Post: #1
Title: شغلتني عنكم زوجة القدر والثلاث الأواخر
Author: بدرالدين شنا
Date: 06-02-2005, 01:26 AM
Parent: #0
سلام يحمل كلام مضمونو حبي لكل من سال عني وأخص الجميع
طبعاً إنتو عارفين أنا مصاحب لي تيس وغنماية حمرا عايشين معاي في المزرعة الشغال فيهاوبيناتنا علاقة حميمة شديد أنستني حتى التمثيل ونظريات الدراماوأرسطو و(أسخيلوس) خاصة إنو التيس دا لمن كان صغير كان يشترك مع إسخيلوس في بعض الحروف
المهم وتحت ضغط المدام (زوجة القدر) والعيال (الثلاثة الأواخر) بعت التيس وأمه ولملمت باقي أطرافي وقطعت لي أربعة تذاكر على الخطوط العربية وجبتهم زيارة تلاتة شهور لأول مرة طيلة فترة إغترابي البالغة ثلاثة عشر سنة (قولوا ما شاء الله ما تسحروني) فالحمد لله جوني وقضوا معاي 3 شهور عسل ورجعوا بالسلامة
أها بتقبلوني لو رجعت ليكم؟؟؟
|
Post: #2
Title: Re: شغلتني عنكم زوجة القدر والثلاث الأواخر
Author: THE RAIN
Date: 06-02-2005, 01:50 AM
Parent: #1
العزيز
بدر التمام
كنا منتظرين ضياك يفج العتمة ويشع بيناتنا جمال وسماحة وحروف ندية
اشتقنا والله يا بدر وانت بعيد، بس فرحنا هسه عشان كنت سعيد
انشاء الله دائما سعيد وطيب
وملايين المراحب بيك
|
Post: #3
Title: Re: شغلتني عنكم زوجة القدر والثلاث الأواخر
Author: عبدالله
Date: 06-02-2005, 01:52 AM
Parent: #1
الف حمد الله علي السلامة يابدرالدين
الدار فقدك
لكن السبب وجية وجميل ومقبول وجعل الله اسباب غيابك كلها زي ده
بس الان بعد الاولاد رجعوا التيس وامة حايفرقوا معاك لك التحية والسلام والي الاولاد والاهل وهم يستمتعون بخريف الجزيرة الخضراء
|
Post: #4
Title: Re: شغلتني عنكم زوجة القدر والثلاث الأواخر
Author: abuguta
Date: 06-02-2005, 01:52 AM
Parent: #1
ايوووووووووووووووووووووووووووووووووووووى
ايووووووووووووووووووووووووووووووى
ايوووووووووووووووووووووووووى
البدر هل
|
Post: #5
Title: Re: شغلتني عنكم زوجة القدر والثلاث الأواخر
Author: jini
Date: 06-02-2005, 01:58 AM
Parent: #4
Quote: سلام يحمل كلام مضمونو حبي لكل من سال عني وأخص الجميع
|
ولك عموم وخصوص حبنا أيها النبيل
جني
|
Post: #8
Title: Re: شغلتني عنكم زوجة القدر والثلاث الأواخر
Author: يازولyazoalيازول
Date: 06-02-2005, 02:05 AM
Parent: #5
مرحبابك يا أظرف زول فى المنبر وحبابك ألف
|
Post: #6
Title: Re: شغلتني عنكم زوجة القدر والثلاث الأواخر
Author: abuguta
Date: 06-02-2005, 01:59 AM
Parent: #4
كنت مسابق الجماعة ديل فى الترحيب
لكن لقيت المطر سبقنى وهطل
وعبد الله هلعنى وسدل
قلت لى يالبدر السمح
كنت بفتش ليك زى درع يقنى
من طعنة رمح...
فجيت اليوم كبحر الدميرة
الطمح...
بركة الجيت طيب ... واحرس
بوستك زى موية قمح...
|
Post: #7
Title: Re: شغلتني عنكم زوجة القدر والثلاث الأواخر
Author: حمزاوي
Date: 06-02-2005, 02:05 AM
Parent: #1
شنا
جيت
فينا وفيك ملامحنا
بدونك الدار خلا
بارك لي وسلم لي
علي التيس والغنماية
وديار بني تغلب
تمشي تجي بالسلامة
|
Post: #10
Title: Re: شغلتني عنكم زوجة القدر والثلاث الأواخر
Author: ابو جهينة
Date: 06-02-2005, 02:20 AM
Parent: #7
شقيقي العزيز الحاج بدرالدين
غيبتك كانت شنا و رجعتك أجمل حدث
بعد آخر إتصال لي معك .. و بعد أن عرفت ظروف تغيبك .. لم أشأ أن أزعجك مرة أخرى .. فأنا أعرف معنى أن تأتي الأسرة للغربة أول مرة .. تريد أن تسعدهم بأي شكل كان و لو على حساب راحتك ,, و هم يعملون المستحيل كى يستنفدوا كل وقتك لأن شوقهم طال ..
| Quote: وجبتهم زيارة تلاتة شهور لأول مرة طيلة فترة إغترابي البالغة ثلاثة عشر سنة |
هذه الثلاث شهور تساوي كل إجازاتك التي قضيتها بالسودان طيلة الثلاثة عشر سنة .. لأنهم هنا معاك 24 ساعة دون أن تزوغ منهم لشيل فاتحة أو عزومة أو وقوف في صف جهاز المغتربين.
عودا حميد أبو البدور .. و سفرا سعيدا للأسرة الكريمة..
مع مودتي الراسخة
|
Post: #9
Title: Re: شغلتني عنكم زوجة القدر والثلاث الأواخر
Author: abas
Date: 06-02-2005, 02:14 AM
Parent: #1
بدر الشين
اها رجعوا اسي
تعال صاقرنا هنا تاني اي موضوع نلاقيك ماسكو براك
عموما حمدا لله علي سلامتهم
وحمدا لله ليك انت انك رويت عطشك
مشتاقين يا صهيوني والكورة قربت يوم 11 قريب
|
Post: #11
Title: Re: شغلتني عنكم زوجة القدر والثلاث الأواخر
Author: محمد السر
Date: 06-02-2005, 02:22 AM
Parent: #1
بدر الدين أخوي حمد لله على السلامة ومع السلامة (حا أقول ليك ليه قلت ليك مع السلامة)
انت طبعاً غايب من قبل ما يعملو اللائحة
واللائحة دي فيها حاجة إسمها المادة 14
عارف المادة 14 دي عاملة زي شنو؟؟؟
شفت بيت الأشباح؟؟؟
ما بتاع ناس البشير
بتاع مدينة الملاهي
بس زيو بالضبط.
هسة كلامك دا بيدينك ،حسب المادة 14
تيس دي قاصد بيها منو؟؟؟
غنماية حمرا .. كمان محدِّد لونا؟؟
أسخيلوس دا منو؟؟
عشان كدا أنا قلت ليك مع السلامة
وأنا من هسا مجهِّز البوست بتاع نعي عضويتك ودا عنوانه:
لماذا فصلت بدر الدين شنا يا بكري؟؟؟
|
Post: #13
Title: Re: شغلتني عنكم زوجة القدر والثلاث الأواخر
Author: المسافر
Date: 06-02-2005, 02:34 AM
Parent: #11
بداري البي حالي ماهو داري
ده طلع نحن ما داريين
تاريك كنت في ام المعارك
بس ناس الإعلام ديل راحو فين إكيد كان في إضراب عالمي
ولا كنتم فيما وراء البحار
بحار شنو أكيد ده خارج حقل منظار هابل، بسمو شنو منظار ولا مجهر ما عارف
يا سيدي بركة باللمة والجاتك في تيسك سامحتك
بس حكاية :
| Quote: ولملمت باقي أطرافي |
قواعد الناتو دي لملمتها كيف
خلينا نلملم علي بابا دة والأربعين حرامي
ونرجعهم لقواعدهم سالمين
|
Post: #12
Title: Re: شغلتني عنكم زوجة القدر والثلاث الأواخر
Author: saadeldin abdelrahman
Date: 06-02-2005, 02:33 AM
Parent: #1
Quote: الف حمد الله علي السلامة يابدرالدين
الدار فقدك |
|
Post: #14
Title: Re: شغلتني عنكم زوجة القدر والثلاث الأواخر
Author: almulaomar
Date: 06-02-2005, 02:56 AM
Parent: #1
وأخرجت الأرض أثقالها ، إمتاعاً وإبداعاً
أبو أواب وأبو Ruba – لذات السبب في بوست سابق –
والله يا بدر الدين شنا يا أجمل الشينين يا المولد سنة حفرو البير ودي طبعاً بالتقويم الهجري يقابلها بالتقويم الميلادي سنة حفرو البحر ، إنت مقبول في أى وقت وفي أى زمان بس ما تغيب تاني الغيبه الطويلة دي.
في غيابك وكوكبة الفرسان الدافنين دقن دون أسباب واضحة ظهر في المنبر الكثير من الأقلام الرائعة والكتابة الجميلة ، وبرضو في الجانب المظلم كان هناك الكثير من الضرب تحت الحزام وفي الصنقور والحرد ما يديك الدرب وبكري أبوبكر الما بعجبو بسوي أسمو أسود والله قدر ما تعمل كليك تاني ما تقدر تدخل ، وأخونا أب قوته لمن كترت الأمور دي صحي يوم من نومو ومشي المكتب وقبال ما يشرب الشاي ويخت السفه عيونو زغللن وشاف ليك الأزرق أسود وعمل ليك من الحبه بوست وقال يا ناس هوي دحين إسمي بالأسود ولا الأزرق والناس تشيل وتهدي وقول يا لطيف ووين ووين لمن أبو قته هدا وكتبنالو حجاب.
أبو جهينه وناديه عثمان ودكتور معز ودكتور سجيمان وخالد عويس وعبد الحميد البرنس ومنصور المفتاح وهاشم نوريت والنصري أمين وهشام مدني وودقاسم وعبد الرزاق الطالب وأب قوته - وآخرون كثيرون لهم العتبى لعدم ذكر أسمائهم – ما أنفكوا يعطرون سماوات البورد برقيق الكلم وطيبه . وقد عادت مؤخراً بت قضيم لتبدع وتمتع ، وعادت شيري أكثر ثرثرة وعاد ود شاموق بعد إستراحة محارب وعاد الحلاوي أكثر حلاوة ، وعادت توما وأبو ساندرا ومنوت.
والجاب كل هذه الكوكبة الرائعة وجابك يا بدر الدين يجب ناس أهل العوض ود. أبكر آدم إسماعيل ومحمد النور كبر
|
Post: #15
Title: Re: شغلتني عنكم زوجة القدر والثلاث الأواخر
Author: المعتمد
Date: 06-02-2005, 02:59 AM
Parent: #1
الاخ بدر الدين
سلام.
ان شاء الله تكون استمتعت بالاولاد وام الاولاد (فى الحقيقة بام الاولاد والاولاد).
انا طبعا مشيت مطار الشارقة ورفضوا يخلوهم يطلعوا لانه المدة اقل من عشرة ساعات. اتفقت مع مدير الخطوط العربية على ان اقابلهم فى بوابة الخروج فوافق وبعث معى احد عماله لاخبارهم. ناس بوليس جوازات المطار قالوا بعد تعب وملاححة ما عندهم مانع اقابلهم واسلم عليهم.
لانه حظى ما سمح العامل بحث عنهم فى الصالة لاكثر من 40 دقيقة وما لقاهم على ما اعتقد كانو فى المسجد او اخدوا راحتهم فى منطقة بعيدة عن الصالة.
كان بودنا ان نتشرف بمقابلتهم واكرامهم.
اها انت حالتك كيف بعد عودة الاولاد والوالدة الى البلد وعودتك انت الى منفاك الاختياري.
لك الود
والف باقة ورد
|
Post: #16
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-02-2005, 04:29 AM
Parent: #1
أبا ذر حبيبي ... سلام
| Quote: كنا منتظرين ضياك يفج العتمة ويشع بيناتنا جمال وسماحة وحروف ندية |
متعك الله بالصحة والعافية يا هطَّال
إنت هطَّال الجمال وأنا هـ(الطال) غيابي
لك حبي
الغالي عبدالله اللغز ..... سلام
| Quote: بس الان بعد الاولاد رجعوا التيس وامة حايفرقوا معاك |
والله فعلاً فرقوا معاي والدنيا بقت لي مسييييييييخة لكن أنا حا(أتيِّس) ليها
الحبيب جني ... سلام
| Quote: ولك عموم وخصوص حبنا أيها النبيل |
نبيل إنت وعسل إنت آآآآآآي
عزيزي هشام يا زول .... سلام
| Quote: مرحبابك يا أظرف زول فى المنبر وحبابك ألف |
أنا بلبس 42 والمقاس دا كبير علي .. لك حبي وتقديري
صديقي أبوقوتة .... سلام وإكرام
Quote: كنت بفتش ليك زى درع يقنى
من طعنة رمح... |
الله يديك العافية يا أحمد صديق ويحفظك من كل طعَّانٍ لعَّانٍ معتد أثيم
الأحمر حمزاوي ... سلام
ديار بني (تغلب) دي الرد كاسل ولا شنو؟؟؟
شقيقي أبوجهينة ... سلام مسلح
| Quote: هذه الثلاث شهور تساوي كل إجازاتك التي قضيتها بالسودان طيلة الثلاثة عشر سنة |
عرفتها كيف عليك الله؟؟؟ والله إنت شديد خلاس
الرشاشة عباس ... سلام
| Quote: تعال صاقرنا هنا تاني |
وأنا لاقي أصاقرك (صاقر معاك صقراً طويل كاتم العلي ...)
الشفيف محمد السر ... سلام وترحيب
| Quote: تيس دي قاصد بيها منو؟؟؟ |
إنت تايس ليك لي مشكلة ولا شنو؟؟؟
التيس تيسنا أنحنا أهلو بنستاهلو
لك أطيب حبي
المسافر حبي ليك ماليهو آخر ... سلام
Quote: خلينا نلملم علي بابا دة والأربعين حرامي
ونرجعهم لقواعدهم سالمين |
ديل كلفوك كم تيس؟؟؟
العزيز سعدالدين عبدالرحمن ... سلام وترحيب
والله دخلتك علي دي براها تفرح وتستاهل ليهاتيس شكراً أخي سعد
الحبيب القريب الملا عمر .... سلام وشوق
| Quote: والجاب كل هذه الكوكبة الرائعة وجابك يا بدر الدين يجب ناس أهل العوض ود. أبكر آدم إسماعيل ومحمد النور كبر |
والرحمابي كمان قول آمييين
ولدنا وقريبنا وحبيبنا و(نسيبنا) المعتمد العريس
أولاً مبروك العرس وكان مفروض أضرب ليك تلفون وابارك ليك لكن صدقني حالتي صعبة شديد وماري بي حالة عدم توازن وربنا يحفظ ليك مدامك ويسعدكم مع بعض
| Quote: كان بودنا ان نتشرف بمقابلتهم واكرامهم |
قد علمت بذلك من عمر ووالله ما بتقصر يا ابوحميد
لك ودي
|
Post: #17
Title: Re: شغلتني عنكم زوجة القدر والثلاث الأواخر
Author: ملكة سبأ
Date: 06-02-2005, 05:30 AM
Parent: #1
ياااااااااااااااا هلا بالطف نسمات المكان ...
إشراقك دليل عافية .. يامرحى ...
|
Post: #18
Title: Re: شغلتني عنكم زوجة القدر والثلاث الأواخر
Author: zola123
Date: 06-02-2005, 06:31 AM
Parent: #1
الحاج بدر الدين السمح
وعذرك مقبول
بس اناش الله ما تغير رأيك بعد ما تشوف حال المنبر الحر
|
Post: #19
Title: Re: شغلتني عنكم زوجة القدر والثلاث الأواخر
Author: سجيمان
Date: 06-02-2005, 02:22 PM
Parent: #1
بدر الدين.. صديقي
حبابك مليون..ومليون حبابك
|
Post: #20
Title: Re: شغلتني عنكم زوجة القدر والثلاث الأواخر
Author: صديق الموج
Date: 06-02-2005, 02:33 PM
Parent: #1
| Quote: وتحت ضغط المدام (زوجة القدر) والعيال (الثلاثة الأواخر) بعت التيس وأمه ولملمت باقي أطرافي وقطعت لي أربعة تذاكر على الخطوط العربية وجبتهم زيارة تلاتة شهور |
وان شاء الله زوجة القدر والثلاثة الاواخر رجعوا اربعة او زد عليهم قليلا خصوصا
انك كنت تقوم ناشئة الليل.
يا اخى ده عذر اوضح من الذنب ..اها النشوف الانقطاعة دى عندها اى سبب تانى
والحمد لله البعت التيس وامه ولم تبع الكمبيوتر والطابعة لانو قالو فى المثل
تيسين غرقوا المنبر..والله يا بدر الدين اشتهينا خستكتك وسربعتك وكربعتك وشناتك
الحلوة. الله يضر الماسنجر ما داير اقول الشالو ما يتنى وما يشيل خلافه...
بدر الدين عد الى القاعدة خصوصا الملا عمر فى انتظارك ونحن اشوق منه..
|
Post: #21
Title: Re: شغلتني عنكم زوجة القدر والثلاث الأواخر
Author: Sabri Elshareef
Date: 06-02-2005, 02:35 PM
Parent: #1
سلام لاماني وبدر الدين والعيال
كميات من الاشواق طال تذكارها ايها الانسان
سلام للحلاوين حته حته اخص مناقازا بلدك وبلد
محمد الامين خلف الله المدير سلام لناس ست الجيل
وادم احمد سليمان وسلام لهاشم وعجيب اولاد محمد نور
سلام لاحمد عبدالله وياسر والله يازا ال سبب هذه
الهجرة والتهجار .
سلام من والدتنا عشه واخواني واخواتي علي
راسهم سوسن وصداح
اخوك صبري الشريف
|
Post: #22
Title: Re: شغلتني عنكم زوجة القدر والثلاث الأواخر
Author: Elnasri Amin
Date: 06-02-2005, 10:35 PM
Parent: #1
الف حمدلله على السلامه بدرالدين
ومرحب بيك من جديد
|
Post: #24
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-02-2005, 11:04 PM
Parent: #22
أخي النصري سلامي وإحترامي
أشكرك على الترحيب وحروف الطيب ايها الأمين الحبيب
|
Post: #23
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-02-2005, 11:00 PM
Parent: #1
العفيفة الغالية بلقيس
سلامي وإحترامي وأشواقي
| Quote: إشراقك دليل عافية .. يامرحى ... |
الله يعافيك يا ملكتنا ويديك الفي مرادك
المحترمة زولة123
كيف حالك يا دكتورة؟؟؟
| Quote: بس اناش الله ما تغير رأيك بعد ما تشوف حال المنبر الحر |
يكفيني وجودكم بين الأعضاء وتفعيلكم للحوار في المنبر
بالمناسبة أنا زرت الإمارت ومعي زوجة القدر والثلاثة الأواخر وقعدنا إسبوع في أبوظبي ولكن ما حبيت أزعجكم
اللذيذ الظريف الكوميدي الساخر سجيمان
تحياتي وأشواقي
انا فخور بهذه الجملة
حبيب قلبي صديق الموج
مشتاقييييييييييييييييييييييين والله
| Quote: انك كنت تقوم ناشئة الليل. |
أنا الثلاثة الأواخر وإسبيستون خلو لي ناشئة ليل؟؟؟ ياخي ديل (نشأوا) ريقي
صبري محمد الحسن الشريف؟؟؟
لا لا لا لا لا لا
يا راجل إنت وين؟؟؟
وكيف أخبار الوالدة والأخوان صداح وصفوت وعلي والأخوات
أنا أحتاج لي مسنجر والمسنجر ما شغالة
خد هذا العنوان وارسلي كل ما تملك من معلومات عن أسرة العمراب خالاتك والأستاذ عزالدين والله يرحم حبوبتنا ست الجيل
أنا فرحان بيك شديد
أشكرك ومنتظر منك رسالة
|
Post: #25
Title: Re: شغلتني عنكم زوجة القدر والثلاث الأواخر
Author: newbie
Date: 06-02-2005, 11:10 PM
Parent: #23
مرحب مرحب بدرالدين
|
Post: #26
Title: Re: شغلتني عنكم زوجة القدر والثلاث الأواخر
Author: محمد السر
Date: 06-03-2005, 02:53 AM
Parent: #1
بدر أخوي
النوريك الناس العضوياتم ماتت هنا في المنبر، باقي إنت طولت الغيبة، وعشان ما تخش في لوم مع زول، من دربك دا تمشي تشيل الفاتحة
عضوية راوية
" بيان
" رجاء
" رودا
" تاج السر
" إبراهيم بقال
" علاء الدين
" عمر الفاروق
" جاد
" البرنس (عضويتو ما ماتت لكن دخلت الإنعاش وبعد دقينا الصيوان حيت تاني)
" عادل عبد العاطي طلعت ما ماتت، طلعت حية وجاتنا هنا جية إستثنائية ومشت، لكن الناس خافت منها.. قايلنها بعاتي
خلِّي بالك مَلَك الموت بتاع البورد إسمو بكير.. كان جاتك منّو رسالة إتشهَّد قبل تفتحا
|
Post: #27
Title: Re: شغلتني عنكم زوجة القدر والثلاث الأواخر
Author: مبيوع
Date: 06-03-2005, 03:05 AM
Parent: #1
يا الهليت فرحت قلوبنا
|
Post: #28
Title: Re: شغلتني عنكم زوجة القدر والثلاث الأواخر
Author: Dr. Moiz Bakhiet
Date: 06-03-2005, 03:31 AM
Parent: #27
اليوم السعيد الليلة جابك والله..
|
Post: #29
Title: Re: شغلتني عنكم زوجة القدر والثلاث الأواخر
Author: مريم بنت الحسين
Date: 06-03-2005, 07:02 AM
Parent: #1
مرحب مرحب مرحب بيك أستاذنا.. سعيدين جداً ليك وبيك.. ومرحب بيك...
بنت الحسين
|
Post: #30
Title: Re: شغلتني عنكم زوجة القدر والثلاث الأواخر
Author: Tumadir
Date: 06-03-2005, 07:19 AM
Parent: #29
ياجماعه زول يمسك لى الكيبورد ده ....عندى زول عزيز على جه دايره اسالمو
من ما شفت الشناة مقاس اتنين واربعين عينى بدت ترف فينى وعرفتو ده هو....
بدرالدييييييييييييييييييييييييييييين .....
الله يسلمك الله يبارك فيك الله يعافيك الجيت منهم ؟الوليدات ؟؟ معاك هنا؟؟ البركة والله ...وينهم هم ؟؟ جايين فى البوست الجايى؟؟كيفنك يبارك فيك لله يسلمك لله يعافيك الجماعه كلهم طيبين تشوفك العافية بركة الشفناك الوليدات ان شا الله طيبين ..كيبوردك؟؟ خواجتك؟؟ الغنم؟؟ الطيارة حارة؟؟ ام وليداتك طيبة؟؟ كدى اتفضل على العنقريب..الله يسلمك الله يبارك فيك ..ياحليلك والله ليك وحشة الجيت منهم الجماعه كلهم كويسين نعل ما تعبتو فى السفر ..الحى بيلاقى شديدين كدى عليكم الله وحلاتو ده عمرو كم؟؟ والشيبة الفى راسو دى شنو؟؟ ههههه كيفنكم الله يسلمك ..اهلا يا امى شديدة انتى ؟؟ الراجل ده ضعفتيه كدى بشنو؟؟ نعل ما مشلهتاه معاك؟؟ حلاتا يا ناشى البنية كبرت ...بتمشى المدرسة انتى؟؟ جيتى الكم اخر مرة ؟؟ زده الاشتراه ليك منو؟؟ بابا الشين ده؟؟ احسن هنا ولا السودان؟؟ احسن وين؟؟ اشربو عليكم الله اتفضلوا...مدى كرعينك عليك الله ...انتكى يابدر الدين ... تسلمو...من كل بلا اظنكم تعبتو فى السفرة دة ...يابنات جيبو الغدا الناس دى ميته بالجوع ..الحى بلاقى................. ................الخ
|
Post: #49
Title: Re: شغلتني عنكم زوجة القدر والثلاث الأواخر
Author: عبدالماجد فرح يوسف
Date: 06-07-2005, 05:05 PM
Parent: #30
يا تماضر دحين ده مو ياهو البقولولو شنا
يازولا ها كامل الدسم الليل السعودية دا ما ببرا الشنا تب
|
Post: #31
Title: Re: شغلتني عنكم زوجة القدر والثلاث الأواخر
Author: صديق الموج
Date: 06-03-2005, 11:14 PM
Parent: #1
تماضر ده كله سلام ولا كباية ليمون لاهزة كانون
انت يجيك ضيف العدو
تماضر لا حولة ولاقوة الزول مابكون نفسو انقطع لما يقعد
ده شنو؟؟
انا كنت داير اصلك وابارك لى سارية
لكن حرمان كراعى دى ما بشيلها عليك!!!!
|
Post: #32
Title: Re: شغلتني عنكم زوجة القدر والثلاث الأواخر
Author: garjah
Date: 06-04-2005, 00:33 AM
Parent: #1
البدري حلا
والله مشتاقييييين
صدقني جميلا فعلت وانا متاكد ان اواب وربا
سيعودون بحكاوي اجمل عن بابا وايامهم مع بابا
ربنا يحفظك ليهم يا البدري
|
Post: #34
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-04-2005, 01:21 AM
Parent: #32
الجنا البريدو قرجة
سلام وإكرام والشوق أكوام
| Quote: ربنا يحفظك ليهم يا البدري |
ويحفظك إنت يا اعز عزيز
|
Post: #33
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-04-2005, 01:16 AM
Parent: #1
العزيييييييييييييييز نيوبي ... سلام وشوق
| Quote: مرحب مرحب بدرالدين |
شكراً شكراً نيوبي
الغالي محمد السر.... سلامي وخوفي
| Quote: خلِّي بالك مَلَك الموت بتاع البورد إسمو بكير |
لسة (بكير) على الكلام دا
صديقي ياسر مبيوع.... سلام كتير
| Quote: يا الهليت فرحت قلوبنا |
وفرحة قلبي أنا كيف بعد كلامك الحلو دا؟؟؟
الشفيف الشاعر الدكتور الصديق معز.... سلام وإشتياق
| Quote: اليوم السعيد الليلة جابك والله.. |
وليه فرحان كدا طالبني قروش ولا شنو؟؟؟
الظريفة مريم بنت الحسين .... سلامي وتقديري
| Quote: سعيدين جداً ليك وبيك.. ومرحب بيك... |
ديل غرفتيهن من حلة شبيك لبيك؟؟؟
صديقتي شديييييييييييييد تماضر
سلامي وشوقي ليك ومباركتي لي سارية
لكن يا تماضر ما رحَّابة عديل كدا ... الله يرحبك ويغفر ليك
والله مشتاق ليك يا تماضر القدر .. أها قصرت معاك؟؟؟
صديق الموج سلام
| Quote: ولا كباية ليمون لاهزة كانون |
ذكرتني جلال الصحافة الله يطراه بالخير بتشبه مفرداته
لكن يا صديق ما تحرم تماضر من كراعك سارية بستاهل المباركا
|
Post: #35
Title: Re: شغلتني عنكم زوجة القدر والثلاث الأواخر
Author: waleedi399
Date: 06-04-2005, 03:41 AM
Parent: #1
| Quote: أها بتقبلوني لو رجعت ليكم؟؟؟ |
بدر الدين ..
بركة الجيت .. انا كنت منتظر اشوف الردود الفوق دي بتصل وين ولسه ماشه ..
دي اجابة على سؤالك اعلاه، اها لقيت الناس كيف قالوا بقبلوا ولا لا؟؟؟
خالص محبتي ..
|
Post: #36
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-05-2005, 04:38 AM
Parent: #1
الغالي وليد400-1
سلامي وإحترامي
| Quote: اها لقيت الناس كيف قالوا بقبلوا ولا لا؟؟؟ |
طيب إذا قلنا الناس الرحبوا بي 30 شخص وحسب تقديري لهم فترحيب كل واحد منهم يساوي 100 ترحيب فيصير العدد 3000 ترحيب + وليد399 يصبح العدد 3399 وهذا يكفي لقبولي
لك التحية الكبييييييييييييييرة
|
Post: #37
Title: Re: شغلتني عنكم زوجة القدر والثلاث الأواخر
Author: عبد المنعم سيد احمد
Date: 06-05-2005, 05:50 AM
Parent: #36
الصديق
بدر الدين
مرحبا بالطلة الغالية
ونتمنى ليك السعادة الدائمة
وكان فى بوردابى مغرووووود فيك
ويفتش لى اغانى عبد الله محمد
وقلت ليه والله الا تلم فى بدر الدين ده
ياهو الكان البغنى لينا الاغنى دى زماااااااااااان
وحليل زمن الحنان يابا..تجف دمعة وتسيل دمعة
والزول كان يرضى كان يابى
|
Post: #38
Title: Re: شغلتني عنكم زوجة القدر والثلاث الأواخر
Author: ود عقاب
Date: 06-05-2005, 06:20 AM
Parent: #1
429 مشاهد
36 رد
عينه بارده
مشتاقين يا صديقى العزيز
بجى راجع تانى
|
Post: #39
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-05-2005, 10:09 PM
Parent: #1
صديقي وزميلي والزمن الجميل عبدالمنعم سيد أحمد
سلامي وإشتياقي
| Quote: وقلت ليه والله الا تلم فى بدر الدين ده |
حليل زمن بدرالدين يابا ... تجف دمعة وتسيل دمعة
لك تقديري
المحبوب الحبَّوب ود عقاب
حركة البورد الدائبة من أجل التواصل
سلامي وإحتفائي
تعال لي يا ود أمي منها أبل شوقي ومنها زيادة عدد الزوار وزيادة الردود وعينك باردة يا ضمرة
|
Post: #40
Title: Re: شغلتني عنكم زوجة القدر والثلاث الأواخر
Author: تولوس
Date: 06-05-2005, 10:23 PM
Parent: #39
اخي بدر الدين مكانك شاغر بالقلب ... الف حمد الله علي السلامة وعودا حميدا
|
Post: #41
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-05-2005, 11:55 PM
Parent: #1
العزيز الغالي تولوس
سلام يناطح السحاب
| Quote: اخي بدر الدين مكانك شاغر بالقلب |
يعمر قلبك بالإيمان إن شاءالله وتفوز برضاه ورضى خلقه .... آميييييييييييييين
|
Post: #42
Title: Re: شغلتني عنكم زوجة القدر والثلاث الأواخر
Author: Habib_bldo
Date: 06-06-2005, 02:03 AM
Parent: #41
حقيقة المنبر نور بعودتك يا بدر الدين
وارجو ان لا تشغلك شاغل ولا تحرمنا من كتاباتك الشيقة
|
Post: #43
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-06-2005, 04:16 AM
Parent: #1
الحبيب حبيب بلدو وحبيبي أنا كمان
| Quote: حقيقة المنبر نور بعودتك يا بدر الدين |
المنبر منور بأهله من أمثالك يا حبيب ... شكري وتقديري لأحرفك الطيبات
|
Post: #44
Title: Re: شغلتني عنكم زوجة القدر والثلاث الأواخر
Author: زول ساكت
Date: 06-06-2005, 04:41 AM
Parent: #43
حبابك يابدر
عذرك مقبول وربنا يحفظهم ليك ويحفظك لهم ولنا
|
Post: #45
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-07-2005, 00:56 AM
Parent: #1
الحبيب الجميل زول ساكت
سلامي وفرحتي بطلتكم
| Quote: عذرك مقبول وربنا يحفظهم ليك ويحفظك لهم ولنا |
عندك كل هذا الجمال و(ساكت) يا زول
|
Post: #46
Title: Re: شغلتني عنكم زوجة القدر والثلاث الأواخر
Author: Sabri Elshareef
Date: 06-07-2005, 05:41 AM
Parent: #1
يابدرالدين
صداح يسلم كثير جدا عليك كذلك عاشه بت علي العمرابي
ارسل لنا تلفونك علي هذا الايميل [email protected]
|
Post: #47
Title: Re: شغلتني عنكم زوجة القدر والثلاث الأواخر
Author: almulaomar
Date: 06-07-2005, 09:01 AM
Parent: #46
أووووعك يا بدر الدين صبري ده حا يدقسك لو أديتو تلفونك ويجيب ليك الهوا
|
Post: #48
Title: Re: شغلتني عنكم زوجة القدر والثلاث الأواخر
Author: بلدى يا حبوب
Date: 06-07-2005, 09:46 AM
Parent: #1
الاخ/ بدرالدين
ذى ما قال الفنان وردى
هجرة عصافير الخريف فى موسم الشوق الحلو ....
وهاانت تعودالينا فى الخريف فمرحب بك وانت رقم لا يمكن تجاوزه فى البورد
عدت وعادت اشراقاتك
الف حمد الله على السلامة
تحياتى
|
Post: #50
Title: Re: شغلتني عنكم زوجة القدر والثلاث الأواخر
Author: عبدالماجد فرح يوسف
Date: 06-07-2005, 05:08 PM
Parent: #1
يا بدر بركة الجيتنا طيب
وبركه الربنا جمعك بي وليداتك
وبركة اللقيتم ولقوك طيبين
والله جد إفتقدناك
|
Post: #51
Title: Re: شغلتني عنكم زوجة القدر والثلاث الأواخر
Author: عبدالماجد فرح يوسف
Date: 06-07-2005, 05:08 PM
Parent: #1
يا بدر بركة الجيتنا طيب
وبركه الربنا جمعك بي وليداتك
وبركة اللقيتم ولقوك طيبين
والله جد إفتقدناك
|
Post: #52
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-07-2005, 09:57 PM
Parent: #1
القريب صبري الشريف
سلام معطون شوق
| Quote: صداح يسلم كثير جدا عليك كذلك عاشه بت علي العمرابي |
الله يسلم الجميع ويلم شملنا حتى نعيد بعض تلك اللحظات
حبيب عمري ملا عمر
ليك أطيب المشاعر
| Quote: أووووعك يا بدر الدين صبري ده حا يدقسك لو أديتو تلفونك ويجيب ليك الهوا |
لا تخف علي يا ملا عمر فعلاقتي بصبري علاقة صداقة مع اسرة بكاملهاولم أجد عندهم إلا رائحة المسك وأسال المولى أن تكون الصدفة حاضرة حتى نلتقي جميعا في دارك أو دارهم
بلدي يا حبوب يااااااااااااااه
سعدت سعادة غامر بحروفك وترحيبك فأنت الشامخ المحبوب
| Quote: وهاانت تعودالينا فى الخريف فمرحب بك وانت رقم لا يمكن تجاوزه فى البورد |
أشكرك على هذا الدفء والكلمات الطيبات
الصديق العريس عبدالماجد فرح
سلامي وإحترامي وحلو كلامي وشكري على الترحيب
أنتما
|
Post: #53
Title: Re: شغلتني عنكم زوجة القدر والثلاث الأواخر
Author: عبدالماجد فرح يوسف
Date: 06-08-2005, 08:44 AM
Parent: #52
نعم نحنما
|
Post: #54
Title: Re: شغلتني عنكم زوجة القدر والثلاث الأواخر
Author: adel alsaed
Date: 06-08-2005, 10:58 AM
Parent: #1
الاخ والصديق الحميم بدر
اسأل عليك الليل ونجمو وحتى انوار الصباح
وينك واللة مشتاق لسماع اخبارك وعايزك فى ونسة خاصة لاجترار الذكريات 00 وكمان مرة قدر واولاد 00
لالالا دى عايزة جلسة طويلة 0
عادل السعيد
|
Post: #55
Title: Re: شغلتني عنكم زوجة القدر والثلاث الأواخر
Author: توما
Date: 06-08-2005, 02:04 PM
Parent: #1
يا نشـــأه
بركه الجيت شديـــد
نحنما برضو
|
Post: #56
Title: Re: شغلتني عنكم زوجة القدر والثلاث الأواخر
Author: ودرملية
Date: 06-08-2005, 04:36 PM
Parent: #55
سلامات
وعوافي
جينا ليك والشوق بدرنا ....
والله ياشنا مشتاق ليك لما روحي مويجعاني ..
لك المودة وفراسخ العتمة طوتها بشائر قدومك فصرنا كالذي التحف الضياء ..
محبتي عالية حتي السماء ..
وكل (متايسة) وانت بالف خير ومحبة ..
|
Post: #57
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-08-2005, 11:59 PM
Parent: #1
الشفيف عبدالماجد ... سلام
نحنما ونحنحة الأشواق؟؟؟
الاخ والصديق الحميم عادل سماحة
شوقي ليك طال يا روحي
| Quote: وعايزك فى ونسة خاصة لاجترار الذكريات |
قلت لي الجماعة بعاينوا كيف؟؟؟
يارب نلتقي أنا وعادل السعيد وبقية العقد الفريد
ياخي حاول نط الجبال البيناتنا دي وتعال لي عمان
لك حبي وإشتهائي
العفيفة توما
إنتو قافلين باب بيتكم بي (ما) دي ما دايرين زول يدخل عليكم ولا شنو؟؟؟
حبيبي لزم ود رملية
ياخي أنا أكتر من مشتاق
جينا ليك والشوق رملنا ....
| Quote: والله ياشنا مشتاق ليك لما روحي مويجعاني .. |
كُر علي ياود أمي من وجع الروح
وربنا يجمعنا في اللحظات الحلوة الجميلة وتقبل شكري وتقديري وإشتياقي لك ولرفاعة
|
Post: #58
Title: Re: شغلتني عنكم زوجة القدر والثلاث الأواخر
Author: Sabri Elshareef
Date: 06-09-2005, 09:55 AM
Parent: #1
بدر الدين
كيف حالك وحال الناس عموم
اسال عن ياسر عبد الله وشقيقه احمد كذلك محمد الامين خلف الله
او حلة كما يناديه الجميع انا وصداح نسكن مع بعض وهو تزوج
له بنت اسمها منية وولد اسمو سامي ومدلع باسم الشريف
شكرا في عزاءك لنا وست الجيل بالنسبة لك كما هي لنا احساس واحد
ننتظر ان تتصل بنا علي عنواننا او هذا التلفون 9737590920
شكرا لك شوووووووووووووووق واشواق
|
Post: #59
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-10-2005, 10:17 PM
Parent: #1
أخي الأصغر صبري الشريف
سلامي وإحترامي وإشتياقي
ياسر عبدالله في ليبيا وأحمد شقيقه في أمريكا وإبن عمي محمد الأمين (حلة) في الخرطوم
سعدت كثيراً بأخبار صديقي الحميم صداح ومبروك ليهو العرس وتحياتي له ولعروسته وأبنائه منية وسامي (الشريف) وأسال الله أن يجمعنا وإن غداً لناظره قريب
| Quote: ننتظر ان تتصل بنا علي عنواننا او هذا التلفون 9737590920 |
والله حاولت وحاولت وكل مرة تجيني رسالة تقول (الهاتف الذي إتصلت به لم يتم توصيله .. الرجاء مراجعة دليل الهاتف والإتصال مرة أخرى) وأنا ما عندي دليل هاتف غيرك فالرجاء مراجعة الرقم وإفادتي أما رقم تلفوني أنا فهو
0096824386861
ولك ولصداح والأسرة الكريمة الصغيرة والكبيرة أجمل التحايا
ملحوظة
إنتو قاعدين في البحرين ولا شنو شايف الرقم بادي بي 973؟؟؟
|
Post: #60
Title: Re: شغلتني عنكم زوجة القدر والثلاث الأواخر
Author: بت قضيم
Date: 06-12-2005, 01:34 AM
Parent: #1
لك وحشة والله وسلامي للأسرة الكريمة
|
Post: #61
Title: Re: شغلتني عنكم زوجة القدر والثلاث الأواخر
Author: بدرالدين شنا
Date: 06-12-2005, 11:43 PM
Parent: #1
العزيزة الغالية بت قضيم
| Quote: لك وحشة والله وسلامي للأسرة الكريمة |
ما تشوفيش وحش وتقبلي تحيات الأسرة
وربنا يرحم الفنان الكبير الفاضل سعيد (بت قضيم) ويسكنه فسيح جناته
شكري وشوقي
|
|