Post: #1
Title: كيف الدخول إلى مكتبة الفساد في هذا الموقع ؟؟؟؟؟
Author: ABU QUSAI
Date: 03-04-2006, 03:44 AM
سمعت الكثير عن الفساد الذي توثق له مكتبة الفساد في موقع سودانيزاونلاين ، وحكاوي السودانيين عن مستوى الفساد الذي يزكم الأنوف الذي تحكي عنه تلك المكتبة ، حاولت الدخول لأقرأ عن بعض تلك الحكاوي ولكن للأسف جاءتني رسالة تقول ليس لديك إذن بالدخول ، فكيف الحصول على ذاك الإذن يا صاحب الدار ، أو من يعرف سبب ذلك المنع يخبرنا . وهل الدخول لتلك المكتبة يحتاج لإشتراك خاص أم هي مباحة للجميع . مع خالص تحياتي وودي لصاحب الدار الأخ بكري أبو بكر ولكم جميعا .
|
Post: #2
Title: Re: كيف الدخول إلى مكتبة الفساد في هذا الموقع ؟؟؟؟؟
Author: bayan
Date: 03-04-2006, 04:05 AM
Parent: #1
يمسكوك وزارة تضربها ولا سفارة لا قروش التموين ولا الاقليم الجنوبي
تلقي طوالي اسمك هناك
كيفك يا ابو قصي.. بسلم وبس
..
|
Post: #3
Title: Re: كيف الدخول إلى مكتبة الفساد في هذا الموقع ؟؟؟؟؟
Author: ABU QUSAI
Date: 03-04-2006, 06:41 AM
Parent: #2
أهلين يا دكتورة ، مشرفة والله .
عندي واحد بلدياتي من الفاسدين والمفسدين في نظام الإنقاذ وهو حتة عسكري أمن ما يسوى حاجة قالوا لي اسمه ورد في مكتبة الفساد ، وعقبال عندكم قالوا بعد ما تزوج - المرة الثانية - سجل لكل واحدة من المرتين عمارة في الخرطوم باسمها أها شنو رأيك في عرسة زي دي يا دكتورة ..... وقالوا لي جايبين صور العمارتين في مكتبة الفساد في سودانيزأونلاين لكن للأسف المكتبة أبت تفتح معاي .... عايز مساعدة .
تشكري على الطلة يا دكتور وخليك قريبة عشان ندخل المكتبة سوا ..
أبوقصي
|
Post: #4
Title: Re: كيف الدخول إلى مكتبة الفساد في هذا الموقع ؟؟؟؟؟
Author: bayan
Date: 03-04-2006, 09:07 AM
Parent: #3
العزيز ابو قصي
شكرا للطفك المتناهي المقدر عاليا.....
| Quote: وعقبال عندكم قالوا بعد ما تزوج - المرة الثانية - سجل لكل واحدة من المرتين عمارة في الخرطوم باسمها أها شنو رأيك في عرسة زي دي يا دكتورة |
هكذا عرسات تهز الحاجة بت حسن راسها لليمين و الشمال وتقول يا يمة عرسة البنيات..
ما دام الدور فاتنا في العرسات ام عمارات دي( طوالي ناس الكتب مفلسين).. الزول دا ما عايز يكمل الكوتة نعرس ليه بتي ويسجل ليها عمارة؟
اها عاد وكتين تلقاها قولي عوك..
|
Post: #5
Title: Re: كيف الدخول إلى مكتبة الفساد في هذا الموقع ؟؟؟؟؟
Author: ABU QUSAI
Date: 03-05-2006, 02:33 AM
Parent: #4
تشكري يا دكتور بيان على المجاملة والله غيرك زول هببه لي مافي . لكن الله أخير منهم المكتبة فتحت معاي . ولقيت قريبي والله شيء يخل كله كله . نسأل الله العفو والعافية والستر .
وبنتك أعيذيها بالله من عرسان زي ديل .
تشكري ولك مودتي
أبو قصي
|
Post: #6
Title: Re: كيف الدخول إلى مكتبة الفساد في هذا الموقع ؟؟؟؟؟
Author: bayan
Date: 03-05-2006, 02:39 AM
Parent: #5
بالله فتحت معاك؟
انا سمعت انه نسبة لان التوثيق به كثير من الهجم والردم وقطع الراس تم حظرها..
يازول انت عندك واسطة قوية...فترة بزازي عايزة افتحها وغلبتني..
في قصة بتي بضحك معاك ساكت نحنا بتاعين اذا ارتضيتم دينه.. ما تخاف..
وشكرا لك على اللطف
|
|