ايه الدنيا غير لمة ناس في خير ... بورداب الإمارات والاحتفال "بسيد الحوش الكبير" بكري أبوبكر ..

Post: #1
Title: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير" بكري أبوبكر ..
Author: خال فاطمة
Date: 12-24-2004, 03:46 AM

بكل الحب والترحاب السوداني الاصيل .. استقبلونا أخوتنا ناس الإمارات الشمالية .. بحفاؤة وبكرم سوداني اصيل ..
أول مرة اتعرف على اخوان عزاز بالحيل ..

سيد الحوش "بكري أبوبكر" تواضع بمعنى الكلمة
محمد السيد "صاحب كلمة الترحاب" "عمدة بورداب الإمارات الشمالية"
علي إسماعيل "تتمنا ان تتعمق به صلتك .. لروحه الطيبة"
الهلالابي الكبير .. تاج السر "من طيبته كانك تعرفه من زمن بعيد"
الجريفاوي "ذو البسمة الوسيمة .. والكرم الفياض"
عبس "والتقديم الرايع على المايك"
يعقوب "تربطني به علاقة جيرة .. واحسنها علاقة الجامع" .. مع تمنياتنا لرفيقة دربه أختنا لنا "بعأجل الشفاء"
شلبي "شباب وحيويه"
الزنجي "نتعارف .. بس لأول مرة اللقيه.. بس الزنجي هادي ورقيق .. عكس الصورة الكنت راسمها له"
الفنان بهاء الدين سليمان "لمحتك قلت بر آمن .. تمايلنا معها رقصاًواستماعاً وطرباً .. امتعتنا بهاء"
صلاح أبو حجل "لم تفارقه البسمة المريحه"
شاعرنا .. القدال .. آآآآآآآآآآآه .. "اهتزت الصالة مع كلماته القوية وتصفيقنا الحار"
شاعرنا.. الكتيابي "طلعت بينا قرابه"
بروفسير .. معـــز "معارف كتيرة تربطنا" " اجاد وابدع شعراً .. ومتعنا بحلو الونسة .. يااااااا معز الأنسان"
مهدي الأمين .. ياخ ما ممكن شاب ولا كل الشباب "نشترك في معشوقة واحدة ..الا وهي روائع مصطفى سيد أحمد رحمه الله "المخرج"
عبد الله بابكر .. قابلته منذ 88 واتذكرت أمس "م.مخرج"
أبو القنفد "وانتظار السماية للاسم الجديد"
فريد ود المسيد "دفعة شاعرنا القدال.."
مرتضى الزيلعي "تعارف اسري ومن الجامعة" "أضافة مميزة للبورد"
خالد عويس .. "ذو القلم .. المنتظرين منه كثير"
خال العيال .. "تمت مواجهته بالسؤال أين العيال؟"
هشام المجمر
تيراب
إيهاب مهاجر
عاطف عمر
بحــــر
معتـــز .."عيناااااوي تمام"
عجب الفيا..

أخواتنا الفاضلات .. زولا123456789 "ياريتني اقدر اقول فيك الكلام المانكتب" وبس ..
بنت الأحفاد 2001 .. ومني ليك 2005 .. "ست الذووووووق" بس غشتني اكلتني الشطةهههههههه
بت القبائل ... فعلاااااااااا اسم على مسما ...
ندى الأمين .. "دفعتي" ( عشان اجيب ليك الفرح رضيان مشيت للمستحيل ) اها ناس أبوظبي قصروا يا ندى ؟

أولاد العاصمة .. أبوظبي ..
الغالي الكريم ود الدااااامر .. "إينما يحل الجمال والروعه تجده"
الرايع عبد الرحمن سوركتي "ذو الاحساس المرهف"
ود الشيخ وحرمه المصون "رفيق الكرم"
ود القبائل .. "العضو المرتقب للانضمام للبورد"
عاطف موسى .. "العضو المرتقب للانضمام للبورد"
المسافر .. "ذو اللفته المميزة المســــافر"
محمد الواثق .. "ورائعة الحردلو"
القرير .. "محل الطنبور تجدوني"

أخواني / اخواتي .. اعذروني لو نسيت أخ أو أخت ... ولكم الود وخالص التحايا

وتدوم لقاءاتنا دوما في جو آلفه وحب وتواااااصل ...

ولقداااااااااااااااااااااااام ...

Post: #2
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 04:14 AM
Parent: #1

وشكرنا وتقديرنا للدكتور .. عمر عبد العزيز "اليمني" لتطرقه لخصوصية العلاقة المتينة بن السودانيين واليمنيين" ..

ونشكر كل الأخوان والأخوات .. الضيوف لمشاركتهم لنا الفرحه ...

وشكرنا وتقديرنا للحبيب سجيمان على اتصاله ومشاركتنا الفرحة من على البعد ..

وربنا يديم الأفرااااااااااااح ...

Post: #3
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 04:59 AM
Parent: #2

اتمنا من الله .. الجو الساد لمة بورداب الإمارات .. يسود البورد ... ويكون طقس البورد حب وحنان وتبادل أفكار .. وآلفه ومحبه ..

Post: #4
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: مريم بنت الحسين
Date: 12-24-2004, 05:12 AM
Parent: #1

الأخ خال فاطمة...

والله شكلها لمتكم تعجب... بختكم.. وعقبالنا احنا ناس الدوحة... ...

تحياتي للجميع...

بنت الحسين

Post: #5
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 05:46 AM
Parent: #4

فاقداكم بس يا أختي بت الحسين ...

وإن شاء الله نشوف تجمعكم يا ناس الدوحة..

ايه الدنيا غير لمة ناس في خير ..

Post: #6
Title: لمحــــتك .. بوجود الكتيابي ... وأبداااااااااع الرائع بهاء الدين ......
Author: خال فاطمة
Date: 12-24-2004, 07:10 AM
Parent: #5

لمحــــتك

لمحتك

قلت بر آمن ..بديت أحلم

ألملم قدرتى الباقية

وأشد ساعد على المجداف

تلوّح لى .. مدن عينيك

وترفع لى منارة بسمتك .. سارية

وبديت أحلم

***********

كل ما الريح .. تطارد الموج

أزيد إصرار وأحلف بيك

أغير سكة التيار

وأقول يا إنتى .. يا أغرق

الوح لى مدن عينيك تلوح لى

أخاف الضفة ترجع

بيك قبل اتلحق

أخاف غيم المنىالشايل

تسوقو الريح .. ويتفرق

اخاف واخاف ..

*************

وأشد ساعد على المجداف

وأجيك بى قدرتى الباقية

حطام إنسان..

موسّم بى شقا الدنيا

ومقسّم قلبو فى الأحزان

أجيك فنان..

أشد أوتارى .. وأحكيلك

حكاية إنسان ..

وهب لى سكتك نفسو

ورسم صورتك على حسّو

وربط ساعد على المجداف

وقال يا إنتى يا أغرق

أخاف الضفة ترجع بيك ..

قَبـُل ألحق

أخاف غيم المنى الشايل

Post: #7
Title: Re: لمحــــتك .. بوجود الكتيابي ... وأبداااااااااع الرائع بهاء الدين ......
Author: تاج السر حسن
Date: 12-24-2004, 07:18 AM
Parent: #6

شكرا خال فاطنه على هذا الشعور الطيب ، لقد سعدنا بك كثيرا.

Post: #8
Title: Re: لمحــــتك .. بوجود الكتيابي ... وأبداااااااااع الرائع بهاء الدين ......
Author: خال فاطمة
Date: 12-24-2004, 07:35 AM
Parent: #7

Quote: شكرا خال فاطنه على هذا الشعور الطيب ، لقد سعدنا بك كثيرا.

أخي تاج السر .. ونحن كذلك ...

لو قلت لك بتذكر هذه اللمة من جمالها وجمال ناسها بادق تفاصيلها ...

لنا لقااااااااااءات كثر إن شاء الله ...

Post: #9
Title: Re: لمحــــتك .. بوجود الكتيابي ... وأبداااااااااع الرائع بهاء الدين ......
Author: خال فاطمة
Date: 12-24-2004, 08:39 AM
Parent: #8

وشرفنا الأستاذ الصحفي .. محمد خليل كاره .. محرر صفحة شئون سودانية في جريدة البيان الإماراتية الذي وعدنا بلقاء طويل عريض مع "سيد الحوش" المهندس بكري أبوبكر .. وفي انتظار اللقاء المثمر ...

دمت أخي محمد خليل ..

Post: #10
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: lana mahdi
Date: 12-24-2004, 08:46 AM
Parent: #1

إن شا الله الاحتفال يكون نفعكممممم....بدونى!!!

Post: #11
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: وليد محمد المبارك
Date: 12-24-2004, 08:57 AM
Parent: #10

بتحندك فينا يا خال فاطمة

ما تنفعكم لمتكم

Post: #17
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 09:32 AM
Parent: #11

Quote: بتحندك فينا يا خال فاطمة

ما تنفعكم لمتكم
يا وليد نفعتنا وحلينا ..

Post: #13
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 09:05 AM
Parent: #10

Quote: إن شا الله الاحتفال يكون نفعكممممم....بدونى!!!
أختنا العزيزة لنا مهدي
وجودك كان بزيد نور قاعة آسيا للمناسبات .. لكن شو نسوي مع النزلة الحرمتنا من نورك ..
أخونا الغالي يعقوب .. حملناهو السلام والتحايا ...

من اليمين الأخوان .. يعقوب .. ود الدامر .. شخصي الضعيف .

برضو متفقه مع أختنا الغالية بت الأحفااااااد .. غايتو انتو ...

Post: #14
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: lana mahdi
Date: 12-24-2004, 09:13 AM
Parent: #13

Quote: برضو متفقه مع أختنا الغالية بت الأحفااااااد .. غايتو انتو

طببببببببببببببعا
زى ما انتا متفق مع"أخوك الغالى"

Post: #15
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 09:24 AM
Parent: #14

Quote: طببببببببببببببعا
زى ما انتا متفق مع"أخوك الغالى
نحن اتفاقنا اتفاق ســــــــــــــلام .. لكن أنتو اتفاقكم .......... !!!!!!!!!!

Post: #12
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: lana mahdi
Date: 12-24-2004, 09:00 AM
Parent: #1

[QUOTE]بتحندك فينا يا خال فاطمة

ما تنفعكم لمتكم

انا ما قلتا..
قال وليد

Post: #16
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 09:29 AM
Parent: #12

Quote: بتحندك فينا يا خال فاطمة

ما تنفعكم لمتكم
في ظل غياب الحيكومات العسكرية .. تشع الابتسامات من الشعب .. الصورة فوق ..

Post: #18
Title: داون...داون
Author: lana mahdi
Date: 12-24-2004, 09:36 AM
Parent: #16

خال فاطمة:
فليسقط ال"شعب" كان كدى

Post: #19
Title: Re: داون...داون
Author: خال فاطمة
Date: 12-24-2004, 09:44 AM
Parent: #18

Quote: فليسقط ال"شعب" كان كدى
إذا الشعب يوماً اراد الحياة فلابد للقيد ان ينكسر ...

Post: #20
Title: Re: ويكون طقس البورد حب وحنان ....
Author: خال فاطمة
Date: 12-24-2004, 12:20 PM
Parent: #19

اتمنا من الله .. الجو الساد لمة بورداب الإمارات .. يسود البورد ... ويكون طقس البورد حب وحنان وتبادل أفكار .. وآلفه ومحبه ..

Post: #21
Title: Re: ويكون طقس البورد حب وحنان ....
Author: Safa Fagiri
Date: 12-24-2004, 02:59 PM
Parent: #20

ياااه
يا خال فاطمة
ليته كان بمقدوري ان ارفرف جناحي وانضم الى عقدكم في هذا الاحتفاء الانيق على حد سردك...

وبعدين

لمحتك
....
كمان

lucky you...

دمتو

Post: #23
Title: Re: ويكون طقس البورد حب وحنان ....
Author: Dr. Moiz Bakhiet
Date: 12-24-2004, 03:41 PM
Parent: #21

هذا زمان قلما يأتينا بالرائعين مثلكم..

لقد كنتم عافيتي وحلمي واحتفائي

ولي عودة,,

فلقد دخلت منزلي قادماً من دهشتكم قبل دقائق معدودة..

__________________
ولمحتك يا خال فاطمة
فلمحت السماء فيك والرحيق والمطر

يااااااه
انت جميل بشكل..!!

والناس هناك رايعة بشكل

كانت لحظات يا وطني
زي النسمات يا وطني

في حضورك أريدك وغيابي
يا وطني
يا وطن أحبابي

معز

Post: #28
Title: Re: ويكون طقس البورد حب وحنان ....
Author: خال فاطمة
Date: 12-24-2004, 09:33 PM
Parent: #23

Quote: هذا زمان قلما يأتينا بالرائعين مثلكم..

لقد كنتم عافيتي وحلمي واحتفائي

ولي عودة,,

فلقد دخلت منزلي قادماً من دهشتكم قبل دقائق معدودة..

__________________
ولمحتك يا خال فاطمة
فلمحت السماء فيك والرحيق والمطر

يااااااه
انت جميل بشكل..!!

والناس هناك رايعة بشكل

كانت لحظات يا وطني
زي النسمات يا وطني

في حضورك أريدك وغيابي
يا وطني
يا وطن أحبابي

معز

بروفسير معــــز وشخصي الضعيف ...والفنان المبدع بهاء الدين سليمان ..

الوح لى مدن عينيك يا معـــز تلوح لى الفرحة والبهجة ..
ياااااااااا معــــــز الأنسان بمعنى الكلمة ...
اتحفتنا بحضورك المميز .. وبمعرفتك التسر النفس ..
دمت أخ عزيز كريم ...
لمحــــــــــتك لمحت وطن ..

Post: #24
Title: Re: ويكون طقس البورد حب وحنان ....
Author: خال فاطمة
Date: 12-24-2004, 09:05 PM
Parent: #21

Quote: ياااه
يا خال فاطمة
ليته كان بمقدوري ان ارفرف جناحي وانضم الى عقدكم في هذا الاحتفاء الانيق على حد سردك...
وبعدين
لمحتك
....
كمان
lucky you...
دمتو
أختنا العزيزة صفاء فقيري ..
شكراااااا كتير على هذا الشعور الطيب .. بكلماتك الانيقة هذه كأنك معنا تشاركينا الفرحه ..

دمتي أخت عزيزة كريمة ..

Post: #22
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: mahdy alamin
Date: 12-24-2004, 03:40 PM
Parent: #1

الأخ : خال فاطمه
تحياتي لك
وكم سعدت بلقاءك والتعرف عليك
الشكر الكبير لك
وسأكون على اتصال معك انشاء الله
والتحيه ايضا للشعراء المميزين : القدال ود. معز

Post: #26
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: aboalkonfod
Date: 12-24-2004, 09:27 PM
Parent: #22

العزيز جداً / خال فاطمة
الله يديلك العافية ...
والشكر كل الشكر ،،،، لبورداب الإمارت ..
في الاستقبال والترحاب الحلو لبكري أبو بكر بالشارقة
التحية لكل من ساهم وأخرج.

Post: #32
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 11:25 PM
Parent: #26

الغالي والمرهف .. أبو القنفد ..

سمح الصدفة البيك جمعتنا وخلت عينا تلاقي صباااااح ...

منتظرين السماية للاسم الجديد ..

دمت أخ عزيز كريم ..

Post: #29
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 10:25 PM
Parent: #22

Quote: الأخ : خال فاطمه
تحياتي لك
وكم سعدت بلقاءك والتعرف عليك

الجندي المجهول ..أخي د. مهدي الأمين .. شـــرف لنا معرفتك ...

Post: #25
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: الزنجي
Date: 12-24-2004, 09:20 PM
Parent: #1

بتطلعوا من قلب الحجر الصم

خفاف ولطاف من رحاب الضو

اوان الجد دفاعا عن حياض السلم والافصاح

سلمو لى عليهم جملة ،،،،،، حتى اللسة قبل الخلق والتكوين

تحية لكم جميعا بورداب الامارات على الحضور المشرف والترحاب بضيفنا المكرم

بكرى ابوبكر الذى اهدانا لحظات لن تنسي بوجودة بيننا .

Post: #33
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-24-2004, 11:51 PM
Parent: #25

Quote: بتطلعوا من قلب الحجر الصم

خفاف ولطاف من رحاب الضو
أخي الزنجي

ياخ ما ممكن .. تصدق ما قايلك هادي بالطريقة دي ..

دمت أخ عزيز كريم ...

Post: #27
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: abookyassarra
Date: 12-24-2004, 09:32 PM
Parent: #1

خال فاطمه
سمؤال
زولا
عباس
ود الدامر
وكل الرائعين هنالك
وقبل ذلك سيد الحوش
ضيفنا العزيز بكرى
سعدنا بهذه الأمسية من على البعد
وحقيقة نحن فى أشد الأسف لعدم الحضور
لأن ( ساره ) كانت بعافية شوية وكنا كل تلك الأمسية
فى قسم الطوارى بالمستشفى
لكن نتمنى أن نلتقى فى لحظات أخرى من لحظات الملتقى الجميلة
وإن شاء الله تكون عندنا فى العين
نكرر اعتذارنا
وتهنئتنا للحضور
ودمتم
أبوذر

Post: #35
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-25-2004, 00:24 AM
Parent: #27

Quote: سعدنا بهذه الأمسية من على البعد
وحقيقة نحن فى أشد الأسف لعدم الحضور
لأن ( ساره ) كانت بعافية شوية وكنا كل تلك الأمسية
فى قسم الطوارى بالمستشفى
أخونا أبوك يا سارة
نسأل الله لها عاجل الشفاء التام ...

والجائات بإذن الله أكتر ...

Post: #30
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: فريد ودالمسيد
Date: 12-24-2004, 10:51 PM
Parent: #1

يا خال
يارائع
ياعسل
يا جماعة خلوني شوية أشكر خالي
طبعا يا خال الكلام لو سمعتو من بت الأحفاد كان بجهجهك زي سجيمان ما جهجهتو بت القبائل
إلفة ومحبة وتآخي وجمال عناصر تسيدت الحفل
وياخال ما سألتني من الصلعة الفرضتها علي
الأخت لنا مهدي الأستاذ يعقوب متهم أرجوك دافعي عنو
ويا خال إنت برضو متهم بالزوغان من أم العيال

Post: #38
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-25-2004, 03:19 AM
Parent: #30

فريد ود المسيد ...
رب أخ لم تلده أمك ..
لك مني عاطر الود وعميق الود ...

Post: #31
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: بت القبايل
Date: 12-24-2004, 10:56 PM
Parent: #1

العزيز الغالى

ود القبائل خال فاطمة فعلا لم اكون غربية بينكم لقد وجدتكم نعمة الاخوان نعمة الاخوات

فعلا هذامن اصللكم يسلمى خال فاطنة لك التقدير والاحترام لك الود لبكرى الف ومليون
مليــــــــــــــون سلام واحترام
فعلا انتم اولاد قبائل

بت القبايل

Post: #34
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: المسافر
Date: 12-25-2004, 00:04 AM
Parent: #31

( في زمن فظ ، أسعدني الحظ )

والحظ خفق بالسعادة

لكم جمع جميع مشبوك سعادة مشرنقة

د. معز
بالسلامة الوصول عمرت دارك بطلتك البهية

خال فاطنة
هنيئا لفاطنة وأمها

بت القبائل مشكورة للطلة الجميلة

الجميع سكنو القلب وسعهم محبة

تحياتي

Post: #36
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: عمران حسن صالح
Date: 12-25-2004, 00:47 AM
Parent: #34

سلام ناس الإمارات
ما لاقي قول غير ( إيه الدنيا غير لمة ناس في خير ) والله حسدتكم و(غرت) غليكم وكل هذه المفردات ، ومن ناس الرياض وبالإنابة عنهم ألف مليون سلام ، وبتشبهوهم ويشبهوكم لمحبتكم لبعضكم البعض وهذه الإحتفاءة الفريدة لأناس ( من عالم الإفتراض ) إلى عالم الواقع وكان ما الدنيا كتمة هنا رغم أنفنا كان اليوم رفعنا ليكم صور حفل دعم الأخ زهير (بورداب الدمام ) لكن أخخخخخخخخخخخخخ من الكتمة

Post: #41
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-27-2004, 04:30 AM
Parent: #36

أخي عمران ..

شكراااا لشعورك الطيب ...

Post: #40
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-26-2004, 09:12 AM
Parent: #34

Quote: الجميع سكنو القلب وسعهم محبة

فعلا يالمسافر الغالي ... الجميع سكنو القلب ... وأنت اولهم ..
يا مسافر وناسي هواك ارحم قلوبنا معاك ..

Post: #39
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-25-2004, 05:02 AM
Parent: #31

أختنا الغالية بت القبائل ..

بروحك الطيبة المرحه .. جعلتي للحفلة رونق آخر ..

دمتي أخت عزيزة كريمة ..

Post: #37
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: abdalla BABIKER
Date: 12-25-2004, 00:55 AM
Parent: #1

الاخ خال فاطمة

وبوراداب ابوظبي الرائيعي

واحبتي بورادب دبي والامارات الشمالية

الرائعة الاروع زولا 123

لمه حلوه شديد في حضرة الرايع بكري ود معز

Quote: عبد الله بابكر .. قابلته منذ 88 واتذكرت أمس "م.مخرج"

والله معرفتك تشرف

Post: #42
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-27-2004, 06:09 AM
Parent: #37

Quote: والله معرفتك تشرف
أخي عبد الله .. ربنا يديمها ...

دمت أخ عزيز كريم ..

Post: #43
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-28-2004, 01:38 AM
Parent: #42

الغالي الفنان الرائع بهاء الدين سليمان ... امتعتنا بحق وحقيقة .. لكم الشكر جميعاً

بكري أبوبكر ... والفنان الأستاذ بهاء الدين سليمان

Post: #44
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: aboalkonfod
Date: 12-28-2004, 02:02 AM
Parent: #43

الزول الما هين/ أخوي خال فاطمة ... كيفك يا غالي

أها جيناكم تاني .. يا حبايبنا
زي ما قال الرائع/ فريد ود المسيد ليلة بألف ليلة ،،، والما حضر
الليلة دي ،،، نص عمرو ضايع ... كحلنا عيونا بي بورداب قدام وجداد
إخوة وأخوات نعرفهم ،،، آخرين لم نعرفهم... نعرفهم من خلال كتاباتهم
ومساهماتهم ،،،، بس الليلة إكتملت الصورة.

لكن والله العظيم ... مفاجأتي الكبري .. كانت بكري ... فالرجل طلع أوسم من ما في الصورة بكثير... وظريف وبسّام ... وحبوب .. (وحيي) .. فالرجل تكسوه وسامة الحياء .. والتواضع الجم ...
د. معز ... طلع زول عسل ... ويخش القلب تووووش تحس كأنك تعرفه من قبل عشرين سنة .. ظريف ونّاس .. متحدث جيد .. ومستمع صبور .. أمتعنا بشعره رغم الوعكة (وقد فاجأته بالاسم كما ذكر لي) ... والأهم من ذلك .. بقى فردتي لحام ستلين.
أما زولة 123 ... فكما تخيلتها تماماً ... رقيقة وواثقة ومقدمة جيدة ..
وطيوبة ... (وبت أصيلة) ...
خال فاطمة .. سوداني أصيل .. برضو بقا فردة لحام.
فريد ،،،، طلع زول بشوش ووجيه ... أكثر مما نتخيله
بت الأحفاد 2001 ... فاجأتني .. ولقيتها أجمل مما كنت أتصورها
بحر ... طلع بحر ،، لطيف وأنيس (بقى فردة) أديل كدة
خال العيال .. مليح ... يتحبّ من أول كلمة .. بقى فردة
د. محمد تيراب .. سعدنا بلقيته .. فالرجل يكسوه الوقار .. والهدؤ
أصرّ على المجئ رغم ظروفه الصحية ،،،
حمودة ... طلع ود دفعتي .. عمقنا صلاته.
أبوحجل ،،،، طلع سوداني مية المية ... ظريف وضحّاك
المسافر ،،، كما هو متأبط عصا ترحاله .. إبتكر وسيلة رائعة لتعريف نفسه بالبورداب.
محمد الواثق .. ظريف .. ونضمو سمح
القرير .. طلع هادئ .. وكاتل حيلو
مهدي الأمين ... رايق
عبد الله ... طلع أصغر بكتير من كتاباتو ،،،
عبدو ... متحدث لبق لا يُشق له غُبار
لكن أستاذ منعم: لم أعرفه؟؟ كانت أكبر خسارة خسرتها في ذلك اليوم.
أخوي ود الدامر .. دحين إنت ما دمورتي الليل زمان ،،،
أما القدامى:
ناس الرائع سيد أحمد،عاطف الجريفاوي، وشلبي السمؤال، ، معتز عباس، وسوركتي، الزنجي، خالد عويس، الفنان بهاء الدين ،،، كانوا أروع من الروعة.
،،، وصوت لوم للغائبة مناهل محمد الحسن
أما صوت سجيمان ... فاتني ولم أحضره ،،، فالشكر للرجل الهميم المتابع.

Post: #49
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-28-2004, 11:46 AM
Parent: #44

كـــــم أنت راااااااااااائع

Post: #46
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: aboalkonfod
Date: 12-28-2004, 06:59 AM
Parent: #43

أها جيناكم تاني .. يا حبايبنا

زي ما قال الرائع/ فريد ود المسيد ليلة بألف ليلة ،،، والما حضر
الليلة دي ،،، نص عمرو ضايع ... كحلنا عيونا بي بورداب قدام وجداد
إخوة وأخوات نعرفهم ،،، آخرين لم نعرفهم... نعرفهم من خلال كتاباتهم
ومساهماتهم ،،،، بس الليلة إكتملت الصورة.

لكن والله العظيم ... مفاجأتي الكبري .. كانت بكري ... فالرجل طلع أوسم من ما في الصورة بكثير... وظريف وبسّام ... وحبوب .. (وحيي) .. فالرجل تكسوه وسامة الحياء .. والتواضع الجم ...
د. معز ... طلع زول عسل ... ويخش القلب تووووش تحس كأنك تعرفه من قبل عشرين سنة .. ظريف ونّاس .. متحدث جيد .. ومستمع صبور .. أمتعنا بشعره رغم الوعكة (وقد فاجأته بالاسم كما ذكر لي) ... والأهم من ذلك .. بقى فردتي لحام ستلين.
أما زولة 123 ... فكما تخيلتها تماماً ... رقيقة وواثقة ومقدمة جيدة ..
وطيوبة ... (وبت أصيلة) ...
خال فاطمة .. سوداني أصيل .. برضو بقا فردة لحام.
فريد ،،،، طلع زول بشوش ووجيه ... أكثر مما نتخيله
بت الأحفاد 2001 ... فاجأتني .. ولقيتها أجمل مما كنت أتصورها
بحر ... طلع بحر ،، لطيف وأنيس (بقى فردة) أديل كدة
خال العيال .. مليح ... يتحبّ من أول كلمة .. بقى فردة
أبوحجل ،،،، طلع سوداني مية المية ... ظريف وضحّاك
المسافر ،،، كما هو متأبط عصا ترحاله .. إبتكر وسيلة رائعة لتعريف نفسه بالبورداب.
محمد الواثق .. ظريف .. ونضمو سمح
القرير .. طلع هادئ .. وكاتل حيلو
مهدي الأمين ... رايق
عبدو ... متحدث لبق لا يُشق له غُبار
لكن أستاذ منعم: لم أعرفه؟؟ كانت أكبر خسارة خسرتها في ذلك اليوم.
أما القدامى:
ناس الرائع سيد أحمد،عاطف الجريفاوي، وشلبي السمؤال، ، معتز عباس، وسوركتي، الزنجي، خالد عويس، الفنان بهاء الدين ،،، كانوا أروع من الروعة.
،،، وصوت لوم للغائبة مناهل محمد الحسن
أما صوت سجيمان ... فاتني ولم أحضره ،،، فالشكر للرجل الهميم المتابع.

Post: #45
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: Elmosley
Date: 12-28-2004, 06:31 AM
Parent: #1

تمنياتي لكم بدوام زاخر العلاقات والاحترام المتبادل
يا لفيف من الكرام

Post: #54
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 00:17 AM
Parent: #45

شكرااااااااا كتير يا أستاذ الموصلي ..
على التمنيات الحلوة يا حـــلو ..

Post: #47
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: Salah Abuhigill
Date: 12-28-2004, 07:35 AM
Parent: #1

الحبيب خال فاطمه

وبقية العقد الفريد

مافى أروع من حفلتكم إلا إنتو .......
حزنت جدا لعدم تعرفى على الإخوان:-

ودالشيخ "ولو كان بالجلابيه والعمه كنت عرفتو"
خلاد عويس
ودالدامر
تيراب
ومهدى الأمين ومساعده فى الإخراج
ومن الأخوات بت القبايل وندا أمين

كما إفتقدت ألأخت لنا مهدى وعزائى أن تعرفت على يعقوبها المشرف بخلقه وخلقه
إنه يوم سيخلد فى ذاكره كل من سعد بحضوره
ولى عوده
أبوحجل

Post: #48
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: AL GURAIR
Date: 12-28-2004, 10:04 AM
Parent: #47

الاخ " خال فاطمة " .. لا شك انني رسمت لك صورة ..غير التى رايتك بها ..خصوصا ان اسمك مكنّي" بخال فاطمة " علما بان الامارات عموما تعجّ ..بالسودانيين الذين اتوا منذ زمن بعيد..واصبحوا " شوّاب " ...لك التحية اخي " خال فاطمة " ..وحتما سوف نلتقى ..لان بعد المسافة ..امتار قليلة ....وما اجمل القدلة ما بين ..شارع ليوا... والكترا ..في هذه الاجواء الساحرة .. بمدينة ابوظبي والامارات عموما ...
لكم التحية " بورداب الامارات " ..على ذلك اللقاء الجميل ..والذي عبّر عن مدى الترابط والتنسيق ...فيما بينكم ...واضفى على لقاء الضيف " الجميل " ...كل المحبة والود ... مما اصاب الكثيرييين من البورداب في انحاء العالم ..بتمنى الحضور !!!!.. مزيدا من الترابط " بورداب الامارات "..والى لقاءات اخرى ..

الفاتح عبد الله طه / القرير

Post: #56
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 01:06 AM
Parent: #48

أخي الفاضل القرير

نغمات الطمبور .. كلها حنان ..
وأنت سيد الحنان .. تشرفنا بمعرفتك ..

ولقدااااااااااام

دمت أخ عزيز كريم ...

Post: #55
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 00:24 AM
Parent: #47

أخي أبو حجــــل

الروعة بوجدك معنا يا عمدة ...

Post: #50
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: Raja
Date: 12-28-2004, 04:38 PM
Parent: #1

العزيز خال فاطمة والجميع..

تحية وود وتقدير..

سعدنا بمتابعة ليلتكم الفرح.. وكان جميلا رؤية كل الاصدقاء مع بعض..

زولا، بت القبايل، بت الأحفاد البي العربي، ندى الجديدة، عبدالله بابكر، محمد سيد أحمد، صلاح ابو حجل، هشام مجمر، سوركتي، عاطف الجريفاوي، وليد ابو القنفد، الونجي، خالد عويس، د. تيراب، بحر، معتز، منعم عجب الفيا، عباس الهلالابي، وتاج السر المريخابي الزعلان، ود الشيخ، ود الدامر، المسافر، القرير، الواثق، سمؤال شلبي، مهدي الأمين، خال العيال،وأستاذ كتيابي، د. معز وبالطبع بكري عريس الليلة..

والزملاء الجدد: عاطف عمر، إيهاب مهاجر، فريد ود المسيد ومرتضى الزيلعي

شكرا لنقل الفرحة لينا.. وشكرا لـ "لمحتك"..

ودي..

Post: #58
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 09:33 AM
Parent: #50

لمحـــــــــــــــتك ...
لمحـــــــــ الفرحـة ـــــــــــــت ...

Post: #51
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: abas
Date: 12-28-2004, 09:36 PM
Parent: #1

( معتز، منعم عجب الفيا، عباس الهلالابي )

رجويه ده شنو ده

بس اعرفي وين الخطاء وليك جائزة كبيرة

Post: #52
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: بنت الاحفاد 2001
Date: 12-28-2004, 11:02 PM
Parent: #51

خال فاطمة كيفك

انت شيال حال مالك

محل ما اقبل القى الشطة قدامي

سعدنا بالتعرف عليك وعلى على ناس ابوظبي والعين

وانشاء الله يتم التواصل بين البودراب

تاني ما تسمع كلامي كويس

قال غشيتو قال

Post: #60
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 10:10 AM
Parent: #52

Quote: سعدنا بالتعرف عليك وعلى على ناس ابوظبي والعين

وانشاء الله يتم التواصل بين البودراب

أحفادنـــــــــــــــــــا أهل الهوى رحلو وما تركو اثر ...

تشرفنا بمعرفتكم ... وروحكم الطيبة المرحه ... وإن شاء الله يتم التوااااصل ..

وربنا يجمعنا كده يا بت أمي عند مقرن النيلين ..

Post: #59
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 09:41 AM
Parent: #51

تعال هنـــــا شنو .. عبـــس .. ومعـــــتز .. نحن بنعرف معتز ...

Post: #53
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: ودقاسم
Date: 12-29-2004, 00:08 AM
Parent: #1

حلوين حلاوة ..
بكري ، السعودية فركة كعب ،، ما تجي هنا نعملك لمة ،،
هنيئا لكم بورداب الإمارات .

Post: #61
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-29-2004, 10:31 AM
Parent: #53

Quote: حلوين حلاوة ..

يعني يا ود قاسم جابتك الحلااااااااااااااوة ... ههههههه

Post: #57
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: مرتضى الفاتح الزيلعي
Date: 12-29-2004, 02:32 AM
Parent: #1

أآآآآآآآآه منك ياخال فاطمة

التحايا فيض اكليل

فقد اعادني لقاءك في تلك الليلة المشهود الى ذكريات ازكي من رائحة المطر
مازال تعيد لي دف الموده كلما مر شريطها بخاطري وجالت نسماتهابمخليلتي.

ويِحِلل جامعة الامارات

ونلتقي ....... يضمنا الفجر البهي بعد فراق
ونلتقي .........على ضفاف نهرا (بوردا) صافيا ورافرا رقراق
ونلتقي .......ولحون هوى الامس لنا في استياق
ونلتقي تسكر الدنيا وننتشي ......نقبل ثغر الوطن البراق

وآآآآآه منها ليلة وردية عذبة مفعمة بالمشاعر الصادقات الوارفات بازاهير الود والمجبة

لقد ابت تلك الليلة **النموذج** الا ان تؤكد روعة (اولاد بلدي) وشغفهم الدائم لإبراز اصالتهم ومعدنهم الاصيل وايفاء كل ذي حق حقه ( وانشاء مايجي يوم شكرك يابكري )

والشكر كل الشكر
لكوكبة من قاموا على التنظيم واشركوني معهم
الاصدقاء ود سيداحمد وعلى اسماعيل والجريفاوي و شلبي والزنجي
وكذلك للرائعة زوله123 وصوت الماس البارق بهاء وانامل الذهب العمريه
وصديقي الاستاذالمبدع دوما الكتيابي
وساكن السحاب القدال
وينوع الروعة الصافي دكتور معز
والمرهف خالد عويس
والرزين عجب الفيا
والافاضل فريد ودالمسيد وتاج السر وبت الاحفاد وعبدالله بابكر مهدي الامين القنفد ايهاب مهاجر وخال العيال ندى الامين المسافر القرير عاطف ودالقبائل ود الدامر ودالشيخ خال العيال ومعتز والرائع ابوحجل الواثق.......... والسماح من من نسيت اسمائمهم

سنلقي .... نواعد المساء نراقص الضيا نعانق السماء وطهر القبل
سنلتقى

Post: #62
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-30-2004, 06:10 AM
Parent: #57

أخي مرتضى الزيلعي

كعهدي بيك ... دوماً يخط قلمك "كي بوردك" روائع الكلام ..

لقدااااااااااام ...

Post: #63
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: zola123
Date: 12-30-2004, 07:21 AM
Parent: #1

خال فاطمة
معليش ادا زيارتنا جات متاخره
لاكن ماشاء الله لقيتك بارع في الهكر

طبعا سعادتنا لا توصف باللقاء وخصوصا مشاركة الاعضاء الجدد
الدين احسننا اننا نعرفهم مند زمن
مشاركاتكم القيمة تعبر عنكم
وندين لكم بجو البهجة والتغيير الدي منحتموه للبورد
فرصة سعيدة جدا
والى المزيد من المشاركات

زولة123

Post: #64
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: خال فاطمة
Date: 12-30-2004, 10:11 AM
Parent: #63

العزيزة زولا123 الراااااااائعة

Quote: خال فاطمة
معليش ادا زيارتنا جات متاخره
ما سمعتي بختامه مســــــــــــــك ...

Quote: لاكن ماشاء الله لقيتك بارع في الهكر
هكــــــرنا في بيتنا ...

-------

ويدوم الترااااااااااااابط الأخوي ...

دمتي أخت عزيزة كريمة ...

Post: #65
Title: Re: ايه الدنيا غير لمة ناس في خير ... بورداب الإمارات والاحتفال "بسيد الحوش الكبير"
Author: بهاء الدين سليمان
Date: 12-30-2004, 10:50 AM
Parent: #1

العزيز الغالى خال فاطمه
تحياتى وعذرا على التأخير كان يوما جميلا وعظيماوسعداء أن نلتقيكم ونراكم وبشهادة
الجميع كنت فى قمة الروعة وكل من يقرأ لك يتمنى أن تتحدث معه.
و كانت الروعة أيضاًبحضور البرفسير المعز عمر بخيت ذلك الرائع الذي عطر سماء الامسية
عندما تغنى شعراً بروائعه التي وجدت آذان صاغية من الجميع و التحية أيضاً لكم يا أهل أبوظبي بما قدمتموه من تضامن إتضح جلياًأننا أسرة واحدة في وطن واحد أسمه سودانيزاونلين وهو يجمع كل الآراء و المقترحات و كل الالوان الثقافية و الفنية لتعم الفائدة الجميع و حتماسنلتقيً في القريب العاجل بمناسبة التظاهرة الثقافية الكبيرة "تأبين الراحل المقيم مصطفى سيد أحمد".
التحية من القلب الى كل الذين شاركونا هذه الفرحة التذكارية.