Post: #1
Title: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 07-31-2004, 09:51 PM
Parent: #0
أنا شفت بورداب في الخرطوم جميلين حد الوصف
وصلت الخرطوم .. ضربت للعزيز ود عقاب في الموبايل وفي اقل من نص ساعة الراجل دا خت الفي يدو وترك مكتبو وجاني مليان شوق وحنان وروعة وقبل أن يفارقني ومن نفس الموبايل إتصل على نخلة مروي المثمرة (ملكة سبأ) والتي جمعت كل جمالها وثمارها وأتتني بهما في لحظة وفاء لن انساها وذهبنا سوياً لنلتقي الأنيقة والتي تشبه حرفها وإسمها الغالية (دريمز) ولحسن الحظ وجمال الصدفة أن وجدنا برفقتها في الشركة زائر شاهق شامخ شامق والأخيرة هذه مشتقة من إسمه (ود شاموق) وقاموا جميعاً بدعوتي لتكريمي ضمن المحتفى بهم في إحتفالية بكري ابوبكر التي نظموها
جيت الإحتفال تلبيةً للدعوة وأملاً في التعرف على المزيد من البورداب وتوقاً للمشاركة فتحققت الأولى والثانية فحضرت وتعرفت على الأستاذ فضيلي جماع والدكتور المعز وزوجة خالد الحاج وإبراهيم الجريفاوي وأبو يسرى واللورد وناجي الزبير وأتبراوي وود العجمي وحمزة سليمان والأخت إيما ونجلا التوم والمهندس وكثيرون ربما سقط إسمهم سهواً أما الأخيرة وهي المشاركة فلم تتحقق رغم إصرار بكري أبوبكر على أن اقدم بعض الإسكتشات وبعد أن تركت زوجتي في قريتنا وهي مريضة وبعد أن جمعت لهذه المشاركة كل ما أكرمني به الله من موهبة في التمثيل وذلك لعلة في برنامج الحفل أو ربما لأنني نكرةٌ بالنسبة للقائمين عليه
فتحياتي لكل من قابلت وشكري للجميع وأملي في لحظة أخرى وجمع كريم
|
Post: #2
Title: Re: أنا حا أقول الشفتو كلو ... ولا أخاف في الحق لومة لائم
Author: ابو يسرا
Date: 07-31-2004, 11:55 PM
Parent: #1
حاشاك ان تكون نكرة اخي بدرالدين
اللمة كانت حلوة خالص لكن هذا لابنفي ان هناك حلل كبير فى برنامج الحفل
ومكابر من يقول ان البرنامج كان مرضى
نتمني ان ينم تلافي مثل هذه الاشياء لاخقاً ولك اخي بدر الدين العتبي حتي ترضي
والشكر لكل من سهر وعمل من اجل نجاح الحفل
|
Post: #3
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 01:34 AM
Parent: #1
الغالي أبو يسرا
سلام وإكرام وإحترام
أخي أبو يسرا الشكر أطنان لكل من سهر على نجاح الحفل ومجرد التفكير في إقامته يستحق الثناء والورود وأنا شخصياً سعدت كثيراً بمعرفة من قابلت وحسيت بقيمة هذا الوطن الإلكتروني وأكيد القادم أحلى .. ربنا يحفظكم وأنتم تكرموننا حتى ظننا أننا سنورثكم
لكن بيني وبينك مشاركتي حارقاني لي هسع وعايز لي جمهور أفكها فيهو
وأكان بتتكتب كنت كتبتها لكنا عبارة عن عرض وأخذ وعطاء
|
Post: #4
Title: Re: أنا حا أقول الشفتو كلو ... ولا أخاف في الحق لومة لائم
Author: Rawia
Date: 08-01-2004, 02:21 AM
Parent: #3
الغـــــــــــــالى بدر الدين
ليـــــــــــــــك وحشه
وشوق قدر الدنيا كلها
ما عارفه الوضع بالظيط
لكن انت حاشاك انك تكون نكره
وخيرها فـ غيرها
نحنا عارفين قيمتك ومكانتك كويس
انشاء الله الوليدات خليتهم بخير
وزوجتك بقت طيبه
|
Post: #5
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 02:57 AM
Parent: #1
الغالية شديييييييييييييييييد راوية
أقسم بالله العلي العظيم مشتاق ليك ولي رجاء
زوجتي بقت كويسة والحمد لله وشكرن على السؤال
ياخي أنا شدة ما نكرة مذيع قناة النيل القدم الحفل ما عرفني ويفترض إنو رجل إعلامي
ياربي يكون عرفني لكن متطنقع ساكت؟؟؟
غايتو أنا عرفتو
يازولة البركة في (ال) المعرفة اللقيتها عندكم وزي ما قلتي خيرها في غيرها
|
Post: #6
Title: Re: أنا حا أقول الشفتو كلو ... ولا أخاف في الحق لومة لائم
Author: almohndis
Date: 08-01-2004, 02:57 AM
Parent: #1
بدر الدين
حلا
من لا يعرفك
انت علم علي راسه نار
بكل ما تعنى هذه الكلمة
افة السودان
عدم احترام المواعيد
التاخير فى بداية البرنامج
وبرضو واحد من الحبان طول
وعدم وجود برنامج معد مسبقا
ومحدد بى جدول زمنى
فقرتو هو ضرب البرنامج
وكم كان شوقنا لسماعك
بعد سنين طوال
لك العتبي حتى ترضى
عثمان احمد عبدالله
|
Post: #7
Title: Re: أنا حا أقول الشفتو كلو ... ولا أخاف في الحق لومة لائم
Author: انا بنت النيل
Date: 08-01-2004, 03:20 AM
Parent: #6
عرفناك من أول وهلة وقبل تعريف الملكة
|
Post: #8
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 04:08 AM
Parent: #1
حبيب قلبي عثمان المهندس
سلامي وصفي كلامي
إنت كنت أول من إستقبلني في الشارع ودلني على مكان الحفل وحقيقة كانت حالتك أشبه بأم العروس ويبدو أنك لم تنم أيام حتى يخرج هذا الحفل بالثوب الجميل وقد كان ولكن زي ما قلت يبدو أن الشخص المسؤال عن البرنامج الترفيهي فقد السطرة على المبارة وكان للبداية المتأخرة السبب الأكبر
عندي سؤال ليك يا المهندس
إنت ضحكتك دي أصلها صغيرة كدا؟؟؟
كم كنت أمني نفسي بتقديم فقرة أختبر فيها ضحكتك لأنني سمعتها مرتين وما إقتنعت بيها
لكن بلاقيك يا رائع إن شاء الله قريب
العزيزة أنا بنت النيل
هسع بنت النيل ياتو فينا إنتي ولا أنا لخبطيني
سلام يحمل كلام وإحترام
عليك الله شفتي الملكة دي إنسانة رائعة كيف؟؟؟
ربنا يحفظكن كلكن يا مبدعات سودانكن
|
Post: #9
Title: Re: أنا حا أقول الشفتو كلو ... ولا أخاف في الحق لومة لائم
Author: Raja
Date: 08-01-2004, 04:19 AM
Parent: #1
الغالي البدري..
ألف حمد الله على السلامة.. لي طلتك ولي عافية المدام..
شفتك في صور الحفلة.. وكنت عايزة أسلم عليك سلام "خسووووسي".. لكني خفت من اللوم لأن الحبايب الشفتهم كانو كتار وما كان ممكن اتجاهل تحيتهم.. ففضلت السكوت  ..
مشتاقين كلمة "شوية" لا تعبر عما أحسه..
ولكن،،
مشتااااااقين..
|
Post: #10
Title: Re: أنا حا أقول الشفتو كلو ... ولا أخاف في الحق لومة لائم
Author: abuguta
Date: 08-01-2004, 04:37 AM
Parent: #9
بدر الدين
انا ذاتى عرفتك
من ما شفتك
لونك طولك
اصلك طبعك
انت النيل الجارى
انت القمر الضاوى
انت الشمس الحارقة
انت المطر العم الضهارى
حمد لله على السلامة
وازرت عربنا ديل
قالو المطر عليهم كويس خلاص
والدقاقة رتعت
جتن جيت
والبورد نور
|
Post: #11
Title: Re: أنا حا أقول الشفتو كلو ... ولا أخاف في الحق لومة لائم
Author: Elmosley
Date: 08-01-2004, 05:02 AM
Parent: #1
بختك يابدر البور
وعقبالنا
|
Post: #13
Title: Re: أنا حا أقول الشفتو كلو ... ولا أخاف في الحق لومة لائم
Author: ناجى الزبير الملك
Date: 08-01-2004, 10:07 AM
Parent: #12
بعد ده ما بالغت معانا
واصلو انا لايمك .... داير تزيد اللوم علينا ....
ما حازيد فوق كلام المهندس .....
الصورة دى كنت ناوى ازين بيها باقى الصور الا كلامك حرقنى وخلانى انزلها .... طوالى
ودمت
(بدر الدين اعزرنى ...على محو الصورة فيكفينى أن الاصل فى الذاكرة ارجو ان تتكمن من فهم قصدى ارجو ذلك .)
|
Post: #14
Title: Re: أنا حا أقول الشفتو كلو ... ولا أخاف في الحق لومة لائم
Author: dreams
Date: 08-01-2004, 11:13 AM
Parent: #13
ياريت من اول وريتنا انك يمكن ....تمشى بدرى
كان شطبنا كل الفقرات وعملناك برااااااااك
لاننا جد كنا فى شوق شديد للضحك معاك
بس وعد الحر دين عليه
بكره ولا بعدو ولا السنة الجاية ولا بعد 20 سنة ضحكتى ما بخليها ليك
وكم تمنين ان اسلمكالشهادة على الملأ
تسلم شديد
|
Post: #15
Title: Re: أنا حا أقول الشفتو كلو ... ولا أخاف في الحق لومة لائم
Author: ودرملية
Date: 08-01-2004, 05:47 PM
Parent: #14
سلامات
وعوافي
عشان كدا انا اشيل واضرب لي ناس البيت الزول دا جاكم يقولوا لي بري بري ماشفنا
يازول وين عهودك وين
الف حمدلله علي السلامة ومشتاقين طبعا ياشنا
بي زيارتك البورد نور والله نور كلو زينة
|
Post: #16
Title: Re: أنا حا أقول الشفتو كلو ... ولا أخاف في الحق لومة لائم
Author: HOPEFUL
Date: 08-01-2004, 05:52 PM
Parent: #15
بدر الدين شنا
الغالي
سلام واحترام وعلو مقام
تتخيل انا من ما شفت صورتك في الحفلة
قلت الزول دا قاعدلو فوق رأي
اها يا اخوي وكت حرموا رقبتون من الشئ السمح دا
تعال ابهلوا لينا هنا
نحن باقي محتاجنوا بلحييييييييل
ودي
|
Post: #29
Title: Re: أنا حا أقول الشفتو كلو ... ولا أخاف في الحق لومة لائم
Author: ابوحراز
Date: 08-03-2004, 00:25 AM
Parent: #13
أول مرة اشوف في حفلة صورة كلها رجال
مشن منك وين ؟؟
الف حمد الله على السلامة
|
Post: #30
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-03-2004, 01:32 AM
Parent: #29
صاحبي أبوحراز سلام
Quote: أول مرة اشوف في حفلة صورة كلها رجال
مشن منك وين ؟؟ |
مشن يجيبن التلج
|
Post: #17
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 07:53 PM
Parent: #1
العفيفة رجاء
سلام يحمل كلام مضمونه حبي
أشكرك على (خسخسة) السلام وبخسخس ليك الإشتياق
يا مخسوسة إنتي
شاعرنا الكبير أبقوتة
سلام وقنبلة إشتياق موقوتة
والله آزول المطر السنة دي ماهو مبشر إلى كان شيتاً يجي من أوجاي
لك حبي وتقديري
المتفوق موصلي
سلام وفخر
الله يباخت في عمرك ويزيدك علو
دكتور زولة123
سلام طبي (طبعاً دا أخو معجون طبي وقطن طبي وشاش طبي)
إنتي يازولة دحين النسعلك عندك خبر إنو أنا بحترمك وبقدرك وبرتاح ليك ولا ما كلموك؟؟؟
الله يفرحك ويحقق ليك الفي مرادك يا رائعة
الحبيب ناجي الملك الزبير
أنا قدمت الملك على الزبير عشان إنت فعلاً ملك وأنا فعلاً قصرت في حقك
تعال نتفق إنت ما تزعل مني وأنا ما الومك مع الجماعة رايك شنو؟؟؟
أشكرك على إنزال الصورة في هذا البوست
وما تزعل بحبك موت والجايات أكتر من الرايحات وسلم لي على ود عقاب والملكة
الغالية دريمز
سلام وإرتياح وشكر
| Quote: ياريت من اول وريتنا انك يمكن ....تمشى بدرى |
ياريت لو الحفل بدأ في مواعيده
كلامك سمح وريحني شديييييييييييييد
وأنا والله كان ممكن أقعد لي نهاية الحفل لكن أنا ساكن في الفتيحاب وماعندي عربية وبخاف من الكلاب
أما بخصوص ضحكتك فأنا خاتي ليها نكتتها حتى يتم لقاء
وما تتخيلي سعادتي قدر شنو بالشهادة
لكم حبي وتقديري
صديقي المحترم ودرملية
كيفك يا ابو عبده والله مشتاقين
أما بخصوص عدم زيارتي لأهلك فأنا وضحت السبب في بوست الغالية توما (ما أظن يموت الشوق معاي ...) وذلك لعدم وجود مسنجر وكم كنت أتمنى زيارتهم والتعرف عليهم لكن الجايات أكتر من الرايحات
ياخي البورد منور بي أهلو وبيكم الله ينور طريقك يا شفيف
الحبيب القريب جمال هوبفل
سلام شامل
أشكرك أخي وصديقي على الكلام الطيب وياريت تحين الفرصة ونلتقي ونسمع منك وتسمع مننا فالعمل الدرامي يحتاج جمهور حاضر وأخذ وعطاء
تسلم أخي جمال
|
Post: #18
Title: Re: أنا حا أقول الشفتو كلو ... ولا أخاف في الحق لومة لائم
Author: ود عقاب
Date: 08-01-2004, 08:53 PM
Parent: #1
بدرالدين
صباحك زين
ومرحبتين
انا ما عرفت انو عندك فقره الا فى تهايه الحفله
من الاخ بكرى وكان عرفت من بدرى ما كان خليتك تمرق او بالاصح ما كان خليت اللورد يقدمك
والله الواحد سعيد جدا ان قابلك فى ذاك الصباح الممطر وتلك الامسيه الجميله
وان شاء يدوم التواصل بيننا
ولك العتبى حتى ترضى
|
Post: #19
Title: Re: أنا حا أقول الشفتو كلو ... ولا أخاف في الحق لومة لائم
Author: ebrahim_ali
Date: 08-01-2004, 09:04 PM
Parent: #18
الحبيب بدرالدين شنا سلامي الحار لك بحرارة ورطوبة الخليج ومهطالاً بهطول مطر صلالة الجميلة لك التحية والتقدير وانت تنثر الفرح هنا وهناك لك التحية والتجلة بمقدار مقامك السامي وحضورك الميز في كل الأماكن فأنت علم على راسه نار (ما يقولوا شيب كمان الجماعة البشوتو ضفاري)فلك العذر إذا لم ينتبه لك الأخ سعد الدين المذيع في قناة النيل الأزرق فأنا أعرفه منذ الجامعة فهو رجل حبوب بمعنى الكلمة وهو من أبناء الأبيض المميزين وهو المصور البارع عبد المنعم خير الله وبالمناسبة زميل دراسة .
وإنشاء الله عملت بوصية الحبيب ود رميلة وقطعت البحر ومشيت بالشرق وزرت الأهل برفاعة واضرعت في السوق مع أولاد أبوسن ديل مسمين نفسهم اسياد البلد عيال أبوسن لك ولهم التحية مجدداً وحمد لله على السلامة .
|
Post: #20
Title: Re: أنا حا أقول الشفتو كلو ... ولا أخاف في الحق لومة لائم
Author: Osama Mirghani
Date: 08-01-2004, 09:19 PM
Parent: #1
يا بدر يا غالي
إنت حسه رجعت ولا لسه في الخرطوم....عشان أديك تلفون
وبيني وبينك أنا إحتمال أعمل زيارة صغيرة كده للخرطوم في الأيام الجاية.. بعد سنوات من الغياب...وقلبي قاعد يدق دق.....بس ياربي بلاقي بورداب الخرطوم الرائعين ديل
سلامة زوجتك...وناس الخرطوم خسرانيين...الواحد يلقي برنامج من بدرالدين ..ومجانا كمان...؟؟؟
|
Post: #23
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 09:48 PM
Parent: #20
الجميل اسامة ميرغني
سلام من عمان
والله للأسف يا أسامة أنا رجعت عمان وقاعد في صحرائي أنتظر أخبار الحبائب خاصة زهجة الرجوع البسموها (هوم سِك) والجميع يعرفها
وربنا يسهل ليك إنت زيارة للخرطوم وصدقني الناس ديل جميلين وبستقبلوك وبتفرح بيهم وإذا سافرت تحياتي لي أهلك وربنا يرجعك لينا بالسلامة
وأشكرك على الكلمات الطيبات
ودي وترحابي
|
Post: #21
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 09:40 PM
Parent: #1
الجميل ود عقاب
سلام كتير كتير زي الريحة في الفتيل
سلام اردام أردام زي العافية في العضام
طبعاً بريدك قبال ما أشوفك وريدي زاد أطنان بعد ما شفتك وأكيد أكيد حانتواصل وصدقني إنت زول ما ساهل واشكرك كتير أنت وإبن أختي الجريفاوي في الإهتمام الشديد في إيجاد وسيلة لتوصلني للسوق ونعم الوسيلة أولئك النفر الكريم عمر اللورد وأبو يسرا
حبي وودي
حبيب عمري إبراهيم علي
سلام وإحترام
أشكرك على كلامك الحلو الجميل وأعتذر عن ما قلته بخصوص الإعلامي سعدالدين وصدقني لم اقصد الإساءة اليه بقدر ما قصدت الدعابة وله الحق في أن لا يعرفني فمن أنا حتى يعرفني الجميع خاصة وأنني غبت عن الشاشة حوالي 13 سنة فهي كفيلة بأن ينساني البعض
أما بخصوص زيارة عيال أبوسن فوالله هم وأنتم في العين والراس ولكن المانع من الزيارة كان كبير يخصني وحدي لا اريد أن أكدر به الجميع
أكرر اسفي وإعتذاري للمرهف سعدالدين حسن وأتمنى له مستقبل طيب
وتسلم يا إبراهيم أخوي
|
Post: #22
Title: Re: أنا حا أقول الشفتو كلو ... ولا أخاف في الحق لومة لائم
Author: الجندرية
Date: 08-01-2004, 09:44 PM
Parent: #1
بدر الدين الحنين
حمد لله بالسلامة
وسلامتها ام العيال
ناس الخرطوم عاد جنس عدم نصيب عليهن
لكن انشاء الله معوضين باذن الله
نتلمى كدي كلنا هناك في البلد الديمقراطي وثري
|
Post: #24
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-01-2004, 09:55 PM
Parent: #22
أماني الغالية
سلام وإشتياق ليك ولي تراث ومحمد وإخوته
إنتي عارفة أنا قربت أقول البعرفني يقيف بي جاي والما بعرفني يقيف بي هناك خاصة بعد أن إطمأنيت إن حبايبي كتار في البورد دا
وياريت ياريت يا الجندرية نتلم كلنا زي ما قلتي في وطن ثري وجميل
تسلمي
|
Post: #25
Title: Re: أنا حا أقول الشفتو كلو ... ولا أخاف في الحق لومة لائم
Author: Ibrahim Algrefwi
Date: 08-02-2004, 01:56 AM
Parent: #1
يا خال
والله قصرنا تب
اسمعني "كيف جرت الامور"
سلام لكُل من تحب
|
Post: #26
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-02-2004, 06:45 PM
Parent: #25
الجريفاوي ود أختي
الله يحفظك من كل بلوة
| Quote: اسمعني "كيف جرت الامور" |
مش فارقتك؟؟ طبعاً ركبت مع اللورد وأبو يسرا ونزلوني في السوق ولقيت حافلة الفتيحاب واقفة وبقيت راكب وخائف من الزلط لغاية البيت أصل كيف؟؟ طبعاً الشارع كلو كلاب فيازول بقيت اقرأ في سورة (قل هو الله أحد) لغاية ما وصلت
بس
|
Post: #27
Title: Re: أنا حا أقول الشفتو كلو ... ولا أخاف في الحق لومة لائم
Author: توما
Date: 08-02-2004, 07:11 PM
Parent: #1
عجبني ليك ..بتفوتني عيانه في شنو و تمش لصحبانك..اقرب ليك مني ولا ببقو ليك اااااااااااا..
ما ترد ساكت مالك ..اها و نعل ما عشوك كمان..اريتم يا يمه صحبان الشنو اقول ليك
بدر الدين امانتن تقلمك ده ما قالوهو ليك؟؟ ولا انت الما رجعت قلت
والنبي في يدك دي ان ما حاولت تكتب الجهزتو داك في بوست والله بكتب معاك بس انت ابدا
وكمان لو بقت كوميديا في شكل حوار ياني النجرت معاك تب
يا رائع
|
Post: #28
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-02-2004, 11:14 PM
Parent: #27
Quote: عجبني ليك ..بتفوتني عيانه في شنو و تمش لصحبانك..اقرب ليك مني ولا ببقو ليك اااااااااااا..
ما ترد ساكت مالك ..اها و نعل ما عشوك كمان..اريتم يا يمه صحبان الشنو اقول ليك |
| Quote: وكمان لو بقت كوميديا في شكل حوار ياني النجرت معاك تب |
وإنتي عايزة تنجري أكتر من الكلام الفوق دا؟؟؟
إنتي يا توما إسمك أماني منو؟؟؟
حيرتني عديل كدا
والله ياريت لو كانت الفقرة ممكن تتكتب لكن هي بتعتمد على الحركة والصوت (والصوت بالتحديد) وبعدين أنا جنيت أناجر لي زولة مبدعة زيك؟؟؟
الله يديك العافية ويطول عمرك
اللهم إن كانت توما سمحة فزدها سماحة وإن كانت شينة فتجاوز عن شناتها
آمييييييييييييييييييييييييييييين
|
Post: #31
Title: Re: أنا حا أقول الشفتو كلو ... ولا أخاف في الحق لومة لائم
Author: omer ibrahim
Date: 08-03-2004, 02:51 AM
Parent: #28
*
|
Post: #32
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-03-2004, 03:24 AM
Parent: #31
عمر إبراهيم سلام
أناغايتو بختلف معاك في (*) دي
|
Post: #33
Title: Re: أنا حا أقول الشفتو كلو ... ولا أخاف في الحق لومة لائم
Author: عبدالله
Date: 08-03-2004, 06:50 AM
Parent: #32
تحياتي اخ بدرالدين000والف حمدالله علي السلامه وانشاءالله كل الاهل طيبين000والف مرحبا بعودة مشاركاتك الجميله والهادفه في ساحة البورد ( طبعا عدم الملح في السودان ) حرمنا منك
|
Post: #34
Title: Re: أنا حا أقول الشفتو كلو ... ولا أخاف في الحق لومة لائم
Author: شمهروش
Date: 08-03-2004, 09:09 AM
Parent: #33
بدر الديــــــــــــــــــن حلاه
انا عارف نفسي من السقطو سهوا
لكن امانة في زمتك دي غيري الساق ليه
كوم شنا وحايم ابشر بيه على الناس منوا
كان حبيبك ودعقاب
ولا البتدورو تجيبوا ليه الحلبة
والكارهينوا تحرشوا ليه الكلبة
لك كل الحب ابو البدور
|
Post: #35
Title: Re: أنا حا أقول الشفتو كلو ... ولا أخاف في الحق لومة لائم
Author: حبيب نورة
Date: 08-03-2004, 11:36 AM
Parent: #34
بدر الدين
حلاوة العودة غنيناها في موّال
بيحكي عن الولف و أصلو الولف كتال
ياخي حمدا الله علي السلامة
بركة الشفناك طيب
|
Post: #36
Title: Re: أنا حا أقول الشفتو كلو ... ولا أخاف في الحق لومة لائم
Author: ناجى الزبير الملك
Date: 08-03-2004, 01:36 PM
Parent: #35
فوق
|
Post: #37
Title: Re: أنا حا أقول الشفتو كلو ... ولا أخاف في الحق لومة لائم
Author: بدرالدين شنا
Date: 08-03-2004, 07:10 PM
Parent: #1
اللغز عبدالله
سلام وحيرة
الله يكتر الملح عشان نشوفك وإن شاء الله ملحك أجاج يا مليح الأخلاق
شمهروش حبيبي
سلام وشكر
Quote: لكن امانة في زمتك دي غيري الساق ليه
كوم شنا وحايم ابشر بيه على الناس منوا |
هي يا شمهروش ما هرشتني هرش .. كُر علي يا شمهروش أمسحها لي في وشي الشين دا والزيك إنت ما بتنسي ولا بسقط سهواً وإنت تستاهل الحلبة وحلاوة حربة وأنا سعيد بتلك الصحبة والبشيرة (يبشر)
حبيبنا أنا ونورة
مشتاقيييييييييييييييين
الله يسلمك يا ود أمي من كل بلاء والبركة الشفنا حرفك
ناجي الملك الزبير
كيف حالك يا ود الملوك
فوقك النبي يا الشايل التفاح
|
|