مقلب!

كم مرة حصل اتمقلبتوا في حياتكم?
إتغظتوا وبعدين زعلتو شـديد.. ولا بس ضحكتوا?
بتعرفوا تمقلبوا?
حصل انتقمتوا من المقلبوكم?

أشـوفكم بكرة..تصبحوا علي خير

منى..

كل سنة و انت طيبة..و حلوة..

عندي سؤال..لأ ..اتنين..

انت قصة الإستفتاءات الحايمة بيها اليومين دي شنو؟..

عملت ليك مكتب احصاء ولا شنو؟!

Quote: منى.. كل سنة و انت طيبة..و حلوة.. عندي سؤال..لأ ..اتنين.. انت قصة الإستفتاءات الحايمة بيها اليومين دي شنو؟.. عملت ليك مكتب احصاء ولا شنو؟!

سنسن حبيبتي ازيك..
شـوفي أنا قررت الإنتشار اكتر لأسباب مختلفة..
أولا الفترة الإنتقالية قربت تنتهي..وانا ناوية عقبال عندك أنزل في الإنتخابات..واستحق أنزل
في الإنتخابات لأني شغاله دلوقتي مع الجراس رووتس الفضائية... وهذه مساحة لم يضعها احـد في الإعتبار -حسب فهمي- حتي الآن..

أرغب من حلال هذه الإستفتاء استشارة الجماهير والتي اتمني لها ان تصبح عريضة..فيما يخص مشاكلهم الخاصة..وساتمسك بهذا لأن هذا هو مانحتاجه جميعا بعـد أن تعقدت بنا السبل اصبحنا كده ماعارفه كيف..
ومن احـد الأسباب ايضا..اللهم اشغل أعـدائي بأنفسهم..من هم أعـدائي ومن هم انفسهم ده موضوع
بوست تاني..

قلت ليك سنسن..انتي مسحتي شنو بعد ماكتبتيه?
شـعر هذا البوست..

إعرف وانتقم ثم انتش!

مكرر

Quote: حصل انتقمتوا من المقلبوكم?

لا ........................

Quote: حصل انتقمتوا من المقلبوكم?

Quote: لا ........................

ليه?

سيبتهم لربنا يعني?

Quote: أشـوفكم بكرة..تصبحوا علي خير

ونحن نشوفك بعدين ...

لامِن نعصر الذاكرة ونشوف حكاوي الزمن الجميل...

زمن كان الناس حنينين... وماب يعرفو الشيلة بالدِّين...

كميات مودتي...


أبو الحســــــــين...

منــــو


كيف ، وينك الايام دي قاطعة الخبر لا رسائل ولا إتصال ولا ده مقلب كمان ، فوفو ومحمد ببلغوك كثير السلام ، ،


أنا في واحد ضرب فيني مقلب ( خازوق ) على قول أخوانا المصريين ، مقلب إبن كلب ، عزمني إفطار رمضان في منطقة بعيدة جداً وما كنت سائق سيارة كمان . أها مشيت ما قليتو رغم تأكيده لي بضرورة الحضور ، بس الحمد لله جاره طلع سوادني وكان جاي متأخر ووجدني واقف عند الباب أصر علي بأن أفطر معاهم وهو وأسرته وكما هي عادة السودانيين الأصيلة . المهم طبعاً غضبت جداً من هذا الموقف المحرج وقررت أنتقم لنفسي .

أها بعد فترة إتصلت على الزول المقلبني ده وغيرت ليهو صوتي وقلت ليهو أنا جاي من السودان أمس ودي أول مرة أجي السعودية وما بعرف أي مكان فيها وعندي ليك أمانات من والدتك ، أها صاحبنا طار من الفرح وقال لي بس وصف لي وأنا أجيك طيران ، أها وصفت ليهو محل بعيد جداً جداً جداً من بيتو وحددت ليهو مكان معين يجدني فيهو ، أها صاحبنا ما صدق طيران لماكن الوصف ، وأظنه للحين ما زال واقف هناك هههههه . الراجل واقف أكثر من ساعة ونصف وأنا كنت نائمة نوم العافية في البيت ومبسوط لأنني إنتقمت لنفسي ، اها يا بنت الخليفة شفتي كيف .

Quote: أنا في واحد ضرب فيني مقلب ( خازوق ) على قول أخوانا المصريين ، مقلب إبن كلب ، عزمني إفطار رمضان في منطقة بعيدة جداً وما كنت سائق سيارة كمان . أها مشيت ما قليتو رغم تأكيده لي بضرورة الحضور ، بس الحمد لله جاره طلع سوادني وكان جاي متأخر ووجدني واقف عند الباب أصر علي بأن أفطر معاهم وهو وأسرته وكما هي عادة السودانيين الأصيلة . المهم طبعاً غضبت جداً من هذا الموقف المحرج وقررت أنتقم لنفسي . أها بعد فترة إتصلت على الزول المقلبني ده وغيرت ليهو صوتي وقلت ليهو أنا جاي من السودان أمس ودي أول مرة أجي السعودية وما بعرف أي مكان فيها وعندي ليك أمانات من والدتك ، أها صاحبنا طار من الفرح وقال لي بس وصف لي وأنا أجيك طيران ، أها وصفت ليهو محل بعيد جداً جداً جداً من بيتو وحددت ليهو مكان معين يجدني فيهو ، أها صاحبنا ما صدق طيران لماكن الوصف ، وأظنه للحين ما زال واقف هناك هههههه . الراجل واقف أكثر من ساعة ونصف وأنا كنت نائمة نوم العافية في البيت ومبسوط لأنني إنتقمت لنفسي ، اها يا بنت الخليفة شفتي كيف . ..

إنت كده تمام يا عمده
شفت في ناس كده ماينفع معاهم الا زي المقلب ده!
انا في حياتي عملت زي مقلبين تلاته وكلهم رد فعل علي الناس المقلبتني..
واحد فيهم كان امكن عمري زي 14-15 سنة..
عملتو في صاحبتي بت جيرانا.. عارف كنا بنذاكر قامت خلتني ومشت نامت.. وماقالت
ماشية تنوم عشان أنا كمان أمشي بيتنا..بس خلتني مع أختها ومشت

لما اتاخرت وما جات محل المذاكرة.. سالت منها أختها قالت لي دي نامت
طبعا أنا زمان كنت حمقاء..قررت اني أنتقم منها من غير ما أوريها زعلي..
بس يوم كده عزمتها عشا في البيت..
وقعدنا نتونس برانا لغاية مالآكل يجهز..
بعد شوية مشيت لقيت العشا قرب يجهز..مشيت طوالي علي سريري وعملت نايمة..يصحوني علشان
صاحبتي والضيفة وأنا أصلو ما برد..صاحبتي كانت خجولة.. طبعا خجلت تاكل وأنا نايمة..بس أبت
تتعشي ومشت بيتهم..

وانا صحيت الصباح أخدت لوم صح من ناس البيت عشان تصرفي المالذيذ..بس أنا كنت مبسوطة جدا لأني انتقمت لنفسي

Quote: ونحن نشوفك بعدين ... لامِن نعصر الذاكرة ونشوف حكاوي الزمن الجميل... زمن كان الناس حنينين... وماب يعرفو الشيلة بالدِّين...

أماني ماك فالح في الزوغان..بعدين يي دا لجا وقرب يروح..

عز الشباب
يايم الجامعة
دعيت الى احتفال راس السنة
مطعم راقي
الحفلة محصورة العدد ( دكاكينية)
قشرت ، وبقيت قيااااافة وفايت الناس مسافة
الحضور خليط جميل
باكستانيين /نيات
سودانيين ( كالعادة يجو عزابة عشان يصطادوا)افريكانيين و/ نيات
ايرانيين و/ نيات
كحلتها
افريكانية مووووووووووووت
قلت خلاص زول وقبض
كحلت ليها
كحلت لي
طلبت منها نرقص
ما صدقت الزول القيافة ده يقول ليها نرقص
رقصنا تاني
وانزوينا بعد داك في طاولة برانا
وكبيت النقة المؤسسة من قاموس اكسفورد اللعين
غزل من الشمال لليمين
بعد كدة قبلت على قاموس ويبستر ماخليت اهة بالانجليزية الحديثة ما كبيتها
وصاحبتك سكتم يكتم
ما نطقت حرف
بس تهز راسها وتتبسم
يا ربي طرشا؟
ابدا لانه ايقاعها في الرقيص جميل
طيب بكما ؟

ابدا لانها كانت تنضم مع جماعتها نضن تقيل
طيب يا محمد حسن افريكانية الجن دي يستنطقوها كيف؟
ولقيتها
رطنت معاها بالاردو
وانفتحت نضم
واكتشفت تلك اللحظة انها باكستانية من اصول افريقية
ويا خسارة الانجليزي الملون التعبت فيه
مودتي

منى..

عشان خاطر عيونك يا غالية..

حأعيد كتابة مقلب حياتي.. أريتها كل المقالب كده!

وحأحكي ليك عن أحلى مقلب اخدتو..(أصلو في مقالب حلوة..ما كلها غياظة..مش؟!)

طبعاً أختك اتزوجت (زواج صالونات).. (عارفة انه طبعاً دي هنا ما عندها معنى!)

المهم لما حكوا لي عن خالد قبل ما أشوفو د.مهندس..شغال في اليابان..و شوية هلم جرا..ما حأقولها عشان خالد ما يزعل!

قلت لآااا..ده أكيد طغيان و مناخيرو في السما..

لكن أديتو مساحة حسن ظن..

و جاء مع أهلو يزورونا..

لاحظت انو لما سلم علي انحنى..

و بعدين في سلامو على أمي و أخواني..

برضو انحناءة مهذبة..فيها كثير من الأدب و التواضع و الذوق..!


(دش..ددش دشدش) ..اتكسرت!

و حالاً ..حالاً..تم العرس.. و جيت البلد دي معاهو..

لقيت ليك أي زول في اليابان بيسلم..بينحني..

بيشكر..بينحني..

بيعتذر..بيودع..بي أي حاجة..حتى في التلفون و البيتكلمو معاه ما شايفهم و لا شايفنو..

الناس دي بتنحني!

يعني اليوم داك القصة ما كانت تواضع, بس عشرة القوم..!




غايتو ربك ستر ..و خالد طلع متواضع فعلاً..لو انحنى أو ما انحنى..

otherwise..كانت أختك لهسه تشرب في الزيت..



(غايتو تشرب في الزيت دي وقفت فيها وقفة..قلت هسه اكان طلع معناها ما ياهو..لأنو في مصطلحات كثيرة الناس بتلفحها..تطلع ماااا ياها..في الآخر قلت أكتبها..أصلو هو البوست ده ..مقلب!!)

مني خوجلي ،،،، سلامات
زي ما قالت ليك سناء خالد : شنو حكاية الإستبيانات
الواقعه فيها اليومين دي ؟؟

أظنك وإن بعض الظن إثم
إنو فيك عرق من أهل العوض أصلو جنهم أسئلة

ولأني ذاتي من أهل العوض
بسألك إتي ذاتك حصل إتمقلبتي؟؟؟

سؤال تاني

إتزوجتي البتحبيهو؟؟؟؟؟؟؟؟؟؟؟؟؟؟؟؟؟

عشان تسألي تاني

كـلو سويتو فاضل أخـوي..
أهه يللا رد علي الأسئلة

مقلبتيني إنتي يا مني
فى البوست بتاع ( إتزوجتوا البتحبوهم)
قلتي لي ح أنزل أغنية ( المفروض ) بتاعة هاني شاكر


أنا لي يوم الليلة مستني

اسوي شنو.. اخواني الصغار ديل ماقاعدين يقدموا فروض الولاء والطاعة لأختهم الكبيرة..
وانا براي ما بعرف..
لكن انت يا أبوبكر ماقاعد تعرف..
ليه ماجبتها للفاضل؟؟
نقصداغنية 'المفروض' في البوست اياه حق العرس

طيب يافاضل الأغنية بتهديها لمنو؟?

إحم إحم
أنا فضل كرار
من الحصاحيصا
أهدي أغنية المفروض
لكل الذين مفروض نكون أحسن من كدا معاهم
وبالأخص
للغرست فيني حب الأغاني العربية
السمحة
وكت كان الغني العربي نوع من أنواع الترف فى السودان
قبال إذاعة مانقو وقنوات الدش
وبقول ليها ( واحشاني موووت )
مع تحياتي لماجد المهندس ،، وكدا

فضل كرار

فضل في أغنية تانيه بتأدي نفس المعني..

أجيبها ليك?
اغنية ورده بتقول فيهامن ضمن مابتقول..

كنت اسمعلك دقة بابي..قبل ماتوصل عند الباب ..

بس بصراحه ناسيه اسمها..

تنفع?

Quote: عشان خاطر عيونك يا غالية.. حأعيد كتابة مقلب حياتي.. أريتها كل المقالب كده! وحأحكي ليك عن أحلى مقلب اخدتو..(أصلو في مقالب حلوة..ما كلها غياظة..مش؟!) طبعاً أختك اتزوجت (زواج صالونات).. (عارفة انه طبعاً دي هنا ما عندها معنى!) المهم لما حكوا لي عن خالد قبل ما أشوفو د.مهندس..شغال في اليابان..و شوية هلم جرا..ما حأقولها عشان خالد ما يزعل! قلت لآااا..ده أكيد طغيان و مناخيرو في السما.. لكن أديتو مساحة حسن ظن.. و جاء مع أهلو يزورونا.. لاحظت انو لما سلم علي انحنى.. و بعدين في سلامو على أمي و أخواني.. برضو انحناءة مهذبة..فيها كثير من الأدب و التواضع و الذوق..! (دش..ددش دشدش) ..اتكسرت! و حالاً ..حالاً..تم العرس.. و جيت البلد دي معاهو.. لقيت ليك أي زول في اليابان بيسلم..بينحني.. بيشكر..بينحني.. بيعتذر..بيودع..بي أي حاجة..حتى في التلفون و البيتكلمو معاه ما شايفهم و لا شايفنو.. الناس دي بتنحني! يعني اليوم داك القصة ما كانت تواضع, بس عشرة القوم..!

شوفتي ياسنسن مقلبك طلع حلو كيف?
المهم النتيجة موش?


زمان لما كنت في الجامعة..وبعد عقد قراني مباشرة..
سافر زوجي الي أمريكا في كورس طيران..

طبعا حب كان تقيل وبكي ماليه أول ولا آخر!

بعد شهر كده من سفره..
جه زوج خالتي محجوب التجاني وكان ضابط سجون.. ومعاه زينب خالتي وكانت باحثة اجتماعيه
معاه في مصلحة السجون..
المهم احنا الوقت داك.. كان كل الناس بتجي من الشغل علي بيت الخليفة من الشغل والمدارس ..
اليوم داك العصر..محجوب قال لي بختك يامني عندك جواب من سمير..أنا طبعا قعدت أنطط فرحانه
وهو يكاوي فيني بالجواب..المهم خالتي شالته ومدته لي..

بس طوالي فتحته ومااهتميت لوجودهم جنبي..مشتاقة طبعا عايزه أقرا سريع..

بس بعد ما قريت سطرين تلاتة..قلبي بقي يدق شـديد..ويديني ورجليني تلجوا..
الدنيا دي كلها بقت حمرا وسـودا شـديد..
وبس السرير جاهو بلا..
غمرت!

كنت قريت كلام بما معناه انه سمير قرر مايرجع الخرطوم تاني وهايستقر في أمريكا..
وإنه خلاص قابل واحـده تانيه وماراجع!
مش لي حق أغمر??

المهم الجماعة خافوا شديد وبقوا يحاولوا يفوقوني..
لكن انا بعد وعيت بقيت أبكي زي المجنونه!

المهم ياسنسن ياجماعة..الجواب كان مقلب من محجوب وخالتي..كتبوه هم وأنا وقعت في المقلب!

Quote: ليه?

بشان ما يمقلبوني تاني ( مكاواة يعني زي البسووه جماعة انا بعرفم )

منى

حلو جلى ..

دا مقلب ولا شنو ؟

بالله

عشان بكتب

كل الناس المقلبتهم ما عارفين أنا العملتها

ومنهم ناس فى المنبر

Quote: منى حلو جلى .. دا مقلب ولا شنو ؟ بالله عشان بكتب كل الناس المقلبتهم ما عارفين أنا العملتها ومنهم ناس فى المنبر

طيب يا معتصم
كلمنا بواحده كده ما تنكشف؟
اصله يازول انت غايب ليك مده ومشتاقين ليك كتير..

اكبر مقلب لي هو عضوية هذا المنبر

وما تسأليني ليه

Quote: اكبر مقلب لي هو عضوية هذا المنبر وما تسأليني ليه

بسألك يا حيدر


تكون لسة تحت تأثيرالصفحة الأولي?

ألأخت منى /سلام

دائمآ بتجزبينا بى بوستاتك البسيطه ومشوقه.


أنا أكبر مقلب شربتو فى رحله لى شلالات نياجارا فى أمريكا وليس ألجزء التابع لى كندا.

بصراحه كنت عايز أروح فيها لكن ربنا ستر .

وحا احكى ليك الحكايه.

يامني
البوست دي

و احد من مقالبك يا حبيبه



كفايه مقلب برغن ( النرويج) بعد حفله رشا العملتيه فينا

و الله انت بتاعت مقالب

موش مقلب واحد( و الله دي مقلب شي تاني............)

Quote: يامني البوست دي و احد من مقالبك يا حبيبه كفايه مقلب برغن ( النرويج) بعد حفله رشا العملتيه فينا و الله انت بتاعت مقالب موش مقلب واحد( و الله دي مقلب شي تاني............)

عارفه اظرف حاجه يامي حبيبتي.. انك تعملي مقالب في الناس البتعرف الهظار وتضحكي بس
لكن يا ويلك وياسواد ليلك لو مقلبتي زول دمه تقيل.. هو اساسا وجوده في الحياه كان مقلب..
عارفه ناس بيتنا كلهم وبدون استثناء بتوع مقالب..
ولو مابقيتي مفتحه في نصهم.. تتمقلبي مرتين في نفس الساعه بدون ما تكتشفي الموضوع!

مقلب بيرغن عجبك؟

في منه كتير نتقابل متين علشان ننفذ واحد تاني؟

عارفة عملت مقلب انما ايه في اولاد سودانيزاونلاين في الخرطوم..في شهر سبتمبر الفات..

أحكيه ولا بيشاكلوني؟

شـكرا با اسماعيل علي مشاعرك الطيبه تجاه البوستات..
قـدر ماحاولت افكر في مقلب يكون حصل غلبني أعرف!
انت غايته وعدت بالرجوع..إحنا منتظرين ومترقبين

Quote: عز الشباب يايم الجامعة دعيت الى احتفال راس السنة مطعم راقي الحفلة محصورة العدد ( دكاكينية) قشرت ، وبقيت قيااااافة وفايت الناس مسافة الحضور خليط جميل باكستانيين /نيات سودانيين ( كالعادة يجو عزابة عشان يصطادوا)افريكانيين و/ نيات ايرانيين و/ نيات كحلتها افريكانية مووووووووووووت قلت خلاص زول وقبض كحلت ليها كحلت لي طلبت منها نرقص ما صدقت الزول القيافة ده يقول ليها نرقص رقصنا تاني وانزوينا بعد داك في طاولة برانا وكبيت النقة المؤسسة من قاموس اكسفورد اللعين غزل من الشمال لليمين بعد كدة قبلت على قاموس ويبستر ماخليت اهة بالانجليزية الحديثة ما كبيتها وصاحبتك سكتم يكتم ما نطقت حرف بس تهز راسها وتتبسم يا ربي طرشا؟ ابدا لانه ايقاعها في الرقيص جميل طيب بكما ؟ ابدا لانها كانت تنضم مع جماعتها نضن تقيل طيب يا محمد حسن افريكانية الجن دي يستنطقوها كيف؟ ولقيتها رطنت معاها بالاردو وانفتحت نضم واكتشفت تلك اللحظة انها باكستانية من اصول افريقية ويا خسارة الانجليزي الملون التعبت فيه مودتي

انا قاعده أقرا كلامك وأخمن في السيناريوهات..

أكتر حاجه فكرت فيها انها بتتكلم عربي وبنمثل عليك!
عارف أكتر زول كان بيعمل ولسه بيعمل مقالب.. ماجده أختي..ومشهوره جدا بحركاتها دي..
من صغيرة لغاية دلوقتي..
عارف ..في مقالب لو حصلت ليك ممكن تضحكك.. وممكن برضه تبكيك من الغيظ!
وأنا مره كنت هاموت عديل كده بسبب مقلب..

لكن بحكي ليكم لما تحكوا لي انتو كمان

Quote: وانا صحيت الصباح أخدت لوم صح من ناس البيت عشان تصرفي المالذيذ..بس أنا كنت مبسوطة جدا لأني انتقمت لنفسي

كلام ذي العسل ، كده تمام يا منو ، بس صاحبتك ماقالت ليك حاجة الصباح .

أها في حاجة كده غريب من المقلب بس ما مقلب بالمعنى الواضح .

أنا كنت يوم راكب في بوكسي زمان أيام ما كان البكاسي شغالة مواصلات في السودان وبتاع البوكسي ما وقف ألا قدام البنات بتاعين المدارس وانا كنت مستعجل جداً لانني عندي ماتش ولازم ارجع البيت سريع واستعد .
المهم دافست قبل البنات وركبت والبنات ركبوا بعد كده المهم قعدت في المقعد الاخير وصاحب البوكس بعاين لي بغضب بس ماقادر ينزلني كان عايز البوكس يكون كله جكس ساي ، المهم واحدة كده ما لقت ليها مقعد صديقتها قالت لي عليك الله لو سمحت تزح شوبة كده علشان دي تقعد جنبك أنا عملت ما سامع حاجة خالص وهي تتكلم تتكلم ساكت وبعدين صاحبتها قالت ليها ده أطرش ولا شنو المهم قامت لكزتني كده في كتفي وأشرت لي أني ازح وفعلت زحيت ، صاحبتها قالت ليها ده أطرش وضحكوا وانا عامل مطنش المهم قعدوا يحكوا حكي البنات المعروف داك قابلته وقال لي وقلت ليهو وبعدين دخلوا في الخصوصيات واحدة قدامن قالت ليهز يابنات اختشوا الولد بسمع فيكم قاموا ضحكوا قالوا ليها ده أطرش وانا كاتم الضحكة المهم سمعت ليك سوالفهم كلها من الاول للاخر وغايتو كان جنس حاجات المهم هم ساكنين الصحافة وأنا طبعاً في الامتداد بنزل قبليهم لما وصلت المحطة أشرت طفطفت للسواق علشان يقيف ولما وقف قلت للقدامي عليك الله شوية كده لو سمحت عايز أنزل ، ولك أن تتصوري وضع البنات لما عرفوا أنني بسمع وكويس جداً كمان ، مقبلتهم ليك جنس مقلب . أها رايك شنو مش حاجة تضحك .

غايتو يا منى زى ما كانت أمى بتقول "أم المحن"

أنا عمرى ما تمقلبت طوااالى واقع واقف

هى مره واااحدة بس

رغم إنو حبوبتى قالت لى " يا ولدى الحمرة أباها المهدى"

غايتو زى سناء خالد ما شربت زيت
لكن أكلت نيم

يديك العافية

مني الحبيبة , سلام والله انا المقلب اللي اتعمل فيني رهيب , كان في حفل تخريج

ولد أختي ( هندسة كيميائية تخيلي ولحدي الأن ما شغال بشهادته بس كاسح بنفسه

في الدنيا ام قدود دي ) المهم الحفل كان في نادي من الأندية المعروفة في

السودان المهم بعد إنتهاء حفل التخريج أهلي طلعوا علي نادي ملاصقة لنفس

النادي الكنا قاعدين فيهو لانو الجدار البينهوم مكسور , وجيت داخل لقيتهم

قاعدين وفي عدد كبير من الناس قاعدين زيهم في ترابيز وكراسي وكلهم بيشربوا

في بيبسي إلا جماعتي انا سالتهم ليه ما جابوليكم بيبسي , قالوا لي والله ما عارفين

طبعاً انا زعلت زعل شديد جداً وفي بالي انو كل الناس دي تابعة لحفل التخريج

والمشروبات الغازية تابعة ليها, المهم زولك ماكدب خبر وعلي طول مشيت للبوفيه

وقلت للجماعة هناك نحنا قاعدين من الصباح ولا جبتو لينا موية حتي والمناسبة

دي انا جايي ليها مخصوص من السعودية , قالوا لي انت قاعد وين ؟ اشرت ليهم

علي مكان اهلي قالوا لي خلاص امشي ونحنا بنرسل ليكم البارد وفعلا مشيت وقعدت

وانا قاعد لحظت اهلي بيضحكوا مع بعض لكن برضوا ما كنت فاهم حاجة المهم بعد

شوية جاءنا صندوق بيبسي مليان وجاءنا عشاء مدنكل , اها بعد ما اكلنا روحي

حرقتني شديد خلاص قلت ليهم انتو من قبيل بتضحكوا في شنو ؟؟؟ قالوا والله يا

هاشم ده عرس ونحنا ذاتنا لمن قعدنا ما كنا عارفين حاجة . : "

نوارة المنبر منى
اخر مقلب حصل معاي مشيت اول ايام الشغل مع مندوب زمينا لعيادة دكتورة اها فلان قال خشي انتي شوفي لي الدكتورة فيه ولا مافي وهو واقف بره
ماسألته ليه طوالي خشيت لقيت المكتب مفتوح وفاضي وفي ستارة في باب (انا قلت العيادات بكون فيها كم دكتور ومفصولة بستاير) قمت اتلفت ليه اشر لي نظام خشي
اها فتحت الستارة القى ليك بيت مفروش وفي قدامي ديوان فيه وزولتين قاعدين يتفرجوا في التلفزيون وما خدين راحتهم
بس شلت ليك كرعيني في رأسي وجريت مارقة
كمان ديل يمانية ما بهزروا البدخلني بيت ناس شنو
اها وفي صوت بناديني من الشقة طبعاما وقفت عشان اسمعه بس طوالي مرقت
وداك مطير لي عيونه قلت عبداللطيف بسم الله انت جنيت ده بيت
اها قبال ما يرد جات زولة من جوا تضحك وبتقول لي مالك اتفضلي
اتاريها فاتحة العيادة في بيتها ولمن مافي شغل بتقعد جوا وهو فلان رسلني عشان امرقها ليه
والله الناس ديل يضحكوا فيني وانا لحد بعد ساعة ما مجمعة
وبجيك تاني احكي ليك مقالبي
في البشر

Quote: أنا عمرى ما تمقلبت طوااالى واقع واقف هى مره واااحدة بس رغم إنو حبوبتى قالت لى " يا ولدى الحمرة أباها المهدى" غايتو زى سناء خالد ما شربت زيت لكن أكلت نيم يديك العافية

والله يا رأفت شكلك كده متمقلب كتير وعامل فيها ما بتتمقلب!
الليله كان في كذبات أبريل كتيره يعني مقالب كتيره!

عارف قعدت أفكر أمس ياربي كذبتي تكون شنو..ماما جاره قالت لي خلاص عايزه تقومي علي جنك..بس من قالت لي كده الموضوع طلع في راسي زياده!
بس خساره لي وبختكم انتو.. من الصباح اتمقلبت أنا وماقدرت أصلكم هنا الا في الظهرية متأخر..
لكن منال عملتها فيني..
اتصلت من الخرطوم وقالت لي حصلي..فلان الفلاني حالف يطلق مرته..صاحبتنا الجميله!
ده خبر تجيبيه يامنال؟
يطلقها كيف بعد التأبيدتين ؟ طيب لما يقابل ربنا يعلل موقفه العليل ده كيف؟
منال قالت لي يا مني عليك الله اتصلي بيه اتكلمي معاه..
أنا بقي اتحنفشت زي ماما عاشه ربنا يرحمها بتقول ..واتصلت بيه علشان أوريه شغله..شوف الراجل
عايز يطلق فلانه الجميله وامرنا لله بت الأصول بعد عشره تفوق الثلاثين عام؟ والله لو عمل كده يتوه!
ده لو طلع من المطبخ ومشي الصاله يتوه!
أمال هي كانت السنين الطويله دي بتعمل شنو؟ ماكانت بتعمل أي حاجه في حياته..
المهم صاحبك مارد علي التلفون وأنا بقيت أغلي..
بعد شويه رسل لي مسيج نوع حركات وقال بيتصل بي بعد شويه..

وحياتك فجأه كده اتذكرت أبريل..

أول ما اتصل قلت ليه ازيك يا أبريل..
وضاعت عليه باقي المسرحيه هو ومنال وزوجته المشتركه في الكذبه..
اسه عليك الله يا رأفت احنا مش حياتنا دي كلها أبريل؟

بس تاني ماتكضب وتدسدس

أختى/ منى


عدت والعود أحمد



وحمالتك على نحن جموعية لما نوعد ما بنخلف


أها رجعت ليك بس وين إنتى

وبعدين ما فتشتى لى للمهندس القلتو ليك سلام

اول مرة اتمقلب من ابي بكر الرطاني بسبب بوستيك ده اتاريهو معشعش هنا وما كلمنى .

شفتوا كمان بشاغلني بهناك عشان يصرفني وما اعرف في بوست حلوووووووووو هنا كلو مقالب .

مودتي