Post: #1
Title: يا بكري .. يا شباب بتي وينها؟
Author: بدرالدين شنا
Date: 05-04-2003, 07:45 AM
Parent: #0
بسم الله الرحمن الرحيم
يا أمين الموقع ويا شباب كلكم شوفوا
العلوج يضربوا سوريا
تنجح مباحثات مشاكوس
الهلال يجيب كأس الكؤوس
الإلتهاب الرئوي يقرض الصين
خارطة الطريق يندفق فيها ملاح
دا كلو ما يهمني بس الشال صورة بتي (ربى) من ملفي يرجعها
|
Post: #2
Title: Re: يا بكري .. يا شباب بتي وينها؟
Author: قرشـــو
Date: 05-04-2003, 07:57 AM
Parent: #1
الحبيب بدر الدين شنا
صباح الخير
شنو يعنى الجماعة كملت امورهم كلها وما فضل ليهم غير صورة بتك..
الله يستر الايام دى البورد بقى فيه حاجات غريبة والله..
اضم صوتى لصوتك وانادى على الاخ بكرى واقول ليه وين "ربى" وكل شىء ولا ربى دى ان شاء الله يدوا الاردن للفلسطينيين ما همانا لكن الصورة رجعوها عليكم الله..
|
Post: #3
Title: Re: يا بكري .. يا شباب بتي وينها؟
Author: almulaomar
Date: 05-04-2003, 08:10 AM
Parent: #1
الأخ العزيز بدر الدين شششششششششششششششششششششششششنا
لك خالص التحية والتقدير
نحنا هنا في منتدى مش في زفة مولد شنو كمان بتي ضاعت وبكرة تجينا بي قصة تانية تقول إتنشلت وعاوز تبرعات ، ربنا يحفظ ليك الأمورة ربى وخليتني أجرى لمن قربت أقع على وشي وبعد ده كلو أدخل وألقى صورة ربى موجودة في الحفظ والصون ، وعاوز تعمل لينا قصة هجم النمر ولا شنو يعني تدردقنا دردقة يا بدر الدين ، المهم إنت إما أنك بقيت ما بتشوف كويس يعني شوفك طشاش أو بتفكر تجيب لينا تاني سيرة البحر أقصد صورتك أم قميص مخطط. وحفاظاً على البيئة والصالح العام والخاص نرجو أن تخلي صورتك حيث هي وتخلي لينا صورة ربى في ملفك عشان نعرف ندخل ونرد على بوستاتك يا بدر الدين.
|
Post: #4
Title: Re: يا بكري .. يا شباب بتي وينها؟
Author: shiry
Date: 05-04-2003, 08:14 AM
Parent: #3
سلام مربع
هو يا بدر الماسمح
شايفااااك شوية شوية ح توجه الاتهام العلني
لشيري .. وتتهمها بالارهاب
انا بتك وحات نظري ماشلتها منك
اي نعم غالطك ... وكل تبريراتك لم تقنعني بخلاف قناعاتي
لكن اهو قدام الناس ديل
صورة بتك ماشلتها
يمكن يكون الناس الكانت رايحة منهم لقوها وشالوها؟
ولا يمكن يكون كرت الشاشة بتاعك ماحدثته
غايتو لو حبيت تسمع راي واحدة خبيرة في الكومبيوتر
غير شاشتك الى ال جي فلاترون
يمكن تقدر تشوف صورة بتك تااااني
|
Post: #5
Title: Re: يا بكري .. يا شباب بتي وينها؟
Author: garjah
Date: 05-04-2003, 08:36 AM
Parent: #4
الملا عمر
تتجازى ات يا يابا
قلت راحت في المولد
الشال صورة البدري يرجعا
او يقوم ينزل ليكم صورتو ديك وهو عامل شكلة في الطاحونة
لكن البنبر الايام دي فيهو شئ
|
Post: #6
Title: Re: يا بكري .. يا شباب بتي وينها؟
Author: shiry
Date: 05-04-2003, 09:13 AM
Parent: #5
ٍسلام مربع
عمو قرجه
ياعمو خلي بالك من صورتك لمن كنت سغير دي
اصلو الايام دي كل الناس الرايحين منهم اولادهم
جوا يفتشوا ليهم هنا
غايتو نصيحتي ليك اجري جري للمستشفي الولدوك فيهو
دا اذا ما لقيت كل سجلاتو حولوها للمتحف القومي
اصلي شايفه امبارح الريس مبارك والريس البشير كانوا حايمين بي هناك
يكونوا شافو سجلاتك هناااااك
قالوا بفتشوا عن مواليد ماقبل ثورة 24
الاشتغلوا في الري المصري
عشان كده اسمع نصيحتي وحافظ على صورتك دي
اكتب عليها رقم القيد
واظهر توقيع الملك فاروق عليها
حتى لا تتلبط فيها اجيال العهد الانقاذي
|
Post: #11
Title: Re: يا بكري .. يا شباب بتي وينها؟
Author: ود العمدة
Date: 05-04-2003, 11:22 AM
Parent: #6
|
Post: #7
Title: Re: يا بكري .. يا شباب بتي وينها؟
Author: بدرالدين شنا
Date: 05-04-2003, 10:32 AM
Parent: #1
بسم الله الرحمن الرحيم
عمدتنا قرشو
لك التحية والإحترام
يعيش العمدة يعيش العدل
الرجل الثروة الملا عمر
وخليتني أجرى لمن قربت أقع على وشي وبعد ده كلو أدخل وألقى صورة ربى موجودة في الحفظ والصون
ياخوي الحفظ والصون دا جنب وين؟ ومعاهو منو يستر عرضك؟
حاول ساعدني أنا ولية ومكسورة جناح .. ويحيدة ومشيحيدة
شيري بت أم شيري
عيني في عينك كدا.. رجعي الصورة ولمن تبقي للوحم برجعها ليك مرة تانية
يمكن يكون الناس الكانت رايحة منهم لقوها وشالوها؟
ولا يمكن يكون كرت الشاشة بتاعك ماحدثته
أحدثه أقول ليهو شنو؟ لووووول
قرجة الظريف
سلام وشوق
والله يقدروا ما يرجعوها أنزل ليهم صورة من زمني الضعيييييييييف لمن جلال الصحافة قال لي والله يا بدرالدين الواحد عشان يجضمك الإ بي زردية
|
Post: #8
Title: Re: يا بكري .. يا شباب بتي وينها؟
Author: almulaomar
Date: 05-04-2003, 10:41 AM
Parent: #7
أخوي بدر الدين وبس
الحمد لله الذي لم يجعلنا نعرفك أيام كنت ضعيف بتلعب في الموكيت ومامتك لبستك الشورت والتي شيرت ، والحفظ والصوان يا مهيض الجناح زي ما قلت عن نفسك هو البروفايل بتاعك وأظن أنني نطقت الكلمة بلغة غير عربية.
لك التقدير ويستر عرضك وطولك ومستطيلك وحميع مثلثاتك والدوائر أن تخلي صورتك في مكانها كان الجديدة وكان القديمة وما تطلعهم أبداً إن شاء الله في أسبوع الشجرة زاتو.
لك ودي أخي أبو الأمورة ربى
|
Post: #9
Title: Re: يا بكري .. يا شباب بتي وينها؟
Author: shiry
Date: 05-04-2003, 11:07 AM
Parent: #8
سلااام مربع
بدر الما سمح
هاهاهاها
حلوة حكاية الزردية دي
اصلي كنت غشيمه طولي عمري مفتكره الزردية خاصة انها عمولها عشان يقعطوا بيها سلوك الكهرباء
اصلي بفهم جدا في ميكانيكا السيارات
لكن بارك الله فيك اهو اليوم وريتني
انو الزردية ممكن برضو تستعمل في التجضــــــيم
|
Post: #10
Title: Re: يا بكري .. يا شباب بتي وينها؟
Author: بدرالدين شنا
Date: 05-04-2003, 11:10 AM
Parent: #1
بسم الله الرحمن الرحيم
الرجل الكنز
طيب وكت هي قاعدة في البروفايل ما بتظهر في البوست تحت الإسم ليه؟ تكون ياربي ماسكة ليها في حجر؟
طبعاً دي ما بتعرفها أسأل منها أهل العوض العايش في الترع
ها أيام (الشورت والتي شيرت) قالوا أنا كنت سمح وملظلظ.. والشنا بتاعتي دي قالوا عين بس وصابتني جاني إمساك ووتاني شكلي ما رجع لي وضعو الأول
|
Post: #12
Title: Re: يا بكري .. يا شباب بتي وينها؟
Author: مهاجر
Date: 05-04-2003, 11:40 AM
Parent: #10
انا بتي وولدي ديل عايشين قصة ظريفة
وما داعي للارهاب معاهم يا جماعة
|
Post: #13
Title: Re: يا بكري .. يا شباب بتي وينها؟
Author: بدرالدين شنا
Date: 05-04-2003, 12:54 PM
Parent: #1
بسم الله الرحمن الرحيم
شيري وعين الله ترعاك
أنا سمنت وأتلظلظت الزردية حقتك دي الإ تجرّي بيها لسان الزول ذاتو
العزيز ود العمدة
سلام وإحترام
أنا ما فهمت حاجة ومشكور على الطلة
حبيبي مهاجر
ليك القوما
والله ولدك وبتك أظنهم لحقو بتي ما لاقيهم .. وبعدين قالوا ليك بوستي دا (القولدن قيت) عشان يعشوا فيهو قصة حب
يا أخوانا وروني أعمل شنو عشان أرجع صورة بتي
سؤال واضح كدا هسع إنتو لمن تفتحوا بوستي دا قاعدين تشوفوا صورة البت ولا لا؟ عشان أنا ما شايفها
يا بكريييييييييييييييييييييييييييييييي الحقوني
|
Post: #14
Title: Re: يا بكري .. يا شباب بتي وينها؟
Author: مهاجر
Date: 05-04-2003, 01:20 PM
Parent: #13
بسم الله الرحمن الرحيم
بنتك قاعدة يا سيدي بس صلح النظارة
|
Post: #15
Title: Re: يا بكري .. يا شباب بتي وينها؟
Author: بدرالدين شنا
Date: 05-04-2003, 01:41 PM
Parent: #1
بسم الله الرحمن الرحيم
يا مهاجر يا حبيبي
أنا عايز أفهم المشكلة وين؟
لأنو أنا شايف صورة الأشجار بتاعة قرشو وصورة شيري بوضوح والشكل بتاع الملا عمر وصورة قرجة بوضوح لكن ما شايف صورة بتي ولا صورة أولادك ولا صورة ود العمدة معناها في مشكلة
الغوث الغوث الغوث
يا بكريييييييييييييييييي الحقوني
|
Post: #17
Title: Re: يا بكري .. يا شباب بتي وينها؟
Author: almulaomar
Date: 05-04-2003, 01:59 PM
Parent: #15
أنا عايز أفهم المشكلة وين؟
لأنو أنا شايف صورة الأشجار بتاعة قرشو وصورة شيري بوضوح والشكل بتاع الملا عمر وصورة قرجة بوضوح لكن ما شايف صورة بتي ولا صورة أولادك ولا صورة ود العمدة معناها في مشكلة
----
أول حاجه كضبتها في قعدتك حتى لو كنت واقف قال شايف شكل الملا قال. صف الشكل الذي رأيته في ما لا يقل عن سبعة كلمات ، يا أخي الشكل أنا زاتي صاحب البروفايل ما عارفو شنو تقول لي شايف شكل الملا والله دي بس بالغت فيها عديل كده يعني الشكل الإنت بتتكلم عنو ده زي واحد بيتاوق من حيطه تقولي قال.
بعدين لمن إنت شايف الكلام ده كلو يبقى يا تقفل الشباك يا تغير الكمبيوتر يا تنوم من بدري لأنو حسب النظرية الفيزيائية فإن سرعة الضوء تساوي الطول في الإرتفاع مقسوم على الجزر التربيعي لمعامل أى حاجه.
|
Post: #16
Title: Re: يا بكري .. يا شباب بتي وينها؟
Author: Ahlalawad
Date: 05-04-2003, 01:57 PM
Parent: #1
يا بدر الدين
ان شاالله صورة بتك - ولا خلاس إن شاالله ترجع ولما ترجع بالسلامة وترجع أيامنا الجميلة
بعدين عندي سؤال - هل إنت شايف صورتي دي؟
ولو الاجابة نعم معناتا انت شايف صورة بتك
بعدين ياخ غيرو ليها جلابيتا دي - كرهتونا الكرفتات
بعدين أنا لا بعرف الترع ولا بحب ملاح القرع
|
Post: #18
Title: Re: يا بكري .. يا شباب بتي وينها؟
Author: Ahlalawad
Date: 05-04-2003, 02:03 PM
Parent: #1
بدر لدين
ياخوي المذاكرة ضرورية
اقرا هنا شروط بكري
1- يمكنك تحميل الصور من نوع
Gif,jpg and jpeg
2- يجب ان يكون حجم الصورة حوالى 40 كيلو بايت
3- مدة بقاء الصور على السيرفر شهران
-الصور المخلة بالأداب سيتم حذفها مباشرة4
-سوف يتم خذف اى صورة تستخدم خارج نطاق موقع سودانيز اون لاين مباشرة
يمكن تكون صورة بتك فيها واحد من الاربعة الكبار ديل
|
Post: #19
Title: Re: يا بكري .. يا شباب بتي وينها؟
Author: بدرالدين شنا
Date: 05-04-2003, 02:26 PM
Parent: #1
بسم الله الرحمن الرحيم
يا (ميعي) طبعاً دا إسم الدلع للملا عمر
أنا ما كضاب .. أنا فالح
صف الشكل الذي رأيته في ما لا يقل عن سبعة كلمات
وإنت ذاتك كضاب لأنو الشكل دا شدة صغير ما بتم تلاتة كلمات خلي سبعة
أهل العوض
هازول إنت وين اليوم داك توديني للبكانات البفلقوا فيها تخلي دمي يشر
أنا صورتك ما شايفها وصورة بتي ما شايفها وشروط بكري ما بفهمها بس الليلة تجيبو لي صورة بتي من السما من الواطة ولا بفلقكن... واااااع .. واااااااااااع
خلوني أنا إنتو شايفنها؟
يا ناس شوفي لي حل
يا بكرييييييييييييييييييييي الحقوني
|
Post: #20
Title: Re: يا بكري .. يا شباب بتي وينها؟
Author: Abdalla Gaafar
Date: 05-04-2003, 04:48 PM
Parent: #1
بدر الدين ياخوي
من دون الصور ماتتخطف الا صورةالحليوة بنيتك ياخوي مايكون خطفها واحد من العلوج
علي العموم قلبنا معاك يانحنا ياصورة البنية
وربنا يجمع
عبدالله جعفر
|
Post: #21
Title: Re: يا بكري .. يا شباب بتي وينها؟
Author: hala guta
Date: 05-04-2003, 07:25 PM
Parent: #1
يا بدر الين انا ذاتى كان عندى صورة زير ما لقيتها لكن قلت يمكن يكون كسروه الجماعة البيفلقوا بتاعين براميل الحصحاص القالتهم تماضر ديك
لكن يعدم نظرى كان شفت بتك
ما يمكن بتلعب عند الجيران كدى شوفها بهناك
انا والله ما شايفة اى صورة غير شيرى حتى ناس مكافحة العدوان بتاعين قرشو اختفووخلونا للعدوان
|
Post: #22
Title: Re: يا بكري .. يا شباب بتي وينها؟
Author: safrajat
Date: 05-04-2003, 08:41 PM
Parent: #1
يا بدر البت لا سرقوها ولا حاجه,البت طفشت ..هجت.. ياخى ماحرام تقابل وشيشك ده كل يوم , لكن احيى فيك روحك الشفوقه(اخت النمله)لانك مانزلت صورتك,يبدو انو البورد فيهو ناس كتار عاقلين ما نزلو صورهم, انت على الاقل معترف بالشنا(شناتك مابتدسا, وبى عين قويه جاى تمثل كمان..ما شفت ناس شامى كابور و دى كابريو) غايتو ناس الملا عمر واهل العوض صوركم لموها عليكم وخلو لينا النخل ده يهبهب , وشوف زى شيرى دى بتكون حكايه بطاله خلاص لما اضطرت تغير الصوره والاسم .. وعلى العليها فاطه سطر...
تتذكرو نكتة الزول: هق...انا..هق...سكرتى بتفك هق...
وشك ده....هق..بتودى وين... سلام...
|
Post: #23
Title: Re: يا بكري .. يا شباب بتي وينها؟
Author: wa7shny
Date: 05-04-2003, 09:14 PM
Parent: #22
الاخ بدر الدين شنا البنت قاعده ياها دي قول بسم الله
مع اعتذراي ليك لاستخدام الصورة في هذا العمل لاهديهوا لها
تحيات.................واحشني
|
Post: #24
Title: Re: يا بكري .. يا شباب بتي وينها؟
Author: بدرالدين شنا
Date: 05-05-2003, 04:46 AM
Parent: #1
بسم الله الرحمن الرحيم
الثمين عبدالله حعفر
تحية وإحترام
أشكرك كثيراً يا حبيب وطالما قلبك معي فأنا مطمئن
لك الود
الظريفة هاله
بري يايمة تبري من العمى
وزيرك بكون كسروه عشان يسوو الدلوكة لي عرس أبو حراز
صاحبي صفرجت
سلام وشوق
لكن احيى فيك روحك الشفوقه(اخت النمله)لانك مانزلت صورتك
حلوة يا صفرجت
يازول نصيحتي ليك شيري دي أختاها والله دي زي خلية النحل كان هبشتها كان يحلك الله دي شغالة الأيام دي فقع مراير
المحبوب واحشني
ما تشوفش وحش
يا سلالالالالالالالالالالالالالالالالام
أول حاجة لقيتها وين الشافعة بت الحنوت دي؟ وبعدين الإطار السمح دا سويتو كيف؟ وثالثاً عايزك توريني كيف أقدر أرجعها البيت لأنو شكلها لسة بتعاين ليك وما عايزاني كدي قول أعمل شنو عشان الصورة دي تظهر مرة تانية
لك شكري وتقديري
|
Post: #25
Title: Re: يا بكري .. يا شباب بتي وينها؟
Author: بكرى ابوبكر
Date: 05-05-2003, 04:56 AM
Parent: #24
الحبيب بدر الدين الما شين
بتك اكلها الدودو
اصلو اخوك قش السيرفا الاسبوع الماضى و الله لو عارف مقشاشتى بتقش احلى بنية على الارض ما كنت حا اقش السيرفا...على كل حال ارفعها مرة اخرى و اعلم باننى اقش السيرفا كل شهرين
|
Post: #26
Title: Re: يا بكري .. يا شباب بتي وينها؟
Author: tabaldy
Date: 05-05-2003, 05:05 AM
Parent: #1
يا جماعة شفت الشاشة وعقبال أشوف صورة البت
|
Post: #27
Title: Re: يا بكري .. يا شباب بتي وينها؟
Author: Yassir7anna
Date: 05-05-2003, 11:05 AM
Parent: #1
بدري
بتك الخايف عليها نحن ما خايف علينا
وبعدين انت مقبل على العلوج ديل كده مالك اليومين ديل يكون الخواجة المعاك واحد منهم ولا حاجة وجا خطف صور البنية
وحاتك العلم بتاع العلوج الكنت بحرق فيه كل يوم عشان افشي غليليي ما لقيته ، ومشيت لقيت ليك بكري كنس السيرفر ما خلى فيها نفاخ النار و علمي الا لحقته في كوشة الجبل، فكدي انت امش فتش بهناك كان تلقى صورتك
تحياتي
|
Post: #28
Title: Re: يا بكري .. يا شباب بتي وينها؟
Author: بدرالدين شنا
Date: 05-05-2003, 11:06 AM
Parent: #1
بسم الله الرحمن الرحيم
الشفيف الكثيف الأمين بكري
عندنا مرة قالت لي ناس التموين والله العشرة جنيه الساكني فيهن ديل وسخ بيوتنا فصاحب الدكان ساخر جداً قال ليهاعليك الله لما تقشو بيوتكم أدفقوا لي الوسخ في حوشي دحين الله يخليك تاني لما تقش السيرفار أدفق لي الصور في بروفايلي
يديك العافية يا رقيق
التبلدي تبلدي
سلام وإحترام
ياخوي دي الشاشة الغشاشة الشفتها دي
|
Post: #29
Title: Re: يا بكري .. يا شباب بتي وينها؟
Author: بدرالدين شنا
Date: 05-05-2003, 11:18 AM
Parent: #1
بسم الله الرحمن الرحيم
أووووووووووووووووو أخونا ياسر
سلام ياخي
شفت أنا العلوج دي دخلتهم في البوست عشان أجيبك لأنو ليك كم يوم معلّج في العلوج ديل ما داير تنفك منهم
والجبل القاصدو دا وين ياخوي؟
والخطوات شنو؟
|
Post: #30
Title: Re: يا بكري .. يا شباب بتي وينها؟
Author: Yassir7anna
Date: 05-05-2003, 11:30 AM
Parent: #1
العلوج ديل نسال الله يورينا فيهم يوم اسود زي الفحم...قادر يا كريم
الجبل البقصده ده الا تجيب الصورة بتاعت الامورة روبى مرة تانية وتمشي تحت محل تحميل الصورة على السيرفر وترفع الصورة مرة تانية وبعدين تشيل عنوانها الجديد وتخته في البروفايل بتاعك، غير كده ماعندك اي طريقة الا تبكي بس
كدي ما قلت لي الخواجة المعاكم ده علج ولا طرطور؟
|
Post: #31
Title: Re: يا بكري .. يا شباب بتي وينها؟
Author: AlRa7mabi
Date: 05-05-2003, 02:44 PM
Parent: #1
يا خال
والله وكت جابت ليها زوغان بنات ، قمت مشيت حوش بكري
افتش للبت صفوية ، جريتا من يدها وجبتها ليكم، بس اختا الكبيرة ضحوية باقي لي تكون مع تسنيم بت ياسر حنا، وياسر سايب البنيات واساسق في دلاقين الأمريكان ويحرق فيهن
تسلموا جميعا
|
Post: #32
Title: Re: يا بكري .. يا شباب بتي وينها؟
Author: بدرالدين شنا
Date: 05-05-2003, 05:52 PM
Parent: #1
بسم الله الرحمن الرحيم
الأخوة ياسر حنا والرحمابي وكل من عزانا بالتلفون أو جاء بنفسه أو أرسل لنا إيميل لكم الشكر أجزله وإنشاء الله ما تشوفوا مكروه في صورة لديكم
لقد تمكن أخوكم المناضل الصامد ياسر حنا من إعادة الصورة إلى موقعها
ومن هنا أعلن رفع الفراش من هذه الساعة
ولكم خالص شكري
|
Post: #33
Title: Re: يا بكري .. يا شباب بتي وينها؟
Author: Yassir7anna
Date: 05-06-2003, 08:16 AM
Parent: #1
الرحمابي
والله البنات ديل جننونا، رايك شنو نشترك لينا في هيلوكوبتر سوى عشان بعد ده نقدر نفتشهم كويس، لأنه تعرف بعد كده تاني ما بنقدرو
عزيزي بدر
انت بس نبذ لي العلوج ديل وخلي الباقي علي
لكم تحياتي
|
Post: #34
Title: Re: يا بكري .. يا شباب بتي وينها؟
Author: Raja
Date: 05-06-2003, 01:38 PM
Parent: #1
بدر الدين
مبروووك عودة صورة الأمورة الحلوة.. ليه ما شفنا بورد يقول حمدالله على السلامة؟
|
|