Post: #1
Title: أنا تقظلميه!
Author: Muna Khugali
Date: 04-01-2007, 03:48 PM
Parent: #0
أنا تقظلميه!
أم تراكم تفضلون ظلقدميه?
|
Post: #2
Title: Re: أنا تقظلميه!
Author: waleed500
Date: 04-01-2007, 03:52 PM
Parent: #1
انتى مجموعة اشياء جميلة
خوالص الحب
|
Post: #3
Title: Re: أنا تقظلميه!
Author: محمود الدقم
Date: 04-01-2007, 04:02 PM
Parent: #1
نفضل الكاتبة والكتابة الجادة الرصينة الهادفة التي تعالج قضايانا الاجتماعية والثقافية والسياسية واهنئك على نجاحك المنقطع في هذا الاتجاه استاذة منى لك كل تقدير.
|
Post: #4
Title: Re: أنا تقظلميه!
Author: Muna Khugali
Date: 04-01-2007, 04:23 PM
Parent: #3
تقظلميه..
هي كلمة تقدميه..وقد تم اختصار حروفها وادخالها في كلمة ظلاميه
التي أختصرت حروفهاأيضا..
تسلم أخي وليد500 علي كلماتك الطيبه
|
Post: #5
Title: Re: أنا تقظلميه!
Author: اساسي
Date: 04-01-2007, 04:26 PM
Parent: #4
عرفنا التقدمية
ظلامية يعني شنو؟
|
Post: #6
Title: Re: أنا تقظلميه!
Author: abubakr
Date: 04-01-2007, 04:28 PM
Parent: #1
مني ...
نشوف كيف ؟
بعدين كيف الواحد يعرف تقظلمية والا تقدمية والا ظلامية ؟؟
انا بس عايز اواصل ما بقي لي بس " انسان" زييك كدة يعني
|
Post: #8
Title: Re: أنا تقظلميه!
Author: Muna Khugali
Date: 04-01-2007, 04:48 PM
Parent: #6
والمصطلح هذا ناتج من تلك الصفات التي يطلقعا البعض علي البعض المامعاهم طول الخط..
فإن قرروا أنك تقدمي ..فانه سيطلق عليك صفة التقدمية..ولا يعني هذا علي الإطلاق ان هناك تعريف
متفق عليه يفسر التقدميه غير انها احيانا اتفقت علي فعل أو قول مماثل..فإن لم يحدث الإتفاق
التام وبدون اختلاف..تكون قد اصبحت غير ذلك..
أما الظلاميه أخي محمود الدقم فإنني سأسعي لوصفها بطريقه المويه دي بارده ولا مابارده بالنسبه
ليك..أنا غايتو شايفاها.....!
ويسعدني أنك تجـد في بعض كتاباتي.الجديه..أرغب كثيرا ان اكون مفيده..وباقيه بينكم بما أراه
الحق ومايريح الضمير..
|
Post: #12
Title: Re: أنا تقظلميه!
Author: محمود الدقم
Date: 04-01-2007, 05:35 PM
Parent: #8
(أما الظلاميه أخي محمود الدقم فإنني سأسعي لوصفها بطريقه المويه دي بارده ولا مابارده بالنسبه
ليك..أنا غايتو شايفاها)
لم افهم تماما ما المقصود بهذه الجملة؟؟؟
|
Post: #23
Title: Re: أنا تقظلميه!
Author: Muna Khugali
Date: 04-02-2007, 11:13 AM
Parent: #12
Quote: أما الظلاميه أخي محمود الدقم فإنني سأسعي لوصفها بطريقه المويه دي بارده ولا مابارده بالنسبه
ليك..أنا غايتو شايفاها) |
| Quote: لم افهم تماما ما المقصود بهذه الجملة؟؟؟ |
كل الموضوع اخي محمود يقوم علي فكرة ما..يصنعها الغير دون فهم محدد لها او واضح الجوانب..
الفكرة مبنيه علي العواطف احيانا وعلي التقييمات الذاتية احيانا كثيرة أخري..وبالتالي هي
تفتقد للمنطق الثابت الذي تبني عليه افتراضك..
في دفاع البعض عن التقدميه مثلا..أو الظلاميه لا تجد منطق..وان وجـد احيانا هو هزيل وكذلك نسبي..ويسعي في اقناعه للآخرين بأهميته بوسائل مختلفه منها الإيحاء..
من ناحيه ..مثال المياه هنا هو نوع من انواع تلك المناقشات لاتفهم منها شيئا وان كانت تعتمد علي الإيحاء..فقد اوحت الجمله لك بأن هناك شيئا يحتاج لتفسير..
ربما..
ولكن الواقع انا كتبتها للدلاله بأن مايقسمون الناس هذا التقسيم لا يستندون دائما علي منطق..
ومن ناحيه تانيه..ان كانت المويه بارده عندك..ممكن تكون غير كده عندي..فهل انت قادر علي أن تفهم انه انا احساسي بالمويه غير احساسك انت?
احساس منه فينا صح هنا?
وهل هو مهم اننا نشعر بيها بنفس الدرجه.. ولا ممكن نفهم احساسنا المختلف بيها?
|
Post: #26
Title: Re: أنا تقظلميه!
Author: ibrahim kojan
Date: 04-02-2007, 04:52 PM
Parent: #8
جمالاتك عصيدة...............
ده موضوع يعتمد علي كمية المنبهات التي تدخل المخ وايضانوعتها,, مثلا شاى ساده قهوة بهيل كلها تلتصق باسفل العنوان,,, وباقي المنبهات تنتمى لاعاليه والباقي معلوم لديكم!!! واظني قد اوفيت, انا ,,,, اليك لامحالةفشرعي الابواب واجعليني للفجر امتداد اها الاخيره دي تقدميه,,, ولا شنو,,,,,,,,,,,,,,, ياخي انا ماشي وحارجع تاني??????
|
Post: #27
Title: Re: أنا تقظلميه!
Author: Muna Khugali
Date: 04-02-2007, 05:26 PM
Parent: #26
Quote: جمالاتك عصيدة...............
ده موضوع يعتمد علي كمية المنبهات التي تدخل المخ وايضانوعتها,, مثلا شاى ساده قهوة بهيل كلها تلتصق باسفل العنوان,,, وباقي المنبهات تنتمى لاعاليه والباقي معلوم لديكم!!! واظني قد اوفيت, انا ,,,, اليك لامحالةفشرعي الابواب واجعليني للفجر امتداد اها الاخيره دي تقدميه,,, ولا شنو,,,,,,,,,,,,,,, ياخي انا ماشي وحارجع تاني?????? |
والحقيقه ليها أوجه مختلفه..يعتمد كيف تفسرها او تفهمها..
إبراهيم ده مثلا..الاسم الماشي عليه كوجان..
لأنه بيكوجن الحاجات...
لكن ابراهيم الكوجان ده..
زول جراح قلب شـاطر...
وفنان محترف بمعني القدرات والكوجنه أيضا..
وزول ظريف...
أه زي ابرايم لو حصل يوم كوجن مع زول تقدمي بيبقي ظلامي..
ولو كوجن مع زول انقاذي بيكون زول معارضه بطال ..
ولو قعد يغني فران فهو زول منفلت..ولو قام يصلي ممكن يقولوا كوز وظلامي..
شوفتوا كيف..
ابراهيم بيهبني زي العصـيده وأنا بهبه زي القهوة..
اهه ده اسه كلام تقظلميه ولا كلام ظقلميه?
والفجر ياابراهيم ابوابه بعيده.. لكن ممكن نصله لو بعدنا من ارتداء الأحذيه الضيقه!
|
Post: #29
Title: Re: أنا تقظلميه!
Author: ibrahim kojan
Date: 04-02-2007, 06:36 PM
Parent: #27
بحث آدم عن كلمات يعبر بها عن حبه لليلي فلم يسعفه الكلام( لعن الله الكلام) وأخيرآ شد اوتار عاطفته البريئه وأخرج صوتا اشبه بصوت قصيدة فاجأها اللحن,! وقال:: ليلى انا نهبك زي عصيده, ثم وضع عصاته اللتى تشبه لؤم عاما كاملا من حكم الطغاه فى كتفه ثم تصاعد محبا فى نزق السماء ,,,,,,,,,,,,,,,,,,,,,,,,,,,,,,,,,,,
منى كلما التقيك تهرب منى الكلمات واصبح آدما آخر
اها الكلام الفوق ده: تقدمي, وظلا مي, مبجك, مكوجن, مطمبج, مظعمط, مجزمج. ككوردة وانا لااحتج الي قاموس فانا كان اسمي
KOJAN
|
Post: #7
Title: Re: أنا تقظلميه!
Author: nourelhadi awad
Date: 04-01-2007, 04:41 PM
Parent: #1
ككوردة
أيه رأيك
والكتابة البالاحمر فشان أبوبكر مايزعل
بس أنا ما نازلالي من زور
|
Post: #30
Title: Re: أنا تقظلميه!
Author: Muna Khugali
Date: 04-02-2007, 08:05 PM
Parent: #7
Quote: ككوردة
أيه رأيك
والكتابة البالاحمر فشان أبوبكر مايزعل
بس أنا ما نازلالي من زور |
أنا كمالا يهتم ابوبكر كيف أكون..
وكما تهتم أن تراني انت يانور
كيف يكون هذا?
|
Post: #9
Title: Re: أنا تقظلميه!
Author: محمد عثمان
Date: 04-01-2007, 04:49 PM
Parent: #1
مهما تسمين نفسك
فانت اجمل و اظرف و ارقه
زولة فى البورد...
|
Post: #10
Title: Re: أنا تقظلميه!
Author: رأفت ميلاد
Date: 04-01-2007, 04:52 PM
Parent: #9
Quote: أنا تقظلميه!
أم تراكم تفضلون ظلقدميه? |
يا ستى أصبح ل( لا توجد منطقة وسطى بين الجنة والنار )
والله يامنى موضوع مهم جدآ . المسميات دى فرضت علينا فرضآ .
زمان الناس كانوا عايشين بكل أريحية ويطلبوا لى بعض الهداية .
يصلوا خمسة مرات ويدخلوا السينما والكورة ويقعدوا على القهاوى ويمشوا الحج .
هسة ناس إدعت الوصاية على الدين وشالوا كرباج
وناس كفرت وزندقت منهم
وكل واحد شايل مدفع متربص بأخوه
(التقظلميه) بتاعتك دى صفة قديمة لكن لم تكن معلنة
لحدى ما جو الجماعة وقسموها إثنين ( ظلامية تقدمىة) الله يقسم ...
سلام يا منى
|
Post: #38
Title: Re: أنا تقظلميه!
Author: Muna Khugali
Date: 04-03-2007, 04:59 PM
Parent: #10
Quote: يا ستى أصبح ل( لا توجد منطقة وسطى بين الجنة والنار )
والله يامنى موضوع مهم جدآ . المسميات دى فرضت علينا فرضآ .
زمان الناس كانوا عايشين بكل أريحية ويطلبوا لى بعض الهداية .
يصلوا خمسة مرات ويدخلوا السينما والكورة ويقعدوا على القهاوى ويمشوا الحج .
هسة ناس إدعت الوصاية على الدين وشالوا كرباج
وناس كفرت وزندقت منهم
وكل واحد شايل مدفع متربص بأخوه
(التقظلميه) بتاعتك دى صفة قديمة لكن لم تكن معلنة
لحدى ما جو الجماعة وقسموها إثنين ( ظلامية تقدمىة) الله يقسم ...
سلام يا منى |
غياب الأعتدال يارأفت في حديثنا يرجع لحد كبير الي عدم فتح العقل والنظر والدراسه لما يحدث حولنا..المحدوديه في التفكير بالاكتفاء بمنا نراعلي بعد قريب وربما اتجاه واحد..لا يسمح لنا
بالفهم والوعي لما نراه..
مارأيك في ذلك الذي رآني أصلي فاصابته الدهشه وربما الذهول..فكان تعليقه ده شنو ياخ ..
أنا قايلك زوله متحضرة! أري متحضره توازي تقدميه هنا..
كثير ممن يراك عصري يستبعد تماما أن تقول بسم الله قبل الأكل أو تحفظ من القرآن سور أو حتي آيات..
الانسان هو مجموعة تجارب ومعارف ومشاعر..يطور نفسه خلال مراحل الحياه المختلفه..ويفتح مسامه علي معارف وتجارب الغير
فان لم يفعل فانه يكون محلك سر ولا يفيد البشريه..وظهر بعد ذلك تطرفه في سطحيته وضمور أفكاره واكتفي بالتقسيمات الضيقه..
تسلم رأفت
|
Post: #11
Title: Re: أنا تقظلميه!
Author: Fadl Karrar
Date: 04-01-2007, 04:54 PM
Parent: #9
مني
لك التحية
ولك بيتين شعر ما حافظمهم كويس لكن ممكن أتمهم ليك نجر
ما جمل المثل الأعلي وحسنه فى أعين الناس إلا أنه حلم
ولو مشي فى الأرض بينهم لحطمه أناس بخبث وقالوا أنه صنم
ما تشتغلي بي زول وخليك زي ما إنتي
كسرة
ليس فى الإمكان أحسن مما كان 
|
Post: #13
Title: Re: أنا تقظلميه!
Author: Muna Khugali
Date: 04-01-2007, 05:46 PM
Parent: #11
مرحب أساسي ..
Quote: عرفنا التقدمية
ظلامية يعني شنو؟ |
كيف الكلام ده?
إذا بتعرف التقدميه أكيد بتعرف الظلاميه..
ظلامي تطلق علي كل من يخالف من هو في رأي نفسه أو مجموعته تقدمي..
هذه التعاريف لا تعني أنها صادقه او أنها خطأ..فقط تعني عـدم الإتفاق ..
ليس هناك وجود مفهوم ثابت عليها..فإن أطلق عليك أحدهم صفة التقدميه فمن الممكن
أن تستغرب لذلك فمن أطلق عليك ذلك ليس بتقدمي حسب تعريفك أنت للتقدميه..
هذه المصطلحات التقدميه (والتي تقابل مستنير) والظلاميه..لا تقتصر علي السياسه فقط..
بل أيضا علي القضايا الإجتماعية والثقافيه..
وربما في الأخيرتين تظهر طريقة تفكيرنا القاصرة في الوعي بالقضايا وتقييمها من 'منظور شخصي'
أو غيره أو ماندعي انه عام..
|
Post: #14
Title: Re: أنا تقظلميه!
Author: نهال الطيب
Date: 04-01-2007, 05:57 PM
Parent: #13
وبدر الحسن أنتي
وبين الناس عرفتي
من وصفو المحاسن
بس ماهن وصفتي
|
Post: #15
Title: Re: أنا تقظلميه!
Author: اساسي
Date: 04-01-2007, 06:13 PM
Parent: #14
لسع ما فهمت ظلامية يعني شنو والله؟
|
Post: #16
Title: Re: أنا تقظلميه!
Author: سمية الحسن طلحة
Date: 04-01-2007, 06:25 PM
Parent: #15
Quote: أنا تقظلميه!
أم تراكم تفضلون ظلقدميه |
منى !
انت قاعدة تقرى قاموس الدفروب بتاعنا ولا شنو ؟
مبجكلة.
|
Post: #42
Title: Re: أنا تقظلميه!
Author: Muna Khugali
Date: 04-06-2007, 06:32 PM
Parent: #11
'
|
Post: #31
Title: Re: أنا تقظلميه!
Author: Muna Khugali
Date: 04-03-2007, 10:16 AM
Parent: #9
Quote: مهما تسمين نفسك
فانت اجمل و اظرف و ارقه
زولة فى البورد... |
وبما أن تفسير 'تقدمي' يقوم علي أساس غير معرف تماما ..ومن خلال استعمال الكلمه في مرات
مختلفه فان التقدمي هو من قام بالتقدم خطوه من وجهة نظر المجموعه الملقبه هنا..
والظلامي هو من جلي قابعا في ظلامه دون الحركه وبالطبع دون أن يتقدم خطوه كزميله التقدمي..
وهذا أيضا من وجهة نظر المجموعه الملقبه هنا..
تسلم محمد عثمان..وشكرا للطفك
|
Post: #17
Title: Re: أنا تقظلميه!
Author: abubakr
Date: 04-01-2007, 06:29 PM
Parent: #1
رطانتكم عجب .... يامني خليكي زي ماانت زي ما قالت الملكة وكمان ككورد كما قال ابو قلبا ابيض
|
Post: #18
Title: Re: أنا تقظلميه!
Author: abubakr
Date: 04-01-2007, 06:29 PM
Parent: #1
رطانتكم عجب .... يامني خليكي زي ماانت زي ما قالت الملكة وكمان ككورد كما قال ابو قلبا ابيض
|
Post: #19
Title: Re: أنا تقظلميه!
Author: سمية الحسن طلحة
Date: 04-01-2007, 06:49 PM
Parent: #18
| Quote: رطانتكم عجب .... يامني خليكي زي ماانت زي ما قالت الملكة وكمان ككورد كما قال ابو قلبا ابيض |
أبوبكر.. أنا ومنى وأبو قلب أبيض زى عمتو = جاكم جنا غلب جنكم
عاوز قاموس ؟
|
Post: #20
Title: Re: أنا تقظلميه!
Author: abubakr
Date: 04-01-2007, 07:21 PM
Parent: #1
Quote: أبوبكر.. أنا ومنى وأبو قلب أبيض زى عمتو = جاكم جنا غلب جنكم
عاوز قاموس ؟ |
بسيطة قايلا الرطاني ما جن يغلب جن العراريب كلهم وكمان ناس الزومة والعمم البيضا ...
|
Post: #21
Title: Re: أنا تقظلميه!
Author: Muna Khugali
Date: 04-01-2007, 10:21 PM
Parent: #20
مني ...
Quote: نشوف كيف ؟
بعدين كيف الواحد يعرف تقظلمية والا تقدمية والا ظلامية ؟؟
انا بس عايز اواصل ما بقي لي بس " انسان" زييك كدة يعني |
ان حاولت تبقي انسان يا أبوبكر.. وتكون نفسك وتفكيرك.. بيكون ليك في كل مقام مقال..
اهه هنا بتكون المشكله لأنه الجماعه من التقدميين والاخرين من الظلاميين بيكونوا محتاسين!
معقول كلامك المره الفاتت كان معانا..المره دي ليه مامعانا؟
نضيف للمصطلحات مناضل والنضال برضه شكله كتيييييير هنا
المناضل بيكون تحت مظلة التقدميه والما مناضل بيكون ظلامي..
وطبعا نفس الفيلم غني عن التعريف..
ملاحظه..
ان تابعت هذا البوست بحثا عن تعريف محدد كما يأمل أساسي فانك ستخرج بخفي حنين لكن ربما تخرج بتفكير بخصك .. عن من هو التقدمي ومن هو الظلامي
|
Post: #32
Title: Re: أنا تقظلميه!
Author: رشا سالم
Date: 04-03-2007, 10:37 AM
Parent: #21
Quote: ان حاولت تبقي انسان يا أبوبكر.. وتكون نفسك وتفكيرك.. بيكون ليك في كل مقام مقال..
اهه هنا بتكون المشكله لأنه الجماعه من التقدميين والاخرين من الظلاميين بيكونوا محتاسين!
معقول كلامك المره الفاتت كان معانا..المره دي ليه مامعانا؟
|
شفتي يا منوية..دي اكتر حاجة بتضايقني في النقاش هنا...
في ناس هنا بيحاولو يختو قوالب واراء محددة للناس...
اي زول يقول كلام غير الهم بيعتقدوهو بيكون طلع من الملة...
يعني في ناس بقوا بيوصفوا بالظلاميين ودي صفة ظالمة جدا...
وناس بيقولو عليهم مستنيرين وهم الظلام بعينه...
ظلام في الروح..
ظلام في التفكير..
ظلام في الطرح حتي لو كان المحتوي منور..!
عشان كدا قناعات البني آدم مامفروض تتأثر بأراء الناس الحوله...
ومامفروض يتخذ شكل الاناء !
يلا يا حبيبة keep z good work وخليك من تقظلمية وغيره..خليك مني خوجلي
وبس!
|
Post: #33
Title: Re: أنا تقظلميه!
Author: انعام عبد الحفيظ
Date: 04-03-2007, 11:58 AM
Parent: #32
Quote: خليك من تقظلمية وغيره..خليك مني خوجلي
وبس! |
عارفه يا منوية في البورد دا تعبنا من مصطلحات
تقدمية وظلامية ومستنير ومناضل وما عارف أيه
ليه الناس دي ما تآخد الحياة دي ببساطتنا الزمان
وتتعامل بس بإحترام لعقول الناس وبوعي وبدون ما نجرح بعض
على العموم نحنا حبيناك زي ما إنتي كدا وبس
|
Post: #22
Title: Re: أنا تقظلميه!
Author: أحمد الشايقي
Date: 04-01-2007, 11:24 PM
Parent: #1
عزيزتي منى,
لقــد جمعتي بين وعي التقدميين
ورصــانة المحافظين,
وكنت مثقفة في الحالتين
وتبرأتي من الأغراض,
وقدمتي كل مساهماتك في قالب أخلاقي يسع الجميع,
فلك القلب الابيض الخالص
والعقل الوقاد واللسان العــف,
هذه حقائق وليس مجاملات,
وتحياتي
أحمــد
|
Post: #24
Title: Re: أنا تقظلميه!
Author: هاشم أحمد خلف الله
Date: 04-02-2007, 11:30 AM
Parent: #22
والله يا مني كتاباتك حلوة ودائماً هناك في شئ جديد ونحن بنستفيد
منو , وأتمني أن أستفيد من كل فرد من أفراد المنبر ده , والحمدلله
بعرف أقراء كويس وربنا يقدرني أرد علي كل شخص داخل هذا المنبر
لكن والله ساعات الدوام بيكون صعب شديد , الله المعين .
|
Post: #25
Title: Re: أنا تقظلميه!
Author: ناذر محمد الخليفة
Date: 04-02-2007, 11:42 AM
Parent: #1
++
|
Post: #28
Title: Re: أنا تقظلميه!
Author: غادة عبدالعزيز خالد
Date: 04-02-2007, 05:28 PM
Parent: #25
أنت جميلة و كفى
كل الود
غادة
|
Post: #34
Title: Re: أنا تقظلميه!
Author: hameem
Date: 04-03-2007, 12:09 PM
Parent: #1
Quote: فلك القلب الابيض الخالص
والعقل الوقاد واللسان العــف,
هذه حقائق وليس مجاملات |
أقول ما قال الشايقي وأستغفر الله لي ولكم
|
Post: #35
Title: Re: أنا تقظلميه!
Author: Abdel Aati
Date: 04-03-2007, 12:14 PM
Parent: #34
مني خوجلي
تبري من الظلام انت .
انت النور كله ..
كنت قد كتبت التالي عن تلك التقسيمات العشوائية :
تقدميين ورجعيين؛ كيزان وشيوعيين
|
Post: #36
Title: Re: أنا تقظلميه!
Author: sudania2000
Date: 04-03-2007, 12:29 PM
Parent: #34
سلام
انا كنت ظلامية لمن كتبت بوست الجمعة
بقيت تقدمية لمن كتبت عن رسم خالد كودي
رجعت ظلامية لمن بقيت عندي اهتمام بالايتام
رجعت تقدمية لمن سمعت هيرو وشادي
واختلفت مع اهل السلطان
يابت ما تتعبي روحك
انتي لونك بمبي
قمة الفرح والاسعاد لمن حولك
قد لا تقطفي ما تزرعي من سعادة
وقد لا يكون الفرح نصيبك
لكنك دوما مبعث الفرح فينا
فمن يزرع الجمال قد لا يحصده
لكن حتما هو منبع اسعاد للاخرين
كوجان مشتاقين
والسلام
|
Post: #37
Title: Re: أنا تقظلميه!
Author: Mohamed Abdelgaleel
Date: 04-03-2007, 01:22 PM
Parent: #36
Quote: قد لا تقطفي ما تزرعي من سعادة
وقد لا يكون الفرح نصيبك
لكنك دوما مبعث الفرح فينا
فمن يزرع الجمال قد لا يحصده
|
سودانية - تحياتي ..
كل الذين يزرعون الفرح يحصدونه
في نفس الوقت .. ينمو ويزدهر
بسرعة .. أجرو فيهو .. الأخذ في العطاء ..
وطالما منى كذلك فيه مليئة بالفرح
ولو لم تكن كذلك لما أستطاعت أن
تجد الطاقة لتكتب ما تكتب .. ولا أصر
أن يكون ما أوردته كلاما نهائيا وصحيحا
ولكني أعتقد فيه بشدة
والظلام (ما حاك في القلب) ..
|
Post: #39
Title: Re: أنا تقظلميه!
Author: abubakr
Date: 04-03-2007, 06:19 PM
Parent: #1
" تصنيف الناس بين الظن واليقين" لبكر بن عبدالله ابوزيد كتيب صغير لا اعرف هل اشتريته ام اهداني اياه احد فانا مولع بالكتب ولكني قبل شهر وجدته في مكتبتي .. فامر التصنيف العشوائي او الغير مؤكد "بين ظن ويقين" امر شاع في الماضي فانزلت فيه ايات بينات وقيلت فيه احاديث مؤكدة ولكن البشر ما زالو في سواءة تصنيف عشوائي يؤذيهم وهو ظلم كبير...التدقيق فيما نقول ونفعل امر مهم لنتفادي خطا يؤدي الي ظلم ..ان نعطي انفسنا وقتا لنتاكد مما نقول يبعدنا عن الخطيئة وظلم البرئ ...
|
Post: #40
Title: Re: أنا تقظلميه!
Author: عبد المنعم ابراهيم الحاج
Date: 04-03-2007, 11:05 PM
Parent: #39
مني عوض خوجلي ..قد لا تذكرين فقد
تلاقينا في مؤتمر التجمع (بمصوع)
وقد حافلا بالسياسيين والاعلاميين..
وكانت الايام علي سخونة الجو ..
عامرة بالمفيد ...رغم التحايل علي
المراة ..ومحاولة اقصائها من مشاركتها
الفعالة داخل التجمع ..بافتراع صيغة
التمييز الواضحة ..وقد تعجبت وقتها
من قبولكن لذلك الوضع ..حيث اري ان مشاركة
المراة لا تحتاج الي كيان مستقل للتعبير
عن آرائها السياسية ..وهي لعمري كانت سقطة
مدوية للتجمع في التعامل مع قضايا الجندر..
اعتقد لو أن نقطة مظلمة هي مشتركة مع جموع
النساء اللواتي شاركن في المؤتمر وتحدثن كممثلات
للمرأة وتقبلن الفكرة وهي مبطنة بهذا الاقصاء..
ثم تاتي الايام لاحقا وتفشل المؤتمرات التحضيرية
التي اصبحت حبرا علي ورق ..لك التحية وكل الود
ـــــــــــــــــــــــــــ
"تقظلمية" دي عايزة حنك ماكن
عشان يقدر ينطقها...
|
Post: #41
Title: Re: أنا تقظلميه!
Author: Muna Khugali
Date: 04-04-2007, 00:13 AM
Parent: #40
Quote: مني عوض خوجلي ..قد لا تذكرين فقد
تلاقينا في مؤتمر التجمع (بمصوع)
وقد حافلا بالسياسيين والاعلاميين..
وكانت الايام علي سخونة الجو ..
عامرة بالمفيد ...رغم التحايل علي
المراة ..ومحاولة اقصائها من مشاركتها
الفعالة داخل التجمع ..بافتراع صيغة
التمييز الواضحة ..وقد تعجبت وقتها
من قبولكن لذلك الوضع ..حيث اري ان مشاركة
المراة لا تحتاج الي كيان مستقل للتعبير
عن آرائها السياسية ..وهي لعمري كانت سقطة
مدوية للتجمع في التعامل مع قضايا الجندر..
اعتقد لو أن نقطة مظلمة هي مشتركة مع جموع
النساء اللواتي شاركن في المؤتمر وتحدثن كممثلات
للمرأة وتقبلن الفكرة وهي مبطنة بهذا الاقصاء..
ثم تاتي الايام لاحقا وتفشل المؤتمرات التحضيرية
التي اصبحت حبرا علي ورق ..لك التحية وكل الود |
أهلا عبد المنعم..
استأذن الجميع لأقفز وارد لي مساهمتك التي أثارت من ضمن ما أثارت ذكري الفقره 5 وميثاق
التجمع وتمثيل المرأه داخل هيئة قيادة التجمع..
أولا حقائق..
-أنا لست عضـوه في اي حزب أو تنظيم سياسي..
-تقدمت بطلب حضور لمؤتمر التجمع وحضرته كناشطه وكمنسق عام لمؤتمر المرأه السودانيه
وتكفلت منظمة العداله الأفريقيه Justice Africa الموظفه لي بتكاليف رحلتي وكان يهمني
بالطبع ان أراقب الجلسات واقابل النساء اعضاء الأحزاب السياسيه هناك..
-حضرت جلسات المؤتمر وخاصة الجلسه الخاصة بتمثيل النساء 'كمراقب' فقط..
فلم يكن من حقي النقاش او التصويت لأني لست عضوه في التجمع..
لهذه الأسباب لم يكن في الإمكان رفع الصوت بالقبول او الرفض..
أري نقاطك مهمه جـدا واتمني ان أري بوستا يفتح بخصوصها وعنـدئذ..
سيكون في امكاني ان اتحدث بإسهاب اكثر وشرح اوسع..
لك التحايا وخساره ماكنت عرفاك هناك..
|
|