Post: #1
Title: تماضر لباساتني الجزمة والشرَّاب
Author: بدرالدين شنا
Date: 09-29-2004, 08:36 PM
Parent: #0
في بوست المبدعة توما (فار تكلنا وفارة التكل المجاور) والذي كان عبارة عن لقاء أشبه باللقاء الصحفي مع شخصي أنا العبد الفقير وتجول فيها فار توما الحازق مستنطقاًً فأرة تجربتي (الحياتية والفنية) وعندما شكى فأرانينا وقررا الترجل ظهر فأر متمرس خبرته بطون الإبداع وجابت سمعته وتفرده مسامع البلدة والشعاب فوضع قلادة في عنق فأر توما أولاً ثم البس فأري هذه القلادة
حالفه وقاسمة البوست ما يترجل الا ارد على "الشفيف" اب دما خفيف بدر الدين جمــــــــــــال على لومو الرقيق...وعتابو الحنين
يابدر الدين ...انت عارف انت مين؟؟؟
من يوم ما دخلت كراعك فى هذا العالم المرهف المدعو عالم التمثيل ...وانا احمد الصدفة المباركة التى وضعت الرجل المناسب فى الكواليس المناسبة ...الفنان المناسب فى اداته المناسبة ...وكم يضيع المثيرون من جراء الاختيار الخطأ او الصدفة المجلية ...الا فى حالتك يا بدر السما...كلك حيوية وطاقات متفجرة ..من تمثيل ...وحضور بديهة وقبول ..واحساس...صوتك تعبث به كما تود...احبك جمهورك واصدقاءك لصفاء سريرتك ونقاء سيرتك...شناتك التى تتندر بها كانت مصدرا لسعادة الكثيرين وفرحهم ..تجربتك مع فرقى الاصدقاء فى ذاكرة الجمهور ووجدانه...تجربتك معاى انا كمخرجة واظنها تجربتنا الوحيدة مع بعض ..كلها عطاء ولن انساك ممثلا او اخا صديقا...تجربتك معاى كأخو وواحد من الاسرة ...ووجودك غى دائرة اصدقائى الجميلين تبعث فى روحى الانتعاش والضحك...
بتذكرك يابدر التمام وبضحك...على شنو ما بعرف...بتذكرك وبحزن على الايام الجميلة الاندثرت...ما بترجع تانى كنت اب شيبة حسة بقيت اب شيت ...كتير كورة دقيق كاملة اتكبت فى راسك من وراى..وعندك بنات حلوات وبتمشى الجامع والحج وبتغنى للصحاب...وعندك شعبية ما ساهلة فى البورد
احفظ ودك...حتى القبر يا اخى الجميل
احبك بكل ما تتيح الدنيا لنا من محبة الاصدقاء "بمحرم" واكن لك كل ايات التقدير والمودة
ازيدك ولا كفاك؟؟؟
|
Post: #2
Title: Re: تماضر لباساتني الجزمة والشرَّاب
Author: Tumadir
Date: 09-29-2004, 11:42 PM
Parent: #1
تستاهل اكتر من كده..يعنى جلابية وسديرى عديل لو ما ضيق ذات الوقت
لكن الشى ما كنت تصلح الاغلاط الطباعية (رايك شنو بالله فى اعلاط طباعية دى؟؟؟) وقت اصلك تلتلتو من هناك وجبتو هنا ..
لك كل القلتو ليك واكتر
|
Post: #3
Title: Re: تماضر لباساتني الجزمة والشرَّاب
Author: بدرالدين شنا
Date: 09-30-2004, 01:47 AM
Parent: #1
الشقيقة تماضر
سلامي وإعجابي
| Quote: (رايك شنو بالله فى اعلاط طباعية دى؟؟؟) |
أقطر ليك في ال(ع) دي؟؟؟
أغلطوا إنتو يا أحباب ... نجيكم نحن بالأعذار
ياخ أنا بلبس ساي ... بس قدري قدري
رأيك شنو في (لبا سا تني)؟؟؟
|
Post: #4
Title: Re: تماضر لباساتني الجزمة والشرَّاب
Author: توما
Date: 09-30-2004, 01:22 PM
Parent: #1
انتو بتذاكرو من ورانا ولا ايه 
|
Post: #5
Title: Re: تماضر لباساتني الجزمة والشرَّاب
Author: بدرالدين شنا
Date: 09-30-2004, 08:18 PM
Parent: #1
العفيفة توما
سلام مكرَّب
| Quote: انتو بتذاكرو من ورانا ولا ايه |
إنتي ما لبَّسوك ذاتك
عايني جزمتيييييييييييييييييييي
وخالتو تماضر قالت بتسوقوني الخرطوم كمان
|
Post: #6
Title: Re: تماضر لباساتني الجزمة والشرَّاب
Author: بدرالدين شنا
Date: 10-01-2004, 09:51 PM
Parent: #1
قريتوا؟؟؟
أها بعدين طبقوهوا كويس وما نكرفسوهوا سمح؟؟؟
|
Post: #7
Title: Re: تماضر لباساتني الجزمة والشرَّاب
Author: garjah
Date: 10-01-2004, 10:21 PM
Parent: #6
البدري
انت دي صورتك ؟؟
بالجد والله ...دي صورتك ؟
طيب
يازول
انت ما سمح عدييييييييدل كدة
بالمناسبة
يوم الخميس شفتك في لقطة قديمة من محطة التلفزيون الاهلية
انت والا ما انت ؟
|
Post: #8
Title: Re: تماضر لباساتني الجزمة والشرَّاب
Author: بدرالدين شنا
Date: 10-01-2004, 11:52 PM
Parent: #1
صديقي شدييييييييييييييد قرجة
سلامي وإشتياقي
Quote: بالمناسبة
يوم الخميس شفتك في لقطة قديمة من محطة التلفزيون الاهلية
انت والا ما انت ؟ |
أيَّاني
أيَّاني الخوالي ... ترا را را
|
Post: #9
Title: Re: تماضر لباساتني الجزمة والشرَّاب
Author: الفاتح يسن
Date: 10-02-2004, 01:05 AM
Parent: #1
بدرالدين يا حلاوه والله لي زمن بفتش ليك وجيتنا الليله كايسنا يا جميل طبعا لوما الصوره الخايف عليها ما كنت يوم عرفتك كيفك يا جميل وسلام مربع للجميله تماضر ليك مخلايات وشوالات سلام
|
Post: #10
Title: Re: تماضر لباساتني الجزمة والشرَّاب
Author: بدرالدين شنا
Date: 10-02-2004, 03:44 AM
Parent: #1
الفنان المبدع الفاتح يسين
سلام وتقدير كتييييييير
| Quote: والله لي زمن بفتش ليك وجيتنا الليله كايسنا يا جميل طبعا لوما الصوره الخايف عليها ما كنت يوم عرفتك |
سيماهم في صورهم من أثر الشنا
والحمد لله على سلامة اللقيا يا شفيف وسلامك المربع لي تماضر أنا بخلي ليها هنا وهي بتجي تشيلو بعدين
|
|