Post: #1
Title: ود وبت الجيران..
Author: Muna Khugali
Date: 02-27-2007, 10:44 AM
Parent: #0
ود وبت الجيران!
.......
.......
نحجز بس الأول في السبق
|
Post: #2
Title: Re: ود وبت الجيران..
Author: حيدر حسن ميرغني
Date: 02-27-2007, 10:49 AM
Parent: #1
حصل ليهم شنو يا منى
|
Post: #3
Title: Re: ود وبت الجيران..
Author: Muna Khugali
Date: 02-27-2007, 11:02 AM
Parent: #2
شـوف يا حيدر حسن انت لازم تعرف وتعرفنا كمان قصة بت الجيران وكان صعب ..
اتبع النصائح ادناه..
بس دقيقة أوريك الموضـوع بدأ وقريته قبل دقيقتين..
وبدون تروي.. علشان كحلتي ماتتسرق من عيني علي الرغم من توفر الكحل للجميع..
فأنا جيت جري أكتب ..اقصـد أحجز...
وياعبداللطيف بكري واخواني وأخـواتي تعالو سـريع..
فضفضـوا هناان شاءالله حتي ولو بالدس.. ولا بأسماء وهمية يعني لو اتزنقتوا..
تقولو في زول سرق الباس وورد بتاعتي كمثال..
|
Post: #4
Title: Re: ود وبت الجيران..
Author: Tabaldina
Date: 02-27-2007, 11:08 AM
Parent: #1
..
.
مالهم !!؟
______________
شوق دراب ؛
|
Post: #5
Title: Re: ود وبت الجيران..
Author: حيدر حسن ميرغني
Date: 02-27-2007, 11:17 AM
Parent: #4
يعني ما زي فضفضة دكين
|
Post: #7
Title: Re: ود وبت الجيران..
Author: Faisal Al Zubeir
Date: 02-27-2007, 11:22 AM
Parent: #5
الزميلة : منى : تحياتي:
بنت الجيران كانت اول حب !
والدليل : محطة التلفزيون الاهلية(ناس العميري والسني )
شفتها في الحيطة وحالا حالا حبيتها
وبهناك ناس السني يرددوا :
بالغت ...بالغت ..بالغت
|
Post: #10
Title: Re: ود وبت الجيران..
Author: Muna Khugali
Date: 02-27-2007, 12:05 PM
Parent: #7
فيصل بطل حركات..
وأحكي لينا بالتفاصيل قصة بت الجيران ..
عديييييل كده..
|
Post: #20
Title: Re: ود وبت الجيران..
Author: Muna Khugali
Date: 02-27-2007, 07:18 PM
Parent: #5
 دقيقه ياحيدر
|
Post: #231
Title: Re: ود وبت الجيران..
Author: Muna Khugali
Date: 03-13-2007, 06:48 PM
Parent: #20
مانسيتكم.. ماتفرحـوا
|
Post: #6
Title: Re: ود وبت الجيران..
Author: Muna Khugali
Date: 02-27-2007, 11:20 AM
Parent: #4
حـلوين شـديد..
وأنا زعلانه جـدا لما فاتني من عمر لم أقضيه في حب ود الجيران..ليه?
انتو قولو وأنا أقول..
أجيب ليكم قصة عبـد اللطيف الظريف?
ونكون كده إعترفنا بسرقتنا للفكرة من كلامه?
دقيقه بس ياتبلدينا..
الشوق درابات عايزين نطقع بيها الماضي!
بوست لذيدذ موش?
انا غايته متكيفة!
|
Post: #8
Title: Re: ود وبت الجيران..
Author: Faisal Al Zubeir
Date: 02-27-2007, 11:25 AM
Parent: #6
اسمعها تجلجل في اذني ، وتوشوش في الفؤاد !
|
Post: #33
Title: Re: ود وبت الجيران..
Author: Muna Khugali
Date: 02-28-2007, 09:41 AM
Parent: #8
فيصل انت خايف من ام اولادك ..موش?
دي اسمها حركات صعبة!
صباحكم خير رفقاء المعاناةالجيرانية الحب كانية
|
Post: #9
Title: Re: ود وبت الجيران..
Author: عبد اللطيف بكري أحمد
Date: 02-27-2007, 11:30 AM
Parent: #1
أم آية ،،
معقول بوستاتك الواحد يلحق يكون فيها الأول؟؟
الناس ديل جو من وين ؟؟ أنا يادوب نطيت الحيطة،،
==
على كل :
أنت الظاهر عليك ناوية تورطينا بإعترافات لأول مرة،،
==
نسمع إحترافات شبيهة وبعدين نفك أخر يدنا،،
|
Post: #14
Title: Re: ود وبت الجيران..
Author: Muna Khugali
Date: 02-27-2007, 01:09 PM
Parent: #9
| Quote: معقول بوستاتك الواحد يلحق يكون فيها الأول؟؟ |
شـوف ياعبداللطيف أخوي..
انا قلت ليكم البورد في سبق..
والشرح لذلك جئنا ببعض منه ونترك لللآخرين الاتيان بالبعض الآخـر..
وذلك من من منطلق ديمقراطي في عدالة توزيع الفرص ...او من منطلق خيبتنا القوية!
الإصرار علي الحفاظ علي مكانك متقدما في السباق في كتابة موضوع... وفي المساهمة في كتابة
موضـوع يتطلب الآتي..
-عنوان ملعلع
-تكون حرامي.. وحرامي الكحله من العين مافي اسرع منه
-ماتنوم خالص..بس تقعد تسك مواضيعك..زيي كده..
واخـد بالك..الإجتهاد مهم..
تابع معانا وهات العندك
|
Post: #11
Title: Re: ود وبت الجيران..
Author: celecon
Date: 02-27-2007, 12:26 PM
Parent: #1
تعبنا خلاص
ادينا القصة النموذج وبعدين نبدأ
_____________
البورداب والشمارات 
|
Post: #13
Title: Re: ود وبت الجيران..
Author: محمد فرح
Date: 02-27-2007, 12:46 PM
Parent: #11
الغاليه منى
موضوعك جميل جداً جداً
أولاً عندما تبلغ الفتاه سن معينه من حياتها أو عندما تصل مرحلة البلوغ في هذه المرحله تكون الفتاه متشوقه للحب خصوصاً وأن الحديث في تلك الفتره والونسه كذلك سواءً كانت في المدرسه أو الحي مع قريناتها لاتدور إلا عن الحب والغرام والهيام زكل هذا الكلام .....
بعد ذلك تبدأ تلك الفتاه في البحث عن أقرب شخص لها في محيطها لتبدأ في حبه مباشره وإن لم تجد شاباً قريباً من سنها أو محيطها مارست حب أي كائن إنشاء الله سيد اللبن البجي بالصباح ...
عن نفسي كنت أحب جارة لنا جميله لدرجة الخيال وعلى فكره كان إسمها منى ولقبتها بالموناليزا لشده جمالها وبهائها .......
ولكن واه من كلمة لكن خجلي الزائد وقتها أفسد كل شيء.
|
Post: #38
Title: Re: ود وبت الجيران..
Author: Muna Khugali
Date: 02-28-2007, 03:25 PM
Parent: #13
عاين يامحمد فرح أخـوي..
انا أول مرة احب كان عمري 5 ولا 6 سنوات..وكنت بحب خالي..
وكلمته بحبي لما جه مرة اداني قروش وحلاوة..وكانت لحظة المكاشفة لما سألني عايزة لما تكبري
تعملي شنو..
قلت ليه عايزه أعرسك .. وجريت اتدسيت!
| Quote: أولاً عندما تبلغ الفتاه سن معينه من حياتها أو عندما تصل مرحلة البلوغ في هذه المرحله تكون الفتاه متشوقه للحب خصوصاً وأن الحديث في تلك الفتره والونسه كذلك سواءً كانت في المدرسه أو الحي مع قريناتها لاتدور إلا عن الحب والغرام والهيام زكل هذا الكلام |
كـدي خليك من الحكي عن حب البنات..أحكي لينا عنك انت ده محمد فرح..
وبعـدين العرفك شنو انت بتفاصيل ونسة البنات عن الحب?
شـوف الناس التحت ديل شجعان كيف?
اعترافات تمام!
قلت شنو?
ماخايفين علشان طـولوا في المؤسسة الزوجية?
بالغت لكن!
|
Post: #36
Title: Re: ود وبت الجيران..
Author: Muna Khugali
Date: 02-28-2007, 12:54 PM
Parent: #11
| Quote: البورداب والشمارات |
أنا والله ماخايفة من حاجة..
انا بعد سنة ولا اتنين ماشية أبقي حبوبة..
واسوق الهبل علي الشيطنه واقول العايزة اقوله..
في زول بيقدر يلوم ليه حبوبه?
طبعا لأ..ولو انه في زول صـديقي كده حكي لي علي الناس البتحب تغلط المرأة حتي لو حبوبة..
قال لي في واحد قال علي واحده كبيرة..
ياخ دي مابتختشي?
سألوه ليه مالها عملت شنو?
ياخ دي لابسة سـاعة!
فيا celecon هات العندك وماتعمل زيهم
|
Post: #45
Title: Re: ود وبت الجيران..
Author: Salah Waspa
Date: 03-01-2007, 06:02 AM
Parent: #36
Quote:
سألوه ليه مالها عملت شنو?
ياخ دي لابسة سـاعة!
والله يا منى ما تقلعي الساعة مااااابحكي التكتح ...!!!!
( وشيش ضاحك )
واسبه
|
Post: #49
Title: Re: ود وبت الجيران..
Author: Muna Khugali
Date: 03-01-2007, 11:02 AM
Parent: #45
| Quote: والله يا منى ما تقلعي الساعة مااااابحكي التكتح ...!!!! |
سـاعه ذاتو ماعندي يا صلاح..
أها قلت شنو?
اللهم أجعله خير ياصلاح..
ناس الإعترافات ما ظهروا تاني !
تفتكر حصل ليهم شنو?
ياربي?  
|
Post: #12
Title: Re: ود وبت الجيران..
Author: sourketti
Date: 02-27-2007, 12:33 PM
Parent: #1
دى شنو الطلاسم دى خشو لينا فى الموضوع خلونا نفهم ....ماتعقدونا نحنا فهمنا بقى تقيييييييييل
لكم الود واحر التحايا
سوركتى
|
Post: #15
Title: Re: ود وبت الجيران..
Author: هاشم أحمد خلف الله
Date: 02-27-2007, 01:42 PM
Parent: #12
بت الجيران عديل كده يا مني خوجلي , انتي عايزة ليلنا يبقي نهار
ونقعد نتلعثم في الكلام ونقول والله ده كان زمان وحتي هي ذاتها بتشبه
الحصان , ونعيد ونلوك في الكلام , لأ يا أختي اخير لينا ستر الحال
والمحبة البينا بعدين تبقي في خبر كان ........
العبي غيرها يا بت خوجلي شكلك كده عايزة ترمي ناس كتار في الخور ؟؟؟
فكرة جميلة ورائعة من إنسانة اكن لها كل التقدير والمحبة .
|
Post: #43
Title: Re: ود وبت الجيران..
Author: Muna Khugali
Date: 03-01-2007, 00:00 AM
Parent: #15
أجيك بكره الصباح هاشم أخـوي..تعال بإعترافاتك ومايهمك
أسـه انا عايزه انوم..
تصبحوا كلكم علي خير وحب..ولو حتي حب بت الجيران دي
|
Post: #47
Title: Re: ود وبت الجيران..
Author: Muna Khugali
Date: 03-01-2007, 07:25 AM
Parent: #15
Quote: ونقعد نتلعثم في الكلام ونقول والله ده كان زمان وحتي هي ذاتها بتشبه
الحصان , ونعيد ونلوك في الكلام , لأ يا أختي اخير لينا ستر الحال
والمحبة البينا بعدين تبقي في خبر كان ........ |
في "زول" قال لي..
أي زول ماعرس حبه بت الجيران..
بقي اسه يشـوفها حصان..
صـحي الكلام ده?
القضية كان أولي ولا أخيرة -الي أن يقضي الله أمرا مفعولا-
فيها أحـلام كتيرة..
سـترة الحال في راحة البال
وراحة البال في الكلام
|
Post: #42
Title: Re: ود وبت الجيران..
Author: Muna Khugali
Date: 02-28-2007, 09:09 PM
Parent: #12
شـوف سـوركتي قال طلاسـم!
ياسـوركتي أخوي الموضوع واضح جـدا..فيها ايه لو حكيت?
عارف أكتر حب مغفور في مجتمعاتنا هو حب ودالعم ..وود الخال وزيهم بالظبط ود الجيران
وأنث انت الجماعة الفاتوا ديل..
خلاص سـمح عندي فكرة اعتراف ومخارجة في نفس الوقت..
تعال بكره بحكايتك بدون ماتذكر اسمك..
كيف?
تقول وصلتني الرسالة دي من زول ماعنده عضـوية وطالب ننشرها ليه..
ونحن بنعمل نفسنا صـدقناك..
مخارجة ظريفة موش??
|
Post: #16
Title: Re: ود وبت الجيران..
Author: Haytham Abdulaziz
Date: 02-27-2007, 03:43 PM
Parent: #1
كيفــك يا أم آيـــة ....
الفكــرة حـلـوة بس صعبـــة التنفيـــذ....
و يا زوار البوست أحكوا و فضفضــــوا .... و هســـع نـــاذر بجي بقـــول ليكـــم:
شنكل :
(حق الجهل ما محسوب .. ما تشيلوا هم) .. و واصـلــوا...
|
Post: #17
Title: Re: ود وبت الجيران..
Author: عادل جبارة
Date: 02-27-2007, 04:40 PM
Parent: #16
| Quote: العبي غيرها يا بت خوجلي شكلك كده عايزة ترمي ناس كتار في الخور ؟؟؟ |
يا أخوانا أي واحد إسمه مكتوب في بوست ( الرجال البيخافو من النسوان ) ما يجي بي هنا معلوم ؟
منى .. بصراحة الموضوع دا بيجيب لينا الهوا .. إذا كان أنا كتبت قصيدة محمد أحمد محجوب الأسمها فلسفة القبل .. جوني ناس أمير الجمري وهاشم خلف الله وأبو الحسين ناطين التقول القصيدة ألفتها أنا ؟؟ ياخي عليك الله قومي لفي كدا والا كدا .. نحنا زاتو ما كان عندنا جيران !!
مودتي ,,
|
Post: #18
Title: Re: ود وبت الجيران..
Author: Muna Khugali
Date: 02-27-2007, 04:59 PM
Parent: #17
إنتو أسه كلكم خايفين تتكلموا ليه?
خـايفين من منو?
من الزوجـة الماكانت بت جيران?
ولا من بت الجيران المابقت زوجة?
|
Post: #78
Title: Re: ود وبت الجيران..
Author: Muna Khugali
Date: 03-03-2007, 02:39 PM
Parent: #17
عادل جبارة لا كان عندهم جيران ولا حاجة..بيتهم ناصية من الأربعة جهات..
بيت بحري وقبلي في نفس الوقت...يعني ممكن كده يقضي الصيف في الناحية البحرية
والشتاء في الناحية القبلية..
والناحية البحرية حلوة في الصيف لأنه بيجيها الهوا..وطبعا عادل ممكن يقلب الهوا هوي..
ولا آه نسيت ماعندهم جيران!
وبعدين انت ماعارف أمير الجمري وقصته?
كـدي الننتظر اولاد وبنات الإمتداد..
|
Post: #131
Title: Re: ود وبت الجيران..
Author: عادل جبارة
Date: 03-05-2007, 03:18 PM
Parent: #78
| Quote: عادل جبارة لا كان عندهم جيران ولا حاجة..بيتهم ناصية من الأربعة جهات.. |
وكمان بفتح على الجامع .. رأيك شنو ؟
|
Post: #135
Title: Re: ود وبت الجيران..
Author: Muna Khugali
Date: 03-05-2007, 04:22 PM
Parent: #131
قالوا كنت بتحب بت الإمام..
ومن شـدة حبك ليها كنت طوالي مباري أبوها بإبريق الصلاة..
صحي الحديث ده عادل أخوي?
|
Post: #132
Title: Re: ود وبت الجيران..
Author: Mandingoo
Date: 03-05-2007, 03:24 PM
Parent: #17
Quote: ياخي عليك الله قومي لفي كدا والا كدا .. نحنا زاتو ما كان عندنا جيران !!
|
ضحتني عدييييييييييل يا ود جباره..
كنتو ساكنين في (الكنار)؟ الكنار ده ترعة كبيرة في الجزيرة، وبيكون في أجزاء منها كباري فيها بوابات زي بتاعات الخزان (خزان سنار)، وبيكون في المسؤول عن فتح وقفل البوابات دي عشان المويه تمشي الترع، وغالباً ما يكون بيت الزول ده جنب الكبري ده، وجنبو بتكون حواشات بس، يعني الحلة بتكون بعييييييييده منو، والحتة دي عندها اسم لكن راح مني.. يا ناس الجزيره هووووووووووي ذكرونا بالاسم ده، الساكن فيهو ود جباره ده!!
|
Post: #157
Title: Re: ود وبت الجيران..
Author: Muna Khugali
Date: 03-07-2007, 00:30 AM
Parent: #132
Mandingoo
Quote: ضحتني عدييييييييييل يا ود جباره..
كنتو ساكنين في (الكنار)؟ الكنار ده ترعة كبيرة في الجزيرة، وبيكون في أجزاء منها كباري فيها بوابات زي بتاعات الخزان (خزان سنار)، وبيكون في المسؤول عن فتح وقفل البوابات دي عشان المويه تمشي الترع، وغالباً ما يكون بيت الزول ده جنب الكبري ده، وجنبو بتكون حواشات بس، يعني الحلة بتكون بعييييييييده منو، والحتة دي عندها اسم لكن راح مني.. يا ناس الجزيره هووووووووووي ذكرونا بالاسم ده، الساكن فيهو ود جباره ده!! |
ايه رأيك وانت بتضحك كده تجيب قصتك مع بت الجيران?
وخاصة انه ناس الجزيرة ماسمعوا سـؤالك واحنا قاعدين راجين الإجابة..
في زول قال لي بت الجيران مغصة تليك تقول ووب...
ان عرستها ووب..وان ماعرستها المغصة تبقي ووبين!
كلامه ده صحي ياربي?
|
Post: #74
Title: Re: ود وبت الجيران..
Author: Muna Khugali
Date: 03-03-2007, 11:28 AM
Parent: #16
| Quote: الفكــرة حـلـوة بس صعبـــة التنفيـــذ.... |
ليه?
علشان الغيرة يعني?
ليه الزوجة ولا الزوج بيغيروا من الماضي?
هل هو الخوف من الرجـوع للحب السـابق?
والخوف ليه يكون موجـود مادام الطرفين الآن في علاقة زوجية ..وهذا يعني واقع مغاير
للماضي?
ولا لسة في تفتيش عن الماضي?
بالله ممكن ياهيثم تنزل لنا أغنية ترباس..
جاي تفتش الماضي?
فيها كـده درجـة انتقام ناتج من تأنيب من النساء أو الرجال الذين "حبوا وماطالوش" !
عليك الله تجيبها يا هيثم علشان البكايين والبكايات..طيب??
|
Post: #19
Title: Re: ود وبت الجيران..
Author: abubakr
Date: 02-27-2007, 05:06 PM
Parent: #1
يا بتاعة الورد
انتي والا اختك البتحلم وبتتخيل كتير؟؟؟
هم وينوم الجيران؟؟ ...بشان يكون في ود وبت جيران ..اها "اية"والا "مها" عندهن اولاد جيران...؟؟
اهي دي المقاومة الخوفتيني بيها؟؟
انت بس و"سنوية" تجن تاني جنبي وانا بقفل كل الشبابيك والابواب وما بخلي لا ولد لا بت جيران في خيالكن ...
خليتوني طالع نازل وانا عندي مشكلة مع الاسنسيرات ؟؟
و"سنوية" بس الصباح رباح وبتشوفي ؟
--
ياجماعة : معذرة بتاعة الورد وصاحبتها جهجهني وما لقيت بكان اتفشي فيهن الا هنا
|
Post: #21
Title: Re: ود وبت الجيران..
Author: shazaly gafar
Date: 02-27-2007, 10:41 PM
Parent: #19
إ حـــم .. إحــم
قلتو شــنو؟
أنا بس قلت أقول ليكم :
أدونـا فُندُكم ندُق ونديكُم
ولاحدى ما نشوف شيل التمساح فى الجماعة
تحياتى منى واحبابها واولاد وبنات الجيران كلهم
|
Post: #119
Title: Re: ود وبت الجيران..
Author: Muna Khugali
Date: 03-05-2007, 11:14 AM
Parent: #21
شـذولي في الصالحة عندهم جيران كتااااار..
ونوع الحياه هناك لسه المدنية ما أفسـدتها كتير..
يعني بت الجيران بتمشي عند الجيران العندهم ولد جيران زي شاذلي عااااادي..
وسمح كان ماكده ...
شاذلي ده بيجيب أشعاره السمحة دي كلها من وين?
ولكن شاذلي غتييييت ماداير يحكي..
كان حكيت ياشـاذلي انا كمان بحكي عن....
نخليه احسن بعد ماتحكي ويحكوا!
|
Post: #120
Title: Re: ود وبت الجيران..
Author: Muna Khugali
Date: 03-05-2007, 11:23 AM
Parent: #119
وللحب طرق مواصلات مختلفة..
في عطبره يحبوا بالعجلات...
وفي الصالحة يحبوا بالكاروات
|
Post: #113
Title: Re: ود وبت الجيران..
Author: Muna Khugali
Date: 03-05-2007, 00:50 AM
Parent: #19
عارف يا أبو بكر..أنا لما اقعد افكر في حب ود الجيران أتغاظ!
معقولةيعني اكون أكبر من كل الأولاد?
يعني كنت هاحب اسامة ولا انور ولا محمد ولا اسمه منو داك?
ولا واحد فيهم ينفع..ما هو الب ده كمان بيكون عنـده كـده حاجات بتجـذب..
غير انهم لازم يكونوا اكبرمنك في العمر او علي الأقلقـدرك ..لازم كمان منظرهم يكون مقنع..
يعني معقول أحب واحد مدخل رجلينه في الطين لما المطرة تكون صابة..وتكون دي لعبته المفضلة?
ده بيبقي كلام ده!
وأحترم اسامة ده كيف لما أسمع أمه بتناديه بالمدهول?
تعال يا مدهول وإمشي يا مدهول!
وبعدين محمـد ابوه يهزءه والامتداد كله يعرف... علشان سيادته جاب نمر بسيطة في الحساب!
طبعا انا كنت بنجح بعد مجهود في الحساب وبالحركرك..معقولة بس انجـذب لواحـد بليد زيي?
ياعم انسي ولد الجيران..
لكن يارب ولد الجيران بينسي?
|
Post: #22
Title: Re: ود وبت الجيران..
Author: معتصم عبدالرحيم
Date: 02-27-2007, 11:29 PM
Parent: #1
ما اروعه...بت الجيران
و ما اروع ..ود الجيران
لمن يبقوا تبات ونبات
ويخلفوا بنات وولاد
وسلامي
نحن بنلعب وسط جماهيرنا... وشجع ياسلام
معتصم العربي
|
Post: #23
Title: Re: ود وبت الجيران..
Author: Muna Khugali
Date: 02-27-2007, 11:41 PM
Parent: #22
أجيكم كلكم الصباح..
البوست ده المشاركين كلهم رجال بس..
المهم بكره نسمع قصص وماتعملوا حركات معتصم اخوي الملقب بزغبير
النساء مالهن?
يكونن ماعرسـن ود الجيران وزعلانات?
ولا يكونن عرسـوهم وعشان كـده زعلانات?
ولا ياربي ماكان في ود جيران?
|
Post: #24
Title: Re: ود وبت الجيران..
Author: عادل جبارة
Date: 02-27-2007, 11:53 PM
Parent: #23
Quote: إنتو أسه كلكم خايفين تتكلموا ليه?
خـايفين من منو?
من الزوجـة الماكانت بت جيران?
ولا من بت الجيران المابقت زوجة? |
والله وبصراحة كدا ... خايفين منهم الأتنين !!
|
Post: #25
Title: Re: ود وبت الجيران..
Author: rani
Date: 02-28-2007, 00:28 AM
Parent: #24
ياخ انتي زولة لزيزة جد..
.
.
ودي
|
Post: #158
Title: Re: ود وبت الجيران..
Author: Muna Khugali
Date: 03-07-2007, 02:31 AM
Parent: #25
ياخ انتي زولة لزيزة جد..
.
.
طيب ماتشاركنا ياراني حكاويك ولا امشي أجيبها من الإمتداد?
|
Post: #139
Title: Re: ود وبت الجيران..
Author: Muna Khugali
Date: 03-05-2007, 06:26 PM
Parent: #24
إنتو أسه كلكم خايفين تتكلموا ليه?
خـايفين من منو?
من الزوجـة الماكانت بت جيران?
ولا من بت الجيران المابقت زوجة?
| Quote: والله وبصراحة كدا ... خايفين منهم الأتنين !! |
|
Post: #127
Title: Re: ود وبت الجيران..
Author: Muna Khugali
Date: 03-05-2007, 12:55 PM
Parent: #22
معتصم عبدالرحيم وأحلام بت الجيرا التي لم تعد اوهام..
وينها اخوي ود حلتي قصتك?
طيب يا خوانا قصص الخباثات وين بتاعة بت الجيران أو ولد الجيران
بعـد ما انكبس ودمه إنحبس?
كان حكيتو لي بوريكم قصة الولد الإنكبس ..
Promise!
|
Post: #26
Title: Re: ود وبت الجيران..
Author: صديق الموج
Date: 02-28-2007, 01:18 AM
Parent: #1
بسم الله ابدا انا الشليق ده اول شى انا ابوى الله يرحمه كان عسكرى زى عمك
على يا منى ،اها يا منى من اشلاق لى اشلاق واخيرا سكنت مع عمى لمدة سنة
وتانى رحلنا فى بيت ايجار واخيرا قعدنا فى بيتنا،يعنى القصة دى مسرحها
واحد من الاماكن المذكورة،يعنى واحد من الاشلاقات او احد من البيوت المتعددة والبت اسمها هنايةوالقصة بدات كالاتى يدوها قرش تقوم تشترى لى وليها حلاوة لكوم مثلا وتجيبها
تدسها فى ايدى وتطورت الحتة لما بقينا نتواعد نتلاقى وبتدبير ولكن نظهرها كانها من محاسن الصدف عند ست الفول والقنقليس ونرجع البيوت مع بعض واقسم بالله ست الفول دى بتفرش على بعد 500 متر من بيتنا وبيتهم يعنى الموضوع زى خمسة دقائق تلاتة ارباعهم سكات
وبوامة ولما نصل البيوت اقوم اقول ليها بكرة نتلاقى كيف تقوم تقول لى عند ست التسالى
دى اوبالكتير انا بكرة بجى لى اختك وفى الحالتين انا ضايع لانو الونسة لاتتعدى بكرة
كيف..اذكر تطورالعلاقة.. مرة لقيت لى كرت بوستال واقع ومكتوب لى زولةما بعرفها واذكر النص المكتوب الى الان لانى بعد داك كبرت شوية وكنت قاشر بيه مع كم بت جيران وكم بت
لاقيتها فى حفلة او بنت جات مع ناس سيرة من بعيد....
النص:
((الحب نهرا يجرى بين العشيقين منبعه قلب العشيق ومصبه قلب العشيقة،يفيض عند
اللقاء ويجف فى ساعات الفراق...))
قمت مسحت ليك النص داك شى بالاستيكة وشى بالبصاق واديت واحد صاحبى كتبه بخطه اردت بذلك ان اهش به على حبيبتى واتوكا عليه ولى فيه مارب اخر وده اذا زنقونى..يعنى حا
اقول ده كلام عام وعجبنى وانا ما كتبته بدليل ده ما خطى مع انى يامجرم عنيت كل حرف فيه كما عناه ذلك الشخص ..المهم جيت واديته البنية وقلت ليهااقرى ده وقلت فى نفسى ياولد لو (الرسبونس -والله غلبتنى بالعربى) طلع موجب فانا حبيبك الاعلى وان ابدت امتعاضا فالشينة منكورة والزوقة (ماكرت لقيته واقع)...باختصار بين البنية قرت ورفعت راسهاوملاحظتى للرسبونس بتاعها كانت زى تلاتة شهور بحسابى يوم ذاك وبلعت لى تلاتة هكتار ريق والله زى ما اقول ليكم..عشان ما اشحتف روحكم قالت لى شكرا ..لا اخفيكم سرا لم اتبينها هى شكرا الرضاء ام شكرا التى يقولها ليك الانسان وهو يتابط شرا والغريبة بدون اثرشكرا على الوجه يعنى حتى ولا بسمة...بعد يومين قالت لى تصدق كل يوم بقيت اقرا كلامك داك قلت فى سرى بت الذين وقعت وقد اصابتها سهام كيوبيد لا ادرى ام لعنته..ومن ديك وعيك
بقى الكلام صريح والمعاينة معاها سبيل عيون ودقة قلي وخمة نفس(الله ينعل شيطانك
يا بت عوض خوجلى)ولاننى جمعت باقات حبها تلك من الارض التى يصلون عليها ويرتكبون فوقها المعاصى كان حديثى وسلامى عليها خليطاشىء من حسنات الاصول وشى من ذنوب الفروع وبعض اقوالى امام الله ولكن اشهد الله لم يتعدى غير الاكلان الذى ينتاب الزول عند ما يحب شخص(ليس هذاتبرئة لنفسى من مليون الموبقات التى ارتكبتها فى حياتى ولكن لتبرئتها فى ذلك الزمان الذى كان للسودانيين فيه وازع غريب وكبير خصوصا مع بنات الجيران واشهد الله لم يكن للدين به صلة اقول هذا على الاقل لحالتى....المهم تواصلت الاشارات الحميمة تلك وكانت فيها تيارات تكفى لدرء خطر انقطاع التيار الكهربائى المبرمج وغيره عن العاصمه المثلثة وضواحيهاوكانت تلك الاشارات تغنى عن كل مرغوب ومطلوب.. وادركنى الصباح وسكتت شهر يار عن الكلام المباح وغيره..
منى لم ازد ولم انقص حرف وما خايف من اى وزارة داخلية او خارجية فالتاريخ فى وجهة نظرى لايحاكم مع ان هاشم خلف الله وعادل جبارة حا يشيلو الكلام ده صرة وخيت ويوصلوه لام حيدر ولو ماهم ابنها حيدر ساكن فى النت وكل ما اكتب حرف يرويه لامه مرة شمار ومرة اعجاب بما اكتب مع اننى ابن الكلب حكيت لامه كل هذا قبل ان يكون هو شئيا مذكورا..
حفظ الله ام حيدر.. يالها من امراة عظيمة وشهادتى فيها مجروحة فقد صبرت على سواءتى
الشافتن والجابوهن ليها بجلد نبى والله على ما اقول شهيد،،
|
Post: #27
Title: Re: ود وبت الجيران..
Author: عبدالمنعم الرزوقي
Date: 02-28-2007, 03:22 AM
Parent: #26
انا غايتو بستني اعترافات ثانية بعد ود الموج وبعد داك افكر اكتب
مصيبتي مع بت الجيران
|
Post: #210
Title: Re: ود وبت الجيران..
Author: Muna Khugali
Date: 03-10-2007, 07:17 AM
Parent: #27
| Quote: انا غايتو بستني اعترافات ثانية بعد ود الموج وبعد داك افكر اكتب |
مصيبتي مع بت الجيران
عبـد المنعم برسل أجيب قصصك كان ماحكيت من نفسك 
|
Post: #130
Title: Re: ود وبت الجيران..
Author: Muna Khugali
Date: 03-05-2007, 02:42 PM
Parent: #26
Quote: على يا منى ،اها يا منى من اشلاق لى اشلاق واخيرا سكنت مع عمى لمدة سنة
وتانى رحلنا فى بيت ايجار واخيرا قعدنا فى بيتنا،يعنى القصة دى مسرحها
واحد من الاماكن المذكورة،يعنى واحد من الاشلاقات او احد من البيوت المتعددة والبت اسمها هنايةوالقصة بدات كالاتى يدوها قرش تقوم تشترى لى وليها حلاوة لكوم مثلا وتجيبها |
صـديق يامتوه التفاصيل!
Quote: كيف..اذكر تطورالعلاقة.. مرة لقيت لى كرت بوستال واقع ومكتوب لى زولةما بعرفها واذكر النص المكتوب الى الان لانى بعد داك كبرت شوية وكنت قاشر بيه مع كم بت جيران وكم بت
لاقيتها فى حفلة او بنت جات مع ناس سيرة من بعيد....
النص:
((الحب نهرا يجرى بين العشيقين منبعه قلب العشيق ومصبه قلب العشيقة،يفيض عند
اللقاء ويجف فى ساعات الفراق...))
قمت مسحت ليك النص داك شى بالاستيكة وشى بالبصاق واديت واحد صاحبى كتبه بخطه اردت بذلك ان اهش به على حبيبتى واتوكا عليه ولى فيه مارب اخر وده اذا زنقونى..يعنى حا
اقول ده كلام عام وعجبنى وانا ما كتبته بدليل ده ما خطى مع انى يامجرم عنيت كل حرف فيه كما عناه ذلك الشخص |
شـيطان شـديييييد
حب وبصاق!
ينفع اسم قصة..
| Quote: يا بت عوض خوجلى)ولاننى جمعت باقات حبها تلك من الارض التى يصلون عليها ويرتكبون فوقها المعاصى كان حديثى وسلامى عليها خليطاشىء من حسنات الاصول وشى من ذنوب الفروع وبعض اقوالى امام الله ولكن اشهد الله لم يتعدى غير الاكلان الذى ينتاب الزول عند ما يحب شخص(ليس هذاتبرئة لنفسى من مليون الموبقات التى ارتكبتها فى حياتى ولكن لتبرئتها فى ذلك الزمان الذى كان للسودانيين فيه وازع غريب وكبير خصوصا مع بنات الجيران واشهد الله لم يكن للدين به صلة اقول هذا على الاقل لحالتى....المهم تواصلت الاشارات الحميمة تلك وكانت فيها تيارات تكفى لدرء خطر انقطاع التيار الكهربائى المبرمج وغيره عن العاصمه المثلثة وضواحيهاوكانت تلك الاشارات تغنى عن كل مرغوب ومطلوب.. وادركنى الصباح وسكتت شهر يار عن الكلام المباح وغيره.. |
حفظ الله ام حيدر.. يالها من امراة عظيمة وشهادتى فيها مجروحة فقد صبرت على سواءتى
الشافتن والجابوهن ليها بجلد نبى والله على ما اقول شهيد،،
عليك الله ياصـديق ارجـع احكي لينا تاني..حكاويك دمها خفيف [url=http://www.sudaneseonline.com/] [/url
|
Post: #177
Title: Re: ود وبت الجيران..
Author: Muna Khugali
Date: 03-07-2007, 09:13 PM
Parent: #26
Quote: منى لم ازد ولم انقص حرف وما خايف من اى وزارة داخلية او خارجية فالتاريخ فى وجهة نظرى
لايحاكم مع ان هاشم خلف الله وعادل جبارة حا يشيلو الكلام ده صرة وخيت ويوصلوه لام حيدر |
بالمناسبة ده اقتراح ياصديق الموج جاني بالهوت ميل وانا بس جبته ليكم زي ماطلبت المرسلاه..
وما علي الرسول الا البلاغ..
Quote: أكان عادل وهاشم عملوا كده, طوالي وقوام تكتب ليك جـواب غرامي بإمضاء أي واحد فيهم
كيفما اقتضي الأمر..يكون موجه لإسم أي بت..واملاه قلوب زي الفي البوست حقكم ده, وسلمه
لزوجة من تخابث فيهم..وقول ليها البت تعبت من ملاحقات زوجك ليها واسه شـوفي ليك حل. |
بس لكن انت كان سألتني رأيي.. بقول ليك لأ ماتعمل كـده..اسه هم بيجـوا يحكوا براهم قصصهم
|
Post: #28
Title: Re: ود وبت الجيران..
Author: wd al geran
Date: 02-28-2007, 04:18 AM
Parent: #1
| Quote: وأنا زعلانه جـدا لما فاتني من عمر لم أقضيه في حب ود الجيران |
ولا يهمك يا ستي ... ما فاتت حاجة ... واهو نحنا لسة فيها
تسلمي يا وريفة
| Quote: و ما اروع ..ود الجيران |
شكراً يا ظريف
|
Post: #29
Title: Re: ود وبت الجيران..
Author: bayan
Date: 02-28-2007, 05:13 AM
Parent: #28
ست الناس جيتني فوق جرح
انا زعلانة جدا من اولاد جيرانا لانهم بعاملوني كفردة
بعد ان قضيت طفولة نشطة جدا في لعب البلي هوايتي المفضلة ولو كان هناك اولمبياد
لكن لدي عدة ميداليات..
المهم نسبة لانه اخوي الاكبر مني والاصغر مني اولاد
فمجبورة جبرة خادم الفكي على الصلاة في اللعب مع اصحابهم..
ولسبب ما كان هناك ندرة في البنات في حلتنا(ويجو يقولو تعدد الزوجات عشان البنات كتار)
المهم في عدد منهم موسم ذي ما انا موسمة برضو عندي ضربتين في منتصف الحاجب الايمن
واحدة في طرف الحاجب الشمال.
(دائما الارترين بيرطنو معاي) وجنود الكشات في بداية الثمانينات بعملو لي
امتحان اعد من واحد الى خمسة او اقول الحصاحصيا. ما علينا نرجع لاولاد الجيران..
اولاد الجيران ديل اولاد كعبين طيلة تجروني معاهم ما بالغلط واحد رسل لي جواب
غرامي باختصار في حياتي ما جاني جواب غرامي نوع
الزهور مفتحة والبنفسج متوهج والازوردي شنو ما بعرف..
نهائي لما دخلت المتوسطة مشيت مدرسة البنات كل اول مرة ادرس مع البنات
اها يا منى البنات كلهن بتجيهم جوابات غرامية الا انا الله يسنح اولاد جيرانا ديل..
المهم مرت السنوات دخلت العالي تقريبا اي بت في العالي بيكون جاها جواب غرامي الا انا..
صاخبتي انصارية سنة جاها جواب..ما عارفاه ود الجيران دا سبر اغوار العباية والوش المغطى..
كيف..المهم تلبستني روح انهزامية ما عادية الا اكون شينة عاد..
بقيت ذي نرجس اعاين لوجهى في المراية صفحة موية جردل المسح في الصينية
اسه بالله يعني شنو ضربتين في الحواجب..الله ينعل اولاد حلتنا الما بعيانو الا لضربتين ديل..
المهم دخلت المعهد وانا احمل كل احباطات انه اي ولد جيران يرسل ليك رسالة تكون
اديني الكتاب الفلاني ولا حيكون في مظاهرة بكرة وهل قريتي الميدان(الاخرين ديل اصحابي الشيوعين)
بعدين ناس حزب البعث وعندي اصحاب شديد منهم برضو يرسلو لي ورقهم وحاجاتهم
مافي واحد بالغلط رسل لي جواب غرامي..
اها دخلت المعهد فجأة الاولاد عمو من الضربتين الفي الحواجب بقو يقولو انا سمحة..
طبعا للانهزامية الجواي قلت اولاد الهرمة دي تكون لجنة رفع معنويات الشينات في الجامعات
والمعاهد العليا,,
يلا وريتهم المكشن بلا بصل..
المهم بعد مرت سنوات طوال جدا
اتلاقينا اولاد حلتنا.. اها قلت ليهم عاد اتلومتو جوباتكم كلها قارياها عند صاحباتي
حتى الفي آخر الحلة مواصلنها وانا القريبة ليكم دي بس فلاحتكم تنادوني للعب البلي
ولا المظاهرات..
قاموا قالوا لي ياخي انتى كنتي فردتنا واخت احمد وعادل بعدين قالو لي فلان دا
مرة كتب ليك جواب حذرناه قلنا ليه بتدقك وكان مرقت منها اخوانها بكتلوك
شوفتي جنس قطع الارزاق دا..
مودتي لك
|
Post: #30
Title: Re: ود وبت الجيران..
Author: صلاح الدين عبدالله محمد
Date: 02-28-2007, 06:06 AM
Parent: #29
كدى النقعد جنب العمود ننتظر
|
Post: #31
Title: Re: ود وبت الجيران..
Author: هاشم أحمد خلف الله
Date: 02-28-2007, 09:24 AM
Parent: #30
| Quote: والله وبصراحة كدا ... خايفين منهم الأتنين !! |
عادل جبارة , لا بالله ... دي عملتها كيف دي , الحق يا صديق الموج
صحبك أظن أولاده وصلوا لمطار الملك خالد ؟؟؟ ....
قال الرجال البخافو من نسوانهم قال ؟؟؟ ها ها ها هاشم براهو .
|
Post: #204
Title: Re: ود وبت الجيران..
Author: Muna Khugali
Date: 03-09-2007, 07:44 PM
Parent: #30
| Quote: كدى النقعد جنب العمود ننتظر |
صلاح قوم من جنب العمود...
كدي عليك الله اكتب لينا نموذج لجوابات زمان..
بعدين ماضروري تجي تقول أنا مارسلت للبنات اي جـواب..
قول..
كنت بحب الكتابة في كراستي الخاصة وبس..
|
Post: #46
Title: Re: ود وبت الجيران..
Author: Salah Waspa
Date: 03-01-2007, 06:33 AM
Parent: #29
بيان ياخ ماقلنا ليك ذكريااااات ذكريات شنو مالك ?
ثم تانيا احمد وعادل ما قاعدين يقرو سودانيز اون لاين يلا يلا قولي
( وش داهك )
تحياتي الخالصة
منى : جاييك بالتفسيل الممل
صلاح واسبه
|
Post: #184
Title: Re: ود وبت الجيران..
Author: Muna Khugali
Date: 03-08-2007, 10:25 AM
Parent: #28
وأنا زعلانه جـدا لما فاتني من عمر لم أقضيه في حب ود الجيران
Quote: ولا يهمك يا ستي ... ما فاتت حاجة ... واهو نحنا لسة فيها
تسلمي يا وريفة |
و ما اروع ..ود الجيران
ود الجيران..
انت من اخترت الإسم ده عرفتك بتاع امور جيرانية?
قصصك وينا?
اسمك وما ظاهر ..بتدسدس ليه?
عنـدكم جنس حركات غايتو مرات..
بطل انتهازية واعية وتعال فضفض..
|
Post: #32
Title: Re: ود وبت الجيران..
Author: أبو الحسين
Date: 02-28-2007, 09:25 AM
Parent: #1
| Quote: والله وبصراحة كدا ... خايفين منهم الأتنين !! |
والله أنا دايماً يعجبني الواحد اليقول الكلام تَنْقَرِن!!!
قال خايفين من منو قال!!!
منى بنت أعمي... عفييييييت منك...
أماني حا تمرقيلِك دواهي بس أنا خايف علي واحدين كدي والله!!!
قواسيب مودتي...
أبو الحســـــــين...
|
Post: #34
Title: Re: ود وبت الجيران..
Author: خالد المحرب
Date: 02-28-2007, 10:08 AM
Parent: #32
ات عارفه يامنى ذكرتينى ايام بت الجيران
وايام عثمان حسين كنت بجيب ليها الشرايط
بتاعة شجن وقصتنا والقبلة السكرى وكنت
بجى احضر معاهن المسلسل 0 وبعد المسلسل
مايخلص امشى واجى راجع تانى اتدق الباب
عشان نسيت حاجه بى القصد وهى طبعا دايما
بتجيب الحاجه النسيته ومعاها جواب ضغير
الزمن داك مافى SMS وكانت ايام حلوة
لان الشوفه كانت غاليه والكلام الا تشوفه
تلفونات مافى 0وده سر اللعبه انى كنت
بعانى عشان اشوفه واسمع صوته 0
شكرا
|
Post: #205
Title: Re: ود وبت الجيران..
Author: Muna Khugali
Date: 03-09-2007, 08:09 PM
Parent: #34
Quote: ات عارفه يامنى ذكرتينى ايام بت الجيران
وايام عثمان حسين كنت بجيب ليها الشرايط
بتاعة شجن وقصتنا والقبلة السكرى وكنت
بجى احضر معاهن المسلسل 0 وبعد المسلسل
مايخلص امشى واجى راجع تانى اتدق الباب
عشان نسيت حاجه بى القصد وهى طبعا دايما
بتجيب الحاجه النسيته ومعاها جواب ضغير
الزمن داك مافى SMS وكانت ايام حلوة
لان الشوفه كانت غاليه والكلام الا تشوفه
تلفونات مافى 0وده سر اللعبه انى كنت
بعانى عشان اشوفه واسمع صوته 0
شكرا |
إنت الفيهم والله..بتحب وكمان بعمق ورقي..
شاطر والله..
مالك انت وكتابة الجوابات ووجـع القلب وكل الكلام الفي الجوابات موجود في
أغاني عثمان حسين??
في زول يقدر يتهم زول في شريط فيه غنا حب?
مايقدر لأنه الزول البيغني ما انت..
والموضوع بجانب الشطارة والحرص فيه برضه شـوية كسل!
لسه هانجيب الورق الملون ونقعد نكتب بالساعات?
انت الفيهم يا ود المحرب ..
|
Post: #35
Title: Re: ود وبت الجيران..
Author: عبد اللطيف بكري أحمد
Date: 02-28-2007, 10:15 AM
Parent: #1
أتعجب الآن حقاً !!!
من أين تفتقت لدينا ذهنية الحب والوله في ذاك الزمان؟؟
الخامس الإبتدائي؟؟؟ مبالغة!!
لم يكن لدينا إرسال تلفزيوني ولم نشاهد أفلام الغرام وقتها
ولم نجالس الفطاحل ؟؟ كيف تكون لدينا ذلك المفهوم ولم تحتوي
كتب الألغاز حينها على أي إشارات غرامية ؟؟ من أين عثرت على
هذه المفاهيم وخالتي منعتني من تعدي الصفحة الثانية في كتاب
حكاية بلا بداية ولا نهاية لنجيب محفوظ؟؟
==
صديقي العزيز ، مدير لأحد البنوك الآن في مدينة الدمازين!!
كان غتيتاً معي !! يخفي كل علاقاته الغرامية ونتشاور في صوغ
خطاباتي ،، خصوصاً أول جواب غرامي : يعني كانت أموري مكشوفة له
من day one ،، كنت أحمل الرسالة في يدي وقد بدأت مقاوماً للشعور
بالرهبة من هذا الموقف محاولاً أن أقنن لمبدأ المجابهة ،،
قلتها : بتحبيني؟؟ (صوت رتينة أدوها إبرتين وراء بعض )
لم ترد،،
تبلمت،،
أشاحت بوجهها عني وأخفت إرتباكاً وإبتسامة،،
طارت مع الريح جرياً وسمعت صوت الباب المجاور
يركل بعنف،،
===
أقف أنا مزهواً بتفوهي وخجلاً على هذه الكلمة التي
تشبه العيب في قاموس الحي وشلة البلي،،
حب في عينك ، حباك بورس،،
==
أقف متناقض المشاعر بين الزهو والحيرة!!
لماذا لم ترد هذه المترطشة؟؟ وقد أمضيت كل اليوم
أعالج السناريو وأنتظر أخر خيط نور لشمسنا الوفية؟؟
===
دخلت بيتنا متناقض المشاعر أيضاً بين الزهو وخيبة الأمل
في ضياع يوم كان يمكن أن يكون مشهودا وتاريخياً في حياتي!!
خيرا فعلت بصمتها،،
فلم أعد نفسي حقاً لما بعد الإجابة ،،
فلو قالت نعم : ماذا أقول لها؟؟ يالا خشي جوة؟؟
وإن قالت لا : يالا رجعي لي علبة الهندسة والخاتم
اللقيتهو أمس واقع وفيه حرف (A)دا حقي أنا،،
الله دا ماكريم،،
كان صمتها مخرجا لي قبل أن يكون محرجاً لها ، نعم حاء وليس خاء،،
===
ولكن!!
أينتهي بي المطاف هكذا وأعلن فشل المناورة؟؟
مستحيل ،، وعبد العزيز المبارك أطلق:
أحلى جارة يا احلى جارة
عطرت كل الدنيا وانت مارة
وحتات حرير خديك وحات نضارة
سالمينا لو بالعين أو بالإشارة
===
ترقبوا الخطة بي (plan B)
القفز داخل الحدود الإقليمية!!!
(موسيقى ليالي الحلمية)
(فهي تشبه نازك السلحدار)،،
===
فاصل إعلاني ،، أو قل : نشوفكم بكرة ومع فقرة أخرى:
نشوف فلم كاوبوي مع لي فان كليف
أو فيلم هندي مع ممتاز أو هيماماليني
أو فيلم عربي حسن يوسف ،،وشمس الخوجلي،،
==
د. بيان واصلي هذا البيان ،،،
صديق الموج : سمعت كلامك يوم ميرغني شايب وبطلت سياسة، تذكر؟؟
أسمع كلامي وخليك هناوأتحفنا ببراءة الزمن الذي ولى وليته يعود
لتعود عزة السودان!!
صلاح قلمك دا حبرو نشف من كترة اللف ؟؟
بنكسر ليك لمبة عمود الشارع ،،
بس تعال وبطل جبن، مفاريك مافي في البلد دي كلها حاجات خفيفة!!
بمناسبة المفاريك : تصدق واحد نزل مني في شارع غبيرا قالو ليهو
جيب مكنسة سعف ،، دقيقة واحدة جاي راجع ساي: مالك يازول؟؟
مكنسة ولا هوفر ؟؟ خمسة ريال ؟؟ حبيبي،،
شفت الناس حاسبنها كيف يابوصلاح؟؟
==
سؤال هل يمكن التشفير في مكان غيرالخور؟؟ لزوم تفادي المفاريك؟؟
|
Post: #37
Title: Re: ود وبت الجيران..
Author: نادر محمد الراضي
Date: 02-28-2007, 12:58 PM
Parent: #35
أنا أول مرة .. أفكر أحب بنت الجيران
شفتا الفنانة البتحبها شنو وفتشتا ليها
الشريط وأهديتو ليها حب شفع ساااكت...
|
Post: #234
Title: Re: ود وبت الجيران..
Author: Muna Khugali
Date: 03-15-2007, 05:27 PM
Parent: #37
يعني يا نادر انت من مدرسة الحب عن طريق الكاسيت?
شايف الحب بيتطور كيف مع التكنولوجيا وتقدم وسائل الاتصال?
أهديتها كـده كام كاسيت?
يكون مصروفك كله ضيعته أغاني
|
Post: #224
Title: Re: ود وبت الجيران..
Author: Muna Khugali
Date: 03-12-2007, 00:06 AM
Parent: #35
Quote: قلتها : بتحبيني؟؟ (صوت رتينة أدوها إبرتين وراء بعض )
لم ترد،،
تبلمت،،
أشاحت بوجهها عني وأخفت إرتباكاً وإبتسامة،،
طارت مع الريح جرياً وسمعت صوت الباب المجاور
يركل بعنف،، |
|
Post: #230
Title: Re: ود وبت الجيران..
Author: Muna Khugali
Date: 03-12-2007, 10:31 PM
Parent: #35
Quote: فاصل إعلاني ،، أو قل : نشوفكم بكرة ومع فقرة أخرى:
نشوف فلم كاوبوي مع لي فان كليف
أو فيلم هندي مع ممتاز أو هيماماليني
أو فيلم عربي حسن يوسف ،،وشمس الخوجلي،، |
احسن تشوف فيلم بطولة ماري منيب أشهر أم زوجه و تنتظر بعد كده البيحصل
يا حليلك عبداللطيف أخوي جيتك ذاتها هنا بقت قليل’
يا ربي ليه؟
|
Post: #39
Title: Re: ود وبت الجيران..
Author: taha
Date: 02-28-2007, 06:48 PM
Parent: #1
سلام يا محبي-ات بت وود الجيران
اول التجارب كانت امتحان الشهادة الابتدائية زمن كان ليها شنة ورنة والقراية لي انصاص الليالي واجمل من ده كلو انك تشرح لبت جيرانكم وغصبا عنك لازم تكون حافظ اي حاجة وحالي ليك زي مليون مسالة رياضيات عشان لمن تقول ليك المسالة دي غلبتني ولا ما فاهماها تقوم طوالي يا فيثاقورث تشرح المسالة وتسلخ جلد النملة عشان نظرة صغيرونة بتاعةاعجاب ودهشة ....
الكلام كتييييييييير بجيكم راجع شكرا منى على البوست التحفة ده
|
Post: #235
Title: Re: ود وبت الجيران..
Author: Muna Khugali
Date: 03-16-2007, 06:27 PM
Parent: #39
سلام يا محبي-ات بت وود الجيران
| Quote: اول التجارب كانت امتحان الشهادة الابتدائية زمن كان ليها شنة ورنة والقراية لي انصاص الليالي واجمل من ده كلو انك تشرح لبت جيرانكم وغصبا عنك لازم تكون حافظ اي حاجة وحالي ليك زي مليون مسالة رياضيات عشان لمن تقول ليك المسالة دي غلبتني ولا ما فاهماها تقوم طوالي يا فيثاقورث تشرح المسالة وتسلخ جلد النملة عشان نظرة صغيرونة بتاعةاعجاب ودهشة .... |
شايف يا طه حبك كان مفيد كيف ليها وليك?
تلقي أهلك كانوا فرحانين جدا من نمر الحساب العاليه الكنت بتحصل عليها..
عرفت كيف نمرك عاليه؟
طبعا ماممكن تكوت يتتمرن التمارين دي كلها وتدرسها كمان.. وتجيب نمر خايبه زي حقتي زمان في المدرسه.. نجاح بالعافيه في الحساب!
وده كمان بعد مجهود وبعد عمك الخليفة مايجيب مدرس في البيت ..ولا تحضر درس اضافي في المدرسه. شغلانه طويله!
ياربي طمر فيها ولا لآ؟
يعني نجحت واتذكرت عذابك معاها ولا 'كله ولا وراح' بعد ظهور النتيجه؟
|
Post: #40
Title: Re: ود وبت الجيران..
Author: taha
Date: 02-28-2007, 06:48 PM
Parent: #1
عدل للتكرار
|
Post: #41
Title: Re: ود وبت الجيران..
Author: Khalid Saeed
Date: 02-28-2007, 08:58 PM
Parent: #40
[B]الحضور الكريم ..وصاحبت البوست الجميل جداً ...
لكم التحية ..
آها .. الآرباب جاكم ..
البوست ده حقي .. لأني الوحيد الحتكلم بي راحتي ....
حينا في عطبرة أسمه (الدرجة ) الناس كانوا بيقولوا عليه حي أولاد الراحات .. لكين بين وبينكم لا راحات ولاحاجة بس كان بنات الجيران تقال جداً .. يعني الواحدة تلاقيك في الشارع كأنها مابتعرفك لاسلام ولاكلام وتقوم مشتتته ذي الطاقيها سلك .. تصدقوا نحنا كنا بندرس في درس عصر .. بنات حلتنا يمشوا براهم .. ونحنا نشمي برانا .. وتقول لي راحات .. والله ده تهميش عديل كده ..
المهم كنا بنشاغل غادي غادي .. بره الحلة .. أما جوه الحله كنا كل زول ياكل نارو ..
تصدقوا أنا لمن جيت مسافر السعودية ناس حلتنا ماعملوا لي حفلت وداع .. بالله شفته الحقارة دي .. والله الموضوع ده أنا كنته ناسيه أسع بوستيكم ده ذكرني ليهو ..
مرت الأيام وجيت إجازة سنة 1998م ... فجأة شفت بت جيرانا .. والله كأني أول مرة أشوفه .. المهم طوالي كلمت ناس البيت .. باقي الأرباب جعلي قلبه حار .. قلت ليهم داير أعرس البت دي .. المهم بين يوم وليله .. عملنا ليك حفلة كاربة وتمت الخطوبة بحمد الله ...
آه .. قلت يامعلم عشان البت تعيش الجو وبعدين ماتقول خميتني ساكت جيت من السعودية وعرستني وكده .. عملت فيها شاب حبيب .. كانت بت جيرانا بتقره في الثانوي العالي.. بقيت كل يوم أنتظره ليك جنب ركن المدرسة .. صاحبتك تجي طالعه من المدرسة معاها صاحباته .. تتكبب لمن تقرب تقع في الواطه .. وطبعاً العبد لله كل يوم قشره جديدة وريحة وحركات .. دنجــوان .. ومرات كده باخد معاي وردة (صباح الخير ) الجود بالموجود .. آه يوم من الأيام طابقه ليك وماشين جنب المدرسة .. أشوف ليك عربية النظام العام ( كنـــدوره ) وقفت جنبي ونطوا ليك منها عساكر شايلين ليهم بساطين أطول منهم .. قالوا لي أركب ... قلت ليهم أركب وين .. قالوا لي إنته كل يوم واقف تشاغل في البنات نحنا راصدنك .. قلت ليهم .. أي زول بيركب ( كنـــدوره ) أنا الأرباب خالد سعيد ( هيععععععععع ) وأتزكرته جدي الأرباب الكبير صاحب سيف النصر ( في المكنية جيت يالفارس الأرباب .. لاقوك بالنحاس وبي هيبة وإسترحاب .. هزيت في النحاس بي سيفك السكاك .. عزيت الأسم يافارس السعداب ) والله الدم جري في عروقي وقلته دي فرصة أوره الفرده الأرباب قلبه حار ) وبيني وبينكم أنا ضهري قوي .. خالي ضابط وأخوة البت ضابط وأصحابي ضباط يعني المركز كله أصحابي وضامن الحبة مابتجيني يعني أدور شكله تمام التمام ومافي أي عوجه بتجيني ) ( وحفلت الخطوبة عملتها بدون تصريح لغايت الساعة 2 صباحاً ومسجلة فيديوا مافي زول قالينا تلت التلاته كم .. مروا علينا شويت عساكر كدي وطلع ليهم الخال ..خلاهم شتتوا ) .. قلت ليهم دي خطيبتي .. وداك بيتنا .. وداك بيتهم وكل يوم بنتظره هنا لقايت ما أعرسه رايكم شنو .. فجأة طلع من العربية الضابط حاتم العناني .. وكان يعرفني معرفه شخصيه .. ولحسن الحظ كان من المعازيم في حفل الخطوبة فسلم عليه .. وقال ليه والله ياخالد ماعارفك ده إنته .. نحنا جاتنا تحريات أنوا في واحد عاجباه نفسه كل يوم يشاغل في البنات .. المهم .. طبقته بت جيرانا .. وصعدنا الموقف (والله قربت أبقى شيوعي ) بعد ماكنا بنتقابل جنب المدرسة .. بقيت الصباح أوصله المدرسة والظهر ألاقيها طالعه من المدرسة والمساء نمشى حديقة البلدية ( الكزينو ) لغايت ماسقطت في إمتحان الشهادة وجيت عرستها واسع دي عندي منها ( سعيد وسماح ) . نسيت أقول ليكم حاجة والله كتبت ليها أمكن ألف غنية .. ورسلت ليها ورده من الرياض لغاية عطبرة والغربية وصلت كويسة لكين بعد يومين جاتها ملاريا .. أصلوا الترعه العملوها في عطبره دي جابت لي بت جيرانا زاتها ملاريا .. وأذكر ضربته ليها تلفون لقيت عندها ملاريا أيام الخطوبة وجيت البيت زعلان .. قام صديقي عاطف التولة قال لي عبد الله العميري كلوا منكم إنتوا .. العميره قال ليه أنا باعوضه .. قال ليه لا الدبلوسيهات بتاعتكم ماقعدين ترشوها بالجبكسين .. والهوى لمن يقلب باعوضتكم بتمشي تعضي ناس الدرجة أولاد الراحات تجيب ليهم الملاريا .. وبيني وبينكم أنا بعد الكلام داك فضلت زعلان من العميري أسبوع ..
المهم ألله يجازي بنات الجيران الزي جيرانا ديل .. لو كان رخوا لينا شويه أكان لقينا مخارجة .. لكين فضلوا يتقلوا يتقلوا لغايت ما وردرب وقعونا مرة واحدة ...
أسع عليك أمان الله ما أذكر متين كتب ليها غنية .. والله حتى الآغاني السمحة بقينا مالقين وكت نسمعها .. عندي فلوت في البيت .. مرات أحب أعزف عليه .. فجأه أسمع ليك .. هييييي الأنبوبة بتاعت البتجاز خلصت ...
تحياتي ،،،
خالد الأرباب
تخريمـــة :
صاحبي سألني لمن عرسته قال لي من وين العروس .. قلته ليه بت جيرانا .. والنبي وصى على الجار .. قال ليه وصى قال أدوه شطة .. أدوه ملح ..
|
Post: #238
Title: Re: ود وبت الجيران..
Author: Muna Khugali
Date: 03-16-2007, 11:06 PM
Parent: #41
خـالد أسه انا ماقادره أعرف قصتك الظريفة دي حقيقية ولا هظار?
عليك الله ياخالد أرباب تعال لينا بتفاصيل زياده..
أصله نحنا جننا تفاصيل
|
Post: #44
Title: Re: ود وبت الجيران..
Author: nourelhadi awad
Date: 03-01-2007, 00:25 AM
Parent: #1
أنا بالجد حاسدكم
ياريت ماكان بيتنا ناصية
وجيران عزابة
عشان كدي شايف كلامكم دا
زي الفلم الأجنبي وماعندو ترجمة
أوعي يامنى تقولي لي كضاب
والمناديل وما أدراك ما المناديل
هوووي
أنا جني وجن الكضب
|
Post: #48
Title: Re: ود وبت الجيران..
Author: ismeil abbas
Date: 03-01-2007, 10:55 AM
Parent: #1
ألأخت/منى.....
بوستك جميل بدى فرصه للناس تعرف بعض ,لكن فى ناس جبنا هاشم خلف الله وعادل جباره خوافين ما زى صديق الموج و ألأخ خالد سعيد.
بالجد كلكم حلوين وأتا بجهز حالى وجاييكم والزارعه الله فى الحجر بتكون.......سلام وراجع ليك يامنى بوستك حلو...سلام
|
Post: #50
Title: Re: ود وبت الجيران..
Author: ismeil abbas
Date: 03-01-2007, 12:04 PM
Parent: #1
جيتك يا منى وعايز أفضفض ليك وما خايف حتى لو وديتونى خور عمر مش خور بكرى.وأحسن تودونى لى أهلى ناس خور عمر لأنهم قبيلتى وبحنوا على (أهلى الجموعيه)مش مثل شماتة أخوى عادل جباره.بدا بى فلسفة القبل وما عارفينو بنتهى بى شنو الله يستر.وأصلآ هو صرح لما وضع البوست ده وقال عليه وعلى أعدائى.
أصل الحكايه بدأت فى عيد ألعلم وأنا فى خامسه إبتدائى وكان بلموا مدرسة البنات مع ألأولاد ,عشان البروفات لليوم ألختامى للعيد,وأنا كنت فى فرقة التمثيل وهى فى فرقة استعراضيه كان نشيدهم اسمه بساط الريح بلف على كل أقاليم السودان وبأدى رقصاتها.
يا بساط الريح طير وطير ودينا,
وللجنوب ودينا(والبنات أرقصوا رقصة اهل الجنوب أزيكم أزيكم أزيم ما يانميرى.
خلينا لحدى نميرى ,وهيجتى أشجانى يا منى ألله يغفر ليك من حقنا.
بوستك صعب لكن حلو .
|
Post: #51
Title: Re: ود وبت الجيران..
Author: هاشم أحمد خلف الله
Date: 03-01-2007, 12:17 PM
Parent: #50
| Quote: أصل الحكايه بدأت فى عيد ألعلم وأنا فى خامسه إبتدائى وكان بلموا مدرسة البنات مع ألأولاد ,عشان البروفات لليوم ألختامى للعيد,وأنا كنت فى فرقة التمثيل وهى فى فرقة استعراضيه كان نشيدهم اسمه بساط الريح بلف على كل أقاليم السودان وبأدى رقصاتها. |
هي وينا الحكاية يا ابو السباع ؟؟؟ علي منو يا نبيه .
أحكي وبلاش حركات ولا صحي أولادك في نفس طيارة عادل جبارة
انا أسف اظني نسيت .
|
Post: #52
Title: Re: ود وبت الجيران..
Author: عادل جبارة
Date: 03-01-2007, 12:27 PM
Parent: #51
Quote: ألأخت/منى.....
بوستك جميل بدى فرصه للناس تعرف بعض |
إسماعيل ؟؟
ما بالغت لكين !! طيب ما تقول الكلام ده هناك في ( فلسفة القُبل ) ؟؟
|
Post: #54
Title: Re: ود وبت الجيران..
Author: عادل جبارة
Date: 03-01-2007, 12:36 PM
Parent: #52
Quote: هي وينا الحكاية يا ابو السباع ؟؟؟ علي منو يا نبيه .
أحكي وبلاش حركات ولا صحي أولادك في نفس طيارة عادل جبارة
انا أسف اظني نسيت . |
هاشم !!
إنت بالذات أبعد من الموضوع دا لأنو أنا عرفت أنو بت جيرانكم حتكتب القصة بتاعتها هنا !! يعني كان ما جات منك ح تجي منها يا خفيف .. سلالالالالام .. قال مشتهيك قال !!
|
Post: #53
Title: Re: ود وبت الجيران..
Author: Muna Khugali
Date: 03-01-2007, 12:34 PM
Parent: #51
انا ماقلت ليكم بيكون بوست لذيذ?
اليقول ليك بيتنا كان ناصية..واليبدا ليك حكاية ويزوغ قايلك دايش..
واليعمل فيها مافاهم الموضوع..وغايته عندكم جنس حركات
قصص تضحك شـديد والله انا من أمس بضحك والليلة ضحكي زاااااد
بيان شـوفتي الجماعة مزغبرين كيف?
برجـع ليكم
|
Post: #55
Title: Re: ود وبت الجيران..
Author: ismeil abbas
Date: 03-01-2007, 12:56 PM
Parent: #1
ألأخت /منى.....
سلام........
ما شاء الله الجماعه بدوا اتكابلوا على......
لكن بركز مثل ودسعيد ألأرباب....هيععععععععععع أناود جموع.
لكن بينى وبينك عادل وهاشم قاعدين لى بالمرصاد.
مع العلم يا هاشم ويا عادل لو سألت أم احمد حا تقول ليك قال لى الكلام ده كلوا فى المكاشفه الشهريه.(أيام الزواج ألأولى)....و برضو حا
اواصل بأذن الله .
وكم أعجبنى رد أختنا بيان .ظريف ولطيف ودمه خفيف.
|
Post: #56
Title: Re: ود وبت الجيران..
Author: ismeil abbas
Date: 03-01-2007, 01:05 PM
Parent: #1
والله يا هاشم أنا هين كدى شوف ليك طريقه مع عادل جباره.
بدل كنت مدمن حب حايخليك مدمن مخدرات . ويا عادل بطريقتك دى والله بتقتل ليك زول . سلام
والسبب منى ....سلام
|
Post: #239
Title: Re: ود وبت الجيران..
Author: Muna Khugali
Date: 03-17-2007, 01:09 PM
Parent: #56
Quote: والله يا هاشم أنا هين كدى شوف ليك طريقه مع عادل جباره.
بدل كنت مدمن حب حايخليك مدمن مخدرات . ويا عادل بطريقتك دى والله بتقتل ليك زول . سلام
والسبب منى ....سلام |
اسماعيل عباس والإستعداد لحالة الطوارئ
|
Post: #57
Title: Re: ود وبت الجيران..
Author: abubakr
Date: 03-01-2007, 01:40 PM
Parent: #1
| Quote: صاحبي سألني لمن عرسته قال لي من وين العروس .. قلته ليه بت جيرانا .. والنبي وصى على الجار .. قال ليه وصى قال أدوه شطة .. أدوه ملح .. |
ما هو بشان كدة انت سعيد ؟؟ اها شفت ليك شطة وملح خربن البنكرياس وسون سكري ؟؟؟ اها انت بالشطة والملح اهو اخر تمام وقربت تبقي شاعر ؟ بعدين الشطة والملح ما بخلن الواحد في الحفلات يحت حت ود شسقوق ( اها ات بسال اسال مني عن ودشسقوق الحتات بتاع المقاه الامهرية ... والامهريات ما شفتهن بحتن كيف من الشطة القبانيت )...
|
Post: #60
Title: Re: ود وبت الجيران..
Author: خالدة البدوي
Date: 03-01-2007, 02:46 PM
Parent: #57
منو الحبيبة
بوستك لذيذ بحق ،،
آهـ من ود الجيران ،،،
تعرفي اللذ زول هو ود الجيران .. عندي قصة قصيرة
سوف تره النور في اليومين الجايات هي جاهزة بس
لسة ما نزلت بوست هي داخل فيها ود الجيران لكن
ما هو الحبيب هو صاحب الحبيب ( تخيلي ) ،،،
اخليك تشوفيها بعدين نشوقك شوية ،،،
كنا نتنقل مع الوالد رحمة الله عليه حسب عمله
وحتى ننتقل إلى منزلنا سكنا في منزل عمي وكان
ابن الجيران ظهر في الصورة ..
اختة زميلتي في المدرسة نتبادل المجلات والكتب عبرها
وتوجد داخل الصفحات عباراتنا والتي لا يعرفها
الا نحن لانها تكون مخطوطة بين الصور .. اخته
المسكينة رايحة جاية شايلة المجلات وفي وسطها
لايوجد شيء من اوراق وغيرة ولكن كانت تحمل في
طياتها وبين اسطرها ارق العبارات واعذب الكلمات
لا يوجد شخص يناسب سنة من بين اخوتي ليتحجج بهم
وأنا ممنوعة من الخروج والزيارات خارج نطاق المدرسة
وهم ليس جريان حيطة بالحيطة عشان يكون في ملح وشطة وما شابه
يعني بعد ثلاثة بيوت تقريباً ..
كان ينتظرنا ونحن عايدين من المدرسة تحت الشجرة أو العمود
كان جريئاً وأنا عكسه يجبرني على الوقوف معة والتحدث لي ..
وبما أننا نسكن بمنزل عمي مؤقتاً حان وقت رحيلنا إلى منزلنا ط
في حي آخر ..
تصوري بعد رحيلنا اصبح يقطع الفيافي لاجدة منتظرني وانا عائدة
من المدرسة ..
آهـ .. شنو يا منو قليب المواجع دهـ ...
المهم في الآخر افترقنا ولم نلتقي ..
المفاجاة الكبرى في اجازتي الصيفية 2006م يوم اختي الكبيرة وهي
معلمة بمدرسة قالت لي فلانة تسلم عليكي وهي معلمة معنا بالمدرسة
ومتزوجة وساكنة جنب المدرسة ودهـ تلفونها وبتقولك لازم نشوفك ..
فلانة دي يا منو اختة يعني بعد 20سنة ...
بيني وبينك أنا خفته من الموضوع ورديت لها السلام شفوي
مع اختي ،،،
رائك شنو هسة في داعي للبهدلة دي يا منو ..
قايتو استفذيتينا وقولنا بعدين سجن سجن غرامة غرامة ،،،
مووووووووووووووووووووووووووووووووووووودتي يا حبيبة ،،،
|
Post: #193
Title: Re: ود وبت الجيران..
Author: Muna Khugali
Date: 03-08-2007, 01:55 PM
Parent: #60
منتظرين البوست بفارغ الصبر-عاينو فارغ الصبر دي جميلة كيف?-
علشان نشوف الجيران وأصحابهم..دي عاملة زي قصة أولاد الإمتداد مع ناس الصحافة
قصتك لذيذه خلودتي حبيبتي..
لكن شوفتي زفت الطين عمل معاي شنو?
|
Post: #58
Title: Re: ود وبت الجيران..
Author: عاطف عمر
Date: 03-01-2007, 02:21 PM
Parent: #1
يا منى
قصة بت الجيران دي ياها زاااتا سيرة البحر الما بنجيبها
هسع عليك النبي لو كنا صادقين وحكينا ليك الحصل صحي صحي ، نسلم كيف مع ( القوات الصديقة ) المرابطة معانا في الشقة .
دا إسمو كلام ؟؟؟؟
حكمة البوست
الجبن سيد الأخلاق
|
Post: #61
Title: Re: ود وبت الجيران..
Author: omer almahi
Date: 03-01-2007, 03:00 PM
Parent: #58
ممكن اطلب اغنية
جاري وانا جارو بتعذب بناروا
يا بت انا ود الحلة
وعاشقك وحياة الله
من تمبس..?
واهديها لست البوست ولكل زوار البوست
|
Post: #243
Title: Re: ود وبت الجيران..
Author: Muna Khugali
Date: 04-01-2007, 09:55 PM
Parent: #58
Quote: قصة بت الجيران دي ياها زاااتا سيرة البحر الما بنجيبها
هسع عليك النبي لو كنا صادقين وحكينا ليك الحصل صحي صحي ، نسلم كيف مع ( القوات الصديقة ) المرابطة معانا في الشقة .
دا إسمو كلام ؟؟؟؟
حكمة البوست
الجبن سيد الأخلاق |
أولا ياعاطف... سعديه عارفه كل حاجه..يبقي انت خابف من منو؟
الا كان تكون خايف من ناس رفاعه يقروا كلامك!
عارف أنا بعد ما خلصت قرايتي بفتره كده شفت واحد من زملاتي زمان في المدرسه..وجو سكنوا جنبنا ..بقي قيافه وما شكال زي لما كنا في الابتدائي..قربت أحبه بس خساره كان خاطب!
|
Post: #59
Title: Re: ود وبت الجيران..
Author: صديق الموج
Date: 03-01-2007, 02:46 PM
Parent: #1
Quote: انا ماقلت ليكم بيكون بوست لذيذ?
اليقول ليك بيتنا كان ناصية..واليبدا ليك حكاية ويزوغ قايلك دايش..
واليعمل فيها مافاهم الموضوع..وغايته عندكم جنس حركات
قصص تضحك شـديد والله انا من أمس بضحك والليلة ضحكي زاااااد
بيان شـوفتي الجماعة مزغبرين كيف?
برجـع ليكم |
منى لكن شفتى جنس شداعة اخوك دى،،،،
|
Post: #62
Title: Re: ود وبت الجيران..
Author: جلال ناصر
Date: 03-01-2007, 03:17 PM
Parent: #1
العزيزه منى خوجلى
سلام ليك ولكل المتداخلين
البوست لذيذ لكن زى المشى فى منطقه مزروعه با الالغام
انا حاحكى ومطمئن جدا لان زوجتى ما بتعرف انترنت ولا سودانيز اون لاين ومشدوهه بين الاء واحمد
نعم اول حب فى حياتى ومازال رسمه باقى بت جيرانا وقريبتى
كانت بت زى القنبله لقبناها بالدكتوره كانت فنانه ورسامه وجريئه وحلوه من شده جراتها كتبت فى بلوزتها من الامام صياد النجوم والله كانت بت زى الجن
تحاببنا انا فى الثانوى العام وهى فى سادسه ابتدائى
كان حب كل الحياه كان ابوها مغترب كانت لبيسه وجميله وبرضو كنا بنحضر المسلسل معاهم
قلت ليكم جريئه مره جاءتنى ملاريا جاءت قعدت جمبى فى السرير وبدات تمسح لى العرق بى بيدها والعرق كل مره يزيد والله ياجماعه الى الان اشعر بيدها وغزاره العرق
يامنى قلبت علينا المواجع المفرحه
اجمل حاجه فى الجزيره فى الزمن داك البيوت ماكان فيها حيشان وبيتنا فاتح فى بيتهم وبينتا وبيتهم مافيهم حيشان كنت اخت عنقريبى قصاد بيتهم وما اقوم من النوم الا اشوفها ماره الصباح
قرينا عبير مع بعض وحفظنا روايه ما جدولين وكانت رسامه جدا
ولاننى كنت شافع ساكت ولااملك من الدنيا شيئا تزوجت وتركتنى فى الصقيعه
وما زال القلب يزكرها بكل الحب والتقدير وهى الان ام لود وبت جيران برضو
رينا يصلح حالها دنيا واخره
جلال ناصر
|
Post: #63
Title: Re: ود وبت الجيران..
Author: صديق الموج
Date: 03-01-2007, 03:21 PM
Parent: #1
Quote: انا ماقلت ليكم بيكون بوست لذيذ?
اليقول ليك بيتنا كان ناصية..واليبدا ليك حكاية ويزوغ قايلك دايش..
واليعمل فيها مافاهم الموضوع..وغايته عندكم جنس حركات
قصص تضحك شـديد والله انا من أمس بضحك والليلة ضحكي زاااااد
بيان شـوفتي الجماعة مزغبرين كيف?
برجـع ليكم |
منى لكن شفتى جنس شداعة اخوك دى،،،،
|
Post: #64
Title: Re: ود وبت الجيران..
Author: bayan
Date: 03-01-2007, 04:25 PM
Parent: #63
Quote: بيان ياخ ماقلنا ليك ذكريااااات ذكريات شنو مالك ?
ثم تانيا احمد وعادل ما قاعدين يقرو سودانيز اون لاين يلا يلا قولي
( وش داهك ) |
اها عادل دا بيكتب هنا كمان واحمد مرات بيقرأ فرحان لاني لسع شرانية وكعبةو بت لذينا..
واختي الكبيرة والجيل التاني من الاطفال..الا البوست دا يمشي الخور
حتى نجيكم.. 
اليوم كنا بنتكلم عن هذا البوست نحديدا مع صديقتي التي عاشت نفس ظروفي
وكانت هوايتها عمل اخصاء نفسي لاولاد الجيران..
قالت اي ولد يرسل جواب بدقوه طوالي هي واخوها..
اها مرة واحد رسل ليها جواب.. شالتو وزووووووووووووووووونة
على بيتهم دقت الباب فتحت الام
دي طوالي بكل انفعال ادت الام الجواب
وقالت ليها يعني ولدكم قايلني صعلوقة ولا صعلوقة
وقضت مراهقتها كلها في تسجيل البلاغات الذي دي
الى ان انقطعت الرسائل تماما. وبقو اولاد الجيران يطلعوا فيها الاشاعات
انتقاما...
انت محنن يا واسبة ما تقص..
|
Post: #66
Title: Re: ود وبت الجيران..
Author: Khalid Saeed
Date: 03-01-2007, 05:57 PM
Parent: #64
أفروديت ..
همست لنفسي عندما رأيتها ، ولكن يبدو أن من بجانبي سمع همسي دون إرادتي ..
فقال : ( قلته شـنو ) ؟.
ولم أعبأ به فقد كانت عيناي متسمرتين على عينيها الواسعتين الباسمتين ، وكلانا لم يعد منشغلاً بالمسلسل العربي على شاشة التلفزيون البلورية ، هي وسط شلة من البنات والأطفال جاءوا لمتابعة المسلسل في بيت جيرانا ، كانوا هم الوحيدين الذين لديهم جهاز تلفاز في ذلك الحين ، وكنت أقف خلف الجدار الفاصل بيننا وبين هؤلاء الجيران أتابع أيضاً المسلسل من بيتنا وبجانبي أحد أبناء الجيران حين وقع بصري عليها .
قلت : ( هل هذا مايسمونه حب من أول نظرة ) .
فكرر حسن سؤاله : قلته شنوا ؟.
( أفروديت ) همست مرة أخرى .
فقال : يعني شنو ( أفروديت )
فقلت له : إنها آلهة الحب والجمال لدى قدما الإغريق .. ثم أردفت مباشرة ( دي منو دي ) .
قال : وقد عرف من نظراتي إليها من أعني بهذا الإسم ( دي بت ناس مبارك قاعدة مع ناس خاله التوم جيرانكم ) .
ولعلها خمنت مادار بيني وبين حسن فإبتسمت إبتسامة أضاءة حياتي الكالحة من وجهها البدر ليلة تمامه ، البدر كما رآه البدوي في الصحراء لاكما صوره لنا الأمريكان ( صخور وأخاديد وبراكين خامدة ) .. رفعت لها بحياء شديد يدي مجيباً ، فردت بهزه من رأسها أن قد بلغتني التحية ومعها كل الحب .. كان مركبنا يتهادى في مياه رقراقه يمخر عباب النهر الخالد ( نهر الريد الصافي ) يحملنا حبيبين مجنونين ببعضهما ، في هيام وإنسجام لايعكر صفوهما نظرات الشباب الغيورة ولا حسد الفتيات ، لم يكن يهمنا همس نساء الحي ومايضيرنا مادمنا لانفعل عيباً ، لذا لن نخفي حبنا ..كان ذلك غريباً على مجتمعنا وبالذات حينا العمالي ومضت بضع سنين لم أعمل لهؤلاء أي حساب .. فحبنا طاهر عفيف كحب إبن الملوح قيس وليلى .. صافي صفاء سريرة الأطفال ، لم نكن مثلهم في الحي نعشق في الظلام كالخفافيش والبوم ، كنا نلتقي وضح النهار ، تحت بصر الجميع في الحي الجميل ، ليس فينا مانخجل منه .
ومر صيف .. وشتاء .. ثم صيف ، كانت كل الفصول ربيع عندنا ، ربيع دائماً قد خلق لأول مرة في بلادي .
لكن لم يرق للخفافيش والبوم تحليق الحمائم والقمري فوق السحاب فارده أجنحتها للشمس المشرقة ليس هنالك مايمنع بقية الطيور من التحليق في النهار غير طبعها الخفاشي والبومي .
وهنا بدأت الحرب القبيحة والكريهة على حبنا .. على نقائنا على دواخلنا .. فعاد الربيع أدراجه من حيث أتى وذبلت كل الأزهار حتى أزهار شجر النيم لم يعد يفوح منها شذاها في الليالي الصيفية ، وبيوت الحي بدأ منظرها كئيب كعربات قطار البضاعة المهجورة في محطة السكة الحديد .. الكلاب صارت تعوي كالذئاب بل تنوح منذرتاً بشؤم وشيك الوقوع ..
ومن سيموت الليلة ؟! ..
- ( تنوحي على عمرك ) تقول النسوة وهن منقبضات الصدور وكأنهن بهذه العبارة قد قلبن السحر على الساحر .. وفدين روح أحد أفراد الحي بروح من ينوح عليه مقدماً ، وهن لايدرين أنهم ينوحون على حبنا ...
إشتدت العواطف الهوجاء تقتلع كل شئ .. أعجاز النخل .. أعمدت مصابيح الكهرباء .. ماتبقى من أعمدت الهاتف .. الورود والياسمين والقرنفل والصبار .. والحب والغزل .. كل هذا تحطم ..وطار الحمام والقمري والأوز البري والعصافير والكناري وطير الجنة هاجر إلى ماوراء القارة .. وحلقت في السماء أسراب الغربان والجوارح والبوم والعقاب والذباب ..
لم يبقى في أجسادنا شبراً إلا فيه طعنة رمح أو ضربة سيف ..
لماذا لانرفع الراية البيضاء .. قالت هي ؟
أما أنا فلم أقل شئ .. إذ كان لساني أيضاً مجروحاً ، كما هو حال قلبي وكبدي وعضدي ..
لم نستطع أن نطاطي رأسينا للريح لأن رؤسنا خلقت هكذا .. فدخلت السفاية عيوننا وملاءة الكتاحة أنوفنا وخنقتنا العبرة .. فماتت الأحلام والآمال والحاضر والمستقبل .. وماتت الأحاسيس والمشاعر والقلوب ..
وحطم الزلزال أفروديت ...لقد مات الرمز ...
وجرف الطوفان الحطام وقهقه الشيطان لإنتصاره .. وهتف أعوانه له وإنتحب العشاق في أقاصي الأرض .. وساد الكون ظلام دامس ولم تعد تشرق الشمس ومرت سنة كبيسة وأخرى حبيسة ثم عقد ثقيل .. فدهر طويل ....
الأرباب
( من كتابات الأستاذ/ عمر حسن " نشرت في جريدة الخرطوم في الزمن الجميل " )
|
Post: #65
Title: Re: ود وبت الجيران..
Author: ismeil abbas
Date: 03-01-2007, 05:56 PM
Parent: #1
يا منى سيبينا من شجاعة صديق الموج أخد ألأذن من وزارة الداخليه.
بالرغم من إنى انا عارفو زولآ كلس .لكن لزوم ألأحطياتى واجب.
ثم ثانيآ يا منى أى زول متزوج من منطقة الخليج بخاف يرد ليك ألأربعاء والخميس,لحاجة فى نفس يعقوب.
وكنا واقفين يا منى أختى فى عيد العلم وأيا م نميرى.
كانت الدنيا بخير ,لا شفنا هم ولابكت عينينا.وكان بالجد أخوكى داقس دقسه شديده ومافاهم الحاصل شنو.
من الحاجات الفتت إنتباهى كنا بنمشى بى بص واحدوكم مره القاها حاجزه لى جنبها بالرغم من فى بعض الناس بكونوا واقفين وبكل جراءة ألأطفال بتقول ليهم محجوز لى (اسماعيل سيد الناس),
وأخوك يامنى وحاتك ماجايب خبر .لكن بينى وبينك بقيت أحس لما أشوفه بشىء فى صدرى. والقلب بزيد خفقانه.وأول مره وأنا باليل نايم وبتونس مع الوالده أمى الله يرحمه ويغفر ليها,صرحت ليه قلت ليها يا أمى فى واحده لو قالت لى أدينى الساعه دى بديها ليها.وكانت عندى ساعه ماركة أم درمان جابه لى الوالد هديه لآنى جيت الثانى فى الصف وكانت غاليه عندى الله يمتعه بالصحه والعافيه.بالله ما عواره ....
ومرت ألأيام كالخيال أحلام
وانطوت آمال كم رواها غرام.
وليكى راجع.
ونواصل بعد الفاصل.
|
Post: #67
Title: Re: ود وبت الجيران..
Author: Khalid Saeed
Date: 03-01-2007, 07:53 PM
Parent: #65
| Quote: ما هو بشان كدة انت سعيد ؟؟ اها شفت ليك شطة وملح خربن البنكرياس وسون سكري ؟؟؟ اها انت بالشطة والملح اهو اخر تمام وقربت تبقي شاعر ؟ بعدين الشطة والملح ما بخلن الواحد في الحفلات يحت حت ود شسقوق ( اها ات بسال اسال مني عن ودشسقوق الحتات بتاع المقاه الامهرية ... والامهريات ما شفتهن بحتن كيف من الشطة القبانيت )... |
أبوبكر .. حبيبنا تحياتي ،
والله الشطة والملح وقعن صحبك رب .. كرب ...
أما الأمهريات ديل شططتهم براهم ..
آظنهم بكترووا فيها الليموووووووووووووووون ...
تعرف مرة صاحبي كان مكسر ليه في واحدة قنبله .. ناس عطبرة يعرفوها كويس .. حاجة ماعاديه .. أظنها جات مع كتاحت عطبرة ديك البتجي بالليل .. والله كان ما أخاف الكضب أقول الهبوب دي وقعته من السمه الأحمر زاتو .. المهم البت دي فشلت معاها كل المحاولات فقلنا نفكر في طريقة مبتكره .. كتبناجواب كالتالي :
المشهد في قاعة المحكمة :
القاضي : وهو أنتي تجلسين على منصت الحكم كالقمر ليلة تمامه ...
المتهم : وهو أنا أقف خلف القضبان زائغ العينين ..
النيابة: سيدي القاضي حضراتي المستشارين أن المتهم الماثل أمامكم قد أقدم على جرم كبير وخطير .. لقد أقدم على الوقوع في غرامك سيدي القاضي .. أنت يامن يفوح شذاك كما الزهرة .. أنت يابدر التمام .. كيف لهذا الصعلوك العربيد أن يتجرا على سعادتكم .
الدفاع : سيدي القاضي .. حضراتي المستشارين السادة الحضور ..
أن موكلي له كل العذر .. كيف يقدر على الصمود أمام كل هذا الجمال ..وكل هذه الرقة التي نزلت فجأه في هذه المدينة الصغيرة ( عطبــرة ) ..وأنتم تعلمون تماماً أن هذه المدينة الصغيرة لايكتم فيها سر ولايخفى فيها خافيه.. فموكلي معذور فقد تبع قلبه الذي يهيم بك حباً وشوقاً ولوعة .. ياسيدي القاضي .. أطالبك بالشفقه والرحمة .. أنظر ألى هذا المتيم ..
أصيح أنا من خلف القضبان : ( هلا رحمتي متيماً عصفت به الأشواق وهنا ) ...
يطلب القاضي مني الهدوء وأن ألتزم الصمت وأرعي حرمت المحكمة ..
يواصل الدفاع : سيدي القاضي .. أخاطب فيك قلبك الملائكي أن تنظر إلى موكلي بعين العطف ..
القاضي : يهمس إلى مستشاريه .. ثم يقول الحكم بعد المداولة .. رفعت الجلسة ..
يصيح الحاجــب : محكمــــــــــــــــة !!! .
رسلنا الخطاب ...
تعرف الرد شـــنو : الفرده مانقشت حاجة ( قالت لينا وجهـــة نظــــر .. والله كانت مفتريه خلاص ) ....
والله أيام ... تحياتي لك ياأبوبكر ... وإلى أصدقاء الزمن الجميل .. كم ضحكنا على كل هذه الأشياء .. وكم بكينا عليها .....
تحياتي ،،،
خالد الأرباب
|
Post: #68
Title: Re: ود وبت الجيران..
Author: abubakr
Date: 03-01-2007, 08:15 PM
Parent: #1
| Quote: ..وأنتم تعلمون تماماً أن هذه المدينة الصغيرة لايكتم فيها سر ولايخفى فيها خافيه |
اتبراوي قديم انا ..اتبراوي زمن محمد عوارة ..كان لنا فضل حراسة تلك المدينة الوادعة قبل ان يقرر محمد عوارة ان يعمل بجنزيره في مدرس للفنون لنا فقرر ناظرنا المرحوع عمنا طلسم الا ننام الا ونكشف من اعتدي علي استاذنا الفنان الوادع وداعة وقد كان ...كان محمد عوارة ربما يعاني من مشكلة بت الجيران فربما ادتو قنبلة ففكر في ان ينتقم وكان يختار الرجال ويضربهم وهم في احضان زوجاتهن .. بالله مش احسن ليك الشطة بدل جنزير محمد عوارة ...
___________
حاشية : نحمد الله كثيرا الذي شغل واحدة صاحبتي كانت بتبيع الورد بود الجيران
|
Post: #69
Title: Re: ود وبت الجيران..
Author: خالد علي محجوب المنسي
Date: 03-01-2007, 09:32 PM
Parent: #68
Quote: إنتو أسه كلكم خايفين تتكلموا ليه?
خـايفين من منو? |
أنا ماني خايف لكن بت جيرانا كانت موضوقنا المرة ... جنها دعا ... تقول ليك ماتضربني اضربك النبي اب عضلات ... اضربك الله بعكازو ... يومنا اسود ان جات مارة وظللنا وقافين امام الباب .. يوم داك شكلة جازة صقر الجو
بعدين انتي ماكان تخلي برضو ود الجيران
منى لك التحية الموضوع جميل بس بجيب خراب بيوت
خالد محجوب
|
Post: #70
Title: Re: ود وبت الجيران..
Author: Muna Khugali
Date: 03-02-2007, 09:11 PM
Parent: #69
وينكم الليلة ياشباب?
ولا الكومبيوترات متراقبة?
أهه الليله الجمعة في الدول الإسلامية..ناس بره مالهم?
وإنت مالك ماحكيت لينا بالتفصيل خالد علي محجوب أخـوي?
ناس المجر اتعلموا عربي ولا شنو?
منتظراكم وآسفة علي تأخري وغيابي اليوم كله..
أصـله ود جيرانا كتب لي.جـواب ورماه بفتحة الباب
|
Post: #71
Title: Re: ود وبت الجيران..
Author: خالد علي محجوب المنسي
Date: 03-02-2007, 10:38 PM
Parent: #70
Quote: وإنت مالك ماحكيت لينا بالتفصيل خالد علي محجوب أخـوي?
ناس المجر اتعلموا عربي ولا شنو? |
أخيتي سلام
تفصيل شنو يا منى أنا قلت ليك هي الجارة الوحيدة في الحي وضوقتنا المرة
البكون عندو معاها تفاصيل دي منو .. دي كسرت مفاصيلنا ؟ كنا نتاوق في الشارع قبل ما نمرق امكن تكون في الشارع .. في الحالة دي بنرجع صادين دي كرهتنا النسوان وقربنا نخت طوبة في محل الحبيبة والزوجة بسببها ...
لك التحية
خالد محجوب
|
Post: #72
Title: Re: ود وبت الجيران..
Author: Salah Waspa
Date: 03-03-2007, 02:17 AM
Parent: #71
منى وبيان والبقية
معليش أدونا فرصة الحكاية دايره ليها جرة نفس
وكمان اليومين ديل كتاحة كندا ما مقصرة وحسه انا وكمبيوتري
تحت الأنقــاااااض .
بجــيكم بــس بعد كل واحــد يفــك آخــره
بيــان عــادل بيكتب بالجد ولا طلعتي بينا الجو
وكــان بيكتب بكتب باســم منـو ?
الــرد على وجـــه الســرعة ولا ماااااابقــص .
واســـــــــــبه
|
Post: #73
Title: Re: ود وبت الجيران..
Author: bayan
Date: 03-03-2007, 08:26 AM
Parent: #72
واسبة اتفرج في المنبر فتش عنه
ولا احذر العادلات...
بس ما عادل عبدالعاطي.
لانه ما ممكن الشبك تتلما في عائلة واحدة
لكن ممكن مدينة واحدة
(وش ميت بالضحك)
|
Post: #75
Title: Re: ود وبت الجيران..
Author: عادل جبارة
Date: 03-03-2007, 12:30 PM
Parent: #73
Quote: واسبة اتفرج في المنبر فتش عنه
ولا احذر العادلات... |
الحمد لله الذي جعلني من العادلون أو العادلين ما عارف المهم .. ليس العادلات
|
Post: #76
Title: Re: ود وبت الجيران..
Author: Muna Khugali
Date: 03-03-2007, 01:06 PM
Parent: #75
أنا عارفاه بس مابقول ياواسبه..
عارفاك ماشي تفتشه بالمسنجرات..
اهه ماطلع عادل جباره..
واكيد ما عادل سـمير..
وأؤكـد ليك ما عادل هميم
أوبس...
أوعي من الوزنة الأخيرة دي 
|
Post: #77
Title: Re: ود وبت الجيران..
Author: عادل جبارة
Date: 03-03-2007, 02:12 PM
Parent: #76
الله ... يخارجنا
|
Post: #79
Title: Re: ود وبت الجيران..
Author: عادل جبارة
Date: 03-03-2007, 02:50 PM
Parent: #77
Quote: (عدل بواسطة ismeil abbas on 01-03-2007, 04:57 م)
(عدل بواسطة ismeil abbas on 01-03-2007, 04:58 م) |
إسماعيل عباس
عدَّلْت شنو ياالخفيف ؟؟
|
Post: #80
Title: Re: ود وبت الجيران..
Author: هاشم أحمد خلف الله
Date: 03-03-2007, 03:03 PM
Parent: #79
يا اخواني كان روقتو بوصف الشوفتو , قولوا لي شفت شنو ؟؟؟
عجائب وغرائب , والله الليلة مرهق شديد لكن بكرة إنشاء الله .
|
Post: #81
Title: Re: ود وبت الجيران..
Author: مامون أحمد إبراهيم
Date: 03-04-2007, 07:09 AM
Parent: #80
يسعد صباحاتك يا منى ..
هذه أول فاجعه فى حياتى .. وكانت عن بت الجيران !
أمدرمان 1969م .. صبيه كأنها من عالم الأحلام ! أميره أسطوريه هبطت على سماء المدينه .. فنثرت عطرها وعبيرها الخرافى على سماء أمدرمان .. فتغنت على أنغامها الحمامات والعصافير , وزغردت !
ثم ذهبت بلا رجعه .. وتوارت عن الأنظار .. لكنها لم تتوارى عن الأخيله , ولن تغادر !
كانت فى السنه الثالثه إقتصاد جامعة الخرطوم ! بينما كنت فى السنه الأولى وسطى !
هى فى العشرينات وأنا طفل فى الثانيه عشر ! ... وكانت ثمة علاقه بيننا يا منى ! ويا لها من صداقه !
ويا له من حب أزلى إلى حد الوله ! .... تأتى إبتسام من الجامعه كل خميس .. وسرعان ما ترسل إخوتها
أصدقائى الصغار لمناداتى .. ثم تبدأ عطلة الإسبوع الخرافيه المشوبه بذلك الصفاء والنقاء والإخاء
والإخاء الأسطورى .... يالها من أيام يا منى ... معليش أعذرينى .. سأتوقف هنا ولكننى حتماً
سوف أعود لنواصل .....
|
Post: #82
Title: Re: ود وبت الجيران..
Author: bayan
Date: 03-04-2007, 08:32 AM
Parent: #81
شنو يا خالد منسى
اسع جيت فرحانة قلت لازمن كتب عني..
(وش زعلان شديد)
|
Post: #83
Title: Re: ود وبت الجيران..
Author: bayan
Date: 03-04-2007, 08:41 AM
Parent: #81
القصة دي منى للوليد البكاي ..
Quote: يجلس طول الوقت تحت نيمة قرب بابها.. ينتظر ان تخرج
ليتبضع بنظرة تجعل يومه جميلا..حتى فتحت الباب
يوما تطلع اليها منشدها وماخوذا.
نظرت اليه وقالت له: يا هناي النبي كان ما
جريت اشتريت لي كبريتة.! |
من بوست قصص قصيرة
|
Post: #232
Title: Re: ود وبت الجيران..
Author: Muna Khugali
Date: 03-15-2007, 00:37 AM
Parent: #81
Quote: هى فى العشرينات وأنا طفل فى الثانيه عشر ! ... وكانت ثمة علاقه بيننا يا منى ! ويا لها من صداقه !
ويا له من حب أزلى إلى حد الوله ! .... تأتى إبتسام من الجامعه كل خميس .. وسرعان ما ترسل إخوتها
أصدقائى الصغار لمناداتى .. ثم تبدأ عطلة الإسبوع الخرافيه المشوبه بذلك الصفاء والنقاء والإخاء
والإخاء الأسطورى .... يالها من أيام يا منى ... معليش أعذرينى .. سأتوقف هنا ولكننى حتماً
سوف أعود لنواصل ..... |
مشيت وحرمتنا من الحكي الجميل..
ممكن ترجع لينا?
|
Post: #84
Title: Re: ود وبت الجيران..
Author: bayan
Date: 03-04-2007, 08:43 AM
Parent: #75
| Quote: الحمد لله الذي جعلني من العادلون أو العادلين ما عارف المهم .. ليس العادلات |
الناس الذي سبت دودو دي ما تخلي ليها غلطة تمشي..
خلاص العادلين
|
Post: #85
Title: Re: ود وبت الجيران..
Author: Salah Waspa
Date: 03-04-2007, 09:07 AM
Parent: #84
انتي يــا بيـــان بتــغطســي وييييييين وتجــي ناطه كــده ?
ثــم ثانيا I DONT CARE ABOUTاللغة العربية ده موضوع عادل جبارة باعتباره
من العادلـــين أنــا موضوعـــي ما جاوبتي على سـؤالي ليـه ?
هســه أقــوم أشــاكل ? أصــلوا في زولة حنباكــة وشـكالة كـده
عادتــني وبقــيت كــان زول قال لي ازيــك أشاكله . ( وش وخلاس)
أهـا تعالي بعــد بكــره ردي علي المداخلة ومسكنا التايم !!
منــى كيــفك العــدد لســع يحـسسك انــه في غتــاتة وتــردد
وطبــعا كـله من بيــان حســع لــو أخــدت الموضــوع
بـروح ريــاضـية كـنا حســع حنكون في الصـفحة الرابــعة .
وبــرضو راجــين
صــــلاح واســبه
|
Post: #86
Title: Re: ود وبت الجيران..
Author: حيدر حسن ميرغني
Date: 03-04-2007, 09:16 AM
Parent: #84
صاحبي كان متيم ببنت في حينا
قال لي اعمل شنو عشان تحبني واحبها
قلت ليهو اكتب جواب
قام كتبو وشالو ومشى عديل لبيت الزولة دي ... وكان داخلة فيهو حتة رجفة
دق على الباب ... جاتو ليك هي زاتها
إتكبكب شديد وقال ليها
بالله أدي الجواب ده لعماد أخوك
|
Post: #87
Title: Re: ود وبت الجيران..
Author: Salah Waspa
Date: 03-04-2007, 09:28 AM
Parent: #86
حيــدر والله دي مبــالغة
والله ضحــكتني واتخيلت الأحــداث بعداك والنتائج
بــس هــل صحــيح حــصــلت يـا حــيدر ولا نكــتة ?
دي ذكرتني بنكتة الراجل الأكــال أبو لقــمة كبيرة وكان بياخد
راحــته في الأكــل وهـو ضــيف عند نـاس والنــور كــان قــاطع
وفجــأة وهــو مـاســك اللقــمة النور ولع قــام قــال لـيهم
ويــنو كــلبكم ?
تحــياتي
صــلاح واســبه
|
Post: #88
Title: Re: ود وبت الجيران..
Author: حيدر حسن ميرغني
Date: 03-04-2007, 09:34 AM
Parent: #87
صلاح
والله دي حصلت بالجد
خوفي الجماعة هنا يجو يقولو لي ده أنت زاتك
مع إنو أنا كنت الزمن داك أنصار سنة
|
Post: #89
Title: Re: ود وبت الجيران..
Author: Salah Waspa
Date: 03-04-2007, 09:41 AM
Parent: #88
حــيدر
كنت أنصــار ســنه وتقــول لي الراجل أكتب ليها جــواب
الليلة جبت لي روحك الهوا جماعتك حيجو ناطين ليك حسع (watch)
غــايتو اتخــايل لي كنــت مشــروع أنصار ســنه
انت بس قول كــده وأنــا بدعــمك بقــوة (وش ضاحك)
أبقى طيب
واســبه
|
Post: #167
Title: Re: ود وبت الجيران..
Author: نزار محمد صالح
Date: 03-07-2007, 11:48 AM
Parent: #89
الأستاذة منى
البوست شيق ويثير في النفس أشجان وأشجان وإن كان الخوف من عواقب البوح في مثل هذه البوستات تجعل الواحد يفكر مرتين في الموضوع
أحببتها في السنة الثالثة متوسط وأحبتني في السنة الثانية ثانوي وتزوجت في الإجازة قبل ما ننزل ثالثة وكانت النتيجة أن توقفت عن الدراسة ستة شهور
سأتوقف هنا وقد أعود ولو ما رجعتا شوفوني وين وأسألوا عني
|
Post: #169
Title: Re: ود وبت الجيران..
Author: Muna Khugali
Date: 03-07-2007, 12:55 PM
Parent: #167
| Quote: سأتوقف هنا وقد أعود ولو ما رجعتا شوفوني وين وأسألوا عني |
الجمعة الكان معانا ياناس..
الليلة ماجانا...
ترالالالالالا لا
|
Post: #168
Title: Re: ود وبت الجيران..
Author: عماد محمود علي
Date: 03-07-2007, 12:36 PM
Parent: #89
منـــو اللذيذة
مساء الخير ، ، ،،،
كيفنك يا( بنت الجيران ) ، اها شفتي الزول التحت ده عنده جنس قصص مع بنات الجيران ، غايتو كان ما قالها أنا براي بقولها واليحصل يحصل موت موت حياة حياة .   وبيشهد معاي كمان أمير الجمري وعادل جبارة .
|
Post: #207
Title: Re: ود وبت الجيران..
Author: Muna Khugali
Date: 03-10-2007, 02:23 AM
Parent: #168
| Quote: كيفنك يا( بنت الجيران ) ، اها شفتي الزول التحت ده عنده جنس قصص مع بنات الجيران ، غايتو كان ما قالها أنا براي بقولها واليحصل يحصل موت موت حياة حياة . وبيشهد معاي كمان أمير الجمري وعادل جبارة . |
عمده هاك أضنيني..
يللا حـدثني
|
Post: #91
Title: Re: ود وبت الجيران..
Author: Muna Khugali
Date: 03-04-2007, 09:51 AM
Parent: #88
قلت ليهو اكتب جواب
قام كتبو وشالو ومشى عديل لبيت الزولة دي ... وكان داخلة فيهو حتة رجفة
دق على الباب ... جاتو ليك هي زاتها
إتكبكب شديد وقال ليها
بالله أدي الجواب ده لعماد أخوك
صلاح
والله دي حصلت بالجد
خوفي الجماعة هنا يجو يقولو لي ده أنت زاتك
مع إنو أنا كنت الزمن داك أنصار سنة
ياربي?
|
Post: #212
Title: Re: ود وبت الجيران..
Author: Muna Khugali
Date: 03-10-2007, 05:27 PM
Parent: #91
صباح الورد
Quote: دي ذكرتني بنكتة الراجل الأكــال أبو لقــمة كبيرة وكان بياخد
راحــته في الأكــل وهـو ضــيف عند نـاس والنــور كــان قــاطع
وفجــأة وهــو مـاســك اللقــمة النور ولع قــام قــال لـيهم
ويــنو كــلبكم ? |
بمناسبة اللقمة الكبيره..قالوا واحـد سـوداني كان معزوم عند واحـد مصري غـدا..
بعدين السوداني راح شال لقمه كبيرة من صحن الأكل وجواها كان في لحمه..
وبعدين كرر نوع اللقمة دي..
المصري استغرب واتضايق..وقال ليه...
إنت بتسرق اللحمة ليه?
الأكل ده كله إحنا عاملينه علشانك 
ح انا حكيت قصة من قصص ولاد الجيران..وين قصتك?
|
Post: #90
Title: Re: ود وبت الجيران..
Author: bayan
Date: 03-04-2007, 09:45 AM
Parent: #87
دا سؤال بمليون دولار
لآنه الناس هنا دي كلها بتكون بتسأل سؤال وينو كليكم؟
عشان كدا مافي زول حيكي اي قصة
رعبا وخوفا...
ققررققرقرقرر@ الناس حيقولو دا انا
يا حيدر قلنا وانتهينا
بعدين ايه يعني انصار سنة
ما عنده قلب ديل بالذت قلبهم فيه اربعة غرف..
بان وعليك الامان يا عطبراوي..
شكرا ليكم ضحكتوني الليلة
|
Post: #93
Title: Re: ود وبت الجيران..
Author: هاشم أحمد خلف الله
Date: 03-04-2007, 10:00 AM
Parent: #90
Quote: والله دي حصلت بالجد
خوفي الجماعة هنا يجو يقولو لي ده أنت زاتك
مع إنو أنا كنت الزمن داك أنصار سنة
ياربي? |
كل شئي وارد ؟؟؟؟
|
Post: #185
Title: Re: ود وبت الجيران..
Author: Dr_Bringy
Date: 03-08-2007, 11:44 AM
Parent: #87
بت الجيران ...
فصل من مسرحية صامتة في حياتنا
أجمل أوقاتي كانت لما تقطع الكهربا في وقت (المسلسلة) - ابوها كان عندو عربية ولما الكهربا تقطع بيطلع بطارية العربية يشغل بيها التلفزيون – حضور المسلسل عندهم كان ليهو لون وطعم ورائحة.
أجمل أيامي – يوم صرف سكر التموين في دكان التعاون – الكلام ده في بداية التمانينات يعني ما تقولوا الزول ده عجوز
أجمل الشهور شهر رمضان لما كنا بنمشي نجيب التلج مع بعض – كانت فرصة تكون فيها عنتر زمانك فتاتيها منتصرا وانت تحمل كيس التلج من وسط الزحام ولسان حالك يقول: عبلة تناديني فالحديد لا يقاويني
اما أيام العيد فكانت عيد فعلا – أيام لا نخاف فيها من عين الرقيب وندخل ونطلع زي ما عايزين
الغريب في الأمر انه كل شيء كان بيتم على الورق - تشتري كتاب أجمل الرسائل من المكتبة وحزمة ورق رسائل ملونة وكل مرة تكتب جواب – الرد كان عبارة عن ابتسامة عريضة لما تلاقيك بعدها – الواحد بينبسط ويمشي يفكر في موضوع الرسالة التانية – ما حصل قلت ليها كلمتين على بعض شفتو الجبن ده كيف.
استمرت الحياة جميلة إلى ان فاجأني يوم اكتشفت فيه انها أصبحت عروس وانا لسه بيدوني مصاريف المدرسة
لكن برضو كانت روحي رياضية عملت كل ما طلب مني من مراسيل في فترة العرس وفي الحفلة كنت مبسوط وقعدت لحدي ما لمينا الكراسي
نقطة – سطر جديد – بنت جيران أخرى
أيام ليتها تعود
|
Post: #187
Title: Re: ود وبت الجيران..
Author: عصام دهب
Date: 03-08-2007, 12:00 PM
Parent: #87
عذراً للتكرار
|
Post: #206
Title: Re: ود و بت الجيران.... و جاي تفتش الماضي....
Author: Haytham Abdulaziz
Date: 03-10-2007, 02:09 AM
Parent: #84
أهــا زي ما طلبتي يا منى أٌغنية جاي تفتش الماضي بصوت الفنان نادر خضـر....
و عٌـذراً للتـأخيــر....
|
Post: #92
Title: Re: ود وبت الجيران..
Author: الرفاعي عبدالعاطي حجر
Date: 03-04-2007, 09:58 AM
Parent: #1
منى ......... انت حكايتك دي ما صدقتها قولي الحقيقة قاعدة تقرري في الناس وتقرقري من الضحك انا بعدك لما نتي تحكي الصح صح انا ح اقول ليك حكايتي بس ما منتظرك .
احي صديق الموج حسيت انو صديق جد جد كانت حكايتو مضبوطة الايقاع
الدكتورة بيان كلامها نص نص بس صدقت انها اتربت مع الاولاد لأنها مرة كدا شتت لي قلت دي لو بتعرفني اكيد بتديني بونية ولا شلوت معذرة ومحبة يا دكتورة بجد لانك رائعة وأقراء لك بس منتظر بعد الجدادة الحمراء وماليزيا صدق في حب ود الجيران كدي كدا فتش الذاكرة.
الاخ ولد الرجة ود الراحات داك خالد سعيد انا حاسي بيك لأني بحب عطبرة وحبيت في عطبرة برضو بت جيران خالتي الانهي من الاعلاميات المشار اليهن.
تحياتي للجميع ولك ام آية ولروائعك.
|
Post: #95
Title: Re: ود وبت الجيران..
Author: bayan
Date: 03-04-2007, 10:12 AM
Parent: #92
| Quote: الاخ ولد الرجة ود الراحات داك خالد سعيد انا حاسي بيك لأني بحب عطبرة وحبيت في عطبرة برضو بت جيران خالتي الانهي من الاعلاميات المشار اليهن. |
الرفاعي بالله دا انت(قلب بيدق بشدة)
اها بمشي واجي عشان واسبة دا احكي ليكم قصة ولد بت اخت جارتنا الرفاعي..
في الدرجة البيتهم جنب الفندق ..
|
Post: #99
Title: Re: ود وبت الجيران..
Author: Salah Waspa
Date: 03-04-2007, 10:27 AM
Parent: #95
Quote:
الرفاعي بالله دا انت(قلب بيدق بشدة)
اها بمشي واجي عشان واسبة دا احكي ليكم قصة ولد بت اخت جارتنا الرفاعي..
في الدرجة البيتهم جنب الفندق
----------------
بيــان لكــن ما ســليييتي روحــنا دي
بعــد ده أنا بمشــي أنــوم ياخ الساعة أربعة صباحا
خليتونــا زي الجماعة ال homeless
صــلاح واســبه
|
Post: #94
Title: Re: ود وبت الجيران..
Author: د.محمد حسن
Date: 03-04-2007, 10:04 AM
Parent: #1
بنت الجيران
كانت اكبر مني في السن
ولها الفضل
فقد علمتني كيف اتذوق طعم فاكهة الجنة
الله يديها العافية
-
|
Post: #96
Title: Re: ود وبت الجيران..
Author: هاشم أحمد خلف الله
Date: 03-04-2007, 10:22 AM
Parent: #94
Quote: بنت الجيران
كانت اكبر مني في السن
ولها الفضل
فقد علمتني كيف اتذوق طعم فاكهة الجنة
الله يديها العافية |
اها طعمها كيف يا دكتور ؟؟؟
والله شيلو شيلتكم ؟ بت خوجلي دي , قاعدة ليها في راي ؟
|
Post: #129
Title: Re: ود وبت الجيران..
Author: Muna Khugali
Date: 03-05-2007, 02:03 PM
Parent: #96
| Quote: والله شيلو شيلتكم ؟ بت خوجلي دي , قاعدة ليها في راي ؟ |
لا لا..
انا ماقاعده فوق رأي
أنا قاعورد
|
Post: #97
Title: Re: ود وبت الجيران..
Author: حيدر حسن ميرغني
Date: 03-04-2007, 10:24 AM
Parent: #94
بتنا بيان
والله انا حاسدك في صراحتك دي
بس الحمد لله ما طلعتي من حلتنا
كنتي تجيبي لي شواكيشي من زمن الروضة
|
Post: #98
Title: Re: ود وبت الجيران..
Author: Muna Khugali
Date: 03-04-2007, 10:25 AM
Parent: #94
والله ماطالبني حليفة زي مابتقول عمتي ست نور!
أنا البوست ده فرحانه بيه لأنكم فيه حلوين شـديد.. وبضحك معاكم زي المجنونه
وزي ليه?!!
عايني يا بيان حركات الجماعة الميل male دي كيف?
الرفاعي أخـوي أكي وفضفض وكمبيوتر البيت عطله الأيام دي ..
وعايني عبدالطيف بس خلانا وفات
والباقين كلهم جو مرة وزغبروا..
ياربي مالهم?
وانت يا حيدر..
في زولي بقي أنصار سنه ويخليها?
ياخ الناس بتمشي الحج لتشهد منافع لها!
ولا لقيت الإلتزام بأربعة ماكفاية?
ولا ياربي الأربعة نجضنك?
|
Post: #100
Title: Re: ود وبت الجيران..
Author: حيدر حسن ميرغني
Date: 03-04-2007, 10:33 AM
Parent: #98
منى
بعد ناس السعودية اوقفو الكنجالات الحالة بقت صعبة
يازولة ما يقومو يلحقونا التوج
انا كنت بصلي في مسجدهم في الدرجة
وبطلع خايف جدا من عذاب النار عشان كده كتلو قلبي لحدي ما شيبت والجكس بقى يقول لي يا عمو
|
Post: #111
Title: Re: ود وبت الجيران..
Author: ناجى أحمد البشير
Date: 03-04-2007, 02:36 PM
Parent: #100
الحكاية يا أخوانا بتختلف من منطقة لأخرى
نحن فى امدرمان ما كنا بنحب بنات الجيران , لأنه شبه ممنوع
بالعكس كنا بنخاف عليهم ونوصلهم ونجيبهم من المدارس
بنات الجيران ممكن يكونوا من الاحياء المجاورة ما بعيد يعنى
لأنه بت الجيران دى تعتبر أختك
صحى كنا بنريدهم شديد وبنخاف عليهم وقف .
عايزين نعرف ما يحدث فى مناطق اخرى من العاصمه وخارجها ..
وعايزين برضه نعرف الفترات , وممكن نسميها ببعض الموضات والتقليعات التى لازمت الوقت,
ده لو خايفين تكشفوا اعماركم ..
يعنى أيام الشارلستون والقجه , ولأ أيام تحرمنى منك .. ولأ ايام سنتر الخرطوم
|
Post: #101
Title: Re: ود وبت الجيران..
Author: bayan
Date: 03-04-2007, 10:35 AM
Parent: #94
Quote: بنت الجيران
كانت اكبر مني في السن
ولها الفضل
فقد علمتني كيف اتذوق طعم فاكهة الجنة
الله يديها العافية |
سجمممممنا واسبة هجمنا يا دكتور
اجري امسح الكلام دا..
بكرة تلقى منى خوجلي واسبة
ختوه ليك..
الناس دي هنا بتدردق في الناس
عشان الانتخابات قربت..
|
Post: #102
Title: Re: ود وبت الجيران..
Author: د.محمد حسن
Date: 03-04-2007, 10:48 AM
Parent: #101
الدكتورة الحبيبة بيان
ليك وحشة
من المعروف ان بيل كلينتون في ولايته الاخيرة كان سبب فوزه في الانتخابات ان معظم من صوت له كان من الجنس اللطيف
وعندما فاز بالرئاسة
اهدته رئيسة وزراء تركيا في ذلك الوقت ( السمحة شديييييييييييد) ربطة عنق راقية
عشان كدة انا انشاء الله حانزل انتخابات
ولما افوز حانتظر ربطة العنق
ومودتي
|
Post: #136
Title: Re: ود وبت الجيران..
Author: Muna Khugali
Date: 03-05-2007, 05:23 PM
Parent: #102
Quote: الدكتورة الحبيبة بيان
ليك وحشة
من المعروف ان بيل كلينتون في ولايته الاخيرة كان سبب فوزه في الانتخابات ان معظم من صوت له
كان من الجنس اللطيف
وعندما فاز بالرئاسة
اهدته رئيسة وزراء تركيا في ذلك الوقت ( السمحة شديييييييييييد) ربطة عنق راقية
عشان كدة انا انشاء الله حانزل انتخابات
ولما افوز حانتظر ربطة العنق |
الكرافتة هاك ليها من أسه..
أقولك كلام...
يي ديل تلاته اختار منهمن ولا شيلن كلهن..
بس الرسول تكملنا كلامك..
انتخلبات شنو البنرجاها..
بيان بس دايرة تخوفك ساكت!
وان كان دايرلك قمصان معاهن برضه في..
بس انت كيف تحكي
|
Post: #103
Title: Re: ود وبت الجيران..
Author: Muna Khugali
Date: 03-04-2007, 10:51 AM
Parent: #101
Quote: الرائعة ..منى خوجلى
سلام عليكم
وددت ان لو عشت معكم في هذا الفضاء السايبيرى ..
سالت ابوبكر فرصة المشاركة ولم أوفق .. فما كان منى الا ان اعتصرت حزنى بذلك البعد .. وعشتكم اوف لاين ..
قرأت لك كثيرا ..واخرها بتاع بت الجيران دة.. انا ما عايز احكى ليك بتاعى .. لكن يا منى شكلك كنتى مكسرة في ود جيرانكم حتى النخاع .. وما اتزوجتيهو بعد داك .. والا أنا كضاب.. أقصد والا تحليلى ما مظبوط!!
التحية للمجموعة الرائعة المشاركة معاك.. وان شاء الله لو اتيحت الفرصة سادخل عليكم باسم ابوريم .. وللعلم انا موجود بالسودان كما هو ظاهر من العنوان.. |
عاينو ابو ريم ده ظريف كيف?
دي اول مرة يكتب لي بس مالأخيرة..
مش قلت ليكم فرحانه?
Quote: سجمممممنا واسبة هجمنا يا دكتور
اجري امسح الكلام دا..
بكرة تلقى منى خوجلي واسبة
ختوه ليك..
الناس دي هنا بتدردق في الناس
عشان الانتخابات قربت.. |
بيان ماتخوفي محمـد الحسن ياخ..
الزول عنده حكاوي آآآآآد كـده..
ولازم يحكيها لينا..
|
Post: #104
Title: Re: ود وبت الجيران..
Author: حيدر حسن ميرغني
Date: 03-04-2007, 11:01 AM
Parent: #103
Quote: وانت يا حيدر..
في زولي بقي أنصار سنه ويخليها? |
منى
بعد ناس السعودية اوقفو الكنجالات الحالة بقت صعبة
يازولة ما يقومو يلحقونا التوج
انا كنت بصلي في مسجدهم في الدرجة
وبطلع خايف جدا من عذاب النار عشان كده كتلو قلبي لحدي ما شيبت والجكس بقى يقول لي يا عمو
|
Post: #106
Title: Re: ود وبت الجيران..
Author: Muna Khugali
Date: 03-04-2007, 11:22 AM
Parent: #104
| Quote: وبطلع خايف جدا من عذاب النار عشان كده كتلو قلبي لحدي ما شيبت والجكس بقى يقول لي يا عمو |
في ناس كـده جنهم يمقلبوا الناس!!!
لكن ولا يهمك ..انا ذاتي اتمقلبت..بس ماهم سبب مقلبي!
يللا خلي الجماعة يحكوا وانا بحكي..
يللا اتشجعوا وشجعونا
 [url=http://www.sudaneseonline.com/][/url]
|
Post: #105
Title: Re: ود وبت الجيران..
Author: الرفاعي عبدالعاطي حجر
Date: 03-04-2007, 11:21 AM
Parent: #1
Quote: سيد الاسم
محبوبى وكتين يبتسم
الدنيا ياناااس تنقسم
الفرحه تملاااها وتزغرد فيها والشوق يرتسم
مرااات اقول اديهو كلمه تزعلو
حبة عذاااب وكلااام عتاااب انا عاارفو مابتحملو
علشان اشوف خده الحرير الدمعه جاارية تبللو
لكنى قباال ابدا بلحظااات اقيف اتاملو
الضحكة واللفته البتااخد من عيونى النوم شهور وتجفلو
وانسى العتاااب الكنت ناوى اقوله وارجع منهزم
الدنيا يانااااس تنقسم
الفرحه تملاها وتزغرد فيها والشوق يرتسم
فى العيون ببنيلو دارين من موده ومن منا
بضمه فى قليبى محبه فياااضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساااته تحنان القمااارى الراجعه للعش والجنا
وتضوى والليل ينهزم
وكتين يبااالغ ويبتسم
الدنيا يانااس تنقسم
الفرحه تملاها وتزغرد فيها والشوق يرتسم
يوم جانا شااايل خطااانا الكايسنه راح
وشااايل الامل فى عيونه والحب والسماااح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاااها وتزغرد فيها والشوق يرتسم |
تخيلي يا منى كان اسمها منى .... اه عارف الجماعة فتحوا خشومهم واستنوني لكن عند وعدي بعد منى بحكي ليكم .... وانت يا homeless ده ما تمشي تنوم وصباحاتو بيض .... بالد يا د. بيان سليتي روحنا انا كتابتي الاولى حكت حالتي حينها لكن بعد ده رجعت ليكم ابت البطل.
|
Post: #107
Title: Re: ود وبت الجيران..
Author: Muna Khugali
Date: 03-04-2007, 12:11 PM
Parent: #105
Quote: أما فيما يخص بت الجيران .. فهاك مما يلى طرف الدولاب ..
تجربتى معها ..أكاد اوصفها بانها ثرة .. حلوة .. مليئة بالمفاجات .. فقد سعدت بان كان لى بنات جيران عدة.. لاقامتى في مناطق مختلفة ومتباينة .. في سنى عمرى الاول .. وفي هذه المحطة .. ساعيش مع احدى بنات جيرانى .. والتى حفلت با مرحلة الثانوى.. كنت التقيها كثيراً دون تستثير في شن المراهقة .. كنت احس انى اعرفها جيدا مما يؤكد جهلى بها .. وهذا ما اثبتته الايام .. كانت تصغرن باعوام ثلاث .. بيضاء البشرة على غير عادة بنات الجيران في الحى.. عدم التفاتى اليها اثار فيها تكلم الانثى التى تبحث عن مكان..والتى تبحث عن انسان .. وعدم التفاتى اليها لم يكن تعاليا .. او غرورا .. ولكنه جهلى بها .. والذى دفعه ادعائى بمعرفتها .. كان يوما جميلا .. ان أخبرتنى أخرى منهن ( بنات الجيران) .. باننى طالب ذكى .. فلما سالت عن السبب قالو .. قالو هو كلامى عن ذلك الموضوع .. وحلى لتلكم المعضلة ..وهذا ما قالته فلانة .. انتبهت ان فلانه تتابعنى بعين لا كعيون الاخريان .. ونظرت اليها من زاوية .. أخرة .. فوجدتها هناك ..
نواصل ..
ابو ريم (ست الحريم)
بكل الود ..
اليك .. عزيزتى منى.. |
|
Post: #108
Title: Re: ود وبت الجيران..
Author: خالد علي محجوب المنسي
Date: 03-04-2007, 12:59 PM
Parent: #107
| Quote: قرأت لك كثيرا ..واخرها بتاع بت الجيران دة.. انا ما عايز احكى ليك بتاعى .. لكن يا منى شكلك كنتى مكسرة في ود جيرانكم حتى النخاع .. وما اتزوجتيهو بعد داك .. والا أنا كضاب.. أقصد والا تحليلى ما مظبوط!! |
ابو ريم سلام والله انت قربت من الحقيقة
هي كانت بتقرا في الخرطوم الثانوية ..وعندها نضارة سوداء تمرق من المدرسة تمشي في دكان عم مريغني في شارع 25 العمارات تشرب ليها قزازة ببسي والجماعة اشربو في الهوى تقرطعها كع كع كع ... وكانت عالمة أن صف رغيف الطابونة دا كلو راجي منها نظرة يا ابوهاشم ولكن كج كج كج تمشي علي البيت ... الزول المكسرة في ماكان ود جيران لكن كان ود اهل وساكن بعيد منهم فظلت تغطي بقلبها عليه وهو بعيد وقصت قلوب المنتظرين في شارع 25 العمارات في الهجيرة خروج بنيات المدرسة
أنا صاح يا منى مو كدي
خالد محجوب
|
Post: #109
Title: Re: ود وبت الجيران..
Author: خالد علي محجوب المنسي
Date: 03-04-2007, 01:05 PM
Parent: #108
font size=4 font color=green
دكتورة بيان سلام
ما انت السبب لكن مقطعنو في حشانا مو خوف لكن خوف من نوعا اخر
منو غيرك الخلانا هجينامن البلد وعرسنا مجرية
خالد محجوب
|
Post: #159
Title: Re: ود وبت الجيران..
Author: Muna Khugali
Date: 03-07-2007, 02:59 AM
Parent: #105
شـوف الرفاعي..
زمان أيام كنت في الإعدادي في الكلية القبطية..كان في ولد من الإمتداد أكبر مني شـوية..
هو مامن الجيران بس من الإمتداد.. كان مشترك في نفس بص المدرسة..
الولد ده واسمحوا لي اسميه "بزفت الطين" كان مضايقني جـدا بحركاته..بعدين كان دمه تقيل
خالص..
مرات بص المدرسة كان بيتعطل..وعمك الخليفة عوض خوجلي بيصادف برضه انه مابيقدر يجي يرجعنا..
يعني كان لازم نرجع لوحدنا او مع زميلاتنا بالمواصلات..
طبعا من المدرسة للمواصلات كان مشوار بتاع ربع ساعة...
في إنتظار بص المدرسة أوأثناء الإنتظار للعربيه ...زفت الطين كان بيتنيل علي عينه يقيف قدام المدرسة يعاين..وطبعا دي كانت حركات اولاد الكلية القبطية بنين وجمال عبـد الناصر..
وفي مره مرتين من المرات.. لما كنا بنمشي نركب فيها المواصلات.. بقي يضايقني بالمشي وراي والمعاكسة..اتضايقت منه شـديد وأول ما وصلنا وسط زحمة لقيتها فرصة قويه اهزئه فيها..
وأوبخه قـدام الناس علي معاكسته مستعملة خطابة ذلك الزمان..
مامكسوف علي دمك تعاكس في بنات الناس..
ماشي ورايا ليه من قبيل انت ماعنـدك أخـوات..
وطبع أفظع شتيمة تكون..
يا أخي امشي ذاكر وانجح بدل العوارة دي..
صـاحبنا اتهجم من موقف الفضح ده قـدام الناس..وقرر ينتقم من بت حلته
تفتكروا ياجماعة يا الراجيين حكايتي عمل شنو?'
أسألوني وبوريكم..
لأنه عمل عملة يستحق فعلا ينادوه بيها زفت الطين
|
Post: #110
Title: Re: ود وبت الجيران..
Author: محجوب البيلي
Date: 03-04-2007, 02:18 PM
Parent: #1
منييين ياحسرة؟
الجيران "دا" ما عمّي زاااتو
أبوي حمد.. كما كنا نناديه.
كان يمشي كأنما ينحطّ من صبب
في أرنيق" بيته سوط عنج وسيف وبندقية أبو روحين.
لم يكن يبتسم ...
ولم تكن لديه بنات.
-----------------------
تسلمي يا منى على البوست ... المختلف!
-----------------------
* تقصدي جيرانّـا ولا ممكن يكونوا جيرانـ هم؟
|
Post: #112
Title: Re: ود وبت الجيران..
Author: بركات بشير نجار بشير
Date: 03-04-2007, 04:52 PM
Parent: #110
الرائعة منى خوجلي،،،
لك التحيايا
اول مرة الواحد يقدر يعبر عن اعجبابوا بكتاباتك،
كنت ولا ازال من المتابعبن باستمرار لكل كتاباتك واخيراً بعد ما منحنا بكري الجنسية،
والاذن للكتابة قلته بداية كدة الواحد يقول ليكي متابعين
ويشكرك على الكتابات الرائعة وانا لسه واحد من القراء من خارج اعضاء المنبر..
تحية واعجاب
|
Post: #114
Title: Re: ود وبت الجيران..
Author: bayan
Date: 03-05-2007, 04:56 AM
Parent: #112
Quote: بيان ماتخوفي محمـد الحسن ياخ..
الزول عنده حكاوي آآآآآد كـده..
ولازم يحكيها لينا.. |
هاهاهاهاهاهاها
افو افو افو من البخاف يا منى يا حبيبتي؟
لالا يا زولة دا راجل "شداع"
جدا...
لاحظتي انه اولاد عطبرة كتار هنا
يا ربي ليه؟
عشان عندهم جيران كتار..
خالد منسى
ياخي مرة واحدة دقيناك خلاص مسكتها لينا..
يا جامعة خالد دا جاري في الكنبة
يعني انا بت جيران كنبتهم في الفصل..
|
Post: #115
Title: Re: ود وبت الجيران..
Author: Muna Khugali
Date: 03-05-2007, 10:34 AM
Parent: #114
Quote: خالد منسى
ياخي مرة واحدة دقيناك خلاص مسكتها لينا..
يا جامعة خالد دا جاري في الكنبة
يعني انا بت جيران كنبتهم في الفصل.. |
وبرضه يابيان هو كان بيبيع البيبسي في الدكان..
يعـد في جغمات البنات لليبيبسي..
الشي شنو خـالد?
إنتي يابيان..
Quote: لاحظتي انه اولاد عطبرة كتار هنا
يا ربي ليه؟
عشان عندهم جيران كتار.. |
صحي أولاد عطبرة كانوا بيدسوا الجوابات في عجل العجلات?
 
|
Post: #116
Title: Re: ود وبت الجيران..
Author: bayan
Date: 03-05-2007, 10:43 AM
Parent: #115
العجلات دي عنده قصص سمحة
قالو واحد شاف ليك بنات
يلا قام يتلاعب في العجلة يقيف ويقعد ويزح كرعينو من البدال
بس قوم كدي يا والولد انبرش قدام البنيات
قام رفع العجلة بيدينه فوق وقاليهم موش حركة؟
عندي صاحبتي كانت بتحب ولد
اها الولد جاري عجلتو وماشي وراها شوية عشان ما يظهرو ماشين
مع بعض بس اخوها الما يغباها ظهر نهاية الشارع..
اها صاحبتي اتجهجت شديد
بس اخوها جا جاري يا فلانة الولد دا قاعد يشاغل فيك؟
لقت نفسها في محك صعب شديد
لو قالت ما بشاغلها معناها بتتكلم معاه ولو قالت بشاغلها
اخوها كتال كتلة..
قامت سكتت
بس اخوها طيران على الحبيب
قاليه بتشاغل اختي وطاخ بنية انهت تلك العلاقة وقتلتها في ساعتها الى الابد...
وهي بقت تقول لاخوها لاي يا فلان ما تدقو
الزول دا ما قالي حاجة
في ما بعد قالت دا احرج موقف مر بيها في حياتها..
|
Post: #117
Title: Re: ود وبت الجيران..
Author: حيدر حسن ميرغني
Date: 03-05-2007, 10:56 AM
Parent: #116
بيان
عجلات زمانا داك تلقي الواحد كاتب فيها
يا فتاتي
يا احلى من عيني
وحاجات كده
وكنا نردف البنات (اخواتنا وبنات جيرانا) في العجلة لا بوليس ولا جن احمر يوقَفنا
|
Post: #121
Title: Re: ود وبت الجيران..
Author: bayan
Date: 03-05-2007, 11:30 AM
Parent: #117
| Quote: وكنا نردف البنات (اخواتنا وبنات جيرانا) في العجلة لا بوليس ولا جن احمر يوقَفنا |
ايوا
داك ما الحب قبل زمن الكوليرا
انا مرة جاتني ازمة شديدة
اها اخوي عادل ردفني للمسشتفى لانه ما كان في زول..
الدنيا كانت سمحة
|
Post: #137
Title: Re: ود وبت الجيران..
Author: Muna Khugali
Date: 03-05-2007, 05:51 PM
Parent: #117
Quote: عجلات زمانا داك تلقي الواحد كاتب فيها
يا فتاتي
يا احلى من عيني
وحاجات كده
وكنا نردف البنات (اخواتنا وبنات جيرانا) في العجلة لا بوليس ولا جن احمر يوقَفنا |
يا حليلكم وحليل أيامكم في أتبرا!
|
Post: #229
Title: Re: ود وبت الجيران..
Author: Muna Khugali
Date: 03-12-2007, 06:22 PM
Parent: #112
مرحب بركات بشير نجار ..شرفت البوست..
لم تعد مؤديا للإمتحانات من منازلهم..خلاص انتظمت ..
يللا وينها قصتك?
تابع معاي قصتي مع ولدالجيران
|
Post: #217
Title: Re: ود وبت الجيران..
Author: Muna Khugali
Date: 03-11-2007, 09:19 PM
Parent: #110
Quote: منييين ياحسرة؟
الجيران "دا" ما عمّي زاااتو
أبوي حمد.. كما كنا نناديه.
كان يمشي كأنما ينحطّ من صبب
في أرنيق" بيته سوط عنج وسيف وبندقية أبو روحين.
لم يكن يبتسم ... |
محجوب البيلي
عارف أنا قلت لزول حب اولاد العم والعمات والأخوال والخالات ..زي حب ود وبت الجيران..وزي
البتحب اخوك ولا أختك..ده طبعا إفتراض!
وبعدين لو علاقة زي دي اتطورت لزواج(طبعا ده افتراض قائم علي الإفتراض الأول)
مابيكون في جديد جه للزول ولا لأسـرته..كيف الكلام ده?
مثلا قول أنا كنت أصغر من أولاد الجيران..
وانا وواحد فيهم حبينا بعض..
فين الجـديد هنا?
مافي نسب جـديد..نعرف فيهو ناس 'جـداد' وحياة جـديده..
حتي الأهل ياهم ذاتهم و نفس الأكل والأصوات ودفرة الباب لما يجوك في الصباح.. ولا حتي ساعة القيالة
ديك لمن تكون زهجان!
وبعدين لو عرسـت كمان من ببت ناس سـكينة..ماتقدر تضرب غنمابتهم لما تجي تدخل وتاكل الزرع..
لأنه ده ممكن يؤدي الي مشكلة كبيرة..بإعتبار انه ده تصرف فيه اهانه.. فالغنماية دي عضو نشط وتمد
الأسرة بمنتجاتها المختلفة ..
يبقي لازم نحترم الغنماية علشان خاطر النسب..
شفتوا كيف?
وبعدين الحباه برضه بتكون مكشوفة علي الآخر.. لا في اسرار ولا حركات صعبه..
وبعدبن لو حبيت تعمل حركات فلهمة كده...يجيك واحـد منهم بقول ليك
علينا احنا?
الله يرحم ايام زمان لما كان وكان..
وبعدين كمان لو الواحدة عايزة تنقص من عمرها 5 ولا 10 سنين عبشان تكون أصغر..ماتقدر..
يقول ليها زوجها ولا أهله..
الكضب شنو انتي مولوده سنة كده ويوم كـده..
طيب مش أحسن زواج الأغراب?
بصراحة زواج الأهل والجيران ممـل خالص!!
وماتتسوا..كله قايم علي افتراض
|
Post: #118
Title: Re: ود وبت الجيران..
Author: محجوب البيلي
Date: 03-05-2007, 11:10 AM
Parent: #1
عبد اللطيف بكري أحمد
Quote: أتعجب الآن حقاً !!!
من أين تفتقت لدينا ذهنية الحب والوله في ذاك الزمان؟؟
الخامس الإبتدائي؟؟؟ مبالغة!! |
ليست مبالغة ... ولا شيء!
تجربتي (المشابهة إلى حد كبير) تقول بذلك.
كنت في الخامسة أو دونها ـ إذ لم أكن قد دخلت المدرسة بعد ـ حساسا ومنطويا على نفسي. أحب أمي ... وأحب القطط ... والسخلان ... والكسرة بي موية السكّر. ومدلعاً كما ينبغي لمن هو مثلي: (حـِتالي) أو آخر العنقود.
وكانت هي زميلة لأختي الكبرى في المدرسة الأولية. لم أكن قد رأيتها قبل ذلك اليوم.
عندما دخلتا من الباب البحراني كنت في طريقي إلى الدكان. أحمل بستلة السكّر... وأطنطن.
أبأس ذكريات طفولتي هي المراسيل. يكرونني بالحلوى والقروش، ويقنعونني بأنني فالح وفنجري، وبالدعوات الصالحات في أغلب الأحيان. وأطنطن.
هي تسكن في قرية فقيرنكتي المجاورة. جاءت إلى دار ... خالتها أو عمتها ، لا أدري. ودخلت مع أختي لتشرب ماءً ثم تواصل.
ورأيتها. ربما كانت في العاشرة. جميلة ولونها خمري. وناعمة (كنت أراها ملساء).
هل قلت: جميلة؟
لم يكن جمالاً...
لم يكن جمالاً... وإلا لما أصابني الحزن.
وإلا لما أحسست بذلك الضيق في التنفس وشعرت بأنني ضائع و جائع، وأرغب في أن تبقى معنا ولا تخرج أبداً.
وإلا لما بكيت.
نعم، بكيت بكاء مراً، ورميت البستلة.
ـ مالك يا ولد؟
ـ البت دي ... سمحة.
ويزداد بكائي و"أتنخج" وأضرب الأرض بقدميّ الصغيرتين.
كانت كل مشكلتي في تلك اللحظة هي "سماحة" تلك البنت. سماحة لا قبل لي بها.
والحل يا محجوب؟
ـ تعرسوها لي ..."هسّه دي".
-------------------
لا أذكر كيف أقنعوني وقتها بأن أؤجل موضوع الزواج، وأذهب لأجيب السكر...
ولكن شيئا واحدا ظل في ذاكرتي وهو جمالها الموجع الذي أحسست به "يستهدفني".
-------------------
بعد سنوات طويلة وظّفت هذه الواقعة في قصة قصيرة جداً بعنوان "تحطم شيء" ، جعلت نفسي فيها أشعل النار في "كرّقتنا" (كرِّقة = راكوبة)، بعد أن وعدني الأهل بالزواج من فاتنتي بعد العودة من الدكان، لأكتشف حين العودة أنها ذهبت ... إلى الأبد. وأنهم ضحكوا علي.
-------------------
وتساءلت ـ ولا زلت أتساءل: ما طبيعة إحساسي عندما رأيتها؟
هلأ أحببتها؟
وما الذي كنت أعنيه عندما قلت إنها "سمحة"؟
وما هو المرجع للسماحة في ذهني أو ذاكرتي المحدودة؟
ولماذا أبكي؟ هل الجمال يُبكي؟ (اكتشفت لاحقاً أن من الجمال ما يبكّي!).
|
Post: #122
Title: Re: ود وبت الجيران..
Author: nourelhadi awad
Date: 03-05-2007, 11:33 AM
Parent: #1
نسانا حبيبنا الما منظور ينسانا
يا حليل الجيرة الما قدر عشانه
ياناس أنا ود الحلة
عاشق وحياة الله
جاري وأنا جارو
ياأحلى جارة
ياأحلي جارة
والنبي وصى على الجار
مليون سلام يابت جاره
|
Post: #123
Title: Re: ود وبت الجيران..
Author: Muna Khugali
Date: 03-05-2007, 11:37 AM
Parent: #122
سمح يانور
وينو يا نور عبد العزيز المبارك?
|
Post: #125
Title: Re: ود وبت الجيران..
Author: nourelhadi awad
Date: 03-05-2007, 11:48 AM
Parent: #123
باقي لي أكان ماأخاف الكضب
زي المرق علي الجيران
|
Post: #124
Title: Re: ود وبت الجيران..
Author: saadeldin abdelrahman
Date: 03-05-2007, 11:48 AM
Parent: #1
Quote: انا أول مرة احب كان عمري 5 ولا 6 سنوات..وكنت بحب خالي..
وكلمته بحبي لما جه مرة اداني قروش وحلاوة..وكانت لحظة المكاشفة لما سألني عايزة لما تكبري
تعملي شنو..
قلت ليه عايزه أعرسك .. وجريت اتدسيت! |
خجل ام العروس
|
Post: #126
Title: Re: ود وبت الجيران..
Author: عبد الدائم سيد أحمد
Date: 03-05-2007, 11:58 AM
Parent: #1
كان فى اتـنيـن فى حلتنا زمان بحبو بعض
كل ما البت تجى ماشة فى الشارع الاولاد
ينادوا ليها بتحت تحت ويقولو يا H آتش
اشارة الى صلاح حبيبا ( بليدين فى الانجليزى ) كمان
عشان كدا بنات الجيران كانو بخافو يحبو ود الجيران
وكمان فى حلتنا زمان كان فى تلاتة شوارع
- شارع البايركس
- شارع وكالات الانباء ( وديل بتاعات خبارات )
- شارع الكريمات ( ديل اخطر بنات ) لو حبيت ليك وحدة
طوالى بتقول ليك عايزة لي علبة ديانا
وا وا وا
| Quote: كـدي الننتظر اولاد وبنات الإمتداد.. |
ديل كمان كان بيجو يحبو فى الصحافة
عندى صاحبى برضو زمان كان كاتب حرف حبيبتو فى السفنجة ( لا موأخذة )
لما سالتو ليه فى السفنجة قال لي عشان لما نكون جاكين سوا واقيف
اتشطف فى مزيرة حبيبتى تشوف الحرف
|
Post: #242
Title: Re: ود وبت الجيران..
Author: Muna Khugali
Date: 03-27-2007, 10:08 PM
Parent: #126
Quote: وكمان فى حلتنا زمان كان فى تلاتة شوارع
- شارع البايركس
- شارع وكالات الانباء ( وديل بتاعات خبارات )
- شارع الكريمات ( ديل اخطر بنات ) لو حبيت ليك وحدة
طوالى بتقول ليك عايزة لي علبة ديانا |
أسه حلتكم تكون شـوارعها زادت تخصصها ياعبد الدائم سيد أحمد
آخر مره مشيت اجازه كان في شنو جديد?
اليوم داك أولاد الامتداد قالوا اولاد وبنات الصحافة كانوا بيجوا يحبوا في
الإمتداد
Quote: عندى صاحبى برضو زمان كان كاتب حرف حبيبتو فى السفنجة ( لا موأخذة )
لما سالتو ليه فى السفنجة قال لي عشان لما نكون جاكين سوا واقيف
اتشطف فى مزيرة حبيبتى تشوف الحرف |
|
Post: #133
Title: Re: ود وبت الجيران..
Author: bayan
Date: 03-05-2007, 03:43 PM
Parent: #128
عندنا صاحبنا
حكي قال مرة رسل لبت قاليها تعالي قرب الحفير..
واستخدم كلمة ادوهم ليها في سنة سادسة
اها الجواب دا وقع في يد اخوه الناظر..
قال دقوه لما قرب يموت وحرم الحب
الى الابد..
بعدين قال حبيبتو دي مرة عايز يرسم حاجة يديها
ليها قام رسم ليها كلب لانه كان معجب بكلب عبدالجليل
وقال العجيبة فرحت شديد بالرسمة..
الزول دا عنده اغرب قصص غرامية وكلها قبل سادسة
قبل الجواب القفل قلبو..
انا كنت مندهشة اسع من البوست دا
الدهشة راحت..
|
Post: #134
Title: Re: ود وبت الجيران..
Author: Salah Waspa
Date: 03-05-2007, 04:15 PM
Parent: #128
معليش بتي دنيا الحليوة عيانة عشان كده طولنا عليكم
قلت لي كيف يا رفاعي أمشي أنوم أنا قاعد مفنجل ليكم عويناتي
إنت وبيان عشان ما تغشونا ونتخمة في أي قصة يعني مثلا واحد
يغير يبدل إسم حبيبته نكون بالمرصاد ونكشفه ونقول إسمها ماكان
منى .
بيان إنتو من الرعيل قبل الأول ولا شنو
شنو حكاية عادل ردفني في العجلة للمستشفى ياخ أيام الحرب
العالمية الأولى دي ما حصلت . بيان قولي الجد انتو كنتو في
عطبرة متأكدة ? غايتو أنا ما عارف دي دايرة عادل زاتو .
منى نحن زي ما قال الرفاعي منتظرنك وواقفين في الصف عشان نحكي
بعديك ويابيان طنشتينا وما أدليتي بأقوالك وفاتحة خشمك وراجيانا
و و شنو تاني أ يوة تلقيها عند الغاااافل كان إنتي ولا بت خوجلي .
ويا جماعة مسعولين من الخير ويييين ناس ماجدة ومنال وعواطف
سلمو الباسوورد يا منى ولا شنو ? و عبداللطيف كب الزوووغة .
أخوي الرفاعي إسمك ذكرني شخص عزيز علينا وإسمه محمود رفاعي
كان زميلنا في الرياض بالشركة وتعرضت عائلته لحادث مؤلم
وتوفيت شادية زوجته في الحال وعاش صديقي مقعدا فترة وتوفاة
الله رحم الله محمود رفاعي . ما عارف يا أدبراويين عرفتوه ?
التحية لكل عطبرة
صلاح واسبه
|
Post: #138
Title: Re: ود وبت الجيران..
Author: كمال علي الزين
Date: 03-05-2007, 06:16 PM
Parent: #134
أوتعلمون ؟؟
أنني شاركتها دهشة التكوين
حين أسقط في يدها
حين أرتعبت
عندما تكور صدرها
وأمتلأ جسمها
وصارت كالإناث
حين تساءلت لماذا لا أستطيع رؤيتك كسابق عهدنا دون تعقيد ؟
أن أخاف إخوتي ؟
وجدتي ؟
وأنت ؟
شاركتها دهشة الحياء عند لمسها
عندما تتلاقي أعيننا
عندما ترى في عيوني نظرة شوق
شاركتها يوم دشنت أنوثتها
وجربت في َ سحرها على الرجال
أوتعلمون ؟؟
أنني كتبت لها أقول :
حبيبتي
بلا سلام
ظننت أنني نسيت
أننا كبرنا
أننا لم نعد هناك بأمدرمان
أناهنا بالدوحة
أنتِ هناك بأمستردام
وأنني خسرت مرتين
أنت
وأم درمان
أنت خسرت مرة واحدة فقط
أنا
ولم تخسري أماً
فأم درمان
أمٌُ
كأم إستردام
الدوحة لم تكن يوما أماً لأحد
حبيبتي
أخطأت الظن
حين ظننت وجودك فقاعة
قد تترك أثراً قد تذهب
كدبيب النمل
كشخشة الأوراق
كالأثر على الرمل
قد ألحظه
قد لا أفعل
قد يمحي
أخطات الظن
فوجودك أعياد
قد تمضي اليوم وننساها
لكن حتماً تأتي
أخطأت الظن
فالعام شهورٌ إثني عشر
أخراها أنت
|
Post: #140
Title: Re: ود وبت الجيران..
Author: كمال علي الزين
Date: 03-05-2007, 06:38 PM
Parent: #138
(!)
يرفع النداء ..
كل يوم .. يؤذن المؤذن ...
نتناول إفطارنا ... هناك ..
وجبة .. عادية ..
إعتدنا على تناولها .. كل يوم .. كل عام ... كلما ..
جاء .. هذا الساحر ..
رمضان ..
أمسياته .. ليست ..
كأمسيات .. غيره من ألأشهر ..
جمالها هناك ..
بقلب أمدرمان ..
يجعلنا .. نتمناه .. كل أيام العام ..
فنجان القهوة .. الذي أدمناه ..
نشربه ..
ونحن مستلقون كعادتنا .. على بساط ..
فوق مسطبة عالية ...
قريبة من شباكها .. الذي .. يطل على الشارع ..
تسمع ضحكاتنا ..
وقفشاتنا ..
ومشاحناتنا ..
نظل هكذا ..
حتى ..
نذهب للتراويح ..
ثم نعود ..
نملأ .. كؤوسنا ..
وفناجنينا ..
وهي ..
لا تبارح مكانها ..
عند الشباك ..
ثلاثون يوماً ...
رمضان .. وسوزان ..أمدرمان .... وفنجان .. ..
تطل على بعدها ..
بضحكتها المجلجلة ..
....
لتذكرني دائماً ...
أنها .. لم تصنع القهوة ..
نشربها ..
دائماً ..
متوهمون أنها ..
صناعة .. سوزانية ...
الآن ..
رمضان .. جاء كعادته ... كل عام ..
وأمدرمان .. مازالت .. لا تبارح ..
مكانها .. بين النيل ...,
وحمد النيل ...
والقهوة ..
لا زالت تعطر أزقتها ..
وحواريها ..
المسطبة .. لا تمل فرشها .. وبساطها ..
الشباك ..
لا يزال مفتوحاً ...
لكنها ..
لم تعد هناك ..
وكذلك ..
أنا ...
|
Post: #141
Title: Re: ود وبت الجيران..
Author: كمال علي الزين
Date: 03-05-2007, 06:44 PM
Parent: #140
منى خوجلي
تحياتي
بت الجيران (مال أنا ) موضوع واجد طويل
غايتو ياوديتك الخور
يا صفحات البوست جرت سبحة
|
Post: #143
Title: Re: ود وبت الجيران..
Author: كمال علي الزين
Date: 03-05-2007, 06:49 PM
Parent: #141
( 3 )
هي الآن ..
في مكان آخر ..
مع رجل آخر ..
ورمضان أيضاً ..
هنالك ..
تختلف ..
مواقيته ..
فجره ..
غروبه ..
وجلسات قهوته ..
...
....
لا أدري ..
لماذا ندمن رائحة ..
الأوراق القديمة ..
تجذبنا رائحتها ..
وتتلاعب أحرفها ..
أمام أعيننا ..
تتمثل ..
بشر اً ..
سويا..
...
أحبها ..
لا أنكر ..
هي بقلبي ..
جرحاً ..
وفرحاً ..
وألتياعاً ..
..
شوقي إليها ..
يتأجج ..
كلما أقبل رمضان ..
فعبقها ..
من عبقه ..
وطهر أيامه ..
من طهر هذا ..
الذي كان بيننا ..
حباً ..
ماعرفنا ..
غيره ..
وداً ..
لا ينقطع ..
|
Post: #142
Title: Re: ود وبت الجيران..
Author: خالد علي محجوب المنسي
Date: 03-05-2007, 06:47 PM
Parent: #138
Quote: وبرضه يابيان هو كان بيبيع البيبسي في الدكان..
يعـد في جغمات البنات لليبيبسي..
الشي شنو خـالد? |
كيفن ما بعدهن ما انتي كنتي بتقرطعي الببسي بشويش ونحن جلين من شندي مكندكين بغبار بص البراق ونكورك ليك نظرة يا أبوهاشم وننبح نبيح جرقاس وانت ماشة ولا هماك
أما بيان كان خشمها ملان حبر بتسرح وتخت القلم في خشمها... ويومو اسود البقول ليها كلمة كدي ولا كدي... عشان كدي نحن قطعنا في حشانا ومتنا بي كمد... واغرب شي كنا بنحبها انا وود عمي حسن محمد الحسن نحدث زول وندس من زول لمان نقلوا ابوها من شندي وحيرتنا حيرة الادفق زيت حلّته والبيت خلا عدمان التكتح
والله صراحة يا منى أهنيك على هذا البوست رايق واسر البال بس يحتاج منك لتنويم مغناطيسي للجماعة أمانة ما يمرقو نضم اشيب الريسين
لك التحية
خالد
|
Post: #144
Title: Re: ود وبت الجيران..
Author: كمال علي الزين
Date: 03-05-2007, 06:54 PM
Parent: #142
(4)
رمضان ..
ينقضي ..
تعود أيامنا كماكانت ..
لكن قلوبنا ..
تظل مترعة ..
بأنفاسها ..
وأنفاسه ..
نشتري ..
كل جديد ..
أمي ..
لا يلذ لها ..
ان تستقبل عيداً ..
دون أن تستعين ..
بها ..
في تركيب ..
ستايرها ..
وفرش أرضيتها ..
أهب دائماً ..
لمساعدتها ...
ننفق أياماً ..
في تركيب هذا ..
وفرش ..
ذاك ..
ربما نتمنى ..
أن نظل هكذا ..
فهي أياماً ..
نكون فيها ..
أكثر قرباً ..
نسترق ..
لحظاتنا ..
نختلس من ..
قبح زماننا ..
ما يطفئ ..
حرماننا ..
عدت ..
ذات عيد ..
طلبوني ..
لتركيب الستاير ..
وفرش ألأرضية ..
أقسمت أنني ..
لا أجيد حتى المساعدة ..
في مثل هذه الأمور ..
ذكروني ..
فما تذكرت ..
فذاك أمر..
فيه ..
فم عذب ..
وخصر نحيل ..
وإبتسامة ..
لا تنسى ..
...
فيما مضى ..
كنت لا أتواني في مساعدة ..
كل شعوب العالم في تركيب ستايرها ..
لكني أشترط ..
دائماً ..
أن أكون ..
مساعد سوزان ...
سوزي ..
لا أفتقد ..
تركيب ستايرنا ..
ولا قص ..
فرش أرضيتنا ..
أفتقد ..
تلك التفاصيل ..
وذلك ..
الذي كان ..
|
Post: #145
Title: Re: ود وبت الجيران..
Author: كمال علي الزين
Date: 03-05-2007, 07:01 PM
Parent: #144
وتغنينا ..
بأغنيات كنا نحسبها ..
( من بيت الكلاوي ) ..
وتداعت بنا الذكرى ..
إلى تلك الأيام ..
حين كانت تغني ..
وأصغي ..
يبدو أنني قد طفح بالكيل ..
مما أعاني ..
فراقاً ولوعةً ...
فصرت أغني ..
حين تسكت ..
بعدها ..
عني ..
أقسى تجاربي ..
قسوة هذه الأيام ..
تتمثل ..
في وحدتي ..
ووحشتي ..
أعزي النفس ..
بأمل اللقاء ..
فقد يجمع الله الشتيتين ..
بعدما ..
يظنان كل الظن أن لا تلاقيا ...
....
لكنني أسأل ..
هل تتمرق في أحضانه ذلك الآخر ..
هل تعطيه ..
ما حلمت أنا .. بأخذه ..
هل ..
هل ..
وهل ..
قتلني ..
ذلك البعد السادس ..
من أبعاد ..
غربتي وغربتها ..
أنا ..
لها ..
وحدها ..
لكنها مازالت ..
بكنف آخر ..
....
أغنيها ..
مأساتي ...
كل ليلة ..
حنيناً ..
دفاقاً ..
ومحبة ..
عزمها لا يلين ...
أنا لها ..
...
وإن عز اللقاء ..
أنا لها ..
وإن هزني الشوق ...
أنا لها ..
غازلنني أخريات ..
محبتها ..
بقلبي ..
لا تزال ..
وشماً ..
لا يزول ..
سوزي ..
هل تتمرغين في أحضانه ..
وأنا ..
هنا ..
فوق لظى ذكرك ..
أتحرق ..
شوقاً ...
ووحشةً ...
....
تلك .. الشفاه .. التي ..
منها ..
ماء الحياة ..
ولا ذلك الجسد الذي ..
منه دف شموسها ..
ولا ذلك الوجه ..
الضياء ..
( إنشا الله ماتنفعوا .. )
|
Post: #146
Title: Re: ود وبت الجيران..
Author: كمال علي الزين
Date: 03-05-2007, 07:07 PM
Parent: #144
سألت كل من له علم ..
هل طلاقها وعودتها ..
إثم ..
أم أن عذابي حلال ..
ثم هل ..
حرام علينا ..
والعمر قصير ..
أن ننعم ...
بوصل المحبين ..
أجابني ..
بعضهم ..
حرام عليكم ياشيخ ..
وشجعني بعضهم ..
وهتف بعضهم ..
هذا هو الحب ..
ولا بلاش ..
...
أمي ..
تتمنى طلاقها ..
وعودتها ..
لي ..
أمها ..
تؤثر الصمت ..
أنا وهي ..
نكتفي بحقنا في أن نحلم ..
ولا نتساءل ..
من أضاعنا ..
أنا ..
ام هي ..
أم ضعفها ..
وحماقتي ..
....
ساعةً ..
أكتشف أن كل هذا ..
لا يهمني ..
..
أهتم فقط ..
لعودتها ..
وعودتي ..
وعودة ..
الليالي ..
الجميلة ..
والصباحات التي ..
أحتسي فيها ..
فنجان الشاي ..
أمامها ..
وهي تلتهم ..
ساندوتشها بنهم ..
وتشرب قارورة الببسي ..
وأنا ..
أتغزل في ..
ماهو ..
حق للغزل ..
أغني ..
(عودة القمرا لي وطن القماري )...
انام على صوتها ..
تتعجلني الرحيل ..
فقد جاء ..
ليسكن لها ..
ولا سكنى لنا ...
اغلق هاتفي وارمي به ...
وأغلق عيناي ..
على حلم ..
العودة ..
المستحيل ..
|
Post: #147
Title: Re: ود وبت الجيران..
Author: كمال علي الزين
Date: 03-05-2007, 07:11 PM
Parent: #146
بت جيرانا:
إن كنت تقرأين ..
إعلمي ..
أنني ..
أحبك ..
...
...
وهذا ..
قدري ..
...
إن كنت تقرأين ..
إعلمي ..
أنني ..
هنا ..
في إنتظارك ..
لا أحيا ..
إلا لك ..
لا أحفل إلا بك ..
لا أعشق إلا أنت ..
هكذا كنت ..
هكذا أظل ...
لابد من سوزي ..
وإن طال السفر ..
.....
وضعنا يدنا على البوست , أنا وبت جيرانا .
|
Post: #175
Title: Re: ود وبت الجيران..
Author: Muna Khugali
Date: 03-07-2007, 04:39 PM
Parent: #147
وينك اليلة ود الزين?
نعلك الكاتبلها الأشعار السمحة دي ياها سـوزان الدار تجيبها من يوروبا..
وتسوقا الشمالية تسكنا في بيوت الطين?
إن كان سمعت كلامي..
كفاها بيوت أشعارك 
تعال راجع لينا سريع
|
Post: #176
Title: Re: ود وبت الجيران..
Author: كمال علي الزين
Date: 03-07-2007, 07:25 PM
Parent: #175
Quote: وينك اليلة ود الزين?
نعلك الكاتبلها الأشعار السمحة دي ياها سـوزان الدار تجيبها من يوروبا..
وتسوقا الشمالية تسكنا في بيوت الطين?
إن كان سمعت كلامي..
كفاها بيوت أشعارك
تعال راجع لينا سريع |
منى خوجلي
تحياتي
هل تصدقي أنها سبقتني إلى العودة ؟؟؟
|
Post: #226
Title: Re: ود وبت الجيران..
Author: Muna Khugali
Date: 03-12-2007, 08:56 AM
Parent: #128
| Quote: أي بت شديدة بتحب ليها طُلبة (صبي بناي) |
وانت كنت بتناوله الطوب ولا الجوابات?
|
Post: #148
Title: Re: ود وبت الجيران..
Author: الرفاعي عبدالعاطي حجر
Date: 03-05-2007, 07:15 PM
Parent: #1
يا صلاح اخوي اولا سلامات مليار للحلوة بنتك وربنا يديها العافية وتعرف انا حسيت بيك نعسان وبديت تخرمج فقلت احسن ننصحك ناس منى ديل يدروخوك بالماضي الجميل داك (والحاضر الأجمل انشاء الله) ويقرروك وبكرة نبقى في حاو وتر عمومآ المسارات تداخلت وناس بيان يقربو للإفصاح يقومو يلبسوها ليك واحدة صاحبتي وصديقتي وبت جيرانا البعيدين عمومآ حكايات صاحبي وصاحبتي دي كترت شايفة ما في زول قال الحقيقة الا اخونا داك بتاع الرايض ود الموج ويتخيل لي كدا الان يكون عقدو ليهو محاكمة منزلية من وزير الداخلية وصاحبك انقطع الله يستر على الباقين والباقيات ... انا طبعآ قلت الاسم وسيد الاسم صح صح هو لكن لو دايرني اطرطشكم جاهز لاكين لو دايرين الحقيقي كاملي خلو منى التحكي وانا مسودتي جاهزي والاقلاه عقب انطلاق بت خوجلي مرة تانية ياصلاح سلامات للأمورة وفدآ فدآ لعيني طفلة داعب عيونها حديقة في الخيال .... والصحو لكم جميعكم ويا منى الشئ ده شكلوا ح يفوت غادي لي بوست المعتصمة نور تاور ....
|
Post: #150
Title: Re: ود وبت الجيران..
Author: Khalid Saeed
Date: 03-05-2007, 08:13 PM
Parent: #148
Quote: صاحبي كان متيم ببنت في حينا
قال لي اعمل شنو عشان تحبني واحبها
قلت ليهو اكتب جواب
قام كتبو وشالو ومشى عديل لبيت الزولة دي ... وكان داخلة فيهو حتة رجفة
دق على الباب ... جاتو ليك هي زاتها
إتكبكب شديد وقال ليها
بالله أدي الجواب ده لعماد أخوك |
العطبراوي / حيد حسن ميرغني ( أنصار سنة تجميع ) ( بالمناسبة إنته أنصار سنة دفعت منو / هشام الفحل ولا كمال حمد ولا شيخ صويلح شخصياً ) ..
تعرف في واحد كبكاب أبوه رسله قال ليهوا أمشي نادي عمك عبد المحمود ..
صاحبك دقه الباب
فتحت الباب بت شديدة ذي زولت صاحبك ..
صاحبنه مسكته الرجفه ..
قال ليها : عبد الموجود محمــود ؟
البت بقت تضحك .. زولك قرب يموت من الرجفه ...
المهم زولك جمع شوية وسأله تاني ( عبد المحمود .. موجود ؟ ) .
قالت ليهــو : موجـــود
صاحبنا قال ليها : أقــــول ليهـــو منــــو ؟
| Quote: الاخ ولد الرجة ود الراحات داك خالد سعيد انا حاسي بيك لأني بحب عطبرة وحبيت في عطبرة برضو بت جيران خالتي الانهي من الاعلاميات المشار اليهن. |
العطبــراوي الرفـــاعي ..
لك التحية ولي عطبرة الجميلة .. وتحية للإعلام .. وتلفزيون عطبرة .. وإذاعة عطبرة .. والبلوتين..
قلته لي من الدرجة .. بت جيرانا يعني ... تخلوا بنات جيرانكم وتجو تزاحمونا في بنات جيرانا ..بنات الراحات .. عشان كده خليتوه يفتروا علينا .
لك التحية مرة أخرى .. ولي عطبرة ألف تحية .
خالد الأرباب
|
Post: #151
Title: Re: ود وبت الجيران..
Author: Khalid Saeed
Date: 03-05-2007, 08:14 PM
Parent: #148
Quote: صاحبي كان متيم ببنت في حينا
قال لي اعمل شنو عشان تحبني واحبها
قلت ليهو اكتب جواب
قام كتبو وشالو ومشى عديل لبيت الزولة دي ... وكان داخلة فيهو حتة رجفة
دق على الباب ... جاتو ليك هي زاتها
إتكبكب شديد وقال ليها
بالله أدي الجواب ده لعماد أخوك |
العطبراوي / حيد حسن ميرغني ( أنصار سنة تجميع ) ( بالمناسبة إنته أنصار سنة دفعت منو / هشام الفحل ولا كمال حمد ولا شيخ صويلح شخصياً ) ..
تعرف في واحد كبكاب أبوه رسله قال ليهوا أمشي نادي عمك عبد المحمود ..
صاحبك دقه الباب
فتحت الباب بت شديدة ذي زولت صاحبك ..
صاحبنه مسكته الرجفه ..
قال ليها : عبد الموجود محمــود ؟
البت بقت تضحك .. زولك قرب يموت من الرجفه ...
المهم زولك جمع شوية وسأله تاني ( عبد المحمود .. موجود ؟ ) .
قالت ليهــو : موجـــود
صاحبنا قال ليها : أقــــول ليهـــو منــــو ؟
| Quote: الاخ ولد الرجة ود الراحات داك خالد سعيد انا حاسي بيك لأني بحب عطبرة وحبيت في عطبرة برضو بت جيران خالتي الانهي من الاعلاميات المشار اليهن. |
العطبــراوي الرفـــاعي ..
لك التحية ولي عطبرة الجميلة .. وتحية للإعلام .. وتلفزيون عطبرة .. وإذاعة عطبرة .. والبلوتين..
قلته لي من الدرجة .. بت جيرانا يعني ... تخلوا بنات جيرانكم وتجو تزاحمونا في بنات جيرانا ..بنات الراحات .. عشان كده خليتوه يفتروا علينا .
لك التحية مرة أخرى .. ولي عطبرة ألف تحية .
خالد الأرباب
|
Post: #149
Title: Re: ود وبت الجيران..
Author: صديق الموج
Date: 03-05-2007, 07:53 PM
Parent: #1
| Quote: ما في زول قال الحقيقة الا اخونا داك بتاع الرايض ود الموج ويتخيل لي كدا الان يكون عقدو ليهو محاكمة منزلية من وزير الداخلية وصاحبك انقطع الله يستر على الباقين والباقيات ... |
الرفاعى كتر خيرك على شهادتك دى..لكن انا زى البشير والله ثم والله ثم والله زول
بقدر يحاكمنى مافى..فى زول بحاكموه على التاريخ وبعدين انتهى زمن الترويع
ما نحن وصلنا زمن راجل المره ده حلو حلا...انت قايل الاغنية دى لى منو؟ مالينا نحن
هييع ..وانا بعاين للجماعة بتاعين W.H.O ودى اختصار لى
WEAK HUSBAND ORGNIZATIONماتفتكرها لمنظمة الصحة العالمية والمنظمة دى عندنا برئاسة
هاشم خلف الله وامينها العام عادل جبارة وامين مالها اخونا اسماعيل عباس ومقررها علاء
حيمورة وواحدين تانى اسماؤهم تاتى فى الكشف الملحق..سلمت وكلنا راجين بنات الجيران،،
|
Post: #152
Title: Re: ود وبت الجيران..
Author: صديق الموج
Date: 03-05-2007, 08:21 PM
Parent: #1
| Quote: ما في زول قال الحقيقة الا اخونا داك بتاع الرايض ود الموج ويتخيل لي كدا الان يكون عقدو ليهو محاكمة منزلية من وزير الداخلية وصاحبك انقطع الله يستر على الباقين والباقيات ... |
الرفاعى كتر خيرك على شهادتك دى..لكن انا زى البشير والله ثم والله ثم والله زول
بقدر يحاكمنى مافى..فى زول بحاكموه على التاريخ وبعدين انتهى زمن الترويع
ما نحن وصلنا زمن راجل المره ده حلو حلا...انت قايل الاغنية دى لى منو؟ مالينا نحن
هييع ..وانا بعاين للجماعة بتاعين W.H.O ودى اختصار لى
WEAK HUSBAND ORGNIZATIONماتفتكرها لمنظمة الصحة العالمية والمنظمة دى عندنا برئاسة
هاشم خلف الله وامينها العام عادل جبارة وامين مالها اخونا اسماعيل عباس ومقررها علاء
حيمورة وواحدين تانى اسماؤهم تاتى فى الكشف الملحق..سلمت وكلنا راجين بنات الجيران،،
|
Post: #153
Title: Re: ود وبت الجيران..
Author: عادل جبارة
Date: 03-06-2007, 00:46 AM
Parent: #152
Quote: الرفاعى كتر خيرك على شهادتك دى..لكن انا زى البشير والله ثم والله ثم والله زول
بقدر يحاكمنى مافى..فى زول بحاكموه على التاريخ وبعدين انتهى زمن الترويع
ما نحن وصلنا زمن راجل المره ده حلو حلا...انت قايل الاغنية دى لى منو؟ مالينا نحن
هييع ..وانا بعاين للجماعة بتاعين W.H.O ودى اختصار لى
WEAK HUSBAND ORGNIZATIONماتفتكرها لمنظمة الصحة العالمية والمنظمة دى عندنا برئاسة
هاشم خلف الله وامينها العام عادل جبارة وامين مالها اخونا اسماعيل عباس ومقررها علاء
حيمورة وواحدين تانى اسماؤهم تاتى فى الكشف الملحق..سلمت وكلنا راجين بنات الجيران،، |
صديق الموج
في معلومة مهمة نسيتها .. مقر المنظمة الرسمي هو دار رابطة أبناء مدينة الصحافة .. وعليِّ بالطلاق الزي طلاق البشير كلامك صاح !!!
|
Post: #154
Title: Re: ود وبت الجيران..
Author: د.محمد حسن
Date: 03-06-2007, 08:11 AM
Parent: #1
منى الخوجلابية
وتدخلين من نقطة ضعفي
( بمووووووووووت في الكرفتات) وعشانك
وعشان الكرفتات نحكي ( وزي ما بقول لبنتي الصغيرة ، مرة واحدة بس ، اصلها بتحب الحكاوي المسلسلة )
كنافي بداية مراهقة نافرة
هي تمت لنا بصلة القربي ، وتسكن غير بعيدة منا، بيننا ما صنع الحداد
حربنا الكلامية مستعر اوارها ، وما في اي امكانية هدنة او تدخل اممي
ذات نهار قائظ ، دخلت بيتهم
نظرت الي وقالت انت؟
وتناولت اقرب ما وصلت اليه يدها واظنه كان مداسا
صوبت نحوي ولكني فاجأتها
اسمعي
انت قايلة ان بجي البيت لي شننو
ما ليك انت
وتوقفت يدها والطلقة في الهواء
ثم قالت: نعن
قلت ليها ايوة
انا بجي عشانك ولو عايزاني تاني ما اجيكم مع السلامة
تدحرج المداس الى مكانه الطبيعي
ونعمت ذلك النهار الصيفي باحلى وابرد كباية ليمون
ومودتي
|
Post: #155
Title: Re: ود وبت الجيران..
Author: مامون أحمد إبراهيم
Date: 03-06-2007, 08:21 AM
Parent: #154
يسعد صباحاتك يا منى ..
هذه أول فاجعه فى حياتى .. وكانت عن بت الجيران !
أمدرمان 1969م .. صبيه كأنها من عالم الأحلام ! أميره أسطوريه هبطت على سماء المدينه .. فنثرت عطرها وعبيرها الخرافى على سماء أمدرمان .. فتغنت على أنغامها الحمامات والعصافير , وزغردت !
ثم ذهبت بلا رجعه .. وتوارت عن الأنظار .. لكنها لم تتوارى عن الأخيله , ولن تغادر !
كانت فى السنه الثالثه إقتصاد جامعة الخرطوم ! بينما كنت فى السنه الأولى وسطى !
هى فى العشرينات وأنا طفل فى الثانيه عشر ! ... وكانت ثمة علاقه بيننا يا منى ! ويا لها من صداقه !
ويا له من حب أزلى إلى حد الوله ! .... تأتى إبتسام من الجامعه كل خميس .. وسرعان ما ترسل إخوتها
أصدقائى الصغار لمناداتى .. ثم تبدأ عطلة الإسبوع الخرافيه المشوبه بذلك الصفاء والنقاء والإخاء
والإخاء الأسطورى .... يالها من أيام يا منى ... معليش أعذرينى .. سأتوقف هنا ولكننى حتماً
سوف أعود لنواصل .....
لعلك لم تنتبهى يا منى لهذه الحكايه ! ولكننى سأواصل عن إبتسام.. تلك الأميره الأمدرمانيه التى إنسحبت فسحبت معها حقبه كامله من الجمال الخرافى !
|
Post: #156
Title: Re: ود وبت الجيران..
Author: Muna Khugali
Date: 03-06-2007, 09:36 AM
Parent: #155
عييييييييييييك...ياصباح الهنا..
نحنا لا بيهمنا عمر سـنين ولا حب بالعجلات ولا طيران مداسات
نحنا بيهمنا رغم كل الفات حبكانات ود وبت الجيران...
وأنا نفسي أحكي..وزي ماقلتليكم عايزه تشجيع..
وده بيجي من حكاويكم
وانتو بتكتبوا علي سطر وبتفطوا خمسة...
واحـدين منكم قصصم مفتوحة النهايات ومعلقانا في الهوا أو ربما الهـوي
وطارق جبريل تسأله من نفسه يقول ليك الكاشف أخـوي...
أولاد الإمتداد زواغييين..ياربي ليه?
مامون أحمد إبراهيم??
Mabroooook
|
Post: #160
Title: Re: ود وبت الجيران..
Author: bayan
Date: 03-07-2007, 03:30 AM
Parent: #156
ياخي ما تقولي وانا بقول ليه
بريد الموية الساقطة والمروحة والمخدة
عشان انا بت راحات ..
ناس الدرجة ازيكم..
|
Post: #161
Title: Re: ود وبت الجيران..
Author: bayan
Date: 03-07-2007, 03:40 AM
Parent: #160
Quote: بيان قولي الجد انتو كنتو في
عطبرة متأكدة ? غايتو أنا ما عارف دي دايرة عادل زاتو |
الله كيف امال ناظر عطبرة بنات كان منو..
والبيت الفي الداخلة جنب نادي الوادي داك بيت منو؟
تعرف يا واسبة في جزء من اعداد الممثل في معهد الموسيقى
في حاجة اسمها تكسير شخصية.. اها الزول بقعدوه يعمل اعترافات
ولازم يكون صادق فيها.. ويجاوب على اي سؤال..
يصراحة ووضوح. اها اعترافات خاصة جدا جدا
الغريبة اصلا ما حصل في بت قعدت قالت قصة الحياة السرية ليها..
لكن اولادنا ما قصرو بالتفاضيل المملة..
اسع البوست دا كدا
البنات ما بحكو نخليكم انتو تحكو...
واحد من اصحابي حكى قال لمن عمرهم 15 سنة
هو صديقو كانو بحبو بت واحدة
اها قالو مرة صاحبهم جاب ليهم عروق محبة
قاليهم تقدوها وتختوها في عيونكم اي بت تشوفكم
تقع في حبكم..
اها قالو اليوم داك حامو بالحلة واي بيت يمشو ليه
البنات بهتمو بيهم..
المهم بعد سنوات فكر في الموضوع دا
وقال اذكر انهم كانو استحمو شديد وسرحو شعرهم
ولبسو هدوم سمحة شديد..
وعرف خرافة عرق المحبة الاداهم بس ثقة بنفسهم..
لكن الوجاهة هي السبب..
|
Post: #163
Title: Re: ود وبت الجيران..
Author: Salah Waspa
Date: 03-07-2007, 09:56 AM
Parent: #161
بيـــان
خــلاص ده يعني آخــر كـــلام ؟
ونحنــــا مســامحينك وبمداخلتك الأخــيرة تكــوني اقتلعتي
مني حقيقة كان من الصعب سردها وماعارف ليه ما كنت قادر
أبداها وهي حكاية اتنين أصحــاب يحبوا ليــهم واحدة ووقتها
كنــا يادوب يادوب والله كانت ايام رائعة و كلنا كنـا في مربوع
واحــد والبنية كانت مبشتنة أولاد الفريق كلهم وأنا وصاحبي
كنا اسلوب التنافس حقنا كان غريب وهو بابداء الشجاعة والقوة
في العركات وعدد العركات وكيفية نتائجها التي سرعان ما تنتشر
ومن ثم تصل الى مسامع ست الحسن والجمال اما الكرت الرابح
والنقاط الزائدة كانت تضاف الى حسابي ليس لعدد العركات ولكن
لامكانيــة وصولي السـهل من على السطح الى منزلهم نسبة لموقعه
المقابل لمنزلنا من الخلف وطبعا الحجة كانت تبادل مجلات سوبرمان
وكتب الألغاز لو يذكرها البعض منكم وكانت لنا أيـــام .
تســـلموا كلكم وخصوصا منى خوجلي والمساحة الورديـة
صـــلاح واســبه
|
Post: #164
Title: Re: ود وبت الجيران..
Author: bayan
Date: 03-07-2007, 10:11 AM
Parent: #163
Quote: المقابل لمنزلنا من الخلف وطبعا الحجة كانت تبادل مجلات سوبرمان
وكتب الألغاز لو يذكرها البعض منكم وكانت لنا أيـــام . |
الحبيبة دي ما عندها حبوبة؟
زمنا داك الحبوبات هن التفتيحات حارسات الشرف العائلي
اي كتاب طالع ولا نازل بيتفتش..
بت جيرانا ولد جيرانا برسل ليها اللغز وفيه
شختات بالثري هتش لما تجمع الحروف بتكون رسالة...
شوفتا كيف الحاجة ام الاختراع
او تكتب لحبيبة رسالة بالليمون
ورقة فاضية بالمكوة تظهر الرسالة..
زمنا كان زين يا واسبة يا اخوي..
|
Post: #162
Title: Re: ود وبت الجيران..
Author: حيدر حسن ميرغني
Date: 03-07-2007, 03:44 AM
Parent: #160
ولدنا خالد سعيد
الزول الحلو .. صديقي
ده
قريب طارق جبريل
ما شايفو خايف يجيب الشغلة من آخرها ليه؟
بعدين يا حبيب انا قلت انصار سنة عشان نطلع من شرك منى وبيان .. اخوك عنقالي ساكت
الجماعة عاوزين يدردقونا حبة حبة ويمسكونا بيها ليوم الدين .. انت ما عارفهن .. نجيضات تب
لو كنا بنحب ما كنا عرسَنا بنات من بلاد الواق واق
|
Post: #165
Title: Re: ود وبت الجيران..
Author: bayan
Date: 03-07-2007, 10:32 AM
Parent: #162
| Quote: وأنا نفسي أحكي..وزي ماقلتليكم عايزه تشجيع |
يلا يا منو
البوست بوستك يا شيخة..
ما تخجلي احكي بالتفاصيل
مع العلم انه زوجي كان من جيارانكم..
|
Post: #166
Title: Re: ود وبت الجيران..
Author: Muna Khugali
Date: 03-07-2007, 10:53 AM
Parent: #165
تنبيه هام يا حـلويين..
أنا أمس بديت أحكي..بتلقوا اول حكاية في الصفحة الأولي تحت الرفاعي..
أصلو بقيت مجهجه أخت المشاركة وين في الصفحتين..علشان كده قلت أحسن تحت كل مشاركة منكم...
يللا صـفقة تشجيعية تاني...
المكلة مافي طريقةأي كذب..أولاد الإمتداد بما فيهم زوج بيان ماليين البورد
|
Post: #173
Title: Re: ود وبت الجيران..
Author: Salah Waspa
Date: 03-07-2007, 03:37 PM
Parent: #165
Quote:
مع العلم انه زوجي كان من جيارانكم !!!
بيـــان أوعـى يكـــون هــو أل ...... يـــاربي ؟؟؟؟؟
لالالالا ما ممكن !!!!!! غايتو الله ينعــل الشــيطان .
قــولي قــولي يا منــى وبيان وعــدت وقالت مهمـا حصــل خوتنا حــديد . (وش غتيت)
ســـلمي لي عليهو يــا بيــان وقول ليه انت زاتك انسلا تعال مارق وأحكي وقص
قبال ما منى تكشــف المســتور ولدينــا مصادر امتداداتيــة أخــرى .
المديدة حرقتني :
بيـان قولي ليه كان ما لاقي ليك باسوورد بسلفك حقـي ( لووووووول)
صــــلاح واســـبه
|
Post: #170
Title: Re: ود وبت الجيران..
Author: طارق جبريل
Date: 03-07-2007, 01:57 PM
Parent: #1
Quote:
Quote: هشام الفحل
ده
قريب طارق جبريل
|
يا حيدر قريبي شنو
انا خالو طوالي
والله كان منجضنا نجاض
خصوصا لمن نكون ماشين كريمة وطبعا عطبرة محطة مهمة للقطر
اما بت الجيران دي خلوها لي الله ساكت
|
Post: #171
Title: Re: ود وبت الجيران..
Author: نزار محمد صالح
Date: 03-07-2007, 02:34 PM
Parent: #170
بنت الجيران كنت أكتب لها في اليوم خمسة جوابات اول النهار وفي آخر الليل يستقر رأيي أن أسلمها واحد منهم أصحى الصباح وأبدا أكتب من أول وجديد
في يوم وبعد سهر قررت أن أصارحها بحبي عندماأقابلها في الصباح في الطريق إلى المدرسة إنتظرتها حتى هلت في أول الشارع وتقدمتها بخطوات وعملتا نفسي مشغول بقراءة كتاب كنت أحمله في يدي يعني الود مجتهد وشاطر وبيقرا حتى في الطريق إلى المدرسة . عندما صارت بمحازاتي إلتفت إليها عشان أرمي ليها الكلام رب وأكب الزوغة بادرتني قائلة القراية في الشارع ما بتنفع طيرت الكلام الساهرتا الليل برتب فيهو وقعدتا عشان أتذكرو تاني سنتين حتى إتذكرتو .
الله يجازي محنك يا منى المرة انا شكلي الليلة طبزتها طبزة كبيرة
بنت جيرانا إتزوجها ود عمها المغترب في أبو ظبي ومن اليوم داك أنا بكره المغتربين وكنتا مصر إنو أنا حأمارس سلطتي كإبن عم واتزوج بت عمي بعد ما أتأكد إنو ود جيرانهم بيحبها إنتقاما من لجرحي القديم
|
Post: #172
Title: Re: ود وبت الجيران..
Author: Kamal Karrar
Date: 03-07-2007, 02:52 PM
Parent: #1
أختي منى
بت وولد الجيران حكاية واقعية موثقة في السيرة الشعبية العربية
وهي حاصلة في المجتمع السوداني...
لكن أعتقد أن المجتمع السوداني يتميز بظاهرة أخرى وهي بنت العم وبنت الخالة..
والأثنين ربما كانوا أكثر إنتشارا في مجتمعنا الذي كان منغلقا فيما عدا على بنات الأهل
وعشان كده كانت هناك الكثير من قصص الحب بين الولد وبنت العم والبنت وود الخالة...
لكن المشكلة إنها علاقات زي دي داخل رحم الأسرة الممتدة الواحدة خطيرة من عدة نواحي..
يمكن أخطر ما فيها إذا تفركشت ربما تفركش عرى اركان الأسرة وتلقى الأسرة الممتدة الواحدة أنقسمت إلى فسطاطين أحدهما مع البنت وأهلها والثانية مع الولد وأهله..
كما أن من خطورتها أنها كثيرا ما تفقد عنصر السرية وسرعان ما يذاع الخبر..
اللذيذ في هذه العلاقات أنها تكون بصورة ما تحت رقابة وأعين الأهل.. والطريف أن اللقاءات بين \
الحبيايب الأقرباء أنهم يجدون مساحات أرحب للقاء في مختلف المناسبات حتى في الأتراح.. أذكر الكثيرين
مع أبناء العم الأكبر سنا منا أو أبناء الخالة اللذين كانت تربطهم علاقة مع بنات من العائلة كانوا
مثلا تجمعهم البكيات (الوفيات) أكثر من الأفراح.. وأذكر أن المحبوبات كن يعددن الشاي للمعزين
بينما ينتهزها المحبون من العائلة بالدخول والخروج من محل الكفترية لسرادق العزاء.. وهم رغم عدم
مناسبة الجو العام للحب يهميون حبا بالمحبوبة ويسعمونها عبارات الغزل وهن يهببن الشاي..
معليش أنا خرجت عن الموضوع لكن في إعتقادي أن الحب بين الأقرباء (بنات العم وبنات الخالة) أكثر شيوعا وأكثر إمتاعا.. وأكثر محاذير ومخاطر.. ناهيك عن المحاذير الطبية ولا شنو...
وتبقى بنت الجيران هي عنوان الحب في ميعة الصبا الباكر...
مع تحياتي
|
Post: #174
Title: Re: ود وبت الجيران..
Author: Ahmed El Gasim
Date: 03-07-2007, 03:40 PM
Parent: #172
في الزمن الجميل وانا في الثانوي اهدتني بنت الجيران( حبا)قلم و مشط!!وكانت ردة فعلي عنيفة!!
المهم انني تقبلت الهدية وابن عمي يمزح قائلا الظاهر عليها شعرك (التفة)دة ما عاجبها!وباين انها كانت دايراني اغير ليها ال(look)! التقيتها بعد عقدين من الزمان وزوجها قالت لي (بركة شعرك الكان تفة الراح فيها..)اخوكم بقي صلعة من قدام!! ..وضحكت لان زوجها كان(كوجاك)!!
|
Post: #178
Title: Re: ود وبت الجيران..
Author: bayan
Date: 03-08-2007, 05:16 AM
Parent: #174
| Quote: بيـــان أوعـى يكـــون هــو أل ...... يـــاربي ؟؟؟؟؟ |
لوووووووووووووووول @ واسبة
ايام بوست الامتداد جا قراه سالتو بتعرف مني خوجلي..
قال يا سلام ابوهم راجل فاضل.. شوفت الزول دا مؤدب كيف..
بذكر الحاج بس..
منى شنو ياخي تدسي مداخلاتك ام صمغ جوة..
يلا يا واسبة مايدنك الامان اكتب قصصك براحة.
بس ما تجي تقول الباسورد مع زوج بيان الان.
|
Post: #179
Title: Re: ود وبت الجيران..
Author: د.محمد حسن
Date: 03-08-2007, 07:40 AM
Parent: #1
شايف البوست ده كله اولاد جيران
بنات جيران غير صاحبة البوست والحبيبة بيان
وباقي بنات الاون كلهم زايغين
جبانااااااااااااااااات بس فالحين لي في انه المراة مهمشة
هسي البكا ده كله الكبوهو اولاد الجيران وبرضو مهمشين
مودتي بلا حدود
|
Post: #180
Title: Re: ود وبت الجيران..
Author: حيدر حسن ميرغني
Date: 03-08-2007, 08:04 AM
Parent: #179
| Quote: والله كان منجضنا نجاض |
صدقني من شدة خوفي منهم.. لو كنت بمضغ في لبانة وقابلني واحد منهم ... كنت ببلعها طوالي
بيان
غايتو شباب عطبرة كانوا بيربطو مواعيد الغرام مع وقت المسلسلات .. حيث لاخوف على الحبيبة إلا من
كلاب الخلاء
|
Post: #181
Title: Re: ود وبت الجيران..
Author: Muna Khugali
Date: 03-08-2007, 08:59 AM
Parent: #180
صباحكم ورد..مادام ماجبتوا لينا ورد في عيد المرأة نجيبوا ليكم احنا
موش يانجاة وخالدة?
|
Post: #183
Title: Re: ود وبت الجيران..
Author: Muna Khugali
Date: 03-08-2007, 10:08 AM
Parent: #181
Quote:
زمان أيام كنت في الإعدادي في الكلية القبطية..كان في ولد من الإمتداد أكبر مني شـوية..
هو مامن الجيران بس من الإمتداد.. كان مشترك في نفس بص المدرسة..
الولد ده واسمحوا لي اسميه "بزفت الطين" كان مضايقني جـدا بحركاته..بعدين كان دمه تقيل
خالص..
مرات بص المدرسة كان بيتعطل..وعمك الخليفة عوض خوجلي بيصادف برضه انه مابيقدر يجي يرجعنا..
يعني كان لازم نرجع لوحدنا او مع زميلاتنا بالمواصلات..
طبعا من المدرسة للمواصلات كان مشوار بتاع ربع ساعة...
في إنتظار بص المدرسة أوأثناء الإنتظار للعربيه ...زفت الطين كان بيتنيل علي عينه يقيف قدام المدرسة يعاين..وطبعا دي كانت حركات اولاد الكلية القبطية بنين وجمال عبـد الناصر..
وفي مره مرتين من المرات.. لما كنا بنمشي نركب فيها المواصلات.. بقي يضايقني بالمشي وراي والمعاكسة..اتضايقت منه شـديد وأول ما وصلنا وسط زحمة لقيتها فرصة قويه اهزئه فيها..
وأوبخه قـدام الناس علي معاكسته مستعملة خطابة ذلك الزمان..
مامكسوف علي دمك تعاكس في بنات الناس..
ماشي ورايا ليه من قبيل انت ماعنـدك أخـوات..
وطبع أفظع شتيمة تكون..
يا أخي امشي ذاكر وانجح بدل العوارة دي..
صـاحبنا اتهجم من موقف الفضح ده قـدام الناس..وقرر ينتقم من بت حلته
تفتكروا ياجماعة يا الراجيين حكايتي عمل شنو?'
أسألوني وبوريكم.. |
نكمل قصة زفت الطين الغايظني لي أسه..
أنا الوقت داك ياخوانا صراحة وقتي مليان بتمارين موسيقي في المدرسة.. وغالبا مابتكون في أيام الإجازات ..واجازة المدرسة كانت جمعة وأحـد..
ده غير تمارين السباحة في دار الثقافة وسلام مرسل لأستاذ بيومي..
وتمارين السباحة كانت يومين في الإسبوع من الساعة 4-6 ..
الغرض ..إنه الزول ده كان متابع طلعتي ومواعيـدها..
زفت الطين زعل جـدا من تهزيئي ليه قدام الناس..خاصة الطلبه اصحابوا..
وقرر ينتقم مني..عارفين الجبان عمل شنو??
كتب جواب غرامي عجيب..بيعاتبني فيه علشان ماجيته في اليوم السابق زي ماكل مره بجي أقابله!
وطبعا كتب عبارات توحي لمن يقرأ الخطاب اني فعلا بقابله..زي يذكر بالضبط المواعيد البكون
فيها بره البيت..شكل ملابسي..مواعيد رجعتي...
وكلام زي..
تتذكري المرة الفاتت لما كنا سـوا وقلت ليكي وقلت ليه..وهبل زي ده الله يخرب بيته علشان
انا لسه زعلانه منه..
وختم جوابه بكلام عليك الله تواظبي علي مواعيـدنا وماتزعلي مني..والحب البينا لازم يعيش!
الجبان جه جنب البيت ورمي الجواب من فوق الحيطة..وقومي يا خالتي ألقي الجواب..
وشيليه علشان ماما جارة تقراه!
كان يوم اسود!
تحبوا احكي ليكم الباقي ولا بلاش?
|
Post: #198
Title: Re: ود وبت الجيران..
Author: Muna Khugali
Date: 03-09-2007, 03:47 AM
Parent: #183
ليوم داك انا لما رجعت البيت لقيت أمي وخالتي عليهم تعابير عجيبة في وجوههم..
بعد شـوية كده قاموا نادوني براي..عاملين فيها ظراف وفاهمين!!
مدوا لي الجواب وعيونهم فيها نظرات عجيبة..
سـألوني..
ده شنو الجواب الجاييك ده?
تعرفي الزول ده?
فتحت الورقة مافهمت حاجة ..أعاين في الورقة وارجع اعاين ليهم..
طبعا انا كنت مهجومة وناسية تماما زفت الطين!
رديت بالحقيقة.. انا ماعارفة حاجة عن الجواب ولا الزول الكاتبه!
طيب هو عارفك كويس??!
وأنا أكرر في ماعارفة..
وطبعا الوقت داك انا دوبي عمري 13 سنة يعني ماقادرة ذاتي استوعب الموقف..ومن الزعل قعدت
ابكي شديد..
وأكتر حاجة زعلتني اني فعلا صادقة وهم لسه بيسألوني!
الله يسامحك ياماما جارة ويا أبله زينب.. كده تشـكوا في مني?
المهم يبدوا انهم لعنوا الشيطان وابتدوا يصدقوني..وندموا علي سـؤالهم..بقوا يسكتوني
ويحنسوني علشان اقوم آكل وأشرب..بس أنا الزعل استمر معاي..بقيت ابكي باقي اليوم والليل..
ماهانت علي نفسي!
المهم بعد يومين..وانا راجعة من المدرسة اشوف زفت الطين جـه ماشي جنبي
وبصوت عالي فيه نبرة انتقام عالية قال لي..
استلمتي جـوابي أول أمس??
|
Post: #182
Title: Re: ود وبت الجيران..
Author: عبد اللطيف بكري أحمد
Date: 03-08-2007, 09:33 AM
Parent: #1
يعني يابت العم ود الجيران الرئيسي يغيب وماتسألي؟؟
الجيران كبسو علينا وقالو حقوق النشر محفوظة وبطلنا نشر،،
|
Post: #186
Title: Re: ود وبت الجيران..
Author: Dr_Bringy
Date: 03-08-2007, 11:51 AM
Parent: #182
بت الجيران ...
فصل من مسرحية صامتة في حياتنا
أجمل أوقاتي كانت لما تقطع الكهربا في وقت (المسلسلة) - ابوها كان عندو عربية ولما الكهربا تقطع بيطلع بطارية العربية يشغل بيها التلفزيون – حضور المسلسل عندهم كان ليهو لون وطعم ورائحة.
أجمل أيامي – يوم صرف سكر التموين في دكان التعاون – الكلام ده في بداية التمانينات يعني ما تقولوا الزول ده عجوز
أجمل الشهور شهر رمضان لما كنا بنمشي نجيب التلج مع بعض – كانت فرصة تكون فيها عنتر زمانك فتاتيها منتصرا وانت تحمل كيس التلج من وسط الزحام ولسان حالك يقول: عبلة تناديني فالحديد لا يقاويني
اما أيام العيد فكانت عيد فعلا – أيام لا نخاف فيها من عين الرقيب وندخل ونطلع زي ما عايزين
الغريب في الأمر انه كل شيء كان بيتم على الورق - تشتري كتاب أجمل الرسائل من المكتبة وحزمة ورق رسائل ملونة وكل مرة تكتب جواب – الرد كان عبارة عن ابتسامة عريضة لما تلاقيك بعدها – الواحد بينبسط ويمشي يفكر في موضوع الرسالة التانية – ما حصل قلت ليها كلمتين على بعض شفتو الجبن ده كيف.
استمرت الحياة جميلة إلى ان فاجأني يوم اكتشفت فيه انها أصبحت عروس وانا لسه بيدوني مصاريف المدرسة
لكن برضو كانت روحي رياضية عملت كل ما طلب مني من مراسيل في فترة العرس وفي الحفلة كنت مبسوط وقعدت لحدي ما لمينا الكراسي
نقطة – سطر جديد – بنت جيران أخرى
أيام ليتها تعود
|
Post: #188
Title: Re: ود وبت الجيران..
Author: عصام دهب
Date: 03-08-2007, 12:09 PM
Parent: #186
الفاضلة / منى
مراهقتنا كانت بريئة ولذيذة لكنها أيضاً كانت عويرة إلى الحد الذي لا يمكنك فيه إعلان عواطفك المكبوتة تجاه إحدى بنات الجيران و الحلة إلا سراً عبر خطاب تنتقي له الكلمات إنتقاء حبات المسبحة في تناسقها و ذلك كله ( عشان تقتنع ) .
لا أنكر أنني كنت من بين أولئك الذين أخذتهم الهاشمية على حين غره ( دي معناها شنو ؟؟ ) و حينما قررت أن أكتب خطاباً لبنت جيراننا أردته أن يكون أكثر إقناعاً لأني أعرف من أين يؤكل كتف حبها ، بعد جهد جهيد في إنتقاء عبارات مثل ( هانذا أقدم أوراق إعتمادي سفيراً فوق العادة ومفوضاً من مملكة الحب إلى قلبك ) كان أن كتبت خطاباً خترياً و أرفقت معه هدية حتماً سترضي غرور تلك البنت ،، هدية كانت علبة بسكويت ( كرم ) فقد كنت مييقناً أن فارسة أحلامي سوف تحبني كما هي تحب البسكويت بجنون .
في الطريق إلى بيت المحبوبة ـ لتسليم الرسالة الأولى ـ تختلج في رأسي الأفكار و أسرح بها إلى حيث عوالم الحب المدهش ،، أستيقظ على صورة أمها تلك الشايقية البيور بلكنتها المميزة و هي تفتح لي الباب و تكاد تزأر مثل لبوة في وجهي ، لكني تفتيحة و عامل حساب لهكذا موقف .. لذا أعلنت لها بلا تردد أن الغرض من زيارتي ( كنت عايز كتاب جغرافيا من هناي ) و ينجلي موقفي آماناً حينما تردني فقط بالقول ( إتا كتاب الجغلافيا الليلك وديتو وين ؟؟ )
حتى أعاود الكرة مرة ثانية بعزم المحب الولهان كان يتعين عليّ إستئجار أحد شفع الحلة و بعد أن برمجته وفق ما أبتغي أرسلته في إثر حبيبتي يحمل رسالتي و صندوق البسكويت الذي وددت لو أنني دغمست منه حبة واحدة .. ما ألذ بسكويت ذلك الزمان .. كان مرسالي يحمل بسكويتي في يديه ، و أنا أمطق وأحمل آمال مراهق وله بين ضلوعي المكشوفة إلا من بعض جلد .
بعد مدة تتجاوز الساعة و النصف ، و بعد بحث مضن وجدت مرسالي الذي تراءى لي أن في حواف فمه بقايا من بسكويت حبي .. لكنه تجاوز تحديقي في وجهه بأن أكد لي أن الرسالة قد تم إستلامها من حبيبتي شخصياً و أنها ( قالت ليك كان عندك جواب تاني برضو أديني ليهو أجيبو ليها !! ) يا لحبيبتي الولهى مثلي .
عندما عدت إلى بيتنا بعد مدة وجيزة تناهى إلى سمعي صوتاً أعرفه معرفة جوع بطني كانت تلك الشايقية جارتنا و صوتها يشق عنان حوش بيتنا ( نان الولد مرسللو جواب للبنيي مسويلها حبينى و أحبك عاز يبوظ لي بنيتي و تقوليلي معليش ) و صوت آخر يقاطع ( خلاص يا صفية خليهو يصبر لي و لما أبوه يجي أنا بكلمه ليهو ) كم هو حرج موقف أمي إذ تحاول جهدها أن تصلح ما أفسدته انا و هي تعتذر ( ما هم أولاد صغار و بكرة يكبروا يعقلوا ) و لكن صفية تتمسك بموقفها ( ما تقوليللي صغار و الله أن طقاها فرد طقة يحملا ) .. يا لهوي .. لماذا ذهبت أمهابعيداً هكذا ؟؟
تداركت أمي الأمر و إنتهى مشوار حبي الأول مع بنات الجيران بتوبيخ ـ أحسبه ـ جائر نالني ، لكن هذا التوبيخ لم يحرك فيني ساكناً و أنا أتميز من الغيظ حينما أتساءل :
أين ذهب البسكويت ؟؟
تأتيني الإجابة حينما يترائى لي طيف حبيبتي بت الجيران و هي من وراء أمها تقضم بسكويتي كفأر مذعور .. و أنا من مخبئي غير المنظور أغمغم ( إن شاء الله ما ينفعك ) !!
ــ
..
أقلب الصفحة ..
|
Post: #189
Title: Re: ود وبت الجيران..
Author: Muna Khugali
Date: 03-08-2007, 12:47 PM
Parent: #188
| Quote: ( إتا كتاب الجغلافيا الليلك وديتو وين ؟؟ ) |
|
Post: #211
Title: Re: ود وبت الجيران..
Author: Muna Khugali
Date: 03-10-2007, 08:14 AM
Parent: #186
| Quote: الغريب في الأمر انه كل شيء كان بيتم على الورق - تشتري كتاب أجمل الرسائل من المكتبة وحزمة ورق رسائل ملونة وكل مرة تكتب جواب – الرد كان عبارة عن ابتسامة عريضة لما تلاقيك بعدها – الواحد بينبسط ويمشي يفكر في موضوع الرسالة التانية – ما حصل قلت ليها كلمتين على بعض شفتو الجبن ده كيف. |
غايتو انا عايزة بعد ما أموت الله يخلقني تاني علشان أحب زي الحب ده
يادكتور برنجي..
باقي ليك في أمل?
حكمة ليها مده طـويلة معاي..
كلما زادت تجاربنا كلما قلت فرص السعادة
|
Post: #191
Title: Re: ود وبت الجيران..
Author: Muna Khugali
Date: 03-08-2007, 01:29 PM
Parent: #182
Quote: يعني يابت العم ود الجيران الرئيسي يغيب وماتسألي؟؟
الجيران كبسو علينا وقالو حقوق النشر محفوظة وبطلنا نشر،، |
اذا عباللطيف حب وعرس بت الجيران
عبداللطيف أخوي الله يسألني سألت منك اكتر من مره..
لكن قلت الله بس يسـتر..والحمد لله الظاهر من رجـوعك سـتر..
أها نان وينا الحكايات?
ياحليل العصريات والأمسيات والمسلسلات..
بمناسبة المسلسلات..
جـدي عثمان الحسين..كان معذبنا في افلام السهرة والمسلسلات..وما يحلا ليه
يجي الا لمايكون في منظر من المناظر اياها..
ناخد شتيمه مرتين..مره منه هو يعقبها اغلاق للتلفزيون بعد نهرة للكبار المشاهدين معنا زي أمي وخالتي وأختي الكبيره ..وتوبيخ زي
خلاص الأخلاق انتهت?
مافيش مدارس بكره?
قلة أدب!
وبعـد يمشي ناخد احنا شتيمه من الأكبر مننا..متغاظين طبعا ماقدروا يتابعوا المسلسل
ولا الفيلم..
امشوا نومي انتي وهيه..وغالبا هي دي بتكون أنا..انتي بتكون ماجده..
جبتوا لينا الكلام!
عالم مفترية..موش?
|
Post: #190
Title: Re: ود وبت الجيران..
Author: الرفاعي عبدالعاطي حجر
Date: 03-08-2007, 01:01 PM
Parent: #1
العزيزة منى
الفاضل واسبة
الرائعة بيان
العطبراوي وكل التشكيلة من ودالموج ولا فوق سلاااااااااااام للروائع والدرر ...
منى انا منتظر دوري بعد غياب طوووووووويل لكن متابع وبصراحة اول مرة اضحك وانا بقرأ هنا زمان الواحد كان يدخل مكشر ومبيت النية للمصادمات لكن البوست ده شوية بقى متنفس لإستنشاق الحيتة لكم جميعكم التحية وكم اتمنى مشاهدة وجوه جديدة هنا لإثراء التلاطف ... عمومآ فصول قصتي ستبدأ حالما نوصل مع منى وزفت الطين وفاصل ونواصل ومعذرة لإنقطاع التيار .
Quote: العطبــراوي الرفـــاعي ..
لك التحية ولي عطبرة الجميلة .. وتحية للإعلام .. وتلفزيون عطبرة .. وإذاعة عطبرة .. والبلوتين..
قلته لي من الدرجة .. بت جيرانا يعني ... تخلوا بنات جيرانكم وتجو تزاحمونا في بنات جيرانا ..بنات الراحات .. عشان كده خليتوه يفتروا علينا .
لك التحية مرة أخرى .. ولي عطبرة ألف تحية .
خالد الأرباب |
انا عطبراوي الهوى والحنين فقد قضيت جميع اجازاتي المدرسية منذ العام 80 حتى بعد الزوج تقريبآ في عطبرة ولكن تصاريف الحياة والبلاوي التى رمتنا بها مؤامرت الثلة المعتوه فرقت بيننا والحياة الخالصة للحياة والجمال فحبي لعطبرة من امبكول ومسجد البرهانية والموردة كشك او فتحة الشباك داك الفي الخور البيبيع الباسطة بريال والله اقل زماااااااااان والعجلة اللي عملت بيها حادث مع ابو واحد كان يادووب أعرفهوربما كانت ستثمر صداقة ولكن.... ومرورآ بالسكة حديد واللاعب سرتانا والدحيش ولوفا والسوق والملتقى والهدف والامل والشبيبة وناس علي كشك وعصام الجزار وعمر الجزار عليه الرحمة وحتى الامتدادات وشمسون (ده في الحساب عمي) ما عارف في الجغرافيا ح يكون شنو فله التحية والحصاية وحتى حي المطار اليادوووووووب شب وماقام ولك مني ولعطبرة ملاااااااين الحب والتقدير والسلام.
|
Post: #192
Title: Re: ود وبت الجيران..
Author: khaleel
Date: 03-08-2007, 01:30 PM
Parent: #190
الحمد لله
جيراننا كلهم ما عندهم بنات
مع انو حبوبتي بتقول ( اخد بت جارة امك)
|
Post: #194
Title: Re: ود وبت الجيران..
Author: خالد علي محجوب المنسي
Date: 03-09-2007, 02:27 AM
Parent: #192
Quote: كان يوم اسود!
تحبوا احكي ليكم الباقي ولا بلاش |
منى الرائعة سلام
بتخيل فيك انت جارية والسفنجة فر فر فر فر وراك في ضهرك
احكي فاتحين خُشومنا ألتقول مَسَلْسل ... ومنظرين
|
Post: #195
Title: Re: ود وبت الجيران..
Author: Tara
Date: 03-09-2007, 02:51 AM
Parent: #194
الحبيبة منى عوض
كل سنة وإنتي طيبة
وكل سنة وكل النساء بخير
تحياتي لنساء عوض خوجلي
|
Post: #196
Title: Re: ود وبت الجيران..
Author: bayan
Date: 03-09-2007, 02:51 AM
Parent: #194
| Quote: عندما عدت إلى بيتنا بعد مدة وجيزة تناهى إلى سمعي صوتاً أعرفه معرفة جوع بطني كانت تلك الشايقية جارتنا و صوتها يشق عنان حوش بيتنا ( نان الولد مرسللو جواب للبنيي مسويلها حبينى و أحبك عاز يبوظ لي بنيتي و تقوليلي معليش ) و صوت آخر يقاطع ( خلاص يا صفية خليهو يصبر لي و لما أبوه يجي أنا بكلمه ليهو ) كم هو حرج موقف أمي إذ تحاول جهدها أن تصلح ما أفسدته انا و هي تعتذر ( ما هم أولاد صغار و بكرة يكبروا يعقلوا ) و لكن صفية تتمسك بموقفها ( ما تقوليللي صغار و الله أن طقاها فرد طقة يحملا ) .. يا لهوي .. لماذا ذهبت أمهابعيداً هكذا ؟؟ |
لووووووووووووووووووووووووووووووووووووووووووووووووووووووووووووووول
مبالغة يا دهب لو جاتني ازمة انت مسؤول.. نجضت اوكسجيني نجاض..
|
Post: #197
Title: Re: ود وبت الجيران..
Author: bayan
Date: 03-09-2007, 02:54 AM
Parent: #196
Quote: بيان
غايتو شباب عطبرة كانوا بيربطو مواعيد الغرام مع وقت المسلسلات .. حيث لاخوف على الحبيبة إلا من
كلاب الخلاء |
يا بوكومش اسع في ولد في عطبرة ديك كلها يستحق افوت ليه المسلسلة
لا باللاهي...
بيان فرحانة عشان اولاد جيرانها ما حبوها والا كانت فوتت المسلسلة
هيع فشر
|
Post: #200
Title: Re: ود وبت الجيران..
Author: خالد علي محجوب المنسي
Date: 03-09-2007, 04:07 AM
Parent: #197
| Quote: استلمتي جـوابي أول أمس?? |
أها ... روحنا مرقت كملي
|
Post: #208
Title: ود و بت الجيران.... لكن صدقيـني ما بقدر أعيــد....
Author: Haytham Abdulaziz
Date: 03-10-2007, 02:23 AM
Parent: #197
العزيزة منى عذراً للتأخير ......
أمـا بالنسبة لي انا بت الجيــران الله يرحمهــا و يغفــر ليهــا و يسكنهــا فسيــح جنـاتــه....
|
Post: #209
Title: Re: ود و بت الجيران.... لكن صدقيـني ما بقدر أعيــد....
Author: Muna Khugali
Date: 03-10-2007, 02:42 AM
Parent: #208
أنا آسفة ياهيثم..
لها الرحمه..والزهور
|
Post: #199
Title: Re: ود وبت الجيران..
Author: طارق جبريل
Date: 03-09-2007, 04:02 AM
Parent: #1
| Quote: نان الولد مرسللو جواب للبنيي مسويلها حبينى و أحبك عاز يبوظ لي بنيتي و تقوليلي معليش |
مبالغة يا ود دهب
والله علي قول اختنا بيان نجضتنا نجاض من الضحك
وذكرتنا الحاجة (عائشة ابوديةالشايقية) والدتنا لمن تقوم تجوط فينا
|
Post: #201
Title: Re: ود وبت الجيران..
Author: bayan
Date: 03-09-2007, 11:24 AM
Parent: #199
| Quote: وناسية تماما زفت الطين! |
اللا ترى اساليب الاولاد دي متكررة في كل مكان
صديقتي في الدامر وصلتها رسالة حمراء عديل كدا ببريد المدرسة
والزول الكاتبها موصفها ليك بعداك حاكي ليها عن لحظات حميمة شديد
رسالة تودي في الحديد لو الاهل راقين وتسكن الترب لو ذي ناس جيران دهب..
اها طبعا المدرسات فرحو فرح السنين.. البت قالت نهائي ما بتعرف الكتبها..
المهم نادوا الابو وكان زول متعلم جدا وفاهم
قاليهم اي زول عارف انه في المتوسطة بفتحو الرسائل
الرسل الجواب دا عايز يرمي بتي في مشكلة
احتمال عشان رفضتو..
وطلع زفت طينها ولد كريه وسنيح مرة رسل ليها جواب
لانها بت مؤدبة رفضت تشيلو من المرسال.. وهو حس بالاهانة..
والله يا منى اتخيلت منظرك..تعاطفي التام معط الهجايم دي بطالة شديد
..
|
Post: #202
Title: Re: ود وبت الجيران..
Author: Muna Khugali
Date: 03-09-2007, 06:19 PM
Parent: #201
| Quote: اللا ترى اساليب الاولاد دي متكررة في كل مكان |
شوفتي يانجاة زفت الطين طلع مزفت لياتو درجـه?
كل فترة كده بتذكر الحكاية دي واتغاظ!
واتغاظ اكتر اني ماعارفه عنه حاجة غير شكله وانه من اولاد الإمتداد..
كان أسه الزول انتقم منه بمقلب كباراتي معتبر يخليه يعترف بفلطه..
أقول ليكم كلام..
أنا لا مسامحاه ولا حـاجة..
وبكره أمي تجي من السودان وأطالبها بإعتذار رسمي هي وخالتي في أمريكا..
ايه يعني فايدة التحانيس والدلع بعد ما استجوبوني!!
عالم غتيته..لو فاتت 100 سنة علي الحاجة الحصلت..تلقاها لسه شايلاها في قلبها!!
طيب أنا عنـدي تاني حكايتين بس برضه لازم تشجيع فظيع 
|
Post: #203
Title: Re: ود وبت الجيران..
Author: الرفاعي عبدالعاطي حجر
Date: 03-09-2007, 06:34 PM
Parent: #1
لا ..لا انا قاعد ومنتظر تعرفي انا كنت من سكان الامتداد مربع 7 ودرست الابتدائي في مدرسة مازال الحنين يقودني لها متى زرت السودان هي مدرسة الامتداد 5 الابتدائية بنين بس مستحيل اكون زفت الطين ده لانو في حياتي لم اكتب رسالة لاي بنت كانت وبرضو حبيت بس بالشوف والرجفة بنت جميلة تزوجها اخو صديقي الكبيييييييييييير وهي في اولى ثانوي يعنى يادووووووب كدا قلنا بسم الله وياقلب انطلق وحب كما يحلو لك الاوهي بتتزوج والان الحكاية الاصلية ح نأجلها لحين انتهاء منى من زفت الطين ومقطوع الطاري القادم .......كل جمعة وانتو بخيرررررررررررر يانساء المنبر .
|
Post: #213
Title: Re: ود وبت الجيران..
Author: عصام دهب
Date: 03-10-2007, 06:19 PM
Parent: #203
لكن يا منى قلبتي علينا جنس مواجع ..
مرة كان عندنا بت في حلتنا .. يعني معانا في حي واحد لكن ما جيرانا .. البت دي لمن تجي ماشا المدرسة بتجي تنتظر البوكسي البوصلهم المدرسة ( البرينسة ) مع بنات جيرانا في العمود الفي رأس شارع بيتنا .. بعدين البت دي يا منى كان بتلبس كبك .. أهة الكبك البتلبسو دا بس يخلو ليها .. أنا مع أصحابي في المدرسة كنا بننتظر لحدي ما العربية البتشيل البنات ديل تجي و تشيلهم حتان نمشي المدرسة .. خلاص لما فاض بي قمت قلت أرشها بي جواب .. قمت عرضت الفكرة على ميرغني صاحبي و ود خالتي فأيد فكرتي و أستعد بدعمها بأن يقوم بتسليم الجواب لواحدة صاحبتو بتقرأ مع البت في نفس المدرسة عشان تسلموا ليها .. المهم أنا قمت اليوم داك مشيت المكتبة جبت ليك ورق رسائل فيهو زهور و قلوب و حاجات بتاعات حبكانات كدا و ظبطت ليك خطاب يجيب رأس غليص ذاتو و بعد داك جا ميرغني صاحب قام قرأ الخطاب لمن هو ذاتو إتكيف .. المهم شال الخطاب عشان يسلمو ـ لصاحبته التي سوف تقوم بتسليمه لزولتي ـ حسب ما أتفقنا ..
يوم السبت الصباح مرقت الشارع قبل شراب الشاي ذاتو عشان عايز أشوف الحنان شعورو كيف بعد ما أستلم جوابي ؟؟ و الحاجة الغريبة لما مشيت رأس الشارع لقيت ليك زولتي أول واحدة جات من البنات في المحل البنتظروا فيهو البوكسي .. و بمجرد ما شافتني من بعيد أشرت لي .. و الله يا منى أنا اللحظة ديك من الفرح قربت أطير ذاتو .. حسيت ليك بقلبي دا وجعني شديد خلاس ،، لما وقفت قدامها قلت ليها بصوت متهدج كدا .. ص ص باح الخير .. قامت طوالي دخلت يدها في شنطتها و مرقت لي ظرف منفوخ كدا ما مكتوب فيهو من برة أي حاجة .. أنا شلت الظرف و زغت طوالي و جرية على البيت .. ختيت الظرف تحت المسند بتاع الكرسي في الصالون و مشيت جبت لي كباية شاي بي لبن عشأن أقرأ ردها الكتير دا .. طبعاً إتخيلت ليك إنو البت دي تكون ما خلت ليها كلمة بتاعت حب ما كتبتها لي ..
لما فتحت الظرف ألقى ليك جوابي الكتبتو ليها بذاتو و صفاتو و معاهو ورقتين تاني .. أفتح ليك الورقتين ألقى ليك جواب زي جوابي منقول بضبانتو كاتبو ميرغني ود خالتي لبت تانية في نفس المدرسة .. تتخيلي ميرغني نقل الجواب بتاعي كلو و ما غير إلا الأسماء و أتذكر أنو في حتة كدا أنا عبرت فيها عن إعجابي حتى بالكبك بتاع البت ، ميرغني برضو كتبها زي ما هي !! ..
طبعاً أنا قعدت في الصالون داك فكيت لي بكية كدا في حناني .. ما عشان البت شوكشتني و طارت و بس .. لكن عشان ميرغني أدى واحد صاحبو نقل ليهو الجواب بتاعي و كان خطو جميل جداً و أحسن من خطي .. و أكيد البت حتقول أنا نقلت الخطاب من ميرغني عشان هو خطو أسمح من خطي ..
لاحقاً علمت أن البت التي أرسل إليها ميرغني خطابه المنقول من خطابي ، و البت التي أرسلت إليها أنا كانتا فردتين حميمتين .. و بسبب ذلك الموقف حرمت التعامل مع ميرغني في مثل هذه المسائل الحبكانية نهائياً ..
|
Post: #214
Title: Re: ود وبت الجيران..
Author: Muna Khugali
Date: 03-10-2007, 06:58 PM
Parent: #213
Quote: و بمجرد ما شافتني من بعيد أشرت لي .. و الله يا منى أنا اللحظة ديك من الفرح قربت أطير ذاتو .. حسيت ليك بقلبي دا وجعني شديد خلاس ،، لما وقفت قدامها قلت ليها بصوت متهدج كدا .. ص ص باح الخير .. قامت طوالي دخلت يدها في شنطتها و مرقت لي ظرف منفوخ كدا ما مكتوب فيهو من برة أي حاجة .. أنا شلت الظرف و زغت طوالي و جرية على البيت .. ختيت الظرف تحت المسند بتاع الكرسي في الصالون و مشيت جبت لي كباية شاي بي لبن عشأن أقرأ ردها الكتير دا .. طبعاً إتخيلت ليك إنو البت دي تكون ما خلت ليها كلمة بتاعت حب ما كتبتها لي ..
لما فتحت الظرف ألقى ليك جوابي الكتبتو ليها بذاتو و صفاتو و معاهو ورقتين تاني .. أفتح ليك الورقتين ألقى ليك جواب زي جوابي منقول بضبانتو كاتبو ميرغني ود خالتي لبت تانية في نفس المدرسة .. تتخيلي ميرغني نقل الجواب بتاعي كلو و ما غير إلا الأسماء و أتذكر أنو في حتة كدا أنا عبرت فيها عن إعجابي حتى بالكبك بتاع البت ، ميرغني برضو كتبها زي ما هي !! ..
طبعاً أنا قعدت في الصالون داك فكيت لي بكية كدا في حناني .. ما عشان البت شوكشتني و طارت و بس .. لكن عشان ميرغني أدى واحد صاحبو نقل ليهو الجواب بتاعي و كان خطو جميل جداً و أحسن من خطي .. و أكيد البت حتقول أنا نقلت الخطاب من ميرغني عشان هو خطو أسمح من خطي ..
لاحقاً علمت أن البت التي أرسل إليها ميرغني خطابه المنقول من خطابي ، و البت التي أرسلت إليها أنا كانتا فردتين حميمتين .. و بسبب ذلك الموقف حرمت التعامل مع ميرغني في مثل هذه المسائل الحبكانية نهائياً .. |
|
Post: #215
Title: Re: ود وبت الجيران..
Author: bayan
Date: 03-11-2007, 03:21 AM
Parent: #214
دهب ياخي انت مبالغة..
انا عندي ود عمتي الله يرحمو ويغفر له صنع سمعة من الرسائل ديل..
ينفق كل وقته في ارسال واستقبال
ولاني كنت فردتو كان بوريني الرسائل البتجيه..
اها مرة جاتو رسالة سممممحة نوع اللازورد والبنفسج وشنو..
المهم الرسالة دي فيها وصف دقيق جدا.. وفيه نهداك ارنبان مزعوران,,
طلع منقول من كتاب الرسائل العصرية والبت ذي ميرغني دا
نقلتو بضبانته دون تصرف..وقضيت ردحا من الزمن اكاويه بهذه الارانب المزعورة..
|
Post: #216
Title: Re: ود وبت الجيران..
Author: عصام دهب
Date: 03-11-2007, 03:54 AM
Parent: #215
د. بيان
تحيات و سلامات
لقيتني كيف يا دكتورة .. مسكين المحبوبة تأكل بسكويتو صاااح ..
| Quote: اها مرة جاتو رسالة سممممحة نوع اللازورد والبنفسج وشنو.. |
عندي صاحبي يا دكتورة نفس الملامح و الشبه يعني تخيلي نحنا في الأبيض و يكتب لحبيبته يقول ليها ( ثلوج كانون و دفء الصنوبر و عبق اللافندر و شنو كدا ما عارف الأريكة و الأيائل ) و الغريبة البت كانت متكيفة من كلامو دا التقول عايشة في تولوز ..
| Quote: المهم الرسالة دي فيها وصف دقيق جدا.. وفيه نهداك ارنبان مزعوران,, |
تخيلي واحد كمان صاحبنا كان بكتب للبت ( قطتي الأليفة ) و هي كمان مبسوطة ترد ليهو ( أسدي الوديع )
| Quote: وقضيت ردحا من الزمن اكاويه بهذه الارانب المزعورة.. |
تخيلي تعبير الأرانب المذعورة دا حيكون أقنع البت دي !!
|
Post: #237
Title: Re: ود وبت الجيران..
Author: bayan
Date: 03-16-2007, 07:33 PM
Parent: #216
| Quote: عندي صاحبي يا دكتورة نفس الملامح و الشبه يعني تخيلي نحنا في الأبيض و يكتب لحبيبته يقول ليها ( ثلوج كانون و دفء الصنوبر و عبق اللافندر و شنو كدا ما عارف الأريكة و الأيائل ) و الغريبة البت كانت متكيفة من كلامو دا التقول عايشة في تولوز .. |
ولا ديلاك
شعرك الاسود الحرير يذكرني بالليل البهيم...
وهي يخربها ذي حالاتي شعرها يقصو بالضفارة..
فمك مثل اكمام الورد في نعومته
وهي الشلاليف مجاري خريف...
اولاد الجيران بحبو خيالهم ويسفطو على اقرب بت..
يقعدو يدبجو الانشاء..
|
Post: #218
Title: Re: ود وبت الجيران..
Author: د.محمد حسن
Date: 03-11-2007, 09:31 PM
Parent: #1
نت اتميز عن اقراني باو خطي يعتبر جميل واسلوبي في رقة وشاعرية ( حلوة شاعرية دي )
فكانو بيطلبوا مني اكتب ليهم الجوابات لحبيباتهم
وانا كنت ما بقصر معاهم بس الجوب بي شلن
|
Post: #219
Title: Re: ود وبت الجيران..
Author: Muna Khugali
Date: 03-11-2007, 09:37 PM
Parent: #218
| Quote: وانا كنت ما بقصر معاهم بس الجوب بي شلن |
|
Post: #220
Title: Re: ود وبت الجيران..
Author: د.محمد حسن
Date: 03-11-2007, 09:40 PM
Parent: #1
لكن ليك انت يا منى بي شلن انجليزي
ويبقي سر بيناتنا عشان امك وخالتك
|
Post: #221
Title: Re: ود وبت الجيران..
Author: Muna Khugali
Date: 03-11-2007, 10:07 PM
Parent: #220
Quote: لكن ليك انت يا منى بي شلن انجليزي
ويبقي سر بيناتنا عشان امك وخالتك |
خلاص أكتب لي انت جواب غشني..قول فيه انك ود جيرانا..وبتحبني من مده
وسلمه لي جنب دكان عبـدالله في كتاب التاريخ..
ولا لأ..أحسن كتاب حل مسائل الحساب..عشان أنا محتاجه ليه شديد..
أنا أشيل الكتاب وأجري...علشان أذاكر
|
Post: #222
Title: Re: ود وبت الجيران..
Author: د.محمد حسن
Date: 03-11-2007, 10:21 PM
Parent: #221
كتبت ليك
|
Post: #223
Title: Re: ود وبت الجيران..
Author: عبد اللطيف بكري أحمد
Date: 03-11-2007, 11:24 PM
Parent: #1
Quote: اذا عباللطيف حب وعرس بت الجيران
عبداللطيف أخوي الله يسألني سألت منك اكتر من مره..
لكن قلت الله بس يسـتر..والحمد لله الظاهر من رجـوعك سـتر..
أها نان وينا الحكايات?
|
يسأل منك الخير يا أم آية وشكرأ على حفظ حقوق الجار،،
لا تفتكري أن كل الناس بمثل شجاعة عصام دهب،،
دا ولد شقي وبعدين محامي لسانو متبري منو ،،
يعني مجهز نفسو لعاديات الزمان وردوده مقنعة،،
==
أستمتع بالبوست الرائع ،، وأستمتع بمهاراتك في
إستخلاص المعلومات بإبتسام ودون تعذيب وياليت
ناس الأمن يتعظون،،
على كل سيأتي يوم أتحلل فيه من الرجفة وأتشدع
وأحكي ليك لغاية ركوبنا قطار الغرب هي للعمل في بنك
الخرطوم وأنا للتقديم للجامعة ، وهنا كتب لنا المصير
أغنيات أخرى جديدة ومفرحة ولكن أغنية :
يدوم سعدك مع غيري وتملأ شبابك العافية
مازال صداها يهز البدن،،
==
ملخص ظريف موش؟؟
على فكرة أنا متزوج من بنت الجيران ،، أم خالد رعاها الله،،
وكانت في لحظة الميلاد بعيدة عن دائرة الضوء صغيرة لم
تشهد لنا أمجاد شقاء ، ولم تحدثني حتى اليوم عن إحدى
هذه الوقائع ،، فهل هي تدري ولا تريد أن تقول ؟؟
لست أدري،، فعقدة الذنب عندي تفضح كل تاريخي
اللعوب ،، وهذا مايقلقني بعد طاشر سنة زواج ،،
==
شنكل من ناذر،،
أجمل اللحظات تلك التي يتسرجع فيها المرء ذكريات جميلة،،
شكراً على البوست مرة أخرى ،، وسأظل وفياً لهذه الذكري
الرائعة فهي التي اسهمت الكثير في تشكيل علاقاتنا الحاضرة،،
سلام،،
|
Post: #225
Title: Re: ود وبت الجيران..
Author: عصام دهب
Date: 03-12-2007, 02:20 AM
Parent: #223
Quote: أغنيات أخرى جديدة ومفرحة ولكن أغنية :
يدوم سعدك مع غيري وتملأ شبابك العافية
مازال صداها يهز البدن،، |
الأخ الفاضل / عبد اللطيف ..
لكن الغنية دي ذكرتني حاجات في حناني ذاتو ..
لكن برضو شكراً ..
|
Post: #227
Title: Re: ود وبت الجيران..
Author: فاروق حامد محمد
Date: 03-12-2007, 09:57 AM
Parent: #225
| Quote: الغريب في الأمر انه كل شيء كان بيتم على الورق - تشتري كتاب أجمل الرسائل من المكتبة وحزمة ورق رسائل ملونة وكل مرة تكتب جواب – الرد كان عبارة عن ابتسامة عريضة لما تلاقيك بعدها – الواحد بينبسط ويمشي يفكر في موضوع الرسالة التانية – ما حصل قلت ليها كلمتين على بعض شفتو الجبن ده كيف. |
والله انتو أولاد جريئين جنس جرأة وشياطين جنس شيطنة...
لا أحد يمكن أن يصدق إني لم أكتب خطابا في حياتي لبنت !!!
ولم أعاكس بنتا في حياتي ,,,,,,,,ولم أقل لبنت إني أحبك !!!
كنت شديد الكبرياء والاعتزاز بنفسي ......
لهدا لم أدخل نفسي في أية زاوية ضيقة يمكن أن تمس اعتزازي
بنفسي وكبريائي وكرامتي ....
ولكني .. وأصدقكم القول ... أحببت وأعجبت ببنات كثر ...
ولكني كنت بقطعه في حناني (ظاتو)
|
Post: #228
Title: Re: ود وبت الجيران..
Author: bayan
Date: 03-12-2007, 05:14 PM
Parent: #227
| Quote: وسلمه لي جنب دكان عبـدالله في كتاب التاريخ.. |
لوووووووووووووول يا منى
كانت جارة قالت ليك كتاب الطاريخ الليلك وينو تشيلي من اللولاد
يا حيدر وين قصص الجواب الفي الكوشة؟
|
Post: #233
Title: Re: ود وبت الجيران..
Author: طارق جبريل
Date: 03-15-2007, 01:14 AM
Parent: #1
| Quote: وانت كنت بتناوله الطوب ولا الجوابات? |
انا كنت بقول ليه حا تفلقك بالطوب
|
Post: #236
Title: Re: ود وبت الجيران..
Author: abubakr
Date: 03-16-2007, 07:20 PM
Parent: #1
| Quote: كنت شديد الكبرياء والاعتزاز بنفسي ...... |
ياعم فارووق ... كبرياء واعتزاز بتاع ايه هو ما كانش في بنات ولا جيران ؟ اولاد سكة حديد ومحطات يادوبك بيتنا -بيت الناظر- وغرفة المحولجي والمدرسة تمشي ليها كداري كام كيلو ....؟؟
انا بس عاجبني صحبو ود خالتو النقاش ...اوعي كمان يكون طلع محامي زيو .. بالله اقرء الكلام دة :
Quote: لما فتحت الظرف ألقى ليك جوابي الكتبتو ليها بذاتو و صفاتو و معاهو ورقتين تاني .. أفتح ليك الورقتين ألقى ليك جواب زي جوابي منقول بضبانتو كاتبو ميرغني ود خالتي لبت تانية في نفس المدرسة .. تتخيلي ميرغني نقل الجواب بتاعي كلو و ما غير إلا الأسماء و أتذكر أنو في حتة كدا أنا عبرت فيها عن إعجابي حتى بالكبك بتاع البت ، ميرغني برضو كتبها زي ما هي !! ..
طبعاً أنا قعدت في الصالون داك فكيت لي بكية كدا في حناني .. ما عشان البت شوكشتني و طارت و بس .. لكن عشان ميرغني أدى واحد صاحبو نقل ليهو الجواب بتاعي و كان خطو جميل جداً و أحسن من خطي .. و أكيد البت حتقول أنا نقلت الخطاب من ميرغني عشان هو خطو أسمح من خطي ..
لاحقاً علمت أن البت التي أرسل إليها ميرغني خطابه المنقول من خطابي ، و البت التي أرسلت إليها أنا كانتا فردتين حميمتين .. و بسبب ذلك الموقف حرمت التعامل مع ميرغني في مثل هذه المسائل الحبكانية نهائياً .. |
|
Post: #240
Title: Re: ود وبت الجيران..
Author: Muna Khugali
Date: 03-17-2007, 04:24 PM
Parent: #236
Quote: عندي صاحبتي كانت بتحب ولد
اها الولد جاري عجلتو وماشي وراها شوية عشان ما يظهرو ماشين
مع بعض بس اخوها الما يغباها ظهر نهاية الشارع..
اها صاحبتي اتجهجت شديد
بس اخوها جا جاري يا فلانة الولد دا قاعد يشاغل فيك؟
لقت نفسها في محك صعب شديد
لو قالت ما بشاغلها معناها بتتكلم معاه ولو قالت بشاغلها
اخوها كتال كتلة..
قامت سكتت
بس اخوها طيران على الحبيب
قاليه بتشاغل اختي وطاخ بنية انهت تلك العلاقة وقتلتها في ساعتها الى الابد...
وهي بقت تقول لاخوها لاي يا فلان ما تدقو
الزول دا ما قالي حاجة
في ما بعد قالت دا احرج موقف مر بيها في حياتها.. |
بيان أنا عنـدي حكاية رهيبه عن العجله وسيد العجله الكان بيكتب لي جوابات بالورق
الفلوسكاب..لكن مشكلتي انتو ما مشجعني شديد عشان أكتب!
ياربي ليه انتو حارمني من الكتابه?
لازم تساعدوني بالصفقه والكلمات الحماسيه..
زي راجينك..
يامني شنو ياخ ماعلقتينا..
يعني أعملوا حبة حركات.. وهمتكم خلوها معانا شـويه
|
Post: #241
Title: Re: ود وبت الجيران..
Author: Muna Khugali
Date: 03-23-2007, 11:03 AM
Parent: #240
ياجماعه هووووي..
حـدثوني..
اكان غنية ترباس دي قاعد توجع قلوبكم..
والله هيثم يغيرها ليكم بويحيده تانيه أسي دي
بس فوتو كلكم بوشيكم!
بيان وين انتي?
|
|
