Post: #1
Title: سبحتي عند الخواجة
Author: بدرالدين شنا
Date: 02-26-2004, 06:44 AM
Parent: #0
بعد رجوعي من الحج بالسلامة والحمد لله بقت ونستي مع الخواجة كلها عن الحج طبعاً ما لاقي لي زول في الصحراء دي غيرو أفرغ فيه المعلومات والمناظر الشفتها في الحج وشايفو ليك مستمتع بالحكاية والنقاش وتاني يوم هو الفتح الموضوع قال لي (الليلة زي كأنك أذنت متأخر لصلاة الصبح) لأنو مفروض الوقت يكون إختلف شوية يعني مفروض بدل يكون خمسة ونص ينزل إلى خمسة وخمسة وعشرين دقيقة لكن إنت (ويقصدني أنا) أذنت خمسة وثلاثة وثلاثين دقيقة .. يا زول أنا لمن شفت ليك المسألة ماشة اليوم التالت قلت الخواجة ما عندو شغلة أنا أفتش ليه شغلة قمت جبت ليهو سبحتي الجبتها من الحج قلت ليهو السبحة دي خيطها دا ما كويس بنقطع سريع عايز أغير ليها الخيط دا قام المسكين يفتش معاي لي خيط متين وهسع خليتو ينضم فيها (ينضم حبات السبحة) وما عارف بكرة أشغلو بي شنو؟؟؟
|
Post: #2
Title: Re: سبحتي عند الخواجة
Author: سارة منصور
Date: 02-26-2004, 07:54 AM
Parent: #1
اخونا العزيز بدر الدين تحياتي لك ..
اما عن الخواجة صاحبك ده بعد ماخلاص نضم السبحة تمام بعد ده رسله
مكة المكرمة يجيب ليك شوية من موية زمزم ولما يرجع بيها قول ليه
يشرب منها البقدروا عليه الله والباقي خليه يغسل بيه ذنوبه باقي
ذنوب الخواجات ديل مابتزول الا بقدرة قادر وموية زمزم دي
قدرة قادر...
|
Post: #3
Title: Re: سبحتي عند الخواجة
Author: abas
Date: 02-26-2004, 08:04 AM
Parent: #1
بدر الدين الشين
حجا مبرورا
وسعيا مشكورا
لكن انت صحي صحيت لي صلاة الصبح متاخر
ولا الخواجه فكاها فيك
|
Post: #4
Title: Re: سبحتي عند الخواجة
Author: بدرالدين شنا
Date: 02-26-2004, 08:27 AM
Parent: #1
العزيزة سارة منصور
سعدت بطلتك المشرقة البهية
أنا أمي ما حججتها دايراني أحجج لي خواجة يا سارة؟؟؟
الخواجة عشان أقنعو يمشي مكة دي إلا بالتدريج في الأول أوديهو السعودية كمدرب لأحد الفرق الكروية هناك وشوية شوية
|
Post: #5
Title: Re: سبحتي عند الخواجة
Author: سارة منصور
Date: 02-26-2004, 08:40 AM
Parent: #1
هاهاهاها الله يخليك والله ضحكتني ..
طيب خلينا نفكر ليه في حاجة ثانية الخواجة ده
احسن شئ رسلوا دارفور يعاين موقع الحدث ويجئ
بالمفيد...
|
Post: #6
Title: Re: سبحتي عند الخواجة
Author: بدرالدين شنا
Date: 02-26-2004, 08:46 AM
Parent: #1
الرائع عباس سلام من جوة قلبي
الله يبارك فيك ويبارك في أهلك ووطنك
التأخير حصل فعلاً لكن كلها دقيقتين ولا تلاتة لكن أنا ما كنت قايل الخواجة متابع ودقيق بهذه الدرجة وبمناسبة الآذان دي الخواجة دا وزميلوا التاني في الأول كانوا معترضين على مسألة الآذان وخاصة آذان الصبح وقالوا لي بدل تأذن لي أربعة أشخاص ليه ما تدق على أبواب الغرق وتصحيهم
الرحبة سارة سلام تاني
دارفور مرة واحدة؟؟؟
إنتي عايزة تفرتقي السبحة مرة تانية ولا شنو؟؟؟
تحياتي لكي
|
Post: #7
Title: Re: سبحتي عند الخواجة
Author: HOPEFUL
Date: 02-26-2004, 08:57 AM
Parent: #6
الحاج بدرالدين شنا
طيب الله مقامه
يازول انت متأكد إنو المعاك ديل خواجات ؟؟
ما يكونوا ديوك وانت من قله البشر حولك "شبه لك"
|
Post: #8
Title: Re: سبحتي عند الخواجة
Author: tmbis
Date: 02-26-2004, 08:59 AM
Parent: #6
بدرالدين ..يا حلو جميلة طلتك من الصباح
اديني الخواجه ده افسحو ليك يومين هنا عشان يعرف حاجه
|
Post: #9
Title: Re: سبحتي عند الخواجة
Author: بدرالدين شنا
Date: 02-26-2004, 09:05 AM
Parent: #1
| Quote: ما يكونوا ديوك وانت من قله البشر حولك "شبه لك" |
ضحكتني يا جمال الله يديدك العافية
أسأل الله أن يكونوا (ديوك) الرحمن
حبي وتقديري لك
|
Post: #10
Title: Re: سبحتي عند الخواجة
Author: بدرالدين شنا
Date: 02-26-2004, 09:34 AM
Parent: #1
الظريف تمبس سلام وإكرام وشوق
أنا بديك الخواجة تفسحو لكن عليك الله (فسح) عينيك كويس ما يزوغ منك جاي ولا جاي
|
Post: #11
Title: Re: سبحتي عند الخواجة
Author: ملكة سبأ
Date: 02-26-2004, 12:52 PM
Parent: #1
حاج بدر الدين
حجة مبروكة انشاءالله تتنيها وتتمنها زاتو
الخواجة دا طالما ما ماسكة السبحة كل يوم اديهو صلاة على الرسول ولا تسبيحتين تلاته وسيبو يترجم ومنها شغله ومنها ثواب ينوبك
|
Post: #12
Title: Re: سبحتي عند الخواجة
Author: ali othman
Date: 02-26-2004, 01:31 PM
Parent: #1
كيف حالك ياحاج
زولك ده علمو العربي وفكو في البورد هنا شوف أكان رجع ليك تاني
|
Post: #13
Title: Re: سبحتي عند الخواجة
Author: بدرالدين شنا
Date: 02-26-2004, 02:09 PM
Parent: #1
ملكة سبأ وكل جميل
سلاااااااام وشوق
| Quote: انشاءالله تتنيها وتتمنها زاتو |
أنا بتمنها وإنتي إشتريها
الخواجة يا الملكة إسمه مايك باركر
أمسكو السبحة دي يقوم يتصوف يعمل الطريقة المايكية ولا الباركرية وبعد داك يعمل ليه حيران ويسموهم المايكاب أو الباركراب
تحياتي
الغالي علي عثمان سلام
أول حاجة إنت ياتو في الطفلين الحلوين الراقد والا القاعد؟؟؟
تاني حاجة يا الفالح أنا كان علمت الخواجة العربي القاعد ليها شنو ما بصبحوني في أهلي .. قال أعلمه العربي قال يلقاها عند الغافل
|
Post: #14
Title: Re: سبحتي عند الخواجة
Author: Raja
Date: 02-26-2004, 04:03 PM
Parent: #1
لوووووووووووول حاج بدر..
هو الخواجة زاتو ما شقي في عمرو الوقع في ايدك ..
|
Post: #15
Title: Re: سبحتي عند الخواجة
Author: بدرالدين شنا
Date: 02-29-2004, 12:38 PM
Parent: #1
رجوية الظريفة
إنت ذاتك لووووووووووووووول لالك يا رجاء ... والفرح بي شمالك يا رجاء
تحياتي
|
Post: #25
Title: Re: سبحتي عند الخواجة
Author: Raja
Date: 03-03-2004, 06:57 PM
Parent: #15
الحاج العزيز بدر..
لكن ما دعوتك لي ما عسل..
الليل كلو الغنية في اضاني.. اريتنا بي فالها  ..
|
Post: #16
Title: Re: سبحتي عند الخواجة
Author: maia
Date: 02-29-2004, 12:58 PM
Parent: #1
الحاج بدرالدين الماشين
لكن يا بدرالدين انت ذاتك تكون جننته بالاذان الكل يوم ده لغاية ما خليتو يحفظ المواعيد
وبعدين الانسان الالي اللي في توقيعك قرب يقول الروب من كترة المشي
ولك التحية
|
Post: #17
Title: Re: سبحتي عند الخواجة
Author: بدرالدين شنا
Date: 02-29-2004, 01:05 PM
Parent: #1
الشفيفة ميا سلام
| Quote: وبعدين الانسان الالي اللي في توقيعك قرب يقول الروب من كترة المشي |
إنت عارفة أنا عندي كمان فكرة أفكفكو حتة حتة وأديهو للخواجة ينضمو لي بعد ما ينتهي من السبحة رأيك شنو؟؟؟
|
Post: #19
Title: Re: سبحتي عند الخواجة
Author: ابو جهينة
Date: 02-29-2004, 01:44 PM
Parent: #17
الحاج الشقيق بدر الدين
التحية و المودة
بعد ما الخواجة يحل مشكلة السبحة ،، وريهو مشكلة السلام في السودان و خلطة الأحزاب و التحالفات القديمة و الجديدة و قول ليهو حلها لينا.
غايتو بيطلب نقلية ،، دة كان ما قام جاري ( ملط ) و هو يصرخ ( لم أجدها ) في صحراء ظفار.
أرقد عافية
|
Post: #18
Title: Re: سبحتي عند الخواجة
Author: maia
Date: 02-29-2004, 01:40 PM
Parent: #1
والله يا حاج بدرالدين شكلو الخواجة اللي حيقول الروووب
بس الانسان الالي ده شكلو قررب يصل تشاد
|
Post: #20
Title: Re: سبحتي عند الخواجة
Author: بدرالدين شنا
Date: 03-01-2004, 09:45 AM
Parent: #1
الفنان الشقيق أبو جهينة
تحيات كتاااااااااااااااار
| Quote: بعد ما الخواجة يحل مشكلة السبحة ،، وريهو مشكلة السلام في السودان و خلطة الأحزاب و التحالفات القديمة و الجديدة و قول ليهو حلها لينا. |
إنت قايل دا خواجة القدر ولا شنو؟؟؟
العزيزة ميا سلام
| Quote: بس الانسان الالي ده شكلو قررب يصل تشاد |
عليك الله يا ميا بدلي لي تشاد دي وبدفع ليك الفرق
|
Post: #21
Title: Re: سبحتي عند الخواجة
Author: اسامة الخاتم
Date: 03-01-2004, 04:06 PM
Parent: #1
مبروك و ازيك و مشتاقين
لكن.. بالراحة علينا.. اكان انت قاعد فى صحراء و ربنا ابتلاك بى خواجة اصولى انحن عايشين فى مدينة و فيها ناس كتار و مكتب, يعنى الضحك بجيب لينا الطرد و التفنيش, وانت عارف أخوك يادوب لم ليه في شغلة
و قول للخواجة ما براك:
قديما جون حكاية الازان دى تعبته شديد جدا صبح و ضهر و عصر و مغرب و عشاء و تانى صبح المهم جون طبعا ساكن تحت الجامع اها فى ازان صبح كدا مشى للموذن قال ليه: ياخ يا سيدنا جماعة دا ما كان ماعاك قبيل ما كان تقول يا جماعة تعالو بعدين الساعة خمسة
تسلم... و سلم لي على ود باركر دا اذا لسة السبحة ما جابت خبره .
|
Post: #22
Title: Re: سبحتي عند الخواجة
Author: بدرالدين شنا
Date: 03-02-2004, 09:53 AM
Parent: #1
العزيز جداً أسامة الخاتم
أولا مبروك الشغل الجديد وإن شاء الله تقطعه بي عرق العافية
إن شاء الله يكون كفيلك الجديد سمح وبينضم السبح .. عجبتني حكاية جون مع الآذان هاهاهاهاها
فرحت بي طلتك شديد والتي زادت سبحتي بريقاً
تحياتي
|
Post: #23
Title: Re: سبحتي عند الخواجة
Author: ابو مهند
Date: 03-02-2004, 05:11 PM
Parent: #1
الاخ شنا حجا مقبولا
والله الخواجه اخير من ناس خلفان والمرة الجاية مسكو عدد اكيد انت ماسك عدد وماتنسى تكشحنا بي فاتحه
(عرفتني)
|
Post: #24
Title: Re: سبحتي عند الخواجة
Author: بدرالدين شنا
Date: 03-03-2004, 11:35 AM
Parent: #1
الحبيب أبو مهند
تحياتي وأشتياقي
إنت قول لي الحرف الأول والتاني والتالت بس وأنا بعد داك بعرف ليك الباقي
تسلم يا صديقي
|
Post: #26
Title: Re: سبحتي عند الخواجة
Author: soma
Date: 03-03-2004, 10:36 PM
Parent: #24
بدر الدين لووووووووووووووول
الله يجازيك بالخير .. مبروكه الحجه مرات كتارات فاتن وتانى جايات
اقول ليك تانى تشغلو بشنو الخواجه العيفه ده على قولك ..
خلاص بفكر وبجيك راجعه تانى ..
يديك الف عافية..
|
|