هل خلاف وجهات النظر (يبيح) لنا (فط) بعضنا في الردود؟

سؤال احترت كثيراً لأجد إجابة عنه!!!!!!!!!!!
ما رأيكم؟

هل الأمر مرتبط بديمقراطية قشرية و عدم تعمق ثقافة الديمفراطية بداخلنا؟

يا أميرة سلامات

مرات بتكون مقصودة و مرات بتكون سهوا

و المفطوط براو بيكون عارف الاجابة


الفطاك منو

Quote: يا أميرة سلامات مرات بتكون مقصودة و مرات بتكون سهوا و المفطوط براو بيكون عارف الاجابة الفطاك منو

أنا عشان عارفة الإجابة يا فيصل عارفة القصة متعمدة ..الفطاني منو دي خليها أسة لكن ناس أخواني بحترمهم و عشمانة فيهم شديد أصلاً لو ما كدة ما كنت حأشتغل بالقصة نهائي!!

يا أميرة
عندي ليك حل عشان ما يفطوك تاني
تكتبي مداخلة تجبر الزول اللي ناوي يفطك انه يرد ليك قبل الناس التانين

هل كلامنا عن كوننا (أسرة) واحدة محض هراء و كلام منابر (ساكت)؟؟؟

الاخت العزيزة لنا
تحية طيبة
ده وعي الشلة
وارتباط كلاب بابلوف بالمثير الشرطي
الطائفة
الحزب
الجندر
المهنة
بلد الاقامة
زمالة الدراسة
........
ويظل الوعي الجمعي للشلة كما هو
وكل ديكا في بلدو عوعاي
..........
شوفي نوع الموضوع وشوفي طبيعة المتداخلين والزوار
عشان تؤمني بنظرية الخلايا النائمة في البورد

وكان جينا للبوبار نلقى ناسو كتار

Quote: الاخت العزيزة لنا تحية طيبة ده وعي الشلة وارتباط كلاب بابلوف بالمثير الشرطي الطائفة الحزب الجندر المهنة بلد الاقامة زمالة الدراسة ........ ويظل الوعي الجمعي للشلة كما هو وكل ديكا في بلدو عوعاي .......... شوفي نوع الموضوع وشوفي طبيعة المتداخلين والزوار عشان تؤمني بنظرية الخلايا النائمة في البورد وكان جينا للبوبار نلقى ناسو كتار

كدي يا عادل أمشي أراجع القصة دي مستصحبة إضاءة كلامك يمكن الحيرة تتبدد!!!!!!!!!!!

الأخت لنا

سلام

Quote: هل خلاف وجهات النظر (يبيح) لنا (فط) بعضنا في الردود؟

و الإجابة قطعا لا

ما لم تشير صراحة الي عدم رغبتك في الرد عليه


لكن

في هذا البورد كثير من الأحيان تنتابة حالات

فيظهر مداخلات و لا يظهر اخري

و من هنا بتجي زي ما نقول الحساسية

يعني ببساظة اقول ليكي Take it easy

بس

علي قولك انظري للكلام ده

A person may cause evil to others not only by his actions but by his inaction, and in either case he is justly accountable to them for injury.


— John Stuart Mill


-

(التعديل لتصحيح بعض الاخطاء الهجائية)

Quote: الأخت لنا سلام Quote: Quote: هل خلاف وجهات النظر (يبيح) لنا (فط) بعضنا في الردود؟ و الإجابة قطعا لا ما لم تشير صراحة الي عدم رغبتك في الرد عليه لكن في هذا البورد كثير من الأحيان تنتابة حالات فيظهر مداخلات و لا يظهر اخري و من هنا بتجي زي ما نقول الحساسية يعني ببساظة اقول ليكي Take it easy بس علي قولك انظري للكلام ده A person may cause evil to others not only by his actions but by his inaction, and in either case he is justly accountable to them for injury. — John Stuart Mill -

كلامك مضبوط أخي الحبيب الأمين لعوتة، لكن أنا لو ما كنت متأكدة أن ال(فط) متعمد ما كنت أنزلت البوست..ليس لأجلي لكن لأجل الطرف الآخر أيضاً..لأني لو قررت ألا أرد على إنسان سأكتب له مباشرة (لن أرد عليك) وهذا من قبيل (عدم الفط) برضو

الأميرة لنا
فطوك
المابيشبهوك ؟

تستاهلي
عشان بتدخلي بوسطات المابيعبروك
وبتجللي بوسطات البيعزوك

Quote: الأميرة لنا فطوك المابيشبهوك ؟ تستاهلي عشان بتدخلي بوسطات المابيعبروك وبتجللي بوسطات البيعزوك

دي على غرار اللهم شماتة يا حبيب أبوساندرا؟؟
إنت عارف لو الفطاك دة وراك فطاك لييه و غلطتك شنو بترتاح لكن هل يستقيم عقلاً أن (نفط) بعضنا بدون مبررات وتوضيحات ؟
يعني لو كان السبب خلاف رؤوي بسييييييييييط جداً على صفحات المنبر هل يستوجب الأمر (قطيعة)؟خاصة لو عرفت أن الفعل تم ممن يشجع الديمقراطية بل يتبناها هنا؟
حقاً ما أعظم الشقة بين النظرية و التطبيق!

Quote: أسرة

الفطاك فطيو يا اميرة


هو الخسران

Quote: Quote: Quote: أسرة الفطاك فطيو يا اميرة هو الخسران

طلعنا ما (أسرة) يا محمد...نظريات بس!

Quote: الفطاك فطيو يا اميرة هو الخسران

ود العمدة العزيز
سلام

يعني ده حل البصيرة ام حمد ولى شنو يا ود العمدة(الشرير

وفعلا الديموقراطية وعي وسلوك


...........
العزيزة لنا يعني المشكلة شخصية....ام انك تطرقتي لظاهرة وبائية في هذا البورد(الشللية)...من ضمن الظواهر الكثيرة التي تسمم هذا الوطن الافتراضي

Quote: العزيزة لنا يعني المشكلة شخصية....ام انك تطرقتي لظاهرة وبائية في هذا البورد(الشللية)...من ضمن الظواهر الكثيرة التي تسمم هذا الوطن الافتراضي

المشكلة أصلو ما شخصية برغم أنها حدثت لي.. قلت لو صمت لأضحت ظاهرة عامة تضرب روح الحوار وبيئته في مقتل..

العزيزة لنا
بقيت ما براي ..
انا والله فطتى ليها ضل..
وعاملة لي عوارة جوف ما بتتحك
على راي حبوبتي..
انا فطوني وعمت عديييل في الفط..
كنت جديدة على المنبر، يعني زي
شهرين كدا.. دخلت على بوست
اشيل واشكر في سيدو/ستو
(ما دايرة افصح عن جنس الفاط)
المهم هو/هي كان بيستحق الشكر
(دا رايي قبل وبعدالفطة)..
علقت وحاتك .. وجاء بعدي واحد
علق.. ردوا على العلق بعدي
والكلام دا مثبت باليوم والساعة،
المهم جات الفطة المقصودة ولا غير
المقصودة وقعت في انا..
قاعدة مقهية شهر كامل مستنية الرد
ما ردوا على والبوست (حتل)..وحتل
معاهو البرستيج والسيلف ستيم بتاعي..
طبعا مفرود تلك الفطة كان قاسيا على ..
تعرفي ليه؟ كان البوست بتاعي"لوطنة العالم"
شغال جديد، والناس بين قلة قبلانة ومؤيدة
واخرى رافضة..
يبدو ان زولي/زولتي كانوا من القلة الرافضة
المغسة الفاطيني دا كتاب ونفسي اتداخل معاهو
بس والله الفطة واقفة لي زي عضم اب قبيح في حلقي
لي يوم الليلة..
اخيرا جاء الرد والعذر معاه..
ماشين سوا..بعد ثلاثين يوما حسوما.
الفطة التانية كانت اخف من دي..
(عشان جلدي تخن واخدت مناعة في الفط)
واحد فاتح بوست في كاتب عملاق..
غزيت البوست اكتر من تلاتة مرات ..
ما اشتغل بي شغلة.. وحاتك خلا البوست
حتل لي يوم الليلة ما ظهر واظنو اتارشف ذاتو

بعدها بقيت زي الاطرش (نص كم) في الزفة..
مشاركاتي قاصرة على بوستات معنية واسماء
معينة..ناس تتشاكل .. تحرق ..تغرق
سادة دي بطينة ودي بعجينة..
ضد رغبتي تماماَ..
اصلو بيني وبينك عُوَّارة الجوف دي ما في طريقة
حك ليها..
وبس ...
بس والله كانت هناك احلي فطة
تداخلت في بوست الترحيب بالشاعر العظيم
فضيلي جماع..(القصة هنا ح اقولها عديييل)
وكان عدد زوار البوست كبير.. وسقط اسمي
اقول سقط لان شاعرنا العظيم الذي اكن له كل
الود.. بادر بارسال ايميل يعتذر فيه بشدة
عن الخطأ الذي حدث..مع اني يشهد الله لم اتوقع
منه هذا التصرف الذي اكبرته تماما..
صحيح انا لم اتداخل في قصائد فضيلي.. لاحساسي
بانني لن اضيف شيئا جديدا.. بالرغم من متابعتي
اللصيقة..واعجابي الذي يمنعني من المشاركة..
بس ناوية اتغلب عليهو واشارك ولومرة بالتعليق على
قصائد ذلك الرجل الذي عطر سماوات حياتنا..

فتك بعافية

المفطوطة

حليمة الحبيبة الغالية
البشوف (فطات )الناس تهون عليهو (فطاتو):D

Quote: العزيزة لنا بقيت ما براي .. انا والله فطتى ليها ضل.. وعاملة لي عوارة جوف ما بتتحك على راي حبوبتي.. انا فطوني وعمت عديييل في الفط.. كنت جديدة على المنبر، يعني زي شهرين كدا.. دخلت على بوست اشيل واشكر في سيدو/ستو (ما دايرة افصح عن جنس الفاط) المهم هو/هي كان بيستحق الشكر (دا رايي قبل وبعدالفطة).. علقت وحاتك .. وجاء بعدي واحد علق.. ردوا على العلق بعدي والكلام دا مثبت باليوم والساعة، المهم جات الفطة المقصودة ولا غير المقصودة وقعت في انا.. قاعدة مقهية شهر كامل مستنية الرد ما ردوا على والبوست (حتل)..وحتل معاهو البرستيج والسيلف ستيم بتاعي.. طبعا مفرود تلك الفطة كان قاسيا على .. تعرفي ليه؟ كان البوست بتاعي"لوطنة العالم" شغال جديد، والناس بين قلة قبلانة ومؤيدة واخرى رافضة.. يبدو ان زولي/زولتي كانوا من القلة الرافضة المغسة الفاطيني دا كتاب ونفسي اتداخل معاهو بس والله الفطة واقفة لي زي عضم اب قبيح في حلقي لي يوم الليلة.. اخيرا جاء الرد والعذر معاه.. ماشين سوا..بعد ثلاثين يوما حسوما. الفطة التانية كانت اخف من دي.. (عشان جلدي تخن واخدت مناعة في الفط) واحد فاتح بوست في كاتب عملاق.. غزيت البوست اكتر من تلاتة مرات .. ما اشتغل بي شغلة.. وحاتك خلا البوست حتل لي يوم الليلة ما ظهر واظنو اتارشف ذاتو بعدها بقيت زي الاطرش (نص كم) في الزفة.. مشاركاتي قاصرة على بوستات معنية واسماء معينة..ناس تتشاكل .. تحرق ..تغرق سادة دي بطينة ودي بعجينة.. ضد رغبتي تماماَ.. اصلو بيني وبينك عُوَّارة الجوف دي ما في طريقة حك ليها.. وبس ... بس والله كانت هناك احلي فطة تداخلت في بوست الترحيب بالشاعر العظيم فضيلي جماع..(القصة هنا ح اقولها عديييل) وكان عدد زوار البوست كبير.. وسقط اسمي اقول سقط لان شاعرنا العظيم الذي اكن له كل الود.. بادر بارسال ايميل يعتذر فيه بشدة عن الخطأ الذي حدث..مع اني يشهد الله لم اتوقع منه هذا التصرف الذي اكبرته تماما.. صحيح انا لم اتداخل في قصائد فضيلي.. لاحساسي بانني لن اضيف شيئا جديدا.. بالرغم من متابعتي اللصيقة..واعجابي الذي يمنعني من المشاركة.. بس ناوية اتغلب عليهو واشارك ولومرة بالتعليق على قصائد ذلك الرجل الذي عطر سماوات حياتنا.. فتك بعافية المفطوطة

وبعد تجربة حليمة الحبيبة مع ال(فط) أنام قريرة العين هانئتها ..

سألتني الحبيبة لنا :

Quote: هل يستقيم عقلاً أن (نفط) بعضنا بدون مبررات وتوضيحات ؟

لا ، طبعآ
هذا سلوك ينم عن عوز في الوعي الديمقراطي

قد يكون عندي رأي سلبي في زميل هنا
وممكن جدآ أفطه على مستوى التعامل الشخصي
لكني لن أسفه رأيه
ولن اغمطه حقه في طرح رايه


يمكن للحوار أن يمتد في كل الظروف
طالما ظل التناول محترمآ

اللهم لا شماتة

الاخت لـــنا
سلامات
لو لاحظتى فى اي بوست بتلقى لو عدد الردود 10 بتلقى عدد
القراء او المتصفحين 1010
كم من القراء كانوا عايزين يردوا بتلقى الواحد يضغط على
كلمة رد ، الا يقولوا ليهو هوووي انت ما عندك اشتراك .
اما اعضاء البورد كل واحد جارى يشوف بوستيهو كان فيها شوية
ردود علها تكفيه شر الحيرة .
واذا ما لقي رد ..... قال UP

فتك عافية .

UP

لنا مهدي

الفط بيكون لأسباب عديدة منها على سبيل المثال لا الحصر:

1. انو الزول ده ما بدورو معاك.
2. كلامك كان صاح لدرجة انو ما قدر يرد عليهو.
3. صاحب البوست عشمان فيك ولمن اختلفت معاه في المداخلة اياها حب يحيدك ويرد عليك في مداخلات/مواضيع أخرى.
4. حصل الفط سهوا

انتو فكروا بايجابية واختارو رقم اثنين او ثلاثة.


والله يقدرك تفطي المداخلة دي




---------
حليمة المفطوطة ..والله فطاتك وجعوني بالحيل

Quote: لنا مهدي الفط بيكون لأسباب عديدة منها على سبيل المثال لا الحصر: 1. انو الزول ده ما بدورو معاك. 2. كلامك كان صاح لدرجة انو ما قدر يرد عليهو. 3. صاحب البوست عشمان فيك ولمن اختلفت معاه في المداخلة اياها حب يحيدك ويرد عليك في مداخلات/مواضيع أخرى. 4. حصل الفط سهوا انتو فكروا بايجابية واختارو رقم اثنين او ثلاثة.

الفط الإيجابي يا خوي أبو حريرة دة فلسفة جديدة بالجد

Quote: والله يقدرك تفطي المداخلة دي

لا حيلة في أمر الله عملات حبوبة..بقدر أفط زول أنا؟؟

Quote: --------- حليمة المفطوطة ..والله فطاتك وجعوني بالحيل

قلت لي خليمة الشاف فطات الناس تهون عليهو فطاتو

Quote: الاخت لـــنا سلامات لو لاحظتى فى اي بوست بتلقى لو عدد الردود 10 بتلقى عدد القراء او المتصفحين 1010 كم من القراء كانوا عايزين يردوا بتلقى الواحد يضغط على كلمة رد ، الا يقولوا ليهو هوووي انت ما عندك اشتراك . اما اعضاء البورد كل واحد جارى يشوف بوستيهو كان فيها شوية ردود علها تكفيه شر الحيرة . واذا ما لقي رد ..... قال UP فتك عافية .

الUPدة نظام رفع معنويات لنفسي بي نفسي يا عبدالدائم
أضحك الله سنك أضحكتني يا حبيب

لنا كيفنك
انا مع كلام فيصل نوبي الفوق دة
بس حتى لو كانت مقصودة دة نوع من الاقصاء
وهو مرفوض تماما

Quote: لنا كيفنك انا مع كلام فيصل نوبي الفوق دة بس حتى لو كانت مقصودة دة نوع من الاقصاء وهو مرفوض تماما

والبزعل لو جات ممن يتبنون سياسات عدم الإقصاء و الديمقراطية إلخ إلخ
شكراً أخي الحبيب طارق

الاخت لنا

او ل حاجة انا اتفطيت في بوستك الاخير بتاع الصادق المهدي وقناة الجزير
ورغم عن اني ذكرت كلام خطير جدا ومن قيادة من قيادات حزب الامة وهو ما زال حي ويتمتع بصحة جيدة
لكن الفطة حصلت

ولما تلقي الاجابة اديني خبر
عن الموضوع بشكل عام

من الحاجات المحيراني
اخوما محمد حامد جمعة
ده يا ريت لو بفطني
ده بيخلي لي البوست عديل لمن عقدني
وهلم جرا

ولك من المودة ما يفيض

العزيزة لنا

سلامات
اعتدت دائما على الرد على كل من يتداخل في بوستي لانه بعدو ضيفي

اذكر كم مرة فطوني.. واحد فطاني في المنبر ورسل شكرني في
الماسنجر عشان كومو صنمو العدو حقي هنا وخايف يقولو ظلامي وكدا..
عشان كدا عملت بوست احساس العشيقة...
بعدين فطتني واحدة مفلهمة كدي..عاملة زولة عظيمة وداخلة في شخصية
طوالي مسحت مداخلتي لما حسيت انها غير مرغوب فيها..
رغم انها مجاملة كانت.. ما شكلة...
ودي علاجي اي زول يفطني في بوست مجاملة
بمشي امسح حنان المداخلة..
طبعا في ناس بيجو يكتبو ليك فوق في البوست
اها ديل مرات الزول ما بشوفهم..
ويقع في اللوم معاهم...عشان كدا كثيرا ما افلي البوست
عشان ما اغلط في زول..

وراي ان الشلليات تحكم الردود وتتحكم فيها بصورة كبيرة
جدا جدا.. حيث ان الشخصية المنبرية هي شخصية انا مع غزية
ان غزت غزوت وكان رشدت كمان رشدت
الحب بالكوم والكره بالكوم...
الايام دي مفكرة اشيل "منوبوزي" واشتت من البورد..
ولك الود يا ستي...

Quote: العزيزة لنا سلامات اعتدت دائما على الرد على كل من يتداخل في بوستي لانه بعدو ضيفي اذكر كم مرة فطوني.. واحد فطاني في المنبر ورسل شكرني في الماسنجر عشان كومو صنمو العدو حقي هنا وخايف يقولو ظلامي وكدا.. عشان كدا عملت بوست احساس العشيقة... بعدين فطتني واحدة مفلهمة كدي..عاملة زولة عظيمة وداخلة في شخصية طوالي مسحت مداخلتي لما حسيت انها غير مرغوب فيها.. رغم انها مجاملة كانت.. ما شكلة... ودي علاجي اي زول يفطني في بوست مجاملة بمشي امسح حنان المداخلة.. طبعا في ناس بيجو يكتبو ليك فوق في البوست اها ديل مرات الزول ما بشوفهم.. ويقع في اللوم معاهم...عشان كدا كثيرا ما افلي البوست عشان ما اغلط في زول.. وراي ان الشلليات تحكم الردود وتتحكم فيها بصورة كبيرة جدا جدا.. حيث ان الشخصية المنبرية هي شخصية انا مع غزية ان غزت غزوت وكان رشدت كمان رشدت الحب بالكوم والكره بالكوم... الايام دي مفكرة اشيل "منوبوزي" واشتت من البورد.. ولك الود يا ستي...

يعني صديقة عرفية ولا شنو يعني يا بيان ؟؟؟ـخير ال(فط) يا حبيبة كان كدي!!!!!!!!!!!!

يا أحباب: الحبيب دكتور محمد حسن شكلو زعلان قال فطيتو رغم انو و الله ما حصل
ولذلك و بناء على خطورة ظن ال(فط) أستميحكم عذراً أفطكم و أرد عليهو..
ويبدو ما قرأ ردي على عتابه لي في بوست آخر
يا دكتور لمن كتبت لي اني فطيتك اوضحت لك بل اعتذرت لك في نفس البوست اللي عاتبتني فيهو وقلت ليك ما فطيتك لكن برد بالترتيب على المتداخلين و ليك حق تحتج لو رديت على اللي داخلو بعدك وما رديت ليك....برغم انو موضوع البوست خاصتي عن الكمّل ردود على كل الناس و تداخلت له اكثر من مرة وما رد ليك و فطاك..في فرق شاسع بين الأمرين أنت حتى لم تنتبه أن آخرين لم أرد عليهم مثلك لأنكم ببساطة دوركم ما جاء.. و دي بتحصل في أرقى البوردات

Quote: من الحاجات المحيراني اخوما محمد حامد جمعة ده يا ريت لو بفطني ده بيخلي لي البوست عديل لمن عقدني وهلم جرا ولك من المودة ما يفيض

دة يبقى أدفانس (فط)
ويبقى التقدير

العزيزة لنا مهدي
واحد هنا فتح ليهو بوست فني
وطلب أنو الناس تنزل ليهو أغنية محور النقاش
والله أنا لا بعرفو ولا حصل اتداخلت معاهو
وحاتك اتخمخمت وجريت جبت الأغنيه ونزلتها وبهرجتها ليك
اشي زهور واشي حاجات كدا تلمع وختيت لنك الحفظ
يمين بالله فطاني ليك فطة السنين وما اشتغل بي الشغلة
والغريبه أنو متداخله معاهو واحده بس ( البوست خلاء )
يشيلوا ويردو علي بعض بقي زي المسنجر بتاع ياهو
وأنا بعاين زي تلاته يوم وهم شغالين
وبعد شويه البت زاتها زهجت واتخارجت
وبقي براهو يشيل ويرفع في البوست
والله ما كضبت مسحت المداخلة بكل الفيها ووديتها ليك الخور ( ما خور بكري )
وندمت علي شلاقتي وخفتي ورشاقتي
اقتنعت تماما انو المنبر دا كلو شلليات وكيمان
تحياتي وودي

لنا سلامات

Quote: هل خلاف وجهات النظر (يبيح) لنا (فط) بعضنا في الردود؟

طيب ايه رايك انا اجي ارحب بي زول
جديد يعني لسع ما كون وجهة نظر عشان انا اخالفه
يقوم يرد لي كل الناس وبالاسماء و يفطني انا
هذا من ناحية...
من ناحية اخري
لا اهتم اساسا بالزول الما برد لي
دا طبعي ...
انا متعود اعمل الحاجة الصاح
ومتعود اعمل الواجب
بهمني انا اعمل الحاجة دي ..في المقام الاول
عشان ارضي نفسي....وكذا المداخلات
بعملها عشان ارضي نفسي... لو رضت الزول
وعلق عليها كان جميلا... لو لم يفعل لا اخسر
شيئا... مش ده التصالح مع الذات زاتو

وبعدين ناس حليمة فطوهم مرة و مرتين
وانت مرة و كلكم زعلانين ... والله ما طالباني حليفة
انا لو فيه زول رد لي ساكت تكون دي الحاجة الغريبة يعني معاي
الاصل هو الفط... لو دايرة تتاكدي اعملي بحث باسمي وشوفي
اخر 10 بوستات شاركت فيها... وللا اجيب ليك اللنكات

الحبيبة لنا سلامات
الزعل مرفوع , وانت ما بفطوك , لكن باين لى ان
الخيل الحرة بتجى ورا والرد عليك جاى , والحبيب بجهز فغيهو
ما تستعجلى على رزقك(وجه باسم)
ويديك العافية , ولكى منى المحبة والود

الحبيبة لنا على قول الحبيب العمدة الذي يفطك فطيه

وعلى قول اهلنا

البدورك دورو والبخليك خلو اوعك ترخص نفسك تمشي تتعذر لو

غايتو يالنا ماحتكلم
بس عاينى

Quote: الحبيبة لنا على قول الحبيب العمدة الذي يفطك فطيه وعلى قول اهلنا البدورك دورو والبخليك خلو اوعك ترخص نفسك تمشي تتعذر لو

الحبيب العجيل
قت كدي؟
عُلم و ينفذ فوراً
محبتي

Quote: الحبيبة لنا سلامات الزعل مرفوع , وانت ما بفطوك , لكن باين لى ان الخيل الحرة بتجى ورا والرد عليك جاى , والحبيب بجهز فغيهو ما تستعجلى على رزقك(وجه باسم) ويديك العافية , ولكى منى المحبة والود

الحبيب عبدالمنعم
أحسن حاجة فيك بتفترض الخير في الناس حتى لو ما كانو كدة
محبتي و تقديري
لنا

أولن بالتبادي بالله لو فطيت زول هنا بدون قصد نبهو أختكم
نجي للحبيب ولي الدين وقصته الغريبة:

Quote: طيب ايه رايك انا اجي ارحب بي زول جديد يعني لسع ما كون وجهة نظر عشان انا اخالفه يقوم يرد لي كل الناس وبالاسماء و يفطني انا هذا من ناحية... من ناحية اخري لا اهتم اساسا بالزول الما برد لي دا طبعي ... انا متعود اعمل الحاجة الصاح ومتعود اعمل الواجب بهمني انا اعمل الحاجة دي ..في المقام الاول عشان ارضي نفسي....وكذا المداخلات بعملها عشان ارضي نفسي... لو رضت الزول وعلق عليها كان جميلا... لو لم يفعل لا اخسر شيئا... مش ده التصالح مع الذات زاتو وبعدين ناس حليمة فطوهم مرة و مرتين وانت مرة و كلكم زعلانين ... والله ما طالباني حليفة انا لو فيه زول رد لي ساكت تكون دي الحاجة الغريبة يعني معاي الاصل هو الفط... لو دايرة تتاكدي اعملي بحث باسمي وشوفي اخر 10 بوستات شاركت فيها... وللا اجيب ليك اللنكات

ياخوانا دي حالة دي؟تراهو ال(فط) بقى هو الشائع كما في حالة المظلوم جداً ولي الدين لدرجة إنو الحبيب لو ما فطوهو هو الإستثناء؟!!!!!!!!!!!ولي الدين مافي علاج ناجع؟؟؟

Quote: وبعدين ناس حليمة فطوهم مرة و مرتين

ابدا يا دكتور .. القاليك منو فطتين..
في فطة حارة خلاص نسيت ما اذكرها فطيتني ليها
انت ذاتك..
في بوست الهايفات واخواتها.. اخر مداخلة لي
عن العادات السيئة.. ركبت المداخلة على راي
الاسيويين في الرياض.. انا في يركب مداخلة
جوة بوست ، انت في موجود.. انا في يشوف
قاإد.. بس انت مافي كلام... الا تووووووول
بوست راه ارشيف.. بأدين انت في يرجع..بوست
تاني وانا ما في كلام..
وبس انا ما في شكرا.. ليش؟
الإلم إند الله..
بأدين انا ما في يكتب.. انا في
وَقَف..
تخريمة..
اي حاجة لشرح المفردات اتصل على او
على الاخ عمر الفاروق اصلو ضليع في
اللهجة الهجين دي..
مودتي.. والله يقيك شر الفطات .. الخلت
الفطة عندك حاجة ساااااهلة زي شراب الموية

مودتي ..
حليمة

Quote: العزيزة لنا مهدي واحد هنا فتح ليهو بوست فني وطلب أنو الناس تنزل ليهو أغنية محور النقاش والله أنا لا بعرفو ولا حصل اتداخلت معاهو وحاتك اتخمخمت وجريت جبت الأغنيه ونزلتها وبهرجتها ليك اشي زهور واشي حاجات كدا تلمع وختيت لنك الحفظ يمين بالله فطاني ليك فطة السنين وما اشتغل بي الشغلة والغريبه أنو متداخله معاهو واحده بس ( البوست خلاء ) يشيلوا ويردو علي بعض بقي زي المسنجر بتاع ياهو وأنا بعاين زي تلاته يوم وهم شغالين وبعد شويه البت زاتها زهجت واتخارجت وبقي براهو يشيل ويرفع في البوست والله ما كضبت مسحت المداخلة بكل الفيها ووديتها ليك الخور ( ما خور بكري ) وندمت علي شلاقتي وخفتي ورشاقتي اقتنعت تماما انو المنبر دا كلو شلليات وكيمان تحياتي وودي

والله يا معاوية يا أخوي الحبيب ما عجبني ليك بس الله يعظم الأجر و يديك على قدر نيتك..كدي (نستصحب) كلام أبو حريرة و نقدم حسن النية؛ إمكن ما شافوك؟

الاخت لنا
تحية طيبة
شوفي ود لعمدة فطاني...حتى في هذا البوست

وفي مقاطعة شاملة لبوستاتى رغم ان جلها في الشان العام ما عدا مشاركةالقليل من القوى الفاعلة والحية تشارك مرة مرة
وكلام الحب كلو قلتوهو بس كلامي انا الما عرفتوه

البورد لا يريد ان يتجاوز دروه كساحة علاقات عامة
ونحن السودانيين بنحب الونسة وخاصة القطيعة وتطورت من المسنجر الى البورد مش كده
وتاثير ثقافة التغييب وكراهية الوعي والثقافة هي من اكبر المؤامرات على الشعب السودان والحط من حياة الفكر والشعور الي حياة البوبار والغرور الاجوف

معليش اذا كان الكلام جارح
لكنه الحقيقة

Quote: هل كلامنا عن كوننا (أسرة) واحدة محض هراء و كلام منابر (ساكت)؟؟؟

نعم يا لنا بت المهدى
فى السياسه مافى اسره فى شلليه
ودا طبعا غلط ... لكن نقول شنو

وانا ملاحظ يا الاميره لنا
انو بوستاتك دايما بتجمع الناس الحلويين
اسع عليك الله شوفى عادل امين دا

Quote: الخلايا النائمه فى البورد

والله ضحكت لمن مصارينى وجعونى
الله يجازى محنك يا مسخوت

وتعالى شوفى دكتوره بيان قال شنو لمن ترد لى واحد ويفطها

Quote: امسح حنان المداخله

عليك الله يا لنا فى اجمل من الكلام دا
غايتو ناس سمحين لمن مجانين عديل كدا
الله يجازى شيطانكم

بت المهدى الحبيبة
الانصارية الجسورة
اشواق كتيرااااات
والله ما عارفة ليه ما فكرت فى البوست ده قبلك
اريتوا فط العدو لكن وحاتك انت جبت ورقة وقلم وكتبت كل زول
ناسوا منو ؟؟؟
شلتوا منو ؟؟
الطمبارة منو ؟؟؟ الطمبارة ديل بطمبروا بدون فهم لاى شىء .
وديل ما تعديش وعملت حسابى منهم وارتحت نفسيا .
والله قدرك ردى براى مخالف , يومك اسود .
ومرة رديت رد مخالف تماما لراى كاتب/ة البوست جانى مسنجر مولول ويا ريت لو من صاحب/ة
البوست من زول تانى واختك جبانة جريت جرية واحدة وتلاتة يوم من الزعل ما فتحت الكمبيوتر .
اخير فطتك .
وتشوفى فطت غيرك تهون عليك فطتك
حبى الشديد
وتحياتى للاسرة
ام وضاح

لنا العزيزة

لك التحية مرة ومرات كثيرة
امثالك يؤكد لى ان الدنيا ما زالت بخير

الديمفراطية طريق شائك وطويل

ما زلنا نحن نحاول تلمس بداياته

وسؤالك المطروح هنا خير دليل على ذلك

القصة دايرة صبر لكن معاه كمان دراية وتعليم وتوارث خبرات و و...

لك ودى

رباب

الاميرة لنا
وكافة قبائل المفطوطين فى العالَمَين ( الاسفيرى و..التسفيرى)

سلام المِحْنَة
الفط ظاهرة مكرورة. وبمكن القياس عليها( قيل: والاتكال عليها ايضا فى قادم الفطات) وقد بدأت ( تاريخيا) خارج اطار الاسافير، كضرب من الحاجة التلقائية للتعويض عن احساس بالدونية وسط جمهرة من الانداد، حالة تفوقهم علينا فى منحى حياتى، لم يكن فى مقدورنا الاقتراب منه، او حجز مقعد لنا فى ناديه.

ويبدأ استخدام الفط فى مراحل رضاعة العلم الاولى ( وقيل قبل ذلك ايضا) فأول الفصل دائما مفطوط !! والشطار أهلٌ للفط، بجامع الشطارة فى كلٍّ والبلداء من امثالنا كانوا دائما يتجمعون فى مكان قصى من البوفيه يشملهم صحن البوش برحمته، وتجد للشطار واذنابهم اتكاءة على انغام هارمونيكا الساندويتش بعيدا عن عهن البلداء المنفوش. وهم ( الشطار) دائما مايُكَوِّنون عصب صداقاتهم مع شطار آخرين، مفطوطين من فصول اخرى. وقلما تجد لاول الفصل صديق من داخل الفصل نفسه ،الا ايام الامتحانات، حيث تبرز ( حوائج) ملحة فى الشف والتبصيص. وتلك تعتبر ايام ازدهار بضاعتهم وفيها يتذوقون لاول مرة طعم صلاة الفول فى جماعة، ويستمتعون برد التحية.

وبتطور الحياة تطورت اساليب الفط ايضا (كضربة لازب) فشملت صفوفا من البشر، يلعبون فى الجانب الآخر من الميدان ومشجعيهم معهم، حتى وان كانو اخوانا لنا فى الرضاع ( والرضاع هنا معنى به رضاع الصغير .. لذا ممنوع جيب الهواء) كما شملت صنوفا من الناس، يختلف اتجاه الشلوخ فى وجوههم ،عن وجهات شلوخنا، حتى وان لم تختلف نظراتهم للحياة عن وجهات نظرنا ( وقيل الوان بشرتنا تحدد درجة فطنا لذا وجب الانتباه)

ولما فتح الله علينا بفضله، وتأسفرنا، كبقية خلق الله، فان اول ما نقلناه معنا من متاعنا القديم هو كتاب (الفط الكبير). وراج بيننا ان صلة قوية تجمع (المفطوط) ب (المخطوط)، ليس حالة كون المخطوط يعبر، اولا يعبر، عن شى بل حالة كون صاحبه لم يجاملنا فى ولادة نعجتنا، لذا لن نشيل معه الفاتحة فى موت امه عليها الرحمة. ولا نكتفى بذلك القدر من الاهمال والفط، بل نتدافع ذرافات ووحدانا وعبر نواقل الرسائل ( الفرنجة تسميها الماسنجرز) نتنادى على ان الفط فرض عين، وواجب على كل قادر، وان من لم يفط معنا، ربما يدخل فى عداد المفطوطين مستقبلا، والله اكبر و... العزة للسودان.

محبتى
منعم الجزولى

العــزيزة لنا
ســلامات

بما أنني من أكثر الأعضاء " فطا " ، ولا ألوم أحد بل ألوم نفسي ، أرجو أن تسمحي لي بالمداخلة التالية ، وعليك الله يا بتي ما "تفطيني" .
قبل إنضمامي لمنبر (sudaneseonline.com) كنت عضوا في منبر(Sudan Discussion) الذي تناقش موضوعاته باللغة الإنجليزية وكان وقتي لا يسمح لي بمتابعة المنتديات السودانية الأخرى ولغيابي من السودان لأكثر من 35 سنة لم أكن أدرك عقليات الشباب الذين يكتبون في تلك المنتديات. ولكن أحد أبنائي لفت نظري إلى هذا المنتدى وطلب مني أن أطلب عضويته. وتقدمت بطلبي مباشرة للإبن بكري أبوبكر الذي تكرم مشكورا بمنحي العضوية. ولغفلتي وعدم خبرتي دخلت المنبر "تـوش" دون أن أقرأ الموضوعات التي يطرحها الأعضاء ودون أن أطلب الترحيب بانضمامي وبالتالي لم يرحب بي أحد . ولعدم معرفتي "بخارطة الألغام " في المنبر كان أول موضوع لي ، إن لم تخني الذاكرة ، عن ضرورة الإحترام المتبادل وقبول الرأي الآخر مدعما بالآيات القرآنية والأحاديث ، والذي ترك دون شك انطباعا لدى بعض الأعضاء جعلهم تصنيفي حسب هواهم. ومما زاد "الطين بلة" كنت في بداية انضمامي أخاطب الأعضاء عند مداخلاتي بكلمة "يا مولاي" وأقصد بها "يا سيدي " من باب الاحترام. إلا أن أحد الأعضاء لفت نظري باسلوب جميل ومهذب بأن لا أخاطبه بكلمة مولاي التي قد تجعل الناس يصنفونه " كوز " . هذه اللفتة بالإضافة إلى متابعتي لمنحى الطرح والنقاش في المنبر جعلتني أرسم "خارطة ألغام" تقيني شر "الفط" وليتني أسلم. لي الآن حوالي عام ونصف في المنبر والحمد لله كسبت عددا من الأصدقاء من النوعين لم يسبق لي لقاءهم من قبل وأنا سعيد جدا بمعرفتهم . باختصار موضوع "الفط" في هذا المنبر يتعلق بالشلليات والتصنيف والصداقات.
أتعاطف معك جدا لشعورك بالمرارة من جـراء " الفط" .. فيا صحابي .. لنا دي باين عليها رقيقة وحساسة جدا فلا "تفطوها" يرحمكم الله.
تحياتي وصادق مودتي .

هسع الناس دي كلها فاطاها مالك يا لنا وما رديتي ليهم
و بالاخص مولانا جعفر اسماعيل... والجزولي

لنوية الحبيبة !!!

مشتاقة ,,,

كلما أسمع صوتك عبر الهاتف أتذكر أغنية سيد خليفة يا صوتها لما سرى عبر الأثير معطرا ,,,

لنا : الفط أنواع ,, أحيانا بيكون بدون قصد أو سهوا وأعتقد هذا ما حدث معك عشان الزيك ما بفطوها,,

أما الفط العمد مع سبق الإصرار والترصد وأنا أمارس هذا النوع من الفط بكون لعدة أسباب منها معرفتي

الشخصية صاحب المداخلة وبكون عارفة إنو بقصد شنو من اختلافه معاك في الراي ,, النوع التاني بيكون

بهاجمك من أجل الهجوم أو لشيء في نفس يعقوب فالأفضل أن تفطه لكي لا تنزلق في مهاترات النوع التالت

بكون لسانو طويل جدا وصفيق وحاسدك عل نجاح البوست وعايز يجرجرك في متاهات يقلل بها من شأنك ومن

شأن البوست لذلك من الأفضل إنك تفطوا وتفط حنانو زي ما قالت بيان ولا شنو يا ست الحبايب ,, رأيك

يهمني ,,,

الإبن العـــزيز مولاي والي الدين

ســلامات

مشكور جدا على التضامن .. تســلم يا الحبيب

تحياتي وفائق تقديري واحترامي.

اختنا لنا

والله اخوك فطسوا عديل مش فطو

على كل حال فطة تفوت ولا حد يموت

بس بيني وبينك
نحن نفسنا طويييييييييييييل