Post: #1
Title: بدرالدين شنا يتقدم بشكوى ضد الشاعرة سعادة عبدالرحمن
Author: بدرالدين شنا
Date: 08-18-2004, 08:09 PM
Parent: #0
آآآآآآآآآآي بشتكيها إنت مالك؟؟؟
ياخي دي قالت ليها قصيدة أول أمبارح في برنامج (كل الألوان) تحكي فيها عن بنت بتخاطب أبوها المغترب وتناشده بأن يرجع والقروش ما كل شئ وبداية القصيدة (على مهلك ........) وفيها كمان مقطع بتقول فيهو ما معناه (تعال أجري معاي في الحوش ووالله تاني ما أقول أديني قروش) المهم القصيدة دي أنا حسيت بأنني المغترب المقصود وهذه القصيدة هزت قناعاتي بالغربة الشئ الذي سيحرمني من آلاف الدولارات وعليه فأنا أطالب بتعويض لأنني كنت أنوي البقاء في الغربة لمدة تتراوح ما بين 10 إلى 15 سنة
وعليكم الله لو في زول حافظ القصيدة ينزلها لينا هنا والبينة لمن إدعى وما داير أي مغترب يتسلبط معاي في التعويض
تحياتي لهذه الشاعرة المبدعة وتحياتي لكل أخوات روضة الحاج وأنا فخور بهن
|
Post: #2
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: omar ali
Date: 08-18-2004, 08:25 PM
Parent: #1
| Quote: تحكي فيها عن بنت بتخاطب أبوها المغترب وتناشده بأن يرجع والقروش ما كل شئ وبداية القصيدة |
ديل لسه في زمن المغترب او المهاجر مغترب عشان يعمل فلوس
ويبني نفسه زي كل الشباب...ديل هسي يا دوب في اليقضيهم لاخر
الشهر اكل وشراب....قال الفلوس ما كل شئ قال ...هي وينها
...دي شاعرة بأثر رجعي
|
Post: #3
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: بدرالدين شنا
Date: 08-18-2004, 08:35 PM
Parent: #1
الغالي عمر علي
سلام وإحترام
بالله إنتو غربتكم ما فيها قروش؟؟؟
والله كان كدي إنتو مساكين
طبعاً القصيدة ما بتتكلم صراحة عن الإغتراب والفلوس ولكن تتحدث عن الهجرة والهجر والضياع والثمن الباهظ مقابل حفنة الدولارات
على العموم القصيدة جميلة شديد والشاعرة متمكنة وتقدمية وليست رجعية
لك حبي وقروشي ههههههههههه
|
Post: #4
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: walid taha
Date: 08-18-2004, 10:39 PM
Parent: #3
بدر الدين صباح الخير....
مش يا بدر فى شافع ابوه جا من السعودية بعد مدة طويلة..
قام الشافع براحة قال لامو ..يمه..يمه مش ده الراجل البرسل لينا القروش؟
فأمضى ذلك المغترب الليل سهدى...
و...
المشتهى الحنيطير يطير،،،
دمت
|
Post: #5
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: سجيمان
Date: 08-18-2004, 10:44 PM
Parent: #4
وليد طه
| Quote: قال لامو ..يمه..يمه مش ده الراجل البرسل لينا القروش؟ |
اها يا بدر الدين......عاد دا كلام دا؟
|
Post: #6
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: walid taha
Date: 08-18-2004, 11:11 PM
Parent: #5
سجيمان..
عشان كده يا اخوى قبل ما يجيبو لى ولد يسمعنى كلام زى ده
أحسن اشوف بورداب الخرتوم دربهم بوين،،
اصلى راقد لى فوق راي...
اها كن حيين بنتلاقى،،
ارقد عافية
|
Post: #7
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: tmbis
Date: 08-18-2004, 11:46 PM
Parent: #5
يا بدري من عمرك ...
كدي خليني من حكاية القروش دي .. السيرة دي ما بحبها  أنتو قاعدين تلاقو سعادة دي وين؟؟
أكون شغال في عز الشغل .. يتصل علي محمد الرشيد صاحبي .. يا تمبس أمشي أفتح التلفزيون سعادة فيهو ..
تلاتة سنة وأنا في حالة اشتياق لهذه السعادة عبد الرحمن ..
حاولة كتير جدا علشان أجيبه البورد ما قدرته .. عندي مشروع ( C.D ) مفترض أنجزو ليها .. كان عملتو ببيع ليك منو بي قروش طبعا .. وقروش كتيرة جدا ..
حاول اتصبر بالحاجه دي .. لحدي ما نشوف ليك طريقة للشكية دي ..
أنت أشتكي .. وأنا بشتكي .. ( والشكاك .. يملا شبكتو ) ...
طيف ونار
ما كان لي يوماً اقص مخالبي
وتصيرُ كل مآربي
رجلاً الى حسن الجوار..
عفواً
ولكن سيدي
ما كان لامرأة سواي
تخوض في حرب التتار..
أني عشقتك ما عليّ
مالها الدنيا تقوم
ولا تُثار..؟
اخطأت حين عشقتُ
ملأ فضيلتي
حطمت عرف قبيلتي
وخرجت عن أهلي وازمعت الفرار..
اخطأتُ حين رفعتها بيضاء راياتي
والحرب مسجلة ضحى
ـ وحفيفها عاتِ ـ
فبسطت مائدة الحوار..؟
اني أحار..
الآن احمل وذر ما صنعت يدايا
ادور والدنيا تؤاخذني
على هفواتها
ولبئس ما كان المدار..
لم تخلق الدنيا اثنين
انا وذاتي
كي تنازعني القرار..
هذي لتطرب ان يشف مسامعي همس
ترس انوفها حدس
تبيع وتشتري رهقي
وامعن في الحصار..
تباً لذاتي ان تثير حفيظتي عشقاً
ولست بها أعار..
انا لست بامراة اعاير بالأنوثة
كي اسلم رايتي طوعاً وافتعلُ الوقار..
جرجر ذيولك خيبة فالآن قد حمى الوطيس
ولست تملك امرة. فلئن تكرّ خبرتني
ولئن تفرّ فإنه خزي وعار
ارجع الى رهائني سبعين الف رسالة
وقصائدي وسبائبي
ابدلك يوماً كي تمر بخاطري
طيف ونار..
|
Post: #8
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: بدرالدين شنا
Date: 08-18-2004, 11:46 PM
Parent: #1
الحبيب وليد طه سلام
| Quote: فأمضى ذلك المغترب الليل سهدى... |
يا زول هوي ما تزعزع لي قناعاتي هسع بطالبك بي تعويض
حبي وتقديري
الظريف سجيمان
يازول إنت كان راجع أرجع أنا كان ما بنيت واطاتي ما برجع
تحياتي للكفيل ولي عرعر
|
Post: #9
Title: Re: بدرالدين شنا يتقدم بشكوى ضد الشاعرة سعادة عبدالرحمن
Author: بدرالدين شنا
Date: 08-19-2004, 01:49 AM
Parent: #1
تمبس يا رائع
سلام وسعادة
| Quote: حاول اتصبر بالحاجه دي |
هي لكن الحاجة ما خطيييييييييييييييييرة
ياخي الزولة دي رائعة لكن برضو أنا مصر على التعويض
| Quote: كان عملتو ببيع ليك منو بي قروش طبعا .. وقروش كتيرة جدا |
أنا بشتريهو بس خلي تطلع لينا قروش التعويض دي
|
|