التمثيل والرزيلة

قبل كم يوم لا قاني واحد النوع العندو سيماهم في وجوههم وشنب في خشومهم وحمرة في عيونهم سلم علي وقال لي إنت دحين ما الممثل الزمان الكان بجي في التلفزيون؟؟؟
قلت ليهو (بي إبتسامة) ياني أنا بالله إنت بتذكرني لسع؟؟؟
قال لي وإنت شغال هنا في السعودية؟؟؟
قلت ليهو لا ... أنا جاي بس لأداء فريضة الحج
قال لي يا سلالالالالام الحمد لله ربنا هداك وتاب عليك وبعدك من السكة الكنت ماشي فيها ديك
طبعاً سكت ساكت خوفاً من الرفث والفسوق والجدال في الحج من ناحية وشنبو الغليد من ناحية أخرى هسع الحمد لله هو فات فأنا داير أسالكم بالراحة كدا سكة التمثيل دي سكة بطالة؟؟؟
ياربي تتوب على تماضر ومريم ومنعمشوف وكل الممثلين من الرذيلة

من (الرذيلة) كانوا معنا
(الأخيرة دي سربعة)

لوووووووووووووووووووووووول يا البدرى

والله عاد كلام
بعد دا الا نقلبك ناقد ولا بتاع ديكور

لوووووووووووووووووووووووووووول يا حاج بدر..
..
المهم..
ربنا تاب عليك..؟

بدر مبروك التوبة
ربنا يقبل..وعقبالنا يا رب

..
.
اخى الفاضل / بدر الدين شنا
وبقية المشاركين ..

طبعاً كنت متوقع من الدكتورة بيان والصحفية رجاء تعقيب مستفيض
وكمان من الاخ/ خالد الحاج كنت متوقعه يعقب لينا تعقيب ماكن كدا
قدر شنبو الغليد دا ..بس عبر عبور قطار الشرق ..
سوررى يا ابو الخلد ايام جست كدينغ اند جوكنغ ..
اوكى بيغ بروزر
وخلونى افتح الطاقة دى ولو بسيط
ونعود للموضوع
صراحة اخى بدر الدين لقد ارتبط الفن ( التمثيل او الغناء) فى اذهان العقلية السودانية ولنتحدث عن الجيل السابق وبعض الاجيال الحالية (زى عمك ابوشنب دا) بانها هواية او مهنة غير كريمه او بطاله وبلاشك ستجد ان هذا المفهوم لا زال يعشعش فى بعض العقول ..
ولا شك ان لهذا الفن رسالة يقدمها ولكن الأمر المؤسف لا اذكر يوما فى مسرحية او مشهد تمثيلى ان تعرضت لهذا الامر او حاولت تغيير هذا المفهوم باستخدام ادواتها على المسرح او حاول المؤلف والمخرج والممثل الدفاع عن هذا الامر .. بل ان العمل المسرحي بصفة عامة حتى هذه اللحظة لا يجد مكانته بالصورة التى يمارس بها فى بقية انحاء العالم وبالتالي ستظل هذه الفكرة راسخة ما لم يقوم الممثل والفنان باستخدام ادواته للدفاع عن رسالته.
وحتى لا اظلم الفن فقط فما زال مجتمعنا ينظر لمهنة ( التمريض ) بأنها مهنة العاهرات والمطلوقات - عفوا للفظ- وكذا الحال لمهن مثل المضيفين والمضيفات على حد سواء والويترز - يترجموها كيف دى - يعنى للان تجد من يقول لك دى ما شغلة بنات ناس او اولاد ناس ...الخ من التعابير بالاضافة للغناء واعتقد ان الفنانين هم افضل المهن فى السابقات حالا حيث شبه تجاوز هذا المفهوم القديم او المتخلف ان صح التعبير .


وختاماًلك ولكل الممثلين تقديرى واحترامى
ومبروك الحجه ..


تحياتى

Brother Badreldin
Congratulations for Pilgrimage, may Allah accept it from you and fill your life with blessings, Aameen.
The idea of the "Large Mustached Man" came from watching others' movies, which really reflect a terrible picture about those who practice the Art of Acting, many Foreign and Arabic actresses appear in an impolite style of dressing, sometimes completely naked, practicing what so ever comes the minds of authors under the shelter of the Nobility of Art and the cover of sending a certain message to the watchers!!! This is just nonsense, and a shameful way of gaining money by posting the pictures of carefully selected scenes to draw the attention of many.
But thank God, we don't have such way of acting in Sudan, we don't mix the Art of Acting with what I call "Cheap Thrill", our TV channel does not allow these “poisons”, and I wish to remain as conservative as we are now!
My respect for you all
Ahmed

يا احمد اعتقد ان تمثيل (الرذيلة) للناس افضل مليون مرة من تمثيل (الفضيلة) علي الناس!!! ـ اذ في الاولي ربما كان فن وابداع ، اما الثانية فنفاق وخداع !! ـ وهنا تكمن المفارقة ـ

Dear Munir
I liked the way you've – wizardly -used the words, and I agree with you: Both types of Acting are awful as they contradict with religion and humanity.
Ahmed

بدر الدين.... انت كنت بتمثل شنووووووووو بالضبط كدا؟

بدر الدين

انت كنت بتمثل!!!! وللا كنت بتمثل بالناس بعد الحرب!!!

البدرى ابنكنبة دا من المع نجوم الكوميديا السودانية
فى فترة الثمانينات
اخذنى ذات يوم والخرتوم تعانى شح البنزين ليصطاد بى فضل ظهر
وكما هو معهود فى مثل هذا الاصطياد يقف البدرى بعيدا عنى تقف فضل الظهر
وياتى هو معى فلا ينبس صاحب فضل الظهر بكلمة مخافة ان يضرب بحمية
الوليان.. ففى ذلك اليوم وقفت فضل الظهر امام البدرى بعد ان تجازوتنى.. وكان صاحب فضل الظهر من المعجبين وكانت تلك المرة الاولى
ان يعرف كم هى حلوة الشهرة..
هل تذكر ذلك اليوم يا بدرى؟

عفواً أحبائي للخطأ الإملائي في العنوان في كلمة (الرزيلة) والصحيح (الرذيلة) أكرر أسفي

بت كنبتي بيان
سلااااااام في المليان
أنا أتهزأ وتقولي لي لوووووووووووووول إن شاء الله يلاقيك أب شنب دا و(ينقد) ليك شعرك سبيبة سبيبة


رجوية الظريفة سلااااااااااااام
والله الاقي الزول أبو شنب دا أكان أقول ليهو رجاء دي صحفية ومشهورة والعالم دا كلو بعرفها بس كيتاً عليك


خالد صديقي وقريبي
تحياتي الحارة
الله يبارك فيك وعقبالك مالك ما قلت لي تقطعها بي عرق العافية

تبلديني أنا شخصياً وتبلدينا نحن أعضاء البورد
عميق تحياتي وأجلَّها
لقد نثرت الدرر وأفصحت وأبنت وقلت الكلام السمح ربنا يحفظك ويكثر من أمثالك فأنت أنصفتني وأنصفت عشيرتي وقبيلة الممثلين وقبائل الممرضين
لك الود

الجميل أحمد الريح
عنيف شوقي وترحابي

Quote: The idea of the "Large Mustached Man" came from watching others' movies, which really reflect a terrible picture about those who practice the Art of Acting, many Foreign and Arabic actresses appear in an impolite style of dressing, sometimes completely naked

This is the point
Thanks

الغالي منير
نورت البوست وجبتها من الآخر
كلامك حلو يسلم فمك

بطل الكوميديا سجيمان
كنت بمثل أدوار بيسيطة لا فيها بوابير ولا رجل مشترك يعني الزول دا كان لما فيك والله كان يحلك الله

الاخ الجميل حاج بدرالدين ـ
أولآ عذرآ أني جيت داخل بدون استئذان منك صاحب الدار ـ والحقيقة كنت مفروض اكون أول زول عقب، لأني يمكن اكون اول زول قرأه ـ لدرجة أني كتبت النص وكل شئ، وكان بنفس المعني الذي رديت به علي الاخ احمد ـ بس اتردت وحقيقة اتردد دائمآ في المشاركة في بوستاتك خفيفة الظل، لأني بصراحة بخاف ابوظها ليك بدمي الثقيل ـ لكين بعد كده الاتبلبل يعوم ـ وموت موت حياة حياة

(أعزائي) عثمان حمد عثمان حمد
سلاااااااااام وإكرام
هووووووووووووو يا عثمان أخير ليك


د. بيان سلاااااااااااااااام

Quote: البدرى ابنكنبة دا من المع نجوم الكوميديا السودانية فى فترة الثمانينات

كبيتي لي كتير ما بقدر أشربو كلو
أشكرك يا دكتورة على هذا الكلام الجميل وأذكر تماماً تلك الأيام وتلك الحادثة
لكي ثمين إخلاصي وعرفاني

الشفيف منير
تحياتي وأشواقي

Quote: بس اتردت وحقيقة اتردد دائمآ في المشاركة في بوستاتك خفيفة الظل، لأني بصراحة بخاف ابوظها ليك بدمي الثقيل

ياخي حرام عليك دا كلام تقولو
أنا الذي تشرفت بالزيارة أولاً وبالمداخلة ثانياً وكونك ترد على أحمد دا جزء من (الدسكشن) المقصود بل هو المعنى الحقيقي للبورد وليس بالضرورة أن يكون الرد موجهاً لي أنا فلا تتردد عزيزي ودمك حلو زي كلامك
لك الود

شقيقي الحاج بدر
سلام كيمان

حاشاك من الرذيلة ،، أنت من ( الذين ) يشهد لهم بالأخلاق الفاضلة ،، و السيرة النقية ،، و الحمد لله أن أتم عليك نعمته بحج مبرور و سعى مشكور.
بس ربنا نجاك من أب شنبات.
تسلم

أبوجهينة وأبو الجمال والروعة
وتسلم إنت من كل بلاء وشنوبات وعينك ما تشفش بوستات بذيئة أو مسيئة تعكر صفوك يا شقيقي
وبعدين أنا لاحظت إنو الراجل أبو شنب وهو بسألني عن التمثيل وإن كنت أنا الممثل أم لا كان يتحدث بصوت منخفض حتى لا يسمعه أحد ويتهمه بمعرفته لي وكأنني صاحب جريرة
لك الود والأخوة الصادقة

حاج بدر الدين حلا..
تعرف الغريبة انا لما الاقي الجماعة ديل بيذكروني أبو لهب ..
شفتو وين..؟
في المسلسلات الدينية ..

من (الرذيلة) كانوا معنا
الحاج بدر
لو انت بتاع محطة التلفزيون الاهلية ... الله ماجاب ليهو توبة من الكنت بتسوي فيهو..وتكفي التوعية والفرحة الزرعتوها في اي سوداني
لكن في ممثلين الواحد صحي صحي بتمنا توبتهم من التمثيل ...قصدي الفن الجيد والقاصد الانسان عمرو ماببقي عيب
وانا بهذه المناسبة داير توقيع من جنابك كمعجب..
وان تعذر اسمح لي باستخدام السربعة ادناه كتوقيع

Quote: من (الرذيلة) كانوا معنا

حاج بدرالدين...
بالله انتا كنتا كافر,....

كويس...
ربنا يتوب عليك برضو من الناس العندهم شنبات....

يا بدر عندي ليك سؤال
انت غنيت (يجلي النظر يا صاح) مع فرقة الاصدقاء زمان
احمد

Quote: كان يتحدث بصوت منخفض حتى لا يسمعه أحد ويتهمه بمعرفته لي وكأنني صاحب جريرة

لووووووووووووووووووووووول
لكن يا ابنكنبة
قلتا لى اخدك على ركن..انهم يمارسون الاعجاب السرى
عارف يا البدرى
يوم مهرجان الروائع الرسلتا ليك عنه تقرير شافى وافى مع التعليقات الجانبية داك..
لما جابو صورتك(ايوة ديك ذاااااتها بتاعة البطاقة حقت سنةاولى)

ضجت القاعة بالتهليل والتصفيق يا زول لسع عندك معجبين الحق قبل كلهم يبقوا ذى ناس سيماهم دا وتروح فيها..

الرزينة رجاء العباسي
سلاااااااااااام
إذا كان الزول دا هو أبو (لهب) معناها شايل ولدو في عيونو


أخي عماد الأمين
سلااااااااااام بقدر ذاكرتك التي تذكرتني بعد طول الغياب
نعم أنا الممثل الشين الضعيف ابو شعر أبيض بتاع محطة التفزيون الأهلية

Quote: وان تعذر اسمح لي باستخدام السربعة ادناه كتوقيع

تتفضلها طوالي وباقي الرذائل برذلها ليك بالبريد
لك شكري وودي على الطلة البهية


الحبيب مانديلا سلام وإكرام
كافر مرة واحدة كدا؟؟؟
وطي صوتك يسمعك هوبفل هسع يودينا في ستين داهية


الغالي أحمد تحياتي
إنت الله تاب عليك بقيت تكتب بالعربي؟؟؟

Quote: انت غنيت (يجلي النظر يا صاح) مع فرقة الاصدقاء زمان

غنيت معاهم كتير لكن الأغنية الغنيتها في التلفزيون وعرفتني بالناس هي أغنية أحرموني ولا تحرموني
سعيد أنا بي زيارتك التانية وياريت تتكرر الزيارات يا حبيب


العفيفة د. بيان سلااااااااااام
والله أنا مشتاق لي وداير أشوفني زي زمان خاصة أيام الصورة التي تتكلمين عنها قبل جضيمات الخليج
أشكرك وأذكرك دائماً يا وريفة

بدر التائب

بالله هوانت من الرذيلة كانو معنا؟؟؟؟

وانا من زمان اقول شوفتك وين شوفتك وين


والف مبروك التوبة

الحاج بدر الدين السمح
اولا حمد الله على السلامة( معليش متأخرة)
ثانيا الحاج السقيل ده كان تقول ليه
وكت هي رزيلة, البفرجك عليها شنو؟
طبعا الوقت داك بتكون غارق في الروحانيات ومافي طريقة للمساخة
لاكن ممكن ترسلها ليه في جواب
انا عن نفسي ما بدور الحقارة , وكان سكت سنة في النهاية باوصل ردي
حاشاك من الحقارة ومن الرذيلة

بالمناسبة
اسعدني الحظ بسماع( أحرموني ولا تحرموني) بصوتك( المتلون) في البالتوك في جلسة مع الاخت سومة
اعتقد الصيف الماضي
وما زلت اذكر نوبة الضحك التي اصابتنا جميعا ولم تفارقنا حتى صباح اليوم التالي
الله يسعدك ويفرحك دايما


تحياتي
زولة123

الحبيب ياسر حنّا سلااااااااااام
أيواااااااا إنت الكنت قاعد تترذل لينا للدكان
مشتاقين كتير


الشفيفة زولا 123
سلاااااااااام كتير
آسف تأخرت عليكم في الرد لكن الحمد لله اللحقتك قبل ما تبقي (زولا 153) لكن الحمد لله لحقتك سريع
والله أنا برضو ما برضى الحقارة لكن خلينا نسامحو المرة دي بس
يوم البالتوك أنا كنت أكثر منكم سعادة لتجاوبكم وشفافيتك في الفهم السريع للنكتة
تحياتي ليك وللاخت شكلاتة وكل الرائعين في البالتوك

بدر البهاء

كيف الحال أيها الرجل العذب الفياض

لن نثنى دعوتكم "للتوبة" إن كانت ستحرمنا رقى التعبير وسمو الفن

فأنتم جميعا سفراؤناالى أكوان الإبداع والخلق الجميل

أشواق كثيرة والله لك بدر، ومرسل لك التحايا والمعزة والسلام

أبوذر

المطر الكثيف
سلام وريدة من جوووووووووووووووووووووووووة

Quote: فأنتم جميعا سفراؤناالى أكوان الإبداع والخلق الجميل

مرحب بسمو وزير خارجية مملكة الروعة والحرف الشفيف
تحياتي للأهل وأخص منهم صديقي النعيم