خليكم فالحين زي أخوانكم ديل

آآآآآآآي خليكم فالحين زي أخوانكم ديل ما قاعدين يتشاكلوا ولا بتهاكروا ولا في واحد بهكر بي أخوه التاني
http://www.montada.com/archive/index.php/t-242158

الموضوع منقول من أحد المنتديات
أتمنى أن يجد حظه من الإهتمام
ومافي زول يسالني يقول لي اشرح لي دي ولا ديك أنا لي روحي ما فاهم
والفاهم فيكم يطالعني الخلا ... وما يبخل علينا ويزيدنا فهم سمح؟؟؟
أها أنا ماشي

حبيبنا بدر الدين حلاه


والله مشتاقين ليك ياخى وينك ووين اراضيك ووين الناس الرائعين طرفكم ..

لماذا الكل اختفى معا...

ولا لقيتوا ليكم درب ثانى ؟؟؟

قرشو يا سلااااااااااااااااااااااااام
والله أنا المشتاق لي لقياك
وأنا الفرحان بي حرفك
إنتو علمتونا الغياب وجايين تلومونا على الغياب
والله فعلاً الناس الجميلين معظمهم غائبين وأذكر منهم إبن أختي رحمابي وأصدقائي أهل العوض والملا عمر والمبدعة تماضر وكتيرين يا قرشو
المهم البركة في عودتك إنت والباقيين بجو
لك حبي وفرحتي وإبتسامتي العريضة

بدرالدين سلام000000انت وينو زولك ابو كرعينن عصايات وضارب الكدر طوالي داك000شايفك جبت ليك (مندوس ) اوع يكون الهكر قاعد فيه سلامات

بدر الدين ازيك


دا منتدى ناس منو؟

يااا حلااااااااااااااا انتا دا كلام كبار علينا خلينا في دارفور احسن
نرجس وجرجس وفول وعدس

اللغز عبدالله
سلام وإكرام

Quote: وينو زولك ابو كرعينن عصايات وضارب الكدر طوالي داك

والله يا عبدالله أنا ذاتي كايس ليهو لكن هو بعد مرات بمشي لي عمو الشغال مع قرجة أها إلاَّ كان نسالوا منو.. أنا طبعاً مشيت الإجازة جيت لقيتو مافي
يديك العافية يا حبيب


الظريف الهكر سجيمان
سلامي وإحترامي

Quote: دا منتدى ناس منو؟

أنا مش قلت ليكم مافي زول يسألني؟؟؟.. أنا سألت google عن (البراقماتية) أها جابت لي المنتدى دا .. بس


الحبيب شمهروش
طباح .. كسرة بي ملاح .. دا الأكلوهو .. دا الشربوهو وشمهروش بي وين؟؟؟ قِر قِر قِر

Quote: انتا دا كلام كبار علينا خلينا في دارفور احسن

خلاس خليتكم
لك ودي وفرحتي

ياخى حمد للسلامة..والله يقطع عدم الماسنجر كان سالتك عن اشياء ان تبدو لى تسوءنى
المهم اخبار الاهل كلهم ونخص المدام والبنيات وليك وحشة يا سمح

بدري ياحلو..

Quote: أنا مش قلت ليكم مافي زول يسألني؟؟؟.. أنا سألت google عن (البراقماتية) أها جابت لي المنتدى دا .. بس

نان كيفن ما نسالك يابدري..؟؟

انت تمشي تلقط في حاجات عمك قوقل وتجيبهم؟؟
غايتو قدر ما قلت اطلع لي بي حرفا مفيد ما لقيت لي طريقة قرايه ..

كدي خليني اشطف وشي وبرجع تاني ليهو .. مش يمكن فوقو حاجات كويسه

بدرالدين شنا : حمد لله على السلامة وبركة الشفناك طيب
يا أبوي الحكاية دي عايزة ليها عدسة عديل كده
ده منتدى النمل ولا شنو كدي نجيبها هنا ونحاول نقرأ شمارك

Quote: شاع في هذه الأيام استخدام كثير من المصطلحات التي تعبر عن فلسفات مذاهب دينية وسياسية، وصار الكثيرون يكثرون من استخدامها في حديثهم، وهذا ناتج -كما هو مشاهد- عن كثرة الأحداث العالمية المرتبطة بهذه بالمصطلحات، والتي ربما لا يعدو معظمها كونها نشاطا من نشاطات هذا المذهب أو ذاك، إضافة لذلك فهناك بعض المصطلحات السياسية والعلمية التي أفرزت بعضها ظروف الحياة الحديثة، وأسهم التطور في تبني بعضها الآخر. أحاول في هذا الموضوع أن أعدد ما أذكره من هذه المصطلحات مبينا فلسفة كل منها على حد علمي بمعناه، علما بأن التعليقات التي تلي تعريفات بعض المصطلحات تمثل قناعتي الشخصية تجاه ما يتعلق بهذا المصطلح: الأصولية: هي التصرف أو التكلم وفق الأصول المرعية دينيا أو علميا أو أخلاقيا أو قانونيا أو وراثيا أو ما إلى ذلك، مع الالتزام بمقتضاها، دون تحريف أو تزييف. علما بأن "أصولي" قد أصبح لفظا يطلقه البعض -خطأً- على من يتشدد في الدين، وذلك لأن بعض الجماعات المتشددة في الدين -والمحسوبة عليه- قد أصبحت تتسمى بالأصولية، وهذا ما يتذرع به كل من ينسب التشدد والغلو في الدين إلى الأصولية. الراديكالية: هي تعريب للكلمة الإنجليزية "Radicalism" والتي أصلها كلمة "Radical" وهي تعني باللغة العربية: أصل أو جذر، وعلى هذا فالراديكالية كالأصولية تعني العودة إلى الأصول والتمسك بها والتصرف أو التكلم وفقها. لكن الغرب صبغ مصطلح الراديكالية بمعنى آخر هو التطرف، وأضاف إليه معنى العنف والإرهاب، وألصقه بالإسلام والمسلمين، بيد أن المستشرق البريطاني "هومي بابا" (أستاذ الأدب في إحدى الجامعات البريطانية) يقول في رأي حيادي: الراديكالية كلمة ذات دلالات سلبية تلصق بالعالم الإسلامي، مع أن الظاهرة عالمية ولا تقتصر على ما كان يسمى دول العالم الثالث مثل الهند ومصر، بل وجدت طريقها إلى العالم الأول حيث الراديكالية الإنجيلية على أشدها في الولايات المتحدة مثلاً. إلا أن قاموس "لاروس" الكبير يتجاوز بالراديكالية نطاقها الديني حيث يعرفها بأنها: كل مذهب محافظ متصلب في موضوع المعتقد السياسي. الليبرالية: مذهب فكري تقوم فلسفته على اعتبار أن الحرية هي المبدأ والمنتهى، الباعث والهدف, والأصل والنتيجة في حياة الإنسان, وهي المنظومة الفكرية الوحيدة التي لا تطمع في شيء سوى وصف النشاط البشري الحر وشرح أوجهه والتعليق عليه. علما بأنه من الصعب التوصل إلى تعريف واضح وصريح لليبرالية، ففي الموسوعة العربية العالمية: "وتعتبر الليبرالية مصطلحاً غامضاً لأن معناها وتأكيداتها تبدَّلت بصورة ملحوظة بمرور السنين"، ويقول الدكتور يوسف القرضاوي: "وأمثال هذه المصطلحات التي تدل على مفاهيم عقائدية ليس لها مدلول واحد محدد عند الأوربيين، لهذا تفسر في بلد بما لا تفسر به في بلد آخر, وتفهم عند فيلسوف بما لا تفهم به عند غيره, وتطبق في مرحلة بما لا تطبق به في أخرى". إلا أن التعريف آنف الذكر هو خلاصة ما يتفق فيه جميع الليبراليين على اختلاف أمكنتهم وأزمنتهم وتوجهاتهم. الدوغمائية: المنطق الثنائي في الحكم على الأشياء، بمعنى أن كل شيء إما أن يكون صوابا أو خطأ، وهذا التفكير الثنائي يمكن أن يكون صحيحاً في بعض الحالات كقولنا إن المصباح إما أن يكون مضاءً أو مطفئاً، ولكن في أغلب الأحيان فإن هذه الثنائيات ليست صحيحة تماما، فهي قد لا تعطينا كل الاحتمالات الممكنة. البراقماتية: فلسفة المنفعة، ويعرفها البعض بالدراية بما ينبغي عمله، وتطلق عادة على مسألة التصرف بالشكل الذي يحقق المنفعة بحسب مقتضى الحال. الإيديولوجيا: فن البحث في التصورات والأفكار. الكوجيتو: مبدأ أنا أفكر فأنا موجود. الميتافيزيقيا: علم ما وراء الطبيعة. لعل من يتفضل بالقراءة ويجد ما يحتاج إلى تصويب أن يبينه مشكورا، كما أرجو ممن يجد أهمية في إضافة أي مصطلح ديني أو سياسي أو فكري أو علمي أن لا يبخل علينا بذلك...

بدر السبعتين حمدا لله على سلامة العوده من ارض عزه ونتمنى ان تكون سعدت بالاجازه بين الاهل ولك كل الود