Post: #1
Title: عـنـدنـا حـفـلة...
Author: Muna Khugali
Date: 05-12-2006, 05:39 AM
Parent: #0
أنتم مـدعـوين احبائي لحفل سـاهـر وكمـان كبير!
أيـوة كبير... و سـاهـر مـن النهار
المناسبة...
مشاركتكـم لنـا وداع البوسـتات...
متي?
نسـألـكم رأيكـم...
عـايزنها متين?
مـني
|
Post: #2
Title: Re: عـنـدنـا حـفـلة...
Author: أحمد الشايقي
Date: 05-12-2006, 05:47 AM
Parent: #1
منى عوض خوجلي
الحمد لله انك باقية في المنبر
كما انك باقية في قلوب الجميع
مورقة ومحبوبة ورسولة ســـلام
تستحق بوستات نصف العام المؤرشفة الوداع اللائق
هنأنا فيها المتزوجين من (محظوظي) منبر بكري أبوبكر
ودعونا لارواح الذين توفاهم الله من ذوي الزملاء والزميلات الاعضاء
وتشاركنا فيها الافكار واللحظات الطيبة والصعبة
كما انها ختمت بفأل توقيع اتفاق السلام في دارفور
نتابع موضوع الحفلة
لك الود والورد
والأماني الطيبات
أحمد الشايقي
|
Post: #3
Title: Re: عـنـدنـا حـفـلة...
Author: علوبه
Date: 05-12-2006, 06:14 AM
Parent: #1
سلام
مستعدين
حاجزين
وجايين
الامنيات باى حاجة جديدة جميلة
بس كلمونا من بدرى صحيت من نومى
وسلام
|
Post: #5
Title: Re: عـنـدنـا حـفـلة...
Author: Muna Khugali
Date: 05-12-2006, 07:05 AM
Parent: #4
لـؤي انا قاعـدة أفتش ليـك مـن قبيل إنت وتمبس والمـلك علشان خـاطـر مـوضـوع الفنـان...الحـفلة دي لو طـرشقت -وما هاتطـرشق ان شاء الله- هاتكـون بسبب الفنـان..ياللا شـوف فنـانا منو..
وعليك الله شـوف معاي تصـميم الدعـوة... أنـا بوجـه نـداء لكـوستاوي ومعتصـم وعمـرالمـاحي - نـداء حـفلاوي سـاهـر - عليـكم الله عـايزيـن دعـوات مكـتوبة..يعنـي ماتجـوا تقـولوا لي دعينـا ليـك في الصـلاة وخـلاص...برضـو مع دي عـايزين دعـوات للحـفلة..والبيـديني فيـكم الموافقـة في الأول بوريه التاريخ والمكـان...ربنـا يخليكم لي..
أشـوفكـم بعـدين...
مـني
|
Post: #6
Title: Re: عـنـدنـا حـفـلة...
Author: Muna Khugali
Date: 05-12-2006, 07:56 AM
Parent: #5
أحـمـد المسـتشار...
أشـكرك كـثيرا أخـي الجميل علي دعمكـم المستمـر للمشاريع الجميلة هنـاك وهنـا...
ولكـني أطـمـع أخـي في كـرمكـم اكـثر.... وأثق انكم لن تبخـلوا علينـا بالمـوافقـة...
ممكـن تشـتري لينـا البيبسـي?
منتظـرة ردكـم الكـريم!
|
Post: #7
Title: Re: عـنـدنـا حـفـلة...
Author: اساسي
Date: 05-12-2006, 08:25 AM
Parent: #6
|
Post: #8
Title: Re: عـنـدنـا حـفـلة...
Author: عوض الله الفولانى
Date: 05-12-2006, 08:34 AM
Parent: #7
قميصى عبدالواحد المكوه حرقتواعمل شنو ياناس ؟؟؟
الفولانى
|
Post: #23
Title: Re: عـنـدنـا حـفـلة...
Author: Muna Khugali
Date: 05-12-2006, 04:18 PM
Parent: #8
عـوض أقـول ليـك كـلام?
انـا برسـل ليك قيص...أحـسـن توريني أسـة لـو عنـدك نية تحـرق بنطلونك كمـان..
علشـان أرسـلو بالمـرة...رسـل لي المقاس سـريع!
مـني
|
Post: #31
Title: Re: عـنـدنـا حـفـلة...
Author: Muna Khugali
Date: 05-13-2006, 08:05 AM
Parent: #4
شـفت يالـؤي انت زول جميل كـيف?
شـوف أغنية ســيـد حـليفة دي وضـحت شـديـد احـسـاسي بيكـم..ومـع صوت ســيـد حـليفة ولحـن أغتيته.... جـات برضـو ملامح وجـهه الفرحـانة ....الله يرحمـه فنان الفـرح والتعبير....
ويخـليـك لينا لـؤي أخـو البنات...
|
Post: #65
Title: Re: عـنـدنـا حـفـلة...
Author: Muna Khugali
Date: 05-26-2006, 12:50 PM
Parent: #31
Quote: شـوف أغنية ســيـد حـليفة دي وضـحت شـديـد احـسـاسي بيكـم..ومـع صوت ســيـد حـليفة ولحـن أغتيته.... جـات برضـو ملامح وجـهه الفرحـانة ....الله يرحمـه فنان الفـرح والتعبير....
ويخـليـك لينا لـؤي أخـو البنات... |
سـيـد حــليفة ده منـو?
والله غـايتو السـودانيين ديل عنـدهم جنس حـركـات....
حـتي الحليفـة عمـلوا ليها سـيـد!
|
Post: #9
Title: Re: عـنـدنـا حـفـلة...
Author: الجندرية
Date: 05-12-2006, 09:20 AM
Parent: #1
يا منو
جنب خيمة الحفلة ، قجي لينا كرسي ، كان البينا دا يزول
الوداع ما بقوم الظار عديل ، وظارنا براه على الهبشة
|
Post: #10
Title: Re: عـنـدنـا حـفـلة...
Author: Rasha Hatim
Date: 05-12-2006, 09:31 AM
Parent: #9
منى خوجلي الرائعة
انا اصلا جني حفلات (نحل) عديييل كدة. وحاجزة من هسي الصف القدام, لزوم بتاع الكاميرا والظهور في شريط الفتيو, اوعي تقولي لي ما في تصوير؟؟؟ والا تجيبي لينا تصوير نسائي!!! ديل حاقدات بعزلن البنات الشينات بس
انا غايتو بارشح الفنان (عبدو تفتيحة), يعني كان ناس تمبس ولؤي ما لمو ليك في واحد, ولا يهمك, انا دة بجيبو ليك قبض ايد.
اها النمشي الكوفير من هسي,, نتلاقى في الحفلة بعدين.
|
Post: #12
Title: Re: عـنـدنـا حـفـلة...
Author: Mutwali Malik
Date: 05-12-2006, 09:57 AM
Parent: #10
الفنان خلو علي ومبدئيا انا كلمت الود سمسم دا اسم الدلع لفنان امريكا سامي المغربي ولو عايزين احمد بركات برضو مقدور عليه بس حددو الزمان والمكان
|
Post: #14
Title: Re: عـنـدنـا حـفـلة...
Author: عبدالكريم الامين احمد
Date: 05-12-2006, 10:08 AM
Parent: #13
الاخت..مني
ممكن ناس شتات المسرحية تدوهم فقرة في الحفلة دي..ويا ريت قبل الود (سمسم)
عشان الناس ما تشتت...
بعدين عايزين نحجز حق البث الاسفيري في بوستات مابعد الحفلة لنقل الشمارات..
جاي وجايب معاي خلي..وحنلبس بدل بمبية
|
Post: #48
Title: Re: عـنـدنـا حـفـلة...
Author: Muna Khugali
Date: 05-16-2006, 11:55 AM
Parent: #14
كـرمـة...
ناس شـتات مشبنـا ليهم في مكـانهم وطـلنا منهم مشـاركـتنـا في الحـفل لكـن ماردو ...ياربي السني ماحـدثهـم?
يبـقي!
كـدي شـوف السني هـو ذاتـو يمكـن ما قرا كـلامي في شـتات..
|
Post: #15
Title: Re: عـنـدنـا حـفـلة...
Author: Rasha Hatim
Date: 05-12-2006, 10:09 AM
Parent: #13
| Quote: أعملي حسابك بس من بوستات كشف الحال بعد الحفلة |
لؤي, دقست كان داير ليك فرقة فيني, انا شديييدة ولضيييضة. لا بنسى سفنجتي ولا بخلي وراي اثر
لناس الشمارات دوت كوم. تبكي بس
اها, جاك كلامي يا منى, موش قلت ليك ح يدقسوك ناس لؤي ديل ويبوظوا الحفلة. شفتي من هسي ما صدق
لقى فرقة عشان يكب الزوغة. وبرضو ولا يهمك, عندي خيارات وممكن اتصل ليك بصديق كمان
|
Post: #18
Title: Re: عـنـدنـا حـفـلة...
Author: Rasha Hatim
Date: 05-12-2006, 10:52 AM
Parent: #16
| Quote: قصدي معليش على إستلامي للبوست |
كان كدة طلعت صحي كيشة يا لؤي, اعذرني سنة اولى منبر.
لكن برضو ما بدقس ليك , وكان داير انا البفتح ليك بوست, اها شيل شيلتك يا نسمة
ومعليش مني انا ذاتي يا منى.
|
Post: #21
Title: Re: عـنـدنـا حـفـلة...
Author: Rasha Hatim
Date: 05-12-2006, 01:37 PM
Parent: #19
Quote: هرشتيني جدجد
كان كدا خوّة فرتق |
تزوغ يا لؤي, اها انا مشيت ليك بهناك في بوست الرجالة حقك داك يا فردة
ومعليييش يا منى, انا غايتو قاعدة البس هسي بجي الحفلة معاي فنانين احتياطي عشان حفلتك دي اصلها ما تبوظ
|
Post: #17
Title: Re: عـنـدنـا حـفـلة...
Author: khaleel
Date: 05-12-2006, 10:32 AM
Parent: #15
مني
خوجلي
غبت يومين
لقيت بوستاتي مشت اللقيط
عشان كدة ما حاجي الحفلة
|
Post: #20
Title: Re: عـنـدنـا حـفـلة...
Author: Muna Khugali
Date: 05-12-2006, 01:06 PM
Parent: #17
ياشـباب ده كـلام شـنو?
لغـاية أسـة مافي حـاجـة اتعملت ليه?
أنـا يااخـوانا مابهـذر في تنظـيم الحـاجـات دي!
أسـه خـدر ده قاعـد يغـني ولا لأ ياأسـاسي?
الحـاجـة الختيتة دي ...أنـا مافاهماهـا..
بيشـغلوهـها كـيفـن?!
ياخـوانا علوبة قـال يكـلمـوه بـدري..... فمـن فضـلكـم بطـلوا ضـييـع الوقت
ومـن نفس منطـلق الضـرورة وحكـمـها وأيضـا...لازم برضـه نكـلم الفولاني علشـان يلحـق يغسل قميصـه ويكويه...والا عقـاب ليـكم اسـه تمشـوا تشـتروا ليه واحـد جـديـد...
مقاسـك كـم يافـولاني?
انـا بجيـكم راجـعـة اسـة...
مـني
|
Post: #24
Title: Re: عـنـدنـا حـفـلة...
Author: ali elhassan
Date: 05-12-2006, 11:54 PM
Parent: #20
منى الرائعة
الشباب والشابات الحلوين
يا منى ناس النظام العام ديل متحججين ودايرين ليهم فرصة فى
ناس سودانيز اون لاين بى اى طريقة عشان كدة شوفو لينا زول
اطلع ليتا تصريح لانة حفلة بتنتهى الساعة 11 دى انا ما بتغطى معاى
وشحتفة روح ساكت وما تنسو الحفلة لازم اكون فيها ناس كزام او افراح الشمالية
وفيديو سلطان او سودانبز ساوند والصالة صالة الرفيرا او الخليل
اها رايكم شنو
|
Post: #38
Title: Re: عـنـدنـا حـفـلة...
Author: Muna Khugali
Date: 05-14-2006, 03:41 PM
Parent: #24
ياعلي الحسـن....
كـويس انـك نبهتنـا...حـفلتنا اتنظـمت تمام ماتشيل هم...
خـلاص كـلم ناس.....يجـوا معاك..
|
Post: #25
Title: Re: عـنـدنـا حـفـلة...
Author: أحمد الشايقي
Date: 05-13-2006, 00:53 AM
Parent: #1
الحفلة دي مرطباتها على انا يا منى
حالـف ما في زول يدفع معاي جـنيــه
باقي الشغــلات ما عندي معاها قـضـيـة.
يلا اقشــروا وننتظركم قدام
تحياتي
أحمـد الشايقي
|
Post: #26
Title: Re: عـنـدنـا حـفـلة...
Author: محمد سنى دفع الله
Date: 05-13-2006, 01:05 AM
Parent: #25
منى الســــــــــــــــــــــــــــــــــلام
والمــــــــــــــــــــــــــودة
انتي رحلة شم النسيم مشيتو وما رجعتي قولتي لينا الحصل فيها شنو ؟؟؟؟؟
غايتو معاكم معاكم !!
نعمل شنو مابنقدر نرد ليك طلب !!!!
وحتجي تحضري عرضنا الاول ولالا؟؟؟؟
الفنان لازم اكون بتاع هجيج انا جني والحفلات النايمه ...اصلو نحن عايزين نحتوووو ونهجج لي الصباح !!!
|
Post: #27
Title: Re: عـنـدنـا حـفـلة...
Author: إدريس محمد إبراهيم
Date: 05-13-2006, 02:55 AM
Parent: #26
الأخت العزيزه / منى خوجلي ...
تحية الصباح والفرح الجميل ...
شوفي يا ستي إن شاء الله أنا جاي ومعاي كمان محمد ومعاذ وأمهم .. أوعي تقولي ليّ المقاعد محدوده ... سمح ...
|
Post: #28
Title: Re: عـنـدنـا حـفـلة...
Author: Muna Khugali
Date: 05-13-2006, 03:39 AM
Parent: #27
يا منو
جنب خيمة الحفلة ، قجي لينا كرسي ، كان البينا دا يزول
الوداع ما بقوم الظار عديل ، وظارنا براه على الهبشة
والله ياأمنية وأمنية غـالية كمان حـفلتنـا دي هاتفرحـي فيها شـديـد..
كـدي عايني أسـة الناس الجـاية دي حـلوة كـيف?
بعـدين أقـول ليـك حاجـة...الفـنان والونسة مـع الأهـل والأحـباب بيكـونوا 'بمثـابة' فـرح وفش غباين وتنطـيط زي بتاع الزار.... بس لا فيه طـاقية خـواجـة ولا فيه أحمـد البشيرالهـدنـدوي!! يعني برضـو نوع علاج لحـالات الدبرسـة والغيظ ممكـن يـدخـل تحـت بنـد ال counselling وكـده..
أسـمعي كـلمتي ناس سـعاد وســوسـن يجـيبوا معهم بـدرية واسـعـد?
يللا انا بامشي اسة عنـدي ترتيبات أعملها للحـفلة...عليـك الله تابعي معاي..
|
Post: #29
Title: Re: عـنـدنـا حـفـلة...
Author: أحمد الشايقي
Date: 05-13-2006, 04:34 AM
Parent: #1
يا جماعة هوووووووي
<a href="http://www.sudaneseonline.com/cgi-bin/sdb/2bb.cgi?seq=post&board=60&msg=1147408788&rn=1" target=_self> عـنـدنـا حـفـلة...
عــندنا حفلـة
|
Post: #30
Title: Re: عـنـدنـا حـفـلة...
Author: Muna Khugali
Date: 05-13-2006, 06:27 AM
Parent: #29
Quote: منى خوجلي الرائعة
انا اصلا جني حفلات (نحل) عديييل كدة. وحاجزة من هسي الصف القدام, لزوم بتاع الكاميرا والظهور في شريط الفتيو, اوعي تقولي لي ما في تصوير؟؟؟ والا تجيبي لينا تصوير نسائي!!! ديل حاقدات بعزلن البنات الشينات بس
انا غايتو بارشح الفنان (عبدو تفتيحة), يعني كان ناس تمبس ولؤي ما لمو ليك في واحد, ولا يهمك, انا دة بجيبو ليك قبض ايد.
اها النمشي الكوفير من هسي,, نتلاقى في الحفلة بعدين. |
خـلاص يارشـا نحنـا نظـمنا المكـان طـربيزات وكـراسي ..شـوفي المجمـوعـة العايزة تقعـدي معاهـا دي ياتا..
وبعـدين انتي ماشية الكـوافير ليه? وجـع راس سـاكـت خـلي اسـماعيل oooops اقصـد ابتهال تجـي تعمـل ليك شـعرك في البيت..الله يريحـك مـن الزحمـة ولـدك قـاعـد قـدام عينـك...
اسمعي..ماشية تلبسي ياتو توب?
يعني لـونه شـنو? علشـان اكـلم ناس سـمية ومحـاسـن يجـوا بتياب مختلفة...
خـلاص عليك الله كـلمي يجـو...
|
Post: #32
Title: Re: عـنـدنـا حـفـلة...
Author: نادية عثمان
Date: 05-13-2006, 10:03 AM
Parent: #30
منى يعنى صحنى ده لا مخلل لا طعمية ياكافى البلا واياها حتة اللحمة الناشفة بتاعتكم دى عشا التابانى واليابانى يايمة !!!!!!!!!!!!!!!!!!
رشا
دايرين حمادة بت بالله خلاص شيلوا الفنان الجميل ده برانا عندنا ملل!!!!!
|
Post: #33
Title: Re: عـنـدنـا حـفـلة...
Author: Muna Khugali
Date: 05-14-2006, 04:03 AM
Parent: #32
السـادة الزملاء والزميلات بسـودانيزاونلاين....
السـادة زوار سـوانيزاون لايـن...
يشـرفنـا كـثيرا حـضـوركم حفلنـا الكـبير المقام هنـا ...وداعـا لبوستاتنا وكـذلك اسـتقبالنـا للسنة البوردية..جـعلها الله و'احنا كمـان'..سـنة مثمـرة ومـؤدبة وبنت حـلال..ومعليش علشـان مايكـون الادب والذي منو مقصـور علي الاناث ..نكـرر الـدعـوة فنقـول..
جـعله الله عـاما بـورديا مثمـر ومـؤدب وابن حـلال....
المكـان هنـا في هـذه الواحـة في سـودانيـز اونلاين وسـبـدأ الحـفـل مـن الحـادية عشـرة صـباحـا حـتي الحـادية عشـرة مسـاءا بعـد غـد..... والـذي هـو يـوم اجـازة بالنسبة للسـودانيين في جميـع أرجـاء العالـم...ليه?
آدي الله وآدي حكمته...تعـالوا الحفلة وانتو تعرفـوا
يحـي الحـفل فنـانـا خـدر...... ونشـكـر الأخ اسـاسي علي التبرع به...
وكـذلك الفنـان سـيـد خـليفة الذي لايغيب عـن خاطـرنا ...
ويسـعـدنـا أن نعلـن عـن رغبـة الفنـان الكـبير زيـدان في مشـاركتنا الفـرح..
ونحـن نشـكر الفنانة نـدي القلعة ونتمـني لها الشفاء..وكنانتمنى منها المشاركـة لكـن تحت الظـروف الراهنة نسـأل الله لها عـاجـل الشـفاء..
نتمـني حضـوركـم ونشتاق اليه...
|
Post: #34
Title: Re: عـنـدنـا حـفـلة...
Author: Muna Khugali
Date: 05-14-2006, 06:53 AM
Parent: #33
| Quote: الفنان خلو علي ومبدئيا انا كلمت الود سمسم دا اسم الدلع لفنان امريكا سامي المغربي ولو عايزين احمد بركات برضو مقدور عليه بس حددو الزمان والمكان |
وسـامي المغربي كمـان?
أشـري ياجـنـدرية الحفـلة هـاتكـون صـح!
شـكرا متولي.... ماتتـأخـر..
|
Post: #35
Title: Re: عـنـدنـا حـفـلة...
Author: Muna Khugali
Date: 05-14-2006, 07:51 AM
Parent: #34
نعلمكـم أن فـرقـة شـتات الرائعـة قـد تم دعـوتها وفي انتظار القبـول...
|
Post: #36
Title: Re: عـنـدنـا حـفـلة...
Author: toona
Date: 05-14-2006, 08:04 AM
Parent: #1
منى منى منى ...
أنا أجي ؟؟؟ عندي فستان جديد عاجبني كايسة لي فرقة اقشر بيه !!
بعدين انا سمعت لي اشاعات في البورد ده قالوا حيجيبوا احمد بركات (نقطة ضعفي !!)
يعني عزمتيني بالتي هي احسن ، خلاس ، ما حصل ، بجي اتضهب واجيب معاي شماشة بحري !
|
Post: #37
Title: Re: عـنـدنـا حـفـلة...
Author: Muna Khugali
Date: 05-14-2006, 08:30 AM
Parent: #36
الله ياتونـة انتي قـايلة شـنو..والله العظـيم الشـماسة ديل اظـرف ناس..بس لازم تكـوني بتعرفيهم ..لانـك لمـا تـديهم مساحتهم هايحـبوك كـتير ويصـروا علي انهم يفرحـوك...
وبركـات في زول لاقيه? يازولة بالغـتي عـديـل كـده!
بركـات مفاجـأة الحـفلة!
فسـتانك اشـتريتيـه مـن ويـن كـان? ككان وريتيني بوريـك فسـتاني اشـتريت مـن وين وبكـم...
|
Post: #39
Title: Re: عـنـدنـا حـفـلة...
Author: ali elhassan
Date: 05-14-2006, 03:49 PM
Parent: #37
Quote: ياعلي الحسـن....
كـويس انـك نبهتنـا...حـفلتنا اتنظـمت تمام ماتشيل هم...
خـلاص كـلم ناس.....يجـوا معاك.. |
منى الرائعة
ناس......كان ما جو انا قلبى ما بقيف
عديل كدة اللة ادينا الصبر غايتو
|
Post: #40
Title: Re: عـنـدنـا حـفـلة...
Author: Muna Khugali
Date: 05-15-2006, 07:57 AM
Parent: #39
شـكـلها كـده.... هاتتلغـي!
|
Post: #41
Title: Re: عـنـدنـا حـفـلة...
Author: انعام عبد الحفيظ
Date: 05-15-2006, 11:07 AM
Parent: #1
منويه
اول حاجه انا مشتاقه ليكي والله
يعني انا غبت كم يوم كده بت اختي عيانة كنت معاها في المستشفى
لما ارجع كان القى الحفلة فاتتني ولا شنو؟؟؟
الحمد لله اني حصّلت اها كان تفوتني الربه دي
احمد بركات وسامي المغربي وكمان زيدان
منوية انتي بس وريني الحفلة دي وين وانا بجي طوالي
معقول لكن يفوتني الهجيج ده؟؟؟
مودتي واحترامي
|
Post: #45
Title: Re: عـنـدنـا حـفـلة...
Author: Muna Khugali
Date: 05-16-2006, 07:13 AM
Parent: #44
يعني أســة الفنانين ديـل كـلهم معـانـا?
أجـي بعـد شـوية أطـمئن علي باقي الحـاجـات
|
Post: #47
Title: Re: عـنـدنـا حـفـلة...
Author: Muna Khugali
Date: 05-16-2006, 07:53 AM
Parent: #46
عـاين يالـؤي الناس الجـاية قـدر شـنو?
مبـالغـة...
أسـمع نجـيب طربيزات وكـراسـي زيـادة ?
أسـة أنـاكـنت خـايفاهـا تطرشـق!
|
Post: #51
Title: Re: عـنـدنـا حـفـلة...
Author: أحمد الشايقي
Date: 05-18-2006, 06:24 AM
Parent: #1
| Quote: فسـتانك اشـتريتيـه مـن ويـن كـان? ككان وريتيني بوريـك فسـتاني اشـتريت مـن وين وبكـم... |
ما هــو أنا عارف من وين
مش بالفيزا كاااااااارد
؟
أحمـد
|
Post: #52
Title: Re: عـنـدنـا حـفـلة...
Author: انعام عبد الحفيظ
Date: 05-20-2006, 08:13 AM
Parent: #1
يامنوية
لؤى ما خلى ليك فنان الا جابو لينا
حفلتنا رااااااااااااااابه لكن
بس الناس ديل مشو وين
تلقيهم مشوا يقشروا
انا زاتي ماشه اقشر
|
Post: #53
Title: Re: عـنـدنـا حـفـلة...
Author: Muna Khugali
Date: 05-22-2006, 05:08 PM
Parent: #52
نـرفـع البوست ده...علي الرغـم مـن اني كـنت عـايزاه يمشي خـلاص!
ازيـكـم ياشـباب...
مـني
|
Post: #54
Title: Re: عـنـدنـا حـفـلة...
Author: غادة عبدالعزيز خالد
Date: 05-23-2006, 03:13 AM
Parent: #53
الحبيبة منى
مع انو انا مشغولة امتحانات,
لكن ممكن اسلعد فى العشا
اها,
محتاجين شنو؟
|
Post: #55
Title: Re: عـنـدنـا حـفـلة...
Author: Muna Khugali
Date: 05-23-2006, 03:26 AM
Parent: #54
فوق ياغـادة بس إنقاذ تجـي جنب حفلتنـا نرم يهم بره الحفلة لـو جـو!
|
Post: #56
Title: Re: عـنـدنـا حـفـلة...
Author: إدريس محمد إبراهيم
Date: 05-23-2006, 03:52 AM
Parent: #55
Quote: الأخت العزيزه / منى خوجلي ...
تحية الصباح والفرح الجميل ...
شوفي يا ستي إن شاء الله أنا جاي ومعاي كمان محمد ومعاذ وأمهم .. أوعي تقولي ليّ المقاعد محدوده ... سمح ... |
هسي أنا حردان وما جاي لإني عزمت نفسي وما في زول هبب ليّ
|
Post: #59
Title: Re: عـنـدنـا حـفـلة...
Author: Muna Khugali
Date: 05-23-2006, 08:07 AM
Parent: #56
والله بالغت يا ادريس إنت طربيزتك انت وأخـتي والأولاد ياها ديـك عيني ليها..
ماشايف الزهـور البيحبها محمـد فـوقها?
|
Post: #57
Title: Re: عـنـدنـا حـفـلة...
Author: تيسير عووضة
Date: 05-23-2006, 05:24 AM
Parent: #1
منو العسل
الكشافات وينا يا منى
أنا بدون كشافات ما بجي !!
|
Post: #58
Title: Re: عـنـدنـا حـفـلة...
Author: عاطف عمر
Date: 05-23-2006, 07:16 AM
Parent: #1
كيفك يا منى
ترددت كثيراً قبل دخول ( صيوانكم ) هذا .
لست أدري أهى ( حالة زهد ) أم ( حالة تشبع ) فقد أصبحت مراسم الإحتفالات عندي تبدأ وتنتهي بحضور عقد القران . وبعد كدا أوصل سعدية والبنات لمكان الحفل واستمتع ( بنومة عميقة ) بعيداَ عن ( الدوشة ). كسرت هذا البرنامج في زواج أختي الصغرى ( نادية ) ولها في قلبي معزة ومحبة الإبنة الكبرى والشقيقة الصغرى . فـ ( تسمسمت آخر سمسمة ) وآخر رقيص مع زوجتي وبناتي وبنات أخواتي و----- . لاحظت هديل كبرى كريماتي هذه الحالة غير المسبوقة فأطلقت طرفتها التي أصبحت نكتة الفرح ( والله يا ماما ما كنت قايلة بابا تفتيحة كدا ) وتفتيحة كلمة التقطتها في إجازتنا السنوية في السودان .
أها جيتك في الكلام
هسع لو بدل الحفلة دي عملتي ( حولية ) في دار الخليفة
كنا جيناك بـ ( نوبتنا ) وجبنا ليك فرقة الأصايل وفرقة الصفوة والجيلى الشيخ
ولكبار السن كنا جبنا ناس الشيخ علي الشاعر والشيخ الأمين القرشي والشيخ عثمان الحبر
والسهرة صباحي
|
Post: #60
Title: Re: عـنـدنـا حـفـلة...
Author: ودقاسم
Date: 05-23-2006, 08:22 AM
Parent: #58
| Quote: ولكبار السن كنا جبنا ناس الشيخ علي الشاعر والشيخ الأمين القرشي والشيخ عثمان الحبر |
عاطف ، خلينا ياخ نستمتع شوية ونرقص عشان يقولوا علينا تفتيحة ...
أنا جاهز يا منى ، الحفلة بتبدأ متين ؟
|
Post: #61
Title: Re: عـنـدنـا حـفـلة...
Author: عاطف عمر
Date: 05-23-2006, 01:13 PM
Parent: #60
Quote: عاطف ، خلينا ياخ نستمتع شوية ونرقص عشان يقولوا علينا تفتيحة ...
أنا جاهز يا منى ، الحفلة بتبدأ متين ؟ |
ود قاسم العزيز
خليني أروق من نوبة الضحك الشديدة دي وبعدين أجي راجع للحفلة تاني أشوف ( رقيصك ) مواكب لموضة ( الشباب ) ديل ولا لا ؟؟
منى الغالية
إنت غاطسة كدا عشاكم دا لسع ما طلع ؟؟
|
Post: #62
Title: Re: عـنـدنـا حـفـلة...
Author: Muna Khugali
Date: 05-25-2006, 12:48 PM
Parent: #61
أكـملنا أعـزائنـا فترة حـدادنا علي الجميل ابراهيم عـوض... ورجـعنـا نمارس الفرح كما كـان هـو يحـب.... وكما نحـب نحـن..
وأرجـع لكم بعـد القيـام ببعض الترتيبات الخـاصة بالحفـل يا ود قـاسم...
قميصـك الفرايحـي ده جميل...وبعـدين براك تشـوف عاطـف جـاي متقيف كـيف ....وقـاعـد جـنب سـعـدية يحنسها علشان تمشي تبشـر معاه علي الفنـان!
|
Post: #63
Title: Re: عـنـدنـا حـفـلة...
Author: عشة بت فاطنة
Date: 05-25-2006, 01:59 PM
Parent: #62
منى استحم واجي
احجزي ليك كرسي
قدام جمب الفنانين
وما تنسي العشااختلسي لي
من عشا الفنانين
بس بالله الفنان ما يكون
بايخ ونايص
|
Post: #64
Title: Re: عـنـدنـا حـفـلة...
Author: عثمان سيد أحمد
Date: 05-25-2006, 07:45 PM
Parent: #63
الغالية منى
معقول أجي الحفلة وما ألقى أي حاجة
حتى الصيوان شلتوه
دا كلام يا منى
يعنى ولا صحن سلطة بيضاء ولا سوداء
و لا ضلعاية واحدة بيها أصبر شوية
المهم في الموضوع الحفلة الجاية
أنا من بدري مصنقر قدام بيتكم
أعملوا حســــــــابكم !!!!
|
Post: #67
Title: Re: عـنـدنـا حـفـلة...
Author: Muna Khugali
Date: 05-26-2006, 02:21 PM
Parent: #63
عشـوشة..
إنتي متأخـري.. أنا عـارفـة حـركـاتك دي..إنتي ماشية الحنانة علشان الرسـمة الإخـترتيها مـن الكتالـوج قبيل!
عليـك الله يعـني شـنو كـان حنتك بتشبه حـنة أمـاني? قـاعـدة تتفرجـي في الكتالوج عشرين سـاعة!
مخـيرة كـان إنأخـرتي العشـا بيفـوتـك!
|
Post: #66
Title: Re: عـنـدنـا حـفـلة...
Author: الملك
Date: 05-26-2006, 02:10 PM
Parent: #1
مع انى حردان
لكنــ
اسوى شنو الولف كتال
|
|
