب المناخ


خالص مودتي

إسماعيل حميم

ياسلام..
تعرفي يا منى في ناس كتار من قبيلة (الموداب) ما شافوا المساحة دي والا لتزاحموا عليك بالأكتاف والأقلام ، سأناديهم ، ولاّ أقول ليك ، بجوا براهم ناس شيقوق وفاروق وأبوبكر وهميم وغيرهم ليكملوا الكوكبة أعلاه .. الناس اللي كتبوا قبلي فوق ديل كلهم ناس موده وأنا شاهد. ما (فاشون) يا عماد.
لك سلامي.

عـزيزتي منـــى

وأنت المودة في اسمى معانيها . لك ودي . وســلام .

عمده أخوي واخو محمد ومصطفي..




في ايه غير الموده ممكن يملا اوقاتنا ارتياح وقناعة?
نتصبر بالإيمان وبالمودة التي لا تعرف لها سقف غير سقف الصدق..

محمد المرتضى حامد


كل القلتهم ديل وأكتر ناس مودة أصيلة ومحبة جميلة..
غـدا يعلن أهل المودة لمن يهووهم مودتهم..
مودة ظهرت او كانت موجودة وزادت..لا يهم..فالعيد استثناء..
ورود حمراء..
وصناديق شـوكلاتة..
وعزومة عشاء ..
واعلان لحب تطول ايامه وتقوي مودته..



لك ولشريكتك ولكل الموجـودين هنا وهناك..عيد حب سعيد

وياسماعين... طلتك والله علي ما أقول شهيد ..تأتي بودعاة وفرحة ونقاء..
أنت أخي الذي أحب من كل قلبي..
لك ولهم حنان ومودة الأخت ...ومشاكستها أيضا..

فالنتمسك بمودتنا فبها يحياالأمل..

المودة اسبق ام التفاهم?
قالت ...
أحلم بمودة بيننا تغنيني عن شرح مواقفي..
وتغنيك عن شرحها..كأن عقلنا واحد وأفكارنا واحدة
فتفهم اعتذاري دون ان اقوله..واعذرك انا حين لا تقوله
هي المودة التي تقربنا وتقوينا وتطمئننا..



كل مودتي دكتور محمد الحسن

ويا أختي حبيبتي بنت أمي وأبي..
هي مودة ابي وامي..تعلقنا بها واصرينا عليها بينا بعـد ان رضعناها من ثدي أمي..
هي دنيا طـفولة في منزل واحد..اجتمعنا فيه صباحا علي صينية العصير والشاي
وعلي مصروفي ومصروفك.. وذهاب للمدرسة ثم رجـوع منها واجتماع علي الغداء..
مودة فيها ذكريات ايام جميلة.. اجتمعنا بحبنا وترابطنا كلنا فيها.. ومحمـد يدعي فيها الهدوء
ويكيد المقالب ...ومقالب منك تحيل رقادنا صراخا مرعوبا..
و........

مودة تجمنا الي ان نرحل من هذه الدنيا بإذن الله....

والله وحدة يعلم مدى مودتي لك .... وللكل ..

وموده بيضاء وورديه كما هو أمل الحياه لك أخي وليد..

ويانعومي ياطيبة الأخلاق هاتوحشينا في اجازتك...

طـعم ليالي الخرطوم ورحلاتنا ولقاءاتنا يسكن الروح ويحلم بمستقبل قريب..
مودتنا هنا وفي الخرطـوم وعبر الأثير كلها جميلة وصادقة ودائمة بإذن الله

اختي مني
لك المودة مادمت ودودة ترعي المودة واهل الود

Quote: لك المودة مادمت ودودة ترعي المودة واهل الود

ومثل الزرعة الصغيرة في التربة الخصبة تكبر الموده ..
بادلني الموده بل ابتدرني بها فهذا أجمل وأعظم ..

شـكرا مهلب..المودة نعمة نتمني ان لا تزول

عليكم الله عاينو الحمامة دي ووقفتها علي الحافة كيف..
وبعدين عاينو لنظرتها ماشية بعيد كيف..مش بالله زي الشكلها عايزة تمشي في الغيب?
تنتحر يعني!

لكن ماتخافوا مابتقدر تعمل كده..لأنه اول ماتصل بمشاعرها ونظرتها للدرجة دي
وتسلم نفسها لكده..جناحاتها هاتنشلها وتطير بيها وفي لحظة تتغير مشاعرها ومعاها
نظرتها!

انا قايلها فاشن شو جيت توش لقيتها احلي "مودة شو "

ومافي أطيب من مودة صـديق ينصح ويساعـد ويسعد الآخرين..
يعطيهم وقته ويشجعهم..
جميلة للغاية هي مودتك يا ابو بكر



أوعي زول يشيل منك الخروف الكتوموتو ده ويذبحه

ست الدار و ضيوفها الكرام لكم ألف مليون تحية ‘‘‘‘

ود المرتضى قال:

Quote: ياسلام.. تعرفي يا منى في ناس كتار من قبيلة (الموداب) ما شافوا المساحة دي والا لتزاحموا عليك بالأكتاف والأقلام ، سأناديهم ، ولاّ أقول ليك ، بجوا براهم ناس شيقوق وفاروق وأبوبكر وهميم وغيرهم ليكملوا الكوكبة أعلاه .. الناس اللي كتبوا قبلي فوق ديل كلهم ناس موده وأنا شاهد. ما (فاشون) يا عماد. لك سلامي.

كنت فاكر إنه الناس عارفة نسبى وحسبى !!!!!
بس كيف ود المرتضى نسى أستاذ شكرى من القائمة ،،،،



لود المرتضى:أعرب ما تحته خط

لكم خاااالص مودتى و كثيرهااااااا



ش

Quote: كنت فاكر إنه الناس عارفة نسبى وحسبى !!!!! بس كيف ود المرتضى نسى أستاذ شكرى من القائمة ،،،،

ووجودك في وسط المودة ينعش القلب..

الحياة قصيرة..احينا شـديدة المرارة بأحداثها..
نستعد لهذه اللحظات وننتصر علي سلبياتها بالموده..



النيل يجمعنا في موده...

Quote: بس كيف ود المرتضى نسى أستاذ شكرى من القائمة ،،،،

بالانابة ("نيابة" بتخوفني ) عن ود المرتضي وبالاصالة عن ودشيقوق والمحرب واحمد ابوحريرة وكل العراريب ( ما بقيت تابع ليهم .. اتخيل رطاني عراريب ) والفارووق وملكة الدوبيت وام احمد ونورالهادي العمتو بتخليني اعرف بكانو واخوات بت الخليفةوصاحباتن ونصار وصاحب المعلقات مصطفي محمود وسعدالدين وحميم والشايقي وعادل وابوالحسين وانور والنصراني حطب النار والمهلب وكافة اهل البلاد من نمولي الي حلفا ( ياريت لو في الخمسينات والستينات حكاية من نمولي لحلفا دي كانت موجودة اهو الواحد كان قاعد في بيتو بدل السمك البيعمل فيهو مؤتمرات كما هو الحال الان ) فانني اؤكد ان الاستاذ شكري في القائمة بس لانو بيكتب اسمو ثلاثي كتير كدة وكل مقطع اكتر من خمس احرف فلقد كتب علي الصفحة التانية ( اقلب الصفحة) ....
وله "مودتي"

والوردبيجيب الود يا أبو بكر

مودة بلا حـدود...


مني
.............
منى مودة بلا حدود
وحدود المودة منى
في زمن المودة منى
..............
أبو بكر بركة البقيت طيب
درزن مودة
إخلع نعليك ... إنك بوادي المودة منى




نورالهادي

في الشقاوة والعفرته موده ظاهرة..
مشاركة الفرح موده..
الضحك موده..

أجمل حيوان سـاعة لعبه القط...
شـوفها بتلعب كيف.. وبوبي بيتمني يلعب زيها!

Quote: إخلع نعليك

ات يا نور عرفت كيف انو انا بمشي حافي ؟ انا بيني وبين النعال قطيعة ؟

اها قدرنا علي انفلونزا الطيور نسوي شنو مع كميان المودة دي ....

سيدتي

لك منا مودة بلا حدود


؛..آمنة باقراب؛..

شكري ماطوس كيفك ياخ..

Quote: كنت فاكر إنه الناس عارفة نسبى وحسبى !!!!! بس كيف ود المرتضى نسى أستاذ شكرى من القائمة ،،،،

تعرف يا حبيب سالفة الحسيب النسيب دي ماعندها علاقة بالموده القاصداها أختك منى لكن رغم ذلك انت استعجلت وما قريت كلامي كويس وشان ما تتعب هاك ليهو تاني:

Quote: ناس شيقوق وفاروق وأبوبكر وهميم وغيرهم

تعرف (غيرهم) دي أنا مدخرها لحبايب كتار في البورد ده انت عارفم.

للمسالمه سلام.

ضوء يتخلل مياسم الوردة
مودة
زهرة تفتح اكمامها للربيع
مودة
عصفور يغردلنا على غصن لدن
مودة
منى ترسم لنا فجر الأمل
مودة
افشوا المودة بينكم
لنهزم المستحيل
مودتي

أيقظتني المودة ورائحة زهورها تأتي بإحساس طازج..
الحياة تستحق أن تعاش..فهي نعمة
الصداقة نعمة..العشرة الطيبه نعمة..

الربيع قرب بزهوره..
ومن كل زهره اهديك واحده السني عوض خوجلي

Quote: تعرف (غيرهم) دي أنا مدخرها لحبايب كتار في البورد ده انت عارفم. للمسالمه سلام.

محمد المرتضي..
الصباح الليلة جميل..
استلمت فيه رساله من شخص لأول مره..
فيها كلمات عميقة تفو منها رائحة نبيلة ..
لامست أحرفها كل جنبات قلبي وملأتني با وإيمانا..
بأن الموده هي الأبقي ..



مرحبا بها وهي تأتي بالحياه لمن يودها

Quote: سيدتي لك منا مودة بلا حدود ؛..آمنة باقراب؛..

الورد يشعر بالإنسان البيحبة ويحس بجماله..النباتات عامه تشـعر..
خـلق الله الموده عنـد الانسان والنبات والحيوان..
أجمل موده يا آمنه.. هي التي تنبت من وفي أرض خصبة..ترتوي بنفس الماء وتكبر تحت نفس
الشمس..والحمـدلله بيننا رغم المرارات المفروضة علينا.. توجـد بيننا تلك القواسم المشتركة..

مرحب بمودتنا..

Mona.....lisa

بت عمتي مني خوجلي

انا طبعا جيت جارى افتكرت مـودة اسم جديد طل علي الاسرة لكن لقيت

كـميات مـودة

فلكي مودتي واحترامي

الغريبة نحن أهل الفرحة ...

لكن برضو ...جيييييييييينا



(انا زى عماد قايلاها فاشون) ...

لكن المودة ما بناباها ......

إلى الروح التي عانقت روحي مودة
إلى القلب الذي سكب أسراره في قلبي رحمة
إلى حبيبتي الغالية 00000


صدى صوتي من صميم فؤادها 000000
وخواطري انسابت على أوراقها 0000
كان الحديث خواطري وكان المداد 00 مدادها !!!
وحنين الشوق أدمع للعيون سوادها 000
فكأنما عادت لنفسي روحها 000 ومزاجها
فهل يا ترى لي في الحياة نصيب حين دخلت طارقا أبوابها00 ؟؟


كانت إجابتها كالحلم يرتجل النوايا ويمنح الشعور نشوة البوح الصريح !!!!
فكأن قلبي وقلبها جناحان توحدا في الحب ليس يعيق وسعهما المدى 00
يتجاذبان المستحيل بموعد آن على حلم قد يطالعنا غدا 00
فأنا 00 وأنت مشيئة أزلية لا يبددها نفاق أو يشتتها الصدى
ومثلما يسمو الضياء تألقا ، إنداح الصمت حديثا رطبا يفصح عن مكنونات هي في الفؤاد دفينة ، ولعل الطمأنينة والسكون هي كل ما يحتاجه القلب الجريح 000
كان جلوسنا في تباريح المغيب بصحبة النجم والليل البهيم وزخات مطر منهمر بدا طروبا ومحتفلا بنا ، وإن اختلفنا بمن يحتفي المطر ؟

أختي العزيزة منى

المودة قيمة ومضمون ومعنى ويكفي أنها وردت في القرأن الكريم لتصف علاقة الزواج

لك وللجميع مودتي ،،

Quote: صدى صوتي من صميم فؤادها 000000 وخواطري انسابت على أوراقها 0000 كان الحديث خواطري وكان المداد 00 مدادها !!! وحنين الشوق أدمع للعيون سوادها 000 فكأنما عادت لنفسي روحها 000 ومزاجها فهل يا ترى لي في الحياة نصيب حين دخلت طارقا أبوابها00 ؟؟

ولك في الحياة كل نصيبها...

Quote: الغريبة نحن أهل الفرحة ... لكن المودة ما بناباها

ويا طـمطم انتي الفرحة البتخلق الموده..
بس بتغيبي مننا كتير..ليه كده?

معليش.طـمطم غيرت الصـورة..
كل الحب والمودة لك..

عبد المنعم ود دمي..

لما تمر الأيام وانت في الغربة..
بتتذكر الأهل والأحباب والجيران..
وتشتاق لأيام زمان..
لكن ايام زمان مابترجع.. بس احنا بنقدر نخلق ايام جميلة تانية..
نحب لبعض البنحبه لنفسنا..
ومانظلم ابدا زول..
'يابخت من نام مظلوم وما ظلم'
حقنا ناخده بس بدون ظلم..

اتعلمنا القرب من اهلنا الطيبين

ازيك يا أمبده..
ضحكت كتير لما شفت اسمك..لأنك شـبه غايب عن البورد..
لازم تجي أكتر علشان نقرب من بعض أكتر..



الحياة يا أمبده قصيرة ومليانه بلاوي زي ماهي مليانه حاجات حلوه ..
بالموده والكلمة الطيبة ...كل شـئ بيكون احلي

الحبيبة منو

اتلخبط شوية ذي عماد عبدالله

بلهجتنا وكمان مع ناسنا بي جاي زادو الطين بله


قلت ياربي مو ... ده


يعني ما دة قلت كان ما دة

ياربي منو ؟؟؟؟


لك قواسيب مودتي ( ابو الحسين )

ما عارفة حاسة كلمة قواسيب دي عميقة كدة

المهم اعمق مودة ليك منو الحبيبة ،،،


عميق مودتي ،،،،،

كلما اشتقت للإنسان والحياة..أتيت لكم
أعرفك ياخلودتي منذ زمن طـويل لا يقاس بزمن الأرقام..
أعرفك من عاطفتك وبساطة مشاعرك..
أسعـد بمودتك القافزة في لطافة من بين السطور وأسعد بها..
ماذا نكون نحن بدون موده?
ماذا يكون الإنسان ذوالقلب الخال منها?



نحمـد الله الذي ذرعها في نفوسنا..ومكننا من تبادلها..

عزيزتنا مني

المودة في القلوب

وهي بت عم المحنة و شقيقة الحب

ابوهم النقاء و امهم الطهر

سكنهم المدينة الفاضله

اتمني من كل قلبي ان يسكنها كل مننا

ويتصادق ويتصاهر ويتجاور قاطنيها


مليون مودة و كل الود



معتصم العربي

Quote: عزيزتنا مني المودة في القلوب وهي بت عم المحنة و شقيقة الحب ابوهم النقاء و امهم الطهر سكنهم المدينة الفاضله اتمني من كل قلبي ان يسكنها كل مننا ويتصادق ويتصاهر ويتجاور قاطنيها مليون مودة و كل الود معتصم العربي

ولك معتصـم موده تفرح وتملأ فضاء أيامك كلها

أختي منى

مودتي

وهل هناك أعظم من أن يكون مشتقا منها إسم المولى (الودود)

أو الوصية في الأثر النبوي القائلة (تزوجوا الودود الولود)

مع خالص مودتي لك ولكل ساكني البورد

برضو اسأل عن قلوبنا
تلقى فيها كنوز محبة
وتلقى فيها كنوز حنان
وتلقى فيها الريدة فاردة
جناحها تشتاق للربيع

وبالمودة البينا بعمق الصلات... زمان كنا بنشيل الود وندي الود وفي عينينا كان يكبر حنان...شفتي يا منى غنانا دا مليان مودة كيف ..

ونحن السعادة احبابها
والجنة الليها نتشابه
باكر ندق على بابها


مودتى يا المنى

Quote: بالانابة ("نيابة" بتخوفني ) عن ود المرتضي وبالاصالة عن ودشيقوق والمحرب واحمد ابوحريرة وكل العراريب ( ما بقيت تابع ليهم .. اتخيل رطاني عراريب ) والفارووق وملكة الدوبيت وام احمد ونورالهادي العمتو بتخليني اعرف بكانو واخوات بت الخليفةوصاحباتن ونصار وصاحب المعلقات مصطفي محمود وسعدالدين وحميم والشايقي وعادل وابوالحسين وانور والنصراني حطب النار والمهلب وكافة اهل البلاد من نمولي الي حلفا ( ياريت لو في الخمسينات والستينات حكاية من نمولي لحلفا دي كانت موجودة اهو الواحد كان قاعد في بيتو بدل السمك البيعمل فيهو مؤتمرات كما هو الحال الان ) فانني اؤكد ان الاستاذ شكري في القائمة بس لانو بيكتب اسمو ثلاثي كتير كدة وكل مقطع اكتر من خمس احرف فلقد كتب علي الصفحة التانية ( اقلب الصفحة) .... وله "مودتي"

منى خوجلي - عليك الله تذكريهو ميلاد حنا ومولانا عادل سمير اللوم بيجي بالغفلات .

منى

مودتي الدائمة


لسان حال المودة يقول :

Quote: أجبرتني الحياة أن أفارق من أحب... وعلمتني الأصاله أن لا أنسى من أفارق ...

دمت

الأخت مني

تحياتي

بالمعزة بالهوي العشناه

ماعايز اقول 5 سنين

التحية للشاعر الفحل الأستاذ حسين بازرعة =

Quote: بالمعزة بالهوي العشناه ماعايز اقول 5 سنين التحية للشاعر الفحل الأستاذ حسين بازرعة

ولك أيضا ياهاشم فمودتك تحاول ان تصل الجميع

أنا أحتفظ لك بقدر عظيم من الموده اخي أبوجهينه..
بعض من ذلك يرجع لكتاباتك عن المرأة..انت دائما في حـالة سبر غور
المواقف التي قـد تضيع المرأة دون حق..كذلك العلاقة بين المرأة والرجل
وتعقـداتها.. أحب نقاشك لتلك المواضيع..




وفوق كل ذلك لمودتك مع الكل..

Quote: مودتى يا المنى

إنت جيت طبعامن السودان يالطيب شيقوق غرقان ومليان بالموده..
وهو في أجمل من مودة الجيران وخاصة في العصريات?
وقهوه وشاي ولقيمات وتمر?
وعمك وأبوك يرفعوا رجلينهم في العناقريب بعـد مالدنيا ليلت وصلوا المغرب والعشا?

Quote: وبالمودة البينا بعمق الصلات... زمان كنا بنشيل الود وندي الود وفي عينينا كان يكبر حنان...شفتي يا منى غنانا دا مليان مودة كيف ..

مودة جبيبتي Noon3 لا بد من أن نحييها في النفوس..
ونزيدها ان كانت هناك..
ماذا يضير في اظهار الرحمة لمن يحتاجها?
في مشاركة صادقة بالإحساس والفعل..
والكلمة الطيبة?

Quote: أختي منى مودتي وهل هناك أعظم من أن يكون مشتقا منها إسم المولى (الودود) أو الوصية في الأثر النبوي القائلة (تزوجوا الودود الولود) مع خالص مودتي لك ولكل ساكني البورد

ألمودة تراها في تناغم ألوان الزهور...
في فرع الشجر الكبير ونمو فروع أخري منه..
في شقاوة الحيوانات الصغيرة ولعبها..
في شـروق الشمس.وضوءها السعيد..
في سفر الطيور الجماعي...
أنظر حولك وفي قلبك تجـدها تغمرك بالإرتياح والرضاء...
شـوف انت كلمة أخـتي القلتها لي دي جميلة كيف?
ملتني طيبة وإطمئنان ..


دمت أخوي كمال ودامت الوده والمحبة بيننا

.
..
..
مودة
.
..
...

Quote: . .. .. مودة . .. ...

اسمك بس.. بيجيب احساس حنين

الراحمابي..

زي موج البحرالهادي الدافعاه النسمات قدامها

رحلت في عينيك

ما عدت

وكانت بيننا قصص من الوله المعتق والجوى

شبق الى حرف توارى وانزوى

عصفورة حملت رؤانا

حلقت بين البيادر

رافقت غيم الهوى

رفقا فؤادي

فأنا رقيق الحال

معتل بعشق مزمن

لا ارتجى الا الدوا

شكرا محمدالحسن علي مودتك

Quote: رحلت في عينيك ما عدت وكانت بيننا قصص من الوله المعتق والجوى شبق الى حرف توارى وانزوى عصفورة حملت رؤانا حلقت بين البيادر رافقت غيم الهوى رفقا فؤادي فأنا رقيق الحال معتل بعشق مزمن لا ارتجى الا الدوا

وقالت له ..
هي وصيتي لك ..
الموده..
فكر بها كما شئت..
نام علي حروفها في كل وقت..

ثم

تبناها كما تتمناها..
وستجـدها دائما لك..

مررت على المودة وهي تبكي

مودة
ومعزة
ومني
ومنال
وكل اشكال الفرح كمان
ديل كلهن بناتي يا بت خوجلي
النبي ديل براهن من بدخلن الجنة!!!!

قلبي

اتعود ودادك

وين الاقي سواك

وداد

ما أجملكم

حين

تصفون

وما أنبلكم

حين تحبون

وما أطول حزنكم

حين تحزنون

وما أكرمكم

حين تسخون

كيماءكم عجيبة

وطينتكم ملائكية

خيط ( حنون)

تعثرت خطاي بكلمة (مودة)

فوجدت مايحدث بينكم هناهو (حب)

أحبكم

نغمض العين خوفاوتحاشيا لما هو غير جميل..
ونتحسس الطريق في الظلام حتي نصل للنور..



وينك أحمد العربي يا سيد المودة?

Quote: ما أجملكم حين تصفون وما أنبلكم حين تحبون وما أطول حزنكم حين تحزنون وما أكرمكم حين تسخون كيماءكم عجيبة وطينتكم ملائكية خيط ( حنون) تعثرت خطاي بكلمة (مودة) فوجدت مايحدث بينكم هناهو (حب) أحبكم

نحتاج لأن نؤكد لبعضنا حبنا واعزازنا..
بإظهار مودتنا..
ونحن أيضا نحبك..

Quote: قلبي اتعود ودادك وين الاقي سواك وداد

خلي..

شاطر بس تشاكل شاهين السنة لفاتت علشان فتح بوست العيد ميلاد قبالك وحرق ليك فكرتك?
أها السنة دي كل سنة وانتي طيبة ذاتها ماقلتها?

لكن برضه مودتي ليك كبية ودايمة بإذن الله

حبيب نورة وحبيبنا..



وضعت رأسها في حضن أمها..
فقلدتها الثانية والثالثة..
وعند ساقيها تكور جسد الرابعة..
كان جسدهاينبض حنانا وموده ..

تبكي لغيابها من قلوب العديدين..
وتطمع ان تكون متربعة في قلوبالجميع..
هي دائما هكذا الموده..



تحب السكنه الدائمة ..

مودتي

سبأ يا ملكة الموده..



دمتي ملكه دائما..

Quote: لكل أهل المودة .. مودة بلا حـدود...

منوية حبيبتي...سلام





مع مودتي

سحر

عيد حب سـعيد لكم جميعا..




وكل حبي ومودتي

نحييك ما بتحيينا - كبسولة مودة

ونفرش رمل السكة ورود وازاهر
ونحلم انك يوم حتجينا
ولما تغيب يا غالي بنسال
ولو اتجاهلت اكيد ما بنزعل
لانك مننا
فينا
وبيك تهل الفرحة علينا
ولما تغيبي بتبقى اماني
الكون رؤياك
وبيك بتبقى النسمة حنينة
ولما نحي
وليك نسلم
عشان جوانا يزغرد
ومرة يغرد بي تحنانك
جاي يداعب ضي عينينا
وتبقى الدنيا حبور وسرور
وبهجة تناغم في اماسينا
وريدة زول من قلبه نقية
ما طمعان
الامودة
ليها نمد الروح ونسلم فيها
بايدينا

سحوره الخملوقة من الموده..
حديثك مهذب..
وصوتك رقيق ينساب لمن يتحدث معك بموده..



سلامي لماما وباقي الأسره حبيبتي

ولك أيضا محمد عثمان محمد طه..

موده ناعمه كالحرير.. صافيه كبسمة الطفل

منى ..وجميع اهل المودة ضيوف المودة اعضاء وقراء كلكم بدون فرز
كل عام وانتم بخير ومحبه دائمه تجمع بينكم وبين من تحبون

مني خوجلي الحبيبة الودودة...

Quote: تعرفي يا منى في ناس كتار من قبيلة (الموداب) ما شافوا المساحة دي والا لتزاحموا عليك بالأكتاف والأقلام

والله يا دوب شفتها وانا مودابية جدا جدا...مع انه ود حامد ما جاب سيرتي..

مشتاقة ليكم شديد وما عارفه ابدا من وين وانتهي وين...

لكم جميعا مودتي...

أهلا ماجـده...
طولتي الغياب مننا ومن الموده...
لكي مودة القلب وقوة سريان الدم في عروقك وعروقي..

مودة


نورالهادي

العزيزة منى خوجلي
لقد أتحفتينا بتواجدك دائما
وبمودتك التي تسقى أرضنا اليباب
المتعطشة لكل كلمة مودة ، كلمة حلوة
ما بتكلفنا غير ننطق بيها ونفرح بيها
ونكبر بيها ونسعد بيها ونقرب لبعض بيها

وجدت هذه القصيدة والتي أتمنى أن تؤدي المعنى

لمحتك مره فى حفله وبيك الحفله محتفله
شغلتى قليبى بعيونك وهن يادوب عيون طفله
***
لمن قمتى تتهادي كأنك ظبية فى وادى
شفقت عليك من النظرات وراك ياحلوه بتنادي
وخفت ضفايرك الشاردات يمسن خدك النادى
وانتى تكونى فى غفله
***
ملكتى الحفله بيك انتى بقت حفلتنا منبهره
بنات الحفلة يتمنن معاك لو يلقو بس نظره
سألت عليكى كل الناس لقيتها معايا منتظره
وعيونك انت منشغله
***
اتاري الناس معاي رادوك تملي يهاتو بيك حبوك
اريت ياحلوه ماشافوك واريتها عيونى لو دسوك
عشان ياالسمحه لو عرفوك سكنتى حشايا كان صدوك
وما كان تمت الحفلة
شعر:صالح فرح صالح / العين


أخوك منزول

أخي منزول..

اسعدني كثيرا ودك.. فاستسلمت لأحلامي التي كانت حقيقه في زمن سابق...

جريت معك ومعهم علي شاطيء النيل..ثم لعبنا بالرمال وبالأمواج..
وصلت ضحكاتنا لمجموعات هناك..
جروا ناحيتنا ووقفوا يرمقوننا وفي العيون رغبه بالمشاركه..جذبناهم من أياديهم دعوة لهم للمشاركه..فالفرح كبير كالقلب و وعمق الانسانيه..
واصلنا الجري والوقوع وسط الأمواج الفرحانه ...ثم تسابقنا وعلي الشفاه ابتسامات تعكس
ما بالروح من سعادة..



شكرا منزول علي وجودك ورحلتنا في الوطن كم اتمني أن تتحقق!

لك وللشاعر صا لح فرح صالح موده بلا حدود

صباح باكر جدا ...شميت ريحة جميلة .. قبلت هنا وهناك مافي الا كتب كتيرة وكمبيوترات ورفوف .. ما شايف زهور ولا ورود .اها قت ادخل هنا ولقيت زهور وورود اشكال الوان وناس حلويين

لكم مودتي اسعدتم صباحي
ابوبكر

الودوده مني
لك الموده
وكل الود

الأخت العزيزة مني

this is a lovely post
Thanks for spreading a kind air ... all the time

محبتي
ومودتي أيضا
لك وزوارك

سلام
إيمان

لك المودة وكل الامنيات

منى !!!

يا بحر المودة وكتين يفيض ...

كله عام وإنت الحب ... المودة ... الرقة .. الشفافية ...

منى ... نحن جميعا نحبك بلا حدود ...

سلمت يا ست الكل ...

الاخت موده .. لك التحايا والتبريكات ..
وبهذا يكفى بأن أبنتى تحمل نفس المودة لان اسمها مودة .. فلك التحية أيتها المودة من ارض الحرمين الشريفين وأنت تحملين المودة لكل فاقدى المودة .. وكفى

الجمال من المودة

العشق فيه مودة

الريده برضه مودة

والحب جبال مودة

ومودتى لكى ولاهل الامتداد الغاليين مربع (13)

اها بدينا

Quote: محبتي ومودتي أيضا لك وزوارك سلام إيمان

الموده يا ايمان... كلمه من أربعة أحرف..تتوسطها الواو فتجمع ماقبلها ومابعدها من أحرف
فتخلق في قلب قارئها احساسا بالطيبه والنقاء..تصنع عالم بسيط فيه زقزقة عصافير ونسمات هواء وتمايل زرع..

أن تبعناها نصير مثلها وتهذبنا أكثر..
ان تبعناها نصير مثلك..


لك كل الموده

وكل مرة
مودة







نورالهادي

وتاني مودة

ياسلام عليك يانور زايد نور..

الأغنية دي تسمعهامن هنا ومحطات المحنة في حياتك تباغتك وتحتويك من هنا..
محنه واشواق ماضي وحاضر وحلم..امله ان يكرر نفسه ويبنيها من جـديد..
بساطة اشـواق يانور بتاخدني كمان لزمن بعيد ماعاصرته مع أجداد وحبوبات واصواتهم
سكنت جـدران الطين بشوق.. ولم تبرحه حتي اليوم..

ياحليل أهلنا يانور..

معليش غيرت الصورة لأنها كانت اعرض ن البوست وضيعت توازن منظره

اتغزل حين يشع الالق بريقا في عينيك

حين يثور جمالك

يصرخ خجلا احمر في خديك

اتغزل حين

يسيل الشهد كلاما من شفتيك


حين يغازل سمعي همسك

فيذوب القلب هياما بين يديك

لماذا تغيب يادكتور محمد الحسن?


لك كل الموده والمعزه..

كل سنة وإنتي طيبة

الله يانور دمها خفيف خالص..
عليك الله واحده تانية لابسة أزرق وجنبها هلال..ممكن?
عليك الله
عليك الله
عليك الله
عليك الله
عليك الله
عليك الله

سمح
ياخ الله بلا حليفة بكتل

منى كيفكم
أنا دخلت هنا مغمضة عاوزة أقول الأغنية دى
حتى لو كتبوها أو نزلوها قبلى برضو حكتبا
لأنى أول جرة أنتبه لمودة ومنى.. جنس غباء..
يلا يامنى أعزفى لى ترا را را را لا لا لا
أنا فى العيون ببنيلو دارين من مودة ومن منى وبضمو فى قليبى البساطو محبة فياضة وهنا
نظراتو كيفن أوصفا دى الفى عيونى مدونة
بسماتو لو شفتو البروق لمن تشع لحظة سنا
همساتو تحنان القمارى الراجعة للعش والجنا...
خلاص وقفى الموسيقى أنا لمن أتذكر الرجوع والعش والجنا.. بكون عاوزة أبكى
وبتذكر المشردين ...تعالى عاوزة أبكى فى أحضانك.

Quote: خلاص وقفى الموسيقى أنا لمن أتذكر الرجوع والعش والجنا.. بكون عاوزة أبكى وبتذكر المشردين ...تعالى عاوزة أبكى فى أحضانك.

احتضنك لتبكي وأبكي انا معك من جروح القلب..
وفي الأحضان مشاركة مريحة لألم الفؤاد..
حين استدعي من الذاكرة صورة تجمعهم في ذلك الركن.. جايسين في بؤس علي الأرض يقتسمون معاناناتهم بموده.. وكنا نظن ان قسوةالحياة معهم وظلم المسئولين فيها لم تترك لهم مساحة للود والتودد..
يغمرني الأسي!

ذلك القميص الأحمر المبقع والأرجل الحافية لم تمنعه من الضحكة بعد ان جاد عليه أحدهم بلقمة..
رآها هو بسنوات عمره القليله مائدة السماء وفيها كل رحمة..

آآآه حبيبتي من تشرد الصغار ومشوار حياة ينبئ بما هو اشقي!

اقتربت منه ومودتي تسابقني لتعبر عن نفسها..كان يجلس وظهره مسنود علي حائط احد المنازل الضخمة
في شارع المطار..بينما اثني ساقه وألصقهماالي صـدره..تدلت ذرعاه علي جانبيه في يأس يشبه نفس اليأس في نظرات عيونه..

لماذا اختار ذلك المكان للجلوس?

لا يهم..بل يهم ماذا رأيت من حكمة في جلوسه!
مالها الحياة تقسو بمخاليقها هكذا?

سألته في كلمات قليله دامعة..خرجت ضعيفة تنبئ عن ضعفي أنا..
لماذا انت جالس في الشمس?

الم أخبرك بأنها ضعيفة?!!
فرغم مودتها هي ضعيفة!
مالفرق بين الظل والشمس لمشرد يقضي نهاره كله في التسول من عربات تقف أو اشخاص يمرون بالطريق?

لحظات الإسترخاء او اليأس.. تتطلب ان لا يتعود الجسد كثيرا علي ماليس في الإمكان الإلتزام به
مستقبلا!

نظر لي ولم تبرق عيونه المتوقعة لصـدقة..بل رد بصوت دامع خفيض ومنكسر

سـاي!

اخرجت من محفظتي ما ظننته مناسب لكل منا في ذلك الوقت..إقتسمت خيبتي مع نفسي..
وسجلت في اعماقي مودتي.. ولكني عجزت عن تغذية غرورها وقوتها..لأني عجزت مع الآخرين في تحقيقها
لمن ليس لهم حظا..
و....

شفتي الشفافية بتسوق سيدها لي وين
خاصة لمن تكون شفافية زولة ملكة
لكن المودة

كـده كويس يانور ?

أهو ناس الهلال زعلوا مني!

يرضيك كده?

ما ناسيك والله
هو رهق الذاكرة + اشكالات في صحة الكمبيوتر
وقطعا لاتحتمل السماء طول غياب
ملامح الوسامة
هلاله البهي وحمامتة المودة
لا اوعدك ..
ولكن!
يظل الرجاء محل أمر
ولا إحتمال بجانب إلتزام
ولك العتبى

to all those who loves love

and to you muna for always being your self

mustafa



from ustaz nazzar to all of us

>> رسالة حب صغيرة


رسالة حب صغيرة


حبيبتي ، لديَّ شيءٌ كثيرْ.. أقولُهُ ، لديَّ شيءٌ كثيرْ ..
من أينَ ؟ يا غاليتي أَبتدي و كلُّ ما فيكِ.. أميرٌ.. أميرْ
يا أنتِ يا جاعلةً أَحْرُفي ممّا بها شَرَانِقاً للحريرْ
هذي أغانيَّ و هذا أنا يَضُمُّنا هذا الكِتابُ الصغيرْ
غداً .. إذا قَلَّبْتِ أوراقَهُ و اشتاقَ مِصباحٌ و غنّى سرير..
واخْضَوْضَرَتْ من شوقها، أحرفٌ و أوشكتْ فواصلٌ أن تطيرْ
فلا تقولي : يا لهذا الفتى أخْبرَ عَنّي المنحنى و الغديرْ
و اللّوزَ .. و التوليبَ حتى أنا تسيرُ بِيَ الدنيا إذا ما أسيرْ
و قالَ ما قالَ فلا نجمةٌ إلاّ عليها مِنْ عَبيري عَبيرْ
غداً .. يراني الناسُ في شِعْرِهِ فَمَاً نَبيذِيّاً، و شَعْراً قَصيرْ
دعي حَكايا الناسِ.. لَنْ تُصْبِحِي كَبيرَةً .. إلاّ بِحُبِّي الكَبيرْ
ماذا تصيرُ الأرضُ لو لم نكنْ لو لَمْ تكنْ عَيناكِ... ماذا تصيرْ

هي لك دكتور مصطفي..
تأكيدا علي استمرار الموده ونموها..

ياسلام يانور..
دقيقة امشي لمحمد مختار وتا السر وأجي..سمح?

شفافيه مفرطة ورقي ما ليهوا آخر ، جدول مشاعر يتدفق ويا بخت المصب

Quote: شفافيه مفرطة ورقي ما ليهوا آخر ، جدول مشاعر يتدفق ويا بخت المصب

طارت لمسافة قليله ثم وقفت علي طرف الرصيف..ظننتها تتعلم الطيران فتطير قليلا وترتاح قليلا..
نظرت ليمين الشارع وكأنها تود عبوره بحرص..ربما ك-انت تريد فعلا أن تفعل ذلك..لا ادري
لكنها قررت فجأه أن تغير من وقفتها ومكانها.. فاستدارت ثم سارت قلبلا..ثم استدارت مرة أخري
وطارت!



شكرا شوقي سليمان علي كلماتك الرقيقه وعلي مشاركتنا حب الموده ..

ولا يفوتني ركب المودة وحاملة لواءها
تساب مودتي لكم أجمعين

هميم والحنين..
هو أصله عرس ولا ضياع؟
ولا شنو قصتك كده حارمنا من وجودك معانا؟
مش انت عارفنا كل يوم بنتلما كلنا مع بعض في البيت الكبير ده؟
ومش عارف انه الغياب من الأسره بدون سبب قسوة؟
ومش عارف انه مودتنا محتاجه رعايه؟
كان ما مصدقني أسأل الناس دي كلها..
وأنا أمكم وأختكم..أسمعوا كلامي ..الموده مافي زيها لينا كلنا الا من أبي وأستكبر..

أخليك ..وأشوفك ياعزيز بتفضي وقت شويه لأسرتنا هنا ولا لأ..

http://www.marinamool.com/pic/up/17601824720070408.jpg
مع كتيييييير الموده..

تحميل الصور في سودانيزأونلاين ماشغال معليش

صباح الود

زمان كنا بنشيل الود وندي الود
وفي عينينا كان يكبر حنانا زاد وفات الحد

(يقاللا انو وردي كان في منطقة حلفا لاداء حفل غنائ فقال ليهم الليلة حاغني ليكم اغنية جديدة ، لو بهمسة)
نط واحد من المعجبين الرطانة وقال ليه

لو بهمسة لو بستة كله منك هلو يا استاذ
يا منى لو بهمسة قول احبك
لو ببسمة
قول احبك
لو بتحلم في منامك قول احبك
لو ترسل لي سلامك قول احبك
وللجميع
احبكم

Quote: زمان كنا بنشيل الود وندي الود وفي عينينا كان يكبر حنانا زاد وفات الحد

آآآآآآآآآآآآآآآآآآآآآآآآآآه

ود شيقوق الطيب..
يعني اسم علي مسمي ..
وتبقي الموده بينا رابط اتمني أن يستمر طوال حياتنا..

لك الفل والياسمين..

صباح الود

Quote: زمان كنا بنشيل الود وندي الود وفي عينينا كان يكبر حنانا زاد وفات الحد (يقاللا انو وردي كان في منطقة حلفا لاداء حفل غنائ فقال ليهم الليلة حاغني ليكم اغنية جديدة ، لو بهمسة) نط واحد من المعجبين الرطانة وقال ليه لو بهمسة لو بستة كله منك هلو يا استاذ يا منى لو بهمسة قول احبك لو ببسمة قول احبك لو بتحلم في منامك قول احبك لو ترسل لي سلامك قول احبك وللجميع احبكم

ضاعت مني الصور الرسم وتبقت الكلمات الرسم..
الوداع لكلماتنا هنا عن الموده..
ومرحب بها في مكان آخر..
مرحب بها نعشها ونغذيها..
فعلينا وداع هذا البوست وتأكيد معانيه في كل مكان آخر..
ونطلب منك يادكتور محمد حسن ان تبقي م الموده وهاديا لها..

وقد خلا المكان
عدا فراشات اللون وصوت الرياح
وضوءالقمر
تخلقت كيف تشاء
غافلتني واستطالت
سدت الدروب بعطرها
احتبست الندي
صاهرت الموج سرا
تعقب الصفصاف ظلها
وأعشوشب النهر

شدت وتر الموج المجاور
استحال المد جزرا
تحوقلت النوارس بيني بينها

إصطف سرب البجع والسمندلات
جندلتني طوع أمري
وخيولها التتار
تستبيح قافيتي
وتعلنني قتيل
نورالهادي

Quote: وقد خلا المكان عدا فراشات اللون وصوت الرياح وضوءالقمر تخلقت كيف تشاء غافلتني واستطالت سدت الدروب بعطرها احتبست الندي صاهرت الموج سرا تعقب الصفصاف ظلها وأعشوشب النهر شدت وتر الموج المجاور استحال المد جزرا تحوقلت النوارس بيني بينها إصطف سرب البجع والسمندلات جندلتني طوع أمري وخيولها التتار تستبيح قافيتي وتعلنني قتيل نورالهادي

ولما انت تكون معانا الدنيا..
بتكون فرحانه يا نور..بيك يانور نحفظ الموده في هذا البوست..
ومعاك تستمر مودتنا في أمكنه أخري لها رائحة الريحان وطعم حنبة القري ..
ووسع قلوب أهلها

شكرا لكل من شاركنا الموده في هذا البوست..
وبهذا نكون علي أتم الأستعداد للأرشفه..
لك ورد الربيع كله يانور..

فليكن للمودة صوت ورائحة
نور