خسارة: لونها بقى BlackوشعرهاCurly!

خسارة: لونها بقى BlackوشعرهاCurly!
أوقعتني (الأقدار) أو فلنقل (الحظوظ التعسة) بين يدي فلبينية من إياهن؛ اللائي يزجين وقتهن في (استنطاق) و (استجواب) الزبونات و الثرثرة ريثما تقضي الزبونة غرضها الذي يممت لأجله المكان.
قالت لي محدجة إياي بنظرة فاحصة (مدام..إنتي سودانية)؟
قلت بصوت عالي (نعم) بينما بصوت منخفض دمدمت: (الشكية لي الله أصلاً يا لنا كون حظك مهبب ما دايرة درس عصُر!!حسة شايفاكي لابسة ساري هندي ولا في جنسية تانية بتتكمكم بالتوب بنفس طريقتنا؟!)
Oh my God!""
صرخت بجوار أذني حتى كدت أصاب بالصمم -ويبدو أنها قد وجدت فيّ ضالتها- و أضافت:
"أختي متزوجة من سوداني..وأنجبوا بنتاً"
طيب حسة أنا مفترض (أبارك) ولا اعمل شنو بالضبط؟!!فكرت بغيظ!
وعند هذه التفصيلة (وأنجبوا بنتاً)امتزج صوتها برنة أسى ثم أكملت:
It is a big problem""
دهشت وفكرت: "بروبلم شنو في واطاتي الما أصبحت الليلة؟! البروبلم زواج أختها من سوداني أم كونهما أنجبا بنتاً؟!"
وسرعان ما انتشلتني من حيرتي مكملة:
"عندما ولدت ابنة شقيقتي كان لونها whiteوشعرهاstraightولكن..."
عندها برق الفهم في عقلي المكدود وأضاءه كلمبة نيون،عرفت "ولكن" دي سببها شنو!
أكملت الفلبينية التي وجدتني (ضحية) نموذجية لثرثرتها:
"ولكن بعد عدة شهور
Her hair has become curly while she turned out to be soooo
black"
وعندها لم تترك رنات الأسى أي فرصة لأي شعور آخر يمتزج بكلماتها!
يعني الفلبينية زعلانة على بنية أختها العرست سوداني لأنها (طفت) فرحتهم بها بعد عدة أشهر من ولادتها لأن شعرها (بقى) كيرلي مجعد و لونها (اتقلبن) أسمر..
و"أسمر" دي ما من عندي لكن ترجمتي لكلامها عن البلاك حيث أن سيادتها التفت لي قائلة بنبرة العالم الواثق:
"You are somewhat white"
صم واط؟يصمصم كبدتك
"داعيتها في سري"وضحكت كثيراً متذكرة شكلاتنا في سودانيز عن القبائل و الأعراق و العروبة و الأفريقانية، بينما ضحكت أكثر مفكرة كيف أننا كسودانيين كلنا في نظر الجنسيات البيضاء و الصفراء و الحمراء و البنفسجية (بلاك) مهما حاولنا أن نتبرأ من ذلك و مهما اقتنعنا أننا قمحيين أو صفر أو سمر قليلاً؛ قبل أن (تواجهنا) فلبينية ثرثارة ذات مرة أننا
Somewhat white

وعندها التفت للفلبينية وقلت:

"Sudanese are proud of their colors, homeland, and everything related to their culture and civilization"
خلت نفسي (ألقمتها حجراً)؛ إلى أن التفتُّ لها و رأيت النظرة المشككة تملأ عينيها!

جيبي تلفونها اديو لي بشاشا عشان تاني ما تنطق حرف كارهة نفسها دي

سلامات يا أميرة.

Quote: جيبي تلفونها اديو لي بشاشا عشان تاني ما تنطق حرف كارهة نفسها دي

بس فاتت عليْ دي يا نوبي أخوي
تقديري.

Quote: "Sudanese are proud of their colors, homeland, and everything related to their culture and civilization

بلاااااااااي

Quote: Quote: Quote: "Sudanese are proud of their colors, homeland, and everything related to their culture and civilization بلاااااااااي

واللااااااااي

Quote: "Sudanese are proud of their colors, homeland, and everything related to their culture and civilization

مش صح يا عبداللطيف أخوي؟

العزيزة لنا مهدي ..لك التحية

Quote: "You are somewhat white"

اها اوريكي كيف بيقولوها الخواجات الجد ..
مرة قال صيدلاني ليبرالي و انا بقول ليهو
We Black people

قام مقاطعني :
BUT YOUR ARE NOT SO BLACK

زوليك مفتكرني حانبسط منو

رديت ليهو بزعل سودانيين

WE BLACK PEOPLE
WE WE ARE SO BLACK AS COAL ..AS JET

Quote: مش صح يا عبداللطيف أخوي؟

لا صح يا لنا ..
و خاصة مع الاجانب ..

Quote: العزيزة لنا مهدي ..لك التحية Quote: Quote: "You are somewhat white" اها اوريكي كيف بيقولوها الخواجات الجد .. مرة قال صيدلاني ليبرالي و انا بقول ليهو We Black people قام مقاطعني : BUT YOUR ARE NOT SO BLACK زوليك مفتكرني حانبسط منو رديت ليهو بزعل سودانيين WE BLACK PEOPLE WE WE ARE SO BLACK AS COAL ..AS JET

عفيت منك محمدين أخوي أنحنا خلطة أفريقية عربية و مسألة اللون دي مفترض ما تعقدنا! عارف الخواجة قال ليك كدة على خلفية إنك تتبسط زي ما قلت لأنه فاكر العكس ح يزعلك!

Quote: Quote: Quote: مش صح يا عبداللطيف أخوي؟ لا صح يا لنا .. و خاصة مع الاجانب ..

عارف في أي منعطف يكون فيه تحدي أو استفزاز متعمد أو غير متعمد طوالي الكلام دة بيكون في خشم أي سوداني ولا شعورياً بيقولو!
صح و خاصة مع الأجانب

طبعا يا لنا لوشفت البت كنت حتولي ليها
( بري يا بت امي دي ما Black دي قرين Green خدرتها ناعم
وكمان ماشاء الله شهرها ما خشن بتمسك بالبينسة)

يا omewhat

Quote: طبعا يا لنا لوشفت البت كنت حتولي ليها ( بري يا بت امي دي ما Black دي قرين Green خدرتها ناعم وكمان ماشاء الله شهرها ما خشن بتمسك بالبينسة) يا omewhat

وكنت يا دكتور بقول ليها و خاتفة لونين كمان ما زرقة وشعرها (خمري) رطوبة البلد دي المبشتناهو

لنا تحياتي

بالمناسبة الفلبنيين زاتم لحم رأس...

أولا هم خليط من أجناس كتيرة كانت مستعمرة الفلبين

زي اليابانيين والإسبان...ومؤخرا دخل عليهم الصينيين بكثافة

الأشكال اللي شايفنها قدامنا في دول الخليج ما بتعبر عن

الفلبينيين الأصليين.اللي ظاهرين ديل هم نتاج الهجين الياباني

والصيني والأسباني...

المفارقة الغريبة إنو الفلبينيين الأصليين وبيسموهم "سكان الجبال"

هم اللي محتفظين بالسحنات الأصلية وهم الأقرب في الشكل للسودانية من ما

جميعو...اللون,الشعر المجعد , النخرين الفطس......الخ

مرة صدفة زملانا بالشركة الفلبينيين بيضحكوا معاي قالو لي

تعال سلم على السوداني دا وفعلا إنخدعت وبعدما كملوا ضحكتهم

علي عرفت منهم معلومة "سكان الجبال".

يمكن برضو سكنى الجبال تعني حاجة تاريخيا كهروب من بطش المستعمر الإسباني (400 سنة)

والمشهور في مناطق عدة من العالم (أمريكاالجنوبية مثلا) بإبادته الجماعية

للسكان الأصليين ومن بعدهم الإستعمار الياباني المشهور بإساءته للنساء

وإستعمالهم كادوات متعة للجنود كما حصل في الصين وكوريا و....الخ أيضا.

يبقي هسع دي عندك رد جاهز كان قابلتي الفلبينية "العنصرية" دي تاني :

"أسكتي يا جلابية...." وليك علي كان فتحت خشما معاك تاني.

Quote: لنا تحياتي بالمناسبة الفلبنيين زاتم لحم رأس... أولا هم خليط من أجناس كتيرة كانت مستعمرة الفلبين زي اليابانيين والإسبان...ومؤخرا دخل عليهم الصينيين بكثافة الأشكال اللي شايفنها قدامنا في دول الخليج ما بتعبر عن الفلبينيين الأصليين.اللي ظاهرين ديل هم نتاج الهجين الياباني والصيني والأسباني... المفارقة الغريبة إنو الفلبينيين الأصليين وبيسموهم "سكان الجبال" هم اللي محتفظين بالسحنات الأصلية وهم الأقرب في الشكل للسودانية من ما جميعو...اللون,الشعر المجعد , النخرين الفطس......الخ .

هيْ يايابا الإستلمتني دي بس اللون و الشعر الاستريت لكن العيون دقاق و النخرين ما دقاق!

Quote: مرة صدفة زملانا بالشركة الفلبينيين بيضحكوا معاي قالو لي تعال سلم على السوداني دا وفعلا إنخدعت وبعدما كملوا ضحكتهم علي عرفت منهم معلومة "سكان الجبال". يمكن برضو سكنى الجبال تعني حاجة تاريخيا كهروب من بطش المستعمر الإسباني (400 سنة) والمشهور في مناطق عدة من العالم (أمريكاالجنوبية مثلا) بإبادته الجماعية للسكان الأصليين ومن بعدهم الإستعمار الياباني المشهور بإساءته للنساء وإستعمالهم كادوات متعة للجنود كما حصل في الصين وكوريا و....الخ أيضا

يعني بيشبهونا لدرجة اتخدعت أنت فيهم يا ابوخالد؟؟..قادر الله..الزولة سبب البوست دي أدتني إحساس إنه لولا (حظها المنيّل) الجابها الخليج ما كانت لاقت (أمثالنا)!!!

Quote: يبقي هسع دي عندك رد جاهز كان قابلتي الفلبينية "العنصرية" دي تاني : "أسكتي يا جلابية...." وليك علي كان فتحت خشما معاك تاني.

هذه الفقرة منقولة من أحد المواقع...فتأمل!!

Quote: مشهد لاحد الافلام الامريكية يظهر به محامي اسود وهو يعرض على قاضي المحكمة مقدار التشوه الذي اصاب نفسية الاطفال السود واحساسهم بالدونية من جراء لونهم امام اقرانهم البيض بأن قام بأحضار دميتين احداهما بيضاء والاخرى سوداء ، وقام بعمل مقارنة بين الاطفال البيض والسود حيث طلب من احد الاطفال البيض ان يختار الدمية الاجمل ، فأختار هذا الطفل دمية بيضاء ، ثم اعاد نفس الطلب على طفل اسود وطلب منه نفس الاختيار فأذا بالطفل الاسود يختار دمية بيضاء ايضا بأعتبارها هي الاجمل !

العزيزه لنا
تحياتي
انت الفلبينيه دي كنت معاها مهذبه جدا, دي كان انا كان وريتا العجب
واقول ليها نحن النسوان المجلوطات الزيكم ديل رجالنا بتنوا فيهم,تقوم طبعا
تكون دايره تعرف شمار مجلوطات ده معناه شنو ؟؟؟؟؟
وتنشغل بالتفكير في اختها ذاتها الما ماليه عيونا و المهدده بالتدبيل
مش بت اختها الهي زعلانها عليها.

لكن تعالي النحدثك هم فعلا هؤلاء الاسيوين ابهات عيون مشرطات اكثر عنصريه على فكره.
منذ فتره لو كنت هنا انا كتبت عن طفل افريقي سيذهب للتبني ونزع من اهله
وفعلا انتصرنا في الحفاظ عليه,مالم اقله ان الام اسيويه وهم طلاب الاثنين
واولاد ذوات زي ما بقولوا المصرين,يعني جاين كندا لدراسه على نفقتهم الخاصه
جزء من تعقيدات القصه انه البت دي ما قدرت تقول لاهلها انها حبت افريقي
بل وانجبت منه بت كمان!!!وهم ليس مقيمين معها هنا,قال فعلا ابوها لايمكن
يتصور انها احبت انسان اسود!!وحاتك هي ميته في دباديب ولدنا ولا شغاله
بالطفله ولا بغيرها...الولد كان برضوا خجلان من اهله الرسلوه يتعلم وسواها
ليهم شفع وقصص!!لكن لما قربوا ياخذوا بته اضطر ان يخبر اخته التي تدرس بامريكا ايضا
وبدورها اتصلت بامه(يبدو انه الاب صعب جدا) طوالي الام ركبت طايره الحمد لله
الناس ظروفها زي الورد وتخيلي طوالي الكندين ادوها الفيزا بعد ما راسلتهم
الجمعيه المعنيه بنزع الطفله وجات الحبوبه.....وفي الاول واجهتنا قصه
انه كل الناس المقحمين في القضيه ما كندين والكنديه الوحيده في القصه هي الطفله!!
والدوله الكنديه قالت بتهمنا بتنا دي بس!!شفت الهنا ده ومدة الاهتمام بالطفوله!!
المهم الحبوبه قالت انا باخذ الطفله,قالوا ليها لازم تثبتي لينا انه عندك بيت صحي ويليق
بابنتنا الكنديه دي,شفت المحن يا بت امي؟؟؟متخيلننا طبعا ساكنين في الشجر؟؟
المرأه لما جبات ليهم صور فيلاتها في افريقيا الجماعه آمنوا نوع قالوا WAW
معقول دي بيوتكم في افريقيا,قالت ليهم الحبوبه لا كلنا شحاتين ومتنظرين البيض يجوا يأكلونا
المهم يازوله..ادوها البت ورجعت,
لكن الفيلم في بتهم الآسيويه دي المتلقصه في ولدنا وحملت وولدت وابوها
ما عارف وسالي لسانه كمان!! قال بلاك قال!!

اها النضحك كمان قالوا هنا البيض بالذات الشباب بيقول اعن بناتهم البيمشوا مع السود
ًwhen she go blck she will never come back!!
وهم يقصدوا من جربت السود لن تعود لنا مرة آخرى..وفعلا تجدي من عرفت اسودا حتى لو اختلفت معه
فانها تحب اسود آخر,ولكنها يستحيل ان تحب ابيض ثاني!!

طبعا رجالنا حتنتفخ اوداجهم
ويقول لك ياعم الخواجيات بيموتوا فينا!!
انا بعتقد الموضوع غير كده
كل ما هنالك ان من كسرت حاجز العنصريه في دواخل نفسها مره فانها لو اخطأ بحقها الرجل
الذي تحب فانها تعرف انه فقط هكذا وليس كل رجال جنسه المعني وبالتالي قد لا تترد في
معرفة آخر من نفس اللون.




وبعيدا عن ذلك
وللذين ادعوا ان بشاشا كان خيقول للمرأه الفلبينيه يا كارهة ذاتك,اقول لهم
بشاشا لا علاقه له بالفلبينيه الخاله!! لكنه يقولها لبتنا المفعوصه دي لو بكره
نكرتنا وقالت انها فلبينيه بس زي ما بتعموا يا مدعي العروبه عاملين عرب
وناكرين الجزء الافريقي فيكم.

Quote: العزيزه لنا تحياتي انت الفلبينيه دي كنت معاها مهذبه جدا, دي كان انا كان وريتا العجب

الحبيبة تراجي
أنا ما غاظني زواج ود بلدي بالفلبينية في حد ذاته فهي حرية شخصية، لكن الغاظني بالجد نبرات الأسى والأسف البدت في كلام أخت زوجته، و الحسرة على المولودة الجديدة (عديمة الحظ) الرمت والدتها الأقدار في طريق زول من الناس (البلاك و شعورهم كيرلي)..تخيلي

Quote: لكن تعالي النحدثك هم فعلا هؤلاء الاسيوين ابهات عيون مشرطات اكثر عنصريه على فكره. منذ فتره لو كنت هنا انا كتبت عن طفل افريقي سيذهب للتبني ونزع من اهله وفعلا انتصرنا في الحفاظ عليه,مالم اقله ان الام اسيويه وهم طلاب الاثنين واولاد ذوات زي ما بقولوا المصرين,يعني جاين كندا لدراسه على نفقتهم الخاصه جزء من تعقيدات القصه انه البت دي ما قدرت تقول لاهلها انها حبت افريقي بل وانجبت منه بت كمان!!!وهم ليس مقيمين معها هنا,قال فعلا ابوها لايمكن يتصور انها احبت انسان اسود!!وحاتك هي ميته في دباديب ولدنا ولا شغاله بالطفله ولا بغيرها...الولد كان برضوا خجلان من اهله الرسلوه يتعلم وسواها ليهم شفع وقصص!!لكن لما قربوا ياخذوا بته اضطر ان يخبر اخته التي تدرس بامريكا ايضا وبدورها اتصلت بامه(يبدو انه الاب صعب جدا) طوالي الام ركبت طايره الحمد لله الناس ظروفها زي الورد وتخيلي طوالي الكندين ادوها الفيزا بعد ما راسلتهم الجمعيه المعنيه بنزع الطفله وجات الحبوبه.....وفي الاول واجهتنا قصه انه كل الناس المقحمين في القضيه ما كندين والكنديه الوحيده في القصه هي الطفله!! والدوله الكنديه قالت بتهمنا بتنا دي بس!!شفت الهنا ده ومدة الاهتمام بالطفوله!! المهم الحبوبه قالت انا باخذ الطفله,قالوا ليها لازم تثبتي لينا انه عندك بيت صحي ويليق بابنتنا الكنديه دي,شفت المحن يا بت امي؟؟؟متخيلننا طبعا ساكنين في الشجر؟؟ المرأه لما جبات ليهم صور فيلاتها في افريقيا الجماعه آمنوا نوع قالوا WAW معقول دي بيوتكم في افريقيا,قالت ليهم الحبوبه لا كلنا شحاتين ومتنظرين البيض يجوا يأكلونا المهم يازوله..ادوها البت ورجعت, لكن الفيلم في بتهم الآسيويه دي المتلقصه في ولدنا وحملت وولدت وابوها ما عارف وسالي لسانه كمان!! قال بلاك قال!!

تتذكري أيام مصر أكيد في الجامعة قابلتك الأسئلة الساذجة على غرار: (هوّة صحيح الأسود بيمشو في الشوارع مع الناس في السودان؟)و(عندو بيوت ولا بتنامو عالشجر؟)
ذكرني بالكلام دة كلامك عن الجماعة الكنديين القايلننا ساكنين في الشجر!

Quote: لكنه يقولها لبتنا المفعوصه دي لو بكره نكرتنا وقالت انها فلبينيه

صراحة بتنا المفعوصة بشعرها الكيرلي ولونها البلاك ما عندها أي فرصة تتبوبر بنصفها الفلبيني علينا

سكان الفلبين الاصليين.
شكرآ يا لنا مهدى هذه الحكاية المشحونة بالدلالات. العنصرية خطيرة. وممكن تخلى الاسود يكره لونه ونفسه وتراثه زى ما عمل مايكل جاكسون.
وزى ما بعملوا البنات بالكريمات لتفتيح جلودهن!

Quote: سكان الفلبين الاصليين. شكرآ يا لنا مهدى هذه الحكاية المشحونة بالدلالات. العنصرية خطيرة. وممكن تخلى الاسود يكره لونه ونفسه وتراثه زى ما عمل مايكل جاكسون. وزى ما بعملوا البنات بالكريمات لتفتيح جلودهن!

أخي الحبيب عادل
تحيات و تقدير
(الأيدي البيبسي كولا على الوجوه الميرندا ) أو ما معناه، كان عنوان تحقيق قرأته عن اللائي يحتفين ببياض البشرة الإصطناعي و يصير لون وجوههن أبيض بفعل الكريمات و المواد الكيميائية..الغريبة..هن أجمل بالوجوه الأبنوسية!
الصورة غير واضحة رجاء إعادة تنزيلها
لنا

لنا مهدي

صديقي الزلمة فلسطيني

سالني قال لي عارف يا خليل كل اطفال الوطن العربي بتولدوا في تسعة شهور ما عدا

يولد في عشرة شهور عارف ليهو

اجبته ما عارف

قال لي عشان ( اتحمص)

وزي ما قال مشكلتنا نحن عذاب الوسطية لا قدرنا نبقي عرب لا قدرنا نبقي افارقة

والله يازي الازانا

الحبيبة اميرتنا لنا... سلام

هى بالله فلبينيت الجن ما محظوظة
اللقتك اليوم داك مزاجك رايق ؟؟
طبعا بما اتت من قولا نكرا كان ممكن
(تبرطشيها) لما تقول الرووووووووب
بعدين انا حسب الشايفة الفلبينيات
ديل (مكسريييين) فينا.. هم دايرن
يتكسرو فينا وتبقى المشكلة لون
بشرتنا وشكل شعرنا؟؟؟ جنس محن !!!

تسلمى ياالاميرة

عوض حمزة