Post: #1
Title: كسرة بي تماضر
Author: بدرالدين شنا
Date: 05-15-2003, 06:33 AM
Parent: #0
بسم الله الرحمن الرحيم
ألأب : علي علي علي علي علي ها ما بتسمع؟
علي : بسمع
الأب : سمح وكت بتسمع ما بتقول هوي مالك؟
علي : هي نان يا بوي إنت خليت لي فرقة أقول ليك فيها هوي
أها دي تماضر بتدفق إبداع بإستمرار ما بتديك فرصة تعرفها كإنسانة وكقلب رحيم وجمال روح
فأنا رغم أني تشرفت بمعرفتها في الثمانينات في المعهد العالي للموسيقى والمسرح
وتشرفت بالعمل معها في برنامج محطة التلفزيون الأهلية
وزرت بيتهم في الثورة أكثر من مرة
وسافرت معها ضمن زملائي في فرقة الأصدقاء إلى ذويها في القضارف وحضرنا أفراحهم
إلا أنني لم أتعرف عليها كإنسانة إلا في ذلك اليوم الممطر عندما عزمتني الشفيفة عشة بت فاطنة على وجبة سودانية خالصة بطلها الكسرة وراجعنا ذكريات المعهد وبعض الزملاء وكان للأخت تماضر نصيب الأسد في الونسة بل كانت هي موضوع الونسة فقدمت لي الأخت عشة وجبة دسمة وهي تعرفني عن الجانب الإنساني والقلب الطيب والروح الجميلة للأخت تماضر وصدقوني كانت وجبة شهية عبارة عن كسرة بي تماضر وليمون .. وتجدوني آسف جداً ما بقدر أديكم لقمة واحدة لأنني أكلتها كلها وهضمتها
|
Post: #2
Title: Re: كسرة بي تماضر
Author: HOPELESS
Date: 05-15-2003, 06:40 AM
Parent: #1
حبيبنا ودشنا
بالعافيه والهناء .. وانا لو في مكانك كنت حاعمل كدا برضو
الراااائعه طماطم
سريعه الهضم .. محبوبه تشتهيها كل نفس
لها التحيه وكامل الاحترام
اخوكم
|
Post: #3
Title: Re: كسرة بي تماضر
Author: garjah
Date: 05-15-2003, 08:26 AM
Parent: #2
البدلي خاتف شنا
خاتف شنا دي على وزن خاتف لونين
ياخي من زمان بقول الزول ده محتلف
لعبك لعب زول مجضم الشغلانة
وماخد فيها دولات تدليبية
وخلينا ننضم جد شوية
انت عارف انتو المسرحيين ديل الوحيدين المفروض ما تمرقو من البلد
قول لي ليييييه
ايوآآآآآآآآآآآآ
ياخي شغلكم ده شغل جماعي يعني زول واحد ما بيقدر يسويه....يعني تماضر لامن تكون في امريكا والبدري في الشاطئ الاخر من استراليا..كيف ممكن تعملو شغل مسرحي
والله واحدة من المهن المفروض الشعب السوداني يدفع ليها بسخاء هي مهنتكم دي بحيث تعيشو مرتاحين ومافي زول يفكر في المرقة
تضلبو الكسلة بالطماضل وتطلعوا المسلح
.
|
Post: #4
Title: Re: كسرة بي تماضر
Author: Tumadir
Date: 05-16-2003, 08:45 AM
Parent: #3
بدر الدين سماح
يعنى بقى فرقى شنو من ملاح الورق؟؟؟
انا فجلة يا بدر الدين؟؟
انا ملاح قرع؟؟
انا سخينة ياخى؟؟؟
اخخخخ يا حليل الكسرة بالسخينة
لا والله اظنى فهمتك غلك،
كسرة رهااااافة وزى خميرة حبة كدة ، معجونة بملاح خدرة مفروكة ، وفى زول خمجان كدة ، كب باقى القرع فيها ، وموية الصلطة ، وكتح فيها شطة حمرا ، ام نويويرة
وبدا يلغف
الجداد الفى جة جارى ، عشان يلقط الفتفات
الكديسة الفى جات جارية على ريحة التوم ساكت ، كان تمرق ليها بحتة لحمة
الكلب ، قاعد هنااااك مستنى حقو من العضم
الجهال، يتصايحوا دايرين يلقموا ليهم فى خشومهم
وصاحبنا يلغف
مجمجمجمجمجمجمجمك
والله شكرتنى عاد
وانت عشة بت فاطنة دى قالت ليك شنو اصلها؟؟؟
وهى ما ورتك هى شنو؟؟؟
ولا انت ما وريتها انت شنو؟؟؟؟
ياخى بس ياحليلكم
بس ياحليلكم
ياحليلكم
|
Post: #5
Title: Re: كسرة بي تماضر
Author: safrajat
Date: 05-16-2003, 08:51 AM
Parent: #1
اصفر يا منقه
اخضر يا جرجير
احمر يا طماطم يا دم قلبى
شنا اوعا زولتك تصدق... بتكون بطنك لسه طامه من الطماضم...سلام ليكم يا راقيين.. و دنيا صفا دنيا انتباه...صفرجت
|
Post: #6
Title: Re: كسرة بي تماضر
Author: willeim andrea
Date: 05-16-2003, 10:42 AM
Parent: #1
جد عناوين عريضه يا احباب لمسرحيه ... بنشتاق ليها كتير في دول الشتات ما احلاكم يا بدرالدين ويا تماضر وما اجمل الفلاش باك .. صحي يا قرجه يا اخوي حرام الناس ديل يكونوا بره البلد وحرام برضو نحن نكون بره بس اهو حكم الاقدار والمصير ... لكم كل حبي ورقيق احساسي بكل همسه ولمسه من ابناء بلدي
|
Post: #7
Title: Re: كسرة بي تماضر
Author: بدرالدين شنا
Date: 05-17-2003, 04:45 AM
Parent: #1
بسم الله الرحمن الرحيم
حبيبنا ود لس
سلام ياحبيب
آي بقول ليك ود لس إنت لي تقول لي ود شنا إنت قايل الشنا دي أنا وارثها الحمد لله أبو سمح وأمي سمحا وأنا الشنا دي حقتي براي أشتريتها بي قروش الطاهور
الرائع/ قرجة
سلام وإعجاب
أولاً أشكرك على مشاعرك النبيلة تجاه المسرحيين ودا مؤشر لي إنك عندك الحس الفني
ثانيا
تضلبو الكسلة بالطماضل وتطلعوا المسلح
أنا كان عندي (ر) هنا الشالها منو؟
وبعدين لو إنت أصلك ناقصك راء أنا بنصحك تمشي ورشة سجيمان الحلبي كل يوم بقوم ليه شئ أمكن تلقى عنده راء زايدة
المبدعة تماضر
سلام يا جميلة
كسرة رهااااافة وزى خميرة حبة كدة ، معجونة بملاح خدرة مفروكة ، وفى زول خمجان كدة ، كب باقى القرع فيها ، وموية الصلطة ، وكتح فيها شطة حمرا ، ام نويويرة
ممكن كمان نضيف ليها شوية قدحة الجنيد وحبة شمار سوزوكي وفحل بصل أحمد الخليفة وفلفل نعيم سعد ... إشششششششششششششش
ليكم وحشة يا حلوين
صديقي صفرجت
سلام يا ظريف
أبيت ما بديك معاي
هيا ود أمي وحبيب قساي وينك إنت يا وليام أندريا
طولت شديد وليك زمن مختفي إنشاء الله طيب؟؟؟
إنشاء الله ربنا يرد غربة الجميع وكل واحد يبدع في مجاله ونشكرك على رقيق إحساسك
|
Post: #8
Title: Re: كسرة بي تماضر
Author: dabeep
Date: 05-17-2003, 07:59 AM
Parent: #1
الأخ بدر الدين شنا
التحية ليك وأنت دائما تسحبنا الى عالمك الجميل
وأنت توكد أنك أجملنا إسلوبا فى تمرير حاجاتك السمحة والممتعة
أما الكسرة بملاح التماضر تمنيت أن يكون لنا الصحن
إحتمال عضم هنا أو هناك
طرف الصحن دائما بفضل فيه شوية أثر , ده ممكن نعمل منو سخينة
تسلم ياأستاذ
دبيب
|
Post: #9
Title: Re: كسرة بي تماضر
Author: بدرالدين شنا
Date: 05-17-2003, 08:58 AM
Parent: #1
بسم الله الرحمن الرحيم
كيفك يا دبيبي
سلام وإحترام
ياخي إنت ما دبيب إنت حبيب
اللهم إلا إذا كان المعنى أنك تدب في هذا البورد جمالاً وروعة
لك حبي وتستاهل الطبخة كلها ولكن المرة القادمة تخلى عن الزحف وجرب الطيران ربما تلحق شئ من تماضرنا الطاعمة
|
Post: #10
Title: Re: كسرة بي تماضر
Author: Halema2
Date: 05-17-2003, 02:52 PM
Parent: #1
سلام من اراضي الشتات لكل الحلوين المبدعين
يااخواما والله لوقلت ليكم لي اكثر من 12 سنه ماضحكت زي يوم اخونا بدرالدين قدم عروض شبه مسرحية في احد دول المهجر في حفلة كان يصدح فيها عاصم البناء واذكر انه كان عائد من ارض الوطن ويبدو عليهو الانبساط بعد شوفت ام الوليدات, وسالت نفسي ياترى في دخول شنا البلد وطلوعه منها مافي زول قال ليهو انت ممنوع من السفر بامر الغلابه الفارقتهم البسمة ارجع ودعهم يشبعون واو حتى يموتون من الضحك خيرا لهم من الموت جوعا وكمدا.
تحية لفرقة الاصدقاء تحية وتجلى لكي تماضر
تحية لكل مبدع
ترى هل من عوده هـــــــــــل
|
Post: #11
Title: Re: كسرة بي تماضر
Author: Halema2
Date: 05-17-2003, 02:54 PM
Parent: #1
Repeted
|
Post: #12
Title: Re: كسرة بي تماضر
Author: Tumadir
Date: 05-17-2003, 03:38 PM
Parent: #11
حليمة
بقيتو كم؟؟؟
لوووول
مهند دة منو ليك؟؟؟
شكرا يا مترعة احساس ومحنة
|
Post: #13
Title: Re: كسرة بي تماضر
Author: garjah
Date: 05-17-2003, 04:06 PM
Parent: #12
مبروك المولود
انا هسع جايب معاي الطهار
وتقول لي الزول راس بس
|
Post: #14
Title: Re: كسرة بي تماضر
Author: بدرالدين شنا
Date: 05-17-2003, 05:40 PM
Parent: #1
بسم الله الرحمن الرحيم
حليمة2
سلام وإحترام
حليمة2 إنتي قبل 12 سنة كنتي أبو مهند ولا الحكاية شنو فهمونا؟؟
على العموم أشكرك أنتي وأبو مهند على الكلام الحلو والإطراء وإنشاء الله دايماً تعلوكما الإبتسامة
تماضر
سلام وإحترام
هن لحقوا يبقوا كمان؟؟؟
هوي يا تماضر قرجة دا مالو ببارك لي المولود في نص المعجونة دي؟؟؟
قرجة الظريق
سلام يا حبوب
يمين ما بترجع ساكت إلا تزينو بي موسك دي
|
Post: #15
Title: Re: كسرة بي تماضر
Author: Tumadir
Date: 05-17-2003, 05:41 PM
Parent: #14
بعا يا شناة ما عارف القصة انكشفت
وقرجة حسه بمارس عليك اسقاطات
والبادى اظلم
|
Post: #16
Title: Re: كسرة بي تماضر
Author: بدرالدين شنا
Date: 05-17-2003, 06:27 PM
Parent: #1
بسم الله الرحمن الرحيم
تماضر
سلام
سمح ناوليني الكوز دا خليني النشرب
أأأأأأأأأأأأأأأأه
الحمد لله شبعتا
|
Post: #17
Title: Re: كسرة بي تماضر
Author: Abdalla Gaafar
Date: 05-17-2003, 07:47 PM
Parent: #1
البدر
ياريق
السلام والود
وياخوي انت تستاهل وبختك تماضر بالكسرة ويديك ويديها العافية ويزيدها جمال ويزيدك ضحكة يارب
بدر ياخوي داير اسالك انا دخلت بوست لي دبيب لقيتك كاتب فيهو لي هوزي
يازول ملك جنيت والله شنو المهم انا الحق ارسل في المسنجر تغير الكتابة الكتبتها والله تنقلها في بوست هوزي لكن قبال اكتب ليك دخلت البنية شيري وطبعا عارفا براك غايتو كدي امشي شوف الحاصل في مدخل 7 بتاع دبيب
غايتو حكايتك دي مااظنها تمر من شيري ساكت ربك يستر
عبدالله جعفر
|
Post: #18
Title: Re: كسرة بي تماضر
Author: Halema2
Date: 05-17-2003, 07:48 PM
Parent: #1
والله ياشباب المرة هرشتني عديل كدة عشان كده داير اوضح حاجةاولا ابو مهند الهو انا وهو كنية من ايام الدراسة في الهند من اخوان العرب يمنيين واريتريين مستعربين وكده وحقيقة اسم مهند عاجبني ولسه ياتماطر العطر مابقيتا وهو نحن لحقنا
يا بدري يااخوي اوعى تكون نسيت اسمي (اها اسمي منو؟)
يلا فتكم بي عافية
(ابو مهند( بعل حليمة
|
Post: #19
Title: Re: كسرة بي تماضر
Author: Abdalla Gaafar
Date: 05-17-2003, 07:58 PM
Parent: #1
بدر الدين
ياجميل
انت كويس ياخوي تاني لقيت ليك بوست طاشي مع ناس الموصلي
وبعدين الحكاية دي من شنو يابدر ياخوي
كدا ياخوي امشي لملم بستاتك الما وصلت لي ناسا الكاتبه ليهم
المهم ياخوي انت انشاءالله طيب
عبدالله جعفر
|
Post: #20
Title: Re: كسرة بي تماضر
Author: بدرالدين شنا
Date: 05-18-2003, 04:23 AM
Parent: #1
بسم الله الرحمن الرحيم
الحبيب الصديق/ عبدالله حعفر
سلام وإحترام وحب شديد
أشكرك على الإهتمام الشديد بي وببوستاتي يا كثيف وسوف أعطيك هذه الروشتة لتذهب عيادة بوست أساسي (حالة حوصان تجتاح البوستات) وسوف تجد كل ما تحتاجه من إجابة شافية وأكرر شكري لك يا نقئ
حليمة2
سلام عليك وعلى بعلك
هو باع لك بكم والنبي؟
ربنا يديك مهند ويسعد أبو مهند آمييييييييييييين
بس لو ترسلي لي مسنجر بالإسم طبعاً أخوك ضرب الشيب رأسه وأصبح يلخبط في البوستات وربنا يسهل
تحياتي
|
Post: #21
Title: Re: كسرة بي تماضر
Author: HOPELESS
Date: 05-18-2003, 05:52 AM
Parent: #20
والله استاذنا ودجعفر مباريك وين ماتقبل
مافي اي طريقه تنكر
يلا سلام
|
Post: #22
Title: Re: كسرة بي تماضر
Author: بدرالدين شنا
Date: 05-18-2003, 06:54 AM
Parent: #1
بسم الله الرحمن الرحيم
صديقي/ هوب لس
سلام وإحترام
مرحب بيك إنت وود جعفر هو أنا لاقيكم وين؟ وبارك الله في التكنولوجيا والأمين بكري
|
|